॥ Narasimhasahasranama Stotram Odia Lyrics ॥
॥ ଲକ୍ଷ୍ମୀନୃସିଂହସହସ୍ରନାମସ୍ତୋତ୍ରମ୍ ॥
ଦିଵ୍ୟଲକ୍ଷ୍ମୀନୃସିଂହସହସ୍ରନାମସ୍ତୋତ୍ରମ୍
॥ ସ୍ତୋତ୍ରସ୍ୟ ପୂର୍ଵପୀଠିକା ॥
ଓଂ ମାର୍କଣ୍ଡେୟ ଉଵାଚ –
ଏଵଂ ୟୁଦ୍ଧମଭୂଦ୍ଘୋରଂ ରୌଦ୍ରଂ ଦୈତ୍ୟବଲୈଃ ସହ ।
ନୃସିଂହସ୍ୟାଙ୍ଗସମ୍ଭୂତୈର୍ନାରସିଂହୈରନେକଶଃ ॥ ୧ ॥
ଦୈତ୍ୟକୋଟିହତାସ୍ତତ୍ର କେଚିଦ୍ଭୀତାଃ ପଲାୟିତାଃ ।
ତଂ ଦୃଷ୍ଟ୍ଵାତୀଵ ସଙ୍କ୍ରୁଦ୍ଧୋ ହିରଣ୍ୟକଶିପୁଃ ସ୍ଵୟମ୍ ॥ ୨ ॥
ଭୂତପୂର୍ଵୈରମୃତ୍ୟୁର୍ମେ ଇତି ବ୍ରହ୍ମଵରୋଦ୍ଧତଃ ।
ଵଵର୍ଷ ଶରଵର୍ଷେଣ ନାରସିଂହୋ ଭୃଶଂ ବଲୀ ॥ ୩ ॥
ଦ୍ଵନ୍ଦ୍ଵୟୁଦ୍ଧମଭୂଦୁଗ୍ରଂ ଦିଵ୍ୟଵର୍ଷସହସ୍ରକମ୍ ।
ଦୈତ୍ୟେନ୍ଦ୍ରସାହସଂ ଦୃଷ୍ଟ୍ଵା ଦେଵାଶ୍ଚେନ୍ଦ୍ରପୁରୋଗମାଃ ॥ ୪ ॥
ଶ୍ରେୟଃ କସ୍ୟ ଭଵେଦତ୍ର ଇତି ଚିନ୍ତାପରାଭଵନ୍ ।
ତଦା କ୍ରୁଦ୍ଧୋ ନୃସିଂହସ୍ତୁ ଦୈତ୍ୟେନ୍ଦ୍ରପ୍ରହିତାନ୍ୟପି ॥ ୫ ॥
ଵିଷ୍ଣୁଚକ୍ରଂ ମହାଚକ୍ରଂ କାଲଚକ୍ରଂ ତୁ ଵୈଷ୍ଣଵମ୍ ।
ରୌଦ୍ରଂ ପାଶୁପତଂ ବ୍ରାହ୍ମଂ କୌବେରଂ କୁଲିଶାସନମ୍ ॥ ୬ ॥
ଆଗ୍ନେୟଂ ଵାରୁଣଂ ସୌମ୍ୟଂ ମୋହନଂ ସୌରପାର୍ଵତମ୍ ।
ଭାର୍ଗଵାଦିବହୂନ୍ୟସ୍ତ୍ରାଣ୍ୟଭକ୍ଷୟତ କୋପନଃ ॥ ୭ ॥
ସନ୍ଧ୍ୟାକାଲେ ସଭାଦ୍ଵାରେ ସ୍ଵାଙ୍କେ ନିକ୍ଷିପ୍ୟଭୈରଵଃ ।
ତତଃ ଖଟ୍ଗଧରଂ ଦୈତ୍ୟଂ ଜଗ୍ରାହ ନରକେସରୀ ॥ ୮ ॥
ହିରଣ୍ୟକଶିପୋର୍ଵକ୍ଷୋ ଵିଦାର୍ୟାତୀଵ ରୋଷିତଃ ।
ଉଦ୍ଧୃତ୍ୟ ଚାନ୍ତ୍ରମାଲାନି ନଖୈର୍ଵଜ୍ରସମପ୍ରଭୈଃ ॥ ୯ ॥
ମେନେ କୃତାର୍ଥମାତ୍ମାନଂ ସର୍ଵତଃ ପର୍ୟଵୈକ୍ଷତ ।
ହର୍ଷିତା ଦେଵତାଃ ସର୍ଵାଃ ପୁଷ୍ପଵୃଷ୍ଟିମଵାକିରନ୍ ॥ ୧୦ ॥
ଦେଵଦୁନ୍ଦୁଭୟୋ ନେଦୁର୍ଵିମଲାଶ୍ଚ ଦିଶୋଽଭଵନ୍ ।
ନରସିଂହ ମତୀଵୋଗ୍ରଂ ଵିକୀର୍ଣଵଦନଂ ଭୃଶମ୍ ॥ ୧୧ ॥
ଲେଲିହାନଂ ଚ ଗର୍ଜନ୍ତଂ କାଲାନଲସମପ୍ରଭମ୍ ।
ଅତିରୌଦ୍ରଂ ମହାକାୟଂ ମହାଦଂଷ୍ଟ୍ରଂ ମହାରୁତମ୍ ॥ ୧୨ ॥
ମହାସିଂହଂ ମହାରୂପଂ ଦୃଷ୍ଟ୍ଵା ସଙ୍କ୍ଷୁଭିତଂ ଜଗତ୍ ।
ସର୍ଵଦେଵଗଣୈଃ ସାର୍ଥଂ ତତ୍ରାଗତ୍ୟ ପିତାମହଃ ॥ ୧୩ ॥
ଆଗନ୍ତୁକୈର୍ଭୂତପୂର୍ଵୈର୍ଵର୍ତମାନୈରନୁତ୍ତମୈଃ ।
ଗୁଣୈର୍ନାମସହସ୍ରେଣ ତୁଷ୍ଟାଵ ଶ୍ରୁତିସମ୍ମତୈଃ ॥ ୧୪ ॥
॥ ଅଥ ଶ୍ରୀନୃସିଂହସହସ୍ରନାମସ୍ତୋତ୍ରମ୍ ॥
ଓଂ ନମଃ ଶ୍ରୀମଦ୍ଦିଵ୍ୟଲକ୍ଷ୍ମୀନୃସିଂହସହସ୍ରନାମସ୍ତୋତ୍ରମହାମନ୍ତ୍ରସ୍ୟ
ବ୍ରହ୍ମା ଋଷିଃ ଶ୍ରୀଲକ୍ଷ୍ମୀନୃସିଂହୋଦେଵତା । ଅନୁଷ୍ଟୁପ୍ଛନ୍ଦଃ
ଶ୍ରୀନୃସିଂହଃପରମାତ୍ମା ବୀଜଂ ଲକ୍ଷ୍ମୀର୍ମାୟାଶକ୍ତିଃ ଜୀଵୋବୀଜଂ
ବୁଦ୍ଧିଃ ଶକ୍ତିଃ ଉଦାନଵାୟୁଃ ବୀଜଂ ସରସ୍ଵତୀ ଶକ୍ତିଃ ଵ୍ୟଞ୍ଜନାନି
ବୀଜାନି ସ୍ଵରାଃ ଶକ୍ତୟଃ ଓଂ କ୍ଷ୍ରୌଂ ହ୍ରୀଂ ଇତି ବୀଜାନି ଓଂ ଶ୍ରୀଂ
ଅଂ ଆଂ ଇତି ଶକ୍ତୟଃ ଵିକୀର୍ଣନଖଦଂଷ୍ଟ୍ରାୟୁଧାୟେତି କୀଲକଂ
ଅକାରାଦିତି ବୋଧକଂ ଶ୍ରୀଲକ୍ଷ୍ମୀନୃସିଂହପ୍ରସାଦସିଦ୍ଧ୍ୟର୍ଥେ
ଶ୍ରୀଲକ୍ଷ୍ମୀନୃସିଂହସହସ୍ରନାମସ୍ତୋତ୍ରମନ୍ତ୍ରଜପେ ଵିନିୟୋଗଃ –
ବ୍ରହ୍ମୋଵାଚ –
ଓଂ ଶ୍ରୀଲକ୍ଷ୍ମୀନୃସିଂହାୟ ନମଃ । ଅଙ୍ଗୁଷ୍ଠାଭ୍ୟାଂ ନମଃ
ଓଂ ଵଜ୍ରନଖାୟ ନମଃ । ତର୍ଜନୀଭ୍ୟାଂ ନମଃ
ଓଂ ମହାରୁଦ୍ରାୟ ନମଃ । ମଧ୍ୟମାଭ୍ୟାଂ ନମଃ
ଓଂ ସର୍ଵତୋମୁଖାୟ ନମଃ । ଅନାମିକାଭ୍ୟାଂ ନମଃ
ଓଂ ଵିକଟାସ୍ୟାୟ ନମଃ । କନିଷ୍ଠିକାଭ୍ୟାଂ ନମଃ
ଓଂ ଵୀରାୟ ନମଃ । କରତଲକରପୃଷ୍ଠାଭ୍ୟାଂ ନମଃ
ଏଵଂ ହୃଦୟାଦିନ୍ୟାସଃ – ଇତି ଦିଗ୍ବନ୍ଧଃ
ଓଂ ଐନ୍ଦ୍ରୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଆଗ୍ନେୟୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ୟାମ୍ୟାଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ନୈଋତିଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଵାରୁଣୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଵାୟଵୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ କୌବେରୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଈଶାନୀଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଊର୍ଧ୍ଵାଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଅଧସ୍ତାଦ୍ଦିଶଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଓଂ ଅନ୍ତରିକ୍ଷାଂ ଦିଶଂ ସୁଦର୍ଶନେନ ବଧ୍ନାମି ନମଶ୍ଚକ୍ରାୟ ସ୍ଵାହା ।
ଅଥ ଧ୍ୟାନମ୍ –
ସତ୍ୟଜ୍ଞାନସୁଖସ୍ଵରୂପମମଲଂ କ୍ଷୀରାବ୍ଧିମଧ୍ୟେ ସ୍ଥିତଂ
ୟୋଗାରୂଢମତିପ୍ରସନ୍ନଵଦନଂ ଭୂଷାସହସ୍ରୋଜ୍ଵଲମ୍ ।
ତ୍ର୍ୟକ୍ଷଂ ଚକ୍ରପିନାକସ୍ନାଭୟକରାନ୍ବିଭ୍ରାଣମର୍କଚ୍ଛଵିଂ
ଛତ୍ରୀଭୂତଫଣୀନ୍ଦ୍ରମିନ୍ଦୁଧଵଲଂ ଲକ୍ଷ୍ମୀନୃସିଂହଂ ଭଜେ ॥ ୧ ॥
ଉପାସ୍ମହେ ନୃସିଂହାଖ୍ୟଂ ବ୍ରହ୍ମ ଵେଦାନ୍ତଗୋଚରମ୍ ।
ଭୂୟୋଲାଲିତସଂସାରଚ୍ଛେଦହେତୁଂ ଜଗଦ୍ଗୁରୁମ୍ ॥ ୨ ॥
ବ୍ରହ୍ମୋଵାଚ –
ଓଂ ହ୍ରୀଂ ଶ୍ରୀଂ ଐଂ କ୍ଷ୍ରୌଂ
ବ୍ରହ୍ମୋଵାଚ –
ଓଂ ନମୋ ନାରସିଂହାୟ ଵଜ୍ରଦଂଷ୍ଟ୍ରାୟ ଵଜ୍ରିଣେ ।
ଵଜ୍ରଦେହାୟ ଵଜ୍ରାୟ ନମୋ ଵଜ୍ରନଖାୟ ଚ ॥ ୧ ॥
ଵାସୁଦେଵାୟ ଵନ୍ଦ୍ୟାୟ ଵରଦାୟ ଵରାତ୍ମନେ ।
ଵରଦାଭୟହସ୍ତାୟ ଵରାୟ ଵରରୂପିଣେ ॥ ୨ ॥
ଵରେଣ୍ୟାୟ ଵରିଷ୍ଠାୟ ଶ୍ରୀଵରାୟ ନମୋ ନମଃ ।
ପ୍ରହ୍ଲାଦଵରଦାୟୈଵ ପ୍ରତ୍ୟକ୍ଷଵରଦାୟ ଚ ॥ ୩ ॥
ପରାତ୍ପରପରେଶାୟ ପଵିତ୍ରାୟ ପିନାକିନେ ।
ପାଵନାୟ ପ୍ରସନ୍ନାୟ ପାଶିନେ ପାପହାରିଣେ ॥ ୪ ॥
ପୁରୁଷ୍ଟୁତାୟ ପୁଣ୍ୟାୟ ପୁରୁହୂତାୟ ତେ ନମଃ ।
ତତ୍ପୁରୁଷାୟ ତଥ୍ୟାୟ ପୁରାଣପୁରୁଷାୟ ଚ ॥ ୫ ॥
ପୁରୋଧସେ ପୂର୍ଵଜାୟ ପୁଷ୍କରାକ୍ଷାୟ ତେ ନମଃ ।
ପୁଷ୍ପହାସାୟ ହାସାୟ ମହାହାସାୟ ଶାର୍ଙ୍ଗିଣେ ॥ ୬ ॥
ସିଂହାୟ ସିଂହରାଜାୟ ଜଗଦ୍ଵଶ୍ୟାୟ ତେ ନମଃ ।
ଅଟ୍ଟହାସାୟ ରୋଷାୟ ଜଲଵାସାୟ ତେ ନମଃ ॥ ୭ ॥
ଭୂତାଵାସାୟ ଭାସାୟ ଶ୍ରୀନିଵାସାୟ ଖଡ୍ଗିନେ ।
ଖଡ୍ଗଜିହ୍ଵାୟ ସିଂହାୟ ଖଡ୍ଗଵାସାୟ ତେ ନମଃ ॥ ୮ ॥
ନମୋ ମୂଲାଧିଵାସାୟ ଧର୍ମଵାସାୟ ଧନ୍ଵିନେ ।
ଧନଞ୍ଜୟାୟ ଧନ୍ୟାୟ ନମୋ ମୃତ୍ୟୁଞ୍ଜୟାୟ ଚ ॥ ୯ ॥
ଶୁଭଞ୍ଜୟାୟ ସୂତ୍ରାୟ ନମଃ ଶତ୍ରୁଞ୍ଜୟାୟ ଚ ।
ନିରଞ୍ଜନାୟ ନୀରାୟ ନିର୍ଗୁଣାୟ ଗୁଣାୟ ଚ ॥ ୧୦ ॥
ନିଷ୍ପ୍ରପଞ୍ଚାୟ ନିର୍ଵାଣପ୍ରଦାୟ ନିବିଡାୟ ଚ ।
ନିରାଲମ୍ବାୟ ନୀଲାୟ ନିଷ୍କଲାୟ କଲାୟ ଚ ॥ ୧୧ ॥
ନିମେଷାୟ ନିବନ୍ଧାୟ ନିମେଷଗମନାୟ ଚ ।
ନିର୍ଦ୍ଵନ୍ଦ୍ଵାୟ ନିରାଶାୟ ନିଶ୍ଚୟାୟ ନିରାୟ ଚ ॥ ୧୨ ॥
ନିର୍ମଲାୟ ନିବନ୍ଧାୟ ନିର୍ମୋହାୟ ନିରାକୃତେ ।
ନମୋ ନିତ୍ୟାୟ ସତ୍ୟାୟ ସତ୍କର୍ମନିରତାୟ ଚ ॥ ୧୩ ॥
ସତ୍ୟଧ୍ଵଜାୟ ମୁଞ୍ଜାୟ ମୁଞ୍ଜକେଶାୟ କେଶିନେ ।
ହରୀଶାୟ ଚ ଶେଷାୟ ଗୁଡାକେଶାୟ ଵୈ ନମଃ ॥ ୧୪ ॥
ସୁକେଶାୟୋର୍ଧ୍ଵକେଶାୟ କେଶିସଂହାରକାୟ ଚ ।
ଜଲେଶାୟ ସ୍ଥଲେଶାୟ ପଦ୍ମେଶାୟୋଗ୍ରରୂପିଣେ ॥ ୧୫ ॥
କୁଶେଶୟାୟ କୂଲାୟ କେଶଵାୟ ନମୋ ନମଃ ।
ସୂକ୍ତିକର୍ଣାୟ ସୂକ୍ତାୟ ରକ୍ତଜିହ୍ଵାୟ ରାଗିଣେ ॥ ୧୬ ॥
ଦୀପ୍ତରୂପାୟ ଦୀପ୍ତାୟ ପ୍ରଦୀପ୍ତାୟ ପ୍ରଲୋଭିନେ ।
ପ୍ରଚ୍ଛିନ୍ନାୟ ପ୍ରବୋଧାୟ ପ୍ରଭଵେ ଵିଭଵେ ନମଃ ॥ ୧୭ ॥
ପ୍ରଭଞ୍ଜନାୟ ପାନ୍ଥାୟ ପ୍ରମାୟାପ୍ରମିତାୟ ଚ ।
ପ୍ରକାଶାୟ ପ୍ରତାପାୟ ପ୍ରଜ୍ଵଲାୟୋଜ୍ଵଲାୟ ଚ ॥ ୧୮ ॥
ଜ୍ଵାଲାମାଲାସ୍ଵରୂପାୟ ଜ୍ଵଲଜ୍ଜିହ୍ଵାୟ ଜ୍ଵାଲିନେ ।
ମହୋଜ୍ଜ୍ଵଲାୟ କାଲାୟ କାଲମୂର୍ତିଧରାୟ ଚ ॥ ୧୯ ॥
କାଲାନ୍ତକାୟ କଲ୍ପାୟ କଲନାୟ କୃତେ ନମଃ ।
କାଲଚକ୍ରାୟ ଶକ୍ରାୟ ଵଷଟ୍ଚକ୍ରାୟ ଚକ୍ରିଣେ ॥ ୨୦ ॥
ଅକ୍ରୂରାୟ କୃତାନ୍ତାୟ ଵିକ୍ରମାୟ କ୍ରମାୟ ଚ ।
କୃତ୍ତିନେ କୃତ୍ତିଵାସାୟ କୃତଘ୍ନାୟ କୃତାତ୍ମନେ ॥ ୨୧ ॥
ସଙ୍କ୍ରମାୟ ଚ କ୍ରୁଦ୍ଧାୟ କ୍ରାନ୍ତଲୋକତ୍ରୟାୟ ଚ ।
ଅରୂପାୟ ସ୍ଵରୂପାୟ ହରୟେ ପରମାତ୍ମନେ ॥ ୨୨ ॥
ଅଜୟାୟାଦିଦେଵାୟ ଅକ୍ଷୟାୟ କ୍ଷୟାୟ ଚ ।
ଅଘୋରାୟ ସୁଘୋରାୟ ଘୋରାଘୋରତରାୟ ଚ ॥ ୨୩ ॥
ନମୋଽସ୍ତ୍ଵଘୋରଵୀର୍ୟାୟ ଲସଦ୍ଘୋରାୟ ତେ ନମଃ ।
ଘୋରାଧ୍ୟକ୍ଷାୟ ଦକ୍ଷାୟ ଦକ୍ଷିଣାର୍ୟାୟ ଶମ୍ଭଵେ ॥ ୨୪ ॥
ଅମୋଘାୟ ଗୁଣୌଘାୟ ଅନଘାୟାଘହାରିଣେ ।
ମେଘନାଦାୟ ନାଦାୟ ତୁଭ୍ୟଂ ମେଘାତ୍ମନେ ନମଃ ॥ ୨୫ ॥
ମେଘଵାହନରୂପାୟ ମେଘଶ୍ୟାମାୟ ମାଲିନେ ।
ଵ୍ୟାଲୟଜ୍ଞୋପଵୀତାୟ ଵ୍ୟାଘ୍ରଦେହାୟ ଵୈ ନମଃ ॥ ୨୬ ॥
ଵ୍ୟାଘ୍ରପାଦାୟ ଚ ଵ୍ୟାଘ୍ରକର୍ମିଣେ ଵ୍ୟାପକାୟ ଚ ।
ଵିକଟାସ୍ୟାୟ ଵୀରାୟ ଵିଷ୍ଟରଶ୍ରଵସେ ନମଃ ॥ ୨୭ ॥
ଵିକୀର୍ଣନଖଦଂଷ୍ଟ୍ରାୟ ନଖଦଂଷ୍ଟ୍ରାୟୁଧାୟ ଚ ।
ଵିଶ୍ଵକ୍ସେନାୟ ସେନାୟ ଵିହ୍ଵଲାୟ ବଲାୟ ଚ ॥ ୨୮ ॥
ଵିରୂପାକ୍ଷାୟ ଵୀରାୟ ଵିଶେଷାକ୍ଷାୟ ସାକ୍ଷିଣେ ।
ଵୀତଶୋକାୟ ଵିସ୍ତୀର୍ଣଵଦନାୟ ନମୋ ନମଃ ॥ ୨୯ ॥
ଵିଧାନାୟ ଵିଧେୟାୟ ଵିଜୟାୟ ଜୟାୟ ଚ ।
ଵିବୁଧାୟ ଵିଭାଵାୟ ନମୋ ଵିଶ୍ଵମ୍ଭରାୟ ଚ ॥ ୩୦ ॥
ଵୀତରାଗାୟ ଵିପ୍ରାୟ ଵିଟଙ୍କନୟନାୟ ଚ ।
ଵିପୁଲାୟ ଵିନୀତାୟ ଵିଶ୍ଵୟୋନେ ନମୋ ନମଃ ॥ ୩୧ ॥
ଚିଦମ୍ବରାୟ ଵିତ୍ତାୟ ଵିଶ୍ରୁତାୟ ଵିୟୋନୟେ ।
ଵିହ୍ଵଲାୟ ଵିକଲ୍ପାୟ କଲ୍ପାତୀତାୟ ଶିଲ୍ପିନେ ॥ ୩୨ ॥
କଲ୍ପନାୟ ସ୍ଵରୂପାୟ ଫଣିତଲ୍ପାୟ ଵୈ ନମଃ ।
ତଡିତ୍ପ୍ରଭାୟ ତାର୍ୟାୟ ତରୁଣାୟ ତରସ୍ଵିନେ ॥ ୩୩ ॥
ତପନାୟ ତରକ୍ଷାୟ ତାପତ୍ରୟହରାୟ ଚ ।
ତାରକାୟ ତମୋଘ୍ନାୟ ତତ୍ତ୍ଵାୟ ଚ ତପସ୍ଵିନେ ॥ ୩୪ ॥
ତକ୍ଷକାୟ ତନୁତ୍ରାୟ ତଟିନେ ତରଲାୟ ଚ ।
ଶତରୂପାୟ ଶାନ୍ତାୟ ଶତଧାରାୟ ତେ ନମଃ ॥ ୩୫ ॥
ଶତପତ୍ରାୟ ତାର୍କ୍ଷ୍ୟାୟ ସ୍ଥିତୟେ ଶତମୂର୍ତୟେ ।
ଶତକ୍ରତୁସ୍ଵରୂପାୟ ଶାଶ୍ଵତାୟ ଶତାତ୍ମନେ ॥ ୩୬ ॥
ନମଃ ସହସ୍ରଶିରସେ ସହସ୍ରଵଦନାୟ ଚ ।
ସହସ୍ରାକ୍ଷାୟ ଦେଵାୟ ଦିଶଶ୍ରୋତ୍ରାୟ ତେ ନମଃ ॥ ୩୭ ॥
ନମଃ ସହସ୍ରଜିହ୍ଵାୟ ମହାଜିହ୍ଵାୟ ତେ ନମଃ ।
ସହସ୍ରନାମଧେୟାୟ ସହସ୍ରାକ୍ଷିଧରାୟ ଚ ॥ ୩୮ ॥
ସହସ୍ରବାହଵେ ତୁଭ୍ୟଂ ସହସ୍ରଚରଣାୟ ଚ ।
ସହସ୍ରାର୍କପ୍ରକାଶାୟ ସହସ୍ରାୟୁଧଧାରିଣେ ॥ ୩୯ ॥
ନମଃ ସ୍ଥୂଲାୟ ସୂକ୍ଷ୍ମାୟ ସୁସୂକ୍ଷ୍ମାୟ ନମୋ ନମଃ ।
ସୁକ୍ଷୁଣ୍ୟାୟ ସୁଭିକ୍ଷାୟ ସୁରାଧ୍ୟକ୍ଷାୟ ଶୌରିଣେ ॥ ୪୦ ॥
ଧର୍ମାଧ୍ୟକ୍ଷାୟ ଧର୍ମାୟ ଲୋକାଧ୍ୟକ୍ଷାୟ ଵୈ ନମଃ ।
ପ୍ରଜାଧ୍ୟକ୍ଷାୟ ଶିକ୍ଷାୟ ଵିପକ୍ଷକ୍ଷୟମୂର୍ତୟେ ॥ ୪୧ ॥
କଲାଧ୍ୟକ୍ଷାୟ ତୀକ୍ଷ୍ଣାୟ ମୂଲାଧ୍ୟକ୍ଷାୟ ତେ ନମଃ ।
ଅଧୋକ୍ଷଜାୟ ମିତ୍ରାୟ ସୁମିତ୍ରଵରୁଣାୟ ଚ ॥ ୪୨ ॥
ଶତ୍ରୁଘ୍ନାୟ ଅଵିଘ୍ନାୟ ଵିଘ୍ନକୋଟିହରାୟ ଚ ।
ରକ୍ଷୋଘ୍ନାୟ ତମୋଘ୍ନାୟ ଭୂତଘ୍ନାୟ ନମୋ ନମଃ ॥ ୪୩ ॥
ଭୂତପାଲାୟ ଭୂତାୟ ଭୂତଵାସାୟ ଭୂତିନେ ।
ଭୂତବେତାଲଘାତାୟ ଭୂତାଧିପତୟେ ନମଃ ॥ ୪୪ ॥
ଭୂତଗ୍ରହଵିନାଶାୟ ଭୂତସଂୟମତେ ନମଃ ।
ମହାଭୂତାୟ ଭୃଗଵେ ସର୍ଵଭୂତାତ୍ମନେ ନମଃ ॥ ୪୫ ॥
ସର୍ଵାରିଷ୍ଟଵିନାଶାୟ ସର୍ଵସମ୍ପତ୍କରାୟ ଚ ।
ସର୍ଵାଧାରାୟ ସର୍ଵାୟ ସର୍ଵାର୍ତିହରୟେ ନମଃ ॥ ୪୬ ॥
ସର୍ଵଦୁଃଖପ୍ରଶାନ୍ତାୟ ସର୍ଵସୌଭାଗ୍ୟଦାୟିନେ ।
ସର୍ଵଜ୍ଞାୟାପ୍ୟନନ୍ତାୟ ସର୍ଵଶକ୍ତିଧରାୟ ଚ ॥ ୪୭ ॥
ସର୍ଵୈଶ୍ଵର୍ୟପ୍ରଦାତ୍ରେ ଚ ସର୍ଵକାର୍ୟଵିଧାୟିନେ ।
ସର୍ଵଜ୍ଵରଵିନାଶାୟ ସର୍ଵରୋଗାପହାରିଣେ ॥ ୪୮ ॥
ସର୍ଵାଭିଚାରହନ୍ତ୍ରେ ଚ ସର୍ଵୈଶ୍ଵର୍ୟଵିଧାୟିନେ ।
ପିଙ୍ଗାକ୍ଷାୟୈକଶୃଙ୍ଗାୟ ଦ୍ଵିଶୃଙ୍ଗାୟ ମରୀଚୟେ ॥ ୪୯ ॥
ବହୁଶୃଙ୍ଗାୟ ଲିଙ୍ଗାୟ ମହାଶୃଙ୍ଗାୟ ତେ ନମଃ ।
ମାଙ୍ଗଲ୍ୟାୟ ମନୋଜ୍ଞାୟ ମନ୍ତଵ୍ୟାୟ ମହାତ୍ମନେ ॥ ୫୦ ॥
ମହାଦେଵାୟ ଦେଵାୟ ମାତୁଲିଙ୍ଗଧରାୟ ଚ ।
ମହାମାୟାପ୍ରସୂତାୟ ପ୍ରସ୍ତୁତାୟ ଚ ମାୟିନେ ॥ ୫୧ ॥
ଅନନ୍ତାନନ୍ତରୂପାୟ ମାୟିନେ ଜଲଶାୟିନେ ।
ମହୋଦରାୟ ମନ୍ଦାୟ ମଦଦାୟ ମଦାୟ ଚ ॥ ୫୨ ॥
ମଧୁକୈଟଭହନ୍ତ୍ରେ ଚ ମାଧଵାୟ ମୁରାରୟେ ।
ମହାଵୀର୍ୟାୟ ଧୈର୍ୟାୟ ଚିତ୍ରଵାର୍ୟାୟ ତେ ନମଃ ॥ ୫୩ ॥
ଚିତ୍ରକୂର୍ମାୟ ଚିତ୍ରାୟ ନମସ୍ତେ ଚିତ୍ରଭାନଵେ ।
ମାୟାତୀତାୟ ମାୟାୟ ମହାଵୀରାୟ ତେ ନମଃ ॥ ୫୪ ॥
ମହାତେଜାୟ ବୀଜାୟ ତେଜୋଧାମ୍ନେ ଚ ବୀଜିନେ ।
ତେଜୋମୟ ନୃସିଂହାୟ ନମସ୍ତେ ଚିତ୍ରଭାନଵେ ॥ ୫୫ ॥
ମହାଦଂଷ୍ଟ୍ରାୟ ତୁଷ୍ଟାୟ ନମଃ ପୁଷ୍ଟିକରାୟ ଚ ।
ଶିପିଵିଷ୍ଟାୟ ହୃଷ୍ଟାୟ ପୁଷ୍ଟାୟ ପରମେଷ୍ଠିନେ ॥ ୫୬ ॥
ଵିଶିଷ୍ଟାୟ ଚ ଶିଷ୍ଟାୟ ଗରିଷ୍ଠାୟେଷ୍ଟଦାୟିନେ ।
ନମୋ ଜ୍ୟେଷ୍ଠାୟ ଶ୍ରେଷ୍ଠାୟ ତୁଷ୍ଟାୟାମିତତେଜସେ ॥ ୫୭ ॥
ଅଷ୍ଟାଙ୍ଗନ୍ୟସ୍ତରୂପାୟ ସର୍ଵଦୁଷ୍ଟାନ୍ତକାୟ ଚ ।
ଵୈକୁଣ୍ଠାୟ ଵିକୁଣ୍ଠାୟ କେଶିକଣ୍ଠାୟ ତେ ନମଃ ॥ ୫୮ ॥
କଣ୍ଠୀରଵାୟ ଲୁଣ୍ଠାୟ ନିଃଶଠାୟ ହଠାୟ ଚ ।
ସତ୍ତ୍ଵୋଦ୍ରିକ୍ତାୟ ରୁଦ୍ରାୟ ଋଗ୍ୟଜୁସ୍ସାମଗାୟ ଚ ॥ ୫୯ ॥
ଋତୁଧ୍ଵଜାୟ ଵଜ୍ରାୟ ମନ୍ତ୍ରରାଜାୟ ମନ୍ତ୍ରିଣେ ।
ତ୍ରିନେତ୍ରାୟ ତ୍ରିଵର୍ଗାୟ ତ୍ରିଧାମ୍ନେ ଚ ତ୍ରିଶୂଲିନେ ॥ ୬୦ ॥
ତ୍ରିକାଲଜ୍ଞାନରୂପାୟ ତ୍ରିଦେହାୟ ତ୍ରିଧାତ୍ମନେ ।
ନମସ୍ତ୍ରିମୂର୍ତିଵିଦ୍ୟାୟ ତ୍ରିତତ୍ତ୍ଵଜ୍ଞାନିନେ ନମଃ ॥ ୬୧ ॥
ଅକ୍ଷୋଭ୍ୟାୟାନିରୁଦ୍ଧାୟ ଅପ୍ରମେୟାୟ ଭାନଵେ ।
ଅମୃତାୟ ଅନନ୍ତାୟ ଅମିତାୟାମିତୌଜସେ ॥ ୬୨ ॥
ଅପମୃତ୍ୟୁଵିନାଶାୟ ଅପସ୍ମାରଵିଘାତିନେ ।
ଅନ୍ନଦାୟାନ୍ନରୂପାୟ ଅନ୍ନାୟାନ୍ନଭୁଜେ ନମଃ ॥ ୬୩ ॥
ନାଦ୍ୟାୟ ନିରଵଦ୍ୟାୟ ଵିଦ୍ୟାୟାଦ୍ଭୁତକର୍ମଣେ ।
ସଦ୍ୟୋଜାତାୟ ସଙ୍ଘାୟ ଵୈଦ୍ୟୁତାୟ ନମୋ ନମଃ ॥ ୬୪ ॥
ଅଧ୍ଵାତୀତାୟ ସତ୍ତ୍ଵାୟ ଵାଗତୀତାୟ ଵାଗ୍ମିନେ ।
ଵାଗୀଶ୍ଵରାୟ ଗୋପାୟ ଗୋହିତାୟ ଗଵାମ୍ପତେ ॥ ୬୫ ॥
ଗନ୍ଧର୍ଵାୟ ଗଭୀରାୟ ଗର୍ଜିତାୟୋର୍ଜିତାୟ ଚ ।
ପର୍ଜନ୍ୟାୟ ପ୍ରବୁଦ୍ଧାୟ ପ୍ରଧାନପୁରୁଷାୟ ଚ ॥ ୬୬ ॥
ପଦ୍ମାଭାୟ ସୁନାଭାୟ ପଦ୍ମନାଭାୟ ମାନିନେ ।
ପଦ୍ମନେତ୍ରାୟ ପଦ୍ମାୟ ପଦ୍ମାୟାଃ ପତୟେ ନମଃ ॥ ୬୭ ॥
ପଦ୍ମୋଦରାୟ ପୂତାୟ ପଦ୍ମକଲ୍ପୋଦ୍ଭଵାୟ ଚ ।
ନମୋ ହୃତ୍ପଦ୍ମଵାସାୟ ଭୂପଦ୍ମୋଦ୍ଧରଣାୟ ଚ ॥ ୬୮ ॥
ଶବ୍ଦବ୍ରହ୍ମସ୍ଵରୂପାୟ ବ୍ରହ୍ମରୂପଧରାୟ ଚ ।
ବ୍ରହ୍ମଣେ ବ୍ରହ୍ମରୂପାୟ ପଦ୍ମନେତ୍ରାୟ ତେ ନମଃ ॥ ୬୯ ॥
ବ୍ରହ୍ମଦାୟ ବ୍ରାହ୍ମଣାୟ ବ୍ରହ୍ମବ୍ରହ୍ମାତ୍ମନେ ନମଃ ।
ସୁବ୍ରହ୍ମଣ୍ୟାୟ ଦେଵାୟ ବ୍ରହ୍ମଣ୍ୟାୟ ତ୍ରିଵେଦିନେ ॥ ୭୦ ॥
ପରବ୍ରହ୍ମସ୍ଵରୂପାୟ ପଞ୍ଚବ୍ରହ୍ମାତ୍ମନେ ନମଃ ।
ନମସ୍ତେ ବ୍ରହ୍ମଶିରସେ ତଦାଽଶ୍ଵଶିରସେ ନମଃ ॥ ୭୧ ॥
ଅଥର୍ଵଶିରସେ ନିତ୍ୟମଶନିପ୍ରମିତାୟ ଚ ।
ନମସ୍ତେ ତୀକ୍ଷ୍ଣଦଂଷ୍ଟ୍ରାୟ ଲୋଲାୟ ଲଲିତାୟ ଚ ॥ ୭୨ ॥
ଲାଵଣ୍ୟାୟ ଲଵିତ୍ରାୟ ନମସ୍ତେ ଭାସକାୟ ଚ ।
ଲକ୍ଷଣଜ୍ଞାୟ ଲକ୍ଷାୟ ଲକ୍ଷଣାୟ ନମୋ ନମଃ ॥ ୭୩ ॥
ଲସଦ୍ଦୀପ୍ତାୟ ଲିପ୍ତାୟ ଵିଷ୍ଣଵେ ପ୍ରଭଵିଷ୍ଣଵେ ।
ଵୃଷ୍ଣିମୂଲାୟ କୃଷ୍ଣାୟ ଶ୍ରୀମହାଵିଷ୍ଣଵେ ନମଃ ॥ ୭୪ ॥
ପଶ୍ୟାମି ତ୍ଵାଂ ମହାସିଂହଂ ହାରିଣଂ ଵନମାଲିନମ୍ ।
କିରୀଟିନଂ କୁଣ୍ଡଲିନଂ ସର୍ଵାଙ୍ଗଂ ସର୍ଵତୋମୁଖମ୍ ॥ ୭୫ ॥
ସର୍ଵତଃ ପାଣିପାଦୋରଂ ସର୍ଵତୋଽକ୍ଷି ଶିରୋମୁଖମ୍ ।
ସର୍ଵେଶ୍ଵରଂ ସଦାତୁଷ୍ଟଂ ସମର୍ଥଂ ସମରପ୍ରିୟମ୍ ॥ ୭୬ ॥
ବହୁୟୋଜନଵିସ୍ତୀର୍ଣଂ ବହୁୟୋଜନମାୟତମ୍ ।
ବହୁୟୋଜନହସ୍ତାଙ୍ଘ୍ରିଂ ବହୁୟୋଜନନାସିକମ୍ ॥ ୭୭ ॥
ମହାରୂପଂ ମହାଵକ୍ତ୍ରଂ ମହାଦଂଷ୍ଟ୍ରଂ ମହାଭୁଜମ୍ ।
ମହାନାଦଂ ମହାରୌଦ୍ରଂ ମହାକାୟଂ ମହାବଲମ୍ ॥ ୭୮ ॥
ଆନାଭେର୍ବ୍ରହ୍ମଣୋ ରୂପମାଗଲାଦ୍ଵୈଷ୍ଣଵଂ ତଥା ।
ଆଶୀର୍ଷାଦ୍ରନ୍ଧ୍ରମୀଶାନଂ ତଦଗ୍ରେ ସର୍ଵତଃ ଶିଵମ୍ ॥ ୭୯ ॥
ନମୋଽସ୍ତୁ ନାରାୟଣ ନାରସିଂହ ନମୋଽସ୍ତୁ ନାରାୟଣ ଵୀରସିଂହ ।
ନମୋଽସ୍ତୁ ନାରାୟଣ କ୍ରୂରସିଂହ ନମୋଽସ୍ତୁ ନାରାୟଣ ଦିଵ୍ୟସିଂହ ॥ ୮୦ ॥
ନମୋଽସ୍ତୁ ନାରାୟଣ ଵ୍ୟାଘ୍ରସିଂହ ନମୋଽସ୍ତୁ ନାରାୟଣ ପୁଚ୍ଛସିଂହ ।
ନମୋଽସ୍ତୁ ନାରାୟଣ ପୂର୍ଣସିଂହ ନମୋଽସ୍ତୁ ନାରାୟଣ ରୌଦ୍ରସିଂହ ॥ ୮୧ ॥
ନମୋ ନମୋ ଭୀଷଣଭଦ୍ରସିଂହ ନମୋ ନମୋ ଵିହ୍ଵଲନେତ୍ରସିଂହ ।
ନମୋ ନମୋ ବୃଂହିତଭୂତସିଂହ ନମୋ ନମୋ ନିର୍ମଲଚିତ୍ରସିଂହ ॥ ୮୨ ॥
ନମୋ ନମୋ ନିର୍ଜିତକାଲସିଂହ ନମୋ ନମଃ କଲ୍ପିତକଲ୍ପସିଂହ ।
ନମୋ ନମୋ କାମଦକାମସିଂହ ନମୋ ନମସ୍ତେ ଭୁଵନୈକସିଂହ ॥ ୮୩ ॥
ଦ୍ୟାଵାପୃଥିଵ୍ୟୋରିଦମନ୍ତରଂ ହି ଵ୍ୟାପ୍ତଂ ତ୍ଵୟୈକେନ ଦିଶଶ୍ଚ ସର୍ଵାଃ ।
ଦୃଷ୍ଟ୍ଵାଦ୍ଭୁତଂ ରୂପମୁଗ୍ରଂ ତଵେଦଂ ଲୋକତ୍ରୟଂ ପ୍ରଵ୍ୟଥିତଂ ମହାତ୍ମନ୍ ॥ ୮୪ ॥
ଅମୀ ହିତ୍ଵା ସୁରସଙ୍ଘା ଵିଶନ୍ତି କେଚିଦ୍ଭୀତାଃ ପ୍ରାଞ୍ଜଲୟୋ ଗୃଣନ୍ତି ।
ସ୍ଵସ୍ତୀତ୍ୟୁକ୍ତ୍ଵା ମୁନୟଃ ସିଦ୍ଧସଙ୍ଘାଃ ସ୍ତୁଵନ୍ତି ତ୍ଵାଂ ସ୍ତୁତିଭିଃ ପୁଷ୍କଲାଭିଃ ॥ ୮୫ ॥
ରୁଦ୍ରାଦିତ୍ୟାଵସଵୋ ୟେ ଚ ସାଧ୍ୟା ଵିଶ୍ଵେଦେଵା ମରୁତଶ୍ଚୋଷ୍ମପାଶ୍ଚ ।
ଗନ୍ଧର୍ଵୟକ୍ଷାସୁରସିଦ୍ଧସଙ୍ଘା ଵୀକ୍ଷନ୍ତି ତ୍ଵାଂ ଵିସ୍ମିତାଶ୍ଚୈଵ ସର୍ଵେ ॥ ୮୬ ॥
ଲେଲିହ୍ୟସେ ଗ୍ରସମାନଃ ସମନ୍ତାଲ୍ଲୋକାନ୍ସମଗ୍ରାନ୍ଵଦନୈର୍ଜ୍ଵଲଦ୍ଭିଃ ।
ତେଜୋଭିରାପୂର୍ୟ ଜଗତ୍ସମଗ୍ରଂ ଭାସସ୍ତଵୋଗ୍ରାଃ ପ୍ରତପନ୍ତି ଵିଷ୍ଣୋ ॥ ୮୭ ॥
ଭଵିଷ୍ଣୁସ୍ତ୍ଵଂ ସହିଷ୍ଣୁସ୍ତ୍ଵଂ ଭ୍ରଜିଷ୍ଣୁର୍ଜିଷ୍ଣୁରେଵ ଚ ।
ପୃଥିଵୀମନ୍ତରୀକ୍ଷଂ ତ୍ଵଂ ପର୍ଵତାରଣ୍ୟମେଵ ଚ ॥ ୮୮ ॥
କଲାକାଷ୍ଠା ଵିଲିପ୍ତସ୍ତ୍ଵଂ ମୁହୂର୍ତପ୍ରହରାଦିକମ୍ ।
ଅହୋରାତ୍ରଂ ତ୍ରିସନ୍ଧ୍ୟା ଚ ପକ୍ଷମାସର୍ତୁଵତ୍ସରାଃ ॥ ୮୯ ॥
ୟୁଗାଦିର୍ୟୁଗଭେଦସ୍ତ୍ଵଂ ସଂୟୁଗୋ ୟୁଗସନ୍ଧୟଃ ।
ନିତ୍ୟଂ ନୈମିତ୍ତିକଂ ଦୈନଂ ମହାପ୍ରଲୟମେଵ ଚ ॥ ୯୦ ॥
କରଣଂ କାରଣଂ କର୍ତା ଭର୍ତା ହର୍ତା ତ୍ଵମୀଶ୍ଵରଃ ।
ସତ୍କର୍ତା ସତ୍କୃତିର୍ଗୋପ୍ତା ସଚ୍ଚିଦାନନ୍ଦଵିଗ୍ରହଃ ॥ ୯୧ ॥
ପ୍ରାଣସ୍ତ୍ଵଂ ପ୍ରାଣିନାଂ ପ୍ରତ୍ୟଗାତ୍ମା ତ୍ଵଂ ସର୍ଵଦେହିନାମ୍ ।
ସୁଜ୍ୟୋତିସ୍ତ୍ଵଂ ପରଞ୍ଜ୍ୟୋତିରାତ୍ମଜ୍ୟୋତିଃ ସନାତନଃ ॥ ୯୨ ॥
ଜ୍ୟୋତିର୍ଲୋକସ୍ଵରୂପସ୍ତ୍ଵଂ ତ୍ଵଂ ଜ୍ୟୋତିର୍ଜ୍ୟୋତିଷାଂ ପତିଃ ।
ସ୍ଵାହାକାରଃ ସ୍ଵଧାକାରୋ ଵଷଟ୍କାରଃ କୃପାକରଃ ॥ ୯୩ ॥
ହନ୍ତକାରୋ ନିରାକାରୋ ଵେଗକାରଶ୍ଚ ଶଙ୍କରଃ ।
ଅକାରାଦିହକାରାନ୍ତ ଓଙ୍କାରୋ ଲୋକକାରକଃ ॥ ୯୪ ॥
ଏକାତ୍ମା ତ୍ଵମନେକାତ୍ମା ଚତୁରାତ୍ମା ଚତୁର୍ଭୁଜଃ ।
ଚତୁର୍ମୂର୍ତିଶ୍ଚତୁର୍ଦଂଷ୍ଟ୍ରଶ୍ଚତୁର୍ଵେଦମୟୋତ୍ତମଃ ॥ ୯୫ ॥
ଲୋକପ୍ରିୟୋ ଲୋକଗୁରୁର୍ଲୋକେଶୋ ଲୋକନାୟକଃ ।
ଲୋକସାକ୍ଷୀ ଲୋକପତିର୍ଲୋକାତ୍ମା ଲୋକଲୋଚନଃ ॥ ୯୬ ॥
ଲୋକାଧାରୋ ବୃହଲ୍ଲୋକୋ ଲୋକାଲୋକମୟୋ ଵିଭୁଃ ।
ଲୋକକର୍ତା ଵିଶ୍ଵକର୍ତା କୃତାଵର୍ତଃ କୃତାଗମଃ ॥ ୯୭ ॥
ଅନାଦିସ୍ତ୍ଵମନନ୍ତସ୍ତ୍ଵମଭୂତୋଭୂତଵିଗ୍ରହଃ ।
ସ୍ତୁତିଃ ସ୍ତୁତ୍ୟଃ ସ୍ତଵପ୍ରୀତଃ ସ୍ତୋତା ନେତା ନିୟାମକଃ ॥ ୯୮ ॥
ତ୍ଵଂ ଗତିସ୍ତ୍ଵଂ ମତିର୍ମହ୍ୟଂ ପିତା ମାତା ଗୁରୁଃ ସଖା ।
ସୁହୃଦଶ୍ଚାତ୍ମରୂପସ୍ତ୍ଵଂ ତ୍ଵାଂ ଵିନା ନାସ୍ତି ମେ ଗତିଃ ॥ ୯୯ ॥
ନମସ୍ତେ ମନ୍ତ୍ରରୂପାୟ ଅସ୍ତ୍ରରୂପାୟ ତେ ନମଃ ।
ବହୁରୂପାୟ ରୂପାୟ ପଞ୍ଚରୂପଧରାୟ ଚ ॥ ୧୦୦ ॥
ଭଦ୍ରରୂପାୟ ରୂଢାୟ ୟୋଗରୂପାୟ ୟୋଗିନେ ।
ସମରୂପାୟ ୟୋଗାୟ ୟୋଗପୀଠସ୍ଥିତାୟ ଚ ॥ ୧୦୧ ॥
ୟୋଗଗମ୍ୟାୟ ସୌମ୍ୟାୟ ଧ୍ୟାନଗମ୍ୟାୟ ଧ୍ୟାୟିନେ ।
ଧ୍ୟେୟଗମ୍ୟାୟ ଧାମ୍ନେ ଚ ଧାମାଧିପତୟେ ନମଃ ॥ ୧୦୨ ॥
ଧରାଧରାୟ ଧର୍ମାୟ ଧାରଣାଭିରତାୟ ଚ ।
ନମୋ ଧାତ୍ରେ ଚ ସନ୍ଧାତ୍ରେ ଵିଧାତ୍ରେ ଚ ଧରାୟ ଚ ॥ ୧୦୩ ॥
ଦାମୋଦରାୟ ଦାନ୍ତାୟ ଦାନଵାନ୍ତକରାୟ ଚ ।
ନମଃ ସଂସାରଵୈଦ୍ୟାୟ ଭେଷଜାୟ ନମୋ ନମଃ ॥ ୧୦୪ ॥
ସୀରଧ୍ଵଜାୟ ଶୀତାୟ ଵାତାୟାପ୍ରମିତାୟ ଚ ।
ସାରସ୍ଵତାୟ ସଂସାରନାଶନାୟାକ୍ଷ ମାଲିନେ ॥ ୧୦୫ ॥
ଅସିଧର୍ମଧରାୟୈଵ ଷଟ୍କର୍ମନିରତାୟ ଚ ।
ଵିକର୍ମାୟ ସୁକର୍ମାୟ ପରକର୍ମଵିଧାୟିନେ ॥ ୧୦୬ ॥
ସୁଶର୍ମଣେ ମନ୍ମଥାୟ ନମୋ ଵର୍ମାୟ ଵର୍ମିଣେ ।
କରିଚର୍ମଵସାନାୟ କରାଲଵଦନାୟ ଚ ॥ ୧୦୭ ॥
କଵୟେ ପଦ୍ମଗର୍ଭାୟ ଭୂତଗର୍ଭଘୃଣାନିଧେ ।
ବ୍ରହ୍ମଗର୍ଭାୟ ଗର୍ଭାୟ ବୃହଦ୍ଗର୍ଭାୟ ଧୂର୍ଜଟେ ॥ ୧୦୮ ॥
ନମସ୍ତେ ଵିଶ୍ଵଗର୍ଭାୟ ଶ୍ରୀଗର୍ଭାୟ ଜିତାରୟେ ।
ନମୋ ହିରଣ୍ୟଗର୍ଭାୟ ହିରଣ୍ୟକଵଚାୟ ଚ ॥ ୧୦୯ ॥
ହିରଣ୍ୟଵର୍ଣଦେହାୟ ହିରଣ୍ୟାକ୍ଷଵିନାଶିନେ ।
ହିରଣ୍ୟକଶିପୋର୍ହନ୍ତ୍ରେ ହିରଣ୍ୟନୟନାୟ ଚ ॥ ୧୧୦ ॥
ହିରଣ୍ୟରେତସେ ତୁଭ୍ୟଂ ହିରଣ୍ୟଵଦନାୟ ଚ ।
ନମୋ ହିରଣ୍ୟଶୃଙ୍ଗାୟ ନିଃଶୃଙ୍ଗାୟ ଶୃଙ୍ଗିଣେ ॥ ୧୧୧ ॥
ଭୈରଵାୟ ସୁକେଶାୟ ଭୀଷଣାୟାନ୍ତ୍ରିମାଲିନେ ।
ଚଣ୍ଡାୟ ରୁଣ୍ଡମାଲାୟ ନମୋ ଦଣ୍ଡଧରାୟ ଚ ॥ ୧୧୨ ॥
ଅଖଣ୍ଡତତ୍ତ୍ଵରୂପାୟ କମଣ୍ଡଲୁଧରାୟ ଚ ।
ନମସ୍ତେ ଖଣ୍ଡସିଂହାୟ ସତ୍ୟସିଂହାୟ ତେ ନମଃ ॥ ୧୧୩ ॥
ନମସ୍ତେ ଶ୍ଵେତସିଂହାୟ ପୀତସିଂହାୟ ତେ ନମଃ ।
ନୀଲସିଂହାୟ ନୀଲାୟ ରକ୍ତସିଂହାୟ ତେ ନମଃ ॥ ୧୧୪ ॥
ନମୋ ହାରିଦ୍ରସିଂହାୟ ଧୂମ୍ରସିଂହାୟ ତେ ନମଃ ।
ମୂଲସିଂହାୟ ମୂଲାୟ ବୃହତ୍ସିଂହାୟ ତେ ନମଃ ॥ ୧୧୫ ॥
ପାତାଲସ୍ଥିତସିଂହାୟ ନମଃ ପର୍ଵତଵାସିନେ ।
ନମୋ ଜଲସ୍ଥସିଂହାୟ ଅନ୍ତରିକ୍ଷସ୍ଥିତାୟ ଚ ॥ ୧୧୬ ॥
କାଲାଗ୍ନିରୁଦ୍ରସିଂହାୟ ଚଣ୍ଡସିଂହାୟ ତେ ନମଃ ।
ଅନନ୍ତସିଂହସିଂହାୟ ଅନନ୍ତଗତୟେ ନମଃ ॥ ୧୧୭ ॥
ନମୋ ଵିଚିତ୍ରସିଂହାୟ ବହୁସିଂହସ୍ଵରୂପିଣେ ।
ଅଭୟଙ୍କରସିଂହାୟ ନରସିଂହାୟ ତେ ନମଃ ॥ ୧୧୮ ॥
ନମୋଽସ୍ତୁ ସିଂହରାଜାୟ ନାରସିଂହାୟ ତେ ନମଃ ।
ସପ୍ତାବ୍ଧିମେଖଲାୟୈଵ ସତ୍ୟସତ୍ୟସ୍ଵରୂପିଣେ ॥ ୧୧୯ ॥
ସପ୍ତଲୋକାନ୍ତରସ୍ଥାୟ ସପ୍ତସ୍ଵରମୟାୟ ଚ ।
ସପ୍ତାର୍ଚୀରୂପଦଂଷ୍ଟ୍ରାୟ ସପ୍ତାଶ୍ଵରଥରୂପିଣେ ॥ ୧୨୦ ॥
ସପ୍ତଵାୟୁସ୍ଵରୂପାୟ ସପ୍ତଚ୍ଛନ୍ଦୋମୟାୟ ଚ ।
ସ୍ଵଚ୍ଛାୟ ସ୍ଵଚ୍ଛରୂପାୟ ସ୍ଵଚ୍ଛନ୍ଦାୟ ଚ ତେ ନମଃ ॥ ୧୨୧ ॥
ଶ୍ରୀଵତ୍ସାୟ ସୁଵେଧାୟ ଶ୍ରୁତୟେ ଶ୍ରୁତିମୂର୍ତୟେ ।
ଶୁଚିଶ୍ରଵାୟ ଶୂରାୟ ସୁପ୍ରଭାୟ ସୁଧନ୍ଵିନେ ॥ ୧୨୨ ॥
ଶୁଭ୍ରାୟ ସୁରନାଥାୟ ସୁପ୍ରଭାୟ ଶୁଭାୟ ଚ ।
ସୁଦର୍ଶନାୟ ସୂକ୍ଷ୍ମାୟ ନିରୁକ୍ତାୟ ନମୋ ନମଃ ॥ ୧୨୩ ॥
ସୁପ୍ରଭାୟ ସ୍ଵଭାଵାୟ ଭଵାୟ ଵିଭଵାୟ ଚ ।
ସୁଶାଖାୟ ଵିଶାଖାୟ ସୁମୁଖାୟ ମୁଖାୟ ଚ ॥ ୧୨୪ ॥
ସୁନଖାୟ ସୁଦଂଷ୍ଟ୍ରାୟ ସୁରଥାୟ ସୁଧାୟ ଚ ।
ସାଙ୍ଖ୍ୟାୟ ସୁରମୁଖ୍ୟାୟ ପ୍ରଖ୍ୟାତାୟ ପ୍ରଭାୟ ଚ ॥ ୧୨୫ ॥
ନମଃ ଖଟ୍ଵାଙ୍ଗହସ୍ତାୟ ଖେଟମୁଦ୍ଗରପାଣୟେ ।
ଖଗେନ୍ଦ୍ରାୟ ମୃଗେନ୍ଦ୍ରାୟ ନାଗେନ୍ଦ୍ରାୟ ଦୃଢାୟ ଚ ॥ ୧୨୬ ॥
ନାଗକେୟୂରହାରାୟ ନାଗେନ୍ଦ୍ରାୟାଘମର୍ଦିନେ ।
ନଦୀଵାସାୟ ନଗ୍ନାୟ ନାନାରୂପଧରାୟ ଚ ॥ ୧୨୭ ॥
ନାଗେଶ୍ଵରାୟ ନାଗାୟ ନମିତାୟ ନରାୟ ଚ ।
ନାଗାନ୍ତକରଥାୟୈଵ ନରନାରାୟଣାୟ ଚ ॥ ୧୨୮ ॥
ନମୋ ମତ୍ସ୍ୟସ୍ଵରୂପାୟ କଚ୍ଛପାୟ ନମୋ ନମଃ ।
ନମୋ ୟଜ୍ଞଵରାହାୟ ନରସିଂହାୟ ନମୋ ନମଃ ॥ ୧୨୯ ॥
ଵିକ୍ରମାକ୍ରାନ୍ତଲୋକାୟ ଵାମନାୟ ମହୌଜସେ ।
ନମୋ ଭାର୍ଗଵରାମାୟ ରାଵଣାନ୍ତକରାୟ ଚ ॥ ୧୩୦ ॥
ନମସ୍ତେ ବଲରାମାୟ କଂସପ୍ରଧ୍ଵଂସକାରିଣେ ।
ବୁଦ୍ଧାୟ ବୁଦ୍ଧରୂପାୟ ତୀକ୍ଷ୍ଣରୂପାୟ କଲ୍କିନେ ॥ ୧୩୧ ॥
ଆତ୍ରେୟାୟାଗ୍ନିନେତ୍ରାୟ କପିଲାୟ ଦ୍ଵିଜାୟ ଚ ।
କ୍ଷେତ୍ରାୟ ପଶୁପାଲାୟ ପଶୁଵକ୍ତ୍ରାୟ ତେ ନମଃ ॥ ୧୩୨ ॥
ଗୃହସ୍ଥାୟ ଵନସ୍ଥାୟ ୟତୟେ ବ୍ରହ୍ମଚାରିଣେ ।
ସ୍ଵର୍ଗାପଵର୍ଗଦାତ୍ରେ ଚ ତଦ୍ଭୋକ୍ତ୍ରେ ଚ ମୁମୁକ୍ଷଵେ ॥ ୧୩୩ ॥
ଶାଲଗ୍ରାମନିଵାସାୟ କ୍ଷୀରାବ୍ଧିଶୟନାୟ ଚ ।
ଶ୍ରୀଶୈଲାଦ୍ରିନିଵାସାୟ ଶିଲାଵାସାୟ ତେ ନମଃ ॥ ୧୩୪ ॥
ୟୋଗିହୃତ୍ପଦ୍ମଵାସାୟ ମହାହାସାୟ ତେ ନମଃ ।
ଗୁହାଵାସାୟ ଗୁହ୍ୟାୟ ଗୁପ୍ତାୟ ଗୁରଵେ ନମଃ ॥ ୧୩୫ ॥
ନମୋ ମୂଲାଧିଵାସାୟ ନୀଲଵସ୍ତ୍ରଧରାୟ ଚ ।
ପୀତଵସ୍ତ୍ରାୟ ଶସ୍ତ୍ରାୟ ରକ୍ତଵସ୍ତ୍ରଧରାୟ ଚ ॥ ୧୩୬ ॥
ରକ୍ତମାଲାଵିଭୂଷାୟ ରକ୍ତଗନ୍ଧାନୁଲେପିନେ ।
ଧୁରନ୍ଧରାୟ ଧୂର୍ତାୟ ଦୁର୍ଧରାୟ ଧରାୟ ଚ ॥ ୧୩୭ ॥
ଦୁର୍ମଦାୟ ଦୁରନ୍ତାୟ ଦୁର୍ଧରାୟ ନମୋ ନମଃ ।
ଦୁର୍ନିରୀକ୍ଷ୍ୟାୟ ନିଷ୍ଠାୟ ଦୁର୍ଦର୍ଶାୟ ଦ୍ରୁମାୟ ଚ ॥ ୧୩୮ ॥
ଦୁର୍ଭେଦାୟ ଦୁରାଶାୟ ଦୁର୍ଲଭାୟ ନମୋ ନମଃ ।
ଦୃପ୍ତାୟ ଦୃପ୍ତଵକ୍ତ୍ରାୟ ଅଦୃପ୍ତନୟନାୟ ଚ ॥ ୧୩୯ ॥
ଉନ୍ମତ୍ତାୟ ପ୍ରମତ୍ତାୟ ନମୋ ଦୈତ୍ୟାରୟେ ନମଃ ।
ରସଜ୍ଞାୟ ରସେଶାୟ ଅରକ୍ତରସନାୟ ଚ ॥ ୧୪୦ ॥
ପଥ୍ୟାୟ ପରିତୋଷାୟ ରଥ୍ୟାୟ ରସିକାୟ ଚ ।
ଊର୍ଧ୍ଵକେଶୋର୍ଧ୍ଵରୂପାୟ ନମସ୍ତେ ଚୋର୍ଧ୍ଵରେତସେ ॥ ୧୪୧ ॥
ଊର୍ଧ୍ଵସିଂହାୟ ସିଂହାୟ ନମସ୍ତେ ଚୋର୍ଧ୍ଵବାହଵେ ।
ପରପ୍ରଧ୍ଵଂସକାୟୈଵ ଶଙ୍ଖଚକ୍ରଧରାୟ ଚ ॥ ୧୪୨ ॥
ଗଦାପଦ୍ମଧରାୟୈଵ ପଞ୍ଚବାଣଧରାୟ ଚ ।
କାମେଶ୍ଵରାୟ କାମାୟ କାମପାଲାୟ କାମିନେ ॥ ୧୪୩ ॥
ନମଃ କାମଵିହାରାୟ କାମରୂପଧରାୟ ଚ ।
ସୋମସୂର୍ୟାଗ୍ନିନେତ୍ରାୟ ସୋମପାୟ ନମୋ ନମଃ ॥ ୧୪୪ ॥
ନମଃ ସୋମାୟ ଵାମାୟ ଵାମଦେଵାୟ ତେ ନମଃ ।
ସାମସ୍ଵନାୟ ସୌମ୍ୟାୟ ଭକ୍ତିଗମ୍ୟାୟ ଵୈ ନମଃ ॥ ୧୪୫ ॥
କୂଷ୍ମାଣ୍ଡଗଣନାଥାୟ ସର୍ଵଶ୍ରେୟସ୍କରାୟ ଚ ।
ଭୀଷ୍ମାୟ ଭୀଷଦାୟୈଵ ଭୀମଵିକ୍ରମଣାୟ ଚ ॥ ୧୪୬ ॥
ମୃଗଗ୍ରୀଵାୟ ଜୀଵାୟ ଜିତାୟାଜିତକାରିଣେ ।
ଜଟିନେ ଜାମଦଗ୍ନାୟ ନମସ୍ତେ ଜାତଵେଦସେ ॥ ୧୪୭ ॥
ଜପାକୁସୁମଵର୍ଣାୟ ଜପ୍ୟାୟ ଜପିତାୟ ଚ ।
ଜରାୟୁଜାୟାଣ୍ଡଜାୟ ସ୍ଵେଦଜାୟୋଦ୍ଭିଜାୟ ଚ ॥ ୧୪୮ ॥
ଜନାର୍ଦନାୟ ରାମାୟ ଜାହ୍ନଵୀଜନକାୟ ଚ ।
ଜରାଜନ୍ମାଦିଦୂରାୟ ପ୍ରଦ୍ୟୁମ୍ନାୟ ପ୍ରମୋଦିନେ ॥ ୧୪୯ ॥
ଜିହ୍ଵାରୌଦ୍ରାୟ ରୁଦ୍ରାୟ ଵୀରଭଦ୍ରାୟ ତେ ନମଃ ।
ଚିଦ୍ରୂପାୟ ସମୁଦ୍ରାୟ କଦ୍ରୁଦ୍ରାୟ ପ୍ରଚେତସେ ॥ ୧୫୦ ॥
ଇନ୍ଦ୍ରିୟାୟେନ୍ଦ୍ରିୟଜ୍ଞାୟ ନମୋଽସ୍ତ୍ଵିନ୍ଦ୍ରାନୁଜାୟ ଚ ।
ଅତୀନ୍ଦ୍ରିୟାୟ ସାରାୟ ଇନ୍ଦିରାପତୟେ ନମଃ ॥ ୧୫୧ ॥
ଈଶାନାୟ ଚ ଈଡ୍ୟାୟ ଈଶିତାୟ ଇନାୟ ଚ ।
ଵ୍ୟୋମାତ୍ମନେ ଚ ଵ୍ୟୋମ୍ନେ ଚ ନମସ୍ତେ ଵ୍ୟୋମକେଶିନେ ॥ ୧୫୨ ॥
ଵ୍ୟୋମାଧାରାୟ ଚ ଵ୍ୟୋମଵକ୍ତ୍ରାୟାସୁରଘାତିନେ ।
ନମସ୍ତେ ଵ୍ୟୋମଦଂଷ୍ଟ୍ରାୟ ଵ୍ୟୋମଵାସାୟ ତେ ନମଃ ॥ ୧୫୩ ॥
ସୁକୁମାରାୟ ରାମାୟ ଶିଶୁଚାରାୟ ତେ ନମଃ ।
ଵିଶ୍ଵାୟ ଵିଶ୍ଵରୂପାୟ ନମୋ ଵିଶ୍ଵାତ୍ମକାୟ ଚ ॥ ୧୫୪ ॥
ଜ୍ଞାନାତ୍ମକାୟ ଜ୍ଞାନାୟ ଵିଶ୍ଵେଶାୟ ପରାତ୍ମନେ ।
ଏକାତ୍ମନେ ନମସ୍ତୁଭ୍ୟଂ ନମସ୍ତେ ଦ୍ଵାଦଶାତ୍ମନେ ॥ ୧୫୫ ॥
ଚତୁର୍ଵିଂଶତିରୂପାୟ ପଞ୍ଚଵିଂଶତିମୂର୍ତୟେ ।
ଷଡ୍ଵିଂଶକାତ୍ମନେ ନିତ୍ୟଂ ସପ୍ତଵିଂଶତିକାତ୍ମନେ ॥ ୧୫୬ ॥
ଧର୍ମାର୍ଥକାମମୋକ୍ଷାୟ ଵିରକ୍ତାୟ ନମୋ ନମଃ ।
ଭାଵଶୁଦ୍ଧାୟ ସିଦ୍ଧାୟ ସାଧ୍ୟାୟ ଶରଭାୟ ଚ ॥ ୧୫୭ ॥
ପ୍ରବୋଧାୟ ସୁବୋଧାୟ ନମୋ ବୁଧିପ୍ରିୟାୟ ଚ ।
ସ୍ନିଗ୍ଧାୟ ଚ ଵିଦଗ୍ଧାୟ ମୁଗ୍ଧାୟ ମୁନୟେ ନମଃ ॥ ୧୫୮ ॥
ପ୍ରିୟଂଵଦାୟ ଶ୍ରଵ୍ୟାୟ ସ୍ରୁକ୍ସ୍ରୁଵାୟ ଶ୍ରିତାୟ ଚ ।
ଗୃହେଶାୟ ମହେଶାୟ ବ୍ରହ୍ମେଶାୟ ନମୋ ନମଃ ॥ ୧୫୯ ॥
ଶ୍ରୀଧରାୟ ସୁତୀର୍ଥାୟ ହୟଗ୍ରୀଵାୟ ତେ ନମଃ ।
ଉଗ୍ରାୟ ଉଗ୍ରଵେଗାୟ ଉଗ୍ରକର୍ମରତାୟ ଚ ॥ ୧୬୦ ॥
ଉଗ୍ରନେତ୍ରାୟ ଵ୍ୟଗ୍ରାୟ ସମଗ୍ରଗୁଣଶାଲିନେ ।
ବାଲଗ୍ରହଵିନାଶାୟ ପିଶାଚଗ୍ରହଘାତିନେ ॥ ୧୬୧ ॥
ଦୁଷ୍ଟଗ୍ରହନିହନ୍ତ୍ରେ ଚ ନିଗ୍ରହାନୁଗ୍ରହାୟ ଚ ।
ଵୃଷଧ୍ଵଜାୟ ଵୃଷ୍ଣ୍ୟାୟ ଵୃଷାୟ ଵୃଷଭାୟ ଚ ॥ ୧୬୨ ॥
ଉଗ୍ରଶ୍ରଵାୟ ଶାନ୍ତାୟ ନମଃ ଶ୍ରୁତିଧରାୟ ଚ ।
ନମସ୍ତେ ଦେଵଦେଵେଶ ନମସ୍ତେ ମଧୁସୂଦନ ॥ ୧୬୩ ॥
ନମସ୍ତେ ପୁଣ୍ଡରୀକାକ୍ଷ ନମସ୍ତେ ଦୁରିତକ୍ଷୟ ।
ନମସ୍ତେ କରୁଣାସିନ୍ଧୋ ନମସ୍ତେ ସମିତିଞ୍ଜୟ ॥ ୧୬୪ ॥
ନମସ୍ତେ ନରସିଂହାୟ ନମସ୍ତେ ଗରୁଡଧ୍ଵଜ ।
ୟଜ୍ଞନେତ୍ର ନମସ୍ତେଽସ୍ତୁ କାଲଧ୍ଵଜ ଜୟଧ୍ଵଜ ॥ ୧୬୫ ॥
ଅଗ୍ନିନେତ୍ର ନମସ୍ତେଽସ୍ତୁ ନମସ୍ତେ ହ୍ୟମରପ୍ରିୟ ।
ମହାନେତ୍ର ନମସ୍ତେଽସ୍ତୁ ନମସ୍ତେ ଭକ୍ତଵତ୍ସଲ ॥ ୧୬୬ ॥
ଧର୍ମନେତ୍ର ନମସ୍ତେଽସ୍ତୁ ନମସ୍ତେ କରୁଣାକର ।
ପୁଣ୍ୟନେତ୍ର ନମସ୍ତେଽସ୍ତୁ ନମସ୍ତେଽଭୀଷ୍ଟଦାୟକ ॥ ୧୬୭ ॥
ନମୋ ନମସ୍ତେ ଦୟାସିଂହରୂପ ନମୋ ନମସ୍ତେ ନରସିଂହରୂପ ।
ନମୋ ନମସ୍ତେ ରଣସିଂହରୂପ ନମୋ ନମସ୍ତେ ନରସିଂହରୂପ ॥ ୧୬୮ ॥
ଉଦ୍ଧୃତ୍ୟ ଗର୍ଵିତଂ ଦୈତ୍ୟଂ ନିହତ୍ୟାଜୌ ସୁରଦ୍ଵିଷମ୍ ।
ଦେଵକାର୍ୟଂ ମହତ୍କୃତ୍ଵା ଗର୍ଜସେ ସ୍ଵାତ୍ମତେଜସା ॥ ୧୬୯ ॥
ଅତିରୁଦ୍ରମିଦଂ ରୂପଂ ଦୁସ୍ସହଂ ଦୁରତିକ୍ରମମ୍ ।
ଦୃଷ୍ଟ୍ଵା ତୁ ଶଙ୍କିତାଃ ସର୍ଵାଦେଵତାସ୍ତ୍ଵାମୁପାଗତାଃ ॥ ୧୭୦ ॥
ଏତାନ୍ପଶ୍ୟ ମହେଶାନଂ ଵ୍ରହ୍ମାଣଂ ମାଂ ଶଚୀପତିମ୍ ।
ଦିକ୍ପାଲାନ୍ ଦ୍ଵାଦଶାଦିତ୍ୟାନ୍ ରୁଦ୍ରାନୁରଗରାକ୍ଷସାନ୍ ॥ ୧୭୧ ॥
ସର୍ଵାନ୍ ଋଷିଗଣାନ୍ସପ୍ତମାତୃଗୌରୀଂ ସରସ୍ଵତୀମ୍ ।
ଲକ୍ଷ୍ମୀଂ ନଦୀଶ୍ଚ ତୀର୍ଥାନି ରତିଂ ଭୂତଗାଣାନ୍ୟପି ॥ ୧୭୨ ॥
ପ୍ରସୀଦ ତ୍ଵଂ ମହାସିଂହ ଉଗ୍ରଭାଵମିମଂ ତ୍ୟଜ ।
ପ୍ରକୃତିସ୍ଥୋ ଭଵ ତ୍ଵଂ ହି ଶାନ୍ତିଭାଵଂ ଚ ଧାରୟ ॥ ୧୭୩ ॥
ଇତ୍ୟୁକ୍ତ୍ଵା ଦଣ୍ଡଵଦ୍ଭୂମୌ ପପାତ ସ ପିତାମହଃ ।
ପ୍ରସୀଦ ତ୍ଵଂ ପ୍ରସୀଦ ତ୍ଵଂ ପ୍ରସୀଦେତି ପୁନଃ ପୁନଃ ॥ ୧୭୪ ॥
ମାର୍କଣ୍ଡେୟ ଉଵାଚ-
ଦୃଷ୍ଟ୍ଵା ତୁ ଦେଵତାଃ ସର୍ଵାଃ ଶ୍ରୁତ୍ଵା ତାଂ ବ୍ରହ୍ମଣୋ ଗିରମ୍ ।
ସ୍ତୋତ୍ରେଣାପି ଚ ସଂହୃଷ୍ଟଃ ସୌମ୍ୟଭାଵମଧାରୟତ୍ ॥ ୧୭୫ ॥
ଅବ୍ରଵୀନ୍ନାରସିଂହସ୍ତୁ ଵୀକ୍ଷ୍ୟ ସର୍ଵାନ୍ସୁରୋତ୍ତମାନ୍ ।
ସଂତ୍ରସ୍ତାନ୍ ଭୟସଂଵିଗ୍ନାନ୍ ଶରଣଂ ସମୁପାଗତାନ୍ ॥ ୧୭୬ ॥
ଶ୍ରୀନୃସିଂହ ଉଵାଚ-
ଭୋ ଭୋ ଦେଵଵରାଃ ସର୍ଵେ ପିତାମହପୁରୋଗମାଃ ।
ଶୃଣୁଧ୍ଵଂ ମମ ଵାକ୍ୟଂ ଚ ଭଵଂତୁ ଵିଗତଜ୍ଵରାଃ ॥ ୧୭୭ ॥
ୟଦ୍ଧିତଂ ଭଵତାଂ ନୂନଂ ତତ୍କରିଷ୍ୟାମି ସାଂପ୍ରତମ୍ ।
ଏଵଂ ନାମସହସ୍ରଂ ମେ ତ୍ରିସନ୍ଧ୍ୟଂ ୟଃ ପଠେତ୍ ଶୁଚିଃ ॥ ୧୭୮ ॥
ଶୃଣୋତି ଵା ଶ୍ରାଵୟତି ପୂଜାଂ ତେ ଭକ୍ତିସଂୟୁତଃ ।
ସର୍ଵାନ୍କାମାନଵାପ୍ନୋତି ଜୀଵେଚ୍ଚ ଶରଦାଂ ଶତମ୍ ॥ ୧୭୯ ॥
ୟୋ ନାମଭିର୍ନୃସିଂହାଦ୍ୟୈରର୍ଚୟେତ୍କ୍ରମଶୋ ମମ ।
ସର୍ଵତୀର୍ଥେଷୁ ୟତ୍ପୁଣ୍ୟଂ ସର୍ଵତୀର୍ଥେଷୁ ୟତ୍ଫଲମ ॥ ୧୮୦ ॥।
ସର୍ଵ ପୂଜାସୁ ୟତ୍ପ୍ରୋକ୍ତଂ ତତ୍ସର୍ଵଂ ଲଭତେ ଭୃଶମ୍ ।
ଜାତିସ୍ମରତ୍ଵଂ ଲଭତେ ବ୍ରହ୍ମଜ୍ଞାନଂ ସନାତନମ୍ ॥ ୧୮୧ ॥
ସର୍ଵପାପଵିନିର୍ମୁକ୍ତଃ ତଦ୍ଵିଷ୍ଣୋଃ ପରମଂ ପଦମ୍ ।
ମନ୍ନାମକଵଚଂ ବଧ୍ଵା ଵିଚରେଦ୍ଵିଗତଜ୍ଵରଃ ॥ ୧୮୨ ॥
ଭୂତଭେତାଲକୂଷ୍ମାଣ୍ଡ ପିଶାଚଵ୍ରହ୍ମରାକ୍ଷସାଃ ।
ଶାକିନୀଡାକିନୀଜ୍ୟେଷ୍ଠା ନୀଲୀ ବାଲଗ୍ରହାଦିକାଃ ॥ ୧୮୩ ॥
ଦୁଷ୍ଟଗ୍ରହାଶ୍ଚ ନଶ୍ୟନ୍ତି ୟକ୍ଷରାକ୍ଷସପନ୍ନଗାଃ ।
ୟେ ଚ ସନ୍ଧ୍ୟାଗ୍ରହାଃ ସର୍ଵେ ଚାଣ୍ଡାଲଗ୍ରହସଂଜ୍ଞିକାଃ ॥ ୧୮୪ ॥
ନିଶାଚରଗ୍ରହାଃ ସର୍ଵେ ପ୍ରଣଶ୍ୟନ୍ତି ଚ ଦୂରତଃ ।
କୁକ୍ଷିରୋଗଂ ଚ ହୃଦ୍ରୋଗଂ ଶୂଲାପସ୍ମାରମେଵ ଚ ॥ ୧୮୫ ॥
ଐକାହିକଂ ଦ୍ଵ୍ୟାହିକଂ ଚାତୁର୍ଧିକମଧଜ୍ଵରମ୍ ।
ଆଧୟେ ଵ୍ୟାଧୟଃ ସର୍ଵେ ରୋଗା ରୋଗାଧିଦେଵତାଃ ॥ ୧୮୬ ॥
ଶୀଘ୍ରଂ ନଶ୍ୟନ୍ତି ତେ ସର୍ଵେ ନୃସିଂହସ୍ମରଣାତ୍ସୁରାଃ ।
ରାଜାନୋ ଦାସତାଂ ୟାନ୍ତି ଶତ୍ରଵୋ ୟାନ୍ତି ମିତ୍ରତାମ୍ ॥ ୧୮୭ ॥
ଜଲାନି ସ୍ଥଲତାଂ ୟାନ୍ତି ଵହ୍ନୟୋ ୟାନ୍ତି ଶୀତତାମ୍ ।
ଵିଷା ଅପ୍ୟମୃତା ୟାନ୍ତି ନୃସିଂହସ୍ମରଣାତ୍ସୁରାଃ ॥ ୧୮୮ ॥
ରାଜ୍ୟକାମୋ ଲଭେଦ୍ରାଜ୍ୟଂ ଧନକାମୋ ଲଭେଦ୍ଧନମ୍ ।
ଵିଦ୍ୟାକାମୋ ଲଭେଦ୍ଵିଦ୍ୟାଂ ବଦ୍ଧୋ ମୁଚ୍ୟେତ ବନ୍ଧନାତ୍ ॥ ୧୮୯ ॥
ଵ୍ୟାଲଵ୍ୟାଘ୍ରଭୟଂ ନାସ୍ତି ଚୋରସର୍ପାଦିକଂ ତଥା ।
ଅନୁକୂଲା ଭଵେଦ୍ଭାର୍ୟା ଲୋକୈଶ୍ଚ ପ୍ରତିପୂଜ୍ୟତେ ॥ ୧୯୦ ॥
ସୁପୁତ୍ରଂ ଧନଧାନ୍ୟଂ ଚ ଭଵନ୍ତି ଵିଗତଜ୍ଵରାଃ ।
ଏତତ୍ସର୍ଵଂ ସମାପ୍ନୋତି ନୃସିଂହସ୍ୟ ପ୍ରସାଦତଃ ॥ ୧୯୧ ॥
ଜଲସନ୍ତରଣେ ଚୈଵ ପର୍ଵତାରଣ୍ୟମେଵ ଚ ।
ଵନେଽପି ଵିଚିରନ୍ମର୍ତ୍ୟୋ ଦୁର୍ଗମେ ଵିଷମେ ପଥି ॥ ୧୯୨ ॥
କଲିପ୍ରଵେଶନେ ଚାପି ନାରସିଂହଂ ନ ଵିସ୍ମରେତ୍ ।
ବ୍ରହ୍ମଘ୍ନଶ୍ଚ ପଶୁଘ୍ନଶ୍ଚ ଭ୍ରୂଣହା ଗୁରୁତଲ୍ପଗଃ ॥ ୧୯୩ ॥
ମୁଚ୍ୟତେ ସର୍ଵପାପେଭ୍ୟଃ କୃତଘ୍ନ ସ୍ତ୍ରୀଵିଘାତକଃ ।
ଵେଦାନାଂ ଦୂଷକଶ୍ଚାପି ମାତାପିତୃ ଵିନିନ୍ଦକଃ ॥ ୧୯୪ ॥
ଅସତ୍ୟସ୍ତୁ ତେଥା ୟଜ୍ଞ ନିନ୍ଦକୋ ଲୋକନିନ୍ଦକଃ ।
ସ୍ମୃତ୍ଵା ସକୃନ୍ନୃସିଂହ ତୁ ମୁଚ୍ୟତେ ସର୍ଵକିଲ୍ବଷୈଃ ॥ ୧୯୫ ॥
ବହୁନାତ୍ର କିମୁକ୍ତେନ ସ୍ମୃତ୍ଵା ମାଂ ଶୁଦ୍ଧମାନସଃ ।
ୟତ୍ର ୟତ୍ର ଚରେନ୍ମର୍ତ୍ୟୋ ନୃସିଂହସ୍ତତ୍ର ରକ୍ଷତି ॥ ୧୯୬ ॥
ଗଚ୍ଛନ୍ ତିଷ୍ଠନ୍ ଶ୍ଵପନ୍ଭୁଞ୍ଜନ୍ ଜାଗ୍ରନ୍ନପି ହସନ୍ନପି ।
ନୃସିଂହେତି ନୃସିଂହେତି ନୃସିଂହେତି ସଦା ସ୍ମରନ୍ ॥ ୧୯୭ ॥
ପୁମାନ୍ନଲିପ୍ୟତେ ପାପୈର୍ଭୁକ୍ତିଂ ମୁକ୍ତିଂ ଚ ଵିନ୍ଦତି ।
ନାରୀ ସୁଭଗତାମେତି ସୌଭାଗ୍ୟଂ ଚ ସ୍ଵରୂପତାମ୍ ॥ ୧୯୮ ॥
ଭର୍ତୁଃ ପ୍ରିୟତ୍ଵଂ ଲଭତେ ନ ଵୈଧଵ୍ୟଂ ଚ ଵିନ୍ଦତି ।
ନ ସପତ୍ନୀଂ ଚ ଜନ୍ମାନ୍ତେ ସମ୍ୟକ୍ ଜ୍ଞାନୀ ଭଵେଦ୍ଵିଜଃ ॥ ୧୯୯ ॥
ଭୂମିପ୍ରଦକ୍ଷିଣାନ୍ମର୍ତ୍ୟୋ ୟତ୍ଫଲଂ ଲଭତେ ଚିରାତ୍ ।
ତତ୍ଫଲଂ ଲଭତେ ନାରସିଂହମୂର୍ତିପ୍ରଦକ୍ଷିଣାତ୍ ॥ ୨୦୦ ॥
ମାର୍କଣ୍ଡେୟ ଉଵାଚ –
ଇତ୍ୟୁକ୍ତ୍ଵା ଦେଵଦେଵେଶୋ ଲକ୍ଷ୍ମୀମାଲିଙ୍ଗ୍ଗ୍ୟ ଲୀଲୟା ।
ପ୍ରହ୍ଲାଦସ୍ୟାଭିଷେକଂ ତୁ ବ୍ରହ୍ମଣେ ଚୋପଦିଷ୍ଟଵାନ୍ ॥ ୨୦୧ ॥
ଶ୍ରୀଶୈଲସ୍ୟ ପ୍ରଦାସେ ତୁ ଲୋକାନାଂ ଚ ହିତାୟ ଵୈ ।
ସ୍ଵରୂପଂ ସ୍ଥାପୟାମାସ ପ୍ରକୃତିସ୍ଥୋଽଭଵତ୍ତଦା ॥ ୨୦୨ ॥
ବ୍ରହ୍ମାପି ଦୈତ୍ୟରାଜାନଂ ପ୍ରହ୍ଲାଦମଭ୍ୟଷେଚୟତ୍ ।
ଦୈଵତୈଃ ସହ ସୁପ୍ରୀତୋ ହ୍ୟାତ୍ମଲୋଲଂ ୟୟୌ ସ୍ଵୟମ୍ ॥ ୨୦୩ ॥
ହିରଣ୍ୟକଶିପୋର୍ଭୀତ୍ୟା ପ୍ରପଲାୟ ଶଚୀପତିଃ ।
ସ୍ଵର୍ଗରାଜ୍ୟପରିଭ୍ରଷ୍ଟୋ ୟୁଗାନାମେକଵିଂଶତିଃ ॥ ୨୦୪ ॥
ନୃସିଂହେନ ହତେ ଦୈତ୍ୟେ ସ୍ଵର୍ଗଲୋକମଵାପ ସଃ ।
ଦିକ୍ପାଲଶ୍ଚ ସୁସଂପ୍ରାପ୍ତଃ ସ୍ଵସ୍ଵସ୍ଥାନମନୁତ୍ତମମ୍ ॥ ୨୦୫ ॥
ଧର୍ମେ ମତିଃ ସମସ୍ତାନାଂ ପ୍ରଜାନାମଭଵତ୍ତଦା ।
ଏଵଂ ନାମସହସ୍ରଂ ମେ ବ୍ରହ୍ମଣା ନିର୍ମିତଂ ପୁରା ॥ ୨୦୬ ॥
ପୁତ୍ରାନଧ୍ୟାପୟାମାସ ସନକାଦୀନ୍ମହାମତିଃ ।
ଊଚୁସ୍ତେ ଚ ତତଃ ସର୍ଵଲୋକାନାଂ ହିତକାମ୍ୟୟା ॥ ୨୦୭ ॥
ଦେଵତା ଋଷୟଃ ସିଦ୍ଧା ୟକ୍ଷଵିଦ୍ୟାଧରୋରଗାଃ ।
ଗନ୍ଧର୍ଵାଶ୍ଚ ମନୁଷ୍ୟାଶ୍ଚ ଇହାମୁତ୍ରଫଲୈଷିଣଃ ॥ ୨୦୮ ॥
ୟସ୍ୟ ସ୍ତୋତ୍ରସ୍ୟ ପାଠା ଦ୍ଵିଶୁଦ୍ଧ ମନସୋଭଵନ୍ ।
ସନତ୍କୁମାରଃ ସମ୍ପ୍ରାପ୍ତୌ ଭାରଦ୍ଵାଜା ମହାମତିଃ ॥ ୨୦୯ ॥
ତସ୍ମାଦାଙ୍ଗିରସଃ ପ୍ରାପ୍ତସ୍ତସ୍ମାତ୍ପ୍ରାପ୍ତୋ ମହାକ୍ରତୁଃ ।
ଜୈଗୀଷଵ୍ୟାୟ ସପ୍ରାହ ସୋଽବ୍ରଵୀଚ୍ଛ୍ୟଵନାୟ ଚ ॥ ୨୧୦ ॥
ତସ୍ମା ଉଵାଚ ଶାଣ୍ଡିଲ୍ୟୋ ଗର୍ଗାୟ ପ୍ରାହ ଵୈ ମୁନିଃ ।
କ୍ରତୁଞ୍ଜୟାୟ ସ ପ୍ରାହ ଜତୁକର୍ଣ୍ୟାୟ ସଂୟମୀ ॥ ୨୧୧ ॥
ଵିଷ୍ଣୁଵୃଦ୍ଧାୟ ସୋଽପ୍ୟାହ ସୋଽପି ବୋଧାୟନାୟ ଚ ।
କ୍ରମାତ୍ସ ଵିଷ୍ଣଵେ ପ୍ରାହ ସ ପ୍ରାହୋଦ୍ଧାମକୁକ୍ଷୟେ ॥ ୨୧୨ ॥
ସିଂହ ତେଜାଶ୍ଚ ତସ୍ମାଚ୍ଚ ଶ୍ରୀପ୍ରିୟାୟ ଦଦୌ ଚ ନଃ ।
ଉପଦିଷ୍ଟୋସ୍ମି ତେନାହମିଦଂ ନାମସହସ୍ରକମ୍ ॥ ୨୧୩ ॥
ତତ୍ପ୍ରସାଦାଦମୃତ୍ୟୁର୍ମେ ୟସ୍ମାତ୍କସ୍ମାଦ୍ଭୟଂ ନ ହି ।
ମୟା ଚ କଥିତଂ ନାରସିଂହସ୍ତୋତ୍ରମିଦଂ ତଵ ॥ ୨୧୪ ॥
ତ୍ଵଂ ହି ନିତ୍ୟଂ ଶୁଚିର୍ଭୂତ୍ଵା ତମାରାଧୟ ଶାଶ୍ଵତମ୍ ।
ସର୍ଵଭୂତାଶ୍ରୟଂ ଦେଵଂ ନୃସିଂହଂ ଭକ୍ତଵତ୍ସଲମ୍ ॥ ୨୧୫ ॥
ପୂଜୟିତ୍ଵା ସ୍ତଵଂ ଜପ୍ତ୍ଵା ହୁତ୍ଵା ନିଶ୍ଚଲମାନସଃ ।
ପ୍ରାପ୍ୟସେ ମହତୀଂ ସିଦ୍ଧିଂ ସର୍ଵାନ୍କାମାନ୍ଵରୋତ୍ତମାନ୍ ॥ ୨୧୬ ॥
ଅୟମେଵ ପରୋଧର୍ମସ୍ତ୍ଵିଦମେଵ ପରଂ ତପଃ ।
ଇଦମେଵ ପରଂ ଜ୍ଞାନମିଦମେଵ ମହଦ୍ଵ୍ରତମ୍ ॥ ୨୧୭ ॥
ଅୟମେଵ ସଦାଚାରସ୍ତ୍ଵୟମେଵ ସଦା ମଖଃ ।
ଇଦମେଵ ତ୍ରୟୋ ଵେଦାଃ ସଚ୍ଛାସ୍ତ୍ରାଣ୍ୟାଗମାନି ଚ ॥ ୨୧୮ ॥
ନୃସିଂହମନ୍ତ୍ରାଦନ୍ୟଚ୍ଚ ଵୈଦିକଂ ତୁ ନ ଵିଦ୍ୟତେ ।
ୟଦିହାସ୍ତି ତଦନ୍ୟତ୍ର ୟନ୍ନେହାସ୍ତି ନ ତତ୍କ୍ଵଚିତ୍ ॥ ୨୧୯ ॥
କଥିତଂ ତେ ନୃସିଂହସ୍ୟ ଚରିତଂ ପାପନାଶନମ୍ ।
ସର୍ଵମନ୍ତ୍ରମୟଂ ତାପତ୍ରୟୋପଶମନଂ ପରମ୍ ॥ ୨୨୦ ॥
ସର୍ଵାର୍ଥସାଧନଂ ଦିଵ୍ୟଂ କିଂ ଭୂୟଃ ଶ୍ରୋତୁମିଚ୍ଛସି ॥ ୨୨୧ ॥
ଇତି ଶ୍ରୀନୃସିଂହପୁରାଣେ ନୃସିଂହପ୍ରାଦୁର୍ଭାଵେ ସର୍ଵାର୍ଥ ସାଧନଂ ଦିଵ୍ୟଂ
ଶ୍ରୀମଦ୍ଦିଵ୍ୟଲକ୍ଷ୍ମୀନୃସିଂହସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥