॥ Guru Sahasranama Stotram Odia Lyrics ॥
॥ ଶ୍ରୀଗୁରୁସହସ୍ରନାମସ୍ତୋତ୍ରମ୍ ॥
॥ ଓଂ ଗଂ ଗଣପତୟେ ନମଃ ॥
॥ ଶ୍ରୀଗୁରଵେ ନମଃ ॥
॥ ଶ୍ରୀପରମଗୁରଵେ ନମଃ ॥
॥ ଶ୍ରୀପରାତ୍ପରଗୁରଵେ ନମଃ ॥
॥ ଶ୍ରୀପରମେଷ୍ଠିଗୁରଵେ ନମଃ ॥
॥ ଓଂ ଶ୍ରୀପରମାତ୍ମନେ ନମଃ ॥
॥ ଶ୍ରୀଶିଵୋକ୍ତଂ ଶ୍ରୀହରିକୃଷ୍ଣଵିରଚିତମ୍ ॥
॥ ଅଥ ଶ୍ରୀଗୁରୁସହସ୍ରନାମସ୍ତୋତ୍ରମ୍ ॥
କୈଲାସଶିଖରାସୀନଂ ଚନ୍ଦ୍ରଖଣ୍ଡଵିରାଜିତମ୍ ।
ପପ୍ରଚ୍ଛ ଵିନୟାଦ୍ଭକ୍ତ୍ୟା ଗୌରୀ ନତ୍ଵା ଵୃଷଧ୍ଵଜମ୍ ॥ ୧ ॥
॥ ଶ୍ରୀଦେଵ୍ୟୁଵାଚ ॥
ଭଗଵନ୍ ସର୍ଵଧର୍ମଜ୍ଞ ସର୍ଵଶାସ୍ତ୍ରଵିଶାରଦ ।
କେନୋପାୟେନ ଚ କଲୌ ଲୋକାର୍ତିର୍ନାଶମେଷ୍ୟତି ॥ ୨ ॥
ତନ୍ମେ ଵଦ ମହାଦେଵ ୟଦି ତେଽସ୍ତି ଦୟା ମୟି ।
॥ ଶ୍ରୀମହାଦେଵ ଉଵାଚ ॥
ଅସ୍ତି ଗୁହ୍ୟତମଂ ତ୍ଵେକଂ ଜ୍ଞାନଂ ଦେଵି ସନାତନମ୍ ॥ ୩ ॥
ଅତୀଵ ଚ ସୁଗୋପ୍ୟଂ ଚ କଥିତୁଂ ନୈଵ ଶକ୍ୟତେ ।
ଅତୀଵ ମେ ପ୍ରିୟାସୀତି କଥୟାମି ତଥାପି ତେ ॥ ୪ ॥
ସର୍ଵଂ ବ୍ରହ୍ମମୟଂ ହ୍ୟେତତ୍ସଂସାରଂ ସ୍ଥୂଲସୂକ୍ଷ୍ମକମ୍ ।
ପ୍ରକୃତ୍ୟା ତୁ ଵିନା ନୈଵ ସଂସାରୋ ହ୍ୟୁପପଦ୍ୟତେ ॥ ୫ ॥
ତସ୍ମାତ୍ତୁ ପ୍ରକୃତିର୍ମୂଲକାରଣଂ ନୈଵ ଦୃଶ୍ୟତେ ।
ରୂପାଣି ବହୁସଙ୍ଖ୍ୟାନି ପ୍ରକୃତେଃ ସନ୍ତି ମାନିନି ॥ ୬ ॥
ତେଷାଂ ମଧ୍ୟେ ପ୍ରଧାନଂ ତୁ ଗୁରୁରୂପଂ ମନୋରମମ୍ ।
ଵିଶେଷତଃ କଲିୟୁଗେ ନରାଣାଂ ଭୁକ୍ତିମୁକ୍ତିଦମ୍ ॥ ୭ ॥
ତସ୍ୟୋପାସକାଶ୍ଚୈଵ ବ୍ରହ୍ମାଵିଷ୍ଣୁଶିଵାଦୟଃ ।
ସୂର୍ୟଶ୍ଚନ୍ଦ୍ରଶ୍ଚ ଵରୁଣଃ କୁବେରୋଽଗ୍ନିସ୍ତଥାପରାଃ ॥ ୮ ॥
ଦୁର୍ଵାସାଶ୍ଚ ଵସିଷ୍ଠଶ୍ଚ ଦତ୍ତାତ୍ରେୟୋ ବୃହସ୍ପତିଃ ।
ବହୁନାତ୍ର କିମୁକ୍ତେନ ସର୍ଵେଦେଵା ଉପାସକାଃ ॥ ୯ ॥
ଗୁରୂଣାଂ ଚ ପ୍ରସାଦେନ ଭୁକ୍ତିମୁକ୍ତ୍ୟାଦିଭାଗିନଃ ।
ସଂଵିତ୍କଲ୍ପଂ ପ୍ରଵକ୍ଷ୍ୟାମି ସଚ୍ଚିଦାନନ୍ଦଲକ୍ଷଣମ୍ ॥ ୧୦ ॥
ୟତ୍କଲ୍ପାରାଧନେନୈଵ ସ୍ଵାତ୍ମାନନ୍ଦୋ ଵିରାଜତେ ।
ମେରୋରୁତ୍ତରଦେଶେ ତୁ ଶିଲାହୈମାଵତୀ ପୁରୀ ॥ ୧୧ ॥
ଦଶୟୋଜନଵିସ୍ତୀର୍ଣା ଦୀର୍ଘଷୋଡଶୟୋଜନା ।
ଵରରତ୍ନୈଶ୍ଚ ଖଚିତା ଅମୃତଂ ସ୍ରଵତେ ସଦା ॥ ୧୨ ॥
ସୋତ୍ଥିତା ଶବ୍ଦନିର୍ମୁକ୍ତା ତୃଣଵୃକ୍ଷଵିଵର୍ଜିତା ।
ତସ୍ୟୋପରି ଵରାରୋହେ ସଂସ୍ଥିତା ସିଦ୍ଧମୂଲିକା ॥ ୧୩ ॥
ଵେଦିକାଜନନିର୍ମୁକ୍ତା ତନ୍ନଦୀଜଲସଂସ୍ଥିତା ।
ଵେଦିକାମଧ୍ୟଦେଶେ ତୁ ସଂସ୍ଥିତଂ ଚ ଶିଵାଲୟମ୍ ॥ ୧୪ ॥
ହସ୍ତାଷ୍ଟକସୁଵିସ୍ତାରଂ ସମନ୍ତାଚ୍ଚ ତଥୈଵ ଚ ।
ତସ୍ୟୋପରି ଚ ଦେଵେଶି ହ୍ୟୁପଵିଷ୍ଟୋ ହ୍ୟହଂ ପ୍ରିୟେ ॥ ୧୫ ॥
ଦିଵ୍ୟାବ୍ଦଵର୍ଷପଞ୍ଚାଶତ୍ସମାଧୌ ସଂସ୍ଥିତୋ ହ୍ୟହମ୍ ।
ମହାଗୁରୁପଦେ ଦୃଷ୍ଟଂ ଗୂଢଂ କୌତୁହଲଂ ମୟା ॥ ୧୬ ॥
ଵିନିୟୋଗଃ-
ଓଂ ଅସ୍ୟ ଶ୍ରୀଗୁରୁସହସ୍ରନାମମାଲାମନ୍ତ୍ରସ୍ୟ
ଶ୍ରୀସଦାଶିଵଋଷିଃ
ନାନାଵିଧାନି ଛନ୍ଦାଂସି ଶ୍ରୀଗୁରୁର୍ଦେଵତା ଶ୍ରୀଗୁରୁପ୍ରୀତ୍ୟର୍ଥେ
ସକଲପୁରୁଷାର୍ଥସିଦ୍ଧ୍ୟର୍ଥେ
ଶ୍ରୀଗୁରୁସହସ୍ରନାମ ଜପେ ଵିନିୟୋଗଃ ।
॥ ଅଥାଙ୍ଗନ୍ୟାସଃ ॥
ଶ୍ରୀସଦାଶିଵଋଷୟେ ନମଃ ଶିରସି ॥
ଶ୍ରୀନାନାଵିଧଛନ୍ଦେଭ୍ୟୋ ନମଃ ମୁଖେ ॥
ଶ୍ରୀଗୁରୁଦେଵତାୟୈ ନମଃ ହୃଦୟେ ॥
ଶ୍ରୀ ହଂ ବୀଜାୟ ନମଃ ଗୁହ୍ୟେ ॥
ଶ୍ରୀ ଶଂ ଶକ୍ତୟେ ନମଃ ପାଦୟୋଃ ॥
ଶ୍ରୀ କ୍ରୌଂ କୀଲକାୟ ନମଃ ସର୍ଵାଙ୍ଗେ ॥
॥ ଅଥ ଗୁରୁଗାୟତ୍ରୀମନ୍ତ୍ରଃ ॥
ଓଂ ଗୁରୁଦେଵାୟ ଵିଦ୍ମହେ ପରମଗୁରଵେ ଚ ଧୀମହି
ତନ୍ନୋ ପୁରୁଷଃ ପ୍ରଚୋଦୟାତ୍ ॥
॥ ଇତି ଗୁରୁଗାୟତ୍ରୀମନ୍ତ୍ରଃ ॥
॥ ଅଥ କରନ୍ୟାସଃ ॥
ଓଂ ସଦାଶିଵଗୁରଵେ ନମଃ ଅଙ୍ଗୁଷ୍ଠାଭ୍ୟାଂ ନମଃ ।
ଓଂ ଵିଷ୍ଣୁଗୁରଵେ ନମଃ ତର୍ଜନୀଭ୍ୟାଂ ନମଃ ।
ଓଂ ବ୍ରହ୍ମଗୁରଵେ ନମଃ ମଧ୍ୟମାଭ୍ୟାଂ ନମଃ ।
ଓଂ ଗୁରୁ ଇନ୍ଦ୍ରାୟ ନମଃ ଅନାମିକାଭ୍ୟାଂ ନମଃ ।
ଓଂ ଗୁରୁସକଲଦେଵରୂପିଣେ ନମଃ କନିଷ୍ଠିକାଭ୍ୟାଂ ନମଃ ।
ଓଂ ଗୁରୁପଞ୍ଚତତ୍ତ୍ଵାତ୍ମନେ ନମଃ କରତଲକରପୃଷ୍ଠାଭ୍ୟାଂ ନମଃ ।
॥ ଅଥ ହୃଦୟାଦିନ୍ୟାସଃ ॥
ଓଂ ସଦାଶିଵଗୁରଵେ ନମଃ ହୃଦୟାୟନମଃ ।
ଓଂ ଵିଷ୍ଣୁଗୁରଵେ ନମଃ ଶିରସେ ସ୍ଵାହା ।
ଓଂ ବ୍ରହ୍ମଗୁରଵେ ନମଃ ଶିଖାୟୈ ଵଷଟ୍ ।
ଓଂ ଗୁରୁ ଇନ୍ଦ୍ରାୟ ନମଃ ନେତ୍ରତ୍ରୟାୟ ଵୌଷଟ୍ ।
ଓଂ ଗୁରୁସକଲଦେଵରୂପିଣେ ନମଃ କଵଚାୟ ହୁମ୍ ।
ଓଂ ଗୁରୁପଞ୍ଚତତ୍ତ୍ଵାତ୍ମନେ ନମଃ ଅସ୍ତ୍ରାୟ ଫଟ୍ ।
॥ ଅଥ ଧ୍ୟାନମ୍ ॥
ହଂସାଭ୍ୟାଂ ପରିଵୃତ୍ତପତ୍ରକମଲୈର୍ଦିଵ୍ୟୈର୍ଜଗତ୍କାରଣୈ-
ର୍ଵିଶ୍ଵୋତ୍କୀର୍ଣମନେକଦେହନିଲୟଂ ସ୍ଵଚ୍ଛନ୍ଦମାତ୍ମେଚ୍ଛୟା ।
ତତ୍ତଦ୍ୟୋଗ୍ୟତୟା ସ୍ଵଦେଶିକତନୁଂ ଭାଵୈକଦୀପାଙ୍କୁରମ୍ ।
ପ୍ରତ୍ୟକ୍ଷାକ୍ଷରଵିଗ୍ରହଂ ଗୁରୁପଦଂ ଧ୍ୟାୟେଦ୍ଦ୍ଵିବାହୁଂ ଗୁରୁମ୍ ॥ ୧୭ ॥
ଵିଶ୍ଵଂ ଵ୍ୟାପିତମାଦିଦେଵମମଲଂ ନିତ୍ୟଂ ପରନ୍ନିଷ୍କଲମ୍
ନିତ୍ୟୋତ୍ଫୁଲ୍ଲସହସ୍ରପତ୍ରକମଲୈର୍ନିତ୍ୟାକ୍ଷରୈର୍ମଣ୍ଡପୈଃ ।
ନିତ୍ୟାନନ୍ଦମନନ୍ତପୂର୍ଣମଖିଲନ୍ତଦ୍ବ୍ରହ୍ମ ନିତ୍ୟଂ ସ୍ମରେ-
ଦାତ୍ମାନଂ ସ୍ଵମନୁପ୍ରଵିଶ୍ୟ କୁହରେ ସ୍ଵଚ୍ଛନ୍ଦତଃ ସର୍ଵଗମ୍ ॥ ୧୮ ॥
॥ ଇତି ଧ୍ୟାନମ୍ ॥
॥ ଅଥ ମନ୍ତ୍ରଃ ॥
॥ ଓଂ ଐଂ ହ୍ରୀଂ ଶ୍ରୀଂ ଗୁରଵେ ନମଃ ॥
॥ ଇତି ମନ୍ତ୍ରଃ ॥
ତ୍ଵଂ ହି ମାମନୁସନ୍ଧେହି ସହସ୍ରଶିରସମ୍ପ୍ରଭୁମ୍ ।
ତଦା ମୁଖେଷୁ ମେ ନ୍ୟସ୍ତଂ ସହସ୍ରଂ ଲକ୍ଷ୍ୟତେ ସ୍ତଦା ॥ ୧୯ ॥
ଇଦଂ ଵିଶ୍ଵହିତାର୍ଥାୟ ରସନାରଙ୍ଗଗୋଚରମ୍ ।
ପ୍ରକାଶୟିତ୍ଵା ମେଦିନ୍ୟାଂ ପରମାଗମସମ୍ମତାମ୍ ॥ ୨୦ ॥
ଇଦଂ ଶଠାୟ ମୂର୍ଖାୟ ନାସ୍ତିକାୟ ପ୍ରକୀର୍ତନେ ।
ଅସୂୟୋପହତାୟାପି ନ ପ୍ରକାଶ୍ୟଂ କଦାଚନ ॥ ୨୧ ॥
ଵିଵେକିନେ ଵିଶୁଦ୍ଧାୟ ଵେଦମାର୍ଗାନୁସାରିଣେ ।
ଆସ୍ତିକାୟାତ୍ମନିଷ୍ଠାୟ ସ୍ଵାତ୍ମନ୍ୟଵିକୃତାୟ ଚ ॥ ୨୨ ॥
ଗୁରୁନାମସହସ୍ରଂ ତେ କୃତଧୀରୁଦିତେ ଜୟେ ।
ଭକ୍ତିଗମ୍ୟସ୍ତ୍ରୟୀମୂର୍ତିର୍ଭାସକ୍ତୋ ଵସୁଧାଧିପଃ ॥ ୨୩ ॥
ଦେଵଦେଵୋ ଦୟାସିନ୍ଧୁର୍ଦେଵଦେଵଶିଖାମଣିଃ ।
ସୁଖାଭାଵଃ ସୁଖାଚାରଃ ଶିଵଦୋ ମୁଦିତାଶୟଃ ॥ ୨୪ ॥
ଅଵିକ୍ରିୟଃ କ୍ରିୟାମୂର୍ତିରଧ୍ୟାତ୍ମା ଚ ସ୍ଵରୂପଵାନ୍ ।
ସୃଷ୍ଟ୍ୟାମଲକ୍ଷ୍ୟୋ ଭୂତାତ୍ମା ଧର୍ମୀ ୟାତ୍ରାର୍ଥଚେଷ୍ଟିତଃ ॥ ୨୫ ॥
ଅନ୍ତର୍ୟାମୀ କାଲରୂପଃ କାଲାଵୟଵିରୂପିଣଃ ।
ନିର୍ଗୁଣଶ୍ଚ କୃତାନନ୍ଦୋ ୟୋଗୀ ନିଦ୍ରାନିୟୋଜକଃ ॥ ୨୬ ॥
ମହାଗୁଣାନ୍ତର୍ନିକ୍ଷିପ୍ତଃ ପୁଣ୍ୟାର୍ଣଵପୁରାତ୍ମଵାନ୍ ।
ନିରଵଦ୍ୟଃ କୃପାମୂର୍ତିର୍ନ୍ୟାୟଵାକ୍ୟନିୟାମକଃ ॥ ୨୭ ॥
ଅଦୃଷ୍ଟଚେଷ୍ଟଃ କୂଟସ୍ଥୋ ଧୃତଲୌକିକଵିଗ୍ରହଃ ।
ମହର୍ଷିମାନସୋଲ୍ଲାସୋ ମହାମଙ୍ଗଲଦାୟକଃ ॥ ୨୮ ॥
ସନ୍ତୋଷିତଃ ସୁରଵ୍ରାତଃ ସାଧୁଚିତ୍ତପ୍ରସାଦକଃ ।
ଶିଵଲୋକାୟ ନିର୍ଦେଷ୍ଟା ଜନାର୍ଦନଶ୍ଚ ଵତ୍ସଲଃ ॥ ୨୯ ॥
ସ୍ଵଶକ୍ତ୍ୟୁଦ୍ଧାଟିତାଶେଷକପାଟଃ ପିତୃଵାହନଃ ।
ଶେଷୋରଗଫଣଞ୍ଛତ୍ରଃ ଶୋଷୋକ୍ତ୍ୟାସ୍ୟସହସ୍ରକଃ ॥ ୩୦ ॥
କୃତାତ୍ମଵିଦ୍ୟାଵିନ୍ୟାସୋ ୟୋଗମାୟାଗ୍ରସମ୍ଭଵଃ ।
ଅଞ୍ଜନସ୍ନିଗ୍ଧନୟନଃ ପର୍ୟାୟାଙ୍କୁରିତସ୍ମିତଃ ॥ ୩୧ ॥
ଲୀଲାକ୍ଷସ୍ତରଲାଲୋକସ୍ତ୍ରିପୁରାସୁରଭଞ୍ଜନଃ ।
ଦ୍ଵିଜୋଦିତସ୍ଵସ୍ତ୍ୟୟନୋ ମନ୍ତ୍ରପୂତୋ ଜଲାପ୍ଲୁତଃ ॥ ୩୨ ॥
ପ୍ରଶସ୍ତନାମକରଣୋ ଜାତୁଚଙ୍କ୍ରମଣୋତ୍ସୁକଃ ।
ଵ୍ୟାଲଵିଚୂଲିକାରତ୍ନଘୋଷୋ ଘୋଷପ୍ରହର୍ଷଣଃ ॥ ୩୩ ॥
ସନ୍ମୁଖଃ ପ୍ରତିବିମ୍ବାର୍ଥୀ ଗ୍ରୀଵାଵ୍ୟାଘ୍ରନଖୋଜ୍ଜ୍ଵଲଃ ।
ପଙ୍କାନୁଲେପରୁଚିରୋ ମାଂସଲୋରୁକଟୀତଲଃ ॥ ୩୪ ॥
ଦୃଷ୍ଟଜାନୁକରଦ୍ଵନ୍ଦ୍ଵଃ ପ୍ରତିବିମ୍ବାନୁକାରକୃତ୍ ।
ଅଵ୍ୟକ୍ତଵର୍ଣଵ୍ୟାଵୃତ୍ତିଃ ସ୍ମିତଲକ୍ଷ୍ୟରଦୋଦ୍ଗମଃ ॥ ୩୫ ॥
ଧାତ୍ରୀକରସମାଲମ୍ବୀ ପ୍ରସ୍ଖଲଚ୍ଚିତ୍ରଚଙ୍କ୍ରମଃ । ??
କ୍ଷେମଣୀ କ୍ଷେମଣାପ୍ରୀତୋ ଵେଣୁଵାଦ୍ୟଵିଶାରଦଃ ॥ ୩୬ ॥
ନିୟୁଦ୍ଧଲୀଲାସଂହୃଷ୍ଟଃ କଣ୍ଠାନୁକୃତକୋକିଲଃ ।
ଉପାତ୍ତହଂସଗମନଃ ସର୍ଵସତ୍ତ୍ଵରୁତାନୁକୃତ୍ ॥ ୩୭ ॥
ମନୋଜ୍ଞଃ ପଲ୍ଲଵୋତ୍ତଂସଃ ପୁଷ୍ପସ୍ଵେଚ୍ଛାତ୍ମକୁଣ୍ଡଲଃ ।
ମଞ୍ଜୁସଞ୍ଜିତମଞ୍ଜୀରପାଦଃ କାଞ୍ଚନକଙ୍କଣଃ ॥ ୩୮ ॥
ଅନ୍ୟୋନ୍ୟସ୍ପର୍ଶନକ୍ରୀଡାପଟୁଃ ପରମକେତନଃ ।
ପ୍ରତିଧ୍ଵାନପ୍ରମୁଦିତଃ ଶାଖାଚତୁରଚଙ୍କ୍ରମଃ ॥ ୩୯ ॥
ବ୍ରହ୍ମତ୍ରାଣକରୋ ଧାତୃସ୍ତୁତଃ ସର୍ଵାର୍ଥସାଧକଃ ।
ବ୍ରହ୍ମବ୍ରହ୍ମମୟୋଽଵ୍ୟକ୍ତଃ ତେଜାସ୍ତଵ୍ୟଃ ସୁଖାତ୍ମକଃ ॥ ୪୦ ॥
ନିରୁକ୍ତୋ ଵ୍ୟାକୃତୋ ଵ୍ୟକ୍ତିର୍ନିରାଲମ୍ବଵିଭାଵନଃ ।
ପ୍ରଭଵିଷ୍ଣୁରତନ୍ଦ୍ରୀକୋ ଦେଵଵୃକ୍ଷାଦିରୂପଧୃକ୍ ॥ ୪୧ ॥
ଆକାଶଃ ସର୍ଵଦେଵାଦିରଣୀୟସ୍ଥୂଲରୂପଵାନ୍ । ??
ଵ୍ୟାପ୍ୟାଵ୍ୟାପ୍ୟକୃତାକର୍ତା ଵିଚାରାଚାରସମ୍ମତଃ ॥ ୪୨ ॥
ଛନ୍ଦୋମୟଃ ପ୍ରଧାନାତ୍ମା ମୂର୍ତୋ ମୂର୍ତ୍ତଦ୍ଵୟାକୃତିଃ ।
ଅନେକମୂର୍ତିରକ୍ରୋଧଃ ପରାତ୍ପରପରାକ୍ରମଃ ॥ ୪୩ ॥
ସକଲାଵରଣାତୀତଃ ସର୍ଵଦେଵମହେଶ୍ଵରଃ ।
ଅନନ୍ୟଵିଭଵଃ ସତ୍ୟରୂପଃ ସ୍ଵର୍ଗେଶ୍ଵରାର୍ଚିତଃ ॥ ୪୪ ॥ ?
ମହାପ୍ରଭାଵଜ୍ଞାନଜ୍ଞଃ ପୂର୍ଵଗଃ ସକଲାତ୍ମଜଃ ।
ସ୍ମିତେକ୍ଷାହର୍ଷିତୋ ବ୍ରହ୍ମା ଭକ୍ତଵତ୍ସଲଵାକ୍ପ୍ରିୟଃ ॥ ୪୫ ॥
ବ୍ରହ୍ମାନନ୍ଦୋଦଧୌତାଙ୍ଘ୍ରିଃ ଲୀଲାଵୈଚିତ୍ର୍ୟକୋଵିଦଃ ।
ଵିଲାସସକଲସ୍ମେରୋ ଗର୍ଵଲୀଲାଵିଲୋକନଃ ॥ ୪୬ ॥
ଅଭିଵ୍ୟକ୍ତଦୟାତ୍ମା ଚ ସହଜାର୍ଧସ୍ତୁତୋ ମୁନିଃ ।
ସର୍ଵେଶ୍ଵରଃ ସର୍ଵଗୁଣଃ ପ୍ରସିଦ୍ଧଃ ସାତ୍ଵତର୍ଷଭଃ ॥ ୪୭ ॥
ଅକୁଣ୍ଠଧାମା ଚନ୍ଦ୍ରାର୍କହୃଷ୍ଟରାକାଶନିର୍ମଲଃ ।
ଅଭୟୋ ଵିଶ୍ଵତଶ୍ଚକ୍ଷୁସ୍ତଥୋତ୍ତମଗୁଣପ୍ରଭୁଃ ॥ ୪୮ ॥
ଅହମାତ୍ମା ମରୁତ୍ପ୍ରାଣଃ ପରମାତ୍ମାଽଽଦ୍ୟଶୀର୍ଷଵାନ୍ ।
ଦାଵାଗ୍ନିଭୀତସ୍ୟ ଗୁରୋର୍ଗୋପ୍ତା ଦାଵାନିଗ୍ନନାଶନଃ ॥ ୪୯ ॥ ??
ମୁଞ୍ଜାଟଵ୍ୟଗ୍ନିଶମନଃ ପ୍ରାଵୃଟ୍କାଲଵିନୋଦଵାନ୍ । ?
ଶିଲାନ୍ୟସ୍ତାନ୍ନଭୁଗ୍ଜାତସୌହିତ୍ୟଶ୍ଚାଙ୍ଗୁଲାଶନଃ ॥ ୫୦ ॥ ??
ଗୀତାସ୍ଫୀତସରିତ୍ପୂରୋ ନାଦନର୍ତିତବର୍ହିଣଃ ।
ରାଗପଲ୍ଲଵିତସ୍ଥାଣୁର୍ଗୀତାନମିତପାଦପଃ ॥ ୫୧ ॥
ଵିସ୍ମାରିତତୃଣସ୍ୟାଗ୍ରଗ୍ରାସୀମୃଗଵିଲୋଭନଃ । ??
ଵ୍ୟାଘ୍ରାଦିହିଂସ୍ରରଜନ୍ତୁଵୈରହର୍ତା ସୁଗାୟନଃ ॥ ୫୨ ॥ ??
ନିଷ୍ୟନ୍ଦଧ୍ୟାନବ୍ରହ୍ମାଦିଵୀକ୍ଷିତୋ ଵିଶ୍ଵଵନ୍ଦିତଃ ।
ଶାଖୋତ୍କୀର୍ଣଶକୁନ୍ତୌଘଛତ୍ରାସ୍ଥିତବଲାହକଃ ॥ ୫୩ ॥
ଅସ୍ପନ୍ଦଃ ପରମାନନ୍ଦଚିତ୍ରାୟିତଚରାଚରଃ ।
ମୁନିଜ୍ଞାନପ୍ରଦୋ ୟଜ୍ଞସ୍ତୁତୋ ଵାସିଷ୍ଠୟୋଗକୃତ୍ ॥ ୫୪ ॥ ?
ଶତ୍ରୁପ୍ରୋକ୍ତକ୍ରିୟାରୂପଃ ଶତ୍ରୁୟଜ୍ଞନିଵାରଣଃ ।
ହିରଣ୍ୟଗର୍ଭହୃଦୟୋ ମୋହଵୃତ୍ତିନିଵର୍ତକଃ ॥ ୫୫ ॥ ?
ଆତ୍ମଜ୍ଞାନନିଧିର୍ମେଧା କୀଶସ୍ତନ୍ମାତ୍ରରୂପଵାନ୍ । ?? kesha
?? kIsha = monkey, tanmAtrarUpavAn kIshaH – monkey having assumed a very
small size as Hanuman in Lanka while searching for Seeta – wild imagination?
ଇନ୍ଦ୍ରାଗ୍ନିଵଦନଃ କାଲନାଭଃ ସର୍ଵାଗମସ୍ତୁତଃ ॥ ୫୬ ॥
ତୁରୀୟଃ ସତ୍ତ୍ଵଧୀଃ ସାକ୍ଷୀ ଦ୍ଵନ୍ଦ୍ଵାରାମାତ୍ମଦୂରଗଃ ।
ଅଜ୍ଞାତପାରୋ ଵିଶ୍ଵେଶଃ ଅଵ୍ୟାକୃତଵିହାରଵାନ୍ ॥ ୫୭ ॥
ଆତ୍ମପ୍ରଦୀପୋ ଵିଜ୍ଞାନମାତ୍ରାତ୍ମା ଶ୍ରୀନିକେତନଃ ।
ପୃଥ୍ଵୀ ସ୍ଵତଃପ୍ରକାଶାତ୍ମା ହୃଦ୍ୟୋ ୟଜ୍ଞଫଲପ୍ରଦଃ ॥ ୫୮ ॥
ଗୁଣଗ୍ରାହୀ ଗୁଣଦ୍ରଷ୍ଟା ଗୂଢସ୍ଵାତ୍ମାନୁଭୂତିମାନ୍ ।
କଵିର୍ଜଗଦ୍ରୂପଦ୍ରଷ୍ଟା ପରମାକ୍ଷରଵିଗ୍ରହଃ ॥ ୫୯ ॥
ପ୍ରପନ୍ନପାଲନୋ ମାଲାମନୁର୍ବ୍ରହ୍ମଵିଵର୍ଧନଃ ।
ଵାକ୍ୟଵାଚକଶକ୍ତ୍ୟାର୍ଥଃ ସର୍ଵଵ୍ୟାପୀ ସୁସିଦ୍ଧିଦଃ ॥ ୬୦ ॥
ସ୍ଵୟମ୍ପ୍ରଭୁରନିର୍ଵିଦ୍ୟଃ ସ୍ଵପ୍ରକାଶଶ୍ଚିରନ୍ତନଃ ।
ନାଦାତ୍ମା ମନ୍ତ୍ରକୋଟୀଶୋ ନାନାଵାଦାନୁରୋଧକଃ ॥ ୬୧ ॥
କନ୍ଦର୍ପକୋଟିଲାଵଣ୍ୟଃ ପରାର୍ଥୈକପ୍ରୟୋଜକଃ ।
ଅଭୟୀକୃତଦେଵୌଘଃ କନ୍ୟକାବନ୍ଧମୋଚନଃ ॥ ୬୨ ॥
କ୍ରୀଡାରତ୍ନବଲୀହର୍ତ୍ତା ଵରୁଣଚ୍ଛତ୍ରଶୋଭିତଃ ।
ଶକ୍ରାଭିଵନ୍ଦିତଃ ଶକ୍ରଜନନୀକୁଣ୍ଡଲପ୍ରଦଃ ॥ ୬୩ ॥
ୟଶସ୍ଵୀ ନାଭିରାଦ୍ୟନ୍ତରହିତଃ ସତ୍କଥାପ୍ରିୟଃ ।
ଅଦିତିପ୍ରସ୍ତୁତସ୍ତୋତ୍ରୋ ବ୍ରହ୍ମାଦ୍ୟୁତ୍କୃଷ୍ଟଚେଷ୍ଟିତଃ ॥ ୬୪ ॥
ପୁରାଣଃ ସଂୟମୀ ଜନ୍ମ ହ୍ୟଧିପଃ ଶଶକୋଽର୍ଥଦଃ ।
ବ୍ରହ୍ମଗର୍ଭପରାନନ୍ଦଃ ପାରିଜାତାପହାରକୃତ୍ ॥ ୬୫ ॥
ପୌଣ୍ଡ୍ରିକପ୍ରାଣହରଣଃ କାଶୀରାଜନିଷୂଦନଃ ।
କୃତ୍ୟାଗର୍ଵପ୍ରଶମନୋ ଵିଚକୃତ୍ୟାଗର୍ଵଦର୍ପହା ॥ ୬୬ ॥ ???
କଂସଵିଧ୍ଵଂସନଃ ଶାନ୍ତଜନକୋଟିଭୟାର୍ଦନଃ ।
ମୁନିଗୋପ୍ତା ପିତୃଵରପ୍ରଦଃ ସର୍ଵାନୁଦୀକ୍ଷିତଃ ॥ ୬୭ ॥ ?
କୈଲାସୟାତ୍ରାସୁମୁଖୋ ବଦର୍ୟ୍ୟାଶ୍ରମଭୂଷଣଃ ।
ଘଣ୍ଟାକର୍ଣକ୍ରିୟାଦୋଗ୍ଧାତୋଷିତୋ ଭକ୍ତଵତ୍ସଲଃ ॥ ୬୮ ॥ ?
ମୁନିଵୃନ୍ଦାତିଥିର୍ଧ୍ୟେୟୋ ଘଣ୍ଟାକର୍ଣଵରପ୍ରଦଃ ।
ତପଶ୍ଚର୍ୟା ପଶ୍ଚିମାଦ୍ୟୋ ଶ୍ଵାସୋ ପିଙ୍ଗଜଟାଧରଃ ॥ ୬୯ ॥
ପ୍ରତ୍ୟକ୍ଷୀକୃତଭୂତେଶଃ ଶିଵସ୍ତୋତା ଶିଵସ୍ତୁତଃ ।
ଗୁରୁଃ ସ୍ଵୟଂ ଵରାଲୋକକୌତୁକୀ ସର୍ଵସମ୍ମତଃ ॥ ୭୦ ॥
କଲିଦୋଷନିରାକର୍ତ୍ତା ଦଶନାମା ଦୃଢଵ୍ରତଃ ।
ଅମେୟାତ୍ମା ଜଗତ୍ସ୍ଵାମୀ ଵାଗ୍ମୀ ଚୈଦ୍ୟଶିରୋହରଃ ॥ ୭୧ ॥
ଗୁରୁଶ୍ଚ ପୁଣ୍ଡରୀକାକ୍ଷୋ ଵିଷ୍ଣୁଶ୍ଚ ମଧୁସୂଦନଃ ।
ଗୁରୁମାଧଵଲୋକେଶୋ ଗୁରୁଵାମନରୂପଧୃକ୍ ॥ ୭୨ ॥
ଵିହିତୋତ୍ତମସତ୍କାରୋ ଵାସଵାପ୍ତରିପୁ ଇଷ୍ଟଦଃ । ? ଵାସଵାତ୍ପରିତୁଷ୍ଟିତଃ
ଉତ୍ତଙ୍କହର୍ଷଦାତ୍ମା ୟୋ ଦିଵ୍ୟରୂପପ୍ରଦର୍ଶକଃ ॥ ୭୩ ॥
ଜନକାଵଗତସ୍ତୋତ୍ରୋ ଭାରତଃ ସର୍ଵଭାଵନଃ ।
ଅସୋଢ୍ୟୟାଦଵୋଦ୍ରେକୋ ଵିହିତାତ୍ପରିପୂଜିତଃ ॥ ୭୪ ॥ ??
soDhya – unable to bear; yAdavodrekaH – excessive predominance of Yadavas
ସମୁଦ୍ରକ୍ଷପିତାଶ୍ଚର୍ୟମୁସଲୋ ଵୃଷ୍ଣିପୁଙ୍ଗଵଃ ।
ମୁନିଶାର୍ଦୂଲପଦ୍ମାଙ୍କଃ ସନାଦିତ୍ରିଦଶାର୍ଦିତଃ ॥ ୭୫ ॥ ??
ଗୁରୁପ୍ରତ୍ୟଵହାରୋକ୍ତଃ ସ୍ଵଧାମଗମନୋତ୍ସୁକଃ ।
ପ୍ରଭାସାଲୋକନୋଦ୍ୟୁକ୍ତୋ ନାନାଵିଧନିମିତ୍ତକୃତ୍ ॥ ୭୬ ॥
ସର୍ଵୟାଦଵସଂସେଵ୍ୟଃ ସର୍ଵୋତ୍କୃଷ୍ଟପରିଚ୍ଛଦଃ ।
ଵେଲାକାନନସଞ୍ଚାରୀ ଵେଲାନୀଲହତଶ୍ରମଃ ॥ ୭୭ ॥
କାଲାତ୍ମା ୟାଦଵାନନ୍ତସ୍ତୁତିସନ୍ତୁଷ୍ଟମାନସଃ ।
ଦ୍ଵିଜାଲୋକନସନ୍ତୁଷ୍ଟଃ ପୁଣ୍ୟତୀର୍ଥମହୋତ୍ସଵଃ ॥ ୭୮ ॥ ??
ସତ୍କାରାହ୍ଲାଦିତାଶେଷଭୂସୁରୋ ଭୂସୁରପ୍ରିୟଃ ।
ପୁଣ୍ୟତୀର୍ଥପ୍ଲୁତଃ ପୁଣ୍ୟଃ ପୁଣ୍ୟଦସ୍ତୀର୍ଥପାଵନଃ ॥ ୭୯ ॥
ଵିପ୍ରସାତ୍ସ୍ଵକୃତଃ କୋଟିଶତକୋଟିସୁଵର୍ଣଦଃ ।
ସ୍ଵମାୟାମୋହିତାଶେଷରୁଦ୍ରଵୀରୋ ଵିଶେଷଜିତ୍ ॥ ୮୦ ॥
ବ୍ରହ୍ମଣ୍ୟଦେଵଃ ଶ୍ରୁତିମାନ୍ ଗୋବ୍ରାହ୍ମଣହିତାୟ ଚ ।
ଵରଶୀଲଃ ଶିଵାରମ୍ଭଃ ସ୍ଵସଂଵିଜ୍ଞାତମୂର୍ତ୍ତିମାନ୍ ॥ ୮୧ ॥
ସ୍ଵଭାଵଭଦ୍ରଃ ସନ୍ମିତ୍ରଃ ସୁଶରଣ୍ୟଃ ସୁଲକ୍ଷଣଃ ।
ସାମଗାନପ୍ରିୟୋ ଧର୍ମୋ ଧେନୁଵର୍ମତମୋଽଵ୍ୟୟଃ ॥ ୮୨ ॥ ??
ଚତୁର୍ୟୁଗକ୍ରିୟାକର୍ତ୍ତା ଵିଶ୍ଵରୂପପ୍ରଦର୍ଶକଃ ।
ଅକାଲସନ୍ଧ୍ୟାଘଟନଃ ଚକ୍ରାଙ୍କିତଶ୍ଚ ଭାସ୍କରଃ ॥ ୮୩ ॥
ଦୁଷ୍ଟପ୍ରମଥନଃ ପାର୍ଥପ୍ରତିଜ୍ଞାପ୍ରତିପାଲକଃ ।
ମହାଧନୋ ମହାଵୀରୋ ଵନମାଲାଵିଭୂଷଣଃ ॥ ୮୪ ॥
ସୁରଃ ସୂର୍ୟୋ ମୃକଣ୍ଡଶ୍ଚ ଭାସ୍କରୋ ଵିଶ୍ଵପୂଜିତଃ ।
ରଵିସ୍ତମୋହା ଵହ୍ନିଶ୍ଚ ଵାଡଵୋ ଵଡଵାନଲଃ ॥ ୮୫ ॥
ଦୈତ୍ୟଦର୍ପଵିନାଶୀ ଚ ଗରୁଡୋ ଗରୁଡାଗ୍ରଜଃ ।
ପ୍ରପଞ୍ଚୀ ପଞ୍ଚରୂପଶ୍ଚ ଲତାଗୁଲ୍ମଶ୍ଚ ଗୋପତିଃ ॥ ୮୬ ॥
ଗଙ୍ଗା ଚ ୟମୁନାରୂପୀ ଗୋଦା ଵେତ୍ରାଵତୀ ତଥା ।
କାଵେରୀ ନର୍ମଦା ତାପୀ ଗଣ୍ଡକୀ ସରୟୂ ରଜଃ ॥ ୮୭ ॥
ରାଜସସ୍ତାମସଃ ସାତ୍ତ୍ଵୀ ସର୍ଵାଙ୍ଗୀ ସର୍ଵଲୋଚନଃ ।
ମୁଦାମୟୋଽମୃତମୟୋ ୟୋଗିନୀଵଲ୍ଲଭଃ ଶିଵଃ ॥ ୮୮ ॥
ବୁଦ୍ଧୋ ବୁଦ୍ଧିମତାଂ ଶ୍ରେଷ୍ଠୋ ଵିଷ୍ଣୁର୍ଜିଷ୍ଣୁଃ ଶଚୀପତିଃ ।
ସୃଷ୍ଟିଚକ୍ରଧରୋ ଲୋକୋ ଵିଲୋକୋ ମୋହନାଶନଃ ॥ ୮୯ ॥
ରଵୋ ରାଵୋ ରଵୋ ରାଵୋ ବଲୋ ବାଲବଲାହକଃ ।
ଶିଵରୁଦ୍ରୋ ନଲୋ ନୀଲୋ ଲାଙ୍ଗଲୀ ଲାଙ୍ଗଲାଶ୍ରୟଃ ॥ ୯୦ ॥
ପାରକଃ ପାରକୀ ସାର୍ଵୀ ଵଟପିପ୍ପଲକାକୃତୀଃ । ??
ମ୍ଲେଚ୍ଛହା କାଲହର୍ତା ଚ ୟଶୋ ଜ୍ଞାନଂ ଚ ଏଵ ଚ ॥ ୯୧ ॥
ଅଚ୍ୟୁତଃ କେଶଵୋ ଵିଷ୍ଣୁର୍ହରିଃ ସତ୍ୟୋ ଜନାର୍ଦନଃ ।
ହଂସୋ ନାରାୟଣୋ ଲୀଲୋ ନୀଲୋ ଭକ୍ତପରାୟଣଃ ॥ ୯୨ ॥
ମାୟାଵୀ ଵଲ୍ଲଭଗୁରୁର୍ଵିରାମୋ ଵିଷନାଶନଃ ।
ସହସ୍ରଭାନୁର୍ମହାଭାନୁର୍ଵୀରଭାନୁର୍ମହୋଦଧିଃ ॥ ୯୩ ॥
ସମୁଦ୍ରୋଽବ୍ଧିରକୂପାରଃ ପାରାଵାରସରିତ୍ପତିଃ ।
ଗୋକୁଲାନନ୍ଦକାରୀ ଚ ପ୍ରତିଜ୍ଞାପ୍ରତିପାଲକଃ ॥ ୯୪ ॥
ସଦାରାମଃ କୃପାରାମୋ ମହାରାମୋ ଧନୁର୍ଧରଃ ।
ପର୍ଵତଃ ପର୍ଵତାକାରୋ ଗୟୋ ଗେୟୋ ଦ୍ଵିଜପ୍ରିୟଃ ॥ ୯୫ ॥
କମଲାଶ୍ଵତରୋ ରାମୋ, ଭଵ୍ୟୋ ୟଜ୍ଞପ୍ରଵର୍ତ୍ତକଃ ।
ଦ୍ୟୌର୍ଦିଵୌ ଦିଵଓ ଦିଵ୍ୟୌ ଭାଵୀ ଭାଵଭୟାପହା ॥ ୯୬ ॥
ପାର୍ଵତୀଭାଵସହିତୋ ଭର୍ତ୍ତା ଲକ୍ଷ୍ମୀଵିଲାସଵାନ୍ ।
ଵିଲାସୀ ସହସୀ ସର୍ଵୋ ଗୁର୍ଵୀ ଗର୍ଵିତଲୋଚନଃ ॥ ୯୭ ॥
ମାୟାଚାରୀ ସୁଧର୍ମଜ୍ଞୋ ଜୀଵନୋ ଜୀଵନାନ୍ତକଃ ।
ୟମୋ ୟମାରିର୍ୟମନୋ ୟାମୀ ୟାମଵିଧାୟକଃ ॥ ୯୮ ॥
ଲଲିତା ଚନ୍ଦ୍ରିକାମାଲୀ ମାଲୀ ମାଲାମ୍ବୁଜାଶ୍ରୟଃ ।
ଅମ୍ବୁଜାକ୍ଷୋ ମହାୟକ୍ଷୋ ଦକ୍ଷଶ୍ଚିନ୍ତାମଣିଃ ପ୍ରଭୁଃ ॥ ୯୯ ॥
ମେରୋଶ୍ଚୈଵ ଚ କେଦାରବଦର୍ୟ୍ୟାଶ୍ରମମାଗତଃ ।
ବଦରୀଵନସନ୍ତପ୍ତୋ ଵ୍ୟାସଃ ସତ୍ୟଵତୀ ସୁତଃ ॥ ୧୦୦ ॥
ଭ୍ରମରାରିନିହନ୍ତା ଚ ସୁଧାସିନ୍ଧୁଵିଧୂଦୟଃ ।
ଚନ୍ଦ୍ରୋ ରଵିଃ ଶିଵଃ ଶୂଲୀ ଚକ୍ରୀ ଚୈଵ ଗଦାଧରଃ ॥ ୧୦୧ ॥
ସହସ୍ରନାମ ଚ ଗୁରୋଃ ପଠିତଵ୍ୟଂ ସମାହିତୈଃ ।
ସ୍ମରଣାତ୍ପାପରାଶୀନାଂ ଖଣ୍ଡନଂ ମୃତ୍ୟୁନାଶନମ୍ ॥ ୧୦୨ ॥
ଗୁରୁଭକ୍ତପ୍ରିୟକରଂ ମହାଦାରିଦ୍ର୍ୟନାଶନମ୍ ।
ବ୍ରହ୍ମହତ୍ୟା ସୁରାପାନଂ ପରସ୍ତ୍ରୀଗମନଂ ତଥା ॥ ୧୦୩ ॥
ପରଦ୍ରଵ୍ୟାପହରଣଂ ପରଦୋଷସମନ୍ଵିତମ୍ ।
ମାନସଂ ଵାଚିକଂ କାୟଂ ୟତ୍ପାପଂ ପାପସମ୍ଭଵମ୍ ॥ ୧୦୪ ॥
ସହସ୍ରନାମପଠନାତ୍ସର୍ଵଂ ନଶ୍ୟତି ତତ୍କ୍ଷଣାତ୍ ।
ମହାଦାରିଦ୍ର୍ୟୟୁକ୍ତୋ ୟୋ ଗୁରୁର୍ଵା ଗୁରୁଭକ୍ତିମାନ୍ ॥ ୧୦୫ ॥
କାର୍ତିକ୍ୟାଂ ୟଃ ପଠେଦ୍ରାତ୍ରୌ ଶତମଷ୍ଟୋତ୍ତରଂ ପଠେତ୍ ।
ସୁଵର୍ଣାମ୍ବରଧାରୀ ଚ ସୁଗନ୍ଧପୁଷ୍ପଚନ୍ଦନୈଃ ॥ ୧୦୬ ॥
ପୁସ୍ତକଂ ପୂଜୟିତ୍ଵା ଚ ନୈଵେଦ୍ୟାଦିଭିରେଵ ଚ ।
ମହାମାୟାଙ୍କିତୋ ଧୀରୋ ପଦ୍ମମାଲାଵିଭୂଷଣଃ ॥ ୧୦୭ ॥
ପ୍ରାତରଷ୍ଟୋତ୍ତରଂ ଦେଵି ପଠନ୍ନାମ ସହସ୍ରକମ୍ ।
ଚୈତ୍ରଶୁକ୍ଲେ ଚ କୃଷ୍ଣେ ଚ କୁହୁସଙ୍କ୍ରାନ୍ତିଵାସରେ ॥ ୧୦୮ ॥
ପଠିତଵ୍ୟଂ ପ୍ରୟତ୍ନେନ ତ୍ରୈଲୋକ୍ୟଂ ମୋହୟେତ୍କ୍ଷଣାତ୍ ।
ମୁକ୍ତାନାମ୍ମାଲୟା ୟୁକ୍ତୋ ଗୁରୁଭକ୍ତ୍ୟା ସମନ୍ଵିତଃ ॥ ୧୦୯ ॥
ରଵିଵାରେ ଚ ଶୁକ୍ରେ ଚ ଦ୍ଵାଦଶ୍ୟାଂ ଶ୍ରାଦ୍ଧଵାସରେ ।
ବ୍ରାହ୍ମଣାନ୍ଭୋଜୟିତ୍ଵା ଚ ପୂଜୟିତ୍ଵା ଵିଧାନତଃ ॥ ୧୧୦ ॥
ପଠନ୍ନାମସହସ୍ରଂ ଚ ତତଃ ସିଦ୍ଧିଃ ପ୍ରଜାୟତେ ।
ମହାନିଶାୟାଂ ସତତଂ ଗୁରୌ ଵା ୟଃ ପଠେତ୍ସଦା ॥ ୧୧୧ ॥
ଦେଶାନ୍ତରଗତା ଲକ୍ଷ୍ମୀଃ ସମାୟାତି ନ ସଂଶୟଃ ।
ତ୍ରୈଲୋକ୍ୟେ ଚ ମହାଲକ୍ଷ୍ମୀଂ ସୁନ୍ଦର୍ୟଃ କାମମୋହିତାଃ ॥ ୧୧୨ ॥
ମୁଗ୍ଧାଃ ସ୍ଵୟଂ ସମାୟାନ୍ତି ଗୌରଵାଚ୍ଚ ଭଜନ୍ତି ତାଃ ।
ରୋଗାର୍ତ୍ତୋ ମୁଚ୍ୟତେ ରୋଗାତ୍ବଦ୍ଧୋ ମୁଚ୍ୟେତ ବନ୍ଧନାତ୍ ॥ ୧୧୩ ॥
ଗୁର୍ଵିଣୀ ଵିନ୍ଦତେ ପୁତ୍ରଂ କନ୍ୟା ଵିନ୍ଦତି ସତ୍ପତିମ୍ ।
ରାଜାନୋ ଵଶତାଂ ୟାନ୍ତି କିମ୍ପୁନଃ କ୍ଷୁଦ୍ରମାନୁଷାଃ ॥ ୧୧୪ ॥
ସହସ୍ରନାମଶ୍ରଵଣାତ୍ପଠନାତ୍ପୂଜନାତ୍ପ୍ରିୟେ ।
ଧାରଣାତ୍ସର୍ଵମାପ୍ନୋତି ଗୁରଵୋ ନାତ୍ର ସଂଶୟଃ ॥ ୧୧୫ ॥
ୟଃ ପଠେଦ୍ଗୁରୁଭକ୍ତଃ ସନ୍ ସ ୟାତି ପରମଂ ପଦମ୍ ।
କୃଷ୍ଣେନୋକ୍ତଂ ସମାସାଦ୍ୟ ମୟା ପ୍ରୋକ୍ତଂ ପୁରା ଶିଵମ୍ ॥ ୧୧୬ ॥
ନାରଦାୟ ମୟା ପ୍ରୋକ୍ତଂ ନାରଦେନ ପ୍ରକାଶିତମ୍ ।
ମୟା ତ୍ଵୟି ଵରାରୋହେ! ପ୍ରୋକ୍ତମେତତ୍ସୁଦୁର୍ଲଭମ୍ ॥ ୧୧୭ ॥
ଶଠାୟ ପାପିନେ ଚୈଵ ଲମ୍ପଟାୟ ଵିଶେଷତଃ ।
ନ ଦାତଵ୍ୟଂ ନ ଦାତଵ୍ୟଂ ନ ଦାତଵ୍ୟଂ କଦାଚନ ॥ ୧୧୮ ॥
ଦେୟଂ ଦାନ୍ତାୟ ଶିଷ୍ୟାୟ ଗୁରୁଭକ୍ତିରତାୟ ଚ ।
ଗୋଦାନଂ ବ୍ରହ୍ମୟଜ୍ଞଶ୍ଚ ଵାଜପେୟଶତାନି ଚ ॥ ୧୧୯ ॥
ଅଶ୍ଵମେଧସହସ୍ରସ୍ୟ ପଠତଶ୍ଚ ଫଲଂ ଲଭେତ୍ ।
ମୋହନଂ ସ୍ତମ୍ଭନଂ ଚୈଵ ମାରଣୋଚ୍ଚାଟନାଦିକମ୍ ॥ ୧୨୦ ॥
ୟଦ୍ୟଦ୍ଵାଞ୍ଛତି ଚିତ୍ତେ ତୁ ପ୍ରାପ୍ନୋତି ଗୁରୁଭକ୍ତିତଃ ।
ଏକାଦଶ୍ୟାଂ ନରଃ ସ୍ନାତ୍ଵା ସୁଗନ୍ଧଦ୍ରଵ୍ୟସଂୟୁତଃ ॥ ୧୨୧ ॥
ଆହାରଂ ବ୍ରାହ୍ମଣେ ଦତ୍ତ୍ଵା ଦକ୍ଷିଣାଂ ସ୍ଵର୍ଣଭୂଷଣମ୍ ।
ଆରମ୍ଭକର୍ତ୍ତାସୌ ସର୍ଵଂ ସର୍ଵମାପ୍ନୋତି ମାନଵଃ ॥ ୧୨୨ ॥
ଶତାଵର୍ତ୍ତଂ ସହସ୍ରଞ୍ଚ ୟଃ ପଠେଦ୍ଗୁରଵେ ଜନାଃ ।
ଗୁରୁସହସ୍ରନାମସ୍ୟ ପ୍ରସାଦାତ୍ସର୍ଵମାପ୍ନୁୟାତ୍ ॥ ୧୨୩ ॥
ୟଦ୍ଗେହେ ପୁସ୍ତକଂ ଦେଵି ପୂଜିତଂ ଚୈଵ ତିଷ୍ଠତି ॥
ନ ମାରୀ ନ ଚ ଦୁର୍ଭିକ୍ଷଂ ନୋପସର୍ଗଂ ଭୟଂ କ୍ଵଚିତ୍ ॥ ୧୨୪ ॥
ସର୍ପାଦିଭୂତୟକ୍ଷାଦ୍ୟା ନଶ୍ୟନ୍ତେ ନାତ୍ର ସଂଶୟଃ ।
ଶ୍ରୀଗୁରୁର୍ଵା ମହାଦେଵି! ଵସେତ୍ତସ୍ୟ ଗୃହେ ତଥା ॥ ୧୨୫ ॥
ୟତ୍ର ଗେହେ ସହସ୍ରଂ ଚ ନାମ୍ନାଂ ତିଷ୍ଠତି ପୂଜିତମ୍ ।
ଶ୍ରୀଗୁରୋଃ କୃପୟା ଶିଷ୍ୟୋ ବ୍ରହ୍ମସାୟୁଜ୍ୟମାପ୍ନୁୟାତ୍ ॥ ୧୨୬ ॥
॥ ଇତି ଶ୍ରୀହରିକୃଷ୍ଣଵିନିର୍ମିତେ ବୃହଜ୍ଜ୍ୟୋତିଷାର୍ଣଵେଽଷ୍ଟମେ
ଧର୍ମସ୍କନ୍ଧେ ସମ୍ମୋହନତନ୍ତ୍ରୋକ୍ତଶ୍ରୀଗୁରୁସହସ୍ରନାମସ୍ତୋତ୍ରମ୍ ॥