॥ Bala Rama Sahasranamastotram 2 Bengali Lyrics ॥
॥ শ্রীবালাত্রিপুরসুন্দরীসহস্রনামস্তোত্রম্ ২ ॥
সমাধ্যুপরতং কালে কদাচিদ্বিজনে মুদা ।
পরমানন্দসন্দোহমুদিতং প্রাহ পার্বতী ॥ ১ ॥
শ্রীদেব্যুবাচ –
শ্রীমন্নাথ তবানন্দকারণং ব্রূহি শঙ্কর ।
য়োগীন্দ্রোপাস্য দেবেশ প্রেমপূর্ণ সুধানিধে ।
কৃপাস্তি য়দি মে শম্ভো সুগোপ্যমপি কথ্যতাম্ ॥ ২ ॥
শ্রীভৈরবঃ
নির্ভরানন্দসন্দোহঃ শক্তিভাবেন জায়তে ।
লাবণ্যসিন্ধুস্তত্রাস্তি বালায়া রসকন্দরঃ ॥ ৩ ॥
তামেবানুক্ষণং দেবীং চিন্তয়ামি ততঃ শিবাম্ ।
তস্যা নামসহস্রাণি কথয়ামি তব প্রিয়ে ॥ ৪ ॥
সুগোপ্যান্যপি রম্ভোরু গম্ভীরস্নেহবিভ্রমাত্ ।
তামেব স্তুবতো দেবি ধ্যায়তোঽনুক্ষণং মম ।
সুখসন্দোহসম্ভাবো জ্ঞানানন্দস্য কারণম্ ॥ ৫ ॥
অস্য শ্রীবালাত্রিপুরসুন্দরী সহস্রনামস্তোত্রস্য শঙ্কর ঋষিঃ,
অনুষ্টুপ্ ছন্দঃ । শ্রীবালাত্রিপুরা দেবতা । ঐং বীজম্ । সৌঃ শক্তিঃ ।
ক্লীং কীলকম্ । শ্রীবালাপ্রীত্যর্থে সমস্তপুরুষার্থসিদ্ধ্যর্থে
পারায়ণে বিনিয়োগঃ ।
ঐং অঙ্গুষ্ঠাভ্যাং নমঃ । ক্লীং তর্জনীভ্যাং নমঃ ।
সৌঃ মধ্যমাভ্যাং নমঃ । ঐং অনামিকাভ্যাং নমঃ ।
ক্লীং কনিষ্ঠিকাভ্যাং নমঃ । সৌঃ করতলকরপৃষ্ঠাভ্যাং নমঃ ।
এবং হৃদয়াদিন্যাসঃ ।
ধ্যানম্ ।
অরুণকিরণজালৈ রঞ্জিতাশাবকাশা
বিধৃতজপবটীকা পুস্তকাভীতিহস্তা ।
ইতরবরকরাঢ্যা ফুল্লকল্হার সংস্থা
নিবসতু হৃদি বালা নিত্যকল্যাণশীলা ॥
রক্তাম্বরাং চন্দ্রকলাবতংসাং সমুদ্যদাদিত্যনিভাং ত্রিনেত্রাম্ ।
বিদ্যাক্ষমালাভয়দানহস্তাং ধ্যায়ামি বালামরুণাম্বুজস্থাম্ ॥
আনন্দসিন্ধুরানন্দাঽঽনন্দমূর্তির্বিনোদিনী ।
ত্রিপুরা সুন্দরী প্রেমপাথোনিধিরনুত্তমা ॥ ১ ॥
বামার্ধগহ্বরা ভূতির্বিভূতিঃ শঙ্করী শিবা ।
শৃঙ্গারমূর্তির্বরদা রসা চ শুভগোচরা ॥ ২ ॥
পরমানন্দলহরী রতী রঙ্গবতী গতিঃ ।
রঙ্গমালানঙ্গকলা কেলী কৈবল্যদা কলা ॥ ৩ ॥
রসকল্পা কল্পলতা কুতূহলবতী গতিঃ ।
বিনোদদিগ্ধা সুস্নিগ্ধা মুগ্ধমূর্তির্মনোরমা ॥ ৪ ॥
বালার্ককোটিকিরণা চন্দ্রকোটিসুশীতলা ।
স্রবত্পীয়ূষদিগ্ধাঙ্গী স্বর্গার্থপরিকল্পিতা ॥ ৫ ॥
কুরঙ্গনয়না কান্তা সুগতিঃ সুখসন্ততিঃ ।
রাজরাজেশ্বরী রাজ্ঞী মহেন্দ্রপরিবন্দিতা ॥ ৬ ॥
প্রপঞ্চগতিরীশানী প্রপঞ্চগতিরুত্তমা ।
দুর্বাসা দুঃসহা শক্তিঃ শিঞ্জত্কনকনূপুরা ॥ ৭ ॥
মেরুমন্দরবক্ষোজা সৃণিপাশবরায়ুধা ।
শরকোদণ্ডসংসক্তপাণিদ্বয়বিরাজিতা ॥ ৮ ॥
চন্দ্রবিম্বাননা চারুমুকুটোত্তংসচন্দ্রিকা ।
সিন্দূরতিলকা চারুধম্মিল্লামলমালিকা ॥ ৯ ॥
মন্দারদামমুদিতা রত্নমালাবিভূষিতা ।
সুবর্ণাভরণপ্রীতা মুক্তাদামমনোরমা ॥ ১০ ॥
তাম্বূলপূর্ণবদনা মদনানন্দমানসা ।
সুখারাধ্যা তপঃ সারা কৃপাপারা বিধীশ্বরী ॥ ১১ ॥
বক্ষঃস্থললসদ্রত্নপ্রভা মধুরসোন্মদা ।
বিন্দুনাদাত্মকোচ্চাররহিতা তুর্যরূপিণী ॥ ১২ ॥
কমনীয়াকৃতির্ধন্যা শাঙ্করী প্রীতিমঞ্জরী ।
প্রপঞ্চা পঞ্চমী পূর্ণা পূর্ণপীঠনিবাসিনী ॥ ১৩ ॥
রাজ্যলক্ষ্মীশ্চ শ্রীলক্ষ্মীর্মহালক্ষ্মীঃ সুরাজিকা ।
সন্তোষসীমা সম্পত্তিঃ শাতকৌম্ভী ১ তথা দ্যুতিঃ ॥ ১৪ ॥
১ শাতকুম্ভপ্রিয়াকৃতিঃ
পরিপূর্ণা জগদ্ধাত্রী বিধাত্রী বলবর্ধিনী ।
সার্বভৌমনৃপশ্রীশ্চ সাম্রাজ্যগতিরম্বিকা ॥ ১৫ ॥
সরোজাক্ষী দীর্ঘদৃষ্টিঃ সাচীক্ষণবিচক্ষণা ।
রঙ্গস্রবন্তী রসিকা (১০০) প্রধানা রসরূপিণী ॥ ১৬ ॥
রসসিন্ধুঃ সুগাত্রী চ ধূসরী মৈথুনোন্মুখা ।
নিরন্তরগুণাসক্তা শক্তির্নিধুবনাত্মিকা ॥ ১৭ ॥
কামাক্ষী কমনীয়া চ কামেশী ভগমঙ্গলা ।
সুভগা ভোগিনী ভোগ্যা ভগ্যদা সুভগা ভগা ॥ ১৮ ॥
ভগলিঙ্গানন্দকলা ভগমধ্যনিবাসিনী ।
ভগরূপা ভগময়ী ভগয়ন্ত্রা ভগোত্তমা ॥ ১৯ ॥
য়োনিমুদ্রা কামকলা কুলামৃতপরায়ণা ।
কুলকুণ্ডালয়া সূক্ষ্মা জীবাত্মা লিঙ্গরূপিণী ॥ ২০ ॥
মূলক্রিয়া মূলরূপা মূলাকৃতিস্বরূপিণী ।
সোত্সুকা কমলানন্দা চিদ্ভাবাঽঽত্মগতিঃ শিবা ॥ ২১ ॥
শ্বেতারুণা বিন্দুরূপা বেদয়োনির্ধ্বনিক্ষণা ।
ঘণ্টাকোটি রবারাবা রবিবিম্বোত্থিতাঽদ্ভুতা ॥ ২২ ॥
নাদান্তলীনা সম্পূর্ণা পূর্ণস্থা বহুরূপিকা ।
ভৃঙ্গারাবা বংশগতির্বাদিত্রা মুরজধ্বনিঃ ॥ ২৩ ॥
বর্ণমালা সিদ্ধিকলা ষট্ চক্রক্রমবাসিনী ।
মূলকেলীরতা স্বাধিষ্ঠানা তুর্যনিবাসিনী ॥ ২৪ ॥
মণিপূরস্থিতিঃ স্নিগ্ধা কূর্মচক্রপরায়ণা ।
অনাহতগতির্দীপশিখা মণিময়াকৃতিঃ ॥ ২৫ ॥
বিশুদ্ধা শব্দসংশুদ্ধা জীববোধস্থলী রবা ।
আজ্ঞাচক্রাব্জসংস্থা চ স্ফুরন্তী নিপুণা ত্রিবৃত্ ॥ ২৬ ॥
চন্দ্রিকা চন্দ্রকোটি শ্রীঃ সূর্যকোটিপ্রভাময়ী ।
পদ্মরাগারুণচ্ছায়া নিশ্চলাঽমৃতনন্দিনী ।
কান্তাঙ্গসঙ্গমুদিতা সুধামাধুর্যসম্ভৃতা ॥ ২৮ ॥
মহামঞ্চস্থিতাঽলিপ্তা তৃপ্তা দৃপ্তা সুসম্ভৃতিঃ ।
স্রবত্পীয়ূষসংসিক্তা রক্তার্ণববিবর্ধিনী ॥ ২৯ ॥
সুরক্তা প্রিয়সংসিক্তা শশ্বত্কুণ্ডালয়াঽভয়া । (২০০) ।
শ্রেয়ঃ শ্রুতিশ্চ প্রত্যেকানবকেশিফলাবলী ॥ ৩০ ॥
প্রীতা শিবা শিবপ্রিয়া শাঙ্করী শাম্ভবী বিভা ।
স্বয়ম্ভূঃ স্বপ্রিয়া স্বীয়া স্বকীয়া জনমাতৃকা ॥ ৩১ ॥
স্বারামা স্বাশ্রয়া সাধ্বী সুধাধারাঽধিকাধিকা ।
মঙ্গলোজ্জয়িনী মান্যা সর্বমঙ্গলসঙ্গিনী ॥ ৩২ ॥
ভদ্রা ভদ্রাবলী কন্যা কলিতার্ধেন্দুবিম্বভাক্ ।
কল্যাণলতিকা কাম্যা কুকর্মা কুমতির্মনুঃ ॥ ৩৩ ॥
কুরঙ্গাক্ষী ক্ষীবনেত্রা ক্ষারা রসমদোন্মদা ।
বারুণীপানমুদিতা মদিরারচিতাশ্রয়া ॥ ৩৪ ॥
কাদম্বরীপানরুচির্বিপাশা পাশভীতিনুত্ ।
মুদিতা মুদিতাপাঙ্গা দরদোলিতদীর্ঘদৃক্ ॥ ৩৫ ॥
দৈত্যকুলানলশিখা মনোরথসুধাদ্যুতিঃ ।
সুবাসিনী পীনগাত্রী পীনশ্রোণিপয়োধরা ॥ ৩৬ ॥
সুচারুকবরী দন্তদীধিতিদীপ্রমৌক্তিকা ।
বিম্বাধরা দ্যুতিমুখা প্রবালোত্তমদীধিতিঃ ॥ ৩৭ ॥
তিলপ্রসূননাসাগ্রা হেমকক্কোলভালকা ।
নিষ্কলঙ্কেন্দুবদনা বালেন্দুমুকুটোজ্জ্বলা ॥ ৩৮ ॥
নৃত্যত্খঞ্জননেত্রশ্রীর্বিস্ফুরত্কর্ণশষ্কুলী ।
বালচন্দ্রাতপত্রার্ধা মণিসূর্যকিরীটিনী ১ ॥ ৩৯ ॥
১ কেশৌঘচম্পকাসেনামালতীদামপণ্ডিতা – ইত্যধিকম্ ।
হেমমাণিক্যতাটঙ্কা মণিকাঞ্চনকুণ্ডলা ।
সুচারুচিবুকা কম্বুকণ্ঠী মণিমনোরমা ॥ ৪০ ॥
গঙ্গাতরঙ্গহারোর্মির্মত্তকোকিলনিঃস্বনা ।
মৃণালবিলসদ্বাহুঃ পাশাঙ্কুশধনুর্ধরা ॥ ৪১ ॥
কেয়ূরকটকাচ্ছন্না নানারত্নমনোরমা ।
তাম্রপঙ্কজপাণিশ্রীর্নখরত্নপ্রভাবতী ॥ ৪২ ॥
অঙ্গুলীয়মণিশ্রেণিচঞ্চদঙ্গুলিসন্ততিঃ ।
মন্দরদ্বন্দ্বসুকুচা রোমরাজীভুজঙ্গকা ॥ ৪৩ ॥
গম্ভীরনাভিস্ত্রিবলীবলয়া চ সুমধ্যমা ।
রণত্কাঞ্চীগুণোন্নদ্ধা পট্টাংশুকসুনীবিকা ॥ ৪৪ ॥
মেরুগুণ্ডীনিতম্বাঢ্যা গজগণ্ডোরুয়ুগ্ময়ুক্ ।
সুজানুমন্দরাসক্তলসজ্জঙ্ঘাদ্বয়ান্বিতা ॥ ৪৫ ॥
গূঢগুল্ফা মঞ্জুশিঞ্জন্মণিনূপুরমণ্ডিতা ১ ।
১ পদদ্বন্দ্বা রুণাম্ভোজা নখচন্দ্রা রবিপ্রভা ।
সুসোমপ্রপদা রাজহংসা মত্তেভমন্দগা ॥ ইত্যধিকম্ (extra) ।
য়োগিধ্যেয়পদদ্বন্দ্বা সুধামাঽমৃতসারিণী ॥ ৪৬ ॥
লাবণ্যসিন্ধুঃ সিন্দূরতিলকা কুটিলালকা ।
সাধুসিদ্ধা সুবুদ্ধা চ বুধা বৃন্দারকোদয়া ॥ ৪৭ ॥
বালার্ককিরণশ্রেণীশোণা শ্রীপ্রেমকামধুক্ ।
রসগম্ভীরসরসী পদ্মিনী (৩০০) রসসারসা ॥ ৪৮ ॥
প্রসন্নাঽঽসন্নবরদা শারদা চ সুভাগ্যদা ।
নটরাজপ্রিয়া বিশ্বনাট্যা নর্তকনর্তকী ॥ ৪৯ ॥
বিচিত্রয়ন্ত্রা চিত্তন্ত্রা বিদ্যাবল্লী গতিঃ শুভা ।
কূটারকূটা কূটস্থা পঞ্চকূটা চ পঞ্চমী ॥ ৫০ ॥
চতুষ্কূটা ত্রিকূটাদ্যা ষট্কূটা বেদপূজিতা ।
কূটষোডশসম্পন্না তুরীয়া পরমা কলা ॥ ৫১ ॥
ষোডশী মন্ত্রয়ন্ত্রাণামীশ্বরী মেরুমণ্ডলা ।
ষোডশার্ণা ত্রিবর্ণা চ বিন্দুনাদস্বরূপিণী ॥ ৫২ ॥
বর্ণাতীতা বর্ণমাতা শব্দব্রহ্মমহাসুখা ।
চৈতন্যবল্লী কূটাত্মা কামেশী স্বপ্রদৃশ্যগা ॥ ৫৩ ॥
স্বপ্নাবতী বোধকরী জাগৃতির্জাগরাশ্রয়া ।
স্বপ্নাশ্রয়া সুষুপ্তিশ্চ তন্দ্রামুক্তা চ মাধবী ॥ ৫৪ ॥
লোপামুদ্রা কামরাজ্ঞী মানবী বিত্তপার্চিতা ।
শাকম্ভরী নন্দিবিদ্যা ভাস্বদ্বিদ্যোতমালিনী ॥ ৫৫ ॥
মাহেন্দ্রী স্বর্গসম্পত্তির্দুর্বাসঃসেবিতা শ্রুতিঃ ।
সাধকেন্দ্রগতিঃ সাধ্বী সুলভা সিদ্ধিকন্দরা ॥ ৫৬ ॥
পুরত্রয়েশী পুরজিদর্চিতা পুরদেবতা ।
পুষ্টির্বিঘ্নহরী ভূতির্বিগুণা পূজ্যকামধুক্ ॥ ৫৭ ॥
হিরণ্যমাতা গণপা গুহমাতা নিতম্বিনী ।
সর্বসীমন্তিনী মোক্ষা দীক্ষা দীক্ষিতমাতৃকা ॥ ৫৮ ॥
সাধকাম্বা সিদ্ধমাতা সাধকেন্দ্রা মনোরমা ।
য়ৌবনোন্মাদিনী তুঙ্গা সুশ্রোণির্মদমন্থরা ॥ ৫৯ ॥
পদ্মরক্তোত্পলবতী রক্তমাল্যানুলেপনা ।
রক্তমালারুচিঃ শিখাশিখণ্ডিন্যতিসুন্দরী ॥ ৬০ ॥
শিখণ্ডিনৃত্তসন্তুষ্টা সৌরভেয়ী বসুন্ধরা ।
সুরভিঃ কামদা কাম্যা কমনীয়ার্থকামদা ॥ ৬১ ॥
নন্দিনী লক্ষণবতী বসিষ্ঠালয়দেবতা ।
গোলোকদেবী (৪০০) লোকশ্রীর্গোলোকপরিপালিকা ॥ ৬২ ॥
হবির্ধানী দেবমাতা বৃন্দারকবরানুয়ুক্ ।
রুদ্রপত্নী ভদ্রমাতা সুধাধারাঽম্বুবিক্ষতিঃ ॥ ৬৩ ॥
দক্ষিণা য়জ্ঞসম্মূর্তিঃ সুবালা ধীরনন্দিনী ।
ক্ষীরপূর্ণার্ণবগতিঃ সুধায়োনিঃ সুলোচনা ॥ ৬৪ ॥
রামানুগা সুসেব্যা চ সুগন্ধালয়বাসগা ।
সুচারিত্রা সুত্রিপুরা সুস্তনী স্তনবত্সলা ॥ ৬৫ ॥
রজস্বলা রজোয়ুক্তা রঞ্জিকা রঙ্গমালিকা ।
রক্তপ্রিয়া সুরক্তা চ রতিরঙ্গস্বরূপিণী ॥ ৬৬ ॥
রজঃ শুক্রাম্বিকা নিষ্ঠা রতনিষ্ঠা রতিস্পৃহা ।
হাবভাবা কামকেলিসর্বস্বা সুরজীবিকা ॥ ৬৭ ॥
স্বয়ম্ভূকুসুমানন্দা স্বয়ম্ভূকুসুমপ্রিয়া ।
স্বয়ম্ভূপ্রীতিসন্তুষ্টা স্বয়ম্ভূনিন্দকান্তকৃত্ ॥ ৬৮ ॥
স্বয়ম্ভূস্থা শক্তিপুটী রতিসর্বস্বপীঠিকা ।
অত্যন্তসভিকা দূতী বিদগ্ধা প্রীতিপূজিতা ॥ ৬৯ ॥
কুল্লিকা য়ন্ত্রনিলয়া য়োগপীঠাধিবাসিনী ।
সুলক্ষণা রসরূপা সর্বলক্ষণলক্ষিতা ॥ ৭০ ॥
নানালঙ্কারসুভগা পঞ্চবাণসমর্চিতা ।
ঊর্ধ্বত্রিকোণনিলয়া বালা কামেশ্বরী তথা ॥ ৭১ ॥
গণাধ্যক্ষা কুলাধ্যক্ষা লক্ষ্মীশ্চৈব সরস্বতী ।
বসন্তসময়প্রীতা প্রীতিঃ কুচভরানতা ॥ ৭২ ॥
কলাধরমুখাঽমূর্ধা পাদবৃদ্ধিঃ কলাবতী ।
পুষ্পপ্রিয়া ধৃতিশ্চৈব রতিকণ্ঠী মনোরমা ॥ ৭৩ ॥
মদনোন্মাদিনী চৈব মোহিনী পার্বণীকলা ।
শোষিণী বশিনী রাজিন্যত্যন্তসুভগা ভগা ॥ ৭৪ ॥
পূষা বশা চ সুমনা রতিঃ প্রীতির্ধৃতিস্তথা ।
ঋদ্ধিঃ সৌম্যা মরীচ্যংশুমালা প্রত্যঙ্গিরা তথা ॥ ৭৫ ॥
শশিনী চৈব সুচ্ছায়া সম্পূর্ণমণ্ডলোদয়া ।
তুষ্টা চামৃতপূর্ণা চ ভগয়ন্ত্রনিবাসিনী ॥ ৭৬ ॥
লিঙ্গয়ন্ত্রালয়া (৫০০) শম্ভুরূপা সংয়োগয়োগিনী ।
দ্রাবিণী বীজরূপা চ অক্ষুব্ধা সাধকপ্রিয়া ॥ ৭৭ ॥
রাজবীজময়ী রাজ্যসুখদা বাঞ্ছিতপ্রদা ।
রজঃ সংবীর্যশক্তিশ্চ শুক্রবিচ্ছিবরূপিণী ॥ ৭৮ ॥
সর্বসারা সারময়া শিবশক্তিময়ী প্রভা ।
সংয়োগানন্দনিলয়া সংয়োগপ্রীতিমাতৃকা ॥ ৭৯ ॥
সংয়োগকুসুমানন্দা সংয়োগা য়োগবর্ধিনী ।
সংয়োগসুখদারস্থা চিদানন্দৈকসেবিতা ॥ ৮০ ॥
অর্ধ্যপূজকসম্পত্তিরর্ঘ্যদ্রব্যস্বরূপিণী ।
সামরস্যা পরা প্রীতা প্রিয়সঙ্গমরূপিণী ॥ ৮১ ॥
জ্ঞানদূতী জ্ঞানগম্যা জ্ঞানয়োনিঃ শিবালয়া ।
চিত্কলা জ্ঞানসকলা সকুলা সকুলাত্মিকা ॥ ৮২ ॥
কলাচতুষ্টয়ী পদ্মিন্যতিসূক্ষ্মা পরাত্মিকা ।
হংসকেলিস্থলী চ্ছায়া হংসদ্বয়বিকাসিনী ॥ ৮৩ ॥
বিরাগতা মোক্ষকলা পরমাত্মকলাবতী ।
বিদ্যাকলান্তরাত্মস্থা চতুষ্টয়কলাবতী ॥ ৮৪ ॥
বিদ্যাসন্তোষিণী তৃপ্তিঃ পরব্রহ্মপ্রকাশিকা ।
পরমাত্মপরা বস্তুলীনশক্তিচতুষ্টয়ী ॥ ৮৫ ॥
শান্তির্বোধকলাবাপ্তিঃ পরজ্ঞানাত্মিকা কলা ।
পশ্যন্তী পরমাত্মস্থা চান্তরাত্মকলাকুলা ॥ ৮৬ ॥
মধ্যমা বৈখরী চাত্মকলানন্দা কলাবতী ।
তারিণী তরণী তারা শিবলিঙ্গালয়াঽঽত্মবিত্ ॥ ৮৭ ॥
পরস্পরশুভাচারা ব্রহ্মানন্দবিনোদিনী ।
রসালসা দূতরাসা সার্থা সার্থপ্রিয়া হ্যুমা ॥ ৮৮ ॥
জাত্যাদিরহিতা য়োগিয়োগিন্যানন্দবর্ধিনী । ১
১ কান্তা শান্তা দান্তগতির্বেদাদ্যুদ্দামপদ্ধতিঃ – ইত্যধিকম্ ।
বীরভাবপ্রদা দিব্যা বীরসূর্বীরভাবদা ॥ ৮৯ ॥
পশুত্বাভিবীরগতির্বীরসঙ্গমহোদয়া ।
মূর্ধাভিষিক্ত রাজশ্রীঃ ক্ষত্রিয়োত্তমমাতৃকা ॥ ৯০ ॥
শস্ত্রাস্ত্রকুশলা শোভা রসস্থা য়ুদ্ধজীবিকা ।
বিজয়া য়োগিনী য়াত্রা পরসৈন্যবিমর্দিনী ॥ ৯১ ॥
পূর্ণা (৬০০) বিত্তৈষিণী বিত্তা বিত্তসঞ্চয়শালিনী ।
ভাণ্ডাগারস্থিতা রত্না রত্নশ্রেণ্যধিবাসিনী ॥ ৯২ ॥
মহিষী রাজভোগ্যা চ গণিকা গণভোগভৃত্ ।
করিণী বডবা য়োগ্যা মল্লসেনা পদাতিকা ॥ ৯৩ ॥
সৈন্যশ্রেণী শৌর্যরতা পতাকাধ্বজবাসিনী ।
সুচ্ছত্রা চাম্বিকা চাম্বা প্রজাপালনসদ্গতিঃ ॥ ৯৪ ॥
সুরভিঃ পূজকাচারা রাজকার্যপরায়ণা ।
ব্রহ্মক্ষত্রময়ী সোমসূর্যান্তর্যামিনী স্থিতিঃ ॥ ৯৫ ॥
পৌরোহিত্যপ্রিয়া সাধ্বী ব্রহ্মাণী য়জ্ঞসন্ততিঃ ।
সোমপানপরা প্রীতা জনাঢ্যা তপনা ক্ষমা ॥ ৯৬ ॥
প্রতিগ্রহপরা দাত্রী সৃষ্টাজাতিঃ সতাঙ্গতিঃ ।
গায়ত্রী বেদলভ্যা চ দীক্ষা সন্ধ্যাপরায়ণা ॥ ৯৭ ॥
রত্নসদ্দীধিতির্বিশ্ববাসনা বিশ্বজীবিকা ।
কৃষিবাণিজ্যভূতিশ্চ বৃদ্ধির্ধীশ্চ কুসীদিকা ॥ ৯৮ ॥
কুলাধারা সুপ্রসারা মনোন্মনী পরায়ণা ।
শূদ্রা বিপ্রগতিঃ কর্মকরী কৌতুকপূজিতা ॥ ৯৯ ॥
নানাবিচারচতুরা বালা প্রৌঢা কলাময়ী ।
সুকর্ণধারা নৌঃ পারা সর্বাশা দুর্গমোচনী ॥ ১০০ ॥
দুর্গা বিন্ধ্যবনস্থা চ কন্দর্পনয়পূরণী ।
ভূভারশমনী কৃষ্ণা রক্ষারাধ্যা রসোল্লসা ॥ ১০১ ॥
ত্রিবিধোত্পাতশমনী সমগ্রসুখশেবধিঃ ।
পঞ্চাবয়ববাক্যশ্রীঃ প্রপঞ্চোদ্যানচন্দ্রিকা ॥ ১০২ ॥
সিদ্ধসন্দোহসুখিতা য়োগিনীবৃন্দবন্দিতা ।
নিত্যাষোডশারূপা চ কামেশী ভগমালিনী ॥ ১০৩ ॥
নিত্যক্লিন্না চ ভী(ভে) রুণ্ডা বহ্নিমণ্ডলবাসিনী ।
মহাবিদ্যেশ্বরী নিত্যা শিবদূতীতি বিশ্রুতা ॥ ১০৪ ॥
ত্বরিতা প্রথিতা খ্যাতা বিখ্যাতা কুলসুন্দরী ।
নিত্যা নীলপতাকা চ বিজয়া সর্বমঙ্গলা ॥ ১০৫ ॥
জ্বালামালা(৭০০) বিচিত্রা চ মহাত্রিপুরসিন্দরী ।
গুরুবৃন্দা পরগুরুঃ প্রকাশানন্দনাথিনী ॥ ১০৬ ॥
শিবানন্দনাথরূপা শক্ত্যানন্দস্বরূপিণী ।
দেব্যানন্দনাথময়ী কৌলেশানন্দনাথিনী ॥ ১০৭ ॥
দিব্যৌঘগুরুরূপা চ সময়ানন্দনাথিনী ।
শুক্লদেব্যানন্দনাথা কুলেশানন্দনাথিনী ১ ॥ ১০৮ ॥
১ কামেশ্বর্যানন্দনাথময়ী শ্রীগুরুরূপিণী – ইত্যধিকম্ ।
ক্লিন্নাঙ্গানন্দরূপা চ সময়ানন্দনাথিনী ।
বেদানন্দনাথময়ী সহজানন্দনাথিনী ॥ ১০৯ ॥
সিদ্ধৌঘগুরুরূপা চ অপরাগুরুরূপিণী ।
গগনানন্দনাথা চ বিশ্বানন্দস্বনাথিনী ॥ ১১০ ॥
বিমলানন্দনাথা চ মদনানন্দনাথিনী ।
ভুবনাদ্যা চ লীলাদ্যা নন্দনানন্দনাথিনী ॥ ১১১ ॥
স্বাত্মানন্দানন্দরূপা প্রিয়াদ্যানন্দনাথিনী ।
মানবৌঘগুরুশ্রেষ্ঠা পরমেষ্ঠি গুরুপ্রভা ॥ ১১২ ॥
পরগুহ্যা গুরুশক্তিঃ স্বগুরুকীর্তনপ্রিয়া ।
ত্রৈলোক্যমোহনখ্যাতা সর্বাশাপরিপূরকা ॥ ১১৩ ॥
সর্বসঙ্ক্ষোভিণী পূর্বাম্নায়প্রথিতবৈভবা ।
শিবাশক্তিঃ শিবশক্তিঃ শিবচক্রত্রয়ালয়া ॥ ১১৪ ॥
সর্বসৌভাগ্যদাখ্যা চ সর্বার্থসাধিকাহ্বয়া ।
সর্বরক্ষাকরাখ্যা চ দক্ষিণাম্নায়দেবতা ॥ ১১৫ ॥
মধ্যার্কচক্রনিলয়া পশ্চিমাম্নায়দেবতা ।
নবচক্রকৃতাবাসা কৌবেরাম্নায়দেবতা ॥ ১১৬ ॥
কুবেরপূজ্যা কুলজা কুলাম্নায়প্রবর্তিনী ।
বিন্দুচক্রকৃতাবাসা মধ্যসিংহাসনেশ্বরী ॥ ১১৭ ॥
শ্রীবিদ্যা চ মহালক্ষ্মীঃ লক্ষ্মীঃ শক্তিত্রয়াত্মিকা ।
সর্বসাম্রাজ্যলক্ষ্মীশ্চ পঞ্চলক্ষ্মীতিবিশ্রুতা ॥ ১১৮ ॥
শ্রীবিদ্যা চ পরঞ্জ্যোতিঃ পরনিষ্কলশাম্ভবী ।
মাতৃকা পঞ্চকোশী চ শ্রীবিদ্যা ত্বরিতা তথা ॥ ১১৯ ॥
পারিজাতেশ্বরী চৈব ত্রিকূটা পঞ্চবাণগা ।
পঞ্চকল্পলতা পঞ্চবিদ্যা চামৃতপীঠিকা ॥ ১২০ ॥
সুধাসূ রমণেশানা চান্নপূর্ণা চ কামধুক্ ।
শ্রীবিদ্যা সিদ্ধলক্ষ্মীশ্চ মাতঙ্গী ভুবনেশ্বরী ॥ ১২১ ॥
বারাহী পঞ্চরত্নানামীশ্বরী মাতৃবর্ণগা ।
পরাঞ্জ্যোতিঃ কোশরূপা ঐন্দবী কলয়া য়ুতা ॥ ১২২ ॥
পরিতঃ স্বামিনী শক্তিদর্শনা রবিবিন্দুয়ুক্ ।
ব্রহ্মদর্শনরূপা চ শিবদর্শনরূপিণী ॥ ১২৩ ॥
বিষ্ণুদর্শনরূপা চ সৃষ্টিচক্রনিবাসিনী ।
সৌরদর্শনরূপা চ স্থিতিচক্রকৃতালয়া ॥ ১২৪ ॥
বৌদ্ধদর্শনরূপা চ মহাত্রিপুরসুন্দরী ।
তত্ত্বমুদ্রাস্বরূপা চ প্রসন্না(৮০০) জ্ঞানমুদ্রিকা ॥ ১২৫ ॥
সর্বোপচারসন্তুষ্টা হৃন্ময়ী শীর্ষদেবতা ।
শিখাস্থিতা ব্রহ্মময়ী নেত্রত্রয়বিলাসিনী ॥ ১২৬ ॥
অস্ত্রস্থা চতুরস্রা চ দ্বারকাদ্বারবাসিনী ।
অণিমা পশ্চিমস্থা চ লঘিমোত্তরদেবতা ॥ ১২৭ ॥
পূর্বস্থা মহিমেশিত্বা দক্ষিণদ্বারদেবতা ।
বশিত্বা বায়ুকোণস্থা প্রাকাম্যেশানদেবতা ॥ ১২৮ ॥
অগ্নিকোণস্থিতা ভুক্তিরিচ্ছা নৈঋতবাসিনী ।
প্রাপ্তিসিদ্ধিরবস্থা চ প্রাকাম্যার্ধবিলাসিনী ॥ ১২৯ ॥
ব্রাহ্মী মাহেশ্বরী চৈব কৌমারী বৈষ্ণবী তথা ।
বারাহ্যৌন্দ্রী চ চামুণ্ডা মহালক্ষ্মীর্দিশাঙ্গতিঃ ॥ ১৩০ ॥
ক্ষোভিণী দ্রাবিণী মুদ্রাঽঽকর্ষোন্মাদনকারিণী ।
মহাঙ্কুশা খেচরী চ বীজাখ্যা য়োনিমুদ্রিকা ॥ ১৩১ ॥
সর্বাশাপূরচক্রস্থা কার্যসিদ্ধিকরী তথা ।
কামাকর্ষিণিকাশক্তির্বুদ্ধ্যাকর্ষণরূপিণী ॥ ১৩২ ॥
অহঙ্কারাকর্ষিণী চ শব্দাকর্ষণরূপিণী ।
স্পর্শাকর্ষণরূপা চ রূপাকর্ষণরূপিণী ॥ ১৩৩ ॥
রসাকর্ষণরূপা চ গন্ধাকর্ষণরূপিণী ।
চিত্তাকর্ষণরূপা চ ধৈর্যাকর্ষণরূপিণী ॥ ১৩৪ ॥
স্মৃত্যাকর্ষণরূপা চ বীজাকর্ষণরূপিণী ।
অমৃতাকর্ষিণী চৈব নামাকর্ষণরূপিণী ॥ ১৩৫ ॥
শরীরাকর্ষিণীদেবী আত্মাকর্ষণরূপিণী ।
ষোডশস্বররূপা চ স্রবত্পীয়ূষমন্দিরা ॥ ১৩৬ ॥
ত্রিপুরেশী সিদ্ধরূপা কলাদলনিবাসিনী ।
সর্বসঙ্ক্ষোভচক্রেশী শক্তির্গুপ্ততরাভিধা ॥ ১৩৭ ॥
অনঙ্গকুসুমাশক্তিরনঙ্গকটিমেখলা ।
অনঙ্গমদনাঽনঙ্গমদনাতুররূপিণী ॥ ১৩৮ ॥
অনঙ্গরেখা চানঙ্গবেগানঙ্গাঙ্কুশাভিধা ।
অনঙ্গমালিনী শক্তিরষ্টবর্গদিগন্বিতা ॥ ১৩৯ ॥
বসুপত্রকৃতাবাসা শ্রীমত্ত্রিপুরসুন্দরী ।
সর্বসাম্রাজ্যসুখদা সর্বসৌভাগ্যদেশ্বরী ॥ ১৪০ ॥
সম্প্রদায়েশ্বরী সর্বসঙ্ক্ষোভণকরী তথা ।
সর্ববিদ্রাবিণী সর্বাকর্ষণাটোপকারিণী ॥ ১৪১ ॥
সর্বাহ্লাদনশক্তিশ্চ সর্বজৃম্ভণকারিণী ।
সর্বস্তম্ভন শক্তিশ্চ সর্বসম্মোহিনী তথা ॥ ১৪২ ॥
সর্ববশ্যকরীশক্তিঃ সর্বসর্বানুরঞ্জিনী ।
সর্বোন্মাদনশক্তিশ্চ সর্বার্থসিদ্ধিকারিণী ॥ ১৪৩ ॥
সর্বসম্পত্তিদা শক্তিঃ সর্বমন্ত্রময়ী তথা ।
সর্বদ্বন্দ্বক্ষয়করী(৯০০) সিদ্ধিস্ত্রিপুরবাসিনী ॥ ১৪৪ ॥
সর্বার্থসাধকেশী চ সর্বকার্যার্থসিদ্ধিদা ।
চতুর্দশারচক্রেশী কলায়োগসমন্বিতা ॥ ১৪৫ ॥
সর্বসিদ্ধিপ্রদা দেবী সর্বসম্পত্প্রদা তথা ।
সর্বপ্রিয়ঙ্করী শক্তিঃ সর্বমঙ্গলকারিণী ॥ ১৪৬ ॥
সর্বকামপ্রপূর্ণা চ সর্বদুঃখপ্রমোচিনী ।
সর্বমৃত্যুপ্রশমনী সর্ববিঘ্নবিনাশিনী ॥ ১৪৭ ॥
সর্বাঙ্গসুন্দরী দেবী সর্বসৌভাগ্যদায়িনী ।
ত্রিপুরেশী সর্বসিদ্ধিপ্রদা চ দশকোণগা ॥ ১৪৮ ॥
সর্বরক্ষাকরেশী চ নিগর্ভা য়োগিনী তথা ।
সর্বজ্ঞা সর্বশক্তিশ্চ সর্বৈশ্বর্যপ্রদা তথা ॥ ১৪৯ ॥
সর্বজ্ঞানময়ীদেবী সর্বব্যাধিবিনাশিনী ।
সর্বাধারস্বরূপা চ সর্বপাপহরা তথা ॥ ১৫০ ॥
সর্বানন্দময়ীদেবী সর্বরক্ষাস্বরূপিণী ।
মহিমাশক্তিদেবী চ দেবী সর্বসমৃদ্ধিদা ॥ ১৫১ ॥
অন্তর্দশারচক্রেশী দেবী ত্রিপুরমালিনী ।
সর্বরোগহরেশী চ রহস্যা য়োগিনী তথা ॥ ১৫২ ॥
বাগ্দেবী বশিনী চৈব দেবীকামেশ্বরী তথা ।
মোদিনী বিমলা চৈব অরুণা জয়িনী তথা ॥ ১৫৩ ॥
সর্বেশ্বরী কৌলিনী চ হ্যষ্টারসর্বসিদ্ধিদা ।
সর্বকামপ্রদেশী চ পরাপররহস্যবিত্ ॥ ১৫৪ ॥
ত্রিকোণচতুরশ্রস্থা সর্বৈশ্বর্যাঽঽয়ুধাত্মিকা ।
কামেশ্বরীবাণরূপা কামেশীচাপরূপিণী ॥ ১৫৫ ॥
কামেশীপাশরূপা চ কামেশ্যঙ্কুশরূপিণী ।
কামেশ্বরীন্দ্রশক্তিশ্চ অগ্নিচক্রকৃতালয়া ॥ ১৫৬ ॥
কামগির্যধিদেবী চ ত্রিকোণস্থাঽগ্রকোণগা ।
দক্ষকোণেশ্বরী বিষ্ণুশক্তির্জালন্ধরাশ্রয়া ॥ ১৫৭ ॥
সূর্যচক্রালয়া রুদ্রশক্তির্বামাঙ্গকোণগা ।
সোমচক্রা ব্রহ্মশক্তিঃ পূর্ণগির্যনুরাগিণী ॥ ১৫৮ ॥
শ্রীমত্ত্রিকোণভুবনা ত্রিপুরাত্মা মহেশ্বরী ।
সর্বানন্দময়েশী চ বিন্দুগাতিরহস্যভৃত্ ॥ ১৫৯ ॥
পরব্রহ্মস্বরূপা চ মহাত্রিপুরসুন্দরী ।
সর্বচক্রান্তরস্থা চ সমস্তচক্রনায়িকা ॥ ১৬০ ॥
সর্বচক্রেশ্বরী সর্বমন্ত্রাণামীশ্বরী তথা ।
সর্ববিদ্যেশ্বরী চৈব সর্ববাগীশ্বরী তথা ॥ ১৬১ ॥
সর্বয়োগীশ্বরী চৈব পীঠেশ্বর্যখিলেশ্বরী ।
সর্বকামেশ্বরী সর্বতত্ত্বেশ্বর্যাগমেশ্বরী ॥ ১৬২ ॥
শক্তিঃ শক্তিধৃগুল্লাসা নির্দ্বন্দ্বা দ্বৈতগর্ভিণী ।
নিষ্প্রপঞ্চা মহামায়া সপ্রপঞ্চা সুবাসিনী ॥ ১৬৩ ॥
সর্ববিশ্বোত্পত্তিধাত্রী পরমানন্দসুন্দরী (১০০০) ।
ইত্যেতত্কথিতং দিব্যং পরমানন্দকারণম্ ॥ ১৬৪ ॥
লাবণ্যসিন্ধুলহরীবালায়াস্তোষমন্দিরম্ ।
সহস্রনাম তন্ত্রাণাং সারমাকৃষ্য পার্বতি ॥ ১৬৫ ॥
অনেন স্তুবতো নিত্যমর্ধরাত্রে নিশামুখে ।
প্রাতঃ কালে চ পূজায়াং সর্বকালমতঃ প্রিয়ে ॥ ১৬৬ ॥
সর্বসাম্রাজ্যসুখদা বালা চ পরিতুষ্যতি ।
রত্নানি বিবিধান্যস্য বিত্তানি প্রচুরাণি চ ॥ ১৬৭ ॥
মনোরথপথস্থানি দদাতি পরমেশ্বরী ।
পুত্রাঃ পৌত্রাশ্চ বর্ধন্তে সন্ততিঃ সার্বকালিকী ॥ ১৬৮ ॥
শত্রবস্তস্য নশ্যন্তি বর্ধন্তেঽস্য বলানি চ ।
ব্যাধয়স্তস্য দূরস্থাঃ সকলান্যৌষধানি চ ॥ ১৬৯ ॥
মন্দিরাণি বিচিত্রাণি রাজন্তে তস্য সর্বদা ।
কৃষিঃ ফলবতী তস্য ভূমিঃ কামদুঘাঽব্যয়া ॥ ১৭০ ॥
স্ফীতো জনপদস্তস্য রাজ্যং তস্য নিরীতিকম্ ।
মাতঙ্গাঃ পক্ষিণস্তুঙ্গাঃ সিঞ্চন্তো মদবারিভিঃ ॥ ১৭১ ॥
দ্বারে তস্য বিরাজন্তে হৃষ্টা নাগতুরঙ্গমাঃ ।
প্রজাস্তস্য বিরাজন্তে নির্বিবাদাশ্চ মন্ত্রিণঃ ॥ ১৭২ ॥
জ্ঞাতয়স্তস্য তুষ্যন্তি শীলং তস্যাতিসুন্দরম্ ।
লক্ষ্মীস্তস্য বশে নিত্যং স্বাসনা চ মনোরমা ॥ ১৭৩ ॥
গদ্যপদ্যময়ী বাণী তস্য গঙ্গাতরঙ্গবত্ ।
নানাপদপদার্থানাং বাদচাতুর্যসম্ভৃতা ॥ ১৭৪ ॥
সমগ্ররসসম্পত্তিশালিনী লাস্যমালিনী ।
অদৃষ্টান্যপি শাস্ত্রাণী প্রকাশ্যন্তে নিরন্তরম্ ॥ ১৭৫ ॥
নিগ্রহঃ পরবাক্যানাং সভায়াং তস্য জায়তে ।
স্তুবন্তি বন্দিনস্তং বৈ রাজানো দাসবত্তথা ॥ ১৭৬ ॥
শস্ত্রাণ্যস্ত্রাণি তদঙ্গে জনয়ন্তি রুজাং ন হি ।
মহিলাস্তস্য বশগাঃ সর্বাবস্থা ভবন্তি বৈ ॥ ১৭৭ ॥
বিষং নির্বিষতাং য়াতি পানীয়মমৃতং ভবেত্ ।
পরপক্ষস্তম্ভনং চ প্রতিপক্ষস্য জৃম্ভণম্ ॥ ১৭৮ ॥
নবরাত্রেণ জায়েত স তদভ্যাসয়োগবিত্ ।
অহোরাত্রং পঠেদ্যস্তু নিস্তন্দ্রঃ শান্তমানসঃ ॥ ১৭৯ ॥
বশে তস্য প্রজা য়াতি সর্বে লোকাঃ সুনিশ্চিতম্ ।
ষণ্মাসাভ্যাসয়োগেন য়োগমায়াতি নিশ্চিতম্ ॥ ১৮০ ॥
নিত্যং কামকলাং ধ্যায়ন্ য়ঃ পঠেত্ স্তোত্রমুত্তমম্ ।
মদনোন্মাদকলিতাঃ পুরন্ঘ্র্যাস্তদ্বশানুগাঃ ॥ ১৮১ ॥
লাবণ্যমদনাঃ সাক্ষাদ্বৈদগ্ধ্যমুদিতেক্ষণাঃ ।
প্রেমপূর্ণামপি বশে হ্যুর্বশীং স হি বিন্দতি ॥ ১৮২ ॥
ভূর্জপত্রে রোচনয়া কুঙ্কুমেন শুভে দিনে ।
লাক্ষারসদ্রবেণাপি য়াবকৈর্বা বিশেষতঃ ॥ ১৮৩ ॥
ধাতুরাগেণ বা দেবি লিখিতং য়ন্ত্রমঞ্চিতম্ ।
সুবর্ণরৌপ্যগর্ভস্থং সুসম্পূতং সুসাধিতম্ ॥ ১৮৪ ॥
বালাবুদ্ধ্যা পূজিতং চ প্রতিষ্ঠিতসমীরণম্ ।
ধারয়েন্মস্তকে কণ্ঠে বাহুমূলে তথা হৃদি ॥ ১৮৫ ॥
নাভৌ বাপি ধৃতং ধন্যং জয়দং সর্বকামদম্ ।
রক্ষণং নাপরং কিঞ্চিদ্বিদ্যতে ভুবনত্রয়ে ॥ ১৮৬ ॥
গ্রহরোগাদিভয়হৃত্ সুখকৃত্যবিবর্ধনম্ ।
বলবীর্যকরং ক্রূরভূতশত্রুবিনাশনম্ ॥ ১৮৭ ॥
পুত্রপৌত্রান্ গুণগণৈর্বর্ধনং ধনধান্যকৃত্ ।
ধরণ্যাং সা পুরী ধন্যা য়ত্রায়ং সাধকোত্তমঃ ॥ ১৮৮ ॥
য়দ্গৃহে লিখিতং তিষ্ঠেত্ স্তোত্রমেতদ্বরাননে ।
তত্র চাহং শিবে নিত্যং হরিশ্চ কমলা তথা ॥ ১৮৯ ॥
বসামঃ সর্বতীর্থানামুত্পত্তিস্তত্র জায়তে ।
য়ো বাপি পাঠয়েদ্ভক্ত্যা পঠেদ্বৈ সাধকোত্তমঃ ॥ ১৯০ ॥
জ্ঞানানন্দকলায়োগাদৈক্যবৃত্তিং স বিন্দতি ।
স্তোত্রেণানেন দেবেশি তব পূজাফলং লভেত্ ॥ ১৯১ ॥
ষোঢান্যাসতনুর্ভূত্বা পঠিতব্যং প্রয়ত্নতঃ ।
উত্তমা সর্বতন্ত্রাণাং বালায়াঃ পূজনস্রুতিঃ ॥ ১৯২ ॥
তত্রোত্তমা ষোডশার্ণা তত্রেদং স্তোত্রমুত্তমম্ ।
নাশিষ্যায় প্রদাতব্যমশুদ্ধায় শঠায় চ ॥ ১৯৩ ॥
অলসায়াপ্রয়ত্নায়াশিবাভক্তায় সুন্দরি ।
ভক্তিহীনায় মলিনে গুরুনিন্দাপরায় চ ॥ ১৯৪ ॥
বিষ্ণুভক্তিবিহীনায় বিকল্পাবৃতবুদ্ধয়ে ।
দেয়ং ভক্তবরে মুক্তেঃ কারণং ভক্তিবর্ধনম্ ॥ ১৯৫ ॥
লতায়োগে পঠেদ্যস্তু স্তোত্রমেতদ্বরাননে ।
সৈব কল্পলতা তস্য বাঞ্ছাফলকরী তথা ॥ ১৯৬ ॥
পুষ্পিতায়া লতায়োগে কুরঙ্গমুখি সাধকঃ ।
অক্ষুব্ধঃ সন্ পঠেদ্যস্তু শতয়জ্ঞস্য পুণ্যভাক্ ॥ ১৯৭ ॥
ব্রহ্মাদয়োঽপি দেবেশি প্রার্থয়ন্তি পদদ্বয়ম্ ।
স্বয়ং শিবঃ স বিজ্ঞেয়ো য়ো বালাভাবলম্পটঃ ॥ ১৯৮ ॥
ব্রহ্মানন্দময়ী জ্যোত্স্না সদাশিববিধূদিতা ।
আনন্দো য়োঽপি য়ং বেদা বদন্ত্যস্যা বশে স্থিতাঃ ॥ ১৯৯ ॥
আহ্লাদনং বালাধ্যানাদ্বালায়া নামকীর্তনাত্ ।
সদানন্দাভ্যাসয়োগাত্ সদানন্দঃ প্রজায়তে ॥ ২০০ ॥
ইতি শ্রীরুদ্রয়ামলে তন্ত্রে ভৈরবভৈরবীসংবাদে
শ্রীবালাত্রিপুরসুন্দরীসহস্রনামস্তোত্রং সম্পূর্ণম্ ॥