॥ Dattatreyasahasranamastotram 3 Odia Lyrics ॥
॥ ଶ୍ରୀଦତ୍ତସହସ୍ରନାମସ୍ତୋତ୍ରମ୍ ୩ ॥
ଶ୍ରୀଗଣେଶାୟ ନମଃ ।
ଅଥ ଦତ୍ତସହସ୍ରନାମପ୍ରାରମ୍ଭଃ ॥
ଶ୍ରୀଦତ୍ତାତ୍ରେୟାୟ ସଚ୍ଚିଦାନନ୍ଦାୟ ସର୍ଵାନ୍ତରାତ୍ମନେ
ସଦ୍ଗୁରଵେ ପରବ୍ରହ୍ମଣେ ନମଃ ।
କଦାଚିଚ୍ଛଙ୍କରାଚାର୍ୟଶ୍ଚିନ୍ତୟିତ୍ଵା ଦିଵାକରମ୍ ।
କିଂ ସାଧିତଂ ମୟା ଲୋକେ ପୂଜୟା ସ୍ତୁତିଵନ୍ଦନୈଃ ॥ ୧ ॥
ବହୁକାଲେ ଗତେ ତସ୍ୟ ଦତ୍ତାତ୍ରେୟାତ୍ମକୋ ମୁନିଃ ।
ସ୍ଵପ୍ନେ ପ୍ରଦର୍ଶୟାମାସ ସୂର୍ୟରୂପମନୁତ୍ତମମ୍ ॥ ୨ ॥
ଉଵାଚ ଶଙ୍କରଂ ତତ୍ର ପତଦ୍ରୂପମଧାରୟତ୍ ।
ପ୍ରାପ୍ୟସେ ତ୍ଵଂ ସର୍ଵସିଦ୍ଧିକାରଣଂ ସ୍ତୋତ୍ରମୁତ୍ତମମ୍ ॥ ୩ ॥
ଉପଦେକ୍ଷ୍ୟେ ଦତ୍ତନାମସହସ୍ରଂ ଦେଵପୂଜିତମ୍ ।
ଦାତୁଂ ଵକ୍ତୁମଶକ୍ୟଂ ଚ ରହସ୍ୟଂ ମୋକ୍ଷଦାୟକମ୍ ॥ ୪ ॥
ଜପେଷୁ ପୁଣ୍ୟତୀର୍ଥେଷୁ ଚାନ୍ଦ୍ରାୟଣଶତେଷୁ ଚ ।
ୟଜ୍ଞଵ୍ରତାଦିଦାନେଷୁ ସର୍ଵପୁଣ୍ୟଫଲପ୍ରଦମ୍ ॥ ୫ ॥
ଶତଵାରଂ ଜପେନ୍ନିତ୍ୟଂ କର୍ମସିଦ୍ଧିର୍ନ ସଂଶୟଃ ।
ଏକେନୋଚ୍ଚାରମାତ୍ରେଣ ତତ୍ସ୍ଵରୂପଂ ଲଭେନ୍ନରଃ ॥ ୬ ॥
ୟୋଗତ୍ରୟଂ ଚ ଲଭତେ ସର୍ଵୟୋଗାନ୍ନ ସଂଶୟଃ ।
ମାତୃପିତୃଗୁରୂଣାଂ ଚ ହତ୍ୟାଦୋଷୋ ଵିନଶ୍ୟତି ॥ ୭ ॥
ଅନେନ ୟଃ କିମିତ୍ୟୁକ୍ତ୍ଵା ରୌରଵଂ ନରକଂ ଵ୍ରଜେତ୍ ।
ପଠିତଵ୍ୟଂ ଶ୍ରାଵିତଵ୍ୟଂ ଶ୍ରଦ୍ଧାଭକ୍ତିସମନ୍ଵିତୈଃ ॥ ୮ ॥
ସଙ୍କରୀକୃତପାପୈଶ୍ଚ ମଲିନୀକରଣୈରପି ।
ପାପକୋଟିସହସ୍ରୈଶ୍ଚ ମୁଚ୍ୟତେ ନାତ୍ର ସଂଶୟଃ ॥ ୯ ॥
ୟଦ୍ଗୃହେ ସଂସ୍ଥିତଂ ସ୍ତୋତ୍ରଂ ନାମଦତ୍ତସହସ୍ରକମ୍ ।
ସର୍ଵାଵଶ୍ୟାଦିକର୍ମାଣି ସମୁଚ୍ଚାର୍ୟ ଜପେଦ୍ଧ୍ରୁଵମ୍ ॥ ୧୦ ॥
ତତ୍ତତ୍କାର୍ୟଂ ଚ ଲଭତେ ମୋକ୍ଷଵାନ୍ ୟୋଗଵାନ୍ ଭଵେତ୍ ॥
ଓଂ ଅସ୍ୟ ଶ୍ରୀଦତ୍ତାତ୍ରେୟସହସ୍ରନାମସ୍ତୋତ୍ରମନ୍ତ୍ରସ୍ୟ ବ୍ରହ୍ମଋଷିଃ ।
ଅନୁଷ୍ଟୁପ୍ଛନ୍ଦଃ । ଶ୍ରୀଦତ୍ତପୁରୁଷଃ ପରମାତ୍ମା ଦେଵତା।
ଓଂ ହଂସହଂସାୟ ଵିଦ୍ମହେ ଇତି ବୀଜମ୍ । ସୋଽହଂ ସୋଽହଂ ଚ ଧୀମହି ଇତି ଶକ୍ତିଃ।
ହଂସଃ ସୋଽହଂ ଚ ପ୍ରଚୋଦୟାତ୍ ଇତି କୀଲକମ୍ ।
ଶ୍ରୀପରମପୁରୁଷପରମହଂସପରମାତ୍ମପ୍ରୀତ୍ୟର୍ଥେ ଜପେ ଵିନିୟୋଗଃ ॥
ଅଥଃ ନ୍ୟାସଃ ।
ଓଂ ହଂସୋ ଗଣେଶାୟ ଅଙ୍ଗୁଷ୍ଠାମ୍ୟାଂ ନମଃ ।
ଓଂ ହଂସୀ ପ୍ରଜାପତୟେ ତର୍ଜନୀଭ୍ୟାଂ ନମଃ ।
ଓଂ ହଂସୂଂ ମହାଵିଷ୍ଣଵେ ମଧ୍ୟମାଭ୍ୟାଂ ନମଃ ।
ଓଂ ହଂସୈଃ ଶମ୍ଭଵେ ଅନାମିକାଭ୍ୟାଂ ନମଃ ।
ଓଂ ହଂସୌ ଜୀଵାତ୍ମନେ କନିଷ୍ଠିକାମ୍ୟାଂ ନଗଃ ।
ଓଂ ହଂସଃ ପରମାତ୍ମନେ କରତଲକରପୃଷ୍ଠାଭ୍ୟାଂ ନମଃ ।
ଏଵଂ ହୃଦୟାଦିଷଡଙ୍ଗନ୍ୟାସଃ ।
ଓଂ ହଂସଃ ସୋଽହଂ ହଂସଃ ଇତି ଦିଗ୍ବନ୍ଧଃ ॥
ଅଥ ଧ୍ୟାନମ୍ ।
ବାଲାର୍କପ୍ରଭମିନ୍ଦ୍ରନୀଲଜଟିଲଂ ଭସ୍ମାଙ୍ଗରାଗୋଜ୍ଜ୍ଵଲଂ
ଶାନ୍ତଂ ନାଦଵିଲୀନଚିତ୍ତପଵନଂ ଶାର୍ଦୂଲଚର୍ମାମ୍ବରମ୍ ।
ବ୍ରହ୍ମାଦ୍ୟୈଃ ସନକାଦିଭିଃ ପରିଵୃତଂ ସିଦ୍ଧୈର୍ମହାୟୋଗିଭି-
ର୍ଦତ୍ତାତ୍ରେୟମୁପାସ୍ମହେ ହୃଦି ମୁଦା ଧ୍ୟେୟଂ ସଦା ୟୋଗିନାମ୍ ॥ ୧ ॥
ଓଂ ଶ୍ରୀମାନ୍ଦେଵୋ ଵିରୂପାକ୍ଷୋ ପୁରାଣପୁରୁଷୋତ୍ତମଃ ।
ବ୍ରହ୍ମା ପରୋ ୟତୀନାଥୋ ଦୀନବନ୍ଧୁଃ କୃପାନିଧିଃ ॥ ୧ ॥
ସାରସ୍ଵତୋ ମୁନିର୍ମୁଖ୍ୟସ୍ତେଜସ୍ଵୀ ଭକ୍ତଵତ୍ସଲଃ ।
ଧର୍ମୋ ଧର୍ମମୟୋ ଧର୍ମୀ ଧର୍ମଦୋ ଧର୍ମଭାଵନଃ ॥ ୨ ॥
ଭାଗ୍ୟଦୋ ଭୋଗଦୋ ଭୋଗୀ ଭାଗ୍ୟଵାନ୍ ଭାନୁରଞ୍ଜନଃ ।
ଭାସ୍କରୋ ଭୟହା ଭର୍ତା ଭାଵଭୂର୍ଭଵତାରଣଃ ॥ ୩ ॥
କୃଷ୍ଣୋ ଲକ୍ଷ୍ମୀପତିର୍ଦେଵଃ ପାରିଜାତାପହାରକଃ ।
ସିଂହାଦ୍ରିନିଲୟଃ ଶମ୍ଭୁର୍ଵ୍ୟଙ୍କଟାଚଲଵାସକଃ ॥ ୪ ॥
କୋଲ୍ଲାପୁରଃ ଶ୍ରୀଜପଵାନ୍ ମାହୁରାର୍ଜିତଭିକ୍ଷୁକଃ ।
ସେତୁତୀର୍ଥଵିଶୁଦ୍ଧାତ୍ମା ରାମଧ୍ୟାନପରାୟଣଃ ॥ ୫ ॥
ରାମାର୍ଚିତୋ ରାମଗୁରୁଃ ରାମାତ୍ମା ରାମଦୈଵତଃ ॥ ୫ ॥
ଶ୍ରୀରାମଶିଷ୍ୟୋ ରାମଜ୍ଞୋ ରାମୈକାକ୍ଷରତତ୍ପରଃ ॥ ୬ ॥
ଶ୍ରୀରାମମନ୍ତ୍ରଵିଖ୍ୟାତୋ ରାମମନ୍ତ୍ରାବ୍ଧିପାରଗଃ ।
ରାମଭକ୍ତୋ ରାମସଖା ରାମଵାନ୍ ରାମହର୍ଷଣଃ ॥ ୭ ॥
ଅନସୂୟାତ୍ମଜୋ ଦେଵଦତ୍ତଶ୍ଚାତ୍ରେୟନାମକଃ ।
ସୁରୂପଃ ସୁମତିଃ ପ୍ରାଜ୍ଞଃ ଶ୍ରୀଦୋ ଵୈକୁଣ୍ଠଵଲ୍ଲଭଃ ॥ ୮ ॥
ଵିରଜସ୍ଥାନକଃ ଶ୍ରେଷ୍ଠଃ ସର୍ଵୋ ନାରାୟଣଃ ପ୍ରଭୁଃ ।
କର୍ମଜ୍ଞଃ କର୍ମନିରତୋ ନୃସିଂହୋ ଵାମନୋଽଚ୍ୟୁତଃ ॥ ୯ ॥
କଵିଃ କାଵ୍ୟୋ ଜଗନ୍ନାଥୋ ଜଗନ୍ମୂର୍ତିରନାମୟଃ ।
ମତ୍ସ୍ୟଃ କୂର୍ମୋ ଵରାହଶ୍ଚ ହରିଃ କୃଷ୍ଣୋ ମହାସ୍ମୟଃ ॥ ୧୦ ॥
ରାମୋ ରାମୋ ରଘୁପତିର୍ବୁଦ୍ଧଃ କଲ୍କୀ ଜନାର୍ଦନଃ ।
ଗୋଵିନ୍ଦୋ ମାଧଵୋ ଵିଷ୍ଣୁଃ ଶ୍ରୀଧରୋ ଦେଵନାୟକଃ ॥ ୧୧ ॥
ତ୍ରିଵିକ୍ରମଃ କେଶଵଶ୍ଚ ଵାସୁଦେଵୋ ମହେଶ୍ଵରଃ ।
ସଙ୍କର୍ଷଣଃ ପଦ୍ମନାଭୋ ଦାମୋଦରପରଃ ଶୁଚିଃ ॥ ୧୨ ॥
ଶ୍ରୀଶୈଲଵନଚାରୀ ଚ ଭାର୍ଗଵସ୍ଥାନକୋଵିଦଃ ।
ଶେଷାଚଲନିଵାସୀ ଚ ସ୍ଵାମୀ ପୁଷ୍କରିଣୀପ୍ରିୟଃ ॥ ୧୩ ॥ ଅହୋବିଲନିଵାସୀ
କୁମ୍ଭକୋଣନିଵାସୀ ଚ କାଞ୍ଚିଵାସୀ ରସେଶ୍ଵରଃ ।
ରସାନୁଭୋକ୍ତା ସିଦ୍ଧେଶଃ ସିଦ୍ଧିମାନ୍ ସିଦ୍ଧଵତ୍ସଲଃ ॥ ୧୪ ॥
ସିଦ୍ଧରୂପଃ ସିଦ୍ଧଵିଧିଃ ସିଦ୍ଧାଚାରପ୍ରଵର୍ତକଃ ।
ରସାହାରୋ ଵିଷାହାରୋ ଗନ୍ଧକାଦି ପ୍ରସେଵକଃ ॥ ୧୫ ॥
ୟୋଗୀ ୟୋଗପରୋ ରାଜା ଧୃତିମାନ୍ ମତିମାନ୍ସୁଖୀ ।
ବୁଦ୍ଧିମାନ୍ନୀତିମାନ୍ ବାଲୋ ହ୍ୟୁନ୍ମତ୍ତୋ ଜ୍ଞାନସାଗରଃ ॥ ୧୬ ॥
ୟୋଗିସ୍ତୁତୋ ୟୋଗିଚନ୍ଦ୍ରୋ ୟୋଗିଵନ୍ଦ୍ୟୋ ୟତୀଶ୍ଵରଃ ।
ୟୋଗାଦିମାନ୍ ୟୋଗରୂପୋ ୟୋଗୀଶୋ ୟୋଗିପୂଜିତଃ ॥ ୧୭ ॥
କାଷ୍ଠାୟୋଗୀ ଦୃଢପ୍ରଜ୍ଞୋ ଲମ୍ବିକାୟୋଗଵାନ୍ ଦୃଢଃ ।
ଖେଚରଶ୍ଚ ଖଗଃ ପୂଷା ରଶ୍ମିଵାନ୍ଭୂତଭାଵନଃ ॥ ୧୮ ॥
ବ୍ରହ୍ମଜ୍ଞଃ ସନକାଦିଭ୍ୟଃ ଶ୍ରୀପତିଃ କାର୍ୟସିଦ୍ଧିମାନ୍ ।
ସ୍ପୃଷ୍ଟାସ୍ପୃଷ୍ଟଵିହୀନାତ୍ମା ୟୋଗଜ୍ଞୋ ୟୋଗମୂର୍ତିମାନ୍ ॥ ୧୯ ॥
ମୋକ୍ଷଶ୍ରୀର୍ମୋକ୍ଷଦୋ ମୋକ୍ଷୀ ମୋକ୍ଷରୂପୋ ଵିଶେଷଵାନ୍ ।
ସୁଖପ୍ରଦଃ ସୁଖଃ ସୌଖ୍ୟଃ ସୁଖରୂପଃ ସୁଖାତ୍ମକଃ ॥ ୨୦ ॥
ରାତ୍ରିରୂପୋ ଦିଵାରୂପଃ ସନ୍ଧ୍ୟାଽଽତ୍ମା କାଲରୂପକଃ ।
କାଲଃ କାଲଵିଵର୍ଣଶ୍ଚ ବାଲଃ ପ୍ରଭୁରତୁଲ୍ୟକଃ ॥ ୨୧ ॥
ସହସ୍ରଶୀର୍ଷା ପୁରୁଷୋ ଵେଦାତ୍ମା ଵେଦପାରଗଃ ।
ସହସ୍ରଚରଣୋଽନନ୍ତଃ ସହସ୍ରାକ୍ଷୋ ଜିତେନ୍ଦ୍ରିୟଃ ॥ ୨୨ ॥
ସ୍ଥୂଲସୂକ୍ଷ୍ମୋ ନିରାକାରୋ ନିର୍ମୋହୋ ଭକ୍ତମୋହଵାନ୍ ।
ମହୀୟାନ୍ପରମାଣୁଶ୍ଚ ଜିତକ୍ରୋଧୋ ଭୟାପହଃ ॥ ୨୩ ॥
ୟୋଗାନନ୍ଦପ୍ରଦାତା ଚ ୟୋଗୋ ୟୋଗଵିଶାରଦଃ ।
ନିତ୍ୟୋ ନିତ୍ୟାତ୍ମଵାନ୍ ୟୋଗୀ ନିତ୍ୟପୂର୍ଣୋ ନିରାମୟଃ ॥ ୨୪ ॥
ଦତ୍ତାତ୍ରେୟୋ ଦେୟଦତ୍ତୋ ୟୋଗୀ ପରମଭାସ୍କରଃ ।
ଅଵଧୂତଃ ସର୍ଵନାଥଃ ସତ୍କର୍ତା ପୁରୁଷୋତ୍ତମଃ ॥ ୨୫ ॥
ଜ୍ଞାନୀ ଲୋକଵିଭୁଃ କାନ୍ତଃ ଶୀତୋଷ୍ଣସମବୁଦ୍ଧକଃ ।
ଵିଦ୍ଵେଷୀ ଜନସଂହର୍ତା ଧର୍ମବୁଦ୍ଧିଵିଚକ୍ଷଣଃ ॥ ୨୬ ॥
ନିତ୍ୟତୃପ୍ତୋ ଵିଶୋକଶ୍ଚ ଦ୍ଵିଭୁଜଃ କାମରୂପକଃ ।
କଲ୍ୟାଣୋଽଭିଜନୋ ଧୀରୋ ଵିଶିଷ୍ଟଃ ସୁଵିଚକ୍ଷଣଃ ॥ ୨୭ ॥
ଶ୍ରୀମଦ୍ଭାଗଵତାର୍ଥଜ୍ଞୋ ରାମାୟଣଵିଶେଷଵାନ୍ ।
ଅଷ୍ଟାଦଶପୁରାଣଜ୍ଞୋ ଷଡ୍ଦର୍ଶନଵିଜୃମ୍ଭକଃ ॥ ୨୮ ॥
ନିର୍ଵିକଲ୍ପଃ ସୁରଶ୍ରେଷ୍ଠୋ ହ୍ୟୁତ୍ତମୋ ଲୋକପୂଜିତଃ ।
ଗୁଣାତୀତଃ ପୂର୍ଣଗୁଣୋ ବ୍ରହ୍ମଣ୍ୟୋ ଦ୍ଵିଜସଂଵୃତଃ ॥ ୨୯ ॥
ଦିଗମ୍ବରୋ ମହାଜ୍ଞେୟୋ ଵିଶ୍ଵାତ୍ମାଽଽତ୍ମପରାୟଣଃ ।
ଵେଦାନ୍ତଶ୍ରଵଣୋ ଵେଦୀ କଲାଵାନ୍ନିଷ୍କଲଙ୍କଵାନ୍ ॥ ୩୦ ॥ କାଲାଵାନ୍ନିଷ୍କଲତ୍ରଵାନ୍
ମିତଭାଷ୍ୟମିତଭାଷୀ ଚ ସୌମ୍ୟୋ ରାମୋ ଜୟଃ ଶିଵଃ ।
ସର୍ଵଜିତ୍ ସର୍ଵତୋଭଦ୍ରୋ ଜୟକାଙ୍କ୍ଷୀ ସୁଖାଵହଃ ॥ ୩୧ ॥
ପ୍ରତ୍ୟର୍ଥିକୀର୍ତିସଂହର୍ତା ମନ୍ଦରାର୍ଚିତପାଦୁକଃ ।
ଵୈକୁଣ୍ଠଵାସୀ ଦେଵେଶୋ ଵିରଜାସ୍ନାତମାନସଃ ॥ ୩୨ ॥
ଶ୍ରୀମେରୁନିଲୟୋ ୟୋଗୀ ବାଲାର୍କସମକାନ୍ତିମାନ୍ ।
ରକ୍ତାଙ୍ଗଃ ଶ୍ୟାମଲାଙ୍ଗଶ୍ଚ ବହୁଵେଷୋ ବହୁପ୍ରିୟଃ ॥ ୩୩ ॥
ମହାଲକ୍ଷ୍ମ୍ୟନ୍ନପୂର୍ଣେଶଃ ସ୍ଵଧାକାରୋ ୟତୀଶ୍ଵରଃ ।
ସ୍ଵର୍ଣରୂପଃ ସ୍ଵର୍ଣଦାୟୀ ମୂଲିକାୟନ୍ତ୍ରକୋଵିଦଃ ॥ ୩୪ ॥
ଆନୀତମୂଲିକାୟନ୍ତ୍ରୋ ଭକ୍ତାଭୀଷ୍ଟପ୍ରଦୋ ମହାନ୍ ।
ଶାନ୍ତାକାରୋ ମହାମାୟୋ ମାହୁରସ୍ଥୋ ଜଗନ୍ମୟଃ ॥ ୩୫ ॥
ବଦ୍ଧାଶନଶ୍ଚ ସୂକ୍ଷ୍ମାଂଶୀ ମିତାହାରୋ ନିରୁଦ୍ୟମଃ ।
ଧ୍ୟାନାତ୍ମା ଧ୍ୟାନୟୋଗାତ୍ମା ଧ୍ୟାନସ୍ଥୋ ଧ୍ୟାନସତ୍ପ୍ରିୟଃ ॥ ୩୬ ॥
ସତ୍ୟଧ୍ୟାନଃ ସତ୍ୟମୟଃ ସତ୍ୟରୂପୋ ନିଜାକୃତିଃ ।
ତ୍ରିଲୋକଗୁରୁରେକାତ୍ମା ଭସ୍ମୋଦ୍ଧୂଲିତଵିଗ୍ରହଃ ॥ ୩୭ ॥
ପ୍ରିୟାପ୍ରିୟସମଃ ପୂର୍ଣୋ ଲାଭାଲାଭସମପ୍ରିୟଃ ।
ସୁଖଦୁଃଖସମୋ ହ୍ରୀମାନ୍ ହିତାହିତସମଃ ପରଃ ॥ ୩୮ ॥
ଗୁରୁର୍ବ୍ରହ୍ମା ଚ ଵିଷ୍ଣୁଶ୍ଚ ମହାଵିଷ୍ଣୁଃ ସନାତନଃ ।
ସଦାଶିଵୋ ମହେନ୍ଦ୍ରଶ୍ଚ ଗୋଵିନ୍ଦୋ ମଧୁସୂଦନଃ ॥ ୩୯ ॥
କର୍ତା କାରୟିତା ରୁଦ୍ରଃ ସର୍ଵଚାରୀ ତୁ ୟାଚକଃ ।
ସମ୍ପତ୍ପ୍ରଦୋ ଵୃଷ୍ଟିରୂପୋ ମେଘରୂପସ୍ତପଃପ୍ରିୟଃ ॥ ୪୦ ॥
ତପୋମୂର୍ତିସ୍ତପୋରାଶିସ୍ତପସ୍ଵୀ ଚ ତପୋଧନଃ ।
ତପୋମୟସ୍ତପଃଶୁଦ୍ଧୋ ଜନକୋ ଵିଶ୍ଵସୃଗ୍ଵିଧିଃ ॥ ୪୧ ॥
ତପଃସିଦ୍ଧସ୍ତପଃସାଧ୍ୟସ୍ତପଃକର୍ତା ତପଃକ୍ରତୁଃ ।
ତପଃଶମସ୍ତପଃକୀର୍ତିସ୍ତପୋଦାରସ୍ତପୋଽତ୍ୟୟଃ ॥ ୪୨ ॥
ତପୋରେତସ୍ତପୋଜ୍ୟୋତିସ୍ତପାତ୍ମା ଚାତ୍ରିନନ୍ଦନଃ ।
ନିଷ୍କଲ୍ମଷୋ ନିଷ୍କପଟୋ ନିର୍ଵିଘ୍ନୋ ଧର୍ମଭୀରୁକଃ ॥ ୪୩ ॥
ଵୈଦ୍ୟୁତସ୍ତାରକଃ କର୍ମଵୈଦିକୋ ବ୍ରାହ୍ମଣୋ ୟତିଃ ।
ନକ୍ଷତ୍ରତେଜା ଦୀପ୍ତାତ୍ମା ପରିଶୁଦ୍ଧୋ ଵିମତ୍ସରଃ ॥ ୪୪ ॥
ଜଟୀ କୃଷ୍ଣାଜିନପଦୋ ଵ୍ୟାଘ୍ରଚର୍ମଧରୋ ଵଶୀ ।
ଜିତେନ୍ଦ୍ରିୟଶ୍ଚୀରଵାସାଃ ଶୁକ୍ଲଵସ୍ତ୍ରାମ୍ବରୋ ହରିଃ ॥ ୪୫ ॥
ଚନ୍ଦ୍ରାନୁଜଶ୍ଚନ୍ଦ୍ରମୁଖଃ ଶୁକୟୋଗୀ ଵରପ୍ରଦଃ ।
ଦିଵ୍ୟୟୋଗୀ ପଞ୍ଚତପୋ ମାସର୍ତୁଵତ୍ସରାନନଃ ॥ ୪୬ ॥
ଭୂତଜ୍ଞୋ ଵର୍ତମାନଜ୍ଞ ଭାଵିଜ୍ଞୋ ଧର୍ମଵତ୍ସଲଃ ।
(ଭୂତ-ଵର୍ତମାନ-ଭାଵି)
ପ୍ରଜାହିତଃ ସର୍ଵହିତ ଅନିନ୍ଦ୍ୟୋ ଲୋକଵନ୍ଦିତଃ ॥ ୪୭ ॥
ଆକୁଞ୍ଚୟୋଗସମ୍ବଦ୍ଧମଲମୂତ୍ରରସାଦିକଃ ।
କନକୀଭୂତମଲଵାନ୍ ରାଜୟୋଗଵିଚକ୍ଷଣଃ ॥ ୪୮ ॥
ଶକଟାଦିଵିଶେଷଜ୍ଞୋ ଲମ୍ବିକାନୀତିତତ୍ପରଃ ।
ପ୍ରପଞ୍ଚରୂପୀ ବଲଵାନ୍ ଏକକୌପୀନଵସ୍ତ୍ରକଃ ॥ ୪୯ ॥
ଦିଗମ୍ବରଃ ସୋତ୍ତରୀୟଃ ସଜଟଃ ସକମଣ୍ଡଲୁଃ ।
ନିର୍ଦଣ୍ଡଶ୍ଚାସିଦଣ୍ଡଶ୍ଵ ସ୍ତ୍ରୀଵେଷଃ ପୁରୁଷାକୃତିଃ ॥ ୫୦ ॥
ତୁଲସୀକାଷ୍ଠମାଲୀ ଚ ରୌଦ୍ରଃ ସ୍ଫଟିକମାଲିକଃ ।
ନିର୍ମାଲିକଃ ଶୁଦ୍ଧତରଃ ସ୍ଵେଚ୍ଛା ଅମରଵାନ୍ ପରଃ ॥ ୫୧ ॥
ଉର୍ଧ୍ଵପୁଣ୍ଡ୍ରସ୍ତ୍ରିପୁଣ୍ଡ୍ରାଙ୍କୋ ଦ୍ଵନ୍ଦ୍ଵହୀନଃ ସୁନିର୍ମଲଃ ।
ନିର୍ଜଟଃ ସୁଜଟୋ ହେୟୋ ଭସ୍ମଶାୟୀ ସୁଭୋଗଵାନ୍ ॥ ୫୨ ॥
ମୂତ୍ରସ୍ପର୍ଶୋ ମଲସ୍ପର୍ଶୋଜାତିହୀନଃ ସୁଜାତିକଃ ।
ଅଭକ୍ଷ୍ୟାଭକ୍ଷୋ ନିର୍ଭକ୍ଷୋ ଜଗଦ୍ଵନ୍ଦିତଦେହଵାନ୍ ॥ ୫୩ ॥
ଭୂଷଣୋ ଦୂଷଣସମଃ କାଲାକାଲୋ ଦୟାନିଧିଃ ।
ବାଲପ୍ରିୟୋ ବାଲରୁଚିର୍ବାଲଵାନତିବାଲକଃ ॥ ୫୪ ॥
ବାଲକ୍ରୀଡୋ ବାଲରତୋ ବାଲସଙ୍ଘଵୃତୋ ବଲୀ ।
ବାଲଲୀଲାଵିନୋଦଶ୍ଚ କର୍ଣାକର୍ଷଣକାରକଃ ॥ ୫୫ ॥
କ୍ରୟାନୀତଵଣିକ୍ପଣ୍ୟୋ ଗୁଡସୂପାଦିଭକ୍ଷକଃ ।
ବାଲଵଦ୍ଗୀତହୃଷ୍ଟଶ୍ଚ ମୁଷ୍ଟିୟୁଦ୍ଧକରଶ୍ଚଲଃ ॥ ୫୬ ॥
ଅଦୃଶ୍ୟୋ ଦୃଶ୍ୟମାନଶ୍ଚ ଦ୍ଵନ୍ଦ୍ଵୟୁଦ୍ଧପ୍ରଵର୍ତକଃ ।
ପଲାୟମାନୋ ବାଲାଢ୍ୟୋ ବାଲହାସଃ ସୁସଙ୍ଗତଃ ॥ ୫୭ ॥
ପ୍ରତ୍ୟାଗତଃ ପୁନର୍ଗଚ୍ଛଚ୍ଚକ୍ରଵଦ୍ଗମନାକୁଲଃ ।
ଚୋରଵଦ୍ଧୃତସର୍ଵସ୍ଵୋ ଜନତାଽଽର୍ତିକଦେହଵାନ୍ ॥ ୫୮ ॥
ପ୍ରହସନ୍ପ୍ରଵଦନ୍ଦତ୍ତୋ ଦିଵ୍ୟମଙ୍ଗଲଵିଗ୍ରହଃ ।
ମାୟାବାଲଶ୍ଚ ମାୟାଵୀ ପୂର୍ଣଲୀଲୋ ମୁନୀଶ୍ଵରଃ ॥ ୫୯ ॥
ମାହୁରେଶୋ ଵିଶୁଦ୍ଧାତ୍ମା ୟଶସ୍ଵୀ କୀର୍ତିମାନ୍ ୟୁଵା ।
ସଵିକଲ୍ପଃ ସଚ୍ଚିଦାଭୋ ଗୁଣଵାନ୍ ସୌମ୍ୟଭାଵନଃ ॥ ୬୦ ॥
ପିନାକୀ ଶଶିମୌଲୀ ଚ ଵାସୁଦେଵୋ ଦିଵସ୍ପତିଃ ।
ସୁଶିରାଃ ସୂର୍ୟତେଜଶ୍ଚ ଶ୍ରୀଗମ୍ଭୀରୋଷ୍ଠ ଉନ୍ନତିଃ ॥ ୬୧ ॥
ଦଶପଦ୍ମା ତ୍ରିଶୀର୍ଷଶ୍ଚ ତ୍ରିଭିର୍ଵ୍ୟାପ୍ତୋ ଦ୍ଵିଶୁକ୍ଲଵାନ୍ ।
ତ୍ରିସମଶ୍ଚ ତ୍ରିତାତ୍ମଶ୍ଚ ତ୍ରିଲୋକଶ୍ଚ ତ୍ରୟମ୍ବକଃ ॥ ୬୨ ॥
ଚତୁର୍ଦ୍ଵନ୍ଦ୍ଵସ୍ତ୍ରିୟଵନସ୍ତ୍ରିକାମୋ ହଂସଵାହନଃ ।
ଚତୁଷ୍କଲଶ୍ଚତୁର୍ଦଂଷ୍ଟ୍ରୋ ଗତିଃ ଶମ୍ଭୁଃ ପ୍ରିୟାନନଃ ॥ ୬୩ ॥
ଚତୁର୍ମତିର୍ମହାଦଂଷ୍ଟ୍ରୋ ଵେଦାଙ୍ଗୀ ଚତୁରାନନଃ ।
ପଞ୍ଚଶୁଦ୍ଧୋ ମହାୟୋଗୀ ମହାଦ୍ଵାଦଶଵାନକଃ ॥ ୬୪ ॥
ଚତୁର୍ମୁଖୋ ନରତନୁରଜେୟଶ୍ଚାଷ୍ଟଵଂଶଵାନ୍ ।
ଚତୁର୍ଦଶସମଦ୍ଵନ୍ଦ୍ଵୋ ମୁକୁରାଙ୍କୋ ଦଶାଂଶଵାନ୍ ॥ ୬୫ ॥
ଵୃଷାଙ୍କୋ ଵୃଷଭାରୂଢଶ୍ଚନ୍ଦ୍ରତେଜାଃ ସୁଦର୍ଶନଃ ।
ସାମପ୍ରିୟୋ ମହେଶାନଶ୍ଚିଦାକାରୋଃ ନରୋତ୍ତମଃ ॥ ୬୬ ॥
ଦୟାଵାନ୍ କରୁଣାପୂର୍ଣୋ ମହେନ୍ଦ୍ରୋ ମାହୁରେଶ୍ଵରଃ ।
ଵୀରାସନସମାସୀନୋ ରାମୋ ରାମପରାୟଣଃ ॥ ୬୭ ॥
ଇନ୍ଦ୍ରୋ ଵହ୍ନିର୍ୟମଃ କାଲୋ ନିରୃତିର୍ଵରୁଣୋ ୟମଃ ।
ଵାୟୁଶ୍ଚ ରୁଦ୍ରଶ୍ଚେଶାନୋ ଲୋକପାଲୋ ମହାୟଶାଃ ॥ ୬୮ ॥
ୟକ୍ଷଗନ୍ଧର୍ଵନାଗଶ୍ଚ କିନ୍ନରଃ ଶୁଦ୍ଧରୂପକଃ ।
ଵିଦ୍ୟାଧରଶ୍ଚାହିପତିଶ୍ଚାରଣଃ ପନ୍ନଗେଶ୍ଵରଃ ॥ ୬୯ ॥
ଚଣ୍ଡିକେଶଃ ପ୍ରଚଣ୍ଡଶ୍ଚ ଘଣ୍ଟାନାଦରତଃ ପ୍ରିୟଃ ।
ଵୀଣାଧ୍ଵନିର୍ଵୈନତେୟୋ ନାରଦସ୍ତୁମ୍ବରୁର୍ହରଃ ॥ ୭୦ ॥
ଵୀଣାପ୍ରଚଣ୍ଡସୌନ୍ଦର୍ୟୋ ରାଜୀଵାକ୍ଷଶ୍ଚ ମନ୍ମଥଃ ।
ଚନ୍ଦ୍ରୋ ଦିଵାକରୋ ଗୋପଃ କେସରୀ ସୋମସୋଦରଃ ॥ ୭୧ ॥
ସନକଃ ଶୁକୟୋଗୀ ଚ ନନ୍ଦୀ ଷଣ୍ମୁଖରାଗକଃ ।
ଗଣେଶୋ ଵିଘ୍ନରାଜଶ୍ଚ ଚନ୍ଦ୍ରାଭୋ ଵିଜୟୋ ଜୟଃ ॥ ୭୨ ॥
ଅତୀତକାଲଚକ୍ରଶ୍ଚ ତାମସଃ କାଲଦଣ୍ଡଵାନ୍ ।
ଵିଷ୍ଣୁଚକ୍ରଃ ତ୍ରିଶୂଲେନ୍ଦ୍ରୋ ବ୍ରହ୍ମଦଣ୍ଡୋ ଵିରୁଦ୍ଧକଃ ॥ ୭୩ ॥
ବ୍ରହ୍ମାସ୍ତ୍ରରୂପଃ ସତ୍ୟେନ୍ଦ୍ରଃ କୀର୍ତିମାନ୍ଗୋପତିର୍ଭଵଃ ।
ଵସିଷ୍ଠୋ ଵାମଦେଵଶ୍ଚ ଜାବାଲୀ କଣ୍ଵରୂପକଃ ॥ ୭୪ ॥
ସଂଵର୍ତରୂପୋ ମୌଦ୍ଗଲ୍ୟୋ ମାର୍କଣ୍ଡେୟଶ୍ଚ କଶ୍ୟପଃ ।
ତ୍ରିଜଟୋ ଗାର୍ଗ୍ୟରୂପୀ ଚ ଵିଷନାଥୋ ମହୋଦୟଃ ॥ ୭୫ ॥
ତ୍ଵଷ୍ଟା ନିଶାକରଃ କର୍ମକାଶ୍ୟପଶ୍ଚ ତ୍ରିରୂପଵାନ୍ ।
ଜମଦଗ୍ନିଃ ସର୍ଵରୂପଃ ସର୍ଵନାଦୋ ୟତୀଶ୍ଵରଃ ॥ ୭୬ ॥
ଅଶ୍ଵରୂପୀ ଵୈଦ୍ୟପତିର୍ଗରକଣ୍ଠୋଽମ୍ବିକାର୍ଚିତଃ ।
ଚିନ୍ତାମଣିଃ କଲ୍ପଵୃକ୍ଷୋ ରତ୍ନାଦ୍ରିରୁଦଧିପ୍ରିୟଃ ॥ ୭୭ ॥
ମହାମଣ୍ଡୂକରୂପୀ ଚ କାଲାଗ୍ନିସମଵିଗ୍ରହଃ ।
ଆଧାରଶକ୍ତିରୂପୀ ଚ କୂର୍ମଃ ପଞ୍ଚାଗ୍ନିରୂପକଃ ॥ ୭୮ ॥
କ୍ଷୀରାର୍ଣଵୋ ମହାରୂପୀ ଵରାହଶ୍ଚ ଧୃତାଵନିଃ ।
ଐରାଵତୋ ଜନଃ ପଦ୍ମୋ ଵାମନଃ କୁମୁଦାତ୍ମଵାନ୍ ॥ ୭୯ ॥
ପୁଣ୍ଡରୀକଃ ପୁଷ୍ପଦନ୍ତୋ ମେଘଚ୍ଛନ୍ନୋଽଭ୍ରଚାରକଃ ।
ସିତୋତ୍ପଲାଭୋ ଦ୍ୟୁତିମାନ୍ ଦୃଢୋରସ୍କଃ ସୁରାର୍ଚିତଃ ॥ ୮୦ ॥
ପଦ୍ମନାଭଃ ସୁନାଭଶ୍ଚ ଦଶଶୀର୍ଷଃ ଶତୋଦରଃ ।
ଅଵାଙ୍ମୁଖୋ ପଞ୍ଚଵକ୍ତ୍ରୋ ରକ୍ଷାଖ୍ୟାତ୍ମା ଦ୍ଵିରୂପକଃ ॥ ୮୧ ॥
ସ୍ଵର୍ଣମଣ୍ଡଲସଞ୍ଚାରୀ ଵେଦିସ୍ଥଃ ସର୍ଵପୂଜିତଃ ।
ସ୍ଵପ୍ରସନ୍ନଃ ପ୍ରସନ୍ନାତ୍ମା ସ୍ଵଭକ୍ତାଭିମୁଖୋ ମୃଦୁଃ ॥ ୮୨ ॥
ଆଵାହିତଃ ସନ୍ନିହିତୋ ଵରଦୋ ଜ୍ଞାନିଵତ୍ସ୍ଥିତଃ ।
ଶାଲିଗ୍ରାମାତ୍ମକୋ ଧ୍ୟାତୋ ରତ୍ନସିଂହାସନସ୍ଥିତଃ ॥ ୮୩ ॥
ଅର୍ଘ୍ୟପ୍ରିୟଃ ପାଦ୍ୟତୁଷ୍ଟଶ୍ଚାଚମ୍ୟାର୍ଚିତପାଦୁକଃ ।
ପଞ୍ଚାମୃତଃ ସ୍ନାନଵିଧିଃ ଶୁଦ୍ଧୋଦକସୁସଞ୍ଚିତଃ ॥ ୮୪ ॥
ଗନ୍ଧାକ୍ଷତସୁସମ୍ପ୍ରୀତଃ ପୁଷ୍ପାଲଙ୍କାରଭୂଷଣଃ ।
ଅଙ୍ଗପୂଜାପ୍ରିୟଃ ସର୍ଵୋ ମହାକୀର୍ତିର୍ମହାଭୁଜଃ ॥ ୮୫ ॥
ନାମପୂଜାଵିଶେଷଜ୍ଞଃ ସର୍ଵନାମସ୍ଵରୂପକଃ ।
ଧୂପିତୋ ଦିଵ୍ୟଧୂପାତ୍ମା ଦୀପିତୋ ବହୁଦୀପଵାନ୍ ॥ ୮୬ ॥
ବହୁନୈଵେଦ୍ୟସଂହୃଷ୍ଟୋ ନିରାଜନଵିରାଜିତଃ ।
ସର୍ଵାତିରଞ୍ଜିତାନନ୍ଦଃ ସୌଖ୍ୟଵାନ୍ ଧଵଲାର୍ଜୁନଃ ॥ ୮୭ ॥
ଵିରାଗୋ ନିର୍ଵିରାଗଶ୍ଚ ୟଜ୍ଞାର୍ଚାଙ୍ଗୋ ଵିଭୂତିକଃ ।
ଉନ୍ମତ୍ତୋ ଭ୍ରାନ୍ତଚିତ୍ତଶ୍ଚ ଶୁଭଚିତ୍ତଃ ଶୁଭାହୁତିଃ ॥ ୮୮ ॥
ସୁରୈରିଷ୍ଟୋ ଲଘିଷ୍ଟଶ୍ଚ ବଂହିଷ୍ଠୋ ବହୁଦାୟକଃ ।
ମହିଷ୍ଠଃ ସୁମହୌଜାଶ୍ଚ ବଲିଷ୍ଠଃ ସୁପ୍ରତିଷ୍ଠିତଃ ॥ ୮୯ ॥
କାଶୀଗଙ୍ଗାମ୍ବୁମଜ୍ଜଶ୍ଚ କୁଲଶ୍ରୀମନ୍ତ୍ରଜାପକଃ ।
ଚିକୁରାନ୍ଵିତଭାଲଶ୍ଚ ସର୍ଵାଙ୍ଗାଲିପ୍ତଭୂତିକଃ ॥ ୯୦ ॥
ଅନାଦିନିଧନୋ ଜ୍ୟୋତିଭାର୍ଗଵାଦ୍ୟଃ ସନାତନଃ ।
ତାପତ୍ରୟୋପଶମନୋ ମାନଵାସୋ ମହୋଦୟଃ ॥ ୯୧ ॥
ଜ୍ୟେଷ୍ଠଃ ଶ୍ରେଷ୍ଠୋ ମହାରୌଦ୍ରଃ କାଲମୂର୍ତିଃ ସୁନିଶ୍ଚୟଃ ।
ଊର୍ଧ୍ଵଃ ସମୂର୍ଧ୍ଵଲିଙ୍ଗଶ୍ଚ ହିରଣ୍ୟୋ ହେମଲିଙ୍ଗଵାନ୍ ॥ ୯୨ ॥
ସୁଵର୍ଣଃ ସ୍ଵର୍ଣଲିଙ୍ଗଶ୍ଚ ଦିଵ୍ୟସୂତିର୍ଦିଵସ୍ପତିଃ ।
ଦିଵ୍ୟଲିଙ୍ଗୋ ଭଵୋ ଭଵ୍ୟଃ ସର୍ଵଲିଙ୍ଗସ୍ତୁ ସର୍ଵକଃ ॥ ୯୩ ॥
ଶିଵଲିଙ୍ଗଃ ଶିଵୋ ମାୟୋ ଜ୍ଵଲସ୍ତୂଜ୍ଜ୍ଵଲଲିଙ୍ଗଵାନ୍ ।
ଆତ୍ମା ଚୈଵାତ୍ମଲିଙ୍ଗଶ୍ଚ ପରମୋ ଲିଙ୍ଗପାରଗଃ ॥ ୯୪ ॥
ସୋମଃ ସୂର୍ୟଃ ସର୍ଵଲିଙ୍ଗଃ ପାଣିୟନ୍ତ୍ରପଵିତ୍ରଵାନ୍ ।
ସଦ୍ୟୋଜାତୋ ତପୋରୂପୋ ଭଵୋଦ୍ଭଵ ଅନୀଶ୍ଵରଃ ॥ ୯୫ ॥
ତତ୍ସଵିଦ୍ରୂପସଵିତା ଵରେଣ୍ୟଶ୍ଚ ପ୍ରଚୋଦୟାତ୍ ।
ଦୂରଦୃଷ୍ଟିର୍ଦୂରଗତୋ ଦୂରଶ୍ରଵଣତର୍ପିତଃ ॥ ୯୬ ॥
ୟୋଗପୀଠସ୍ଥିତୋ ଵିଦ୍ଵାନ୍ ନମସ୍କାରିତରାସଭଃ ।
ନମତ୍କୃତଶୁନଶ୍ଚାପି ଵଜ୍ରକଷ୍ଟ୍ୟାତିଭୀଷଣଃ ॥ ୯୭ ॥
ଜ୍ଵଲନ୍ମୁଖଃ ପ୍ରତିଵୀଣା ସଖଡ୍ଗୋ ଦ୍ରାଵିତପ୍ରଜଃ ।
ପଶୁଘ୍ନଶ୍ଚ ରସୋନ୍ମତ୍ତୋ ରସୋର୍ଧ୍ଵମୁଖରଞ୍ଜିତଃ ॥ ୯୮ ॥
ରସପ୍ରିୟୋ ରସାତ୍ମା ଚ ରସରୂପୀ ରସେଶ୍ଵରଃ ।
ରସାଧିଦୈଵତୋ ଭୌମୋ ରସାଙ୍ଗୋ ରସଭାଵନଃ ॥ ୯୯ ॥
ରସୋନ୍ମୟୋ ରସକରୋ ରସେନ୍ଦ୍ରୋ ରସପୂଜକଃ ।
ରସସିଦ୍ଧଃ ସିଦ୍ଧରସୋ ରସଦ୍ରଵ୍ୟୋ ରସୋନ୍ମୁଖଃ ॥ ୧୦୦ ॥
ରସାଙ୍କିତୋ ରସାପୂର୍ଣୋ ରସଦୋ ରସିକୋ ରସୀ ।
ଗନ୍ଧକାଦସ୍ତାଲକାଦୋ ଗୌରଃସ୍ଫଟିକସେଵନଃ ॥ ୧୦୧ ॥
କାର୍ୟସିଦ୍ଧଃ କାର୍ୟରୁଚିର୍ବହୁକାର୍ୟୋ ନ କାର୍ୟଵାନ୍ ।
ଅଭେଦୀ ଜନକର୍ତା ଚ ଶଙ୍ଖଚକ୍ରଗଦାଧରଃ ॥ ୧୦୨ ॥
କୃଷ୍ଣାଜିନକିରୀଟୀ ଚ ଶ୍ରୀକୃଷ୍ଣାଜିନକଞ୍ଚୁକଃ ।
ମୃଗୟାୟୀ ମୃଗେନ୍ଦ୍ରଶ୍ଚ ଗଜରୂପୀ ଗଜେଶ୍ଵରଃ ॥ ୧୦୩ ॥
ଦୃଢଵ୍ରତଃ ସତ୍ୟଵାଦୀ କୃତଜ୍ଞୋ ବଲଵାନ୍ବଲଃ ।
ଗୁଣଵାନ୍ କାର୍ୟଵାନ୍ ଦାନ୍ତଃ କୃତଶୋଭୋ ଦୁରାସଦଃ ॥ ୧୦୪ ॥
ସୁକାଲୋ ଭୂତନିହିତଃ ସମର୍ଥଶ୍ଚାଣ୍ଡନାୟକଃ ।
ସମ୍ପୂର୍ଣଦୃଷ୍ଟିରକ୍ଷୁବ୍ଧୋ ଜନୈକପ୍ରିୟଦର୍ଶନଃ ॥ ୧୦୫ ॥
ନିୟତାତ୍ମା ପଦ୍ମଧରୋ ବ୍ରହ୍ମଵାଂଶ୍ଚାନସୂୟକଃ ।
ଉଞ୍ଚ୍ଛଵୃତ୍ତିରନୀଶଶ୍ଚ ରାଜଭୋଗୀ ସୁମାଲିକଃ ॥ ୧୦୬ ॥
ସୁକୁମାରୋ ଜରାହୀନେ ଚୋରଘ୍ନୋ ମଞ୍ଜୁଲକ୍ଷଣଃ ।
ସୁପଦଃ ସ୍ଵଙ୍ଗୁଲୀକଶ୍ଚ ସୁଜଙ୍ଘଃ ଶୁଭଜାନୁକଃ ॥ ୧୦୭ ॥
ଶୁଭୋରୁଃ ଶୁଭଲିଙ୍ଗଶ୍ଚ ସୁନାଭୋ ଜଘନୋତ୍ତମଃ ।
ସୁପାର୍ଶ୍ଵଃ ସୁସ୍ତନୋ ନୀଲଃ ସୁଵକ୍ଷଶ୍ଚ ସୁଜତ୍ରୁକଃ ॥ ୧୦୮ ॥
ନୀଲଗ୍ରୀଵୋ ମହାସ୍କନ୍ଧଃ ସୁଭୁଜୋ ଦିଵ୍ୟଜଙ୍ଘକଃ ।
ସୁହସ୍ତରେଖୋ ଲକ୍ଷ୍ମୀଵାନ୍ ଦୀର୍ଘପୃଷ୍ଠୋ ୟତିଶ୍ଚଲଃ ॥ ୧୦୯ ॥
ବିମ୍ବୋଷ୍ଠଃ ଶୁଭଦନ୍ତଶ୍ଚ ଵିଦ୍ୟୁଜ୍ଜିହ୍ଵଃ ସୁତାଲୁକଃ ।
ଦୀର୍ଘନାସଃ ସୁତାମ୍ରାକ୍ଷଃ ସୁକପୋଲଃ ସୁକର୍ଣକଃ ॥ ୧୧୦ ॥
ନିମୀଲିତୋନ୍ମୀଲିତଶ୍ଚ ଵିଶାଲାକ୍ଷଶ୍ଚ ଶୁଭ୍ରକଃ ।
ଶୁଭମଧ୍ୟଃ ସୁଭାଲଶ୍ଚ ସୁଶିରା ନୀଲରୋମକଃ ॥ ୧୧୧ ॥
ଵିଶିଷ୍ଟଗ୍ରାମଣିସ୍କନ୍ଧଃ ଶିଖିଵର୍ଣୋ ଵିଭାଵସୁଃ ।
କୈଲାସେଶୋ ଵିଚିତ୍ରଜ୍ଞୋ ଵୈକୁଣ୍ଠେନ୍ଦ୍ରୋ ଵିଚିତ୍ରଵାନ୍ ॥ ୧୧୨ ॥
ମନସେନ୍ଦ୍ରଶ୍ଚକ୍ରଵାଲୋ ମହେନ୍ଦ୍ରୋ ମନ୍ଦାରଧିପଃ ।
ମଲୟୋ ଵିନ୍ଧ୍ୟରୂପଶ୍ଚ ହିମଵାନ୍ ମେରୁରୂପକଃ ॥ ୧୧୩ ॥
ସୁଵେଷୋ ନଵ୍ୟରୂପାତ୍ମା ମୈନାକୋ ଗନ୍ଧମାଦନଃ ।
ସିଂହଲଶ୍ଚୈଵ ଵେଦାଦ୍ରିଃ ଶ୍ରୀଶୈଲଃ କ୍ରକଚାତ୍ମକଃ ॥ ୧୧୪ ॥
ନାନାଚଲଶ୍ଚିତ୍ରକୂଟୋ ଦୁର୍ଵାସାଃ ପର୍ଵତାତ୍ମଜଃ ।
ୟମୁନାକୃଷ୍ଣଵେଣୀଶୋ ଭଦ୍ରେଶୋ ଗୌତମୀପତିଃ ॥ ୧୧୫ ॥
ଗୋଦାଵରୀଶୋ ଗଙ୍ଗାତ୍ମା ଶୋଣକଃ କୌଶିକୀପତିଃ ।
ନର୍ମଦେଶସ୍ତୁ କାଵେରୀତାମ୍ରପର୍ଣୀଶ୍ଵରୋ ଜଟୀ ॥ ୧୧୬ ॥
ସରିଦ୍ରୂପା ନଦାତ୍ମା ଚ ସମୁଦ୍ରଃ ସରିଦୀଶ୍ଵରଃ ।
ହ୍ରାଦିନୀଶଃ ପାଵନୀଶୋ ନଲିନୀଶଃ ସୁଚକ୍ଷୁମାନ୍ ॥ ୧୧୭ ॥
ସୀତାନଦୀପତିଃ ସିନ୍ଧୂରେଵେଶୋ ମୁରଲୀପତିଃ ।
ଲଵଣେକ୍ଷୁଃ କ୍ଷୀରନିଧିଃ ସୁରାବ୍ଧିଃ ସର୍ପିରମ୍ବୁଧିଃ ॥ ୧୧୮ ॥
ଦୟାବ୍ଧିଶୁଦ୍ଧଜଲଧିସ୍ତତ୍ଵରୋପୋ ଧନାଧିପଃ ।
ଭୂପାଲମଧୁରାଗଜ୍ଞୋ ମାଲତୀରାଗକୋଵିଦଃ ॥ ୧୧୯ ॥
ପୌଣ୍ଡ୍ରକ୍ରିୟାଜ୍ଞଃ ଶ୍ରୀରାଗୋ ନାନାରାଗାର୍ଣଵାନ୍ତକଃ ।
ଵେଦାଦିରୂପୋ ହ୍ରୀରୂପୋ କ୍ଲଂରୂପଃ କ୍ଲୀଂଵିକାରକଃ ॥ ୧୨୦ ॥
ଵ୍ରୁମ୍ମୟଃ କ୍ଲୀମ୍ମୟଃ ପ୍ରଖ୍ୟୋ ହୁମ୍ମୟଃ କ୍ରୋମ୍ମୟୋ ଭଟଃ ।
ଧ୍ରୀମୟୋ ଲୁଙ୍ଗ୍ମୟୋ ଗାଙ୍ଗୋ ଘମ୍ମୟୋ ଖମ୍ମୟୋ ଖଗଃ ॥ ୧୨୧ ॥
ଖମ୍ମୟୋ ଜ୍ଞମ୍ମୟଶ୍ଚାଙ୍ଗୋ ବୀଜାଙ୍ଗୋ ବୀଜଜମ୍ମୟଃ ।
ଝଂଙ୍କରଷ୍ଟଙ୍କରଃଷ୍ଟଙ୍ଗୋ ଡଙ୍କରୀ ଠଙ୍କରୋଽଣୁକଃ ॥ ୧୨୨ ॥
ତଙ୍କ୍ରରସ୍ଥଙ୍କରସ୍ତୁଙ୍ଗୋ ଦ୍ରାମ୍ମୁଦ୍ରାରୂପକଃ ସୁଦଃ ।
ଦକ୍ଷୋ ଦଣ୍ଡୀ ଦାନଵଘ୍ନୋ ଅପ୍ରତିଦ୍ଵନ୍ଦ୍ଵଵାମଦଃ ॥ ୧୨୩ ॥
ଧଂରୂପୋ ନଂସ୍ଵରୂପଶ୍ଚ ପଙ୍କଜାକ୍ଷଶ୍ଚ ଫମ୍ମୟଃ ।
ମହେନ୍ଦ୍ରୋ ମଧୁଭୋକ୍ତା ଚ ମନ୍ଦରେତାସ୍ତୁ ଭମ୍ମୟଃ ॥ ୧୨୪ ॥
ରମ୍ମୟୋ ରିଙ୍କରୋ ରଙ୍ଗୋ ଲଙ୍କରଃ ଵମ୍ମୟଃ ଶରଃ ।
ରଂ, ଲଂ, ଵଂ
ଶଙ୍କରଃଷଣ୍ମୁଖୋ ହଂସଃ ଶଙ୍କରଃ ଶଙ୍କରୋ କ୍ଷୟଃ ॥ ୧୨୫ ॥
ଶଙ୍କରୋଽକ୍ଷୟଃ
ଓମିତ୍ୟେକାକ୍ଷରାତ୍ମା ଚ ସର୍ଵବୀଜସ୍ଵରୂପକଃ ।
ଶ୍ରୀକରଃ ଶ୍ରୀପଦଃ ଶ୍ରୀଶଃ ଶ୍ରୀନିଧିଃ ଶ୍ରୀନିକେତନଃ ॥ ୧୨୬ ॥
ପୁରୁଷୋତ୍ତମଃ ସୁଖୀ ୟୋଗୀ ଦତ୍ତାତ୍ରେୟୋ ହୃଦିପ୍ରିୟଃ ।
ତତ୍ସଂୟୁତଃ ସଦାୟୋଗୀ ଧୀରତନ୍ତ୍ରସୁସାଧକଃ ॥ ୧୨୭ ॥
ପୁରୁଷୋତ୍ତମୋ ୟତିଶ୍ରେଷ୍ଠୋ ଦତ୍ତାତ୍ରେୟଃ ସଖୀତ୍ଵଵାନ୍ ।
ଵସିଷ୍ଠଵାମଦେଵାଭ୍ୟାଂ ଦତ୍ତଃ ପୁରୁଷଃ ଈରିତଃ ॥ ୧୨୮ ॥
ୟାଵତ୍ତିଷ୍ଠତେ ହ୍ୟସ୍ମିନ୍ ତାଵତ୍ତିଷ୍ଠତି ତତ୍ସୁଖୀ ।
ୟ ଇଦଂ ଶୃଣୁୟାନ୍ନିତ୍ୟଂ ବ୍ରହ୍ମସାୟୁଜ୍ୟତାଂ ଵ୍ରଜେତ୍ ॥ ୧୨୯ ॥
ଭୁକ୍ତିମୁକ୍ତିକରଂ ତସ୍ୟ ନାତ୍ରକାର୍ୟା ଵିଚାରଣା ।
ଆୟୁଷ୍ମତ୍ପୁତ୍ରପୌତ୍ରାଂଶ୍ଚ ଦତ୍ତାତ୍ରେୟଃ ପ୍ରଦର୍ଶୟେତ୍ ॥ ୧୩୦ ॥
ଧନ୍ୟଂ ୟଶସ୍ୟମାୟୁଷ୍ୟଂ ପୁତ୍ରଭାଗ୍ୟଵିଵର୍ଧନମ୍ ।
କରୋତି ଲେଖନାଦେଵ ପରାର୍ଥଂ ଵା ନ ସଂଶୟଃ ॥ ୧୩୧ ॥
ୟଃ କରୋତ୍ୟୁପଦେଶଂ ଚ ନାମଦତ୍ତସହସ୍ରକମ୍ ।
ସ ଚ ୟାତି ଚ ସାୟୁଜ୍ୟଂ ଶ୍ରୀମାନ୍ ଶ୍ରୀମାନ୍ ନ ସଂଶୟଃ ॥ ୧୩୨ ॥
ପଠନାଚ୍ଛ୍ରଵଣାଦ୍ଵାପି ସର୍ଵାନ୍କାମାନଵାପ୍ନୁୟାତ୍ ।
ଖେଚରତ୍ଵଂ କାର୍ୟସିଦ୍ଧିଂ ୟୋଗସିଦ୍ଧିମଵାପ୍ନୁୟାତ୍ ॥ ୧୩୬ ॥
ଵ୍ରହ୍ମରାକ୍ଷସଵେତାଲୈଃ ପିଶାଚୈଃ କାମିନୀମୁଖୈଃ ।
ପୀଡାକରୈଃ ସୁଖକରୈର୍ଗ୍ରହୈର୍ଦୁଷ୍ଟୈର୍ନ ବାଧ୍ୟତେ ॥ ୧୩୪ ॥
ଦେଵୈଃ ପିଶାଚୈର୍ମୁଚ୍ୟେତ ସକୃଦୁଚ୍ଚାରଣେନ ତୁ ।
ୟସ୍ମିନ୍ଦେଶେ ସ୍ଥିତଂ ଚୈତତ୍ପୁସ୍ତକଂ ଦତ୍ତନାମକମ୍ ॥ ୧୩୫ ॥
ପଞ୍ଚୟୋଜନଵିସ୍ତାରଂ ରକ୍ଷଣଂ ନାତ୍ର ସଂଶୟଃ ।
ସର୍ଵବୀଜସମାୟୁକ୍ତଂ ସ୍ତୋତ୍ରଂ ନାମସହସ୍ରକମ୍ ॥ ୧୩୬ ॥
ସର୍ଵମନ୍ତ୍ରସ୍ଵରୂପଂ ଚ ଦତ୍ତାତ୍ରେୟସ୍ଵରୂପକମ୍ ।
ଏକଵାରଂ ପଠିତ୍ଵା ତୁ ତାମ୍ରପାତ୍ରେ ଜଲଂ ସ୍ପୃଶେତ୍ ॥ ୧୩୭ ॥
ପୀତ୍ଵା ଚେତ୍ସର୍ଵରୋଗୈଶ୍ଚ ମୁଚ୍ୟତେ ନାତ୍ର ସଂଶୟଃ ।
ସ୍ତ୍ରୀଵଶ୍ୟଂ ପୁରୁଷଵଶ୍ୟଂ ରାଜଵଶ୍ୟଂ ଜୟାଵହମ୍ ॥ ୧୩୮ ॥
ସମ୍ପତ୍ପ୍ରଦଂ ମୋକ୍ଷକରଂ ପଠେନ୍ନିତ୍ୟମତନ୍ଦ୍ରିତଃ ।
ଲୀୟତେଽସ୍ମିନ୍ପ୍ରପଞ୍ଚାର୍ଥାନ୍ ଵୈରିଶୋକାଦିକାରିତଃ ॥ ୧୩୯ ॥
ପଠନାତ୍ତୁ ପ୍ରସନ୍ନୋଽହଂ ଶଙ୍କରାଚାର୍ୟ ବୁଦ୍ଧିମାନ୍ ।
ଭଵିଷ୍ୟସି ନ ସନ୍ଦେହଃ ପଠିତଃ ପ୍ରାତରେଵ ମାମ୍ ॥ ୧୪୦ ॥
ଉପଦେକ୍ଷ୍ୟେ ସର୍ଵୟୋଗାନ୍ ଲମ୍ବିକାଦିବହୂନ୍ଵରାନ୍ ।
ଦତ୍ତାତ୍ରେୟସ୍ତୁ ଚେତ୍ୟୁକ୍ତ୍ଵା ସ୍ଵପ୍ନେ ଚାନ୍ତରଧୀୟତ ॥ ୧୪୧ ॥
ସ୍ଵପ୍ନାଦୁତ୍ଥାୟ ଚାଚାର୍ୟଃ ଶଙ୍କରୋ ଵିସ୍ମୟଂ ଗତଃ ।
ସ୍ଵପ୍ନୋପଦେଶିତଂ ସ୍ତୋତ୍ରଂ ଦତ୍ତାତ୍ରେୟେନ ୟୋଗିନା ॥ ୧୪୨ ॥
ସହସ୍ରନାମକଂ ଦିଵ୍ୟଂ ପଠିତ୍ଵା ୟୋଗଵାନ୍ଭଵେତ୍ ।
ଜ୍ଞାନୟୋଗୟତିତ୍ଵଂ ଚ ପରାକାୟପ୍ରଵେଶନମ୍ ॥ ୧୪୩ ॥
ବହୁଵିଦ୍ୟାଖେଚରତ୍ଵଂ ଦୀର୍ଘାୟୁସ୍ତତ୍ପ୍ରସାଦତଃ ।
ତଦାରଭ୍ୟ ଭୁଵି ଶ୍ରେଷ୍ଠଃ ପ୍ରସିଦ୍ଧଶ୍ଚାଭଵଦ୍ୟତୀ ॥ ୧୪୪ ॥
ଇତି ଶ୍ରୀଶଙ୍କରାଚାର୍ୟସ୍ଵପ୍ନାଵସ୍ଥାୟାଂ ଦତ୍ତାତ୍ରେୟୋପଦେଶିତଂ
ସକଲପୁରାଣଵେଦୋକ୍ତପ୍ରପଞ୍ଚାର୍ଥସାରଵତ୍ସ୍ତୋତ୍ରଂ ସମ୍ପୂର୍ଣମ୍ ॥