॥ Hanuman Sahasranama Stotram Bengali Lyrics ॥
॥ হনুমত্সহস্রনামস্তোত্রম্ ॥
রুদ্রয়ামলতঃ
কৈলাসশিখরে রম্যে দেবদেবং মহেশ্বরম্ ।
ধ্যানোপরতমাসীনং নন্দিভৃঙ্গিগণৈর্বৃতম্ ॥ ১ ॥
ধ্যানান্তে চ প্রসন্নাস্যমেকান্তে সমুপস্থিতম্ ।
দৃষ্ট্বা শম্ভুং তদা দেবী পপ্রচ্ছ কমলাননা ॥ ২ ॥
দেব্যুবাচ
শৃণু দেব প্রবক্ষ্যামি সংশয়োঽস্তি মহান্মম ।
রুদ্রৈকাদশমাখ্যাতং পুরাহং ন চ বেদ্মি তম্ ॥ ৩ ॥
কথয়স্ব মহাপ্রাজ্ঞ সর্বতো নির্ণয়ং শুভম্ ।
সমারাধয়তো লোকে ভুক্তিমুক্তিফলং ভবেত্ ॥ ৪ ॥
মন্ত্রং য়ন্ত্রং তথা তন্নির্ণয়ং চ বিধিপূজনম্ ।
তত্সর্বং ব্রূহি মে নাথ কৃতার্থা চ ভবাম্যহম্ ॥ ৫ ॥
ঈশ্বর উবাচ
শৃণু দেবি প্রবক্ষ্যামি গোপ্যং সর্বাগমে সদা ।
সর্বস্বং মম লোকানাং নৃণাং স্বর্গাপবর্গদম্ ॥ ৬ ॥
দশ বিষ্ণুর্দ্বাদশার্কাস্তে চৈকাদশ সংস্মৃতাঃ ।
রুদ্রঃ পরমচণ্ডশ্চ লোকেঽস্মিন্ভুক্তিমুক্তিদঃ ॥ ৭ ॥
হনুমান্স মহাদেবঃ কালকালঃ সদাশিবঃ ।
ইহৈব ভুক্তিকৈবল্যমুক্তিদঃ সর্বকামদঃ ॥ ৮ ॥
চিদ্রূপী চ জগদ্রূপস্তথারূপবিরাডভূত্ ।
রাবণস্য বধার্থায় রামস্য চ হিতায় চ ॥ ৯ ॥
অঞ্জনীগর্ভসম্ভূতো বায়ুরূপী সনাতনঃ ।
য়স্য স্মরণমাত্রেণ সর্ববিঘ্নং বিনশ্যতি ॥ ১০ ॥
মন্ত্রং তস্য প্রবক্ষ্যামি কামদং সুরদুলর্ভম্ ।
নিত্যং পরতরং লোকে দেবদৈত্যেষু দুলর্ভম্ ॥ ১১ ॥
প্রণবং পূর্বমুদ্ধৃত্য কামরাজং ততো বদেত্ ।
ওঁ নমো ভগবতে হনুমতেঽপি ততো বদেত্ ॥ ১২ ॥
ততো বৈশ্বানরো মায়ামন্ত্ররাজমিমং প্রিয়ে ।
এবং বহুতরা মন্ত্রাঃ সর্বশাস্ত্রেষু গোপিতাঃ ॥ ১৩ ॥
ওঁ ক্লীং নমো ভগবতে হনুমতে স্বাহা
য়েন বিজ্ঞাতমাত্রেণ ত্রৈলোক্যং বশমানয়েত্ ।
বহ্নিং শীতঙ্করোত্যেব বাতং চ স্থিরতাং নয়েত্ ॥ ১৪ ॥
বিঘ্নং চ নাশয়ত্যাশু দাসবত্স্যাজ্জগত্ত্রয়ম্ ।
ধ্যানং তস্য প্রবক্ষ্যামি হনুর্যেন প্রসীদতি ॥ ১৫ ॥
ধ্যানম্ –
প্রদীপ্তং স্বর্ণবর্ণাভং বালার্কারুণলোচনম্ ।
স্বর্ণমেরুবিশালাঙ্গং শতসূর্যসমপ্রভম্ ॥ ১৬ ॥
রক্তাম্বরং ধরাসীনং সুগ্রীবাদিয়ুতং তথা ।
গোষ্পদীকৃতবারীশং মশকীকৃতরাক্ষসম্ ॥ ১৭ ॥
পুচ্ছবন্তং কপীশং তং মহারুদ্রং ভয়ঙ্করম্ ।
জ্ঞানমুদ্রালসদ্বাহুং সর্বালঙ্কারভূষিতম্ ॥ ১৮ ॥
ধ্যানস্য ধারণাদেব বিঘ্নান্মুক্তঃ সদা নরঃ ।
ত্রিষু লোকেষু বিখ্যাতঃ সর্বত্র বিজয়ী ভবেত্ ॥ ১৯ ॥
নাম্নাং তস্য সহস্রং তু কথয়িষ্যামি তে শৃণু ।
য়স্য স্মরণমাত্রেণ বাদী মূকো ভবেদ্ধ্রুবম্ ॥ ২০ ॥
স্তম্ভনং পরসৈন্যানাং মারণায় চ বৈরিণাম্ ।
দারয়েচ্ছাকিনীঃ শীঘ্রং ডাকিনীভূতপ্রেতকান্ ॥ ২১ ॥
হরণং রোগশত্রূণাং কারণং সর্বকর্মণাম্ ।
তারণং সর্ববিঘ্নানাং মোহনং সর্বয়োষিতাম্ ॥ ২২ ॥
ধারণং সর্বয়োগানাং বারণং শীঘ্রমাপদাম্ ॥ ২৩ ॥
ওঁ অস্য শ্রীহনুমতঃ সহস্রনামস্তোত্রমন্ত্রস্য সদাশিব ঋষিঃ ।
অনুষ্টুপ্ ছন্দঃ । শ্রীহনুমান্ দেবতা । ওঁ ক্লীং ইতি বীজম্ ।
নম ইতি কীলকম্ । স্বাহেতি শক্তিঃ ।
সমস্তপুরুষার্থসিদ্ধ্যর্থে জপে বিনিয়োগঃ ।
ওঁওঙ্কারনমোরূপমোংনমোরূপপালকঃ ।
ওঙ্কারময়োঙ্কারকৃদোঙ্কারাত্মা সনাতনঃ ॥ ২৪ ॥
ব্রহ্মব্রহ্মময়ো ব্রহ্মজ্ঞানী ব্রহ্মস্বরূপবিত্ ।
কপীশঃ কপিনাথশ্চ কপিনাথসুপালকঃ ॥ ২৫ ॥
কপিনাথপ্রিয়ঃ কালঃ কপিনাথস্য ঘাতকঃ ।
কপিনাথশোকহর্তা কপিভর্তা কপীশ্বরঃ ॥ ২৬ ॥
কপিজীবনদাতা চ কপিমূর্তিঃ কপির্ভৃতঃ ।
কালাত্মা কালরূপী চ কালকালস্তু কালভুক্ ॥ ২৭ ॥
কালজ্ঞানী কালকর্তা কালহানিঃ কলানিধিঃ ।
কলানিধিপ্রিয়ঃ কর্তা কলানিধিসমপ্রভঃ ॥ ২৮ ॥
কলাপী চ কলাপাতা কীশত্রাতা কিশাং পতিঃ ।
কমলাপতিপ্রিয়ঃ কাকস্বরঘ্নঃ কুলপালকঃ ॥ ২৯ ॥
কুলভর্তা কুলত্রাতা কুলাচারপরায়ণঃ ।
কাশ্যপাহ্লাদকঃ কাকধ্বংসী কর্মকৃতাং পতিঃ ॥ ৩০ ॥
কৃষ্ণঃ কৃষ্ণস্তুতিঃ কৃষ্ণকৃষ্ণরূপো মহাত্মবান্ ।
কৃষ্ণবেত্তা কৃষ্ণভর্তা কপীশঃ ক্রোধবান্ কপিঃ ॥ ৩১ ॥
কালরাত্রিঃ কুবেরশ্চ কুবেরবনপালকঃ ।
কুবেরধনদাতা চ কৌসল্যানন্দজীবনঃ ॥ ৩২ ॥
কোসলেশপ্রিয়ঃ কেতুঃ কপালী কামপালকঃ ।
কারুণ্যঃ করুণারূপঃ করুণানিধিবিগ্রহঃ ॥ ৩৩ ॥
কারুণ্যকর্তা দাতা চ কপিঃ সাধ্যঃ কৃতান্তকঃ ।
কূর্মঃ কূর্মপতিঃ কূর্মভর্তা কূর্মস্য প্রেমবান্ ॥ ৩৪ ॥
কুক্কুটঃ কুক্কুটাহ্বানঃ কুঞ্জরঃ কমলাননঃ ।
কুঞ্জরঃ কলভঃ কেকিনাদজিত্কল্পজীবনঃ ॥ ৩৫ ॥
কল্পান্তবাসী কল্পান্তদাতা কল্পবিবোধকঃ ।
কলভঃ কলহস্তশ্চ কম্পঃ কম্পপতিস্তথা ॥ ৩৬ ॥
কর্মফলপ্রদঃ কর্মা কমনীয়ঃ কলাপবান্ ।
কমলাসনবন্ধশ্চ-কম্পঃ-কমলাসনপূজকঃ ॥ ৩৭ ॥
কমলাসনসেবী চ কমলাসনমানিতঃ ।
কমলাসনপ্রিয়ঃ কম্বুঃ কম্বুকণ্ঠোঽপি কামধুক্ ॥ ৩৮ ॥
কিঞ্জল্করূপী কিঞ্জল্কঃ কিঞ্জল্কাবনিবাসকঃ ।
খগনাথপ্রিয়ঃ খঙ্গী খগনাথপ্রহারকঃ ॥ ৩৯ ॥
খগনাথসুপূজ্যশ্চ খগনাথপ্রবোধকঃ ।
খগনাথবরেণ্যশ্চ খরধ্বংসী খরান্তকঃ ॥ ৪০ ॥
খরারিপ্রিয়বন্ধুশ্চ খরারিজীবনঃ সদা ।
খঙ্গহস্তঃ খঙ্গধনঃ খঙ্গহানী চ খঙ্গপঃ ॥ ৪১ ॥
খঞ্জরীটপ্রিয়ঃ খঞ্জঃ খেচরাত্মা খরারিজিত্ ॥ ৪২ ॥
খঞ্জরীটপতিঃ পূজ্যঃ খঞ্জরীটপচঞ্চলঃ ।
খদ্যোতবন্ধুঃ খদ্যোতঃ খদ্যোতনপ্রিয়ঃ সদা ॥ ৪৩ ॥
গরুত্মান্ গরুডো গোপ্যো গরুত্মদ্দর্পহারকঃ ।
গর্বিষ্ঠো গর্বহর্তা চ গর্বহা গর্বনাশকঃ ॥ ৪৪ ॥
গর্বো গুণপ্রিয়ো গাণো গুণসেবী গুণান্বিতঃ ।
গুণত্রাতা গুণরতো গুণবন্তপ্রিয়ো গুণী ॥ ৪৫ ॥
গণেশো গণপাতী চ গণরূপো গণপ্রিয়ঃ ।
গম্ভীরোঽথ গুণাকারো গরিমা গরিমপ্রদঃ ॥ ৪৬ ॥
গণরক্ষো গণহরো গণদো গণসেবিতঃ ।
গবাংশো গবয়ত্রাতা গর্জিতশ্চ গণাধিপঃ ॥ ৪৭ ॥
গন্ধমাদনহর্তা চ গন্ধমাদনপূজকঃ ।
গন্ধমাদনসেবী চ গন্ধমাদনরূপধৃক্ ॥ ৪৮ ॥
গুরুর্গুরুপ্রিয়ো গৌরো গুরুসেব্যো গুরূন্নতঃ ।
গুরুগীতাপরো গীতো গীতবিদ্যাগুরুর্গুরুঃ ॥ ৪৯ ॥
গীতাপ্রিয়ো গীতরাতো গীতজ্ঞো গীতবানপি ।
গায়ত্র্যা জাপকো গোষ্ঠো গোষ্ঠদেবোঽথ গোষ্ঠপঃ ॥ ৫০ ॥
গোষ্পদীকৃতবারীশো গোবিন্দো গোপবন্ধকঃ ।
গোবর্ধনধরো গর্বো গোবর্ধনপ্রপূজকঃ ॥ ৫১ ॥
গন্ধর্বো গন্ধর্বরতো গন্ধর্বানন্দনন্দিতঃ ।
গন্ধো গদাধরো গুপ্তো গদাঢ্যো গুহ্যকেশ্বরঃ ॥
গিরিজাপূজকো গীশ্চ গীর্বাণো গোষ্পতিস্তথা ।
গিরির্গিরিপ্রিয়ো গর্ভো গর্ভপো গর্ভবাসকঃ ॥ ৫৩ ॥
গভস্তিগ্রাসকো গ্রাসো গ্রাসদাতা গ্রহেশ্বরঃ ।
গ্রহো গ্রহেশানো গ্রাহো গ্রহদোষবিনাশনঃ ॥ ৫৪ ॥
গ্রহারূঢো গ্রহপতির্গর্হণো গ্রহণাধিপঃ ।
গোলী গব্যো গবেশশ্চ গবাক্ষমোক্ষদায়কঃ ॥ ৫৫ ॥
গণো গম্যো গণদাতা গরুডধ্বজবল্লভঃ ।
গেহো গেহপ্রদো গম্যো গীতাগানপরায়ণঃ ॥ ৫৬ ॥
গহ্বরো গহ্বরত্রাণো গর্গো গর্গেশ্বরপ্রদঃ ।
গর্গপ্রিয়ো গর্গরতো গৌতমো গৌতমপ্রদঃ ॥ ৫৭ ॥
গঙ্গাস্নায়ী গয়ানাথো গয়াপিণ্ডপ্রদায়কঃ ।
গৌতমীতীর্থচারী চ গৌতমীতীর্থপূজকঃ ॥ ৫৮ ॥
গণেন্দ্রোঽথ গণত্রাতা গ্রন্থদো গ্রন্থকারকঃ ।
ঘনাঙ্গো ঘাতকো ঘোরো ঘোররূপী ঘনপ্রদঃ ॥ ৫৯ ॥
ঘোরদংষ্ট্রো ঘোরনখো ঘোরঘাতী ঘনেতরঃ ।
ঘোররাক্ষসঘাতী চ ঘোররূপ্যঘদর্পহা ॥ ৬০ ॥
ঘর্মো ঘর্মপ্রদশ্চৈব ঘর্মরূপী ঘনাঘনঃ ।
ঘনধ্বনিরতো ঘণ্টাবাদ্যপ্রিয়ঘৃণাকরঃ ॥ ৬১ ॥
ঘোঘো ঘনস্বনো ঘূর্ণো ঘূর্ণিতোঽপি ঘনালয়ঃ ।
ঙকারো ঙপ্রদো ঙান্তশ্চন্দ্রিকামোদমোদকঃ ॥ ৬২ ॥
চন্দ্ররূপশ্চন্দ্রবন্দ্যশ্চন্দ্রাত্মা চন্দ্রপূজকঃ ।
চন্দ্রপ্রেমশ্চন্দ্রবিম্বশ্চামরপ্রিয়শ্চঞ্চলঃ ॥ ৬৩ ॥
চন্দ্রবক্ত্রশ্চকোরাক্ষশ্চন্দ্রনেত্রশ্চতুর্ভুজঃ ।
চঞ্চলাত্মা চরশ্চর্মী চলত্খঞ্জনলোচনঃ ॥ ৬৪ ॥
চিদ্রূপশ্চিত্রপানশ্চ চলচ্চিত্তাচিতার্চিতঃ ।
চিদানন্দশ্চিতশ্চৈত্রশ্চন্দ্রবংশস্য পালকঃ ॥ ৬৫ ॥
ছত্রশ্ছত্রপ্রদশ্ছত্রী ছত্ররূপী ছিদাঞ্ছদঃ ।
ছলহা ছলদশ্ছিন্নশ্ছিন্নঘাতী ক্ষপাকরঃ ॥ ৬৬ ॥
ছদ্মরূপী ছদ্মহারী ছলী ছলতরুস্তথা ।
ছায়াকরদ্যুতিশ্ছন্দশ্ছন্দবিদ্যাবিনোদকঃ ॥ ৬৭ ॥
ছিন্নারাতিশ্ছিন্নপাপশ্ছন্দবারণবাহকঃ ।
ছন্দশ্ছ(ক্ষ)ত্রহনশ্ছি(ক্ষি)প্রশ্ছ(ক্ষ)-
বনশ্ছন্মদশ্ছ(ক্ষ)মী ॥ ৬৮ ॥
ক্ষমাগারঃ ক্ষমাবন্ধঃ ক্ষপাপতিপ্রপূজকঃ ।
ছলঘাতী ছিদ্রহারী ছিদ্রান্বেষণপালকঃ ॥ ৬৯ ॥
জনো জনার্দনো জেতা জিতারির্জিতসঙ্গরঃ ।
জিতমৃত্যুর্জরাতীতো জনার্দনপ্রিয়ো জয়ঃ ॥ ৭০ ॥
জয়দো জয়কর্তা চ জয়পাতো জয়প্রিয়ঃ ।
জিতেন্দ্রিয়ো জিতারাতির্জিতেন্দ্রিয়প্রিয়ো জয়ী ॥ ৭১ ॥
জগদানন্দদাতা চ জগদানন্দকারকঃ ।
জগদ্বন্দ্যো জগজ্জীবো জগতামুপকারকঃ ॥ ৭২ ॥
জগদ্ধাতা জগদ্ধারী জগদ্বীজো জগত্পিতা ।
জগত্পতিপ্রিয়ো জিষ্ণুর্জিষ্ণুজিজ্জিষ্ণুরক্ষকঃ ॥ ৭৩ ॥
জিষ্ণুবন্দ্যো জিষ্ণুপূজ্যো জিষ্ণুমূর্তিবিভূষিতঃ ।
জিষ্ণুপ্রিয়ো জিষ্ণুরতো জিষ্ণুলোকাভিবাসকঃ ॥
জয়ো জয়প্রদো জায়ো জায়কো জয়জাড্যহা ।
জয়প্রিয়ো জনানন্দো জনদো জনজীবনঃ ॥ ৭৫ ॥
জয়ানন্দো জপাপুষ্পবল্লভো জয়পূজকঃ ।
জাড্যহর্তা জাড্যদাতা জাড্যকর্তা জডপ্রিয়ঃ ॥ ৭৬ ॥
জগন্নেতা জগন্নাথো জগদীশো জনেশ্বরঃ ।
জগন্মঙ্গলদো জীবো জগত্যবনপাবনঃ ॥ ৭৭ ॥
জগত্ত্রাণো জগত্প্রাণো জানকীপতিবত্সলঃ ।
জানকীপতিপূজ্যশ্চ জানকীপতিসেবকঃ ॥ ৭৮ ॥
জানকীশোকহারী চ জানকীদুঃখভঞ্জনঃ ।
য়জুর্বেদো য়জুর্বক্তা য়জুঃপাঠপ্রিয়ো ব্রতী ॥ ৭৯ ॥
জিষ্ণুর্জিষ্ণুকৃতো জিষ্ণুধাতা জিষ্ণুবিনাশনঃ ।
জিষ্ণুহা জিষ্ণুপাতী তু জিষ্ণুরাক্ষসঘাতকঃ ॥ ৮০ ॥
জাতীনামগ্রগণ্যশ্চ জাতীনাং বরদায়কঃ ।
ঝুঁঝুরো ঝূঝুরো ঝূর্ঝনবরো ঝঞ্ঝানিষেবিতঃ ॥ ৮১ ॥
ঝিল্লীরবস্বরো ঞন্তো ঞবণো ঞনতো ঞদঃ ।
টকারাদিষ্টকারান্তাষ্টবর্ণাষ্টপ্রপূজকঃ ॥ ৮২ ॥
টিট্টিভষ্টিট্টিভস্তষ্টিষ্টিট্টিভপ্রিয়বত্সলঃ ।
ঠকারবর্ণনিলয়ষ্ঠকারবর্ণবাসিতঃ ॥ ৮৩ ॥
ঠকারবীরভরিতষ্ঠকারপ্রিয়দর্শকঃ ।
ডাকিনীনিরতো ডঙ্কো ডঙ্কিনীপ্রাণহারকঃ ॥ ৮৪ ॥
ডাকিনীবরদাতা চ ডাকিনীভয়নাশনঃ ।
ডিণ্ডিমধ্বনিকর্তা চ ডিম্ভো ডিম্ভাতরেতরঃ ॥ ৮৫ ॥
ডক্কাঢক্কানবো ঢক্কাবাদ্যষ্ঠক্কামহোত্সবঃ ।
ণান্ত্যো ণান্তো ণবর্ণশ্চ ণসেব্যো ণপ্রপূজকঃ ॥ ৮৬ ॥
তন্ত্রী তন্ত্রপ্রিয়স্তল্পস্তন্ত্রজিত্তন্ত্রবাহকঃ ।
তন্ত্রপূজ্যস্তন্ত্ররতস্তন্ত্রবিদ্যাবিশারদঃ ॥ ৮৭ ॥
তন্ত্রয়ন্ত্রজয়ী তন্ত্রধারকস্তন্ত্রবাহকঃ ।
তন্ত্রবেত্তা তন্ত্রকর্তা তন্ত্রয়ন্ত্রবরপ্রদঃ ॥ ৮৮ ॥
তন্ত্রদস্তন্ত্রদাতা চ তন্ত্রপস্তন্ত্রদায়কঃ ।
তত্ত্বদাতা চ তত্ত্বজ্ঞস্তত্ত্বস্তত্ত্বপ্রকাশকঃ ॥ ৮৯ ॥
তন্দ্রা চ তপনস্তল্পতলাতলনিবাসকঃ ।
তপস্তপঃপ্রিয়স্তাপত্রয়তাপী তপঃপতিঃ ॥ ৯০ ॥
তপস্বী চ তপোজ্ঞাতা তপতামুপকারকঃ ।
তপস্তপোত্রপস্তাপী তাপদস্তাপহারকঃ ॥ ৯১ ॥
তপঃসিদ্ধিস্তপোঋদ্ধিস্তপোনিধিস্তপঃপ্রভুঃ ।
তীর্থস্তীর্থরতস্তীব্রস্তীর্থবাসী তু তীর্থদঃ ॥ ৯২ ॥
তীর্থপস্তীর্থকৃত্তীর্থস্বামী তীর্থবিরোধকঃ ।
তীর্থসেবী তীর্থপতিস্তীর্থব্রতপরায়ণঃ ॥ ৯৩ ॥
ত্রিদোষহা ত্রিনেত্রশ্চ ত্রিনেত্রপ্রিয়বালকঃ ।
ত্রিনেত্রপ্রিয়দাসশ্চ ত্রিনেত্রপ্রিয়পূজকঃ ॥ ৯৪ ॥
ত্রিবিক্রমস্ত্রিপাদূর্ধ্বস্তরণিস্তারণিস্তমঃ ।
তমোরূপী তমোধ্বংসী তমস্তিমিরঘাতকঃ ॥ ৯৫ ॥
তমোধৃক্তমসস্তপ্ততারণিস্তমসোঽন্তকঃ ।
তমোহৃত্তমকৃত্তাম্রস্তাম্রৌষধিগুণপ্রদঃ ॥
তৈজসস্তেজসাং মূর্তিস্তেজসঃ প্রতিপালকঃ ।
তরুণস্তর্কবিজ্ঞাতা তর্কশাস্ত্রবিশারদঃ ॥ ৯৭ ॥
তিমিঙ্গিলস্তত্ত্বকর্তা তত্ত্বদাতা ব তত্ত্ববিত্ ।
তত্ত্বদর্শী তত্ত্বগামী তত্ত্বভুক্তত্ত্ববাহনঃ ॥ ৯৮ ॥
ত্রিদিবস্ত্রিদিবেশশ্চ ত্রিকালশ্চ তমিস্রহা ।
স্থাণুঃ স্থাণুপ্রিয়ঃ স্থাণুঃ সর্বতোঽপি চ বাসকঃ ॥ ৯৯ ॥
দয়াসিন্ধুর্দয়ারূপো দয়ানিধির্দয়াপরঃ ।
দয়ামূর্তির্দয়াদাতা দয়াদানপরায়ণঃ ॥ ১০০ ॥
দেবেশো দেবদো দেবো দেবরাজাধিপালকঃ ।
দীনবন্ধুর্দীনদাতা দীনোদ্ধরণদিব্যদৃক্ ॥ ১০১ ॥
দিব্যদেহো দিব্যরূপো দিব্যাসননিবাসকঃ ।
দীর্ঘকেশো দীর্ঘপুচ্ছো দীর্ঘসূত্রোঽপি দীর্ঘভুক্ ॥ ১০২ ॥
দীর্ঘদর্শী দূরদর্শী দীর্ঘবাহুস্তু দীর্ঘপঃ ।
দানবারির্দরিদ্রারির্দৈত্যারির্দস্যুভঞ্জনঃ ॥ ১০৩ ॥
দংষ্ট্রী দণ্ডী দণ্ডধরো দণ্ডপো দণ্ডদায়কঃ ।
দামোদরপ্রিয়ো দত্তাত্রেয়পূজনতত্পরঃ ॥ ১০৪ ॥
দর্বীদলহুতপ্রীতো দদ্রুরোগবিনাশকঃ ।
ধর্মো ধর্মী ধর্মচারী ধর্মশাস্ত্রপরায়ণঃ ॥ ১০৫ ॥
ধর্মাত্মা ধর্মনেতা চ ধর্মদৃগ্ধর্মধারকঃ ।
ধর্মধ্বজো ধর্মমূর্তির্ধর্মরাজস্য ত্রাসকঃ ॥ ১০৬ ॥
ধাতা ধ্যেয়ো ধনো ধন্যো ধনদো ধনপো ধনী ।
ধনদত্রাণকর্তা চ ধনপপ্রতিপালকঃ ॥ ১০৭ ॥
ধরণীধরপ্রিয়ো ধন্বী ধনবদ্ধনধারকঃ ।
ধন্বীশবত্সলো ধীরো ধাতৃমোদপ্রদায়কঃ ॥ ১০৮ ॥
ধাত্রৈশ্বর্যপ্রদাতা চ ধাত্রীশপ্রতিপূজকঃ ।
ধাত্রাত্মা চ ধরানাথো ধরানাথপ্রবোধকঃ ॥ ১০৯ ॥
ধর্মিষ্ঠো ধর্মকেতুশ্চ ধবলো ধবলপ্রিয়ঃ ।
ধবলাচলবাসী চ ধেনুদো ধেনুপো ধনী ॥ ১১০ ॥
ধ্বনিরূপো ধ্বনিপ্রাণো ধ্বনিধর্মপ্রবোধকঃ ।
ধর্মাধ্যক্ষো ধ্বজো ধূম্রো ধাতুরোধিবিরোধকঃ ॥ ১১১ ॥
নারায়ণো নরো নেতা নদীশো নরবানরঃ ।
নন্দীসঙ্ক্রমণো নাট্যো নাট্যবেত্তা নটপ্রিয়ঃ ॥ ১১২ ॥
নারায়ণাত্মকো নন্দী নন্দিশৃঙ্গিগণাধিপঃ ।
নন্দিকেশ্বরবর্মা চ নন্দিকেশ্বরপূজকঃ ॥ ১১৩ ॥
নরসিংহো নটো নীপো নখয়ুদ্ধবিশারদঃ ।
নখায়ুধো নলো নীলো নলনীলপ্রমোদকঃ ॥ ১১৪ ॥
নবদ্বারপুরাধারো নবদ্বারপুরাতনঃ ।
নরনারয়ণস্তুত্যো নখনাথো নগেশ্বরঃ ॥ ১১৫ ॥
নখদংষ্ট্রায়ুধো নিত্যো নিরাকারো নিরঞ্জনঃ ।
নিষ্কলঙ্কো নিরবদ্যো নির্মলো নির্মমো নগঃ ॥ ১১৬ ॥
নগরগ্রামপালশ্চ নিরন্তো নগরাধিপঃ ।
নাগকন্যাভয়ধ্বংসী নাগারিপ্রিয়নাগরঃ ॥ ১১৭ ॥
পীতাম্বরঃ পদ্মনাভঃ পুণ্ডরীকাক্ষপাবনঃ ।
পদ্মাক্ষঃ পদ্মবক্ত্রশ্চ পদ্মাসনপ্রপূজকঃ ॥ ১১৮ ॥
পদ্মমালী পদ্মপরঃ পদ্মপূজনতত্পরঃ ।
পদ্মপাণিঃ পদ্মপাদঃ পুণ্ডরীকাক্ষসেবনঃ ॥ ১১৯ ॥
পাবনঃ পবনাত্মা চ পবনাত্মজঃ পাপহা ।
পরঃ পরতরঃ পদ্মঃ পরমঃ পরমাত্মকঃ ॥ ১২০ ॥
পীতাম্বরঃ প্রিয়ঃ প্রেম প্রেমদঃ প্রেমপালকঃ ।
প্রৌঢঃ প্রৌঢপরঃ প্রেতদোষহা প্রেতনাশকঃ ॥ ১২১ ॥
প্রভঞ্জনান্বয়ঃ পঞ্চ পঞ্চাক্ষরমনুপ্রিয়ঃ ।
পন্নগারিঃ প্রতাপী চ প্রপন্নঃ পরদোষহা ॥ ১২২ ॥
পরাভিচারশমনঃ পরসৈন্যবিনাশকঃ ।
প্রতিবাদিমুখস্তম্ভঃ পুরাধারঃ পুরারিনুত্ ॥ ১২৩ ॥
পরাজিতঃ পরম্ব্রহ্ম পরাত্পরপরাত্পরঃ ।
পাতালগঃ পুরাণশ্চ পুরাতনঃ প্লবঙ্গমঃ ॥ ১২৪ ॥
পুরাণপুরুষঃ পূজ্যঃ পুরুষার্থপ্রপূরকঃ ।
প্লবগেশঃ পলাশারিঃ পৃথুকঃ পৃথিবীপতিঃ ॥ ১২৫ ॥
পুণ্যশীলঃ পুণ্যরাশিঃ পুণ্যাত্মা পুণ্যপালকঃ ।
পুণ্যকীর্তিঃ পুণ্যগীতিঃ প্রাণদঃ প্রাণপোষকঃ ॥ ১২৬ ॥
প্রবীণশ্চ প্রসন্নশ্চ পার্থধ্বজনিবাসকঃ ।
পিঙ্গকেশঃ পিঙ্গরোমা প্রণবঃ পিঙ্গলপ্রণঃ ॥ ১২৭ ॥
পরাশরঃ পাপহর্তা পিপ্পলাশ্রয়সিদ্ধিদঃ ।
পুণ্যশ্লোকঃ পুরাতীতঃ প্রথমঃ পুরুষঃ পুমান্ ॥ ১২৮ ॥
পুরাধারশ্চ প্রত্যক্ষঃ পরমেষ্ঠী পিতামহঃ ।
ফুল্লারবিন্দবদনঃ ফুল্লোত্কমললোচনঃ ॥ ১২৯ ॥
ফূত্কারঃ ফূত্করঃ ফূশ্চ ফূদমন্ত্রপরায়ণঃ ।
স্ফটিকাদ্রিনিবাসী চ ফুল্লেন্দীবরলোচনঃ ॥ ১৩০ ॥
বায়ুরূপী বায়ুসুতো বায়্বাত্মা বামনাশকঃ ।
বনো বনচরো বালো বালত্রাতা তু বালকঃ ॥ ১৩১ ॥
বিশ্বনাথশ্চ বিশ্বং চ বিশ্বাত্মা বিশ্বপালকঃ ।
বিশ্বধাতা বিশ্বকর্তা বিশ্ববেত্তা বিশাম্পতিঃ ॥ ১৩২ ॥
বিমলো বিমলজ্ঞানো বিমলানন্দদায়কঃ ।
বিমলোত্পলবক্ত্রশ্চ বিমলাত্মা বিলাসকৃত্ ॥ ১৩৩ ॥
বিন্দুমাধবপূজ্যশ্চ বিন্দুমাধবসেবকঃ ।
বীজোঽথ বীর্যদো বীজহারী বীজপ্রদো বিভুঃ ॥ ১৩৪ ॥
বিজয়ো বীজকর্তা চ বিভূতির্ভূতিদায়কঃ ।
বিশ্ববন্দ্যো বিশ্বগম্যো বিশ্বহর্তা বিরাট্তনুঃ ॥ ১৩৫ ॥
বুলকারহতারাতির্বসুদেবো বনপ্রদঃ ।
ব্রহ্মপুচ্ছো ব্রহ্মপরো বানরো বানরেশ্বরঃ ॥ ১৩৬ ॥
বলিবন্ধনকৃদ্বিশ্বতেজা বিশ্বপ্রতিষ্ঠিতঃ ।
বিভোক্তা চ বায়ুদেবো বীরবীরো বসুন্ধরঃ ॥ ১৩৭ ॥
বনমালী বনধ্বংসী বারুণো বৈষ্ণবো বলী ।
বিভীষণপ্রিয়ো বিষ্ণুসেবী বায়ুগবির্বিদুঃ ॥ ১৩৮ ॥
বিপদ্মো বায়ুবংশ্যশ্চ বেদবেদাঙ্গপারগঃ ।
বৃহত্তনুর্বৃহত্পাদো বৃহত্কায়ো বৃহদ্যশাঃ ॥ ১৩৯ ॥
বৃহন্নাসো বৃহদ্বাহুর্বৃহন্মূর্তির্বৃহত্স্তুতিঃ ।
বৃহদ্ধনুর্বৃহজ্জঙ্ঘো বৃহত্কায়ো বৃহত্করঃ ॥ ১৪০ ॥
বৃহদ্রতির্বৃহত্পুচ্ছো বৃহল্লোকফলপ্রদঃ ।
বৃহত্সেব্যো বৃহচ্ছক্তির্বৃহদ্বিদ্যাবিশারদঃ ॥ ১৪১ ॥
বৃহল্লোকরতো বিদ্যা বিদ্যাদাতা বিদিক্পতিঃ ।
বিগ্রহো বিগ্রহরতো ব্যাধিনাশী চ ব্যাধিদঃ ॥ ১৪২ ॥
বিশিষ্টো বলদাতা চ বিঘ্ননাশো বিনায়কঃ ।
বরাহো বসুধানাথো ভগবান্ ভবভঞ্জনঃ ॥ ১৪৩ ॥
ভাগ্যদো ভয়কর্তা চ ভাগো ভৃগুপতিপ্রিয়ঃ ।
ভব্যো ভক্তো ভরদ্বাজো ভয়াঙ্ঘ্রির্ভয়নাশনঃ ॥ ১৪৪ ॥
মাধবো মধুরানাথো মেঘনাদো মহামুনিঃ ।
মায়াপতির্মনস্বী চ মায়াতীতো মনোত্সুকঃ ॥ ১৪৫ ॥
মৈনাকবন্দিতামোদো মনোবেগী মহেশ্বরঃ ।
মায়ানির্জিতরক্ষাশ্চ মায়ানির্জিতবিষ্টপঃ ॥ ১৪৬ ॥
মায়াশ্রয়শ্চ নিলয়ো মায়াবিধ্বংসকো ময়ঃ ।
মনোয়মপরো য়াম্যো য়মদুঃখনিবারণঃ ॥ ১৪৭ ॥
য়মুনাতীরবাসী চ য়মুনাতীর্থচারণঃ ।
রামো রামপ্রিয়ো রম্যো রাঘবো রঘুনন্দনঃ ॥ ১৪৮ ॥
রামপ্রপূজকো রুদ্রো রুদ্রসেবী রমাপতিঃ ।
রাবণারী রমানাথবত্সলো রঘুপুঙ্গবঃ ॥ ১৪৯ ॥
রক্ষোঘ্নো রামদূতশ্চ রামেষ্টো রাক্ষসান্তকঃ ।
রামভক্তো রামরূপো রাজরাজো রণোত্সুকঃ ॥ ১৫০ ॥
লঙ্কাবিধ্বংসকো লঙ্কাপতিঘাতী লতাপ্রিয়ঃ ।
লক্ষ্মীনাথপ্রিয়ো লক্ষ্মীনারায়ণাত্মপালকঃ ॥ ১৫১ ॥
প্লবগাব্ধিহেলকশ্চ লঙ্কেশগৃহভঞ্জনঃ ।
ব্রহ্মস্বরূপী ব্রহ্মাত্মা ব্রহ্মজ্ঞো ব্রহ্মপালকঃ ॥ ১৫২ ॥
ব্রহ্মবাদী চ বিক্ষেত্রং বিশ্ববীজং চ বিশ্বদৃক্ ।
বিশ্বম্ভরো বিশ্বমূর্তির্বিশ্বাকারোঽথ বিশ্বধৃক্ ॥ ১৫৩ ॥
বিশ্বাত্মা বিশ্বসেব্যোঽথ বিশ্বো বিশ্বেশ্বরো বিভুঃ ।
শুক্লঃ শুক্রপ্রদঃ শুক্রঃ শুক্রাত্মা চ শুভপ্রদঃ ॥ ১৫৪ ॥
শর্বরীপতিশূরশ্চ শূরশ্চাথ শ্রুতিশ্রবাঃ ।
শাকম্ভরীশক্তিধরঃ শত্রুঘ্নঃ শরণপ্রদঃ ॥ ১৫৫ ॥
শঙ্করঃ শান্তিদঃ শান্তঃ শিবঃ শূলী শিবার্চিতঃ ।
শ্রীরামরূপঃ শ্রীবাসঃ শ্রীপদঃ শ্রীকরঃ শুচিঃ ॥ ১৫৬ ॥
শ্রীশঃ শ্রীদঃ শ্রীকরশ্চ শ্রীকান্তপ্রিয়ঃ শ্রীনিধিঃ ।
ষোডশস্বরসংয়ুক্তঃ ষোডশাত্মা প্রিয়ঙ্করঃ ॥ ১৫৭ ॥
ষডঙ্গস্তোত্রনিরতঃ ষডাননপ্রপূজকঃ ।
ষট্শাস্ত্রবেত্তা ষড্বাহুঃ ষট্স্বরূপঃ ষডূর্মিপঃ ॥ ১৫৮ ॥
সনাতনঃ সত্যরূপঃ সত্যলোকপ্রবোধকঃ ।
সত্যাত্মা সত্যদাতা চ সত্যব্রতপরায়ণঃ ॥ ১৫৯ ॥
সৌম্যঃ সৌম্যপ্রদঃ সৌম্যদৃক্সৌম্যঃ সৌম্যপালকঃ ।
সুগ্রীবাদিয়ুতঃ সর্বসংসারভয়নাশনঃ ॥ ১৬০ ॥
সূত্রাত্মা সূক্ষ্মসন্ধ্যশ্চ স্থূলঃ সর্বগতিঃ পুমান্ ।
সুরভিঃ সাগরঃ সেতুঃ সত্যঃ সত্যপরাক্রমঃ ॥ ১৬১ ॥
সত্যগর্ভঃ সত্যসেতুঃ সিদ্ধিস্তু সত্যগোচরঃ ।
সত্যবাদী সুকর্মা চ সদানন্দৈক ঈশ্বরঃ ॥ ১৬২ ॥
সিদ্ধিঃ সাধ্যঃ সুসিদ্ধশ্চ সঙ্কল্পঃ সিদ্ধিহেতুকঃ ।
সপ্তপাতালচরণঃ সপ্তর্ষিগণবন্দিতঃ ॥ ১৬৩ ॥
সপ্তাব্ধিলঙ্ঘনো বীরঃ সপ্তদ্বীপোরুমণ্ডলঃ ।
সপ্তাঙ্গরাজ্যসুখদঃ সপ্তমাতৃনিষেবিতঃ ॥ ১৬৪ ॥
সপ্তচ্ছন্দোনিধিঃ সপ্ত সপ্তপাতালসংশ্রয়ঃ ।
সঙ্কর্ষণঃ সহস্রাস্যঃ সহস্রাক্ষঃ সহস্রপাত্ ॥ ১৬৫ ॥
হনুমান্ হর্ষদাতা চ হরো হরিহরীশ্বরঃ ।
ক্ষুদ্ররাক্ষসঘাতী চ ক্ষুদ্ধতক্ষান্তিদায়কঃ ॥ ১৬৬ ॥
অনাদীশো হ্যনন্তশ্চ আনন্দোঽধ্যাত্মবোধকঃ ।
ইন্দ্র ঈশোত্তমশ্চৈব উন্মত্তজন ঋদ্ধিদঃ ॥ ১৬৭ ॥
ঋবর্ণো ঌলুপদোপেত ঐশ্বর্যং ঔষধীপ্রিয়ঃ ।
ঔষধশ্চাংশুমাংশ্চৈব অকারঃ সর্বকারণঃ ॥ ১৬৮ ॥
ইত্যেতদ্রামদূতস্য নাম্নাং চৈব সহস্রকম্ ।
এককালং দ্বিকালং বা ত্রিকালং শ্রদ্ধয়ান্বিতঃ ॥ ১৬৯ ॥
পঠনাত্পাঠনাদ্বাপি সর্বা সিদ্ধির্ভবেত্প্রিয়ে ।
মোক্ষার্থী লভতে মোক্ষং কামার্থী কামমাপ্নুয়াত্ ॥ ১৭০ ॥
বিদ্যার্থী লভতে বিদ্যাং বেদব্যাকরণাদিকম্ ।
ইচ্ছাকামাংস্তু কামার্থী ধর্মার্থী ধর্মমক্ষয়ম্ ॥ ১৭১ ॥
পুত্রার্থী লভতে পুত্রং বরায়ুস্সহিতং পুমান্ ।
ক্ষেত্রং চ বহুসস্যং স্যাদ্গাবশ্চ বহুদুগ্ধদাঃ ॥ ১৭২ ॥
দুঃস্বপ্নং চ নৃভির্দৃষ্টং সুস্বপ্নমুপজায়তে ।
দুঃখৌঘো নশ্যতে তস্য সম্পত্তির্বর্দ্ধতে চিরম্ ॥ ১৭৩ ॥
চতুর্বিধং বস্তু তস্য ভবত্যেব ন সংশয়ঃ ।
অশ্বত্থমূলে জপতাং নাস্তি বৈরিকৃতং ভয়ম্ ॥ ১৭৪ ॥
ত্রিকালং পঠনাত্তস্য সিদ্ধিঃ স্যাত্করসংস্থিতা ।
অর্ধরাত্রে রবৌ ধৃত্বা কণ্ঠদেশে নরঃ শুচিঃ ॥ ১৭৫ ॥
দশাবর্তং পঠেন্মর্ত্যঃ সর্বান্কামানবাপ্নুয়াত্ ।
ভৌমে নিশান্তে ন্যগ্রোধমূলে স্থিত্বা বিচক্ষণঃ ॥ ১৭৬ ॥
দশাবর্তং পঠেন্মর্ত্যঃ সার্বভৌমঃ প্রজায়তে ।
অর্কমূলেঽর্কবারে তু য়ো মধ্যাহ্নে শুচির্জপেত্ ॥ ১৭৭ ॥
চিরায়ুঃ স সুখী পুত্রী বিজয়ী জায়তে ক্ষণাত্ ।
ব্রাহ্মে মুহূর্তে চোত্থায় প্রত্যহং চ পঠেন্নরঃ ॥ ১৭৮ ॥
য়ং য়ং কাময়তে কামং লভতে তং ন সংশয়ঃ ।
সঙ্গ্রামে সন্নিবিষ্টানাং বৈরিবিদ্রাবণং পরম্ ॥ ১৭৯ ॥
ডাকিনীভূতপ্রেতেষু গ্রহপীডাহরং তথা ।
জ্বরাপস্মারশমনং য়ক্ষ্মপ্লীহাদিবারণম্ ॥ ১৮০ ॥
সর্বসৌখ্যপ্রদং স্তোত্রং সর্বসিদ্ধিপ্রদং তথা ।
সর্বান্কামানবাপ্নোতি বায়ুপুত্রপ্রসাদতঃ ॥ ১৮১ ॥
ইতি শ্রীরুদ্রয়ামলতঃ শ্রীহনুমত্সহস্রনামস্তোত্রং সম্পূর্ণম্ ।
– Chant Stotra in Other Languages –
Sri Anjaneya Names » 1000 Names of Sri Hanuman » Sahasranama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil