॥ Bhavani Sahasranamastotram Odia Lyrics ॥
॥ ଶ୍ରୀଭଵାନୀସହସ୍ରନାମସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
କୈଲାସ ଶିଖରେ ରମ୍ୟେ ଦେଵଦେଵଂ ମହେଶ୍ଵରମ୍ ।
ଧ୍ୟାନୋପରତମାସୀନଂ ପ୍ରସନ୍ନମୁଖପଙ୍କଜମ୍ ॥ ୧ ॥
ସୁରାସୁରଶିରୋରତ୍ନରଞ୍ଜିତାଙ୍ଘ୍ରିୟୁଗଂ ପ୍ରଭୁମ୍ ।
ପ୍ରଣମ୍ୟ ଶିରସା ନନ୍ଦୀ ବଦ୍ଧାଞ୍ଜଲିରଭାଷତ ॥ ୨ ॥
ଶ୍ରୀନନ୍ଦିକେଶ୍ଵର ଉଵାଚ ।
ଦେଵଦେଵ ଜଗନ୍ନାଥ ସଂଶୟୋଽସ୍ତି ମହାନ୍ମମ ।
ରହସ୍ୟମେକମିଚ୍ଛାମି ପ୍ରଷ୍ଟୁଂ ତ୍ଵାଂ ଭକ୍ତଵତ୍ସଲ ॥ ୩ ॥
ଦେଵତାୟାସ୍ତ୍ଵୟା କସ୍ୟାଃ ସ୍ତୋତ୍ରମେତଦ୍ଦିଵାନିଶମ୍ ।
ପଠ୍ୟତେ ନିରତଂ ନାଥ ତ୍ଵତ୍ତଃ କିମପରଂ ମହତ୍ ॥ ୪ ॥
ଇତି ପୃଷ୍ଟସ୍ତଦା ଦେଵୋ ନନ୍ଦିକେନ ଜଗଦ୍ଗୁରୁଃ ।
ପ୍ରୋଵାଚ ଭଗଵାନୀଶୋ ଵିକସନ୍ନେତ୍ରପଙ୍କଜଃ ॥ ୫ ॥
ଈଶ୍ଵର ଉଵାଚ ।
ସାଧୁ ସାଧୁ ଗୁଣଶ୍ରେଷ୍ଠ ପୃଷ୍ଟଵାନସି ମାଂ ଚ ୟତ୍ ।
ସ୍କନ୍ଦସ୍ୟାପି ଚ ୟଦ୍ଗୋପ୍ୟଂ ରହସ୍ୟଂ କଥୟାମି ତତ୍ ॥ ୬ ॥
ପୁରା କଲ୍ପକ୍ଷୟେ ଲୋକାନ୍ସିସୃକ୍ଷୁର୍ମୂଢଚେତନଃ ।
ଗୁଣତ୍ରୟମୟୀ ଶକ୍ତିର୍ମୂଲପ୍ରକୃତିସଂଜ୍ଞିତା ॥ ୭ ॥
ତସ୍ୟାମହଂ ସମୁତ୍ପନ୍ନସ୍ତତ୍ଵୈସ୍ତୈର୍ମହଦାଦିଭିଃ ।
ଚେତନେତି ତତଃ ଶକ୍ତିର୍ମାଂ କାପ୍ୟାଲିଙ୍ଗ୍ୟ ତସ୍ଥୁଷୀ ॥ ୮ ॥
ହେତୁସ୍ସଙ୍କଲ୍ପଜାଲସ୍ୟ ମନୋଧିଷ୍ଠାୟିନୀ ଶୁଭା ।
ଇଚ୍ଛେତି ପରମା ଶକ୍ତିରୁନ୍ମିଲତି ତତଃ ପରମ୍ ॥ ୯ ॥
ତତୋ ଵାଗିତି ଵିଖ୍ୟାତା ଶକ୍ତିଃ ଶବ୍ଦମୟୀ ପୁରା ।
ପ୍ରାଦୁରାସୀଜ୍ଜଗନ୍ମାତା ଵେଦମାତା ସରସ୍ଵତୀ ॥ ୧୦ ॥
ବ୍ରାହ୍ମୀ ଚ ଵୈଷ୍ଣଵୀ ସୈନ୍ଦ୍ରୀ କୌମାରୀ ପାର୍ଵତୀ ଶିଵା ।
ସିଦ୍ଧିଦା ବୁଦ୍ଧିଦା ଶାନ୍ତା ସର୍ଵମଙ୍ଗଲଦାୟିନୀ ॥ ୧୧ ॥
ତୟୈତତ୍ସୃଜ୍ୟତେ ଵିଶ୍ଵମନାଧାରଂ ଚ ଧାର୍ୟତେ ।
ତୟୈତତ୍ପାଲ୍ୟତେ ସର୍ଵଂ ତସ୍ୟାମେଵ ପ୍ରଲୀୟତେ ॥ ୧୨ ॥
ଅର୍ଚିତା ପ୍ରଣତା ଧ୍ୟାତା ସର୍ଵଭାଵଵିନିଶ୍ଚତୈଃ ।
ଆରାଧିତା ସ୍ତୁତା ସୈଵ ସର୍ଵସିଦ୍ଧିପ୍ରଦାୟିନୀ ॥ ୧୩ ॥
ତସ୍ୟାଶ୍ଚାନୁଗ୍ରହାଦେଵ ତାମେଵ ସ୍ତୁତଵାନହମ୍ ।
ସହସ୍ରୈର୍ନାମର୍ଭିର୍ଦିଵ୍ୟୈସ୍ତ୍ରୈଲୋକ୍ୟ ପ୍ରଣିପୂଜିତୈଃ ॥ ୧୪ ॥
ସ୍ତଵେନାନେନ ସନ୍ତୁଷ୍ଟା ମାମେଵ ପ୍ରତିଵେଶ ସା ।
ତଦାରଭ୍ୟ ମୟା ପ୍ରାପ୍ତମୈଶ୍ଵର୍ୟଂ ପଦମୁତ୍ତମମ୍ ॥ ୧୫ ॥
ତତ୍ପ୍ରଭାଵାନ୍ମୟା ସୃଷ୍ଟଂ ଜଗଦେତଚ୍ଚରାଚରମ୍ ।
ସସୁରାସୁରଗନ୍ଧର୍ଵୟକ୍ଷରାକ୍ଷସମାନଵମ୍ ॥ ୧୬ ॥
ସପନ୍ନଗଂ ସାଚ୍ଛିକଂ ଚ ସଶୈଲଵନକାନନମ୍ ।
ସରାଶିଗ୍ରହନକ୍ଷତ୍ରଂ ପଞ୍ଚଭୂତଗୁଣାନ୍ଵିତମ୍ ॥ ୧୭ ॥
ନନ୍ଦିନ୍ନାମ ସହସ୍ରେଣ ସ୍ତଵେନାନେନ ସର୍ଵଦା ।
ସ୍ତୌମ୍ୟହଂ ପରାପରାଶକ୍ତିଂ ମମାନୁଗ୍ରହକାରିଣୀମ୍ ॥ ୧୮ ॥
ଇତ୍ୟୁକ୍ତ୍ଵୋପରତଂ ଦେଵଂ ଚରାଚରଗୁରୁଂ ଵିଭୁମ୍ ।
ପ୍ରଣମ୍ୟ ଶିରସା ନନ୍ଦୀ ପ୍ରୋଵାଚ ପରମେଶ୍ଵରମ୍ ॥ ୧୯ ॥
ଶ୍ରୀନନ୍ଦିକେଶ୍ଵର ଉଵାଚ ।
ଭଗଵନ୍ଦେଵଦେଵେଶ ଲୋକନାଥ ଜଗତ୍ପତେ ।
ଭକ୍ତୋଽସ୍ମି ତଵ ଦାସୋଽସ୍ମି ପ୍ରସାଦଃ କ୍ରିୟତାଂ ମୟି ॥ ୨୦ ॥
ଦେଵ୍ୟାଃ ସ୍ତଵମିଦଂ ପୁଣ୍ୟଂ ଦୁର୍ଲଭଂ ୟତ୍ସୁରୈରପି ।
ଶ୍ରୋତୁମିଚ୍ଛାମ୍ୟହଂ ଦେଵ ପ୍ରଭାଵମପି ଚାସ୍ୟ ତୁ ॥ ୨୧ ॥
ଶୃଣୁ ନନ୍ଦିନ୍ମହାଭାଗ ସ୍ତଵରାଜମିମଂ ଶୁଭମ୍ ।
ସହସ୍ରୈର୍ନାମର୍ଭିର୍ଦିଵ୍ୟୈଃ ସିଦ୍ଧିଦଂ ସୁଖମୋକ୍ଷଦମ୍ ॥ ୨୨ ॥
ଶୁଚିଭିଃ ପ୍ରାତରୁତ୍ଥାୟ ପଠିତଵ୍ୟଂ ସମାହିତୈଃ ।
ତ୍ରିକାଲଂ ଶ୍ରଦ୍ଧୟା ୟୁକ୍ତୈର୍ନାତଃ ପରତରଃ ସ୍ତଵ; ॥ ୨୩ ॥
ଓଂ ଅସ୍ୟଶ୍ରୀଭଵାନୀନାମସହସ୍ରସ୍ତଵରାଜସ୍ୟ,
ଶ୍ରୀଭଗଵାନ୍ମହାଦେଵ ଋଷିଃ,ଅନୁଷ୍ଟୁପ୍ଛନ୍ଦଃ,
ଆଦ୍ୟା ଶକ୍ତିଃ ଶ୍ରୀଭଗଵତୀ ଭଵାନୀ ଦେଵତା,
ହ୍ରୀଂ ବୀଜଂ, ଶ୍ରୀଂ ଶକ୍ତିଃ, କ୍ଲୀଂ କୀଲକଂ,
ଶ୍ରୀଭଗଵତୀଭଵାନୀପ୍ରୀତ୍ୟର୍ଥେ ଜପେ ଵିନିୟୋଗଃ ।
ଅଥ ଧ୍ୟାନମ୍
ଅର୍ଧେନ୍ଦୁମୌଲିମମଲାମମରାଭିଵନ୍ଦ୍ୟାମମ୍ଭୋଜପାଶସୃଣିରକ୍ତକପାଲହସ୍ତାମ୍ ।
ରକ୍ତାଙ୍ଗରାଗରସନାଭରଣାନ୍ତ୍ରିନେତ୍ରାନ୍ଧ୍ୟାୟେଚ୍ଛିଵସ୍ୟଵନିତାଂ ଵିହ୍ଵଲାଙ୍ଗୀମ୍ ॥ ୧ ॥
ଓଂ ବାଲାର୍କମଣ୍ଡଲାଭାସାଂ ଚତୁର୍ଵାହୁଂ ତ୍ରିଲୋଚନାମ୍ ।
ପାଶାଙ୍କୁଶଶରଂ ଚାପଂ ଧାରୟନ୍ତୀଂ ଶିଵାଂ ଭଜେ ॥ ୨ ॥
ଓଂ ମହାଵିଦ୍ୟା ଜଗନ୍ମାତା ମହାଲକ୍ଷ୍ମୀଃ ଶିଵପ୍ରିୟା ।
ଵିଷ୍ଣୁମାୟା ଶୁଭା ଶାନ୍ତା ସିଦ୍ଧାସିଦ୍ଧସରସ୍ଵତୀ ॥ ୧ ॥
କ୍ଷମା କାନ୍ତିଃ ପ୍ରଭା ଜ୍ୟୋତ୍ସ୍ନା ପାର୍ଵତୀ ସର୍ଵମଙ୍ଗଲା ।
ହିଙ୍ଗୁଲା ଚଣ୍ଡିକା ଦାନ୍ତା ପଦ୍ମା ଲକ୍ଷ୍ମୀର୍ହରିପ୍ରିୟା ॥ ୨ ॥
ତ୍ରିପୁରା ନନ୍ଦିନୀ ନନ୍ଦା ସୁନନ୍ଦା ସୁରଵନ୍ଦିତା ।
ୟଜ୍ଞଵିଦ୍ୟା ମହାମାୟା ଵେଦମାତା ସୁଧାଧୃତିଃ ॥ ୩ ॥
ପ୍ରୀତିପ୍ରଦା ପ୍ରସିଦ୍ଧା ଚ ମୃଡାନୀ ଵିନ୍ଧ୍ୟଵାସିନୀ ।
ସିଦ୍ଧଵିଦ୍ୟା ମହାଶକ୍ତିଃ ପୃଥିଵୀ ନାରଦସେଵିତା ॥ ୪ ॥
ପୁରୁହୂତପ୍ରିୟା କାନ୍ତା କାମିନୀ ପଦ୍ମଲୋଚନା ।
ପ୍ରଲ୍ହାଦିନୀ ମହାମାତା ଦୁର୍ଗା ଦୁର୍ଗତିନାଶିନୀ ॥ ୫ ॥
ଜ୍ଵାଲାମୁଖୀ ସୁଗୋତ୍ରା ଚ ଜ୍ୟୋତିଃ କୁମୁଦଵାସିନୀ ।
ଦୁର୍ଗମା ଦୁର୍ଲଭା ଵିଦ୍ୟା ସ୍ଵର୍ଗତିଃ ପୁରଵାସିନୀ ॥ ୬ ॥
ଅପର୍ଣା ଶାମ୍ବରୀ ମାୟା ମଦିରାମୃଦୁହାସିନୀ ।
କୁଲଵାଗୀଶ୍ଵରୀ ନିତ୍ୟା ନିତ୍ୟକ୍ଲିନ୍ନା କୃଶୋଦରୀ ॥ ୭ ॥
କାମେଶ୍ଵରୀ ଚ ନୀଲା ଚ ଭିରୁଣ୍ଡା ଵହ୍ରିଵାସିନୀ ।
ଲମ୍ବୋଦରୀ ମହାକାଲୀ ଵିଦ୍ୟାଵିଦ୍ୟେଶ୍ଵରୀ ତଥା ॥ ୮ ॥
ନରେଶ୍ଵରୀ ଚ ସତ୍ୟା ଚ ସର୍ଵସୌଭାଗ୍ୟଵର୍ଧିନୀ ।
ସଙ୍କର୍ଷିଣୀ ନାରସିଂହୀ ଵୈଷ୍ଣଵୀ ଚ ମହୋଦରୀ ॥ ୯ ॥
କାତ୍ୟାୟନୀ ଚ ଚମ୍ପା ଚ ସର୍ଵସମ୍ପତ୍ତିକାରିଣୀ ।
ନାରାୟଣୀ ମହାନିଦ୍ରା ୟୋଗନିଦ୍ରା ପ୍ରଭାଵତୀ ॥ ୧୦ ॥
ପ୍ରଜ୍ଞା ପାରମିତାପ୍ରାଜ୍ଞା ତାରା ମଧୁମତୀ ମଧୁଃ ।
କ୍ଷୀରାର୍ଣଵସୁଧାହାରା କାଲିକା ସିଂହଵାହନା ॥ ୧୧ ॥
ଓଂକାରା ଚ ସୁଧାକାରା ଚେତନା କୋପନାକୃତିଃ ।
ଅର୍ଧବିନ୍ଦୁଧରାଧାରା ଵିଶ୍ଵମାତା କଲାଵତୀ ॥ ୧୨ ॥
ପଦ୍ମାଵତୀ ସୁଵସ୍ତ୍ରା ଚ ପ୍ରବୁଦ୍ଧା ଚ ସରସ୍ଵତୀ ।
କୁଣ୍ଡାସନା ଜଗଦ୍ଵାତ୍ରୀ ବୁଦ୍ଧମାତା ଜିନେଶ୍ଵରୀ ॥ ୧୩ ॥
ଜିନମାତା ଜିନେନ୍ଦ୍ରା ଚ ଶାରଦା ହଂସଵାହନା ।
ରାଜଲକ୍ଷ୍ମୀର୍ଵଷଟ୍କାରା ସୁଧାକାରା ସୁଧୋତ୍ସୁକା ॥ ୧୪ ॥
ରାଜନୀତିସ୍ତ୍ରୟୀ ଵାର୍ତା ଦଣ୍ଡନୀତିଃ କ୍ରିୟାଵତୀ ।
ସଦ୍ଭୂତିସ୍ତାରିଣୀ ଶ୍ରଦ୍ଧା ସଦ୍ଗତିଃ ସତ୍ୟପରାୟଣା ॥ ୧୫ ॥
ସିନ୍ଧୁର୍ମନ୍ଦାକିନୀ ଗଙ୍ଗା ୟମୁନା ଚ ସରସ୍ଵତୀ ।
ଗୋଦାଵରୀ ଵିପାଶା ଚ କାଵେରୀ ଚ ଶତହ୍ରଦା ॥ ୧୬ ॥
ସରୟୂଶ୍ଚନ୍ଦ୍ରଭାଗା ଚ କୌଶିକୀ ଗଣ୍ଡକୀ ଶୁଚିଃ ।
ନର୍ମଦା କର୍ମନାଶା ଚ ଚର୍ମଣ୍ଵତୀ ଚ ଵେଦିକା ॥ ୧୭ ॥
ଵେତ୍ରଵତୀ ଵିତସ୍ତା ଚ ଵରଦା ନରଵାହନା ।
ସତୀ ପତିଵ୍ରତା ସାଧ୍ଵୀ ସୁଚକ୍ଷୁଃ କୁଣ୍ଡଵାସିନୀ ॥ ୧୮ ॥
ଏକଚକ୍ଷୁଃ ସହସ୍ରାକ୍ଷୀ ସୁଶ୍ରୋଣିର୍ଭଗମାଲିନୀ ।
ସେନାଶ୍ରୋଣିଃ ପତାକା ଚ ସୁଵ୍ୟୂହା ୟୁଦ୍ଧକାଂକ୍ଷିଣୀ ॥ ୧୯ ॥
ପତାକିନୀ ଦୟାରମ୍ଭା ଵିପଞ୍ଚୀ ପଞ୍ଚମପ୍ରିୟା ।
ପରା ପରକଲାକାନ୍ତା ତ୍ରିଶକ୍ତିର୍ମୋକ୍ଷଦାୟିନୀ ॥ ୨୦ ॥
ଐନ୍ଦ୍ରୀ ମାହେଶ୍ଵରୀ ବ୍ରାହ୍ମୀ କୌମାରୀ କମଲାସନା ।
ଇଚ୍ଛା ଭଗଵତୀ ଶକ୍ତିଃ କାମଧେନୁଃ କୃପାଵତୀ ॥ ୨୧ ॥
ଵଜ୍ରାୟୁଧା ଵଜ୍ରହସ୍ତା ଚଣ୍ଡୀ ଚଣ୍ଡପରାକ୍ରମା ।
ଗୌରୀ ସୁଵର୍ଣଵର୍ଣା ଚ ସ୍ଥିତିସଂହାରକାରିଣୀ ॥ ୨୨ ॥
ଏକାନେକା ମହେଜ୍ୟା ଚ ଶତ ବାହୁର୍ମହାଭୁଜା ।
ଭୁଜଙ୍ଗଭୂଷଣା ଭୂଷା ଷଟ୍ଚକ୍ରାକ୍ରମଵାସିନୀ ॥ ୨୩ ॥
ଷଟ୍ଚକ୍ରଭେଦିନୀ ଶ୍ୟାମା କାୟସ୍ଥା କାୟଵର୍ଜିତା ।
ସୁସ୍ମିତା ସୁମୁଖୀ କ୍ଷାମା ମୂଲପ୍ରକୃତିରୀଶ୍ଵରୀ ॥ ୨୪ ॥
ଅଜା ଚ ବହୁଵର୍ଣା ଚ ପୁରୁଷାର୍ଥପ୍ରର୍ଵତିନୀ ।
ରକ୍ତା ନୀଲା ସିତା ଶ୍ୟାମା କୃଷ୍ଣା ପୀତା ଚ କର୍ବୁରା ॥ ୨୫ ॥
କ୍ଷୁଧା ତୃଷ୍ଣା ଜରା ଵୃଦ୍ଧା ତରୁଣୀ କରୁଣାଲୟା ।
କଲା କାଷ୍ଠା ମୁହୂର୍ତା ଚ ନିମିଷା କାଲରୂପିଣୀ ॥ ୨୬ ॥
ସୁଵର୍ଣରସନା ନାସାଚକ୍ଷୁଃ ସ୍ପର୍ଶଵତୀ ରସା ।
ଗନ୍ଧପ୍ରିୟା ସୁଗନ୍ଧା ଚ ସୁସ୍ପର୍ଶା ଚ ମନୋଗତିଃ ॥ ୨୭ ॥
ମୃଗନାଭିର୍ମୃଗାକ୍ଷୀ ଚ କର୍ପୂରାମୋଦଧାରିଣୀ ।
ପଦ୍ମୟୋନିଃ ସୁକେଶୀ ଚ ସୁଲିଙ୍ଗା ଭଗରୂପିଣୀ ॥ ୨୮ ॥
ୟୋନିମୁଦ୍ରା ମହାମୁଦ୍ରା ଖେଚରୀ ଖଗଗାମିନୀ ।
ମଧୁଶ୍ରୀର୍ମାଧଵୀ ଵଲ୍ଲୀ ମଧୁମତ୍ତା ମଦୋଦ୍ଧତା ॥ ୨୯ ॥
ମାତଙ୍ଗୀ ଶୁକହସ୍ତା ଚ ପୁଷ୍ପବାଣେକ୍ଷୁଚାପିନୀ ।
ରକ୍ତାମ୍ବରଧରାକ୍ଷୀବା ରକ୍ତପୁଷ୍ପାଵତଂସିନୀ ॥ ୩୦ ॥
ଶୁଭ୍ରାମ୍ବରଧରା ଧୀରା ମହାଶ୍ଵେତା ଵସୁପ୍ରିୟା ।
ସୁଵେଣୀ ପଦ୍ମହସ୍ତା ଚ ମୁକ୍ତାହାରଵିଭୂଷଣା ॥ ୩୧ ॥
କର୍ପୂରାମୋଦନିଃଶ୍ଵାସା ପଦ୍ମିନୀ ପଦ୍ମମନ୍ଦିରା ।
ଖଡ୍ଗିନୀ ଚକ୍ରହସ୍ତା ଚ ଭୁଶୁଣ୍ଡୀ ପରିଘାୟୁଧା ॥ ୩୨ ॥
ଚାପିନୀ ପାଶହସ୍ତା ଚ ତ୍ରିଶୂଲଵରଧାରିଣୀ ।
ସୁବାଣା ଶକ୍ତିହସ୍ତା ଚ ମୟୂରଵରଵାହନା ॥ ୩୩ ॥
ଵରାୟୁଧଧରା ଵୀରା ଵୀରପାନମଦୋତ୍କଟା ।
ଵସୁଧା ଵସୁଧାରା ଚ ଜୟା ଶାକମ୍ଭରୀ ଶିଵା ॥ ୩୪ ॥
ଵିଜୟା ଚ ଜୟନ୍ତୀ ଚ ସୁସ୍ତନୀ ଶତ୍ରୁନାଶିନୀ ।
ଅନ୍ତର୍ଵତୀ ଵେଦଶକ୍ତିର୍ଵରଦା ଵରଧାରିଣୀ ॥ ୩୫ ॥
ଶୀତଲା ଚ ସୁଶୀଲା ଚ ବାଲଗ୍ରହଵିନାଶିନୀ ।
କୌମାରୀ ଚ ସୁପର୍ଣା ଚ କାମାଖ୍ୟା କାମଵନ୍ଦିତା ॥ ୩୬ ॥
ଜାଲନ୍ଧରଧରାନନ୍ତା କାମରୂପନିଵାସିନୀ ।
କାମବୀଜଵତୀ ସତ୍ୟା ସତ୍ୟମାର୍ଗପରାୟଣା ॥ ୩୭ ॥
ସ୍ଥୂଲମାର୍ଗସ୍ଥିତା ସୂକ୍ଷ୍ମା ସୂକ୍ଷ୍ମବୁଦ୍ଧିପ୍ରବୋଧିନୀ ।
ଷଟ୍କୋଣା ଚ ତ୍ରିକୋଣା ଚ ତ୍ରିନେତ୍ରା ତ୍ରିପୁରସୁନ୍ଦରୀ ॥ ୩୮ ॥
ଵୃଷପ୍ରିୟା ଵୃଷାରୂଢା ମହିଷାସୁରଘାତିନୀ ।
ଶୁମ୍ଭଦର୍ପହରା ଦୀପ୍ତା ଦୀପ୍ତପାଵକସନ୍ନିଭା ॥ ୩୯ ॥
କପାଲଭୂଷଣା କାଲୀ କପାଲାମାଲ୍ୟଧାରିଣୀ ।
କପାଲକୁଣ୍ଡଲା ଦୀର୍ଘା ଶିଵଦୂତୀ ଘନଧ୍ଵନିଃ ॥ ୪୦ ॥
ସିଦ୍ଧିଦା ବୁଦ୍ଧିଦା ନିତ୍ୟା ସତ୍ୟମାର୍ଗପ୍ରବୋଧିନୀ ।
କମ୍ବୁଗ୍ରୀଵାଵସୁମତୀ ଛତ୍ରଚ୍ଛାୟା କୃତାଲୟା ॥ ୪୧ ॥
ଜଗଦ୍ଗର୍ଭା କୁଣ୍ଡଲିନୀ ଭୁଜଗାକାରଶାୟିନୀ ।
ପ୍ରୋଲ୍ଲସତ୍ସପ୍ତପଦ୍ମା ଚ ନାଭିନାଲମୃଣାଲିନୀ ॥ ୪୨ ॥
ମୂଲାଧାରା ନିରାକାରା ଵହ୍ରିକୁଣ୍ଡକୃତାଲୟା ।
ଵାୟୁକୁଣ୍ଡସୁଖାସୀନା ନିରାଧାରା ନିରାଶ୍ରୟା ॥ ୪୩ ॥
ଶ୍ଵାସୋଚ୍ଛଵାସଗତିର୍ଜୀଵା ଗ୍ରାହିଣୀ ଵହ୍ନିସଂଶ୍ରୟା ।
ଵଲ୍ଲୀତନ୍ତୁସମୁତ୍ଥାନା ଷଡ୍ରସା ସ୍ଵାଦଲୋଲୁପା ॥ ୪୪ ॥
ତପସ୍ଵିନୀ ତପଃସିଦ୍ଧି ସ୍ସପ୍ତଧା ସିଦ୍ଧିଦାୟିନୀ ।
ତପୋନିଷ୍ଠା ତପୋୟୁକ୍ତାଃ ତାପସୀ ଚ ତପଃପ୍ରିୟା ॥ ୪୫ ॥
ସପ୍ତଧାତୁର୍ମୟୀର୍ମୂତିଃ ସପ୍ତଧାତ୍ଵନ୍ତରାଶ୍ରୟା ।
ଦେହପୁଷ୍ଟିର୍ମନଃପୁଷ୍ଟିରନ୍ନପୁଷ୍ଟିର୍ବଲୋଦ୍ଧତା ॥ ୪୬ ॥
ଔଷଧୀ ଵୈଦ୍ୟମାତା ଚ ଦ୍ରଵ୍ୟଶକ୍ତିପ୍ରଭାଵିନୀ ।
ଵୈଦ୍ୟା ଵୈଦ୍ୟଚିକିତ୍ସା ଚ ସୁପଥ୍ୟା ରୋଗନାଶିନୀ ॥ ୪୭ ॥
ମୃଗୟା ମୃଗମାଂସାଦା ମୃଗତ୍ଵଙ୍ ମୃଗଲୋଚନା ।
ଵାଗୁରାବନ୍ଧରୂପା ଚ ବନ୍ଧରୂପାଵଧୋଦ୍ଧତା ॥ ୪୮ ॥
ବନ୍ଦୀ ବନ୍ଦିସ୍ତୁତା କାରାଗାରବନ୍ଧଵିମୋଚିନୀ ।
ଶୃଙ୍ଖଲା କଲହା ବଦ୍ଧା ଦୃଢବନ୍ଧଵିମୋକ୍ଷିଣୀ ॥ ୪୯ ॥
ଅମ୍ବିକାମ୍ବାଲିକା ଚାମ୍ବା ସ୍ଵଚ୍ଛା ସାଧୁଜର୍ନାଚିତା ।
କୌଲିକୀ କୁଲଵିଦ୍ୟା ଚ ସୁକୁଲା କୁଲପୂଜିତା ॥ ୫୦ ॥
କାଲଚକ୍ରଭ୍ରମା ଭ୍ରାନ୍ତା ଵିଭ୍ରମାଭ୍ରମନାଶିନୀ ।
ଵାତ୍ୟାଲୀ ମେଘମାଲା ଚ ସୁଵୃଷ୍ଟିଃ ସସ୍ୟର୍ଵଧିନୀ ॥ ୫୧ ॥
ଅକାରା ଚ ଇକାରା ଚ ଉକାରୌକାରରୂପିଣୀ ।
ହ୍ରୀଙ୍କାର ବୀଜରୂପା ଚ କ୍ଲୀଙ୍କାରାମ୍ବରଵାସିନୀ ॥ ୫୨ ॥
ସର୍ଵାକ୍ଷରମୟୀଶକ୍ତିରକ୍ଷରା ଵର୍ଣମାଲିନୀ ।
ସିନ୍ଦୂରାରୁଣଵର୍ଣା ଚ ସିନ୍ଦୂରତିଲକପ୍ରିୟା ॥ ୫୩ ॥
ଵଶ୍ୟା ଚ ଵଶ୍ୟବୀଜା ଚ ଲୋକଵଶ୍ୟଵିଭାଵିନୀ ।
ନୃପଵଶ୍ୟା ନୃପୈଃ ସେଵ୍ୟା ନୃପଵଶ୍ୟକରପ୍ରିୟା ॥ ୫୪ ॥
ମହିଷା ନୃପମାନ୍ୟା ଚ ନୃପାନ୍ୟା ନୃପନନ୍ଦିନୀ ।
ନୃପଧର୍ମମୟୀ ଧନ୍ୟା ଧନଧାନ୍ୟଵିଵର୍ଧିନୀ ॥ ୫୫ ॥
ଚତୁର୍ଵର୍ଣମୟୀମୂର୍ତିଶ୍ଚତୁର୍ଵଣୈଂଶ୍ଚ ପୂଜିତା ।
ସର୍ଵଧର୍ମମୟୀସିଦ୍ଧି ଶ୍ଚତୁରାଶ୍ରମଵାସିନୀ ॥ ୫୬ ॥
ବ୍ରାହ୍ମଣୀ କ୍ଷତ୍ରିୟା ଵୈଶ୍ୟା ଶୂଦ୍ରା ଚାଵରଵର୍ଣଜା ।
ଵେଦମାର୍ଗରତା ୟଜ୍ଞା ଵେଦିର୍ଵିଶ୍ଵଵିଭାଵିନୀ ॥ ୫୭ ॥
ଅନୁଶସ୍ତ୍ରମୟୀ ଵିଦ୍ୟା ଵରଶସ୍ତ୍ରାସ୍ତ୍ରଧାରିଣୀ ।
ସୁମେଧା ସତ୍ୟମେଧା ଚ ଭଦ୍ରକାଲ୍ୟପରାଜିତା ॥ ୫୮ ॥
ଗାୟତ୍ରୀ ସତ୍କୃତିଃ ସନ୍ଧ୍ୟା ସାଵିତ୍ରୀ ତ୍ରିପଦାଶ୍ରୟା ।
ତ୍ରିସନ୍ଧ୍ୟା ତ୍ରିପଦୀ ଧାତ୍ରୀ ସୁପର୍ଵା ସାମଗାୟିନୀ ॥ ୫୯ ॥
ପାଞ୍ଚାଲୀ ବାଲିକା ବାଲା ବାଲକ୍ରୀଡା ସନାତନୀ ।
ଗର୍ଭାଧାରଧରାଶୂନ୍ୟା ଗର୍ଭାଶୟନିଵାସିନୀ ॥ ୬୦ ॥
ସୁରାରିଘାତିନୀ କୃତ୍ୟା ପୂତନା ଚ ତିଲୋତ୍ତମା ।
ଲଜ୍ଜା ରସଵତୀ ନନ୍ଦା ଭଵାନୀ ପାପନାଶିନୀ ॥ ୬୧ ॥
ପଟ୍ଟାମ୍ବରଧରା ଗୀତିଃ ସୁଗୀତିର୍ଜ୍ଞାନଗୋଚରା ।
ସପ୍ତସ୍ଵରମୟୀ ତନ୍ତ୍ରୀ ଷଡ୍ଜମଧ୍ୟମଧୈଵତା ॥ ୬୨ ॥
ମୂର୍ଛନା ଗ୍ରାମସଂସ୍ଥାନା ମୂର୍ଛା ସୁସ୍ଥାନଵାସିନୀ ।
ଅଟ୍ଟାଟ୍ଟହାସିନୀ ପ୍ରେତା ପ୍ରେତାସନନିଵାସିନୀ ॥ ୬୩ ॥
ଗୀତନୃତ୍ୟପ୍ରିୟା କାମା ତୁଷ୍ଟିଦା ପୁଷ୍ଟିଦା କ୍ଷମା ।
ନିଷ୍ଠା ସତ୍ୟପ୍ରିୟା ପ୍ରାଜ୍ଞା ଲୋଲାକ୍ଷୀ ଚ ସୁରୋତ୍ତମା ॥ ୬୪ ॥
ସଵିଷା ଜ୍ଵାଲିନୀ ଜ୍ଵାଲା ଵିଶ୍ଵମୋହାର୍ତିନାଶିନୀ ।
ଶତମାରୀ ମହାଦେଵୀ ଵୈଷ୍ଣଵୀ ଶତପତ୍ରିକା ॥ ୬୫ ॥
ଵିଷାରିର୍ନାଗଦମନୀ କୁରୁକୁଲ୍ଲ୍ୟାଽମୃତୋଦ୍ଭଵା ।
ଭୂତଭୀତିହରାରକ୍ଷା ଭୂତାଵେଶଵିନାଶିନୀ ॥ ୬୬ ॥
ରକ୍ଷୋଘ୍ନୀ ରାକ୍ଷସୀ ରାତ୍ରିର୍ଦୀର୍ଘନିଦ୍ରା ନିଵାରିଣୀ ।
ଚନ୍ଦ୍ରିକା ଚନ୍ଦ୍ରକାନ୍ତିଶ୍ଚ ସୂର୍ୟକାନ୍ତିର୍ନିଶାଚରୀ ॥ ୬୭ ॥
ଡାକିନୀ ଶାକିନୀ ଶିଷ୍ୟା ହାକିନୀ ଚକ୍ରଵାକିନୀ ।
ଶୀତା ଶୀତପ୍ରିୟା ସ୍ଵଙ୍ଗା ସକଲା ଵନଦେଵତା ॥ ୬୮ ॥
ଗୁରୁରୂପଧରା ଗୁର୍ଵୀ ମୃତ୍ୟୁର୍ମାରୀ ଵିଶାରଦା ।
ମହାମାରୀ ଵିନିଦ୍ରା ଚ ତନ୍ଦ୍ରା ମୃତ୍ୟୁଵିନାଶିନୀ ॥ ୬୯ ॥
ଚନ୍ଦ୍ରମଣ୍ଡଲସଙ୍କାଶା ଚନ୍ଦ୍ରମଣ୍ଡଲଵାସିନୀ ।
ଅଣିମାଦିଗୁଣୋପେତା ସୁସ୍ପୃଅହା କାମରୂପିଣୀ ॥ ୭୦ ॥
ଅଷ୍ଟସିଦ୍ଧିପ୍ରଦା ପ୍ରୌଢା ଦୁଷ୍ଟଦାନଵଘାତିନୀ ।
ଅନାଦିନିଧନା ପୁଷ୍ଟିଶ୍ଚତୁର୍ବାହୁଶ୍ଚତୁର୍ମୁଖୀ ॥ ୭୧ ॥
ଚତୁସ୍ସମୁଦ୍ରଶୟନା ଚତୁର୍ଵର୍ଗଫଲପ୍ରଦା ।
କାଶପୁଷ୍ପପ୍ରତୀକାଶା ଶରତ୍କୁମୁଦଲୋଚନା ॥ ୭୨ ॥
ସୋମସୂର୍ୟାଗ୍ନିନୟନା ବ୍ରହ୍ମଵିଷ୍ଣୁଶିର୍ଵାର୍ଚିତା ।
କଲ୍ୟାଣୀକମଲା କନ୍ୟା ଶୁଭା ମଙ୍ଗଲଚଣ୍ଡିକା ॥ ୭୩ ॥
ଭୂତା ଭଵ୍ୟା ଭଵିଷ୍ୟା ଚ ଶୈଲଜା ଶୈଲଵାସିନୀ ।
ଵାମମାର୍ଗରତା ଵାମା ଶିଵଵାମାଙ୍ଗଵାସିନୀ ॥ ୭୪ ॥
ଵାମାଚାରପ୍ରିୟା ତୁଷ୍ଟିର୍ଲୋଂପାମୁଦ୍ରା ପ୍ରବୋଧିନୀ ।
ଭୂତାତ୍ମା ପରମାତ୍ମା ଭୂତଭାଵଵିଭାଵିନୀ ॥ ୭୫ ॥
ମଙ୍ଗଲା ଚ ସୁଶୀଲା ଚ ପରମାର୍ଥପ୍ରବୋଧିନୀ ।
ଦକ୍ଷିଈଣା ଦକ୍ଷିଣାମୂର୍ତିଃ ସୁଦୀକ୍ଷା ଚ ହରିପ୍ରସୂଃ ॥ ୭୬ ॥
ୟୋଗିନୀ ୟୋଗୟୁକ୍ତା ଚ ୟୋଗାଙ୍ଗ ଧ୍ୟାନଶାଲିନୀ ।
ୟୋଗପଟ୍ଟଧରା ମୁକ୍ତା ମୁକ୍ତାନାଂ ପରମା ଗତିଃ ॥ ୭୭ ॥
ନାରସ୍ଂଇହୀ ସୁଜନ୍ମା ଚ ତ୍ରିଵର୍ଗଫଲଦାୟିନୀ ।
ଧର୍ମଦା ଧନଦା ଚୈଵ କାମଦା ମୋକ୍ଷଦାଦ୍ୟୁତିଃ ॥ ୭୮ ॥
ସାକ୍ଷିଣୀ କ୍ଷଣଦା କାଂକ୍ଷା ଦକ୍ଷଜା କୂଟରୂପିଣୀ ।
ଋଅତୁଃ କାତ୍ୟାୟନୀ ସ୍ଵଚ୍ଛା ସୁଚ୍ଛନ୍ଦା କଵିପ୍ରିୟା ॥ ୭୯ ॥
ସତ୍ୟାଗମା ବହିଃସ୍ଥା ଚ କାଵ୍ୟଶକ୍ତିଃ କଵିତ୍ଵଦା ।
ମୀନପୁତ୍ରୀ ସତୀ ସାଧ୍ଵୀ ମୈନାକଭଗିନୀ ତଡିତ୍ ॥ ୮୦ ॥
ସୌଦାମିନୀ ସୁଦାମା ଚ ସୁଧାମା ଧାମଶାଲିନୀ ।
ସୌଭାଗ୍ୟଦାୟିନୀ ଦ୍ୟୌଶ୍ଚ ସୁଭଗା ଦ୍ୟୁତିଵର୍ଧିନୀ ॥ ୮୧ ॥
ଶ୍ରୀକୃତ୍ତିଵସନା ଚୈଵ କଙ୍କାଲୀ କଲିନାଶିନୀ ।
ରକ୍ତବୀଜଵଧୋଦ୍ୟୁକ୍ତା ସୁତନ୍ତୁର୍ବୀଜସନ୍ତତିଃ ॥ ୮୨ ॥
ଜଗଜ୍ଜୀଵା ଜଗଦ୍ବୀଜା ଜଗତ୍ରୟହିତୈଷିଣୀ ।
ଚାମୀକରରୁଚିଶ୍ଚନ୍ଦ୍ରୀ ସାକ୍ଷାଦ୍ୟା ଷୋଡଶୀ କଲା ॥ ୮୩ ॥
ୟତ୍ତତ୍ପଦାନୁବନ୍ଧା ଚ ୟକ୍ଷିଣୀ ଧନଦାର୍ଚିତା ।
ଚିତ୍ରିଣୀ ଚିତ୍ରମାୟା ଚ ଵିଚିତ୍ରା ଭୁଵନେଶ୍ଵରୀ ॥ ୮୪ ॥
ଚାମୁଣ୍ଡା ମୁଣ୍ଡହସ୍ତା ଚ ଚଣ୍ଡମୁଣ୍ଡଵଧୋଦ୍ୟତା ।
ଅଷ୍ଟମ୍ୟେକାଦଶୀ ପୂର୍ଣା ନଵମୀ ଚ ଚତୁର୍ଦଶୀ ॥ ୮୫ ॥
ଉମା କଲଶହସ୍ତା ଚ ପୂର୍ଣକୁମ୍ଭପୟୋଧରା ।
ଅଭୀରୂର୍ଭୈରଵୀ ଭୀରୂ ଭୀମା ତ୍ରିପୁରଭୈରଵୀ ॥ ୮୬ ॥
ମହାଚଣ୍ଡୀ ଚ ରୌଦ୍ରୀ ଚ ମହାଭୈରଵପୂଜିତା ।
ନିର୍ମୁଣ୍ଡା ହସ୍ତିନୀଚଣ୍ଡା କରାଲଦଶନାନନା ॥ ୮୭ ॥
କରାଲା ଵିକରାଲା ଚ ଘୋରା ଘୁର୍ଘୁରନାଦିନୀ ।
ରକ୍ତଦନ୍ତୋର୍ଧ୍ଵକେଶୀ ଚ ବନ୍ଧୂକକୁସୁମାରୁଣା ॥ ୮୮ ॥
କାଦମ୍ବିନୀ ଵିପାଶା ଚ କାଶ୍ମୀରୀ କୁଙ୍କୁମପ୍ରିୟା ।
କ୍ଷାନ୍ତିର୍ବହୁସୁଵର୍ଣା ଚ ରତିର୍ବହୁସୁଵର୍ଣଦା ॥ ୮୯ ॥
ମାତଙ୍ଗିନୀ ଵରାରୋହା ମତ୍ତମାତଙ୍ଗଗାମିନୀ ।
ହଂସା ହଂସଗତିର୍ହଂସୀ ହଂସୋଜ୍ଵଲଶିରୋରୁହା ॥ ୯୦ ॥
ପୂର୍ଣଚନ୍ଦ୍ରମୁଖୀ ଶ୍ୟାମା ସ୍ମିତାସ୍ୟା ଚ ସୁକୁଣ୍ଡଲା ।
ମହିଷୀ ଚ ଲେଖନୀ ଲେଖା ସୁଲେଖା ଲେଖକପ୍ରିୟା ॥ ୯୧ ॥
ଶଙ୍ଖିନୀ ଶଙ୍ଖହସ୍ତା ଚ ଜଲସ୍ଥା ଜଲଦେଵତା ।
କୁରୁକ୍ଷେତ୍ରାଽଵନିଃ କାଶୀ ମଥୁରା କାଞ୍ଚ୍ୟଵନ୍ତିକା ॥ ୯୨ ॥
ଅୟୋଧ୍ୟା ଦ୍ଵାରିକା ମାୟା ତୀର୍ଥା ତୀର୍ଥକରପ୍ରିୟା ।
ତ୍ରିପୁଷ୍କରାଽପ୍ରମେୟା ଚ କୋଶସ୍ଥା କୋଶଵାସିନୀ ॥ ୯୩ ॥
କୌଶିକୀ ଚ କୁଶାଵର୍ତା କୌଶାମ୍ବୀ କୋଶଵର୍ଧିନୀ ।
କୋଶଦା ପଦ୍ମକୋଶାକ୍ଷୀ କୌସୁମ୍ଭକୁସୁମପ୍ରିୟା ॥ ୯୪ ॥
ତୋତଲା ଚ ତୁଲାକୋଟିଃ କୂଟସ୍ଥା କୋଟରାଶ୍ରୟା ।
ସ୍ଵୟମ୍ଭୂଶ୍ଚ ସୁରୂପା ଚ ସ୍ଵରୂପା ପୁଣ୍ୟଵର୍ଧିନୀ ॥ ୯୫ ॥
ତେଜସ୍ଵିନୀ ସୁଭିକ୍ଷା ଚ ବଲଦା ବଲଦାୟିନୀ ।
ମହାକୋଶୀ ମହାଵାର୍ତା ବୁଦ୍ଧିଃ ସଦସଦାତ୍ମିକା ॥ ୯୬ ॥
ମହାଗ୍ରହହରା ସୌମ୍ୟା ଵିଶୋକା ଶୋକନାଶିନୀ ।
ସାତ୍ଵିକୀ ସତ୍ଵସଂସ୍ଥା ଚ ରାଜସୀ ଚ ରଜୋଵୃତା ॥ ୯୭ ॥
ତାମସୀ ଚ ତମୋୟୁକ୍ତା ଗୁଣତ୍ରୟଵିଭାଵିନୀ ।
ଅଵ୍ୟକ୍ତା ଵ୍ୟକ୍ତରୂପା ଚ ଵେଦଵିଦ୍ୟା ଚ ଶାମ୍ଭଵୀ ॥ ୯୮ ॥
ଶଙ୍କରା କଲ୍ପିନୀ କଲ୍ପା ମନସ୍ସଙ୍କଲ୍ପସନ୍ତତିଃ ।
ସର୍ଵଲୋକମୟୀ ଶକ୍ତିଃ ସର୍ଵଶ୍ରଵଣଗୋଚରା ॥ ୯୯ ॥
ସର୍ଵଜ୍ଞାନଵତୀ ଵାଞ୍ଛା ସର୍ଵତତ୍ତ୍ଵାଵବୋଧିକା ।
ଜାଗ୍ରତିଶ୍ଚ ସୁଷୁପ୍ତିଶ୍ଚ ସ୍ଵପ୍ନାଵସ୍ଥା ତୁରୀୟକା ॥ ୧୦୦ ॥
ସତ୍ଵରା ମନ୍ଦରା ଗତିର୍ମନ୍ଦା ମନ୍ଦିରା ମୋଦଦାୟିନୀ ।
ମାନଭୂମିଃ ପାନପାତ୍ରା ପାନଦାନକରୋଦ୍ୟତା ॥ ୧୦୧ ॥
ଆଧୂର୍ଣାରୂଣନେତ୍ରା ଚ କିଞ୍ଚିଦଵ୍ୟକ୍ତଭାଷିଣୀ ।
ଆଶାପୁରା ଚ ଦୀକ୍ଷା ଚ ଦକ୍ଷା ଦୀକ୍ଷିତପୂଜିତା ॥ ୧୦୨ ॥
ନାଗଵଲ୍ଲୀ ନାଗକନ୍ୟା ଭୋଗିନୀ ଭୋଗଵଲ୍ଲଭା ।
ସର୍ଵଶାସ୍ତ୍ରମୟୀ ଵିଦ୍ୟା ସୁସ୍ମୃତିର୍ଧର୍ମଵାଦିନୀ ॥ ୧୦୩ ॥
ଶ୍ରୁତିସ୍ମୃତିଧରା ଜ୍ୟେଷ୍ଠା ଶ୍ରେଷ୍ଠା ପାତାଲଵାସିନୀ ।
ମୀମାଂସା ତର୍କଵିଦ୍ୟା ଚ ସୁଭକ୍ତିର୍ଭକ୍ତଵତ୍ସଲା ॥ ୧୦୪ ॥
ସୁନାଭିର୍ୟାତନାଜାତିର୍ଗମ୍ଭୀରା ଭାଵଵର୍ଜିତା ।
ନାଗପାଶଧରାମୂର୍ତିରଗାଧା ନାଗକୁଣ୍ଡଲା ॥ ୧୦୫ ॥
ସୁଚକ୍ରା ଚକ୍ରମଧ୍ୟସ୍ଥା ଚକ୍ରକୋଣନିଵାସିନୀ ।
ସର୍ଵମନ୍ତ୍ରମୟୀ ଵିଦ୍ୟା ସର୍ଵମନ୍ତ୍ରାକ୍ଷରାଵଲିଃ ॥ ୧୦୬ ॥
ମଧୁସ୍ତ୍ରଵାସ୍ତ୍ରଵନ୍ତୀ ଚ ଭ୍ରାମରୀ ଭ୍ରମରାଲିକା ।
ମାତୃମଣ୍ଡଲମଧ୍ୟସ୍ଥା ମାତୃମଣ୍ଡଲଵାସିନୀ ॥ ୧୦୭ ॥
କୁମାର ଜନନୀ କ୍ରୂରା ସୁମୁଖୀ ଜ୍ଵରନାଶିନୀ ।
ନିଧାନା ପଞ୍ଚଭୂତାନାଂ ଭଵସାଗରତାରିଣୀ ॥ ୧୦୮ ॥
ଅକ୍ରୂରା ଚ ଗ୍ରହାଵତୀ ଵିଗ୍ରହା ଗ୍ରହଵର୍ଜିତା ।
ରୋହିଣୀ ଭୂମିଗର୍ମା ଚ କାଲଭୂଃ କାଲଵର୍ତିନୀ ॥ ୧୦୯ ॥
କଲଙ୍କରହିତା ନାରୀ ଚତୁଃଷଷ୍ଠ୍ୟଭିଧାଵତୀ ।
ଅତୀତା ଵିଦ୍ୟମାନା ଚ ଭାଵିନୀ ପ୍ରୀତିମଞ୍ଜରୀ ॥ ୧୧୦ ॥
ସର୍ଵସୌଖ୍ୟଵତୀୟୁକ୍ତିରାହାରପରିଣାମିନୀ ।
ଜୀର୍ଣା ଚ ଜୀର୍ଣଵସ୍ରା ଚ ନୂତନା ନଵଵଲ୍ଲଭା ॥ ୧୧୧ ॥
ଅଜରା ଚ ରଜଃପ୍ରୀତା ରତିରାଗଵିଵର୍ଧିନୀ ।
ପଞ୍ଚଵାତଗତିର୍ଭିନ୍ନା ପଞ୍ଚଶ୍ଲେଷ୍ମାଶୟାଧରା ॥ ୧୧୨ ॥
ପଞ୍ଚପିତ୍ତଵତୀଶକ୍ତିଃ ପଞ୍ଚସ୍ଥାନଵିଭାଵିନୀ ।
ଉଦକ୍ୟା ଚ ଵୃଷସ୍ୟନ୍ତୀ ବହିଃ ପ୍ରସ୍ରଵିଣୀ ତ୍ର୍ୟହା ॥ ୧୧୩ ॥
ରଜଃଶୁକ୍ରଧରା ଶକ୍ତିର୍ଜରାୟୁର୍ଗର୍ଭଧାରିଣୀ ।
ତ୍ରିକାଲଜ୍ଞା ତ୍ରିଲିଙ୍ଗା ଚ ତ୍ରିମୂର୍ତିସ୍ତ୍ରିପୁରଵାସିନୀ ॥ ୧୧୪ ॥
ଅରାଗା ଶିଵତତ୍ତ୍ଵା ଚ କାମତତ୍ଵାନୁରାଗିଣୀ ।
ପ୍ରାଚ୍ୟଵାଚୀ ପ୍ରତୀଚୀ ଚ ଦିଗୁଦୀଚୀ ଚ ଦିଗ୍ଵିଦିଗ୍ଦିଶା ॥ ୧୧୫ ॥
ଅହଙ୍କୃତିରହଙ୍କାରା ବାଲା ମାୟା ବଲିପ୍ରିୟା ।
ଶୁକ୍ରଶ୍ରଵା ସାମିଧେନୀ ସୁଶ୍ରଦ୍ଧା ଶ୍ରାଦ୍ଧଦେଵତା ॥ ୧୧୬ ॥
ମାତା ମାତାମହୀ ତୃପ୍ତିଃ ପିତୁମାତା ପିତାମହୀ ।
ସ୍ନୁଷା ଦୌହିତ୍ରିଣୀ ପୁତ୍ରୀ ପୌତ୍ରୀ ନପ୍ତ୍ରୀ ଶିଶୁପ୍ରିୟା ॥ ୧୧୭ ॥
ସ୍ତନଦା ସ୍ତନଧାରା ଚ ଵିଶ୍ଵୟୋନିଃ ସ୍ତନନ୍ଧୟୀ ।
ଶିଶୂତ୍ସଙ୍ଗଧରା ଦୋଲା ଲୋଲା କ୍ରୀଡାଭିନନ୍ଦିନୀ ॥ ୧୧୮ ॥
ଉର୍ଵଶୀ କଦଲୀ କେକା ଵିଶିଖା ଶିଖିଵର୍ତିନୀ ।
ଖଟ୍ଵାଙ୍ଗଧାରିଣୀ ଖଟ୍ଵ ବାଣପୁଙ୍ଖାନୁଵର୍ତିନୀ ॥ ୧୧୯ ॥
ଲକ୍ଷ୍ୟପ୍ରାପ୍ତିକରା ଲକ୍ଷ୍ୟାଲଧ୍ୟା ଚ ଶୁଭଲକ୍ଷଣା ।
ଵର୍ତିନୀ ସୁପଥାଚାରା ପରିଖା ଚ ଖନିର୍ଵୁତିଃ ॥ ୧୨୦ ॥
ପ୍ରାକାରଵଲୟା ଵେଲା ମର୍ୟାଦା ଚ ମହୋଦଧିଃ ।
ପୋଷିଣୀ ଶୋଷିଣୀ ଶକ୍ତିର୍ଦୀର୍ଘକେଶୀ ସୁଲୋମଶା ॥ ୧୨୧ ॥
ଲଲିତା ମାଂସଲା ତନ୍ଵୀ ଵେଦଵେଦାଙ୍ଗଧାରିଣୀ ।
ନରାସୃକ୍ପାନମତ୍ତା ଚ ନରମୁଣ୍ଡାସ୍ଥିଭୂଷଣା ॥ ୧୨୨ ॥
ଅକ୍ଷକ୍ରୀଡାରତିଃ ଶାରି ଶାରିକାଶୁକଭାଷିଣୀ ।
ଶାମ୍ଭରୀ ଗାରୁଡୀଵିଦ୍ୟା ଵାରୁଣୀ ଵରୁଣାର୍ଚିତା ॥ ୧୨୩ ॥
ଵାରାହୀ ତୁଣ୍ଡହସ୍ତା ଚ ଦଂଷ୍ଟ୍ରୋଦ୍ଧୃତଵସୁନ୍ଧରା ।
ମୀନମୂର୍ତିର୍ଧରାମୂର୍ତିଃ ଵଦାନ୍ୟାଽପ୍ରତିମାଶ୍ରୟା ॥ ୧୨୪ ॥
ଅମୂର୍ତା ନିଧିରୂପା ଚ ଶାଲିଗ୍ରାମଶିଲାଶୁଚିଃ ।
ସ୍ମୃତିସଂସ୍କାରରୂପା ଚ ସୁସଂସ୍କାରା ଚ ସଂସ୍କୃତିଃ ॥ ୧୨୫ ॥
ପ୍ରାକୃତା ଦେଶଭାଷା ଚ ଗାଥା ଗୀତିଃ ପ୍ରହେଲିକା ।
ଇଡା ଚ ପିଙ୍ଗଲା ପିଙ୍ଗା ସୁଷୁମ୍ନା ସୂର୍ୟଵାହିନୀ ॥ ୧୨୬ ॥
ଶଶିସ୍ରଵା ଚ ତାଲୁସ୍ଥା କାକିନ୍ୟମୃତଜୀଵିନୀ ।
ଅଣୁରୂପା ବୃହଦ୍ରୂପା ଲଘୁରୂପା ଗୁରୁସ୍ଥିତା ॥ ୧୨୭ ॥
ସ୍ଥାଵରା ଜଙ୍ଗମାଚୈଵ କୃତକର୍ମଫଲପ୍ରଦା ।
ଵିଷୟାକ୍ରାନ୍ତଦେହା ଚ ନିର୍ଵିଶେଷା ଜିତେନ୍ଦ୍ରିୟା ॥ ୧୨୮ ॥
ଚିତ୍ସ୍ଵରୂପା ଚିଦାନନ୍ଦା ପରବ୍ରହ୍ମପ୍ରବୋଧିନୀ ।
ନିର୍ଵିକାରା ଚ ନିର୍ଵୈରା ଵିରତିଃ ସତ୍ୟଵର୍ଦ୍ଧିନୀ ॥ ୧୨୯ ॥
ପୁରୁଷାଜ୍ଞା ଚା ଭିନ୍ନା ଚ କ୍ଷାନ୍ତିଃ କୈଵଲ୍ୟଦାୟିନୀ ।
ଵିଵିକ୍ତସେଵିନୀ ପ୍ରଜ୍ଞା ଜନୟିତ୍ରୀ ଚ ବହୁଶ୍ରୁତିଃ ॥ ୧୩୦ ॥
ନିରୀହା ଚ ସମସ୍ତୈକା ସର୍ଵଲୋକୈକସେଵିତା ।
ଶିଵା ଶିଵପ୍ରିୟା ସେଵ୍ୟା ସେଵାଫଲଵିଵର୍ଦ୍ଧିନୀ ॥ ୧୩୧ ॥
କଲୌ କଲ୍କିପ୍ରିୟା କାଲୀ ଦୁଷ୍ଟମ୍ଲେଚ୍ଛଵିନାଶିନୀ ।
ପ୍ରତ୍ୟଞ୍ଚା ଚ ଧୁନର୍ୟଷ୍ଟିଃ ଖଡ୍ଗଧାରା ଦୁରାନତିଃ ॥ ୧୩୨ ॥
ଅଶ୍ଵପ୍ଲୁତିଶ୍ଚ ଵଲ୍ଗା ଚ ସୃଣିଃ ସ୍ୟନ୍ମୃତ୍ୟୁଵାରିଣୀ ।
ଵୀରଭୂର୍ଵୀରମାତା ଚ ଵୀରସୂର୍ଵୀରନନ୍ଦିନୀ ॥ ୧୩୩ ॥
ଜୟଶ୍ରୀର୍ଜୟଦୀକ୍ଷା ଚ ଜୟଦା ଜୟଵର୍ଦ୍ଧିନୀ ।
ସୌଭାଗ୍ୟସୁଭଗାକାରା ସର୍ଵସୌଭାଗ୍ୟଵର୍ଦ୍ଧିନୀ ॥ ୧୩୪ ॥
କ୍ଷେମଙ୍କରୀ କ୍ଷେମରୂପା ସର୍ତ୍କୀତ୍ତିଃ ପଥିଦେଵତା ।
ସର୍ଵତୀର୍ଥମୟୀମୂର୍ତିଃ ସର୍ଵଦେଵମୟୀପ୍ରଭା ॥ ୧୩୫ ॥
ସର୍ଵସିଦ୍ଧିପ୍ରଦା ଶକ୍ତିଃ ସର୍ଵମଙ୍ଗଲମଙ୍ଗଲା ।
ପୁଣ୍ୟଂ ସହସ୍ରନାମେଦଂ ଶିଵାୟାଃ ଶିଵଭାଷିତମ୍ ॥ ୧୩୬ ॥
ୟଃ ପଠେତ୍ପ୍ରାତରୁତ୍ଥାୟ ଶୁଚିର୍ଭୂତ୍ଵା ସମାହିତଃ ।
ୟଶ୍ଚାପିଶୃଣୁୟାନ୍ନିତ୍ୟଂ ନରୋ ନିଶ୍ଚଲମାନସଃ ॥ ୧୩୭ ॥
ଏକକାଲଂ ଦ୍ଵିକାଲଂ ଵା ତ୍ରିକାଲଂ ଶ୍ରଦ୍ଧୟାନ୍ଵିତଃ ।
ସର୍ଵଦୁଃଖଵିନିର୍ମୁକ୍ତୋ ଧନଧାନ୍ୟସମନ୍ଵିତଃ ॥ ୧୩୮ ॥
ତେଜସ୍ଵୀ ବଲଵାଞ୍ଛୂରଃ ଶୋକରୋଗଵିଵର୍ଜିତଃ ।
ୟଶସ୍ଵୀ କୀର୍ତିମାନ୍ଧନ୍ୟଃ ସୁଭଗୋ ଲୋକପୂଜିତଃ ॥ ୧୩୯ ॥
ରୂପଵାନ୍ଗୁଣସମ୍ପନ୍ନଃ ପ୍ରଭାଵୀର୍ୟସମନ୍ଵିତଃ ।
ଶ୍ରେୟାଂସି ଲଭତେନିତ୍ୟଂ ନିଶ୍ଚଲାଂ ଚ ଶୁଭାଂ ଶ୍ରିୟମ୍ ॥ ୧୪୦ ॥
ସର୍ଵପାପଵିନିର୍ମୁକ୍ତୋ ଲୋଭକ୍ରୋଧ ଵିଵର୍ଜିତଃ ।
ନିତ୍ୟଂ ବନ୍ଧୁସୁତୈର୍ ଦାରୈଃ ପୁତ୍ରପୌତ୍ରୈର୍ମହୋତ୍ସଵୈଃ ॥ ୧୪୧ ॥
ନନ୍ଦିତଃ ସେଵିତୋ ଭୃତ୍ୟୈର୍ବହୁଭିଃ ଶୁଦ୍ଧମାନସୈଃ ।
ଵିଦ୍ୟାନାଂ ପାରଗୋ ଵିପ୍ରଃ କ୍ଷତ୍ରିୟୋ ଵିଜୟୀ ରଣେ । ॥ ୧୪୨ ॥
ଵୈଶ୍ୟସ୍ତୁଧନଲାଭାଢ୍ୟଃ ଶୂଦ୍ରଶ୍ଚସୁଖମେଧତେ ।
ପୁତ୍ରାର୍ଥୀ ଲଭତେ ପୁତ୍ରଂ ଧନାର୍ଥୀ ଲଭତେ ଧନମ୍ ॥ ୧୪୩ ॥
ଇଚ୍ଛାକାମଂ ତୁ କାମାର୍ଥୀ ଧର୍ମାର୍ଥୀ ଧର୍ମମକ୍ଷୟମ୍ ।
କନ୍ୟାର୍ଥୀ ଲଭତେ କନ୍ୟାଂ ରୂପଶୀଲଗୁଣନ୍ଵିତାମ୍ ॥ ୧୪୪ ॥
କ୍ଷେତ୍ରଂ ଚ ବହୁଶସ୍ୟଂ ସ୍ୟାଦ୍ଗାଵସ୍ତୁ ବହୁଦୁଗ୍ଧଦାଃ ।
ନାଶୁଭଂ ନାପଦସ୍ତସ୍ୟ ନ ଭୟଂ ନୃପଶତ୍ରୁଭିଃ ॥ ୧୪୫ ॥
ଜାୟତେ ନା ଶୁଭାବୁଦ୍ଧିର୍ଲଭତେ କୁଲଧୁର୍ୟତାମ୍ ।
ନ ବାଧନ୍ତେ ଗ୍ରହାସ୍ତସ୍ୟ ନ ରକ୍ଷାଂସି ନ ପନ୍ନଗାଃ ॥ ୧୪୬ ॥
ନ ପିଶାଚୋ ନ ଡାକିନ୍ୟୋ ଭୂତଵ୍ୟନ୍ତରଜୃମ୍ଭିକାଃ ।
ବାଲଗ୍ରହାଭିଭୂତାନାଂ ବାଲାନାଂ ଶାନ୍ତିକାରକମ୍ ॥ ୧୪୭ ॥
ଦ୍ଵନ୍ଦ୍ଵାନାଂ ପ୍ରୀତିଭେଦେ ଚ ମୈତ୍ରୀକରଣମୁତ୍ତମମ୍ ।
ଲୋହପାଶୈର୍ଦୃଢୈର୍ବଦ୍ଧୋ ବଦ୍ଧୋ ଵେଶ୍ମନି ଦୁର୍ଗମେ ॥ ୧୪୮ ॥
ତିଷ୍ଠନ୍ ଶୃଣ୍ଵନ୍ପଠେନ୍ମର୍ତ୍ୟୋ ମୁଚ୍ୟତେ ନାତ୍ର ସଂଶୟଃ ।
ନ ଦାରାଣାଂ ନ ପୁତ୍ରାଣାଂ ନ ବନ୍ଧୂନାଂ ନ ମିତ୍ରଜମ୍ ॥ ୧୪୯ ॥
ପଶ୍ୟନ୍ତି ନହି ତେ ଶୋକଂ ହି ଵିୟୋଗଂ ଚିରଜୀଵିତାମ୍ ।
ଅନ୍ଧସ୍ତୁ ଲଭତେ ଦୃଷ୍ଟିଂ ଚକ୍ଷୁରୋଗୈର୍ନବାଧ୍ୟତେ ॥ ୧୫୦ ॥
ବଧିରଃ ଶ୍ରୁତିମାପ୍ନୋତି ମୂକୋ ଵାଚଂ ଶୁଭାନ୍ନରଃ ।
ଏତଦ୍ଗର୍ଭା ଚ ୟା ନାରୀ ସ୍ଥିରଗର୍ଭା ପ୍ରଜାୟତେ ॥ ୧୫୧ ॥
ସ୍ରାଵଣୀ ବଦ୍ଧଗର୍ଭା ଚ ସୁଖମେଵପ୍ରସୂୟତେ ।
କୁଷ୍ଠିନଃ ଶୀର୍ଣଦେହା ୟେ ଗତକେଶନଖତ୍ଵଚଃ ॥ ୧୫୨ ॥
ପଠନାଚ୍ଛ୍ରଵଣା ଦ୍ଵାପି ଦିଵ୍ୟକାୟା ଭଵନ୍ତି ତେ ।
ୟେ ପଠନ୍ତି ଶତାଵର୍ତଂ ଶୁଚିଷ୍ମନ୍ତୋ ଜିତେନ୍ଦ୍ରିୟାଃ ॥ ୧୫୩ ॥
ଅପୁତ୍ରାଃ ପ୍ରାପ୍ନୁୟୁଃ ପୁତ୍ରାନ୍ ଶୃଣ୍ଵନ୍ତୋଽପି ନ ସଂଶୟଃ ।
ମହାଵ୍ୟାଧି ପରିଗ୍ରସ୍ତାସ୍ତପ୍ତା ୟେ ଵିଵିଧୈର୍ଜ୍ଵରୈଃ ॥ ୧୫୪ ॥
ଭୂତାଭିଷଙ୍ଗ ସଙ୍ଘାତୈଶ୍ଚାର୍ତୁଥିକ ତୃତୀୟକୈଃ ।
ଅନ୍ୟୈଶ୍ଚ ଦାରୁଣୈରୋଗୈଃ ପୀଡ୍ୟମାନାଶ୍ଚ ମାନଵାଃ ॥ ୧୫୫ ॥
ଗତବାଧାଃ ପ୍ରଜାୟନ୍ତେ ମୁକ୍ତାସ୍ତେତୈର୍ନସଂଶୟଃ ।
ଶ୍ରୁତିଗ୍ରନ୍ଥଧରୋବାଲୋ ଦିଵ୍ୟଵାଦୀ କଵୀଶ୍ଵରଃ ॥ ୧୫୬ ॥
ପଠନାଚ୍ଛ୍ରଵଣାଦ୍ଵାପି ଭଵତ୍ୟେଵ ନ ସଂଶୟଃ ।
ଅଷ୍ଟମ୍ୟାଂ ଵା ଚତୁର୍ଦଶ୍ୟାଂ ନଵମ୍ୟାଂ ଚୈକଚେତସଃ ॥ ୧୫୭ ॥
ୟେ ପଠନ୍ତି ସଦାଭକ୍ତ୍ୟା ନ ତେ ଵୈ ଦୁଃଖଭାଗିନଃ ।
ନଵରାତ୍ରଂ ଜିତାହାରୋ ଦୃଢଭକ୍ତିର୍ଜିନ୍ତେନ୍ଦ୍ରିୟଃ ॥ ୧୫୮ ॥
ଚଣ୍ଡିକାୟତନେ ଵିଦ୍ଵାନ୍ଚ୍ଛୁଚିଷ୍ମାନ୍ ମୂର୍ତିସନ୍ନିଧୌ ।
ଏକାକୀ ଚ ଶତାଵର୍ତଂ ପଠନ୍ଧୀରଶ୍ଚ ନିର୍ଭୟଃ ॥ ୧୫୯ ॥
ସାକ୍ଷାଦ୍ଭଗଵତୀ ତସ୍ମୈ ପ୍ରୟଚ୍ଛେଦୀପ୍ସିତଂ ଫଲମ୍ ।
ସିଦ୍ଧପୀଠେ ଗିରୌ ରମ୍ୟେ ସିଦ୍ଧକ୍ଷେତ୍ରେ ସୁରାଲୟେ ॥ ୧୬୦ ॥
ପଠନାତ୍ସାଧକସ୍ୟାଶୁ ସିଦ୍ଧିର୍ଭଵତି ଵାଞ୍ଛିତା ।
ଦଶାଵର୍ତଂ ପଠେନ୍ନିତ୍ୟଂ ଭୂମିଶାୟୀ ନରଃ ଶୁଚିଃ ॥ ୧୬୧ ॥
ସ୍ଵପ୍ନେ ମୂର୍ତିମୟୀଂ ଦେଵୀଂ ଵରଦାଂ ସୋଽପି ପଶ୍ୟତି ।
ଆଵର୍ତନ ସହସ୍ରୈର୍ୟେ ପଠନ୍ତି ପୁରୁଷୋତ୍ତମାଃ ॥ ୧୬୨ ॥
ତେ ସିଦ୍ଧାଃ ସିଦ୍ଧିଦା ଲୋକେ ଶାପାନୁଗ୍ରହଣେ କ୍ଷମାଃ ।
କଵିତ୍ଵଂ ସଂସ୍କୃତେତେଷାଂ ଶାସ୍ରାଣାଂ ଵ୍ୟାକୃତୌ ତତଃ ॥ ୧୬୩ ॥
ଶକ୍ତିଃ ପ୍ରୋନ୍ମୀଲ୍ୟତେ ଶାସ୍ତ୍ରେଷ୍ଵନଧୀତେଷୁ ଭାରତୀ ।
ନଖରାଗଶିରୋରତ୍ନଦ୍ଵିଗୁଣୀକୃତରୋଚିଷଃ ॥ ୧୬୪ ॥
ପ୍ରୟଚ୍ଛନ୍ତଶ୍ଚ ସର୍ଵସ୍ଵଂ ସେଵନ୍ତେ ତାନ୍ମହୀଶ୍ଵରାଃ ।
ରୋଚନାଲିଖିତଂ ଭୂର୍ଜେଂ କୁଙ୍କୁମେନ ଶୁଭେ ଦିନେ ॥ ୧୬୫ ॥
ଧାରୟେଦ୍ୟନ୍ତ୍ରିତଂ ଦେହେ ପୂଜୟିତ୍ଵା କୁମାରିକାମ୍ ।
ଵିପ୍ରାଞ୍ଶ୍ଚ ଵରନାରୀଶ୍ଚ ଧୂପୈଃ କୁସୁମଚନ୍ଦନୈଃ ॥ ୧୬୬ ॥
କ୍ଷୀରଖଣ୍ଡାଜ୍ୟ ଭୋଜ୍ୟୈଶ୍ଚ ପୂଜୟିତ୍ଵା ସୁଭୂଷିତାଃ ।
ଵିଧାୟ ମାତୃକା ନ୍ୟାସଂ ଅଙ୍ଗନ୍ୟାସ ପୁରସ୍ସରମ୍ ॥ ୧୬୭ ॥
ଭୂତଶୁଦ୍ଧି ସମୋପୈତଂ ଶୃଙ୍ଖଲା ନ୍ୟାସମାଚରେତ୍ ।
ୟଥାଵଦାଶାସମ୍ବଦ୍ଧଃ ସାଧକଃ ପ୍ରୀତି ସଂୟୁତଃ ॥ ୧୬୮ ॥
ମୂଲମନ୍ତ୍ରଂ ଜପେଦ୍ଵୀମାନ୍ ପରୟା ସଂୟୁତୋଧିୟା ।
ପ୍ରଣଵଂ ପୂର୍ଵମୁଦ୍ଧୃତ୍ୟ ରମାବୀଜମନୁସ୍ମରନ୍ ॥ ୧୬୯ ॥
ମାୟା କାମୌ ସମୁଚ୍ଚାର୍ୟ ପୁନର୍ଜାୟାଂ ଵିଭାଵସୋଃ ।
ବଧ୍ନନ୍ତିୟେ ମହାରକ୍ଷାଂ ବାଲାନାଂ ଚ ଵିଶେଷତଃ ॥ ୧୭୦ ॥
ଭଵନ୍ତି ନୃପ ପୂଜ୍ୟାସ୍ତେ କୀର୍ତିଭାଜୋ ୟଶସ୍ଵିନଃ ।
ଶତ୍ରୁତୋ ନ ଭୟଂତେଷାଂ ଦୁର୍ଜନେଭ୍ୟୋ ନ ରାଜତଃ ॥ ୧୭୧ ॥
ନ ଚ ରୋଗୋ ନ ଵୈ ଦୁଃଖ ନ ଦାରିଦ୍ର୍ୟଂ ନ ଦୁର୍ଗତିଃ ।
ମହାର୍ଣଵେ ମହାନଦ୍ୟାଂ ସ୍ଥିତେଽପି ଚ ନଭୀଃ କ୍ଵଚିତ୍ ॥ ୧୭୨ ॥
ରଣେ ଦ୍ୟୁତେ ଵିଵାଦେ ଚ ଵିଜୟଂ ପ୍ରାପ୍ନୁଵନ୍ତି ତେ ।
ନୃପାଶ୍ଚ ଵଶ୍ୟତାଂ ୟାନ୍ତି ନୃପମାନ୍ୟାଶ୍ଚ ୟେ ନରାଃ ॥ ୧୭୩ ॥
ସର୍ଵତ୍ର ପୂଜିତା ଲୋକେ ବହୁମାନପୁରସ୍ସରାଃ ।
ରତିରାଗଵିଵୃଦ୍ଧାଶ୍ଚ ଵିହ୍ଵଲାଃ କାମପୀଡିତାଃ ॥ ୧୭୪ ॥
ୟୌଵନାକ୍ରାନ୍ତଦେହା ସ୍ତାଃ ଶ୍ରୟନ୍ତେ ଵାମଲୋଚନାଃ ।
ଲିଖିତଂ ମୂର୍ଧ୍ନିକଣ୍ଠେ ଵା ଧାରୟେଦ୍ୟୋ ରଣେ ଶୁଚିଃ ॥ ୧୭୫ ॥
ଶତଧାୟୁଧ୍ୟମାନଂ ତୁ ପ୍ରତିୟୋଦ୍ଧା ନ ପଶ୍ୟତି ।
କେତୌ ଵା ଦୁନ୍ଦୁଭୌ ୟେଷାଂ ନିବଦ୍ଧଂ ଲିଖିତଂ ରଣେ ॥ ୧୭୬ ॥
ମହାସୈନ୍ୟେ ପରିତ୍ରସ୍ତାନ୍କାନ୍ଦିଶୀକାନ୍ହତୌଜସଃ ।
ଵିଚେତନାନ୍ଵିମୂଢାଂଶ୍ଚ ଶତ୍ରୁକୃତ୍ୟଵିଵର୍ଜିତାନ୍ ॥ ୧୭୭ ॥
ନିର୍ଜିତ୍ୟ ଶତ୍ରୁସଙ୍ଘାସ୍ତେ ଲଭନ୍ତେ ଵିଜୟଂ ଧ୍ରୁଵମ୍ ।
ନାଭିଚାରୋ ନେ ଶାପଶ୍ଚ ବାଣଵୀରାଦିକୀଲନମ୍ ॥ ୧୭୮ ॥
ଡାକିନୀ ପୂତନାକୃତ୍ୟା ମହାମାରୀ ଚ ଶାକିନୀ ।
ଭୂତପ୍ରେତ ପିଶାଚାଶ୍ଚ ରକ୍ଷାଂସି ଵ୍ୟନ୍ତରାଦୟଃ ॥ ୧୭୯ ॥
ନ ଵିଶନ୍ତି ଗୃହେ ଦେହେ ଲିଖିତଂ ୟତ୍ରତିଷ୍ଠତି ।
ନ ଶସ୍ତ୍ରାନଲତୋୟୌଘୈର୍ଭୟଂ ତସ୍ୟୋପଜାୟତେ ॥ ୧୮୦ ॥
ଦୁର୍ଵୃତ୍ତାନାଂ ଚ ପାପାନାଂ ବଲହାନିକରଂ ପରମ୍ ।
ମନ୍ଦୁରାକରିଶାଲାସୁ ଗଵାଂ ଗୋଷ୍ଠେ ସମାହିତଃ ॥ ୧୮୧ ॥
ପଠେତ୍ତଦ୍ଦୋଷଶାନ୍ତ୍ୟର୍ଥଂ କୂଟଂ କପଟନାଶିନୀ ।
ୟମଦୂତାନ୍ନ ପଶ୍ୟନ୍ତି ନ ତେ ନିରୟୟାତନାମ୍ ॥ ୧୮୨ ॥
ପ୍ରାପ୍ନୁଵନ୍ତ୍ୟକ୍ଷୟଂ ଶାନ୍ତଂ ଶିଵଲୋକଂ ସନାତନମ୍ ।
ସର୍ଵବାଧା ସୁଘୋରାଷୁ ସର୍ଵଦୁଃଖନିଵାରଣମ୍ ॥ ୧୮୩ ॥
ସର୍ଵମଙ୍ଗଲକଂ ସ୍ଵର୍ଗ୍ୟଂ ପଠିତଵ୍ୟଂ ସମାହିତୈଃ ।
ଶ୍ରୋତଵ୍ୟଂ ଚ ସଦା ଭକ୍ତ୍ୟା ପରଂ ସ୍ଵସ୍ତ୍ୟୟନଂ ମହତ୍ ॥ ୧୮୪ ॥
ପୁଣ୍ୟଂ ସହସ୍ରନାମେଦମମ୍ବାୟା ରୁଦ୍ରଭାଷିତମ୍ ।
ଚତୁର୍ଵର୍ଗପ୍ରଦଂ ସତ୍ୟଂ ନନ୍ଦିକେନ ପ୍ରକାଶିତମ୍ ॥ ୧୮୫ ॥
ନାତଃ ପରତରୋ ମନ୍ତ୍ରୋ ନାତଃ ପରତରଃ ସ୍ତଵଃ ।
ନାତଃ ପରତରା ଵିଦ୍ୟା ତୀର୍ଥଂ ନାତଃ ପରାତ୍ପରମ୍ ॥ ୧୮୬ ॥
ତେଧନ୍ୟାଃ କୃତପୁଣ୍ୟାସ୍ତେ ତ ଏଵ ଭୁଵି ପୂଜିତାଃ ।
ଏକଵାରଂ ମୁଦା ନିତ୍ୟଂ ୟେଽର୍ଚୟନ୍ତି ମହେଶ୍ଵରୀମ୍ ॥ ୧୮୭ ॥
ଦେଵତାନାଂ ଦେଵତାୟା ବ୍ରହ୍ମାଦ୍ୟୈର୍ୟା ଚ ପୂଜିତା ।
ଭୂୟାତ୍ସା ଵରଦା ଲୋକେ ସାଧୂନାଂ ଵିଶ୍ଵମଙ୍ଗଲା ॥ ୧୮୮ ॥
ଏତାମେଵ ପୁରାରାଦ୍ୟାଂ ଵିଦ୍ୟାଂ ତ୍ରିପୁରଭୈରଵୀମ୍ ।
ତ୍ରୈଲୋକ୍ୟମୋହିନୀରୂପାମକାର୍ଷୀଦ୍ଭଗଵାନ୍ହରିଃ ॥ ୧୮୯ ॥
॥ ଇତି ଶ୍ରୀରୁଦ୍ରୟାମଲେତନ୍ତ୍ରେ ନନ୍ଦିକେଶ୍ଵରସଂଵାଦେ ମହାପ୍ରଭାଵୀ
ଭଵାନୀନାମସହସ୍ରସ୍ତୋତ୍ରଂ ସମ୍ପୂର୍ଣମ୍ ॥