॥ Eka Mukha Hanumath Kavacham Bengali Lyrics ॥
॥ একাদশমুখহনুমত্কবচম্ ॥
শ্রীগণেশায় নমঃ ।
লোপামুদ্রা উবাচ ।
কুম্ভোদ্ভব দয়াসিন্ধো শ্রুতং হনুমতঃ পরম্ ।
য়ন্ত্রমন্ত্রাদিকং সর্বং ত্বন্মুখোদীরিতং ময়া ॥ ১ ॥
দয়াং কুরু ময়ি প্রাণনাথ বেদিতুমুত্সহে ।
কবচং বায়ুপুত্রস্য একাদশমুখাত্মনঃ ॥ ২ ॥
ইত্যেবং বচনং শ্রুত্বা প্রিয়ায়াঃ প্রশ্রয়ান্বিতম্ ।
বক্তুং প্রচক্রমে তত্র লোপামুদ্রাং প্রতি প্রভুঃ ॥ ৩ ॥
অগস্ত্য উবাচ ।
নমস্কৃত্বা রামদূতাং হনুমন্তং মহামতিম্ ।
ব্রহ্মপ্রোক্তং তু কবচং শৃণু সুন্দরি সাদরম্ ॥ ৪ ॥
সনন্দনায় সুমহচ্চতুরাননভাষিতম্ ।
কবচং কামদং দিব্যং রক্ষঃকুলনিবর্হণম্ ॥ ৫ ॥
সর্বসম্পত্প্রদং পুণ্যং মর্ত্যানাং মধুরস্বরে ।
ওঁ অস্য শ্রীকবচস্যৈকাদশবক্ত্রস্য ধীমতঃ ॥ ৬ ॥
হনুমত্স্তুতিমন্ত্রস্য সনন্দন ঋষিঃ স্মৃতঃ ।
প্রসন্নাত্মা হনূমাংশ্চ দেবতা পরিকীর্তিতা ॥ ৭ ॥
ছন্দোঽনুষ্টুপ্ সমাখ্যাতং বীজং বায়ুসুতস্তথা ।
মুখ্যঃ প্রাণঃ শক্তিরিতি বিনিয়োগঃ প্রকীর্তিতঃ ॥ ৮ ॥
সর্বকামার্থসিদ্ধ্যর্থং জপ এবমুদীরয়েত্ ।
ওঁ স্ফ্রেং-বীজং শক্তিধৃক্ পাতু শিরো মে পবনাত্মজঃ ॥ ৯ ॥
ক্রৌং-বীজাত্মা নয়নয়োঃ পাতু মাং বানরেশ্বরঃ ।
ক্ষং-বীজরূপঃ কর্ণৌ মে সীতাশোকবিনাশনঃ ॥ ১০ ॥
গ্লৌং-বীজবাচ্যো নাসাং মে লক্ষ্মণপ্রাণদায়কঃ ।
বং-বীজার্থশ্চ কণ্ঠং মে পাতু চাক্ষয়কারকঃ ॥ ১১ ॥
ঐং-বীজবাচ্যো হৃদয়ং পাতু মে কপিনায়কঃ ।
বং-বীজকীর্তিতঃ পাতু বাহূ মে চাঞ্জনীসুতঃ ॥ ১২ ॥
হ্রাং-বীজো রাক্ষসেন্দ্রস্য দর্পহা পাতু চোদরম্ ।
হ্রসৌং-বীজময়ো মধ্যং পাতু লঙ্কাবিদাহকঃ ॥ ১৩ ॥
হ্রীং-বীজধরঃ পাতু গুহ্যং দেবেন্দ্রবন্দিতঃ ।
রং-বীজাত্মা সদা পাতু চোরূ বার্ধিলংঘনঃ ॥ ১৪ ॥
সুগ্রীবসচিবঃ পাতু জানুনী মে মনোজবঃ ।
পাদৌ পাদতলে পাতু দ্রোণাচলধরো হরিঃ ॥ ১৫ ॥
আপাদমস্তকং পাতু রামদূতো মহাবলঃ ।
পূর্বে বানরবক্ত্রো মামাগ্নেয়্যাং ক্ষত্রিয়ান্তকৃত্ ॥ ১৬ ॥
দক্ষিণে নারসিংহস্তু নৈঋর্ত্যাং গণনায়কঃ ।
বারুণ্যাং দিশি মামব্যাত্খগবক্ত্রো হরীশ্বরঃ ॥ ১৭ ॥
বায়ব্যাং ভৈরবমুখঃ কৌবের্যাং পাতু মাং সদা ।
ক্রোডাস্যঃ পাতু মাং নিত্যমৈশান্যাং রুদ্ররূপধৃক্ ॥ ১৮ ॥
ঊর্ধ্বং হয়াননঃ পাতু গুহ্যাধঃ সুমুখস্তথা ।
রামাস্যঃ পাতু সর্বত্র সৌম্যরূপো মহাভুজঃ ॥ ১৯ ॥
ইত্যেবং রামদূতস্য কবচং য়ঃ পঠেত্সদা ।
একাদশমুখস্যৈতদ্গোপ্যং বৈ কীর্তিতং ময়া ॥ ২০ ॥
রক্ষোঘ্নং কামদং সৌম্যং সর্বসম্পদ্বিধায়কম্ ।
পুত্রদং ধনদং চোগ্রশত্রুসংঘবিমর্দনম্ ॥ ২১ ॥
স্বর্গাপবর্গদং দিব্যং চিন্তিতার্থপ্রদং শুভম্ ।
এতত্কবচমজ্ঞাত্বা মন্ত্রসিদ্ধির্ন জায়তে ॥ ২২ ॥
চত্বারিংশত্সহস্রাণি পঠেচ্ছুদ্ধাত্মকো নরঃ ।
একবারং পঠেন্নিত্যং কবচং সিদ্ধিদং পুমান্ ॥ ২৩ ॥
দ্বিবারং বা ত্রিবারং বা পঠন্নায়ুষ্যমাপ্নুয়াত্ ।
ক্রমাদেকাদশাদেবমাবর্তনজপাত্সুধীঃ ॥ ২৪ ॥
বর্ষান্তে দর্শনং সাক্ষাল্লভতে নাত্র সংশয়ঃ ।
য়ং য়ং চিন্তয়তে চার্থং তং তং প্রাপ্নোতি পূরুষঃ ॥ ২৫ ॥
ব্রহ্মোদীরিতমেতদ্ধি তবাগ্রে কথিতং মহত্ ॥ ২৬ ॥
ইত্যেবমুক্ত্বা বচনং মহর্ষিস্তূষ্ণীং বভূবেন্দুমুখীং নিরীক্ষ্য ।
সংহৃষ্টচিত্তাপি তদা তদীয়পাদৌ ননামাতিমুদা স্বভর্তুঃ ॥ ২৭ ॥
॥ ইত্যগস্ত্যসারসংহিতায়ামেকাদশমুখহনুমত্কবচং সম্পূর্ণম্ ॥
– Chant Stotras in other Languages –
Sri Anjaneya Kavacham » Eka Mukha Hanumath Kavacham Lyrics in Sanskrit » English » Gujarati » Kannada » Malayalam » Odia » Telugu » Tamil