॥ Anjaneya / Hanuman Stotram Bengali Lyrics ॥
॥ শ্রীআঞ্জনেয়সহস্রনামস্তোত্রং হনুমত্সহস্রনামস্তোত্রং চ ॥
ঋষয় ঊচুঃ ।
ঋষে লোহগিরিং প্রাপ্তঃ সীতাবিরহকাতরঃ ।
ভগবান্ কিং ব্যধাদ্রামস্তত্সর্বং ব্রূহি সত্বরম্ ॥
বাল্মীকিরুবাচ ।
মায়ামানুষ দেহোঽয়ং দদর্শাগ্রে কপীশ্বরম্ ।
হনুমন্তং জগত্স্বামী বালার্কসম তেজসম্ ॥
স সত্বরং সমাগম্য সাষ্টাঙ্গং প্রণিপত্য চ ।
কৃতাঞ্জলিপুটো ভূত্বা হনুমান্ রামমব্রবীত্ ॥
শ্রী হনুমানুবাচ ।
ধন্যোঽস্মি কৃতকৃত্যোঽস্মি দৃষ্ট্বা ত্বত্পাদপঙ্কজম্ ।
য়োগিনামপ্যগম্যং চ সংসারভয় নাশনম্ ।
পুরুষোত্তমং চ দেবেশং কর্তব্যং তন্নিবেদ্যতাম্ ॥
শ্রী রামচন্দ্রোবাচ ।
জনস্থানং কপিশ্রেষ্ঠ কোঽপ্যাগত্য বিদেহজাম্ ।
হৃতবান্ বিপ্রসংবেশো মারীচানুগতে ময়ি ॥
গবেষ্যঃ সাম্প্রতং বীরঃ জানকী হরণে পরঃ ।
ত্বয়া গম্যো ন কো দেশস্ত্বং চ জ্ঞানবতাবরঃ ॥
সপ্তকোটি মহামন্ত্রমন্ত্রিতাবয়বঃ প্রভুঃ ।
ঋষয় উচুঃ ।
কো মন্ত্র কিঞ্চ তধ্যানং তন্নো বূহি য়থার্থতা । য়থার্থতঃ
কথাসুধারসং পীত্বা ন তৃপ্যামঃ পরংতপ ॥ ১ ॥
বাল্মীকিরুবাচ ।
মন্ত্রং হনুমতো বিদ্ধি ভুক্তিমুক্তি প্রদায়কম্ ।
মহারিষ্ট মহাপাপ মহাদুঃখ নিবারণম্ ॥ ২ ॥
মন্ত্রম্ ।
ওঁ ঐং হ্রীং শ্রীং হনুমতে রামদূতায় লঙ্কা বিধ্বংসনায়
অঞ্জনীগর্ভসম্ভূতায় শাকিনীঢাকিনী বিধ্বংসনায়
কিলিকিলি বু বু কারেণ বিভীষণায় হনুমদ্দেবায়
ওঁ শ্রীং হ্রীং হ্রৌং হ্রাং হ্রূং ফট্ স্বাহা ॥
অন্যং হনুমতো মন্ত্রং সহস্রং নামসঞ্জ্ঞিতম্ ।
জানন্তু ঋষয়ঃ সর্বে মহাদুরিতনাশনম্ ॥ ৩ ॥
য়স্য সংস্মরণাত্ সীতাং লব্ধ্বা রাজ্যমকণ্টকম্ ।
বিভীষণায় চ দদাবাত্মানং লব্ধবান্ য়থা ॥ ৪ ॥
ঋষয় ঊচুঃ
সহস্রনামসন্মন্ত্রং দুঃখাঘৌঘনিবারণম্ ।
বাল্মীকে ব্রূহি নস্তূর্ণং শুশ্রূষামঃ কথাং পরাম্ ॥
বাল্মীকিরুবাচ ।
শৃণ্বন্তু ঋষয়ঃ সর্বে সহস্রনামকং স্তবম্ ।
স্তবানামুত্তমং দিব্যং সদর্থস্য প্রকাশকম্ ॥
ওঁ অস্য শ্রীহনুমত্সহস্রনামস্তোত্র মন্ত্রস্য শ্রীরামচন্দ্রঋষিঃ ।
অনুষ্টুপ্ছন্দঃ । শ্রীহনুমান্মহারুদ্রো দেবতা ।
হ্রীং শ্রীং হ্রৌং হ্রাং বীজং । শ্রীং ইতি শক্তিঃ ।
কিলিকিল বু বু কারেণ ইতি কীলকম্ ।
লঙ্কাবিধ্বংসনেতি কবচম্ । মম সর্বোপদ্রবশান্ত্যর্থে
মম সর্বকার্যসিধ্যর্থে জপে বিনিয়োগঃ ॥
॥ ঋষ্যাদিন্যাসঃ ॥
শ্রীরামচন্দ্রঋষয়ে নমঃ শিরসি ।
অনুষ্টুপ্ছন্দসে নমঃ মুখে ।
শ্রীহনুমান্মহারুদ্র দেবতায়ৈ নমঃ হৃদি ।
হ্রীং শ্রীং হ্রৌং হ্রাং ইতি বীজায় নমঃ গুহ্যে ।
শ্রীং ইতি শক্তয়ে নমঃ পাদয়োঃ ।
কিলিকিল বু বু কারেণ ইতি কীলকায় নমঃ নাভৌ ।
লঙ্কাবিধ্বংসনেতি কবচায় নমঃ বাহুদ্বয়ে ।
মম সর্বোপদ্রবশান্ত্যর্থে মম সর্বকার্যসিধ্যর্থে
ইতি বিনিয়োগায় নমঃ সর্বাঙ্গে ॥
॥ ইতি ঋষ্যাদিন্যাসঃ ॥
॥ অথ করন্যাসঃ ॥
ওঁ ঐং হ্রীং হনুমতে রামদূতায় অঙ্গুষ্ঠাভ্যাং নমঃ ।
ওঁ লঙ্কাবিধ্বংসনায় তর্জনীভ্যাং নমঃ ।
ওঁ অঞ্জনীগর্ভসম্ভূতায় মধ্যমাভ্যাং নমঃ ।
ওঁ শাকিনীডাকিনীবিধ্বংসনায় অনামিকাভ্যাং নমঃ ।
ওঁ কিলিকিলি বূ বূ কারেণ বিভীষণায় হনুমদ্দেবতায় কনিষ্ঠিকাভ্যাং নমঃ ।
ওঁ হ্রীং শ্রী হ্রৌং হাং হুং ফট্ স্বাহা করতল করপৃষ্ঠাভ্যাং নমঃ ॥
॥ ইতি করন্যাসঃ ॥
॥ অথ হৃদয়াদিষডঙ্গন্যাসঃ ॥
ওঁ ঐং হ্রীং হনুমতে রামদূতায় হৃদয়ায় নমঃ ।
ওঁ লঙ্কাবিধ্বংসনায় শিরসে স্বাহা ।
ওঁ অঞ্জনীগর্ভসম্ভূতায় শিখায়ৈবষট্ ।
ওঁ শাকিনীডাকিনীবিধ্বংসনায় কবচায় হুম্ ।
ওঁ কিলিকিলি বূ বূ কারেণ বিভীষণায় হনুমদ্দেবতায় নেত্রত্রয়ায় বৌষট্ ।
ওঁ হ্রীং শ্রী হ্রৌং হাং হুং ফট্ স্বাহা অস্ত্রায় ফট্ ।
॥ ইতি হৃদয়াদিষডঙ্গন্যাসঃ ॥
ধ্যানম্
প্রতপ্তস্বর্ণবর্ণাভং সংরক্তারুণলোচনম্ ।
সুগ্রীবাদিয়ুতং ধ্যায়েত্ পীতাম্বরসমাবৃতম্ ॥
গোষ্পদীকৃতবারাশিং পুচ্ছমস্তকমীশ্বরম্ ।
জ্ঞানমুদ্রাং চ বিভ্রাণং সর্বালঙ্কারভূষিতম্ ॥
বামহস্তসমাকৃষ্টদশাস্যাননমণ্ডলম্ ।
উদ্যদ্দক্ষিণদোর্দণ্ডং হনূমন্তং বিচিন্তয়েত্ ॥
হনূমান্ শ্রীপ্রদো বায়ুপুত্রো রুদ্রো নয়োঽজরঃ ।
অমৃত্যুর্বীরবীরশ্চ গ্রামবাসো জনাশ্রয়ঃ ॥ ১ ॥
ধনদো নির্গুণাকারো বীরো নিধিপতির্মুনিঃ ।
পিঙ্গাক্ষো বরদো বাগ্মী সীতাশোকবিনাশনঃ ॥ ২ ॥
শিবঃ শর্বঃ পরোঽব্যক্তো ব্যক্তাব্যক্তো ধরাধরঃ ।
পিঙ্গকেশঃ পিঙ্গরোমা শ্রুতিগম্যঃ সনাতনঃ ॥ ৩ ॥
অনাদির্ভগবান্ দিব্যো বিশ্বহেতুর্নরাশ্রয়ঃ ।
আরোগ্যকর্তা বিশ্বেশো বিশ্বনাথো হরীশ্বরঃ ॥ ৪ ॥
ভর্গো রামো রামভক্তঃ কল্যাণপ্রকৃতীশ্বরঃ ।
বিশ্বম্ভরো বিশ্বমূর্তির্বিশ্বাকারোঽথ বিশ্বপঃ ॥ ৫ ॥
বিশ্বাত্মা বিশ্বসেব্যোঽথ বিশ্বো বিশ্বধরো রবিঃ ।
বিশ্বচেষ্টো বিশ্বগম্যো বিশ্বধ্যেয়ঃকলাধরঃ ॥ ৬ ॥
প্লবঙ্গমঃ কপিশ্রেষ্ঠো জ্যেষ্ঠো বেদ্যো বনেচরঃ ।
বালো বৃদ্ধো য়ুবা তত্ত্বং তত্ত্বগম্যঃ সখা হ্যজঃ ॥ ৭ ॥
অঞ্জনাসূনুরব্যগ্রো গ্রামস্যান্তো ধরাধরঃ ।
ভূর্ভুবঃস্বর্মহর্লোকো জনোলোকস্তপোঽব্যয়ঃ ॥ ৮ ॥
সত্যমোঙ্কারগম্যশ্চ প্রণবো ব্যাপকোঽমলঃ ।
শিবধর্মপ্রতিষ্ঠাতা রামেষ্টঃ ফল্গুনপ্রিয়ঃ ॥ ৯ ॥
গোষ্পদীকৃতবারীশঃ পূর্ণকামো ধরাপতিঃ ।
রক্ষোঘ্নঃ পুণ্ডরীকাক্ষঃ শরণাগতবত্সলঃ ॥ ১০ ॥
জানকীপ্রাণদাতা চ রক্ষঃপ্রাণাপহারকঃ ।
পূর্ণঃ সত্যঃ পীতবাসা দিবাকরসমপ্রভঃ ॥ ১১ ॥
দ্রোণহর্তা শক্তিনেতা শক্তিরাক্ষসমারকঃ ।
অক্ষঘ্নো রামদূতশ্চ শাকিনীজীবিতাহরঃ ॥ ১২ ॥
বুভূকারহতারাতির্গর্বপর্বতমর্দনঃ ।
হেতুস্ত্বহেতুঃ প্রাংশুশ্চ বিশ্বকর্তা জগদ্গুরুঃ ॥ ১৩ ॥
জগন্নাথো জগন্নেতা জগদীশো জনেশ্বরঃ ।
জগত্শ্রিতো হরিঃ শ্রীশো গরুডস্ময়ভঞ্জকঃ ॥ ১৪ ॥
পার্থধ্বজো বায়ুপুত্রঃ সিতপুচ্ছোঽমিতপ্রভঃ ।
ব্রহ্মপুচ্ছঃ পরব্রহ্মপুচ্ছো রামেষ্টকারকঃ ॥ ১৫ ॥
সুগ্রীবাদিয়ুতো জ্ঞানী বানরো বানরেশ্বরঃ ।
কল্পস্থায়ী চিরঞ্জীবী প্রসন্নশ্চ সদাশিবঃ ॥ ১৬ ॥
সন্মতিঃ সদ্গতির্ভুক্তিমুক্তিদঃ কীর্তিদায়কঃ ।
কীর্তিঃ কীর্তিপ্রদশ্চৈব সমুদ্রঃ শ্রীপ্রদঃ শিবঃ ॥ ১৭ ॥
উদধিক্রমণো দেবঃ সংসারভয়নাশনঃ ।
বালিবন্ধনকৃদ্বিশ্বজেতা বিশ্বপ্রতিষ্ঠিতঃ ॥ ১৮ ॥
লঙ্কারিঃ কালপুরুষো লঙ্কেশগৃহভঞ্জনঃ ।
ভূতাবাসো বাসুদেবো বসুস্ত্রিভুবনেশ্বরঃ ॥
শ্রীরামরূপঃ কৃষ্ণস্তু লঙ্কাপ্রাসাদভঞ্জনঃ ।
কৃষ্ণঃ কৃষ্ণস্তুতঃ শান্তঃ শান্তিদো বিশ্বভাবনঃ ॥ ২০ ॥
বিশ্বভোক্তাঽথ মারঘ্নো ব্রহ্মচারী জিতেন্দ্রিয়ঃ ।
ঊর্ধ্বগো লাঙ্গুলী মালী লাঙ্গূলাহতরাক্ষসঃ ॥ ২১ ॥
সমীরতনুজো বীরো বীরমারো জয়প্রদঃ ।
জগন্মঙ্গলদঃ পুণ্যঃ পুণ্যশ্রবণকীর্তনঃ ॥ ২২ ॥
পুণ্যকীর্তিঃ পুণ্যগীতির্জগত্পাবনপাবনঃ ।
দেবেশোঽমিতরোমাঽথ রামভক্তবিধায়কঃ ॥ ২৩ ॥
ধ্যাতা ধ্যেয়ো জগত্সাক্ষী চেতা চৈতন্যবিগ্রহঃ ।
জ্ঞানদঃ প্রাণদঃ প্রাণো জগত্প্রাণঃ সমীরণঃ ॥ ২৪ ॥
বিভীষণপ্রিয়ঃ শূরঃ পিপ্পলাশ্রয়সিদ্ধিদঃ ।
সিদ্ধঃ সিদ্ধাশ্রয়ঃ কালঃ কালভক্ষকপূজিতঃ ॥ ২৫ ॥
লঙ্কেশনিধনস্থায়ী লঙ্কাদাহক ঈশ্বরঃ ।
চন্দ্রসূর্যাগ্নিনেত্রশ্চ কালাগ্নিঃ প্রলয়ান্তকঃ ॥ ২৬ ॥
কপিলঃ কপিশঃ পুণ্যরাতির্দ্বাদশরাশিগঃ ।
সর্বাশ্রয়োঽপ্রমেয়াত্মা রেবত্যাদিনিবারকঃ ॥ ২৭ ॥
লক্ষ্মণপ্রাণদাতা চ সীতাজীবনহেতুকঃ ।
রামধ্যায়ী হৃষীকেশো বিষ্ণুভক্তো জটী বলী ॥ ২৮ ॥
দেবারিদর্পহা হোতা ধাতা কর্তা জগত্প্রভুঃ ।
নগরগ্রামপালশ্চ শুদ্ধো বুদ্ধো নিরন্তরঃ ॥ ২৯ ॥
নিরঞ্জনো নির্বিকল্পো গুণাতীতো ভয়ঙ্করঃ ।
হনুমাংশ্চ দুরারাধ্যস্তপঃসাধ্যো মহেশ্বরঃ ॥ ৩০ ॥
জানকীঘনশোকোত্থতাপহর্তা পরাশরঃ ।
বাঙ্ময়ঃ সদসদ্রূপঃ কারণং প্রকৃতেঃ পরঃ ॥ ৩১ ॥
ভাগ্যদো নির্মলো নেতা পুচ্ছলঙ্কাবিদাহকঃ ।
পুচ্ছবদ্ধো য়াতুধানো য়াতুধানরিপুপ্রিয়ঃ ॥ ৩২ ॥
ছায়াপহারী ভূতেশো লোকেশঃ সদ্গতিপ্রদঃ ।
প্লবঙ্গমেশ্বরঃ ক্রোধঃ ক্রোধসংরক্তলোচনঃ ॥ ৩৩ ॥
ক্রোধহর্তা তাপহর্তা ভক্তাভয়বরপ্রদঃ ।
ভক্তানুকম্পী বিশ্বেশঃ পুরুহূতঃ পুরন্দরঃ ॥ ৩৪ ॥
অগ্নির্বিভাবসুর্ভাস্বান্ য়মো নিরৃতিরেব চ ।
বরুণো বায়ুগতিমান্ বায়ুঃ কুবের ঈশ্বরঃ ॥ ৩৫ ॥
রবিশ্চন্দ্রঃ কুজঃ সৌম্যো গুরুঃ কাব্যঃ শনৈশ্চরঃ ।
রাহুঃ কেতুর্মরুদ্দাতা ধাতা হর্তা সমীরজঃ ॥ ৩৬ ॥
মশকীকৃতদেবারির্দৈত্যারির্মধূসূদনঃ ।
কামঃ কপিঃ কামপালঃ কপিলো বিশ্বজীবনঃ ॥ ৩৭ ॥
ভাগীরথীপদাম্ভোজঃ সেতুবন্ধবিশারদঃ ।
স্বাহা স্বধা হবিঃ কব্যং হব্যবাহঃ প্রকাশকঃ ॥ ৩৮ ॥
স্বপ্রকাশো মহাবীরো মধুরোঽমিতবিক্রমঃ ।
উড্ডীনোড্ডীনগতিমান্ সদ্গতিঃ পুরুষোত্তমঃ ॥
জগদাত্মা জগদ্যোনির্জগদন্তো হ্যনন্তরঃ ।
বিপাপ্মা নিষ্কলঙ্কোঽথ মহান্ মহদহঙ্কৃতিঃ ॥ ৪০ ॥
খং বায়ুঃ পৃথিবী চাপো বহ্নির্দিক্ কাল একলঃ ।
ক্ষেত্রজ্ঞঃ ক্ষেত্রপালশ্চ পল্বলীকৃতসাগরঃ ॥ ৪১ ॥
হিরণ্ময়ঃ পুরাণশ্চ খেচরো ভূচরো মনুঃ ।
হিরণ্যগর্ভঃ সূত্রাত্মা রাজরাজো বিশাং পতিঃ ॥ ৪২ ॥
বেদান্তবেদ্য উদ্গীথো বেদাঙ্গো বেদপারগঃ ।
প্রতিগ্রামস্থিতঃ সদ্যঃ স্ফূর্তিদাতা গুণাকরঃ ॥ ৪৩ ॥
নক্ষত্রমালী ভূতাত্মা সুরভিঃ কল্পপাদপঃ ।
চিন্তামণির্গুণনিধিঃ প্রজাদ্বারমনুত্তমঃ ॥ ৪৪ ॥
পুণ্যশ্লোকঃ পুরারাতিঃ মতিমান্ শর্বরীপতিঃ ।
কিল্কিলারাবসন্ত্রস্তভূতপ্রেতপিশাচকঃ ॥ ৪৫ ॥
ঋণত্রয়হরঃ সূক্ষ্মঃ স্থূলঃ সর্বগতিঃ পুমান্ ।
অপস্মারহরঃ স্মর্তা শ্রুতির্গাথা স্মৃতির্মনুঃ ॥ ৪৬ ॥
স্বর্গদ্বারং প্রজাদ্বারং মোক্ষদ্বারং য়তীশ্বরঃ ।
নাদরূপং পরং ব্রহ্ম ব্রহ্ম ব্রহ্মপুরাতনঃ ॥ ৪৭ ॥
একোঽনেকো জনঃ শুক্লঃ স্বয়ঞ্জ্যোতিরনাকুলঃ ।
জ্যোতির্জ্যোতিরনাদিশ্চ সাত্বিকো রাজসস্তমঃ ॥ ৪৮ ॥
তমোহর্তা নিরালম্বো নিরাকারো গুণাকরঃ ।
গুণাশ্রয়ো গুণময়ো বৃহত্কায়ো বৃহদ্যশাঃ ॥
বৃহদ্ধনুর্বৃহত্পাদো বৃহন্মূর্ধা বৃহত্স্বনঃ ।
বৃহত্কর্ণো বৃহন্নাসো বৃহদ্বাহুর্বৃহত্তনুঃ ॥ ৫০ ॥
বৃহদ্গলো বৃহত্কায়ো বৃহত্পুচ্ছো বৃহত্করঃ ।
বৃহদ্গতির্বৃহত্সেবো বৃহল্লোকফলপ্রদঃ ॥ ৫১ ॥
বৃহদ্ভক্তির্বৃহদ্বাঞ্ছাফলদো বৃহদীশ্বরঃ ।
বৃহল্লোকনুতো দ্রষ্টা বিদ্যাদাতা জগদ্গুরুঃ ॥ ৫২ ॥
দেবাচার্যঃ সত্যবাদী ব্রহ্মবাদী কলাধরঃ ।
সপ্তপাতালগামী চ মলয়াচলসংশ্রয়ঃ ॥ ৫৩ ॥
উত্তরাশাস্থিতঃ শ্রীশো দিব্যৌষধিবশঃ খগঃ ।
শাখামৃগঃ কপীন্দ্রোঽথ পুরাণঃ প্রাণচঞ্চুরঃ ॥ ৫৪ ॥
চতুরো ব্রাহ্মণো য়োগী য়োগিগম্যঃ পরোঽবরঃ ।
অনাদিনিধনো ব্যাসো বৈকুণ্ঠঃ পৃথিবীপতিঃ ॥ ৫৫ ॥
অপরাজিতো জিতারাতিঃ সদানন্দদ ঈশিতা ।
গোপালো গোপতির্যোদ্ধা কলিঃ স্ফালঃ পরাত্পরঃ ॥ ৫৬ ॥
মনোবেগী সদায়োগী সংসারভয়নাশনঃ ।
তত্ত্বদাতাঽথ তত্ত্বজ্ঞস্তত্ত্বং তত্ত্বপ্রকাশকঃ ॥ ৫৭ ॥
শুদ্ধো বুদ্ধো নিত্যয়ুক্তো ভক্তাকারো জগদ্রথঃ ।
প্রলয়োঽমিতমায়শ্চ মায়াতীতো বিমত্সরঃ ॥ ৫৮ ॥
মায়ানির্জিতরক্ষাশ্চ মায়ানির্মিতবিষ্টপঃ ।
মায়াশ্রয়শ্চ নিলের্পো মায়ানির্বর্তকঃ সুখী ॥
সুখী(খং) সুখপ্রদো নাগো মহেশকৃতসংস্তবঃ ।
মহেশ্বরঃ সত্যসন্ধঃ শরভঃ কলিপাবনঃ ॥ ৬০ ॥
রসো রসজ্ঞঃ সন্মানো রূপং চক্ষুঃ শ্রুতী রবঃ ।
ঘ্রাণং গন্ধঃ স্পর্শনং চ স্পর্শো হিঙ্কারমানগঃ ॥ ৬১ ॥
নেতি নেতীতি গম্যশ্চ বৈকুণ্ঠভজনপ্রিয়ঃ ।
গিরিশো গিরিজাকান্তো দুর্বাসাঃ কবিরঙ্গিরাঃ ॥ ৬২ ॥
ভৃগুর্বসিষ্ঠশ্চ্যবনো নারদস্তুম্বুরুর্হরঃ ।
বিশ্বক্ষেত্রং বিশ্ববীজং বিশ্বনেত্রং চ বিশ্বপঃ ॥ ৬৩ ॥
য়াজকো য়জমানশ্চ পাবকঃ পিতরস্তথা ।
শ্রদ্ধা বুদ্ধিঃ ক্ষমা তন্দ্রা মন্ত্রো মন্ত্রয়িতা সুরঃ ॥ ৬৪ ॥
রাজেন্দ্রো ভূপতী রূঢো মালী সংসারসারথিঃ ।
নিত্যঃ সম্পূর্ণকামশ্চ ভক্তকামধুগুত্তমঃ ॥ ৬৫ ॥
গণপঃ কেশবো ভ্রাতা পিতা মাতাঽথ মারুতিঃ ।
সহস্রমূর্ধা সহস্রাস্যঃ সহস্রাক্ষঃ সহস্রপাত্ ॥ ৬৬ ॥
কামজিত্ কামদহনঃ কামঃ কাম্যফলপ্রদঃ ।
মুদ্রোপহারী রক্ষোঘ্নঃ ক্ষিতিভারহরো বলঃ ॥ ৬৭ ॥
নখদংষ্ট্রায়ুধো বিষ্ণুভক্তো ভক্তাভয়প্রদঃ ।
দর্পহা দর্পদো দংষ্ট্রাশতমূর্তিরমূর্তিমান্ ॥ ৬৮ ॥
মহানিধির্মহাভাগো মহাভর্গো মহর্দ্ধিদঃ ।
মহাকারো মহায়োগী মহাতেজা মহাদ্যুতিঃ ॥
মহাকর্মা মহানাদো মহামন্ত্রো মহামতিঃ ।
মহাশমো মহোদারো মহাদেবাত্মকো বিভুঃ ॥ ৭০ ॥
রুদ্রকর্মা ক্রূরকর্মা রত্ননাভঃ কৃতাগমঃ ।
অম্ভোধিলঙ্ঘনঃ সিদ্ধঃ সত্যধর্মা প্রমোদনঃ ॥ ৭১ ॥
জিতামিত্রো জয়ঃ সোমো বিজয়ো বায়ুবাহনঃ ।
জীবো ধাতা সহস্রাংশুর্মুকুন্দো ভূরিদক্ষিণঃ ॥ ৭২ ॥
সিদ্ধার্থঃ সিদ্ধিদঃ সিদ্ধঃ সঙ্কল্পঃ সিদ্ধিহেতুকঃ ।
সপ্তপাতালচরণঃ সপ্তর্ষিগণবন্দিতঃ ॥ ৭৩ ॥
সপ্তাব্ধিলঙ্ঘনো বীরঃ সপ্তদ্বীপোরুমণ্ডলঃ ।
সপ্তাঙ্গরাজ্যসুখদঃ সপ্তমাতৃনিষেবিতঃ ॥ ৭৪ ॥
সপ্তলোকৈকমকুটঃ সপ্তহোত্রঃ স্বরাশ্রয়ঃ ।
সপ্তসামোপগীতশ্চ সপ্তপাতালসংশ্রয়ঃ ॥ ৭৫ ॥
সপ্তচ্ছন্দোনিধিঃ সপ্তচ্ছন্দঃ সপ্তজনাশ্রয়ঃ ।
মেধাদঃ কীর্তিদঃ শোকহারী দৌর্ভাগ্যনাশনঃ ॥ ৭৬ ॥
সর্ববশ্যকরো গর্ভদোষহা পুত্রপৌত্রদঃ ।
প্রতিবাদিমুখস্তম্ভো রুষ্টচিত্তপ্রসাদনঃ ॥ ৭৭ ॥
পরাভিচারশমনো দুঃখহা বন্ধমোক্ষদঃ ।
নবদ্বারপুরাধারো নবদ্বারনিকেতনঃ ॥ ৭৮ ॥
নরনারায়ণস্তুত্যো নবনাথমহেশ্বরঃ ।
মেখলী কবচী খড্গী ভ্রাজিষ্ণুর্জিষ্ণুসারথিঃ ॥
বহুয়োজনবিস্তীর্ণপুচ্ছঃ পুচ্ছহতাসুরঃ ।
দুষ্টহন্তা নিয়মিতা পিশাচগ্রহশাতনঃ ॥ ৮০ ॥
বালগ্রহবিনাশী চ ধর্মনেতা কৃপাকরঃ ।
উগ্রকৃত্যশ্চোগ্রবেগ উগ্রনেত্রঃ শতক্রতুঃ ॥ ৮১ ॥
শতমন্যুস্তুতঃ স্তুত্যঃ স্তুতিঃ স্তোতা মহাবলঃ ।
সমগ্রগুণশালী চ ব্যগ্রো রক্ষোবিনাশনঃ ॥ ৮২ ॥
রক্ষোঽগ্নিদাবো ব্রহ্মেশঃ শ্রীধরো ভক্তবত্সলঃ ।
মেঘনাদো মেঘরূপো মেঘবৃষ্টিনিবারণঃ ॥ ৮৩ ॥
মেঘজীবনহেতুশ্চ মেঘশ্যামঃ পরাত্মকঃ ।
সমীরতনয়ো ধাতা তত্ত্ববিদ্যাবিশারদঃ ॥ ৮৪ ॥
অমোঘোঽমোঘবৃষ্টিশ্চাভীষ্টদোঽনিষ্টনাশনঃ ।
অর্থোঽনর্থাপহারী চ সমর্থো রামসেবকঃ ॥ ৮৫ ॥
অর্থী ধন্যোঽসুরারাতিঃ পুণ্ডরীকাক্ষ আত্মভূঃ ।
সঙ্কর্ষণো বিশুদ্ধাত্মা বিদ্যারাশিঃ সুরেশ্বরঃ ॥ ৮৬ ॥
অচলোদ্ধারকো নিত্যঃ সেতুকৃদ্রামসারথিঃ ।
আনন্দঃ পরমানন্দো মত্স্যঃ কূর্মো নিধিঃ শয়ঃ ॥ ৮৭ ॥
বরাহো নারসিংহশ্চ বামনো জমদগ্নিজঃ ।
রামঃ কৃষ্ণঃ শিবো বুদ্ধঃ কল্কী রামাশ্রয়ো হরিঃ ॥ ৮৮ ॥
নন্দী ভৃঙ্গী চ চণ্ডী চ গণেশো গণসেবিতঃ ।
কর্মাধ্যক্ষঃ সুরারামো বিশ্রামো জগতীপতিঃ ॥
জগন্নাথঃ কপীশশ্চ সর্বাবাসঃ সদাশ্রয়ঃ ।
সুগ্রীবাদিস্তুতো দান্তঃ সর্বকর্মা প্লবঙ্গমঃ ॥ ৯০ ॥
নখদারিতরক্ষশ্চ নখয়ুদ্ধবিশারদঃ ।
কুশলঃ সুধনঃ শেষো বাসুকিস্তক্ষকস্তথা ॥ ৯১ ॥
স্বর্ণবর্ণো বলাঢ্যশ্চ পুরুজেতাঽঘনাশনঃ ।
কৈবল্যদীপঃ কৈবল্যো গরুডঃ পন্নগো গুরুঃ ॥ ৯২ ॥
ক্লীক্লীরাবহতারাতিগর্বঃ পর্বতভেদনঃ ।
বজ্রাঙ্গো বজ্রবক্ত্রশ্চ ভক্তবজ্রনিবারকঃ ॥ ৯৩ ॥
নখায়ুধো মণিগ্রীবো জ্বালামালী চ ভাস্করঃ ।
প্রৌঢপ্রতাপস্তপনো ভক্ততাপনিবারকঃ ॥ ৯৪ ॥
শরণং জীবনং ভোক্তা নানাচেষ্টোঽথ চঞ্চলঃ ।
স্বস্থস্ত্বস্বাস্থ্যহা দুঃখশাতনঃ পবনাত্মজঃ ॥ ৯৫ ॥
পবনঃ পাবনঃ কান্তো ভক্তাঙ্গঃ সহনো বলঃ ।
মেঘনাদরিপুর্মেঘনাদসংহৃতরাক্ষসঃ ॥ ৯৬ ॥
ক্ষরোঽক্ষরো বিনীতাত্মা বানরেশঃ সতাঙ্গতিঃ ।
শ্রীকণ্ঠঃ শিতিকণ্ঠশ্চ সহায়ঃ সহনায়কঃ ॥ ৯৭ ॥
অস্থূলস্ত্বনণুর্ভর্গো দেবসংসৃতিনাশনঃ ।
অধ্যাত্মবিদ্যাসারশ্চাপ্যধ্যাত্মকুশলঃ সুধীঃ ॥ ৯৮ ॥
অকল্মষঃ সত্যহেতুঃ সত্যদঃ সত্যগোচরঃ ।
সত্যগর্ভঃ সত্যরূপঃ সত্যঃ সত্যপরাক্রমঃ ॥ ৯৯ ॥
অঞ্জনাপ্রাণলিঙ্গং চ বায়ুবংশোদ্ভবঃ শ্রুতিঃ ।
ভদ্ররূপো রুদ্ররূপঃ সুরূপশ্চিত্ররূপধৃক্ ॥ ১০০ ॥
মৈনাকবন্দিতঃ সূক্ষ্মদর্শনো বিজয়ো জয়ঃ ।
ক্রান্তদিঙ্মণ্ডলো রুদ্রঃ প্রকটীকৃতবিক্রমঃ ॥ ১০১ ॥
কম্বুকণ্ঠঃ প্রসন্নাত্মা হ্রস্বনাসো বৃকোদরঃ ।
লম্বোষ্ঠঃ কুণ্ডলী চিত্রমালী য়োগবিদাং বরঃ ॥ ১০২ ॥
বিপশ্চিত্ কবিরানন্দবিগ্রহোঽনল্পনাশনঃ ।
ফাল্গুনীসূনুরব্যগ্রো য়োগাত্মা য়োগতত্পরঃ ॥ ১০৩ ॥
য়োগবিদ্যোগকর্তা চ য়োগয়োনির্দিগম্বরঃ ।
অকারাদিক্ষকারান্তবর্ণনির্মিতবিগ্রহঃ ॥ ১০৪ ॥
উলূখলমুখঃ সিদ্ধসংস্তুতঃ পরমেশ্বরঃ ।
শ্লিষ্টজঙ্ঘঃ শ্লিষ্টজানুঃ শ্লিষ্টপাণিঃ শিখাধরঃ ॥ ১০৫ ॥
সুশর্মাঽমিতধর্মা চ নারায়ণপরায়ণঃ ।
জিষ্ণুর্ভবিষ্ণূ রোচিষ্ণুর্গ্রসিষ্ণুঃ স্থাণুরেব চ ॥ ১০৬ ॥
হরী রুদ্রানুকৃদ্বৃক্ষকম্পনো ভূমিকম্পনঃ ।
গুণপ্রবাহঃ সূত্রাত্মা বীতরাগঃ স্তুতিপ্রিয়ঃ ॥ ১০৭ ॥
নাগকন্যাভয়ধ্বংসী কৃতপূর্ণঃ কপালভৃত্ ।
অনুকূলোঽক্ষয়োঽপায়োঽনপায়ো বেদপারগঃ ॥ ১০৮ ॥
অক্ষরঃ পুরুষো লোকনাথস্ত্র্যক্ষঃ প্রভুর্দৃঢঃ ।
অষ্টাঙ্গয়োগফলভূঃ সত্যসন্ধঃ পুরুষ্টুতঃ ॥ ১০৯ ॥
শ্মশানস্থাননিলয়ঃ প্রেতবিদ্রাবণক্ষমঃ ।
পঞ্চাক্ষরপরঃ পঞ্চমাতৃকো রঞ্জনো ধ্বজঃ ॥ ১১০ ॥
য়োগিনীবৃন্দবন্দ্যশ্রীঃ শত্রুঘ্নোঽনন্তবিক্রমঃ ।
ব্রহ্মচারীন্দ্রিয়বপুর্ধৃতদণ্ডো দশাত্মকঃ ॥ ১১১ ॥
অপ্রপঞ্চঃ সদাচারঃ শূরসেনো বিদারকঃ ।
বুদ্ধঃ প্রমোদ আনন্দঃ সপ্তজিহ্বপতির্ধরঃ ॥ ১১২ ॥
নবদ্বারপুরাধারঃ প্রত্যগ্রঃ সামগায়নঃ ।
ষট্চক্রধামা স্বর্লোকভয়হৃন্মানদো মদঃ ॥ ১১৩ ॥
সর্ববশ্যকরঃ শক্তিরনন্তোঽনন্তমঙ্গলঃ ।
অষ্টমূর্তিধরো নেতা বিরূপঃ স্বরসুন্দরঃ ॥ ১১৪ ॥
ধূমকেতুর্মহাকেতুঃ সত্যকেতুর্মহারথঃ ।
নন্দীপ্রিয়ঃ স্বতন্ত্রশ্চ মেখলী ডমরুপ্রিয়ঃ ॥ ১১৫ ॥
লোহিতাঙ্গঃ সমিদ্বহ্নিঃ ষডৃতুঃ শর্ব ঈশ্বরঃ ।
ফলভুক্ ফলহস্তশ্চ সর্বকর্মফলপ্রদঃ ॥ ১১৬ ॥
ধর্মাধ্যক্ষো ধর্মফলো ধর্মো ধর্মপ্রদোঽর্থদঃ ।
পঞ্চবিংশতিতত্ত্বজ্ঞস্তারকো ব্রহ্মতত্পরঃ ॥ ১১৭ ॥
ত্রিমার্গবসতির্ভীমঃ সর্বদুষ্টনিবর্হণঃ ।
ঊর্জঃস্বামী জলস্বামী শূলী মালী নিশাকরঃ ॥ ১১৮ ॥
রক্তাম্বরধরো রক্তো রক্তমাল্যবিভূষণঃ ।
বনমালী শুভাঙ্গশ্চ শ্বেতঃ শ্বেতাম্বরো য়ুবা ॥ ১১৯ ॥
জয়োঽজেয়পরীবারঃ সহস্রবদনঃ কবিঃ ।
শাকিনীডাকিনীয়ক্ষরক্ষোভূতপ্রভঞ্জনঃ ॥ ১২০ ॥
সদ্যোজাতঃ কামগতির্জ্ঞানমূর্তির্যশস্করঃ ।
শম্ভুতেজাঃ সার্বভৌমো বিষ্ণুভক্তঃ প্লবঙ্গমঃ ॥ ১২১ ॥
চতুর্ণবতিমন্ত্রজ্ঞঃ পৌলস্ত্যবলদর্পহা ।
সর্বলক্ষ্মীপ্রদঃ শ্রীমানঙ্গদপ্রিয়বর্ধনঃ ॥ ১২২ ॥
স্মৃতিবীজং সুরেশানঃ সংসারভয়নাশনঃ ।
উত্তমঃ শ্রীপরীবারঃ শ্রীভূরুগ্রশ্চ কামধুক্ ॥ ১২৩ ॥
সদাগতির্মাতরিশ্বা রামপাদাব্জষট্পদঃ ।
নীলপ্রিয়ো নীলবর্ণো নীলবর্ণপ্রিয়ঃ সুহৃত্ ॥ ১২৪ ॥
রামদূতো লোকবন্ধুরন্তরাত্মা মনোরমঃ ।
শ্রীরামধ্যানকৃদ্বীরঃ সদা কিম্পুরুষস্তুতঃ ॥ ১২৫ ॥
রামকার্যান্তরঙ্গশ্চ শুদ্ধির্গতিরনাময়ঃ ।
পুণ্যশ্লোকঃ পরানন্দঃ পরেশপ্রিয়সারথিঃ ॥ ১২৬ ॥
লোকস্বামী মুক্তিদাতা সর্বকারণকারণঃ ।
মহাবলো মহাবীরঃ পারাবারগতির্গুরুঃ ॥ ১২৭ ॥
তারকো ভগবাংস্ত্রাতা স্বস্তিদাতা সুমঙ্গলঃ ।
সমস্তলোকসাক্ষী চ সমস্তসুরবন্দিতঃ ।
সীতাসমেতশ্রীরামপাদসেবাধুরন্ধরঃ ॥ ১২৮ ॥
বাল্মীকিরুবাচ
ইতি নাম্ন সহস্রেণ স্তুতো রামেণ বায়ুভূঃ ।
উবাচ তং প্রসন্নাত্মা সংঘায়াত্মানমব্যয়ম্ ॥ ১২৯ ॥
শ্রী হনুমানুবাচ ।
ধ্যানাস্পদমিদং ব্রহ্ম মত্পুরঃ সমুপস্থিতম্ ।
স্বামিন্ কৃপানিধে রাম জ্ঞাতোঽসি কপিনা ময়া ॥ ১৩০ ॥
ত্বধ্যান নিরতা লোকাঃ কিং মাং জপসি সাদরম্ ।
তবাগমনহেতুশ্চ জ্ঞাতো হ্যত্র ময়াঽনঘ ॥ ১৩১ ॥
কর্তব্যং মম কিং রাম তথা ব্রূহি চ রাঘব ।
ইতি প্রচোদিতো রামঃ প্রহৃষ্টাত্মেদমব্রবীত্ ॥ ১৩২ ॥
শ্রী রামচন্দ্রোবাচ ।
দুর্জয়ঃ খলু বৈদেহীং গৃহীত্বা কোঽপি নির্গতঃ ।
হত্বা তং নির্ঘৃণং বীরমানয় ত্বং কপীশ্বর ॥ ১৩৩ ॥
মম দাস্যং কুরু সখে ভব বিশ্বসুখংকরঃ ।
তথা কৃতে ত্বয়া বীর মম কার্যং ভবিষ্যতি ॥ ১৩৪ ॥
ওমীত্যাজ্ঞাং তু শিরসা গৃহীত্বা স কপীশ্বরঃ।
বিধেয়ং বিধিবত্তত্র চকার শিরসা স্বয়ম্ ॥ ১৩৫ ॥
ইদং নামসহস্রং তু য়োঽধীতে প্রত্যহং নরঃ ।
দুঃখৌঘো নশ্যতে ক্ষিপ্রং সম্পত্তির্বর্ধতে চিরম্ ।
বশ্যং চতুর্বিধং তস্য ভবত্যেব ন সংশয়ঃ ॥ ১৩৬ ॥
রাজানো রাজপুত্রাশ্চ রাজকীয়াশ্চ মন্ত্রিণঃ ।
ত্রিকালং পঠনাদস্য দৃশ্যন্তে চ ত্রিপক্ষতঃ ॥ ১৩৭ ॥
অশ্বত্থমূলে জপতাং নাস্তি বৈরিকৃতং ভয়ম্ ।
ত্রিকালপঠনাদস্য সিদ্ধিঃ স্যাত্ করসংস্থিতা ॥ ১৩৮ ॥
ব্রাহ্মে মুহূর্তে চোত্থায় প্রত্যহং য়ঃ পঠেন্নরঃ ।
ঐহিকামুষ্মিকান্ সোঽপি লভতে নাত্র সংশয়ঃ ॥ ১৩৯ ॥
সঙ্গ্রামে সন্নিবিষ্টানাং বৈরিবিদ্রাবণং ভবেত্ ।
জ্বরাপস্মারশমনং গুল্মাদিব্যাধিবারণম্ ॥ ১৪০ ॥
সাম্রাজ্যসুখসম্পত্তিদায়কং জপতাং নৃণাম্ ।
য় ইদং পঠতে নিত্যং পাঠয়েদ্বা সমাহিতঃ ।
সর্বান্ কামানবাপ্নোতি বায়ুপুত্রপ্রসাদতঃ ॥ ১৪১ ॥
॥ শ্রী আঞ্জনেয়সহস্রনামস্তোত্রং হনুমত্সহস্রনামস্তোত্রং চ সম্পূর্ণম্ ॥
– Chant Stotra in Other Languages –
1000 Names of Sri Anjaneya » Hanuman Sahasranama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil