॥ Sitasahasranamastotram from Bhushundiramaya Bengali Lyrics ॥
॥ সীতাসহস্রনামস্তোত্রম্ ভুষুণ্ডিরামায়ণান্তর্গতম্ ॥
চতর্দশোঽধ্যায়ঃ ।
বসিষ্ঠ উবাচ –
য়া শ্রীরেতস্য সহজা সীতা নিত্যাঙ্গসঙ্গিনো ।
ভবিত্রী জনকস্যৈব কুলে সর্বাঙ্গসুন্দরী ॥ ১ ॥
তস্যাশ্চ নামসাহস্রং কথয়িষ্যামি ভূপতে ।
য়থা রামস্তথৈবেয়ং মহালক্ষ্মীঃ সনাতনী ॥ ২ ॥
নানয়োঃ সংমতো ভেদঃ শাস্ত্রকোটিশতৈরপি ।
অস্যৈব নিত্যরমণো বহুনামস্বরূপতঃ ॥ ৩ ॥
তস্যাস্তু নামসাহস্রং য়থাবদুপধারয় ।
অং সহজানন্দিনী সীতা জানকী রাধিকা রতিঃ ॥ ৪ ॥
রুক্মিণী কমলা কান্তা কান্তিঃ কমললোচনা ।
কিশোরী রামললনা কামুকী করুণানিধিঃ ॥ ৫ ॥
কন্দর্পবদ্ধিনী বীরা বরুণালয়বাসিনো ।
অশোকবনমধ্যস্থা মহাশোকবিনাশিনী ॥ ৬ ॥
চম্পকাঙ্গী তডিত্কান্তির্জাহ্নবী জনকাত্মজা ।
জানকী জয়দা জপ্যা জয়িনী জৈত্রপালিকা ॥ ৭ ॥
পরমা পরমানন্দা পূণিমামৃতসাগরা ।
সূধাসূতিঃ সুধারশ্মিঃ সুধাদীপিতবিগ্রহা ॥ ৮ ॥
সুস্মিতা সুস্মিতমুখী তারকা সুখদেক্ষণা ।
রক্ষণী চিত্রকূটস্থা বৃন্দাবনমহেশ্বরী ॥ ৯ ॥
কন্দর্পকোটিজননী কোটিব্রহ্মাণ্ডনায়িকা ।
শরণ্যা শারদা শ্রীশ্চ শরত্কালবিনোদিনী ॥ ১০ ॥
হংসী ক্ষীরাব্ধিবসতির্বাসুকী স্থাবরাঙ্গনা ।
বরাঙ্গাসনসংস্থানা প্রিয়ভোগবিশারদা ॥ ১১ ॥
বসিষ্ঠবিশ্ববসিনী বিশ্বপত্নী গুণোদয়া ।
গৌরী চম্পকগাত্রা চ দীপদ্যোতা প্রভাবতী ॥ ১২ ॥
রত্নমালাবিভূষা চ দিব্যগোপালকন্যকা ।
সত্যভামারতিঃ প্রীতা মিত্রা চিত্তবিনোদিনী ॥ ১৩ ॥
সুমিত্রা চৈব কৌশল্যা কৈকেয়ীকুলবর্দ্ধিনী ।
কুলীনা কেলিনী দক্ষা দক্ষকন্যা দয়াবতী ॥ ১৪ ॥
পার্বতী শৈলকুলজা বংশধ্বজপটীরুচিঃ ।
রুচিরা রুচিরাপাঙ্গা পূর্ণরূপা কলাবতী ॥ ১৫ ॥
কোটিব্রহ্মাণ্ডলক্ষ্মীশা স্থানদাত্রী স্থিতিঃ সতী ।
অমৃতা মোদিনী মোদা রত্নাচলবিহারিণী ॥ ১৬ ॥
নন্দভানুসুতা ধীরা বংশীরববিনোদিনী ।
বিজয়া বীজিনী বিদ্যা বিদ্যাদানপরায়ণা ॥ ১৭ ॥
মন্দস্মিতা মন্দগতির্মদনা মদনাতুরা ।
বৃংহিণী বৃহতী বর্যা বরণীয়া বরাঙ্গনা ॥ ১৮ ॥
রামপ্রিয়া রমারূপা রাসনৃত্যবিশারদা ।
গান্ধর্বিকা গীতরম্যা সঙ্গীতরসবর্দ্ধিনী ॥ ১৯ ॥
তালদা তালবক্ষোজা তালভেদনসুন্দরী ।
সরয়ূতীরসন্তুষ্টা য়মুনাতটসংস্থিতা ॥ ২০ ॥
স্বামিনী স্বামিনিরতা কৌসুম্ভবসনাবৃতা ।
মালিনী তুঙ্গবক্ষোজা ফলিনী ফলমালিনী ॥ ২১ ॥
বৈডূর্যহারসুভগা মুক্তাহারমনোহরা ।
কিরাতীবেশসংস্থানা গুঞ্জামণিবিভূষণা ॥ ২২ ॥
বিভূতিদা বিভা বীণা বীণানাদবিনোদিনী ।
প্রিয়ঙ্গুকলিকাপাঙ্গা কটাক্ষা গতিতোষিতা ॥ ২৩ ॥
রামানুরাগনিলয়া রত্নপঙ্কজমালিনী ।
বিভাবা বিনয়স্থা চ মধুরা পতিসেবিতা ॥ ২৪ ॥
শত্রুঘ্নবরদাত্রী চ রাবণপ্রাণমোচিনী । var মোক্ষিণী
দণ্ডকাবনমধ্যস্থা বহুলীলা বিলাসিনী ॥ ২৫ ॥
শুক্লপক্ষপ্রিয়া শুক্লা শুক্লাপাঙ্গস্বরোন্মুখী ।
কোকিলস্বরকণ্ঠী চ কোকিলস্বরগায়িনী ॥ ২৬ ॥
পঞ্চমস্বরসন্তুষ্টা পঞ্চবক্ত্রপ্রপূজিতা ।
আদ্যা গুণময়ী লক্ষ্মীঃ পদ্মহস্তা হরিপ্রিয়া ॥ ২৭ ॥
হরিণী হরিণাক্ষী চ চকোরাক্ষী কিশোরিকা ।
গুণহৃষ্টা শরজ্জ্যোত্স্না স্মিতস্নপিতবিগ্রহা ॥ ২৮ ॥
বিরজা সিন্ধুগমনী গঙ্গাসাগরয়োগিনী ।
কপিলাশ্রমসংস্থানা য়োগিনী পরমাকলা ॥ ২৯ ॥
খেচরো ভূচরী সিদ্ধা বৈষ্ণবী বৈষ্ণবপ্রিয়া ।
ব্রাহ্মী মাহেশ্বরী তিগ্মা দুর্বারবলবিভ্রমা ॥ ৩০ ॥
রক্তাংশুকপ্রিয়া রক্তা নববিদ্রুমহারিণী ।
হরিপ্রিয়া হ্রীস্বরূপা হীনভক্তবিবর্দ্ধিনী ॥ ৩১ ॥
হিতাহিতগতিজ্ঞা চ মাধবী মাধবপ্রিয়া ।
মনোজ্ঞা মদনোন্মত্তা মদমাত্সর্যনাশিনী ॥ ৩২ ॥
নিঃসপত্নো নিরুপমা স্বাধীনপতিকা পরা ।
প্রেমপূর্ণা সপ্রণয়া জনকোত্সবদায়িনী ॥ ৩৩ ॥
বেদিমধ্যা বেদিজাতা ত্রিবেদী বেদভারতো ।
গীর্বাণগুরুপত্নী চ নক্ষত্রকুলমালিনী ॥ ৩৪ ॥
মন্দারপুষ্পস্তবকা মন্দাক্ষনয়বর্দ্ধিনী ।
সুভগা শুভরূপা চ সুভাগ্যা ভাগ্যবর্দ্ধিনী ॥ ৩৫ ॥
সিন্দূরাঙ্কিতমালা চ মল্লিকাদামভূষিতা ।
তুঙ্গস্তনী তুঙ্গনাসা বিশালাক্ষী বিশল্যকা ॥ ৩৬ ॥
কল্যাণিনী কল্মষহা কৃপাপূর্ণা কৃপানদী ।
ক্রিয়াবতী বেধবতী মন্ত্রণী মন্ত্রনায়িকা ॥ ৩৭ ॥
কৈশোরবেশসুভগা রঘুবংশবিবদ্ধিনী ।
রাঘবেন্দ্রপ্রণয়িনী রাঘবেন্দ্রবিলাসিনী ॥ ৩৮ ॥
তরুণী তিগ্মদা তন্বী ত্রাণা তারুণ্যবর্দ্ধিনী ।
মনস্বিনী মহামোদা মীনাক্ষী মানিনী মনুঃ ॥ ৩৯ ॥
আগ্নেয়ীন্দ্রাণিকা রৌদ্রী বারুণী বশবর্তিনী । var অগ্রাহ্যী বারুণী
বীতরাগা বীতরতির্বোতশোকা বরোরুকা ॥ ৪০ ॥
বরদা বরসংসেব্যা বরজ্ঞা বরকাঙ্ক্ষিণী ।
ফুল্লেন্দীবরদামা চ বৃন্দা বৃন্দাবতী প্রিয়া ॥ ৪১ ॥
তুলসীপুষ্পসংকাশা তুলসীমাল্যভূষিতা ।
তুলসীবনসংস্থানা তুলসীবনমন্দিরা ॥ ৪২ ॥
সর্বাকারা নিরাকারা রূপলাবণ্যবর্দ্ধিনী । var নিত্যাকারা
রূপিণী রূপিকা রম্যা রমণীয়া রমাত্মিকা ॥ ৪৩ ॥
বৈকুপ্যপতিপত্নী চ বৈকুণ্ঠপ্রিয়বাসিনী ।
বদ্রিকাশ্রভসংস্থা চ সর্বসৌভাগ্যমণ্ডিতা ॥ ৪৪ ॥
সর্ববেদান্তগম্যা চ নিষ্কলা পরমাকলা ।
কলাভাসা তুরীয়া চ তুরীয়াশ্রমমণ্ডিতা ॥ ৪৫ ॥
রক্তোষ্ঠী চ প্রিয়া রামা রাগিনী রাগবর্দ্ধিনী ।
নীলাংশুকপরীধানা সুবর্ণকলিকাকৃতিঃ ॥ ৪৬ ॥
কামকেলিবিনোদা চ সুরতানন্দবর্দ্ধিনী ।
সাবিত্রী ব্রতধর্ত্রী চ করামলকনায়কা ॥ ৪৭ ॥ var ব্রতধাত্রী
মরালা মোদিনী প্রাজ্ঞা প্রভা প্রাণপ্রিয়া পরা ।
পুনানা পুণ্যরূপা চ পুণ্যদা পূর্ণিমাত্মিকা ॥ ৪৮ ॥
পূর্ণাকারা ব্রজানন্দা ব্রজবাসা ব্রজেশ্বরী ।
ব্রজরাজসুতাধারা ধারাপীয়ূষবর্ষিণী ॥ ৪৯ ॥
রাকাপতিভুখী মগ্না মধুসূদনবল্লভা ।
বীরিণী বীরপত্নী চ বীরচারিত্রবর্দ্ধিনী ॥ ৫০ ॥
ধম্মিল্লমল্লিকাষুষ্পা মাধুরী ললিতালয়া ।
বাসন্তী বর্হভূষা চ বর্হোত্তংসা বিলাসিনী ॥ ৫১ ॥
বর্হিণী বহুদা বহ্বী বাহুবল্লী মৃণালিকা ।
শুকনাসা শুদ্ধরূপা গিরীশবরবর্দ্ধিতা ॥ ৫১ ॥
নন্দিনী চ সুদন্তা চ বসুধা চিত্তনন্দিনী ।
হেমসিহাসনস্থানা চামরদ্বয়বীজিতা ॥ ৫২ ॥
ছত্রিণী ছত্ররম্যা চ মহাসাম্রাজ্যসর্বদা ।
সংপন্নদা ভবানী চ ভবভীতিবিনাশিনী ॥ ৫৪ ॥
দ্রাবিডী দ্রবিডস্থানা আন্ধ্রী কার্ণাটনাগরী ।
মহারাষ্ট্রৈকবিষয়া উদগ্দেশনিবাসিনী ॥ ৫৫ ॥
সুজঙ্ঘা পঙ্কজপদা গুপ্তগুল্ফা গুরুপ্রিয়া ।
রক্তকাঞ্চীগুণকটিঃ সুরূপা বহুরূপিণী ॥ ৫৬ ॥
সুমধ্যা তরুণশ্রীশ্চ বলিত্রয়বিভূষিতা ।
গর্বিণী গুর্বিণী সীতা সীতাপাঙ্গবিভোচনী ॥ ৫৭ ॥
তাটঙ্কিনী কুন্তলিনী হারিণী হীরকান্বিতা ।
শৈবালমঞ্জরীহস্তা মঞ্জুলা মঞ্জুলাপিনী ॥। ৫৮ ॥
কবরীকেশবিন্যাসা মন্দহাসমনোরথা ।
মধুরালাপসন্তোষা কৌবেরী দুর্গমালিকা ॥ ৫৯ ॥
ইন্দিরা পরমশ্রীকা সুশ্রীঃ শৈশবশোভিতা ।
শমীবৃক্ষাশ্রয়া শ্রেণী শমিনো শান্তিদা শমা ॥ ৬০ ॥
কুঞ্জেশ্বরী কুঞ্জগেহা কুঞ্জগা কুঞ্জদেবতা ।
কলবিঙ্ককুলপ্রীতা পাদাঙ্গুলিবিভূষিতা ॥ ৬১ ॥
বসুদা বসুপত্নী চ বীরসূর্বীরবর্দ্ধিনী ।
সপ্তশৃঙ্গকৃতস্থানা কৃষ্ণা কৃষ্ণপ্রিয়া প্রিয়া ॥ ৬২ ॥
গোপীজনগণোত্সাহা গোপগোপালমণ্ডিতা ।
গোবর্দ্ধনধরা গোপী গোধনপ্রণয়াশ্রয়া ॥ ৬৩ ॥
দধিবিক্রয়কর্ত্রো চ দানলীলাবিশারদা ।
বিজনা বিজনপ্রীতা বিধিজা বিধুজা বিধা ॥ ৬৪ ॥
অদ্বৈতা দ্বৈতবিচ্ছিন্না রামতাদাম্যরূপিণী ।
কৃপারূপা নিষ্কলঙ্কা কাঞ্চনাসনসংস্থিতা ॥ ৬৫ ॥
মহার্হরত্নপীঠস্থা রাজ্যলক্ষ্মী রজোগুণা ।
রক্তিকা রক্তপুষ্পা চ তাম্বূলীদলচর্বিণী ॥ ৬৬ ॥
বিম্বোষ্ঠী ব্রীডিতা ব্রীডা বনমালাবিভূষণা ।
বনমালৈকমধ্যস্থা রামদোর্দণ্ডসঙ্গিনী ॥ ৬৭ ॥
খণ্ডিতা বিজিতক্রোধা বিপ্রলব্ধা সমুত্সুকা ।
অশোকবাটিকাদেবী কুঞ্জকান্তিবিহারিণী ॥ ৬৮ ॥ var কুন্তকান্তি
মৈথিলী মিথিলাকারা মৈথিলৈকহিতপ্রদা ।
বাগ্বতী শৈলজা শিপ্রা মহাকালবনপ্রিয়া ॥ ৬৯ ॥
রেবা কল্লোলসুরতা সত্যরূপা সদাচিতা ।
সভ্যা সভাবতী সুভ্রূঃ কুরঙ্গাক্ষী শুভাননা ॥ ৭০ ॥
মায়াপুরী তথায়োধ্যা রঙ্গধামনিবাসিনী ।
মুগ্ধা মুগ্ধগতির্মোবা প্রমোদা পরমোন্নতা ॥ ৭১ ॥
কামধেনুঃ কল্পবল্লী চিন্তামণিগৃহাঙ্গণা ।
হিন্দোলিনী মহাকেলিঃ সখীগণবিভূষিতা ॥ ৭২ ॥
সুন্দরী পরমোদারা রামসান্নিধ্যকারিণী ।
রামার্দ্ধাঙ্গা মহালক্ষ্মীঃ প্রমোদবনবসিনী ॥ ৭৩ ॥
বিকুণ্ঠাপত্যমুদিতা পরদারপ্রিয়াপ্রিয়া । var সহজাবরদাপ্রিয়া
রামকৈঙ্কর্যনিরতা জম্ভজিত্করবীজিতা ॥ ৭৪ ॥
কদম্বকাননস্থা চ কাদম্বকুলবাসিনী ।
কলহংসকুলারাবা রাজহংসগতিপ্রিয়া ॥ ৭৫ ॥
কারণ্ডবকুলোত্সাহা ব্রহ্মাদিসুরসংস্থিতা ।
সরসী সরসীকেলিঃ পম্পাজলবিনোদিনো ॥ ৭৬ ॥
করিণীয়ূথমধ্যস্থা মহাকেলিবিধায়িনী ।
জনস্থানকৃতোত্সাহা কাঞ্চনন্যঙ্কুবঞ্চিতা ॥ ৭৭ ॥
কাবেরীজলসুস্নাতা তীর্থস্নানকৃতাশ্রয়া ।
গুপ্তমন্ত্রা গুপ্তগতির্গোপ্যা গোপতিগোপিতা ॥ ৭৮ ॥
গম্ভীরাবর্তনাভিশ্চ নানারসবিলম্বিনী ।
শৃঙ্গাররসসালম্বা কাদম্বামোদমাদিনো ।
কাদম্বিনী পানমত্তা ঘূর্ণিতাক্ষী স্খলদ্গতিঃ ॥ ৮০ ॥
সুসাধ্যা দুঃখসাধ্যা চ দম্ভিনী দম্ভবর্জিতা ।
গুণাশ্রয়া গুণাকারা কল্যাণগুণয়োগিনী ॥ ৮১ ॥
সর্বমাঙ্গল্যসম্পন্না মাঙ্গল্যা মতবল্লভা ।
সুখিতাত্মজনিপ্রাণা প্রাণেশী সর্বচেতনা ॥ ৮২ ॥
চৈতন্যরূপিণো ব্রহ্মরূপিণী মোদবর্দ্ধিনী ।
একান্তভক্তসুলভা জয়দুর্গা জয়প্রিয়া ॥ ৮৩ ॥
হরচাপকৃতক্রোধা ভঙ্গুরোক্ষণদায়িনী ।
স্থিরা স্থিরগতিঃ স্থাত্রী স্থাবরস্থা বরাশ্রয়া ॥ ৮৪ ॥
স্থাবরেন্দ্রসুতা ধন্যা ধনিনী ধনদার্চিতা ।
মহালক্ষ্যীর্লোকমাতা লোকেশী লোকনায়িকা ॥ ৮৫ ॥
প্রপঞ্চাতীতগুণনী প্রপঞ্চাতীতবিগ্রহা ।
পরব্রহ্মস্বরূপা চ নিত্যা ভক্তিস্বরূপিণী ॥ ৮৬ ॥
জ্ঞানভক্তিস্বরূপা চ জ্ঞানভক্তিবিবর্দ্ধিনী ।
ব্রহ্মসায়ুজ্যসাধুশ্চ রামসায়ুজ্যসাধনা ॥ ৮৭ ॥
ব্রহ্মাকারা ব্রহ্মময়ী ব্রহ্মবিষ্ণুস্বরূপিণো ।
মহাধম্মিল্লশোভা চ কবরীকেশপাশিনী ॥ ৮৮ ॥
চিন্ময়ানন্দরূপা চ চিন্ময়ানন্দবিগ্রহা ।
কৈবর্তকুলসম্পত্তিঃ শবরীপরিবারিণী ॥ ৮৯ ॥
কনকাচলসংস্থানা গঙ্গা ত্রিপথগামিনী ।
ত্রিপুটা ত্রিবৃতা বিদ্যা প্রণবাক্ষররূপিণী ॥ ৯০ ॥
গায়ত্রী মুনিবিদ্যা চ সন্ধ্যা পাতকনাশিনী ।
সর্বদোষপ্রশমনী সর্বকল্যাণদায়িনী ॥ ৯১ ॥
রামরামামনোরম্যা স্বয়লক্ষ্ম্যা স্বসাক্ষিণী । var স্বয়লক্ষ্যা
অনন্তকোটিনামা চ অনন্তকোটিরূপিণী ॥ ৯২ ॥
ভূলীলা রুক্মিণী রাধা রামকেলিবিবোধিনী ।
বীরা বৃন্দা পৌর্ণমাসী বিশাখা ললিতা লতা ॥ ৯৩ ॥
লাবণ্যদা লয়াকারা লক্ষ্মীর্লোকানুবন্ধিনী ।
সৃষ্টিস্থিতিলয়াকারা তুর্যাতুর্যাতিগাবধিঃ ॥ ৯৪ ॥
দুর্বাসাবরলভ্যা চ বিচিত্রবলবদ্ধিনী ।
রমণী রামরমণী সারাত্সারা পরাত্পরা ॥ ৯৫ ॥
ইতি শ্রীজানকীদেব্যাঃ নামসাহস্রকং স্তবম্ ।
নামকর্মপ্রসঙ্গেন ময়া তুভ্যং প্রকাশিতম্ ॥ ৯৬ ॥
গোপনীয়ং প্রয়ত্নেন ত্রৈলোক্যেঽপ্যতিদুর্লভম্ ।
সীতায়াঃ শ্রোমহালক্ষ্ভ্যাঃ সদ্যঃ সংতোষদায়কম্ ॥ ৯৭ ॥
য়ঃ পঠেত্প্রয়তো নিত্যং স সাক্ষাদ্বৈষ্ণবোত্তমঃ ।
নিত্যং গুরুমুখাল্লব্ধ্বা পঠনীয়ং প্রয়ত্নতঃ ॥ ৯৮ ॥
সর্বসম্পত্করং পুণ্যং বৈষ্ণবানাং সুখপ্রদম্ ।
কীতিদং কান্তিদং চৈব ধনদং সৌভগপ্রদম্ ॥ ৯৯ ॥
প্রমুদ্বনবিহারিণ্যাঃ সীতায়াঃ সুখবর্দ্ধনম্ ।
রামপ্রিয়ায়া জানক্যা নামসাহস্রকং পরম্ ॥ ১০০ ॥
ইতি শ্রীমদাদিরামায়ণে ব্রহ্মভুশুণ্ডসংবাদে
সীতানামসাহস্রকং নাম চতুর্দশোঽধ্যায়ঃ ॥ ১৪ ॥