॥ Aghoramurti Sahasranamavali Bengali Lyrics ॥
॥ অঘোরমূর্তিসহস্রনামস্তোত্রম্ ॥
অথ অঘোরমূর্তিসহস্রনাম লিখ্যতে –
ওঁ শ্রীং হ্রীং ক্লীং সৌঃ ক্ষ্মীং ঘোর ঘোরায় জ্বল জ্বল
প্রজ্বল প্রজ্বল অঘোরাস্ত্রায় ফট্ স্বাহা ।
। ইতি মূলম্ ।
শ্রীভৈরবী উবাচ –
ভগবন্সর্বধর্মজ্ঞ বিশ্বাভয়বরপ্রদ ।
সর্বেশ সর্বশাস্ত্রজ্ঞ সর্বাতীত সনাতন ॥ ১ ॥
ত্বমেব পরমং তত্ত্বং ত্বমেব পরমং পদম্ ।
ত্বত্তোঽপ্যন্যং ন পশ্যামি সারং সারোত্তমোত্তমম্ ॥ ২ ॥
পুরাঽস্মাকং বরো দত্তো দেবদানবসঙ্গরে ।
তদদ্য কৃপয়া শম্ভো বরং নাথ প্রয়চ্ছ মে ॥ ৩ ॥
শ্রীভৈরব উবাচ –
ভৈরবি প্রেয়সি ত্বং মে সত্যং দত্তো বরো ময়া ।
য়দদ্য মনসাভীষ্টং তদ্যাচস্ব দদাম্যহম্ ॥ ৪ ॥
শ্রীদেবী উবাচ –
শ্রীশিবঃ পরমাত্মা চ ভৈরবোঽঘোরসংজ্ঞকঃ ।
ত্রিগুণাত্মা মহারুদ্রস্ত্রৈলোক্যোদ্ধরণক্ষমঃ ॥ ৫ ॥
তস্য নামসহস্রং মে বদ শীঘ্রং কৃপানিধে ।
বরমেতন্মহাদেব দেহি সত্যং মদীপ্সিতম্ ।
অস্মাদ্বরং ন য়াচেঽহং দেহি চেদস্তি মে দয়া ॥ ৬ ॥
শ্রীভৈরব উবাচ –
শৃণুষ্বৈকান্তভূদেশে সানৌ কৈলাসভূভৃতঃ ।
দেবদানবসঙ্গ্রামে য়ত্তে দত্তো বরো ময়া ।
বরং তত্তে প্রয়চ্ছামি চান্যদ্বরয় মে বরম্ ॥ ৭ ॥
শ্রীদেবী উবাচ –
অতঃ পরং ন য়াচেঽহং বরমন্যন্মহেশ্বর ।
কৃপয়া করুণাম্ভোধে বদ শীঘ্রং সুরার্চিত ॥ ৮ ॥
শ্রীভৈরব উবাচ –
তব ভক্ত্যা ব্রবীম্যদ্য অঘোরস্য মহাত্মনঃ ।
নাম্নাং সহস্রং পরমং ত্রৈলোক্যোদ্ধরণক্ষমম্ ॥ ৯ ॥
নাতঃ পরতরা বিদ্যা নাতঃ পরতরঃ স্তবঃ ।
নাতঃ পরতরং স্তোত্রং সর্বস্বং মম পার্বতি ॥ ১০ ॥
অকারাদি ক্ষকারান্তা বিদ্যানিধিমনুত্তমম্ ।
বীজমন্ত্রময়ং গোপ্যং গোপ্তব্যং পশুসঙ্কটে ॥ ১১ ॥
ওঁ অস্য শ্রীঅঘোরমূর্তিনামসহস্রস্য শ্রীমহাকালভৈরব ঋষিঃ,
পঙ্ক্তি ছন্দঃ, অঘোরমূর্তিঃ পরমাত্মা দেবতা ।
ওঁ বীজং, হ্রীং শক্তিঃ, কুরু কুরু কীলকম্ ।
অঘোর বিদ্যাসিদ্ধ্যর্থে জপে পাঠে বিনিয়োগঃ ।
অথ ন্যাসঃ –
হ্রাং অঙ্গুষ্ঠভ্যাং নমঃ ।
হ্রীং তর্জনীভ্যাং নমঃ ।
হ্রূঁ মধ্যমাভ্যাং নমঃ ।
হ্রৈং অনামিকাভ্যাং নমঃ ।
হ্রৌং কনিষ্ঠিকাভ্যাং নমঃ ।
হ্রঃ করতলকরপৃষ্ঠাভ্যাং নমঃ ।
এবং হৃদয়াদি ষডঙ্গন্যাসঃ ।
অপি চ-
ওঁ নমো ভগবতে অঘোরায় শূলপাণয়ে স্বাহা হৃদয়ায় নমঃ ।
রুদ্রায়ামৃতমূর্তয়ে মাং জীবয় জীবয় শিরসে স্বাহা ।
নীলকণ্ঠায় চন্দ্রজটিনে শিখায়ৈ বষট্ ।
ত্রিপুরান্তকায় কবচায় হুম্ ।
ত্রিলোচনায় ঋগ্যজুঃসামমূর্তয়ে নেত্রাভ্যাং বৌষট্ ।
রুদ্রায়াগ্নিত্রয়ায় জ্বল জ্বল মাং রক্ষ রক্ষ
অঘোরাস্ত্রায় হুং ফট্ স্বাহা । অস্ত্রায় ফট্ ।
ইতি হৃদয়াদি ষডঙ্গন্যাসঃ এবং করন্যাসঃ ।
ভূ র্ভুবঃ স্বরিতি দিগ্বন্ধঃ ।
অথ ধ্যানম্ ।
শ্রীচন্দ্রমণ্ডলগতাম্বুজপীতমধ্যে
দেবং সুধাস্রবিণমিন্দুকলাধরং চ ।
শুদ্ধাক্ষসূত্রকলশামৃতপদ্মহস্তং
দেবং ভজামি হৃদয়ে ভুবনৈকনাথম্ ॥
অপি চ –
মহাকায়ং মহোরস্কং মহাদংশং মহাভুজম্ ।
সুধাস্যং শশিমৌলিং চ জ্বালাকেশোর্ধ্ববন্ধনম্ ॥
কিঙ্কিণীমালয়া য়ুক্তং সর্পয়জ্ঞোপবীতিনম্ ।
রক্তাম্বরধরং দেবং রক্তমালাবিভূষিতম্ ।
পাদকিঙ্কিণীসঞ্চ্ছন্নং নূপুরৈরতিশোভিতম্ ॥
ধ্যানমার্গস্থিতং ঘোরং পঙ্কজাসনসংস্থিতম্ ।
ভজামি হৃদয়ে দেবং দেবং চাঘোরভৈরবম্ ॥
। ইতি ধ্যানম্ ।
অথ মূলমন্ত্রঃ ।
অঘোরেভ্যোঽথ ঘোরেভ্যো ঘোরঘোরতরেভ্যঃ ।
সর্বতঃ সর্বসর্বেভ্যো নমস্তে রুদ্ররূপেভ্যঃ ॥
। ইতি মূলম্ ।
অথ অঘোরায় নমঃ ।
ওঁ হ্রীং শ্রীং ক্লীং মহারুদ্রো গ্লৌং গ্লাং অঘোরভৈরবঃ ।
ক্ষ্মীং কালাগ্নিঃ কলানাথঃ কালঃ কালান্তকঃ কলিঃ ॥ ১ ॥
শ্মশানভৈরবো ভীমো ভীতিহা ভগবান্প্রভুঃ ।
ভাগ্যদো মুণ্ডহস্তশ্চ মুণ্ডমালাধরো মহান্ ॥ ২ ॥
উগ্রোগ্ররবোঽত্যুগ্র উগ্রতেজাশ্চ রোগহা ।
রোগদো ভোগদো ভোক্তা সত্যঃ শুদ্ধঃ সনাতনঃ ॥ ৩ ॥
চিত্স্বরূপো মহাকায়ো মহাদীপ্তির্মনোন্মনঃ ।
মান্যো ধন্যো য়শস্কর্তা হর্তা ভর্ত্তা মহানিধিঃ ॥ ৪ ॥
চিদানন্দশ্চিদাকারশ্চিদুল্লাসশ্চিদীশ্বরঃ ।
চিন্ত্যোঽচিন্ত্যোঽচিন্ত্যরূপঃ স্বরূপো রূপবিগ্রহী ॥ ৫ ॥
ভূতেভ্যো ভূতিদো ভূত্যং ভূতাত্মা ভূতভাবনঃ ।
চিদানন্দঃ প্রকাশাত্মা সনাত্মাবোধবিগ্রহঃ ॥ ৬ ॥
হৃদ্বোধো বোধবান্ বুদ্ধো বুদ্ধিদো বুদ্ধমণ্ডনঃ ।
সত্যপূর্ণঃ সত্যসন্ধঃ সতীনাথঃ সমাশ্রয়ঃ ॥ ৭ ॥
ত্রৈগুণ্যো নির্গুণো গুণ্যোঽগ্রণীর্গুণবিবর্জিতঃ ।
সুভাবঃ সুভবঃ স্তুত্যঃ স্তোতা শ্রোতা বিভাকরঃ ॥ ৮ ॥
কালকালান্ধকত্রাসকর্তা হর্তা বিভীষণঃ ।
বিরূপাক্ষঃ সহস্রাক্ষো বিশ্বাক্ষো বিশ্বতোমুখঃ ॥ ৯ ॥
চরাচরাত্মা বিশ্বাত্মা বিশ্ববোধো বিনিগ্রহঃ ।
সুগ্রহো বিগ্রহো বীরো ধীরো ধীরভৃতাং বরঃ ॥ ১০ ॥
শূরঃ শূলী শূলহর্তা শঙ্করো বিশ্বশঙ্করঃ ।
কঙ্কালী কলিহা কামী হাসহা কামবল্লভঃ ॥ ১১ ॥
কান্তারবাসী কান্তাস্থঃ কান্তাহৃদয়ধারণঃ ।
কাম্যঃ কাম্যনিধিঃ কান্তাকমনীয়ঃ কলাধরঃ ॥ ১২ ॥
কলেশঃ সকলেশশ্চ বিকলঃ শকলান্তকঃ ।
শান্তো ভ্রান্তো মহারূপী সুলভো দুর্লভাশয়ঃ ॥ ১৩ ॥
লভ্যোঽনন্তো ধনাধীনঃ সর্বগঃ সামগায়নঃ ।
সরোজনয়নঃ সাধুঃ সাধূনামভয়প্রদঃ ॥ ১৪ ॥
সর্বস্তুত্যঃ সর্বগতিঃ সর্বাতীতোঽপ্যগোচরঃ ।
গোপ্তা গোপ্ততরো গানতত্পরঃ সত্যপরায়ণঃ ॥ ১৫ ॥
অসহায়ো মহাশান্তো মহামূর্তো মহোরগঃ ।
মহতীরবসন্তুষ্টো জগতীধরধারণঃ ॥ ১৬ ॥
ভিক্ষুঃ সর্বেষ্টফলদো ভয়ানকমুখঃ শিবঃ ।
ভর্গো ভাগীরথীনাথো ভগমালাবিভূষণঃ ॥ ১৭ ॥
জটাজূটী স্ফুরত্তেজশ্চণ্ডাংশুশ্চণ্ডবিক্রমঃ ।
দণ্ডী গণপতির্গুণ্যো গণনীয়ো গণাধিপঃ ॥ ১৮ ॥
কোমলাঙ্গোঽপি ক্রূরাস্যো হাস্যো মায়াপতিঃ সুধীঃ ।
সুখদো দুঃখহা দম্ভো দুর্জয়ো বিজয়ী জয়ঃ ॥ ১৯ ॥
জয়োঽজয়ো জ্বলত্তেজো মন্দাগ্নির্মদবিগ্রহঃ ।
মানপ্রদো বিজয়দো মহাকালঃ সুরেশ্বরঃ ॥ ২০ ॥
অভয়াঙ্কো বরাঙ্কশ্চ শশাঙ্ককৃতশেখরঃ ।
লেখ্যো লিপ্যো বিলাপী চ প্রতাপী প্রমথাধিপঃ ॥ ২১ ॥
প্রখ্যো দক্ষো বিমুক্তশ্চ রুক্ষো দক্ষমখান্তকঃ ।
ত্রিলোচনস্ত্রিবর্গেশঃ ত্রিগুণী ত্রিতয়ীপতিঃ ॥ ২২ ॥
ত্রিপুরেশস্ত্রিলোকেশস্ত্রিনেত্রস্ত্রিপুরান্তকঃ ।
ত্র্যম্বকস্ত্রিগতিঃ স্বক্ষো বিশালাক্ষো বটেশ্বরঃ ॥ ২৩ ॥
বটুঃ পটুঃ পরং পুণ্যং পুণ্যদো দম্ভবর্জিতঃ ।
দম্ভী বিলম্ভী বিষেভিস্সংরম্ভী সঙ্গ্রহী সখা ॥ ২৪ ॥
বিহারী চাররূপশ্চ হারী মাণিক্যমণ্ডিতঃ ।
বিদ্যেশ্বরো বিবাদী চ বাদভেদ্যো বিভেদবান্ ॥ ২৫ ॥
ভয়ান্তকো বলনিধির্বলিকঃ স্বর্ণবিগ্রহঃ ।
মহাসীনো বিশাখী চ পৃষট্কী পৃতনাপতিঃ ॥ ২৬ ॥
অনন্তরূপোঽনন্তশ্রীঃ ষষ্টিভাগো বিশাম্পতিঃ ।
প্রাংশুঃ শীতাংশুর্মুকুটো নিরংশঃ স্বাংশবিগ্রহঃ ॥ ২৭ ॥
নিশ্চেতনো জগত্ত্রাতা হরো হরিণসম্ভৃতঃ ।
নাগেন্দ্রো নাগত্বগ্বাসাঃ শ্মশানালয়চারকঃ ॥ ২৮ ॥
বিচারী সুমতিঃ শম্ভুঃ সর্বঃ খর্বোরুবিক্রমঃ ।
ঈশঃ শেষঃ শশী সূর্যঃ শুদ্ধসাগর ঈশ্বরঃ ॥ ২৯ ॥
ঈশানঃ পরমেশানঃ পরাপরগতিঃ পরম্ ।
প্রমোদী বিনয়ী বেদ্যো বিদ্যারাগী বিলাসবান্ ॥ ৩০ ॥
স্বাত্মা দয়ালুর্ধনদো ধনদার্চনতোষিতঃ ।
পুষ্টিদস্তুষ্টিদস্তার্ক্ষ্যো জ্যেষ্ঠঃ শ্রেষ্ঠো বিশারদঃ ॥ ৩১ ॥
চামীকরোচ্চয়গতঃ সর্বগঃ সর্বমণ্ডনঃ ।
দিনেশঃ শর্বরীশশ্চ সন্মদোন্মাদদায়কঃ ॥ ৩২ ॥
হায়নো বত্সরো নেতা গায়নঃ পুষ্পসায়কঃ ।
পুণ্যেশ্বরো বিমানস্থো বিমান্যো বিমনা বিধুঃ ॥ ৩৩ ॥
বিধিঃ সিদ্ধিপ্রদো দান্তো গাতা গীর্বাণবন্দিতঃ ।
শ্রান্তো বান্তো বিবেকাক্ষো দুষ্টো ভ্রষ্টো নিরষ্টকঃ ॥ ৩৪ ॥
চিন্ময়ো বাঙ্ময়ো বায়ুঃ শূন্যঃ শান্তিপ্রদোঽনঘঃ ।
ভারভৃদ্ভূতভৃদ্গীতো ভীমরূপো ভয়ানকঃ ॥ ৩৫ ॥
তচ্চণ্ডদীপ্তিশ্চণ্ডাক্ষো দলত্কেশঃ স্খলদ্রতিঃ ।
অকারোঽথ নিরাকার ইলেশ ঈশ্বরঃ পরঃ ॥ ৩৬ ॥
উগ্রমূর্তিরুত্সবেশ ঊষ্মাংশুরৃণহা ঋণী ।
কল্লিহস্তো মহাশূরো লিঙ্গমূর্তির্লসদ্দৃশঃ ॥ ৩৭ ॥
লীলাজ্যোতির্মহারৌদ্রো রুদ্ররূপো জনাশনঃ ।
এণত্বগাসনো ধূর্ত্তো ধূলিরাগানুলেপনঃ ॥ ৩৮ ॥
ঐং বীজামৃতপূর্ণাঙ্গঃ স্বর্ণাঙ্গঃ পুণ্যবর্ধনঃ ।
ওঁকারোকাররূপশ্চ তত্সর্বো অঙ্গনাপতিঃ ॥ ৩৯ ॥
অঃস্বরূপো মহাশান্তঃ স্বরবর্ণ বিভূষণঃ ।
কামান্তকঃ কামদশ্চ কালীয়াত্মা বিকল্পনঃ ॥ ৪০ ॥
কলাত্মা কর্কশাঙ্গশ্চ কারাবন্ধবিমোক্ষদঃ ।
কালরূপঃ কামনিধিঃ কেবলো জগতাম্পতিঃ ॥ ৪১ ॥
কুত্সিতঃ কনকাদ্রিস্থঃ কাশীবাসঃ কলোত্তমঃ ।
কামী রামাপ্রিয়ঃ কুন্তঃ কবর্ণাকৃতিরাত্মভূঃ ॥ ৪২ ॥
খলীনঃ খলতাহন্তা খেটেশো মুকুটাধরঃ ।
খং খঙ্গেশঃ খগধরঃ খেটঃ খেচরবল্লভঃ ॥ ৪৩ ॥
খগান্তকঃ খগাক্ষশ্চ খবর্ণামৃতমজ্জনঃ ।
গণেশো গুণমার্গেয়ো গজরাজেশ্বরো গণঃ ॥ ৪৪ ॥
অগুণঃ সগুণো গ্রাম্যো গ্রীবালঙ্কারমণ্ডিতঃ ।
গূঢো গূঢাশয়ো গুপ্তো গণগন্ধর্বসেবিতঃ ॥ ৪৫ ॥
ঘোরনাদো ঘনশ্যামো ঘূর্ণাত্মা ঘুর্ঘরাকৃতিঃ ।
ঘনবাহো ঘনেশানো ঘনবাহনপূজিতঃ ॥ ৪৬ ॥
ঘনঃ সর্বেশ্বরো জেশো ঘবর্ণত্রয়মণ্ডনঃ ।
চমত্কৃতিশ্চলাত্মা চ চলাচলস্বরূপকঃ ॥ ৪৭ ॥
চারুবেশশ্চারুমূর্তিশ্চণ্ডিকেশশ্চমূপতিঃ ।
চিন্ত্যোঽচিন্ত্যগুণাতীতশ্চিতারূপঃ চিতাপ্রিয়ঃ ॥ ৪৮ ॥
চিতেশশ্চেতনারূপশ্চিতাশান্তাপহারকঃ ।
ছলভৃচ্ছলকৃচ্ছত্রী ছত্রিকশ্ছলকরকঃ ॥ ৪৯ ॥
ছিন্নগ্রীবঃ ছিন্নশীর্ষঃ ছিন্নকেশঃ ছিদারকঃ ।
জেতা জিষ্ণুরজিষ্ণুশ্চ জয়াত্মা জয়মণ্ডলঃ ॥ ৫০ ॥
জন্মহা জন্মদো জন্যো বৃজনী জৃম্ভণো জটী ।
জডহা জডসেব্যশ্চ জডাত্মা জডবল্লভঃ ॥ ৫১ ॥
জয়স্বরূপো জনকো জলধির্জ্বরসূদনঃ ।
জলন্ধরস্থো জনাধ্যক্ষো নিরাধিরাধিরস্ময়ঃ ॥ ৫২ ॥
অনাদির্জগতীনাথো জয়শ্রীর্জয়সাগরঃ ।
ঝঙ্কারী ঝলিনীনাথঃ সপ্ততিঃ সপ্তসাগরঃ ॥ ৫৩ ॥
টঙ্কারসম্ভবো টাণুঃ টবর্ণামৃতবল্লভঃ ।
টঙ্কহস্তো বিটঙ্কারো টীকারো টোপপর্বতঃ ॥ ৫৪ ॥
ঠকারী চ ত্রয়ঃ ঠঃ ঠঃ স্বরূপো ঠকুরোবলী ।
ডকারী ডকৃতীডম্বডিম্বানাথো বিডম্বনঃ ॥ ৫৫ ॥
ডিল্লীশ্বরো হি ডিল্লাভো ডঙ্কারাক্ষর মণ্ডনঃ ।
ঢবর্ণী দুল্লিয়জ্ঞেশো ঢম্বসূচী নিরন্তকঃ ॥ ৫৬ ॥
ণবর্ণী শোণিনোবাসো ণরাগী রাগভূষণঃ ।
তাম্রাপস্তপনস্তাপী তপস্বী তপসাং নিধিঃ ॥ ৫৭ ॥
তপোময়স্তপোরূপস্তপসাং ফলদায়কঃ ।
তমীশ্বরো মহাতালী তমীচরক্ষয়ঙ্করঃ ॥ ৫৮ ॥
তপোদ্যোতিস্তপোহীনো বিতানী ত্র্যম্যবকেশ্বরঃ ।
স্থলস্থঃ স্থাবরঃ স্থাণুঃ স্থিরবুদ্ধিঃ স্থিরেন্দ্রিয়ঃ ॥ ৫৯ ॥
স্থিরঙ্কৃতী স্থিরপ্রীতিঃ স্থিতিদঃ স্থিতিবাংস্তথা ।
দম্ভী দমপ্রিয়ো দাতা দানবো দানবান্তকঃ ॥ ৬০ ॥ দানবান্যনী?
ধর্মাধর্মো ধর্মগতির্ধনবান্ধনবল্লভঃ ।
ধনুর্ধরো ধনুর্ধন্যো ধীরেশো ধীময়ো ধৃতিঃ ॥ ৬১ ॥
ধকারান্তো ধরাপালো ধরণীশো ধরাপ্রিয়ঃ ।
ধরাধরো ধরেশানো নারদো নারসোরসঃ ॥ ৬২ ॥
সরসো বিরসো নাগো নাগয়জ্ঞোপবীতবান্ ।
নুতিলভ্যো নুতীশানো নুতিতুষ্টো নুতীশ্বরঃ ॥ ৬৩ ॥
পীবরাঙ্গ পরাকারঃ পরমেশঃ পরাত্পরঃ ।
পারাবারঃ পরং পুণ্যং পরামূর্তিঃ পরং পদম্ ॥ ৬৪ ॥
পরোগম্যঃ পরন্তেজঃ পরংরূপঃ পরোপকৃত্ ।
পৃথ্বীপতিঃ পতিঃ পূতিঃ পূতাত্মা পূতনায়কঃ ॥ ৬৫ ॥
পারগঃ পারদৃশ্বা চ পবনঃ পবনাত্মজঃ ।
প্রাণদোঽপানদঃ পান্থঃ সমানব্যানদো বরম্ ॥ ৬৬ ॥
উদানদঃ প্রাণগতিঃ প্রাণিনাং প্রাণহারকঃ ।
পুংসাং পটীয়ান্পরমঃ পরমং স্থানকঃ পবিঃ ॥ ৬৭ ॥
রবিঃ পীতাননঃ পীঠং পাঠীনাকৃতিরাত্মবান্ ।
পত্রী পীতঃ পবিত্রং চ পাঠনং পাঠনপ্রিয়ঃ ॥ ৬৮ ॥
পার্বতীশঃ পর্বতেশঃ পর্বেশঃ পর্বঘাতনঃ ।
ফণী ফণিদ ঈশানঃ ফুল্লহস্তঃ ফণাকৃতিঃ ॥ ৬৯ ॥
ফণিহারঃ ফণিমূর্তিঃ ফেনাত্মা ফণিবল্লভঃ ।
বলী বলিপ্রিয়ো বালো বালালাপী বলন্ধরঃ ॥ ৭০ ॥
বালকো বলহস্তশ্চ বলিভুগ্বালনাশনঃ ।
বলিরাজো বলঙ্কারী বাণহস্তোঽর্ধবর্ণভৃত্ ॥ ৭১ ॥
ভদ্রী ভদ্রপ্রদো ভাস্বান্ভাময়ো ভ্রময়োনয়ঃ ।
ভব্যো ভাবপ্রিয়ো ভানুর্ভানুমান্ভীমনন্দকঃ ॥ ৭২ ॥
ভূরিদো ভূতনাথশ্চ ভূতলং সুতলং তলম্ ।
ভয়হা ভাবনাকর্তা ভবহা ভবঘাতকঃ ॥ ৭৩ ॥
ভবো বিভবদো ভীতো ভূতভব্যো ভবপ্রিয়ঃ ।
ভবানীশো ভগেষ্টশ্চ ভগপূজনপোষণঃ ॥ ৭৪ ॥
মকুরো মানদো মুক্তো মলিনো মলনাশনঃ ।
মারহর্তা মহোধিশ্চ মহস্বী মহতীপ্রিয়ঃ ॥ ৭৫ ॥
মীনকেতুর্মহামারো মহেষ্বা মদনান্তকঃ ।
মিথুনেশো মহামোহো মল্লো মল্লান্তকো মুনিঃ ॥ ৭৬ ॥
মরীচিঃ রুচিমান্যোগী মঞ্জুলেশোঽমরাধিপঃ ।
মর্দনো মোহমর্দী চ মেধাবী মেদিনীপতিঃ ॥ ৭৭ ॥
মহীপতিঃ সহস্রারো মুদিতো মানবেশ্বরঃ ।
মৌনী মৌনপ্রিয়ো মাসঃ পক্ষী মাধব ইষ্টবান্ ॥ ৭৮ ॥
মত্সরী মাপতির্মেষো মেষোপহারতোষিতঃ ।
মাণিক্যমণ্ডিতো মন্ত্রী মণিপূরনিবাসকঃ ॥ ৭৯ ॥
মন্দমুন্মদরূপশ্চ মেনকী প্রিয়দর্শনঃ ।
মহেশো মেঘরূপশ্চ মকরামৃতদর্শনঃ ॥ ৮০ ॥
য়জ্জ্বা য়জ্ঞপ্রিয়ো য়জ্ঞো য়শস্বী য়জ্ঞভুগ্যুবা ।
য়োধপ্রিয়ো য়মপ্রিয়ো য়ামীনাথো য়মক্ষয়ঃ ॥ ৮১ ॥
য়াজ্ঞিকো য়জ্ঞমানশ্চ য়জ্ঞমূর্তির্যশোধরঃ ।
রবিঃ সুনয়নো রত্নরসিকো রামশেখরঃ ॥ ৮২ ॥
লাবণ্যং লালসো লূতো লজ্জালুর্ললনাপ্রিয়ঃ ।
লম্বমূর্তিবিলম্বী চ লোলজিহ্বো লুলুন্ধরঃ ॥ ৮৩ ॥
বসুদো বসুমান্বাস্তুবাগ্ভবো বটুকো বটুঃ ।
বীটীপ্রিয়ো বিটঙ্কী চ বিটপী বিহগাধিপঃ ॥ ৮৪ ॥
বিশ্বমোদী বিনয়দো বিশ্বপ্রীতো বিনায়কঃ ।
বিনান্তকো বিনাংশকো বৈমানিকো বরপ্রদঃ ॥ ৮৫ ॥
শম্ভুঃ শচীপতিঃ শারসমদো বকুলপ্রিয়ঃ ।
শীতলঃ শীতরূপশ্চ শাবরী প্রণতো বশী ॥ ৮৬ ॥
শীতালুঃ শিশিরঃ শৈত্যঃ শীতরশ্মিঃ সিতাংশুমান্ ।
শীলদঃ শীলবান্ শালী শালীনঃ শশিমণ্ডনঃ ॥ ৮৭ ॥
শণ্ডঃ শণ্টঃ শিপিবিষ্টঃ ষবর্ণোজ্জ্বলরূপবান্ ।
সিদ্ধসেব্যঃ সিতানাথঃ সিদ্ধিকঃ সিদ্ধিদায়কঃ ॥ ৮৮ ॥
সাধ্যো সুরালয়ঃ সৌম্যঃ সিদ্ধিভূঃ সিদ্ধিভাবনঃ ।
সিদ্ধান্তবল্লভঃ স্মেরঃ সিতবক্ত্রঃ সভাপতিঃ ॥ ৮৯ ॥
সরোধীশঃ সরিন্নাথঃ সিতাভশ্চেতনাসমঃ ।
সত্যপঃ সত্যমূর্তিশ্চ সিন্ধুরাজঃ সদাশিবঃ ॥ ৯০ ॥
সদেশঃ সদনাসূরিঃ সেব্যমানঃ সতাঙ্গতিঃ ।
সতাম্ভাব্যঃ সদানাথঃ সরস্বান্সমদর্শনঃ ॥ ৯১ ॥
সুসন্তুষ্টঃ সতীচেতঃ সত্যবাদী সতীরতঃ ।
সর্বারাধ্যঃ সর্বপতিঃ সময়ী সময়ঃ স্বয়ম্ ॥ ৯২ ॥
স্বয়ম্ভূঃ স্বয়মাত্মীয়ঃ স্বয়ম্ভাবঃ সমাত্মকঃ ।
সুরাধ্যক্ষঃ সুরপতিঃ সরোজাসনসেবকঃ ॥ ৯৩ ॥
সরোজাক্ষনিষেব্যশ্চ সরোজদললোচনঃ ।
সুমতিঃ কুমতিঃ স্তুত্যঃ সুরনায়কনায়কঃ ॥ ৯৪ ॥
সুধাপ্রিয়ঃ সুধেশশ্চ সুধামূর্তিঃ সুধাকরঃ ।
হীরকো হীরবাংশ্চৈব হেতুঃ হাটকমণ্ডনঃ ॥ ৯৫ ॥
হাটকেশো হঠধরো হরিদ্রত্নবিভূষণঃ ।
হিতকৃদ্ধেতুভূতশ্চ হাস্যদো হাস্যবক্ত্রকঃ ॥ ৯৬ ॥
হারো হারপ্রিয়ো হারী হবিষ্মল্লোচনো হরিঃ ।
হবিষ্মান্হবিভুগ্বাদ্যো হব্যং হবির্ভুজাং বরঃ ॥ ৯৭ ॥
হংসঃ পরমহংসশ্চ হংসীনাথো হলায়ুধঃ ।
হরিদশ্বো হরিস্তুত্যো হেরম্বো লম্বিতোদরঃ ॥ ৯৮ ॥
ক্ষমাপতিঃ ক্ষমঃ ক্ষান্তঃ ক্ষুরাধারোঽক্ষিভীমকঃ ।
ক্ষিতিনাথঃ ক্ষণেষ্টশ্চ ক্ষণবায়ুঃ ক্ষবঃ ক্ষতঃ ॥ ৯৯ ॥
ক্ষীণশ্চ ক্ষণিকঃ ক্ষামঃ ক্ষবর্ণামৃতপীঠকঃ ।
অকারাদি ক্ষকারান্তা বিদ্যামালাবিভূষণঃ ॥ ১০০ ॥
স্বর ব্যঞ্জন ভূষাঢ্যো হ্রস্ব দীর্ঘ বিভূষণঃ ।
ওঁ ক্ষ্মৃং মহাভৈরবেশী ওঁ শ্রীং ভৈরবপূর্বকঃ ॥ ১০১ ॥
ওঁ হ্রীং বটুকভাবেশো ওঁ হ্রীং বটুকভৈরবঃ ।
ওঁ ক্লীং শ্মশানবাসী চ ওঁ হ্রীং শ্মশানভৈরবঃ ॥ ১০২ ॥
মৈং ভদ্রকালিকানাথঃ ক্লীং ওঁ হ্রীং কালিকাপতিঃ ।
ঐং সৌঃ ক্লীং ত্রিপুরেশানো ওঁ হ্রীং জ্বালামুখীপতিঃ ॥ ১০৩ ॥
ঐং ক্লীং সঃ শারদানাথো ওঁ হ্রীং মার্তণ্ডভৈরবঃ ।
ওঁ হ্রীং সুমন্তুসেব্যশ্চ ওঁ শ্রীং হ্রীং মত্তভৈরবঃ ॥ ১০৪ ॥
ওঁ শ্রীং উন্মত্তচিত্তশ্চ ওঁ শ্রীং উং উগ্রভৈরবঃ ।
ওঁ শ্রীং কঠোরদেশশ্চ ওঁ শ্রীং হ্রীং কঠোরভৈরবঃ ॥ ১০৫ ॥
ওঁ শ্রীং কামান্ধকধ্বংসী ওঁ শ্রীং কামান্ধভৈরবঃ ।
ওঁ শ্রীং অষ্টস্বরশ্চৈব ওঁ শ্রীং অষ্টকভৈরবঃ ॥ ১০৬ ॥
ওঁ শ্রীং হ্রীং অষ্টমূর্তিশ্চ ওঁ শ্রীং চিন্মূর্তিভৈরবঃ ।
ওঁ হ্রীং হাটকবর্ণশ্চ ওঁ হ্রীং হাটকভৈরবঃ ॥ ১০৭ ॥
ওঁ শ্রীং শশাঙ্ক বদনঃ ওঁ শ্রীং শীতলভৈরবঃ ।
ওঁ শ্রীং শিবারুতশ্চৈব ওঁ শ্রীং শারূকভৈরবঃ ॥ ১০৮ ॥
ওঁ শ্রীং অহংস্বরূপশ্চ ওঁ হ্রীং শ্রীমুণ্ডভৈরবঃ ।
ওঁ শ্রীং মনোন্মনশ্চৈব ওঁ শ্রীং মঙ্গলভৈরবঃ ॥ ১০৯ ॥
ওঁ শ্রীং বুদ্ধিময়শ্চৈব ওঁ শ্রীং ভৈম্বুদ্ধভৈরবঃ ।
ওঁ শ্রীং ঐং ক্লীং নাগমূর্তিঃ ওঁ শ্রীং হ্রীং নাগভৈরবঃ ॥ ১১০ ॥
ওঁ শ্রীং ক্লীং কূর্মমূর্তিশ্চ ওঁ শ্রীং কৃকরভৈরবঃ ।
ওঁ হ্রীং শ্রীং দেবদত্তশ্চ ওঁ শ্রীং ক্লীং দত্তভৈরবঃ ॥ ১১১ ॥
ওঁ হ্রীং ধনঞ্জয়শ্চৈব ওঁ শ্রীং ধনিকভৈরবঃ ।
ওঁ শ্রীং হ্রীং রসরূপশ্চ ওঁ শ্রীং রসিকভৈরবঃ ॥ ১১২ ॥
ওঁ শ্রীং স্পর্শরূপশ্চ ওঁ শ্রীং হ্রীং স্পর্শভৈরবঃ ।
ওঁ শ্রীং হ্রীং ক্লীং স্বরূপশ্চ ওঁ শ্রীং হ্রীং রূপভৈরবঃ ॥ ১১৩ ॥
ওঁ শ্রীং সত্ত্বময়শ্চৈব ওঁ শ্রীং হ্রীং সত্ত্বভৈরবঃ ।
ওঁ শ্রীং রজোগুণাত্মা চ ওঁ শ্রীং রাজসভৈরবঃ ॥ ১১৪ ॥
ওঁ শ্রীং তমোময়শ্চৈব ওঁ শ্রীং তামসভৈরবঃ ।
ওঁ শ্রীং ধর্মময়শ্চৈব ওঁ হীং বৈ ধর্মভৈরবঃ ॥ ১১৫ ॥
ওঁ শ্রীং হ্রীং মধ্যচৈতন্যো ওঁ শ্রীং চৈতন্যভৈরবঃ ।
ওঁ শ্রীং হ্রীং ক্ষিতিমূর্তিশ্চ ওঁ হ্রীং ক্ষাত্রিকভৈরবঃ ॥ ১১৬ ॥
ওঁ শ্রীং হ্রীং জলমূর্তিশ্চ ওঁ হ্রীং জলেন্দ্রভৈরবঃ ।
ওঁ শ্রীং পবনমূর্তিশ্চ ওঁ হ্রীং পীঠকভৈরবঃ ॥ ১১৭ ॥
ওঁ শ্রীং হুতাশমূর্তিশ্চ ওঁ হ্রীং হালাখভৈরবঃ ।
ওঁ শ্রীং হ্রীং সোমমূর্তিশ্চ ওঁ শ্রীং হ্রীং সৌম্যভৈরবঃ ॥ ১১৮ ॥
ওঁ শ্রীং হ্রীং সূর্যমূর্তিশ্চ ওঁ শ্রীং সৌরেন্দ্রভৈরবঃ ।
ওঁ জূং সঃ হংসরূপশ্চ হং সঃ জুং ওঁ মৃত্যঞ্জয়ঃ ।
ওঁ চত্বারিংশদধিকো ওঁ শ্রীং অঘোরভৈরবঃ ॥ ১১৯ ॥
অঘোরেভ্যোঽথ ঘোরেভ্যো ঘোরঘোরতরেভ্যঃ ।
সর্বতঃ সর্বসর্বেভ্যো নমস্তে রুদ্ররূপেভ্যঃ ॥ ১২০ ॥
ভৈরবেশোঽভয়বরদাতা দেবজনপ্রিয়ঃ ।
ওঁ শ্রীং হ্রীং ক্লীং ক্ষ্ম্যুং দেবী বৈ অঘোরদর্শনঃ ॥ ১২১ ॥
ওঁ শ্রীং সৌন্দর্যবান্দেবো ওঁ অঘোরকৃপানিধিঃ ।
সহস্রনাম ইতি নাম্নাং সহস্রং তু অঘোরস্য জগত্প্রভুঃ ॥ ১২২ ॥
তব ভক্ত্যা ময়াখ্যাতং ত্রিষু লোকেষু দুর্লভম্ ।
অপ্রকাশ্যমদাতব্যং গোপ্তব্যং শরজন্মনঃ ॥ ১২৩ ॥
বল্যং বলপ্রদং স্তুত্যং স্তবনীয়ং স্তবোত্তমম্ ।
পঠেদ্বা পাঠয়েন্নিত্যং ধ্যায়েচ্চেতসি নিত্যশঃ ॥ ১২৪ ॥
অদ্রষ্টব্যমদীক্ষায় গোপ্তব্যং পশুসঙ্কটে ।
নাতঃ পরতরং কিঞ্চিত্সর্বস্বং নাস্তি মে হৃদি ॥ ১২৫ ॥
পুণ্যদং পুণ্যমাত্মীয়ং সকলং নিষ্কলং পরম্ ।
পঠেন্মন্ত্রী নিশীথে তু নগ্নঃ শ্রীমুক্তকুন্তলঃ ॥ ১২৬ ॥
অনন্তং চিত্সুধাকারং দেবানামপি দুর্লভম্ ।
শক্ত্যা য়ুক্তো জপেন্নাম্নাং সহস্রং ভক্তিপূর্বকম্ ॥ ১২৭ ॥
তত্ক্ষণাত্সাধকঃ সত্যং জীবন্মুক্তো ভবিষ্যতি ।
ভৌমেঽর্ক শনিবারে তু শ্মশানে সাধকঃ পঠেত্ ॥ ১২৮ ॥
সদ্যস্তস্য স্বয়ং দেবো বরদস্তু ভবিষ্যতি ।
দশাবর্ত্তং পঠেদ্রাত্রৌ নদীতীরেষু ধৈর্যবান্ ॥ ১২৯ ॥
তস্য হস্তে সদা সন্তি ত্র্যম্বকস্যাষ্টসিদ্ধয়ঃ ।
মধ্যাহে শিবরাত্রৌ চ নিশীথে বিবিধে পঠেত্ ॥ ১৩০ ॥
ইন্দ্রাদয়ঃ সুরগণা বশমেষ্যন্তি নান্যথা ।
গুরৌ ব্রাহ্মমুহূর্তে তু পঠেদ্ভক্ত্যা চ সাধকঃ ॥ ১৩১ ॥
য়াবদিন্দ্রঃ সভামধ্যে তদগ্রে মূকবত্ ভবেত্ ।
শুক্রে নদ্যা জলে মন্ত্রী পঠেন্নাম্নাং সহস্রকম্ ॥ ১৩২ ॥
তদাপ্রভৃতি ত্রৈলোক্যং মোহমেষ্যতি নান্যথা ।
ভৌমে বনান্তরে মন্ত্রী পঠেত্সন্ধ্যানিধৌ তদা ॥ ১৩৩ ॥
শত্রুঃ কালসমানোঽপি মৃত্যুমেষ্যতি নান্যথা ।
ত্রিসন্ধ্যোদয়কালে তু পঠেত্সাধকসত্তমঃ ॥ ১৩৪ ॥
রম্ভাদ্যপ্সরসঃ সর্বা বশমায়ান্তি তত্ক্ষণাত্ ।
ভৌমে মধ্যাহ্নসময়ে পঠেচ্চ কূপসন্নিধৌ ॥ ১৩৫ ॥
সদ্যো দেবি মহান্তং কারিপুমুচ্চাটয়েদ্ধ্রুবম্ ।
সদ্যস্ত্রিবারং পঠেন্নাম্নাং সহস্রমুত্তমম্ ॥ ১৩৬ ॥
ইহলোকে ভবেদ্ভোগী পরে মুক্তির্ভবিষ্যতি ।
অর্কবারে সমালিখ্য ভূর্জত্বচি চ সাধকঃ ॥ ১৩৭ ॥
কুঙ্কুমালক্তকস্তূরী গোরোচন মনঃশিলাঃ ।
সর্বাদ্যৈর্বসুভির্মন্ত্রী বেষ্টয়েত্তাম্ররজ্জুনা ॥ ১৩৮ ॥
ধারয়েন্মূর্ধ্নি সদ্যস্তু লভেত্কামান্যথেপ্সিতান্ ।
পুত্রান্দারাংশ্চ লক্ষ্মীং চ য়শো ধর্মং ধনানি চ ॥ ১৩৯ ॥
লভতে নাত্র সংশয়ঃ সত্যমেতদ্বচো মম ।
বিনানেন মহাদেবি পঠেদ্যঃ কবচং শুভম্ ॥ ১৪০ ॥
তস্য জীবং ধনং পুত্রান্ দারান্ভক্ষন্তি রাক্ষসাঃ ।
বিনানেন জপেত্ বিদ্যামঘোরস্য চ সাধকঃ ॥ ১৪১ ॥
তস্য কোটি জপং ব্যর্থং সত্যমেতদ্বচো মম ।
বহুনাত্র কিমুক্তেন সহস্রাখ্যং স্তবোত্তমম্ ॥ ১৪২ ॥
য়দ্গৃহে বা জপেদ্যস্তু শ্রাবয়েদ্বা শৃণোতি য়ঃ ।
স স্বয়ং নীলকণ্ঠোঽহং তত্কলত্রং মহেশ্বরী ॥ ১৪৩ ॥
ইদং রহস্যং পরমং ভক্ত্যা তব ময়োদিতম্ ।
অত্যন্তদুর্লভং নাকে তথাত্যন্তং মহীতলে ॥ ১৪৪ ॥
ভূমৌ চ দুর্লভং দেবি গোপনীয়ং দুরাত্মনঃ ।
অঘোরস্য মহাদেবি তত্ত্বং পরমতত্ত্বকম্ ॥ ১৪৫ ॥
অতীব মধুরং হৃদ্যং পরাপররহস্যকম্ ।
বিনা বলিং বিনা পূজাং ন রক্ষ্যঃ সাধকোত্তমঃ ॥ ১৪৬ ॥
পঠনীয়ং দিবারাত্রৌ সিদ্ধয়োঽষ্টৌ ভবন্তি হি ।
ইদং রহস্যং পরমং রহস্যাতিরহস্যকম্ ॥ ১৪৭ ॥
অপ্রকাশ্যমদাতব্যমবক্তব্যং দুরাত্মনে ।
য়থেষ্টফলদং সদ্যঃ কলৌ শীঘ্রফলপ্রদম্ ॥ ১৪৮ ॥
গোপ্যং গুপ্ততরং গূঢং গুপ্তং পুত্রায় পার্বতি ।
গোপনীয়ং সদাগোপ্যং গোপ্তব্যং চ স্বয়োনিবত্ ॥ ১৪৯ ॥
ইতি শ্রীরুদ্রয়ামলে তন্ত্রে ভৈরব-ভৈরবী সংবাদে
অঘোরমূর্তিসহস্রনামস্তবঃ সম্পূর্ণঃ ॥