॥ Gopala Sahasranama Stotram Odia Lyrics ॥
॥ ଶ୍ରୀଗୋପାଲସହସ୍ରନାମସ୍ତୋତ୍ରମ୍ ॥
ପାର୍ଵତ୍ୟୁଵାଚ-
କୈଲାସଶିଖରେ ରମ୍ୟେ ଗୌରୀ ପୃଚ୍ଛତି ଶଙ୍କରମ୍ ।
ବ୍ରହ୍ମାଣ୍ଡାଖିଲନାଥସ୍ତ୍ଵଂ ସୃଷ୍ଟିସଂହାରକାରକଃ ॥ ୧ ॥
ତ୍ଵମେଵ ପୂଜ୍ୟସେ ଲୋକୈର୍ବ୍ରହ୍ମଵିଷ୍ଣୁସୁରାଦିଭିଃ ।
ନିତ୍ୟଂ ପଠସି ଦେଵେଶ କସ୍ୟ ସ୍ତୋତ୍ରଂ ମହେଶ୍ଵର ॥ ୨ ॥
ଆଶ୍ଚର୍ୟମିଦମାଖ୍ୟାନଂ ଜାୟତେ ମୟି ଶଙ୍କର ।
ତତ୍ପ୍ରାଣେଶ ମହାପ୍ରାଜ୍ଞ ସଂଶୟଂ ଛିନ୍ଧି ମେ ପ୍ରଭୋ ॥ ୩ ॥
ଶ୍ରୀମହାଦେଵ ଉଵାଚ-
ଧନ୍ୟାସି କୃତପୁଣ୍ୟାସି ପାର୍ଵତି ପ୍ରାଣଵଲ୍ଲଭେ ।
ରହସ୍ୟାତିରହସ୍ୟଂ ଚ ୟତ୍ପୃଚ୍ଛସି ଵରାନନେ ॥ ୪ ॥
ସ୍ତ୍ରୀସ୍ଵଭାଵାନ୍ମହାଦେଵି ପୁନସ୍ତ୍ଵଂ ପରିପୃଚ୍ଛସି ।
ଗୋପନୀୟଂ ଗୋପନୀୟଂ ଗୋପନୀୟଂ ପ୍ରୟତ୍ନତଃ ॥ ୫ ॥
ଦତ୍ତେ ଚ ସିଦ୍ଧିହାନିଃ ସ୍ୟାତ୍ତସ୍ମାଦ୍ୟତ୍ନେନ ଗୋପୟେତ୍ ।
ଇଦଂ ରହସ୍ୟଂ ପରମଂ ପୁରୁଷାର୍ଥପ୍ରଦାୟକମ୍ ॥ ୬ ॥
ଧନରତ୍ନୌଘମାଣିକ୍ୟଂ ତୁରଙ୍ଗଂ ଚ ଗଜାଦିକମ୍ ।
ଦଦାତି ସ୍ମରଣାଦେଵ ମହାମୋକ୍ଷପ୍ରଦାୟକମ୍ ॥ ୭ ॥
ତତ୍ତେଽହଂ ସମ୍ପ୍ରଵକ୍ଷ୍ୟାମି ଶୃଣୁଷ୍ଵାଵହିତା ପ୍ରିୟେ ।
ୟୋଽସୌ ନିରଞ୍ଜନୋ ଦେଵଃ ଚିତ୍ସ୍ଵରୂପୀ ଜନାର୍ଦନଃ ॥ ୮ ॥
ସଂସାରସାଗରୋତ୍ତାରକାରଣାୟ ନୃଣାମ୍ ସଦା ।
ଶ୍ରୀରଙ୍ଗାଦିକରୂପେଣ ତ୍ରୈଲୋକ୍ୟଂ ଵ୍ୟାପ୍ୟ ତିଷ୍ଠତି ॥ ୯ ॥
ତତୋ ଲୋକା ମହାମୂଢା ଵିଷ୍ଣୁଭକ୍ତିଵିଵର୍ଜିତାଃ ।
ନିଶ୍ଚୟଂ ନାଧିଗଚ୍ଛନ୍ତି ପୁନର୍ନାରାୟଣୋ ହରିଃ ॥ ୧୦ ॥
ନିରଞ୍ଜନୋ ନିରାକାରୋ ଭକ୍ତାନାଂ ପ୍ରୀତିକାମଦଃ ।
ଵୃନ୍ଦାଵନଵିହାରାୟ ଗୋପାଲଂ ରୂପମୁଦ୍ଵହନ୍ ॥ ୧୧ ॥
ମୁରଲୀଵାଦନାଧାରୀ ରାଧାୟୈ ପ୍ରୀତିମାଵହନ୍ ।
ଅଂଶାଂଶେଭ୍ୟଃ ସମୁନ୍ମୀଲ୍ୟ ପୂର୍ଣରୂପକଲାୟୁତଃ ॥ ୧୨ ॥
ଶ୍ରୀକୃଷ୍ଣଚନ୍ଦ୍ରୋ ଭଗଵାନ୍ ନନ୍ଦଗୋପଵରୋଦ୍ୟତଃ ।
ଧରଣୀରୂପିଣୀମାତୃୟଶୋଦାନନ୍ଦଦାୟକଃ ॥ ୧୩ ॥
ଦ୍ଵାଭ୍ୟାଂ ପ୍ରୟାଚିତୋ ନାଥୋ ଦେଵକ୍ୟାଂ ଵସୁଦେଵତଃ ।
ବ୍ରହ୍ମଣାଽଭ୍ୟର୍ଥିତୋ ଦେଵୋ ଦେଵୈରପି ସୁରେଶ୍ଵରି ॥ ୧୪ ॥
ଜାତୋଽଵନ୍ୟାଂ ମୁକୁନ୍ଦୋଽପି ମୁରଲୋଵେଦରେଚିକା ।
ତୟା ସାର୍ଦ୍ଧଂ ଵଚଃ କୃତ୍ଵା ତତୋ ଜାତୋ ମହୀତଲେ ॥ ୧୫ ॥
ସଂସାରସାରସର୍ଵସ୍ଵଂ ଶ୍ୟାମଲଂ ମହଦୁଜ୍ଜ୍ଵଲମ୍ ।
ଏତଜ୍ଜ୍ୟୋତିରହଂ ଵେଦ୍ୟଂ ଚିନ୍ତୟାମି ସନାତନମ୍ ॥ ୧୬ ॥
ଗୌରତେଜୋ ଵିନା ୟସ୍ତୁ ଶ୍ୟାମତେଜସ୍ସମର୍ଚୟେତ୍ ।
ଜପେଦ୍ଵା ଧ୍ୟାୟତେ ଵାପି ସ ଭଵେତ୍ ପାତକୀ ଶିଵେ ॥ ୧୭ ॥
ସ ବ୍ରହ୍ମହା ସୁରାପୀ ଚ ସ୍ଵର୍ଣସ୍ତେୟୀ ଚ ପଞ୍ଚମଃ ।
ଏତୈର୍ଦୋଷୈର୍ଵିଲିପ୍ୟେତ ତେଜୋଭେଦାନ୍ମହୀଶ୍ଵରି ॥ ୧୮ ॥
ତସ୍ମାଜ୍ଜ୍ୟୋତିରଭୂଦ୍ ଦ୍ଵେଧା ରାଧାମାଧଵରୂପକମ୍ ।
ତସ୍ମାଦିଦଂ ମହାଦେଵି ଗୋପାଲେନୈଵ ଭାଷିତମ୍ ॥ ୧୯ ॥
ଦୁର୍ଵାସସୋ ମୁନେର୍ମୋହେ କାର୍ତିକ୍ୟାଂ ରାସମଣ୍ଡଲେ ।
ତତଃ ପୃଷ୍ଟଵତୀ ରାଧା ସନ୍ଦେହଭେଦମାତ୍ମନଃ ॥ ୨୦ ॥
ନିରଞ୍ଜନାତ୍ସମୁତ୍ପନ୍ନଂ ମୟାଽଧୀତଂ ଜଗନ୍ମୟି ।
ଶ୍ରୀକୃଷ୍ଣେନ ତତଃ ପ୍ରୋକ୍ତଂ ରାଧାୟୈ ନାରଦାୟ ଚ ॥ ୨୧ ॥
ତତୋ ନାରଦତସ୍ସର୍ଵେ ଵିରଲା ଵୈଷ୍ଣଵା ଜନାଃ ।
କଲୌ ଜାନନ୍ତି ଦେଵେଶି ଗୋପନୀୟଂ ପ୍ରୟତ୍ନତଃ ॥ ୨୨ ॥
ଶଠାୟ କୃପଣାୟାଥ ଦାମ୍ଭିକାୟ ସୁରେଶ୍ଵରି ।
ବ୍ରହ୍ମହତ୍ୟାମଵାପ୍ନୋତି ତସ୍ମାଦ୍ୟତ୍ନେନ ଗୋପୟେତ୍ ॥ ୨୩ ॥
ପାଠ କରନେ କୀ ଵିଧି
ଓଂ ଅସ୍ୟ ଶ୍ରୀଗୋପାଲସହସ୍ରନାମସ୍ତୋତ୍ରମହାମନ୍ତ୍ରସ୍ୟ ଶ୍ରୀନାରଦ ଋଷିଃ ।
ଅନୁଷ୍ଟୁପ୍ ଛନ୍ଦଃ । ଶ୍ରୀଗୋପାଲୋ ଦେଵତା । କାମୋ ବୀଜମ୍ । ମାୟା ଶକ୍ତିଃ ।
ଚନ୍ଦ୍ରଃ କୀଲକମ୍ ଶ୍ରୀକୃଷ୍ଣଚନ୍ଦ୍ର ଭକ୍ତିରୂପଫଲପ୍ରାପ୍ତୟେ
ଶ୍ରୀଗୋପାଲସହସ୍ରନାମସ୍ତୋତ୍ରଜପେ ଵିନିୟୋଗଃ ।
ୟା ଇସତରହ କରେଂ ପାଠ
ଓଂ ଐଂ କ୍ଲୀଂ ବୀଜମ୍ । ଶ୍ରୀଂ ହ୍ରୀଂ ଶକ୍ତିଃ ।
ଶ୍ରୀଵୃନ୍ଦାଵନନିଵାସଃ କୀଲକମ୍ ।
ଶ୍ରୀରାଧାପ୍ରିୟପରବ୍ରହ୍ମେତି ମନ୍ତ୍ରଃ ।
ଧର୍ମାଦିଚତୁର୍ଵିଧପୁରୁଷାର୍ଥସିଦ୍ଧ୍ୟର୍ଥେ ଜପେ ଵିନିୟୋଗଃ ॥
ଅଥ କରାଦିନ୍ୟାସଃ
ଓଂ କ୍ଲାଂ ଅଙ୍ଗୁଷ୍ଠାଭ୍ୟାଂ ନମଃ ।
ଓଂ କ୍ଲୀଂ ତର୍ଜନୀଭ୍ୟାଂ ନମଃ ॥
ଓଂ କ୍ଲୂଂ ମଧ୍ୟମାଭ୍ୟାଂ ନମଃ ॥
ଓଂ କ୍ଲୈଂ ଅନାମିକାଭ୍ୟାଂ ନମଃ ॥
ଓଂ କ୍ଲୌଂ କନିଷ୍ଟିକାଭ୍ୟାଂ ନମଃ ॥
ଓଂ କ୍ଲଃ କରତଲକରପୃଷ୍ଠାଭ୍ୟାଂ ନମଃ ॥
ଅଥ ହୃଦୟାଦିନ୍ୟାସଃ
ଓଂ କ୍ଲାଂ ହୃଦୟାୟ ନମଃ ।
ଓଂ କ୍ଲୀଂ ଶିରସେ ସ୍ଵାହା ॥
ଓଂ କ୍ଲୂଂ ଶିଖାୟୈ ଵଷଟ୍ ॥
ଓଂ କ୍ଲୈଂ କଵଚାୟ ହୁଂ ॥
ଓଂ କ୍ଲୌଂ ନେତ୍ରତ୍ରୟାୟ ଵୌଷଟ୍ ॥
ଓଂ କ୍ଲଃ ଅସ୍ତ୍ରାୟ ଫଟ୍ ॥
ଅଥ ଧ୍ୟାନମ୍
କସ୍ତୂରୀତିଲକଂ ଲଲାଟପଟଲେ ଵକ୍ଷଃସ୍ଥଲେ କୌସ୍ତୁଭଂ
ନାସାଗ୍ରେଵରମୌକ୍ତିକଂ କରତଲେ ଵେଣୁଂ କରେ କଙ୍କଣମ୍ ॥
ସର୍ଵାଙ୍ଗେ ହରିଚନ୍ଦନଂ ସୁଲଲିତଂ କଣ୍ଠେ ଚ ମୁକ୍ତାଵଲିମ୍
ଗୋପସ୍ତ୍ରୀପରିଵେଷ୍ଟିତୋ ଵିଜୟତେ ଗୋପାଲଚୂଡ़ାମଣିଃ ॥ ୧ ॥
ଫୁଲ୍ଲେନ୍ଦୀଵରକାନ୍ତିମିନ୍ଦୁଵଦନଂ ବର୍ହାଵତଂସପ୍ରିୟଂ
ଶ୍ରୀଵତ୍ସାଙ୍କମୁଦାରକୌସ୍ତୁଭଧରଂ ପୀତାମ୍ବରଂ ସୁନ୍ଦରମ୍ ॥
ଗୋପୀନାଂ ନୟନୋତ୍ପଲାର୍ଚିତତନୁଂ ଗୋଗୋପସଙ୍ଘାଵୃତଂ
ଗୋଵିନ୍ଦଂ କଲଵେଣୁଵାଦନପରଂ ଦିଵ୍ୟାଙ୍ଗଭୂଷଂ ଭଜେ ॥ ୨ ॥
ସହସ୍ରନାମ ସ୍ତୋତ୍ର ଆରମ୍ଭ-
ଓଂ କ୍ଲୀଂ ଦେଵଃ କାମଦେଵଃ କାମବୀଜଶିରୋମଣିଃ ।
ଶ୍ରୀଗୋପାଲୋ ମହୀପାଲୋ ସର୍ଵଵେଦାନ୍ତପାରଗଃ ॥ ୧ ॥ var ସର୍ଵଵେଦାଙ୍ଗପାରଗଃ
କୃଷ୍ଣଃ କମଲପତ୍ରାକ୍ଷଃ ପୁଣ୍ଡରୀକଃ ସନାତନଃ । var ଧରଣୀପାଲକୋଧନ୍ୟଃ
ଗୋପତିର୍ଭୂପତିଃ ଶାସ୍ତା ପ୍ରହର୍ତା ଵିଶ୍ଵତୋମୁଖଃ ॥ ୨ ॥
ଆଦିକର୍ତା ମହାକର୍ତା ମହାକାଲଃ ପ୍ରତାପଵାନ୍ ।
ଜଗଜ୍ଜୀଵୋ ଜଗଦ୍ଧାତା ଜଗଦ୍ଭର୍ତା ଜଗଦ୍ଵସୁଃ ॥ ୩ ॥
ମତ୍ସ୍ୟୋ ଭୀମଃ କୁହୂଭର୍ତା ହର୍ତା ଵାରାହମୂର୍ତିମାନ୍ ।
ନାରାୟଣୋ ହୃଷୀକେଶୋ ଗୋଵିନ୍ଦୋ ଗରୁଡଧ୍ଵଜଃ ॥ ୪ ॥
ଗୋକୁଲେନ୍ଦ୍ରୋ ମହୀଚନ୍ଦ୍ରଃ ଶର୍ଵରୀପ୍ରିୟକାରକଃ ।
କମଲାମୁଖଲୋଲାକ୍ଷଃ ପୁଣ୍ଡରୀକଃ ଶୁଭାଵହଃ ॥ ୫ ॥
ଦୁର୍ଵାସାଃ କପିଲୋ ଭୌମଃ ସିନ୍ଧୁସାଗରସଙ୍ଗମଃ ।
ଗୋଵିନ୍ଦୋ ଗୋପତିର୍ଗୋପଃ କାଲିନ୍ଦୀପ୍ରେମପୂରକଃ ॥ ୬ ॥
ଗୋପସ୍ଵାମୀ ଗୋକୁଲେନ୍ଦ୍ରୋ ଗୋଵର୍ଧନଵରପ୍ରଦଃ ।
ନନ୍ଦାଦିଗୋକୁଲତ୍ରାତା ଦାତା ଦାରିଦ୍ର୍ୟଭଞ୍ଜନଃ ॥ ୭ ॥
ସର୍ଵମଙ୍ଗଲଦାତା ଚ ସର୍ଵକାମପ୍ରଦାୟକଃ ।
ଆଦିକର୍ତା ମହୀଭର୍ତା ସର୍ଵସାଗରସିନ୍ଧୁଜଃ ॥ ୮ ॥
ଗଜଗାମୀ ଗଜୋଦ୍ଧାରୀ କାମୀ କାମକଲାନିଧିଃ ।
କଲଙ୍କରହିତଶ୍ଚନ୍ଦ୍ରୋ ବିମ୍ବାସ୍ୟୋ ବିମ୍ବସତ୍ତମଃ ॥ ୯ ॥
ମାଲାକାରଃ କୃପାକାରଃ କୋକିଲସ୍ଵରଭୂଷଣଃ ।
ରାମୋ ନୀଲାମ୍ବରୋ ଦେଵୋ ହଲୀ ଦୁର୍ଦମମର୍ଦନଃ ॥ ୧୦ ॥
ସହସ୍ରାକ୍ଷପୁରୀଭେତ୍ତା ମହାମାରୀଵିନାଶନଃ ।
ଶିଵଃ ଶିଵତମୋ ଭେତ୍ତା ବଲାରାତିପ୍ରପୂଜକଃ ॥ ୧୧ ॥
କୁମାରୀଵରଦାୟୀ ଚ ଵରେଣ୍ୟୋ ମୀନକେତନଃ ।
ନରୋ ନାରାୟଣୋ ଧୀରୋ ରାଧାପତିରୁଦାରଧୀଃ ॥ ୧୨ ॥
ଶ୍ରୀପତିଃ ଶ୍ରୀନିଧିଃ ଶ୍ରୀମାନ୍ ମାପତିଃ ପ୍ରତିରାଜହା ।
ଵୃନ୍ଦାପତିଃ କୁଲଗ୍ରାମୀ ଧାମୀ ବ୍ରହ୍ମ ସନାତନଃ ॥ ୧୩ ॥
ରେଵତୀରମଣୋ ରାମଃ ପ୍ରିୟଶ୍ଚଞ୍ଚଲଲୋଚନଃ ।
ରାମାୟଣଶରୀରୋଽୟଂ ରାମୋ ରାମଃ ଶ୍ରିୟଃପତିଃ ॥ ୧୪ ॥
ଶର୍ଵରଃ ଶର୍ଵରୀ ଶର୍ଵଃ ସର୍ଵତ୍ର ଶୁଭଦାୟକଃ ।
ରାଧାରାଧୟିତାରାଧୀ ରାଧାଚିତ୍ତପ୍ରମୋଦକଃ ॥ ୧୫ ॥
ରାଧାରତିସୁଖୋପେତଃ ରାଧାମୋହନତତ୍ପରଃ ।
ରାଧାଵଶୀକରୋ ରାଧାହୃଦୟାମ୍ଭୋଜଷଟ୍ପଦଃ ॥ ୧୬ ॥
ରାଧାଲିଙ୍ଗନସମ୍ମୋହଃ ରାଧାନର୍ତନକୌତୁକଃ ।
ରାଧାସଞ୍ଜାତସମ୍ପ୍ରୀତୋ ରାଧାକାମ୍ୟଫଲପ୍ରଦଃ ॥ ୧୭ ॥
ଵୃନ୍ଦାପତିଃ କୋଶନିଧିଃ କୋକଶୋକଵିନାଶନଃ ।
ଚନ୍ଦ୍ରାପତିଃ ଚନ୍ଦ୍ରପତିଃ ଚଣ୍ଡକୋଦଣ୍ଡଭଞ୍ଜନଃ ॥ ୧୮ ॥
ରାମୋ ଦାଶରଥୀ ରାମଃ ଭୃଗୁଵଂଶସମୁଦ୍ଭଵଃ ।
ଆତ୍ମାରାମୋ ଜିତକ୍ରୋଧୋ ମୋହୋ ମୋହାନ୍ଧଭଞ୍ଜନଃ ॥ ୧୯ ॥
ଵୃଷଭାନୁଭଵୋ ଭାଵଃ କାଶ୍ୟପିଃ କରୁଣାନିଧିଃ ।
କୋଲାହଲୋ ହଲୀ ହାଲୀ ହେଲୀ ହଲଧରପ୍ରିୟଃ ॥ ୨୦ ॥
ରାଧାମୁଖାବ୍ଜମାର୍ତାଣ୍ଡଃ ଭାସ୍କରୋ ରଵିଜା ଵିଧୁଃ ।
ଵିଧିର୍ଵିଧାତା ଵରୁଣୋ ଵାରୁଣୋ ଵାରୁଣୀପ୍ରିୟଃ ॥ ୨୧ ॥
ରୋହିଣୀହୃଦୟାନନ୍ଦୋ ଵସୁଦେଵାତ୍ମଜୋ ବଲୀ ।
ନୀଲାମ୍ବରୋ ରୌହିଣେୟୋ ଜରାସନ୍ଧଵଧୋଽମଲଃ ॥ ୨୨ ॥
ନାଗୋ ନଵାମ୍ଭୋ ଵିରୁଦୋ ଵୀରହା ଵରଦୋ ବଲୀ ।
ଗୋପଥୋ ଵିଜୟୀ ଵିଦ୍ଵାନ୍ ଶିପିଵିଷ୍ଟଃ ସନାତନଃ ॥ ୨୩ ॥
ପରଶୁରାମଵଚୋଗ୍ରାହୀ ଵରଗ୍ରାହୀ ଶୃଗାଲହା ।
ଦମଘୋଷୋପଦେଷ୍ଟା ଚ ରଥଗ୍ରାହୀ ସୁଦର୍ଶନଃ ॥ ୨୪ ॥
ଵୀରପତ୍ନୀୟଶସ୍ତ୍ରାତା ଜରାଵ୍ୟାଧିଵିଘାତକଃ ।
ଦ୍ଵାରକାଵାସତତ୍ତ୍ଵଜ୍ଞଃ ହୁତାଶନଵରପ୍ରଦଃ ॥ ୨୫ ॥
ୟମୁନାଵେଗସଂହାରୀ ନୀଲାମ୍ବରଧରଃ ପ୍ରଭୁଃ ।
ଵିଭୁଃ ଶରାସନୋ ଧନ୍ଵୀ ଗଣେଶୋ ଗଣନାୟକଃ ॥ ୨୬ ॥
ଲକ୍ଷ୍ମଣୋ ଲକ୍ଷଣୋ ଲକ୍ଷ୍ୟୋ ରକ୍ଷୋଵଂଶଵିନାଶନଃ ।
ଵାମନୋ ଵାମନୀଭୂତୋଽଵାମନୋ ଵାମନାରୁହଃ ॥ ୨୭ ॥
ୟଶୋଦାନନ୍ଦନଃ କର୍ତ୍ତା ୟମଲାର୍ଜୁନମୁକ୍ତିଦଃ ।
ଉଲୂଖଲୀ ମହାମାନୀ ଦାମବଦ୍ଧାହ୍ଵୟୀ ଶମୀ ॥ ୨୮ ॥
ଭକ୍ତାନୁକାରୀ ଭଗଵାନ୍ କେଶଵୋ ବଲଧାରକଃ ।
କେଶିହା ମଧୁହା ମୋହୀ ଵୃଷାସୁରଵିଘାତକଃ ॥ ୨୯ ॥
ଅଘାସୁରଵିନାଶୀ ଚ ପୂତନାମୋକ୍ଷଦାୟକଃ ।
କୁବ୍ଜାଵିନୋଦୀ ଭଗଵାନ୍ କଂସମୃତ୍ୟୁର୍ମହାମଖୀ ॥ ୩୦।
ଅଶ୍ଵମେଧୋ ଵାଜପେୟୋ ଗୋମେଧୋ ନରମେଧଵାନ୍ ।
କନ୍ଦର୍ପକୋଟିଲାଵଣ୍ୟଶ୍ଚନ୍ଦ୍ରକୋଟିସୁଶୀତଲଃ ॥ ୩୧ ॥
ରଵିକୋଟିପ୍ରତୀକାଶୋ ଵାୟୁକୋଟିମହାବଲଃ ।
ବ୍ରହ୍ମା ବ୍ରହ୍ମାଣ୍ଡକର୍ତା ଚ କମଲାଵାଞ୍ଛିତପ୍ରଦଃ ॥ ୩୨ ॥
କମଲା କମଲାକ୍ଷଶ୍ଚ କମଲାମୁଖଲୋଲୁପଃ ।
କମଲାଵ୍ରତଧାରୀ ଚ କମଲାଭଃ ପୁରନ୍ଦରଃ ॥ ୩୩ ॥
ସୌଭାଗ୍ୟାଧିକଚିତ୍ତୋଽୟଂ ମହାମାୟୀ ମଦୋତ୍କଟଃ ।
ତାରକାରିଃ ସୁରତ୍ରାତା ମାରୀଚକ୍ଷୋଭକାରକଃ ॥ ୩୪ ॥
ଵିଶ୍ଵାମିତ୍ରପ୍ରିୟୋ ଦାନ୍ତୋ ରାମୋ ରାଜୀଵଲୋଚନଃ ।
ଲଙ୍କାଧିପକୁଲଧ୍ଵଂସୀ ଵିଭୀଷଣଵରପ୍ରଦଃ ॥ ୩୫ ॥
ସୀତାନନ୍ଦକରୋ ରାମୋ ଵୀରୋ ଵାରିଧିବନ୍ଧନଃ ।
ଖରଦୂଷଣସଂହାରୀ ସାକେତପୁରଵାସଵାନ୍ ॥ ୩୬ ॥
ଚନ୍ଦ୍ରାଵଲୀପତିଃ କୂଲଃ କେଶିକଂସଵଧୋଽମଲଃ ।
ମାଧଵୋ ମଧୁହା ମାଧ୍ଵୀ ମାଧ୍ଵୀକୋ ମାଧଵୋ ଵିଧୁଃ ॥ ୩୭ ॥
ମୁଞ୍ଜାଟଵୀଗାହମାନଃ ଧେନୁକାରିର୍ଧରାତ୍ମଜଃ ।
ଵଂଶୀଵଟଵିହାରୀ ଚ ଗୋଵର୍ଧନଵନାଶ୍ରୟଃ ॥ ୩୮ ॥
ତଥା ତାଲଵନୋଦ୍ଦେଶୀ ଭାଣ୍ଡୀରଵନଶଙ୍ଖହା ।
ତୃଣାଵର୍ତକୃପାକାରୀ ଵୃଷଭାନୁସୁତାପତିଃ ॥ ୩୯ ॥
ରାଧାପ୍ରାଣସମୋ ରାଧାଵଦନାବ୍ଜମଧୁଵ୍ରତଃ ।
ଗୋପୀରଞ୍ଜନଦୈଵଜ୍ଞଃ ଲୀଲାକମଲପୂଜିତଃ ॥ ୪୦ ॥
କ୍ରୀଡାକମଲସନ୍ଦୋହଃ ଗୋପିକାପ୍ରୀତିରଞ୍ଜନଃ ।
ରଞ୍ଜକୋ ରଞ୍ଜନୋ ରଙ୍ଗୋ ରଙ୍ଗୀ ରଙ୍ଗମହୀରୁହଃ ॥ ୪୧ ॥
କାମଃ କାମାରିଭକ୍ତୋଽୟଂ ପୁରାଣପୁରୁଷଃ କଵିଃ ।
ନାରଦୋ ଦେଵଲୋ ଭୀମୋ ବାଲୋ ବାଲମୁଖାମ୍ବୁଜଃ ॥ ୪୨ ॥
ଅମ୍ବୁଜୋ ବ୍ରହ୍ମସାକ୍ଷୀ ଚ ୟୋଗୀ ଦତ୍ତଵରୋ ମୁନିଃ ।
ଋଷଭଃ ପର୍ଵତୋ ଗ୍ରାମୋ ନଦୀପଵନଵଲ୍ଲଭଃ ॥ ୪୩ ॥
ପଦ୍ମନାଭଃ ସୁରଜ୍ୟେଷ୍ଠୀ ବ୍ରହ୍ମା ରୁଦ୍ରୋଽହିଭୂଷିତଃ ।
ଗଣାନାଂ ତ୍ରାଣକର୍ତା ଚ ଗଣେଶୋ ଗ୍ରହିଲୋ ଗ୍ରହୀ ॥ ୪୪ ॥
ଗଣାଶ୍ରୟୋ ଗଣାଧ୍ୟକ୍ଷଃ କ୍ରୋଡୀକୃତଜଗତ୍ତ୍ରୟଃ ।
ୟାଦଵେନ୍ଦ୍ରୋ ଦ୍ଵାରକେନ୍ଦ୍ରୋ ମଥୁରାଵଲ୍ଲଭୋ ଧୁରୀ ॥ ୪୫ ॥
ଭ୍ରମରଃ କୁନ୍ତଲୀ କୁନ୍ତୀସୁତରକ୍ଷୋ ମହାମଖୀ ।
ୟମୁନାଵରଦାତା ଚ କାଶ୍ୟପସ୍ୟ ଵରପ୍ରଦଃ ॥ ୪୬ ॥
ଶଙ୍ଖଚୂଡଵଧୋଦ୍ଦାମୋ ଗୋପୀରକ୍ଷଣତତ୍ପରଃ ।
ପାଞ୍ଚଜନ୍ୟକରୋ ରାମୀ ତ୍ରିରାମୀ ଵନଜୋ ଜୟଃ ॥ ୪୭ ॥
ଫାଲ୍ଗୁନଃ ଫାଲ୍ଗୁନସଖୋ ଵିରାଧଵଧକାରକଃ ।
ରୁକ୍ମିଣୀପ୍ରାଣନାଥଶ୍ଚ ସତ୍ୟଭାମାପ୍ରିୟଙ୍କରଃ ॥ ୪୮ ॥
କଲ୍ପଵୃକ୍ଷୋ ମହାଵୃକ୍ଷଃ ଦାନଵୃକ୍ଷୋ ମହାଫଲଃ ।
ଅଙ୍କୁଶୋ ଭୂସୁରୋ ଭାଵୋ ଭ୍ରାମକୋ ଭାମକୋ ହରିଃ ॥ ୪୯ ॥
ସରଲଃ ଶାଶ୍ଵତୋ ଵୀରୋ ୟଦୁଵଂଶୀ ଶିଵାତ୍ମକଃ ।
ପ୍ରଦ୍ୟୁମ୍ନୋ ବଲକର୍ତା ଚ ପ୍ରହର୍ତା ଦୈତ୍ୟହା ପ୍ରଭୁଃ ॥ ୫୦ ॥
ମହାଧନୀ ମହାଵୀରୋ ଵନମାଲାଵିଭୂଷଣଃ ।
ତୁଲସୀଦାମଶୋଭାଢ୍ୟୋ ଜାଲନ୍ଧରଵିନାଶନଃ ॥ ୫୧ ॥
ଶୂରଃ ସୂର୍ୟୋ ମୃତଣ୍ଡଶ୍ଚ ଭାସ୍କରୋ ଵିଶ୍ଵପୂଜିତଃ ।
ରଵିସ୍ତମୋହା ଵହ୍ନିଶ୍ଚ ବାଡଵୋ ଵଡଵାନଲଃ ॥ ୫୨ ॥
ଦୈତ୍ୟଦର୍ପଵିନାଶୀ ଚ ଗରୁଡୋ ଗରୁଡାଗ୍ରଜଃ ।
ଗୋପୀନାଥୋ ମହାନାଥୋ ଵୃନ୍ଦାନାଥୋଽଵିରୋଧକଃ ॥ ୫୩ ॥
ପ୍ରପଞ୍ଚୀ ପଞ୍ଚରୂପଶ୍ଚ ଲତାଗୁଲ୍ମଶ୍ଚ ଗୋପତିଃ ।
ଗଙ୍ଗା ଚ ୟମୁନାରୂପୋ ଗୋଦା ଵେତ୍ରଵତୀ ତଥା ॥ ୫୪ ॥
କାଵେରୀ ନର୍ମଦା ତାପ୍ତୀ ଗଣ୍ଡକୀ ସରୟୂସ୍ତଥା ।
ରାଜସସ୍ତାମସସ୍ସତ୍ତ୍ଵୀ ସର୍ଵାଙ୍ଗୀ ସର୍ଵଲୋଚନଃ ॥ ୫୫ ॥
ସୁଧାମୟୋଽମୃତମୟୋ ୟୋଗିନୀଵଲ୍ଲଭଃ ଶିଵଃ ।
ବୁଦ୍ଧୋ ବୁଦ୍ଧିମତାଂ ଶ୍ରେଷ୍ଠୋ ଵିଷ୍ଣୁର୍ଜିଷ୍ଣୁଃ ଶଚୀପତିଃ ॥ ୫୬ ॥
ଵଂଶୀ ଵଂଶଧରୋ ଲୋକଃ ଵିଲୋକୋ ମୋହନାଶନଃ ।
ରଵରାଵୋ ରଵୋ ରାଵୋ ବଲୋ ବାଲବଲାହକଃ ॥ ୫୭ ॥
ଶିଵୋ ରୁଦ୍ରୋ ନଲୋ ନୀଲୋ ଲାଙ୍ଗଲୀ ଲାଙ୍ଗଲାଶ୍ରୟଃ ।
ପାରଦଃ ପାଵନୋ ହଂସୋ ହଂସାରୂଢୋ ଜଗତ୍ପତିଃ ॥ ୫୮ ॥
ମୋହିନୀମୋହନୋ ମାୟୀ ମହାମାୟୋ ମହାମଖୀ ।
ଵୃଷୋ ଵୃଷାକପିଃ କାଲଃ କାଲୀଦମନକାରକଃ ॥ ୫୯ ॥
କୁବ୍ଜାଭାଗ୍ୟପ୍ରଦୋ ଵୀରଃ ରଜକକ୍ଷୟକାରକଃ ।
କୋମଲୋ ଵାରୁଣୋ ରାଜା ଜଲଜୋ ଜଲଧାରକଃ ॥ ୬୦ ॥
ହାରକଃ ସର୍ଵପାପଘ୍ନଃ ପରମେଷ୍ଠୀ ପିତାମହଃ ।
ଖଡ୍ଗଧାରୀ କୃପାକାରୀ ରାଧାରମଣସୁନ୍ଦରଃ ॥ ୬୧ ॥
ଦ୍ଵାଦଶାରଣ୍ୟସମ୍ଭୋଗୀ ଶେଷନାଗଫଣାଲୟଃ ।
କାମଃ ଶ୍ୟାମଃ ସୁଖଶ୍ରୀଦଃ ଶ୍ରୀପତିଃ ଶ୍ରୀନିଧିଃ କୃତୀ ॥ ୬୨ ॥
ହରିର୍ନାରାୟଣୋ ନାରୋ ନରୋତ୍ତମ ଇଷୁପ୍ରିୟଃ ।
ଗୋପାଲୀଚିତ୍ତହର୍ତା ଚ କର୍ତ୍ତା ସଂସାରତାରକଃ ॥ ୬୩ ॥
ଆଦିଦେଵୋ ମହାଦେଵୋ ଗୌରୀଗୁରୁରନାଶ୍ରୟଃ ।
ସାଧୁର୍ମଧୁର୍ଵିଧୁର୍ଧାତା ତ୍ରାତାଽକ୍ରୂରପରାୟଣଃ ॥ ୬୪ ॥
ରୋଲମ୍ବୀ ଚ ହୟଗ୍ରୀଵୋ ଵାନରାରିର୍ଵନାଶ୍ରୟଃ ।
ଵନଂ ଵନୀ ଵନାଧ୍ୟକ୍ଷଃ ମହାଵନ୍ଦ୍ୟୋ ମହାମୁନିଃ ॥ ୬୫ ॥
ସ୍ୟାମନ୍ତକମଣିପ୍ରାଜ୍ଞୋ ଵିଜ୍ଞୋ ଵିଘ୍ନଵିଘାତକଃ ।
ଗୋଵର୍ଦ୍ଧନୋ ଵର୍ଦ୍ଧନୀୟଃ ଵର୍ଦ୍ଧନୋ ଵର୍ଦ୍ଧନପ୍ରିୟଃ ॥ ୬୬ ॥
ଵର୍ଦ୍ଧନ୍ୟୋ ଵର୍ଦ୍ଧନୋ ଵର୍ଦ୍ଧୀ ଵାର୍ଦ୍ଧିଷ୍ଣୁଃ ସୁମୁଖପ୍ରିୟଃ ।
ଵର୍ଦ୍ଧିତୋ ଵୃଦ୍ଧକୋ ଵୃଦ୍ଧୋ ଵୃନ୍ଦାରକଜନପ୍ରିୟଃ ॥ ୬୭ ॥
ଗୋପାଲରମଣୀଭର୍ତା ସାମ୍ବକୁଷ୍ଠଵିନାଶକଃ ।
ରୁକ୍ମିଣୀହରଣଃ ପ୍ରେମପ୍ରେମୀ ଚନ୍ଦ୍ରାଵଲୀପତିଃ ॥ ୬୮ ॥
ଶ୍ରୀକର୍ତା ଵିଶ୍ଵଭର୍ତା ଚ ନରୋ ନାରାୟଣୋ ବଲୀ ।
ଗଣୋ ଗଣପତିଶ୍ଚୈଵ ଦତ୍ତାତ୍ରେୟୋ ମହାମୁନିଃ ॥ ୬୯ ॥
ଵ୍ୟାସୋ ନାରାୟଣୋ ଦିଵ୍ୟୋ ଭଵ୍ୟୋ ଭାଵୁକଧାରକଃ ।
ଶ୍ଵଃଶ୍ରେୟସଂ ଶିଵଂ ଭଦ୍ରଂ ଭାଵୁକଂ ଭାଵିକଂ ଶୁଭମ୍ ॥ ୭୦ ॥
ଶୁଭାତ୍ମକଃ ଶୁଭଃ ଶାସ୍ତା ପ୍ରଶାସ୍ତା ମେଘାନାଦହା ।
ବ୍ରହ୍ମଣ୍ୟଦେଵୋ ଦୀନାନାମୁଦ୍ଧାରକରଣକ୍ଷମଃ ॥ ୭୧ ॥
କୃଷ୍ଣଃ କମଲପତ୍ରାକ୍ଷଃ କୃଷ୍ଣଃ କମଲଲୋଚନଃ ।
କୃଷ୍ଣଃ କାମୀ ସଦା କୃଷ୍ଣଃ ସମସ୍ତପ୍ରିୟକାରକଃ ॥ ୭୨ ॥
ନନ୍ଦୋ ନନ୍ଦୀ ମହାନନ୍ଦୀ ମାଦୀ ମାଦନକଃ କିଲୀ ।
ମିଲୀ ହିଲୀ ଗିଲୀ ଗୋଲୀ ଗୋଲୋ ଗୋଲାଲୟୋ ଗୁଲୀ ॥ ୭୩ ॥
ଗୁଗ୍ଗୁଲୀ ମାରକୀ ଶାଖୀ ଵଟଃ ପିପ୍ପଲକଃ କୃତୀ ।
ମ୍ଲେଚ୍ଛହା କାଲହର୍ତ୍ତା ଚ ୟଶୋଦାୟଶ ଏଵ ଚ ॥ ୭୪ ॥
ଅଚ୍ୟୁତଃ କେଶଵୋ ଵିଷ୍ଣୁଃ ହରିଃ ସତ୍ୟୋ ଜନାର୍ଦନଃ ।
ହଂସୋ ନାରାୟଣୋ ଲୀଲୋ ନୀଲୋ ଭକ୍ତିପରାୟଣଃ ॥ ୭୫ ॥
ଜାନକୀଵଲ୍ଲଭୋ ରାମଃ ଵିରାମୋ ଵିଘ୍ନନାଶନଃ ।
ସହଭାନୁର୍ମହାଭାନୁଃ ଵୀରବାହୁର୍ମହୋଦଧିଃ ॥ ୭୬ ॥
ସମୁଦ୍ରୋଽବ୍ଧିରକୂପାରଃ ପାରାଵାରଃ ସରିତ୍ପତିଃ ।
ଗୋକୁଲାନନ୍ଦକାରୀ ଚ ପ୍ରତିଜ୍ଞାପରିପାଲକଃ ॥ ୭୭ ॥
ସଦାରାମଃ କୃପାରାମଃ ମହାରାମୋ ଧନୁର୍ଧରଃ ।
ପର୍ଵତଃ ପର୍ଵତାକାରୋ ଗୟୋ ଗେୟୋ ଦ୍ଵିଜପ୍ରିୟଃ ॥ ୭୮ ॥
କମ୍ବଲାଶ୍ଵତରୋ ରାମୋ ରାମାୟଣପ୍ରଵର୍ତକଃ ।
ଦ୍ୟୌର୍ଦିଵୋ ଦିଵସୋ ଦିଵ୍ୟୋ ଭଵ୍ୟୋ ଭାଵି ଭୟାପହଃ ॥ ୭୯ ॥
ପାର୍ଵତୀଭାଗ୍ୟସହିତୋ ଭର୍ତା ଲକ୍ଷ୍ମୀଵିଲାସଵାନ୍ ।
ଵିଲାସୀ ସାହସୀ ସର୍ଵୀ ଗର୍ଵୀ ଗର୍ଵିତଲୋଚନଃ ॥ ୮୦ ॥
ମୁରାରିର୍ଲୋକଧର୍ମଜ୍ଞଃ ଜୀଵନୋ ଜୀଵନାନ୍ତକଃ ।
ୟମୋ ୟମାଦିୟମନୋ ୟାମୀ ୟାମଵିଧାୟକଃ ॥ ୮୧ ॥
ଵସୁଲୀ ପାଂସୁଲୀ ପାଂସୁଃ ପାଣ୍ଡୁରର୍ଜୁନଵଲ୍ଲଭଃ ।
ଲଲିତା ଚନ୍ଦ୍ରିକାମାଲୀ ମାଲୀ ମାଲାମ୍ବୁଜାଶ୍ରୟଃ ॥ ୮୨ ॥
ଅମ୍ବୁଜାକ୍ଷୋ ମହାୟଜ୍ଞଃ ଦକ୍ଷଃ ଚିନ୍ତାମଣିଃ ପ୍ରଭୁଃ ।
ମଣିର୍ଦିନମଣିଶ୍ଚୈଵ କେଦାରୋ ବଦରୀଶ୍ରୟଃ ॥ ୮୩ ॥
ବଦରୀଵନସମ୍ପ୍ରୀତଃ ଵ୍ୟାସଃ ସତ୍ୟଵତୀସୁତଃ ।
ଅମରାରିନିହନ୍ତା ଚ ସୁଧାସିନ୍ଧୁଵିଧୂଦୟଃ ॥ ୮୪ ॥
ଚନ୍ଦ୍ରୋ ରଵିଃ ଶିଵଃ ଶୂଲୀ ଚକ୍ରୀ ଚୈଵ ଗଦାଧରଃ ।
ଶ୍ରୀକର୍ତା ଶ୍ରୀପତିଃ ଶ୍ରୀଦଃ ଶ୍ରୀଦେଵୋ ଦେଵକୀସୁତଃ ॥ ୮୫ ॥
ଶ୍ରୀପତିଃ ପୁଣ୍ଡରୀକାକ୍ଷଃ ପଦ୍ମନାଭୋ ଜଗତ୍ପତିଃ ।
ଵାସୁଦେଵୋଽପ୍ରମେୟାତ୍ମା କେଶଵୋ ଗରୁଡଧ୍ଵଜଃ ॥ ୮୬ ॥
ନାରାୟଣଃ ପରଂ ଧାମ ଦେଵଦେଵୋ ମହେଶ୍ଵରଃ ।
ଚକ୍ରପାଣିଃ କଲାପୂର୍ଣୋ ଵେଦଵେଦ୍ୟୋ ଦୟାନିଧିଃ ॥ ୮୭ ॥
ଭଗଵାନ୍ ସର୍ଵଭୂତେଶୋ ଗୋପାଲଃ ସର୍ଵପାଲକଃ ।
ଅନନ୍ତୋ ନିର୍ଗୁଣୋ ନିତ୍ୟୋ ନିର୍ଵିକଲ୍ପୋ ନିରଞ୍ଜନଃ ॥ ୮୮ ॥
ନିରାଧାରୋ ନିରାକାରଃ ନିରାଭାସୋ ନିରାଶ୍ରୟଃ ।
ପୁରୁଷଃ ପ୍ରଣଵାତୀତୋ ମୁକୁନ୍ଦଃ ପରମେଶ୍ଵରଃ ॥ ୮୯ ॥
କ୍ଷଣାଵନିଃ ସାର୍ଵଭୌମୋ ଵୈକୁଣ୍ଠୋ ଭକ୍ତଵତ୍ସଲଃ ।
ଵିଷ୍ଣୁର୍ଦାମୋଦରଃ କୃଷ୍ଣୋ ମାଧଵୋ ମଥୁରାପତିଃ ॥ ୯୦ ॥
ଦେଵକୀଗର୍ଭସମ୍ଭୂତୋ ୟଶୋଦାଵତ୍ସଲୋ ହରିଃ ।
ଶିଵଃ ସଙ୍କର୍ଷଣଃ ଶମ୍ଭୁର୍ଭୂତନାଥୋ ଦିଵସ୍ପତିଃ ॥ ୯୧ ॥
ଅଵ୍ୟୟଃ ସର୍ଵଧର୍ମଜ୍ଞଃ ନିର୍ମଲୋ ନିରୁପଦ୍ରଵଃ ।
ନିର୍ଵାଣନାୟକୋ ନିତ୍ୟୋ ନୀଲଜୀମୂତସନ୍ନିଭଃ ॥ ୯୨ ॥
କଲାକ୍ଷୟଶ୍ଚ ସର୍ଵଜ୍ଞଃ କମଲାରୂପତତ୍ପରଃ ।
ହୃଷୀକେଶଃ ପୀତଵାସା ଵସୁଦେଵପ୍ରିୟାତ୍ମଜଃ ॥ ୯୩ ॥
ନନ୍ଦଗୋପକୁମାରାର୍ୟଃ ନଵନୀତାଶନୋ ଵିଭୁଃ ।
ପୁରାଣପୁରୁଷଃ ଶ୍ରେଷ୍ଠଃ ଶଙ୍ଖପାଣିଃ ସୁଵିକ୍ରମଃ ॥ ୯୪ ॥
ଅନିରୁଦ୍ଧଶ୍ଚକ୍ରରଥଃ ଶାର୍ଙ୍ଗପାଣିଶ୍ଚତୁର୍ଭୁଜଃ ।
ଗଦାଧରଃ ସୁରାର୍ତିଘ୍ନୋ ଗୋଵିନ୍ଦୋ ନନ୍ଦକାୟୁଧଃ ॥ ୯୫ ॥
ଵୃନ୍ଦାଵନଚରଃ ଶୌରିର୍ଵେଣୁଵାଦ୍ୟଵିଶାରଦଃ ।
ତୃଣାଵର୍ତାନ୍ତକୋ ଭୀମସାହସୀ ବହୁଵିକ୍ରମଃ ॥ ୯୬ ॥
ଶକଟାସୁରସଂହାରୀ ବକାସୁରଵିନାଶନଃ ।
ଧେନୁକାସୁରସଂହାରୀ ପୂତନାରିର୍ନୃକେସରୀ ॥ ୯୭ ॥
ପିତାମହୋ ଗୁରୁସ୍ସାକ୍ଷାତ୍ ପ୍ରତ୍ୟଗାତ୍ମା ସଦାଶିଵଃ ।
ଅପ୍ରମେୟଃ ପ୍ରଭୁଃ ପ୍ରାଜ୍ଞୋଽପ୍ରତର୍କ୍ୟଃ ସ୍ଵପ୍ନଵର୍ଦ୍ଧନଃ ॥ ୯୮ ॥
ଧନ୍ୟୋ ମାନ୍ୟୋ ଭଵୋ ଭାଵୋ ଧୀରଃ ଶାନ୍ତୋ ଜଗଦ୍ଗୁରୁଃ ।
ଅନ୍ତର୍ୟାମୀଶ୍ଵରୋ ଦିଵ୍ୟୋ ଦୈଵଜ୍ଞୋ ଦେଵସଂସ୍ତୁତଃ ॥ ୯୯ ॥
କ୍ଷୀରାବ୍ଧିଶୟନୋ ଧାତା ଲକ୍ଷ୍ମୀଵାଂଲ୍ଲକ୍ଷ୍ମଣାଗ୍ରଜଃ ।
ଧାତ୍ରୀପତିରମେୟାତ୍ମା ଚନ୍ଦ୍ରଶେଖରପୂଜିତଃ ॥ ୧୦୦ ॥
ଲୋକସାକ୍ଷୀ ଜଗଚ୍ଚକ୍ଷୁଃ ପୁଣ୍ୟଚାରିତ୍ରକୀର୍ତନଃ ।
କୋଟିମନ୍ମଥସୌନ୍ଦର୍ୟଃ ଜଗନ୍ମୋହନଵିଗ୍ରହଃ ॥ ୧୦୧ ॥
ମନ୍ଦସ୍ମିତାନନୋ ଗୋପୋ ଗୋପିକାପରିଵେଷ୍ଟିତଃ ।
ଫୁଲ୍ଲାରଵିନ୍ଦନୟନଃ ଚାଣୂରାନ୍ଧ୍ରନିଷୂଦନଃ ॥ ୧୦୨ ॥
ଇନ୍ଦୀଵରଦଲଶ୍ୟାମୋ ବର୍ହିବର୍ହାଵତଂସକଃ ।
ମୁରଲୀନିନଦାହ୍ଲାଦଃ ଦିଵ୍ୟମାଲ୍ୟାମ୍ବରାଵୃତଃ ॥ ୧୦୩ ॥
ସୁକପୋଲୟୁଗଃ ସୁଭ୍ରୂୟୁଗଲଃ ସୁଲଲାଟକଃ ।
କମ୍ବୁଗ୍ରୀଵୋ ଵିଶାଲାକ୍ଷୋ ଲକ୍ଷ୍ମୀଵାଞ୍ଛୁଭଲକ୍ଷଣଃ ॥ ୧୦୪ ॥
ପୀନଵକ୍ଷାଶ୍ଚତୁର୍ବାହୁଶ୍ଚତୁର୍ମୂର୍ତିସ୍ତ୍ରିଵିକ୍ରମଃ ।
କଲଙ୍କରହିତଃ ଶୁଦ୍ଧଃ ଦୁଷ୍ଟଶତ୍ରୁନିବର୍ହଣଃ ॥ ୧୦୫ ॥
କିରୀଟକୁଣ୍ଡଲଧରଃ କଟକାଙ୍ଗଦମଣ୍ଡିତଃ ।
ମୁଦ୍ରିକାଭରଣୋପେତଃ କଟିସୂତ୍ରଵିରାଜିତଃ ॥ ୧୦୬ ॥
ମଞ୍ଜୀରରଞ୍ଜିତପଦଃ ସର୍ଵାଭରଣଭୂଷିତଃ ।
ଵିନ୍ୟସ୍ତପାଦୟୁଗଲୋ ଦିଵ୍ୟମଙ୍ଗଲଵିଗ୍ରହଃ ॥ ୧୦୭ ॥
ଗୋପିକାନୟନାନନ୍ଦଃ ପୂର୍ଣଚନ୍ଦ୍ରନିଭାନନଃ ।
ସମସ୍ତଜଗଦାନନ୍ଦଃ ସୁନ୍ଦରୋ ଲୋକନନ୍ଦନଃ ॥ ୧୦୮ ॥
ୟମୁନାତୀରସଞ୍ଚାରୀ ରାଧାମନ୍ମଥଵୈଭଵଃ ।
ଗୋପନାରୀପ୍ରିୟୋ ଦାନ୍ତୋ ଗୋପୀଵସ୍ତ୍ରାପହାରକଃ ॥ ୧୦୯ ॥
ଶୃଙ୍ଗାରମୂର୍ତିଃ ଶ୍ରୀଧାମା ତାରକୋ ମୂଲକାରଣମ୍ ।
ସୃଷ୍ଟିସଂରକ୍ଷଣୋପାୟଃ କ୍ରୂରାସୁରଵିଭଞ୍ଜନଃ ॥ ୧୧୦ ॥
ନରକାସୁରସଂହାରୀ ମୁରାରିରରିମର୍ଦନଃ ।
ଆଦିତେୟପ୍ରିୟୋ ଦୈତ୍ୟଭୀକରୋ ୟଦୁଶେଖରଃ ॥ ୧୧୧ ॥
ଜରାସନ୍ଧକୁଲଧ୍ଵଂସୀ କଂସାରାତିଃ ସୁଵିକ୍ରମଃ ।
ପୁଣ୍ୟଶ୍ଲୋକଃ କୀର୍ତନୀୟଃ ୟାଦଵେନ୍ଦ୍ରୋ ଜଗନ୍ନୁତଃ ॥ ୧୧୨ ॥
ରୁକ୍ମିଣୀରମଣଃ ସତ୍ୟଭାମାଜାମ୍ବଵତୀପ୍ରିୟଃ ।
ମିତ୍ରଵିନ୍ଦାନାଗ୍ନଜିତୀଲକ୍ଷ୍ମଣାସମୁପାସିତଃ ॥ ୧୧୩ ॥
ସୁଧାକରକୁଲେ ଜାତୋଽନନ୍ତପ୍ରବଲଵିକ୍ରମଃ ।
ସର୍ଵସୌଭାଗ୍ୟସମ୍ପନ୍ନୋ ଦ୍ଵାରକାପତ୍ତନେ ସ୍ଥିତଃ ॥ ୧୧୪ ॥
ଭଦ୍ରାସୂର୍ୟସୁତାନାଥୋ ଲୀଲାମାନୁଷଵିଗ୍ରହଃ ।
ସହସ୍ରଷୋଡଶସ୍ତ୍ରୀଶୋ ଭୋଗମୋକ୍ଷୈକଦାୟକଃ ॥ ୧୧୫ ॥
ଵେଦାନ୍ତଵେଦ୍ୟଃ ସଂଵେଦ୍ୟୋ ଵୈଦ୍ୟୋ ବ୍ରହ୍ମାଣ୍ଡନାୟକଃ ।
ଗୋଵର୍ଦ୍ଧନଧରୋ ନାଥଃ ସର୍ଵଜୀଵଦୟାପରଃ ॥ ୧୧୬ ॥
ମୂର୍ତିମାନ୍ ସର୍ଵଭୂତାତ୍ମା ଆର୍ତତ୍ରାଣପରାୟଣଃ ।
ସର୍ଵଜ୍ଞଃ ସର୍ଵସୁଲଭଃ ସର୍ଵଶାସ୍ତ୍ରଵିଶାରଦଃ ॥ ୧୧୭ ॥
ଷଡ୍ଗୁଣୈଶ୍ଵର୍ୟସମ୍ପନ୍ନଃ ପୂର୍ଣକାମୋ ଧୁରନ୍ଧରଃ ।
ମହାନୁଭାଵଃ କୈଵଲ୍ୟଦାୟକୋ ଲୋକନାୟକଃ ॥ ୧୧୮ ॥
ଆଦିମଧ୍ୟାନ୍ତରହିତଃ ଶୁଦ୍ଧସାତ୍ତ୍ଵିକଵିଗ୍ରହଃ ।
ଅସମାନଃ ସମସ୍ତାତ୍ମା ଶରଣାଗତଵତ୍ସଲଃ ॥ ୧୧୯ ॥
ଉତ୍ପତ୍ତିସ୍ଥିତିସଂହାରକାରଣଂ ସର୍ଵକାରଣମ୍ ।
ଗମ୍ଭୀରଃ ସର୍ଵଭାଵଜ୍ଞଃ ସଚ୍ଚିଦାନନ୍ଦଵିଗ୍ରହଃ ॥ ୧୨୦ ॥
ଵିଷ୍ଵକ୍ସେନଃ ସତ୍ୟସନ୍ଧଃ ସତ୍ୟଵାକ୍ ସତ୍ୟଵିକ୍ରମଃ ।
ସତ୍ୟଵ୍ରତଃ ସତ୍ୟରତଃ ସର୍ଵଧର୍ମପରାୟଣଃ ॥ ୧୨୧ ॥
ଆପନ୍ନାର୍ତିପ୍ରଶମନଃ ଦ୍ରୌପଦୀମାନରକ୍ଷକଃ ।
କନ୍ଦର୍ପଜନକଃ ପ୍ରାଜ୍ଞୋ ଜଗନ୍ନାଟକଵୈଭଵଃ ॥ ୧୨୨ ॥
ଭକ୍ତିଵଶ୍ୟୋ ଗୁଣାତୀତଃ ସର୍ଵୈଶ୍ଵର୍ୟପ୍ରଦାୟକଃ ।
ଦମଘୋଷସୁତଦ୍ଵେଷୀ ବାଣବାହୁଵିଖଣ୍ଡନଃ ॥ ୧୨୩ ॥
ଭୀଷ୍ମଭକ୍ତିପ୍ରଦୋ ଦିଵ୍ୟଃ କୌରଵାନ୍ଵୟନାଶନଃ ।
କୌନ୍ତେୟପ୍ରିୟବନ୍ଧୁଶ୍ଚ ପାର୍ଥସ୍ୟନ୍ଦନସାରଥିଃ ॥ ୧୨୪ ॥
ନାରସିଂହୋ ମହାଵୀରଃ ସ୍ତମ୍ଭଜାତୋ ମହାବଲଃ ।
ପ୍ରହ୍ଲାଦଵରଦଃ ସତ୍ୟୋ ଦେଵପୂଜ୍ୟୋଽଭୟଙ୍କରଃ ॥ ୧୨୫ ॥
ଉପେନ୍ଦ୍ର ଇନ୍ଦ୍ରାଵରଜୋ ଵାମନୋ ବଲିବନ୍ଧନଃ ।
ଗଜେନ୍ଦ୍ରଵରଦଃ ସ୍ଵାମୀ ସର୍ଵଦେଵନମସ୍କୃତଃ ॥ ୧୨୬ ॥
ଶେଷପର୍ୟଙ୍କଶୟନଃ ଵୈନତେୟରଥୋ ଜୟୀ ।
ଅଵ୍ୟାହତବଲୈଶ୍ଵର୍ୟସମ୍ପନ୍ନଃ ପୂର୍ଣମାନସଃ ॥ ୧୨୭ ॥
ୟୋଗେଶ୍ଵରେଶ୍ଵରଃ ସାକ୍ଷୀ କ୍ଷେତ୍ରଜ୍ଞୋ ଜ୍ଞାନଦାୟକଃ ।
ୟୋଗିହୃତ୍ପଙ୍କଜାଵାସୋ ୟୋଗମାୟାସମନ୍ଵିତଃ ॥ ୧୨୮ ॥
ନାଦବିନ୍ଦୁକଲାତୀତଶ୍ଚତୁର୍ଵର୍ଗଫଲପ୍ରଦଃ ।
ସୁଷୁମ୍ନାମାର୍ଗସଞ୍ଚାରୀ ଦେହସ୍ୟାନ୍ତରସଂସ୍ଥିତଃ ॥ ୧୨୯ ॥
ଦେହେନ୍ଦ୍ରିୟମନଃପ୍ରାଣସାକ୍ଷୀ ଚେତଃପ୍ରସାଦକଃ ।
ସୂକ୍ଷ୍ମଃ ସର୍ଵଗତୋ ଦେହୀ ଜ୍ଞାନଦର୍ପଣଗୋଚରଃ ॥ ୧୩୦ ॥
ତତ୍ତ୍ଵତ୍ରୟାତ୍ମକୋଽଵ୍ୟକ୍ତଃ କୁଣ୍ଡଲୀ ସମୁପାଶ୍ରିତଃ ।
ବ୍ରହ୍ମଣ୍ୟଃ ସର୍ଵଧର୍ମଜ୍ଞଃ ଶାନ୍ତୋ ଦାନ୍ତୋ ଗତକ୍ଲମଃ ॥ ୧୩୧ ॥
ଶ୍ରୀନିଵାସଃ ସଦାନନ୍ଦଃ ଵିଶ୍ଵମୂର୍ତିର୍ମହାପ୍ରଭୁଃ ।
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ॥ ୧୩୨ ॥
ସମସ୍ତଭୁଵନାଧାରଃ ସମସ୍ତପ୍ରାଣରକ୍ଷକଃ ।
ସମସ୍ତସର୍ଵଭାଵଜ୍ଞୋ ଗୋପିକାପ୍ରାଣଵଲ୍ଲଭଃ ॥ ୧୩୩ ॥
ନିତ୍ୟୋତ୍ସଵୋ ନିତ୍ୟସୌଖ୍ୟୋ ନିତ୍ୟଶ୍ରୀର୍ନିତ୍ୟମଙ୍ଗଲଃ ।
ଵ୍ୟୂହାର୍ଚିତୋ ଜଗନ୍ନାଥଃ ଶ୍ରୀଵୈକୁଣ୍ଠପୁରାଧିପଃ ॥ ୧୩୪ ॥
ପୂର୍ଣାନନ୍ଦଘନୀଭୂତଃ ଗୋପଵେଷଧରୋ ହରିଃ ।
କଲାପକୁସୁମଶ୍ୟାମଃ କୋମଲଃ ଶାନ୍ତଵିଗ୍ରହଃ ॥ ୧୩୫ ॥
ଗୋପାଙ୍ଗନାଵୃତୋଽନନ୍ତୋ ଵୃନ୍ଦାଵନସମାଶ୍ରୟଃ ।
ଵେଣୁଵାଦରତଃ ଶ୍ରେଷ୍ଠୋ ଦେଵାନାଂ ହିତକାରକଃ ॥ ୧୩୬ ॥
ବାଲକ୍ରୀଡାସମାସକ୍ତୋ ନଵନୀତସ୍ୟ ତସ୍କରଃ ।
ଗୋପାଲକାମିନୀଜାରଶ୍ଚୌରଜାରଶିଖାମଣିଃ ॥ ୧୩୭ ॥
ପରଞ୍ଜ୍ୟୋତିଃ ପରାକାଶଃ ପରାଵାସଃ ପରିସ୍ଫୁଟଃ ।
ଅଷ୍ଟାଦଶାକ୍ଷରୋ ମନ୍ତ୍ରୋ ଵ୍ୟାପକୋ ଲୋକପାଵନଃ ॥ ୧୩୮ ॥
ସପ୍ତକୋଟିମହାମନ୍ତ୍ରଶେଖରୋ ଦେଵଶେଖରଃ ।
ଵିଜ୍ଞାନଜ୍ଞାନସନ୍ଧାନସ୍ତେଜୋରାଶିର୍ଜଗତ୍ପତିଃ ॥ ୧୩୯ ॥
ଭକ୍ତଲୋକପ୍ରସନ୍ନାତ୍ମା ଭକ୍ତମନ୍ଦାରଵିଗ୍ରହଃ ।
ଭକ୍ତଦାରିଦ୍ର୍ୟଦମନୋ ଭକ୍ତାନାଂ ପ୍ରୀତିଦାୟକଃ ॥ ୧୪୦ ॥
ଭକ୍ତାଧୀନମନାଃ ପୂଜ୍ୟଃ ଭକ୍ତଲୋକଶିଵଙ୍କରଃ ।
ଭକ୍ତାଭୀଷ୍ଟପ୍ରଦଃ ସର୍ଵଭକ୍ତାଘୌଘନିକୃନ୍ତନଃ ॥ ୧୪୧ ॥
ଅପାରକରୁଣାସିନ୍ଧୁର୍ଭଗଵାନ୍ ଭକ୍ତତତ୍ପରଃ ॥ ୧୪୨ ॥
॥ ଇତି ଗୋପାଲ ସହସ୍ରନାମସ୍ତୋତ୍ରମ୍ ସମ୍ପୂର୍ଣମ୍ ॥
ଫଲଶ୍ରୁତିଃ
( ॥ ଗୋପାଲସହସ୍ରନାମ ମାହାତ୍ମ୍ୟମ୍ ॥)
ସ୍ମରଣାତ୍ ପାପରାଶୀନାଂ ଖଣ୍ଡନଂ ମୃତ୍ୟୁନାଶନମ୍ ॥ ୧ ॥
ଵୈଷ୍ଣଵାନାଂ ପ୍ରିୟକରଂ ମହାରୋଗନିଵାରଣମ୍ ।
ବ୍ରହ୍ମହତ୍ୟାସୁରାପାନଂ ପରସ୍ତ୍ରୀଗମନଂ ତଥା ॥ ୨ ॥
ପରଦ୍ରଵ୍ୟାପହରଣଂ ପରଦ୍ଵେଷସମନ୍ଵିତମ୍ ।
ମାନସଂ ଵାଚିକଂ କାୟଂ ୟତ୍ପାପଂ ପାପସମ୍ଭଵମ୍ ॥ ୩ ॥
ସହସ୍ରନାମପଠନାତ୍ ସର୍ଵଂ ନଶ୍ୟତି ତତ୍କ୍ଷଣାତ୍ ।
ମହାଦାରିଦ୍ର୍ୟୟୁକ୍ତୋ ୟୋ ଵୈଷ୍ଣଵୋ ଵିଷ୍ଣୁଭକ୍ତିମାନ୍ ॥ ୪ ॥
କାର୍ତିକ୍ୟାଂ ସମ୍ପଠେଦ୍ରାତ୍ରୌ ଶତମଷ୍ଟୋତ୍ତରଂ କ୍ରମାତ୍ ।
ପୀତାମ୍ବରଧରୋ ଧୀମାନ୍ ସୁଗନ୍ଧୈଃ ପୁଷ୍ପଚନ୍ଦନୈଃ ॥ ୫ ॥
ପୁସ୍ତକଂ ପୂଜୟିତ୍ଵା ତୁ ନୈଵେଦ୍ୟାଦିଭିରେଵ ଚ ।
ରାଧାଧ୍ୟାନାଙ୍କିତୋ ଧୀରୋ ଵନମାଲାଵିଭୂଷିତଃ ॥ ୬ ॥
ଶତମଷ୍ଟୋତ୍ତରଂ ଦେଵି ପଠେନ୍ନାମସହସ୍ରକମ୍ ।
ଚୈତ୍ରଶୁକ୍ଲେ ଚ କୃଷ୍ଣେ ଚ କୁହୂସଙ୍କ୍ରାନ୍ତିଵାସରେ ॥ ୭ ॥
ପଠିତଵ୍ୟଂ ପ୍ରୟତ୍ନେନ ତ୍ରୈଲୋକ୍ୟଂ ମୋହୟେତ୍ କ୍ଷଣାତ୍ ।
ତୁଲସୀମାଲୟା ୟୁକ୍ତୋ ଵୈଷ୍ଣଵୋ ଭକ୍ତିତତ୍ପରଃ ॥ ୮ ॥
ରଵିଵାରେ ଚ ଶୁକ୍ରେ ଚ ଦ୍ଵାଦଶ୍ୟାଂ ଶ୍ରାଦ୍ଧଵାସରେ ।
ବ୍ରାହ୍ମଣଂ ପୂଜୟିତ୍ଵା ଚ ଭୋଜୟିତ୍ଵା ଵିଧାନତଃ ॥ ୯ ॥
ପଠେନ୍ନାମସହସ୍ରଂ ଚ ତତଃ ସିଦ୍ଧିଃ ପ୍ରଜାୟତେ ।
ମହାନିଶାୟାଂ ସତତଂ ଵୈଷ୍ଣଵୋ ୟଃ ପଠେତ୍ ସଦା ॥ ୧୦ ॥
ଦେଶାନ୍ତରଗତା ଲକ୍ଷ୍ମୀଃ ସମାୟାତି ନ ସଂଶୟଃ ।
ତ୍ରୈଲୋକ୍ୟେ ଚ ମହାଦେଵି ସୁନ୍ଦର୍ୟଃ କାମମୋହିତାଃ ॥ ୧୧ ॥
ମୁଗ୍ଧାଃ ସ୍ଵୟଂ ସମାୟାନ୍ତି ଵୈଷ୍ଣଵଂ ଚ ଭଜନ୍ତି ତାଃ ।
ରୋଗୀ ରୋଗାତ୍ ପ୍ରମୁଚ୍ୟେତ ବଦ୍ଧୋ ମୁଚ୍ୟେତ ବନ୍ଧନାତ୍ ॥ ୧୨ ॥
ଗୁର୍ଵିଣୀ ଜନୟେତ୍ପୁତ୍ରଂ କନ୍ୟା ଵିନ୍ଦତି ସତ୍ପତିମ୍ । var ଗର୍ଭିଣୀ
ରାଜାନୋ ଵଶ୍ୟତାଂ ୟାନ୍ତି କିଂ ପୁନଃ କ୍ଷୁଦ୍ରମାନଵାଃ ॥ ୧୩ ॥
ସହସ୍ରନାମଶ୍ରଵଣାତ୍ ପଠନାତ୍ ପୂଜନାତ୍ ପ୍ରିୟେ ।
ଧାରଣାତ୍ ସର୍ଵମାପ୍ନୋତି ଵୈଷ୍ଣଵୋ ନାତ୍ର ସଂଶୟଃ ॥ ୧୪ ॥
ଵଂଶୀଵଟେ ଚାନ୍ୟଵଟେ ତଥା ପିପ୍ପଲକେଽଥ ଵା ।
କଦମ୍ବପାଦପତଲେ ଗୋପାଲମୂର୍ତିସଂନିଧୌ ॥ ୧୫।
ୟଃ ପଠେଦ୍ଵୈଷ୍ଣଵୋ ନିତ୍ୟଂ ସ ୟାତି ହରିମନ୍ଦିରମ୍ ।
କୃଷ୍ଣେନୋକ୍ତଂ ରାଧିକାୟୈ ମୟା ପ୍ରୋକ୍ତଂ ତଥା ଶିଵେ ॥ ୧୬ ॥
ନାରଦାୟ ମୟା ପ୍ରୋକ୍ତଂ ନାରଦେନ ପ୍ରକାଶିତମ୍ ।
ମୟା ତୁଭ୍ୟଂ ଵରାରୋହେ ପ୍ରୋକ୍ତମେତତ୍ସୁଦୁର୍ଲଭମ୍ ॥ ୧୭ ॥
ଗୋପନୀୟଂ ପ୍ରୟତ୍ନେନ ନ ପ୍ରକାଶ୍ୟଂ କଥଂଚନ ।
ଶଠାୟ ପାପିନେ ଚୈଵ ଲମ୍ପଟାୟ ଵିଶେଷତଃ ॥ ୧୮ ॥
ନ ଦାତଵ୍ୟଂ ନ ଦାତଵ୍ୟଂ ନ ଦାତଵ୍ୟଂ କଦାଚନ ।
ଦେୟଂ ଶିଷ୍ୟାୟ ଶାନ୍ତାୟ ଵିଷ୍ଣୁଭକ୍ତିରତାୟ ଚ ॥ ୧୯ ॥
ଗୋଦାନବ୍ରହ୍ମୟଜ୍ଞାଦେର୍ଵାଜପେୟଶତସ୍ୟ ଚ ।
ଅଶ୍ଵମେଧସହସ୍ରସ୍ୟ ଫଲଂ ପାଠେ ଭଵେତ୍ ଧ୍ରୁଵମ୍ ॥ ୨୦ ॥
ମୋହନଂ ସ୍ତମ୍ଭନଂ ଚୈଵ ମାରଣୋଚ୍ଚାଟନାଦିକମ୍ ।
ୟଦ୍ୟଦ୍ଵାଞ୍ଛତି ଚିତ୍ତେନ ତତ୍ତତ୍ପ୍ରାପ୍ନୋତି ଵୈଷ୍ଣଵଃ ॥ ୨୧ ॥
ଏକାଦଶ୍ୟାଂ ନରଃ ସ୍ନାତ୍ଵା ସୁଗନ୍ଧିଦ୍ରଵ୍ୟତୈଲକୈଃ ।
ଆହାରଂ ବ୍ରାହ୍ମଣେ ଦତ୍ତ୍ଵା ଦକ୍ଷିଣାଂ ସ୍ଵର୍ଣଭୂଷଣମ୍ ॥ ୨୨ ॥
ତତ ଆରମ୍ଭକର୍ତାସ୍ୟ ସର୍ଵଂ ପ୍ରାପ୍ନୋତି ମାନଵଃ ।
ଶତାଵୃତ୍ତଂ ସହସ୍ରଂ ଚ ୟଃ ପଠେଦ୍ଵୈଷ୍ଣଵୋ ଜନଃ ॥ ୨୩ ॥
ଶ୍ରୀଵୃନ୍ଦାଵନଚନ୍ଦ୍ରସ୍ୟ ପ୍ରସାଦାତ୍ସର୍ଵମାପ୍ନୁୟାତ୍ ।
ୟଦ୍ଗୃହେ ପୁସ୍ତକଂ ଦେଵି ପୂଜିତଂ ଚୈଵ ତିଷ୍ଠତି ॥ ୨୪ ॥
ନ ମାରୀ ନ ଚ ଦୁର୍ଭିକ୍ଷଂ ନୋପସର୍ଗଭୟଂ କ୍ଵଚିତ୍ ।
ସର୍ପାଦ୍ୟା ଭୂତୟକ୍ଷାଦ୍ୟା ନଶ୍ୟନ୍ତେ ନାତ୍ର ସଂଶୟଃ ॥ ୨୫ ॥
ଶ୍ରୀଗୋପାଲୋ ମହାଦେଵି ଵସେତ୍ତସ୍ୟ ଗୃହେ ସଦା ।
ଗୃହେ ୟତ୍ର ସହସ୍ରଂ ଚ ନାମ୍ନାଂ ତିଷ୍ଠତି ପୂଜିତମ୍ ॥ ୨୬ ॥
॥ ଓଂ ତତ୍ସଦିତି ଶ୍ରୀସମ୍ମୋହନତନ୍ତ୍ରେ ପାର୍ଵତୀଶ୍ଵରସଂଵାଦେ
ଗୋପାଲସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
ଶ୍ରୀରାଧାରମଣଃ କୃଷ୍ଣଃ ଗୁଣରତ୍ନୈସ୍ସୁଗୁମ୍ଫିତାମ୍ ।
ସ୍ଵୀକୃତ୍ୟେମାଂ ମିତାଂ ମାଲାଂ ସ ନୋ ଵିଷ୍ଣୁଃ ପ୍ରସୀଦତୁ ॥
Addendum for prayers
ଶ୍ରୀ ଗୋପାଲସହସ୍ରନାମ ଶାପଵିମୋଚନମହାମନ୍ତ୍ରମ୍
ଓଂ ଅସ୍ୟ ଶ୍ରୀଗୋପାଲସହସ୍ରନାମ ଶାପଵିମୋଚନମହାମନ୍ତ୍ରସ୍ୟ ଵାମଦେଵଋଷିଃ ।
ଶ୍ରୀଗୋପାଲୋ ଦେଵତା ପଙ୍କ୍ତିଃ ଛନ୍ଦଃ ।
ଶ୍ରୀ ସଦାଶିଵଵାକ୍ୟ ଶାପଵିମୋଚନାର୍ଥଂ ଜପେ ଵିନିୟୋଗଃ ।
ଋଷ୍ୟାଦିନ୍ୟାସଃ
ଵାମଦେଵ ଋଷୟେ ନମଃ ଶିରସି ।
ଗୋପାଲ ଦେଵତାୟୈ ନମଃ ହୃଦୟେ ।
ପଙ୍କ୍ତି ଛନ୍ଦସେ ନମଃ ମୁଖେ ।
ସଦାଶିଵଵାକ୍ୟ ଶାପଵିମୁକ୍ତ୍ୟର୍ଥଂ ନମଃ ସର୍ଵାଙ୍ଗେ ॥
ଅଥ କରାଦିନ୍ୟାସଃ
ଓଂ ଐଂ ଅଙ୍ଗୁଷ୍ଠାଭ୍ୟାଂ ନମଃ ॥
ଓଂ କ୍ଲୀଂ ତର୍ଜନୀଭ୍ୟାଂ ନମଃ ॥
ଓଂ ହ୍ରୀଂ ମଧ୍ୟମାଭ୍ୟାଂ ନମଃ ॥
ଓଂ ଶ୍ରୀଂ ଅନାମିକାଭ୍ୟାଂ ନମଃ ॥
ଓଂ ଵାମଦେଵାୟ କନିଷ୍ଠିକାଭ୍ୟାଂ ନମଃ ॥
ଓଂ ନମଃ ସ୍ଵାହା କରତଲକରପୃଷ୍ଠାଭ୍ୟାଂ ନମଃ ॥
ଅଥ ହୃଦୟାଦିନ୍ୟାସଃ
ଓଂ ଐଂ ହୃଦୟାୟ ନମଃ ॥
ଓଂ କ୍ଲୀଂ ଶିରସି ସ୍ଵାହା ॥
ଓଂ ହ୍ରୀଂ ଶିଖାୟୈ ଵଷଟ୍ ॥
ଓଂ ଶ୍ରୀଂ କଵଚାୟ ହୁମ୍ ॥
ଓଂ ଵାମଦେଵାୟ ନେତ୍ରସ୍ତ୍ରୟାୟ ଵୌଷଟ୍ ॥
ଓଂ ନମଃ ସ୍ଵାହା ଅସ୍ତ୍ରାୟ ଫଟ୍ ॥
ଅଥ ଧ୍ୟାନମ୍
ଓଂ ଧ୍ୟାୟେଦ୍ଦେଵଂ ଗୁଣାତୀତଂ ପୀତକୌଶେୟଵାସସମ୍ ।
ପ୍ରସନ୍ନଂ ଚାରୁଵଦନଂ ଚ ନିର୍ଗୁଣଂ ଶ୍ରୀପତିଂ ପ୍ରଭୁମ୍ ॥
ମନ୍ତ୍ରଃ
ଓଂ ଐଂ କ୍ଲୀଂ ହ୍ରୀଂ ଶ୍ରୀଂ ଵାମଦେଵାୟ ନମଃ (ସ୍ଵାହା)।