॥ Sri Lakini Sahasranama Stotram Bengali Lyrics ॥
॥ শ্রীলাকিনীসহস্রনামস্তোত্রম্ ॥
শ্রীগণেশায় নমঃ ।
আনন্দভৈরবী উবাচ ।
অথ সম্ভেদনার্থায় বক্ষ্যে ষট্পঙ্কজস্য চ ।
মহারুদ্রস্য দেবস্য শ্রী শ্রীমৃত্যুঞ্জয়স্য চ ॥ ১ ॥
লাকিনী শক্তিসহিতং সহস্রনামমঙ্গলম্ ।
অষ্টোত্তরশতব্যাপ্তং নিগূঢং ভব সিদ্ধয়ে ॥ ২ ॥
ধারয়িত্বা পঠিত্বা চ শ্রুত্বা বা নামমঙ্গলম্ ।
শৃণুষ্ব পরমানন্দ য়োগেন্দ্র চন্দ্রশেখর ॥ ৩ ॥
তবাহ্লাদপ্রণয়নাত্ সর্বসম্পত্তিপ্রাপ্তয়ে ।
মণিয়োগসুসিদ্ধ্যর্থং সাবধানাঽবধারয় ॥ ৪ ॥
অষ্টোত্তরসহস্রনামমঙ্গলস্য কহোড
ঋষির্গায়ত্রীচ্ছন্দো মহারুদ্রমৃত্যুঞ্জয়লাকিনী সরস্বতীদেবতা
সর্বাভীষ্টশচীপীঠয়োগসিদ্ধ্যর্থে বিনিয়োগঃ ।
ওঁ মৃত্যুঞ্জয় রুদ্রাদি লাকিন্যাদি সরস্বতী ।
মৃত্যুজেতা মহারৌদ্রী মহারুদ্রসরস্বতী ॥ ৫ ॥
মহারৌদ্রো মৃত্যুহরো মহামণিবিভূষিতা ।
মহাদেবো মহাবক্ত্রো মহামায়া মহেশ্বরী ॥ ৬ ॥
মহাবীরো মহাকালো মহাচণ্ডেশ্বরী স্নুষা ।
মহাবাতো মহাভেদো বীরভদ্রা মহাতুরা ॥ ৭ ॥
মহাচণ্ডেশ্বরো মীনো মণিপূরপ্রকাশিকা ।
মহামত্তো মহারাত্রো মহাবীরাসনস্থিতা ॥ ৮ ॥
মায়াবী মারহন্তা চ মাতঙ্গী মঙ্গলেশ্বরী ।
মৃত্যুহারী মুনিশ্রেষ্ঠা মনোহারী মনোয়বা ॥ ৯ ॥
মণ্ডলস্থো মনীলাঙ্গো মান্যা মোহনমৌলিনী ।
মত্তবেশো মহাবাণো মহাবলা মহালয়া ॥ ১০ ॥
মারী হারী মহামারী মদিরামত্তগামিনী ।
মহামায়াশ্রয়ো মৌনী মহামায়া মরুত্প্রিয়া ॥ ১১ ॥
মুদ্রাশী মদিরাপী চ মনোয়োগা মহোদয়া ।
মাংসাশী মীনভক্ষশ্চ মোহিনী মেঘবাহনা ॥ ১২ ॥
মানভঙ্গপ্রিয়ো মান্যা মহামান্যো মহাবলা ।
মহাবাণধরো মুখ্যো মহাবিদ্যা মহীর্যসী ॥ ১৩ ॥
মহাশূলধরোঽনন্তো মহাবলী মহাকুলা ।
মলয়াদ্রিনিবাসী চ মতির্মালাসনপ্রিয়া ॥ ১৪ ॥
মায়াপতির্মহারুদ্রো মরুণাহতকারিণী ।
মালাধারী শঙ্খমালী মঞ্জরী মাংসভক্ষিণী ॥ ১৫ ॥
মহালক্ষণসম্পন্নো মহালক্ষণলক্ষণা ।
মহাজ্ঞানী মহাবেগী মৌষলী মুষলপ্রিয়া ॥ ১৬ ॥
মহোখ্যো মালিনীনাথো মন্দরাদ্রিনিবাসিনী ।
মৌনীনামন্তরস্থশ্চ মানভঙ্গা মনঃস্বিনী ॥ ১৭ ॥
মহাবিদ্যাপতির্মধ্যো মধ্যে পর্বতবাসিনী ।
মদিরাপো মন্দহরো মদনামদনাসনা ॥ ১৮ ॥
মদনস্থো মদক্ষেত্রো মহাহিমনিবাসিনী ।
মহান্ মহাত্মা মাঙ্গল্যো মহামঙ্গলধারিণী ॥ ১৯ ॥
মহাহীনশরীরশ্চ মনোহরতদুদ্ভবা ।
মায়াশক্তিপতির্মোহা মহামোহনিবাসিনী ॥ ২০ ॥
মহচ্চিতো নির্মলাত্মা মহতামশুচিস্থিত ।
মত্তকুঞ্জরপৃষ্ঠস্থো মত্তকুঞ্জরগামিনী ॥ ২১ ॥
মকরো মরুতানন্দো মাকরী মৃগপূজিতা ।
মণীপূজ্যা মনোরূপী মেদমাংসবিভোজিনী ॥ ২২ ॥
মহাকামী মহাধীরো মহামহিষমর্দিনী ।
মহিষাসুরবুদ্ধিস্থো মহিষাসুরনাশিনী ॥ ২৩ ॥
মহিষস্থো মহেশস্থো মধুকৈটভনাশিনী ।
মধুনাথশ্চ মধুপো মধুমাংসাদিসিদ্ধিদা ॥ ২৪ ॥
মহাভৈরবপূজ্যশ্চ মহাভৈরবপূজিতা ।
মহাকান্তি প্রিয়ানন্দো মহাকান্তিস্থিতাঽমরা ॥ ২৫ ॥
মালাকোটিধরো মালো মুণ্ডমালাবিভূষিতা ।
মণ্ডলজ্ঞাননিরতো মণিমণ্ডলবাসিনী ॥ ২৬ ॥
মহাবিভূতিক্রোধস্থো মিথ্যাদোষসরস্বতী ।
মেরুস্থো মেরুনিলয় মেনকানুজরূপিণি ॥ ২৭ ॥
মহাশৈলাসন মেরুমোহিনী মেঘবাহিনী ।
মঞ্জুঘোষো মঞ্জুনাথো মোহমুদ্গরধারিণী ॥ ২৮ ॥
মেঢ্রস্থো মণিপীঠস্থো মূলরূপা মনোহরা ।
মঙ্গলার্থো মহায়োগী মত্তমেহসমুদ্ভবা ॥ ২৯ ॥
মতিস্থিত মনোমানো মনোমাতা মহোন্মনী ।
মন্দবুদ্ধিহরো মৃত্যুর্মৃত্যুহন্ত্রী মনঃপ্রিয়া ॥ ৩০ ॥
মহাভক্তো মহাশক্তো মহাশক্তির্মদাতুরা ।
মণিপুরপ্রকাশশ্চ মণিপুরবিভেদিনী ॥ ৩১ ॥
মকারকূটনিলয়ো মানা মানমনোহরী ।
মাক্ষরো মাতৃকাবর্ণোং মাতৃকাবীজমালিনী ॥ ৩২ ॥
মহাতেজা মহারশ্মির্মন্যুগ স্যান্ মধুপ্রিয়া ।
মধুমাংসসমুত্পন্নো মধুমাংসবিহারিণী ॥ ৩৩ ॥
মৈথুনানন্দনিরতো মৈথুনালাপমোহিনী ।
মুরারিপ্রেমসংতুষ্টো মুরারিকরসেবিতা ॥ ৩৪ ॥
মাল্যচন্দনদিগ্ধাঙ্গো মালিনী মন্ত্রজীবিকা ।
মন্ত্রজালস্থিতো মন্ত্রী মন্ত্রিণাংমন্ত্রসিদ্ধিদা ॥ ৩৫ ॥
মন্ত্রচৈতন্যকারী চ মন্ত্রসিদ্ধিপ্রিয়া সতী ।
মহাতীর্থপ্রিয়ো মেষো মহাসিংহাসনস্থিতা ॥ ৩৬ ॥
মহাক্রোধসমুত্পন্নো মহতী বুদ্ধিদায়িনী ।
মরণজ্ঞানরহিতো মহামরণনাশিনী ॥ ৩৭ ॥
মরণোদ্ভূতহন্তা চ মহামুদ্রান্বিতা মুদা ।
মহামোদকরো মারো মারস্থা মারনাশিনী ॥ ৩৮ ॥
মহাহেতুহরো হর্তা মহাপুরনিবাসিনী ।
মহাকৌলিকপালশ্চ মহাদৈত্যনিবারিণী ॥ ৩৯ ॥
মার্তণ্ডকোটিকিরণো মৃতিহন্ত্রী মৃতিস্থিতা ।
মহাশৈলোঽমলো মায়ী মহাকালগুণোদয়া ॥ ৪০ ॥
মহাজয়ো মহারুদ্রো মহারুদ্রারুণাকরা ।
মনোবর্ণমৃজোমাখ্যো মুদ্রা তরুণরূপিণী ॥ ৪১ ॥
মুণ্ডমালাধরো মার্যো মার্যপুষ্পমৃজামনী ।
মঙ্গলপ্রেমভাবস্থা মহাবিদ্যুত্প্রভাঽচলা ॥ ৪২ ॥
মুদ্রাধারী মতস্থৈর্যো মতভেদপ্রকারিণী ।
মহাপুরাণবেত্তা চ মহাপৌরাণিকাঽমৃতা ॥ ৪৩ ॥
মৌনবিদ্যো মহাবিদ্যা মহাধননিবাসিনী ।
মঘবা মাঘমধ্যস্থা মহাসৈন্যা মহোরগা ॥ ৪৪ ॥
মহাফণিধরো মাত্রা মাতৃকা মন্ত্রবাসিনী ।
মহাবিভূতিদানাঢ্যা মেরুবাহনবাহনা ॥ ৪৫ ॥
মহাহ্লাদো মহামিত্রো মহামৈত্রেয়পূজিতা ।
মার্কণ্ডেয়সিদ্ধিদাতা মার্কণ্ডেয়ায়ুষিস্থিতা ॥ ৪৬ ॥
মার্কণ্ডেয়ো মুহুঃপ্রীতো মাতৃকামণ্ডলেশ্বরী ।
মানসংস্থো মানদাতা মনোধারণতত্পরা ॥ ৪৭ ॥
ময়দানবচিত্তস্থো ময়দানবচিত্রিণী ।
মহাগুণধরানন্দো মহালিঙ্গবিহারিণী ॥ ৪৮ ॥
মহেশ্বরস্থিতো মূলো মূলবিদ্যাকুলোদয়া ।
মায়াপো মোহনোন্মাদী মহাগুরুনিবাসিনী ॥ ৪৯ ॥
মহাশুক্লাম্বরধরো মলয়াগুরুধূপিতা ।
মধূপিনী মধূল্লাসো মাধ্বীরসসমাশ্রয়া ॥ ৫০ ॥
মহাগুরুর্মহাদেহো মহোত্সাহা মহোত্পলা ।
মধ্যপঙ্কজসংস্থাতা মধ্যাম্বুজনিবাসিনী ॥ ৫১ ॥
মারীভয়হরো মল্লো মল্লগ্রহবিরোধিনী ।
মহামুণ্ডলয়োন্মাদী মদঘূর্ণীতলোচনা ॥ ৫২ ॥
মহাসদ্যোজাতকালো মহাকপিলবর্তীনী ।
মেঘবাহো মহাবক্ত্রো মনসামণিধারিণী ॥ ৫৩ ॥
মরণাশ্রয়হন্তা চ মহাগুর্বীগণস্থিতা ।
মহাপদ্মস্থিতো মন্ত্রো মন্ত্রবিদ্যানিধীশ্বরী ॥ ৫৪ ॥
মকরাসনসংস্থাতা মহামৃত্যুবিনাশিনী ।
মোহনো মোহিনীনাথো মত্তনর্তনবাসিনী ॥ ৫৫ ॥
মহাকালকুলোল্লাসী মহাকামাদিনাশিনী ।
মূলপদ্মনিবাসী চ মহামূলকুলোদয়া ॥ ৫৬ ॥
মাসাখ্যো মাংসনিলয়া মঙ্গলস্থা মহাগুণা ।
মায়াছন্নতরো মীনো মীমাংসাগুণবাদিনী ॥ ৫৭ ॥
মীমাংসাকারকো মায়ী মার্জারসিদ্ধিদায়িনী ।
মেদিনীবল্লভক্ষেমো মেদিনীজ্ঞানমোদিনী ॥ ৫৮ ॥
মৌষলীশ মৃষার্থস্থো মনকল্পিতকেশরী ।
মনস শ্রীধরো জাপো মন্দহাসসুশোভিতা ॥ ৫৯ ॥
মৈনাকো মেনকাপুত্রো মায়াছন্না মহাক্রিয়া ।
মহাক্রিয়া চ লোমাণ্ডো মণ্ডলাসনশোভিতা ॥ ৬০ ॥
মায়াধারণকর্তা চ মহাদ্বেষবিনাশিনী ।
মুক্তকেশী মুক্তদেহো মুক্তিদা মুক্তিমানিনী ॥ ৬১ ॥
মুক্তাহারধরো মুক্তো মুক্তিমার্গপ্রকাশিনী ।
মহামুক্তিক্রিয়াচ্ছন্নো মহোচ্চগিরিনন্দিনী ॥ ৬২ ॥
মূষলাদ্যস্ত্রহন্তা চ মহাগৌরীমনঃক্রিয়া ।
মহাধনী মহামানী মনোমত্তা মনোলয়া ॥ ৬৩ ॥
মহারণগত সান্তো মহাবীণাবিনোদিনী ।
মহাশত্রুনিহন্তা চ মহাস্ত্রজালমালিনী ॥ ৬৪ ॥
শিবো রুদ্রো বলীশানী কিতবামোদবর্ধীনী ।
চন্দ্রচূডাধরো বেদো মদোন্মত্তা মহোজ্জ্বলা ॥ ৬৫ ॥
বিগলত্কোটিচন্দ্রাভো বিধুকোটিসমোদয়া ।
অগ্নিজ্বালাধরো বীরো জ্বালামালাসহস্রধা ॥ ৬৬ ॥
ভর্গপ্রিয়করো ধর্মো মহাধার্মীকতত্পরা ।
ধর্মধ্বজো ধর্মকর্তা ধর্মগুপ্তি প্রসৃত্ত্বরী ॥ ৬৭ ॥
মহাবিদ্রুমপূরস্থো বিদ্রুমাভায়ুতপ্রভা ।
পুষ্পমালাধরো মান্যো শত্রূণাং কুলনাশিনী ॥ ৬৮ ॥
কোজাগরো বিসর্গস্থো বীজমালাবিভূষিতা ।
বীজচন্দ্রো বীজপূরো বীজাভা বিঘ্ননাশিনী ॥ ৬৯ ॥
বিশিষ্টো বিধিমোক্ষস্থো বেদাঙ্গপরিপূরিণী ।
কিরাতিনীপতি শ্রীমান্ বিজ্ঞাবিজ্ঞজনপ্রিয়া ॥ ৭০ ॥
বর্ধস্থো বর্ধসম্পন্নো বর্ণমালাবিভূষিতা ।
মহাদ্রুমগত শূরো বিলসত্কোটিচন্দ্রভা ॥ ৭১ ॥
মহাকুমারনিলয়ো মহাকামকুমারিকা ।
কামজালক্রিয়ানাথো বিকলা কমলাসনা ॥ ৭২ ॥
খণ্ডবুদ্ধিহরো ভাবো ভবতীতি দুরাসনা ।
অসংখ্যকো রূপসংখ্যো নামসংখ্যাদিপূরণী ॥ ৭৩ ॥
সদ্মনাদ্যমনা কোষকিঙ্কিণীজালমালিনী ।
চন্দ্রায়ুতমুখাম্ভোজো বিভায়ুতসমাননা ॥ ৭৪ ॥
কালবুদ্ধিহরো বালো ভগবত্যম্বিকাঽণ্ডজা ।
মুণ্ডহস্তশ্চাতুরাদ্যঃ বিবাদরহিতাঽবৃতা ॥ ৭৫ ॥
পঞ্চমাচারকুশলো মহাপঞ্চমলালসা ।
বিকারশূন্যো দুর্ধর্ষো দ্বিপদা মানুষক্রিয়া ॥ ৭৬ ॥
ময়দানবকর্মস্থো বিধাতৃকর্মবোধিনী ।
কলিকালক্রিয়ারূঢ বায়বীঘর্ঘরধ্বনি ॥ ৭৭ ॥
সর্বসঞ্চারকর্তা চ সর্বসঞ্চারকর্ত্রীকা ।
মন্দমন্দগতিপ্রেমা মন্দমন্দগতিস্থিতা ॥ ৭৮ ॥
সাট্টহাসো বিধুকলা চাঘোরাঘোরয়াতনা ।
মহানরকহর্তা চ নরকাদিবিপাকহা ॥ ৭৯ ॥
পঞ্চরশ্মিসমুদ্ভূতো নগাদিবলঘাতিনী ।
গরুডাসনসম্পূজ্যো গরুডপ্রেমবর্ধীনী ॥ ৮০ ॥
অশ্বত্থবৃক্ষনিলয়ো বটবৃক্ষতলস্থিতা ।
চিরাঙ্গো প্রথমাবুদ্ধি প্রপঞ্চসারসঙ্গতি ॥ ৮১ ॥
স্থিতিকর্তা স্থিতিচ্ছায়া বিমদা ছত্রধারিণী ।
দাডিমাভাসকুসুমো দাডিমোদ্ভবপুষ্পিকা ॥ ৮২ ॥
দ্রাঢ্যো দ্রবীভরতিকা রতিকালাপবর্ধীনী ।
রত্নগর্ভো রত্নমালা রত্নেশ্বর ইবাগতি ॥ ৮৩ ॥
প্রসিদ্ধঃ পাবনী পুচ্ছা পুচ্ছসুস্থ পরাপরা ।
খেচরী খেচর স্বস্থো মহাখড্গধরা জয়া ॥ ৮৪ ॥
কিশোরভাবখেলস্থো বিখনাদিপ্রকারিকা ।
মহাশব্দপ্রকাশশ্চ মহাশব্দপ্রকাশিকা ॥ ৮৫ ॥
চারুহাসো বিপধন্তা শত্রুমিত্রগণস্থিতা ।
বজ্রদণ্ডধরো ব্যাঘ্রো বিয়ত্খেলনখঞ্জনা ॥ ৮৬ ॥
গদাধর শীলধারী শশিকর্পূরগাঽবলা ।
বসনাসনকারী চ বসনাবসনপ্রিয়া ॥ ৮৭ ॥
মহাবিদ্যাধরো গুপ্তো বিশিষ্টগোপনক্রিয়া ।
গুপ্তগীতাগায়নস্থো গুপ্তশাস্ত্রগলপ্রদা ॥ ৮৮ ॥
য়োগবিদ্যাপুরাণশ্চ য়াগবিদ্যা বিভাকলা ।
এককালো দ্বিকালশ্চাত্র কালফলাম্বুজা ॥ ৮৯ ॥
অষ্টাদশভুজো রৌদ্রী ভুজগা বিঘ্ননাশিনী ।
বিদ্যাগোপনকারী চ বিদ্যাসিদ্ধিপ্রদায়িনী ॥ ৯০ ॥
বিজয়ানন্দগো মন্দো মহাকালমহেশ্বরী ।
ভূতিদানরতো মার্গোং মহদ্গীতাপ্রকাশিনী ॥ ৯১ ॥
কেশাদ্যাবেশসন্তানো মঙ্গলাভা কুলান্তরা ।
দ্বিভুজো বেদবাহুশ্চ ষড্ভুজা কামচারিণী ॥ ৯২ ॥
চন্দ্রকান্তমাল্যধরো লোকাতিলোকরাগিণী ।
ত্রিভঙ্গদেহনিকরো বিভাঙ্গস্থা বিনোদিনী ॥ ৯৩ ॥
ত্রিকূটস্থস্ত্রিভাবস্থস্ত্রিশরীরা ত্রিকালজা ।
একবক্ত্রো দ্বিবক্ত্রশ্চ বক্ত্রশূন্যা শিশুপ্রিয়া ॥ ৯৪ ॥
শ্রী বিদ্যামন্ত্রজালস্থো বিজ্ঞানী কুশলেশ্বরী ।
ঘটাসরগতো গৌরা গৌরবী গৌরিকাঽচলা ॥ ৯৫ ॥
গুরুজ্ঞানগতো গন্ধো গন্ধভোগ্যা গিরিধ্বজা ।
ছায়ামণ্ডলমধ্যস্থো বিকটা পুষ্করাননা ॥ ৯৬ ॥
কামাখ্যো নিরহঙ্কার কামরূপনৃপাঙ্গজা ।
সুলভো দুর্লভো দুঃখী সূক্ষ্মাতিসূক্ষ্মরূপিণী ॥ ৯৭ ॥
বীজজাপপশো ক্রূরো বিমোহগুণনাশিনী ।
অর্ধরো নিপুণোল্লাশো বিভুরূপা সরস্বতী ॥ ৯৮ ॥
অনন্তঘোষনিলয়ো বিহঙ্গগণগামিনী ।
অচ্যুতেশ প্রকাণ্ডস্থ প্রচণ্ডফালবাহিনী ॥ ৯৯ ॥
অভ্রান্তো ভ্রান্তিরহিতা শ্রান্তো য়ান্তি প্রতিষ্ঠিতা ।
অব্যর্থো ব্যর্থবাক্যস্থো বিশঙ্কাশঙ্কয়ান্বিতা ॥ ১০০ ॥
য়মুনাপতিপ পীনো মহাকালবসাবহা ।
জম্বূদ্বীপেশ্বর পার পারাবারকৃতাসনী ॥ ১০১ ॥
বজ্রদণ্ডধর শান্তো মিথ্যাগতিরতীন্দ্রিয়া ।
অনন্তশয়নো ন্যূনঃ পরমাহ্লাদবর্ধীনী ॥ ১০২ ॥
শিষ্টাশ্রণিলয়ো ব্যাখ্যো বসন্তকালসুপ্রিয়া ।
বিরজান্দোলিতো ভিন্নো বিশুদ্ধগুণমণ্ডিতা ॥ ১০৩ ॥
অঞ্জনেশঃ খঞ্জনেশ পললাসবভক্ষিণী ।
অঙ্গভাষাকৃতিস্নাতা সুধারসফলাতুরা ॥ ১০৪ ॥
ফলবীজধরো দৌর্গো দ্বারপালনপল্লবা ।
পিপ্পলাদঃ কারণশ্চ বিখ্যাতিরতিবল্লভা ॥ ১০৫ ॥
সংহারবিগ্রহো বিপ্রো বিষণ্ণা কামরূপিণী ।
অবলাপো নাপনাপো বিক্লৃপ্তা কংসনাশিনী ॥ ১০৬ ॥
হঠাত্কারেণতো চামো নাচামো বিনয়ক্রিয়া ।
সর্ব সর্বসুখাচ্ছন্নো জিতাজিতগুণোদয়া ॥ ১০৭ ॥
ভাস্বত্কিরীটো রাঙ্কারী বরুণেশীতলান্তরা ।
অমূল্যরত্নদানাঢ্যো দিবারাত্রিস্ত্রিখণ্ডজা ॥ ১০৮ ॥
মারবীজমহামানো হরবীজাদিসংস্থিতা ।
অনন্তবাসুকীশানো লাকিনী কাকিনী দ্বিধা ॥ ১০৯ ॥
কোটিধ্বজো বৃহদ্গর্গশ্চামুণ্ডা রণচণ্ডিকা ।
উমেশো রত্নমালেশী বিকুম্ভগণপূজিতা ॥ ১১০ ॥
নিকুম্ভপূজিত কৃষ্ণো বিষ্ণুপত্নী সুধাত্মিকা ।
অল্পকালহরঃ কুন্তো মহাকুন্তাস্ত্রধারিণী ॥ ১১১ ॥
ব্রহ্মাস্ত্রধারক ক্ষিপ্তো বনমালাবিভূষিতা ।
একাক্ষর দ্বয়ক্ষরশ্চ ষোডশাক্ষরসম্ভবা ॥ ১১২ ॥
অতিগম্ভীরবাতস্থো মহাগম্ভীরবাদ্যগা ।
ত্রিবিধাত্মা ত্রিদেশাত্মা তৃতীয়াত্রাণকারিণী ॥ ১১৩ ॥
কিয়ত্কালচলানন্দো বিহঙ্গগমনাসনা ।
গীর্বাণ বাণহন্তা চ বাণহস্তা বিধূচ্ছলা ॥ ১১৪ ॥
বিন্দুধর্মোজ্জ্বলোদারো বিয়জ্জ্বলনকারিণী ।
বিবাসা ব্যাসপূজ্যশ্চ নবদেশীপ্রধানিকা ॥ ১১৫ ॥
বিলোলবদনো বামো বিরোমা মোদকারিণী ।
হিরণ্যহারভূষাঙ্গঃ কলিঙ্গনন্দিনীশগা ॥ ১১৬ ॥
অনন্যক্ষীণবক্ষশ্চ ক্ষিতিক্ষোভবিনাশিকা ।
ক্ষণক্ষেত্রপ্রসাদাঙ্গো বশিষ্ঠাদিঋষীশ্বরী ॥ ১১৭ ॥
রেবাতীরনিবাসী চ গঙ্গাতীরনিবাসিনী ।
চাঙ্গেশঃ পুষ্করেশশ্চ ব্যাসভাষাবিশেষিকা ॥ ১১৮ ॥
অমলানাথসংজ্ঞশ্চ রামেশ্বরসুপূজিতা ।
রমানাথ প্রভু প্রাপ্তি কীর্তীদুর্গাভিধানিকা ॥ ১১৯ ॥
লম্বোদর প্রেমকালো লম্বোদরকুলপ্রিয়া ।
স্বর্গদেহো ধ্যানমানো লোচনায়তধারিণী ॥ ১২০ ॥
অব্যর্থবচনপ্রক্ষ্যো বিদ্যাবাগীশ্বরপ্রিয়া ।
অব্দমানস্মৃতিপ্রাণ কলিঙ্গনগরেশ্বরী ॥ ১২১ ॥
অতিগুহ্যতরজ্ঞানী গুপ্তচন্দ্রাত্মিকাঽব্যয়া ।
মণিনাগগতো গন্তা বাগীশানী বলপ্রদা ॥ ১২২ ॥
কুলাসনগতো নাশো বিনাশা নাশসুপ্রিয়া ।
বিনাশমূলঃ কূলস্থঃ সংহারকুলকেশ্বরী ॥ ১২৩ ॥
ত্রিবাক্যগুণবিপ্রেন্দ্রো মহদাশ্চর্যচিত্রিণী ।
আশুতোষগুণাচ্ছন্ন মদবিহ্বলমণ্ডলা ॥ ১২৪ ॥
বিরূপাক্ষী লেলিহশ্চ মহামুদ্রাপ্রকাশিনী ।
অষ্টাদশাক্ষরো রুদ্রো মকরন্দসুবিন্দুগা ॥ ১২৫ ॥
ছত্রচামরধারী চ ছত্রদাত্রী ত্রিপৌণ্ড্রজা ।
ইন্দ্রাত্মকো বিধাতা চ ধনদা নাদকারিণী ॥ ১২৬ ॥
কুণ্ডলীপরমানন্দো মধুপুষ্পসমুদ্ভবা ।
বিল্ববৃক্ষস্থিতো রুদ্রো নয়নাম্বুজবাসিনী ॥ ১২৭ ॥
হিরণ্যগর্ভ কৌমারো বিরূপাক্ষা ঋতুপ্রিয়া ।
শ্রীবৃক্ষনিলয়শ্যামো মহাকুলতরূদ্ভবা ॥ ১২৮ ॥
কুলবৃক্ষস্থিতো বিদ্বান্ হিরণ্যরজতপ্রিয়া ।
কুলপঃ প্রাণপ প্রাণা পঞ্চচূডধরাধরা ॥ ১২৯ ॥
উষতী বেদিকানাথো নর্মধর্মবিবেচিকা ।
শীতলাপ্ত শীতহীনো মনঃস্থৈর্যকরী ক্ষয়া ॥ ১৩০ ॥
কুক্ষিস্থ ক্ষণভঙ্গস্থো গিরিপীঠনিবাসিনী ।
অর্ধকায়ঃ প্রসন্নাত্মা প্রসন্নবনবাসিনী ॥ ১৩১ ॥
প্রতিষ্ঠেশ প্রাণধর্মা জ্যোতীরূপা ঋতুপ্রিয়া ।
ধর্মধ্বজপতাকেশো বলাকা রসবর্দ্ধীনী ॥ ১৩২ ॥
মেরুশৃঙ্গগতো ধূর্তো ধূর্তমত্তা খলস্পৃহা ।
সেবাসিদ্ধিপ্রদোঽনন্তোঽনন্তকার্যবিভেদিকা ॥ ১৩৩ ॥
ভাবিনামত্ত্বজানজ্ঞো বিরাটপীঠবাসিনী ।
বিচ্ছেদচ্ছেদভেদশ্চ ছলন্শাস্ত্রপ্রকাশিকা ॥ ১৩৪ ॥
চারুকর্ম্যা সংস্কৃতশ্চ তপ্তহাটকরূপিণী ।
পরানন্দরসজ্ঞানী রসসন্তানমন্ত্রিণী ॥ ১৩৫ ॥
প্রতীক্ষ সূক্ষ্মশব্দশ্চ প্রসঙ্গসঙ্গতিপ্রিয়া ।
অমায়ী সাগরোদ্ভূতো বন্ধ্যাদোষবিবর্জীতা ॥ ১৩৬ ॥
জিতধর্মো জ্বলচ্ছত্রী ব্যাপিকা ফলবাহনা ।
ব্যাঘ্রচর্মাম্বরো য়োগী মহাপীনা বরপ্রদা ॥ ১৩৭ ॥
বরদাতা সারদাতা জ্ঞানদা বরবাহিনী ।
চারুকেশধরো মাপো বিশালা গুণদাঽম্বরা ॥ ১৩৮ ॥
তাডঙ্কমালানির্মালধরস্তাডঙ্কমোহিনী ।
পঞ্চালদেশ সন্ভূতো বিশুদ্ধস্বরবল্লভা ॥ ১৩৯ ॥
কিরাতপূজিতো ব্যাধো মনুচিন্তাপরায়ণা ।
শিব বাক্যরতো বামো ভৃগুরামকুলেশ্বরী ॥ ১৪০ ॥
স্বয়ম্ভূ কুসুমাচ্ছন্নো বিধিবিদ্যাপ্রকাশিনী ।
প্রভাকরতনূদ্ভূতো বিশল্যকরণীশ্বরী ॥ ১৪১ ॥
উষতীশ্বর সম্পর্কী য়োগবিজ্ঞানবাসিনী ।
উত্তমো মধ্যমো ব্যাখ্যো বাচ্যাবাচ্যবরাঙ্গনা ॥ ১৪২ ॥
আম্বীজবাদরোষাঢ্যা মন্দরোদরকারিণী ।
কৃষ্ণসিদ্ধান্তসংস্থানো য়ুদ্ধসাধনচর্চীকা ॥ ১৪৩ ॥
মথুরাসুন্দরীনাথো মথুরাপীঠবাসিনী ।
পলায়নবিশূন্যশ্চ প্রকৃতিপ্রত্যয়স্থিতা ॥ ১৪৪ ॥
প্রকৃতিপ্রাণনিলয়ো বিকৃতিজ্ঞাননাশিনী ।
সর্বশাস্ত্রবিভেদশ্চ মত্তসিংহাসনাসনা ॥ ১৪৫ ॥
ইতিহাসপ্রিয়ো ধীরো বিমলাঽমলরূপিণী ।
মণিসিংহাসনস্থশ্চ মণিপূরজয়োদয়া ॥ ১৪৬ ॥
ভদ্রকালীজপানন্দো ভদ্রাভদ্রপ্রকাশিনী ।
শ্রীভদ্রো ভদ্রনাথশ্চ ভয়ভঙ্গবিহিংসিনী ॥ ১৪৭ ॥
আত্মারামো বিধেয়াত্মা শূলপাণিপ্রিয়াঽন্তরা ।
অতিবিদ্যাদৃঢাভ্যাসো বিশেষবিত্তদায়িনী ॥ ১৪৮ ॥
অজরাঽমরকান্তিশ্চ কান্তিকোটিধরা শুভা ।
পশুপাল পদ্মসংস্থ শ্রীশপাশুপতাঽস্ত্রদা ॥ ১৪৯ ॥
সর্বশাস্ত্রধরো দৃপ্তো জ্ঞানিনী জ্ঞানবর্ধীনী ।
দ্বিতীয়ানাথ ঈশার্দ্ধো বাদরায়ণমোহিনী ॥ ১৫০ ॥
শবমাংসাশনো ভীমো ভীমনেত্রা ভয়ানকা ।
শিবজ্ঞানক্রমো দক্ষ ক্রিয়ায়োগপরায়ণা ॥ ১৫১ ॥
দানস্থো দানসম্পন্নো দন্তুরা পার্বতীপরা ।
প্রিয়ানন্দো দিবাকর্তা নিশানিষাদঘাতিনী ॥ ১৫২ ॥
অষ্টহস্তো বিলোলাক্ষো মনঃস্থাপনকারিণী ।
মৃদুপুত্রো মৃদুচ্ছত্রো বিভাঽঙ্গপুণ্যনন্দিনী ॥ ১৫৩ ॥
অন্তরিক্ষগতো মূলো মূলপুত্রপ্রকাশিনী ।
অভীতিদাননিরতো বিধুমালামনোহরী ॥ ১৫৪ ॥
চতুরাস্রজাহ্নবীশো গিরিকন্যা কুতূহলী ।
শিশুপালরিপুপ্রাণো বিদেশপদরক্ষিণী ॥ ১৫৫ ॥
বিলক্ষণো বিধিজ্ঞাতা মানহন্ত্রী ত্রিবিক্রমা ।
ত্রিকোণাননয়োগীশো নিম্ননাভির্নগেশ্বরী ॥ ১৫৬ ॥
নবীন গুণসম্পন্নো নবকন্যাকুলাচলা ।
ত্রিবিধেশো বিশঙ্কেতো বিজ্বরা জ্বরদায়িনী ॥ ১৫৭ ॥
অতিধামীকপুত্রশ্চ চারুসিংহাসনস্থিতা ।
স্থাপকোত্তমবর্গাণাং সতাং সিদ্ধিপ্রকাশিনী ॥ ১৫৮ ॥
সিদ্ধপ্রিয়ো বিশালাক্ষো ধ্বংসকর্ত্রী নিরঞ্জনা ।
শক্তীশো বিকলেশশ্চ ক্রতুকর্মফলোদয়া ॥ ১৫৯ ॥
বিফলেশো বিয়দ্গামী ললিতা বুদ্ধিবাহনা ।
মলয়াদ্রিতপ ক্ষেম ক্ষয়কর্ত্রী রজোগুণা ॥ ১৬০ ॥
দ্বিরুণ্ডকো দ্বারপালো বলেবীঘ্নবিনাশিনী ।
মায়াপদ্মগতো মানো মারীবিদ্যাবিনাশিনী ॥ ১৬১ ॥
হিঙ্গুলাজস্থিত সিদ্ধো বিদুষাং বাদসারিণী ।
শ্রীপতীশ শ্রীকরেশ শ্রীবিদ্যা ভুবনেশ্বরী ॥ ১৬২ ॥
মতিপ্রথমজো ধন্যো মিথিলানাথপুত্রিকা ।
রামচন্দ্রপ্রিয় প্রাপ্তো রঘুনাথকুলেশ্বরী ॥ ১৬৩ ॥
কূর্মঃ কূর্মগতো বীরো বসাবর্গা গিরীশ্বরী ।
রাজরাজেশ্বরীবালো রতিপীঠগুণান্তরা ॥ ১৬৪ ॥
কামরূপধরোল্লাসো বিদগ্ধা কামরূপিণী ।
অতিথীশ সর্বভর্তা নানালঙ্কারশোভিতা ॥ ১৬৫ ॥
নানালঙ্কারভূষাঙ্গো নরমালাবিভূষিতা ।
জগন্নাথো জগদ্ব্যাপী জগতামিষ্টসিদ্ধিদা ॥ ১৬৬ ॥
জগত্কামো জগদ্ব্যাপী জয়ন্তী জয়দায়িনী ।
জয়কারী জীবকারী জয়দা জীবনী জয়া ॥ ১৬৭ ॥
জয়ো গণেশ শ্রীদাতা মহাপীঠনিবাসিনী ।
বিষম সামবেদস্থো য়জুর্বেদাংশয়োগয়া ॥ ১৬৮ ॥
ত্রিকালগুণগম্ভীরো দ্বাবিংশতিকরাম্বুজা ।
সহস্রবাহু সারস্থো ভাগগা ভবভাবিনী ॥ ১৬৯ ॥
ভবনাদিকরো মার্গো বিনীতা নয়নাম্বুজা ।
সর্বত্রাকর্ষকোঽখণ্ড সর্বজ্ঞানাভিকর্ষীণী ॥ ১৭০ ॥
জিতাশয়ো জিতবিপ্রঃ কলঙ্কগুণবর্জীতা ।
নিরাধারো নিরালম্বো বিষয়া জ্ঞানবর্জীতা ॥ ১৭১ ॥
অতিবিস্তারবদনো বিবাদখলনাশিনী ।
ভার্যানাথঃ ক্ষোভনাশো রিপূণাং কুলপূজিতা ॥ ১৭২ ॥
আশবো ভূরিবর্গাণাং চারুকুন্তলমণ্ডিতা ।
অতিবুদ্ধিধরো সূক্ষ্মো রজনীধ্বান্তনাশিনী ॥ ১৭৩ ॥
জ্যোত্স্নাজালকরো য়োগী বিয়োগশায়িনী য়ুগা ।
য়ুগগামী য়োগগামী জয়দা লাকিনী শিবা ॥ ১৭৪ ॥
সংজ্ঞাবুদ্ধিকরো ভাবো ভবভীতিবিমোহিনী ।
সুন্দর সুন্দরানন্দো রতিকারতিসুন্দরী ॥ ১৭৫ ॥
রতিজ্ঞানী রতিসুখো রতিনাথপ্রকাশিনী ।
বুদ্ধরূপী বোধমাত্রো বৈরোধো দ্বৈতবর্জীতা ॥ ১৭৬ ॥
ভূরিভাবহরানন্দো ভূরিসন্তানদায়িনী ।
য়জ্ঞসাধনকর্তা চ সুয়জ্ঞ পঞ্চমোচনা ॥ ১৭৭ ॥
কোটিকোটিচন্দ্রতেজঃ কোটিকোটিরুচিচ্ছটা ।
কোটিকোটিচঞ্চলাভো দ্বিকোট্যয়ুতচঞ্চলা ॥ ১৭৮ ॥
কোটিসূর্যাচ্ছন্নদেহ কোটিকোটিরবিপ্রভা ।
কোটিচন্দ্রকান্তমণি কোটীন্দুকান্তনির্মলা ॥ ১৭৯ ॥
শতকোটিবিধুমণি শতকোটীন্দুকান্তগা ।
বিলসত্কোটিকালাগ্নি কোটিকালানলোপমা ॥ ১৮০ ॥
কোটিবহ্নিগতো বহ্নি বহ্নিজায়া দ্বিগোদ্ভবা ।
মহাতেজো বহ্নিবারিঃ কালাগ্নিহারধারিণী ॥ ১৮১ ॥
কালাগ্নিরুদ্রো ভগবান্ কালাগ্নিরুদ্ররূপিণী ।
কালাত্মা কলিকালাত্মা কলিকা কুললাকিনী ॥ ১৮২ ॥
মৃত্যুজিতো মৃত্যুতেজা মৃত্যুঞ্জয়মনুপ্রিয়া ।
মহামৃত্যুহরো মৃত্যুঽপমৃত্যুবিনাশিনী ॥ ১৮৩ ॥
জয়ো জয়েশো জয়দো জয়দা জয়বর্ধীনী ।
জয়করো জগদ্ধর্মো জগজ্জীবনরক্ষিণী ॥ ১৮৪ ॥
সর্বজিত্ সর্বরূপী চ সর্বদা সর্বভাবিনী ।
ইত্যেতত্ কথিতং নাথ মহাবিদ্যাভিধানকম্ ॥ ১৮৫ ॥
শব্দব্রহ্মময়ং সাক্ষাত্ কল্পবৃক্ষস্বরূপকম্ ।
অষ্টোত্তরসহস্রাখ্যং শতসংখ্যাসমাকুলম্ ॥ ১৮৬ ॥
ত্রৈলোক্যমঙ্গলক্ষেত্রং সিদ্ধবিদ্যাফলপ্রদম্ ।
সকলং নিষ্কলং সাক্ষাত্ কল্পদ্রুমকলান্বিতম্ ॥ ১৮৭ ॥
য়োগিনামাত্মবিজ্ঞানমাত্মজ্ঞানকরং পরম্ ।
য়ঃ পঠেদ্ ভাবসম্পূর্ণো মিথ্যাধর্মবিবর্জীতঃ ॥ ১৮৮ ॥
রুদ্রপীঠে স্বয়ং ভূত্ত্বা মহায়োগী ভবেদ্ধ্রুবম্ ।
অকস্মাত্সিদ্ধিমাপ্নোতি চাধমাম্মাল্যদায়িনীম্ ॥ ১৮৯ ॥
রাজলক্ষ্মীধনৈশ্বর্যমতিধৈর্য হয়াদিকম্ ।
কুঞ্জরং সুন্দরং বীরং পুত্রং রাজ্যং সুখং জয়ম্ ॥ ১৯০ ॥
রাজরাজেশ্বরত্বং চ দিব্যবাহনমেব চ ।
অক্লেশপঞ্চমাসিদ্ধিং ততঃ প্রাপ্নোতি মধ্যমাম্ ॥ ১৯১ ॥
অত্যন্তদুঃখহননং গুরুত্বং লোকমণ্ডলে ।
দেবানাং ভক্তিসংখ্যাঞ্চ দিব্যভাবং সদা সুখম্ ॥ ১৯২ ॥
আয়ুর্বৃদ্ধিং লোকবশ্যং পূর্ণকোশং হি গোধনম্ ।
দেবানাং রাজ্যভবনং প্রত্যক্ষে স্বপ্নকালকে ॥ ১৯৩ ॥
দীর্ঘদৃষ্টিভয়ত্যাগং চাল্পকার্যবিবর্জীতম্ ।
সদা ধর্মপ্রিয়ত্বং চ ধর্মজ্ঞানং মহাগুণম্ ॥ ১৯৪ ॥
বিবেকাঙ্কুরমানন্দং শ্রীবাণীসুকৃপান্বিতম্ ।
তত উত্তময়োগস্থাং সিদ্ধিং প্রাপ্নোতি সাধকঃ ॥ ১৯৫ ॥
অনন্তগুণসংস্থানং মায়ার্থভূতিবর্জনম্ ।
একান্তস্থানবসতিং য়োগশাস্ত্রনিয়োজনম্ ॥ ১৯৬ ॥
সর্বাকাঙ্ক্ষাবিশূন্যত্বং দৈবতৈকান্তসেবনম্ ।
খেচরত্বং সর্বগতিং ভাবসিদ্ধিং সুরপ্রিয়ম্ ॥ ১৯৭ ॥
সদা রৌদ্রক্রিয়ায়োগং বিভূত্যষ্টাঙ্গসিদ্ধিদম্ ।
দৃঢজ্ঞানং সর্বশাস্ত্রকারিত্বং রসসাগরম্ ॥ ১৯৮ ॥
একভাবং দ্বৈতশূন্যং মহাপদনিয়োজনম্ ।
মহাগুণবতীবিদ্যাপতিত্বং শান্তিমেব চ ॥ ১৯৯ ॥
প্রাপ্নোতি সাধকশ্রেষ্ঠো য়ঃ পঠেদ্ ভাবনিশ্চলঃ ।
ত্রিকালমেককালং বা দ্বিকালং বা পঠেত্ সুধীঃ ॥ ২০০ ॥
শতমষ্টোত্তরং চাস্য পুরশ্চর্যাবিধিঃ স্মৃতঃ ।
পুরশ্চরণমাকৃত্য পঠিত্বা চ পুনঃ পুনঃ ॥ ২০১ ॥
অষ্টৈশ্বর্যয়ুতো ভূত্বা মনোগতিমবাপ্নুয়াত্ ।
সর্বত্র কুশলং ব্যাপ্তং য়ঃ পঠেন্নিয়তঃ শুচিঃ ॥ ২০২ ॥
ষট্চক্রমণিপীঠঞ্চ ভিত্ত্বাঽনাহতগো ভবেত্ ।
অনাহতং ততো ভিত্ত্বা বিশুদ্ধসঙ্গমো ভবেত্ ॥ ২০৩ ॥
বিশুদ্ধপদ্মং ভিত্ত্বা চ শীর্ষে দ্বিদলগো ভবেত্ ।
দ্বিদলাদিমহাপদ্মং ভিত্ত্বৈতত্ স্তোত্রপাঠতঃ ॥ ২০৪ ॥
চতুর্বর্গাং ক্রিয়াং কৃত্বা চান্তে নির্বাণমোক্ষভাক্ ।
য়োগিনাং য়োগসিদ্ধ্যর্থে সর্বভূতদয়োদয়ম্ ॥ ২০৫ ॥
নির্বাণমোক্ষসিদ্ধ্যর্থে কথিতং পরমেশ্বর ।
এতত্স্তবনপাঠেন কিং ন সিদ্ধ্যতি ভূতলে ॥ ২০৬ ॥
কুলং কুলক্রমেণৈব সাধয়েদ্ য়োগসাধনম্ ।
য়োগান্তে য়োগমধ্যে চ য়োগাদ্যে প্রপঠেত্ স্তবম্ ॥ ২০৭ ॥
কৃত্তিকারোহিণীয়োগয়াত্রায়াং মিথুনে তথা ।
শ্রবণায়াং মেষগণে কুজে চেন্দুসমাকুলে ॥ ২০৮ ॥
শনিবারে চ সঙ্ক্রান্ত্যাং কুজবারে পুনঃ পুনঃ ।
সন্ধ্যাকালে লিখেত্ স্তোত্রং ধ্যানধারণয়োগিরাট্ ॥ ২০৯ ॥
ভূর্জপত্রে লিখিত্বা চ কণ্ঠে শীর্ষে প্রধারয়েত্ ।
অথবা রাত্রিয়োগে চ কুলচক্রে লিখেত্ সুধীঃ ॥ ২১০ ॥
সর্বত্র কুলয়োগেন পঠন্ সিদ্ধিমবাপ্নুয়াত্ ।
এতন্নাম্না প্রজুহুয়াত্ কালিকাকৃতিমান্ ভবেত্ ॥ ২১১ ॥
তদ্দশাংশক্রমেণৈব হুত্বা য়োগীহ সর্বদা ।
মণিপূরে দৃঢো ভূত্বা রুদ্রশক্তিকৃপাং লভেত্ ॥ ২১২ ॥
॥ ইতি শ্রীরুদ্রয়ামলে উত্তরতন্ত্রে
লাকিনীশাষ্টোত্তরশতসহস্রনামস্তোত্রং সম্পূর্ণম্ ॥
– Chant Stotra in Other Languages –
1000 Names of Sri Lakini » Lakini Sahasranama Stotram in Sanskrit » English » Gujarati » Kannada » Malayalam » Odia » Telugu » Tamil