॥ Devi or Parvathisahasranamastotram Odia Lyrics ॥
॥ ଶ୍ରୀଦେଵୀ ଅଥଵା ପାର୍ଵତିସହସ୍ରନାମସ୍ତୋତ୍ରମ୍ କୂର୍ମପୁରାଣାନ୍ତର୍ଗତମ୍ ॥
ଅଥ ଦେଵୀମାହାତ୍ମ୍ୟମ୍ ।
ସୂତ ଉଵାଚ
ଇତ୍ୟାକର୍ଣ୍ୟାଥ ମୁନୟଃ କୂର୍ମରୂପେଣ ଭାଷିତମ୍ ।
ଵିଷ୍ଣୁନା ପୁନରେଵୈନଂ ପ୍ରଣତା ହରିମ୍ ॥ ୧୨।୧ ॥
ଋଷୟଃ ଊଚୁଃ
କୈଷା ଭଗଵତୀ ଦେଵୀ ଶଂକରାର୍ଦ୍ଧଶରୀରିଣୀ ।
ଶିଵା ସତୀ ହୈମଵତୀ ୟଥାଵଦ୍ବ୍ରୂହି ପୃଚ୍ଛତାମ୍ ॥ ୧୨।୨ ॥
ତେଷାଂ ତଦ୍ଵଚନଂ ଶ୍ରୁତ୍ଵା ମୁନୀନାଂ ପୁରୁଷୋତ୍ତମଃ ।
ପ୍ରତ୍ୟୁଵାଚ ମହାୟୋଗୀ ଧ୍ୟାତ୍ଵା ସ୍ଵଂ ପରମଂ ପଦମ୍ ॥ ୧୨।୩ ॥
ଶ୍ରୀକୂର୍ମ ଉଵାଚ
ପୁରା ପିତାମହେନୋକ୍ତଂ ମେରୁପୃଷ୍ଠେ ସୁଶୋଭନେ ।
ରହସ୍ୟମେତଦ୍ ଵିଜ୍ଞାନଂ ଗୋପନୀୟଂ ଵିଶେଷତଃ ॥ ୧୨।୪ ॥
ସାଂଖ୍ୟାନାଂ ପରମଂ ସାଂଖ୍ୟଂ ବ୍ରହ୍ମଵିଜ୍ଞାନମୁତ୍ତମମ୍ ।
ସଂସାରାର୍ଣଵମଗ୍ନାନାଂ ଜନ୍ତୂନାମେକମୋଚନମ୍ ॥ ୧୨।୫ ॥
ୟା ସା ମାହେଶ୍ଵରୀ ଶକ୍ତିର୍ଜ୍ଞାନରୂପାଽତିଲାଲସା ।
ଵ୍ୟୋମସଂଜ୍ଞା ପରା କାଷ୍ଠା ସେୟଂ ହୈମଵତୀ ମତା ॥ ୧୨।୬ ॥
ଶିଵା ସର୍ଵଗତାଽନାନ୍ତା ଗୁଣାତୀତାତିନିଷ୍କଲା ।
ଏକାନେକଵିଭାଗସ୍ଥା ଜ୍ଞାନରୂପାଽତିଲାଲସା ॥ ୧୨।୭ ॥
ଅନନ୍ୟା ନିଷ୍କଲେ ତତ୍ତ୍ଵେ ସଂସ୍ଥିତା ତସ୍ୟ ତେଜସା ।
ସ୍ଵାଭାଵିକୀ ଚ ତନ୍ମୂଲା ପ୍ରଭା ଭାନୋରିଵାମଲା ॥ ୧୨।୮ ॥
ଏକା ମାହେଶ୍ଵରୀ ଶକ୍ତିରନେକୋପାଧିୟୋଗତଃ ।
ପରାଵରେଣ ରୂପେଣ କ୍ରୀଡତେ ତସ୍ୟ ସନ୍ନିଧୌ ॥ ୧୨।୯ ॥
ସେୟଂ କରୋତି ସକଲଂ ତସ୍ୟାଃ କାର୍ୟମିଦଂ ଜଗତ୍ ।
ନ କାର୍ୟଂ ନାପି କରଣମୀଶ୍ଵରସ୍ୟେତି ସୂରୟଃ ॥ ୧୨।୧୦ ॥
ଚତସ୍ରଃ ଶକ୍ତୟୋ ଦେଵ୍ୟାଃ ସ୍ଵରୂପତ୍ଵେନ ସଂସ୍ଥିତାଃ ।
ଅଧିଷ୍ଠାନଵଶାତ୍ତସ୍ୟାଃ ଶୃଣୁଧ୍ଵଂ ମୁନିପୁଂଗଵାଃ ॥ ୧୨।୧୧ ॥
ଶାନ୍ତିର୍ଵିଦ୍ୟା ପ୍ରତିଷ୍ଠା ଚ ନିଵୃତ୍ତିଶ୍ଚେତି ତାଃ ସ୍ମୃତାଃ ।
ଚତୁର୍ଵ୍ୟୂହସ୍ତତୋ ଦେଵଃ ପ୍ରୋଚ୍ୟତେ ପରମେଶ୍ଵରଃ ॥ ୧୨।୧୨ ॥
ଅନୟା ପରୟା ଦେଵଃ ସ୍ଵାତ୍ମାନନ୍ଦଂ ସମଶ୍ନୁତେ ।
ଚତୁର୍ଷ୍ଵପି ଚ ଵେଦେଷୁ ଚତୁର୍ମୂର୍ତିର୍ମହେଶ୍ଵରଃ ॥ ୧୨।୧୩ ॥
ଅସ୍ୟାସ୍ତ୍ଵନାଦିସଂସିଦ୍ଧମୈଶ୍ଵର୍ୟମତୁଲଂ ମହତ୍ ।
ତତ୍ସମ୍ବନ୍ଧାଦନନ୍ତାୟା ରୁଦ୍ରେଣ ପରମାତ୍ମନା ॥ ୧୨।୧୪ ॥
ସୈଷା ସର୍ଵେଶ୍ଵରୀ ଦେଵୀ ସର୍ଵଭୂତପ୍ରଵର୍ତିକା ।
ପ୍ରୋଚ୍ୟତେ ଭଗଵାନ୍ କାଲୋ ହରିଃ ପ୍ରାଣୋ ମହେଶ୍ଵରଃ ॥ ୧୨।୧୫ ॥
ତତ୍ର ସର୍ଵମିଦଂ ପ୍ରୋତମୋତଂଚୈଵାଖିଲଂ ଜଗତ୍ ।
ସ କାଲୋଽଗ୍ନିର୍ହରୋ ରୁଦ୍ରୋ ଗୀୟତେ ଵେଦଵାଦିଭିଃ ॥ ୧୨।୧୬ ॥
କାଲଃ ସୃଜତି ଭୂତାନି କାଲଃ ସଂହରତେ ପ୍ରଜାଃ ।
ସର୍ଵେ କାଲସ୍ୟ ଵଶଗା ନ କାଲଃ କସ୍ୟଚିଦ୍ ଵଶେ ॥ ୧୨।୧୭ ॥
ପ୍ରଧାନଂ ପୁରୁଷସ୍ତତ୍ତ୍ଵଂ ମହାନାତ୍ମା ତ୍ଵହଂକୃତିଃ ।
କାଲେନାନ୍ୟାନି ତତ୍ତ୍ଵାନି ସମାଵିଷ୍ଟାନି ୟୋଗିନା ॥ ୧୨।୧୮ ॥
ତସ୍ୟ ସର୍ଵଜଗନ୍ମୂର୍ତିଃ ଶକ୍ତିର୍ମାୟେତି ଵିଶ୍ରୁତା ।
ତଦେୟଂ ଭ୍ରାମୟେଦୀଶୋ ମାୟାଵୀ ପୁରୁଷୋତ୍ତମଃ ॥ ୧୨।୧୯ ॥
ସୈଷା ମାୟାତ୍ମିକା ଶକ୍ତିଃ ସର୍ଵାକାରା ସନାତନୀ ।
ଵୈଶ୍ଵରୂପଂ ମହେଶସ୍ୟ ସର୍ଵଦା ସମ୍ପ୍ରକାଶୟେତ୍ ॥ ୧୨।୨୦ ॥
ଅନ୍ୟାଶ୍ଚ ଶକ୍ତୟୋ ମୁଖ୍ୟାସ୍ତସ୍ୟ ଦେଵସ୍ୟ ନିର୍ମିତାଃ ।
ଜ୍ଞାନଶକ୍ତିଃ କ୍ରିୟାଶକ୍ତିଃ ପ୍ରାଣଶକ୍ତିରିତି ତ୍ରୟମ୍ ॥ ୧୨।୨୧ ॥
ସର୍ଵାସାମେଵ ଶକ୍ତୀନାଂ ଶକ୍ତିମନ୍ତୋ ଵିନିର୍ମିତାଃ ।
ମାୟୟୈଵାଥ ଵିପ୍ରେନ୍ଦ୍ରାଃ ସା ଚାନାଦିରନଶ୍ଵରାଃ ॥ ୧୨।୨୨ ॥
ସର୍ଵଶକ୍ତ୍ୟାତ୍ମିକା ମାୟା ଦୁର୍ନିଵାରା ଦୁରତ୍ୟୟା ।
ମାୟାଵୀ ସର୍ଵଶକ୍ତୀଶଃ କାଲଃ କାଲକାରଃ ପ୍ରଭୁଃ ॥ ୧୨।୨୩ ॥
କରୋତି କାଲଃ ସକଲଂ ସଂହରେତ୍ କାଲ ଏଵ ହି ।
କାଲଃ ସ୍ଥାପୟତେ ଵିଶ୍ଵଂ କାଲାଧୀନମିଦଂ ଜଗତ୍ ॥ ୧୨।୨୪ ॥
ଲବ୍ଧ୍ଵା ଦେଵାଧିଦେଵସ୍ୟ ସନ୍ନିଧିଂ ପରମେଷ୍ଠିନଃ ।
ଅନନ୍ତସ୍ୟାଖିଲେଶସ୍ୟ ଶଂଭୋଃ କାଲାତ୍ମନଃ ପ୍ରଭୋଃ ॥ ୧୨।୨୫ ॥
ପ୍ରଧାନଂ ପୁରୁଷୋ ମାୟା ମାୟା ଚୈଵଂ ପ୍ରପଦ୍ୟତେ ।
ଏକା ସର୍ଵଗତାନନ୍ତା କେଵଲା ନିଷ୍କଲା ଶିଵା ॥ ୧୨।୨୬ ॥
ଏକା ଶକ୍ତିଃ ଶିଵୈକୋଽପି ଶକ୍ତିମାନୁଚ୍ୟତେ ଶିଵଃ ।
ଶକ୍ତୟଃ ଶକ୍ତିମନ୍ତୋଽନ୍ୟେ ସର୍ଵଶକ୍ତିସମୁଦ୍ଭଵାଃ ॥ ୧୨।୨୭ ॥
ଶକ୍ତିଶକ୍ତିମତୋର୍ଭେଦଂ ଵଦନ୍ତି ପରମାର୍ଥତଃ ।
ଅଭେଦଂଚାନୁପଶ୍ୟନ୍ତି ୟୋଗିନସ୍ତତ୍ତ୍ଵଚିନ୍ତକାଃ ॥ ୧୨।୨୮ ॥
ଶକ୍ତୟୋ ଗିରଜା ଦେଵୀ ଶକ୍ତିମାନଥ ଶଂକରଃ ।
ଵିଶେଷଃ କଥ୍ୟତେ ଚାୟଂ ପୁରାଣେ ବ୍ରହ୍ମଵାଦିଭିଃ ॥ ୧୨।୨୯ ॥
ଭୋଗ୍ୟା ଵିଶ୍ଵେଶ୍ଵରୀ ଦେଵୀ ମହେଶ୍ଵରପତିଵ୍ରତା ।
ପ୍ରୋଚ୍ୟତେ ଭଗଵାନ୍ ଭୋକ୍ତା କପର୍ଦୀ ନୀଲଲୋହିତଃ ॥ ୧୨।୩୦ ॥
ମନ୍ତା ଵିଶ୍ଵେଶ୍ଵରୋ ଦେଵଃ ଶଂକରୋ ମନ୍ମଥାନ୍ତକଃ ।
ପ୍ରୋଚ୍ୟତେ ମତିରୀଶାନୀ ମନ୍ତଵ୍ୟା ଚ ଵିଚାରତଃ ॥ ୧୨।୩୧ ॥
ଇତ୍ୟେତଦଖିଲଂ ଵିପ୍ରାଃ ଶକ୍ତିଶକ୍ତିମଦୁଦ୍ଭଵମ୍ ।
ପ୍ରୋଚ୍ୟତେ ସର୍ଵଵେଦେଷୁ ମୁନିଭିସ୍ତତ୍ତ୍ଵଦର୍ଶିଭିଃ ॥ ୧୨।୩୨ ॥
ଏତତ୍ପ୍ରଦର୍ଶିତଂ ଦିଵ୍ୟଂ ଦେଵ୍ୟା ମାହାତ୍ମ୍ୟମୁତ୍ତମମ୍ ।
ସର୍ଵଵେଦାନ୍ତଵୀଦେଷୁ ନିଶ୍ଚିତଂ ବ୍ରହ୍ମଵାଦିଭିଃ ॥ ୧୨।୩୩ ॥
ଏକଂ ସର୍ଵଗତଂ ସୂକ୍ଷ୍ମଂ କୂଟସ୍ଥମଚଲଂ ଧ୍ରୁଵମ୍ ।
ୟୋଗିନସ୍ତତ୍ପ୍ରପଶ୍ୟନ୍ତି ମହାଦେଵ୍ୟାଃ ପରଂ ପଦମ୍ ॥ ୧୨।୩୪ ॥
ଆନନ୍ଦମକ୍ଷରଂ ବ୍ରହ୍ମ କେଵଲଂ ନିଷ୍କଲଂ ପରମ୍ ।
ୟୋଗିନସ୍ତତ୍ପ୍ରପଶ୍ୟନ୍ତି ମହାଦେଵ୍ୟାଃ ପରଂ ପଦମ୍ ॥ ୧୨।୩୫ ॥
ପରାତ୍ପରତରଂ ତତ୍ତ୍ଵଂ ଶାଶ୍ଵତଂ ଶିଵମଚ୍ୟୁତମ୍ ।
ଅନନ୍ତପ୍ରକୃତୌ ଲୀନଂ ଦେଵ୍ୟାସ୍ତତ୍ପରମଂ ପଦମ୍ ॥ ୧୨।୩୬ ॥
ଶୁଭଂ ନିରଞ୍ଜନଂ ଶୁଦ୍ଧଂ ନିର୍ଗୁଣଂ ଦ୍ଵୈତଵର୍ଜିତମ୍ ।
ଆତ୍ମୋପଲବ୍ଧିଵିଷୟଂ ଦେଵ୍ୟାସ୍ତତପରମଂ ପଦମ୍ ॥ ୧୨।୩୭ ॥
ସୈଷା ଧାତ୍ରୀ ଵିଧାତ୍ରୀ ଚ ପରମାନନ୍ଦମିଚ୍ଛତାମ୍ ।
ସଂସାରତାପାନଖିଲାନ୍ନିହନ୍ତୀଶ୍ଵରସଂଶ୍ରୟା ॥ ୧୨।୩୮ ॥
ତସ୍ମାଦ୍ଵିମୁକ୍ତିମନ୍ଵିଚ୍ଛନ୍ ପାର୍ଵତୀଂ ପରମେଶ୍ଵରୀମ୍ ।
ଆଶ୍ରୟେତ୍ସର୍ଵଭୂତାନାମାତ୍ମଭୂତାଂ ଶିଵାତ୍ମିକାମ୍ ॥ ୧୨।୩୯ ॥
ଲବ୍ଧ୍ଵା ଚ ପୁତ୍ରୀଂ ଶର୍ଵାଣୀଂ ତପସ୍ତପ୍ତ୍ଵା ସୁଦୁଶ୍ଚରନ୍ ।
ସଭାର୍ୟଃ ଶରଣଂ ୟାତଃ ପାର୍ଵତୀଂ ପରମେଶ୍ଵରୀମ୍ ॥ ୧୨।୪୦ ॥
ତାଂ ଦୃଷ୍ଟ୍ଵା ଜାୟମାନାଂ ଚ ସ୍ଵେଚ୍ଛୟୈଵ ଵରାନନାମ୍ ।
ମେନା ହିମଵତଃ ପତ୍ନୀ ପ୍ରାହେଦଂ ପର୍ଵତେଶ୍ଵରମ୍ ॥ ୧୨।୪୧ ॥
ମେନୋଵାଚ
ପଶ୍ୟ ବାଲାମିମାଂ ରାଜନ୍ରାଜୀଵସଦୃଶାନନାମ୍ ।
ହିତାୟ ସର୍ଵଭୂତାନାଂ ଜାତା ଚ ତପସାଵୟୋଃ ॥ ୧୨।୪୨ ॥
ସୋଽପି ଦୃଷ୍ଟ୍ଵା ତତଃ ଦେଵୀଂ ତରୁଣାଦିତ୍ୟସନ୍ନିଭାମ୍ ।
କପର୍ଦିନୀଂ ଚତୁର୍ଵକ୍ରାଂ ତ୍ରିନେତ୍ରାମତିଲାଲସାମ୍ ॥ ୧୨।୪୩ ॥
ଅଷ୍ଟହସ୍ତାଂ ଵିଶାଲାକ୍ଷୀଂ ଚନ୍ଦ୍ରାଵୟଵଭୂଷଣାମ୍ ।
ନିର୍ଗୁଣାଂ ସଗୁଣାଂ ସାକ୍ଷାତ୍ସଦସଦ୍ଵ୍ୟକ୍ତିଵର୍ଜିତାମ୍ ॥ ୧୨।୪୪ ॥
ପ୍ରଣମ୍ୟ ଶିରସା ଭୂମୌ ତେଜସା ଚାତିଵିହ୍ଵଲଃ ।
ଭୀତଃ କୃତାଞ୍ଜଲିସ୍ତସ୍ୟାଃ ପ୍ରୋଵାଚ ପରମେଶ୍ଵରୀମ୍ ॥ ୧୨।୪୫ ॥
ହିମଵାନୁଵାଚ
କା ତ୍ଵଂ ଦେଵି ଵିଶାଲାକ୍ଷି ଶଶାଙ୍କାଵୟଵାଙ୍କିତେ ।
ନ ଜାନେ ତ୍ଵାମହଂ ଵତ୍ସେ ୟଥାଵଦ୍ବ୍ରୂହି ପୃଚ୍ଛତେ ॥ ୧୨।୪୬ ॥
ଗିରୀନ୍ଦ୍ରଵଚନଂ ଶ୍ରୁତ୍ଵା ତତଃ ସା ପରମେଶ୍ଵରୀ ।
ଵ୍ୟାଜହାର ମହାଶୈଲଂ ୟୋଗିନାମଭୟପ୍ରଦା ॥ ୧୨।୪୭ ॥
ଦେଵ୍ୟୁଵାଚ
ମାଂ ଵିଦ୍ଧି ପରମାଂ ଶକ୍ତିଂ ପରମେଶ୍ଵରସମାଶ୍ରୟାମ୍ ॥ ୧୨।୪୮ ॥
ଅନନ୍ୟାମଵ୍ୟୟାମେକାଂ ୟାଂ ପଶ୍ୟନ୍ତି ମୁମୁକ୍ଷଵଃ ।
ଅହଂ ଵୈ ସର୍ଵଭାଵାନାତ୍ମା ସର୍ଵାନ୍ତରା ଶିଵା ॥ ୧୨।୪୯ ॥
ଶାଶ୍ଵତୈଶ୍ଵର୍ୟଵିଜ୍ଞାନମୂର୍ତିଃ ସର୍ଵପ୍ରଵର୍ତିକା ।
ଅନନ୍ତାଽନନ୍ତମହିମା ସଂସାରାର୍ଣଵତାରିଣୀ ॥ ୧୨।୫୦ ॥
ଦିଵ୍ୟଂ ଦଦାମି ତେ ଚକ୍ଷୁଃ ପଶ୍ୟ ମେ ରୂପମୈଶ୍ଵରମ୍ ।
ଏତାଵଦୁକ୍ତ୍ଵା ଵିଜ୍ଞାନଂ ଦତ୍ତ୍ଵା ହିମଵତେ ସ୍ଵୟମ୍ ॥ ୧୨।୫୧ ॥
ସ୍ଵଂ ରୂପଂ ଦର୍ଶୟାମାସ ଦିଵ୍ୟଂ ତତ୍ ପାରମେଶ୍ଵରମ୍ ।
କୋଟିସୂର୍ୟପ୍ରିତୀକାଶଂ ତେଜୋବିମ୍ବଂ ନିରାକୁଲମ୍ ॥ ୧୨।୫୨ ॥
ଜ୍ଵାଲାମାଲାସହସ୍ରାଢ୍ୟଂ କାଲାନଲଶତୋପମମ୍ ।
ଦଂଷ୍ଟ୍ରାକରାଲଂ ଦୁର୍ଦ୍ଧର୍ଷଂ ଜଟାମଣଡଲମଣ୍ଡିତମ୍ ॥ ୧୨।୫୩ ॥
କିରୀଟିନଂ ଗଦାହସ୍ତଂ ଶଙ୍କଚକ୍ରଧରଂ ତଥା ।
ତ୍ରିଶୂଲଵରହସ୍ତଂ ଚ ଘୋରରୂପଂ ଭୟାନକମ୍ ॥ ୧୨।୫୪ ॥
ପ୍ରଶାନ୍ତଂ ସୋମ୍ୟଵଦନମନନ୍ତାଶ୍ଚର୍ୟସଂୟୁତମ୍ ।
ଚନ୍ଦ୍ରାଵୟଵଲକ୍ଷ୍ମାଣଂ ଚନ୍ଦ୍ରକୋଟିସମପ୍ରଭମ୍ ॥ ୧୨।୫୫ ॥
କିରୀଟିନଂ ଗଦାହସ୍ତଂ ନୂପୁରୈରୁପଶୋଭିତମ୍ ।
ଦିଵ୍ୟମାଲ୍ୟାମ୍ବରଧରଂ ଦିଵ୍ୟଗନ୍ଧାନୁଲେପନମ୍ ॥ ୧୨।୫୬ ॥
ଶଙ୍ଖଚକ୍ରଧରଂ କାମ୍ୟଂ ତ୍ରିନେତ୍ରଂ କୃତ୍ତିଵାସସମ୍ ।
ଅଣ୍ଡସ୍ଥଂ ଚାଣ୍ଡବାହ୍ୟସ୍ଥଂ ବାହ୍ୟମାଭ୍ୟନ୍ତରଂ ପରମ୍ ॥ ୧୨।୫୭ ॥
ସର୍ଵଶକ୍ତିମୟଂ ଶୁଭ୍ରଂ ସର୍ଵାକାରଂ ସନାତନମ୍ ।
ବ୍ରହ୍ମୋନ୍ଦ୍ରୋପେନ୍ଦ୍ରୟୋଗୀନ୍ଦ୍ରୈର୍ଵନ୍ଦ୍ୟମାନପଦାମ୍ବୁଜମ୍ ॥ ୧୨।୫୮ ॥
ସର୍ଵତଃ ପାଣିପାଦାନ୍ତଂ ସର୍ଵତୋଽକ୍ଷିଶିରୋମୁଖମ୍ ।
ସର୍ଵମାଵୃତ୍ୟ ତିଷ୍ଠନ୍ତଂ ଦଦର୍ଶ ପରମେଶ୍ଵରମ୍ ॥ ୧୨।୫୯ ॥
ଦୃଷ୍ଟ୍ଵା ତଦୀଦୃଶଂ ରୂପଂ ଦେଵ୍ୟା ମାହେଶ୍ଵରଂ ପରମ୍ ।
ଭୟେନ ଚ ସମାଵିଷ୍ଟଃ ସ ରାଜା ହୃଷ୍ଟମାନସଃ ॥ ୧୨।୬୦ ॥
ଆତ୍ମନ୍ୟାଧାୟ ଚାତ୍ମାନମୋଙ୍କାରଂ ସମନୁସ୍ମରନ୍ ।
ନାମ୍ନାମଷ୍ଟସହସ୍ରେଣ ତୁଷ୍ଟାଵ ପରମେଶ୍ଵରୀମ୍ ॥ ୧୨।୬୧ ॥
ହିମଵାନୁଵାଚ
ଶିଵୋମା ପରମା ଶକ୍ତିରନନ୍ତା ନିଷ୍କଲାମଲା ।
ଶାନ୍ତା ମାହେଶ୍ଵରୀ ନିତ୍ୟା ଶାଶ୍ଵତୀ ପରମାକ୍ଷରା ॥ ୧୨।୬୨ ॥
ଅଚିନ୍ତ୍ୟା କେଵଲାଽନନ୍ତ୍ୟା ଶିଵାତ୍ମା ପରମାତ୍ମିକା ।
ଅନାଦିରଵ୍ୟୟା ଶୁଦ୍ଧା ଦେଵାତ୍ମା ସର୍ଵଗାଽଚଲା ॥ ୧୨।୬୩ ॥
ଏକାନେକଵିଭାଗସ୍ଥା ମାୟାତୀତା ସୁନିର୍ମଲା ।
ମହାମାହେଶ୍ଵରୀ ସତ୍ୟା ମହାଦେଵୀ ନିରଞ୍ଜନା ॥ ୧୨।୬୪ ॥
କାଷ୍ଠା ସର୍ଵାନ୍ତରସ୍ଥା ଚ ଚିଚ୍ଛକ୍ତିରତିଲାଲସା ।
ନନ୍ଦା ସର୍ଵାତ୍ମିକା ଵିଦ୍ୟା ଜ୍ୟୋତୀରୂପାଽମୃତାକ୍ଷରା ॥ ୧୨।୬୫ ॥
ଶାନ୍ତିଃ ପ୍ରତିଷ୍ଠା ସର୍ଵେଷାଂ ନିଵୃତ୍ତିରମୃତପ୍ରଦା ।
ଵ୍ୟୋମମୂର୍ତିର୍ଵ୍ୟୋମଲୟା ଵ୍ୟୋମାଧାରାଽଚ୍ୟୁତାଽମରା ॥ ୧୨।୬୬ ॥
ଅନାଦିନିଧନାଽମୋଘା କାରଣାତ୍ମାକୁଲାକୁଲା ।
ସ୍ଵତଃ ପ୍ରଥମଜାନାଭିରମୃତସ୍ୟାତ୍ମସଂଶ୍ରୟା ॥ ୧୨।୬୭ ॥
ପ୍ରାଣେଶ୍ଵରପ୍ରିୟା ମାତା ମହାମହିଷଘାତିନୀ ।
ପ୍ରାଣେଶ୍ଵରୀ ପ୍ରାଣରୂପା ପ୍ରଧାନପୁରୁଷେଶ୍ଵରୀ ॥ ୧୨।୬୮ ॥
ମହାମାୟା ସୁଦୁଷ୍ପୂରା ମୂଲପ୍ରକୃତିରୀଶ୍ଵରୀ
ସର୍ଵଶକ୍ତିକଲାକାରା ଜ୍ୟୋତ୍ସ୍ନା ଦ୍ୟୋର୍ମହିମାସ୍ପଦା ॥ ୧୨।୬୯ ॥
ସର୍ଵକାର୍ୟନିୟନ୍ତ୍ରୀ ଚ ସର୍ଵଭୂତେଶ୍ଵରେଶ୍ଵରୀ ।
ସଂସାରୟୋନିଃ ସକଲା ସର୍ଵଶକ୍ତିସମୁଦ୍ଭଵା ॥ ୧୨।୭୦ ॥
ସଂସାରପୋତା ଦୁର୍ଵାରା ଦୁର୍ନିରୀକ୍ଷ୍ୟ ଦୁରାସଦା ।
ପ୍ରାଣଶକ୍ତିଃ ପ୍ରାଣଵିଦ୍ୟା ୟୋଗନୀପରମା କଲା ॥ ୧୨।୭୧ ॥
ମହଵିଭୂତିଦୁର୍ଦର୍ଷା ମୂଲପ୍ରକୃତିସମ୍ଭଵା ।
ଅନାଦ୍ୟନନ୍ତଵିଭଵା ପରମାଦ୍ୟାପକର୍ଷିଣୀ ॥ ୧୨।୭୨ ॥
ସର୍ଗସ୍ଥିତ୍ୟନ୍ତକରଣୀ ସୁଦୁର୍ଵାଚ୍ୟାଦୁରତ୍ୟୟା ।
ଶବ୍ଦୟୋନିଃ ଶବ୍ଦମୟୀ ନାଦାଖ୍ୟା ନାଦଵିଗ୍ରହା ॥ ୧୨।୭୩ ॥
ଅନାଦିରଵ୍ୟକ୍ତଗୁଣା ମହାନନ୍ଦା ସନାତନୀ ।
ଆକାଶୟୋନିର୍ୟୋଗସ୍ଥା ମହାୟୋଗେଶ୍ଵରେଶ୍ଵରୀ ॥ ୧୨।୭୪ ॥
ମହାମାୟା ସୁଦୁଷ୍ପାରା ମୂଲପ୍ରକୃତିରୀଶ୍ଵରୀ
ପ୍ରଧାନପୁରୁଷାତୀତା ପ୍ରଧାନପୁରୁଷାତ୍ମିକା ॥ ୧୨।୭୫ ॥
ପୁରାଣୀ ଚିନ୍ମୟୀ ପୁଂସାମାଦିଃ ପୁରୁଷରୂପିଣୀ ।
ଭୂତାନ୍ତରାତ୍ମା କୂଟସ୍ଥା ମହାପୁରୁଷସଂଜ୍ଞିତା ॥ ୧୨।୭୬ ॥
ଜନ୍ମମୃତ୍ୟୁଜରାତୀତା ସର୍ଵଶକ୍ତିସମନ୍ଵିତା ।
ଵ୍ୟାପିନୀ ଚାନଵଚ୍ଛିନ୍ନା ପ୍ରଧାନାନୁପ୍ରଵେଶିନୀ ॥ ୧୨।୭୭ ॥
କ୍ଷେତ୍ରଜ୍ଞଶକ୍ତିରଵ୍ୟକ୍ତଲକ୍ଷଣା ମଲଵର୍ଜିତା ।
ଅନାଦିମାୟାସଂଭିନ୍ନା ତ୍ରିତତ୍ତ୍ଵା ପ୍ରକୃତିଗ୍ରହା ॥ ୧୨।୭୮ ॥
ମହାମାୟାସମୁତ୍ପନ୍ନା ତାମସୀ ପୌରୁଷୀ ଧ୍ରୁଵା ।
ଵ୍ୟକ୍ତାଵ୍ୟକ୍ତାତ୍ମିକା କୃଷ୍ଣା ରକ୍ତା ଶୁକ୍ଲା ପ୍ରସୂତିକା ॥ ୧୨।୭୯ ॥
ଅକାର୍ୟା କାର୍ୟଜନନୀ ନିତ୍ୟଂ ପ୍ରସଵଧର୍ମିଣୀ ।
ସର୍ଗପ୍ରଲୟନିର୍ମୁକ୍ତା ସୃଷ୍ଟିସ୍ଥିତ୍ୟନ୍ତଧର୍ମିଣୀ ॥ ୧୨।୮୦ ॥
ବ୍ରହ୍ମଗର୍ଭା ଚତୁର୍ଵିଶା ପଦ୍ମନାଭାଽଚ୍ୟୁତାତ୍ମିକା ।
ଵୈଦ୍ୟୁତୀ ଶାଶ୍ଵତୀ ୟୋନିର୍ଜଗନ୍ମାତେଶ୍ଵରପ୍ରିୟା ॥ ୧୨।୮୧ ॥
ସର୍ଵାଧାରା ମହାରୂପା ସର୍ଵୈଶ୍ଵର୍ୟସମନ୍ଵିତା ।
ଵିଶ୍ଵରୂପା ମହାଗର୍ଭା ଵିଶ୍ଵେଶେଚ୍ଛାନୁଵର୍ତିନୀ ॥ ୧୨।୮୨ ॥
ମହୀୟସୀ ବ୍ରହ୍ମୟୋନିଃ ମହାଲକ୍ଷ୍ମୀସମୁଦ୍ଭଵା
ମହାଵିମାନମଧ୍ୟସ୍ଥା ମହାନିଦ୍ରାତ୍ମହେତୁକା ॥ ୧୨।୮୩ ॥
ସର୍ଵସାଧାରଣୀ ସୂକ୍ଷ୍ମା ହ୍ୟଵିଦ୍ୟା ପାରମାର୍ଥିକା ।
ଅନନ୍ତରୂପାଽନନ୍ତସ୍ଥା ଦେଵୀ ପୁରୁଷମୋହିନୀ ॥ ୧୨।୮୪ ॥
ଅନେକାକାରସଂସ୍ଥାନା କାଲତ୍ରୟଵିଵର୍ଜିତା ।
ବ୍ରହ୍ମଜନ୍ମା ହରେର୍ମୂର୍ତିର୍ବ୍ରହ୍ମଵିଷ୍ଣୁଶିଵାତ୍ମିକା ॥ ୧୨।୮୫ ॥
ବ୍ରହ୍ମେଶଵିଷ୍ଣୁଜନନୀ ବ୍ରହ୍ମାଖ୍ୟା ବ୍ରହ୍ମସଂଶ୍ରୟା ।
ଵ୍ୟକ୍ତା ପ୍ରଥମଜା ବ୍ରାହ୍ମୀ ମହତୀ ଜ୍ଞାନରୂପିଣୀ ॥ ୧୨।୮୬ ॥
ଵୈରାଗ୍ୟୈଶ୍ଵର୍ୟଧର୍ମାତ୍ମା ବ୍ରହ୍ମମୂର୍ତିର୍ହୃଦିସ୍ଥିତା ।
ଅପାଂୟୋନିଃ ସ୍ଵୟଂଭୂତିର୍ମାନସୀ ତତ୍ତ୍ଵସଂଭଵା ॥ ୧୨।୮୭ ॥
ଈଶ୍ଵରାଣୀ ଚ ଶର୍ଵାଣୀ ଶଂକରାର୍ଦ୍ଧଶରୀରିଣୀ ।
ଭଵାନୀ ଚୈଵ ରୁଦ୍ରାଣୀ ମହାଲକ୍ଷ୍ମୀରଥାମ୍ବିକା ॥ ୧୨।୮୮ ॥
ମହେଶ୍ଵରସମୁତ୍ପନ୍ନା ଭୁକ୍ତିମୁକ୍ତିଫଲପ୍ରଦା ।
ସର୍ଵେଶ୍ଵରୀ ସର୍ଵଵନ୍ଦ୍ୟା ନିତ୍ୟଂ ମୁଦିତମାନସା ॥ ୧୨।୮୯ ॥
ବ୍ରହ୍ମେନ୍ଦ୍ରୋପେନ୍ଦ୍ରନମିତା ଶଂକରେଚ୍ଛାନୁଵର୍ତିନୀ ।
ଈଶ୍ଵରାର୍ଦ୍ଧାସନଗତା ମହେଶ୍ଵରପତିଵ୍ରତା ॥ ୧୨।୯୦ ॥
ସକୃଦ୍ଵିଭାତା ସର୍ଵାର୍ତି ସମୁଦ୍ରପରିଶୋଷିଣୀ ।
ପାର୍ଵତୀ ହିମଵତ୍ପୁତ୍ରୀ ପରମାନନ୍ଦଦାୟିନୀ ॥ ୧୨।୯୧ ॥
ଗୁଣାଢ୍ୟା ୟୋଗଜା ୟୋଗ୍ୟା ଜ୍ଞାନମୂର୍ତିର୍ଵିକାସିନୀ ।
ସାଵିତ୍ରୀକମଲା ଲକ୍ଷ୍ମୀଃ ଶ୍ରୀରନନ୍ତୋରସି ସ୍ଥିତା ॥ ୧୨।୯୨ ॥
ସରୋଜନିଲୟା ମୁଦ୍ରା ୟୋଗନିଦ୍ରା ସୁରାର୍ଦିନୀ ।
ସରସ୍ଵତୀ ସର୍ଵଵିଦ୍ୟା ଜଗଜ୍ଜ୍ୟେଷ୍ଠା ସୁମଙ୍ଗଲା ॥ ୧୨।୯୩ ॥
ଵାଗ୍ଦେଵୀ ଵରଦା ଵାଚ୍ୟା କୀର୍ତିଃ ସର୍ଵାର୍ଥସାଧିକା ।
ୟୋଗୀଶ୍ଵରୀ ବ୍ରହ୍ମଵିଦ୍ୟା ମହାଵିଦ୍ୟା ସୁଶୋଭନା ॥ ୧୨।୯୪ ॥
ଗୁହ୍ୟଵିଦ୍ୟାତ୍ମଵିଦ୍ୟା ଚ ଧର୍ମଵିଦ୍ୟାତ୍ମଭାଵିତା ।
ସ୍ଵାହା ଵିଶ୍ଵଂଭରା ସିଦ୍ଧିଃ ସ୍ଵଧା ମେଧା ଧୃତିଃ ଶ୍ରୁତିଃ ॥ ୧୨।୯୫ ॥
ନୀତିଃ ସୁନୀତିଃ ସୁକୃତିର୍ମାଧଵୀ ନରଵାହିନୀ ।
ପୂଜ୍ୟା ଵିଭାଵରୀ ସୌମ୍ୟା ଭୋଗିନୀ ଭୋଗଶାୟିନୀ ॥ ୧୨।୯୬ ॥
ଶୋଭା ଵଂଶକରୀ ଲୋଲା ମାଲିନୀ ପରମେଷ୍ଠିନୀ ।
ତ୍ରୈଲୋକ୍ୟସୁନ୍ଦରୀ ରମ୍ୟା ସୁନ୍ଦରୀ କାମଚାରିଣୀ ॥ ୧୨।୯୭ ॥
ମହାନୁଭାଵା ସତ୍ତ୍ଵସ୍ଥା ମହାମହିଷମର୍ଦିନୀ ।
ପଦ୍ମମାଲା ପାପହରା ଵିଚିତ୍ରା ମୁକୁଟାନନା ॥ ୧୨।୯୮ ॥
କାନ୍ତା ଚିତ୍ରାମ୍ବରଧରା ଦିଵ୍ୟାବରଣଭୂଷିତା ।
ହଂସାଖ୍ୟା ଵ୍ୟୋମନିଲୟା ଜଗତ୍ସୃଷ୍ଟିଵିଵର୍ଦ୍ଧିନୀ ॥ ୧୨।୯୯ ॥
ନିର୍ୟନ୍ତ୍ରା ୟନ୍ତ୍ରଵାହସ୍ଥା ନନ୍ଦିନୀ ଭଦ୍ରକାଲିକା ।
ଆଦିତ୍ୟଵର୍ଣା କୌମାରୀ ମୟୂରଵରଵାହନା ॥ ୧୨।୧୦୦ ॥
ଵୃଷାସନଗତା ଗୌରୀ ମହାକାଲୀ ସୁରାର୍ଚିତା ।
ଅଦିତିର୍ନିୟତା ରୌଦ୍ରା ପଦ୍ମଗର୍ଭା ଵିଵାହନା ॥ ୧୨।୧୦୧ ॥
ଵିରୂପାକ୍ଷୀ ଲେଲିହାନା ମହାପୁରନିଵାସିନୀ ।
ମହାଫଲାଽନଵଦ୍ୟାଙ୍ଗୀ କାମରୁପା ଵିଭାଵରୀ ॥ ୧୨।୧୦୨ ॥
ଵିଚିତ୍ରରତ୍ନମୁକୁଟା ପ୍ରଣତାର୍ତିପ୍ରଭଞ୍ଜନୀ ।
କୌଶିକୀ କର୍ଷଣୀ ରାତ୍ରିସ୍ତ୍ରିଦଶାର୍ତିଵିନାଶିନୀ ॥ ୧୨।୧୦୩ ॥
ବହୁରୂପା ସ୍ଵରୂପା ଚ ଵିରୂପା ରୂପଵର୍ଜିତା ।
ଭକ୍ତାର୍ତିଶମନୀ ଭଵ୍ୟା ଭଵଭାରଵିନାଶନୀ ॥ ୧୨।୧୦୪ ॥
ନିର୍ଗୁଣା ନିତ୍ୟଵିଭଵା ନିଃସାରା ନିରପତ୍ରପା ।
ୟଶସ୍ଵିନୀ ସାମଗୀତିର୍ଭଵାଙ୍ଗନିଲୟାଲୟା ॥ ୧୨।୧୦୫ ॥
ଦୀକ୍ଷା ଵିଦ୍ୟାଧରୀ ଦୀପ୍ତା ମହେନ୍ଦ୍ରଵିନିପାତିନୀ ।
ସର୍ଵାତିଶାୟିନୀ ଵିଶ୍ଵା ସର୍ଵସିଦ୍ଧିପ୍ରଦାୟିନୀ ॥ ୧୨।୧୦୬ ॥
ସର୍ଵେଶ୍ଵରପ୍ରିୟା ଭାର୍ୟା ସମୁଦ୍ରାନ୍ତରଵାସିନୀ ।
ଅକଲଙ୍କା ନିରାଧାରା ନିତ୍ୟସିଦ୍ଧା ନିରାମୟା ॥ ୧୨।୧୦୭ ॥
କାମଧେନୁର୍ବୃହଦ୍ଗର୍ଭା ଧୀମତୀ ମୋହନାଶିନୀ ।
ନିଃସଙ୍କଲ୍ପା ନିରାତଙ୍କା ଵିନୟା ଵିନୟପ୍ରିୟା ॥ ୧୨।୧୦୮ ॥
ଜ୍ଵାଲାମାଲାସହସ୍ରାଢ୍ୟା ଦେଵଦେଵୀ ମନୋମୟୀ ।
ମହାଭଗଵତୀ ଭର୍ଗା ଵାସୁଦେଵସମୁଦ୍ଭଵା ॥ ୧୨।୧୦୯ ॥
ମହେନ୍ଦ୍ରୋପେନ୍ଦ୍ରଭଗିନୀ ଭକ୍ତିଗମ୍ୟା ପରାଵରା ।
ଜ୍ଞାନଜ୍ଞେୟା ଜରାତୀତା ଵେଦାନ୍ତଵିଷୟା ଗତିଃ ॥ ୧୨।୧୧୦ ॥
ଦକ୍ଷିଣା ଦହନା ମାୟା ସର୍ଵଭୂତନମସ୍କୃତା ।
ୟୋଗମାୟା ଵିଭାଗଜ୍ଞା ମହାମୋହା ମହୀୟସୀ ॥ ୧୨।୧୧୧ ॥
ସଂଧ୍ୟା ସର୍ଵସମୁଦ୍ଭୂତିର୍ବ୍ରହ୍ମଵୃକ୍ଷାଶ୍ରୟାନତିଃ ।
ବୀଜାଙ୍କୁରସମୁଦ୍ଭୂତିର୍ମହାଶକ୍ତିର୍ମହାମତିଃ ॥ ୧୨।୧୧୨ ॥
ଖ୍ୟାତିଃ ପ୍ରଜ୍ଞା ଚିତିଃ ସଂଚ୍ଚିନ୍ମହାଭୋଗୀନ୍ଦ୍ରଶାୟିନୀ ।
ଵିକୃତିଃ ଶାଂସରୀ ଶାସ୍ତିର୍ଗଣଗନ୍ଧର୍ଵସେଵିତା ॥ ୧୨।୧୧୩ ॥
ଵୈଶ୍ଵାନରୀ ମହାଶାଲା ଦେଵସେନା ଗୁହପ୍ରିୟା ।
ମହାରାତ୍ରିଃ ଶିଵାମନ୍ଦା ଶଚୀ ଦୁଃସ୍ଵପ୍ନନାଶିନୀ ॥ ୧୨।୧୧୪ ॥
ଇଜ୍ୟା ପୂଜ୍ୟା ଜଗଦ୍ଧାତ୍ରୀ ଦୁର୍ଵିଜ୍ଞେୟା ସୁରୂପିଣୀ ।
ତପସ୍ଵିନୀ ସମାଧିସ୍ଥା ତ୍ରିନେତ୍ରା ଦିଵି ସଂସ୍ଥିତା ॥ ୧୨।୧୧୫ ॥
ଗୁହାମ୍ବିକା ଗୁଣୋତ୍ପତ୍ତିର୍ମହାପୀଠା ମରୁତ୍ସୁତା ।
ହଵ୍ୟଵାହାନ୍ତରାଗାଦିଃ ହଵ୍ୟଵାହସମୁଦ୍ଭଵା ॥ ୧୨।୧୧୬ ॥
ଜଗଦ୍ୟୋନିର୍ଜଗନ୍ମାତା ଜନ୍ମମୃତ୍ୟୁଜରାତିଗା ।
ବୁଦ୍ଧିମାତା ବୁଦ୍ଧିମତୀ ପୁରୁଷାନ୍ତରଵାସିନୀ ॥ ୧୨।୧୧୭ ॥
ତରସ୍ଵିନୀ ସମାଧିସ୍ଥା ତ୍ରିନେତ୍ରା ଦିଵିସଂସ୍ଥିତା ।
ସର୍ଵେନ୍ଦ୍ରିୟମନୋମାତା ସର୍ଵଭୂତହୃଦି ସ୍ଥିତା ॥ ୧୨।୧୧୮ ॥
ସଂସାରତାରିଣୀ ଵିଦ୍ୟା ବ୍ରହ୍ମଵାଦିମନୋଲୟା ।
ବ୍ରହ୍ମାଣୀ ବୃହତୀ ବ୍ରାହ୍ମୀ ବ୍ରହ୍ମଭୂତା ଭଵାରଣୀ ॥ ୧୨।୧୧୯ ॥
ହିରଣ୍ମୟୀ ମହାରାତ୍ରିଃ ସଂସାରପରିଵର୍ତ୍ତିକା ।
ସୁମାଲିନୀ ସୁରୂପା ଚ ଭାଵିନୀ ତାରିଣୀ ପ୍ରଭା ॥ ୧୨।୧୨୦ ॥
ଉନ୍ମୀଲନୀ ସର୍ଵସହା ସର୍ଵପ୍ରତ୍ୟୟସାକ୍ଷିଣୀ ।
ସୁସୌମ୍ୟା ଚନ୍ଦ୍ରଵଦନା ତାଣ୍ଡଵାସକ୍ତମାନସା ॥ ୧୨।୧୨୧ ॥
ସତ୍ତ୍ଵଶୁଦ୍ଧିକରୀ ଶୁଦ୍ଧିର୍ମଲତ୍ରୟଵିନାଶିନୀ ।
ଜଗତ୍ପ୍ରିୟା ଜଗନ୍ମୂର୍ତିସ୍ତ୍ରିମୂର୍ତିରମୃତାଶ୍ ॥ ୧୨।୧୨୨ ॥
ନିରାଶ୍ରୟା ନିରାହାରା ନିରଙ୍କୁରଵନୋଦ୍ଭଵା ।
ଚନ୍ଦ୍ରହସ୍ତା ଵିଚିତ୍ରାଙ୍ଗୀ ସ୍ରଗ୍ଵିଣୀ ପଦ୍ମଧାରିଣୀ ॥ ୧୨।୧୨୩ ॥
ପରାଵରଵିଧାନଜ୍ଞା ମହାପୁରୁଷପୂର୍ଵଜା ।
ଵିଦ୍ୟେଶ୍ଵରପ୍ରିୟା ଵିଦ୍ୟା ଵିଦ୍ୟୁଜ୍ଜିହ୍ଵା ଜିତଶ୍ରମା ॥ ୧୨।୧୨୪ ॥
ଵିଦ୍ୟାମୟୀ ସହସ୍ରାକ୍ଷୀ ସହସ୍ରଵଦନାତ୍ମଜା ।
ସହସ୍ରରଶ୍ମିଃ ସତ୍ତ୍ଵସ୍ଥା ମହେଶ୍ଵରପଦାଶ୍ରୟା ॥ ୧୨।୧୨୫ ॥
କ୍ଷାଲିନୀ ସନ୍ମୟୀ ଵ୍ୟାପ୍ତା ତୈଜସୀ ପଦ୍ମବୋଧିକା ।
ମହାମାୟାଶ୍ରୟା ମାନ୍ୟା ମହାଦେଵମନୋରମା ॥ ୧୨।୧୨୬ ॥
ଵ୍ୟୋମଲକ୍ଷ୍ମୀଃ ସିହରଥା ଚେକିତାନାମିତପ୍ରଭା ।
ଵୀରେଶ୍ଵରୀ ଵିମାନସ୍ଥା ଵିଶୋକାଶୋକନାଶିନୀ ॥ ୧୨।୧୨୭ ॥
ଅନାହତା କୁଣ୍ଡଲିନୀ ନଲିନୀ ପଦ୍ମଵାସିନୀ ।
ସଦାନନ୍ଦା ସଦାକୀର୍ତିଃ ସର୍ଵଭୂତାଶ୍ରୟସ୍ଥିତା ॥ ୧୨।୧୨୮ ॥
ଵାଗ୍ଦେଵତା ବ୍ରହ୍ମକଲା କଲାତୀତା କଲାରଣୀ ।
ବ୍ରହ୍ମଶ୍ରୀର୍ବ୍ରହ୍ମହୃଦୟା ବ୍ରହ୍ମଵିଷ୍ଣୁଶିଵପ୍ରିୟା ॥ ୧୨।୧୨୯ ॥
ଵ୍ୟୋମଶକ୍ତିଃ କ୍ରିୟାଶକ୍ତିର୍ଜ୍ଞାନଶକ୍ତିଃ ପରାଗତିଃ ।
କ୍ଷୋଭିକା ବନ୍ଧିକା ଭେଦ୍ୟା ଭେଦାଭେଦଵିଵର୍ଜିତା ॥ ୧୨।୧୩୦ ॥
ଅଭିନ୍ନାଭିନ୍ନସଂସ୍ଥାନା ଵଂଶିନୀ ଵଂଶହାରିଣୀ ।
ଗୁହ୍ୟଶକ୍ତିର୍ଗୁଣାତୀତା ସର୍ଵଦା ସର୍ଵତୋମୁଖୀ ॥ ୧୨।୧୩୧ ॥
ଭଗିନୀ ଭଗଵତ୍ପତ୍ନୀ ସକଲା କାଲକାରିଣୀ ।
ସର୍ଵଵିତ୍ ସର୍ଵତୋଭଦ୍ରା ଗୁହ୍ୟାତୀତା ଗୁହାଵଲିଃ ॥ ୧୨।୧୩୨ ॥
ପ୍ରକ୍ରିୟା ୟୋଗମାତା ଚ ଗଙ୍ଗା ଵିଶ୍ଵେଶ୍ଵରେଶ୍ଵରୀ ।
କପିଲା କାପିଲା କାନ୍ତାକନକାଭାକଲାନ୍ତରା ॥ ୧୨।୧୩୩ ॥
ପୁଣ୍ୟା ପୁଷ୍କରିଣୀ ଭୋକ୍ତ୍ରୀ ପୁରଂଦରପୁରସ୍ସରା ।
ପୋଷଣୀ ପରମୈଶ୍ଵର୍ୟଭୂତିଦା ଭୂତିଭୂଷଣା ॥ ୧୨।୧୩୪ ॥
ପଞ୍ଚବ୍ରହ୍ମସମୁତ୍ପତ୍ତିଃ ପରମାର୍ଥାର୍ଥଵିଗ୍ରହା ।
ଧର୍ମୋଦୟା ଭାନୁମତୀ ୟୋଗିଜ୍ଞେୟ ମନୋଜଵା ॥ ୧୨।୧୩୫ ॥
ମନୋହରା ମନୋରସ୍ଥା ତାପସୀ ଵେଦରୂପିଣୀ ।
ଵେଦଶକ୍ତିର୍ଵେଦମାତା ଵେଦଵିଦ୍ୟାପ୍ରକାଶିନୀ ॥ ୧୨।୧୩୬ ॥
ୟୋଗେଶ୍ଵରେଶ୍ଵରୀ ମାତା ମହାଶକ୍ତିର୍ମନୋମୟୀ ।
ଵିଶ୍ଵାଵସ୍ଥା ଵିୟନ୍ମୂର୍ତ୍ତିର୍ଵିଦ୍ୟୁନ୍ମାଲା ଵିହାୟସୀ ॥ ୧୨।୧୩୭ ॥
କିଂନରୀ ସୁରଭିର୍ଵନ୍ଦ୍ୟା ନନ୍ଦିନୀ ନନ୍ଦିଵଲ୍ଲଭା ।
ଭାରତୀ ପରମାନନ୍ଦା ପରାପରଵିଭେଦିକା ॥ ୧୨।୧୩୮ ॥
ସର୍ଵପ୍ରହରଣୋପେତା କାମ୍ୟା କାମେଶ୍ଵରେଶ୍ଵରୀ ।
ଅଚିନ୍ତ୍ୟାଽଚିନ୍ତ୍ୟଵିଭଵା ହୃଲ୍ଲେଖା କନକପ୍ରଭା ୧୨।୧୩୯ ॥
କୂଷ୍ମାଣ୍ଡୀ ଧନରତ୍ନାଢ୍ୟା ସୁଗନ୍ଧା ଗନ୍ଧାୟିନୀ ।
ତ୍ରିଵିକ୍ରମପଦୋଦ୍ଭୂତା ଧନୁଷ୍ପାଣିଃ ଶିଵୋଦୟା ॥ ୧୨।୧୪୦ ॥
ସୁଦୁର୍ଲଭା ଧନାଦ୍ୟକ୍ଷା ଧନ୍ୟା ପିଙ୍ଗଲଲୋଚନା ।
ଶାନ୍ତିଃ ପ୍ରଭାଵତୀ ଦୀପ୍ତିଃ ପଙ୍କଜାୟତଲୋଚନା ॥ ୧୨।୧୪୧ ॥
ଆଦ୍ୟା ହୃତ୍କମଲୋଦ୍ଭୂତା ଗଵାଂ ମତା ରଣପ୍ରିୟା ।
ସତ୍କ୍ରିୟା ଗିରିଜା ଶୁଦିର୍ନିତ୍ୟପୁଷ୍ଟା ନିରନ୍ତରା ॥ ୧୨।୧୪୨ ॥
ଦୁର୍ଗାକାତ୍ୟାୟନୀଚଣ୍ଡୀ ଚର୍ଚିକା ଶାନ୍ତଵିଗ୍ରହା ।
ହିରଣ୍ୟଵର୍ଣା ରଜନୀ ଜଗଦ୍ୟନ୍ତ୍ରପ୍ରଵର୍ତିକା ॥ ୧୨।୧୪୩ ॥
ମନ୍ଦରାଦ୍ରିନିଵାସା ଚ ଶାରଦା ସ୍ଵର୍ଣମାଲିନୀ ।
ରତ୍ନମାଲା ରତ୍ନଗର୍ଭା ପୃଥ୍ଵୀ ଵିଶ୍ଵପ୍ରମାଥିନୀ ॥ ୧୨।୧୪୪ ॥
ପଦ୍ମାନନା ପଦ୍ମନିଭା ନିତ୍ୟତୁଷ୍ଟାଽମୃତୋଦ୍ଭଵା ।
ଧୁନ୍ଵତୀ ଦୁଃପ୍ରକମ୍ପା ଚ ସୂର୍ୟମାତା ଦୃଷଦ୍ଵତୀ ॥ ୧୨।୧୪୫ ॥
ମହେନ୍ଦ୍ରଭଗିନୀ ମାନ୍ୟା ଵରେଣ୍ୟା ଵରଦୟିକା ।
କଲ୍ୟାଣୀ କମଲାଵାସା ପଞ୍ଚଚୂଡା ଵରପ୍ରଦା ॥ ୧୨।୧୪୬ ॥
ଵାଚ୍ୟା ଵରେଶ୍ଵରୀ ଵନ୍ଦ୍ୟା ଦୁର୍ଜୟା ଦୁରତିକ୍ରମା ।
କାଲରାତ୍ରିର୍ମହାଵେଗା ଵୀରଭଦ୍ରପ୍ରିୟା ହିତା ॥ ୧୨।୧୪୭ ॥
ଭଦ୍ରକାଲୀ ଜଗନ୍ମାତା ଭକ୍ତାନାଂ ଭଦ୍ରଦାୟିନୀ ।
କରାଲା ପିଙ୍ଗଲାକାରା କାମଭେଦାଽମହାମଦା ॥ ୧୨।୧୪୮ ॥
ୟଶସ୍ଵିନୀ ୟଶୋଦା ଚ ଷଡଧ୍ଵପରିଵର୍ତ୍ତିକା ।
ଶଙ୍ଖିନୀ ପଦ୍ମିନୀ ସାଂଖ୍ୟା ସାଂଖ୍ୟୟୋଗପ୍ରଵର୍ତିକା ॥ ୧୨।୧୪୯ ॥
ଚୈତ୍ରା ସଂଵତ୍ସରାରୂଢା ଜଗତ୍ସମ୍ପୂରଣୀଧ୍ଵଜା ।
ଶୁମ୍ଭାରିଃ ଖେଚରୀସ୍ଵସ୍ଥା କମ୍ବୁଗ୍ରୀଵାକଲିପ୍ରିୟା ॥ ୧୨।୧୫୦ ॥
ଖଗଧ୍ଵଜା ଖଗାରୂଢା ପରାର୍ୟା ପରମାଲିନୀ ।
ଐଶ୍ଵର୍ୟପଦ୍ମନିଲୟା ଵିରକ୍ତା ଗରୁଡାସନା ॥ ୧୨।୧୫୧ ॥
ଜୟନ୍ତୀ ହୃଦ୍ଗୁହା ଗମ୍ୟା ଗହ୍ଵରେଷ୍ଠା ଗଣାଗ୍ରଣୀଃ ।
ସଂକଲ୍ପସିଦ୍ଧା ସାମ୍ୟସ୍ଥା ସର୍ଵଵିଜ୍ଞାନଦାୟିନୀ ॥ ୧୨।୧୫୨ ॥
କଲିକଲ୍ପଵିହନ୍ତ୍ରୀ ଚ ଗୁହ୍ୟୋପନିଷଦୁତ୍ତମା ।
ନିଷ୍ଠା ଦୃଷ୍ଟିଃ ସ୍ମୃତିର୍ଵ୍ୟାପ୍ତିଃ ପୁଷ୍ଟିସ୍ତୁଷ୍ଟିଃ କ୍ରିୟାଵତୀ ॥ ୧୨।୧୫୩ ॥
ଵିଶ୍ଵାମରେଶ୍ଵରେଶାନା ଭୁକ୍ତିର୍ମୁକ୍ତିଃ ଶିଵାଽମୃତା ।
ଲୋହିତା ସର୍ପମାଲା ଚ ଭୀଷଣୀ ଵନମାଲିନୀ ॥ ୧୨।୧୫୪ ॥
ଅନନ୍ତଶୟନାଽନନ୍ତା ନରନାରାୟଣୋଦ୍ଭଵା ।
ନୃସିଂହୀ ଦୈତ୍ୟମଥନୀ ଶଙ୍ଖଚକ୍ରଗଦାଧରା ॥ ୧୨।୧୫୫ ॥
ସଂକର୍ଷଣସମୁତ୍ପତ୍ତିରମ୍ବିକାପାଦସଂଶ୍ରୟା ।
ମହାଜ୍ଵାଲା ମହାମୂର୍ତ୍ତିଃ ସୁମୂର୍ତ୍ତିଃ ସର୍ଵକାମଧୁକ୍ ॥ ୧୨।୧୫୬ ॥
ସୁପ୍ରଭା ସୁସ୍ତନା ସୌରୀ ଧର୍ମକାମାର୍ଥମୋକ୍ଷଦା ।
ଭ୍ରୂମଧ୍ୟନିଲୟା ପୂର୍ଵା ପୁରାଣପୁରୁଷାରଣିଃ ॥ ୧୨।୧୫୭ ॥
ମହାଵିଭୂତିଦା ମଧ୍ୟା ସରୋଜନୟନା ସମା ।
ଅଷ୍ଟାଦଶଭୁଜାନାଦ୍ୟା ନୀଲୋତ୍ପଲଦଲପ୍ରଭ୧୨।୧୫୮ ॥
ସର୍ଵଶକ୍ତ୍ୟାସନାରୂଢା ସର୍ଵଧର୍ମାର୍ଥଵର୍ଜିତା ।
ଵୈରାଗ୍ୟଜ୍ଞାନନିରତା ନିରାଲୋକା ନିରିନ୍ଦ୍ରିୟା ॥ ୧୨।୧୫୯ ॥
ଵିଚିତ୍ରଗହନାଧାରା ଶାଶ୍ଵତସ୍ଥାନଵାସିନୀ ।
ସ୍ଥାନେଶ୍ଵରୀ ନିରାନନ୍ଦା ତ୍ରିଶୂଲଵରଧାରିଣୀ ॥ ୧୨।୧୬୦ ॥
ଅଶେଷଦେଵତାମୂର୍ତ୍ତିର୍ଦେଵତା ଵରଦେଵତା ।
ଗଣାମ୍ବିକା ଗିରେଃ ପୁତ୍ରୀ ନିଶୁମ୍ଭଵିନିପାତିନୀ ॥ ୧୨।୧୬୧ ॥
ଅଵର୍ଣା ଵର୍ଣରହିତା ତ୍ରିଵର୍ଣା ଜୀଵସଂଭଵା ।
ଅନନ୍ତଵର୍ଣାଽନନ୍ୟସ୍ଥା ଶଂକରୀ ଶାନ୍ତମାନସା ॥ ୧୨।୧୬୨ ॥
ଅଗୋତ୍ରା ଗୋମତୀ ଗୋପ୍ତ୍ରୀ ଗୁହ୍ୟରୂପା ଗୁଣୋତ୍ତରା ।
ଗୌର୍ଗୀର୍ଗଵ୍ୟପ୍ରିୟା ଗୌଣୀ ଗଣେଶ୍ଵରନମସ୍କୃତା ॥ ୧୨।୧୬୩ ॥
ସତ୍ୟମାତା ସତ୍ୟସଂଧା ତ୍ରିସଂଧ୍ୟା ସଂଧିଵର୍ଜିତା ।
ସର୍ଵଵାଦାଶ୍ରୟା ସାଂଖ୍ୟା ସାଂଖ୍ୟୟୋଗସମୁଦ୍ଭଵା ॥ ୧୨।୧୬୪ ॥
ଅସଂଖ୍ୟେୟାଽପ୍ରମେୟାଖ୍ୟା ଶୂନ୍ୟା ଶୁଦ୍ଧକୁଲୋଦ୍ଭଵା ।
ବିନ୍ଦୁନାଦସମୁତ୍ପତ୍ତିଃ ଶଂଭୁଵାମା ଶଶିପ୍ରଭା ॥ ୧୨।୧୬୫ ॥
ପିଷଙ୍ଗା ଭେଦରହିତା ମନୋଜ୍ଞା ମଧୁସୂଦନୀ ।
ମହାଶ୍ରୀଃ ଶ୍ରୀସମୁତ୍ପତ୍ତିସ୍ତମଃପାରେ ପ୍ରତିଷ୍ଠିତା ॥ ୧୨।୧୬୬ ॥
ତ୍ରିତତ୍ତ୍ଵମାତା ତ୍ରିଵିଧା ସୁସୂକ୍ଷ୍ମପଦସଂଶ୍ରୟା ।
ଶନ୍ତା ଭୀତା ମଲାତୀତା ନିର୍ଵିକାରା ନିରାଶ୍ରୟା ॥ ୧୨।୧୬୭ ॥
ଶିଵାଖ୍ୟା ଚିତ୍ତନିଲୟା ଶିଵଜ୍ଞାନସ୍ଵରୂପିଣୀ ।
ଦୈତ୍ୟଦାନଵନିର୍ମାତ୍ରୀ କାଶ୍ୟପୀ କାଲକର୍ଣିକା ॥ ୧୨।୧୬୮ ॥
ଶାସ୍ତ୍ରୟୋନିଃ କ୍ରିୟାମୂର୍ତିଶ୍ଚତୁର୍ଵର୍ଗପ୍ରଦର୍ଶିକା ।
ନାରାୟଣୀ ନରୋଦ୍ଭୂତିଃ କୌମୁଦୀ ଲିଙ୍ଗଧାରିଣୀ ॥ ୧୨।୧୬୯ ॥
କାମୁକୀ ଲଲିତାଭାଵା ପରାପରଵିଭୂତିଦା ।
ପରାନ୍ତଜାତମହିମା ବଡଵା ଵାମଲୋଚନା ॥ ୧୨।୧୭୦ ॥
ସୁଭଦ୍ରା ଦେଵକୀ ସୀତା ଵେଦଵେଦାଙ୍ଗପାରଗା ।
ମନସ୍ଵିନୀ ମନ୍ୟୁମାତା ମହାମନ୍ୟୁସମୁଦ୍ଭଵା ॥ ୧୨।୧୭୧ ॥
ଅମୃତ୍ୟୁରମୃତାସ୍ଵାଦା ପୁରୁହୂତା ପୁରୁଷ୍ଟୁତା ।
ଅଶୋଚ୍ୟା ଭିନ୍ନଵିଷୟା ହିରଣ୍ୟରଜତପ୍ରିୟା ॥ ୧୨।୧୭୨ ॥
ହିରଣ୍ୟା ରାଜତୀ ହୈମା ହେମାଭରଣଭୂଷିତା ।
ଵିଭ୍ରାଜମାନା ଦୁର୍ଜ୍ଞେୟା ଜ୍ୟୋତିଷ୍ଟୋମଫଲପ୍ରଦା ॥ ୧୨।୧୭୩ ॥
ମହାନିଦ୍ରାସମୁଦ୍ଭୂତିରନିଦ୍ରା ସତ୍ୟଦେଵତା ।
ଦୀର୍ଘାକକୁଦ୍ମିନୀ ହୃଦ୍ୟା ଶାନ୍ତିଦା ଶାନ୍ତିଵର୍ଦ୍ଧିନୀ ॥ ୧୨।୧୭୪ ॥
ଲକ୍ଷ୍ମ୍ୟାଦିଶକ୍ତିଜନନୀ ଶକ୍ତିଚକ୍ରପ୍ରଵର୍ତିକା ।
ତ୍ରିଶକ୍ତିଜନନୀ ଜନ୍ୟା ଷଡୂର୍ମିପରିଵର୍ଜିତା ॥ ୧୨।୧୭୫ ॥
ସୁଧାମା କର୍ମକରଣୀ ୟୁଗାନ୍ତଦହନାତ୍ମିକା ।
ସଂକର୍ଷଣୀ ଜଗଦ୍ଧାତ୍ରୀ କାମୟୋନିଃ କିରୀଟିନୀ ॥ ୧୨।୧୭୬ ॥
ଐନ୍ଦ୍ରୀ ତ୍ରୈଲୋକ୍ୟନମିତା ଵୈଷ୍ଣଵୀ ପରମେଶ୍ଵରୀ ।
ପ୍ରଦ୍ୟୁମ୍ନଦୟିତା ଦାତ୍ରୀ ୟୁଗ୍ମଦୃଷ୍ଟିସ୍ତ୍ରିଲୋଚନା ॥ ୧୨।୧୭୭ ॥
ମଦୋତ୍କଟା ହଂସଗତିଃ ପ୍ରଚଣ୍ଡା ଚଣ୍ଡଵିକ୍ରମା ।
ଵୃଷାଵେଶା ଵିୟନ୍ମାତା ଵିନ୍ଧ୍ୟପର୍ଵତଵାସିନୀ ॥ ୧୨।୧୭୮ ॥
ହିମଵନ୍ମେରୁନିଲୟା କୈଲାସଗିରିଵାସିନୀ ।
ଚାଣୂରହନ୍ତୃତନୟା ନୀତିଜ୍ଞା କାମରୂପିଣୀ ॥ ୧୨।୧୭୯ ॥
ଵେଦଵିଦ୍ୟାଵ୍ରତସ୍ନାତା ଧର୍ମଶୀଲାଽନିଲାଶନା ।
ଵୀରଭଦ୍ରପ୍ରିୟା ଵୀରା ମହାକାମସମୁଦ୍ଭଵା ॥ ୧୨।୧୮୦ ॥
ଵିଦ୍ୟାଧରପ୍ରିୟା ସିଦ୍ଧା ଵିଦ୍ୟାଧରନିରାକୃତିଃ ।
ଆପ୍ୟାୟନୀ ହରନ୍ତୀ ଚ ପାଵନୀ ପୋଷଣୀ କଲା ॥ ୧୨।୧୮୧ ॥
ମାତୃକା ମନ୍ମଥୋଦ୍ଭୂତା ଵାରିଜା ଵାହନପ୍ରିୟା ।
କରୀଷିଣୀ ସୁଧାଵାଣୀ ଵୀଣାଵାଦନତତ୍ପରା ॥ ୧୨।୧୮୨ ॥
ସେଵିତା ସେଵିକା ସେଵ୍ୟା ସିନୀଵାଲୀ ଗରୁତ୍ମତୀ ।
ଅରୁନ୍ଧତୀ ହିରଣ୍ୟାକ୍ଷୀ ମୃଗାଂକା ମାନଦାୟିନୀ ॥ ୧୨।୧୮୩ ॥
ଵସୁପ୍ରଦା ଵସୁମତୀ ଵସୋର୍ଦ୍ଧାରା ଵସୁଂଧରା ।
ଧାରାଧରା ଵରାରୋହା ଵରାଵରସହସ୍ରଦା ॥ ୧୨।୧୮୪ ॥
ଶ୍ରୀଫଲା ଶ୍ରୀମତୀ ଶ୍ରୀଶା ଶ୍ରୀନିଵାସା ଶିଵପ୍ରିୟା ।
ଶ୍ରୀଧରା ଶ୍ରୀକରୀ କଲ୍ୟା ଶ୍ରୀଧରାର୍ଦ୍ଧଶରୀରିଣୀ ॥ ୧୨।୧୮୫ ॥
ଅନନ୍ତଦୃଷ୍ଟିରକ୍ଷୁଦ୍ରା ଧାତ୍ରୀଶା ଧନଦପ୍ରିୟା ।
ନିହନ୍ତ୍ରୀ ଦୈତ୍ୟସଙ୍ଘାନାଂ ସିହିକା ସିହଵାହନା ॥ ୧୨।୧୮୬ ॥
ସୁଷେଣା ଚନ୍ଦ୍ରନିଲୟା ସୁକୀର୍ତିଶ୍ଛିନ୍ନସଂଶୟା ।
ରସଜ୍ଞା ରସଦା ରାମା ଲେଲିହାନାମୃତସ୍ରଵା ॥ ୧୨।୧୮୭ ॥
ନିତ୍ୟୋଦିତା ସ୍ଵୟଂଜ୍ୟୋତିରୁତ୍ସୁକା ମୃତଜୀଵନା ।
ଵଜ୍ରଦଣ୍ଡା ଵଜ୍ରଜିହ୍ଵା ଵୈଦେହୀ ଵଜ୍ରଵିଗ୍ରହା ॥ ୧୨।୧୮୮ ॥
ମଙ୍ଗଲ୍ୟା ମଙ୍ଗଲା ମାଲା ମଲିନା ମଲହାରିଣୀ ।
ଗାନ୍ଧର୍ଵୀ ଗାରୁଡୀ ଚାନ୍ଦ୍ରୀ କମ୍ବଲାଶ୍ଵତରପ୍ରିୟା ॥ ୧୨।୧୮୯ ॥
ସୌଦାମିନୀ ଜନାନନ୍ଦା ଭ୍ରୁକୁଟୀକୁଟିଲାନନା ।
କର୍ଣିକାରକରା କକ୍ଷ୍ୟା କଂସପ୍ରାଣାପହାରିଣୀ ॥ ୧୨।୧୯୦ ॥
ୟୁଗଂଧରା ୟୁଗାଵର୍ତ୍ତା ତ୍ରିସଂଧ୍ୟା ହର୍ଷଵର୍ଦ୍ଧନୀ ।
ପ୍ରତ୍ୟକ୍ଷଦେଵତା ଦିଵ୍ୟା ଦିଵ୍ୟଗନ୍ଧା ଦିଵା ପରା ॥ ୧୨।୧୯୧ ॥
ଶକ୍ରାସନଗତା ଶାକ୍ରୀ ସାନ୍ଧ୍ୟା ଚାରୁଶରାସନା ।
ଇଷ୍ଟା ଵିଶିଷ୍ଟା ଶିଷ୍ଟେଷ୍ଟା ଶିଷ୍ଟାଶିଷ୍ଟପ୍ରପୂଜିତା ॥ ୧୨।୧୯୨ ॥
ଶତରୂପା ଶତାଵର୍ତ୍ତା ଵିନତା ସୁରଭିଃ ସୁରା ।
ସୁରେନ୍ଦ୍ରମାତା ସୁଦ୍ୟୁମ୍ନା ସୁଷୁମ୍ନା ସୂର୍ୟସଂସ୍ଥିତା ॥ ୧୨।୧୯୩ ॥
ସମୀକ୍ଷ୍ୟା ସତ୍ପ୍ରତିଷ୍ଠା ଚ ନିଵୃତ୍ତିର୍ଜ୍ଞାନପାରଗା ।
ଧର୍ମଶାସ୍ତ୍ରାର୍ଥକୁଶଲା ଧର୍ମଜ୍ଞା ଧର୍ମଵାହନା ॥ ୧୨।୧୯୪ ॥
ଧର୍ମାଧର୍ମଵିନିର୍ମାତ୍ରୀ ଧାର୍ମିକାଣାଂ ଶିଵପ୍ରଦା ।
ଧର୍ମଶକ୍ତିର୍ଧର୍ମମୟୀ ଵିଧର୍ମା ଵିଶ୍ଵଧର୍ମିଣୀ ॥ ୧୨।୧୯୫ ॥
ଧର୍ମାନ୍ତରା ଧର୍ମମୟୀ ଧର୍ମପୂର୍ଵା ଧନାଵହା ।
ଧର୍ମୋପଦେଷ୍ଟ୍ରୀ ଧର୍ମତ୍ମା ଧର୍ମଗମ୍ୟା ଧରାଧରା ॥ ୧୨।୧୯୬ ॥
କାପାଲୀ ଶକଲା ମୂର୍ତ୍ତିଃ କଲା କଲିତଵିଗ୍ରହା ।
ସର୍ଵଶକ୍ତିଵିନିର୍ମୁକ୍ତା ସର୍ଵଶକ୍ତ୍ୟାଶ୍ରୟାଶ୍ରୟା ॥ ୧୨।୧୯୭ ॥
ସର୍ଵା ସର୍ଵେଶ୍ଵରୀ ସୂକ୍ଷ୍ମା ସୂକ୍ଷ୍ମାଜ୍ଞାନସ୍ଵରୂପିଣୀ ।
ପ୍ରଧାନପୁରୁଷେଶେଷା ମହାଦେଵୈକସାକ୍ଷିଣୀ ॥ ୧୨।୧୯୮ ॥
ସଦାଶିଵା ଵିୟନ୍ମୂର୍ତ୍ତିର୍ଵିଶ୍ଵମୂର୍ତ୍ତିରମୂର୍ତ୍ତିକା ।
ଏଵଂ ନାମ୍ନାଂ ସହସ୍ରେଣ ସ୍ତୁତ୍ଵାଽସୌ ହିମଵାନ୍ ଗିରିଃ ॥ ୧୨।୧୯୯ ॥
ଭୂୟଃ ପ୍ରଣମ୍ୟ ଭୀତାତ୍ମା ପ୍ରୋଵାଚେଦଂ କୃତାଞ୍ଜଲିଃ ।
ୟଦେତଦୈଶ୍ଵରଂ ରୂପଂ ଘୋରଂ ତେ ପରମେଶ୍ଵରି ॥ ୧୨।୨୦୦ ॥
ଭୀତୋଽସ୍ମି ସାମ୍ପ୍ରତଂ ଦୃଷ୍ଟ୍ଵା ରୂପମନ୍ୟତ୍ ପ୍ରଦର୍ଶୟ ।
ଏଵମୁକ୍ତାଽଥ ସା ଦେଵୀ ତେନ ଶୈଲେନ ପାର୍ଵତୀ ॥ ୧୨।୨୦୧ ॥
ସଂହୃତ୍ୟ ଦର୍ଶୟାମାସ ସ୍ଵରୂପମପରଂ ପୁନଃ ।
ନୀଲୋତ୍ପଲଦଲପ୍ରଖ୍ୟଂ ନୀଲୋତ୍ପଲସୁଗନ୍ଧିକମ୍ ॥ ୧୨।୨୦୨ ॥
ଦ୍ଵିନେତ୍ରଂ ଦ୍ଵିଭୁଜଂ ସୌମ୍ୟଂ ନୀଲାଲକଵିଭୂଷିତମ୍ ।
ରକ୍ତପାଦାମ୍ବୁଜତଲଂ ସୁରକ୍ତକରପଲ୍ଲଵମ୍ ॥ ୧୨।୨୦୩ ॥
ଶ୍ରୀମଦ୍ଵିଶାଲସଂଵୃତ୍ତଂଲଲାଟତିଲକୋଜ୍ଜ୍ଵଲମ୍ ।
ଭୂଷିତଂ ଚାରୁସର୍ଵାଙ୍ଗଂ ଭୂଷଣୈରତିକୋମଲମ୍ ॥ ୧୨।୨୦୪ ॥
ଦଧାନମୁରସା ମାଲାଂ ଵିଶାଲାଂ ହେମନିର୍ମିତାମ୍ ।
ଈଷତ୍ସ୍ମିତଂ ସୁବିମ୍ବୋଷ୍ଠଂ ନୂପୁରାରାଵସଂୟୁତମ୍ ॥ ୧୨।୨୦୫ ॥
ପ୍ରସନ୍ନଵଦନଂ ଦିଵ୍ୟମନନ୍ତମହିମାସ୍ପଦମ୍ ।
ତଦୀଦୃଶଂ ସମାଲୋକ୍ୟ ସ୍ଵରୂପଂ ଶୈଲସତ୍ତମଃ ॥ ୧୨।୨୦୬ ॥
ଭୀତିଂ ସଂତ୍ୟଜ୍ୟ ହୃଷ୍ଟାତ୍ମା ବଭାଷେ ପରମେଶ୍ଵରୀମ୍ ।
ହିମଵାନୁଵାଚ
ଅଦ୍ୟ ମେ ସଫଲଂ ଜନ୍ମ ଅଦ୍ୟ ମେ ସଫଲଂ ତପଃ ॥ ୧୨।୨୦୭ ॥
ୟନ୍ମେ ସାକ୍ଷାତ୍ତ୍ଵମଵ୍ୟକ୍ତା ପ୍ରସନ୍ନା ଦୃଷ୍ଟିଗୋଚରା ।
ତ୍ଵୟା ସୃଷ୍ଟଂ ଜଗତ୍ ସର୍ଵଂ ପ୍ରଧାନାଦ୍ୟଂ ତ୍ଵୟି ସ୍ଥିତମ୍ ॥ ୧୨।୨୦୮ ॥
ତ୍ଵୟ୍ୟେଵ ଲୀୟତେ ଦେଵି ତ୍ଵମେଵ ଚ ପରା ଗତିଃ ।
ଵଦନ୍ତି କେଚିତ୍ ତ୍ଵାମେଵ ପ୍ରକୃତିଂ ପ୍ରକୃତେଃ ପରାମ୍ ॥ ୧୨।୨୦୯ ॥
ଅପରେ ପରମାର୍ଥଜ୍ଞାଃ ଶିଵେତି ଶିଵସଂଶ୍ରୟାତ୍ ।
ତ୍ଵୟି ପ୍ରଧାନଂ ପୁରୁଷୋ ମହାନ୍ ବ୍ରହ୍ମା ତଥେଶ୍ଵରଃ ॥ ୧୨।୨୧୦ ॥
ଅଵିଦ୍ୟା ନିୟତିର୍ମାୟା କଲାଦ୍ୟାଃ ଶତଶୋଽଭଵନ୍ ।
ତ୍ଵଂ ହି ସା ପରମା ଶକ୍ତିରନନ୍ତା ପରମେଷ୍ଠିନୀ ॥ ୧୨।୨୧୧ ॥
ସର୍ଵଭେଦଵିନିର୍ମୁକ୍ତା ସର୍ଵେଭେଦାଶ୍ରୟାଶ୍ରୟା ।
ତ୍ଵାମଧିଷ୍ଠାୟ ୟୋଗେଶି ମହାଦେଵୋ ମହେଶ୍ଵରଃ ॥ ୧୨।୨୧୨ ॥
ପ୍ରଧାନାଦ୍ୟଂ ଜଗତ୍ କୃତ୍ସ୍ନଂ କରୋତି ଵିକରୋତି ଚ ।
ତ୍ଵୟୈଵ ସଂଗତୋ ଦେଵଃ ସ୍ଵମାନନ୍ଦଂ ସମଶ୍ନୁତେ ॥ ୧୨।୨୧୩ ॥
ତ୍ଵମେଵ ପରମାନନ୍ଦସ୍ତ୍ଵମେଵାନନ୍ଦଦାୟିନୀ ।
ତ୍ଵମକ୍ଷରଂ ପରଂ ଵ୍ୟୋମ ମହଜ୍ଜ୍ୟୋତିର୍ନିରଞ୍ଜନମ୍ ॥ ୧୨।୨୧୪ ॥
ଶିଵଂ ସର୍ଵଗତଂ ସୂକ୍ଷ୍ମଂ ପରଂ ବ୍ରହ୍ମ ସନାତନମ୍ ।
ତ୍ଵଂ ଶକ୍ରଃ ସର୍ଵଦେଵାନାଂ ବ୍ରହ୍ମା ବ୍ରହ୍ମଵିଦାମସି ॥ ୧୨।୨୧୫ ॥
ଵାୟୁର୍ବଲଵତାଂ ଦେଵି ୟୋଗିନାଂ ତ୍ଵଂ କୁମାରକଃ ।
ଋଷୀଣାଂ ଚ ଵସିଷ୍ଠସ୍ତ୍ଵଂ ଵ୍ୟାସୋ ଵେଦଵିଦାମସି ॥ ୧୨।୨୧୬ ॥
ସାଂଖ୍ୟାନାଂ କପିଲୋ ଦେଵୋ ରୁଦ୍ରାଣାମସି ଶଂକରଃ ।
ଆଦିତ୍ୟାନାମୁପେନ୍ଦ୍ରସ୍ତ୍ଵଂ ଵସୂନାଂ ଚୈଵ ପାଵକଃ ॥ ୧୨।୨୧୭ ॥
ଵେଦାନାଂ ସାମଵେଦସ୍ତ୍ଵଂ ଗାୟତ୍ରୀ ଛନ୍ଦସାମସି ।
ଅଧ୍ୟାତ୍ମଵିଦ୍ୟା ଵିଦ୍ୟାନାଂ ଗତୀନାଂ ପରମା ଗତିଃ ॥ ୧୨।୨୧୮ ॥
ମାୟା ତ୍ଵଂ ସର୍ଵଶକ୍ତୀନାଂ କାଲଃ କଲୟତାମସି ।
ଓଙ୍କାରଃ ସର୍ଵଗୁହ୍ୟାନାଂ ଵର୍ଣାନାଂ ଚ ଦ୍ଵିଜାତ୍ତମଃ ॥ ୧୨।୨୧୯ ॥
ଆଶ୍ରମାଣାଂ ଚ ଗାର୍ହସ୍ଥ୍ୟମୀଶ୍ଵରାଣାଂ ମହେଶ୍ଵରଃ ।
ପୁଂସାଂ ତ୍ଵମେକଃ ପୁରୁଷଃ ସର୍ଵଭୂତହୃଦି ସ୍ଥିତଃ ॥ ୧୨।୨୨୦ ॥
ସର୍ଵୋପନିଷଦାଂ ଦେଵି ଗୁହ୍ୟୋପନିଷଦୁଚ୍ୟତେ ।
ଈଶାନଶ୍ଚାସି କଲ୍ପାନାଂ ୟୁଗାନାଂ କୃତମେଵ ଚ ॥ ୧୨।୨୨୧ ॥
ଆଦିତ୍ୟଃ ସର୍ଵମାର୍ଗାଣାଂ ଵାଚାଂ ଦେଵି ସରସ୍ଵତୀ ।
ତ୍ଵଂ ଲକ୍ଷ୍ମୀଶ୍ଚାରୁରୂପାଣାଂ ଵିଷ୍ଣୁର୍ମାୟାଵିନାମସି ॥ ୧୨।୨୨୨ ॥
ଅରୁନ୍ଧତୀ ସତୀନାଂ ତ୍ଵଂ ସୁପର୍ଣଃ ପତତାମସି ।
ସୂକ୍ତାନାଂ ପୌରୁଷଂ ସୂକ୍ତଂ ସାମ ଜ୍ୟେଷ୍ଟଂ ଚ ସାମସୁ ॥ ୧୨।୨୨୩ ॥
ସାଵିତ୍ରୀ ଚାସି ଜାପ୍ୟାନାଂ ୟଜୁଷାଂ ଶତରୁଦ୍ରିୟମ୍ ।
ପର୍ଵତାନାଂ ମହାମେରୁରନନ୍ତୋ ଭୋଗିନାମସି ॥ ୧୨।୨୨୪ ॥
ସର୍ଵେଷାଂ ତ୍ଵଂ ପରଂ ବ୍ରହ୍ମ ତ୍ଵନ୍ମୟଂ ସର୍ଵମେଵ ହି ॥ ୧୨।୨୨୫ ॥
ରୂପଂ ତଵାଶେଷକଲାଵିହୀନ-
ମଗୋଚରଂ ନିର୍ମଲମେକରୂପମ୍ ।
ଅନାଦିମଧ୍ୟାନ୍ତମନନ୍ତାମାଦ୍ୟଂ
ନମାମି ସତ୍ୟଂ ତମସଃ ପରସ୍ତାତ୍ ॥ ୧୨।୨୨୬ ॥
ୟଦେଵ ପଶ୍ୟନ୍ତି ଜଗତ୍ପ୍ରସୂତିଂ
ଵେଦାନ୍ତଵିଜ୍ଞାନଵିନିଶ୍ଚିତାର୍ଥାଃ ।
ଆନନ୍ଦମାତ୍ରଂ ପ୍ରଣଵାଭିଧାନଂ
ତଦେଵ ରୂପଂ ଶରଣଂ ପ୍ରପଦ୍ୟେ ॥ ୧୨।୨୨୭ ॥
ଅଶେଷଭୂତାନ୍ତରସନ୍ନିଵିଷ୍ଟଂ
ପ୍ରଧାନପୁଂୟୋଗଵିୟୋଗହେତୁମ୍ ।
ତେଜୋମୟଂ ଜନ୍ମଵିନାଶହୀନଂ
ପ୍ରାଣାଭିଧାନଂ ପ୍ରଣତୋଽସ୍ମି ରୂପମ୍ ॥ ୧୨।୨୨୮ ॥
ଆଦ୍ୟନ୍ତହୀନଂ ଜଗଦାତ୍ମଭୂତଂ
ଵିଭିନ୍ନସଂସ୍ଥଂ ପ୍ରକୃତେଃ ପରସ୍ତାତ୍ ।
କୂଟସ୍ଥମଵ୍ୟକ୍ତଵପୁସ୍ତଥୈଵ
ନମାମି ରୂପଂ ପୁରୁଷାଭିଧାନମ୍ ॥ ୧୨।୨୨୯ ॥
ସର୍ଵାଶ୍ରୟଂ ସର୍ଵଜଗଦ୍ଵିଧାନଂ
ସର୍ଵତ୍ରଗଂ ଜନ୍ମଵିନାଶହୀନମ୍ ।
ସୂକ୍ଷ୍ମଂ ଵିଚିତ୍ରଂ ତ୍ରିଗୁଣଂ ପ୍ରଧାନଂ
ନତୋଽସ୍ମି ତେ ରୂପମରୂପଭେଦମ୍ ॥ ୧୨।୨୩୦ ॥
ଆଦ୍ୟଂ ମହାନ୍ତଂ ପୁରୁଷାତ୍ମରୂପଂ
ପ୍ରକୃତ୍ୟଵସ୍ଥଂ ତ୍ରିଗୁଣାତ୍ମବୀଜମ୍ ।
ଐଶ୍ଵର୍ୟଵିଜ୍ଞାନଵିରାଗଧର୍ମୈଃ
ସମନ୍ଵିତଂ ଦେଵି ନତୋଽସ୍ମି ରୂପମ୍ ॥ ୧୨।୨୩୧ ॥
ଦ୍ଵିସପ୍ତଲୋକାତ୍ମକମମ୍ବୁସଂସ୍ଥଂ
ଵିଚିତ୍ରଭେଦଂ ପୁରୁଷୈକନାଥମ୍ ।
ଅନନ୍ତଭୂତୈରଧିଵାସିତଂ ତେ
ନତୋଽସ୍ମି ରୂପଂ ଜଗଦଣ୍ଡସଂଜ୍ଞମ୍ ॥ ୧୨।୨୩୧ ॥
ଅଶେଷଵେଦାତ୍ମକମେକମାଦ୍ୟଂ
ସ୍ଵତେଜସା ପୂରିତଲୋକଭେଦମ୍ ।
ତ୍ରିକାଲହେତୁଂ ପରମେଷ୍ଠିସଂଜ୍ଞଂ
ନମାମି ରୂପଂ ରଵିମଣ୍ଡଲସ୍ଥମ୍ ॥ ୧୨।୨୩୨ ॥
ସହସ୍ରମୂର୍ଧାନମନନ୍ତଶକ୍ତିଂ
ସହସ୍ରବାହୁଂ ପୁରୁଷଂ ପୁରାଣମ୍ ।
ଶୟାନମନ୍ତଃ ସଲିଲେ ତଥୈଵ
ନାରାୟଣାଖ୍ୟଂ ପ୍ରଣତୋଽସ୍ମି ରୂପମ୍ ॥ ୧୨।୨୩୩ ॥
ଦଂଷ୍ଟ୍ରାକରାଲଂ ତ୍ରିଦଶାଭିଵନ୍ଦ୍ୟଂ
ୟୁଗାନ୍ତକାଲାନଲକଲ୍ପରୂପମ୍ ।
ଅଶେଷଭୂତାଣ୍ଡଵିନାଶହେତୁଂ
ନମାମି ରୂପଂ ତଵ କାଲସଂଜ୍ଞମ୍ ॥ ୧୨।୨୩୪ ॥
ଫଣାସହସ୍ରେଣ ଵିରାଜମାନଂ
ଭୋଗୀନ୍ଦ୍ରମୁଖ୍ୟୈରଭିପୂଜ୍ୟମାନମ୍ ।
ଜନାର୍ଦନାରୂଢତନୁଂ ପ୍ରସୁପ୍ତଂ
ନତୋଽସ୍ମି ରୂପଂ ତଵ ଶେଷସଂଜ୍ଞମ୍ ॥ ୧୨।୨୩୫ ॥
ଅଵ୍ୟାହତୈଶ୍ଵର୍ୟମୟୁଗ୍ମନେତ୍ରଂ
ବ୍ରହ୍ମାମୃତାନନ୍ଦରସଜ୍ଞମେକମ୍ ।
ୟୁଗାନ୍ତଶେଷଂ ଦିଵି ନୃତ୍ୟମାନଂ
ନତୋଽସ୍ମି ରୂପଂ ତଵ ରୁଦ୍ରସଂଜ୍ଞମ୍ ॥ ୧୨।୨୩୬ ॥
ପ୍ରହୀଣଶୋକଂ ଵିମଲଂ ପଵିତ୍ରଂ
ସୁରାସୁରୈରର୍ଚିତାପାଦପଦ୍ମମ୍ ।
ସୁକୋମଲଂ ଦେଵି ଵିଭାସି ଶୁଭ୍ରଂ
ନମାମି ତେ ରୂପମିଦଂ ଭଵାନି ॥ ୧୨।୨୩୭ ॥
ଓଂ ନମସ୍ତେଽସ୍ତୁ ମହାଦେଵି ନମସ୍ତେ ପରମେଶ୍ଵରି ।
ନମୋ ଭଗଵତୀଶାନି ଶିଵାୟୈ ତେ ନମୋ ନମଃ ॥ ୧୨।୨୩୮ ॥
ତ୍ଵନ୍ମୟୋଽହଂ ତ୍ଵଦାଧାରସ୍ତ୍ଵମେଵ ଚ ଗତିର୍ମମ ।
ତ୍ଵାମେଵ ଶରଣଂ ୟାସ୍ୟେ ପ୍ରସୀଦ ପରମେଶ୍ଵରି ॥ ୧୨।୨୩୯ ॥
ମୟା ନାସ୍ତି ସମୋ ଲୋକେ ଦେଵୋ ଵା ଦାନଵୋଽପି ଵା ।
ଜଗନ୍ମାତୈଵ ମତ୍ପୁତ୍ରୀ ସଂଭୂତା ତପସା ୟତଃ ॥ ୧୨।୨୪୦ ॥
ଏଷା ତଵାମ୍ବିକା ଦେଵି କିଲାଭୂତ୍ପିତୃକନ୍ୟକା ।
ମେନାଽଶେଷଜଗନ୍ମାତୁରହୋ ପୁଣ୍ୟସ୍ୟ ଗୌରଵମ୍ ॥ ୧୨।୨୪୧ ॥
ପାହି ମାମମରେଶାନି ମେନୟା ସହ ସର୍ଵଦା ।
ନମାମି ତଵ ପାଦାବ୍ଜଂ ଵ୍ରଜାମି ଶରଣଂ ଶିଵାମ୍ ॥ ୧୨।୨୪୨ ॥
ଅହୋ ମେ ସୁମହଦ୍ ଭାଗ୍ୟଂ ମହାଦେଵୀସମାଗମାତ୍ ।
ଆଜ୍ଞାପୟ ମହାଦେଵି କିଂ କରିଷ୍ୟାମି ଶଂକରି ॥ ୧୨।୨୪୩ ॥
ଏତାଵଦୁକ୍ତ୍ଵା ଵଚନଂ ତଦା ହିମଗିରୀଶ୍ଵରଃ ।
ସମ୍ପ୍ରେକ୍ଷଣମାଣୋ ଗିରିଜାଂ ପ୍ରାଞ୍ଜଲିଃ ପାର୍ଶ୍ଵତୋଽଭଵତ୍ ॥ ୧୨।୨୪୪ ॥
ଅଥ ସା ତସ୍ୟ ଵଚନଂ ନିଶମ୍ୟ ଜଗତୋଽରଣିଃ ।
ସସ୍ମିତଂ ପ୍ରାହ ପିତରଂ ସ୍ମୃତ୍ଵା ପଶୁପତିଂ ପତିମ୍ ॥ ୧୨।୨୪୬ ॥
ଦେଵ୍ୟୁଵାଚ
ଶୃଣୁଷ୍ଵ ଚୈତତ୍ ପ୍ରଥମଂ ଗୁହ୍ୟମୀଶ୍ଵରଗୋଚରମ୍ ।
ଉପଦେଶଂ ଗିରିଶ୍ରେଷ୍ଠ ସେଵିତଂ ବ୍ରହ୍ମଵାଦିଭିଃ ॥ ୧୨।୨୪୭ ॥
ୟନ୍ମେ ସାକ୍ଷାତ୍ ପରଂ ରୂପମୈଶ୍ଵରଂ ଦୃଷ୍ଟମଦ୍ଭୁତମ୍ ।
ସର୍ଵଶକ୍ତିସମାୟୁକ୍ତମନନ୍ତଂ ପ୍ରେରକଂ ପରମ୍ ॥ ୧୨।୨୪୮ ॥
ଶାନ୍ତଃ ସମାହିତମନା ଦମ୍ଭାହଂକାରଵର୍ଜିତଃ ।
ତନ୍ନିଷ୍ଠସ୍ତତ୍ପରୋ ଭୂତ୍ଵା ତଦେଵ ଶରଣଂ ଵ୍ରଜ ॥ ୧୨।୨୪୯ ॥
ଭକ୍ତ୍ୟା ତ୍ଵନନ୍ୟୟା ତାତ ପଦ୍ଭାଵଂ ପରମାଶ୍ରିତଃ ।
ସର୍ଵୟଜ୍ଞତପୋଦାନୈସ୍ତଦେଵାର୍ଚ୍ଚୟ ସର୍ଵଦା ॥ ୧୨।୨୫୦ ॥
ତଦେଵ ମନସା ପଶ୍ୟ ତଦ୍ ଧ୍ୟାୟସ୍ଵ ୟଜସ୍ଵ ଚ ।
ମମୋପଦେଶାତ୍ସଂସାରଂ ନାଶୟାମି ତଵାନଘ ॥ ୧୨।୨୫୧ ॥
ଅହଂ ଵୈ ମତ୍ପରାନ୍ ଭକ୍ତାନୈଶ୍ଵରଂ ୟୋଗମାସ୍ଥିତାନ୍ ।
ସଂସାରସାଗରାଦସ୍ମାଦୁଦ୍ଧରାମ୍ୟଚିରେଣ ତୁ ॥ ୧୨।୨୫୨ ॥
ଧ୍ୟାନେନ କର୍ମୟୋଗେନ ଭକ୍ତ୍ୟା ଜ୍ଞାନେନ ଚୈଵ ହି ।
ପ୍ରାପ୍ୟାଽହଂ ତେ ଗିରିଶ୍ରେଷ୍ଠ ନାନ୍ୟଥା କର୍ମକୋଟିଭିଃ ॥ ୧୨।୨୫୩ ॥
ଶ୍ରୁତିସ୍ମୃତ୍ୟୁଦିତଂ ସମ୍ୟକ୍ କର୍ମ ଵର୍ଣାଶ୍ରମାତ୍ମକମ୍ ।
ଅଧ୍ୟାତ୍ମଜ୍ଞାନସହିତଂ ମୁକ୍ତୟେ ସତତଂ କୁରୁ ॥ ୧୨।୨୫୪ ॥
ଧର୍ମାତ୍ସଂଜାୟତେ ଭକ୍ତିର୍ଭକ୍ତ୍ୟା ସମ୍ପ୍ରାପ୍ୟତେ ପରମ୍ ।
ଶ୍ରୁତିସ୍ମୃତିଭ୍ୟାମୁଦିତୋ ଧର୍ମୋ ୟଜ୍ଞାଦିକୋ ମତଃ ॥ ୧୨।୨୫୫ ॥
ନାନ୍ୟତୋ ଜାୟତେ ଧର୍ମୋ ଵେଦାଦ୍ ଧର୍ମୋ ହି ନିର୍ବଭୌ ।
ତସ୍ମାନ୍ମୁମୁକ୍ଷୁର୍ଧର୍ମାର୍ଥୀ ମଦ୍ରୂପଂ ଵେଦମାଶ୍ରୟେତ୍ ॥ ୧୨।୨୫୬ ॥
ମମୈଵୈଷା ପରା ଶକ୍ତିର୍ଵେଦସଂଜ୍ଞା ପୁରାତନୀ ।
ଋଗ୍ୟଜୁଃ ସାମରୂପେଣ ସର୍ଗାଦୌ ସମ୍ପ୍ରଵର୍ତ୍ତତେ ॥ ୧୨।୨୫୭ ॥
ତେଷାମେଵ ଚ ଗୁପ୍ତ୍ୟର୍ଥଂ ଵେଦାନାଂ ଭଗଵାନଜଃ ।
ବ୍ରାହ୍ମଣାଦୀନ୍ ସସର୍ଜାଥ ସ୍ଵେ ସ୍ଵେ କର୍ମଣ୍ୟୟୋଜୟତ୍ ॥ ୧୨।୨୫୮ ॥
ୟେ ନ କୁର୍ଵନ୍ତି ତଦ୍ ଧର୍ମଂ ତଦର୍ଥଂ ବ୍ରହ୍ମନିର୍ମିତାଃ ।
ତେଷାମଧସ୍ତାଦ୍ ନରକାଂସ୍ତାମିସ୍ତ୍ରାଦୀନକଲ୍ପୟତ୍ ॥ ୧୨।୨୫୯ ॥
ନ ଚ ଵେଦାଦୃତେ କିଞ୍ଚିଚ୍ଛାସ୍ତ୍ରଂ ଧର୍ମାଭିଧାୟକମ୍ ।
ୟୋଽନ୍ୟତ୍ରରମତେସୋଽସୌ ନ ସଂଭାଷ୍ୟୋ ଦ୍ଵିଜାତିଭିଃ ॥ ୧୨।୨୬୦ ॥
ୟାନି ଶାସ୍ତ୍ରାଣି ଦୃଶ୍ୟନ୍ତେ ଲୋକେଽସ୍ମିନ୍ ଵିଵିଧାନିତୁ ।
ଶ୍ରୁତିସ୍ମୃତିଵିରୁଦ୍ଧାନି ନିଷ୍ଠା ତେଷାଂ ହି ତାମସୀ ॥ ୧୨।୨୬୧ ॥
କାପାଲଂ ପଞ୍ଚରାତ୍ରଂ ଚ ୟାମଲଂ ଵାମମାର୍ହତମ୍ ।
ଏଵଂଵିଧାନି ଚାନ୍ୟାନି ମୋହନାର୍ଥାନି ତାନି ତୁ ॥ ୧୨।୨୬୨ ॥
ୟେ କୁଶାସ୍ତ୍ରାଭିୟୋଗେନ ମୋହୟନ୍ତୀହ ମାନଵାନ୍ ।
ମୟା ସୃଷ୍ଟାନି ଶାସ୍ତ୍ରାଣି ମୋହାୟୈଷାଂ ଭଵାନ୍ତରେ ॥ ୧୨।୨୬୩ ॥
ଵେଦାର୍ଥଵିତ୍ତମୈଃ କାର୍ୟଂ ୟତ୍ ସ୍ମୃତଂ କର୍ମ ଵୈଦିକମ୍ ।
ତତ୍ପ୍ରୟତ୍ନେନ କୁର୍ଵନ୍ତି ମତ୍ପ୍ରିୟାସ୍ତେ ହି ୟେ ନରାଃ ॥ ୧୨।୨୬୪ ॥
ଵର୍ଣାନାମନୁକମ୍ପାର୍ଥଂ ମନ୍ନିୟୋଗାଦ୍ଵିରାଟ୍ ସ୍ଵୟମ୍ ।
ସ୍ଵାୟଂଭୁଵୋ ମନୁର୍ଧାର୍ମାନ୍ ମୁନୀନାଂ ପୂର୍ଵମୁକ୍ତଵାନ୍ ॥ ୧୨।୨୬୫ ॥
ଶ୍ରୁତ୍ଵା ଚାନ୍ୟେଽପି ମୁନୟସ୍ତନ୍ମୁଖାଦ୍ ଧର୍ମମୁତ୍ତମମ୍ ।
ଚକ୍ରୁର୍ଧର୍ମପ୍ରତିଷ୍ଠାର୍ଥଂ ଧର୍ମଶାସ୍ତ୍ରାଣି ଚୈଵ ହି ॥ ୧୨।୨୬୬ ॥
ତେଷୁ ଚାନ୍ତର୍ହିତେଷ୍ଵେଵଂ ୟୁଗାନ୍ତେଷୁ ମହର୍ଷୟଃ ।
ବ୍ରହ୍ମଣୋ ଵଚନାତ୍ତାନି କରିଷ୍ୟନ୍ତି ୟୁଗେ ୟୁଗେ ॥ ୧୨।୨୬୭ ॥
ଅଷ୍ଟାଦଶ ପୁରାଣାନି ଵ୍ୟାସେନ କଥିତାନି ତୁ ।
ନିୟୋଗାଦ୍ ବ୍ରହ୍ମଣୋ ରାଜଂସ୍ତେଷୁ ଧର୍ମଃ ପ୍ରତିଷ୍ଠିତଃ ॥ ୧୨।୨୬୮ ॥
ଅନ୍ୟାନ୍ୟୁପପୁରାଣାନି ତଚ୍ଛିଷ୍ୟୈଃ କଥିତାନି ତୁ ।
ୟୁଗେ ୟୁଗେଽତ୍ର ସର୍ଵେଷାଂ କର୍ତା ଵୈ ଧର୍ମଶାସ୍ତ୍ରଵିତ୍ ॥ ୧୨।୨୬୯ ॥
ଶିକ୍ଷା କଲ୍ପୋ ଵ୍ୟାକରଣଂ ନିରୁକ୍ତଂ ଛନ୍ଦ ଏଵ ଚ ।
ଜ୍ୟୋତିଃ ଶାସ୍ତ୍ରଂ ନ୍ୟାୟଵିଦ୍ୟା ମୀମାଂସା ଚୋପବୃଂହଣମ୍ ॥ ୧୨।୨୭୦ ॥
ଏଵଂ ଚତୁର୍ଦଶୈତାନି ଵିଦ୍ୟାସ୍ଥାନାନି ସତ୍ତମ ।
ଚତୁର୍ଵେଦୈଃ ସହୋକ୍ତାନି ଧର୍ମୋ ନାନ୍ୟତ୍ର ଵିଦ୍ୟତେ ॥ ୧୨।୨୭୧ ॥
ଏଵଂ ପୈତାମହଂ ଧର୍ମଂ ମନୁଵ୍ୟାସାଦୟଃ ପରମ୍ ।
ସ୍ଥାପୟନ୍ତି ମମାଦେଶାଦ୍ ୟାଵଦାଭୂତସମ୍ପ୍ଲଵମ୍ ॥ ୧୨।୨୭୨ ॥
ବ୍ରହ୍ମଣା ସହ ତେ ସର୍ଵେ ସମ୍ପ୍ରାପ୍ତେ ପ୍ରତିସଂଚରେ ।
ପରସ୍ୟାନ୍ତେ କୃତାତ୍ମାନଃ ପ୍ରଵିଶନ୍ତି ପରଂ ପଦମ୍ ॥ ୧୨।୨୭୩ ॥
ତସ୍ମାତ୍ ସର୍ଵପ୍ରୟତ୍ନେନ ଧର୍ମାର୍ଥଂ ଵେଦମାଶ୍ରୟେତ୍ ।
ଧର୍ମେଣ ସହିତଂ ଜ୍ଞାନଂ ପରଂ ବ୍ରହ୍ମ ପ୍ରକାଶୟେତ୍ ॥ ୧୨।୨୭୪ ॥
ୟେ ତୁ ସଙ୍ଗାନ୍ ପରିତ୍ୟଜ୍ୟ ମାମେଵ ଶରଣଂ ଗତାଃ ।
ଉପାସତେ ସଦା ଭକ୍ତ୍ୟା ୟୋଗମୈଶ୍ଵରମାସ୍ଥିତାଃ ॥ ୧୨।୨୭୫ ॥
ସର୍ଵଭୂତଦୟାଵନ୍ତଃ ଶାନ୍ତା ଦାନ୍ତା ଵିମତ୍ସରାଃ ।
ଅମାନିନୋ ବୁଦ୍ଧିମନ୍ତସ୍ତାପସାଃ ଶଂସିତଵ୍ରତାଃ ॥ ୧୨।୨୭୬ ॥
ମଚ୍ଚିତ୍ତା ମଦ୍ଗତପ୍ରାଣା ମଜ୍ଜ୍ଞାନକଥନେ ରତାଃ ।
ସଂନ୍ୟାସିନୋ ଗୃହସ୍ଥାଶ୍ଚ ଵନସ୍ଥା ବ୍ରହ୍ମଚାରିଣଃ ॥ ୧୨।୨୭୭ ॥
ତେଷାଂ ନିତ୍ୟାଭିୟୁକ୍ତାନାଂ ମାୟାତତ୍ତ୍ଵଂ ସମୁତ୍ଥିତମ୍ ।
ନାଶୟାମି ତମଃ କୃତ୍ସ୍ନଂ ଜ୍ଞାନଦୀପେନ ମା ଚିରାତ୍ ॥ ୧୨।୨୭୮ ॥
ତେ ସୁନିର୍ଧୂତତମସୋ ଜ୍ଞାନେନୈକେନ ମନ୍ମୟାଃ ।
ସଦାନନ୍ଦାସ୍ତୁ ସଂସାରେ ନ ଜାୟନ୍ତେ ପୁନଃ ପୁନଃ ॥ ୧୨।୨୭୯ ॥
ତସ୍ମାତ୍ ସର୍ଵପ୍ରକାରେଣ ମଦ୍ଭକ୍ତୋ ମତ୍ପରାୟଣଃ ।
ମାମେଵାର୍ଚୟ ସର୍ଵତ୍ର ମନସା ଶରଣଂ ଗତଃ ॥ ୧୨।୨୮୦ ॥
ଅଶକ୍ତୋ ୟଦି ମେ ଧ୍ୟାତୁମୈଶ୍ଵରଂ ରୂପମଵ୍ୟୟମ୍ ।
ତତୋ ମେ ସକଲଂ ରୂପଂ କାଲାଦ୍ୟଂ ଶରଣଂ ଵ୍ରଜ ॥ ୧୨।୨୮୧ ॥
ୟଦ୍ୟତ୍ ସ୍ଵରୂପଂ ମେ ତାତ ମନସୋ ଗୋଚରଂ ତଵ ।
ତନ୍ନିଷ୍ଠସ୍ତତ୍ପରୋ ଭୂତ୍ଵା ତଦର୍ଚନପରୋ ଭଵ ॥ ୧୨।୨୮୨ ॥
ୟତ୍ତୁ ମେ ନିଷ୍କଲଂ ରୂପଂ ଚିନ୍ମାତ୍ରଂ କେଵଲଂ ଶିଵମ୍ ।
ସର୍ଵୋପାଧିଵିନିର୍ମୁକ୍ତମନନ୍ତମମୃତଂ ପରମ୍ ॥ ୧୨।୨୮୩ ॥
ଜ୍ଞାନେନୈକେନ ତଲ୍ଲଭ୍ୟଂ କ୍ଲେଶେନ ପରମଂ ପଦମ୍ ।
ଜ୍ଞାନମେଵ ପ୍ରପଶ୍ୟନ୍ତୋ ମାମେଵ ପ୍ରଵିଶନ୍ତି ତେ ॥ ୧୨।୨୮୪ ॥
ତଦ୍ବୁଦ୍ଧୟସ୍ତଦାତ୍ମାନସ୍ତନ୍ନିଷ୍ଠାସ୍ତତ୍ପରାୟଣାଃ ।
ଗଚ୍ଛନ୍ତ୍ୟପୁନରାଵୃତ୍ତିଂ ଜ୍ଞାନନିର୍ଧୂତକଲ୍ମଷାଃ ॥ ୧୨।୨୮୫ ॥
ମାମନାଶ୍ରିତ୍ୟ ପରମଂ ନିର୍ଵାଣମମଲଂ ପଦମ୍ ।
ପ୍ରାପ୍ୟତେ ନ ହି ରାଜେନ୍ଦ୍ର ତତୋ ମାଂ ଶରଣଂ ଵ୍ରଜ ॥ ୧୨।୨୮୬ ॥
ଏକତ୍ଵେନ ପୃଥକ୍ତ୍ଵେନ ତଥା ଚୋଭୟଥାପି ଵା ।
ମାମୁପାସ୍ୟ ମହାରାଜ ତତୋ ୟାସ୍ୟାସି ତତ୍ପଦମ୍ ॥ ୧୨।୨୮୭ ॥
ମାମନାଶ୍ରିତ୍ୟ ତତ୍ତତ୍ତ୍ଵଂ ସ୍ଵଭାଵଵିମଲଂ ଶିଵମ୍ ।
ଜ୍ଞାୟତେ ନ ହି ରାଜେନ୍ଦ୍ର ତତୋ ମାଂ ଶରଣଂ ଵ୍ରଜ ॥ ୧୨।୨୮୮ ॥
ତସ୍ମାତ୍ ତ୍ଵମକ୍ଷରଂ ରୂପଂ ନିତ୍ୟଂ ଚାରୂପମୈଶ୍ଵରମ୍ ।
ଆରାଧୟ ପ୍ରୟତ୍ନେନ ତତୋ ବନ୍ଧଂ ପ୍ରହାସ୍ୟସି ॥ ୧୨।୨୮୯ ॥
କର୍ମଣା ମନସା ଵାଚା ଶିଵଂ ସର୍ଵତ୍ର ସର୍ଵଦା ।
ସମାରାଧୟ ଭାଵେନ ତତୋ ୟାସ୍ୟସି ତତ୍ପଦମ୍ ॥ ୧୨।୨୯୦ ॥
ନ ଵୈ ପଶ୍ୟନ୍ତି ତତ୍ତତ୍ତ୍ଵଂ ମୋହିତା ମମ ମାୟୟା ।
ଅନାଦ୍ୟନନ୍ତଂ ପରମଂ ମହେଶ୍ଵରମଜଂ ଶିଵମ୍ ॥ ୧୨।୨୯୧ ॥
ସର୍ଵଭୂତାତ୍ମଭୂତସ୍ଥଂ ସର୍ଵାଧାରଂ ନିରଞ୍ଜନମ୍ ।
ନିତ୍ୟାନନ୍ଦଂ ନିରାଭାସଂ ନିର୍ଗୁଣଂ ତମସଃ ପରମ୍ ॥ ୧୨।୨୯୨ ॥
ଅଦ୍ଵୈତମଚଲଂ ବ୍ରହ୍ମ ନିଷ୍କଲଂ ନିଷ୍ପ୍ରପଞ୍ଚକମ୍ ।
ସ୍ଵସଂଵେଦ୍ୟମଵେଦ୍ୟଂ ତତ୍ ପରେ ଵ୍ୟୋମ୍ନି ଵ୍ୟଵସ୍ଥିତମ୍ ॥ ୧୨।୨୯୩ ॥
ସୂକ୍ଷ୍ମେଣ ତମସା ନିତ୍ୟଂ ଵେଷ୍ଟିତା ମମ ମାୟୟା ।
ସଂସାରସାଗରେ ଘୋରେ ଜାୟନ୍ତେ ଚ ପୁନଃ ପୁନଃ ॥ ୧୨।୨୯୪ ॥
ଭକ୍ତ୍ୟା ତ୍ଵନନ୍ୟୟା ରାଜନ୍ ସମ୍ୟଗ୍ ଜ୍ଞାନେନ ଚୈଵ ହି ।
ଅନ୍ଵେଷ୍ଟଵ୍ୟଂ ହି ତଦ୍ ବ୍ରହ୍ମ ଜନ୍ମବନ୍ଧନିଵୃତ୍ତୟେ ॥ ୧୨।୨୯୫ ॥
ଅହଂକାରଂ ଚ ମାତ୍ସର୍ୟଂ କାମଂ କ୍ରୋଧପରିଗ୍ରହମ୍ ।
ଅଧର୍ମାଭିନିଵେଶଂ ଚ ତ୍ୟକ୍ତ୍ଵା ଵୈରାଗ୍ୟମାସ୍ଥିତଃ ॥ ୧୨।୨୯୬ ॥
ସର୍ଵଭୂତେଷୁ ଚାତ୍ମାନଂ ସର୍ଵଭୂତାନି ଚାତ୍ମନି ।
ଅନ୍ଵୀକ୍ଷ୍ୟ ଚାତ୍ମନାତ୍ମାନଂ ବ୍ରହ୍ମଭୂୟାୟ କଲ୍ପତେ ॥ ୧୨।୨୯୭ ॥
ବ୍ରହ୍ମଭୂତଃ ପ୍ରସନ୍ନାତ୍ମା ସର୍ଵଭୂତାଭୟପ୍ରଦଃ ।
ଐଶ୍ଵରୀଂ ପରମାଂ ଭକ୍ତିଂ ଵିନ୍ଦେତାନନ୍ୟଗାମିନୀମ୍ ॥ ୧୨।୨୯୮ ॥
ଵୀକ୍ଷତେ ତତ୍ପରଂ ତତ୍ତ୍ଵମୈଶ୍ଵରଂ ବ୍ରହ୍ମନିଷ୍କଲମ୍ ।
ସର୍ଵସଂସାରନିର୍ମୁକ୍ତୋ ବ୍ରହ୍ମଣେୟଵାଵତିଷ୍ଠତେ ॥ ୧୨।୨୯୯ ॥
ବ୍ରହ୍ମଣୋ ହି ପ୍ରତିଷ୍ଠାଽୟଂ ପରସ୍ୟ ପରମଃ ଶିଵଃ ।
ଅନନ୍ୟଶ୍ଚାଵ୍ୟୟସ୍ଚୈକଶ୍ଚାତ୍ମାଧାରୋ ମହେଶ୍ଵରଃ ॥ ୧୨।୩୦୦ ॥
ଜ୍ଞାନେନ କର୍ମୟୋଗେନ ଭକ୍ତିୟୋଗେନ ଵା ନୃପ ।
ସର୍ଵସଂସାରମୁକ୍ତ୍ୟର୍ଥମୀଶ୍ଵରଂ ଶରଣଂ ଵ୍ରଜ ॥ ୧୨।୩୦୧ ॥
ଏଷ ଗୁହ୍ୟୋପଦେଶସ୍ତେ ମୟା ଦତ୍ତୋ ଗିରୀଶ୍ଵର ।
ଅନ୍ଵୀକ୍ଷ୍ୟ ଚୈତଦଖିଲଂ ୟଥେଷ୍ଟଂ କର୍ତ୍ତୁମର୍ହସି ॥ ୧୨।୩୦୨ ॥
ଅହଂ ଵୈ ୟାଚିତା ଦେଵୈଃ ସଂଜାତା ପରମେଶ୍ଵରାତ୍ ।
ଵିନିନ୍ଦ୍ୟ ଦକ୍ଷଂ ପିତରଂ ମହେଶ୍ଵରଵିନିନ୍ଦକମ୍ ॥ ୧୨।୩୦୩ ॥
ଧର୍ମସଂସ୍ଥାପନାର୍ଥାୟ ତଵାରାଧନକାରଣାତ୍ ।
ମେନାଦେହସମୁତ୍ପନ୍ନା ତ୍ଵାମେଵ ପିତରଂ ଶ୍ରିତା ॥ ୧୨।୩୦୪ ॥
ସ ତ୍ଵଂ ନିୟୋଗାଦ୍ଦେଵସ୍ୟ ବ୍ରହ୍ମଣଃ ପରମାତ୍ମନଃ ।
ପ୍ରିଦାସ୍ୟସେ ମାଂ ରୁଦ୍ରାୟ ସ୍ଵୟଂଵରସମାଗମେ ॥ ୧୨।୩୦୫ ॥
ତତ୍ସଂବନ୍ଧାଚ୍ଚ ତେ ରାଜନ୍ ସର୍ଵେ ଦେଵାଃ ସଵାସଵାଃ ।
ତ୍ଵାଂ ନମସ୍ୟନ୍ତି ଵୈ ତାତ ପ୍ରସୀଦତି ଚ ଶଂକରଃ ॥ ୧୨।୩୦୬ ॥
ତସ୍ମାତ୍ସର୍ଵପ୍ରୟତ୍ନେନ ମାଂ ଵିଦ୍ଧୀଶ୍ଵରଗୋଚରାମ୍ ।
ସମ୍ପୂଜ୍ୟ ଦେଵମୀଶାନଂ ଶରଣ୍ୟଂ ଶରଣଂ ଵ୍ରଜ ॥ ୧୨।୩୦୭ ॥
ସ ଏଵମୁକ୍ତୋ ଭଗଵାନ୍ ଦେଵଦେଵ୍ୟା ଗିରୀଶ୍ଵରଃ ।
ପ୍ରଣମ୍ୟ ଶିରସା ଦେଵୀଂ ପ୍ରାଞ୍ଜଲିଃ ପୁନରବ୍ରଵୀତ୍ ॥ ୧୨।୩୦୮ ॥
ଵିସ୍ତରେଣ ମହେଶାନି ୟୋଗଂ ମାହେଶ୍ଵରଂ ପରମ୍ ।
ଜ୍ଞାନଂ ଵୈ ଚାତ୍ମନୋ ୟୋଗଂ ସାଧନାନି ପ୍ରଚକ୍ଷ୍ଵ ମେ ॥ ୧୨।୩୦୯ ॥
ତସ୍ୟୈତତ୍ ପରମଂ ଜ୍ଞାନମାତ୍ମୟୋଗମୁତ୍ତମମ୍ ।
ୟଥାଵଦ୍ ଵ୍ୟାଜହାରେଶାସାଧନାନିଚ ଵିସ୍ତରାତ୍ ॥ ୧୨।୩୧୦ ॥
ନିଶମ୍ୟ ଵଦନାମ୍ଭୋଜାଦ୍ ଗିରୀନ୍ଦ୍ରୋ ଲୋକପୂଜିତଃ ।
ଲୋକମାତୁଃ ପରଂ ଜ୍ଞାନଂ ୟୋଗାସକ୍ତୋଽଭଵତ୍ପୁନଃ ॥ ୧୨।୩୧୧ ॥
ପ୍ରଦଦୌ ଚ ମହେଶାୟ ପାର୍ଵତୀଂ ଭାଗ୍ୟଗୌରଵାତ୍ ।
ନିୟୋଗାଦ୍ବ୍ରହ୍ମଣଃ ସାଧ୍ଵୀଂ ଦେଵାନାଂ ଚୈଵ ସଂନିଧୌ ॥ ୧୨।୩୧୨ ॥
ୟ ଇମଂ ପଠତେଽଧ୍ୟାୟଂ ଦେଵ୍ୟା ମାହାତ୍ମ୍ୟକୀର୍ତନମ୍ ।
ଶିଵସ୍ୟ ସଂନିଧୌ ଭକ୍ତ୍ୟା ସୁଚିସ୍ତଦ୍ଭାଵଭାଵିତଃ ॥ ୧୨।୩୧୩ ॥
ସର୍ଵପାପଵିନିର୍ମୁକ୍ତୋ ଦିଵ୍ୟୟୋଗସମନ୍ଵିତଃ ।
ଉଲ୍ଲଙ୍ଘ୍ୟ ବ୍ରହ୍ମଣୋ ଲୋକଂ ଦେଵ୍ୟାଃ ସ୍ଥାନମଵାପ୍ନୁୟାତ୍ ॥ ୧୨।୩୧୪ ॥
ୟଶ୍ଚୈତତ୍ ପଠତି ସ୍ତୋତ୍ରଂ ବ୍ରାହ୍ମଣାନାଂ ସମୀପତଃ ।
ସମାହିତମନାଃ ସୋଽପି ସର୍ଵପାପୈଃ ପ୍ରମୁଚ୍ୟତେ ॥ ୧୨।୩୧୫ ॥
ନାମ୍ନାମଷ୍ଟସହସ୍ରଂ ତୁ ଦେଵ୍ୟା ୟତ୍ ସମୁଦୀରିତମ୍ ।
ଜ୍ଞାତ୍ଵାଽର୍କମଣ୍ଡଲଗତାଂ ସଂଭାଵ୍ୟ ପରମେଶ୍ଵରୀମ୍ ॥ ୧୨।୩୧୬ ॥
ଅଭ୍ୟର୍ଚ୍ୟ ଗନ୍ଧପୁଷ୍ପାଦ୍ୟୈର୍ଭକ୍ତିୟୋଗସମନ୍ଵିତଃ ।
ସଂସ୍ମରନ୍ପରମଂ ଭାଵଂ ଦେଵ୍ୟା ମାହେଶ୍ଵରଂ ପରମ୍ ॥ ୧୨।୩୧୭ ॥
ଅନନ୍ୟମାନସୋ ନିତ୍ୟଂ ଜପେଦାମରଣାଦ୍ ଦ୍ଵିଜଃ ।
ସୋଽନ୍ତକାଲେ ସ୍ମୃତିଂ ଲବ୍ଧ୍ଵା ପରଂ ବ୍ରହ୍ମାଧିଗଚ୍ଛତି ॥ ୧୨।୩୧୮ ॥
ଅଥଵା ଜାୟତେ ଵିପ୍ରୋ ବ୍ରାହ୍ମଣାନାଂ କୁଲେ ଶୁଚୌ ।
ପୂର୍ଵସଂସ୍କାରମାହାତ୍ମ୍ୟାଦ୍ ବ୍ରହ୍ମଵିଦ୍ୟାମଵାପ୍ନୁୟାତ୍ ॥ ୧୨।୩୧୯ ॥
ସମ୍ପ୍ରାପ୍ୟ ୟୋଗଂ ପରମଂ ଦିଵ୍ୟଂ ତତ୍ ପାରମେଶ୍ଵରମ୍ ।
ଶାନ୍ତଃ ସର୍ଵଗାତୋ ଭୂତ୍ଵା ଶିଵସାୟୁଜ୍ୟମାପ୍ନୁୟାତ୍ ॥ ୧୨।୩୨୦ ॥
ପ୍ରତ୍ୟେକଂ ଚାଥ ନାମାନି ଜୁହୁୟାତ୍ ସଵନତ୍ରୟମ୍ ।
ପୂତନାଦିକୃତୈର୍ଦୋଷୈର୍ଗ୍ରହଦୋଷୈଶ୍ଚ ମୁଚ୍ୟତେ ॥ ୧୨।୩୨୧ ॥
ଜପେଦ୍ ଵାଽହରହର୍ନିତ୍ୟଂ ସଂଵତ୍ସରମତନ୍ଦ୍ରିତଃ ।
ଶ୍ରୀକାମଃ ପାର୍ଵତୀଂ ଦେଵୀଂ ପୂଜୟିତ୍ଵା ଵିଧାନତଃ ॥ ୧୨।୩୨୨ ॥
ସମ୍ପୂଜ୍ୟ ପାର୍ଶ୍ଵତଃ ଶଂଭୁଂ ତ୍ରିନେତ୍ରଂ ଭକ୍ତିସଂୟୁତଃ ।
ଲଭତେ ମହତୀଂ ଲକ୍ଷ୍ମୀଂ ମହାଦେଵପ୍ରସାଦତଃ ॥ ୧୨।୩୨୩ ॥
ତସ୍ମାତ୍ ସର୍ଵପ୍ରୟତ୍ନେନ ଜପ୍ତଵ୍ୟଂ ହି ଦ୍ଵିଜାତିଭିଃ ।
ସର୍ଵପାପାପନୋଦାର୍ଥଂ ଦେଵ୍ୟା ନାମ ସହସ୍ରକମ୍ ॥ ୧୨।୩୨୪ ॥
ପ୍ରସଙ୍ଗାତ୍ କଥିତଂ ଵିପ୍ରା ଦେଵ୍ୟା ମାହାତ୍ମ୍ୟମୁତ୍ତମମ୍ ।
ଅତଃ ପରଂ ପ୍ରଜାସର୍ଗଂ ଭୃଗ୍ଵାଦୀନାଂ ନିବୋଧତ ॥ ୧୨।୩୨୫ ॥
ଇତି ଶ୍ରୀକୂର୍ମପୁରାଣେ ଷଟ୍ସାହସ୍ତ୍ର୍ୟାଂ ସଂହିତାୟାଂ ପୂର୍ଵଵିଭାଗେ
ଦ୍ଵାଦଶୋଽଧ୍ୟାୟଃ ॥ ୧୨ ॥