॥ Bala Rama Sahasranamastotram 2 Odia Lyrics ॥
॥ ଶ୍ରୀବାଲାତ୍ରିପୁରସୁନ୍ଦରୀସହସ୍ରନାମସ୍ତୋତ୍ରମ୍ ୨ ॥
ସମାଧ୍ୟୁପରତଂ କାଲେ କଦାଚିଦ୍ଵିଜନେ ମୁଦା ।
ପରମାନନ୍ଦସନ୍ଦୋହମୁଦିତଂ ପ୍ରାହ ପାର୍ଵତୀ ॥ ୧ ॥
ଶ୍ରୀଦେଵ୍ୟୁଵାଚ –
ଶ୍ରୀମନ୍ନାଥ ତଵାନନ୍ଦକାରଣଂ ବ୍ରୂହି ଶଙ୍କର ।
ୟୋଗୀନ୍ଦ୍ରୋପାସ୍ୟ ଦେଵେଶ ପ୍ରେମପୂର୍ଣ ସୁଧାନିଧେ ।
କୃପାସ୍ତି ୟଦି ମେ ଶମ୍ଭୋ ସୁଗୋପ୍ୟମପି କଥ୍ୟତାମ୍ ॥ ୨ ॥
ଶ୍ରୀଭୈରଵଃ
ନିର୍ଭରାନନ୍ଦସନ୍ଦୋହଃ ଶକ୍ତିଭାଵେନ ଜାୟତେ ।
ଲାଵଣ୍ୟସିନ୍ଧୁସ୍ତତ୍ରାସ୍ତି ବାଲାୟା ରସକନ୍ଦରଃ ॥ ୩ ॥
ତାମେଵାନୁକ୍ଷଣଂ ଦେଵୀଂ ଚିନ୍ତୟାମି ତତଃ ଶିଵାମ୍ ।
ତସ୍ୟା ନାମସହସ୍ରାଣି କଥୟାମି ତଵ ପ୍ରିୟେ ॥ ୪ ॥
ସୁଗୋପ୍ୟାନ୍ୟପି ରମ୍ଭୋରୁ ଗମ୍ଭୀରସ୍ନେହଵିଭ୍ରମାତ୍ ।
ତାମେଵ ସ୍ତୁଵତୋ ଦେଵି ଧ୍ୟାୟତୋଽନୁକ୍ଷଣଂ ମମ ।
ସୁଖସନ୍ଦୋହସମ୍ଭାଵୋ ଜ୍ଞାନାନନ୍ଦସ୍ୟ କାରଣମ୍ ॥ ୫ ॥
ଅସ୍ୟ ଶ୍ରୀବାଲାତ୍ରିପୁରସୁନ୍ଦରୀ ସହସ୍ରନାମସ୍ତୋତ୍ରସ୍ୟ ଶଙ୍କର ଋଷିଃ,
ଅନୁଷ୍ଟୁପ୍ ଛନ୍ଦଃ । ଶ୍ରୀବାଲାତ୍ରିପୁରା ଦେଵତା । ଐଂ ବୀଜମ୍ । ସୌଃ ଶକ୍ତିଃ ।
କ୍ଲୀଂ କୀଲକମ୍ । ଶ୍ରୀବାଲାପ୍ରୀତ୍ୟର୍ଥେ ସମସ୍ତପୁରୁଷାର୍ଥସିଦ୍ଧ୍ୟର୍ଥେ
ପାରାୟଣେ ଵିନିୟୋଗଃ ।
ଐଂ ଅଙ୍ଗୁଷ୍ଠାଭ୍ୟାଂ ନମଃ । କ୍ଲୀଂ ତର୍ଜନୀଭ୍ୟାଂ ନମଃ ।
ସୌଃ ମଧ୍ୟମାଭ୍ୟାଂ ନମଃ । ଐଂ ଅନାମିକାଭ୍ୟାଂ ନମଃ ।
କ୍ଲୀଂ କନିଷ୍ଠିକାଭ୍ୟାଂ ନମଃ । ସୌଃ କରତଲକରପୃଷ୍ଠାଭ୍ୟାଂ ନମଃ ।
ଏଵଂ ହୃଦୟାଦିନ୍ୟାସଃ ।
ଧ୍ୟାନମ୍ ।
ଅରୁଣକିରଣଜାଲୈ ରଞ୍ଜିତାଶାଵକାଶା
ଵିଧୃତଜପଵଟୀକା ପୁସ୍ତକାଭୀତିହସ୍ତା ।
ଇତରଵରକରାଢ୍ୟା ଫୁଲ୍ଲକଲ୍ହାର ସଂସ୍ଥା
ନିଵସତୁ ହୃଦି ବାଲା ନିତ୍ୟକଲ୍ୟାଣଶୀଲା ॥
ରକ୍ତାମ୍ବରାଂ ଚନ୍ଦ୍ରକଲାଵତଂସାଂ ସମୁଦ୍ୟଦାଦିତ୍ୟନିଭାଂ ତ୍ରିନେତ୍ରାମ୍ ।
ଵିଦ୍ୟାକ୍ଷମାଲାଭୟଦାନହସ୍ତାଂ ଧ୍ୟାୟାମି ବାଲାମରୁଣାମ୍ବୁଜସ୍ଥାମ୍ ॥
ଆନନ୍ଦସିନ୍ଧୁରାନନ୍ଦାଽଽନନ୍ଦମୂର୍ତିର୍ଵିନୋଦିନୀ ।
ତ୍ରିପୁରା ସୁନ୍ଦରୀ ପ୍ରେମପାଥୋନିଧିରନୁତ୍ତମା ॥ ୧ ॥
ଵାମାର୍ଧଗହ୍ଵରା ଭୂତିର୍ଵିଭୂତିଃ ଶଙ୍କରୀ ଶିଵା ।
ଶୃଙ୍ଗାରମୂର୍ତିର୍ଵରଦା ରସା ଚ ଶୁଭଗୋଚରା ॥ ୨ ॥
ପରମାନନ୍ଦଲହରୀ ରତୀ ରଙ୍ଗଵତୀ ଗତିଃ ।
ରଙ୍ଗମାଲାନଙ୍ଗକଲା କେଲୀ କୈଵଲ୍ୟଦା କଲା ॥ ୩ ॥
ରସକଲ୍ପା କଲ୍ପଲତା କୁତୂହଲଵତୀ ଗତିଃ ।
ଵିନୋଦଦିଗ୍ଧା ସୁସ୍ନିଗ୍ଧା ମୁଗ୍ଧମୂର୍ତିର୍ମନୋରମା ॥ ୪ ॥
ବାଲାର୍କକୋଟିକିରଣା ଚନ୍ଦ୍ରକୋଟିସୁଶୀତଲା ।
ସ୍ରଵତ୍ପୀୟୂଷଦିଗ୍ଧାଙ୍ଗୀ ସ୍ଵର୍ଗାର୍ଥପରିକଲ୍ପିତା ॥ ୫ ॥
କୁରଙ୍ଗନୟନା କାନ୍ତା ସୁଗତିଃ ସୁଖସନ୍ତତିଃ ।
ରାଜରାଜେଶ୍ଵରୀ ରାଜ୍ଞୀ ମହେନ୍ଦ୍ରପରିଵନ୍ଦିତା ॥ ୬ ॥
ପ୍ରପଞ୍ଚଗତିରୀଶାନୀ ପ୍ରପଞ୍ଚଗତିରୁତ୍ତମା ।
ଦୁର୍ଵାସା ଦୁଃସହା ଶକ୍ତିଃ ଶିଞ୍ଜତ୍କନକନୂପୁରା ॥ ୭ ॥
ମେରୁମନ୍ଦରଵକ୍ଷୋଜା ସୃଣିପାଶଵରାୟୁଧା ।
ଶରକୋଦଣ୍ଡସଂସକ୍ତପାଣିଦ୍ଵୟଵିରାଜିତା ॥ ୮ ॥
ଚନ୍ଦ୍ରବିମ୍ବାନନା ଚାରୁମୁକୁଟୋତ୍ତଂସଚନ୍ଦ୍ରିକା ।
ସିନ୍ଦୂରତିଲକା ଚାରୁଧମ୍ମିଲ୍ଲାମଲମାଲିକା ॥ ୯ ॥
ମନ୍ଦାରଦାମମୁଦିତା ରତ୍ନମାଲାଵିଭୂଷିତା ।
ସୁଵର୍ଣାଭରଣପ୍ରୀତା ମୁକ୍ତାଦାମମନୋରମା ॥ ୧୦ ॥
ତାମ୍ବୂଲପୂର୍ଣଵଦନା ମଦନାନନ୍ଦମାନସା ।
ସୁଖାରାଧ୍ୟା ତପଃ ସାରା କୃପାପାରା ଵିଧୀଶ୍ଵରୀ ॥ ୧୧ ॥
ଵକ୍ଷଃସ୍ଥଲଲସଦ୍ରତ୍ନପ୍ରଭା ମଧୁରସୋନ୍ମଦା ।
ବିନ୍ଦୁନାଦାତ୍ମକୋଚ୍ଚାରରହିତା ତୁର୍ୟରୂପିଣୀ ॥ ୧୨ ॥
କମନୀୟାକୃତିର୍ଧନ୍ୟା ଶାଙ୍କରୀ ପ୍ରୀତିମଞ୍ଜରୀ ।
ପ୍ରପଞ୍ଚା ପଞ୍ଚମୀ ପୂର୍ଣା ପୂର୍ଣପୀଠନିଵାସିନୀ ॥ ୧୩ ॥
ରାଜ୍ୟଲକ୍ଷ୍ମୀଶ୍ଚ ଶ୍ରୀଲକ୍ଷ୍ମୀର୍ମହାଲକ୍ଷ୍ମୀଃ ସୁରାଜିକା ।
ସନ୍ତୋଷସୀମା ସମ୍ପତ୍ତିଃ ଶାତକୌମ୍ଭୀ ୧ ତଥା ଦ୍ୟୁତିଃ ॥ ୧୪ ॥
୧ ଶାତକୁମ୍ଭପ୍ରିୟାକୃତିଃ
ପରିପୂର୍ଣା ଜଗଦ୍ଧାତ୍ରୀ ଵିଧାତ୍ରୀ ବଲଵର୍ଧିନୀ ।
ସାର୍ଵଭୌମନୃପଶ୍ରୀଶ୍ଚ ସାମ୍ରାଜ୍ୟଗତିରମ୍ବିକା ॥ ୧୫ ॥
ସରୋଜାକ୍ଷୀ ଦୀର୍ଘଦୃଷ୍ଟିଃ ସାଚୀକ୍ଷଣଵିଚକ୍ଷଣା ।
ରଙ୍ଗସ୍ରଵନ୍ତୀ ରସିକା (୧୦୦) ପ୍ରଧାନା ରସରୂପିଣୀ ॥ ୧୬ ॥
ରସସିନ୍ଧୁଃ ସୁଗାତ୍ରୀ ଚ ଧୂସରୀ ମୈଥୁନୋନ୍ମୁଖା ।
ନିରନ୍ତରଗୁଣାସକ୍ତା ଶକ୍ତିର୍ନିଧୁଵନାତ୍ମିକା ॥ ୧୭ ॥
କାମାକ୍ଷୀ କମନୀୟା ଚ କାମେଶୀ ଭଗମଙ୍ଗଲା ।
ସୁଭଗା ଭୋଗିନୀ ଭୋଗ୍ୟା ଭଗ୍ୟଦା ସୁଭଗା ଭଗା ॥ ୧୮ ॥
ଭଗଲିଙ୍ଗାନନ୍ଦକଲା ଭଗମଧ୍ୟନିଵାସିନୀ ।
ଭଗରୂପା ଭଗମୟୀ ଭଗୟନ୍ତ୍ରା ଭଗୋତ୍ତମା ॥ ୧୯ ॥
ୟୋନିମୁଦ୍ରା କାମକଲା କୁଲାମୃତପରାୟଣା ।
କୁଲକୁଣ୍ଡାଲୟା ସୂକ୍ଷ୍ମା ଜୀଵାତ୍ମା ଲିଙ୍ଗରୂପିଣୀ ॥ ୨୦ ॥
ମୂଲକ୍ରିୟା ମୂଲରୂପା ମୂଲାକୃତିସ୍ଵରୂପିଣୀ ।
ସୋତ୍ସୁକା କମଲାନନ୍ଦା ଚିଦ୍ଭାଵାଽଽତ୍ମଗତିଃ ଶିଵା ॥ ୨୧ ॥
ଶ୍ଵେତାରୁଣା ବିନ୍ଦୁରୂପା ଵେଦୟୋନିର୍ଧ୍ଵନିକ୍ଷଣା ।
ଘଣ୍ଟାକୋଟି ରଵାରାଵା ରଵିବିମ୍ବୋତ୍ଥିତାଽଦ୍ଭୁତା ॥ ୨୨ ॥
ନାଦାନ୍ତଲୀନା ସମ୍ପୂର୍ଣା ପୂର୍ଣସ୍ଥା ବହୁରୂପିକା ।
ଭୃଙ୍ଗାରାଵା ଵଂଶଗତିର୍ଵାଦିତ୍ରା ମୁରଜଧ୍ଵନିଃ ॥ ୨୩ ॥
ଵର୍ଣମାଲା ସିଦ୍ଧିକଲା ଷଟ୍ ଚକ୍ରକ୍ରମଵାସିନୀ ।
ମୂଲକେଲୀରତା ସ୍ଵାଧିଷ୍ଠାନା ତୁର୍ୟନିଵାସିନୀ ॥ ୨୪ ॥
ମଣିପୂରସ୍ଥିତିଃ ସ୍ନିଗ୍ଧା କୂର୍ମଚକ୍ରପରାୟଣା ।
ଅନାହତଗତିର୍ଦୀପଶିଖା ମଣିମୟାକୃତିଃ ॥ ୨୫ ॥
ଵିଶୁଦ୍ଧା ଶବ୍ଦସଂଶୁଦ୍ଧା ଜୀଵବୋଧସ୍ଥଲୀ ରଵା ।
ଆଜ୍ଞାଚକ୍ରାବ୍ଜସଂସ୍ଥା ଚ ସ୍ଫୁରନ୍ତୀ ନିପୁଣା ତ୍ରିଵୃତ୍ ॥ ୨୬ ॥
ଚନ୍ଦ୍ରିକା ଚନ୍ଦ୍ରକୋଟି ଶ୍ରୀଃ ସୂର୍ୟକୋଟିପ୍ରଭାମୟୀ ।
ପଦ୍ମରାଗାରୁଣଚ୍ଛାୟା ନିଶ୍ଚଲାଽମୃତନନ୍ଦିନୀ ।
କାନ୍ତାଙ୍ଗସଙ୍ଗମୁଦିତା ସୁଧାମାଧୁର୍ୟସମ୍ଭୃତା ॥ ୨୮ ॥
ମହାମଞ୍ଚସ୍ଥିତାଽଲିପ୍ତା ତୃପ୍ତା ଦୃପ୍ତା ସୁସମ୍ଭୃତିଃ ।
ସ୍ରଵତ୍ପୀୟୂଷସଂସିକ୍ତା ରକ୍ତାର୍ଣଵଵିଵର୍ଧିନୀ ॥ ୨୯ ॥
ସୁରକ୍ତା ପ୍ରିୟସଂସିକ୍ତା ଶଶ୍ଵତ୍କୁଣ୍ଡାଲୟାଽଭୟା । (୨୦୦) ।
ଶ୍ରେୟଃ ଶ୍ରୁତିଶ୍ଚ ପ୍ରତ୍ୟେକାନଵକେଶିଫଲାଵଲୀ ॥ ୩୦ ॥
ପ୍ରୀତା ଶିଵା ଶିଵପ୍ରିୟା ଶାଙ୍କରୀ ଶାମ୍ଭଵୀ ଵିଭା ।
ସ୍ଵୟମ୍ଭୂଃ ସ୍ଵପ୍ରିୟା ସ୍ଵୀୟା ସ୍ଵକୀୟା ଜନମାତୃକା ॥ ୩୧ ॥
ସ୍ଵାରାମା ସ୍ଵାଶ୍ରୟା ସାଧ୍ଵୀ ସୁଧାଧାରାଽଧିକାଧିକା ।
ମଙ୍ଗଲୋଜ୍ଜୟିନୀ ମାନ୍ୟା ସର୍ଵମଙ୍ଗଲସଙ୍ଗିନୀ ॥ ୩୨ ॥
ଭଦ୍ରା ଭଦ୍ରାଵଲୀ କନ୍ୟା କଲିତାର୍ଧେନ୍ଦୁବିମ୍ବଭାକ୍ ।
କଲ୍ୟାଣଲତିକା କାମ୍ୟା କୁକର୍ମା କୁମତିର୍ମନୁଃ ॥ ୩୩ ॥
କୁରଙ୍ଗାକ୍ଷୀ କ୍ଷୀବନେତ୍ରା କ୍ଷାରା ରସମଦୋନ୍ମଦା ।
ଵାରୁଣୀପାନମୁଦିତା ମଦିରାରଚିତାଶ୍ରୟା ॥ ୩୪ ॥
କାଦମ୍ବରୀପାନରୁଚିର୍ଵିପାଶା ପାଶଭୀତିନୁତ୍ ।
ମୁଦିତା ମୁଦିତାପାଙ୍ଗା ଦରଦୋଲିତଦୀର୍ଘଦୃକ୍ ॥ ୩୫ ॥
ଦୈତ୍ୟକୁଲାନଲଶିଖା ମନୋରଥସୁଧାଦ୍ୟୁତିଃ ।
ସୁଵାସିନୀ ପୀନଗାତ୍ରୀ ପୀନଶ୍ରୋଣିପୟୋଧରା ॥ ୩୬ ॥
ସୁଚାରୁକବରୀ ଦନ୍ତଦୀଧିତିଦୀପ୍ରମୌକ୍ତିକା ।
ବିମ୍ବାଧରା ଦ୍ୟୁତିମୁଖା ପ୍ରଵାଲୋତ୍ତମଦୀଧିତିଃ ॥ ୩୭ ॥
ତିଲପ୍ରସୂନନାସାଗ୍ରା ହେମକକ୍କୋଲଭାଲକା ।
ନିଷ୍କଲଙ୍କେନ୍ଦୁଵଦନା ବାଲେନ୍ଦୁମୁକୁଟୋଜ୍ଜ୍ଵଲା ॥ ୩୮ ॥
ନୃତ୍ୟତ୍ଖଞ୍ଜନନେତ୍ରଶ୍ରୀର୍ଵିସ୍ଫୁରତ୍କର୍ଣଶଷ୍କୁଲୀ ।
ବାଲଚନ୍ଦ୍ରାତପତ୍ରାର୍ଧା ମଣିସୂର୍ୟକିରୀଟିନୀ ୧ ॥ ୩୯ ॥
୧ କେଶୌଘଚମ୍ପକାସେନାମାଲତୀଦାମପଣ୍ଡିତା – ଇତ୍ୟଧିକମ୍ ।
ହେମମାଣିକ୍ୟତାଟଙ୍କା ମଣିକାଞ୍ଚନକୁଣ୍ଡଲା ।
ସୁଚାରୁଚିବୁକା କମ୍ବୁକଣ୍ଠୀ ମଣିମନୋରମା ॥ ୪୦ ॥
ଗଙ୍ଗାତରଙ୍ଗହାରୋର୍ମିର୍ମତ୍ତକୋକିଲନିଃସ୍ଵନା ।
ମୃଣାଲଵିଲସଦ୍ବାହୁଃ ପାଶାଙ୍କୁଶଧନୁର୍ଧରା ॥ ୪୧ ॥
କେୟୂରକଟକାଚ୍ଛନ୍ନା ନାନାରତ୍ନମନୋରମା ।
ତାମ୍ରପଙ୍କଜପାଣିଶ୍ରୀର୍ନଖରତ୍ନପ୍ରଭାଵତୀ ॥ ୪୨ ॥
ଅଙ୍ଗୁଲୀୟମଣିଶ୍ରେଣିଚଞ୍ଚଦଙ୍ଗୁଲିସନ୍ତତିଃ ।
ମନ୍ଦରଦ୍ଵନ୍ଦ୍ଵସୁକୁଚା ରୋମରାଜୀଭୁଜଙ୍ଗକା ॥ ୪୩ ॥
ଗମ୍ଭୀରନାଭିସ୍ତ୍ରିଵଲୀଵଲୟା ଚ ସୁମଧ୍ୟମା ।
ରଣତ୍କାଞ୍ଚୀଗୁଣୋନ୍ନଦ୍ଧା ପଟ୍ଟାଂଶୁକସୁନୀଵିକା ॥ ୪୪ ॥
ମେରୁଗୁଣ୍ଡୀନିତମ୍ବାଢ୍ୟା ଗଜଗଣ୍ଡୋରୁୟୁଗ୍ମୟୁକ୍ ।
ସୁଜାନୁମନ୍ଦରାସକ୍ତଲସଜ୍ଜଙ୍ଘାଦ୍ଵୟାନ୍ଵିତା ॥ ୪୫ ॥
ଗୂଢଗୁଲ୍ଫା ମଞ୍ଜୁଶିଞ୍ଜନ୍ମଣିନୂପୁରମଣ୍ଡିତା ୧ ।
୧ ପଦଦ୍ଵନ୍ଦ୍ଵା ରୁଣାମ୍ଭୋଜା ନଖଚନ୍ଦ୍ରା ରଵିପ୍ରଭା ।
ସୁସୋମପ୍ରପଦା ରାଜହଂସା ମତ୍ତେଭମନ୍ଦଗା ॥ ଇତ୍ୟଧିକମ୍ (extra) ।
ୟୋଗିଧ୍ୟେୟପଦଦ୍ଵନ୍ଦ୍ଵା ସୁଧାମାଽମୃତସାରିଣୀ ॥ ୪୬ ॥
ଲାଵଣ୍ୟସିନ୍ଧୁଃ ସିନ୍ଦୂରତିଲକା କୁଟିଲାଲକା ।
ସାଧୁସିଦ୍ଧା ସୁବୁଦ୍ଧା ଚ ବୁଧା ଵୃନ୍ଦାରକୋଦୟା ॥ ୪୭ ॥
ବାଲାର୍କକିରଣଶ୍ରେଣୀଶୋଣା ଶ୍ରୀପ୍ରେମକାମଧୁକ୍ ।
ରସଗମ୍ଭୀରସରସୀ ପଦ୍ମିନୀ (୩୦୦) ରସସାରସା ॥ ୪୮ ॥
ପ୍ରସନ୍ନାଽଽସନ୍ନଵରଦା ଶାରଦା ଚ ସୁଭାଗ୍ୟଦା ।
ନଟରାଜପ୍ରିୟା ଵିଶ୍ଵନାଟ୍ୟା ନର୍ତକନର୍ତକୀ ॥ ୪୯ ॥
ଵିଚିତ୍ରୟନ୍ତ୍ରା ଚିତ୍ତନ୍ତ୍ରା ଵିଦ୍ୟାଵଲ୍ଲୀ ଗତିଃ ଶୁଭା ।
କୂଟାରକୂଟା କୂଟସ୍ଥା ପଞ୍ଚକୂଟା ଚ ପଞ୍ଚମୀ ॥ ୫୦ ॥
ଚତୁଷ୍କୂଟା ତ୍ରିକୂଟାଦ୍ୟା ଷଟ୍କୂଟା ଵେଦପୂଜିତା ।
କୂଟଷୋଡଶସମ୍ପନ୍ନା ତୁରୀୟା ପରମା କଲା ॥ ୫୧ ॥
ଷୋଡଶୀ ମନ୍ତ୍ରୟନ୍ତ୍ରାଣାମୀଶ୍ଵରୀ ମେରୁମଣ୍ଡଲା ।
ଷୋଡଶାର୍ଣା ତ୍ରିଵର୍ଣା ଚ ବିନ୍ଦୁନାଦସ୍ଵରୂପିଣୀ ॥ ୫୨ ॥
ଵର୍ଣାତୀତା ଵର୍ଣମାତା ଶବ୍ଦବ୍ରହ୍ମମହାସୁଖା ।
ଚୈତନ୍ୟଵଲ୍ଲୀ କୂଟାତ୍ମା କାମେଶୀ ସ୍ଵପ୍ରଦୃଶ୍ୟଗା ॥ ୫୩ ॥
ସ୍ଵପ୍ନାଵତୀ ବୋଧକରୀ ଜାଗୃତିର୍ଜାଗରାଶ୍ରୟା ।
ସ୍ଵପ୍ନାଶ୍ରୟା ସୁଷୁପ୍ତିଶ୍ଚ ତନ୍ଦ୍ରାମୁକ୍ତା ଚ ମାଧଵୀ ॥ ୫୪ ॥
ଲୋପାମୁଦ୍ରା କାମରାଜ୍ଞୀ ମାନଵୀ ଵିତ୍ତପାର୍ଚିତା ।
ଶାକମ୍ଭରୀ ନନ୍ଦିଵିଦ୍ୟା ଭାସ୍ଵଦ୍ଵିଦ୍ୟୋତମାଲିନୀ ॥ ୫୫ ॥
ମାହେନ୍ଦ୍ରୀ ସ୍ଵର୍ଗସମ୍ପତ୍ତିର୍ଦୁର୍ଵାସଃସେଵିତା ଶ୍ରୁତିଃ ।
ସାଧକେନ୍ଦ୍ରଗତିଃ ସାଧ୍ଵୀ ସୁଲଭା ସିଦ୍ଧିକନ୍ଦରା ॥ ୫୬ ॥
ପୁରତ୍ରୟେଶୀ ପୁରଜିଦର୍ଚିତା ପୁରଦେଵତା ।
ପୁଷ୍ଟିର୍ଵିଘ୍ନହରୀ ଭୂତିର୍ଵିଗୁଣା ପୂଜ୍ୟକାମଧୁକ୍ ॥ ୫୭ ॥
ହିରଣ୍ୟମାତା ଗଣପା ଗୁହମାତା ନିତମ୍ବିନୀ ।
ସର୍ଵସୀମନ୍ତିନୀ ମୋକ୍ଷା ଦୀକ୍ଷା ଦୀକ୍ଷିତମାତୃକା ॥ ୫୮ ॥
ସାଧକାମ୍ବା ସିଦ୍ଧମାତା ସାଧକେନ୍ଦ୍ରା ମନୋରମା ।
ୟୌଵନୋନ୍ମାଦିନୀ ତୁଙ୍ଗା ସୁଶ୍ରୋଣିର୍ମଦମନ୍ଥରା ॥ ୫୯ ॥
ପଦ୍ମରକ୍ତୋତ୍ପଲଵତୀ ରକ୍ତମାଲ୍ୟାନୁଲେପନା ।
ରକ୍ତମାଲାରୁଚିଃ ଶିଖାଶିଖଣ୍ଡିନ୍ୟତିସୁନ୍ଦରୀ ॥ ୬୦ ॥
ଶିଖଣ୍ଡିନୃତ୍ତସନ୍ତୁଷ୍ଟା ସୌରଭେୟୀ ଵସୁନ୍ଧରା ।
ସୁରଭିଃ କାମଦା କାମ୍ୟା କମନୀୟାର୍ଥକାମଦା ॥ ୬୧ ॥
ନନ୍ଦିନୀ ଲକ୍ଷଣଵତୀ ଵସିଷ୍ଠାଲୟଦେଵତା ।
ଗୋଲୋକଦେଵୀ (୪୦୦) ଲୋକଶ୍ରୀର୍ଗୋଲୋକପରିପାଲିକା ॥ ୬୨ ॥
ହଵିର୍ଧାନୀ ଦେଵମାତା ଵୃନ୍ଦାରକଵରାନୁୟୁକ୍ ।
ରୁଦ୍ରପତ୍ନୀ ଭଦ୍ରମାତା ସୁଧାଧାରାଽମ୍ବୁଵିକ୍ଷତିଃ ॥ ୬୩ ॥
ଦକ୍ଷିଣା ୟଜ୍ଞସମ୍ମୂର୍ତିଃ ସୁବାଲା ଧୀରନନ୍ଦିନୀ ।
କ୍ଷୀରପୂର୍ଣାର୍ଣଵଗତିଃ ସୁଧାୟୋନିଃ ସୁଲୋଚନା ॥ ୬୪ ॥
ରାମାନୁଗା ସୁସେଵ୍ୟା ଚ ସୁଗନ୍ଧାଲୟଵାସଗା ।
ସୁଚାରିତ୍ରା ସୁତ୍ରିପୁରା ସୁସ୍ତନୀ ସ୍ତନଵତ୍ସଲା ॥ ୬୫ ॥
ରଜସ୍ଵଲା ରଜୋୟୁକ୍ତା ରଞ୍ଜିକା ରଙ୍ଗମାଲିକା ।
ରକ୍ତପ୍ରିୟା ସୁରକ୍ତା ଚ ରତିରଙ୍ଗସ୍ଵରୂପିଣୀ ॥ ୬୬ ॥
ରଜଃ ଶୁକ୍ରାମ୍ବିକା ନିଷ୍ଠା ରତନିଷ୍ଠା ରତିସ୍ପୃହା ।
ହାଵଭାଵା କାମକେଲିସର୍ଵସ୍ଵା ସୁରଜୀଵିକା ॥ ୬୭ ॥
ସ୍ଵୟମ୍ଭୂକୁସୁମାନନ୍ଦା ସ୍ଵୟମ୍ଭୂକୁସୁମପ୍ରିୟା ।
ସ୍ଵୟମ୍ଭୂପ୍ରୀତିସନ୍ତୁଷ୍ଟା ସ୍ଵୟମ୍ଭୂନିନ୍ଦକାନ୍ତକୃତ୍ ॥ ୬୮ ॥
ସ୍ଵୟମ୍ଭୂସ୍ଥା ଶକ୍ତିପୁଟୀ ରତିସର୍ଵସ୍ଵପୀଠିକା ।
ଅତ୍ୟନ୍ତସଭିକା ଦୂତୀ ଵିଦଗ୍ଧା ପ୍ରୀତିପୂଜିତା ॥ ୬୯ ॥
କୁଲ୍ଲିକା ୟନ୍ତ୍ରନିଲୟା ୟୋଗପୀଠାଧିଵାସିନୀ ।
ସୁଲକ୍ଷଣା ରସରୂପା ସର୍ଵଲକ୍ଷଣଲକ୍ଷିତା ॥ ୭୦ ॥
ନାନାଲଙ୍କାରସୁଭଗା ପଞ୍ଚବାଣସମର୍ଚିତା ।
ଊର୍ଧ୍ଵତ୍ରିକୋଣନିଲୟା ବାଲା କାମେଶ୍ଵରୀ ତଥା ॥ ୭୧ ॥
ଗଣାଧ୍ୟକ୍ଷା କୁଲାଧ୍ୟକ୍ଷା ଲକ୍ଷ୍ମୀଶ୍ଚୈଵ ସରସ୍ଵତୀ ।
ଵସନ୍ତସମୟପ୍ରୀତା ପ୍ରୀତିଃ କୁଚଭରାନତା ॥ ୭୨ ॥
କଲାଧରମୁଖାଽମୂର୍ଧା ପାଦଵୃଦ୍ଧିଃ କଲାଵତୀ ।
ପୁଷ୍ପପ୍ରିୟା ଧୃତିଶ୍ଚୈଵ ରତିକଣ୍ଠୀ ମନୋରମା ॥ ୭୩ ॥
ମଦନୋନ୍ମାଦିନୀ ଚୈଵ ମୋହିନୀ ପାର୍ଵଣୀକଲା ।
ଶୋଷିଣୀ ଵଶିନୀ ରାଜିନ୍ୟତ୍ୟନ୍ତସୁଭଗା ଭଗା ॥ ୭୪ ॥
ପୂଷା ଵଶା ଚ ସୁମନା ରତିଃ ପ୍ରୀତିର୍ଧୃତିସ୍ତଥା ।
ଋଦ୍ଧିଃ ସୌମ୍ୟା ମରୀଚ୍ୟଂଶୁମାଲା ପ୍ରତ୍ୟଙ୍ଗିରା ତଥା ॥ ୭୫ ॥
ଶଶିନୀ ଚୈଵ ସୁଚ୍ଛାୟା ସମ୍ପୂର୍ଣମଣ୍ଡଲୋଦୟା ।
ତୁଷ୍ଟା ଚାମୃତପୂର୍ଣା ଚ ଭଗୟନ୍ତ୍ରନିଵାସିନୀ ॥ ୭୬ ॥
ଲିଙ୍ଗୟନ୍ତ୍ରାଲୟା (୫୦୦) ଶମ୍ଭୁରୂପା ସଂୟୋଗୟୋଗିନୀ ।
ଦ୍ରାଵିଣୀ ବୀଜରୂପା ଚ ଅକ୍ଷୁବ୍ଧା ସାଧକପ୍ରିୟା ॥ ୭୭ ॥
ରାଜବୀଜମୟୀ ରାଜ୍ୟସୁଖଦା ଵାଞ୍ଛିତପ୍ରଦା ।
ରଜଃ ସଂଵୀର୍ୟଶକ୍ତିଶ୍ଚ ଶୁକ୍ରଵିଚ୍ଛିଵରୂପିଣୀ ॥ ୭୮ ॥
ସର୍ଵସାରା ସାରମୟା ଶିଵଶକ୍ତିମୟୀ ପ୍ରଭା ।
ସଂୟୋଗାନନ୍ଦନିଲୟା ସଂୟୋଗପ୍ରୀତିମାତୃକା ॥ ୭୯ ॥
ସଂୟୋଗକୁସୁମାନନ୍ଦା ସଂୟୋଗା ୟୋଗଵର୍ଧିନୀ ।
ସଂୟୋଗସୁଖଦାରସ୍ଥା ଚିଦାନନ୍ଦୈକସେଵିତା ॥ ୮୦ ॥
ଅର୍ଧ୍ୟପୂଜକସମ୍ପତ୍ତିରର୍ଘ୍ୟଦ୍ରଵ୍ୟସ୍ଵରୂପିଣୀ ।
ସାମରସ୍ୟା ପରା ପ୍ରୀତା ପ୍ରିୟସଙ୍ଗମରୂପିଣୀ ॥ ୮୧ ॥
ଜ୍ଞାନଦୂତୀ ଜ୍ଞାନଗମ୍ୟା ଜ୍ଞାନୟୋନିଃ ଶିଵାଲୟା ।
ଚିତ୍କଲା ଜ୍ଞାନସକଲା ସକୁଲା ସକୁଲାତ୍ମିକା ॥ ୮୨ ॥
କଲାଚତୁଷ୍ଟୟୀ ପଦ୍ମିନ୍ୟତିସୂକ୍ଷ୍ମା ପରାତ୍ମିକା ।
ହଂସକେଲିସ୍ଥଲୀ ଚ୍ଛାୟା ହଂସଦ୍ଵୟଵିକାସିନୀ ॥ ୮୩ ॥
ଵିରାଗତା ମୋକ୍ଷକଲା ପରମାତ୍ମକଲାଵତୀ ।
ଵିଦ୍ୟାକଲାନ୍ତରାତ୍ମସ୍ଥା ଚତୁଷ୍ଟୟକଲାଵତୀ ॥ ୮୪ ॥
ଵିଦ୍ୟାସନ୍ତୋଷିଣୀ ତୃପ୍ତିଃ ପରବ୍ରହ୍ମପ୍ରକାଶିକା ।
ପରମାତ୍ମପରା ଵସ୍ତୁଲୀନଶକ୍ତିଚତୁଷ୍ଟୟୀ ॥ ୮୫ ॥
ଶାନ୍ତିର୍ବୋଧକଲାଵାପ୍ତିଃ ପରଜ୍ଞାନାତ୍ମିକା କଲା ।
ପଶ୍ୟନ୍ତୀ ପରମାତ୍ମସ୍ଥା ଚାନ୍ତରାତ୍ମକଲାକୁଲା ॥ ୮୬ ॥
ମଧ୍ୟମା ଵୈଖରୀ ଚାତ୍ମକଲାନନ୍ଦା କଲାଵତୀ ।
ତାରିଣୀ ତରଣୀ ତାରା ଶିଵଲିଙ୍ଗାଲୟାଽଽତ୍ମଵିତ୍ ॥ ୮୭ ॥
ପରସ୍ପରଶୁଭାଚାରା ବ୍ରହ୍ମାନନ୍ଦଵିନୋଦିନୀ ।
ରସାଲସା ଦୂତରାସା ସାର୍ଥା ସାର୍ଥପ୍ରିୟା ହ୍ୟୁମା ॥ ୮୮ ॥
ଜାତ୍ୟାଦିରହିତା ୟୋଗିୟୋଗିନ୍ୟାନନ୍ଦଵର୍ଧିନୀ । ୧
୧ କାନ୍ତା ଶାନ୍ତା ଦାନ୍ତଗତିର୍ଵେଦାଦ୍ୟୁଦ୍ଦାମପଦ୍ଧତିଃ – ଇତ୍ୟଧିକମ୍ ।
ଵୀରଭାଵପ୍ରଦା ଦିଵ୍ୟା ଵୀରସୂର୍ଵୀରଭାଵଦା ॥ ୮୯ ॥
ପଶୁତ୍ଵାଭିଵୀରଗତିର୍ଵୀରସଙ୍ଗମହୋଦୟା ।
ମୂର୍ଧାଭିଷିକ୍ତ ରାଜଶ୍ରୀଃ କ୍ଷତ୍ରିୟୋତ୍ତମମାତୃକା ॥ ୯୦ ॥
ଶସ୍ତ୍ରାସ୍ତ୍ରକୁଶଲା ଶୋଭା ରସସ୍ଥା ୟୁଦ୍ଧଜୀଵିକା ।
ଵିଜୟା ୟୋଗିନୀ ୟାତ୍ରା ପରସୈନ୍ୟଵିମର୍ଦିନୀ ॥ ୯୧ ॥
ପୂର୍ଣା (୬୦୦) ଵିତ୍ତୈଷିଣୀ ଵିତ୍ତା ଵିତ୍ତସଞ୍ଚୟଶାଲିନୀ ।
ଭାଣ୍ଡାଗାରସ୍ଥିତା ରତ୍ନା ରତ୍ନଶ୍ରେଣ୍ୟଧିଵାସିନୀ ॥ ୯୨ ॥
ମହିଷୀ ରାଜଭୋଗ୍ୟା ଚ ଗଣିକା ଗଣଭୋଗଭୃତ୍ ।
କରିଣୀ ଵଡଵା ୟୋଗ୍ୟା ମଲ୍ଲସେନା ପଦାତିକା ॥ ୯୩ ॥
ସୈନ୍ୟଶ୍ରେଣୀ ଶୌର୍ୟରତା ପତାକାଧ୍ଵଜଵାସିନୀ ।
ସୁଚ୍ଛତ୍ରା ଚାମ୍ବିକା ଚାମ୍ବା ପ୍ରଜାପାଲନସଦ୍ଗତିଃ ॥ ୯୪ ॥
ସୁରଭିଃ ପୂଜକାଚାରା ରାଜକାର୍ୟପରାୟଣା ।
ବ୍ରହ୍ମକ୍ଷତ୍ରମୟୀ ସୋମସୂର୍ୟାନ୍ତର୍ୟାମିନୀ ସ୍ଥିତିଃ ॥ ୯୫ ॥
ପୌରୋହିତ୍ୟପ୍ରିୟା ସାଧ୍ଵୀ ବ୍ରହ୍ମାଣୀ ୟଜ୍ଞସନ୍ତତିଃ ।
ସୋମପାନପରା ପ୍ରୀତା ଜନାଢ୍ୟା ତପନା କ୍ଷମା ॥ ୯୬ ॥
ପ୍ରତିଗ୍ରହପରା ଦାତ୍ରୀ ସୃଷ୍ଟାଜାତିଃ ସତାଙ୍ଗତିଃ ।
ଗାୟତ୍ରୀ ଵେଦଲଭ୍ୟା ଚ ଦୀକ୍ଷା ସନ୍ଧ୍ୟାପରାୟଣା ॥ ୯୭ ॥
ରତ୍ନସଦ୍ଦୀଧିତିର୍ଵିଶ୍ଵଵାସନା ଵିଶ୍ଵଜୀଵିକା ।
କୃଷିଵାଣିଜ୍ୟଭୂତିଶ୍ଚ ଵୃଦ୍ଧିର୍ଧୀଶ୍ଚ କୁସୀଦିକା ॥ ୯୮ ॥
କୁଲାଧାରା ସୁପ୍ରସାରା ମନୋନ୍ମନୀ ପରାୟଣା ।
ଶୂଦ୍ରା ଵିପ୍ରଗତିଃ କର୍ମକରୀ କୌତୁକପୂଜିତା ॥ ୯୯ ॥
ନାନାଵିଚାରଚତୁରା ବାଲା ପ୍ରୌଢା କଲାମୟୀ ।
ସୁକର୍ଣଧାରା ନୌଃ ପାରା ସର୍ଵାଶା ଦୁର୍ଗମୋଚନୀ ॥ ୧୦୦ ॥
ଦୁର୍ଗା ଵିନ୍ଧ୍ୟଵନସ୍ଥା ଚ କନ୍ଦର୍ପନୟପୂରଣୀ ।
ଭୂଭାରଶମନୀ କୃଷ୍ଣା ରକ୍ଷାରାଧ୍ୟା ରସୋଲ୍ଲସା ॥ ୧୦୧ ॥
ତ୍ରିଵିଧୋତ୍ପାତଶମନୀ ସମଗ୍ରସୁଖଶେଵଧିଃ ।
ପଞ୍ଚାଵୟଵଵାକ୍ୟଶ୍ରୀଃ ପ୍ରପଞ୍ଚୋଦ୍ୟାନଚନ୍ଦ୍ରିକା ॥ ୧୦୨ ॥
ସିଦ୍ଧସନ୍ଦୋହସୁଖିତା ୟୋଗିନୀଵୃନ୍ଦଵନ୍ଦିତା ।
ନିତ୍ୟାଷୋଡଶାରୂପା ଚ କାମେଶୀ ଭଗମାଲିନୀ ॥ ୧୦୩ ॥
ନିତ୍ୟକ୍ଲିନ୍ନା ଚ ଭୀ(ଭେ) ରୁଣ୍ଡା ଵହ୍ନିମଣ୍ଡଲଵାସିନୀ ।
ମହାଵିଦ୍ୟେଶ୍ଵରୀ ନିତ୍ୟା ଶିଵଦୂତୀତି ଵିଶ୍ରୁତା ॥ ୧୦୪ ॥
ତ୍ଵରିତା ପ୍ରଥିତା ଖ୍ୟାତା ଵିଖ୍ୟାତା କୁଲସୁନ୍ଦରୀ ।
ନିତ୍ୟା ନୀଲପତାକା ଚ ଵିଜୟା ସର୍ଵମଙ୍ଗଲା ॥ ୧୦୫ ॥
ଜ୍ଵାଲାମାଲା(୭୦୦) ଵିଚିତ୍ରା ଚ ମହାତ୍ରିପୁରସିନ୍ଦରୀ ।
ଗୁରୁଵୃନ୍ଦା ପରଗୁରୁଃ ପ୍ରକାଶାନନ୍ଦନାଥିନୀ ॥ ୧୦୬ ॥
ଶିଵାନନ୍ଦନାଥରୂପା ଶକ୍ତ୍ୟାନନ୍ଦସ୍ଵରୂପିଣୀ ।
ଦେଵ୍ୟାନନ୍ଦନାଥମୟୀ କୌଲେଶାନନ୍ଦନାଥିନୀ ॥ ୧୦୭ ॥
ଦିଵ୍ୟୌଘଗୁରୁରୂପା ଚ ସମୟାନନ୍ଦନାଥିନୀ ।
ଶୁକ୍ଲଦେଵ୍ୟାନନ୍ଦନାଥା କୁଲେଶାନନ୍ଦନାଥିନୀ ୧ ॥ ୧୦୮ ॥
୧ କାମେଶ୍ଵର୍ୟାନନ୍ଦନାଥମୟୀ ଶ୍ରୀଗୁରୁରୂପିଣୀ – ଇତ୍ୟଧିକମ୍ ।
କ୍ଲିନ୍ନାଙ୍ଗାନନ୍ଦରୂପା ଚ ସମୟାନନ୍ଦନାଥିନୀ ।
ଵେଦାନନ୍ଦନାଥମୟୀ ସହଜାନନ୍ଦନାଥିନୀ ॥ ୧୦୯ ॥
ସିଦ୍ଧୌଘଗୁରୁରୂପା ଚ ଅପରାଗୁରୁରୂପିଣୀ ।
ଗଗନାନନ୍ଦନାଥା ଚ ଵିଶ୍ଵାନନ୍ଦସ୍ଵନାଥିନୀ ॥ ୧୧୦ ॥
ଵିମଲାନନ୍ଦନାଥା ଚ ମଦନାନନ୍ଦନାଥିନୀ ।
ଭୁଵନାଦ୍ୟା ଚ ଲୀଲାଦ୍ୟା ନନ୍ଦନାନନ୍ଦନାଥିନୀ ॥ ୧୧୧ ॥
ସ୍ଵାତ୍ମାନନ୍ଦାନନ୍ଦରୂପା ପ୍ରିୟାଦ୍ୟାନନ୍ଦନାଥିନୀ ।
ମାନଵୌଘଗୁରୁଶ୍ରେଷ୍ଠା ପରମେଷ୍ଠି ଗୁରୁପ୍ରଭା ॥ ୧୧୨ ॥
ପରଗୁହ୍ୟା ଗୁରୁଶକ୍ତିଃ ସ୍ଵଗୁରୁକୀର୍ତନପ୍ରିୟା ।
ତ୍ରୈଲୋକ୍ୟମୋହନଖ୍ୟାତା ସର୍ଵାଶାପରିପୂରକା ॥ ୧୧୩ ॥
ସର୍ଵସଙ୍କ୍ଷୋଭିଣୀ ପୂର୍ଵାମ୍ନାୟପ୍ରଥିତଵୈଭଵା ।
ଶିଵାଶକ୍ତିଃ ଶିଵଶକ୍ତିଃ ଶିଵଚକ୍ରତ୍ରୟାଲୟା ॥ ୧୧୪ ॥
ସର୍ଵସୌଭାଗ୍ୟଦାଖ୍ୟା ଚ ସର୍ଵାର୍ଥସାଧିକାହ୍ଵୟା ।
ସର୍ଵରକ୍ଷାକରାଖ୍ୟା ଚ ଦକ୍ଷିଣାମ୍ନାୟଦେଵତା ॥ ୧୧୫ ॥
ମଧ୍ୟାର୍କଚକ୍ରନିଲୟା ପଶ୍ଚିମାମ୍ନାୟଦେଵତା ।
ନଵଚକ୍ରକୃତାଵାସା କୌବେରାମ୍ନାୟଦେଵତା ॥ ୧୧୬ ॥
କୁବେରପୂଜ୍ୟା କୁଲଜା କୁଲାମ୍ନାୟପ୍ରଵର୍ତିନୀ ।
ବିନ୍ଦୁଚକ୍ରକୃତାଵାସା ମଧ୍ୟସିଂହାସନେଶ୍ଵରୀ ॥ ୧୧୭ ॥
ଶ୍ରୀଵିଦ୍ୟା ଚ ମହାଲକ୍ଷ୍ମୀଃ ଲକ୍ଷ୍ମୀଃ ଶକ୍ତିତ୍ରୟାତ୍ମିକା ।
ସର୍ଵସାମ୍ରାଜ୍ୟଲକ୍ଷ୍ମୀଶ୍ଚ ପଞ୍ଚଲକ୍ଷ୍ମୀତିଵିଶ୍ରୁତା ॥ ୧୧୮ ॥
ଶ୍ରୀଵିଦ୍ୟା ଚ ପରଞ୍ଜ୍ୟୋତିଃ ପରନିଷ୍କଲଶାମ୍ଭଵୀ ।
ମାତୃକା ପଞ୍ଚକୋଶୀ ଚ ଶ୍ରୀଵିଦ୍ୟା ତ୍ଵରିତା ତଥା ॥ ୧୧୯ ॥
ପାରିଜାତେଶ୍ଵରୀ ଚୈଵ ତ୍ରିକୂଟା ପଞ୍ଚବାଣଗା ।
ପଞ୍ଚକଲ୍ପଲତା ପଞ୍ଚଵିଦ୍ୟା ଚାମୃତପୀଠିକା ॥ ୧୨୦ ॥
ସୁଧାସୂ ରମଣେଶାନା ଚାନ୍ନପୂର୍ଣା ଚ କାମଧୁକ୍ ।
ଶ୍ରୀଵିଦ୍ୟା ସିଦ୍ଧଲକ୍ଷ୍ମୀଶ୍ଚ ମାତଙ୍ଗୀ ଭୁଵନେଶ୍ଵରୀ ॥ ୧୨୧ ॥
ଵାରାହୀ ପଞ୍ଚରତ୍ନାନାମୀଶ୍ଵରୀ ମାତୃଵର୍ଣଗା ।
ପରାଞ୍ଜ୍ୟୋତିଃ କୋଶରୂପା ଐନ୍ଦଵୀ କଲୟା ୟୁତା ॥ ୧୨୨ ॥
ପରିତଃ ସ୍ଵାମିନୀ ଶକ୍ତିଦର୍ଶନା ରଵିବିନ୍ଦୁୟୁକ୍ ।
ବ୍ରହ୍ମଦର୍ଶନରୂପା ଚ ଶିଵଦର୍ଶନରୂପିଣୀ ॥ ୧୨୩ ॥
ଵିଷ୍ଣୁଦର୍ଶନରୂପା ଚ ସୃଷ୍ଟିଚକ୍ରନିଵାସିନୀ ।
ସୌରଦର୍ଶନରୂପା ଚ ସ୍ଥିତିଚକ୍ରକୃତାଲୟା ॥ ୧୨୪ ॥
ବୌଦ୍ଧଦର୍ଶନରୂପା ଚ ମହାତ୍ରିପୁରସୁନ୍ଦରୀ ।
ତତ୍ତ୍ଵମୁଦ୍ରାସ୍ଵରୂପା ଚ ପ୍ରସନ୍ନା(୮୦୦) ଜ୍ଞାନମୁଦ୍ରିକା ॥ ୧୨୫ ॥
ସର୍ଵୋପଚାରସନ୍ତୁଷ୍ଟା ହୃନ୍ମୟୀ ଶୀର୍ଷଦେଵତା ।
ଶିଖାସ୍ଥିତା ବ୍ରହ୍ମମୟୀ ନେତ୍ରତ୍ରୟଵିଲାସିନୀ ॥ ୧୨୬ ॥
ଅସ୍ତ୍ରସ୍ଥା ଚତୁରସ୍ରା ଚ ଦ୍ଵାରକାଦ୍ଵାରଵାସିନୀ ।
ଅଣିମା ପଶ୍ଚିମସ୍ଥା ଚ ଲଘିମୋତ୍ତରଦେଵତା ॥ ୧୨୭ ॥
ପୂର୍ଵସ୍ଥା ମହିମେଶିତ୍ଵା ଦକ୍ଷିଣଦ୍ଵାରଦେଵତା ।
ଵଶିତ୍ଵା ଵାୟୁକୋଣସ୍ଥା ପ୍ରାକାମ୍ୟେଶାନଦେଵତା ॥ ୧୨୮ ॥
ଅଗ୍ନିକୋଣସ୍ଥିତା ଭୁକ୍ତିରିଚ୍ଛା ନୈଋତଵାସିନୀ ।
ପ୍ରାପ୍ତିସିଦ୍ଧିରଵସ୍ଥା ଚ ପ୍ରାକାମ୍ୟାର୍ଧଵିଲାସିନୀ ॥ ୧୨୯ ॥
ବ୍ରାହ୍ମୀ ମାହେଶ୍ଵରୀ ଚୈଵ କୌମାରୀ ଵୈଷ୍ଣଵୀ ତଥା ।
ଵାରାହ୍ୟୌନ୍ଦ୍ରୀ ଚ ଚାମୁଣ୍ଡା ମହାଲକ୍ଷ୍ମୀର୍ଦିଶାଙ୍ଗତିଃ ॥ ୧୩୦ ॥
କ୍ଷୋଭିଣୀ ଦ୍ରାଵିଣୀ ମୁଦ୍ରାଽଽକର୍ଷୋନ୍ମାଦନକାରିଣୀ ।
ମହାଙ୍କୁଶା ଖେଚରୀ ଚ ବୀଜାଖ୍ୟା ୟୋନିମୁଦ୍ରିକା ॥ ୧୩୧ ॥
ସର୍ଵାଶାପୂରଚକ୍ରସ୍ଥା କାର୍ୟସିଦ୍ଧିକରୀ ତଥା ।
କାମାକର୍ଷିଣିକାଶକ୍ତିର୍ବୁଦ୍ଧ୍ୟାକର୍ଷଣରୂପିଣୀ ॥ ୧୩୨ ॥
ଅହଙ୍କାରାକର୍ଷିଣୀ ଚ ଶବ୍ଦାକର୍ଷଣରୂପିଣୀ ।
ସ୍ପର୍ଶାକର୍ଷଣରୂପା ଚ ରୂପାକର୍ଷଣରୂପିଣୀ ॥ ୧୩୩ ॥
ରସାକର୍ଷଣରୂପା ଚ ଗନ୍ଧାକର୍ଷଣରୂପିଣୀ ।
ଚିତ୍ତାକର୍ଷଣରୂପା ଚ ଧୈର୍ୟାକର୍ଷଣରୂପିଣୀ ॥ ୧୩୪ ॥
ସ୍ମୃତ୍ୟାକର୍ଷଣରୂପା ଚ ବୀଜାକର୍ଷଣରୂପିଣୀ ।
ଅମୃତାକର୍ଷିଣୀ ଚୈଵ ନାମାକର୍ଷଣରୂପିଣୀ ॥ ୧୩୫ ॥
ଶରୀରାକର୍ଷିଣୀଦେଵୀ ଆତ୍ମାକର୍ଷଣରୂପିଣୀ ।
ଷୋଡଶସ୍ଵରରୂପା ଚ ସ୍ରଵତ୍ପୀୟୂଷମନ୍ଦିରା ॥ ୧୩୬ ॥
ତ୍ରିପୁରେଶୀ ସିଦ୍ଧରୂପା କଲାଦଲନିଵାସିନୀ ।
ସର୍ଵସଙ୍କ୍ଷୋଭଚକ୍ରେଶୀ ଶକ୍ତିର୍ଗୁପ୍ତତରାଭିଧା ॥ ୧୩୭ ॥
ଅନଙ୍ଗକୁସୁମାଶକ୍ତିରନଙ୍ଗକଟିମେଖଲା ।
ଅନଙ୍ଗମଦନାଽନଙ୍ଗମଦନାତୁରରୂପିଣୀ ॥ ୧୩୮ ॥
ଅନଙ୍ଗରେଖା ଚାନଙ୍ଗଵେଗାନଙ୍ଗାଙ୍କୁଶାଭିଧା ।
ଅନଙ୍ଗମାଲିନୀ ଶକ୍ତିରଷ୍ଟଵର୍ଗଦିଗନ୍ଵିତା ॥ ୧୩୯ ॥
ଵସୁପତ୍ରକୃତାଵାସା ଶ୍ରୀମତ୍ତ୍ରିପୁରସୁନ୍ଦରୀ ।
ସର୍ଵସାମ୍ରାଜ୍ୟସୁଖଦା ସର୍ଵସୌଭାଗ୍ୟଦେଶ୍ଵରୀ ॥ ୧୪୦ ॥
ସମ୍ପ୍ରଦାୟେଶ୍ଵରୀ ସର୍ଵସଙ୍କ୍ଷୋଭଣକରୀ ତଥା ।
ସର୍ଵଵିଦ୍ରାଵିଣୀ ସର୍ଵାକର୍ଷଣାଟୋପକାରିଣୀ ॥ ୧୪୧ ॥
ସର୍ଵାହ୍ଲାଦନଶକ୍ତିଶ୍ଚ ସର୍ଵଜୃମ୍ଭଣକାରିଣୀ ।
ସର୍ଵସ୍ତମ୍ଭନ ଶକ୍ତିଶ୍ଚ ସର୍ଵସମ୍ମୋହିନୀ ତଥା ॥ ୧୪୨ ॥
ସର୍ଵଵଶ୍ୟକରୀଶକ୍ତିଃ ସର୍ଵସର୍ଵାନୁରଞ୍ଜିନୀ ।
ସର୍ଵୋନ୍ମାଦନଶକ୍ତିଶ୍ଚ ସର୍ଵାର୍ଥସିଦ୍ଧିକାରିଣୀ ॥ ୧୪୩ ॥
ସର୍ଵସମ୍ପତ୍ତିଦା ଶକ୍ତିଃ ସର୍ଵମନ୍ତ୍ରମୟୀ ତଥା ।
ସର୍ଵଦ୍ଵନ୍ଦ୍ଵକ୍ଷୟକରୀ(୯୦୦) ସିଦ୍ଧିସ୍ତ୍ରିପୁରଵାସିନୀ ॥ ୧୪୪ ॥
ସର୍ଵାର୍ଥସାଧକେଶୀ ଚ ସର୍ଵକାର୍ୟାର୍ଥସିଦ୍ଧିଦା ।
ଚତୁର୍ଦଶାରଚକ୍ରେଶୀ କଲାୟୋଗସମନ୍ଵିତା ॥ ୧୪୫ ॥
ସର୍ଵସିଦ୍ଧିପ୍ରଦା ଦେଵୀ ସର୍ଵସମ୍ପତ୍ପ୍ରଦା ତଥା ।
ସର୍ଵପ୍ରିୟଙ୍କରୀ ଶକ୍ତିଃ ସର୍ଵମଙ୍ଗଲକାରିଣୀ ॥ ୧୪୬ ॥
ସର୍ଵକାମପ୍ରପୂର୍ଣା ଚ ସର୍ଵଦୁଃଖପ୍ରମୋଚିନୀ ।
ସର୍ଵମୃତ୍ୟୁପ୍ରଶମନୀ ସର୍ଵଵିଘ୍ନଵିନାଶିନୀ ॥ ୧୪୭ ॥
ସର୍ଵାଙ୍ଗସୁନ୍ଦରୀ ଦେଵୀ ସର୍ଵସୌଭାଗ୍ୟଦାୟିନୀ ।
ତ୍ରିପୁରେଶୀ ସର୍ଵସିଦ୍ଧିପ୍ରଦା ଚ ଦଶକୋଣଗା ॥ ୧୪୮ ॥
ସର୍ଵରକ୍ଷାକରେଶୀ ଚ ନିଗର୍ଭା ୟୋଗିନୀ ତଥା ।
ସର୍ଵଜ୍ଞା ସର୍ଵଶକ୍ତିଶ୍ଚ ସର୍ଵୈଶ୍ଵର୍ୟପ୍ରଦା ତଥା ॥ ୧୪୯ ॥
ସର୍ଵଜ୍ଞାନମୟୀଦେଵୀ ସର୍ଵଵ୍ୟାଧିଵିନାଶିନୀ ।
ସର୍ଵାଧାରସ୍ଵରୂପା ଚ ସର୍ଵପାପହରା ତଥା ॥ ୧୫୦ ॥
ସର୍ଵାନନ୍ଦମୟୀଦେଵୀ ସର୍ଵରକ୍ଷାସ୍ଵରୂପିଣୀ ।
ମହିମାଶକ୍ତିଦେଵୀ ଚ ଦେଵୀ ସର୍ଵସମୃଦ୍ଧିଦା ॥ ୧୫୧ ॥
ଅନ୍ତର୍ଦଶାରଚକ୍ରେଶୀ ଦେଵୀ ତ୍ରିପୁରମାଲିନୀ ।
ସର୍ଵରୋଗହରେଶୀ ଚ ରହସ୍ୟା ୟୋଗିନୀ ତଥା ॥ ୧୫୨ ॥
ଵାଗ୍ଦେଵୀ ଵଶିନୀ ଚୈଵ ଦେଵୀକାମେଶ୍ଵରୀ ତଥା ।
ମୋଦିନୀ ଵିମଲା ଚୈଵ ଅରୁଣା ଜୟିନୀ ତଥା ॥ ୧୫୩ ॥
ସର୍ଵେଶ୍ଵରୀ କୌଲିନୀ ଚ ହ୍ୟଷ୍ଟାରସର୍ଵସିଦ୍ଧିଦା ।
ସର୍ଵକାମପ୍ରଦେଶୀ ଚ ପରାପରରହସ୍ୟଵିତ୍ ॥ ୧୫୪ ॥
ତ୍ରିକୋଣଚତୁରଶ୍ରସ୍ଥା ସର୍ଵୈଶ୍ଵର୍ୟାଽଽୟୁଧାତ୍ମିକା ।
କାମେଶ୍ଵରୀବାଣରୂପା କାମେଶୀଚାପରୂପିଣୀ ॥ ୧୫୫ ॥
କାମେଶୀପାଶରୂପା ଚ କାମେଶ୍ୟଙ୍କୁଶରୂପିଣୀ ।
କାମେଶ୍ଵରୀନ୍ଦ୍ରଶକ୍ତିଶ୍ଚ ଅଗ୍ନିଚକ୍ରକୃତାଲୟା ॥ ୧୫୬ ॥
କାମଗିର୍ୟଧିଦେଵୀ ଚ ତ୍ରିକୋଣସ୍ଥାଽଗ୍ରକୋଣଗା ।
ଦକ୍ଷକୋଣେଶ୍ଵରୀ ଵିଷ୍ଣୁଶକ୍ତିର୍ଜାଲନ୍ଧରାଶ୍ରୟା ॥ ୧୫୭ ॥
ସୂର୍ୟଚକ୍ରାଲୟା ରୁଦ୍ରଶକ୍ତିର୍ଵାମାଙ୍ଗକୋଣଗା ।
ସୋମଚକ୍ରା ବ୍ରହ୍ମଶକ୍ତିଃ ପୂର୍ଣଗିର୍ୟନୁରାଗିଣୀ ॥ ୧୫୮ ॥
ଶ୍ରୀମତ୍ତ୍ରିକୋଣଭୁଵନା ତ୍ରିପୁରାତ୍ମା ମହେଶ୍ଵରୀ ।
ସର୍ଵାନନ୍ଦମୟେଶୀ ଚ ବିନ୍ଦୁଗାତିରହସ୍ୟଭୃତ୍ ॥ ୧୫୯ ॥
ପରବ୍ରହ୍ମସ୍ଵରୂପା ଚ ମହାତ୍ରିପୁରସୁନ୍ଦରୀ ।
ସର୍ଵଚକ୍ରାନ୍ତରସ୍ଥା ଚ ସମସ୍ତଚକ୍ରନାୟିକା ॥ ୧୬୦ ॥
ସର୍ଵଚକ୍ରେଶ୍ଵରୀ ସର୍ଵମନ୍ତ୍ରାଣାମୀଶ୍ଵରୀ ତଥା ।
ସର୍ଵଵିଦ୍ୟେଶ୍ଵରୀ ଚୈଵ ସର୍ଵଵାଗୀଶ୍ଵରୀ ତଥା ॥ ୧୬୧ ॥
ସର୍ଵୟୋଗୀଶ୍ଵରୀ ଚୈଵ ପୀଠେଶ୍ଵର୍ୟଖିଲେଶ୍ଵରୀ ।
ସର୍ଵକାମେଶ୍ଵରୀ ସର୍ଵତତ୍ତ୍ଵେଶ୍ଵର୍ୟାଗମେଶ୍ଵରୀ ॥ ୧୬୨ ॥
ଶକ୍ତିଃ ଶକ୍ତିଧୃଗୁଲ୍ଲାସା ନିର୍ଦ୍ଵନ୍ଦ୍ଵା ଦ୍ଵୈତଗର୍ଭିଣୀ ।
ନିଷ୍ପ୍ରପଞ୍ଚା ମହାମାୟା ସପ୍ରପଞ୍ଚା ସୁଵାସିନୀ ॥ ୧୬୩ ॥
ସର୍ଵଵିଶ୍ଵୋତ୍ପତ୍ତିଧାତ୍ରୀ ପରମାନନ୍ଦସୁନ୍ଦରୀ (୧୦୦୦) ।
ଇତ୍ୟେତତ୍କଥିତଂ ଦିଵ୍ୟଂ ପରମାନନ୍ଦକାରଣମ୍ ॥ ୧୬୪ ॥
ଲାଵଣ୍ୟସିନ୍ଧୁଲହରୀବାଲାୟାସ୍ତୋଷମନ୍ଦିରମ୍ ।
ସହସ୍ରନାମ ତନ୍ତ୍ରାଣାଂ ସାରମାକୃଷ୍ୟ ପାର୍ଵତି ॥ ୧୬୫ ॥
ଅନେନ ସ୍ତୁଵତୋ ନିତ୍ୟମର୍ଧରାତ୍ରେ ନିଶାମୁଖେ ।
ପ୍ରାତଃ କାଲେ ଚ ପୂଜାୟାଂ ସର୍ଵକାଲମତଃ ପ୍ରିୟେ ॥ ୧୬୬ ॥
ସର୍ଵସାମ୍ରାଜ୍ୟସୁଖଦା ବାଲା ଚ ପରିତୁଷ୍ୟତି ।
ରତ୍ନାନି ଵିଵିଧାନ୍ୟସ୍ୟ ଵିତ୍ତାନି ପ୍ରଚୁରାଣି ଚ ॥ ୧୬୭ ॥
ମନୋରଥପଥସ୍ଥାନି ଦଦାତି ପରମେଶ୍ଵରୀ ।
ପୁତ୍ରାଃ ପୌତ୍ରାଶ୍ଚ ଵର୍ଧନ୍ତେ ସନ୍ତତିଃ ସାର୍ଵକାଲିକୀ ॥ ୧୬୮ ॥
ଶତ୍ରଵସ୍ତସ୍ୟ ନଶ୍ୟନ୍ତି ଵର୍ଧନ୍ତେଽସ୍ୟ ବଲାନି ଚ ।
ଵ୍ୟାଧୟସ୍ତସ୍ୟ ଦୂରସ୍ଥାଃ ସକଲାନ୍ୟୌଷଧାନି ଚ ॥ ୧୬୯ ॥
ମନ୍ଦିରାଣି ଵିଚିତ୍ରାଣି ରାଜନ୍ତେ ତସ୍ୟ ସର୍ଵଦା ।
କୃଷିଃ ଫଲଵତୀ ତସ୍ୟ ଭୂମିଃ କାମଦୁଘାଽଵ୍ୟୟା ॥ ୧୭୦ ॥
ସ୍ଫୀତୋ ଜନପଦସ୍ତସ୍ୟ ରାଜ୍ୟଂ ତସ୍ୟ ନିରୀତିକମ୍ ।
ମାତଙ୍ଗାଃ ପକ୍ଷିଣସ୍ତୁଙ୍ଗାଃ ସିଞ୍ଚନ୍ତୋ ମଦଵାରିଭିଃ ॥ ୧୭୧ ॥
ଦ୍ଵାରେ ତସ୍ୟ ଵିରାଜନ୍ତେ ହୃଷ୍ଟା ନାଗତୁରଙ୍ଗମାଃ ।
ପ୍ରଜାସ୍ତସ୍ୟ ଵିରାଜନ୍ତେ ନିର୍ଵିଵାଦାଶ୍ଚ ମନ୍ତ୍ରିଣଃ ॥ ୧୭୨ ॥
ଜ୍ଞାତୟସ୍ତସ୍ୟ ତୁଷ୍ୟନ୍ତି ଶୀଲଂ ତସ୍ୟାତିସୁନ୍ଦରମ୍ ।
ଲକ୍ଷ୍ମୀସ୍ତସ୍ୟ ଵଶେ ନିତ୍ୟଂ ସ୍ଵାସନା ଚ ମନୋରମା ॥ ୧୭୩ ॥
ଗଦ୍ୟପଦ୍ୟମୟୀ ଵାଣୀ ତସ୍ୟ ଗଙ୍ଗାତରଙ୍ଗଵତ୍ ।
ନାନାପଦପଦାର୍ଥାନାଂ ଵାଦଚାତୁର୍ୟସମ୍ଭୃତା ॥ ୧୭୪ ॥
ସମଗ୍ରରସସମ୍ପତ୍ତିଶାଲିନୀ ଲାସ୍ୟମାଲିନୀ ।
ଅଦୃଷ୍ଟାନ୍ୟପି ଶାସ୍ତ୍ରାଣୀ ପ୍ରକାଶ୍ୟନ୍ତେ ନିରନ୍ତରମ୍ ॥ ୧୭୫ ॥
ନିଗ୍ରହଃ ପରଵାକ୍ୟାନାଂ ସଭାୟାଂ ତସ୍ୟ ଜାୟତେ ।
ସ୍ତୁଵନ୍ତି ଵନ୍ଦିନସ୍ତଂ ଵୈ ରାଜାନୋ ଦାସଵତ୍ତଥା ॥ ୧୭୬ ॥
ଶସ୍ତ୍ରାଣ୍ୟସ୍ତ୍ରାଣି ତଦଙ୍ଗେ ଜନୟନ୍ତି ରୁଜାଂ ନ ହି ।
ମହିଲାସ୍ତସ୍ୟ ଵଶଗାଃ ସର୍ଵାଵସ୍ଥା ଭଵନ୍ତି ଵୈ ॥ ୧୭୭ ॥
ଵିଷଂ ନିର୍ଵିଷତାଂ ୟାତି ପାନୀୟମମୃତଂ ଭଵେତ୍ ।
ପରପକ୍ଷସ୍ତମ୍ଭନଂ ଚ ପ୍ରତିପକ୍ଷସ୍ୟ ଜୃମ୍ଭଣମ୍ ॥ ୧୭୮ ॥
ନଵରାତ୍ରେଣ ଜାୟେତ ସ ତଦଭ୍ୟାସୟୋଗଵିତ୍ ।
ଅହୋରାତ୍ରଂ ପଠେଦ୍ୟସ୍ତୁ ନିସ୍ତନ୍ଦ୍ରଃ ଶାନ୍ତମାନସଃ ॥ ୧୭୯ ॥
ଵଶେ ତସ୍ୟ ପ୍ରଜା ୟାତି ସର୍ଵେ ଲୋକାଃ ସୁନିଶ୍ଚିତମ୍ ।
ଷଣ୍ମାସାଭ୍ୟାସୟୋଗେନ ୟୋଗମାୟାତି ନିଶ୍ଚିତମ୍ ॥ ୧୮୦ ॥
ନିତ୍ୟଂ କାମକଲାଂ ଧ୍ୟାୟନ୍ ୟଃ ପଠେତ୍ ସ୍ତୋତ୍ରମୁତ୍ତମମ୍ ।
ମଦନୋନ୍ମାଦକଲିତାଃ ପୁରନ୍ଘ୍ର୍ୟାସ୍ତଦ୍ଵଶାନୁଗାଃ ॥ ୧୮୧ ॥
ଲାଵଣ୍ୟମଦନାଃ ସାକ୍ଷାଦ୍ଵୈଦଗ୍ଧ୍ୟମୁଦିତେକ୍ଷଣାଃ ।
ପ୍ରେମପୂର୍ଣାମପି ଵଶେ ହ୍ୟୁର୍ଵଶୀଂ ସ ହି ଵିନ୍ଦତି ॥ ୧୮୨ ॥
ଭୂର୍ଜପତ୍ରେ ରୋଚନୟା କୁଙ୍କୁମେନ ଶୁଭେ ଦିନେ ।
ଲାକ୍ଷାରସଦ୍ରଵେଣାପି ୟାଵକୈର୍ଵା ଵିଶେଷତଃ ॥ ୧୮୩ ॥
ଧାତୁରାଗେଣ ଵା ଦେଵି ଲିଖିତଂ ୟନ୍ତ୍ରମଞ୍ଚିତମ୍ ।
ସୁଵର୍ଣରୌପ୍ୟଗର୍ଭସ୍ଥଂ ସୁସମ୍ପୂତଂ ସୁସାଧିତମ୍ ॥ ୧୮୪ ॥
ବାଲାବୁଦ୍ଧ୍ୟା ପୂଜିତଂ ଚ ପ୍ରତିଷ୍ଠିତସମୀରଣମ୍ ।
ଧାରୟେନ୍ମସ୍ତକେ କଣ୍ଠେ ବାହୁମୂଲେ ତଥା ହୃଦି ॥ ୧୮୫ ॥
ନାଭୌ ଵାପି ଧୃତଂ ଧନ୍ୟଂ ଜୟଦଂ ସର୍ଵକାମଦମ୍ ।
ରକ୍ଷଣଂ ନାପରଂ କିଞ୍ଚିଦ୍ଵିଦ୍ୟତେ ଭୁଵନତ୍ରୟେ ॥ ୧୮୬ ॥
ଗ୍ରହରୋଗାଦିଭୟହୃତ୍ ସୁଖକୃତ୍ୟଵିଵର୍ଧନମ୍ ।
ବଲଵୀର୍ୟକରଂ କ୍ରୂରଭୂତଶତ୍ରୁଵିନାଶନମ୍ ॥ ୧୮୭ ॥
ପୁତ୍ରପୌତ୍ରାନ୍ ଗୁଣଗଣୈର୍ଵର୍ଧନଂ ଧନଧାନ୍ୟକୃତ୍ ।
ଧରଣ୍ୟାଂ ସା ପୁରୀ ଧନ୍ୟା ୟତ୍ରାୟଂ ସାଧକୋତ୍ତମଃ ॥ ୧୮୮ ॥
ୟଦ୍ଗୃହେ ଲିଖିତଂ ତିଷ୍ଠେତ୍ ସ୍ତୋତ୍ରମେତଦ୍ଵରାନନେ ।
ତତ୍ର ଚାହଂ ଶିଵେ ନିତ୍ୟଂ ହରିଶ୍ଚ କମଲା ତଥା ॥ ୧୮୯ ॥
ଵସାମଃ ସର୍ଵତୀର୍ଥାନାମୁତ୍ପତ୍ତିସ୍ତତ୍ର ଜାୟତେ ।
ୟୋ ଵାପି ପାଠୟେଦ୍ଭକ୍ତ୍ୟା ପଠେଦ୍ଵୈ ସାଧକୋତ୍ତମଃ ॥ ୧୯୦ ॥
ଜ୍ଞାନାନନ୍ଦକଲାୟୋଗାଦୈକ୍ୟଵୃତ୍ତିଂ ସ ଵିନ୍ଦତି ।
ସ୍ତୋତ୍ରେଣାନେନ ଦେଵେଶି ତଵ ପୂଜାଫଲଂ ଲଭେତ୍ ॥ ୧୯୧ ॥
ଷୋଢାନ୍ୟାସତନୁର୍ଭୂତ୍ଵା ପଠିତଵ୍ୟଂ ପ୍ରୟତ୍ନତଃ ।
ଉତ୍ତମା ସର୍ଵତନ୍ତ୍ରାଣାଂ ବାଲାୟାଃ ପୂଜନସ୍ରୁତିଃ ॥ ୧୯୨ ॥
ତତ୍ରୋତ୍ତମା ଷୋଡଶାର୍ଣା ତତ୍ରେଦଂ ସ୍ତୋତ୍ରମୁତ୍ତମମ୍ ।
ନାଶିଷ୍ୟାୟ ପ୍ରଦାତଵ୍ୟମଶୁଦ୍ଧାୟ ଶଠାୟ ଚ ॥ ୧୯୩ ॥
ଅଲସାୟାପ୍ରୟତ୍ନାୟାଶିଵାଭକ୍ତାୟ ସୁନ୍ଦରି ।
ଭକ୍ତିହୀନାୟ ମଲିନେ ଗୁରୁନିନ୍ଦାପରାୟ ଚ ॥ ୧୯୪ ॥
ଵିଷ୍ଣୁଭକ୍ତିଵିହୀନାୟ ଵିକଲ୍ପାଵୃତବୁଦ୍ଧୟେ ।
ଦେୟଂ ଭକ୍ତଵରେ ମୁକ୍ତେଃ କାରଣଂ ଭକ୍ତିଵର୍ଧନମ୍ ॥ ୧୯୫ ॥
ଲତାୟୋଗେ ପଠେଦ୍ୟସ୍ତୁ ସ୍ତୋତ୍ରମେତଦ୍ଵରାନନେ ।
ସୈଵ କଲ୍ପଲତା ତସ୍ୟ ଵାଞ୍ଛାଫଲକରୀ ତଥା ॥ ୧୯୬ ॥
ପୁଷ୍ପିତାୟା ଲତାୟୋଗେ କୁରଙ୍ଗମୁଖି ସାଧକଃ ।
ଅକ୍ଷୁବ୍ଧଃ ସନ୍ ପଠେଦ୍ୟସ୍ତୁ ଶତୟଜ୍ଞସ୍ୟ ପୁଣ୍ୟଭାକ୍ ॥ ୧୯୭ ॥
ବ୍ରହ୍ମାଦୟୋଽପି ଦେଵେଶି ପ୍ରାର୍ଥୟନ୍ତି ପଦଦ୍ଵୟମ୍ ।
ସ୍ଵୟଂ ଶିଵଃ ସ ଵିଜ୍ଞେୟୋ ୟୋ ବାଲାଭାଵଲମ୍ପଟଃ ॥ ୧୯୮ ॥
ବ୍ରହ୍ମାନନ୍ଦମୟୀ ଜ୍ୟୋତ୍ସ୍ନା ସଦାଶିଵଵିଧୂଦିତା ।
ଆନନ୍ଦୋ ୟୋଽପି ୟଂ ଵେଦା ଵଦନ୍ତ୍ୟସ୍ୟା ଵଶେ ସ୍ଥିତାଃ ॥ ୧୯୯ ॥
ଆହ୍ଲାଦନଂ ବାଲାଧ୍ୟାନାଦ୍ବାଲାୟା ନାମକୀର୍ତନାତ୍ ।
ସଦାନନ୍ଦାଭ୍ୟାସୟୋଗାତ୍ ସଦାନନ୍ଦଃ ପ୍ରଜାୟତେ ॥ ୨୦୦ ॥
ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଭୈରଵଭୈରଵୀସଂଵାଦେ
ଶ୍ରୀବାଲାତ୍ରିପୁରସୁନ୍ଦରୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥