॥ Jagannatha Sahasranama Stotram Odia Lyrics ॥
॥ ଶ୍ରୀଜଗନ୍ନାଥସହସ୍ରନାମସ୍ତୋତ୍ରମ୍ ॥
॥ ଓଂ ଶ୍ରୀଜଗନ୍ନାଥାୟ ନମୋ ନମଃ ॥
ପ୍ରାର୍ଥନା
ଦେଵଦାନଵଗନ୍ଧର୍ଵୟକ୍ଷଵିଦ୍ୟାଧରୋରଗୈଃ ।
ସେଵ୍ୟମାନଂ ସଦା ଚାରୁକୋଟିସୂର୍ୟସମପ୍ରଭମ୍ ॥ ୧ ॥
ଧ୍ୟାୟେନ୍ନାରାୟଣଂ ଦେଵଂ ଚତୁର୍ଵର୍ଗଫଲପ୍ରଦମ୍ ।
ଜୟ କୃଷ୍ଣ ଜଗନ୍ନାଥ ଜୟ ସର୍ଵାଧିନାୟକ ॥ ୨ ॥
ଜୟାଶେଷଜଗଦ୍ଵନ୍ଦ୍ୟପାଦାମ୍ଭୋଜ ନମୋଽସ୍ତୁ ତେ ॥ ୩ ॥
ୟୁଧିଷ୍ଠିର ଉଵାଚ
ୟସ୍ୟ ପ୍ରସାଦାତ୍ତୁ ସର୍ଵଂ ୟସ୍ତୁ ଵିଷ୍ଣୁପରାୟଣଃ ।
ୟସ୍ତୁ ଧାତା ଵିଧାତା ଚ ୟଶ୍ଚ ସତ୍ୟଂ ପରୋ ଭଵେତ୍ ॥ ୧ ॥
ୟସ୍ୟ ମାୟାମୟଂ ଜାଲଂ ତ୍ରୈଲୋକ୍ୟଂ ସଚରାଚରମ୍ ।
ମର୍ତ୍ୟାଂଶ୍ଚ ମୃଗତୃଷ୍ଣାୟାଂ ଭ୍ରାମୟତ୍ୟପି କେଵଲମ୍ ॥ ୨ ॥
ନମାମ୍ୟହଂ ଜଗତପ୍ରୀତ୍ୟା ନାମାନି ଚ ଜଗତ୍ପତିମ୍।
ବୃହତ୍ୟା କଥିତଂ ୟଚ୍ଚ ତନ୍ମେ କଥୟ ସାମ୍ପ୍ରତମ୍ ॥ ୩ ॥
ଭୀଷ୍ମ ଉଵାଚ
ୟୁଧିଷ୍ଠିର ମହାବାହୋ କଥୟାମି ଶୃଣୁଷ୍ଵ ମେ ।
ଜଗନ୍ନାଥସ୍ୟ ନାମାନି ପଵିତ୍ରାଣି ଶୁଭାନି ଚ ॥ ୧ ॥
ମାୟୟା ୟସ୍ୟ ସଂସାରୋ ଵ୍ୟାପୃତଃ ସଚରାଚରଃ ।
ୟସ୍ୟ ପ୍ରସାଦାଦ୍ବ୍ରହ୍ମାଣଂ ସୃଷ୍ଟ୍ଵା ପାତି ଚ ସର୍ଵଦା ॥ ୨ ॥
ବ୍ରହ୍ମାଦିଦଶଦିକ୍ପାଲାନ୍ ମାୟାଵିମୋହିତାନ୍ ଖଲୁ ।
ୟସ୍ୟ ଚେଷ୍ଟାଵରୋହଶ୍ଚ ବ୍ରହ୍ମାଣ୍ଡଖଣ୍ଡଗୋଚରଃ ॥ ୩ ॥
ଦୟା ଵା ମମତା ୟସ୍ୟ ସର୍ଵଭୂତେଷୁ ସର୍ଵଗଃ ।
ସତ୍ୟଧର୍ମଵିଭୂଷସ୍ୟ ଜଗନ୍ନାଥସ୍ୟ ସର୍ଵତଃ ॥ ୪ ॥
କଥୟାମି ସହସ୍ରାଣି ନାମାନି ତଵ ଚାନଘ ॥ ୫ ॥
ଅଥ ଶ୍ରୀଜଗନ୍ନାଥସ୍ୟ ସହସ୍ରନାମସ୍ତୋତ୍ରମ୍ ।
ଅଥ ଵିନିୟୋଗଃ ।
ଅସ୍ୟ ମାତୃକା ମନ୍ତ୍ରସ୍ୟ, ଵେଦଵ୍ୟାସୋ ଋଷିଃ, ଅନୁଷ୍ଟୁପ୍ଛନ୍ଦଃ,
ଶ୍ରୀଜଗନ୍ନାଥୋ ଦେଵତା, ଭଗଵତଃ ଶ୍ରୀଜଗନ୍ନାଥସ୍ୟ ପ୍ରୀତ୍ୟର୍ଥେ
ସହସ୍ରନାମ ପଠନେ ଵିନିୟୋଗଃ ।
ଧ୍ୟାନମ୍
ନୀଲାଦ୍ରୌ ଶଙ୍ଖମଧ୍ୟେ ଶତଦଲକମଲେ ରତ୍ନସିଂହାସନସ୍ଥଂ
ସର୍ଵାଲଙ୍କାରୟୁକ୍ତଂ ନଵଘନରୁଚିରଂ ସଂୟୁତଂ ଚାଗ୍ରଜେନ ।
ଭଦ୍ରାୟା ଵାମଭାଗେ ରଥଚରଣୟୁତଂ ବ୍ରହ୍ମରୁଦ୍ରେନ୍ଦ୍ରଵନ୍ଦ୍ୟଂ
ଵେଦାନାଂ ସାରମୀଶଂ ସ୍ଵଜନପରିଵୃତଂ ବ୍ରହ୍ମଦାରୁ ସ୍ମରାମି ॥
ଶ୍ରୀଭଗଵାନୁଵାଚ
ଚତୁର୍ଭୁଜୋ ଜଗନ୍ନାଥଃ କଣ୍ଠଶୋଭିତକୌସ୍ତୁଭଃ ।
ପଦ୍ମନାଭୋ ଵେଦଗର୍ଭଶ୍ଚନ୍ଦ୍ରସୂର୍ୟଵିଲୋଚନଃ ॥ ୧ ॥
ଜଗନ୍ନାଥୋ ଲୋକନାଥୋ ନୀଲାଦ୍ରୀଶଃ ପରୋ ହରିଃ ।
ଦୀନବନ୍ଧୁର୍ଦୟାସିନ୍ଧୁଃ କୃପାଲୁଃ ଜନରକ୍ଷକଃ ॥ ୨ ॥
କମ୍ବୁପାଣିଃ ଚକ୍ରପାଣିଃ ପଦ୍ମନାଭୋ ନରୋତ୍ତମଃ ।
ଜଗତାଂ ପାଲକୋ ଵ୍ୟାପୀ ସର୍ଵଵ୍ୟାପୀ ସୁରେଶ୍ଵରଃ ॥ ୩ ॥
ଲୋକରାଜୋ ଦେଵରାଜଃ ଶକ୍ରୋ ଭୂପଶ୍ଚ ଭୂପତିଃ ।
ନୀଲାଦ୍ରିପତିନାଥଶ୍ଚ ଅନନ୍ତଃ ପୁରୁଷୋତ୍ତମଃ ॥ ୪ ॥
ତାର୍କ୍ଷ୍ୟୋଧ୍ୟାୟଃ କଲ୍ପତରୁଃ ଵିମଲାପ୍ରୀତିଵର୍ଦ୍ଧନଃ । var? ତାର୍କ୍ଷ୍ୟଧ୍ଵଜଃ
ବଲଭଦ୍ରୋ ଵାସୁଦେଵୋ ମାଧଵୋ ମଧୁସୂଦନଃ ॥ ୫ ॥
ଦୈତ୍ୟାରିଃ ପୁଣ୍ଡରୀକାକ୍ଷୋ ଵନମାଲୀ ବଲପ୍ରିୟଃ ।
ବ୍ରହ୍ମା ଵିଷ୍ଣୁଃ ଵୃଷ୍ଣିଵଂଶୋ ମୁରାରିଃ କୃଷ୍ଣକେଶଵଃ ॥ ୬ ॥
ଶ୍ରୀରାମଃ ସଚ୍ଚିଦାନନ୍ଦୋ ଗୋଵିନ୍ଦଃ ପରମେଶ୍ଵରଃ ।
ଵିଷ୍ଣୁର୍ଜିଷ୍ଣୁର୍ମହାଵିଷ୍ଣୁଃ ପ୍ରଭଵିଷ୍ଣୁର୍ମହେଶ୍ଵରଃ ॥ ୭ ॥
ଲୋକକର୍ତା ଜଗନ୍ନାଥୋ ମହାକର୍ତା ମହାୟଶାଃ ।
ମହର୍ଷିଃ କପିଲାଚାର୍ୟୋ ଲୋକଚାରୀ ସୁରୋ ହରିଃ ॥ ୮ ॥
ଆତ୍ମା ଚ ଜୀଵପାଲଶ୍ଚ ଶୂରଃ ସଂସାରପାଲକଃ ।
ଏକୋନୈକୋ ମମପ୍ରିୟୋ ବ୍ରହ୍ମଵାଦୀ ମହେଶ୍ଵରଃ ॥ ୯ ॥ var? ସର୍ଵପ୍ରିୟୋ ରମାପ୍ରିୟୋ
ଦ୍ଵିଭୁଜଶ୍ଚ ଚତୁର୍ବାହୁଃ ଶତବାହୁଃ ସହସ୍ରକଃ ।
ପଦ୍ମପତ୍ରଵିଶାଲାକ୍ଷଃ ପଦ୍ମଗର୍ଭଃ ପରୋ ହରିଃ ॥ ୧୦ ॥
ପଦ୍ମହସ୍ତୋ ଦେଵପାଲୋ ଦୈତ୍ୟାରିର୍ଦୈତ୍ୟନାଶନଃ ।
ଚତୁର୍ମୂର୍ତିଶ୍ଚତୁର୍ବାହୁଶ୍ଚତୁରାନନସେଵିତଃ ॥ ୧୧ ॥
ପଦ୍ମହସ୍ତଶ୍ଚକ୍ରପାଣିଃ ଶଙ୍ଖହସ୍ତୋ ଗଦାଧରଃ ।
ମହାଵୈକୁଣ୍ଠଵାସୀ ଚ ଲକ୍ଷ୍ମୀପ୍ରୀତିକରଃ ସଦା ॥ ୧୨ ॥
ଵିଶ୍ଵନାଥଃ ପ୍ରୀତିଦଶ୍ଚ ସର୍ଵଦେଵପ୍ରିୟଂକରଃ ।
ଵିଶ୍ଵଵ୍ୟାପୀ ଦାରୁରୂପଶ୍ଚନ୍ଦ୍ରସୂର୍ୟଵିଲୋଚନଃ ॥ ୧୩ ॥ var ପ୍ରିୟଵ୍ୟାପି
ଗୁପ୍ତଗଙ୍ଗୋପଲବ୍ଧିଶ୍ଚ ତୁଲସୀପ୍ରୀତିଵର୍ଦ୍ଧନଃ ।
ଜଗଦୀଶଃ ଶ୍ରୀନିଵାସଃ ଶ୍ରୀପତିଃ ଶ୍ରୀଗଦାଗ୍ରଜଃ ॥ ୧୪ ॥
ସରସ୍ଵତୀମୂଲାଧାରଃ ଶ୍ରୀଵତ୍ସଃ ଶ୍ରୀଦୟାନିଧିଃ ।
ପ୍ରଜାପତିଃ ଭୃଗୁପତିର୍ଭାର୍ଗଵୋ ନୀଲସୁନ୍ଦରଃ ॥ ୧୫ ॥
ୟୋଗମାୟାଗୁଣାରୂପୋ ଜଗଦ୍ୟୋନୀଶ୍ଵରୋ ହରିଃ ।
ଆଦିତ୍ୟଃ ପ୍ରଲୟୋଦ୍ଧାରୀ ଆଦୌ ସଂସାରପାଲକଃ ॥ ୧୬ ॥
କୃପାଵିଷ୍ଟଃ ପଦ୍ମପାଣିରମୂର୍ତିର୍ଜଗଦାଶ୍ରୟଃ ।
ପଦ୍ମନାଭୋ ନିରାକାରଃ ନିର୍ଲିପ୍ତଃ ପୁରୁଷୋତ୍ତମଃ ॥ ୧୭ ॥
କୃପାକରଃ ଜଗଦ୍ଵ୍ୟାପୀ ଶ୍ରୀକରଃ ଶଙ୍ଖଶୋଭିତଃ ।
ସମୁଦ୍ରକୋଟିଗମ୍ଭୀରୋ ଦେଵତାପ୍ରୀତିଦଃ ସଦା ॥ ୧୮ ॥
ସୁରପତିର୍ଭୂତପତିର୍ବ୍ରହ୍ମଚାରୀ ପୁରନ୍ଦରଃ ।
ଆକାଶଵାୟୁମୂର୍ତିଶ୍ଚ ବ୍ରହ୍ମମୂର୍ତିର୍ଜଲେସ୍ଥିତଃ ॥ ୧୯ ॥
ବ୍ରହ୍ମା ଵିଷ୍ଣୁର୍ଦୃଷ୍ଟିପାଲଃ ପରମୋଽମୃତଦାୟକଃ ।
ପରମାନନ୍ଦସମ୍ପୂର୍ଣଃ ପୁଣ୍ୟଦେଵଃ ପରାୟଣଃ ॥ ୨୦ ॥ var ପୁଣ୍ୟଦେହଃ
ଧନୀ ଚ ଧନଦାତା ଚ ଧନଗର୍ଭୋ ମହେଶ୍ଵରଃ ।
ପାଶପାଣିଃ ସର୍ଵଜୀଵଃ ସର୍ଵସଂସାରରକ୍ଷକଃ ॥ ୨୧ ॥
ଦେଵକର୍ତା ବ୍ରହ୍ମକର୍ତା ଵଷିଷ୍ଠୋ ବ୍ରହ୍ମପାଲକଃ ।
ଜଗତ୍ପତିଃ ସୁରାଚାର୍ୟୋ ଜଗଦ୍ଵ୍ୟାପୀ ଜିତେନ୍ଦ୍ରିୟଃ ॥ ୨୨ ॥
ମହାମୂର୍ତିର୍ଵିଶ୍ଵମୂର୍ତିର୍ମହାବୁଦ୍ଧିଃ ପରାକ୍ରମଃ ।
ସର୍ଵବୀଜାର୍ଥଚାରୀ ଚ ଦ୍ରଷ୍ଟା ଵେଦପତିଃ ସଦା ॥ ୨୩ ॥
ସର୍ଵଜୀଵସ୍ୟ ଜୀଵଶ୍ଚ ଗୋପତିର୍ମରୁତାଂ ପତିଃ ।
ମନୋବୁଦ୍ଧିରହଂକାରକାମାଦିକ୍ରୋଧନାଶନଃ ॥ ୨୪ ॥ var କ୍ରୋଧଶାତନଃ
କାମଦେଵଃ କାମପାଲଃ କାମାଙ୍ଗଃ କାମଵଲ୍ଲଭଃ ।
ଶତ୍ରୁନାଶୀ କୃପାସିନ୍ଧୁଃ କୃପାଲୁଃ ପରମେଶ୍ଵରଃ ॥ ୨୫ ॥
ଦେଵତ୍ରାତା ଦେଵମାତା ଭ୍ରାତା ବନ୍ଧୁଃ ପିତା ସଖା ।
ବାଲଵୃଦ୍ଧସ୍ତନୂରୂପୋ ଵିଶ୍ଵକର୍ମା ବଲୋଽବଲଃ ॥ ୨୬ ॥ var ବଲୋଦ୍ବଲଃ
ଅନେକମୂର୍ତିଃ ସତତଂ ସତ୍ୟଵାଦୀ ସତାଂଗତିଃ ।
ଲୋକବ୍ରହ୍ମ ବୃହଦ୍ବ୍ରହ୍ମ ସ୍ଥୂଲବ୍ରହ୍ମ ସୁରେଶ୍ଵରଃ ॥ ୨୭ ॥
ଜଗଦ୍ଵ୍ୟାପୀ ସଦାଚାରୀ ସର୍ଵଭୂତଶ୍ଚ ଭୂପତିଃ । var? ସର୍ଵଭୁଈପଶ୍ଚ
ଦୁର୍ଗପାଲଃ କ୍ଷେତ୍ରନାଥୋ ରତୀଶୋ ରତିନାୟକଃ ॥ ୨୮ ॥
ବଲୀ ଵିଶ୍ଵବଲାଚାରୀ ବଲଦୋ ବଲି-ଵାମନଃ ।
ଦରହ୍ରାସଃ ଶରଚ୍ଚନ୍ଦ୍ରଃ ପରମଃ ପରପାଲକଃ ॥ ୨୯ ॥
ଅକାରାଦିମକାରାନ୍ତୋ ମଧ୍ୟୋକାରଃ ସ୍ଵରୂପଧୃକ୍ ।
ସ୍ତୁତିସ୍ଥାୟୀ ସୋମପାଶ୍ଚ ସ୍ଵାହାକାରଃ ସ୍ଵଧାକରଃ ॥ ୩୦ ॥
ମତ୍ସ୍ୟଃ କୂର୍ମୋ ଵରାହଶ୍ଚ ନରସିଂହଶ୍ଚ ଵାମନଃ ।
ପରଶୁରାମୋ ମହାଵୀର୍ୟୋ ରାମୋ ଦଶରଥାତ୍ମଜଃ ॥ ୩୧ ॥
ଦେଵକୀନନ୍ଦନଃ ଶ୍ରେଷ୍ଠୋ ନୃହରିଃ ନରପାଲକଃ ।
ଵନମାଲୀ ଦେହଧାରୀ ପଦ୍ମମାଲୀ ଵିଭୂଷଣଃ ॥ ୩୨ ॥
ମଲ୍ଲୀକାମାଲଧାରୀ ଚ ଜାତୀୟୂଥିପ୍ରିୟଃ ସଦା ।
ବୃହତ୍ପିତା ମହାପିତା ବ୍ରାହ୍ମଣୋ ବ୍ରାହ୍ମଣପ୍ରିୟଃ ॥ ୩୩ ॥
କଲ୍ପରାଜଃ ଖଗପତିର୍ଦେଵେଶୋ ଦେଵଵଲ୍ଲଭଃ ।
ପରମାତ୍ମା ବଲୋ ରାଜ୍ଞାଂ ମାଙ୍ଗଲ୍ୟଂ ସର୍ଵମଙ୍ଗଲଃ ॥ ୩୪ ॥ var ରାଜା
ସର୍ଵବଲୋ ଦେହଧାରୀ ରାଜ୍ଞାଂ ଚ ବଲଦାୟକଃ ।
ନାନାପକ୍ଷିପତଙ୍ଗାନାଂ ପାଵନଃ ପରିପାଲକଃ ॥ ୩୫ ॥
ଵୃନ୍ଦାଵନଵିହାରୀ ଚ ନିତ୍ୟସ୍ଥଲଵିହାରକଃ ।
କ୍ଷେତ୍ରପାଲୋ ମାନଵଶ୍ଚ ଭୁଵନୋ ଭଵପାଲକଃ ॥ ୩୬ ॥
ସତ୍ତ୍ଵଂ ରଜସ୍ତମୋବୁଦ୍ଧିରହଙ୍କାରପରୋଽପି ଚ ।
ଆକାଶଂଗଃ ରଵିଃ ସୋମୋ ଧରିତ୍ରୀଧରଣୀଧରଃ ॥ ୩୭ ॥
ନିଶ୍ଚିନ୍ତୋ ୟୋଗନିଦ୍ରଶ୍ଚ କୃପାଲୁଃ ଦେହଧାରକଃ । var ଶୋକନିଦ୍ରଶ୍ଚ
ସହସ୍ରଶୀର୍ଷା ଶ୍ରୀଵିଷ୍ଣୁର୍ନିତ୍ୟୋ ଜିଷ୍ଣୁର୍ନିରାଲୟଃ ॥ ୩୮ ॥
କର୍ତା ହର୍ତା ଚ ଧାତା ଚ ସତ୍ୟଦୀକ୍ଷାଦିପାଲକଃ । var ଶକ୍ରଦୀକ୍ଷାଦି
କମଲାକ୍ଷଃ ସ୍ଵୟମ୍ଭୂତଃ କୃଷ୍ଣଵର୍ଣୋ ଵନପ୍ରିୟଃ ॥ ୩୯ ॥
କଲ୍ପଦ୍ରୁମଃ ପାଦପାରିଃ କଲ୍ପକାରୀ ସ୍ଵୟଂ ହରିଃ ।
ଦେଵାନାଂ ଚ ଗୁରୁଃ ସର୍ଵଦେଵରୂପୋ ନମସ୍କୃତଃ ॥ ୪୦ ॥
ନିଗମାଗମଚାରୀ ଚ କୃଷ୍ଣଗମ୍ୟଃ ସ୍ଵୟଂୟଶଃ ।
ନାରାୟଣୋ ନରାଣାଂ ଚ ଲୋକାନାଂ ପ୍ରଭୁରୁତ୍ତମଃ ॥ ୪୧ ॥
ଜୀଵାନାଂ ପରମାତ୍ମା ଚ ଜଗଦ୍ଵନ୍ଦ୍ୟଃ ପରୋ ୟମଃ ।
ଭୂତାଵାସୋ ପରୋକ୍ଷଶ୍ଚ ସର୍ଵଵାସୀ ଚରାଶ୍ରୟଃ ॥ ୪୨ ॥
ଭାଗୀରଥୀ ମନୋବୁଦ୍ଧିର୍ଭଵମୃତ୍ୟୁଃ ପରିସ୍ଥିତଃ ।
ସଂସାରପ୍ରଣୟୀ ପ୍ରୀତଃ ସଂସାରରକ୍ଷକଃ ସଦା ॥ ୪୩ ॥
ନାନାଵର୍ଣଧରୋ ଦେଵୋ ନାନାପୁଷ୍ପଵିଭୂଷଣଃ ।
ନନ୍ଦଧ୍ଵଜୋ ବ୍ରହ୍ମରୂପୋ ଗିରିଵାସୀ ଗଣାଧିପଃ ॥ ୪୪ ॥
ମାୟାଧରୋ ଵର୍ଣଧାରୀ ୟୋଗୀଶଃ ଶ୍ରୀଧରୋ ହରିଃ ।
ମହାଜ୍ୟୋତିର୍ମହାଵୀର୍ୟୋ ବଲଵାଂଶ୍ଚ ବଲୋଦ୍ଭଵଃ ॥ ୪୫ ॥ var ବଲୋଦ୍ଭଵଃ
ଭୂତକୃତ୍ ଭଵନୋ ଦେଵୋ ବ୍ରହ୍ମଚାରୀ ସୁରାଧିପଃ ।
ସରସ୍ଵତୀ ସୁରାଚାର୍ୟଃ ସୁରଦେଵଃ ସୁରେଶ୍ଵରଃ ॥ ୪୬ ॥
ଅଷ୍ଟମୂର୍ତିଧରୋ ରୁଦ୍ର ଇଚ୍ଛାମୂର୍ତିଃ ପରାକ୍ରମଃ ।
ମହାନାଗପତିଶ୍ଚୈଵ ପୁଣ୍ୟକର୍ମା ତପଶ୍ଚରଃ ॥ ୪୭ ॥
ଦିନପୋ ଦୀନପାଲଶ୍ଚ ଦିଵ୍ୟସିଂହୋ ଦିଵାକରଃ ।
ଅନଭୋକ୍ତା ସଭୋକ୍ତା ଚ ହଵିର୍ଭୋକ୍ତା ପରୋଽପରଃ ॥ ୪୮ ॥
ମନ୍ତ୍ରଦୋ ଜ୍ଞାନଦାତା ଚ ସର୍ଵଦାତା ପରୋ ହରିଃ ।
ପରର୍ଦ୍ଧିଃ ପରଧର୍ମା ଚ ସର୍ଵଧର୍ମନମସ୍କୃତଃ ॥ ୪୯ ॥
କ୍ଷମାଦଶ୍ଚ ଦୟାଦଶ୍ଚ ସତ୍ୟଦଃ ସତ୍ୟପାଲକଃ ।
କଂସାରିଃ କେଶିନାଶୀ ଚ ନାଶନୋ ଦୁଷ୍ଟନାଶନଃ ॥ ୫୦ ॥
ପାଣ୍ଡଵପ୍ରୀତିଦଶ୍ଚୈଵ ପରମଃ ପରପାଲକଃ ।
ଜଗଦ୍ଧାତା ଜଗତ୍କର୍ତା ଗୋପଗୋଵତ୍ସପାଲକଃ ॥ ୫୧ ॥
ସନାତନୋ ମହାବ୍ରହ୍ମ ଫଲଦଃ କର୍ମଚାରିଣାମ୍ ।
ପରମଃ ପରମାନନ୍ଦଃ ପରର୍ଦ୍ଧିଃ ପରମେଶ୍ଵରଃ ॥ ୫୨ ॥
ଶରଣଃ ସର୍ଵଲୋକାନାଂ ସର୍ଵଶାସ୍ତ୍ରପରିଗ୍ରହଃ ।
ଧର୍ମକୀର୍ତିର୍ମହାଧର୍ମୋ ଧର୍ମାତ୍ମା ଧର୍ମବାନ୍ଧଵଃ ॥ ୫୩ ॥
ମନଃକର୍ତା ମହାବୁଦ୍ଧିର୍ମହାମହିମଦାୟକଃ ।
ଭୂର୍ଭୁଵଃ ସ୍ଵୋ ମହାମୂର୍ତିଃ ଭୀମୋ ଭୀମପରାକ୍ରମଃ ॥ ୫୪ ॥
ପଥ୍ୟଭୂତାତ୍ମକୋ ଦେଵଃ ପଥ୍ୟମୂର୍ତିଃ ପରାତ୍ପରଃ ।
ଵିଶ୍ଵାକାରୋ ଵିଶ୍ଵଗର୍ଭଃ ସୁରାମନ୍ଦୋ ସୁରେଶ୍ଵରଃ ॥ ୫୫ ॥ var ସୁରହା ଚ
ଭୁଵନେଶଃ ସର୍ଵଵ୍ୟାପୀ ଭଵେଶଃ ଭଵପାଲକଃ ।
ଦର୍ଶନୀୟଶ୍ଚତୁର୍ଵେଦଃ ଶୁଭାଙ୍ଗୋ ଲୋକଦର୍ଶନଃ ॥ ୫୬ ॥
ଶ୍ୟାମଲଃ ଶାନ୍ତମୂର୍ତିଶ୍ଚ ସୁଶାନ୍ତଶ୍ଚତୁରୋତ୍ତମଃ ।
ସାମପ୍ରୀତିଶ୍ଚ ଋକ୍ ପ୍ରୀତିର୍ୟଜୁଷୋଽଥର୍ଵଣପ୍ରିୟଃ ॥ ୫୭ ॥
ଶ୍ୟାମଚନ୍ଦ୍ରଶ୍ଚତୁମୂର୍ତିଶ୍ଚତୁର୍ବାହୁଶ୍ଚତୁର୍ଗତିଃ ।
ମହାଜ୍ୟୋତିର୍ମହାମୂର୍ତିର୍ମହାଧାମା ମହେଶ୍ଵରଃ ॥ ୫୮ ॥
ଅଗସ୍ତିର୍ଵରଦାତା ଚ ସର୍ଵଦେଵପିତାମହଃ ।
ପ୍ରହ୍ଲାଦସ୍ୟ ପ୍ରୀତିକରୋ ଧ୍ରୁଵାଭିମାନତାରକଃ ॥ ୫୯ ॥
ମଣ୍ଡିତଃ ସୁତନୁର୍ଦାତା ସାଧୁଭକ୍ତିପ୍ରଦାୟକଃ ।
ଓଂକାରଶ୍ଚ ପରଂବ୍ରହ୍ମ ଓଂ ନିରାଲଂବନୋ ହରିଃ ॥ ୬୦ ॥
ସଦ୍ଗତିଃ ପରମୋ ହଂସୋ ଜୀଵାତ୍ମା ଜନନାୟକଃ ।
ମନଶ୍ଚିନ୍ତ୍ୟଶ୍ଚିତ୍ତହାରୀ ମନୋଜ୍ଞଶ୍ଚାପଧାରକଃ ॥ ୬୧ ॥
ବ୍ରାହ୍ମଣୋ ବ୍ରହ୍ମଜାତୀନାମିନ୍ଦ୍ରିୟାଣାଂ ଗତିଃ ପ୍ରଭୁଃ ।
ତ୍ରିପାଦାଦୂର୍ଦ୍ଧ୍ଵସମ୍ଭୂତୋ ଵିରାଟ୍ ଚୈଵ ସୁରେଶ୍ଵରଃ ॥ ୬୨ ॥ var ଵିରାଟଶ୍ଚ
ପରାତ୍ପରଃ ପରଃ ପାଦଃ ପଦ୍ମସ୍ଥଃ କମଲାସନଃ ।
ନାନାସନ୍ଦେହଵିଷୟସ୍ତତ୍ତ୍ଵଜ୍ଞାନାଭିନିଵୃତଃ ॥ ୬୩ ॥
ସର୍ଵଜ୍ଞଶ୍ଚ ଜଗଦ୍ବନ୍ଧୁର୍ମନୋଜଜ୍ଞାତକାରକଃ ।
ମୁଖସଂଭୂତଵିପ୍ରସ୍ତୁ ଵାହସମ୍ଭୂତରାଜକଃ ॥ ୬୪ ॥
ଊରୋଵୈଶ୍ୟଃ ପଦୋଭୂତଃ ଶୂଦ୍ରୋ ନିତ୍ୟୋପନିତ୍ୟକଃ ।
ଜ୍ଞାନୀ ମାନୀ ଵର୍ଣଦଶ୍ଚ ସର୍ଵଦଃ ସର୍ଵଭୂଷିତଃ ॥ ୬୫ ॥
ଅନାଦିଵର୍ଣସନ୍ଦେହୋ ନାନାକର୍ମୋପରିସ୍ଥିତଃ ।
ଶୁଦ୍ଧାଦିଧର୍ମସନ୍ଦେହୋ ବ୍ରହ୍ମଦେହଃ ସ୍ମିତାନନଃ ॥ ୬୬ ॥
ଶଂବରାରିର୍ଵେଦପତିଃ ସୁକୃତଃ ସତ୍ତ୍ଵଵର୍ଦ୍ଧନଃ ।
ସକଲଂ ସର୍ଵଭୂତାନାଂ ସର୍ଵଦାତା ଜଗନ୍ମୟଃ ॥ ୬୭ ॥
ସର୍ଵଭୂତହିତୈଷୀ ଚ ସର୍ଵପ୍ରାଣିହିତେ ରତଃ ।
ସର୍ଵଦା ଦେହଧାରୀ ଚ ବଟକୋ ବଟୁଗଃ ସଦା ॥ ୬୮ ॥ var ବଟୁକୋ
ସର୍ଵକର୍ମଵିଧାତା ଚ ଜ୍ଞାନଦଃ କରୁଣାତ୍ମକଃ ।
ପୁଣ୍ୟସମ୍ପତ୍ତିଦାତା ଚ କର୍ତା ହର୍ତା ତଥୈଵ ଚ ॥ ୬୯ ॥
ସଦା ନୀଲାଦ୍ରିଵାସୀ ଚ ନତାସ୍ୟଶ୍ଚ ପୁରନ୍ଦରଃ ।
ନରୋ ନାରାୟଣୋ ଦେଵୋ ନିର୍ମଲୋ ନିରୁପଦ୍ରଵଃ ॥ ୭୦ ॥
ବ୍ରହ୍ମାଶମ୍ଭୁଃ ସୁରଶ୍ରେଷ୍ଠଃ କମ୍ବୁପାଣିର୍ବଲୋଽର୍ଜୁନଃ ।
ଜଗଦ୍ଧାତା ଚିରାୟୁଶ୍ଚ ଗୋଵିନ୍ଦୋ ଗୋପଵଲ୍ଲଭଃ ॥ ୭୧ ॥
ଦେଵୋ ଦେଵୋ ମହାବ୍ରହ୍ମ ମହାରାଜୋ ମହାଗତିଃ ।
ଅନନ୍ତୋ ଭୂତନାଥଶ୍ଚ ଅନନ୍ତଭୂତସମ୍ଭଵଃ ॥ ୭୨ ॥
ସମୁଦ୍ରପର୍ଵତାନାଂ ଚ ଗନ୍ଧର୍ଵାଣାଂ ତଥାଽଽଶ୍ରୟଃ ।
ଶ୍ରୀକୃଷ୍ଣୋ ଦେଵକୀପୁତ୍ରୋ ମୁରାରିର୍ଵେଣୁହସ୍ତକଃ ॥ ୭୩ ॥
ଜଗତ୍ସ୍ଥାୟୀ ଜଗଦ୍ଵ୍ୟାପୀ ସର୍ଵସଂସାରଭୂତିଦଃ ।
ରତ୍ନଗର୍ଭୋ ରତ୍ନହସ୍ତୋ ରତ୍ନାକରସୁତାପତିଃ ॥ ୭୪ ॥
କନ୍ଦର୍ପରକ୍ଷାକାରୀ ଚ କାମଦେଵପିତାମହଃ ।
କୋଟିଭାସ୍କରସଂଜ୍ୟୋତିଃ କୋଟିଚନ୍ଦ୍ରସୁଶୀତଲଃ ॥ ୭୫ ॥
କୋଟିକନ୍ଦର୍ପଲାଵଣ୍ୟଃ କାମମୂର୍ତିର୍ବୃହତ୍ତପଃ ।
ମଥୁରାପୁରଵାସୀ ଚ ଦ୍ଵାରିକୋ ଦ୍ଵାରିକାପତିଃ ॥ ୭୬ ॥
ଵସନ୍ତଋତୁନାଥଶ୍ଚ ମାଧଵଃ ପ୍ରୀତିଦଃ ସଦା ।
ଶ୍ୟାମବନ୍ଧୁର୍ଘନଶ୍ୟାମୋ ଘନାଘନସମଦ୍ୟୁତିଃ ॥ ୭୭ ॥
ଅନନ୍ତକଲ୍ପଵାସୀ ଚ କଲ୍ପସାକ୍ଷୀ ଚ କଲ୍ପକୃତ୍ । var ଅନନ୍ତଃ କଲ୍ପଵାସୀ
ସତ୍ୟନାଥଃ ସତ୍ୟଚାରୀ ସତ୍ୟଵାଦୀ ସଦାସ୍ଥିତଃ ॥ ୭୮ ॥
ଚତୁର୍ମୂର୍ତିଶ୍ଚତୁର୍ବାହୁଶ୍ଚତୁର୍ୟୁଗପତିର୍ଭଵଃ ।
ରାମକୃଷ୍ଣୋ ୟୁଗାନ୍ତଶ୍ଚ ବଲଭଦ୍ରୋ ବଲୋ ବଲୀ ॥ ୭୯ ॥
ଲକ୍ଷ୍ମୀନାରାୟଣୋ ଦେଵଃ ଶାଲଗ୍ରାମଶିଲାପ୍ରଭୁଃ ।
ପ୍ରାଣୋଽପାନଃ ସମାନଶ୍ଚୋଦାନଵ୍ୟାନୌ ତଥୈଵ ଚ ॥ ୮୦ ॥
ପଞ୍ଚାତ୍ମା ପଞ୍ଚତତ୍ତ୍ଵଂ ଚ ଶରଣାଗତପାଲକଃ ।
ୟତ୍କିଂଚିତ୍ ଦୃଶ୍ୟତେ ଲୋକେ ତତ୍ସର୍ଵଂ ଜଗଦୀଶ୍ଵରଃ ॥ ୮୧ ॥
ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ ।
ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ ।
ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ ।
॥ ଇତି ଶ୍ରୀଜଗନ୍ନାଥସହସ୍ରନାମସ୍ତୋତ୍ରମ୍ ॥
ଅଥ ଶ୍ରୀଜଗନ୍ନାଥସହସ୍ରନାମ ମାହାତ୍ମ୍ୟମ୍ ।
ଏଵଂ ନାମସହସ୍ରେଣ ସ୍ତଵୋଽୟଂ ପଠ୍ୟତେ ୟଦି ।
ପାଠଂ ପାଠୟତେ ୟସ୍ତୁ ଶୃଣୁୟାଦପି ମାନଵଃ ॥ ୧ ॥
ସହସ୍ରାଣାଂ ଶତେନୈଵ ୟଜ୍ଞେନ ପରିପୂଜ୍ୟତେ ।
ୟତ୍ପୁଣ୍ୟଂ ସର୍ଵତୀର୍ଥେଷୁ ଵେଦେଷୁ ଚ ଵିଶେଷତଃ ॥ ୨ ॥
ତତ୍ପୁଣ୍ୟଂ କୋଟିଗୁଣିତଂ ଅଚିରାଲ୍ଲଭତେ ନରଃ ।
ଜଗନ୍ନାଥସ୍ୟ ନାମାନି ପୁଣ୍ୟାନି ସଫଲାନି ଚ ॥ ୩ ॥
ଵିଦ୍ୟାର୍ଥୀ ଲଭତେ ଵିଦ୍ୟାଂ ୟୋଗାର୍ଥୀ ୟୋଗମାପ୍ନୁୟାତ୍ ।
କନ୍ୟାର୍ଥୀ ଲଭତେ କନ୍ୟାଂ ଜୟାର୍ଥୀ ଲଭତେ ଜୟମ୍ ॥ ୪ ॥
କାମାର୍ଥୀ ଲଭତେ କାମଂ ପୁତ୍ରାର୍ଥୀ ଲଭତେ ସୁତମ୍ ।
କ୍ଷତ୍ରିୟାଣାଂ ପ୍ରୟୋଗେଣ ସଂଗ୍ରାମେ ଜୟଦଃ ସଦା ॥ ୫ ॥
ଵୈଶ୍ୟାନାଂ ସର୍ଵଧର୍ମଃ ସ୍ୟାଚ୍ଛୂଦ୍ରାଣାଂ ସୁଖମେଧତେ ।
ସାଧୂନାଂ ପଠତୋ ନିତ୍ୟଂ ଜ୍ଞାନଦଃ ଫଲଦସ୍ତଥା ॥ ୬ ॥
ନାଽପଵାଦଂ ନ ଦୁଃଖଂ ଚ କଦା ଚ ଲଭତେ ନରଃ ।
ସର୍ଵସୌଖ୍ୟଂ ଫଲଂ ପ୍ରାପ୍ୟ ଚିରଂଜୀଵୀ ଭଵେନ୍ନରଃ ॥ ୭ ॥
ଶୃଣୁ ରାଜନ୍ ମହାବାହୋ ମହିମାନଂ ଜଗତ୍ପତେଃ ।
ୟସ୍ୟ ସ୍ମରଣମାତ୍ରେଣ ସର୍ଵପାପୈଃ ପ୍ରମୁଚ୍ୟତେ ॥ ୮ ॥
ଜଗନ୍ନାଥଂ ଲୋକନାଥଂ ପଠତେ ୟଃ ସଦା ଶୁଚିଃ ।
କଲିକାଲୋଦ୍ଭଵଂ ପାପଂ ତତ୍କ୍ଷଣାତ୍ତସ୍ୟ ନଶ୍ୟତି ॥ ୯ ॥
ଇତି ଶ୍ରୀବ୍ରହ୍ମପୁରାଣେ ଭୀଷ୍ମ-ୟୁଧିଷ୍ଠିର-ସଂଵାଦେ
ଶ୍ରୀଜଗନ୍ନାଥସହସ୍ରନାମସ୍ତୋତ୍ରଂ ସମାପ୍ତମ୍ ॥