॥ Jvalamukhi Sahasranama Stotram Odia Lyrics ॥
॥ ଶ୍ରୀଜ୍ଵାଲାମୁଖୀସହସ୍ରନାମସ୍ତୋତ୍ରମ୍ ॥
ଶ୍ରୀଭୈରଵ୍ୟୁଵାଚ ।
ଭଗଵନ୍ ସର୍ଵଧର୍ମଜ୍ଞ ଦେଵାନାମଭୟଙ୍କର ।
ପୁରା ମେ ୟତ୍ ତ୍ଵୟା ପ୍ରୋକ୍ତଂ ଵରଂ କୈଲାସସାନୁତଃ ॥ ୧ ॥
କୃପୟା ପରୟା ନାଥ ତଂ ମେ ଦାତୁଂ କ୍ଷମୋ ଭଵ ।
ଶ୍ରୀଭୈରଵ ଉଵାଚ ।
ସତ୍ୟମେତତ୍ ତ୍ଵୟା ପ୍ରୋକ୍ତଂ ଵରଂ ଵରୟ ପାର୍ଵତି ॥ ୨ ॥
ତଂ ପ୍ରୟଚ୍ଛାମି ସଂସିଦ୍ଧ୍ୟୈ ମନସା ୟଦଭୀପ୍ସିତମ୍ ।
ଶ୍ରୀଭୈରଵ୍ୟୁଵାଚ ।
ଜ୍ଵାଲାମୁଖ୍ୟାସ୍ତ୍ଵୟା ଦେଵ ସହସ୍ରାଣି ଚ ତତ୍ତ୍ଵତଃ ॥ ୩ ॥
ପ୍ରୋକ୍ତାନି ବ୍ରୂହି ମେ ଭକ୍ତ୍ୟା ୟଦି ମେ ତ୍ଵତ୍କୃପା ଭଵେତ୍ ।
ଶ୍ରୀଭୈରଵ ଉଵାଚ ।
ପ୍ରଵକ୍ଷ୍ୟାମି ମହାଦେଵି ଜ୍ଵାଲାନାମାନି ତତ୍ତ୍ଵତଃ ॥ ୪ ॥
ସହସ୍ରାଣି କଲୌ ନୄଣାଂ ଵରଦାନି ୟଥେପ୍ସିତମ୍ ।
ଅଭକ୍ତାୟ ନ ଦାତଵ୍ୟଂ ଦୁଷ୍ଟାୟାସାଧକାୟ ଚ । ୫ ॥
ୟା ସା ଜ୍ଵାଲାମୁଖୀ ଦେଵୀ ତ୍ରୈଲୋକ୍ୟଜନନୀ ସ୍ମୃତା ।
ତସ୍ୟା ନାମାନି ଵକ୍ଷ୍ୟାମି ଦୁର୍ଲଭାନି ଜଗତ୍ତ୍ରୟେ ॥ ୬ ॥
ଵିନା ନିତ୍ୟବଲିଂ ସ୍ତୋତ୍ରଂ ନ ରକ୍ଷ୍ୟଂ ସାଧକୋତ୍ତମୈଃ ।
ଦୁର୍ଭିକ୍ଷେ ଶତ୍ରୁଭୀତୌ ଚ ମାରଣେ ସ୍ତମ୍ଭନେ ପଠେତ୍ ॥ ୭ ॥
ସହସ୍ରାଖ୍ୟଂ ସ୍ତଵଂ ଦେଵ୍ୟାଃ ସଦ୍ୟଃ ସିଦ୍ଧିର୍ଭଵିଷ୍ୟତି ।
ଵିନା ଗନ୍ଧାକ୍ଷତୈଃ ପୁଷ୍ପୈର୍ଧୂପୈର୍ଦୀପୈର୍ଵିନା ବଲିମ୍ ॥ ୮ ॥
ନ ରକ୍ଷ୍ୟଂ ସାଧକେନୈଵ ଦେଵୀନାମସହସ୍ରକମ୍ ।
ଦତ୍ତ୍ଵା ବଲିଂ ପଠେଦ୍ଦେଵ୍ୟା ମନ୍ତ୍ରୀ ନାମସହସ୍ରକମ୍ ।
ଦେଵି ସତ୍ୟଂ ମୟା ପ୍ରୋକ୍ତଂ ସିଦ୍ଧିହାନିସ୍ତତୋଽନ୍ୟଥା ॥ ୯ ॥
ଅସ୍ୟ ଶ୍ରୀଜ୍ଵାଲାମୁଖୀସହସ୍ରନାମସ୍ତଵସ୍ୟ ଭୈରଵ ଋଷିଃ,
ଅନୁଷ୍ଟୁପ୍ ଛନ୍ଦଃ, ଶ୍ରୀଜ୍ଵାଲାମୁଖୀ ଦେଵତା, ହ୍ରୀଂ ବୀଜଂ, ଶ୍ରୀଂ ଶକ୍ତିଃ,
ଓଂ କୀଲକଂ ପାଠେ ଵିନିୟୋଗଃ ।
॥ ଅଙ୍ଗନ୍ୟାସଃ ॥
ଭୈରଵଋଷୟେ ନମଃ ଶିରସି । ଅନୁଷ୍ଟୁପ୍ଛନ୍ଦସେ ନମୋ ମୁଖେ ।
ଶ୍ରୀଜ୍ଵାଲାମୁଖୀଦେଵତାୟୈ ନମୋ ହୃଦି ।
ହ୍ରୀଂ ବୀଜାୟ ନମୋ ନାଭୌ । ଶ୍ରୀଂ ଶକ୍ତୟେ ନମୋ ଗୁହ୍ୟେ ।
ଓଂ କୀଲକାୟ ନମଃ ପାଦୟୋଃ । ଵିନିୟୋଗାୟ ନମଃ ସର୍ଵାଙ୍ଗେଷୁ ।
ଓଂ ହ୍ୟାମିତି ଷଡ୍ ଦୀର୍ଘୟୁକ୍ତମାୟୟା କରଷଡଙ୍ଗାନି ଵିଧାୟ ଧ୍ୟାୟେତ୍ ॥
॥ ଧ୍ୟାନମ୍ ॥
ଉଦ୍ୟଚ୍ଚନ୍ଦ୍ରମରୀଚିସନ୍ନିଭମୁଖୀମେକାଦଶାରାବ୍ଜଗାଂ
ପାଶାମ୍ଭୋଜଵରାଭୟାନ୍ କରତଲୈଃ ସମ୍ବିଭ୍ରତୀଂ ସାଦରାତ୍ ।
ଅଗ୍ନୀନ୍ଦ୍ଵର୍କଵିଲୋଚନାଂ ଶଶିକଲାଚୂଡାଂ ତ୍ରିଵର୍ଗୋଜ୍ଜ୍ଵଲାଂ
ପ୍ରେତସ୍ଥାଂ ଜ୍ଵଲଦଗ୍ନିମଣ୍ଡଲଶିଖାଂ ଜ୍ଵାଲାମୁଖୀଂ ନୌମ୍ୟହମ୍ ॥
ଓଂ ହ୍ରୀଂ ଜ୍ଵାଲାମୁଖୀ ଜୈତ୍ରୀ ଶ୍ରୀଞ୍ଜ୍ୟୋତ୍ସ୍ନା ଜୟଦା ଜୟା ।
ଔଦୁମ୍ବରା ମହାନୀଲା ଶୁକ୍ରଲୁପ୍ତା ଶଚୀ ଶ୍ରୁତିଃ ॥ ୧ ॥
ସ୍ମୟଦା ସ୍ମୟହର୍ତ୍ରୀ ଚ ସ୍ମରଶତ୍ରୁପ୍ରିୟଙ୍କରୀ ।
ମାନଦା ମୋହିନୀ ମତ୍ତା ମାୟା ବାଲା ବଲନ୍ଧରା ॥ ୨ ॥
ଭଗରୂପା ଭଗାଵାସା ଭୀରୁଣ୍ଡା ଭୟଘାତିନୀ ।
ଭୀତିର୍ଭୟାନକାସ୍ୟା ଚ ଭ୍ରୂଃ ସୁଭ୍ରୂଃ ସୁଖିନୀ ସତୀ ॥ ୩ ॥
ଶୂଲିନୀ ଶୂଲହସ୍ତା ଚ ଶୂଲିଵାମାଙ୍ଗଵାସିନୀ ।
ଶଶାଙ୍କଜନନୀ ଶୀତା ଶୀତଲା ଶାରିକା ଶିଵା ॥ ୪ ॥
ସ୍ରୁଚିକା ମଧୁମନ୍ମାନ୍ୟା ତ୍ରିଵର୍ଗଫଲଦାୟିନୀ ।
ତ୍ରେତା ତ୍ରିଲୋଚନା ଦୁର୍ଗା ଦୁର୍ଗମା ଦୁର୍ଗତିର୍ଗତିଃ ॥ ୫ ॥
ପୂତା ପ୍ଲୁତିର୍ଵିମର୍ଶା ଚ ସୃଷ୍ଟିକର୍ତ୍ରୀ ସୁଖାଵହା ।
ସୁଖଦା ସର୍ଵମଧ୍ୟସ୍ଥା ଲୋକମାତା ମହେଶ୍ଵରୀ ॥ ୬ ॥
ଲୋକେଷ୍ଟା ଵରଦା ସ୍ତୁତ୍ୟା ସ୍ତୁତିର୍ଦ୍ରୁତଗତିର୍ନୁତିଃ ।
ନୟଦା ନୟନେତ୍ରା ଚ ନଵଗ୍ରହନିଷେଵିତା ॥ ୭ ॥
ଅମ୍ବା ଵରୂଥିନୀ ଵୀରଜନନୀ ଵୀରସୁନ୍ଦରୀ ।
ଵୀରସୂର୍ଵାରୁଣୀ ଵାର୍ତା ଵରାଽଭୟକରା ଵଧୂଃ ॥ ୮ ॥
ଵାନୀରତଲଗା ଵାମ୍ୟା ଵାମାଚାରଫଲପ୍ରଦା ।
ଵୀରା ଶୌର୍ୟକରୀ ଶାନ୍ତା ଶାର୍ଦୂଲତ୍ଵକ୍ ଚ ଶର୍ଵରୀ ॥ ୯ ॥
ଶଲଭୀ ଶାସ୍ତ୍ରମର୍ୟାଦା ଶିଵଦା ଶମ୍ବରାନ୍ତକା ।
ଶମ୍ବରାରିପ୍ରିୟା ଶମ୍ଭୁକାନ୍ତା ଶଶିନିଭାନନା ॥ ୧୦ ॥
ଶସ୍ତ୍ରାୟୁଧଧରା ଶାନ୍ତିର୍ଜ୍ୟୋତିର୍ଦୀପ୍ତିର୍ଜଗତ୍ପ୍ରିୟା ।
ଜଗତୀ ଜିତ୍ଵରା ଜାରୀ ମାର୍ଜାରୀ ପଶୁପାଲିନୀ (୧୦୦) ॥ ୧୧ ॥
ମେରୁମଧ୍ୟଗତା ମୈତ୍ରୀ ମୁସଲାୟୁଧଧାରିଣୀ ।
ମାନ୍ୟା ମନ୍ତ୍ରେଷ୍ଟଦା ମାଧ୍ଵୀ ମାଧ୍ଵୀରସଵିଘୂର୍ଣିତା ॥ ୧୨ ॥
ମୋଦକାହାରମତ୍ତା ଚ ମତ୍ତମାତଙ୍ଗଗାମିନୀ ।
ମହେଶ୍ଵରପ୍ରିୟୋନ୍ମତ୍ତା ଦାର୍ଵୀ ଦୈତ୍ୟଵିମର୍ଦିନୀ ॥ ୧୩ ॥ var ମହେଶ୍ଵରପ୍ରିୟୋନ୍ନତ୍ତା
ଦେଵେଷ୍ଟା ସାଧକେଷ୍ଟା ଚ ସାଧ୍ଵୀ ସର୍ଵତ୍ରଗାଽସମା ।
ସନ୍ତାନକତରୁଶ୍ଛାୟାସନ୍ତୁଷ୍ଟାଽଧ୍ଵଶ୍ରମାପହା ॥ ୧୪ ॥
ଶାରଦା ଶରଦବ୍ଜାକ୍ଷୀ ଵରଦାବ୍ଜନିଭାନନା । var ଵରଦାଽବ୍ଜନିଭାନନା
ନମ୍ରାଙ୍ଗୀ କର୍କଶାଙ୍ଗୀ ଚ ଵଜ୍ରାଙ୍ଗୀ ଵଜ୍ରଧାରିଣୀ ॥ ୧୫ ॥
ଵଜ୍ରେଷ୍ଟା ଵଜ୍ରକଙ୍କାଲା ଵାନରୀଂ ଵାୟୁଵେଗିନୀ ।
ଵରାକୀ କୁଲକା କାମ୍ୟା କୁଲେଷ୍ଟା କୁଲକାମିନୀ ॥ ୧୬ ॥
କୁନ୍ତା କାମେଶ୍ଵରୀ କ୍ରୂରା କୁଲ୍ୟା କାମାନ୍ତକାରିଣୀ ।
କୁନ୍ତୀ କୁନ୍ତଧରା କୁବ୍ଜା କଷ୍ଟହା ଵଗଲାମୁଖୀ ॥ ୧୭ ॥
ମୃଡାନୀ ମଧୁରା ମୂକା ପ୍ରମତ୍ତା ବୈନ୍ଦଵେଶ୍ଵରୀ ।
କୁମାରୀ କୁଲଜାଽକାମା କୂଵରୀ ନଡକୂବରୀ ॥ ୧୮ ॥ var କୂବରୀ
ନଗେଶ୍ଵରୀ ନଗାଵାସା ନଗପୁତ୍ରୀ ନଗାରିହା ।
ନାଗକନ୍ୟା କୁହୂଃ କୁଣ୍ଠୀ କରୁଣା କୃପୟାନ୍ଵିତା ॥ ୧୯ ॥
କକାରଵର୍ଣରୂପାଢ୍ୟା ହ୍ରୀର୍ଲଞ୍ଜା ଶ୍ରୀଃ ଶୁଭାଶୁଭା ।
ଖେଚରୀ ଖଗପତ୍ରୀ ଚ ଖଗନେତ୍ରା ଖଗେଶ୍ଵରୀ ॥ ୨୦ ॥
ଖାତା ଖନିତ୍ରୀ ଖସ୍ଥା ଚ ଜପ୍ୟା ଜାପ୍ୟାଽଜରା ଧୁତିଃ ।
ଜଗତୀ ଜନ୍ମଦା ଜମ୍ଭୀ ଜମ୍ବୁଵୃକ୍ଷତଲସ୍ଥିତା ॥ ୨୧ ॥
ଜାମ୍ବୂନଦପ୍ରିୟା ସତ୍ୟା ସାତ୍ତ୍ଵିକୀ ସତ୍ତ୍ଵଵର୍ଜିତାମ୍ ।
ସର୍ଵମାତା ସମାଲୋକା ଲୋକାଖ୍ୟାତିର୍ଲୟାତ୍ମିକା ॥ ୨୨ ॥ var ଲୋକା ଖ୍ୟାତିର୍ଲୟାତ୍ମିକା
ଲୂତା ଲତା ରତିର୍ଲଜ୍ଜା ଵାଜିଗା (୨୦୦) ଵାରୁଣୀ ଵଶା । var ଲତାରତିର୍ଲଜ୍ଜା
କୁଟିଲା କୁତ୍ସିତା ବ୍ରାହ୍ମୀ ବ୍ରହ୍ମଣି । ବ୍ରହ୍ମଦାୟିନୀ ॥ ୨୩ ॥
ଵ୍ରତେଷ୍ଟା ଵାଜିନୀ ଵସ୍ତିର୍ଵାମନେତ୍ରା ଵଶଙ୍କରୀ ।
ଶଙ୍କରୀ ଶଙ୍କରେଷ୍ଟା ଚ ଶଶାଙ୍କକୃତଶେଖରା ॥ ୨୪ ॥
କୁମ୍ଭେଶ୍ଵରୀ କୁରୁଘ୍ନୀ ଚ ପାଣ୍ଡଵେଷ୍ଟା ପରାତ୍ପରା ।
ମହିଷାସୁରସଂହର୍ତ୍ରୀ ମାନନୀୟା ମନୁପ୍ରିୟା ॥ ୨୫ ॥
ଦଷିଣା ଦକ୍ଷଜା ଦକ୍ଷା ଦ୍ରାକ୍ଷା ଦୂତୀ ଦ୍ୟୁତିର୍ଧରା ।
ଧର୍ମଦା ଧର୍ମରାଜେଷ୍ଟା ଧର୍ମସ୍ଥା ଧର୍ମପାଲିନୀ ॥ ୨୬ ॥
ଧନଦା ଧନିକା ଧର୍ମ୍ୟା ପତାକା ପାର୍ଵତୀ ପ୍ରଜା ।
ପ୍ରଜାଵତୀ ପୁରୀ ପ୍ରଜ୍ଞା ପୂଃ ପୁତ୍ରୀ ପତ୍ରିଵାହିନୀ ॥ ୨୭ ॥
ପତ୍ରିହସ୍ତା ଚ ମାତଙ୍ଗୀ ପତ୍ରିକା ଚ ପତିଵ୍ରତା ।
ପୁଷ୍ଟିଃ ପ୍ଲକ୍ଷା ଶ୍ମଶାନସ୍ଥା ଦେଵୀ ଧନଦସେଵିତା ॥ ୨୮ ॥
ଦୟାଵତୀ ଦୟା ଦୂରା ଦୂତା ନିକଟଵାସିନୀ ।
ନର୍ମଦାଽନର୍ମଦା ନନ୍ଦା ନାକିନୀ ନାକସେଵିତା ॥ ୨୯ ॥
ନାସା ସଙ୍କ୍ରାନ୍ତିରୀଡ୍ୟା ଚ ଭୈରଵୀ ଚ୍ଛିନ୍ନମସ୍ତକା ।
ଶ୍ୟାମା ଶ୍ୟାମାମ୍ବରା ପୀତା ପୀତଵସ୍ତ୍ରା କଲାଵତୀ ॥ ୩୦ ॥
କୌତୁକୀ କୌତୁକାଚାରା କୁଲଧର୍ମପ୍ରକାଶିନୀ ।
ଶାମ୍ଭଵୀ ଗାରୁଡୀ ଵିଦ୍ୟା ଗରୁଡାସନସଂସ୍ଥିତା ॥ ୩୧ ॥ var ଗାରୁଡୀଵିଦ୍ୟା
ଵିନତା ଵୈନତେୟେଷ୍ଟା ଵୈଷ୍ଣଵୀ ଵିଷ୍ଣୁପୂଜିତା ।
ଵାର୍ତାଦା ଵାଲୁକା ଵେତ୍ରୀ ଵେତ୍ରହସ୍ତା ଵରାଙ୍ଗନା ॥ ୩୨ ॥
ଵିଵେକଲୋଚନା ଵିଜ୍ଞା ଵିଶାଲା ଵିମଲା ହ୍ୟଜା ।
ଵିଵେକା ପ୍ରଚୁରା ଲୁପ୍ତା ନୌର୍ନାରାୟଣପୂଜିତା ॥ ୩୩ ॥
ନାରାୟଣୀ (୩୦୦) ଚ ସୁମୁଖୀ ଦୁର୍ଜୟା ଦୁଃଖହାରିଣୀ ।
ଦୌର୍ଭାଗ୍ୟହା ଦୁରାଚାରା ଦୁଷ୍ଟହନ୍ତ୍ରୀ ଚ ଦ୍ଵେଷିଣୀ ॥ ୩୪ ॥
ଵାଙ୍ମୟୀ ଭାରତୀ ଭାଷା ମଷୀ ଲେଖକପୂଜିତା ।
ଲେଖପତ୍ରୀ ଚ ଲୋଲାକ୍ଷୀ ଲାସ୍ୟା ହାସ୍ୟା ପ୍ରିୟଙ୍କରୀ ॥ ୩୫ ॥
ପ୍ରେମଦା ପ୍ରଣୟଜ୍ଞା ଚ ପ୍ରମାଣା ପ୍ରତ୍ୟୟାଙ୍କିତା ।
ଵାରାହୀ କୁବ୍ଜିକା କାରା କାରାବନ୍ଧନମୋକ୍ଷଦା ॥ ୩୬ ॥
ଉଗ୍ରା ଚୋଗ୍ରତରୋଗ୍ରେଷ୍ଟା ନୃମାନ୍ୟା ନରସିଂହିକା ।
ନରନାରାୟଣସ୍ତୁତ୍ୟା ନରଵାହନପୂଜିତା ॥ ୩୭ ॥
ନୃମୁଣ୍ଡା ନୂପୁରାଢ୍ୟା ଚ ନୃମାତା ତ୍ରିପୁରେଶ୍ଵରୀ ।
ଦିଵ୍ୟାୟୁଧୋଗ୍ରତାରା ଚ ତ୍ର୍ୟକ୍ଷା ତ୍ରିପୁରମାଲିନୀ ॥ ୩୮ ॥
ତ୍ରିନେତ୍ରା କୋଟରାକ୍ଷୀ ଚ ଷଟ୍ଚକ୍ରସ୍ଥା କ୍ରୀମୀଶ୍ଵରୀ ।
କ୍ରିମିହା କ୍ରିମିୟୋନିଶ୍ଚ କଲା ଚନ୍ଦ୍ରକଲା ଚମୂଃ ॥ ୩୯ ॥
ଚମାମ୍ବଗ ଚ ଚାର୍ଵଙ୍ଗୀ ଚଞ୍ଚଲାକ୍ଷୀ ଚ ଭଦ୍ରଦା ।
ଭଦ୍ରକାଲୀ ସୁଭଦ୍ରା ଚ ଭଦ୍ରାଙ୍ଗୀ ପ୍ରେତଵାହିନୀ ॥ ୪୦ ॥
ସୁଷମା ସ୍ତ୍ରୀପ୍ରିୟା କାନ୍ତା କାମିନୀ କୁଟିଲାଲକା ।
କୁଶବ୍ଦା କୁଗତିର୍ମେଧା ମଧ୍ୟମାଙ୍କା ଚ କାଶ୍ୟପୀ ॥ ୪୧ ॥
ଦକ୍ଷିଣାକାଲିକା କାଲୀ କାଲଭୈରଵପୂଜିତା ।
କ୍ଲୀଙ୍କାରୀ କୁମତିର୍ଵାଣୀ ବାଣାସୁରନିସୂଦିନୀ ॥ ୪୨ ॥
ନିର୍ମମା ନିର୍ମମେଷ୍ଟା ଚ ନିରୟୋନିର୍ନିରାଶ୍ରୟା । var ନିରର୍ୟୋନିର୍ନିରାଶ୍ରୟା
ନିର୍ଵିକାରା ନିରୀହା ଚ ନିଲୟା ନୃପପୁତ୍ରିଣୀ ॥ ୪୩ ॥
ନୃପସେଵ୍ୟା ଵିରିଞ୍ଚୀଷ୍ଟା ଵିଶିଷ୍ଟା ଵିଶ୍ଵମାତୃକା ।
ମାତୃକାଽର୍ଣଵିଲିପ୍ତାଙ୍ଗୀ ମଧୁସ୍ତ୍ରାତା ମଧୁଦ୍ରଵା ॥ ୪୪ ॥
ଶୁକ୍ରେଷ୍ଟା ଶୁକ୍ରସନ୍ତୁଷ୍ଟା ଶୁକ୍ରସ୍ନାତା କୃଶୋଦରୀ ।
ଵୃଷା ଵୃଷ୍ଟିରନାଵୃଷ୍ଟିର୍ଲଭ୍ୟା ଲୋଭଵିଵର୍ଜିତା ॥ ୪୫ ॥
ଅବ୍ଧିଶ୍ଚ (୪୦୦) ଲଲନା ଲକ୍ଷ୍ୟା ଲକ୍ଷ୍ମୀ ରାମା ରମା ରତିଃ ।
ରେଵା ରମ୍ଭୋର୍ଵଶୀ ଵଶ୍ୟା ଵାସୁକିପ୍ରିୟକାରିଣୀ ॥ ୪୬ ॥
ଶେଷା ଶେଷରତା ଶ୍ରେଷ୍ଠା ଶେଷଶାୟିନମସ୍କୃତା ।
ଶୟ୍ୟା ଶର୍ଵପ୍ରିୟା ଶସ୍ତା ପ୍ରଶସ୍ତା ଶମ୍ଭୁସେଵିତା ॥ ୪୭ ॥
ଆଶୁଶୁକ୍ଷଣିନେତ୍ରା ଚ କ୍ଷଣଦା କ୍ଷଣସେଵିତା ।
କ୍ଷୁରିକା କର୍ଣିକା ସତ୍ୟା ସଚରାଚରରୂପିଣୀ ॥ ୪୮ ॥
ଚରିତ୍ରୀ ଚ ଧରିତ୍ରୀ ଚ ଦିତିର୍ଦୈତ୍ୟେନ୍ଦ୍ରପୂଜିତା ।
ଗୁଣିନୀ ଗୁଣରୂପା ଚ ତ୍ରିଗୁଣା ନିର୍ଗୁଣା ଘୃଣା ॥ ୪୯ ॥
ଘୋଷା ଗଜାନନେଷ୍ଟା ଚ ଗଜାକାରା ଗୁଣିପ୍ରିୟା ।
ଗୀତା ଗୀତପ୍ରିୟା ତଥ୍ୟା ପଥ୍ୟା ତ୍ରିପୁରସୁନ୍ଦରୀ ॥ ୫୦ ॥
ପୀନସ୍ତନୀ ଚ ରମଣୀ ରମଣୀଷ୍ଟା ଚ ମୈଥୁନୀ ।
ପଦ୍ମା ପଦ୍ମଧରା ଵତ୍ସା ଧେନୁର୍ମେରୁଧରା ମଘା ॥ ୫୧ ॥
ମାଲତୀ ମଧୁରାଲାପା ମାତୃଜା ମାଲିନୀ ତଥା ।
ଵୈଶ୍ଵାନରପ୍ରିୟା ଵୈଦ୍ୟା ଚିକିତ୍ସା ଵୈଦ୍ୟପୂଜିତା ॥ ୫୨ ॥
ଵେଦିକା ଵାରପୁତ୍ରୀ ଚ ଵୟସ୍ୟା ଵାଗ୍ଭଵୀ ପ୍ରସୂଃ ।
କ୍ରୀତା ପଦ୍ମାସନା ସିଦ୍ଧା ସିଦ୍ଧଲକ୍ଷ୍ମୀଃ ସରସ୍ଵତୀ ॥ ୫୩ ॥
ସତ୍ତ୍ଵଶ୍ରେଷ୍ଠା ସତ୍ତ୍ଵସଂସ୍ଥା ସାମାନ୍ୟା ସାମଵାୟିକା ।
ସାଧକେଷ୍ଟା ଚ ସତ୍ପତ୍ନୀ ସତ୍ପୁତ୍ରୀ ସତ୍କୁଲାଶ୍ରୟା ॥ ୫୪ ॥
ସମଦା ପ୍ରମଦା ଶ୍ରାନ୍ତା ପରଲୋକଗତିଃ ଶିଵା ।
ଘୋରରୂପା ଘୋରରାଵା ମୁକ୍ତକେଶୀ ଚ ମୁକ୍ତିଦା ॥ ୫୫ ॥
ମୋକ୍ଷଦା ବଲଦା ପୁଷ୍ଟିର୍ମୁକ୍ତିର୍ବଲିପ୍ରିୟାଽଭୟା ।
ତିଲପ୍ରସୂନନାସା ଚ ପ୍ରସୂନା କୁଲଶୀର୍ଷିଣୀ ॥ ୫୬ ॥
ପରଦ୍ରୋହକରୀ (୫୦୦) ପାନ୍ଥା ପାରାଵାରସୁତା ଭଗା ।
ଭର୍ଗପ୍ରିୟା ଭର୍ଗଶିଖା ହେଲା ହୈମଵତୀଶ୍ଵରୀ ॥ ୫୭ ॥
ହେରୁକେଷ୍ଟା ଵଟୁସ୍ଥା ଚ ଵଟୁମାତା ଵଟେଶ୍ଵରୀ ।
ନଟିନୀ ତ୍ରୋଟିନୀ ତ୍ରାତା ସ୍ଵସା ସାରଵତୀ ସଭା ॥ ୫୮ ॥
ସୌଭାଗ୍ୟା ଭାଗ୍ୟଦା ଭାଗ୍ୟା ଭୋଗଦା ଭୂଃ ପ୍ରଭାଵତୀ ।
ଚନ୍ଦ୍ରିକା କାଲହତ୍ରୀଂ ଚ ଜ୍ୟୋତ୍ସ୍ନୋଲ୍କାଽଶନିରାହ୍ନିକା ॥ ୫୯ ॥
ଐହିକୀ ଚୌଷ୍ମିକୀ ଚୋଷ୍ମା ଗ୍ରୀଷ୍ମାଂଶୁଦ୍ୟୁତିରୂପିଣୀ ।
ଗ୍ରୀଵା ଗ୍ରୀଷ୍ମାନନା ଗଵ୍ୟା କୈଲାସାଚଲଵାସିନୀ ॥ ୬୦ ॥
ମଲ୍ଲୀ ମାର୍ତଣ୍ଡରୂପା ଚ ମାନହର୍ତ୍ରୀ ମନୋରମା ।
ମାନିନୀ ମାନକର୍ତ୍ରୀ ଚ ମାନସୀ ତାପସୀ ତୁଟିଃ ॥ ୬୧ ॥ var ତ୍ରୁଟିଃ
ପୟଃସ୍ଥା ତୁ ପରବ୍ରହ୍ମସ୍ତୁତା ସ୍ତୋତ୍ରପ୍ରିୟା ତନୁଃ ।
ତନ୍ଵୀ ତନୁତରା ସୂକ୍ଷ୍ମା ସ୍ଥୂଲା ଶୂରପ୍ରିୟାଽଧମା ॥ ୬୨ ॥
ଉତ୍ତମା ମଣିଭୂଷାଢ୍ୟା ମଣିମଣ୍ଡପସଂସ୍ଥିତା ।
ମାଷା ତୀକ୍ଷ୍ଣା ତ୍ରପା ଚିନ୍ତା ମଣ୍ଡିକା ଚର୍ଚିକା ଚଲା ॥ ୬୩ ॥
ଚଣ୍ଡୀ ଚୁଲ୍ଲୀ ଚମତ୍କାରକର୍ତ୍ରୀ ହର୍ତ୍ରୀ ହରୀଶ୍ଵରୀ ।
ହରିସେଵ୍ୟା କପିଶ୍ରେଷ୍ଠା ଚର୍ଚିତା ଚାରୁରୂପିଣୀ ॥ ୬୪ ॥
ଚଣ୍ଡୀଶ୍ଵରୀ ଚଣ୍ଡରୂପା ମୁଣ୍ଡହସ୍ତା ମନୋଗତିଃ ।
ପୋତା ପୂତା ପଵିତ୍ରା ଚ ମଜ୍ଜା ମେଧ୍ୟା ସୁଗନ୍ଧିନୀ ॥ ୬୫ ॥
ସୁଗନ୍ଧା ପୁଷ୍ପିଣୀ ପୁଷ୍ପା ପ୍ରେରିତା ପଵନେଶ୍ଵରୀ ।
ପ୍ରୀତା କ୍ରୋଧାକୁଲା ନ୍ୟସ୍ତା ନ୍ୟକ୍କାରା ସୁରଵାହିନୀ ॥ ୬୬ ॥
ସ୍ରୋତସ୍ଵତୀ ମଧୁମତୀ ଦେଵମାତା ସୁଧାମ୍ବରା (୬୦୦) ।
ମତ୍ସ୍ୟା ମତ୍ସ୍ୟେନ୍ଦ୍ରପୀଠସ୍ଥା ଵୀରପାନା ମଦାତୁରା ॥ ୬୭ ॥ var ଭତ୍ସ୍ୟା
ପୃଥିଵୀ ତୈଜସୀ ତୃପ୍ତିର୍ମୂଲାଧାରା ପ୍ରଭା ପୃଥୁଃ ।
ନାଗପାଶଧରାଽନନ୍ତା ପାଶହସ୍ତା ପ୍ରବୋଧିନୀ ॥ ୬୮ ॥ var ନାଗପାଶଧରାନନ୍ତା
ପ୍ରସାଦନା କଲିଙ୍ଗାଖ୍ୟା ମଦନାଶା ମଧୁଦ୍ରଵା ।
ମଧୁଵୀରା ମଦାନ୍ଧା ଚ ପାଵନୀ ଵେଦନା ସ୍ମୃତିଃ ॥ ୬୯ ॥
ବୋଧିକା ବୋଧିନୀ ପୂଷା କାଶୀ ଵାରାଣସୀ ଗୟା ।
କୌଶୀ ଚୋଜ୍ଜୟିନୀ ଧାରା କାଶ୍ମୀରୀ କୁଙ୍କୁମାକୁଲା ॥ ୭୦ ॥
ଭୂମିଃ ସିନ୍ଧୁଃ ପ୍ରଭାସା ଚ ଗଙ୍ଗା ଗୋରୀ ଶୁଭାଶ୍ରୟା ।
ନାନାଵିଦ୍ୟାମୟୀ ଵେତ୍ରଵତୀ ଗୋଦାଵରୀ ଗଦା ॥ ୭୧ ॥
ଗଦହର୍ତ୍ରୀ ଗଜାରୂଢା ଇନ୍ଦ୍ରାଣୀ କୁଲକୌଲିନୀ ।
କୁଲାଚାରା କୁରୂପା ଚ ସୁରୂପା ରୂପଵର୍ଜିତା ॥ ୭୨ ॥
ଚନ୍ଦ୍ରଭାଗା ଚ ୟମୁନା ୟାମୀ ୟମକ୍ଷୟଙ୍କରୀ ।
କାମ୍ଭୋଜୀ ସରୟୂଶ୍ଚିତ୍ରା ଵିତସ୍ତୈରାଵତୀ ଝଷା ॥ ୭୩ ॥
ଚଷିକା ପଥିକା ତନ୍ତ୍ରୀ ଵୀଣା ଵେଣୁଃ ପ୍ରିୟଂଵଦା ।
କୁଣ୍ଡଲିନୀ ନିର୍ଵିକଲ୍ପା ଗାୟତ୍ରୀ ନରକାନ୍ତକା ॥ ୭୪ ॥
କୃଷ୍ଣା ସରସ୍ଵତୀ ତାପୀ ପୟୋର୍ଣା ଶତରୁଦ୍ରିକା ।
କାଵେରୀ ଶତପତ୍ରାଭା ଶତବାହୁଃ ଶତହ୍ରଦା ॥ ୭୫ ॥
ରେଵତୀ ରୋହିଣୀ କ୍ଷିପ୍ୟା କ୍ଷୀରପା କ୍ଷୋଣୀ କ୍ଷମା କ୍ଷୟା । var କ୍ଷିପ୍ରା
କ୍ଷାନ୍ତିର୍ଭ୍ରାନ୍ତିର୍ଗୁରୁର୍ଗୁଵୀ ଗରିଷ୍ଠା ଗୋକୁଲା ନଦୀ ॥ ୭୬ ॥
ନାଦିନୀ କୃଷିଣୀ କୃଷ୍ୟା ସତ୍କୁଟୀ ଭୂମିକା (୭୦୦) ଭ୍ରମା ।
ଵିଭ୍ରାଜମାନା ତୀର୍ଥ୍ୟା ଚ ତୀର୍ଥା ତୀର୍ଥଫଲପ୍ରଦା ॥ ୭୭ ॥
ତରୁଣୀ ତାମସୀ ପାଶା ଵିପାଶା ପ୍ରାଶଧାରିଣୀ ।
ପଶୂପହାରସନ୍ତୁଷ୍ଟା କୁକ୍କୁଟୀ ହଂସଵାହନା ॥ ୭୮ ॥
ମଧୁରା ଵିପୁଲାଽକାଙ୍କ୍ଷା ଵେଦକାଣ୍ଡୀ ଵିଚିତ୍ରିଣୀ ।
ସ୍ଵପ୍ନାଵତୀ ସରିତ୍ ସୀତାଧାରିଣୀ ମତ୍ସରୀ ଚ ମୁତ୍ ॥ ୭୯ ॥
ଶତଦ୍ରୂର୍ଭାରତୀ କଦ୍ରୂରନନ୍ତାନନ୍ତଶାଖିନୀ । var କଦ୍ରୂରନନ୍ତାଽନନ୍ତଶାଖିନୀ
ଵେଦନା ଵାସଵୀ ଵେଶ୍ୟା ପୂତନା ପୁଷ୍ପହାସିନୀ ॥ ୮୦ ॥
ତ୍ରିଶକ୍ତିଃ ଶକ୍ତିରୂପା ଚାକ୍ଷରମାତା କ୍ଷୁରୀ କ୍ଷୁଧା ।
ମନ୍ଦା ମନ୍ଦାକିନୀ ମୁଦ୍ରା ଭୂତା ଭୂତପତିପ୍ରିୟା ॥ ୮୧ ॥
ଭୂତେଷ୍ଟା ପଞ୍ଚଭୂତଘ୍ନୀ ସ୍ଵକ୍ଷା କୋମଲହାସିନୀ ।
ଵାସିନୀ କୁହିକା ଲମ୍ଭା ଲମ୍ବକେଶୀ ସୁକେଶିନୀ ॥ ୮୨ ॥
ଊର୍ଧ୍ଵକେଶୀ ଵିଶାଲାକ୍ଷୀ ଘୋରା ପୁଣ୍ୟପତିପ୍ରିୟା ।
ପାଂସୁଲା ପାତ୍ରହସ୍ତା ଚ ଖର୍ପରୀ ଖର୍ପରାୟୁଧା ॥ ୮୩ ॥
କେକରୀ କାକିନୀ କୁମ୍ଭୀ ସୁଫଲା କେକରାକୃତିଃ ।
ଵିଫଲା ଵିଜୟା ଶ୍ରୀଦା ଶ୍ରୀଦସେଵ୍ୟା ଶୁଭଙ୍କରୀ ॥ ୮୪ ॥
ଶୈତ୍ୟା ଶୀତାଲୟା ଶୀଧୁପାତ୍ରହସ୍ତା କୃପାଵତୀ ।
କାରୁଣ୍ୟା ଵିଶ୍ଵସାରା ଚ କରୁଣା କୃପଣା କୃପା ॥ ୮୪ ॥
ପ୍ରଜ୍ଞା ଜ୍ଞାନା ଚ ଷଡ୍ଵର୍ଗା ଷଡାସ୍ୟା ଷଣ୍ମୁଖପ୍ରିୟା ।
କ୍ରୌଞ୍ଚୀ କ୍ରୌଞ୍ଚାଦ୍ରିନିଲୟା ଦାନ୍ତା ଦାରିଦ୍ର୍ୟନାଶିନୀ ॥ ୮୬ ॥
ଶାଲା ଚାଭାସୁରା ସାଧ୍ୟା ସାଧନୀୟା ଚ ସାମଗା ।
ସପ୍ତସ୍ଵରା ସପ୍ତଧରା ସପ୍ତସପ୍ତିଵିଲୋଚନା ॥ ୮୭ ॥
ସ୍ଥିତିଃ କ୍ଷେମଙ୍କରୀ ସ୍ଵାହା ଵାଚାଲୀ (୮୦୦) ଵିଵିଷାମ୍ବରା ।
କଲକଣ୍ଠୀ ଘୋଷଧରା ସୁଗ୍ରୀଵା କନ୍ଧରା ରୁଚିଃ ॥ ୮୮ ॥
ଶୁଚିସ୍ମିତା ସମୁଦ୍ରେଷ୍ଟା ଶଶିନୀ ଵଶିନୀ ସୁଦୃକ୍ ।
ସର୍ଵଜ୍ଞା ସର୍ଵଦା ଶାରୀ ସୁନାସା ସୁରକନ୍ୟକା ॥ ୮୯ ॥
ସେନା ସେନାସୁତା ଶୃଙ୍ଗୀ ଶୃଙ୍ଗିଣୀ ହାଟକେଶ୍ଵରୀ ।
ହୋଟିକା ହାରିଣୀ ଲିଙ୍ଗା ଭଗଲିଙ୍ଗସ୍ଵରୂପିଣୀ ॥ ୯୦ ॥
ଭଗମାତା ଚ ଲିଙ୍ଗାଖ୍ୟା ଲିଙ୍ଗପ୍ରୀତିଃ କଲିଙ୍ଗଜା ।
କୁମାରୀ ୟୁଵତୀ ପ୍ରୌଢା ନଵୋଢା ପ୍ରୌଢରୂପିର୍ଣା ॥ ୯୧ ॥
ରମ୍ୟା ରଜୋଵତୀ ରଜ୍ଜୁ ରଜୋଲୀ ରାଜସୀ ଘଟୀ ।
କୈଵର୍ତୀ ରାକ୍ଷସୀ ରାତ୍ରୀ ରାତ୍ରିଞ୍ଚରକ୍ଷୟଙ୍କରୀ ॥ ୯୨ ॥
ମହୋଗ୍ରା ମୁଦିତା ଭିଲ୍ଲୀ ଭଲ୍ଲହସ୍ତା ଭୟଙ୍କରୀ ।
ତିଲାଭା ଦାରିକା ଦ୍ଵାଃସ୍ଥା ଦ୍ଵାରିକା ମଧ୍ୟଦେଶଗା ॥ ୯୩ ॥
ଚିତ୍ରଲେଖା ଵସୁମତୀ ସୁନ୍ଦରାଙ୍ଗୀ ଵସୁନ୍ଧରା ।
ଦେଵତା ପର୍ଵତସ୍ଥା ଚ ପରଭୂଃ ପରମାକୃତିଃ ॥ ୯୪ ॥
ପରମୂତିର୍ମୁଣ୍ଡମାଲା ନାଗୟଜ୍ଞୋପଵୀତିନୀ ।
ଶ୍ମଶାନକାଲିକା ଶ୍ମଶ୍ରୁଃ ପ୍ରଲୟାତ୍ମା ପ୍ରଲୋପିନୀ ॥ ୯୫ ॥
ପ୍ରସ୍ଥସ୍ଥା ପ୍ରସ୍ଥିନୀ ପ୍ରସ୍ଥା ଧୂମ୍ରାର୍ଚିର୍ଧୂମ୍ରରୂପିଣୀ ।
ଧୂମ୍ରାଙ୍ଗୀ ଧୂମ୍ରକେଶା ଚ କପିଲା କାଲନାଶିନୀ ॥ ୯୬ ॥
କଙ୍କାଲୀ କାଲରୂପା ଚ କାଲମାତା ମଲିମ୍ଲୁଚୀ ।
ଶର୍ଵାଣୀ ରୁଦ୍ରପତ୍ନୀ ଚ ରୌଦ୍ରୀ ରୁଦ୍ରସ୍ଵରୂପିଣୀ ॥ ୯୭ ॥
ସନ୍ଧ୍ୟା ତ୍ରିସନ୍ଧ୍ୟା ସମ୍ପୂଜ୍ୟା ସର୍ଵୈଶ୍ଵର୍ୟପ୍ରଦାୟିନୀ ।
କୁଲଜା ସତ୍ୟଲୋକେଶା ସତ୍ୟଵାକ୍ ସତ୍ୟଵାଦିନୀ ॥ ୩୮ ॥
ସତ୍ୟସ୍ଵରା ସତ୍ୟମୟୀ ହରିଦ୍ଵାରା ହରିନ୍ମୟୀ ।
ହରିଦ୍ରତନ୍ମୟୀ ରାଶି (୯୦୦) ର୍ଗ୍ରହତାରାତିଥିତନୁଃ ॥ ୯୯ ॥
ତୁମ୍ବୁରୁସ୍ତ୍ରୁଟିକା ତ୍ରୋଟୀ ଭୁଵନେଶୀ ଭୟାପହା ।
ରାଜ୍ଞୀ ରାଜ୍ୟପ୍ରଦା ୟୋଗ୍ୟା ୟୋଗିନୀ ଭୁଵନେଶ୍ଵରୀ ॥ ୧୦୦ ॥
ତୁରୀ ତାରା ମହାଲକ୍ଷ୍ମୀର୍ଭୀଡା ଭାର୍ଗୀ ଭୟାନକା ।
କାଲରାତ୍ରିର୍ମହାରାତ୍ରିର୍ମହାଵିଦ୍ୟା ଶିଵାଲୟା ॥ ୧୦୧ ॥
ଶିଵାସଙ୍ଗା ଶିଵସ୍ଥା ଚ ସମାଧିରଗ୍ନିଵାହନା ।
ଅଗ୍ନୀଶ୍ଵରୀ ମହାଵ୍ୟାପ୍ତିର୍ବଲାକା ବାଲରୂପିଣୀ ॥ ୧୦୨ ॥ var ମହୀଵ୍ୟାପ୍ତି
ବଟୁକେଶୀ ଵିଲାସା ଚ ସଦସତ୍ପୁରଭୈରଵୀ ।
ଵିଘ୍ନହା ଖଲହା ଗାଥା କଥା କନ୍ଥା ଶୁଭାମ୍ବରା ॥ ୧୦୩ ॥
କ୍ରତୁହା ୠତୁଜା କ୍ରାନ୍ତା ମାଧଵୀ ଚାମରାଵତୀ ।
ଅରୁଣାକ୍ଷୀ ଵିଶାଲାକ୍ଷୀ ପୁଣ୍ୟଶୀଲା ଵିଲାସିନୀ ॥ ୧୦୪ ॥
ସୁମାତା ସ୍କନ୍ଦମାତା ଚ କୃତ୍ତିକା ଭରଣୀ ବଲିଃ ।
ଜିନେଶ୍ଵରୀ ସୁକୁଶଲା ଗୋପୀ ଗୋପତିପୂଜିତା ॥ ୧୦୫ ॥
ଗୁପ୍ତା ଗୋପ୍ୟତରା ଖ୍ୟାତା ପ୍ରକଟା ଗୋପିତାତ୍ମିକା ।
କୁଲାମ୍ନାୟଵତୀ କୀଲା ପୂର୍ଣା ସ୍ଵର୍ଣାଙ୍ଗଦୋତ୍ସୁକା ॥ ୧୦୬ ॥
ଉତ୍କଣ୍ଠା କଲକଣ୍ଠୀ ଚ ରକ୍ତପା ପାନପାଽମଲା ।
ସମ୍ପୂର୍ଣଚନ୍ଦ୍ରଵଦନା ୟଶୋଦା ଚ ୟଶସ୍ଵିନୀ ॥ ୧୦୭ ॥
ଆନନ୍ଦା ସୁନ୍ଦରୀ ସର୍ଵାନନ୍ଦା ନନ୍ଦାତ୍ମଜା ଲୟା ।
ଵିଦ୍ୟୁତ୍ ଖଦ୍ୟୋତରୂପା ଚ ସାଦରା ଜଵିକା ଜଵିଃ ॥ ୧୦୮ ॥ var ଜୀଵକା
ଜନନୀ ଜନହର୍ତ୍ରୀ ଚ ଖର୍ପରା ଖଞ୍ଜନେକ୍ଷଣା ।
ଜୀର୍ଣା ଜୀମୂତଲକ୍ଷ୍ୟା ଚ ଜଟିନୀ ଜୟଵର୍ଧିନୀ ॥ ୧୦୯ ॥
ଜଲସ୍ଥା ଚ ଜୟନ୍ତୀ ଚ ଜମ୍ଭାରିଵରଦା ତଥା ।
ସହସ୍ରନାମସମ୍ପୂର୍ଣା ଦେଵୀ ଜ୍ଵାଲାମୁଖୀ ସ୍ମୃତା (୧୦୦୦) ॥ ୧୧୦ ॥
ଇତି ନାମ୍ନାଂ ସହସ୍ରଂ ତୁ ଜ୍ଵାଲାମୁଖ୍ୟାଃ ଶିଵୋଦିତମ୍ ।
ଚତୁର୍ଵର୍ଗପ୍ରଦଂ ନିତ୍ୟଂ ବୀଜତ୍ରୟପ୍ରକାଶିତମ୍ ॥ ୧୧୧ ॥
ମୋକ୍ଷୈକହେତୁମତୁଲଂ ଭୁକ୍ତିମୁକ୍ତିପ୍ରଦଂ ନୃଣାମ୍ ।
ସ୍ତୁତ୍ୟଂ ଚ ସାଧନୀୟଂ ଚ ସର୍ଵସ୍ଵଂ ସାରମୁତ୍ତମମ୍ ॥ ୧୧୨ ॥
ମହାମନ୍ତ୍ରମୟଂ ଵିଦ୍ୟାମୟଂ ଵିଦ୍ୟାପ୍ରଦଂ ପରମ୍ ।
ପରବ୍ରହ୍ମସ୍ଵରୂପଂ ଚ ସାକ୍ଷାଦମୃତରୂପଣମ୍ ॥ ୧୧୩ ॥
ଅଦ୍ଵୈତରୂପଣଂ ନାମ୍ନାଂ ସହସ୍ରଂ ଭୈରଵୋଦିତମ୍ ।
ୟଃ ପଠେତ୍ ପାଠୟେଦ୍ଵାପି ଶୃଣୋତି ଶ୍ରାଵୟେଦପି ॥ ୧୧୪ ॥
ଭକ୍ତ୍ୟା ୟୁତୋ ମହାଦେଵି ସ ଭଵେଦ୍ଭୈରଵୋପମଃ ।
ଶିଵରାତ୍ର୍ୟାଂ ଚ ସଙ୍କ୍ରାନ୍ତୌ ଗ୍ରହଣେ ଜନ୍ମଵାସରେ ॥ ୧୧୫ ॥
ଭୈରଵସ୍ୟ ବଲିଂ ଦତ୍ତ୍ଵା ମୂଲମନ୍ତ୍ରେଣ ମାନ୍ତ୍ରିକଃ ।
ପଠେନ୍ନାମସହସ୍ରଂ ଚ ଜ୍ଵାଲାମୁଖ୍ୟାଃ ସୁଦୁର୍ଲଭମ୍ ॥ ୧୧୬ ॥
ଅନନ୍ତଫଲଦଂ ଗୋପ୍ୟଂ ତ୍ରିସନ୍ଧ୍ୟଂ ୟଃ ପଠେତ୍ ସୁଧୀଃ ।
ଅଣିମାଦିଵିଭୂତୀନାମୀୟରୋ ଧାର୍ମିକୋ ଭଵେତ୍ ॥ ୧୧୭ ॥
ଅର୍ଧରାତ୍ରେ ସମୁତ୍ଥାୟ ଶୂନ୍ୟଗେହେ ପଠେଦିଦମ୍ ।
ନାମ୍ନାଂ ସହସ୍ରକଂ ଦିଵ୍ୟଂ ତ୍ରିଵାରଂ ସାଧକୋତ୍ତମଃ ॥ ୧୧୮ ॥
କର୍ମଣା ମନସା ଵାଚା ଜ୍ଵାଲାମୁଖ୍ୟାଃ ସୁତୋ ଭଵେତ୍ ।
ମଧ୍ୟାହ୍ନେ ପ୍ରତ୍ୟହଂ ଗତ୍ଵା ପ୍ରେତଭୂମି ଵିଧାନଵିତ୍ ॥ ୧୧୯ ॥
ନରମାଂସଵଲିଂ ଦତ୍ତ୍ଵା ପଠେତ୍ ସହସ୍ରନାମକମ୍ ।
ଦିଵ୍ୟଦେହଧରୋ ଭୂତ୍ଵା ଵିଚରେଦ୍ଭୁଵନତ୍ରୟମ୍ ॥ ୧୨୦ ॥
ଶନିଵାରେ କୁଜେଽଷ୍ଟମ୍ୟାଂ ପଠେନ୍ନାମସହସ୍ରକମ୍ ।
ଦତ୍ତ୍ଵା କ୍ଷୀରବଲିଂ ତସ୍ୟୈ କରସ୍ଥାଃ ସର୍ଵସିଦ୍ଧୟଃ ॥ ୧୨୧ ॥
ଵିନା ନୈଵେଦ୍ୟମାତ୍ରେଣ ନ ରକ୍ଷ୍ୟଂ ସାଧକୋତ୍ତମୈଃ ।
କୁଜଵାରେ ସଦା ଦେଵି ଦତ୍ତ୍ଵାଽଽସଵବଲିଂ ନରଃ ॥ ୧୨୨ ॥ var ଦତ୍ତ୍ଵାସଵବଲିଂ
ପଠେତ୍ ସାଧକ ଏଵାଶୁ ଲଭେଦ୍ ଦର୍ଶନମୁତ୍ତମମ୍ ।
ଶନିଵାରେ ସଦା ଵିଦ୍ୟାଂ ଜପ୍ତ୍ଵା ଦତ୍ତ୍ଵା ବଲିଂ ପ୍ରିୟେ ॥ ୧୨୩ ॥
କପୋତସ୍ୟ ମହେଶାନି ପଠେନ୍ନାମସହସ୍ରକମ୍ ।
ତଦ୍ଗୃହେ ଵର୍ଧତେ ଲକ୍ଷ୍ମୀର୍ଗୋକର୍ଣମିଵ ନିତ୍ୟଶଃ ॥ ୧୨୪ ॥
ଶତାଵର୍ତଂ ଚରେଦ୍ରାତ୍ରୌ ସାଧକୋ ଦର୍ଶନଂ ଲଭେତ୍ ।
ଵନ୍ଧ୍ୟା ଵା କାକଵନ୍ଧ୍ୟା ଵା କୁଙ୍କୁମେନ ଲିଖେଦିଦମ୍ ॥ ୧୨୫ ॥
ସ୍ଵସ୍ତନ୍ୟେନ ଚ ଶୁକ୍ରେଣ ଭୂର୍ଜେ ନାମସହସ୍ରକମ୍ ।
ଗଲେ ଵା ଵାମବାହୌ ଵା ଧାରୟେତ୍ ପ୍ରତ୍ୟହଂ ପ୍ରିୟେ ॥ ୧୨୬ ॥
ଵନ୍ଧ୍ୟାଽପି ଲଭତେ ପୁତ୍ରାତ୍ର୍ଶୂରାନ୍ ଵିଦ୍ୟାଧରୋପମାନ୍ । var ଵନ୍ଧ୍ୟାପି
ଇଦଂ ଧୃତ୍ଵା ସଵ୍ୟବାହୌ ଗତ୍ଵା ରଣଧରାଂ ପ୍ରତି ॥ ୧୨୭ ॥
ନିର୍ଜିତ୍ୟ ଶତ୍ରୁସଙ୍ଘାତାନ୍ ସୁଖୀ ୟାତି ସ୍ଵକଂ ଗୃହମ୍ ।
ଵାରତ୍ରୟଂ ପଠେନ୍ନିତ୍ୟଂ ଶତ୍ରୁନାଶାୟ ପାର୍ଵତି ॥ ୧୨୮ ॥
ବାରଦ୍ଵୟଂ ପଠେଲ୍ଲକ୍ଷ୍ମ୍ୟୈ ମୁକ୍ତ୍ୟୈ ତୁ ଶତଧା ପଠେତ୍ ।
ଵଶ୍ୟାର୍ଥେ ଦଶଧା ନିତ୍ୟଂ ମାରଣାର୍ଥେ ଚ ଵିଂଶତିମ୍ ॥ ୧୨୯ ॥
ସ୍ତମ୍ଭନାର୍ଥେ ପଠେନ୍ନିତ୍ୟଂ ସପ୍ତଧା ମାନ୍ତ୍ରିକୋତ୍ତମଃ ।
ଭୂମ୍ୟର୍ଥେ ତ୍ରିଂଶତିଂ ଦେଵି ପଠେନ୍ନାମସହସ୍ରକମ୍ ॥ ୧୩୦ ॥
ପ୍ରତ୍ୟହମେକଵାରଂ ତୁ ମୃତୋ ମୋକ୍ଷମଵାପ୍ନୁୟାତ୍ ।
ଅପ୍ରକାଶ୍ୟମଦାତଵ୍ୟମଵକ୍ତଵ୍ୟମଭକ୍ତିଷୁ ॥ ୧୩୧ ॥
ଅଶାକ୍ତାୟାକୁଲୀନାୟ କୁପୁତ୍ରାୟ ଦୁରାତ୍ମନେ ।
ଗୁରୁଭକ୍ତିଵିହୀନାୟ ଦୀକ୍ଷାହୀନାୟ ପାର୍ଵତି ॥ ୧୩୨ ॥
ଦତ୍ତ୍ଵା କୁଷ୍ଠୀ ଭଵେଲ୍ଲୋକେ ପରତ୍ର ନରକଂ ଵ୍ରଜେତ୍ ।
ଶ୍ରଦ୍ଧାୟୁକ୍ତାୟ ଭକ୍ତାୟ ସାଧକାୟ ମହାତ୍ମନେ ।
ସାଚାରାୟ ସୁଶୀଲାୟ ଦତ୍ତ୍ଵା ମୋକ୍ଷମଵାପ୍ନୁୟାତ୍ ॥ ୧୩୩ ॥
॥ ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଦଶଵିଦ୍ୟାରହସ୍ୟେ
ଶ୍ରୀଜ୍ଵାଲାମୁଖୀସହସ୍ରନାମସ୍ତୋତ୍ରଂ ସମାପ୍ତମ୍ ॥