॥ Gargasamhita’s Krishna Sahasranama Stotram Bengali Lyrics ॥
॥ গর্গসংহিতান্তর্গতং শ্রীকৃষ্ণসহস্রনামম্ ॥
গর্গ উবাচ
অথোগ্রসেনো নৃপতিঃ পুত্রস্যাশাং বিসৃজ্য চ ।
ব্যাসং পপ্রচ্ছ সন্দেহং জ্ঞাত্বা বিশ্বং মনোময়ম্ ॥ ১ ॥
উগ্রসেন উবাচ
ব্রহ্মন্ কেন প্রকারেণ হিত্বা চ জগতঃ সুখম্ ।
ভজেত্ কৃষ্ণং পরংব্রহ্ম তন্মে ব্যাখ্যাতুমর্হসি ॥ ২ ॥
ব্যাস উবাচ
ত্বদগ্রে কথয়িষ্যামি সত্যং হিতকরং বচঃ ।
উগ্রসেন মহারাজ শৃণুষ্বৈকাগ্রমানসঃ ॥ ৩ ॥
সেবনং কুরু রাজেন্দ্র রাধাশ্রীকৃষ্ণয়োঃ পরম্ ।
নিত্যং সহস্রনামভ্যামুভয়োর্ভক্তিতঃ কিল ॥ ৪ ॥
সহস্রনাম রাধায়া বিধির্জানাতি ভূপতে ।
শঙ্করো নারদশ্চৈব কেচিদ্বৈ চাস্মদাদয়ঃ ॥ ৫ ॥
উগ্রসেন উবাচ
রাধিকানামসাহস্রং নারদাচ্চ পুরা শ্রুতম্ ।
একান্তে দিব্যশিবিরে কুরুক্ষেত্রে রবিগ্রহে ॥ ৬ ॥
ন শ্রুতং নামসাহস্রং কৃষ্ণস্যাক্লিষ্টকর্মণঃ ।
বদ তন্মে চ কৃপয়া য়েন শ্রেয়োঽহমাপ্নুয়াম্ ॥ ৭ ॥
গর্গ উবাচ
শ্রুত্বোগ্রসেনবচনং বেদব্যাসো মহামুনিঃ ।
প্রশস্য তং প্রীতমনাঃ প্রাহ কৃষ্ণং বিলোকয়ন্ ॥ ৮ ॥
ব্যাস উবাচ
শৃণু রাজন্ প্রবক্ষ্যামি সহস্রং নাম সুন্দরম্ ।
পুরা স্বধাম্নি রাধায়ৈ কৃষ্ণেনানেন নির্মিতম্ ॥ ৯ ॥
শ্রীভগবানুবাচ
ইদং রহস্যং কিল গোপনীয়ং দত্তে চ হানিঃ সততং ভবেদ্ধি ।
মোক্ষপ্রদং সর্বসুখপ্রদং শং পরং পরার্থং পুরুষার্থদং চ ॥ ১০ ॥
রূপং চ মে কৃষ্ণসহস্রনাম পঠেত্তু মদ্রূপ ইব প্রসিদ্ধঃ ।
দাতব্যমেবং ন শঠায় কুত্র ন দাম্ভিকায়োপদিশেত্ কদাপি ॥ ১১ ॥
দাতব্যমেবং করুণাবৃতায় গুর্বংঘ্রিভক্তিপ্রপরায়ণায় ।
শ্রীকৃষ্ণভক্তায় সতাং পরায় তথা মদক্রোধবিবর্জিতায় ॥ ১২ ॥
ওঁ অস্য শ্রীকৃষ্ণসহস্রনামস্তোত্রমন্ত্রস্য নারায়ণঋষিঃ ।
ভুজঙ্গপ্রয়াতং ছন্দঃ । শ্রীকৃষ্ণচন্দ্রো দেবতা ।
বাসুদেবো বীজং । শ্রীরাধা শক্তিঃ । মন্মথঃ কীলকং ।
শ্রীপূর্ণব্রহ্মকৃষ্ণচন্দ্রভক্তিজন্মফলপ্রাপ্তয়ে জপে বিনিয়োগঃ ॥ ॥
অথ ধ্যানম্ । (ভুজঙ্গপ্রয়াতম্)
শিখিমুকুটবিশেষং নীলপদ্মাঙ্গদেশং
বিধুমুখকৃতকেশং কৌস্তুভাপীতবেশম্ ।
মধুররবকলেশং শং ভজে ভ্রাতৃশেষং
ব্রজজনবনিতেশং মাধবং রাধিকেশম্ ॥ ১৩ ॥
ইতি ধ্যানম্ ॥
হরির্দেবকীনন্দনঃ কংসহংতা পরাত্মা চ পীতাম্বরঃ পূর্ণদেবঃ ।
রমেশস্তু কৃষ্ণঃ পরেশঃ পুরাণঃ সুরেশোঽচ্যুতো বাসুদেবশ্চ দেবঃ ॥ ১৪ ॥
ধরাভারহর্তা কৃতী রাধিকেশঃ পরো ভূবরো দিব্যগোলোকনাথঃ ।
সুদাম্নস্তথা রাধিকাশাপহেতুর্ঘৃণী মানিনীমানদো দিব্যলোকঃ ॥ ১৫ ॥
লসদ্গোপবেষো হ্যজো রাধিকাত্মা চলত্কুণ্ডলঃ কুন্তলী কুন্তলস্রক্ ।
রথস্থঃ কদা রাধয়া দিব্যরত্নঃ সুধাসৌধভূচারণো দিব্যবাসাঃ ॥ ১৬ ॥
কদা বৃন্দকারণ্যচারী স্বলোকে মহারত্নসিংহাসনস্থঃ প্রশান্তঃ ।
মহাহংসভৈ(?)শ্চামরৈর্বীজ্যমানশ্চলচ্ছত্রমুক্তাবলীশোভমানঃ ॥ ১৭ ॥
সুখী কোটিকন্দর্পলীলাভিরামঃ ক্বণন্নূপুরালঽগ্কৃতাংঘ্রিঃ শুভাংঘ্রিঃ ।
সুজানুশ্চ রংভাশুভোরুঃ কৃশাঙ্গঃ প্রতাপী ভুশুণ্ডাসুদোর্দণ্ডখণ্ডঃ ॥ ১৮ ॥
জপাপুষ্পহস্তশ্চ শাতোদরশ্রীর্মহাপদ্মবক্ষস্থলশ্চন্দ্রহাসঃ ।
লসত্কুন্দদন্তশ্চ বিম্বাধরশ্রীঃ শরত্পদ্মনেত্রঃ কিরীটোজ্জ্বলাভঃ ॥ ১৯ ॥
সখীকোটিভির্বর্তমানো নিকুঞ্জে প্রিয়ারাধয়া রাসসক্তো নবাঙ্গঃ ।
ধরাব্রহ্মরুদ্রাদিভিঃ প্রার্থিতঃ সদ্ধরাভারদূরীকৃতার্থং প্রজাতঃ ॥ ২০ ॥
য়দুর্দেবকীসৌখ্যদো বন্ধনচ্ছিত্ সশেষো বিভুর্যোগমায়ী চ বিষ্ণুঃ ।
ব্রজে নন্দপুত্রো য়শোদাসুতাখ্যো মহাসৌখ্যদো বালরূপঃ শুভাঙ্গঃ ॥ ২১ ॥
তথা পূতনামোক্ষদঃ শ্যামরূপো দয়ালুস্ত্বনোভঞ্জনঃ পল্লবাংঘ্রিঃ ।
তৃণাবর্তসংহারকারী চ গোপো য়শোদায়শো বিশ্বরূপপ্রদর্শী ॥ ২২ ॥
তথা গর্গদিষ্টশ্চ ভাগ্যোদয়শ্রীঃ লসদ্বালকেলিঃসরামঃ সুবাচঃ ।
ক্বণন্নূপুরৈঃ শব্দয়ুগ্রিঙ্গমাণস্তথা জানুহস্তৈর্ব্রজেশাঙ্গণে বা ॥ ২৩ ॥
দধিস্পৃক্চ হৈয়ঙ্গবীদুগ্ধভোক্তা দধিস্তেয়কৃদ্দুগ্ধভুগ্ভাণ্ডভেত্তা ।
মৃদং ভুক্তবান্ গোপজো বিশ্বরূপঃ প্রচণ্ডাংশুচণ্ডপ্রভামণ্ডিতাঙ্গঃ ॥ ২৪ ॥
য়শোদাকরৈর্বর্ধনং প্রাপ্ত আদ্যো মণিগ্রীবমুক্তিপ্রদো দামবদ্ধঃ ।
কদা নৃত্যমানো ব্রজে গোপিকাভিঃ কদা নন্দসন্নন্দকৈর্লাল্যমানঃ ॥ ২৫ ॥
কদা গোপনন্দাংকগোপালরূপী কলিন্দাঙ্গজাকূলগো বর্তমানঃ ।
ঘনৈর্মারুতৈশ্চ্ছন্নভাণ্ডীরদেশে গৃহীতো বরো রাধয়া নন্দহস্তাত্ ॥ ২৬ ॥
নিকুঞ্জে চ গোলোকলোকাগতেঽপি মহারত্নসঙ্ঘৈঃ কদম্বাবৃতেঽপি ।
তদা ব্রহ্মণা রাধিকাসদ্বিবাহে প্রতিষ্ঠাং গতঃ পূজিতঃ সামমন্ত্রৈঃ ॥ ২৭ ॥
রসী রাসয়ুঙ্মালতীনাং বনেঽপি প্রিয়ারাধয়াঽঽরাধিতার্থো রমেশঃ ।
variation প্রিয়ারাধয়া রাধিকার্থম্
ধরানাথ আনন্দদঃ শ্রীনিকেতো বনেশো ধনী সুন্দরো গোপিকেশঃ ॥ ২৮ ॥
কদা রাধয়া প্রাপিতো নন্দগেহে য়শোদাকরৈর্লালিতো মন্দহাসঃ ।
ভয়ী ক্বাপি বৃন্দারকারণ্যবাসী মহামন্দিরে বাসকৃদ্দেবপূজ্যঃ ॥ ২৯ ॥
বনে বত্সচারী মহাবত্সহারী বকারিঃ সুরৈঃ পূজিতোঽঘারিনামা ।
বনে বত্সকৃদ্গোপকৃদ্গোপবেষঃ কদা ব্রহ্মণা সংস্তুতঃ পদ্মনাভঃ ॥ ৩০ ॥
বিহারী তথা তালভুগ্ধেনুকারিঃ সদা রক্ষকো গোবিষার্থিপ্রণাশী ।
কলিন্দাঙ্গজাকূলগঃ কালিয়স্য দমী নৃত্যকারী ফণেষ্বপ্রসিদ্ধঃ ॥ ৩১ ॥
সলীলঃ শমী জ্ঞানদঃ কামপূরস্তথা গোপয়ুগ্গোপ আনন্দকারী ।
স্থিরীহ্যগ্নিভুক্পালকো বাললীলঃ সুরাগশ্চ বংশীধরঃ পুষ্পশীলঃ ॥ ৩২ ॥
প্রলম্বপ্রভানাশকো গৌরবর্ণো বলো রোহিণীজশ্চ রামশ্চ শেষঃ ।
বলী পদ্মনেত্রশ্চ কৃষ্ণাগ্রজশ্চ ধরেশঃ ফণীশস্তু নীলাম্বরাভঃ ॥ ৩৩ ॥
মহাসৌখ্যদো হ্যগ্নিহারো ব্রজেশঃ শরদ্গ্রীষ্মবর্ষাকরঃ কৃষ্ণবর্ণঃ ।
ব্রজে গোপিকাপূজিতশ্চীরহর্তা কদম্বে স্থিতশ্চীরদঃ সুন্দরীশঃ ॥ ৩৪ ॥
ক্ষুধানাশকৃদ্যজ্ঞপত্নীমনঃস্পৃক্কৃপাকারকঃ কেলিকর্তাবনীশঃ ।
ব্রজে শক্রয়াগপ্রণাশী মিতাশী শুনাসীরমোহপ্রদো বালরূপী ॥ ৩৫ ॥
গিরেঃ পূজকো নন্দপুত্রো হ্যগধ্রঃ কৃপাকৃচ্চ গোবর্ধনোদ্ধারিনামা ।
তথা বাতবর্ষাহরো রক্ষকশ্চ ব্রজাধীশগোপাঙ্গনাশঙ্কিতঃ সন্ ॥ ৩৬ ॥
অগেন্দ্রোপরি শক্রপূজ্যঃ স্তুতঃ প্রাঙ্মৃষাশিক্ষকো দেবগোবিন্দনামা ।
ব্রজাধীশরক্ষাকরঃ পাশিপূজ্যোঽনুজৈর্গোপজৈর্দিব্যবৈকুণ্ঠদর্শী ॥ ৩৭ ॥
চলচ্চারুবংশীক্বণঃ কামিনীশো ব্রজে কামীনীমোহদঃ কামরূপঃ ।
রসাক্তো রসী রাসকৃদ্রাধিকেশো মহামোহদো মানিনীমানহারী ॥ ৩৮ ॥
বিহারী বরো মানহৃদ্রাধিকাংগো ধরাদ্বীপগঃ খণ্ডচারী বনস্থঃ ।
প্রিয়ো হ্যষ্টবক্রর্ষিদ্রষ্টা সরাধো মহামোক্ষদঃ পদ্মহারী প্রিয়ার্থঃ ॥ ৩৯ ॥
বটস্থঃ সুরশ্চন্দনাক্তঃ প্রসক্তো ব্রজং হ্যাগতো রাধয়া মোহিনীষু ।
মহামোহকৃদ্গোপিকাগীতকীর্তী রসস্থঃ পটী দুঃখিতাকামিনীশঃ ॥ ৪০ ॥
বনে গোপিকাত্যাগকৃত্পাদচিহ্নপ্রদর্শী কলাকারকঃ কামমোহী ।
বশী গোপিকামধ্যগঃ পেশবাচঃ প্রিয়াপ্রীতিকৃদ্রাসরক্তঃ কলেশঃ ॥ ৪১ ॥
রসারক্তচিত্তো হ্যনন্তস্বরূপঃ স্রজা সংবৃতো বল্লবীমধ্যসংস্থঃ ।
সুবাহুঃ সুপাদঃ সুবেশঃ সুকেশো ব্রজেশঃ সখা বল্লভেশঃ সুদেশঃ ॥ ৪২ ॥
ক্বণত্কিঙ্কিণীজালভৃন্নূপুরাঢ্যো লসত্কঙ্কণো হ্যঙ্গদী হারভারঃ ।
কিরীটী চলত্কুণ্ডলশ্চাঙ্গুলীয়স্ফুরত্কৌস্তুভো মালতীমণ্ডিতাঙ্গঃ ॥ ৪৩ ॥
মহানৃত্যকৃদ্রাসরঙ্গঃ কলাঢ্যশ্চলদ্ধারভো ভামিনীনৃত্যয়ুক্তঃ ।
কলিন্দাঙ্গজাকেলিকৃত্কুংকুমশ্রীঃ সুরৈর্নায়িকানায়কৈর্গীয়মানঃ ॥ ৪৪ ॥
সুখাঢ্যস্তু রাধাপতিঃ পূর্ণবোধঃ কটাক্ষস্মিতীবল্গিতভ্রূবিলাসঃ ।
সুরম্যোঽলিভিঃ কুন্তলালোলকেশঃ স্ফুরদ্বর্হকুন্দস্রজা চারুবেষঃ ॥ ৪৫ ॥
মহাসর্পতো নন্দরক্ষাপরাংঘ্রিঃ সদা মোক্ষদঃ শঙ্খচূডপ্রণাশী ।
variation মহামোক্ষদঃ
প্রজারক্ষকো গোপিকাগীয়মানঃ ককুদ্মিপ্রণাশপ্রয়াসঃ সুরেজ্যঃ ॥ ৪৬ ॥
কলিঃ ক্রোধকৃত্কংসমন্ত্রোপদেষ্টা তথাক্রূরমন্ত্রোপদেশী সুরার্থঃ ।
বলী কেশিহা পুষ্পবর্ষোঽমলশ্রীস্তথা নারদাদ্দর্শিতো ব্যোমহন্তা ॥ ৪৭ ॥
তথাক্রূরসেবাপরঃ সর্বদর্শী ব্রজে গোপিকামোহদঃ কূলবর্তী ।
সতীরাধিকাবোধদঃ স্বপ্নকর্তা বিলাসী মহামোহনাশী স্ববোধঃ ॥ ৪৮ ॥
ব্রজে শাপতস্ত্যক্তরাধাসকাশো মহামোহদাবাগ্নিদগ্ধাপতিশ্চ ।
সখীবন্ধনান্মোহিতাক্রূর আরাত্সখীকঙ্কণৈস্তাডিতাক্রূররক্ষী ॥ ৪৯ ॥
রথস্থো ব্রজে রাধয়া কৃষ্ণচন্দ্রঃ সুগুপ্তো গমী গোপকৈশ্চারুলীলঃ ।
জলেঽক্রূরসন্দর্শিতো দিব্যরূপো দিদৃক্ষুঃ পুরীমোহিনীচিত্তমোহী ॥ ৫০ ॥
তথা রঙ্গকারপ্রণাশী সুবস্ত্রঃস্রজী বায়কপ্রীতিকৃন্মালিপূজ্যঃ ।
মহাকীর্তিদশ্চাপি কুব্জাবিনোদী স্ফুরচ্চণ্ডকোদণ্ডরুগ্ণপ্রচণ্ডঃ ॥ ৫১ ॥
ভটার্তিপ্রদঃ কংসদুঃস্বপ্নকারী মহামল্লবেষঃ করীন্দ্রপ্রহারী ।
মহামাত্যহা রঙ্গভূমিপ্রবেশী রসাঢ্যো য়শঃস্পৃগ্বলী বাক্পটুশ্রীঃ ॥ ৫২ ॥
মহামল্লহা য়ুদ্ধকৃত্স্ত্রীবচোঽর্থী ধরানায়কঃ কংসহন্তা য়দুঃপ্রাক্ ।
সদা পূজিতো হ্যুগ্রসেনপ্রসিদ্ধো ধরারাজ্যদো য়াদবৈর্মণ্ডিতাঙ্গঃ ॥ ৫৩ ॥
গুরোঃ পুত্রদো ব্রহ্মবিদ্ব্রহ্মপাঠী মহাশঙ্খহা দণ্ডধৃক্পূজ্য এব ।
ব্রজে হ্যুদ্ধবপ্রেষিতো গোপমোহী য়শোদাঘৃণী গোপিকাজ্ঞানদেশী ॥ ৫৪ ॥
সদা স্নেহকৃত্কুব্জয়া পূজিতাঙ্গস্তথাক্রূরগেহংগমী মন্ত্রবেত্তা ।
তথা পাণ্ডবপ্রেষিতাক্রূর এব সুখী সর্বদর্শী নৃপানন্দকারী ॥ ৫৫ ॥
মহাক্ষৌহিণীহা জরাসন্ধমানী নৃপো দ্বারকাকারকো মোক্ষকর্তা ।
রণী সার্বভৌমস্তুতো জ্ঞানদাতা জরাসন্ধসঙ্কল্পকৃদ্ধাবদংঘ্রিঃ ॥ ৫৬ ॥
নগাদুত্পতদ্দ্বারিকামধ্যবর্তী তথা রেবতীভূষণস্তালচিহ্নঃ ।
য়দূ রুক্মিণীহারকশ্চৈদ্যবেদ্যস্তথা রুক্মিরূপপ্রণাশী সুখাশী ॥ ৫৭ ॥
অনন্তশ্চ মারশ্চ কার্ষ্ণিশ্চ কামো মনোজস্তথা শম্বরারী রতীশঃ ।
রথী মন্মথো মীনকেতুঃ শরী চ স্মরো দর্পকো মানহা পঞ্চবাণঃ ॥ ৫৮ ॥
প্রিয়ঃ সত্যভামাপতির্যাদবেশোঽথ সত্রাজিতপ্রেমপূরঃ প্রহাসঃ ।
মহারত্নদো জাম্ববদ্যুদ্ধকারী মহাচক্রধৃক্খড্গধৃগ্রামসংধিঃ ॥ ৫৯ ॥
বিহারস্থিতঃ পাণ্ডবপ্রেমকারী কলিন্দাঙ্গজামোহনঃ খাণ্ডবার্থী ।
সখা ফাল্গুনপ্রীতিকৃন্নগ্রকর্তা তথা মিত্রবিন্দাপতিঃ ক্রীডনার্থী ॥ ৬০ ॥
নৃপপ্রেমকৃদ্গোজিতঃ সপ্তরূপোঽথ সত্যাপতিঃ পারিবর্হী য়থেষ্টঃ ।
নৃপৈঃ সংবৃতশ্চাপি ভদ্রাপতিস্তু বিলাসী মধোর্মানিনীশো জনেশঃ ॥ ৬১ ॥
শুনাসীরমোহাবৃতঃ সত্সভার্যঃ সতার্ক্ষ্যো মুরারিঃ পুরীসঙ্ঘভেত্তা ।
সুবীরঃশিরঃখণ্ডনো দৈত্যনাশী শরী ভৌমহা চণ্ডবেগঃ প্রবীরঃ ॥ ৬২ ॥
ধরাসংস্তুতঃ কুণ্ডলচ্ছত্রহর্তা মহারত্নয়ুগ্ রাজকন্যাভিরামঃ ।
শচীপূজিতঃ শক্রজিন্মানহর্তা তথা পারিজাতাপহারী রমেশঃ ॥ ৬৩ ॥
গৃহী চামরৈঃ শোভিতো ভীষ্মকন্যাপতির্হাস্যকৃন্মানিনীমানকারী ।
তথা রুক্মিণীবাক্পটুঃ প্রেমগেহঃ সতীমোহনঃ কামদেবাপরশ্রীঃ ॥ ৬৪ ॥
সুদেষ্ণঃ সুচারুস্তথা চারুদেষ্ণোঽপরশ্চারুদেহো বলী চারুগুপ্তঃ ।
সুতী ভদ্রচারুস্তথা চারুচন্দ্রো বিচারুশ্চ চারূ রথী পুত্ররূপঃ ॥ ৬৫ ॥
সুভানুঃ প্রভানুস্তথা চন্দ্রভানুর্বৃহদ্ভানুরেবাষ্টভানুশ্চ সাম্বঃ ।
সুমিত্রঃ ক্রতুশ্চিত্রকেতুস্তু বীরোঽশ্বসেনো বৃষশ্চিত্রগুশ্চন্দ্রবিম্বঃ ॥ ৬৬ ॥
বিশঙ্কুর্বসুশ্চ শ্রুতো ভদ্র একঃ সুবাহুর্বৃষঃ পূর্ণমাসস্তু সোমঃ ।
বরঃ শান্তিরেব প্রঘোষোঽথ সিংহো বলো হ্যূর্ধ্বগোবর্ধনোন্নাদ এব ॥ ৬৭ ॥
মহাশো বৃকঃ পাবনো বহ্নিমিত্রঃ ক্ষুধির্হর্ষকশ্চানিলোঽমিত্রজিচ্চ ।
সুভদ্রো জয়ঃ সত্যকো বাম আয়ুর্যদুঃ কোটিশঃ পুত্রপৌত্রপ্রসিদ্ধঃ ॥ ৬৮ ॥
হলী দণ্ডধৃগ্রুক্মিহা চানিরুদ্ধস্তথা রাজভির্হাস্যগো দ্যূতকর্তা ।
মধুর্ব্রহ্মসূর্বাণপুত্রীপতিশ্চ মহাসুন্দরঃ কামপুত্রো বলীশঃ ॥ ৬৯ ॥
মহাদৈত্যসংগ্রামকৃদ্যাদবেশঃ পুরীভঞ্জনো ভূতসংত্রাসকারী ।
মৃধী রুদ্রজিদ্রুদ্রমোহী মৃধার্থী তথা স্কন্দজিত্কূপকর্ণপ্রহারী ॥ ৭০ ॥
ধনুর্ভঞ্জনো বাণমানপ্রহারী জ্বরোত্পত্তিকৃত্সংস্তুতস্তু জ্বরেণ ।
ভুজাচ্ছেদকৃদ্বাণসংত্রাসকর্তা মৃডপ্রস্তুতো য়ুদ্ধকৃদ্ভূমিভর্তা ॥ ৭১ ॥
নৃগং মুক্তিদো জ্ঞানদো য়াদবানাং রথস্থো ব্রজপ্রেমপো গোপমুখ্যঃ ।
মহাসুন্দরীক্রীডিতঃ পুষ্পমালী কলিন্দাঙ্গজাভেদনঃ সীরপাণিঃ ॥ ৭২ ॥
মহাদংভিহা পৌণ্ড্রমানপ্রহারো শিরশ্ছেদকঃ কাশিরাজপ্রণাশী ।
মহাক্ষৌহিণীধ্বংসকৃচ্চক্রহস্তঃ পুরীদীপকো রাক্ষসীনাশকর্তা ॥ ৭৩ ॥
অনন্তো মহীধ্রঃ ফণী বানরারিঃ স্ফুরদ্গৌরবর্ণো মহাপদ্মনেত্রঃ ।
কুরুগ্রামতির্যগ্গতো গৌরবার্থঃ স্তুতঃ কৌরবৈঃ পারিবর্হী সসাম্বঃ ॥ ৭৪ ॥
মহাবৈভবী দ্বারকেশো হ্যনেকশ্চলন্নারদঃ শ্রীপ্রভাদর্শকস্তু ।
মহর্ষিস্তুতো ব্রহ্মদেবঃ পুরাণঃ সদা ষোডশস্ত্রীসহস্রস্থিতশ্চ ॥ ৭৫ ॥ ॥
গৃহী লোকরক্ষাপরো লোকরীতিঃ প্রভুর্হ্যুগ্রসেনাবৃতো দুর্গয়ুক্তঃ ।
তথা রাজদূতস্তুতো বন্ধভেত্তা স্থিতো নারদপ্রস্তুতঃ পাণ্ডবার্থী ॥ ৭৬ ॥
নৃপৈর্মন্ত্রকৃত্ হ্যুদ্ধবপ্রীতিপূর্ণো বৃতঃ পুত্রপৌত্রৈঃ কুরুগ্রামগন্তা ।
ঘৃণী ধর্মরাজস্তুতো ভীময়ুক্তঃ পরানন্দদো মন্ত্রকৃদ্ধর্মজেন ॥ ৭৭ ॥
দিশাজিদ্বলী রাজসূয়ার্থকারী জরাসন্ধহা ভীমসেনস্বরূপঃ ।
তথা বিপ্ররূপো গদায়ুদ্ধকর্তা কৃপালুর্মহাবন্ধনচ্ছেদকারী ॥ ৭৮ ॥
নৃপৈঃ সংস্তুতো হ্যাগতো ধর্মগেহং দ্বিজৈঃ সংবৃতো য়জ্ঞসংভারকর্তা ।
জনৈঃ পূজিতশ্চৈদ্যদুর্বাক্ক্ষমশ্চ মহামোহদোঽরেঃ শিরশ্চ্ছেদকারী ॥ ৭৯ ॥
মহায়জ্ঞশোভাকরশ্চক্রবর্তী নৃপানন্দকারী বিহারী সুহারী ।
সভাসংবৃতো মানহৃত্কৌরবস্য তথা শাল্বসংহারকো য়ানহন্তা ॥ ৮০ ॥
সভোজশ্চ বৃষ্ণির্মধুঃশূরসেনো দশার্হো য়দুর্হ্যংধকো লোকজিচ্চ ।
দ্যুমন্মানহা বর্মধৃগ্দিব্যশস্ত্রী স্ববোধঃ সদা রক্ষকো দৈত্যহন্তা ॥ ৮১ ॥
তথা দন্তবক্ত্রপ্রণাশী গদাধৃগ্জগত্তীর্থয়াত্রাকরঃ পদ্মহারঃ ।
কুশী সূতহন্তা কৃপাকৃত্স্মৃতীশোঽমলো বল্বলাঙ্গপ্রভাখণ্ডকারী ॥ ৮২ ॥
তথা ভীমদুর্যোধনজ্ঞানদাতাপরো রোহিণীসৌখ্যদো রেবতীশঃ ।
মহাদানকৃদ্বিপ্রদারিদ্র্যহা চ সদা প্রেময়ুক্ শ্রীসুদাম্নঃ সহায়ঃ ॥ ৮৩ ॥
তথা ভার্গবক্ষেত্রগন্তা সরামোঽথ সূর্যোপরাগশ্রুতঃ সর্বদর্শী ।
মহাসেনয়া চাস্থিতঃ স্নানয়ুক্তো মহাদানকৃন্মিত্রসম্মেলনার্থী ॥ ৮৪ ॥
তথা পাণ্ডবপ্রীতিদঃ কুন্তিজার্থী বিশালাক্ষমোহপ্রদঃ শান্তিদশ্চ ।
বটে রাধিকারাধনো গোপিকাভিঃ সখীকোটিভী রাধিকাপ্রাণনাথঃ ॥ ৮৫ ॥
সখীমোহদাবাগ্নিহা বৈভবেশঃ স্ফুরত্কোটিকন্দর্পলীলাবিশেষঃ ।
সখীরাধিকাদুঃখনাশী বিলাসী সখীমধ্যগঃ শাপহা মাধবীশঃ ॥ ৮৬ ॥
শতং বর্ষবিক্ষেপহৃন্নন্দপুত্রস্তথা নন্দবক্ষোগতঃ শীতলাঙ্গঃ ।
য়শোদাশুচঃ স্নানকৃক্দ্দুঃখহন্তা সদাগোপিকানেত্রলগ্নো ব্রজেশঃ ॥ ৮৭ ॥
স্তুতো দেবকীরোহিণীভ্যাং সুরেন্দ্রো রহো গোপিকাজ্ঞানদো মানদশ্চ ।
তথা সংস্তুতঃ পট্টরাজ্ঞীভিরারাদ্ধনী লক্ষ্মণাপ্রাণনাথঃ সদা হি ॥ ৮৮ ॥
ত্রিভিঃ ষোডশস্ত্রীসহস্রস্তুতাঙ্গঃ শুকো ব্যাসদেবঃ সুমন্তুঃ সিতশ্চ ।
ভরদ্বাজকো গৌতমো হ্যাসুরিঃ সদ্বসিষ্ঠঃ শতানন্দ আদ্যঃ সরামঃ ॥ ৮৯ ॥
মুনিঃ পর্বতো নারদো ধৌম্য ইন্দ্রোঽসিতোঽত্রির্বিভাণ্ডঃ প্রচেতাঃ কৃপশ্চ ।
কুমারঃ সনন্দস্তথা য়াজ্ঞবল্ক্যঃ ঋভুর্হ্যঙ্গিরা দেবলঃ শ্রীমৃকণ্ডঃ ॥ ৯০ ॥
মরীচী ক্রতুশ্চৌর্বকো লোমশশ্চ পুলস্ত্যো ভৃগুর্ব্রহ্মরাতো বসিষ্ঠঃ ।
নরশ্চাপি নারায়ণো দত্ত এব তথা পাণিনিঃ পিঙ্গলো ভাষ্যকারঃ ॥ ৯১ ॥
সকাত্যায়নো বিপ্রপাতঞ্জলিশ্চাথ গর্গো গুরুর্গীষ্পতির্গৌতমীশঃ ।
মুনির্জাজলিঃ কশ্যপো গালবশ্চ দ্বিজঃ সৌভরিশ্চর্ষ্যশৃঙ্গশ্চ কণ্বঃ ॥ ৯২ ॥
দ্বিতশ্চৈকতশ্চাপি জাতূদ্ভবশ্চ ঘনঃ কর্দমস্যাত্মজঃ কর্দমশ্চ ।
তথা ভার্গবঃ কৌত্সকশ্চারুণস্তু শুচিঃ পিপ্পলাদো মৃকণ্ডস্য পুত্রঃ ॥ ৯৩ ॥
সপৈলঃস্তথা জৈমিনিঃ সত্সুমন্তুর্বরো গাঙ্গলঃ স্ফোটগেহঃ ফলাদঃ ।
সদা পূজিতো ব্রাহ্মণঃ সর্বরূপী মুনীশো মহামোহনাশোঽমরঃ প্রাক্ ॥ ৯৪ ॥
মুনীশস্তুতঃ শৌরিবিজ্ঞানদাতা মহায়জ্ঞকৃচ্চাভৃতস্নানপূজ্যঃ ।
সদা দক্ষিণাদো নৃপৈঃ পারিবর্হী ব্রজানন্দদো দ্বারিকাগেহদর্শী ॥ ৯৫ ॥
মহাজ্ঞানদো দেবকীপুত্রদশ্চাসুরৈঃ পূজিতো হীন্দ্রসেনাদৃতশ্চ ।
সদা ফাল্গুনপ্রীতিকৃত্ সত্সুভদ্রাবিবাহে দ্বিপাশ্বপ্রদো মানয়ানঃ ॥ ৯৬ ॥
ভুবং দর্শকো মৈথিলেন প্রয়ুক্তো দ্বিজেনাশু রাজ্ঞাস্থিতো ব্রাহ্মণৈশ্চ ।
কৃতী মৈথিলে লোকবেদোপদেশী সদাবেদবাক্যৈঃ স্তুতঃ শেষশায়ী ॥ ৯৭ ॥
পরীক্ষাবৃতো ব্রাহ্মণৈশ্চামরেষু ভৃগুপ্রার্থিতো দৈত্যহা চেশরক্ষী ।
সখা চার্জুনস্যাপি মানপ্রহারী তথা বিপ্রপুত্রপ্রদো ধামগন্তা ॥ ৯৮ ॥
বিহারস্থিতো মাধবীভিঃ কলাঙ্গো মহামোহদাবাগ্নিদগ্ধাভিরামঃ ।
য়দুর্হ্যুগ্রসেনো নৃপোঽক্রূর এব তথা চোদ্ধবঃ শূরসেনশ্চ শূরঃ ॥ ৯৯ ॥
হৃদীকশ্চ সত্রাজিতশ্চাপ্রমেয়ো গদঃ সারণঃ সাত্যকির্দেবভাগঃ ।
তথা মানসঃ সঞ্জয়ঃ শ্যামকশ্চ বৃকো বত্সকো দেবকো ভদ্রসেনঃ ॥ ১০০ ॥
নৃপোঽজাতশত্রুর্জয়ো মাদ্রিপুত্রোঽথ ভীমঃ কৃপো বুদ্ধিচক্ষুশ্চ পাণ্ডুঃ ।
তথা শন্তনুর্দেববাহ্লীক এবাথ ভূরিশ্রবাশ্চিত্রবীর্যো বিচিত্রঃ ॥ ১০১ ॥
শলশ্চাপি দুর্যোধনঃ কর্ণ এব সুভদ্রাসুতো বিষ্ণুরাতঃ প্রসিদ্ধঃ ।
সজন্মেজয়ঃ পাণ্ডবঃ কৌরবশ্চ তথা সর্বতেজা হরিঃ সর্বরূপী ॥ ১০২ ॥
ব্রজং হ্যাগতো রাধয়া পূর্ণদেবো বরো রাসলীলাপরো দিব্যরূপী ।
রথস্থো নবদ্বীপখণ্ডপ্রদর্শী মহামানদো গোপজো বিশ্বরূপঃ ॥ ১০৩ ॥
সনন্দশ্চ নন্দো বৃষো বল্লভেশঃ সুদামার্জুনঃ সৌবলস্তোক এব ।
সকৃষ্ণো শুকঃ সদ্বিশালর্ষভাখ্যঃ সুতেজস্বিকঃ কৃষ্ণমিত্রো বরূথঃ ॥ ১০৪ ॥
কুশেশো বনেশস্তু বৃন্দাবনেশস্তথা মথুরেশাধিপো গোকুলেশঃ ।
সদা গোগণো গোপতির্গোপিকেশোঽথ গোবর্ধনো গোপতিঃ কন্যকেশঃ ॥ ১০৫ ॥
অনাদিস্তু চাত্মা হরিঃ পূরুষশ্চ পরো নির্গুণো জ্যোতিরূপো নিরীহঃ ।
সদা নির্বিকারঃ প্রপঞ্চাত্ পরশ্চ সসত্যস্তু পূর্ণঃ পরেশস্তু সূক্ষ্মঃ ॥ ১০৬ ॥ সমত্য ??
দ্বারকায়াং তথা চাশ্বমেধস্য কর্তা নৃপেণাপি পৌত্রেণ ভূভারহর্তা ।
পুনঃ শ্রীব্রজে রাসরঙ্গস্য কর্তা হরী রাধয়া গোপিকানাং চ ভর্তা ॥ ১০৭ ॥
সদৈকস্ত্বনেকঃ প্রভাপূরিতাঙ্গস্তথা য়োগমায়াকরঃ কালজিচ্চ ।
সুদৃষ্টির্মহত্তত্ত্বরূপঃ প্রজাতঃ সকূটস্থ আদ্যাঙ্কুরো বৃক্ষরূপঃ ॥ ১০৮ ॥
বিকারস্থিতশ্চ হ্যহঙ্কার এব সবৈকারিকস্তৈজসস্তামসশ্চ ।
মনো দিক্সমীরস্স্তু সূর্যঃ প্রচেতোঽশ্বিবহ্নিশ্চ শক্রো হ্যুপেন্দ্রস্তু মিত্রঃ ॥ ১০৯ ॥
শ্রুতিস্ত্বক্চ দৃগ্ঘ্রাণজিহ্বাগিরশ্চ ভুজামেঢ্রকঃ পায়ুরঙ্ঘ্রিঃ সচেষ্টঃ ।
ধরাব্যোমবার্মারুতশ্চৈব তেজোঽথ রূপং রসো গন্ধশব্দস্পৃশশ্চ ॥ ১১০ ॥
সচিত্তশ্চ বুদ্ধির্বিরাট্ কালরূপস্তথা বাসুদেবো জগত্কৃদ্ধতাঙ্গঃ ।
তথাণ্ডে শয়ানঃ সশেষঃ সহস্রস্বরূপো রমানাথ আদ্যোঽবতারঃ ॥ ১১১ ॥
সদা সর্গকৃত্পদ্মজঃ কর্মকর্তা তথা নাভিপদ্মোদ্ভবো দিব্যবর্ণঃ ।
কবির্লোককৃত্কালকৃত্সূর্যরূপো নিমেষো ভবো বত্সরান্তো মহীয়ান্ ॥ ১১২ ॥
তিথির্বারনক্ষত্রয়োগাশ্চ লগ্নোঽথ মাসো ঘটী চ ক্ষণঃ কাষ্ঠিকা চ ।
মুহূর্তস্তু য়ামো গ্রহা য়ামিনী চ দিনং চর্ক্ষমালাগতো দেবপুত্রঃ ॥ ১১৩ ॥
কৃতো দ্বাপরস্তু ত্রিতস্তত্কলিস্তু সহস্রং য়ুগস্তত্র মন্বন্তরশ্চ ।
লয়ঃ পালনং সত্কৃতিস্তত্পরার্ধং সদোত্পত্তিকৃদ্দ্ব্যক্ষরো ব্রহ্মরূপঃ ॥ ১১৪ ॥
তথা রুদ্রসর্গস্তু কৌমারসর্গো মুনেঃ সর্গকৃদ্দেবকৃত্প্রাকৃতস্তু ।
শ্রুতিস্তু স্মৃতিঃ স্তোত্রমেবং পুরাণং ধনুর্বেদ ইজ্যাথ গান্ধর্ববেদঃ ॥ ১১৫ ॥
বিধাতা চ নারায়ণঃ সত্কুমারো বরাহস্তথা নারদো ধর্মপুত্রঃ ।
মুনিঃ কর্দমস্যাত্মজো দত্ত এব সয়জ্ঞোঽমরো নাভিজঃ শ্রীপৃথুশ্চ ॥ ১১৬ ॥
সুমত্স্যশ্চ কূর্মশ্চ ধন্বন্তরিশ্চ তথা মোহিনী নারসিংহঃ প্রতাপী ।
দ্বিজো বামনো রেণুকাপুত্ররূপো মুনির্ব্যাসদেবঃ শ্রুতিস্তোত্রকর্তা ॥ ১১৭ ॥
ধনুর্বেদভাগ্রামচন্দ্রাবতারঃ সসীতাপতির্ভারহৃদ্রাবণারিঃ ।
নৃপঃ সেতুকৃদ্বানরেন্দ্রপ্রহারী মহায়জ্ঞকৃদ্রাঘবেন্দ্রঃ প্রচণ্ডঃ ॥ ১১৮ ॥
বলঃ কৃষ্ণচন্দ্রস্তু কল্কিঃ কলেশস্তু বুদ্ধঃ প্রসিদ্ধস্তু
হংসঃস্তথাশ্বঃ ।
ঋষীন্দ্রোঽজিতো দেববৈকুণ্ঠনাথো হ্যমূর্তিশ্চ মন্বন্তরস্যাবতারঃ ॥ ১১৯ ॥
গজোদ্ধারণঃ শ্রীমনুর্ব্রহ্মপুত্রো নৃপেন্দ্রস্তু দুষ্যন্তজো দানশীলঃ ।
সদ্দৃষ্টঃ শ্রুতো ভূত এবং ভবিষ্যদ্ভবত্স্থাবরো জঙ্গমোঽল্পং মহচ্চ ॥ ১২০ ॥
ইতি শ্রীভুজঙ্গপ্রয়াতেন চোক্তং হরে রাধিকেশস্য নাম্নাং সহস্রম্ ।
পঠেদ্ভক্তিয়ুক্তো দ্বিজঃ সর্বদা হি কৃতার্থো ভবেত্কৃষ্ণচন্দ্রস্বরূপঃ ॥ ১২১ ॥
মহাপাপরাশিং ভিনত্তি শ্রুতং য়ত্সদা বৈষ্ণবানাং প্রিয়ং মঙ্গলং চ ।
ইদং রাসরাকাদিনে চাশ্বিনস্য তথা কৃষ্ণজন্মাষ্টমীমধ্য এব ॥ ১২২ ॥
তথা চৈত্রমাসস্য রাকাদিনে বাথ ভাদ্রে চ রাধাষ্টমী সদ্দিনে বা ।
পঠেদ্ভক্তিয়ুক্তস্ত্বিদং পূজয়িত্বা চতুর্ধা সুমুক্তিং তনোতি প্রশস্তঃ ॥ ১২৩ ॥
পঠেত্কৃষ্ণপুর্যাং চ বৃন্দাবনে বা ব্রজে গোকুলে বাপি বংশীবটে বা ।
বটে বাক্ষয়ে বা তটে সূর্যপুত্র্যাঃ স ভক্তোঽথ গোলোকধাম প্রয়াতি ॥ ১২৪ ॥
ভজেদ্ভক্তিভাবাচ্চ সর্বত্রভূমৌ হরিং কুত্র চানেন গেহে বনে বা ।
জহাতি ক্ষণং নো হরিস্তং চ ভক্তং সুবশ্যো ভবেন্মাধবঃ কৃষ্ণচন্দ্রঃ ॥ ১২৫ ॥
সদা গোপনীয়ং সদা গোপনীয়ং সদা গোপনীয়ং প্রয়ত্নেন ভক্তৈঃ ।
প্রকাশ্যং ন নাম্নাং সহস্রং হরেশ্চ ন দাতব্যমেবং কদা লম্পটায় ॥ ১২৬ ॥
ইদং পুস্তকং য়ত্র গেহেঽপি তিষ্ঠেদ্বসেদ্রাধিকানাথ আদ্যস্তু তত্র ।
তথা ষড্গুণাঃ সিদ্ধয়ো দ্বাদশাপি গুণৈস্ত্রিংশদ্ভির্লক্ষণৈস্তু প্রয়ান্তি ॥ ১২৭ ॥
ইতি শ্রীমদ্গর্গসংহিতায়াং অশ্বমেধখণ্ডে শ্রীকৃষ্ণসহস্রনামবর্ণনং
নামৈকোনষষ্টিতমোঽধ্যায়ঃ ॥ দশমখণ্ডে অধ্যায় ৫৯ ॥