॥ Medhadakshinamurthy Sahasranamastotram 1 Odia Lyrics ॥
॥ ଶ୍ରୀମେଧାଦକ୍ଷିଣାମୂର୍ତିସହସ୍ରନାମସ୍ତୋତ୍ରଂ ୧ ॥
॥ ଶ୍ରୀ ଗୁରୁଭ୍ୟୋ ନମଃ ॥
ଶ୍ରୀଃ
ଅସ୍ୟ ଶ୍ରୀ ମେଧାଦକ୍ଷିଣାମୂର୍ତିସହସ୍ରନାମସ୍ତୋତ୍ରସ୍ୟ
ବ୍ରହ୍ମା ଋଷିଃ । ଗାୟତ୍ରୀ ଛନ୍ଦଃ । ଦକ୍ଷିଣାମୂର୍ତିର୍ଦେଵତା ।
ଓଂ ବୀଜମ୍ । ସ୍ଵାହା ଶକ୍ତିଃ । ନମଃ କୀଲକମ୍ ।
ମେଧାଦକ୍ଷିଣାମୂର୍ତିପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।
ହ୍ରାମ୍ ଇତ୍ୟାଦିନା ଅଙ୍ଗ ନ୍ୟାସଃ ।
ଧ୍ୟାନମ୍ ।
ସିଦ୍ଧିତୋୟନିଧେର୍ମଧ୍ୟେ ରତ୍ନଗ୍ରୀଵେ ମନୋରମେ ।
କଦମ୍ବଵନିକାମଧ୍ୟେ ଶ୍ରୀମଦ୍ଵଟତରୋରଧଃ ॥ ୧ ॥
ଆସୀନମାଦ୍ୟଂ ପୁରୁଷମାଦିମଧ୍ୟାନ୍ତଵର୍ଜିତମ୍ ।
ଶୁଦ୍ଧସ୍ଫଟିକଗୋକ୍ଷୀରଶରତ୍ପୂର୍ଣେନ୍ଦୁଶେଖରମ୍ ॥ ୨ ॥
ଦକ୍ଷିଣେ ଚାକ୍ଷମାଲାଂ ଚ ଵହ୍ନିଂ ଵୈ ଵାମହସ୍ତକେ ।
ଜଟାମଣ୍ଡଲସଂଲଗ୍ନଶୀତାମ୍ଶୁକରମଣ୍ଡିତମ୍ ॥ ୩ ॥
ନାଗହାରଧରଂ ଚାରୁକଙ୍କଣୈଃ କଟିସୂତ୍ରକୈଃ ।
ଵିରାଜମାନଵୃଷଭଂ ଵ୍ୟାଘ୍ରଚର୍ମାମ୍ବରାଵୃତମ୍ ॥ ୪ ॥
ଚିନ୍ତାମଣିମହାବୃନ୍ଦୈଃ କଲ୍ପକୈଃ କାମଧେନୁଭିଃ ।
ଚତୁଷ୍ଷଷ୍ଟିକଲାଵିଦ୍ୟାମୂର୍ତିଭିଃ ଶ୍ରୁତିମସ୍ତକୈଃ ॥ ୫ ॥
ରତ୍ନସିଂହାସନେ ସାଧୁଦ୍ଵୀପିଚର୍ମସମାୟୁତମ୍ ।
ତତ୍ରାଷ୍ଟଦଲପଦ୍ମସ୍ୟ କର୍ଣିକାୟାଂ ସୁଶୋଭନେ ॥ ୬ ॥
ଵୀରାସନେ ସମାସୀନଂ ଲମ୍ବଦକ୍ଷପଦାଂବୁଜମ୍ ।
ଜ୍ଞାନମୁଦ୍ରାଂ ପୁସ୍ତକଂ ଚ ଵରାଭୀତିଧରଂ ହରମ୍ ॥ ୭ ॥
ପାଦମୂଲସମାକ୍ରାନ୍ତମହାପସ୍ମାରଵୈଭଵମ୍ ।
ରୁଦ୍ରାକ୍ଷମାଲାଭରଣଭୂଷିତଂ ଭୂତିଭାସୁରମ୍ ॥ ୮ ॥
ଗଜଚର୍ମୋତ୍ତରୀୟଂ ଚ ମନ୍ଦସ୍ମିତମୁଖାମ୍ବୁଜମ୍ ।
ସିଦ୍ଧବୃନ୍ଦୈର୍ୟୋଗିବୃନ୍ଦୈର୍ମୁନିବୃନ୍ଦୈର୍ନିଷେଵିତମ୍ ॥ ୯ ॥
ଆରାଧ୍ୟମାନଵୃଷଭଂ ଅଗ୍ନୀନ୍ଦୁରଵିଲୋଚନମ୍ ।
ପୂରୟନ୍ତଂ କୃପାଦୃଷ୍ଟ୍ୟା ପୁମର୍ଥାନାଶ୍ରିତେ ଜନେ ॥ ୧୦ ॥
ଏଵଂ ଵିଭାଵୟେଦୀଶଂ ସର୍ଵଵିଦ୍ୟାକଲାନିଧିମ୍ ॥ ୧୧ ॥
ଲଂ ଇତ୍ୟାଦିନା ପଞ୍ଚୋପଚାରାଃ ॥
ଦେଵଦେଵୋ ମହାଦେଵୋ ଦେଵାନାମପି ଦେଶିକଃ ।
ଦକ୍ଷିଣାମୂର୍ତିରୀଶାନୋ ଦୟାପୂରିତଦିଙ୍ମୁଖଃ ॥ ୧ ॥
କୈଲାସଶିଖରୋତ୍ତୁଙ୍ଗ-କମନୀୟନିଜାକୃତିଃ ।
ଵଟଦ୍ରୁମତଟୀଦିଵ୍ୟକନକାସନସଂସ୍ଥିତଃ ॥ ୨ ॥
କଟୀତଟପଟୀଭୂତକରିଚର୍ମୋଜ୍ଜ୍ଵଲାକୃତିଃ ।
ପାଟୀରାପାଣ୍ଡୁରାକାରପରିପୂର୍ଣସୁଧାଧିପଃ ।୩ ॥
ଜପାକୋଟୀରଘଟିତସୁଧାକରସୁଧାପ୍ଲୁତଃ ।
ପଶ୍ୟଲ୍ଲଲାଟସୁଭଗସୁନ୍ଦରଭ୍ରୂଵିଲାସଵାନ୍ ॥ ୪ ॥
କଟାକ୍ଷସରଣୀନିର୍ୟତ୍କରୁଣାପୂର୍ଣଲୋଚନଃ ।
କର୍ଣାଲୋଲତଟିଦ୍ଵର୍ଣକୁଣ୍ଡଲୋଜ୍ଜ୍ଵଲଗଣ୍ଡଭୂଃ ॥ ୫ ॥
ତିଲପ୍ରସୂନସଂକାଶନାସିକାପୁଟଭାସୁରଃ ।
ମନ୍ଦସ୍ମିତସ୍ପୁରନ୍ମୁଗ୍ଧମହନୀୟମୁଖାମ୍ବୁଜଃ ॥ ୬ ॥
କୁନ୍ଦକୁଡ୍ମଲସଂସ୍ପର୍ଧିଦନ୍ତପଙ୍କ୍ତିଵିରାଜିତଃ ।
ସିନ୍ଦୂରାରୁଣସୁସ୍ନିଗ୍ଧକୋମଲାଧରପଲ୍ଲଵଃ ॥ ୭ ॥
ଶଙ୍ଖାଟୋପଗଲଦ୍ଦିଵ୍ୟଗଳଵୈଭଵମଞ୍ଜୁଲଃ ।
କରକନ୍ଦଲିତଜ୍ଞାନମୁଦ୍ରାରୁଦ୍ରାକ୍ଷମାଲିକଃ ॥ ୮ ॥
ଅନ୍ୟହସ୍ତତଲନ୍ୟସ୍ତଵୀଣାପୁସ୍ତୋଲ୍ଲସଦ୍ଵପୁଃ ।
ଵିଶାଲରୁଚିରୋରସ୍କଵଲିମତ୍ପଲ୍ଲଵୋଦରଃ ॥ ୯ ॥
ବୄହତ୍କଟିନିତଂବାଢ୍ୟଃ ପୀଵରୋରୁଦ୍ଵୟାନ୍ଵିତଃ ।
ଜଙ୍ଘାଵିଜିତତୂଣୀରସ୍ତୁଙ୍ଗଗୁଲ୍ଫୟୁଗୋଜ୍ଜ୍ଵଲଃ ॥ ୧୦ ॥
ମୃଦୁପାଟଲପାଦାବ୍ଜଶ୍ଚନ୍ଦ୍ରାଭନଖଦୀଧିତିଃ ।
ଅପସଵ୍ୟୋରୁଵିନ୍ୟସ୍ତସଵ୍ୟପାଦସରୋରୁହଃ ॥ ୧୧ ॥
ଘୋରାପସ୍ମାରନିକ୍ଷିପ୍ତଧୀରଦକ୍ଷପଦାମ୍ବୁଜଃ ।
ସନକାଦିମୁନିଧ୍ୟେୟଃ ସର୍ଵାଭରଣଭୂଷିତଃ ॥ ୧୨ ॥
ଦିଵ୍ୟଚନ୍ଦନଲିପ୍ତାଙ୍ଗଶ୍ଚାରୁହାସପରିଷ୍କୃତଃ ।
କର୍ପୂରଧଵଲାକାରଃ କନ୍ଦର୍ପଶତସୁନ୍ଦରଃ ॥ ୧୩ ॥
କାତ୍ୟାୟନୀପ୍ରେମନିଧିଃ କରୁଣାରସଵାରିଧିଃ ।
କାମିତାର୍ଥପ୍ରଦଃଶ୍ରୀମତ୍କମଲାଵଲ୍ଲଭପ୍ରିୟଃ ॥ ୧୪ ॥
କଟାକ୍ଷିତାତ୍ମଵିଜ୍ଞାନଃ କୈଵଲ୍ୟାନନ୍ଦକନ୍ଦଲଃ ।
ମନ୍ଦହାସସମାନେନ୍ଦୁଃ ଛିନ୍ନାଜ୍ଞାନତମସ୍ତତିଃ ॥ ୧୫ ॥
ସଂସାରାନଲସଂତପ୍ତଜନତାମୃତସାଗରଃ ।
ଗଂଭୀରହୃଦୟାମ୍ଭୋଜନଭୋମଣିନିଭାକୃତିଃ ॥ ୧୬ ॥
ନିଶାକରକରାକାରଵଶୀକୃତଜଗତ୍ତ୍ରୟଃ ।
ତାପସାରାଧ୍ୟପାଦାବ୍ଜସ୍ତରୁଣାନନ୍ଦଵିଗ୍ରହଃ ॥ ୧୭ ॥
ଭୂତିଭୂଷିତସର୍ଵାଙ୍ଗୋ ଭୂତାଧିପତିରୀଶ୍ଵରଃ ।
ଵଦନେନ୍ଦୁସ୍ମିତଜ୍ୟୋତ୍ସ୍ନାନିଲୀନତ୍ରିପୁରାକୃତିଃ ॥ ୧୮ ॥
ତାପତ୍ରୟତମୋଭାନୁଃ ପାପାରଣ୍ୟଦଵାନଲଃ ।
ସଂସାରସାଗରୋଦ୍ଧର୍ତା ହଂସାଗ୍ର୍ୟୋପାସ୍ୟଵିଗ୍ରହଃ ॥ ୧୯ ॥
ଲଲାଟହୁତଭୁଗ୍ଦଗ୍ଧମନୋଭଵଶୁଭାକୃତିଃ ।
ତୁଚ୍ଛୀକୃତଜଗଜ୍ଜାଲସ୍ତୁଷାରକରଶୀତଲଃ ॥ ୨୦ ॥
ଅସ୍ତଂଗତସମସ୍ତେଚ୍ଛୋ ନିସ୍ତୁଲାନନ୍ଦମନ୍ଥରଃ ।
ଧୀରୋଦାତ୍ତଗୁଣାଧାର ଉଦାରଵରଵୈଭଵଃ ॥ ୨୧ ॥
ଅପାରକରୁଣାମୂର୍ତିରଜ୍ଞାନଧ୍ଵାନ୍ତଭାସ୍କରଃ ।
ଭକ୍ତମାନସହଂସାଗ୍ର୍ୟଭଵାମୟଭିଷକ୍ତମଃ ॥ ୨୨ ॥
ୟୋଗୀନ୍ଦ୍ରପୂଜ୍ୟପାଦାବ୍ଜୋ ୟୋଗପଟ୍ଟୋଲ୍ଲସତ୍କଟିଃ ।
ଶୁଦ୍ଧସ୍ଫଟିକସଂକାଶୋ ବଦ୍ଧପନ୍ନଗଭୂଷଣଃ ॥ ୨୩ ॥
ନାନାମୁନିସମାକୀର୍ଣୋ ନାସାଗ୍ରନ୍ୟସ୍ତଲୋଚନଃ ।
ଵେଦମୂର୍ଧୈକସଂଵେଦ୍ୟୋ ନାଦଧ୍ୟାନପରାୟଣଃ ॥ ୨୪ ॥
ଧରାଧରେନ୍ଦୁରାନନ୍ଦସନ୍ଦୋହରସସାଗରଃ ।
ଦ୍ଵୈତବୃନ୍ଦଵିମୋହାନ୍ଧ୍ୟପରାକୃତଦୃଗଦ୍ଭୁତଃ ॥ ୨୫ ॥
ପ୍ରତ୍ୟଗାତ୍ମା ପରଂଜ୍ୟୋତିଃ ପୁରାଣଃ ପରମେଶ୍ଵରଃ ।
ପ୍ରପଞ୍ଚୋପଶମଃ ପ୍ରାଜ୍ଞଃ ପୁଣ୍ୟକୀର୍ତିଃ ପୁରାତନଃ ॥ ୨୬ ॥
ସର୍ଵାଧିଷ୍ଠାନସନ୍ମାତ୍ରସ୍ସ୍ଵାତ୍ମବନ୍ଧହରୋ ହରଃ ।
ସର୍ଵପ୍ରେମନିଜାହାସଃ ସର୍ଵାନୁଗ୍ରହକୃତ୍ ଶିଵଃ ॥ ୨୭ ॥
ସର୍ଵେନ୍ଦ୍ରିୟଗୁଣାଭାସଃ ସର୍ଵଭୂତଗୁଣାଶ୍ରୟଃ ।
ସଚ୍ଚିଦାନନ୍ଦପୂର୍ଣାତ୍ମା ସ୍ଵେ ମହିମ୍ନି ପ୍ରତିଷ୍ଠିତଃ ॥ ୨୮ ॥
ସର୍ଵଭୂତାନ୍ତରସ୍ସାକ୍ଷୀ ସର୍ଵଜ୍ଞସ୍ସର୍ଵକାମଦଃ ।
ସନକାଦିମହାୟୋଗିସମାରାଧିତପାଦୁକଃ ॥ ୨୯ ॥
ଆଦିଦେଵୋ ଦୟାସିନ୍ଧୁଃ ଶିକ୍ଷିତାସୁରଵିଗ୍ରହଃ ।
ୟକ୍ଷକିନ୍ନରଗନ୍ଧର୍ଵସ୍ତୂୟମାନାତ୍ମଵୈଭଵଃ ॥ ୩୦ ॥
ବ୍ରହ୍ମାଦିଦେଵଵିନୁତୋ ୟୋଗମାୟାନିୟୋଜକଃ ।
ଶିଵୟୋଗୀ ଶିଵାନନ୍ଦଃ ଶିଵଭକ୍ତସମୁଦ୍ଧରଃ ॥ ୩୧ ॥
ଵେଦାନ୍ତସାରସନ୍ଦୋହଃ ସର୍ଵସତ୍ତ୍ଵାଵଲମ୍ବନଃ ।
ଵଟମୂଲାଶ୍ରୟୋ ଵାଗ୍ମୀ ମାନ୍ୟୋ ମଲୟଜପ୍ରିୟଃ ॥ ୩୨ ॥
ସୁଶୀଲୋ ଵାଞ୍ଛିତାର୍ଥଜ୍ଞଃ ପ୍ରସନ୍ନଵଦନେକ୍ଷଣଃ ॥
ନୃତ୍ତଗୀତକଲାଭିଜ୍ଞଃ କର୍ମଵିତ୍ କର୍ମମୋଚକଃ ॥ ୩୩ ॥
କର୍ମସାକ୍ଷୀ କର୍ମମୟଃ କର୍ମଣାଂ ଚ ଫଲପ୍ରଦଃ ।
ଜ୍ଞାନଦାତା ସଦାଚାରଃ ସର୍ଵୋପଦ୍ରଵମୋଚକଃ ॥ ୩୪ ॥
ଅନାଥନାଥୋ ଭଗଵାନାଶ୍ରିତାମରପାଦପଃ ।
ଵରପ୍ରଦଃ ପ୍ରକାଶାତ୍ମା ସର୍ଵଭୂତହିତେ ରତଃ ॥ ୩୫ ॥
ଵ୍ୟାଘ୍ରଚର୍ମାସନାସୀନ ଆଦିକର୍ତା ମହେଶ୍ଵରଃ ।
ସୁଵିକ୍ରମଃ ସର୍ଵଗତୋ ଵିଶିଷ୍ଟଜନଵତ୍ସଲଃ ॥ ୩୬ ॥
ଚିନ୍ତାଶୋକପ୍ରଶମନୋ ଜଗଦାନନ୍ଦକାରକଃ ।
ରଶ୍ମିମାନ୍ ଭୁଵନେଶଶ୍ଚ ଦେଵାସୁରସୁପୂଜିତଃ ॥ ୩୭ ॥
ମୃତ୍ୟୁଞ୍ଜୟୋ ଵ୍ୟୋମକେଶଃ ଷଟ୍ତ୍ରିଂଶତ୍ତତ୍ତ୍ଵସଙ୍ଗ୍ରହଃ ।
ଅଜ୍ଞାତସମ୍ଭଵୋ ଭିକ୍ଷୁରଦ୍ଵିତୀୟୋ ଦିଗମ୍ବରଃ ॥ ୩୮ ॥
ସମସ୍ତଦେଵତାମୂର୍ତିଃ ସୋମସୂର୍ୟାଗ୍ନିଲୋଚନଃ ।
ସର୍ଵସାମ୍ରାଜ୍ୟନିପୁଣୋ ଧର୍ମମାର୍ଗପ୍ରଵର୍ତକଃ ॥ ୩୯ ॥
ଵିଶ୍ଵାଧିକଃ ପଶୁପତିଃ ପଶୁପାଶଵିମୋଚକଃ ।
ଅଷ୍ଟମୂର୍ତିର୍ଦୀପ୍ତମୂର୍ତିଃ ନାମୋଚ୍ଚାରଣମୁକ୍ତିଦଃ ॥ ୪୦ ॥
ସହସ୍ରାଦିତ୍ୟସଙ୍କାଶଃ ସଦାଷୋଡଶଵାର୍ଷିକଃ ।
ଦିଵ୍ୟକେଲୀସମାୟୁକ୍ତୋ ଦିଵ୍ୟମାଲ୍ୟାମ୍ବରାଵୃତଃ ॥ ୪୧ ॥
ଅନର୍ଘରତ୍ନସମ୍ପୂର୍ଣୋ ମଲ୍ଲିକାକୁସୁମପ୍ରିୟଃ ।
ତପ୍ତଚାମୀକରାକାରୋ ଜିତଦାଵାନଲାକୃତିଃ ॥ ୪୨ ॥
ନିରଞ୍ଜନୋ ନିର୍ଵିକାରୋ ନିଜାଵାସୋ ନିରାକୃତିଃ ।
ଜଗଦ୍ଗୁରୁର୍ଜଗତ୍କର୍ତା ଜଗଦୀଶୋ ଜଗତ୍ପତିଃ ॥ ୪୩ ॥
କାମହନ୍ତା କାମମୂର୍ତିଃ କଲ୍ୟାଣଵୃଷଵାହନଃ ।
ଗଙ୍ଗାଧରୋ ମହାଦେଵୋ ଦୀନବନ୍ଧଵିମୋଚକଃ ॥ ୪୪ ॥
ଧୂର୍ଜଟିଃ ଖଣ୍ଡପରଶୁଃ ସଦ୍ଗୁଣୋ ଗିରିଜାସଖଃ ।
ଅଵ୍ୟୟୋ ଭୂତସେନେଶଃ ପାପଘ୍ନଃ ପୁଣ୍ୟଦାୟକଃ ॥ ୪୫ ॥
ଉପଦେଷ୍ଟା ଦୃଢପ୍ରଜ୍ଞୋ ରୁଦ୍ରୋ ରୋଗଵିନାଶନଃ ।
ନିତ୍ୟାନନ୍ଦୋ ନିରାଧାରୋ ହରୋ ଦେଵଶିଖାମଣିଃ ॥ ୪୬ ॥
ପ୍ରଣତାର୍ତିହରଃ ସୋମଃ ସାନ୍ଦ୍ରାନନ୍ଦୋ ମହାମତିଃ ।
ଆଶ୍ଚର୍ୟଵୈଭଵୋ ଦେଵଃ ସଂସାରାର୍ଣଵତାରକଃ ॥ ୪୭ ॥
ୟଜ୍ଞେଶୋ ରାଜରାଜେଶୋ ଭସ୍ମରୁଦ୍ରାକ୍ଷଲାଞ୍ଛନଃ ।
ଅନନ୍ତସ୍ତାରକଃ ସ୍ଥାଣୁଃ ସର୍ଵଵିଦ୍ୟେଶ୍ଵରୋ ହରିଃ ॥ ୪୮ ॥
ଵିଶ୍ଵରୂପୋ ଵିରୂପାକ୍ଷଃ ପ୍ରଭୁଃ ପରିବୃଡୋ ଦୃଢଃ ।
ଭଵ୍ୟୋ ଜିତାରିଷଦ୍ଵର୍ଗୋ ମହୋଦାରୋ ଵିଷାଶନଃ ॥ ୪୯ ॥
ସୁକୀର୍ତିରାଦିପୁରୁଷୋ ଜରାମରଣଵର୍ଜିତଃ ।
ପ୍ରମାଣଭୂତୋ ଦୁର୍ଜ୍ଞେୟଃ ପୁଣ୍ୟଃ ପରପୁରଞ୍ଜୟଃ ॥ ୫୦ ॥
ଗୁଣାକାରୋ ଗୁଣଶ୍ରେଷ୍ଠଃ ସଚ୍ଚିଦାନନ୍ଦଵିଗ୍ରହଃ ।
ସୁଖଦଃ କାରଣଂ କର୍ତା ଭଵବନ୍ଧଵିମୋଚକଃ ॥ ୫୧ ॥
ଅନିର୍ଵିଣ୍ଣୋ ଗୁଣଗ୍ରାହୀ ନିଷ୍କଲଙ୍କଃ କଲଙ୍କହା ।
ପୁରୁଷଃ ଶାଶ୍ଵତୋ ୟୋଗୀ ଵ୍ୟକ୍ତାଵ୍ୟକ୍ତଃ ସନାତନଃ ॥ ୫୨ ॥
ଚରାଚରାତ୍ମା ସୂକ୍ଷ୍ମାତ୍ମା ଵିଶ୍ଵକର୍ମା ତମୋଽପହୃତ୍ ।
ଭୁଜଙ୍ଗଭୂଷଣୋ ଭର୍ଗସ୍ତରୁଣଃ କରୁଣାଲୟଃ ॥ ୫୩ ॥
ଅଣିମାଦିଗୁଣୋପେତୋ ଲୋକଵଶ୍ୟଵିଧାୟକଃ ।
ୟୋଗପଟ୍ଟଧରୋ ମୁକ୍ତୋ ମୁକ୍ତାନାଂ ପରମା ଗତିଃ ॥ ୫୪ ॥
ଗୁରୁରୂପଧରଃ ଶ୍ରୀମତ୍ପରମାନନ୍ଦସାଗରଃ ।
ସହସ୍ରବାହୁଃ ସର୍ଵେଶଃ ସହସ୍ରାଵୟଵାନ୍ଵିତଃ ॥ ୫୫ ॥
ସହସ୍ରମୂର୍ଧା ସର୍ଵାତ୍ମା ସହସ୍ରାକ୍ଷଃ ସହସ୍ରପାତ୍ ।
ନିରାଭାସଃ ସୂକ୍ଷ୍ମତନୁର୍ହୃଦି ଜ୍ଞାତଃ ପରାତ୍ପରଃ ॥ ୫୬ ॥
ସର୍ଵାତ୍ମଗଃ ସର୍ଵସାକ୍ଷୀ ନିଃସଙ୍ଗୋ ନିରୁପଦ୍ରଵଃ ।
ନିଷ୍କଲଃ ସକଲାଧ୍ୟକ୍ଷଶ୍ଚିନ୍ମୟସ୍ତମସଃ ପରଃ ॥ ୫୭ ॥
ଜ୍ଞାନଵୈରାଗ୍ୟସମ୍ପନ୍ନୋ ୟୋଗାନନ୍ଦମୟଃ ଶିଵଃ ।
ଶାଶ୍ଵତୈଶ୍ଵର୍ୟସମ୍ପୂର୍ଣୋ ମହାୟୋଗୀଶ୍ଵରେଶ୍ଵରଃ ॥ ୫୮ ॥
ସହସ୍ରଶକ୍ତିସଂୟୁକ୍ତଃ ପୁଣ୍ୟକାୟୋ ଦୁରାସଦଃ ।
ତାରକବ୍ରହ୍ମସମ୍ପୂର୍ଣସ୍ତପସ୍ଵିଜନସଂଵୃତଃ ॥ ୫୯ ॥
ଵିଧୀନ୍ଦ୍ରାମରସମ୍ପୂଜ୍ୟୋ ଜ୍ୟୋତିଷାଂ ଜ୍ୟୋତିରୁତ୍ତମଃ ।
ନିରକ୍ଷରୋ ନିରାଲମ୍ବଃ ସ୍ଵାତ୍ମାରାମୋ ଵିକର୍ତନଃ ॥ ୬୦ ॥
ନିରଵଦ୍ୟୋ ନିରାତଙ୍କୋ ଭୀମୋ ଭୀମପରାକ୍ରମଃ ।
ଵୀରଭଦ୍ରଃ ପୁରାରାତିର୍ଜଲନ୍ଧରଶିରୋହରଃ ॥ ୬୧ ॥
ଅନ୍ଧକାସୁରସଂହର୍ତା ଭଗନେତ୍ରଭିଦଦ୍ଭୁତଃ ।
ଵିଶ୍ଵଗ୍ରାସୋଽଧର୍ମଶତ୍ରୁର୍ବ୍ରହ୍ମଜ୍ଞାନୈକମନ୍ଥରଃ ॥ ୬୨ ॥
ଅଗ୍ରେସରସ୍ତୀର୍ଥଭୂତଃ ସିତଭସ୍ମାଵକୁଣ୍ଠନଃ ।
ଅକୁଣ୍ଠମେଧାଃ ଶ୍ରୀକଣ୍ଠୋ ଵୈକୁଣ୍ଠପରମପ୍ରିୟଃ ॥ ୬୩ ॥
ଲଲାଟୋଜ୍ଜ୍ଵଲନେତ୍ରାବ୍ଜସ୍ତୁଷାରକରଶେଖରଃ ।
ଗଜାସୁରଶିରଶ୍ଛେତ୍ତା ଗଙ୍ଗୋଦ୍ଭାସିତମୂର୍ଧଜଃ ॥ ୬୪ ॥
କଲ୍ୟାଣାଚଲକୋଦଣ୍ଡଃ କମଲାପତିସାୟକଃ ।
ଵାରାଂଶେଵଧିତୂଣୀରଃସରୋଜାସନସାରଥିଃ ॥ ୬୫ ॥
ତ୍ରୟୀତୁରଙ୍ଗସଂକ୍ରାନ୍ତୋ ଵାସୁକିଜ୍ୟାଵିରାଜିତଃ ।
ରଵୀନ୍ଦୁଚରଣାଚାରିଧରାରଥଵିରାଜିତଃ ॥ ୬୬ ॥
ତ୍ରୟ୍ୟନ୍ତପ୍ରଗ୍ରହୋଦାରଚାରୁଘଣ୍ଟାରଵୋଜ୍ଜ୍ଵଲଃ ।
ଉତ୍ତାନପର୍ଵଲୋମାଢ୍ୟୋ ଲୀଲାଵିଜିତମନ୍ମଥଃ ॥ ୬୭ ॥
ଜାତୁପ୍ରପନ୍ନଜନତାଜୀଵନୋପାୟନୋତ୍ସୁକଃ ।
ସଂସାରାର୍ଣଵନିର୍ମଗ୍ନସମୁଦ୍ଧରଣପଣ୍ଡିତଃ ॥ ୬୮ ॥
ମଦଦ୍ଵିରଦଧିକ୍କାରିଗତିମଞ୍ଜୁଲଵୈଭଵଃ ।
ମତ୍ତକୋକିଲମାଧୁର୍ୟରସନିର୍ଭରଗୀର୍ଗଣଃ ॥ ୬୯ ॥
କୈଵଲ୍ୟୋଦଧିକଲ୍ଲୋଲଲୀଲାତାଣ୍ଡଵପଣ୍ଡିତଃ ।
ଵିଷ୍ଣୁର୍ଜିଷ୍ଣୁର୍ଵାସୁଦେଵଃ ପ୍ରଭଵିଷ୍ଣୁଃ ପୁରାତନଃ ॥ ୭୦ ॥
ଵର୍ଧିଷ୍ଣୁର୍ଵରଦୋ ଵୈଦ୍ୟୋ ହରିର୍ନାରାୟଣୋଽଚ୍ୟୁତଃ ।
ଅଜ୍ଞାନଵନଦାଵାଗ୍ନିଃ ପ୍ରଜ୍ଞାପ୍ରାସାଦଭୂପତିଃ ॥ ୭୧ ॥
ସର୍ପଭୂଷିତସର୍ଵାଙ୍ଗଃ କର୍ପୂରୋଜ୍ଜ୍ଵଲିତାକୃତିଃ ।
ଅନାଦିମଧ୍ୟନିଧନୋ ଗିରୀଶୋ ଗିରିଜାପତିଃ ॥ ୭୨ ॥
ଵୀତରାଗୋ ଵିନୀତାତ୍ମା ତପସ୍ଵୀ ଭୂତଭାଵନଃ ।
ଦେଵାସୁରଗୁରୁଧ୍ୟେୟୋ ଦେଵାସୁରନମସ୍କୃତଃ ॥ ୭୩ ॥
ଦେଵାଦିଦେଵୋ ଦେଵର୍ଷିର୍ଦେଵାସୁରଵରପ୍ରଦଃ ।
ସର୍ଵଦେଵମୟୋଽଚିନ୍ତ୍ୟୋ ଦେଵାତ୍ମା ଚାତ୍ମସଂଭଵଃ ॥ ୭୪ ॥
ନିର୍ଲେପୋ ନିଷ୍ପ୍ରପଞ୍ଚାତ୍ମା ନିର୍ଵିଘ୍ନୋ ଵିଘ୍ନନାଶକଃ ।
ଏକଜ୍ୟୋତିର୍ନିରାତଙ୍କୋ ଵ୍ୟାପ୍ତମୂର୍ତିରନାକୁଲଃ ॥ ୭୫ ॥
ନିରଵଦ୍ୟପଦୋପାଧିର୍ଵିଦ୍ୟାରାଶିରନୁତ୍ତମଃ ।
ନିତ୍ୟାନନ୍ଦଃ ସୁରାଧ୍ୟକ୍ଷୋ ନିଃସଂକଲ୍ପୋ ନିରଞ୍ଜନଃ ॥ ୭୬ ॥
ନିଷ୍କଲଙ୍କୋ ନିରାକାରୋ ନିଷ୍ପ୍ରପଞ୍ଚୋ ନିରାମୟଃ ।
ଵିଦ୍ୟାଧରୋ ଵିୟତ୍କେଶୋ ମାର୍କଣ୍ଡେୟଵରପ୍ରଦଃ ॥ ୭୭ ॥
ଭୈରଵୋ ଭୈରଵୀନାଥଃ କାମଦଃ କମଲାସନଃ ।
ଵେଦଵେଦ୍ୟଃ ସୁରାନନ୍ଦୋ ଲସଜ୍ଜ୍ୟୋତିଃ ପ୍ରଭାକରଃ ॥ ୭୮ ॥
ଚୂଡାମଣିଃ ସୁରାଧୀଶୋ ୟଜ୍ଞଗେୟୋ ହରିପ୍ରିୟଃ ।
ନିର୍ଲେପୋ ନୀତିମାନ୍ ସୂତ୍ରୀ ଶ୍ରୀହାଲାହଲସୁନ୍ଦରଃ ॥ ୭୯ ॥
ଧର୍ମଦକ୍ଷୋ ମହାରାଜଃକିରୀଟୀ ଵନ୍ଦିତୋ ଗୁହଃ ।
ମାଧଵୋ ୟାମିନୀନାଥଃ ଶମ୍ବରଃ ଶବରୀପ୍ରିୟଃ ॥ ୮୦ ॥
ସଙ୍ଗୀତଵେତ୍ତା ଲୋକଜ୍ଞଃ ଶାନ୍ତଃ କଲଶସଂଭଵଃ ।
ବ୍ରହ୍ମଣ୍ୟୋ ଵରଦୋ ନିତ୍ୟଃ ଶୂଲୀ ଗୁରୁଵରୋ ହରଃ ॥ ୮୧ ॥
ମାର୍ତାଣ୍ଡଃ ପୁଣ୍ଡରୀକାକ୍ଷୋ ଲୋକନାୟକଵିକ୍ରମଃ ।
ମୁକୁନ୍ଦାର୍ଚ୍ୟୋ ଵୈଦ୍ୟନାଥଃ ପୁରନ୍ଦରଵରପ୍ରଦଃ ॥ ୮୨ ॥
ଭାଷାଵିହୀନୋ ଭାଷାଜ୍ଞୋ ଵିଘ୍ନେଶୋ ଵିଘ୍ନନାଶନଃ ।
କିନ୍ନରେଶୋ ବୃହଦ୍ଭାନୁଃ ଶ୍ରୀନିଵାସଃ କପାଲଭୃତ୍ ॥ ୮୩ ॥
ଵିଜୟୋ ଭୂତଭାଵଜ୍ଞୋ ଭୀମସେନୋ ଦିଵାକରଃ ।
ବିଲ୍ଵପ୍ରିୟୋ ଵସିଷ୍ଠେଶଃ ସର୍ଵମାର୍ଗପ୍ରଵର୍ତକଃ ॥ ୮୪ ॥
ଓଷଧୀଶୋ ଵାମଦେଵୋ ଗୋଵିନ୍ଦୋ ନୀଲଲୋହିତଃ ।
ଷଡର୍ଧନୟନଃ ଶ୍ରୀମନ୍ମହାଦେଵୋ ଵୃଷଧ୍ଵଜଃ ॥ ୮୫ ॥
କର୍ପୂରଦୀପିକାଲୋଲଃ କର୍ପୂରରସଚର୍ଚିତଃ ।
ଅଵ୍ୟାଜକରୁଣାମୂର୍ତିସ୍ତ୍ୟାଗରାଜଃ କ୍ଷପାକରଃ ॥ ୮୬ ॥
ଆଶ୍ଚର୍ୟଵିଗ୍ରହଃ ସୂକ୍ଷ୍ମଃ ସିଦ୍ଧେଶଃ ସ୍ଵର୍ଣଭୈରଵଃ ।
ଦେଵରାଜଃ କୃପାସିନ୍ଧୁରଦ୍ଵୟୋଽମିତଵିକ୍ରମଃ ॥ ୮୭ ॥
ନିର୍ଭେଦୋ ନିତ୍ୟସତ୍ଵସ୍ଥୋ ନିର୍ୟୋଗକ୍ଷେମ ଆତ୍ମଵାନ୍ ।
ନିରପାୟୋ ନିରାସଙ୍ଗୋ ନିଃଶବ୍ଦୋ ନିରୁପାଧିକଃ ॥ ୮୮ ॥
ଭଵଃ ସର୍ଵେଶ୍ଵରଃ ସ୍ଵାମୀ ଭଵଭୀତିଵିଭଞ୍ଜନଃ ।
ଦାରିଦ୍ର୍ୟତୃଣକୂଟାଗ୍ନିର୍ଦାରିତାସୁରସନ୍ତତିଃ ॥ ୮୯ ॥
ମୁକ୍ତିଦୋ ମୁଦିତୋଽକୁବ୍ଜୋ ଧାର୍ମିକୋ ଭକ୍ତଵତ୍ସଲଃ ।
ଅଭ୍ୟାସାତିଶୟଜ୍ଞେୟସ୍ଚନ୍ଦ୍ରମୌଲିଃ କଲାଧରଃ ॥ ୯୦ ॥
ମହାବଲୋ ମହାଵୀର୍ୟୋ ଵିଭୁଃ ଶ୍ରୀଶଃ ଶୁଭପ୍ରଦଃ ।
ସିଦ୍ଧଃ ପୁରାଣପୁରୁଷୋ ରଣମଣ୍ଡଲଭୈରଵଃ ॥ ୯୧ ॥
ସଦ୍ୟୋଜାତୋ ଵଟାରଣ୍ୟଵାସୀ ପୁରୁଷଵଲ୍ଲଭଃ ।
ହରିକେଶୋ ମହାତ୍ରାତା ନୀଲଗ୍ରୀଵସ୍ସୁମଙ୍ଗଲଃ ॥ ୯୨ ॥
ହିରଣ୍ୟବାହୁସ୍ତୀକ୍ଷ୍ଣାଂଶୁଃ କାମେଶଃ ସୋମଵିଗ୍ରହଃ ।
ସର୍ଵାତ୍ମା ସର୍ଵକର୍ତା ଚ ତାଣ୍ଡଵୋ ମୁଣ୍ଡମାଲିକଃ ॥ ୯୩ ॥
ଅଗ୍ରଗଣ୍ୟଃ ସୁଗମ୍ଭୀରୋ ଦେଶିକୋ ଵୈଦିକୋତ୍ତମଃ ।
ପ୍ରସନ୍ନଦେଵୋ ଵାଗୀଶଶ୍ଚିନ୍ତାତିମିରଭାସ୍କରଃ ॥ ୯୪ ॥
ଗୌରୀପତିସ୍ତୁଙ୍ଗମୌଲିର୍ମଖରାଜୋ ମହାକଵିଃ ।
ଶ୍ରୀଧରସ୍ସର୍ଵସିଦ୍ଧେଶୋ ଵିଶ୍ଵନାଥୋ ଦୟାନିଧିଃ ॥ ୯୫ ॥
ଅନ୍ତର୍ମୁଖୋ ବହିର୍ଦୃଷ୍ଟିଃ ସିଦ୍ଧଵେଷମନୋହରଃ ।
କୃତ୍ତିଵାସାଃ କୃପାସିନ୍ଧୁର୍ମନ୍ତ୍ରସିଦ୍ଧୋ ମତିପ୍ରଦଃ ॥ ୯୬ ॥
ମହୋତ୍କୃଷ୍ଟଃ ପୁଣ୍ୟକରୋ ଜଗତ୍ସାକ୍ଷୀ ସଦାଶିଵଃ ।
ମହାକ୍ରତୁର୍ମହାୟଜ୍ଵା ଵିଶ୍ଵକର୍ମା ତପୋନିଧିଃ ॥ ୯୭ ॥
ଛନ୍ଦୋମୟୋ ମହାଜ୍ଞାନୀ ସର୍ଵଜ୍ଞୋ ଦେଵଵନ୍ଦିତଃ ।
ସାର୍ଵଭୌମସ୍ସଦାନନ୍ଦଃ କରୁଣାମୃତଵାରିଧିଃ ॥ ୯୮ ॥
କାଲକାଲଃ କଲିଧ୍ଵଂସୀ ଜରାମରଣନାଶକଃ ।
ଶିତିକଣ୍ଠଶ୍ଚିଦାନନ୍ଦୋ ୟୋଗିନୀଗଣସେଵିତଃ ॥ ୯୯ ॥
ଚଣ୍ଡୀଈଶଃ ଶୁକସଂଵେଦ୍ୟଃ ପୁଣ୍ୟଶ୍ଲୋକୋ ଦିଵସ୍ପତିଃ ।
ସ୍ଥାୟୀ ସକଲତତ୍ତ୍ଵାତ୍ମା ସଦାସେଵକଵର୍ଧନଃ ॥ ୧୦୦ ॥
ରୋହିତାଶ୍ଵଃ କ୍ଷମାରୂପୀ ତପ୍ତଚାମୀକରପ୍ରଭଃ ।
ତ୍ରିୟଂବକୋ ଵରରୁଚିର୍ଦେଵଦେଵଶ୍ଚତୁର୍ଭୁଜଃ ॥ ୧୦୧।
ଵିଶ୍ଵଂଭରୋ ଵିଚିତ୍ରାଙ୍ଗୋ ଵିଧାତା ପୁରଶାସନଃ ।
ସୁବ୍ରହ୍ମଣ୍ୟୋ ଜଗତ୍ସ୍ଵାମୀ ରୋହିତାକ୍ଷଃ ଶିଵୋତ୍ତମଃ ॥ ୧୦୨ ॥
ନକ୍ଷତ୍ରମାଲାଭରଣୋ ମଘଵାନ୍ ଅଘନାସନଃ ।
ଵିଧିକର୍ତା ଵିଧାନଜ୍ଞଃ ପ୍ରଧାନପୁରୁଷେଶ୍ଵରଃ ॥ ୧୦୩ ॥
ଚିନ୍ତାମଣିଃ ସୁରଗୁରୁର୍ଧ୍ୟେୟୋ ନୀରାଜନପ୍ରିୟଃ ।
ଗୋଵିନ୍ଦୋ ରାଜରାଜେଶୋ ବହୁପୁଷ୍ପାର୍ଚନପ୍ରିୟଃ ॥ ୧୦୪ ॥।
ସର୍ଵାନନ୍ଦୋ ଦୟାରୂପୀ ଶୈଲଜାସୁମନୋହରଃ ।
ସୁଵିକ୍ରମଃ ସର୍ଵଗତୋ ହେତୁସାଧନଵର୍ଜିତଃ ॥ ୧୦୫ ॥
ଵୃଷାଙ୍କୋ ରମଣୀୟାଙ୍ଗଃ ସଦଙ୍ଘ୍ରିଃ ସାମପାରଗଃ ।
ମନ୍ତ୍ରାତ୍ମା କୋଟିକନ୍ଦର୍ପସୌନ୍ଦର୍ୟରସଵାରିଧିଃ ॥ ୧୦୬ ॥
ୟଜ୍ଞେଶୋ ୟଜ୍ଞପୁରୁଷଃ ସୃଷ୍ଟିସ୍ଥିତ୍ୟନ୍ତକାରଣମ୍ ।
ପରହଂସୈକଜିଜ୍ଞାସ୍ୟଃ ସ୍ଵପ୍ରକାଶସ୍ଵରୂପଵାନ୍ ॥ ୧୦୭ ॥
ମୁନିମୃଗ୍ୟୋ ଦେଵମୃଗ୍ୟୋ ମୃଗହସ୍ତୋ ମୃଗେଶ୍ଵରଃ ।
ମୃଗେନ୍ଦ୍ରଚର୍ମଵସନୋ ନରସିଂହନିପାତନଃ ॥ ୧୦୮ ॥
ମୁନିଵନ୍ଦ୍ୟୋ ମୁନିଶ୍ରେଷ୍ଠୋ ମୁନିବୃନ୍ଦନିଷେଵିତଃ ।
ଦୁଷ୍ଟମୃତ୍ୟୁରଦୁଷ୍ଟେହୋ ମୃତ୍ୟୁହା ମୃତ୍ୟୁପୂଜିତଃ ॥ ୧୦୯ ॥
ଅଵ୍ୟକ୍ତୋଽମ୍ବୁଜଜନ୍ମାଦିକୋଟିକୋଟିସୁପୂଜିତଃ ।
ଲିଙ୍ଗମୂର୍ତିରଲିଙ୍ଗାତ୍ମା ଲିଙ୍ଗାତ୍ମା ଲିଙ୍ଗଵିଗ୍ରହଃ ॥ ୧୧୦ ॥
ୟଜୁର୍ମୂର୍ତିଃ ସାମମୂର୍ତିରୃଙ୍ମୂର୍ତିର୍ମୂର୍ତିଵର୍ଜିତଃ ।
ଵିଶ୍ଵେଶୋ ଗଜଚର୍ମୈକଚେଲାଞ୍ଚିତକଟୀତଟଃ ॥ ୧୧୧ ॥
ପାଵନାନ୍ତେଵସଦ୍ୟୋଗିଜନସାର୍ଥସୁଧାକରଃ ।
ଅନନ୍ତସୋମସୂର୍ୟାଗ୍ନିମଣ୍ଡଲପ୍ରତିମପ୍ରଭଃ ॥ ୧୧୨ ॥
ଚିନ୍ତାଶୋକପ୍ରଶମନଃ ସର୍ଵଵିଦ୍ୟାଵିଶାରଦଃ ।
ଭକ୍ତଵିଜ୍ଞାପ୍ତିସନ୍ଧାତା କର୍ତା ଗିରିଵରାକୃତିଃ ॥ ୧୧୩ ॥
ଜ୍ଞାନପ୍ରଦୋ ମନୋଵାସଃ କ୍ଷେମ୍ୟୋ ମୋହଵିନାଶନଃ ।
ସୁରୋତ୍ତମଶ୍ଚିତ୍ରଭାନୁଃ ସଦାଵୈଭଵତତ୍ପରଃ ॥ ୧୧୪ ॥
ସୁହୃଦଗ୍ରେସରଃ ସିଦ୍ଧଜ୍ଞାନମୁଦ୍ରୋ ଗଣାଧିପଃ ।
ଆଗମଶ୍ଚର୍ମଵସନୋ ଵାଞ୍ଛିତାର୍ଥଫଲପ୍ରଦଃ ॥ ୧୧୫ ॥
ଅନ୍ତର୍ହିତୋଽସମାନଶ୍ଚ ଦେଵସିଂହାସନାଧିପଃ ।
ଵିଵାଦହନ୍ତା ସର୍ଵାତ୍ମା କାଲଃ କାଲଵିଵର୍ଜିତଃ ॥ ୧୧୬ ॥
ଵିଶ୍ଵାତୀତୋ ଵିଶ୍ଵକର୍ତା ଵିଶ୍ଵେଶୋ ଵିଶ୍ଵକାରଣମ୍ ।
ୟୋଗିଧ୍ୟେୟୋ ୟୋଗନିଷ୍ଠୋ ୟୋଗାତ୍ମା ୟୋଗଵିତ୍ତମଃ ॥ ୧୧୭ ॥
ଓଂକାରରୂପୋ ଭଗଵାନ୍ ବିନ୍ଦୁନାଦମୟଃ ଶିଵଃ ।
ଚତୁର୍ମୁଖାଦିସଂସ୍ତୁତ୍ୟଶ୍ଚତୁର୍ଵର୍ଗଫଲପ୍ରଦଃ ॥ ୧୧୮ ॥
ସହ୍ୟାଚଲଗୁହାଵାସୀ ସାକ୍ଷାନ୍ମୋକ୍ଷରସାମୃତଃ ।
ଦକ୍ଷାଧ୍ଵରସମୁଚ୍ଛେତ୍ତା ପକ୍ଷପାତଵିଵର୍ଜିତଃ ॥ ୧୧୯ ॥
ଓଂକାରଵାଚକଃ ଶଂଭୁଃ ଶଂକରଃ ଶଶିଶୀତଲଃ ।
ପଙ୍କଜାସନସଂସେଵ୍ୟଃ କିଂକରାମରଵତ୍ସଲଃ ॥ ୧୨୦ ॥
ନତଦୌର୍ଭାଗ୍ୟତୂଲାଗ୍ନିଃ କୃତକୌତୁକମଙ୍ଗଲଃ ।
ତ୍ରିଲୋକମୋହନଃ ଶ୍ରୀମତ୍ତ୍ରିପୁଣ୍ଡ୍ରାଙ୍କିତମସ୍ତକଃ ॥ ୧୨୧ ॥
କ୍ରୌଞ୍ଚାରିଜନକଃ ଶ୍ରୀମଦ୍ଗଣନାଥସୁତାନ୍ଵିତଃ ।
ଅଦ୍ଭୁତାନନ୍ତଵରଦୋଽପରିଚ୍ଛିନାତ୍ମଵୈଭଵଃ ॥ ୧୨୨ ॥
ଇଷ୍ଟାପୂର୍ତପ୍ରିୟଃ ଶର୍ଵ ଏକଵୀରଃ ପ୍ରିୟଂଵଦଃ ।
ଊହାପୋହଵିନିର୍ମୁକ୍ତ ଓଂକାରେଶ୍ଵରପୂଜିତଃ ॥ ୧୨୩ ॥
ରୁଦ୍ରାକ୍ଷଵକ୍ଷା ରୁଦ୍ରାକ୍ଷରୂପୋ ରୁଦ୍ରାକ୍ଷପକ୍ଷକଃ ।
ଭୁଜଗେନ୍ଦ୍ରଲସତ୍କଣ୍ଠୋ ଭୁଜଙ୍ଗାଭରଣପ୍ରିୟଃ ॥ ୧୨୪ ॥
କଲ୍ୟାଣରୂପଃ କଲ୍ୟାଣଃ କଲ୍ୟାଣଗୁଣସଂଶ୍ରୟଃ ।
ସୁନ୍ଦରଭ୍ରୂଃ ସୁନୟନଃ ସୁଲଲାଟଃ ସୁକନ୍ଧରଃ ॥ ୧୨୫ ॥
ଵିଦ୍ଵଜ୍ଜନାଶ୍ରୟୋ ଵିଦ୍ଵଜ୍ଜନସ୍ତଵ୍ୟପରାକ୍ରମଃ ।
ଵିନୀତଵତ୍ସଲୋ ନୀତିସ୍ଵରୂପୋ ନୀତିସଂଶ୍ରୟଃ ॥ ୧୨୬ ॥
ଅତିରାଗୀ ଵୀତରାଗୀ ରାଗହେତୁର୍ଵିରାଗଵିତ୍ ।
ରାଗହା ରାଗଶମନୋ ରାଗଦୋ ରାଗିରାଗଵିତ୍ ॥ ୧୨୭ ॥
ମନୋନ୍ମନୋ ମନୋରୂପୋ ବଲପ୍ରମଥନୋ ବଲଃ ।
ଵିଦ୍ୟାକରୋ ମହାଵିଦ୍ୟୋ ଵିଦ୍ୟାଵିଦ୍ୟାଵିଶାରଦଃ ॥ ୧୨୮ ॥
ଵସନ୍ତକୃଦ୍ଵସନ୍ତାତ୍ମା ଵସନ୍ତେଶୋ ଵସନ୍ତଦଃ ।
ପ୍ରାଵୃଟ୍କୃତ୍ ପ୍ରାଵୃଡାକାରଃ ପ୍ରାଵୃଟ୍କାଲପ୍ରଵର୍ତକଃ ॥ ୧୨୯ ॥
ଶରନ୍ନାଥୋ ଶରତ୍କାଲନାଶକଃ ଶରଦାଶ୍ରୟଃ ।
କୁନ୍ଦମନ୍ଦାରପୁଷ୍ପୌଘଲସଦ୍ଵାୟୁନିଷେଵିତଃ ॥ ୧୩୦ ॥
ଦିଵ୍ୟଦେହପ୍ରଭାକୂଟସଂଦୀପିତଦିଗନ୍ତରଃ ।
ଦେଵାସୁରଗୁରୁସ୍ତଵ୍ୟୋ ଦେଵାସୁରନମସ୍କୃତଃ ॥ ୧୩୧ ॥
ଵାମାଙ୍ଗଭାଗଵିଲସଚ୍ଛ୍ୟାମଲାଵୀକ୍ଷଣପ୍ରିୟଃ ।
କୀର୍ତ୍ୟାଧାରଃ କୀର୍ତିକରଃ କୀର୍ତିହେତୁରହେତୁକଃ ॥ ୧୩୨ ॥
ଶରଣାଗତଦୀନାର୍ତପରିତ୍ରାଣପରାୟଣଃ ।
ମହାପ୍ରେତାସନାସୀନୋ ଜିତସର୍ଵପିତାମହଃ ॥ ୧୩୩ ॥
ମୁକ୍ତାଦାମପରୀତାଙ୍ଗୋ ନାନାଗାନଵିଶାରଦଃ ।
ଵିଷ୍ଣୁବ୍ରହ୍ମାଦିଵନ୍ଦ୍ୟାଙ୍ଘ୍ରିର୍ନାନାଦେଶୈକନାୟକଃ ॥ ୧୩୪ ॥
ଧୀରୋଦାତ୍ତୋ ମହାଧୀରୋ ଧୈର୍ୟଦୋ ଧୈର୍ୟଵର୍ଧକଃ ।
ଵିଜ୍ଞାନମୟ ଆନନ୍ଦମୟଃ ପ୍ରାଣମୟୋଽନ୍ନଦଃ ॥ ୧୩୫ ॥
ଭଵାବ୍ଧିତରଣୋପାୟଃ କଵିର୍ଦୁଃସ୍ଵପ୍ନନାଶନଃ ।
ଗୌରୀଵିଲାସସଦନଃ ପିଶଚାନୁଚରାଵୃତଃ ॥ ୧୩୬ ॥
ଦକ୍ଷିଣାପ୍ରେମସଂତୁଷ୍ଟୋ ଦାରିଦ୍ର୍ୟଵଡଵାନଲଃ ।
ଅଦ୍ଭୁତାନନ୍ତସଂଗ୍ରାମୋ ଡକ୍କାଵାଦନତତ୍ପରଃ ॥ ୧୩୭ ॥
ପ୍ରାଚ୍ୟାତ୍ମା ଦକ୍ଷିଣାକାରଃ ପ୍ରତୀଚ୍ୟାତ୍ମୋତ୍ତରାକୃତିଃ ।
ଊର୍ଧ୍ଵାଦ୍ୟନ୍ୟଦିଗାକାରୋ ମର୍ମଜ୍ଞଃ ସର୍ଵଶିକ୍ଷକଃ ॥ ୧୩୮ ॥
ୟୁଗାଵହୋ ୟୁଗାଧୀଶୋ ୟୁଗାତ୍ମା ୟୁଗନାୟକଃ ।
ଜଙ୍ଗମଃ ସ୍ଥାଵରାକାରଃ କୈଲାସଶିଖରପ୍ରିୟଃ ॥ ୧୩୯ ॥
ହସ୍ତରାଜତ୍ପୁଣ୍ଡରୀକଃ ପୁଣ୍ଡରୀକନିଭେକ୍ଷଣଃ ।
ଲୀଲାଵିଡଂବିତଵପୁର୍ଭକ୍ତମାନସମଣ୍ଡିତଃ ॥ ୧୪୦ ॥
ବୃନ୍ଦାରକପ୍ରିୟତମୋ ବୃନ୍ଦାରକଵରାର୍ଚିତଃ ।
ନାନାଵିଧାନେକରତ୍ନଲସତ୍କୁଣ୍ଡଲମଣ୍ଡିତଃ ॥ ୧୪୧ ॥
ନିଃସୀମମହିମା ନିତ୍ୟଲୀଲାଵିଗ୍ରହରୂପଧୃତ୍ ।
ଚନ୍ଦନଦ୍ରଵଦିଗ୍ଧାଙ୍ଗଶ୍ଚାମ୍ପେୟକୁସୁମାର୍ଚିତଃ ॥ ୧୪୨ ॥
ସମସ୍ତଭକ୍ତସୁଖଦଃ ପରମାଣୁର୍ମହାହ୍ରଦଃ ।
ଅଲୌକିକୋ ଦୁଷ୍ପ୍ରଧର୍ଷଃ କପିଲଃ କାଲକନ୍ଧରଃ ॥ ୧୪୩ ॥
କର୍ପୂରଗୌରଃ କୁଶଲଃ ସତ୍ୟସନ୍ଧୋ ଜିତେନ୍ଦ୍ରିୟଃ ।
ଶାଶ୍ଵତୈଶ୍ଵର୍ୟଵିଭଵଃ ପୋଷକଃ ସୁସମାହିତଃ ॥ ୧୪୪ ॥
ମହର୍ଷିନାଥିତୋ ବ୍ରହ୍ମୟୋନିଃ ସର୍ଵୋତ୍ତମୋତ୍ତମଃ ।
ଭୂତିଭାରାର୍ତିସଂହର୍ତା ଷଡୂର୍ମିରହିତୋ ମୃଡଃ ॥ ୧୪୫ ॥
ତ୍ରିଵିଷ୍ଟପେଶ୍ଵରଃ ସର୍ଵହୃଦୟାମ୍ବୁଜମଧ୍ୟଗଃ ।
ସହସ୍ରଦଲପଦ୍ମସ୍ଥଃ ସର୍ଵଵର୍ଣୋପଶୋଭିତଃ ॥ ୧୪୬ ॥
ପୁଣ୍ୟମୂର୍ତିଃ ପୁଣ୍ୟଲଭ୍ୟଃ ପୁଣ୍ୟଶ୍ରଵଣକୀର୍ତନଃ ।
ସୂର୍ୟମଣ୍ଡଲମଧ୍ୟସ୍ଥଶ୍ଚନ୍ଦ୍ରମଣ୍ଡଲମଧ୍ୟଗଃ ॥ ୧୪୭ ॥
ସଦ୍ଭକ୍ତଧ୍ୟାନନିଗଲଃ ଶରଣାଗତପାଲକଃ ।
ଶ୍ଵେତାତପତ୍ରରୁଚିରଃ ଶ୍ଵେତଚାମରଵୀଜିତଃ ॥ ୧୪୮ ॥
ସର୍ଵାଵୟଵସମ୍ପୂର୍ଣଃ ସର୍ଵଲକ୍ଷଣଲକ୍ଷିତଃ ।
ସର୍ଵମଙ୍ଗଲମାଙ୍ଗଲ୍ୟଃ ସର୍ଵକାରଣକାରଣଃ ॥ ୧୪୯ ॥
ଅମୋଦୋ ମୋଦଜନକଃ ସର୍ପରାଜୋତ୍ତରୀୟକଃ ।
କପାଲୀ କୋଵିଦଃ ସିଦ୍ଧକାନ୍ତିସଂଵଲିତାନନଃ ॥ ୧୫୦ ॥
ସର୍ଵସଦ୍ଗୁରୁସଂସେଵ୍ୟୋ ଦିଵ୍ୟଚନ୍ଦନଚର୍ଚିତଃ ।
ଵିଲାସିନୀକୃତୋଲ୍ଲାସ ଇଚ୍ଛାଶକ୍ତିନିଷେଵିତଃ ॥ ୧୫୧ ॥
ଅନନ୍ତାନନ୍ଦସୁଖଦୋ ନନ୍ଦନଃ ଶ୍ରୀନିକେତନଃ ।
ଅମୃତାବ୍ଧିକୃତାଵାସୋ ନିତ୍ୟକ୍ଲୀବୋ ନିରାମୟଃ ॥ ୧୫୨ ॥
ଅନପାୟୋଽନନ୍ତଦୃଷ୍ଟିରପ୍ରମେୟୋଽଜରୋଽମରଃ ।
ତମୋମୋହପ୍ରତିହତିରପ୍ରତର୍କ୍ୟୋଽମୃତୋଽକ୍ଷରଃ ॥ ୧୫୩ ॥
ଅମୋଘବୁଦ୍ଧିରାଧାର ଆଧାରାଧେୟଵର୍ଜିତଃ ।
ଈଷଣାତ୍ରୟନିର୍ମୁକ୍ତ ଇହାମୁତ୍ରଵିଵର୍ଜିତଃ ॥ ୧୫୪ ॥
ଋଗ୍ୟଜୁଃସାମନୟନୋ ବୁଦ୍ଧିସିଦ୍ଧିସମୃଦ୍ଧିଦଃ ।
ଔଦାର୍ୟନିଧିରାପୂର୍ଣ ଐହିକାମୁଷ୍ମିକପ୍ରଦଃ ॥ ୧୫୫ ॥
ଶୁଦ୍ଧସନ୍ମାତ୍ରସଂଵିଦ୍ଧୀ-ସ୍ଵରୂପସୁଖଵିଗ୍ରହଃ ।
ଦର୍ଶନପ୍ରଥମାଭାସୋ ଦୃଷ୍ଟିଦୃଶ୍ୟଵିଵର୍ଜିତଃ ॥ ୧୫୬ ॥
ଅଗ୍ରଗଣ୍ୟୋଽଚିନ୍ତ୍ୟରୂପଃ କଲିକଲ୍ମଷନାଶନଃ ।
ଵିମର୍ଶରୂପୋ ଵିମଲୋ ନିତ୍ୟରୂପୋ ନିରାଶ୍ରୟଃ ॥ ୧୫୭ ॥
ନିତ୍ୟଶୁଦ୍ଧୋ ନିତ୍ୟବୁଦ୍ଧଃ ନିତ୍ୟମୁକ୍ତୋଽପରାକୃତଃ ।
ମୈତ୍ର୍ୟାଦିଵାସନାଲଭ୍ୟୋ ମହାପ୍ରଲୟସ<ଂସ୍ଥିତଃ ॥ ୧୫୮ ॥
ମହାକୈଲାସନିଲୟଃ ପ୍ରଜ୍ଞାନଘନଵିଗ୍ରହଃ ।
ଶ୍ରୀମାନ୍ ଵ୍ୟାଘ୍ରପୁରାଵାସୋ ଭୁକ୍ତିମୁକ୍ତିପ୍ରଦାୟକଃ ॥ ୧୫୯ ॥
ଜଗଦ୍ୟୋନିର୍ଜଗତ୍ସାକ୍ଷୀ ଜଗଦୀଶୋ ଜଗନ୍ମୟଃ ।
ଜପୋ ଜପପରୋ ଜପ୍ୟୋ ଵିଦ୍ୟାସିଂହାସନପ୍ରଭୁଃ ॥ ୧୬୦ ॥
ତତ୍ତ୍ଵାନାଂ ପ୍ରକୃତିସ୍ତତ୍ତ୍ଵଂ ତତ୍ତ୍ଵଂପଦନିରୂପିତଃ ।
ଦିକ୍କାଲାଦ୍ୟନଵଚ୍ଛିନ୍ନଃ ସହଜାନନ୍ଦସାଗରଃ ॥ ୧୬୧ ॥
ପ୍ରକୃତିଃ ପ୍ରାକୃତାତୀତୋ ଵିଜ୍ଞାନୈକରସାକୃତିଃ ।
ନିଃଶଙ୍କମତିଦୂରସ୍ଥଶ୍ଚୈତ୍ୟଚେତନଚିନ୍ତନଃ ॥ ୧୬୨ ॥
ତାରକାନାଂ ହୃଦନ୍ତସ୍ଥସ୍ତାରକସ୍ତାରକାନ୍ତକଃ ।
ଧ୍ୟାନୈକପ୍ରକଟୋ ଧ୍ୟେୟୋ ଧ୍ୟାନୀ ଧ୍ୟାନଵିଭୂଷଣଃ ॥ ୧୬୩ ॥
ପରଂ ଵ୍ୟୋମ ପରଂ ଧାମ ପରମାତ୍ମା ପରଂ ପଦମ୍ ।
ପୂର୍ଣାନନ୍ଦଃ ସଦାନନ୍ଦୋ ନାଦମଧ୍ୟପ୍ରତିଷ୍ଠିତଃ ॥ ୧୬୪ ॥
ପ୍ରମାଵିପର୍ୟୟାତୀତଃ ପ୍ରଣତାଜ୍ଞାନନାଶକଃ ।
ବାଣାର୍ଚିତାଙ୍ଘ୍ରିର୍ବହୁଦୋ ବାଲକେଲିକୁତୂହଲୀ ॥ ୧୬୫ ॥
ବ୍ରହ୍ମରୂପୀ ବ୍ରହ୍ମପଦଂ ବ୍ରହ୍ମଵିଦ୍ ବ୍ରାହ୍ମଣପ୍ରିୟଃ ।
ଭୂକ୍ଷେପଦତ୍ତଲକ୍ଷ୍ମୀକୋ ଭୂମଧ୍ୟଧ୍ୟାନଲକ୍ଷିତଃ ॥ ୧୬୬ ॥
ୟଶସ୍କରୋ ରତ୍ନଗର୍ଭୋ ମହାରାଜ୍ୟସୁଖପ୍ରଦଃ ।
ଶବ୍ଦବ୍ରହ୍ମ ଶମପ୍ରାପ୍ୟୋ ଲାଭକୃଲ୍ଲୋକଵିଶ୍ରୁତଃ ॥ ୧୬୭ ॥
ଶାସ୍ତା ଶିଵାଦ୍ରିନିଲୟଃ ଶରଣ୍ୟୋ ୟାଜକପ୍ରିୟଃ ।
ସଂସାରଵୈଦ୍ୟଃ ସର୍ଵଜ୍ଞଃ ସଭେଷଜଵିଭେଷଜଃ ॥ ୧୬୮ ॥
ମନୋଵଚୋଭିରଗ୍ରାହ୍ୟଃ ପଞ୍ଚକୋଶଵିଲକ୍ଷଣଃ ।
ଅଵସ୍ଥାତ୍ରୟନିର୍ମୁକ୍ତସ୍ତ୍ଵଵସ୍ଥାସାକ୍ଷିତୁର୍ୟକଃ ॥ ୧୬୯ ॥
ପଞ୍ଚଭୂତାଦିଦୂରସ୍ଥଃ ପ୍ରତ୍ୟଗେକରସୋଽଵ୍ୟୟଃ ।
ଷଟ୍ଚକ୍ରାନ୍ତର୍ଗତୋଲ୍ଲାସୀ ଷଡ୍ଵିକାରଵିଵର୍ଜିତଃ ॥ ୧୭୦ ॥
ଵିଜ୍ଞାନଘନସମ୍ପୂର୍ଣୋ ଵୀଣାଵାଦନତତ୍ପରଃ ।
ନୀହାରାକାରଗୌରାଙ୍ଗୋ ମହାଲାଵଣ୍ୟଵାରିଧିଃ ॥ ୧୭୧ ॥
ପରାଭିଚାରଶମନଃ ଷଡଧ୍ଵୋପରିସଂସ୍ଥିତଃ ।
ସୁଷୁମ୍ନାମାର୍ଗସଂଚାରୀ ବିସତନ୍ତୁନିଭାକୃତିଃ ॥ ୧୭୨ ॥
ପିନାକୀ ଲିଙ୍ଗରୂପଶ୍ରୀଃ ମଙ୍ଗଲାଵୟଵୋଜ୍ଜ୍ଵଲଃ ।
କ୍ଷେତ୍ରାଧିପଃ ସୁସଂଵେଦ୍ୟଃ ଶ୍ରୀପ୍ରଦୋ ଵିଭଵପ୍ରଦଃ ॥ ୧୭୩ ॥
ସର୍ଵଵଶ୍ୟକରଃ ସର୍ଵଦୋଷହା ପୁତ୍ରପୌତ୍ରଦଃ ।
ତୈଲଦୀପପ୍ରିୟସ୍ତୈଲପକ୍ଵାନ୍ନପ୍ରୀତମାନସଃ ॥ ୧୭୪ ॥
ତୈଲାଭିଷେକସଂତୁଷ୍ଟସ୍ତିଲଭକ୍ଷଣତତ୍ପରଃ ।
ଆପାଦକନିକାମୁକ୍ତାଭୂଷାଶତମନୋହରଃ ॥ ୧୭୫ ॥
ଶାଣୋଲ୍ଲୀଢମଣିଶ୍ରେଣୀରମ୍ୟାଙ୍ଘ୍ରିନଖମଣ୍ଡଲଃ ।
ମଣିମଞ୍ଜୀରକିରଣକିଞ୍ଜଲ୍କିତପଦାମ୍ବୁଜଃ ॥ ୧୭୬ ॥
ଅପସ୍ମାରୋପରିନ୍ୟସ୍ତସଵ୍ୟପାଦସରୋରୁହଃ ।
କନ୍ଦର୍ପତୂଣାଭଜଙ୍ଘୋ ଗୁଲ୍ଫୋଦଞ୍ଚିତନୂପୁରଃ ॥ ୧୭୭ ॥
କରିହସ୍ତୋପମେୟୋରୁରାଦର୍ଶୋଜ୍ଜ୍ଵଲଜାନୁଭୃତ୍ ।
ଵିଶଙ୍କଟକଟିନ୍ୟସ୍ତଵାଚାଲମଣିମେଖଲଃ ॥ ୧୭୮ ॥
ଆଵର୍ତନାଭିରୋମାଲିଵଲିମତ୍ପଲ୍ଲଵୋଦରଃ ।
ମୁକ୍ତାହାରଲସତ୍ତୁଙ୍ଗଵିପୁଲୋରସ୍କରଞ୍ଜିତଃ ॥ ୧୭୯ ॥
ଵୀରାସନସମାସୀନୋ ଵୀଣାପୁସ୍ତୋଲ୍ଲସତ୍କରଃ ।
ଅକ୍ଷମାଲାଲସତ୍ପାଣିଶ୍ଚିନ୍ମୁଦ୍ରିତକରାମ୍ବୁଜଃ ॥ ୧୮୦ ॥
ମାଣିକ୍ୟକଙ୍କଣୋଲ୍ଲାସିକରାମ୍ବୁଜଵିରାଜିତଃ ।
ଅନର୍ଘରତ୍ନଗ୍ରୈଵେୟଵିଲସତ୍କଂବୁକନ୍ଧରଃ ॥ ୧୮୧ ॥
ଅନାକଲିତସାଦୃଶ୍ୟଚିବୁକଶ୍ରୀଵିରାଜିତଃ ।
ମୁଗ୍ଧସ୍ମିତପରୀପାକପ୍ରକାଶିତରଦାଙ୍କୁରଃ ॥ ୧୮୨ ॥
ଚାରୁଚାମ୍ପେୟପୁଷ୍ପାଭନାସିକାପୁଟରଞ୍ଜିତଃ ।
ଵରଵଜ୍ରଶିଲାଦର୍ଶପରିଭାଵିକପୋଲଭୂଃ ॥ ୧୮୩ ॥
କର୍ଣଦ୍ଵୟୋଲ୍ଲସଦ୍ଦିଵ୍ୟମଣିକୁଣ୍ଡଲମଣ୍ଡିତ୍ତଃ ।
କରୁଣାଲହରୀପୂର୍ଣକର୍ଣାନ୍ତାୟତଲୋଚନଃ ॥ ୧୮୪ ॥
ଅର୍ଧଚନ୍ଦ୍ରାଭନିଟିଲପାଟୀରତିଲକୋଜ୍ଜ୍ଵଲଃ ।
ଚାରୁଚାମୀକରାକାରଜଟାଚର୍ଚିତଚନ୍ଦନଃ ।
କୈଲାସଶିଖରସ୍ଫର୍ଧିକମନୀୟନିଜାକୃତିଃ ॥ ୧୮୫ ॥
ଇତି ଶ୍ରୀଦକ୍ଷିଣାମୂର୍ତିସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
॥ ଓଂ ତତ୍ ସତ୍ ॥