॥ Tantraraja Tantra Durgasahasranamastotram 2 Odia Lyrics ॥
॥ ଶ୍ରୀଦୁର୍ଗାସହସ୍ରନାମସ୍ତୋତ୍ରମ୍ ୨ ॥
ତନ୍ତ୍ରରାଜତନ୍ତ୍ରେ
ପୂର୍ଵପୀଠିକା
ଶ୍ରୀଶିଵ ଉଵାଚ –
ଶୃଣୁ ଦେଵି ପ୍ରଵକ୍ଷ୍ୟାମି ଦୁର୍ଗାନାମସହସ୍ରକମ୍ ।
ୟତ୍ପ୍ରସାଦାନ୍ମହାଦେଵି ଚତୁର୍ଵର୍ଗଫଲଂ ଲଭେତ୍ ॥ ୧ ॥
ପଠନଂ ଶ୍ରଵଣଂ ଚାସ୍ୟ ସର୍ଵାଶାପରିପୂରକମ୍ ।
ଧନପୁତ୍ରପ୍ରଦଂ ଚୈଵ ବାଲାନାଂ ଶାନ୍ତିକାରକମ୍ ॥ ୨ ॥
ଉଗ୍ରରୋଗପ୍ରଶମନଂ ଗ୍ରହଦୋଷଵିନାଶନମ୍ ।
ଅକାଲମୃତ୍ୟୁହରଣଂ ଵାଣିଜ୍ୟେ ଵିଜୟପ୍ରଦମ୍ ॥ ୩ ॥
ଵିଵାଦେ ଦୁର୍ଗମେ ୟୁଦ୍ଧେ ନୌକାୟାଂ ଶତ୍ରୁସଙ୍କଟେ ।
ରାଜଦ୍ଵାରେ ମହାଽରଣ୍ୟେ ସର୍ଵତ୍ର ଵିଜୟପ୍ରଦମ୍ ॥ ୪ ॥
॥ ଵିନିୟୋଗ ॥
ଓଂ ଅସ୍ୟ ଶ୍ରୀଦୁର୍ଗାସହସ୍ରନାମମାଲାମନ୍ତ୍ରସ୍ୟ ଶ୍ରୀନାରଦ ଋଷିଃ ।
ଗାୟତ୍ରୀ ଛନ୍ଦଃ । ଶ୍ରୀଦୁର୍ଗା ଦେଵତା । ଦୁଂ ବୀଜମ୍ । ହ୍ରୀଂ ଶକ୍ତିଃ ।
ଓଂ କୀଲକମ୍ । ଶ୍ରୀଦୁର୍ଗାପ୍ରୀତ୍ୟର୍ଥଂ ଶ୍ରୀଦୁର୍ଗାସହସ୍ରନାମପାଠେ ଵିନିୟୋଗଃ ॥
ଋଷ୍ୟାଦି ନ୍ୟାସଃ ।
ଶ୍ରୀନାରଦଋଷୟେ ନମଃ ଶିରସି । ଗାୟତ୍ରୀଛନ୍ଦସେ ନମଃ ମୁଖେ ।
ଶ୍ରୀଦୁର୍ଗାଦେଵତାୟୈ ନମଃ ହୃଦୟେ । ଦୁଂ ବୀଜାୟ ନମଃ ଗୁହ୍ୟେ ।
ହ୍ରୀଂ ଶକ୍ତୟେ ନମଃ ପାଦୟୋଃ । ଓଂ କୀଲକାୟ ନମଃ ନାଭୌ ।
ଶ୍ରୀଦୁର୍ଗାପ୍ରୀତ୍ୟର୍ଥଂ ଶ୍ରୀଦୁର୍ଗାସହସ୍ରନାମପାଠେ ଵିନିୟୋଗାୟ ନମଃ ସର୍ଵାଙ୍ଗେ ॥
କରନ୍ୟାସଃ ।
ହ୍ରାଂ ଓଂ ହ୍ରୀଂ ଦୁଂ ଦୁର୍ଗାୟୈ ଅଙ୍ଗୁଷ୍ଠାଭ୍ୟାଂ ନମଃ ।
ହ୍ରୀଂ ଓଂ ହ୍ରୀଂ ଦୁଂ ଦୁର୍ଗାୟୈ ତର୍ଜନୀଭ୍ୟାଂ ସ୍ଵାହା ।
ହ୍ରୂଂ ଓଂ ହ୍ରୀଂ ଦୁଂ ଦୁର୍ଗାୟୈ ମଧ୍ୟମାଭ୍ୟାଂ ଵଷଟ୍ ।
ହ୍ରୈଂ ଓଂ ହ୍ରୀଂ ଦୁଂ ଦୁର୍ଗାୟୈ ଅନାମିକାଭ୍ୟାଂ ହୁମ୍ ।
ହ୍ରୌଂ ଓଂ ହ୍ରୀଂ ଦୁଂ ଦୁର୍ଗାୟୈ କନିଷ୍ଠିକାଭ୍ୟାଂ ଵୌଷଟ୍ ।
ହ୍ରଃ ଓଂ ହ୍ରୀଂ ଦୁଂ ଦୁର୍ଗାୟୈ କରତଲକରପୃଷ୍ଠାଭ୍ୟାଂ ଫଟ୍ ॥
ଅଙ୍ଗନ୍ୟାସଃ ।
ହ୍ରାଂ ଓଂ ହ୍ରୀଂ ଦୁଂ ଦୁର୍ଗାୟୈ ହୃଦୟାୟ ନମଃ ।
ହ୍ରୀଂ ଓଂ ହ୍ରୀଂ ଦୁଂ ଦୁର୍ଗାୟୈ ଶିରସେ ସ୍ଵାହା ।
ହ୍ରୂଂ ଓଂ ହ୍ରୀଂ ଦୁଂ ଦୁର୍ଗାୟୈ ଶିଖାୟୈ ଵଷଟ୍ ।
ହ୍ରୈଂ ଓଂ ହ୍ରୀଂ ଦୁଂ ଦୁର୍ଗାୟୈ କଵଚାୟ ହୁମ୍ ।
ହ୍ରୌଂ ଓଂ ହ୍ରୀଂ ଦୁଂ ଦୁର୍ଗାୟୈ ନେତ୍ରତ୍ରୟାୟ ଵୌଷଟ୍ ।
ହ୍ରଃ ଓଂ ହ୍ରୀଂ ଦୁଂ ଦୁର୍ଗାୟୈ ଅସ୍ତ୍ରାୟ ଫଟ୍ ॥
॥ ଅଥ ଧ୍ୟାନମ୍ ॥
ସିଂହସ୍ଥା ଶଶିଶେଖରା ମରକତପ୍ରଖ୍ୟା ଚତୁର୍ଭିର୍ଭୁଜୈଃ ।
ଶଙ୍ଗଚକ୍ରଧନୁଃଶରାଂଶ୍ଚ ଦଧତୀ ନେତ୍ରୈସ୍ତ୍ରିଭିଃ ଶୋଭିତା ॥
ଆମୁକ୍ତାଙ୍ଗଦହାରକଙ୍କଣରଣତ୍କାଞ୍ଚୀକ୍ଵଣନ୍ନୂପୁରା ।
ଦୁର୍ଗା ଦୁର୍ଗତିହାରିଣୀ ଭଵତୁ ଵୋ ରତ୍ନୋଲ୍ଲସତ୍କୁଣ୍ଡଲା ॥
॥ ମାନସ ପୂଜନ ॥
ଲଂ ପୃଥିଵ୍ୟାତ୍ମକଂ ଗନ୍ଧଂ ସମର୍ପୟାମି ।
ହଂ ଆକାଶାତ୍ମକଂ ପୁଷ୍ପଂ ସମର୍ପୟାମି ।
ୟଂ ଵାୟ୍ୟାତ୍ମକଂ ଧୂପଂ ସମର୍ପୟାମି ।
ରଂ ଵହ୍ନ୍ୟାତ୍ମକଂ ଦୀପଂ ଦର୍ଶୟାମି ।
ଵଂ ଅମୃତାତ୍ମକଂ ନୈଵେଦ୍ୟଂ ନିଵେଦୟାମି ।
ସଂ ସର୍ଵାତ୍ମକଂ ତାମ୍ବୂଲଂ ନିଵେଦୟାମି ।
॥ ମୂଲ ପାଠ ॥
ଅଥ ସହସ୍ରନାମସ୍ତୋତ୍ରମ୍ ।
ଶ୍ରୀଦୁର୍ଗା ଦୁର୍ଗତି ହରା ପରିପୂର୍ଣା ପରାତ୍ପରା ।
ସର୍ଵୋପାଧିଵିନିର୍ମୁକ୍ତା ଭଵଭାରଵିନାଶିନୀ ॥ ୧ ॥
କାର୍ୟକାରଣନିର୍ମୁକ୍ତା ଲୀଲାଵିଗ୍ରହଧାରିଣୀ ।
ସର୍ଵଶୃଙ୍ଗାରଶୋଭାଢ୍ୟା ସର୍ଵାୟୁଧସମନ୍ଵିତା ॥ ୨ ॥
ସୂର୍ୟକୋଟିସହସ୍ରାଭା ଚନ୍ଦ୍ରକୋଟିନିଭାନନା ।
ଗଣେଶକୋଟିଲାଵଣ୍ୟା ଵିଷ୍ଣୁକୋଟ୍ୟରିମର୍ଦିନୀ ॥ ୩ ॥
ଦାଵାଗ୍ନିକୋଟିନଲିନୀ ରୁଦ୍ରକୋଟ୍ୟୁଗ୍ରରୂପିଣୀ ।
ସମୁଦ୍ରକୋଟିଗମ୍ଭୀରା ଵାୟୁକୋଟିମହାବଲା ॥ ୪ ॥
ଆକାଶକୋଟିଵିସ୍ତାରା ୟମକୋଟିଭୟଙ୍କରୀ ।
ମେରୁକୋଟିସମୁଛ୍ରାୟା ଗଣକୋଟିସମୃଦ୍ଧିଦା ॥ ୫ ॥
ନମସ୍ୟା ପ୍ରଥମା ପୂଜ୍ୟା ସକଲା ଅଖିଲାମ୍ବିକା ।
ମହାପ୍ରକୃତି ସର୍ଵାତ୍ମା ଭୁକ୍ତିମୁକ୍ତିପ୍ରଦାୟିନୀ ॥ ୬ ॥
ଅଜନ୍ୟା ଜନନୀ ଜନ୍ୟା ମହାଵୃଷଭଵାହିନୀ ।
କର୍ଦମୀ କାଶ୍ୟପୀ ପଦ୍ମା ସର୍ଵତୀର୍ଥନିଵାସିନୀ ॥ ୭ ॥
ଭୀମେଶ୍ଵରୀ ଭୀମନାଦା ଭଵସାଗରତାରିଣୀ ।
ସଵଦେଵଶିରୋରତ୍ନନିଘୃଷ୍ଟଚରଣାମ୍ବୁଜା ॥ ୮ ॥
ସ୍ମରତାଂ ସର୍ଵପାପଘ୍ନୀ ସର୍ଵକାରଣକାରଣା ।
ସର୍ଵାର୍ଥସାଧିକା ମାତା ସର୍ଵମଙ୍ଗଲମଙ୍ଗଲା ॥ ୯ ॥
ପୃଚ୍ଛା ପୃଶ୍ନୀ ମହାଜ୍ୟୋତିରରଣ୍ୟା ଵନଦେଵତା ।
ଭୀତିର୍ଭୂତିର୍ମତିଃ ଶକ୍ତିସ୍ତୁଷ୍ଟିଃ ପୁଷ୍ଟିରୁଷା ଧୃତିଃ ॥ ୧୦ ॥
ଉତ୍ତାନହସ୍ତା ସମ୍ଭୂତିଃ ଵୃକ୍ଷଵଲ୍କଲଧାରିଣୀ ।
ମହାପ୍ରଭା ମହାଚଣ୍ଡୀ ଦୀପ୍ତାସ୍ୟା ଉଗ୍ରଲୋଚନା ॥ ୧୧ ॥
ମହାମେଘପ୍ରଭା ଵିଦ୍ୟା ମୁକ୍ତକେଶୀ ଦିଗମ୍ବରୀ ।
ହସନମୁଖୀ ସାଟ୍ଟହାସା ଲୋଲଜିହ୍ଵା ମହେଶ୍ଵରୀ ॥ ୧୨ ॥
ମୁଣ୍ଡାଲୀ ଅଭୟା ଦକ୍ଷା ମହାଭୀମା ଵରୋଦ୍ୟତା ।
ଖଡ୍ଗମୁଣ୍ଡଧରା ମୁକ୍ତି କୁମୁଦାଜ୍ଞାନନାଶିନୀ ॥ ୧୩ ॥
ଅମ୍ବାଲିକା ମହାଵୀର୍ୟା ସାରଦା କନକେଶ୍ଵରୀ ।
ପରମାତ୍ମା ପରା କ୍ଷିପ୍ତା ଶୂଲିନୀ ପରମେଶ୍ଵରୀ ॥ ୧୪ ॥
ମହାକାଲସମାସକ୍ତା ଶିଵଶତନିନାଦିନୀ ।
ଘୋରାଙ୍ଗୀ ମୁଣ୍ଡମୁକୁଟା ଶ୍ମଶାନାସ୍ଥିକୃତାଽଽସନା ॥ ୧୫ ॥
ମହାଶ୍ମଶାନନିଲୟା ମଣିମଣ୍ଡପମଧ୍ୟଗା ।
ପାନପାତ୍ରଘୃତା ଖର୍ଵା ପନ୍ନଗୀ ପରଦେଵତା ॥ ୧୬ ॥
ସୁଗନ୍ଧା ତାରିଣୀ ତାରା ଭଵାନୀ ଵନଵାସିନୀ ।
ଲମ୍ବୋଦରୀ ମହାଦୀର୍ଘା ଜଟିନୀ ଚନ୍ଦ୍ରଶେଖରା ॥ ୧୭ ॥
ପରାଽମ୍ବା ପରମାରାଧ୍ୟା ପରେଶୀ ବ୍ରହ୍ମରୂପିଣୀ ।
ଦେଵସେନା ଵିଶ୍ଵଗର୍ଭା ଅଗ୍ନିଜିହ୍ଵା ଚତୁର୍ଭୁଜା ॥ ୧୮ ॥
ମହାଦଂଷ୍ଟ୍ରା ମହାରାତ୍ରିଃ ନୀଲା ନୀଲସରସ୍ଵତୀ ।
ଦକ୍ଷଜା ଭାରତୀ ରମ୍ଭା ମହାମଙ୍ଗଲଚଣ୍ଡିକା ॥ ୧୯ ॥
ରୁଦ୍ରଜା କୌଶିକୀ ପୂତା ୟମଘଣ୍ଟା ମହାବଲା ।
କାଦମ୍ବିନୀ ଚିଦାନନ୍ଦା କ୍ଷେତ୍ରସ୍ଥା କ୍ଷେତ୍ରକର୍ଷିଣୀ ॥ ୨୦ ॥
ପଞ୍ଚପ୍ରେତସମାରୁଢା ଲଲିତା ତ୍ଵରିତା ସତୀ ।
ଭୈରଵୀ ରୂପସମ୍ପନ୍ନା ମଦନାଦଲନାଶିନୀ ॥ ୨୧ ॥
ଜାତାପହାରିଣୀ ଵାର୍ତା ମାତୃକା ଅଷ୍ଟମାତୃକା ।
ଅନଙ୍ଗମେଖଲା ଷଷ୍ଟୀ ହୃଲ୍ଲେଖା ପର୍ଵତାତ୍ମଜା ॥ ୨୨ ॥
ଵସୁନ୍ଧରା ଧରା ଧାରା ଵିଧାତ୍ରୀ ଵିନ୍ଧ୍ୟଵାସିନୀ ।
ଅୟୋଧ୍ୟା ମଥୁରା କାଞ୍ଚୀ ମହୈଶ୍ଵର୍ୟା ମହୋଦରୀ ॥ ୨୩ ॥
କୋମଲା ମାନଦା ଭଵ୍ୟା ମତ୍ସ୍ୟୋଦରୀ ମହାଲୟା ।
ପାଶାଙ୍କୁଶଧନୁର୍ବାଣା ଲାଵଣ୍ୟାମ୍ବୁଧିଚନ୍ଦ୍ରିକା ॥ ୨୪ ॥
ରକ୍ତଵାସା ରକ୍ତଲିପ୍ତା ରକ୍ତଗନ୍ଧଵିନୋଦିନୀ ।
ଦୁର୍ଲଭା ସୁଲଭା ମତ୍ସ୍ୟା ମାଧଵୀ ମଣ୍ଡଲେଶ୍ଵରୀ ॥ ୨୫ ॥
ପାର୍ଵତୀ ଅମରୀ ଅମ୍ବା ମହାପାତକନାଶିନୀ ।
ନିତ୍ୟତୃପ୍ତା ନିରାଭାସା ଅକୁଲା ରୋଗନାଶିନୀ ॥ ୨୬ ॥
କନକେଶୀ ପଞ୍ଚରୂପା ନୂପୁରା ନୀଲଵାହିନୀ ।
ଜଗନ୍ମୟୀ ଜଗଦ୍ଧାତ୍ରୀ ଅରୁଣା ଵାରୁଣୀ ଜୟା ॥ ୨୭ ॥
ହିଙ୍ଗୁଲା କୋଟରା ସେନା କାଲିନ୍ଦୀ ସୁରପୂଜିତା ।
ରାମେଶ୍ଵରୀ ଦେଵଗର୍ଭା ତ୍ରିସ୍ରୋତା ଅଖିଲେଶ୍ଵରୀ ॥ ୨୮ ॥
ବ୍ରହ୍ମାଣୀ ଵୈଷ୍ଣଵୀ ରୌଦ୍ରୀ ମହାକାଲମନୋରମା ।
ଗାରୁଡୀ ଵିମଲା ହଂସୀ ୟୋଗିନୀ ରତିସୁନ୍ଦରୀ ॥ ୨୯ ॥
କପାଲିନୀ ମହାଚଣ୍ଡା ଵିପ୍ରଚିତ୍ତା କୁମାରିକା ।
ଈଶାନୀ ଈଶ୍ଵରୀ ବ୍ରାହ୍ମୀ ମାହେଶୀ ଵିଶ୍ଵମୋହିନୀ ॥ ୩୦ ॥
ଏକଵୀରା କୁଲାନନ୍ଦା କାଲପୁତ୍ରୀ ସଦାଶିଵା ।
ଶାକମ୍ଭରୀ ନୀଲଵର୍ଣା ମହିଷାସୁରମର୍ଦିନୀ ॥ ୩୧ ॥
କାମଦା କାମିନୀ କୁଲ୍ଲା କୁରୁକୁଲ୍ଲା ଵିରୋଧିନୀ ।
ଉଗ୍ରା ଉଗ୍ରପ୍ରଭା ଦୀପ୍ତା ପ୍ରଭା ଦଂଷ୍ଟ୍ରା ମନୋଜଵା ॥ ୩୨ ॥
କଲ୍ପଵୃକ୍ଷତଲାସୀନା ଶ୍ରୀନାଥଗୁରୁପାଦୁକା ।
ଅଵ୍ୟାଜକରୁଣାମୂର୍ତିରାନନ୍ଦଘନଵିଗ୍ରହା ॥ ୩୩ ॥
ଵିଶ୍ଵରୂପା ଵିଶ୍ଵମାତା ଵଜ୍ରିଣୀ ଵଜ୍ରଵିଗ୍ରହା ।
ଅନଧା ଶାଙ୍କରୀ ଦିଵ୍ୟା ପଵିତ୍ରା ସର୍ଵସାକ୍ଷିଣୀ ॥ ୩୪ ॥
ଧନୁର୍ବାଣଗଦାହସ୍ତା ଆୟୁଧା ଆୟୁଧାନ୍ଵିତା ।
ଲୋକୋତ୍ତରା ପଦ୍ମନେତ୍ରା ୟୋଗମାୟା ଜଟେଶ୍ଵରୀ ॥ ୩୫ ॥
ଅନୁଚ୍ଚାର୍ୟା ତ୍ରିଧା ଦୃପ୍ତା ଚିନ୍ମୟୀ ଶିଵସୁନ୍ଦରୀ ।
ଵିଶ୍ଵେଶ୍ଵରୀ ମହାମେଧା ଉଚ୍ଛିଷ୍ଟା ଵିସ୍ଫୁଲିଙ୍ଗିନୀ ॥ ୩୬ ॥
ଚିଦମ୍ବରୀ ଚିଦାକାରା ଅଣିମା ନୀଲକୁନ୍ତଲା ।
ଦୈତ୍ୟେଶ୍ଵରୀ ଦେଵମାତା ମହାଦେଵୀ କୁଶପ୍ରିୟା ॥ ୩୭ ॥
ସର୍ଵଦେଵମୟୀ ପୁଷ୍ଟା ଭୂଷ୍ୟା ଭୂତପତିପ୍ରିୟା ।
ମହାକିରାତିନୀ ସାଧ୍ୟା ଧର୍ମଜ୍ଞା ଭୀଷଣାନନା ॥ ୩୮ ॥
ଉଗ୍ରଚଣ୍ଡା ଶ୍ରୀଚାଣ୍ଡାଲୀ ମୋହିନୀ ଚଣ୍ଡଵିକ୍ରମା ।
ଚିନ୍ତନୀୟା ମହାଦୀର୍ଘା ଅମୃତା ମୃତବାନ୍ଧଵୀ ॥ ୩୯ ॥
ପିନାକଧାରିଣୀ ଶିପ୍ରା ଧାତ୍ରୀ ତ୍ରିଜଗଦୀଶ୍ଵରୀ ।
ରକ୍ତପା ରୁଧିରାକ୍ତାଙ୍ଗୀ ରକ୍ତଖର୍ପରଧାରିଣୀ ॥ ୪୦ ॥
ତ୍ରିପୁରା ତ୍ରିକୂଟା ନିତ୍ୟା ଶ୍ରୀନିତ୍ୟା ଭୁଵନେଶ୍ଵରୀ ।
ହଵ୍ୟା କଵ୍ୟା ଲୋକଗତିର୍ଗାୟତ୍ରୀ ପରମା ଗତିଃ ॥ ୪୧ ॥
ଵିଶ୍ଵଧାତ୍ରୀ ଲୋକମାତା ପଞ୍ଚମୀ ପିତୃତୃପ୍ତିଦା ।
କାମେଶ୍ଵରୀ କାମରୂପା କାମବୀଜା କଲାତ୍ମିକା ॥ ୪୨ ॥
ତାଟଙ୍କଶୋଭିନୀ ଵନ୍ଦ୍ୟା ନିତ୍ୟକ୍ଲିନ୍ନା କୁଲେଶ୍ଵରୀ ।
ଭୁଵନେଶୀ ମହାରାଜ୍ଞୀ ଅକ୍ଷରା ଅକ୍ଷରାତ୍ମିକା ॥ ୪୩ ॥
ଅନାଦିବୋଧା ସର୍ଵଜ୍ଞା ସର୍ଵା ସର୍ଵତରା ଶୁଭା ।
ଇଚ୍ଛାଜ୍ଞାନକ୍ରିୟାଶକ୍ତିଃ ସର୍ଵାଢ୍ୟା ଶର୍ଵପୂଜିତା ॥ ୪୪ ॥
ଶ୍ରୀମହାସୁନ୍ଦରୀ ରମ୍ୟା ରାଜ୍ଞୀ ଶ୍ରୀପରମାମ୍ବିକା ।
ରାଜରାଜେଶ୍ଵରୀ ଭଦ୍ରା ଶ୍ରୀମତ୍ତ୍ରିପୁରସୁନ୍ଦରୀ ॥ ୪୫ ॥
ତ୍ରିସନ୍ଧ୍ୟା ଇନ୍ଦିରା ଐନ୍ଦ୍ରୀ ଅଜିତା ଅପରାଜିତା ।
ଭେରୁଣ୍ଡା ଦଣ୍ଡିନୀ ଘୋରା ଇନ୍ଦ୍ରାଣୀ ଚ ତପସ୍ଵିନୀ ॥ ୪୬ ॥
ଶୈଲପୁତ୍ରୀ ଚଣ୍ଡଧଣ୍ଟା କୂଷ୍ମାଣ୍ଡା ବ୍ରହ୍ମଚାରିଣୀ ।
କାତ୍ୟାୟନୀ ସ୍କନ୍ଦମାତା କାଲରାତ୍ରିଃ ଶୁଭଙ୍କରୀ ॥ ୪୭ ॥
ମହାଗୌରା ସିଦ୍ଧିଦାତ୍ରୀ ନଵଦୁର୍ଗା ନଭଃସ୍ଥିତା ।
ସୁନନ୍ଦା ନନ୍ଦିନୀ କୃତ୍ୟା ମହାଭାଗା ମହୋଜ୍ଜ୍ଵଲା ॥ ୪୮ ॥
ମହାଵିଦ୍ୟା ବ୍ରହ୍ମଵିଦ୍ୟା ଦାମିନୀ ତାପହାରିଣୀ ।
ଉତ୍ଥିତା ଉତ୍ପଲା ବାଧ୍ୟା ପ୍ରମୋଦା ଶୁଭଦୋତ୍ତମା ॥ ୪୯ ॥
ଅତୁଲ୍ୟା ଅମୂଲା ପୂର୍ଣା ହଂସାରୂଢା ହରିପ୍ରିୟା ।
ସୁଲୋଚନା ଵିରୂପାକ୍ଷୀ ଵିଦ୍ୟୁଦ୍ଗୌରୀ ମହାର୍ହଣା ॥ ୫୦ ॥
କାକଧ୍ଵଜା ଶିଵାରାଧ୍ୟା ଶୂର୍ପହସ୍ତା କୃଶାଙ୍ଗିନୀ ।
ଶୁଭ୍ରକେଶୀ କୋଟରାକ୍ଷୀ ଵିଧଵା ପତିଘାତିନୀ ॥ ୫୧ ॥
ସର୍ଵସିଦ୍ଧିକରୀ ଦୁଷ୍ଟା କ୍ଷୁଧାର୍ତା ଶିଵଭକ୍ଷିଣୀ ।
ଵର୍ଗାତ୍ମିକା ତ୍ରିକାଲଜ୍ଞା ତ୍ରିଵର୍ଗା ତ୍ରିଦଶାର୍ଚିତା ॥ ୫୨ ॥
ଶ୍ରୀମତୀ ଭୋଗିନୀ କାଶୀ ଅଵିମୁକ୍ତା ଗୟେଶ୍ଵରୀ ।
ସିଦ୍ଧାମ୍ବିକା ସୁଵର୍ଣାକ୍ଷୀ କୋଲାମ୍ବା ସିଦ୍ଧୟୋଗିନୀ ॥ ୫୩ ॥
ଦେଵଜ୍ୟୋତିଃ ସମୁଦ୍ଭୂତା ଦେଵଜ୍ୟୋତିଃସ୍ଵରୂପିଣୀ ।
ଅଚ୍ଛେଦ୍ୟା ଅଦ୍ଭୁତା ତୀଵ୍ରା ଵ୍ରତସ୍ଥା ଵ୍ରତଚାରିଣୀ ॥ ୫୪ ॥
ସିଦ୍ଧିଦା ଧୂମିନୀ ତନ୍ଵୀ ଭ୍ରାମରୀ ରକ୍ତଦନ୍ତିକା ।
ସ୍ଵସ୍ତିକା ଗଗନା ଵାଣୀ ଜାହ୍ନଵୀ ଭଵଭାମିନୀ ॥ ୫୫ ॥
ପତିଵ୍ରତା ମହାମୋହା ମୁକୁଟା ମୁକୁଟେଶ୍ଵରୀ ।
ଗୁହ୍ୟେଶ୍ଵରୀ ଗୁହ୍ୟମାତା ଚଣ୍ଡିକା ଗୁହ୍ୟକାଲିକା ॥ ୫୬ ॥
ପ୍ରସୂତିରାକୁତିଶ୍ଚିତ୍ତା ଚିନ୍ତା ଦେଵାହୁତିସ୍ତ୍ରୟୀ ।
ଅନୁମତିଃ କୁହୂ ରାକା ସିନୀଵାଲୀ ତ୍ଵିଷା ରସା ॥ ୫୭ ॥
ସୁଵର୍ଚା ଵର୍ଚଲା ଶାର୍ଵୀ ଵିକେଶା କୃଷ୍ଣପିଙ୍ଗଲା ।
ସ୍ଵପ୍ନାଵତୀ ଚିତ୍ରଲେଖା ଅନ୍ନପୂର୍ଣା ଚତୁଷ୍ଟୟା ॥ ୫୮ ॥
ପୁଣ୍ୟଲଭ୍ୟା ଵରାରୋହା ଶ୍ୟାମାଙ୍ଗୀ ଶଶିଶେଖରା ।
ହରଣୀ ଗୌତମୀ ମେନା ୟାଦଵା ପୂର୍ଣିମା ଅମା ॥ ୫୯ ॥
ତ୍ରିଖଣ୍ଡା ତ୍ରିମୁଣ୍ଡା ମାନ୍ୟା ଭୂତମାତା ଭଵେଶ୍ଵରୀ ।
ଭୋଗଦା ସ୍ଵର୍ଗଦା ମୋକ୍ଷା ସୁଭଗା ୟଜ୍ଞରୂପିଣୀ ॥ ୬୦ ॥
ଅନ୍ନଦା ସର୍ଵସମ୍ପତ୍ତିଃ ସଙ୍କଟା ସମ୍ପଦା ସ୍ମୃତିଃ ।
ଵୈଦୂର୍ୟମୁକୁଟା ମେଧା ସର୍ଵଵିଦ୍ୟେଶ୍ଵରେଶ୍ଵରୀ ॥ ୬୧ ॥
ବ୍ରହ୍ମାନନ୍ଦା ବ୍ରହ୍ମଦାତ୍ରୀ ମୃଡାନୀ କୈଟଭେଶ୍ଵରୀ ।
ଅରୁନ୍ଧତୀ ଅକ୍ଷମାଲା ଅସ୍ଥିରା ଗ୍ରାମ୍ୟଦେଵତା ॥ ୬୨ ॥
ଵର୍ଣେଶ୍ଵରୀ ଵର୍ଣମାତା ଚିନ୍ତାପୂର୍ଣୀ ଵିଲକ୍ଷଣା ।
ତ୍ରୀକ୍ଷଣା ମଙ୍ଗଲା କାଲୀ ଵୈରାଟୀ ପଦ୍ମମାଲିନୀ ॥ ୬୩ ॥
ଅମଲା ଵିକଟା ମୁଖ୍ୟା ଅଵିଜ୍ଞେୟା ସ୍ଵୟମ୍ଭୁଵା ।
ଊର୍ଜା ତାରାଵତୀ ଵେଲା ମାନଵୀ ଚ ଚତୁଃସ୍ତନୀ ॥ ୬୪ ॥
ଚତୁର୍ନେତ୍ରା ଚତୁର୍ହସ୍ତା ଚତୁର୍ଦନ୍ତା ଚତୁର୍ମୁଖୀ ।
ଶତରୂପା ବହୁରୂପା ଅରୂପା ଵିଶ୍ଚତୋମୁଖୀ ॥ ୬୫ ॥
ଗରିଷ୍ଠା ଗୁର୍ଵିଣୀ ଗୁର୍ଵୀ ଵ୍ୟାପ୍ୟା ଭୌମୀ ଚ ଭାଵିନୀ ।
ଅଜାତା ସୁଜାତା ଵ୍ୟକ୍ତା ଅଚଲା ଅକ୍ଷୟା କ୍ଷମା ॥ ୬୬ ॥
ମାରିଷା ଧର୍ମିଣୀ ହର୍ଷା ଭୂତଧାତ୍ରୀ ଚ ଧେନୁକା ।
ଅୟୋନିଜା ଅଜା ସାଧ୍ଵୀ ଶଚୀ କ୍ଷେମା କ୍ଷୟଙ୍କରୀ ॥ ୬୭ ॥
ବୁଦ୍ଧିର୍ଲଜ୍ଜା ମହାସିଦ୍ଧିଃ ଶାକ୍ରୀ ଶାନ୍ତିଃ କ୍ରିୟାଵତୀ ।
ପ୍ରଜ୍ଞା ପ୍ରୀତିଃ ଶ୍ରୁତିଃ ଶ୍ରଦ୍ଧା ସ୍ଵାହା କାନ୍ତିର୍ଵପୁଃସ୍ଵଧା ॥ ୬୮ ॥
ଉନ୍ନତିଃ ସନ୍ନତିଃ ଖ୍ୟାତିଃ ଶୁଦ୍ଧିଃ ସ୍ଥିତିର୍ମନସ୍ଵିନୀ ।
ଉଦ୍ୟମା ଵୀରିଣୀ କ୍ଷାନ୍ତିର୍ମାର୍କଣ୍ଡେୟୀ ତ୍ରୟୋଦଶୀ ॥ ୬୯ ॥
ପ୍ରସିଦ୍ଧା ପ୍ରତିଷ୍ଠା ଵ୍ୟାପ୍ତା ଅନସୂୟାଽଽକୃତିର୍ୟମା ।
ମହାଧୀରା ମହାଵୀରା ଭୁଜଙ୍ଗୀ ଵଲୟାକୃତିଃ ॥ ୭୦ ॥
ହରସିଦ୍ଧା ସିଦ୍ଧକାଲୀ ସିଦ୍ଧାମ୍ବା ସିଦ୍ଧପୂଜିତା ।
ପରାନନ୍ଦା ପରାପ୍ରୀତିଃ ପରାତୁଷ୍ଟିଃ ପରେଶ୍ଵରୀ ॥ ୭୧ ॥
ଵକ୍ରେଶ୍ଵରୀ ଚତୁର୍ଵକ୍ତ୍ରା ଅନାଥା ଶିଵସାଧିକା ।
ନାରାୟଣୀ ନାଦରୂପା ନାଦିନୀ ନର୍ତକୀ ନଟୀ ॥ ୭୨ ॥
ସର୍ଵପ୍ରଦା ପଞ୍ଚଵକ୍ତ୍ରା କାମିଲା କାମିକା ଶିଵା ।
ଦୁର୍ଗମା ଦୁରତିକ୍ରାନ୍ତା ଦୁର୍ଧ୍ୟେୟା ଦୁଷ୍ପରିଗ୍ରହା ॥ ୭୩ ॥
ଦୁର୍ଜୟା ଦାନଵୀ ଦେଵୀ ଦେତ୍ୟଘ୍ନୀ ଦୈତ୍ୟତାପିନୀ ।
ଊର୍ଜସ୍ଵତୀ ମହାବୁଦ୍ଧିଃ ରଟନ୍ତୀ ସିଦ୍ଧଦେଵତା ॥ ୭୪ ॥
କୀର୍ତିଦା ପ୍ରଵରା ଲଭ୍ୟା ଶରଣ୍ୟା ଶିଵଶୋଭନା ।
ସନ୍ମାର୍ଗଦାୟିନୀ ଶୁଦ୍ଧା ସୁରସା ରକ୍ତଚଣ୍ଡିକା ॥ ୭୫ ॥
ସୁରୂପା ଦ୍ରଵିଣା ରକ୍ତା ଵିରକ୍ତା ବ୍ରହ୍ମଵାଦିନୀ ।
ଅଗୁଣା ନିର୍ଗୁଣା ଗୁଣ୍ୟା ତ୍ରିଗୁଣା ତ୍ରିଗୁଣାତ୍ମିକା ॥ ୭୬ ॥
ଉଡ୍ଡିୟାନା ପୂର୍ଣଶୈଲା କାମସ୍ୟା ଚ ଜଲନ୍ଧରୀ ।
ଶ୍ମଶାନଭୈରଵୀ କାଲଭୈରଵୀ କୁଲଭୈରଵୀ ॥ ୭୭ ॥
ତ୍ରିପୁରାଭୈରଵୀଦେଵୀ ଭୈରଵୀ ଵୀରଭୈରଵୀ ।
ଶ୍ରୀମହାଭୈରଵୀଦେଵୀ ସୁଖଦାନନ୍ଦଭୈରଵୀ ॥ ୭୮ ॥
ମୁକ୍ତିଦାଭୈରଵୀଦେଵୀ ଜ୍ଞାନଦାନନ୍ଦଭୈରଵୀ ।
ଦାକ୍ଷାୟଣୀ ଦକ୍ଷୟଜ୍ଞନାଶିନୀ ନଗନନ୍ଦିନୀ ॥ ୭୯ ॥
ରାଜପୁତ୍ରୀ ରାଜପୂଜ୍ୟା ଭକ୍ତିଵଶ୍ୟା ସନାତନୀ ।
ଅଚ୍ୟୁତା ଚର୍ଚିକା ମାୟା ଷୋଡଶୀ ସୁରସୁନ୍ଦରୀ ॥ ୮୦ ॥
ଚକ୍ରେଶୀ ଚକ୍ରିଣୀ ଚକ୍ରା ଚକ୍ରରାଜନିଵାସିନୀ ।
ନାୟିକା ୟକ୍ଷିଣୀ ବୋଧା ବୋଧିନୀ ମୁଣ୍ଡକେଶ୍ଵରୀ ॥ ୮୧ ॥
ବୀଜରୂପା ଚନ୍ଦ୍ରଭାଗା କୁମାରୀ କପିଲେଶ୍ଵରୀ ।
ଵୃଦ୍ଧାଽତିଵୃଦ୍ଧା ରସିକା ରସନା ପାଟଲେଶ୍ଵରୀ ॥ ୮୨ ॥
ମାହେଶ୍ଵରୀ ମହାଽଽନନ୍ଦା ପ୍ରବଲା ଅବଲା ବଲା ।
ଵ୍ୟାଘ୍ରାମ୍ବରୀ ମହେଶାନୀ ଶର୍ଵାଣୀ ତାମସୀ ଦୟା ॥ ୮୩ ॥
ଧରଣୀ ଧାରିଣୀ ତୃଷ୍ଣା ମହାମାରୀ ଦୁରତ୍ୟୟା ।
ରଙ୍ଗିନୀ ଟଙ୍କିନୀ ଲୀଲା ମହାଵେଗା ମଖେଶ୍ଵରୀ ॥ ୮୪ ॥
ଜୟଦା ଜିତ୍ଵରା ଜେତ୍ରୀ ଜୟଶ୍ରୀ ଜୟଶାଲିନୀ ।
ନର୍ମଦା ୟମୁନା ଗଙ୍ଗା ଵେନ୍ଵା ଵେଣୀ ଦୃଷଦ୍ଵତୀ ॥ ୮୫ ॥
ଦଶାର୍ଣା ଅଲକା ସୀତା ତୁଙ୍ଗଭଦ୍ରା ତରଙ୍ଗିଣୀ ।
ମଦୋତ୍କଟା ମୟୂରାକ୍ଷୀ ମୀନାକ୍ଷୀ ମଣିକୁଣ୍ଡଲା ॥ ୮୬ ॥
ସୁମହା ମହତାଂ ସେଵ୍ୟା ମାୟୂରୀ ନାରସିଂହିକା ।
ବଗଲା ସ୍ତମ୍ଭିନୀ ପୀତା ପୂଜିତା ଶିଵନାୟିକା ॥ ୮୭ ॥
ଵେଦଵେଦ୍ୟା ମହାରୌଦ୍ରୀ ଵେଦବାହ୍ୟା ଗତିପ୍ରଦା ।
ସର୍ଵଶାସ୍ତ୍ରମୟୀ ଆର୍ୟା ଅଵାଙ୍ଗମନସଗୋଚରା ॥ ୮୮ ॥
ଅଗ୍ନିଜ୍ଵାଲା ମହାଜ୍ଵାଲା ପ୍ରଜ୍ଵାଲା ଦୀପ୍ତଜିହ୍ଵିକା ।
ରଞ୍ଜନୀ ରମଣୀ ରୁଦ୍ରା ରମଣୀୟା ପ୍ରଭଞ୍ଜନୀ ॥ ୮୯ ॥
ଵରିଷ୍ଠା ଵିଶିଷ୍ଟା ଶିଷ୍ଟା ଶ୍ରେଷ୍ଠା ନିଷ୍ଠା କୃପାଵତୀ ।
ଊର୍ଧ୍ଵମୁଖୀ ଵିଶାଲାସ୍ୟା ରୁଦ୍ରଭାର୍ୟା ଭୟଙ୍କରୀ ॥ ୯୦ ॥
ସିଂହପୃଷ୍ଠସମାସୀନା ଶିଵତାଣ୍ଡଵଦର୍ଶିନୀ ।
ହୈମଵତୀ ପଦ୍ମଗନ୍ଧା ଗନ୍ଧେଶ୍ଵରୀ ଭଵପ୍ରିୟା ॥ ୯୧ ॥
ଅଣୁରୂପା ମହାସୂକ୍ଷ୍ମା ପ୍ରତ୍ୟକ୍ଷା ଚ ମଖାନ୍ତକା ।
ସର୍ଵଵିଦ୍ୟା ରକ୍ତନେତ୍ରା ବହୁନେତ୍ରା ଅନେତ୍ରକା ॥ ୯୨ ॥
ଵିଶ୍ଵମ୍ଭରା ଵିଶ୍ଵୟୋନିଃ ସର୍ଵାକାରା ସୁଦର୍ଶନା ।
କୃଷ୍ଣାଜିନଧରା ଦେଵୀ ଉତ୍ତରା କନ୍ଦଵାସିନୀ ॥ ୯୩ ॥
ପ୍ରକୃଷ୍ଟା ପ୍ରହୃଷ୍ଟା ହୃଷ୍ଟା ଚନ୍ଦ୍ରସୂର୍ୟାଗ୍ନିଭକ୍ଷିଣୀ ।
ଵିଶ୍ଵେଦେଵୀ ମହାମୁଣ୍ଡା ପଞ୍ଚମୁଣ୍ଡାଧିଵାସିନୀ ॥ ୯୪ ॥
ପ୍ରସାଦସୁମୁଖୀ ଗୂଢା ସୁମୁଖା ସୁମୁଖେଶ୍ଵରୀ ।
ତତ୍ପଦା ସତ୍ପଦାଽତ୍ୟର୍ଥା ପ୍ରଭାଵତୀ ଦୟାଵତୀ ॥ ୯୫ ॥
ଚଣ୍ଡଦୁର୍ଗା ଚଣ୍ଡୀଦେଵୀ ଵନଦୁର୍ଗା ଵନେଶ୍ଵରୀ ।
ଧ୍ରୁଵେଶ୍ଵରୀ ଧୁଵା ଧ୍ରୌଵ୍ୟା ଧ୍ରୁଵାରାଧ୍ୟା ଧ୍ରୁଵାଗତିଃ ॥ ୯୬ ॥
ସଚ୍ଚିଦା ସଚ୍ଚିଦାନନ୍ଦା ଆପୋମୟୀ ମହାସୁଖା ।
ଵାଗୀଶୀ ଵାଗ୍ଭଵାଽଽକଣ୍ଠଵାସିନୀ ଵହ୍ନିସୁନ୍ଦରୀ ॥ ୯୭ ॥
ଗଣନାଥପ୍ରିୟା ଜ୍ଞାନଗମ୍ୟା ଚ ସର୍ଵଲୋକଗା ।
ପ୍ରୀତିଦା ଗତିଦା ପ୍ରେୟା ଧ୍ୟେୟା ଜ୍ଞେୟା ଭୟାପହା ॥ ୯୮ ॥
ଶ୍ରୀକରୀ ଶ୍ରୀଧରୀ ସୁଶ୍ରୀ ଶ୍ରୀଵିଦ୍ୟା ଶ୍ରୀଵିଭାଵନୀ ।
ଶ୍ରୀୟୁତା ଶ୍ରୀମତାଂ ସେଵ୍ୟା ଶ୍ରୀମୂର୍ତିଃ ସ୍ତ୍ରୀସ୍ଵରୂପିଣୀ ॥ ୯୯ ॥
ଅନୃତା ସୁନୃତା ସେଵ୍ୟା ସର୍ଵଲୋକୋତ୍ତମୋତ୍ତମା ।
ଜୟନ୍ତୀ ଚନ୍ଦନା ଗୌରୀ ଗର୍ଜିନୀ ଗଗନୋପମା ॥ ୧୦୦ ॥
ଛିନ୍ନମସ୍ତା ମହାମତ୍ତା ରେଣୁକା ଵନଶଙ୍କରୀ ।
ଗ୍ରାହିକା ଗ୍ରାସିନୀ ଦେଵଭୂଷଣା ଚ କପର୍ଦିନୀ ॥ ୧୦୧ ॥
ସୁମତିସ୍ତପତୀ ସ୍ଵସ୍ଥା ହୃଦିସ୍ଥା ମୃଗଲୋଚନା ।
ମନୋହରା ଵଜ୍ରଦେହା କୁଲେଶୀ କାମଚାରିଣୀ ॥ ୧୦୨ ॥
ରକ୍ତାଭା ନିଦ୍ରିତା ନିଦ୍ରା ରକ୍ତାଙ୍ଗୀ ରକ୍ତଲୋଚନା ।
କୁଲଚଣ୍ଡା ଚଣ୍ଡଵକ୍ତ୍ରା ଚଣ୍ଡୋଗ୍ରା ଚଣ୍ଡମାଲିନୀ ॥ ୧୦୩ ॥
ରକ୍ତଚଣ୍ଡୀ ରୁଦ୍ରଚଣ୍ଡୀ ଚଣ୍ଡାକ୍ଷୀ ଚଣ୍ଡନାୟିକା ।
ଵ୍ୟାଘ୍ରାସ୍ୟା ଶୈଲଜା ଭାଷା ଵେଦାର୍ଥା ରଣରଙ୍ଗିଣୀ ॥ ୧୦୪ ॥
ବିଲ୍ଵପତ୍ରକୃତାଵାସା ତରୁଣୀ ଶିଵମୋହିନୀ ।
ସ୍ଥାଣୁପ୍ରିୟା କରାଲାସ୍ୟା ଗୁଣଦା ଲିଙ୍ଗଵାସିନୀ ॥ ୧୦୫ ॥
ଅଵିଦ୍ୟା ମମତା ଅଜ୍ଞା ଅହନ୍ତା ଅଶୁଭା କୃଶା ।
ମହିଷଘ୍ନୀ ସୁଦୁଷ୍ପ୍ରେକ୍ଷ୍ୟା ତମସା ଭଵମୋଚନୀ ॥ ୧୦୬ ॥
ପୁରୂହୁତା ସୁପ୍ରତିଷ୍ଠା ରଜନୀ ଇଷ୍ଟଦେଵତା ।
ଦୁଃଖିନୀ କାତରା କ୍ଷୀଣା ଗୋମତୀ ତ୍ର୍ୟମ୍ବକେଶ୍ଵରା ॥ ୧୦୭ ॥
ଦ୍ଵାରାଵତୀ ଅପ୍ରମେୟା ଅଵ୍ୟୟାଽମିତଵିକ୍ରମା ।
ମାୟାଵତୀ କୃପାମୂର୍ତିଃ ଦ୍ଵାରେଶୀ ଦ୍ଵାରଵାସିନୀ ॥ ୧୦୮ ॥
ତେଜୋମୟୀ ଵିଶ୍ଵକାମା ମନ୍ମଥା ପୁଷ୍କରାଵତୀ ।
ଚିତ୍ରାଦେଵୀ ମହାକାଲୀ କାଲହନ୍ତ୍ରୀ କ୍ରିୟାମୟୀ ॥ ୧୦୯ ॥
କୃପାମୟୀ କୃପାଶ୍ରେଷ୍ଠା କରୁଣା କରୁଣାମୟୀ ।
ସୁପ୍ରଭା ସୁଵ୍ରତା ମାଧ୍ଵୀ ମଧୁଘ୍ନୀ ମୁଣ୍ଡମର୍ଦିନୀ ॥ ୧୧୦ ॥
ଉଲ୍ଲାସିନୀ ମହୋଲ୍ଲାସା ସ୍ଵାମିନୀ ଶର୍ମଦାୟିନୀ ।
ଶ୍ରୀମାତା ଶ୍ରୀମହାରାଜ୍ଞୀ ପ୍ରସନ୍ନା ପ୍ରସନ୍ନାନନା ॥ ୧୧୧ ॥
ସ୍ଵପ୍ରକାଶା ମହାଭୂମା ବ୍ରହ୍ମରୂପା ଶିଵଙ୍କରୀ ।
ଶକ୍ତିଦା ଶାନ୍ତିଦା କର୍ମଫଲଦା ଶ୍ରୀପ୍ରଦାୟିନୀ ॥ ୧୧୨ ॥
ପ୍ରିୟଦା ଧନଦା ଶ୍ରୀଦା ମୋକ୍ଷଦା ଜ୍ଞାନଦା ଭଵା ।
ଭୂମାନନ୍ଦକରୀ ଭୂମା ପ୍ରସୀଦଶ୍ରୁତିଗୋଚରା ॥ ୧୧୩ ॥
ରକ୍ତଚନ୍ଦନସିକ୍ତାଙ୍ଗୀ ସିନ୍ଦୂରାଙ୍କିତଭାଲିନୀ ।
ସ୍ଵଚ୍ଛନ୍ଦଶକ୍ତିର୍ଗହନା ପ୍ରଜାଵତୀ ସୁଖାଵହା ॥ ୧୧୪ ॥
ୟୋଗେଶ୍ଵରୀ ୟୋଗାରାଧ୍ୟା ମହାତ୍ରିଶୂଲଧାରିଣୀ ।
ରାଜ୍ୟେଶୀ ତ୍ରିପୁରା ସିଦ୍ଧା ମହାଵିଭଵଶାଲିନୀ ॥ ୧୧୫ ॥
ହ୍ରୀଙ୍କାରୀ ଶଙ୍କରୀ ସର୍ଵପଙ୍କଜସ୍ଥା ଶତଶ୍ରୁତିଃ ।
ନିସ୍ତାରିଣୀ ଜଗନ୍ମାତା ଜଗଦମ୍ବା ଜଗଦ୍ଧିତା ॥ ୧୧୬ ॥
ସାଷ୍ଟାଙ୍ଗପ୍ରଣତିପ୍ରୀତା ଭକ୍ତାନୁଗ୍ରହକାରିଣୀ ।
ଶରଣାଗତାଦୀନାର୍ତପରିତ୍ରାଣପରାୟଣା ॥ ୧୧୭ ॥
ନିରାଶ୍ରୟାଶ୍ରୟା ଦୀନତାରିଣୀ ଭକ୍ତଵତ୍ସଲା ।
ଦୀନାମ୍ବା ଦୀନଶରଣା ଭକ୍ତାନାମଭୟଙ୍କରୀ ॥ ୧୧୮ ॥
କୃତାଞ୍ଜଲିନମସ୍କାରା ସ୍ଵୟମ୍ଭୁକୁସୁମାର୍ଚିତା ।
କୌଲତର୍ପଣସମ୍ପ୍ରୀତା ସ୍ଵୟମ୍ଭାତୀ ଵିଭାତିନୀ ॥ ୧୧୯ ॥
ଶତଶୀର୍ଷାଽନନ୍ତଶୀର୍ଷା ଶ୍ରୀକଣ୍ଠାର୍ଧଶରୀରିଣୀ ।
ଜୟଧ୍ଵନିପ୍ରିୟା କୁଲଭାସ୍କରୀ କୁଲସାଧିକା ॥ ୧୨୦ ॥
ଅଭୟଵରଦହସ୍ତା ସର୍ଵାନନ୍ଦା ଚ ସଂଵିଦା ।
ପୃଥିଵୀଧରା ଵିଶ୍ଵଧରା ଵିଶ୍ଵଗର୍ଭା ପ୍ରଵର୍ତିକା ॥ ୧୨୧ ॥
ଵିଶ୍ଵମାୟା ଵିଶ୍ଵଫାଲା ପଦ୍ମନାଭପ୍ରସୂଃ ପ୍ରଜା । extra
ମହୀୟସୀ ମହାମୂର୍ତିଃ ସତୀ ରାଜ୍ଞୀ ଭୟାର୍ତିହା ॥ ୧୨୨ ॥
ବ୍ରହ୍ମମୟୀ ଵିଶ୍ଵପୀଠା ପ୍ରଜ୍ଞାନା ମହିମାମୟୀ ।
ସିଂହାରୂଢା ଵୃଷାରୂଢା ଅଶ୍ଵାରୂଢା ଅଧୀଶ୍ଵରୀ ॥ ୧୨୩ ॥
ଵରାଭୟକରା ସର୍ଵଵରେଣ୍ୟା ଵିଶ୍ଵଵିକ୍ରମା ।
ଵିଶ୍ଵାଶ୍ରୟା ମହାଭୂତିଃ ଶ୍ରୀପ୍ରଜ୍ଞାଦିସମନ୍ଵିତା ॥ ୧୨୪ ॥
ଫଲଶ୍ରୁତିଃ ।
ଦୁର୍ଗାନାମସହସ୍ରାଖ୍ୟଂ ସ୍ତୋତ୍ରଂ ତନ୍ତ୍ରୋତ୍ତମୋତ୍ତମମ୍ ।
ପଠନାତ୍ ଶ୍ରଵଣାତ୍ସଦ୍ୟୋ ନରୋ ମୁଚ୍ୟେତ ସଙ୍କଟାତ୍ ॥ ୧୨୫ ॥
ଅଶ୍ଵମେଧସହସ୍ରାଣାଂ ଵାଜପେୟସ୍ୟ କୋଟୟଃ ।
ସକୃତ୍ପାଠେନ ଜାୟନ୍ତେ ମହାମାୟାପ୍ରସାଦତଃ ॥ ୧୨୬ ॥
ୟ ଇଦଂ ପଠତି ନିତ୍ୟଂ ଦେଵ୍ୟାଗାରେ କୃତାଞ୍ଜଲିଃ ।
କିଂ ତସ୍ୟ ଦୁର୍ଲଭଂ ଦେଵି ଦିଵି ଭୁଵି ରସାତଲେ ॥ ୧୨୭ ॥
ସ ଦୀର୍ଧାୟୁଃ ସୁଖୀ ଵାଗ୍ମୀ ନିଶ୍ଚିତଂ ପର୍ଵତାତ୍ମଜେ ।
ଶ୍ରଦ୍ଧୟାଽଶ୍ରଦ୍ଧୟା ଵାପି ଦୁର୍ଗାନାମପ୍ରସାଦତଃ ॥ ୧୨୮ ॥
ୟ ଇଦଂ ପଠତେ ନିତ୍ୟଂ ଦେଵୀଭକ୍ତଃ ମୁଦାନ୍ଵିତଃ ।
ତସ୍ୟ ଶତ୍ରୁକ୍ଷୟଂ ୟାତି ୟଦି ଶକ୍ରସମୋ ଭଵେତ୍ ॥ ୧୨୯ ॥
ପ୍ରତିନାମ ସମୁଚ୍ଚାର୍ୟ ସ୍ରୋତସି ୟଃ ପ୍ରପୂଜୟେତ୍ ।
ଷଣ୍ମାସାଭ୍ୟନ୍ତରେ ଦେଵି ନିର୍ଧନୀ ଧନଵାନ୍ ଭଵେତ୍ ॥ ୧୩୦ ॥
ଵନ୍ଧ୍ୟା ଵା କାକଵନ୍ଧ୍ୟା ଵା ମୃତଵତ୍ସା ଚ ୟାଽଙ୍ଗନା ।
ଅସ୍ୟ ପ୍ରୟୋଗମାତ୍ରେଣ ବହୁପୁତ୍ରଵତୀ ଭଵେତ୍ ॥ ୧୩୧ ॥
ଆରୋଗ୍ୟାର୍ଥେ ଶତାଵୃତ୍ତିଃ ପୁତ୍ରାର୍ଥେ ହ୍ୟେକଵତ୍ସରମ୍ ।
ଦୀପ୍ତାଗ୍ନିସନ୍ନିଧୌ ପାଠାତ୍ ଅପାପୋ ଭଵତି ଧ୍ରୁଵମ୍ ॥ ୧୩୨ ॥
ଅଷ୍ଟୋତ୍ତରଶତେନାସ୍ୟ ପୁରଶ୍ଚର୍ୟା ଵିଧୀୟତେ ।
କଲୌ ଚତୁର୍ଗୁଣଂ ପ୍ରୋକ୍ତଂ ପୁରଶ୍ଚରଣସିଦ୍ଧୟେ ॥ ୧୩୩ ॥
ଜପାକମଲପୁଷ୍ପଂ ଚ ଚମ୍ପକଂ ନାଗକେଶରମ୍ ।
କଦମ୍ବଂ କୁସୁମଂ ଚାପି ପ୍ରତିନାମ୍ନା ସମର୍ଚୟେତ୍ ॥ ୧୩୪ ॥
ପ୍ରଣଵାଦିନମୋଽନ୍ତେନ ଚତୁର୍ଥ୍ୟନ୍ତେନ ମନ୍ତ୍ରଵିତ୍ ।
ସ୍ରୋତସି ପୂଜୟିତ୍ଵା ତୁ ଉପହାରଂ ସମର୍ପୟେତ୍ ॥ ୧୩୫ ॥
ଇଚ୍ଛାଜ୍ଞାନକ୍ରିୟାସିଦ୍ଧିର୍ନିଶ୍ଚତଂ ଗିରିନନ୍ଦିନି ।
ଦେହାନ୍ତେ ପରମଂ ସ୍ଥାନଂ ୟତ୍ସୁରୈରପି ଦୁର୍ଲଭମ୍ ॥ ୧୩୬ ॥
ସ ୟାସ୍ୟତି ନ ସନ୍ଦେହୋ ଶ୍ରୀଦୁର୍ଗାନାମକୀର୍ତନାତ୍ ।
ଭଜେଦ୍ ଦୁର୍ଗାଂ ସ୍ମରେଦ୍ ଦୁର୍ଗାଂ ଜପେଦ୍ ଦୁର୍ଗାଂ ଶିଵପ୍ରିୟାମ୍ ।
ତତ୍କ୍ଷଣାତ୍ ଶିଵମାପ୍ନୋତି ସତ୍ୟଂ ସତ୍ୟଂ ଵରାନନେ ॥ ୧୩୭ ॥
॥ ଇତି ତନ୍ତ୍ରରାଜତନ୍ତ୍ରେ ଶ୍ରୀଦୁର୍ଗାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥