॥ Kamakala Kali Sahasranama Stotram Odia Lyrics ॥
॥ ଶ୍ରୀକାମକଲାକାଲୀସହସ୍ରନାମସ୍ତୋତ୍ରମ୍ ॥
ଦେଵ୍ୟୁଵାଚ ।
ତ୍ଵତ୍ତଃ ଶ୍ରୁତଂ ମୟା ନାଥ ଦେଵ ଦେଵ ଜଗତ୍ପତେ ।
ଦେଵ୍ୟାଃ କାମକଲାକାଲ୍ୟା ଵିଧାନଂ ସିଦ୍ଧିଦାୟକମ୍ ॥ ୧ ॥
ତ୍ରୈଲୋକ୍ୟଵିଜୟସ୍ୟାପି ଵିଶେଷେଣ ଶ୍ରୁତୋ ମୟା ।
ତତ୍ପ୍ରସଙ୍ଗେନ ଚାନ୍ୟାସାଂ ମନ୍ତ୍ରଧ୍ୟାନେ ତଥା ଶ୍ରୁତେ ॥ ୨ ॥
ଇଦାନୀଂ ଜାୟତେ ନାଥ ଶୁଶ୍ରୁଷା ମମ ଭୂୟସୀ ।
ନାମ୍ନାଂ ସହସ୍ରେ ତ୍ରିଵିଧମହାପାପୌଘହାରିଣି ॥ ୩ ॥
ଶ୍ରୁତେନ ୟେନ ଦେଵେଶ ଧନ୍ୟା ସ୍ୟାଂ ଭାଗ୍ୟଵତ୍ୟପି ।
ଶ୍ରୀମହାକାଲ ଉଵାଚ ।
ଭାଗ୍ୟଵତ୍ୟସି ଧନ୍ୟାସି ସନ୍ଦେହୋ ନାତ୍ର ଭାଵିନି ॥ ୪ ॥
ସହସ୍ରନାମଶ୍ରଵଣେ ୟସ୍ମାତ୍ତେ ନିଶ୍ଚିତଂ ମନଃ ।
ତସ୍ୟା ନାମ୍ନାନ୍ତୁ ଲକ୍ଷାଣି ଵିଦ୍ୟନ୍ତେ ଚାଥ କୋଟୟଃ ॥ ୫ ॥
ତାନ୍ୟଲ୍ପାୟୁର୍ମତିତ୍ଵେନ ନୃଭିର୍ଦ୍ଧାରୟିତୁଂ ସଦା ।
ଅଶକ୍ୟାନି ଵରାରୋହେ ପଠିତୁଂ ଚ ଦିନେ ଦିନେ ॥ ୬ ॥
ତେଭ୍ୟୋ ନାମସହସ୍ରାଣି ସାରାଣ୍ୟୁଦ୍ଧୃତ୍ୟ ଶମ୍ଭୁନା ।
ଅମୃତାନୀଵ ଦୁଗ୍ଧାଵ୍ଧେର୍ଭୂଦେଵେଭ୍ୟଃ ସମର୍ପିତଂ ॥ ୭ ॥
କାନିଚିତ୍ତତ୍ର ଗୌଣାନି ଗଦିତାନି ଶୁଚିସ୍ମିତେ ।
ରୂଢାଣ୍ୟାକାରହୀନତ୍ଵାଦ୍ ଗୌଣାନି ଗୁଣୟୋଗତଃ ॥ ୮ ॥
ରାହିତ୍ୟାଦ୍ରୂଢିଗୁଣୟୋସ୍ତାନି ସାଙ୍କେତକାନ୍ୟପି ।
ତ୍ରିଵିଧାନ୍ୟପି ନାମାନି ପଠିତାନି ଦିନେ ଦିନେ ॥ ୯ ॥
ରାଧୟନ୍ନୀକ୍ଷିତାନର୍ଥାନ୍ଦଦତ୍ୟମୃତମତ୍ୟୟଂ ।
କ୍ଷପୟତ୍ୟପମୃତ୍ୟୁଂ ଚ ମାରୟନ୍ତି ଦ୍ଵିପୋଽଖିଲାନ୍ ॥ ୧୦ ॥
ଘ୍ନନ୍ତି ରୋଗାନଥୋତ୍ପାତାନ୍ମଙ୍ଗଲଂ କୁର୍ଵତେନ୍ଵହଂ ।
କିମୁତାନ୍ୟତ୍ ସଦା ସନ୍ନିଧାପୟତ୍ୟଽର୍ଥିକାମପି ॥ ୧୧ ॥
ତ୍ରିପୁରଘ୍ନୋଽପ୍ୟଦୋନାମସହସ୍ରଂ ପଠତି ପ୍ରିୟେ ।
ତଦାଜ୍ଞୟାପ୍ୟହମପି କୀର୍ତୟାମି ଦିନେଦିନେ । ୧୨ ॥
ଭଵତ୍ୟପୀଦମସ୍ମତ୍ତଃ ଶିକ୍ଷିତ୍ଵା ତୁ ପଠିଷ୍ୟତି ।
ଭଵିଷ୍ୟତି ଚ ନିର୍ଣୀତଂ ଚତୁର୍ଵର୍ଗସ୍ୟ ଭାଜନଂ ॥ ୧୩ ॥
ମନୋନ୍ୟତୋ ନିରାକୃତ୍ୟ ସାଵଧାନା ନିଶାମୟ ।
ନାମ୍ନାଂ କାମକଲାକାଲ୍ୟାଃ ସହସ୍ରଂ ମୁକ୍ତିଦାୟକଂ ॥ ୧୪ ॥
ଓଂ ଅସ୍ୟ କାମକଲାକାଲୀସହସ୍ରନାମସ୍ତୋତ୍ରସ୍ୟ ଶ୍ରୀତ୍ରିପୁରଘ୍ନଋଷିଃ ।
ଅନୁଷ୍ଟୁପ୍ ଛନ୍ଦଃ । ତ୍ରିଜଗନ୍ମୟରୂପିଣୀ ଭଗଵତୀ ଶ୍ରୀକାମକଲାକାଲୀ ଦେଵତା ।
କ୍ଲୀଂ ବୀଜଂ । ସ୍ଫ୍ରୋଂ ଶକ୍ତିଃ । ହୁଂ କୀଲକଂ । କ୍ଷ୍ରୌଂ ତତ୍ତ୍ଵଂ ।
ଶ୍ରୀକାମକଲାକାଲୀସହସ୍ରନାମସ୍ତୋତ୍ରପାଠେ ଜପେ ଵିନିୟୋଗଃ । ଓଂ ତତ୍ସତ୍ ॥
ଓଂ କ୍ଲୀଂ କାମକଲାକାଲୀ କାଲରାତ୍ରିଃ କପାଲିନୀ ।
କାତ୍ୟାୟନୀ ଚ କଲ୍ୟାଣୀ କାଲାକାରା କରାଲିନୀ ॥ ୧୫ ॥
ଉଗ୍ରମୂର୍ତିର୍ମହାଭୀମା ଘୋରରାଵା ଭୟଙ୍କରା ।
ଭୂତିଦାମୟହନ୍ତ୍ରୀ ଚ ଭଵବନ୍ଧଵିମୋଚନୀ ॥ ୧୬ ॥
ଭଵ୍ୟା ଭଵାନୀ ଭୋଗାଦ୍ୟା ଭୁଜଙ୍ଗପତିଭୂଷଣା ।
ମହାମାୟା ଜଗଦ୍ଧାତ୍ରୀ ପାଵନୀ ପରମେଶ୍ଵରୀ ॥ ୧୭ ॥
ୟୋଗମାତା ୟୋଗଗମ୍ୟା ୟୋଗିନୀ ୟୋଗିପୂଜିତା ।
ଗୌରୀ ଦୁର୍ଗା କାଲିକା ଚ ମହାକଲ୍ପାନ୍ତନର୍ତକୀ ॥ ୧୮ ॥
ଅଵ୍ୟୟା ଜଗଦାଦିଶ୍ଚ ଵିଧାତ୍ରୀ କାଲମର୍ଦ୍ଦିନୀ ।
ନିତ୍ୟା ଵରେଣ୍ୟା ଵିମଲା ଦେଵାରାଧ୍ୟାମିତପ୍ରଭା ॥ ୧୯ ॥
ଭାରୁଣ୍ଡା କୋଟରୀ ଶୁଦ୍ଧା ଚଞ୍ଚଲା ଚାରୁହାସିନୀ ।
ଅଗ୍ରାହ୍ୟାତୀନ୍ଦ୍ରିୟାଗୋତ୍ରା ଚର୍ଚରୋର୍ଦ୍ଧଶିରୋରୁହା ॥ ୨୦ ॥
କାମୁକୀ କମନୀୟା ଚ ଶ୍ରୀକଣ୍ଠମହିପୀ ଶିଵା ।
ମନୋହରା ମାନନୀୟା ମତିଦା ମଣିଭୂଷଣା ॥ ୨୧ ॥
ଶ୍ମଶାନନିଲୟା ରୌଦ୍ରା ମୁକ୍ତକେଶ୍ୟଟ୍ଟହାସିନୀ ।
ଚାମୁଣ୍ଡା ଚଣ୍ଡିକା ଚଣ୍ଡୀ ଚାର୍ଵଙ୍ଗୀ ଚରିତୋଜ୍ଜ୍ଵଲା ॥ ୨୨ ॥
ଘୋରାନନା ଧୂମ୍ରଶିଖା କଂପନା କଂପିତାନନା ।
ଵେପମାନତନୁର୍ଭୀଦା ନିର୍ଭୟା ବାହୁଶାଲିନୀ ॥ ୨୩ ॥
ଉଲ୍ମୁକାକ୍ଷୀ ସର୍ପକର୍ଣୀ ଵିଶୋକା ଗିରିନନ୍ଦିନୀ ।
ଜ୍ୟୋତ୍ସ୍ନାମୁଖୀ ହାସ୍ୟପରା ଲିଙ୍ଗାଲିଙ୍ଗଧରା ସତୀ ॥ ୨୪ ॥
ଅଵିକାରା ମହାଚିତ୍ରା ଚନ୍ଦ୍ରଵକ୍ତ୍ରା ମନୋଜଵା ।
ଅଦର୍ଶନା ପାପହରା ଶ୍ୟାମଲା ମୁଣ୍ଡମେଖଲା ॥ ୨୫ ॥
ମୁଣ୍ଡାଵତଂସିନୀ ନୀଲା ପ୍ରପନ୍ନାନନ୍ଦଦାୟିନୀ ।
ଲଘୁସ୍ତନୀ ଲମ୍ଵକୁଚା ଧୂର୍ଣମାନା ହରାଙ୍ଗନା ॥ ୨୬ ॥
ଵିଶ୍ଵାଵାସା ଶାନ୍ତିକରୀ ଦୀର୍ଘକେଶ୍ୟରିଖଣ୍ଡିନୀ ।
ରୁଚିରା ସୁନ୍ଦରୀ କମ୍ରା ମଦୋନ୍ମତ୍ତା ମଦୋତ୍କଟା ॥ ୨୭ ॥
ଅୟୋମୁଖୀ ଵହ୍ନିମୁଖୀ କ୍ରୋଧନାଽଭୟଦେଶ୍ଵରୀ ।
କୁଡମ୍ବିକା ସାହସିନୀ ଖଙ୍ଗକୀ ରକ୍ତଲେହିନୀ ॥ ୨୮ ॥
ଵିଦାରିଣୀ ପାନରତା ରୁଦ୍ରାଣୀ ମୁଣ୍ଡମାଲିନୀ ।
ଅନାଦିନିଧନା ଦେଵୀ ଦୁର୍ନ୍ନିରୀକ୍ଷ୍ୟା ଦିଗମ୍ବରା ॥ ୨୯ ॥
ଵିଦ୍ୟୁଜ୍ଜିହ୍ଵା ମହାଦଂଷ୍ଟ୍ରା ଵଜ୍ରତୀକ୍ଷ୍ଣା ମହାସ୍ଵନା ।
ଉଦୟାର୍କସମାନାକ୍ଷୀ ଵିନ୍ଧ୍ୟଶୈଲସମାକୃତିଃ ॥ ୩୦ ॥
ନୀଲୋତ୍ପଲଦଲଶ୍ୟାମା ନାଗେନ୍ଦ୍ରାଷ୍ଟକଭୂଷିତା ।
ଅଗ୍ନିଜ୍ଵାଲକୃତାଵାସା ଫେତ୍କାରିଣ୍ୟହିକୁଣ୍ଡଲା ॥ ୩୧ ॥
ପାପଘ୍ନୀ ପାଲିନୀ ପଦ୍ମା ପୂଣ୍ୟା ପୁଣ୍ୟପ୍ରଦା ପରା ।
କଲ୍ପାନ୍ତାମ୍ଭୋଦନିର୍ଘୋଷା ସହସ୍ରାର୍କସମପ୍ରଭା ॥ ୩୨ ॥
ସହସ୍ରପ୍ରେତରାଟ୍ କ୍ରୋଧା ସହସ୍ରେଶପରାକ୍ରମା ।
ସହସ୍ରଧନଦୈଶ୍ଵର୍ୟା ସହସ୍ରାଙ୍ଘ୍ରିକରାମ୍ବିକା ॥ ୩୩ ॥
ସହସ୍ରକାଲଦୁଷ୍ପ୍ରେକ୍ଷ୍ୟା ସହସ୍ରେନ୍ଦ୍ରିୟସଞ୍ଚୟା ।
ସହସ୍ରଭୂମିସଦନା ସହସ୍ରାକାଶଵିଗ୍ରହା ॥ ୩୪ ॥
ସହସ୍ରଚନ୍ଦ୍ରପ୍ରତିମା ସହସ୍ରଗ୍ରହଚାରିଣୀ ।
ସହସ୍ରରୁଦ୍ରତେଜସ୍କା ସହସ୍ରବ୍ରହ୍ମସୃଷ୍ଟିକୃତ୍ ॥ ୩୫ ॥
ସହସ୍ରଵାୟୁଵେଗା ଚ ସହସ୍ରଫଣକୁଣ୍ଡଲା ।
ସହସ୍ରୟତ୍ରମଥିନୀ ସହସ୍ରୋଦଧିସୁସ୍ଥିରା ॥ ୩୬ ॥
ସହସ୍ରବୁଦ୍ଧକରୁଣା ମହାଭାଗା ତପସ୍ଵିନୀ ।
ତ୍ରୈଲୋକ୍ୟମୋହିନୀ ସର୍ଵଭୂତଦେଵଵଶଙ୍କରୀ ॥ ୩୭ ॥
ସୁସ୍ନିଗ୍ଧହୃଦୟା ଘଣ୍ଟାକର୍ଣା ଚ ଵ୍ୟୋମଚାରିଣୀ ।
ଶଙ୍ଖିନୀ ଚିତ୍ରିଣୀଶାନୀ କାଲସଂକର୍ପିଣୀ ଜୟା ॥ ୩୮ ॥
ଅପରାଜିତା ଚ ଵିଜୟା କମଲା କମଲାପ୍ରଦା ।
ଜନୟିତ୍ରୀ ଜଗଦ୍ୟୋନିର୍ହେତୁରୂପା ଚିଦାତ୍ମିକା ॥ ୩୯ ॥
ଅପ୍ରମେୟା ଦୁରାଧର୍ଷା ଧ୍ୟେୟା ସ୍ଵଚ୍ଛନ୍ଦଚାରିଣୀ ।
ଶାତୋଦରୀ ଶାମ୍ଭଵିନୀ ପୂଜ୍ୟା ମାନୋନ୍ନତାଽମଲା ॥ ୪୦ ॥
ଓଂକାରରୂପିଣୀ ତାମ୍ରା ବାଲାର୍କସମତାରକା ।
ଚଲଜ୍ଜିହ୍ଵା ଚ ଭୀମାକ୍ଷୀ ମହାଭୈରଵନାଦିନୀ ॥ ୪୧ ॥
ସାତ୍ଵିକୀ ରାଜସୀ ଚୈଵ ତାମସୀ ଘର୍ଘରାଽଚଲା ।
ମାହେଶ୍ଵରୀ ତଥା ବ୍ରାହ୍ମୀ କୌମାରୀ ମାନିନୀଶ୍ଵରା ॥ ୪୨ ॥
ସୌପର୍ଣୀ ଵାୟଵୀ ଚୈନ୍ଦ୍ରୀ ସାଵିତ୍ରୀ ନୈରୃତୀ କଲା ।
ଵାରୁଣୀ ଶିଵଦୂତୀ ଚ ସୌରୀ ସୌମ୍ୟା ପ୍ରଭାଵତୀ ॥ ୪୩ ॥
ଵାରାହୀ ନାରସିଂହୀ ଚ ଵୈଷ୍ଣଵୀ ଲଲିତା ସ୍ଵରା ।
ମୈତ୍ର୍ୟାର୍ୟମ୍ନୀ ଚ ପୌଷ୍ଣୀ ଚ ତ୍ଵାଷ୍ଟ୍ରୀଵାସଵ୍ୟୁମାରତିଃ ॥ ୪୪ ॥
ରାକ୍ଷସୀ ପାଵନୀ ରୌଦ୍ରୀ ଦାସ୍ରୀ ରୋଦସ୍ୟୁଦୁମ୍ବରୀ ।
ସୁଭଗା ଦୁର୍ଭଗା ଦୀନା ଚଞ୍ଚୁରୀକା ୟଶସ୍ଵିନୀ ॥ ୪୫ ॥
ମହାନନ୍ଦା ଭଗାନନ୍ଦା ପିଛିଲା ଭଗମାଲିନୀ ।
ଅରୁଣା ରେଵତୀ ରକ୍ତା ଶକୁନୀ ଶ୍ୟେନତୁଣ୍ଡିକା ॥ ୪୬ ॥
ସୁରଭୀ ନନ୍ଦିନୀ ଭଦ୍ରା ଵଲା ଚାତିଵଲାମଲା ।
ଉଲୁପୀ ଲମ୍ବିକା ଖେଟା ଲେଲିହାନାନ୍ତ୍ରମାଲିନୀ ॥ ୪୭ ॥
ଵୈନାୟିକୀ ଚ ଵେତାଲୀ ତ୍ରିଜଟା ଭୃକୁଟୀ ମତୀ ।
କୁମାରୀ ୟୁଵତୀ ପ୍ରୌଢା ଵିଦଗ୍ଧା ଘସ୍ମରା ତଥା ॥ ୪୮ ॥
ଜରତୀ ରୋଚନା ଭୀମା ଦୋଲମାଲା ପିଚିଣ୍ଡିଲା ।
ଅଲମ୍ବାକ୍ଷୀ କୁମ୍ଭକର୍ଣୀ କାଲକର୍ଣୀ ମହାସୁରୀ ॥ ୪୯ ॥
ଘଣ୍ଟାରଵାଥ ଗୋକର୍ଣା କାକଜଙ୍ଘା ଚ ମୂଷିକା ।
ମହାହନୁର୍ମହାଗ୍ରୀଵା ଲୋହିତା ଲୋହିତାଶନୀ ॥ ୫୦।
କୀର୍ତିଃ ସରସ୍ଵତୀ ଲକ୍ଷ୍ମୀଃ ଶ୍ରଦ୍ଧା ବୁଦ୍ଧିଃ କ୍ରିୟା ସ୍ଥିତିଃ ।
ଚେତନା ଵିଷ୍ଣୁମାୟା ଚ ଗୁଣାତୀତା ନିରଞ୍ଜନା ॥ ୫୧ ॥
ନିଦ୍ରା ତନ୍ଦ୍ରା ସ୍ମିତା ଛାୟା ଜୃମ୍ଭା କ୍ଷୁଦଶନାୟିତା ।
ତୃଷ୍ଣା କ୍ଷୁଧା ପିପାସା ଚ ଲାଲସା କ୍ଷାନ୍ତିରେଵ ଚ ॥ ୫୨ ॥
ଵିଦ୍ୟା ପ୍ରଜା ସ୍ମୃତି କାନ୍ତିରିଚ୍ଛା ମେଧା ପ୍ରଭା ଚିତିଃ ।
ଧରିତ୍ରୀ ଧରଣୀ ଧନ୍ୟା ଧୋରଣୀ ଧର୍ମସନ୍ତତିଃ ॥ ୫୩ ॥
ହାଲାପ୍ରିୟା ହାରରତିର୍ହାରିଣୀ ହରିଣେକ୍ଷଣା ।
ଚଣ୍ଡୟୋଗେଶ୍ଵରୀ ସିଦ୍ଧି କରାଲୀ ପରିଡାମରୀ ॥ ୫୪ ॥
ଜଗଦାନ୍ୟା ଜନାନନ୍ଦା ନିତ୍ୟାନନ୍ଦମୟୀ ସ୍ଥିରା ।
ହିରଣ୍ୟଗର୍ଭା କୁଣ୍ଡଲିନୀ ଜ୍ଞାନଂ ଧୈର୍ୟଞ୍ଚ ଖେଚରୀ ॥ ୫୫ ॥
ନଗାତ୍ମଜା ନାଗହାରା ଜଟାଭାରାୟତର୍ଦ୍ଦିନୀ ।
ଖଙ୍ଗିନୀ ଶୂଲିନୀ ଚକ୍ରଵତୀ ଵାଣଵତୀ କ୍ଷିତିଃ ॥ ୫୬ ॥
ଘୃଣିଧର୍ତ୍ରୀ ନାଲିକା ଚ କର୍ତ୍ତ୍ରୀ ମତ୍ୟକ୍ଷମାଲିନୀ ।
ପାଶିନୀ ପଶୁହସ୍ତା ଚ ନାଗହସ୍ତା ଧନୁର୍ଧରା ॥ ୫୭ ॥
ମହାମୁଦ୍ଗରହସ୍ତା ଚ ଶିଵାପୋତଧରାପି ଚ ।
ନାରଖପ୍ପର୍ରିଣୀ ଲମ୍ବତ୍କଚମୁଣ୍ଡପ୍ରଧାରିଣୀ ॥ ୫୮ ॥
ପଦ୍ମାଵତ୍ୟନ୍ନପୂର୍ଣାଚ ମହାଲକ୍ଷ୍ମୀଃ ସରସ୍ଵତୀ ।
ଦୁର୍ଗା ଚ ଵିଜୟା ଘୋରା ତଥା ମହିଷମର୍ଦ୍ଦିନୀ ॥ ୫୯ ॥
ଧନଲକ୍ଷ୍ମୀ ଜୟପ୍ରଦାଶ୍ଚାଶ୍ଵାରୂଢା ଜୟଭୈରଵୀ ।
ଶୂଲିନୀ ରାଜମାତଗୀ ରାଜରାଜେଶ୍ଵରୀ ତଥା ॥ ୬୦ ॥
ତ୍ରିପୁଟୋଚ୍ଛିଷ୍ଟଚାଣ୍ଡାଲୀ ଅଘୋରା ତ୍ଵରିତାପି ଚ ।
ରାଜ୍ୟଲକ୍ଷ୍ମୀର୍ଜୟମହାଚଣ୍ଡୟୋଗେଶ୍ଵରୀ ତଥା ॥ ୬୧ ॥
ଗୁହ୍ୟା ମହାଭୈରଵୀ ଚ ଵିଶ୍ଵଲକ୍ଷ୍ମୀରରୁନ୍ଧତୀ ।
ୟନ୍ତ୍ରପ୍ରମଥିନୀ ଚଣ୍ଡୟୋଗେଶ୍ଵର୍ୟପ୍ୟଲମ୍ବୁଷା ॥ ୬୨ ॥
କିରାତୀ ମହାଚଣ୍ଡଭୈରଵୀ କଲ୍ପଵଲ୍ଲରୀ ।
ତ୍ରୈଲୋକ୍ୟଵିଜୟା ସଂପତ୍ପ୍ରଦା ମନ୍ଥାନଭୈରଵୀ ॥ ୬୩ ॥
ମହାମନ୍ତ୍ରେଶ୍ଵରୀ ଵଜ୍ରପ୍ରସ୍ତାରିଣ୍ୟଙ୍ଗଚର୍ପଟା ।
ଜୟଲକ୍ଷ୍ମୀଶ୍ଚଣ୍ଡରୂପା ଜଲେଶ୍ଵରୀ କାମଦାୟିନୀ ॥ ୬୪ ॥
ସ୍ଵର୍ଣକୂଟେଶ୍ଵରୀ ରୁଣ୍ଡା ମର୍ମରୀ ବୁଦ୍ଧିଵର୍ଦ୍ଧିନୀ ।
ଵାର୍ତ୍ତାଲୀ ଚଣ୍ଡଵାର୍ତ୍ତାଲୀ ଜୟଵାର୍ତ୍ତାଲିକା ତଥା ॥ ୬୫ ॥
ଉଗ୍ରଚଣ୍ଡା ସ୍ମଶାନୋଗ୍ରା ଚଣ୍ଡା ଵୈ ରୁଦ୍ରଚଣ୍ଡିକା ।
ଅତିଚଣ୍ଡା ଚଣ୍ଡଵତୀ ପ୍ରଚଣ୍ଡା ଚଣ୍ଡନାୟିକା ॥ ୬୬ ॥
ଚୈତନ୍ୟଭୈରଵୀ କୃଷ୍ଣା ମଣ୍ଡଲୀ ତୁମ୍ବୁରେଶ୍ଵରୀ ।
ଵାଗ୍ଵାଦିନୀ ମୁଣ୍ଡମଧ୍ୟମତ୍ୟନର୍ଧ୍ୟା ପିଶାଚିନୀ ॥ ୬୭ ॥
ମଞ୍ଜୀରା ରୋହିଣୀ କୁଲ୍ୟା ତୁଙ୍ଗା ପୂର୍ଣେଶ୍ଵରୀ ଵରା ।
ଵିଶାଲା ରକ୍ତଚାମୁଣ୍ଡା ଅଘୋରା ଚଣ୍ଡଵାରୁଣୀ ॥ ୬୮ ॥
ଧନଦା ତ୍ରିପୁରା ଵାଗୀଶ୍ଵରୀ ଜୟମଙ୍ଗଲା ।
ଦୈଗମ୍ବରୀ କୁଞ୍ଜିକା ଚ କୁଡୁକ୍କା କାଲଭୈରଵୀ ॥ ୬୯ ॥
କୁକ୍କୁଟୀ ସଙ୍କଟା ଵୀରା କର୍ପଟା ଭ୍ରମରାମ୍ବିକା ।
ମହାର୍ଣଵେଶ୍ଵରୀ ଭୋଗଵତୀ ସଙ୍କେଶ୍ଵରୀ ତଥା ॥ ୭୦ ॥
ପୁଲିନ୍ଦୀ ଶଵରୀ ମ୍ଲେଚ୍ଛୀ ପିଙ୍ଗଲା ଶଵରେଶ୍ଵରୀ ।
ମୋହିନୀ ସିଦ୍ଧିଲକ୍ଷ୍ମୀଶ୍ଚ ବାଲା ତ୍ରିପୁରସୁନ୍ଦରୀ ॥ ୭୧ ॥
ଉଗ୍ରତାରା ଚୈକଜଟା ମହାନୀଲସରସ୍ଵତୀ ।
ତ୍ରିକଣ୍ଟକୀ ଛିନ୍ନମସ୍ତା ମହିଷଘ୍ନୀ ଜୟାଵହା ॥ ୭୨ ॥
ହରସିଦ୍ଧାନଙ୍ଗମାଲା ଫେତ୍କାରୀ ଲଵଣେଶ୍ଵରୀ ।
ଚଣ୍ଡେଶ୍ଵରୀ ନାକୁଲୀଚ ହୟଗ୍ରୀଵେଶ୍ଵରୀ ତଥା ॥ ୭୩ ॥
କାଲିନ୍ଦୀ ଵଜ୍ରଵାରାହୀ ମହାନୀଲପତାକିକା ।
ହଂସେଶ୍ଵରୀ ମୋକ୍ଷଲକ୍ଷ୍ମୀର୍ଭୂତିନୀ ଜାତରେତସା ॥ ୭୪ ॥
ଶାତକର୍ଣା ମହାନୀଲା ଵାମା ଗୁହ୍ୟେଶ୍ଵରୀ ଭ୍ରମିଃ ।
ଏକାନଂଶାଽଭୟା ତାର୍କ୍ଷୀ ଵାଭ୍ରଵୀ ଡାମରୀ ତଥା ॥ ୭୫ ॥
କୋରଙ୍ଗୀ ଚର୍ଚିକା ଵିନ୍ନା ସଂସିକା ବ୍ରହ୍ମଵାଦିନୀ ।
ତ୍ରିକାଲଵେଦିନୀ ନୀଲଲୋହିତା ରକ୍ତଦନ୍ତିକା ॥ ୭୬ ॥
କ୍ଷେମଙ୍କରୀ ଵିଶ୍ଵରୂପା କାମାଖ୍ୟା କୁଲକୁଟ୍ଟନୀ ।
କାମାଙ୍କୁଶା ଵେଶିନୀ ଚ ମାୟୂରୀ ଚ କୁଲେଶ୍ଵରୀ ॥ ୭୭ ॥
ଇଭ୍ରାକ୍ଷୀ ଦ୍ୟୋନକୀ ଶାର୍ଙ୍ଗୀ ଭୀମା ଦେଵୀ ଵରପ୍ରଦା ।
ଧୂମାଵତୀ ମହାମାରୀ ମଙ୍ଗଲା ହାଟକେଶ୍ଵରୀ ॥ ୭୮ ॥
କିରାତୀ ଶକ୍ତିସୌପର୍ଣୀ ବାନ୍ଧଵୀ ଚଣ୍ଡଖେଚରୀ ।
ନିସ୍ତନ୍ଦ୍ରା ଭଵଭୂତିଶ୍ଚ ଜ୍ଵାଲାଘଣ୍ଟାଗ୍ନିମର୍ଦ୍ଦିନୀ ॥ ୭୯ ॥
ସୁରଙ୍ଗା କୌଲିନୀ ରମ୍ୟା ନଟୀ ଚାରାୟଣୀ ଧୃତିଃ ।
ଅନନ୍ତା ପୁଞ୍ଜିକା ଜିହ୍ଵା ଧର୍ମାଧର୍ମପ୍ରଵର୍ତିକା ॥ ୮୦ ॥
ଵନ୍ଦିନୀ ଵନ୍ଦନୀୟା ଚ ଵେଲାଽହସ୍କରିଣୀ ସୁଧା ।
ଅରଣୀ ମାଧଵୀ ଗୋତ୍ରା ପତାକା ଵାଗ୍ମୟୀ ଶ୍ରୁତିଃ ॥ ୮୧ ॥
ଗୂଢା ତ୍ରିଗୂଢା ଵିସ୍ପଷ୍ଟା ମୃଗାଙ୍କା ଚ ନିରିନ୍ଦ୍ରିୟା ।
ମେନାନନ୍ଦକରୀ ଵୋଧ୍ରୀ ତ୍ରିନେତ୍ରା ଵେଦଵାହନା ॥ ୮୨ ॥
କଲସ୍ଵନା ତାରିଣୀ ଚ ସତ୍ୟାମତ୍ୟପ୍ରିୟାଽଜଡା ।
ଏକଵକ୍ତ୍ରା ମହାଵକ୍ତ୍ରା ବହୁଵକ୍ତ୍ରା ଘନାନନା ॥ ୮୩ ॥
ଇନ୍ଦିରା କାଶ୍ୟପୀ ଜ୍ୟୋତ୍ସ୍ନା ଶଵାରୂଢା ତନୂଦରୀ ।
ମହାଶଙ୍ଖଧରା ନାଗୋପଵୀତିନ୍ୟକ୍ଷତାଶୟା ॥ ୮୪ ॥
ନିରିନ୍ଧନା ଧରାଧାରା ଵ୍ୟାଧିଘ୍ନୀ କଲ୍ପକାରିଣୀ ।
ଵିଶ୍ଵେଶ୍ଵରୀ ଵିଶ୍ଵଧାତ୍ରୀ ଵିଶ୍ଵେଶୀ ଵିଶ୍ଵଵନ୍ଦିତା ॥ ୮୫ ॥
ଵିଶ୍ଵା ଵିଶ୍ଵାତ୍ମିକା ଵିଶ୍ଵଵ୍ୟାପିକା ଵିଶ୍ଵତାରିଣୀ ।
ଵିଶ୍ଵସଂହାରିଣୀ ଵିଶ୍ଵହସ୍ତା ଵିଶ୍ଵୋପକାରିକା ॥ ୮୬ ॥
ଵିଶ୍ଵମାତା ଵିଶ୍ଵଗତା ଵିଶ୍ଵାତୀତା ଵିରୋଧିତା ।
ତ୍ରୈଲୋକ୍ୟତ୍ରାଣକର୍ତ୍ରୀ ଚ କୂଟାକାରା କଟଙ୍କଟା ॥ ୮୭ ॥
କ୍ଷାମୋଦରୀ ଚ କ୍ଷେତ୍ରଜ୍ଞା କ୍ଷୟହୀନା କ୍ଷରଵର୍ଜିତା ।
କ୍ଷପା କ୍ଷୋଭକରୀ କ୍ଷେମ୍ୟାଽକ୍ଷୋଭ୍ୟା କ୍ଷେମଦୁଘା କ୍ଷିୟା ॥ ୮୮ ॥
ସୁଖଦା ସୁମୁଖୀ ସୌମ୍ୟା ସ୍ଵଙ୍ଗା ସୁରପରା ସୁଧୀଃ ।
ସର୍ଵାନ୍ତର୍ୟାମିନୀ ସର୍ଵା ସର୍ଵାରାଧ୍ୟା ସମାହିତା ॥ ୮୯ ॥
ତପିନୀ ତାପିନୀ ତୀଵ୍ରା ତପନୀୟା ତୁ ନାଭିଗା ।
ହୈମୀ ହୈମଵତୀ ଋଦ୍ଧିର୍ଵୃଦ୍ଧିର୍ଜ୍ଞାନପ୍ରଦା ନରା ॥ ୯୦ ॥
ମହାଜଟା ମହାପାଦା ମହାହସ୍ତା ମହାହନୁଃ ।
ମହାବଲା ମହାରୋପା ମହାଧୈର୍ୟା ମହାଘୃଣା ॥ ୯୧ ॥
ମହାକ୍ଷମା ପୁଣ୍ୟପାପଧ୍ଵଜିନୀ ଘୁର୍ଘୁରାରଵା ।
ଡାକିନୀ ଶାକିନୀ ରମ୍ୟା ଶକ୍ତିଃ ଶକ୍ତିସ୍ଵରୂପିଣୀ ॥ ୯୨ ॥
ତମିସ୍ରା ଗନ୍ଧରାଶାନ୍ତା ଦାନ୍ତା କ୍ଷାନ୍ତା ଜିତେନ୍ଦ୍ରିୟା ।
ମହୋଦୟା ଜ୍ଞାନିନୀଚ୍ଛା ଵିରାଗା ସୁଖିତାକୃତିଃ ॥ ୯୩ ॥
ଵାସନା ଵାସନାହୀନା ନିଵୃତ୍ତିର୍ନ୍ନିର୍ଵୃତିଃ କୃତିଃ ।
ଅଚଲା ହେତୁରୁନ୍ମୁକ୍ତା ଜୟିନୀ ସଂସ୍ମୃତିଃ ଚ୍ୟୁତା ॥ ୯୪ ॥
କପର୍ଦ୍ଦିନୀ ମୁକୁଟିନୀ ମତ୍ତା ପ୍ରକୃତିରୂର୍ଜିତା ।
ସଦସତ୍ସାକ୍ଷିଣୀ ସ୍ଫୀତା ମୁଦିତା କରୁଣାମୟୀ ॥ ୯୫ ॥
ପୂର୍ଵୋତ୍ତରା ପଶ୍ଚିମା ଚ ଦକ୍ଷିଣାଵିଦିଗୂ ହତା ।
ଆତ୍ମାରାମା ଶିଵାରାମା ରମଣୀ ଶଙ୍କରପ୍ରିୟା ॥ ୯୬ ॥
ଵରେଣ୍ୟା ଵରଦା ଵେଣୀ ସ୍ତମ୍ଭିଣ୍ୟାକର୍ପିଣୀ ତଥା ।
ଉଚ୍ଚାଟନୀ ମାରଣୀ ଚ ଦ୍ଵେଷିଣୀ ଵଶିନୀ ମହୀ ॥ ୯୭ ॥
ଭ୍ରମଣୀ ଭାରତୀ ଭାମା ଵିଶୋକା ଶୋକହାରିଣୀ ।
ସିନୀଵାଲୀ କୁହୂ ରାକାନୁମତି ପଦ୍ମିନୀତିହୃତ୍ ॥ ୯୮ ॥
ସାଵିତ୍ରୀ ଵେଦଜନନୀ ଗାୟତ୍ର୍ୟାହୁତିସାଧିକା ।
ଚଣ୍ଡାଟ୍ଟହାସା ତରୁଣୀ ଭୂର୍ଭୁଵଃସ୍ଵଃକଲେଵରା ॥ ୯୯ ॥
ଅତନୁରତନୁପ୍ରାଣଦାତ୍ରୀ ମାତଙ୍ଗଗାମିନୀ ।
ନିଗମାଦ୍ଧିମଣିଃ ପୃଥ୍ଵୀ ଜନ୍ମମୃତ୍ୟୁଜରୌଷଧୀ ॥ ୧୦୦ ॥
ପ୍ରତାରିଣୀ କଲାଲାପା ଵେଦ୍ୟାଛେଦ୍ୟା ଵସୁନ୍ଧରା ।
ପ୍ରକ୍ଷୁନ୍ନା ଵାସିତା କାମଧେନୁର୍ଵାଞ୍ଛିତଦାୟିନୀ ॥ ୧୦୧ ॥
ସୌଦାମିନୀ ମେଘମାଲା ଶର୍ଵରୀ ସର୍ଵଗୋଚରା ।
ଡମରୁର୍ଡମରୁକା ଚ ନିଃସ୍ଵରା ପରିନାଦିନୀ ॥ ୧୦୨ ॥
ଆହତାତ୍ମା ହତା ଚାପି ନାଦାତୀତା ଵିଲେଶୟା ।
ପରାଽପାରା ଚ ପଶ୍ୟନ୍ତୀ ମଧ୍ୟମା ଵୈଖରୀ ତଥା ॥ ୧୦୩ ॥
ପ୍ରଥମା ଚ ଜଘନ୍ୟା ଚ ମଧ୍ୟସ୍ଥାନ୍ତଵିକାଶିନୀ ।
ପୃଷ୍ଠସ୍ଥା ଚ ପୁରଃସ୍ଥା ଚ ପାର୍ଶ୍ଵସ୍ଥୋର୍ଧ୍ଵତଲସ୍ଥିତା ॥ ୧୦୪ ॥
ନେଦିଷ୍ଠା ଚ ଦଵିଷ୍ଠା ଚ ଵର୍ହିଷ୍ଠା ଚ ଗୁହାଶୟା ।
ଅପ୍ରାପ୍ୟା ଵୃଂହିତା ପୂର୍ଣା ପୁଣ୍ୟୈର୍ନଵିଦନାମୟା ॥ ୧୦୫ ॥ var ପୁଣ୍ୟୈର୍ଵେଦ୍ୟାହ୍ୟ
ସୁଦର୍ଶନା ଚ ତ୍ରିଶିଖା ଵୃହତୀ ସନ୍ତତିର୍ଵିନା ।
ଫେତ୍କାରିଣୀ ଦୀର୍ଘସ୍ରୁକ୍କା ଭାଵନା ଭଵଵଲ୍ଲଭା ॥ ୧୦୬ ॥
ଭାଗୀରଥୀ ଜାହ୍ନଵୀ ଚ କାଵେରୀ ୟମୁନା ସ୍ମୟା ।
ସିପ୍ରା ଗୋଦାଵରୀ ଵେଣ୍ୟା ଵିପାଶା ନର୍ମଦା ଧୁନୀ ॥ ୧୦୭ ॥
ତ୍ରେତା ସ୍ଵାହା ସାମିଧେନୀ ସ୍ରୁକ୍ସ୍ରୁଵା ଚ କ୍ରଵାଵସୁଃ ।
ଗର୍ଵିତା ମାନିନୀ ମେନା ନନ୍ଦିତା ନନ୍ଦନନ୍ଦିନୀ ॥ ୧୦୮ ॥
ନାରାୟଣୀ ନାରକଘ୍ନୀ ରୁଚିରା ରଣଶାଲିନୀ ।
ଆଧାରଣାଧାରତମା ଧର୍ମା ଧ୍ଵନ୍ୟା ଧନପ୍ରଦା ॥ ୧୦୯ ॥
ଅଭିଜ୍ଞା ପଣ୍ଡିତା ମୂକା ଵାଲିଶା ଵାଗଵାଦିନୀ ।
ବ୍ରହ୍ମଵଲ୍ଲୀ ମୁକ୍ତିଵଲ୍ଲୀ ସିଦ୍ଧିଵଲ୍ଲୀ ଵିପହ୍ନଵୀ ॥ ୧୧୦ ॥
ଆହ୍ଲାଦିନୀ ଜିତାମିତ୍ରା ସାକ୍ଷିଣୀ ପୁନରାକୃତି ।
କିର୍ମରୀ ସର୍ଵତୋଭଦ୍ରା ସ୍ଵର୍ଵେଦୀ ମୁକ୍ତିପଦ୍ଧତିଃ ॥ ୧୧୧ ॥
ସୁଷମା ଚନ୍ଦ୍ରିକା ଵନ୍ୟା କୌମୁଦୀ କୁମୁଦାକରା ।
ତ୍ରିସନ୍ଧ୍ୟାମ୍ନାୟସେତୁଶ୍ଚ ଚର୍ଚାଽଛାୟାରି ନୈଷ୍ଠିକୀ ॥ ୧୧୨ ॥
କଲା କାଷ୍ଠା ତିଥିସ୍ତାରା ସଂକ୍ରାତିର୍ଵିଷୁଵତ୍ତଥା ।
ମଞ୍ଜୁନାଦା ମହାଵଲ୍ଗୁ ଭଗ୍ନଭେରୀସ୍ଵନାଽରଟା ॥ ୧୧୩ ॥
ଚିତ୍ରା ସୁପ୍ତିଃ ସୁଷୁପ୍ତିଶ୍ଚ ତୁରୀୟା ତତ୍ତ୍ଵଧାରଣା ।
ମୃତ୍ୟୁଞ୍ଜୟା ମୃତ୍ୟୁହରୀ ମୃତ୍ୟୁମୃତ୍ୟୁଵିଧାୟିନୀ ॥ ୧୧୪ ॥
ହଂସୀ ପରମହଂସୀ ଚ ବିନ୍ଦୁନାଦାନ୍ତଵାସିନୀ ।
ଵୈହାୟସୀ ତ୍ରୈଦଶୀ ଚ ଭୈମୀଵାସାତନୀ ତଥା ॥ ୧୧୫ ॥
ଦୀକ୍ଷା ଶିକ୍ଷା ଅନୂଢା ଚ କଙ୍କାଲୀ ତୈଜସୀ ତଥା ।
ସୁରୀ ଦୈତ୍ୟା ଦାନଵୀ ଚ ନରୋ ନାଥା ସୁରୀ ତ୍ଵରୀ ॥ ୧୧୬ ॥
ମାଧ୍ଵୀ ଖନା ଖରା ରେଖା ନିଷ୍କଲା ନିର୍ମମା ମୃତିଃ ।
ମହତୀ ଵିପୁଲା ସ୍ଵଲ୍ପା କ୍ରୂରା କ୍ରୂରାଶୟାପି ଚ ॥ ୧୧୭ ॥
ଉନ୍ମାଥିନୀ ଧୃତିମତୀ ଵାମନୀ କଲ୍ପଚାରିଣୀ ।
ଵାଡଵୀ ଵଡଵା ଖୋଢା କୋଲା ପିତୃଵଲାୟନା ॥ ୧୧୮ ॥
ପ୍ରସାରିଣୀ ଵିଶାରା ଚ ଦର୍ପିତା ଦର୍ପଣପ୍ରିୟା ।
ଉତ୍ତାନାଧୋମୁଖୀ ସୁପ୍ତା ଵଞ୍ଚନ୍ୟାକୁଞ୍ଚନୀ ତ୍ରୁଟିଃ ॥ ୧୧୯ ॥
କ୍ରାଦିନୀ ୟାତନାଦାତ୍ରୀ ଦୁର୍ଗା ଦୁର୍ଗର୍ତିନାଶିନୀ ।
ଧରାଧରସୁତା ଧୀରା ଧରାଧରକୃତାଲୟା ॥ ୧୨୦ ॥
ସୁଚରିତ୍ରୀ ତଥାତ୍ରୀ ଚ ପୂତନା ପ୍ରେତମାଲିନୀ ।
ରମ୍ଭୋର୍ଵଶୀ ମେନକା ଚ କଲିହୃତ୍କାଲକୃଦ୍ଦଶା ॥ ୧୨୧ ॥
ହରୀଷ୍ଟଦେଵୀ ହେରମ୍ବମାତା ହର୍ୟକ୍ଷଵାହନା ।
ଶିଖଣ୍ଡିନୀ କୋଣ୍ଡୟିନୀ ଵେତୁଣ୍ଡୀ ମନ୍ତ୍ରମୟପି ॥ ୧୨୨ ॥
ଵଜ୍ରେଶ୍ଵରୀ ଲୋହଦଣ୍ଡା ଦୁର୍ଵିଜ୍ଞେୟା ଦୁରାସଦା ।
ଜାଲିନୀ ଜାଲପା ୟାଜ୍ୟା ଭଗିନୀ ଭଗଵତ୍ୟପି ॥ ୧୨୩ ॥
ଭୌଜଙ୍ଗୀ ତୁର୍ଵରା ଵଭ୍ରୁ ମହନୀୟା ଚ ମାନଵୀ ।
ଶ୍ରୀମତୀ ଶ୍ରୀକରୀ ଗାଦ୍ଧୀ ସଦାନନ୍ଦା ଗଣେଶ୍ଵରୀ ॥ ୧୨୪ ॥
ଅସନ୍ଦିଗ୍ଧା ଶାଶ୍ଵତା ଚ ସିଦ୍ଧା ସିଦ୍ଧେଶ୍ଵରୀଡିତା ।
ଜ୍ୟେଷ୍ଠା ଶ୍ରେଷ୍ଠା ଵରିଷ୍ଠା ଚ କୌଶାମ୍ବୀ ଭକ୍ତଵତ୍ସଲା ॥ ୧୨୫ ॥
ଇନ୍ଦ୍ରନୀଲନିଭା ନେତ୍ରୀ ନାୟିକା ଚ ତ୍ରିଲୋଚନା ।
ଵାର୍ହସ୍ପତ୍ୟା ଭାର୍ଗଵୀ ଚ ଆତ୍ରେୟାଙ୍ଗିରସୀ ତଥା ॥ ୧୨୬ ॥
ଧୁର୍ୟାଧିହର୍ତ୍ରୀ ଧାରିତ୍ରୀ ଵିକଟା ଜନ୍ମମୋଚିନୀ ।
ଆପଦୁତ୍ତାରିଣୀ ଦୃପ୍ତା ପ୍ରମିତା ମିତିଵର୍ଜିତା ॥ ୧୨୭ ॥
ଚିତ୍ରରେଖା ଚିଦାକାରା ଚଞ୍ଚଲାକ୍ଷୀ ଚଲତ୍ପଦା ।
ଵଲାହକୀ ପିଙ୍ଗସଟା ମୂଲଭୂତା ଵନେଚରୀ ॥ ୧୨୮ ॥
ଖଗୀ କରନ୍ଧମା ଧ୍ମାକ୍ଷ୍ୟୀ ସଂହିତା କେରରୀନ୍ଧନା । var ଧ୍ମାକ୍ଷୀ
ଅପୁନର୍ଭଵିନୀ ଵାନ୍ତରିଣୀ ଚ ୟମଗଞ୍ଜିନୀ ॥ ୧୨୯ ॥
ଵର୍ଣାତୀତାଶ୍ରମାତୀତା ମୃଡାନୀ ମୃଡଵଲ୍ଲଭା ।
ଦୟାକରୀ ଦମପରା ଦଂଭହୀନା ଦୃତିପ୍ରିୟା ॥ ୧୩୦ ॥
ନିର୍ଵାଣଦା ଚ ନିର୍ବନ୍ଧା ଭାଵାଭାଵଵିଧାୟିନୀ ।
ନୈଃଶ୍ରେୟସୀ ନିର୍ଵିକଲ୍ପା ନିର୍ଵୀଜା ସର୍ଵଵୀଜିକା ॥ ୧୩୧ ॥
ଅନାଦ୍ୟନ୍ତା ଭେଦହୀନା ବନ୍ଧୋନ୍ମୂଲିନ୍ୟଵାଧିତା ।
ନିରାଭାସା ମନୋଗମ୍ୟା ସାୟୁଜ୍ୟାମୃତଦାୟିନୀ ॥ ୧୩୨ ॥
ଇତୀଦଂ ନାମସାହସ୍ରଂ ନାମକୋଟିଶତାଧିକଂ ।
ଦେଵ୍ୟାଃ କାମକଲାକାଲ୍ୟା ମୟାତେ ପ୍ରତିପାଦିତମ୍ ॥ ୧୩୩ ॥
ନାନେନ ସଦୃଶଂ ସ୍ତୋତ୍ରଂ ତ୍ରିଷୁ ଲୋକେଷୁ ଵିଦ୍ୟତେ ।
ୟଦ୍ୟପ୍ୟମୁଷ୍ୟ ମହିମା ଵର୍ଣିତୁଂ ନୈଵ ଶକ୍ୟତେ ॥ ୧୩୪ ॥
ପ୍ରରୋଚନାତୟା କଶ୍ଚିତ୍ତଥାପି ଵିନିଗଦ୍ୟତେ ।
ପ୍ରତ୍ୟହଂ ୟ ଇଦଂ ଦେଵି କୀର୍ତ୍ତୟେଦ୍ଵା ଶୃଣୋତି ଵା ॥ ୧୩୫ ॥
ଗୁଣାଧିକ୍ୟମୃତେ କୋଽପି ଦୋଷୋ ନୈଵୋପଜାୟତେ ।
ଅଶୁଭାନି କ୍ଷୟଂ ୟାନ୍ତି ଜାୟନ୍ତେ ମଙ୍ଗଲାନ୍ୟଥା ॥ ୧୩୬ ॥
ପାରତ୍ରିକାମୁଷ୍ମିକୌ ଦ୍ଵୌ ଲୋକୌ ତେନ ପ୍ରସାଧିତୌ ।
ବ୍ରାହ୍ମଣୋ ଜାୟତେ ଵାଗ୍ମୀ ଵେଦଵେଦାଙ୍ଗପାରଗଃ ॥ ୧୩୭ ॥
ଖ୍ୟାତଃ ସର୍ଵାସୁ ଵିଦ୍ୟାସୁ ଧନଵାନ୍ କଵିପଣ୍ଡିତଃ ।
ୟୁଦ୍ଧେ ଜୟୀ କ୍ଷତ୍ରିୟଃ ସ୍ୟାଦ୍ଦାତା ଭୋକ୍ତା ରିପୁଞ୍ଜୟଃ ॥ ୧୩୮ ॥
ଆହର୍ତା ଚାଶ୍ଵମେଧସ୍ୟ ଭାଜନଂ ପରମାୟୁଷାମ୍ ।
ସମୃଦ୍ଧୋ ଧନ ଧାନ୍ୟେନ ଵୈଶ୍ୟୋ ଭଵତି ତତ୍କ୍ଷଣାତ୍ ॥ ୧୩୯ ॥
ନାନାଵିଧପଶୂନାଂ ହି ସମୃଦ୍ଧ୍ୟା ସ ସମୃଦ୍ଧତେ ।
ଶୂଦ୍ରଃ ସମସ୍ତକଲ୍ୟାଣମାପ୍ନୋତି ଶ୍ରୁତିକୀର୍ତନାତ୍ ॥ ୧୪୦ ॥
ଭୁଙ୍କ୍ତେ ସୁଖାନି ସୁଚିରଂ ରୋଗଶୋକୌ ପରିତ୍ୟଜନ୍ ।
ଏଵ ନାର୍ୟପି ସୌଭାଗ୍ୟଂ ଭର୍ତୃଂ ହାର୍ଦ୍ଦଂ ସୁତାନପି ॥ ୧୪୧ ॥
ପ୍ରାପ୍ନୋତି ଶ୍ରଵଣାଦସ୍ୟ କୀର୍ତନାଦପି ପାର୍ଵତି ।
ସ୍ଵସ୍ଵାଭୀଷ୍ଟମଥାନ୍ୟେଽପି ଲଭନ୍ତେଽସ୍ୟ ପ୍ରସାଦତଃ ॥ ୧୪୨ ॥
ଆପ୍ନୋତି ଧାର୍ମିକୋ ଧର୍ମାନର୍ଥାନାପ୍ନୋତି ଦୁର୍ଗତଃ ।
ମୋକ୍ଷାର୍ଥିନସ୍ତଥା ମୋକ୍ଷଂ କାମୁକା କାମିନୀଂ ଵରାମ୍ ॥ ୧୪୩ ॥
ୟୁଦ୍ଧେ ଜୟଂ ନୃପାଃ କ୍ଷୀଣାଃ କୁମାର୍ୟଃ ସତ୍ପତିଂ ତଥା ।
ଆରୋଗ୍ୟ ରୋଗିଣଶ୍ଚାପି ତଥା ଵଂଶାର୍ଥିନଃ ସୁତାନ୍ ॥ ୧୪୪ ॥
ଜୟଂ ଵିଵାଦେ କଲିକୃତ୍ସିଦ୍ଧୀଃ ସିଦ୍ଧୀଛୁରୁତ୍ତମାଃ ।
ନିୟୁକ୍ତା ବନ୍ଧୁଭିଃ ସଙ୍ଗଂ ଗତାୟୁଶ୍ଚାୟୁଷାଞ୍ଚୟମ୍ ॥ ୧୪୫ ॥
ସଦା ୟ ଏତତ୍ପଠତି ନିଶୀଥେ ଭକ୍ତିଭାଵିତଃ ।
ତସ୍ୟା ସାଧ୍ୟମଥାପ୍ରାପ୍ୟନ୍ତ୍ରୈଲୋକ୍ୟେ ନୈଵ ଵିଦ୍ୟତେ ॥ ୧୪୬ ॥
କୀର୍ତିଂ ଭୋଗାନ୍ ସ୍ତ୍ରିୟଃ ପୁତ୍ରାନ୍ଧନଂ ଧାନ୍ୟଂ ହୟାନ୍ଗଜାନ୍ ।
ଜ୍ଞାତିଶ୍ରୈଷ୍ଠ୍ୟଂ ପଶୂନ୍ଭୂମିଂ ରାଜଵଶ୍ୟଞ୍ଚ ମାନ୍ୟତାମ୍ ॥ ୧୪୭ ॥
ଲଭତେ ପ୍ରେୟସି କ୍ଷୁଦ୍ରଜାତିରପ୍ୟସ୍ୟ କୀର୍ତନାତ୍ ।
ନାସ୍ୟ ଭୀତିର୍ନ୍ନ ଦୌର୍ଭାଗ୍ୟଂ ନାଲ୍ପାୟୁଷ୍ୟନ୍ନରୋଗିତା ॥ ୧୪୮ ॥
ନ ପ୍ରେତଭୂତାଭିଭଵୋ ନ ଦୋଷୋ ଗ୍ରହଜସ୍ତଥା ।
ଜାୟତେ ପତିତୋ ନୈଵ କ୍ଵଚିଦପ୍ୟେଷ ସଙ୍କଟେ ॥ ୧୪୯ ॥
ୟଦୀଚ୍ଛସି ପରଂ ଶ୍ରେୟସ୍ତର୍ତ୍ତୁଂ ସଙ୍କଟମେଵ ଚ ।
ପଠାନ୍ଵହମିଦଂ ସ୍ତୋତ୍ରଂ ସତ୍ୟଂ ସତ୍ୟଂ ସୁରେଶ୍ଵରି ॥ ୧୫୦ ॥
ନ ସାସ୍ତି ଭୂତଲେ ସିଦ୍ଧିଃ କୀର୍ତନାଦ୍ୟା ନ ଜାୟତେ ।
ଶୃଣୁ ଚାନ୍ୟଦ୍ଵରାରୋହେ କୀର୍ତ୍ୟମାନଂ ଵଚୋ ମମ ॥ ୧୫୧ ॥
ମହାଭୂତାନି ପଞ୍ଚାପି ଖାନ୍ୟେକାଦଶ ୟାନି ଚ ।
ତନ୍ମାତ୍ରାଣି ଚ ଜୀଵାତ୍ମା ପରମାତ୍ମା ତଥୈଵ ଚ ॥ ୧୫୨ ॥
ସପ୍ତାର୍ଣଵାଃ ସପ୍ତଲୋକା ଭୁଵନାନି ଚତୁର୍ଦ୍ଦଶ ।
ନକ୍ଷତ୍ରାଣି ଦିଶଃ ସର୍ଵାଃ ଗ୍ରହାଃ ପାତାଲସପ୍ତକମ୍ ॥ ୧୫୩ ॥
ସପ୍ତଦ୍ଵୀପଵତୀ ପୃଥ୍ଵୀ ଜଙ୍ଗମାଜଙ୍ଗମଂ ଜଗତ୍ ।
ଚରାଚରଂ ତ୍ରିଭୁଵନଂ ଵିଦ୍ୟାଶ୍ଚାପି ଚତୁର୍ଦୃଶ ॥ ୧୫୪ ॥
ସାଂଖ୍ୟୟୋଗସ୍ତଥା ଜ୍ଞାନଂ ଚେତନା କର୍ମଵାସନା ।
ଭଗଵତ୍ୟାଂ ସ୍ଥିତଂ ସର୍ଵଂ ସୂକ୍ଷ୍ମରୂପେଣ ବୀଜଵତ୍ ॥ ୧୫୫ ॥
ସା ଚାସ୍ମିନ୍ ସ୍ତୋତ୍ରସାହସ୍ରେ ସ୍ତୋତ୍ରେ ତିଷ୍ଠତି ଵଦ୍ଧଵତ୍ ।
ପଠନୀୟଂ ଵିଦିତ୍ଵୈଵଂ ସ୍ତୋତ୍ରମେତତ୍ସୁଦୁର୍ଲଭମ୍ ॥ ୧୫୬ ॥
ଦେଵୀଂ କାମକଲାକାଲୀଂ ଭଜନ୍ତଃ ସିଦ୍ଧିଦାୟିନୀମ୍ ।
ସ୍ତୋତ୍ରଂ ଚାଦଃ ପଠନ୍ତୋ ହି ସାଧୟନ୍ତୀପ୍ସିତାନ୍ ସ୍ଵକାନ୍ ॥ ୧୫୭ ॥
॥ ଇତି ମହାକାଲସଂହିତାୟାଂ କାମକଲାଖଣ୍ଡେ ଦ୍ଵାଦଶପଟଲେ
ଶ୍ରୀକାମକଲାକାଲୀସହସ୍ରନାମସ୍ତୋତ୍ରଂ ସଂପୂର୍ଣମ୍ ॥