॥ Sri Lalitha Sahasranama Stotram Odia Lyrics ॥
॥ ଶ୍ରୀଲଲିତାସହସ୍ରନାମସ୍ତୋତ୍ରମ୍ ଶିଵକୃତମ୍ ॥
ଶ୍ରୀମହାଦେଵ ଉଵାଚ –
ହରନେତ୍ରସମୁଦ୍ଭୂତଃ ସ ଵହ୍ନିର୍ନ ମହେଶ୍ଵରମ୍ ।
ପୁନର୍ଗନ୍ତୁଂ ଶଶାକାଥ କଦାଚିଦପି ନାରଦ ॥ ୧ ॥
ବଭୂଵ ଵଡଵାରୂପସ୍ତାପୟାମାସ ମେଦିନୀମ୍ ।
ତତୋ ବ୍ରହ୍ମା ସମାଗତ୍ୟ ଵଡଵାରୂପିଣଂ ଚ ତମ୍ ॥ ୨ ॥
ନୀତ୍ଵା ସମୁଦ୍ରଂ ସମ୍ପ୍ରାର୍ଥ୍ୟଂ ତତ୍ତୋୟେଽସ୍ଥାପୟନ୍ମୁନେ ।
ୟୟୁର୍ଦେଵା ନିଜଂ ସ୍ଥାନଂ କାମଶୋକେନ ମୋହିତାଃ ॥ ୩ ॥
ସମାଶ୍ଵସ୍ୟ ରତିଂ ସ୍ଵାମୀ ପୁନସ୍ତେ ଜୀଵିତୋ ଭଵେତ୍ ॥ ୪ ॥
ଶ୍ରଥ ପ୍ରାହ ମହାଦେଵଂ ପାର୍ଵତୀ ରୁଚିରାନନା ।
ତ୍ରିଜଗଜ୍ଜନନୀ ସ୍ମିତ୍ଵା ନିର୍ଜନେ ତତ୍ର କାନନେ ॥ ୫ ॥
ଶ୍ରୀଦେଵ୍ୟୁଵାଚ –
ମାମାଦ୍ୟାଂ ପ୍ରକୃତିଂ ଦେଵ ଲବ୍ଧୁଂ ପତ୍ନୀଂ ମହତ୍ତ୍ତପଃ ।
ଚିରଂ କରୋଷି ତତ୍କସ୍ମାତ୍କାମୋଽୟଂ ନାଶିତସ୍ତ୍ଵୟା ॥ ୬ ॥
କାମେ ଵିନଷ୍ଟେ ପତ୍ନ୍ୟାଃ କିଂ ଵିଦ୍ୟତେ ତେ ପ୍ରୟୋଜନମ୍ ।
ୟୋଗିନାମେଷ ଧର୍ମୋ ଵୈ ୟତ୍କାମସ୍ୟ ଵିନାଶନମ୍ ॥ ୭ ॥
ଇତି ଶ୍ରୁତ୍ଵା ଵଚସ୍ତସ୍ୟାଃ ଶଙ୍କରଶ୍ଚକିତସ୍ତଦା ।
ସନ୍ଧ୍ୟାୟନ୍ ଜ୍ଞାତଵାନାଦ୍ୟାଂ ପ୍ରକୃତିଂ ପର୍ଵତାତ୍ମଜାମ୍ ॥ ୮ ॥
ତତୋ ନିମୀଲ୍ୟ ନେତ୍ରାଣି ପ୍ରହର୍ଷପୁଲକାନ୍ଵିତଃ ।
ନିରୀକ୍ଷ୍ୟ ପାର୍ଵତୀଂ ପ୍ରାହ ସର୍ଵଲୋକୈକସୁନ୍ଦରୀମ୍ ॥ ୯ ॥
ଜାନେ ତ୍ଵାଂ ପ୍ରକୃତିଂ ପୂର୍ଣାମାଵିର୍ଭୂତାଂ ସ୍ଵଲୀଲୟା ।
ତ୍ଵାମେଵ ଲବ୍ଧୁଂ ଧ୍ୟାନସ୍ଥଶ୍ଚିରଂ ତିଷ୍ଠାମି କାନନେ ॥ ୧୦ ॥
ଅଦ୍ୟାହଂ କୃତକୃତ୍ୟୋଽସ୍ମି ୟତ୍ତ୍ଵାଂ ସାକ୍ଷାତ୍ପରାତ୍ପରାମ୍ ।
ପୁରଃ ପଶ୍ୟାମି ଚାର୍ଵଙ୍ଗୀଂ ସତୀମିଵ ମମ ପ୍ରିୟାମ୍ ॥ ୧୧ ॥
ଶ୍ରୀଦେଵ୍ୟୁଵାଚ –
ତଵ ଭାଵେନ ତୁଷ୍ଟାଽହଂ ସମ୍ଭୂୟ ହିମଵଦ୍ଵୃହେ ।
ତ୍ଵାମେଵ ଚ ପତିଂ ଲବ୍ଧୁଂ ସମାୟାତା ତଵାନ୍ତିକମ୍ ॥ ୧୨ ॥
ୟୋ ମାଂ ୟାଦୃଶଭାଵେନ ସମ୍ପ୍ରାର୍ଥୟତି ଭକ୍ତିତଃ ।
ତସ୍ୟ ତେନୈଵ ଭାଵେନ ପୂରୟାମି ମନୋରଥାନ୍ ॥ ୧୩ ॥
ଅହଂ ସୈଵ ସତୀ ଶମ୍ଭୋ ଦକ୍ଷସ୍ୟ ଚ ମହାଧ୍ଵରେ ।
ଵିହାୟ ତ୍ଵାଂ ଗତା କାଲୀ ଭୀମା ତ୍ରିଲୋକ୍ୟମୋହିନୀ ॥ ୧୪ ॥
ଶିଵ ଉଵାଚ –
ୟଦି ମେ ପ୍ରାଣତୁଲ୍ୟାସି ସତୀ ତ୍ଵଂ ଚାରୁଲୋଚନା ।
ତଦା ୟଥା ମହାମେଘପ୍ରଭା ସା ଭୀମରୂପିଣୀ ॥ ୧୫ ॥
ବଭୂଵ ଦକ୍ଷୟଜ୍ଞସ୍ୟ ଵିନାଶାୟ ଦିଗମ୍ବରୀ ।
କାଲୀ ତଥା ସ୍ଵରୂପେଣ ଚାତ୍ମାନଂ ଦର୍ଶୟସ୍ଵ ମାମ୍ ॥ ୧୬ ॥
ଇତ୍ୟୁକ୍ତା ସା ହିମସୁତା ଶମ୍ଭୁନା ମୁନିସତ୍ତମମ୍ ।
ବଭୂଵ ପୂର୍ଵଵତ୍କାଲୀ ସ୍ନିଗ୍ଧାଞ୍ଜନଚୟପ୍ରଭା ॥ ୧୭ ॥
ଦିଗମ୍ବରୀ କ୍ଷରଦ୍ରକ୍ତା ଭୀମାୟତଵିଲୋଚନା ।
ପୀନୋନ୍ନତକୁଚଦ୍ଵନ୍ଦ୍ଵଚାରୁଶୋଭିତଵକ୍ଷସା ॥ ୧୮ ॥
ଗଲଦାପାଦସଂଲମ୍ବିକେଶପୁଞ୍ଜଭୟାନକା ।
ଲଲଜ୍ଜିହ୍ଵା ଜ୍ଵଲଦ୍ଦନ୍ତନଖରୈରୁପଶୋଭିତା ॥ ୧୯ ॥
ଉଦ୍ୟତ୍ଚ୍ଛଶାଙ୍କନିଚୟୈର୍ମେଘପଙ୍କ୍ତିରିଵାମ୍ବରେ ।
ଆଜାନୁଲମ୍ବିମୁଣ୍ଡାଲିମାଲୟାଽତିଵିଶାଲୟା ॥ ୨୦ ॥
ରାଜମାନା ମହାମେଘପଙକ୍ତିଶ୍ଚଞ୍ଚଲୟା ୟଥା ।
ଭୁଜୈଶ୍ଚତୁର୍ଭିର୍ଭୂୟୋଚ୍ଚୈଃ ଶୋଭମାନା ମହାପ୍ରଭା ॥ ୨୧ ॥
ଵିଚିତ୍ରରତ୍ନଵିଭ୍ରାଜନ୍ମୁକୁଟୋଜ୍ଵଲମସ୍ତକା ।
ତାଂ ଵିଲୋକ୍ୟ ମହାଦେଵଃ ପ୍ରାହ ଗଦ୍ଗଦୟା ଗିରା ॥ ୨୨ ॥
ରୋମାଞ୍ଚିତତନୁର୍ଭକ୍ତ୍ୟା ପ୍ରହୃଷ୍ଟାତ୍ମା ମହାମୁନେ ।
ଚିରଂ ତ୍ଵଦ୍ଵିରହେନେଦଂ ନିର୍ଦଗ୍ଧଂ ହଦୟଂ ମମ ॥ ୨୩ ॥
ତ୍ଵମନ୍ତର୍ୟାମିନୀ ଶକ୍ତିର୍ହୃଦୟସ୍ଥା ମହେଶ୍ଵରୀ ।
ଆରାଧ୍ୟ ତ୍ଵତ୍ପଦାମ୍ଭୋଜଂ ଧୃତ୍ଵା ହୃଦୟପଙ୍କଜେ ॥ ୨୪ ॥
ତ୍ଵଦ୍ଵିଚ୍ଛେଦସମୁତ୍ତପ୍ତଂ ହୃତ୍କରୋମି ସୁଶୀତଲମ୍ ॥ ୨୫ ॥
ଇତ୍ୟୁକ୍ତ୍ଵା ସ ମହାଦେଵୋ ୟୋଗଂ ପରମମାସ୍ଥିତଃ ।
ଶୟିତସ୍ତତ୍ପଦାମ୍ଭୋଜଂ ଦଧାର ହୃଦୟେ ତଦା ॥ ୨୬ ॥
ଧ୍ୟାନାନନ୍ଦେନ ନିଷ୍ପନ୍ଦଶଵରୂପଧରଃ ସ୍ଥିତଃ ।
ଵ୍ୟାଧୂର୍ଣମାନନେତ୍ରସ୍ତାଂ ଦଦର୍ଶ ପରମାଦରଃ ॥ ୨୭ ॥
ଅଂଶତଃ ଗୁରତଃ ସ୍ଥିତ୍ଵା ପଞ୍ଚଵକ୍ତ୍ରଃ କୃତାଞ୍ଜଲିଃ ।
ସହସ୍ରନାମଭିଃ କାଲୀଂ ତୁଷ୍ଟାଵ ପରମେଶ୍ଵରୀମ୍ ॥ ୨୮ ॥
ଶିଵ ଉଵାଚ –
ଅନାଦ୍ୟା ପରମା ଵିଦ୍ୟା ପ୍ରଧାନା ପ୍ରକୃତିଃ ପରା ।
ପ୍ରଧାନପୁରୁଷାରାଧ୍ୟା ପ୍ରଧାନପୁରୁଷେଶ୍ଵରୀ ॥ ୨୯ ॥
ପ୍ରାଣାତ୍ମିକା ପ୍ରାଣଶକ୍ତିଃ ସର୍ଵପ୍ରାଣହିତୈଷିଣୀ ।
ଉମା ଚୋତ୍ତମକେଶିନ୍ୟୁତ୍ତମା ଚୋନ୍ମତ୍ତଭୈରଵୀ ॥ ୩୦ ॥
ଉର୍ଵଶୀ ଚୋନ୍ନତା ଚୋଗ୍ରା ମହୋଗ୍ରା ଚୋନ୍ନତସ୍ତନୀ ।
ଉଗ୍ରଚଣ୍ଡୋଗ୍ରନୟନା ମହୋଗ୍ରା ଦୈତ୍ୟନାଶିନୀ ॥ ୩୧ ॥
ଉଗ୍ରପ୍ରଭାଵତୀ ଚୋଗ୍ରଵେଗାଽନୁଗ୍ରାଽପ୍ରମର୍ଦିନୀ ।
ଉଗ୍ରତାରୋଗ୍ରନୟନା ଚୋର୍ଧ୍ଵସ୍ଥାନନିଵାସିନୀ ॥ ୩୨ ॥
ଉନ୍ମତ୍ତନୟନାଽତ୍ୟୁଗ୍ରଦନ୍ତୋତ୍ତୁଙ୍ଗସ୍ଥଲାଲୟା ।
ଉଲ୍ଲାସିନ୍ୟୁଲ୍ଲାସଚିତ୍ତା ଚୋତ୍ଫଲ୍ଲନୟନୋଜ୍ଜଲା ॥ ୩୩ ॥
ଉତ୍ଫୁଲ୍ଲକମଲାରୂଢା କମଲା କାମିନୀ କଲା ।
କାଲୀ କରାଲଵଦନା କାମିନୀ ମୁଖକାମିନୀ ॥ ୩୪ ॥
କୋମଲାଙ୍ଗୀ କୃଶାଙ୍ଗୀ ଚ କୈଟଭାସୁରମର୍ଦିନୀ ।
କାଲିନ୍ଦୀ କମଲସ୍ଥା ଚ କାନ୍ତା କାନନଵାସିନୀ ॥ ୩୫ ॥
କୁଲୀନା ନିଷ୍କଲା କୃଷ୍ଣା କାଲରାତ୍ରିସ୍ଵରୂପିଣୀ ।
କୁମାରୀ କାମରୂପା ଚ କାମିନୀ କୃଷ୍ଣପିଙ୍ଗଲା ॥ ୩୬ ॥
କପିଲା ଶାନ୍ତିଦା ଶୁଦ୍ଧା ଶଙ୍କରାର୍ଧଶରୀରିଣୀ ।
କୌମାରୀ କାର୍ତ୍ତିକୀ ଦୁର୍ଗା କୌଶିକୀ କୁଣ୍ଡଲୋଜ୍ଜଵଲା ॥ ୩୭ ॥
କୁଲେଶ୍ଵରୀ କୁଲଶ୍ରେଷ୍ଠା କୁଣ୍ଡଲୋଜ୍ଜ୍ଵଲମସ୍ତକା ।
ଭଵାନୀ ଭାଵିନୀ ଵାଣୀ ଶିଵା ଚ ଶିଵମୋହିନୀ ॥ ୩୮ ॥
ଶିଵପ୍ରିୟା ଶିଵାରାଧ୍ୟା ଶିଵପ୍ରାଣୈକଵଲ୍ଲଭା ।
ଶିଵପତ୍ନୀ ଶିଵସ୍ତୁତ୍ୟା ଶିଵାନନ୍ଦପ୍ରଦାୟିନୀ ॥ ୩୯ ॥
ନିତ୍ୟାନନ୍ଦମୟୀ ନିତ୍ୟା ସଚ୍ଚିଦାନନ୍ଦଵିଗ୍ରହା ।
ତ୍ରୈଲୋକ୍ୟଜନନୀ ଶମ୍ଭୁହୃଦୟସ୍ଥା ସନାତନୀ ॥ ୪୦ ॥
ସଦୟା ନିର୍ଦୟା ମାୟା ଶିଵା ତ୍ରୈଲୋକ୍ୟମୋହିନୀ ।
ବ୍ରହ୍ମାଦିତ୍ରିଦଶାରାଧ୍ୟା ସର୍ଵାଭୀଷ୍ଟପ୍ରଦାୟିନୀ ॥ ୪୧ ॥
ବ୍ରହ୍ମାଣୀ ବ୍ରହ୍ମ ଗାୟତ୍ରୀ ସାଵିତ୍ରୀ ବ୍ରହ୍ମସଂସ୍ତୁତା ।
ବ୍ରହ୍ମୋପାସ୍ୟା ବ୍ରହ୍ମଶକ୍ତିର୍ବ୍ରହ୍ମସୃଷ୍ଟିଵିଧାୟିନୀ ॥ ୪୨ ॥
କମଣ୍ଡଲୁକରା ସଷ୍ଟିକର୍ତ୍ରୀ ବ୍ରହ୍ମସ୍ଵରୂପିଣୀ ।
ଚତୁର୍ଭୁଜାତ୍ମିକା ୟଜ୍ଞସୂତ୍ରରୂପା ଦୃଢଵ୍ରତା ॥ ୪୩ ॥
ହଂସାରୂଢା ଚତୁର୍ଵକ୍ତ୍ରା ଚତୁର୍ଵେଦାଭିସଂସ୍ଥୁତା ।
ଵୈଷ୍ଣଵୀ ପାଲନକାରୀ ମହାଲକ୍ଷ୍ମୀର୍ହରିପ୍ରିୟା ॥ ୪୪ ॥
ଶଙ୍ଖଚକ୍ରଧରା ଵିଷ୍ଣୁଶକ୍ତିର୍ଵିଷ୍ଣୁସ୍ଵରୂପିଣୀ ।
ଵିଷ୍ଣୁପ୍ରିୟା ଵିଷ୍ଣୁମାୟା ଵିଷ୍ଣୁପ୍ରାଣୈକଵଲ୍ଲଭା ॥ ୪୫ ॥
ୟୋଗନିଦ୍ରାଽକ୍ଷରା ଵିଷ୍ଣୁମୋହିନୀ ଵିଷ୍ଣୁସଂସ୍ତୁତା ।
ଵିଷ୍ଣୁସମ୍ମୋହନକରୀ ତ୍ରୈଲୋକ୍ୟପରିପାଲିନୀ ॥ ୪୬ ॥
ଶଙ୍ଖିନୀ ଚକ୍ରିଣୀ ପଦ୍ମା ପଦ୍ମିନୀ ମୁସଲାୟୁଧା ।
ପଦ୍ମାଲୟା ପଦ୍ମହସ୍ତା ପଦ୍ମମାଲାଦିଭୂଷିତା ॥ ୪୭ ॥
ଗରୁଡସ୍ଥା ଚାରୁରୂପା ସମ୍ପଦ୍ରୂପା ସରସ୍ଵତୀ ।
ଵିଷ୍ଣୁପାର୍ଶ୍ଵସ୍ଥିତା ଵିଷ୍ଣୁପରମାଽଽହ୍ଲାଦଦାୟିନୀ ॥ ୪୮ ॥
ସମ୍ପତ୍ତିଃ ସମ୍ପଦାଧାରା ସର୍ଵସମ୍ପତ୍ପ୍ରଦାୟିନୀ ।
ଶ୍ରୀର୍ଵିଦ୍ୟା ସୁଖଦା ସୌଖ୍ୟଦାୟିନୀ ଦୁଃଖନାଶିନୀ ॥ ୪୯ ॥
ଦୁଃଖହନ୍ତ୍ରୀ ସୁଖକରୀ ସୁଖାସୀନା ସୁଖପ୍ରଦା ।
ସୁଖପ୍ରସନ୍ନଵଦନା ନାରାୟଣମନୋରମା ॥ ୫୦।
ନାରାୟଣୀ ଜଗଦ୍ଧାତ୍ରୀ ନାରାୟଣଵିମୋହିନୀ ।
ନାରାୟଣଶରୀରସ୍ଥା ଵନମାଲାଵିଭୂଷିତା ॥ ୫୧ ॥
ଦୈତ୍ୟଘ୍ନୀ ପୀତଵସନା ସର୍ଵଦୈତ୍ୟପ୍ରମର୍ଦିନୀ ।
ଵାରାହୀ ନାରସିଂହୀ ଚ ରାମଚନ୍ଦ୍ରସ୍ଵରୂପିଣୀ ॥ ୫୨ ॥
ରକ୍ଷୋଘ୍ନୀ କାନନାଵାସା ଚାହଲ୍ୟାଶାପମୋଚିନୀ ।
ସେତୁବନ୍ଧକରୀ ସର୍ଵରକ୍ଷଃକୁଲଵିନାଶିନୀ ॥ ୫୩ ॥
ସୀତା ପତିଵ୍ରତା ସାଧ୍ଵୀ ରାମପ୍ରାଣୈକଵଲ୍ଲଭା ।
ଅଶୋକକାନନାଵାସା ଲଙ୍କେଶ୍ଵରଵିନାଶିନୀ ॥ ୫୪ ॥
ନୀତିଃ ସୁନୀତିଃ ସୁକୃତି କୀର୍ତିର୍ମେଧା ଵସୁନ୍ଧରା ।
ଦିଵ୍ୟମାଲ୍ୟଧରା ଦିଵ୍ୟା ଦିଵ୍ୟଗନ୍ଧାନୁଲେପନା ॥ ୫୫ ॥
ଦିଵ୍ୟଵସ୍ତ୍ରପରୀଧାନା ଦିଵ୍ୟସ୍ଥାନନିଵାସିନୀ ।
ମାହେଶ୍ଵରୀ ପ୍ରେତସଂସ୍ଥା ପ୍ରେତଭୂମିନିଵାସିନୀ ॥ ୫୬ ॥
ନିର୍ଜନସ୍ଥା ଶ୍ମଶାନସ୍ଥା ଭୈରଵୀ ଭୀମଲୋଚନା ।
ସୁଘୋରନୟନା ଘୋରା ଘୋରରୂପା ଘନପ୍ରଭା ॥ ୫୭ ॥
ଘନସ୍ତନୀ ଵରା ଶ୍ୟାମା ପ୍ରେତଭୂମିକୃତାଲୟା ।
ଖଟ୍ଵାଙ୍ଗଧାରିଣୀ ଦ୍ଵୀପିଚର୍ମାମ୍ବରସୁଶୋଭନା ॥ ୫୮ ॥
ମହାକାଲୀ ଚଣ୍ଡଵକ୍ତ୍ରା ଚଣ୍ଡମୁଣ୍ଡଵିନାଶିନୀ ।
ଉଦ୍ୟାନକାନନାଵାସା ପୁଷ୍ପୋଦ୍ୟାନଵନପ୍ରିୟା ॥ ୫୯ ॥
ବଲିପ୍ରିୟା ମାଂସଭକ୍ଷ୍ୟା ରୁଧିରାସଵଭକ୍ଷିଣୀ ।
ଭୀମରାଵା ସାଟ୍ଟହାସା ରଣନୃତ୍ୟପରାୟଣା ॥ ୬୦ ॥
ଅସୁରା ସୃକ୍ପ୍ରିୟା ତୁଷ୍ଟା ଦୈତ୍ୟଦାନଵମର୍ଦିନୀ ।
ଦୈତ୍ୟଵିଦ୍ରାଵିଣୀ ଦୈତ୍ୟମଥନୀ ଦୈତ୍ୟସୂଦନୀ ॥ ୬୧ ॥
ଦେତ୍ୟଘ୍ନୀ ଦୈତ୍ୟହନ୍ତ୍ରୀ ଚ ମହିଷାସୁରମର୍ଦିନୀ ।
ରକ୍ତବୀଜନିହନ୍ତ୍ରୀ ଚ ଶୁମ୍ଭାସୁରଵିନାଶିନୀ ॥ ୬୨ ॥
ନିଶୁମ୍ଭହନ୍ତ୍ରୀ ଧୂମ୍ରାକ୍ଷମର୍ଦିନୀ ଦୁର୍ଗହାରିଣୀ ।
ଦୁର୍ଗାସୁରନିହନ୍ତ୍ରୀ ଚ ଶିଵଦୂତୀ ମହାବଲା ॥ ୬୩ ॥
ମହାବଲଵତୀ ଚିତ୍ରଵସ୍ତ୍ରା ରକ୍ତାମ୍ବରାଽମଲା ।
ଵିଭଲା ଲଲିତା ଚାରୁହାସା ଚାରୁସ୍ତ୍ରିଲୋଚନା ॥ ୬୪ ॥
ଅଜେୟା ଜୟଦା ଜ୍ୟେଷ୍ଠା ଜୟଶୀଲାଽପରାଜିତା ।
ଵିଜୟା ଜାହ୍ନଵୀ ଦୁଷ୍ଟଜୃମ୍ଭିଣୀ ଜୟଦାୟିନୀ ॥ ୬୫ ॥
ଜଗଦ୍ରକ୍ଷାକରୀ ସର୍ଵଜଗଚ୍ଚୈତନ୍ୟକାରିଣୀ ।
ଜୟା ଜୟନ୍ତୀ ଜନନୀ ଜନଭକ୍ଷଣତତ୍ପରା ॥ ୬୬ ॥
ଜଲରୂପା ଜଲସ୍ଥା ଚ ଜପ୍ୟା ଜାପକଵତ୍ସଲା ।
ଜାଜ୍ଵଲ୍ୟମାନା ୟଜ୍ଞାଶା ଜନ୍ମନାଶଵିର୍ଵଜିତା ॥ ୬୭ ॥
ଜରାତୀତା ଜଗନ୍ମାତା ଜଗଦ୍ରୂପା ଜଗନ୍ମୟୀ ।
ଜଙ୍ଗମା ଜ୍ଵାଲିନୀ ଜୃମ୍ଭା ସ୍ତମ୍ଭିନୀ ଦୁଷ୍ଟତାପିନୀ ॥ ୬୮ ॥
ତ୍ରିପୁରଘ୍ନୀ ତ୍ରିନୟନା ମହାତ୍ରିପୁରତାପିନୀ ।
ତୃଷ୍ଣା ଜାତିଃ ପିପାସା ଚ ବୁଭୁକ୍ଷା ତ୍ରିପୁରା ପ୍ରଭା ॥ ୬୯ ॥
ତ୍ଵରିତା ତ୍ରିପୁଟା ତ୍ର୍ୟକ୍ଷା ତନ୍ଵୀ ତାପଵିଵୀର୍ଜେତା ।
ତ୍ରିଲୋକେଶୀ ତୀଵ୍ରଵେଗା ତୀଵ୍ରା ତିଵ୍ରବଲାଽଲୟା ॥ ୭୦ ॥
ନିଃଶଙ୍କା ନିର୍ମଲାଭା ଚ ନିରାତଙ୍କାଽମଲପ୍ରଭା ।
ଵିନୀତା ଵିନୟାଭିଜ୍ଞା ଵିଶେଷଜ୍ଞା ଵିଲକ୍ଷଣା ॥ ୭୧ ॥
ଵରଦା ଵଲ୍ଲଭା ଵିଦ୍ୟୁତ୍ପ୍ରଭା ଵିନୟଶାଲିନୀ ।
ବିମ୍ବୋଷ୍ଠୀ ଵିଧୁଵକ୍ତ୍ରା ଚ ଵିଵସ୍ତ୍ରା ଵିନୟପ୍ରଭା ॥ ୭୨ ॥
ଵିଶ୍ଵେଶପତ୍ନୀ ଵିଶ୍ଵାତ୍ମା ଵିଶ୍ଵରୂପା ବଲୋତ୍କଟା ।
ଵିଶ୍ଵେଶୀ ଵିଶ୍ଵଵନିତା ଵିଶ୍ଵମାତା ଵିଚକ୍ଷଣା ॥ ୭୩ ॥
ଵିଦୁଷୀ ଵିଶ୍ଵଵିଦିତା ଵିଶ୍ଵମୋହନକାରିଣୀ ।
ଵିଶ୍ଵମୂର୍ତିର୍ଵିଶ୍ଵଧରା ଵିଶ୍ଵେଶପରିପାଲିନୀ ॥ ୭୪ ॥
ଵିଶ୍ଵକର୍ତ୍ରୀ ଵିଶ୍ଵହର୍ତ୍ରୀ ଵିଶ୍ଵପାଲନତତ୍ପରା ।
ଵିଶ୍ଵେଶହୃଦୟାଵାସା ଵିଶ୍ଵେଶ୍ଵରମନୋରମା ॥ ୭୫ ॥
ଵିଶ୍ଵହା ଵିଶ୍ଵନିଲୟା ଵିଶ୍ଵମାୟା ଵିଭୂତିଦା ।
ଵିଶ୍ଵା ଵିଶ୍ଵୋପକାରା ଚ ଵିଶ୍ଵପ୍ରାଣାତ୍ମିକାପି ଚ ॥ ୭୬ ॥
ଵିଶ୍ଵପ୍ରିୟା ଵିଶ୍ଵମୟୀ ଵିଶ୍ଵଦୁଷ୍ଟଵିନାଶିନୀ ।
ଦାକ୍ଷାୟଣୀ ଦକ୍ଷକନ୍ୟା ଦକ୍ଷୟଜ୍ଞଵିନାଶିନୀ ॥ ୭୭ ॥
ଵିଶ୍ଵମ୍ଭରୀ ଵସୁମତୀ ଵସୁଧା ଵିଶ୍ଵପାଵନୀ ।
ସର୍ଵାତିଶାୟିନୀ ସର୍ଵଦୁଃଖଦାରିଦ୍ର୍ୟହାରିଣୀ ॥ ୭୮ ॥
ମହାଵିଭୂତିରଵ୍ୟକ୍ତା ଶାଶ୍ଵତୀ ସର୍ଵସିଦ୍ଧିଦା ।
ଅଚିନ୍ତ୍ୟାଽଚିନ୍ତ୍ୟରୂପା ଚ କେଵଲା ପରମାତ୍ମିକା ॥ ୭୯ ॥
ସର୍ଵଜ୍ଞା ସର୍ଵଵିଷୟା ସର୍ଵୋପରିପରାୟଣା ।
ସର୍ଵସ୍ୟାର୍ତିହରା ସର୍ଵମଙ୍ଗଲା ମଙ୍ଗଲପ୍ରଦା ॥ ୮୦ ॥
ମଙ୍ଗଲାର୍ହା ମହାଦେଵୀ ସର୍ଵମଙ୍ଗଲଦାୟିକା ।
ସର୍ଵାନ୍ତରସ୍ଥା ସର୍ଵାର୍ଥରୂପିଣୀ ଚ ନିରଞ୍ଜନା ॥ ୮୧ ॥
ଚିଚ୍ଛକ୍ତିଶ୍ଚିନ୍ମୟୀ ସର୍ଵଵିଦ୍ୟା ସର୍ଵଵିଧାୟିନୀ ।
ଶାନ୍ତିଃ ଶାନ୍ତିକରୀ ସୌମ୍ୟା ସର୍ଵା ସର୍ଵପ୍ରଦାୟିନୀ ॥ ୮୨ ॥
ଶାନ୍ତିଃ କ୍ଷମା କ୍ଷେମକରୀ କ୍ଷେତ୍ରଜ୍ଞା କ୍ଷେତ୍ରଵାସିନୀ ।
କ୍ଷଣାତ୍ମିକା କ୍ଷୀଣତନୁଃ କ୍ଷୀଣାଙ୍ଗୀ କ୍ଷୀଣମଧ୍ୟମା ॥ ୮୩ ॥
କ୍ଷିପ୍ରଗା କ୍ଷେମଦା କ୍ଷିପ୍ତା କ୍ଷଣଦା କ୍ଷଣଵାସିନୀ ।
ଵୃତ୍ତିର୍ନିଵୃତ୍ତିର୍ଭୂତାନାଂ ପ୍ରଵୃତ୍ତିର୍ଵୃତ୍ତଲୋଚନା ॥ ୮୪ ॥
ଵ୍ୟୋମମୂର୍ତିର୍ଵ୍ୟୋମସଂସ୍ଥା ଵ୍ୟୋମାଲୟକୃତାଶ୍ରୟା ।
ଚନ୍ଦ୍ରାନନା ଚନ୍ଦ୍ରକାନ୍ତିଶ୍ଚନ୍ଦ୍ରାର୍ଧାଙ୍କିତମସ୍ତକା । ୮୫ ॥
ଚନ୍ଦ୍ରପ୍ରଭା ଚନ୍ଦ୍ରକଲା ଶରଚ୍ଚନ୍ଦ୍ରନିଭାନନା ।
ଚନ୍ଦ୍ରାତ୍ମିକା ଚନ୍ଦ୍ରମୁଖୀ ଚନ୍ଦ୍ରଶେଖରଵଲ୍ଲଭା ॥ ୮୬ ॥
ଚନ୍ଦ୍ରଶେଖରଵକ୍ଷଃସ୍ଥା ଚନ୍ଦ୍ରଲୋକୀନେଵାସିନୀ ।
ଚନ୍ଦ୍ରଶେଖରଶୈଲସ୍ଥା ଚଞ୍ଚଲା ଚଞ୍ଚଲେକ୍ଷଣା ॥ ୮୭ ॥
ଛିନ୍ନମସ୍ତା ଛାଗମାଂସପ୍ରିୟା ଛାଗବଲିପ୍ରିୟା ।
ଜ୍ୟୋତ୍ସ୍ନା ଜ୍ୟୋତିର୍ମୟୀ ସର୍ଵଜ୍ୟାୟସୀ ଜୀଵନାତ୍ମିକା ॥ ୮୮ ॥
ସର୍ଵକାର୍ୟନିୟନ୍ତ୍ରୀ ଚ ସର୍ଵଭୂତହିତୈଷିଣୀ ।
ଗୁଣାତୀତା ଗୁଣମୟୀ ତ୍ରିଗୁଣା ଗୁଣଶାଲିନୀ ॥ ୮୯ ॥
ଗୁଣୈକନିଲୟା ଗୌରୀ ଗୁହ୍ୟା ଗୋପକୁଲୋଦ୍ଭଵା ।
ଗରୀୟସୀ ଗୁରୁରତା ଗୁହ୍ୟସ୍ଥାନନିଵାସିନୀ ॥ ୯୦ ॥
ଗୁଣଜ୍ଞା ନିର୍ଗୁଣା ସର୍ଵଗୁଣାର୍ହା ଗୁହୟକାଽମ୍ବିକା ।
ଗଲଜ୍ଜଟା ଗଲତ୍କେଶା ଗଲଦ୍ରୁଧିରଚର୍ଚିତା ॥ ୯୧ ॥
ଗଜେନ୍ଦ୍ରଗମନା ଗନ୍ତ୍ରୀ ଗୀତନୃତ୍ୟପରାୟଣା ।
ଗମନସ୍ଥା ଗୟାଧ୍ୟକ୍ଷା ଗଣେଶଜନନୀ ତଥା ॥ ୯୨ ॥
ଗାନପ୍ରିୟା ଗାନରତା ଗୃହସ୍ଥା ଗୃହିଣୀ ପରା ।
ଗଜସଂସ୍ଥା ଗଜାରୂଢା ଗ୍ରସନ୍ତୀ ଗରୁଡାସନା ॥ ୯୩ ॥
ୟୋଗସ୍ଥା ୟୋଗିନୀଗମ୍ୟା ୟୋଗଚିନ୍ତାପରାୟଣା ।
ୟୋଗିଧ୍ୟେୟା ୟୋଗିଵନ୍ଦ୍ୟା ୟୋଗଲଭ୍ୟା ୟୁଗାତ୍ମିକା ॥ ୯୪ ॥
ୟୋଗିଜ୍ଞେୟା ୟୋଗୟୁକ୍ତା ମହାୟୋଗେଶ୍ଵରେଶ୍ଵରୀ ।
ୟୋଗାନୁରକ୍ତା ୟୁଗଦା ୟୁଗାନ୍ତଜଲଦପ୍ରଭା ॥ ୯୫ ॥
ୟୁଗାନୁକାରିଣୀ ୟଜ୍ଞରୂପା ସୂର୍ୟସମପ୍ରଭା ।
ୟୁଗାନ୍ତାନିଲଵେଗା ଚ ସର୍ଵୟଜ୍ଞଫଲପ୍ରଦା ॥ ୯୬ ॥
ସଂସାରୟୋନିଃ ସଂସାରଵ୍ୟାପିନୀ ସଫଲାସ୍ପଦା ।
ସଂସାରତରୁନିଃସେଵ୍ୟା ସଂସାରାର୍ଣଵତାରିଣୀ ॥ ୯୭ ॥
ସର୍ଵାର୍ଥସାଧିକା ସର୍ଵା ସଂସାରଵ୍ୟାପିନୀ ତଥା ।
ସଂସାରବନ୍ଧକର୍ତ୍ରୀ ଚ ସଂସାରପରିଵର୍ଜିତା ॥ ୯୮ ॥
ଦୁର୍ନିରୀକ୍ଷ୍ୟା ସୁଦୁଷ୍ପ୍ରାପ୍ୟା ଭୂତିର୍ଭୂତିମତୀତ୍ୟପି ।
ଅତ୍ୟନ୍ତଵିଭଵାଽରୂପା ମହାଵିଭଵରୂପିଣୀ ॥ ୯୯ ॥
ଶବ୍ଦବ୍ରହ୍ମସ୍ଵରୂପା ଚ ଶବ୍ଦୟୋନିଃ ପରାତ୍ପରା ।
ଭୂତିଦା ଭୂତିମାତା ଚ ଭୂତିସ୍ତନ୍ଦ୍ରୀ ଵିଭୂତିଦା ॥ ୧୦୦ ॥
ଭୂତାନ୍ତରସ୍ଥା କୂଟସ୍ଥା ଭୂତନାଥପ୍ରିୟାଙ୍ଗନା ।
ଭୂତମାତା ଭୂତନାଥା ଭୂତାଲୟନିଵାସିନୀ ॥ ୧୦୧ ॥
ଭୂତନୃତ୍ୟପ୍ରିୟା ଭୂତସଙ୍ଗିନୀ ଭୂତଲାଶ୍ରୟା ।
ଜନ୍ମମୃତ୍ୟୁଜରାତୀତା ମହାପୁରୁଷସଙ୍ଗତା ॥ ୧୦୨ ॥
ଭୁଜଗା ତାମସୀ ଵ୍ୟକ୍ତା ତମୋଗୁଣଵତୀ ତଥା ।
ତ୍ରିତତ୍ତ୍ଵା ତତ୍ତ୍ଵରୂପା ଚ ତତ୍ତ୍ଵଜ୍ଞା ତତ୍ତ୍ଵକପ୍ରିୟା ॥ ୧୦୩ ॥
ତ୍ର୍ୟମ୍ବକା ତ୍ର୍ୟମ୍ବକରତା ଶୁକ୍ଲା ତ୍ର୍ୟମ୍ବକରୂପିଣୀ ।
ତ୍ରିକାଲଜ୍ଞା ଜନ୍ମହୀନା ରକ୍ତାଙ୍ଗୀ ଜ୍ଞାନରୂପିଣୀ ॥ ୧୦୪ ॥
ଅକାର୍ୟା କାର୍ୟଜନନୀ ବ୍ରହ୍ମାଖ୍ୟା ବ୍ରହ୍ମସଂସ୍ଥିତା ।
ଵୈରାଗ୍ୟୟୁକ୍ତା ଵିଜ୍ଞାନଗମ୍ୟା ଧର୍ମସ୍ଵରୂପିଣୀ ॥ ୧୦୫ ॥
ସର୍ଵଧର୍ମଵିଧାନଜ୍ଞା ଧର୍ମିଷ୍ଠା ଧର୍ମତତ୍ପରା ।
ଧର୍ମିଷ୍ଠପାଲନକରୀ ଧର୍ମଶାସ୍ତ୍ରପରାୟଣା ॥ ୧୦୬ ॥
ଧର୍ମାଧର୍ମଵିହୀନା ଚ ଧର୍ମଜନ୍ୟଫଲପ୍ରଦା ।
ଧର୍ମିଣୀ ଧର୍ମନିରତା ଧର୍ମିଣାମିଷ୍ଟଦାୟିନୀ ॥ ୧୦୭ ॥
ଧନ୍ୟା ଧୀର୍ଧାରଣା ଧୀରା ଧନ୍ଵନୀ ଧନଦାୟିନୀ ।
ଧନୁଷ୍ମତୀ ଧରାସଂସ୍ଥା ଧରଣୀ ସ୍ଥିତିକାରିଣୀ ॥ ୧୦୮ ॥
ସର୍ଵୟୋନିର୍ଵିଶ୍ଵୟୋନିରପାଂୟୋନିରୟୋନିଜା ।
ରୁଦ୍ରାଣୀ ରୁଦ୍ରଵନିତା ରୁଦ୍ରୈକାଦଶରୂପିଣୀ ॥ ୧୦୯ ॥
ରୁଦ୍ରାକ୍ଷମାଲିନୀ ରୌଦ୍ରୀ ଭୁକ୍ତିମୁକ୍ତିଫଲପ୍ରଦା ।
ବ୍ରହ୍ମୋପେନ୍ଦ୍ରପ୍ରଵନ୍ଦ୍ୟା ଚ ନିତ୍ୟଂ ମୁଦିତମାନସା ॥ ୧୧୦ ॥
ଇନ୍ଦ୍ରାଣୀ ଵାସଵୀ ଚୈନ୍ଦ୍ରୀ ଵିଚିତ୍ରୈରାଵତସ୍ଥିତା ।
ସହସ୍ରନେତ୍ରା ଦିଵ୍ୟାଙ୍ଗୀ ଦିଵ୍ୟକେଶଵିଲାସିନୀ ॥ ୧୧୧ ॥
ଦିଵ୍ୟାଙ୍ଗନା ଦିଵ୍ୟନେତ୍ରା ଦିଵ୍ୟଚନ୍ଦନଚର୍ଚିତା ।
ଦିଵ୍ୟାଲଙ୍କରଣା ଦିଵ୍ୟଶ୍ଵେତଚାମରଵୀଜିତା ॥ ୧୧୨ ॥
ଦିଵ୍ୟହାରା ଦିଵ୍ୟପଦା ଦିଵ୍ୟନୂପୁରଶୋଭିତା ।
କେୟୂରଶୋଭିତା ହୃଷ୍ଟା ହୃଷ୍ଟଚିତ୍ତପ୍ରହର୍ଷିଣୀ ॥ ୧୧୩ ॥
ସମ୍ପ୍ରହୃଷ୍ଟମନା ହର୍ଷପ୍ରସନ୍ନଵଦନା ତଥା ।
ଦେଵେନ୍ଦ୍ରଵନ୍ଦ୍ୟପାଦାବ୍ଜା ଦେଵେନ୍ଦ୍ରପରିପୂଜିତା ॥ ୧୧୪ ॥
ରଜସା ରକ୍ତନୟନା ରକ୍ତପୁଷ୍ପପ୍ରିୟା ସଦା ।
ରକ୍ତାଙ୍ଗୀ ରକ୍ତନେତ୍ରା ଚ ରକ୍ତୋତ୍ପଲଵିଲୋଚନା ॥ ୧୧୫ ॥
ରକ୍ତାଭା ରକ୍ତଵସ୍ତ୍ରା ଚ ରକ୍ତଚନ୍ଦନଚର୍ଚିତା ।
ରକ୍ତେକ୍ଷଣା ରକ୍ତଭକ୍ଷ୍ୟା ରକ୍ତମତ୍ତୋରଗାଶ୍ରୟା ॥ ୧୧୬ ॥
ରକ୍ତଦନ୍ତା ରକ୍ତଜିହ୍ଵା ରକ୍ତଭକ୍ଷଣତତ୍ପରା ।
ରକ୍ତପ୍ରିୟା ରକ୍ତତୃଷ୍ଟା ରକ୍ତପାନସୁତତ୍ପରା ॥ ୧୧୭ ॥
ବନ୍ଧୂକୁସୁମାଭା ଚ ରକ୍ତମାଲ୍ୟାନୁଲେପନା ।
ସ୍ଫୁରଦ୍ରକ୍ତାଞ୍ଚିତତନୁଃ ସ୍ଫୁରତ୍ସୂର୍ୟଶତପ୍ରଭା ॥ ୧୧୮ ॥
ସ୍ଫୁରନ୍ନେତ୍ରା ପିଙ୍ଗଜଟା ପିଙ୍ଗଲା ପିଙ୍ଗଲେକ୍ଷଣା ।
ବଗଲା ପୀତଵସ୍ତ୍ରା ଚ ପୀତପୁଷ୍ପପ୍ରିୟା ସଦା ॥ ୧୧୯ ॥
ପୀତାମ୍ବରା ପିବଦ୍ରକ୍ତା ପୀତପୁଷ୍ପୋପଶୋଭିତା ।
ଶତ୍ରୁଘ୍ନୀ ଶତ୍ରୁସମ୍ମୋହଜନନୀ ଶତ୍ରୁତାପିନୀ ॥ ୧୨୦ ॥
ଶତ୍ରୁପ୍ରମର୍ଦିନୀ ଶତ୍ରୁଵାକ୍ୟସ୍ତମ୍ଭନକାରିଣୀ ।
ଉଚ୍ଚାଟନକରୀ ସର୍ଵଦୁଷ୍ଟୋତ୍ସାରଣକାରିଣୀ ॥ ୧୨୧ ॥
ଶତ୍ରୁଵିଦ୍ରାଵିଣୀ ଶତ୍ରୁସମ୍ମୋହନକରୀ ତଥା ।
ଵିପକ୍ଷମର୍ଦନକରୀ ଶତ୍ରୁପକ୍ଷକ୍ଷୟଙ୍କରୀ ॥ ୧୨୨ ॥
ସର୍ଵଦୁଷ୍ଟଘାତିନୀ ଚ ସର୍ଵଦୁଷ୍ଟଵିନାଶିନୀ ।
ଦ୍ଵିଭୁଜା ଶୂଲହସ୍ତା ଚ ତ୍ରିଶୂଲଵରଧାରିଣୀ ॥ ୧୨୩ ॥
ଦୁଷ୍ଟସନ୍ତାପଜନନୀ ଦୁଷ୍ଟକ୍ଷୋଭପ୍ରଵର୍ଧିନୀ ।
ଦୁଷ୍ଟାନାଂ କ୍ଷୋଭସମ୍ବଦ୍ଧା ଭକ୍ତକ୍ଷୋଭନିଵାରିଣୀ ॥ ୧୨୪ ॥
ଦୁଷ୍ଟସନ୍ତାପିନୀ ଦୁଷ୍ଟସନ୍ତାପପରିମର୍ଦିନୀ ।
ସନ୍ତାପରହିତା ଭକ୍ତସନ୍ତାପପରିନାଶିନୀ ॥ ୧୨୫ ॥
ଅଦ୍ଵୈତା ଦ୍ଵୈତରହିତା ନିଷ୍କଲା ବ୍ରହ୍ମରୂପିଣୀ ।
ତ୍ରିଦଶେଶୀ ତ୍ରିଲୋକେଶୀ ସର୍ଵେଶୀ ଜଗଦୀଶ୍ଵରୀ ॥ ୧୨୬ ॥
ବ୍ରହ୍ମେଶସେଵିତପଦା ସର୍ଵଵନ୍ଦ୍ୟପଦାମ୍ବୁଜା ।
ଅଚିନ୍ତ୍ୟରୂପଚରିତା ଚାଚିନ୍ତ୍ୟବଲଵିକ୍ରମା ॥ ୧୨୭ ॥
ସର୍ଵାଚିନ୍ତ୍ୟପ୍ରଭାଵା ଚ ସ୍ଵପ୍ରଭାଵପ୍ରଦର୍ଶିନୀ ।
ଅଚିନ୍ତ୍ୟମହିମାଽଚିନ୍ତ୍ୟରୂପା ସୌନ୍ଦର୍ୟଶାଲିନୀ ॥ ୧୨୮ ॥
ଅଚିନ୍ତ୍ୟଵେଶଶୋଭା ଚ ଲୋକାଚିନ୍ତ୍ୟଗୁଣାନ୍ଵିତା ।
ଅଚିନ୍ତ୍ୟଶକ୍ତିର୍ଦୁଶ୍ଚିନ୍ତ୍ୟପ୍ରଭାଵା ଚିନ୍ତ୍ୟରୂପିଣୀ ॥ ୧୨୯ ॥
ୟୋଗୀଚିନ୍ତ୍ୟା ମହାଚିନ୍ତାନାଶିନୀ ଚେତନାତ୍ମିକା ।
ଗିରିଜା ଦକ୍ଷଜା ଵିଶ୍ଵଜନୟିତ୍ରୀ ଜଗତ୍ପ୍ରସୂଃ ॥ ୧୩୦ ॥
ସନ୍ନମ୍ୟାଽପ୍ରଣତା ସର୍ଵପ୍ରଣତାର୍ତିହରୀ ତଥା ।
ପ୍ରଣତୈଶ୍ଵର୍ୟଦା ସର୍ଵପ୍ରଣତାଶୁଭନାଶିନୀ ॥ ୧୩୧ ॥
ପ୍ରଣତାପନ୍ନାଶକରୀ ପ୍ରଣତାଶୁଭମୋଚନୀ ।
ସିଦ୍ଧେଶ୍ଵରୀ ସିଦ୍ଧସେଵ୍ୟା ସିଦ୍ଧଚାରଣସେଵିତା ॥ ୧୩୨ ॥
ସିଦ୍ଧିପ୍ରଦା ସିଦ୍ଧିକରୀ ସର୍ଵସିଦ୍ଧଗଣେଶ୍ଵରୀ ।
ଅଷ୍ଟସିଦ୍ଧିପ୍ରଦା ସିଦ୍ଧଗଣସେଵ୍ୟପଦାମ୍ବୁଜା ॥ ୧୩୩ ॥
କାତ୍ୟାୟନୀ ସ୍ଵଧା ସ୍ଵାହା ଵଷଡ୍ ଵୌଷଟ୍ସ୍ଵରୂପିଣୀ ।
ପିତୃଣାଂ ତୃପ୍ତିଜନନୀ କଵ୍ୟରୁପା ସୁରେଶ୍ଵରୀ ॥ ୧୩୪ ॥
ହଵ୍ୟଭୋକ୍ତ୍ରୀ ହଵ୍ୟତୁଷ୍ଟା ପିତୃରୂପାଽସିତପ୍ରିୟା ।
କୃଷ୍ପପକ୍ଷପ୍ରପୂଜ୍ୟା ଚ ପ୍ରେତପକ୍ଷସମର୍ଚିତା ॥ ୧୩୫ ॥
ଅଷ୍ଟହସ୍ତା ଦଶଭୁଜା ଚାଷ୍ଟାଦଶଭୁଜାନ୍ଵିତା ।
ଚତୁର୍ଦଶଭୁଜାଽସଙ୍ଖ୍ୟଭୁଜଵଲ୍ଲୀଵିରାଜିତା ॥ ୧୩୬ ॥
ସିଂହପୃଷ୍ଠସମାରୂଢା ସହସ୍ରଭୂଜରାଜିତା ।
ଭୁଵନେଶୀ ଚାନ୍ନପୂର୍ଣା ମହାତ୍ରିପୁରସୁନ୍ଦରୀ ॥ ୧୩୭ ॥
ତ୍ରିପୁରା ସୁନ୍ଦରୀ ସୌମ୍ୟମୁଖୀ ସୁନ୍ଦରଲୋଚନା ।
ସୁନ୍ଦରାସ୍ୟା ଶୁଭ୍ରଦଂଷ୍ଟ୍ରା ସୁଭ୍ରୂଃ ପର୍ଵତନନ୍ଦିନୀ ॥ ୧୩୮ ॥
ନୀଲୋତ୍ପଲଦଲଶ୍ୟାମା ସ୍ମେରୋତ୍ଫୁଲ୍ଲମୁଖାମ୍ବୁଜା ।
ସତ୍ୟସନ୍ଧା ପଦ୍ମଵକ୍ତ୍ରା ଭ୍ରୂକୁଟୀକୁଟିଲାନନା ॥ ୧୩୯ ॥
ଵିଦ୍ୟାଧରୀ ଵରାରୋହା ମହାସନ୍ଧ୍ୟାସ୍ଵରୁପିଣୀ ।
ଅରୁନ୍ଧତୀ ହିରଣ୍ୟାକ୍ଷୀ ସୁଧୂମ୍ରାକ୍ଷୀ ଶୁଭେକ୍ଷଣା ॥ ୧୪୦ ॥
ଶ୍ରୁତିଃ ସ୍ମୃତିଃ କୃତିର୍ୟୋଗମାୟା ପୁଣ୍ୟା ପୁରାତନୀ ।
ଵାଗ୍ଦେଵତା ଵେଦଵିଦ୍ୟା ବ୍ରହ୍ମଵିଦ୍ୟାସ୍ଵରୂପିଣୀ ॥ ୧୪୧ ॥
ଵେଦଶକ୍ତିର୍ଵେଦମାତା ଵେଦାଦ୍ୟା ପରମା ଗତିଃ ।
ଆନ୍ଵୀକ୍ଷିକୀ ତର୍କଵିଦ୍ୟା ୟୋଗଶାସ୍ତ୍ରପ୍ରକାଶିନୀ ॥ ୧୪୨ ॥
ଧୂମାଵତୀ ଵିୟନ୍ମୂର୍ତିର୍ଵିଦ୍ୟୁନ୍ମାଲା ଵିଲାସିନୀ ।
ମହାଵ୍ରତା ସଦାନନ୍ଦନନ୍ଦିନୀ ନଗନନ୍ଦିନୀ ॥ ୧୪୩ ॥
ସୁନନ୍ଦା ୟମୁନା ଚଣ୍ଡୀ ରୁଦ୍ରଚଣ୍ଡୀ ପ୍ରଭାଵତୀ ।
ପାରିଜାତଵନାଵାସା ପାରିଜାତଵନପ୍ରିୟା ॥ ୧୪୪ ॥
ସୁପୁଷ୍ପଗନ୍ଧସନ୍ତୁଷ୍ଟା ଦିଵ୍ୟପୁଷ୍ପୋପଶୋଭିତା ।
ପୁଷ୍ପକାନନସଦ୍ଵାସା ପୁଷ୍ପମାଲାଵିଲାସିନୀ ॥ ୧୪୫ ॥
ପୁଷ୍ପମାଲ୍ୟଧରା ପୁଷ୍ପଗୁଚ୍ଛାଲଙ୍କୃତଦେହିକା ।
ପ୍ରତପ୍ତକାଞ୍ଚନାଭାସା ଶୁଦ୍ଧକାଞ୍ଚନମଣ୍ଡିତା ॥ ୧୪୬ ॥
ସୁଵର୍ଣକୁଣ୍ଡଲଵତୀ ସ୍ଵର୍ଣପୁଷ୍ପପ୍ରିୟା ସଦା ।
ନର୍ମଦା ସିନ୍ଧୁନିଲୟା ସମୁଦ୍ରତନୟା ତଥା ॥ ୧୪୭ ॥
ଷୋଡଶୀ ଷୋଡଶଭୁଜା ମହାଭୁଜଙ୍ଗମଣ୍ଡିତା ।
ପାତାଲଵାସିନୀ ନାଗୀ ନାଗେନ୍ଦ୍ରକୃତଭୂଷଣା ॥ ୧୪୮ ॥
ନାଗିନୀ ନାଗକନ୍ୟା ଚ ନାଗମାତା ନଗାଲୟା ।
ଦୁର୍ଗାଽଽପତ୍ତାରିଣୀ ଦୁର୍ଗଦୁଷ୍ଟଗ୍ରହନିଵାରିଣୀ ॥ ୧୪୯ ॥
ଅଭୟାଽଽପନ୍ନିହନ୍ତ୍ରୀ ଚ ସର୍ଵାପତ୍ପରିନାଶିନୀ ।
ବ୍ରହ୍ମଣ୍ୟା ଶ୍ରୁତିଶାସ୍ତ୍ରଜ୍ଞା ଜଗତାଂ କାରଣାତ୍ମିକା ॥ ୧୫୦ ॥
ନିଷ୍କାରଣା ଜନ୍ମହୀନା ମୃତ୍ୟୁଞ୍ଜୟମନୋରମା ।
ମୃତ୍ୟୁଞ୍ଜୟହୃଦାଵାସା ମୂଲାଧାରନିଵାସିନୀ । ୧୫୧ ॥
ଷଟ୍ଚକ୍ରସଂସ୍ଥା ମହତୀ ମହୋତ୍ସଵଵିଲାସିନୀ ।
ରୋହିଣୀ ସୁନ୍ଦରମୁଖୀ ସର୍ଵଵିଦ୍ୟାଵିଶାରଦା ॥ ୧୫୨ ॥
ସଦସଦ୍ଵସ୍ତୁରୂପା ଚ ନିଷ୍କାମା କାମପୀଡିତା ।
କାମାତୁରା କାମମତ୍ତା କାମମାନସସତ୍ତନୁଃ ॥ ୧୫୩ ॥
କାମରୂପା ଚ କାଲିନ୍ଦୀ କଚାଲମ୍ବିତଵିଗ୍ରହା ।
ଅତସୀକୁସୁମାଭାସା ସିଂହପୃଷ୍ଠନିଷେଦୁଷୀ ॥ ୧୫୪ ॥
ୟୁଵତୀ ୟୌଵନୋଦ୍ରିକ୍ତା ୟୌଵନୋଦ୍ରିକ୍ତମାନସା ।
ଅଦିତିର୍ଦେଵଜନନୀ ତ୍ରିଦଶାର୍ତିଵିନାଶିନୀ ॥ ୧୫୫ ॥
ଦକ୍ଷିଣାଽପୂର୍ଵଵସନା ପୂର୍ଵକାଲଵିଵର୍ଜିତା ।
ଅଶୋକା ଶୋକରହିତା ସର୍ଵଶୋକନିଵାରିଣୀ ॥ ୧୫୬ ॥
ଅଶୋକକୁସୁମାଭାସା ଶୋକଦୁଃଖକ୍ଷୟଙ୍କରୀ ।
ସର୍ଵୟୋଷିତ୍ସ୍ଵରୂପା ଚ ସର୍ଵପ୍ରାଣିମନୋରମା ॥ ୧୫୭ ॥
ମହାଶ୍ଚର୍ୟା ମଦାଶ୍ଚର୍ୟା ମହାମୋହସ୍ଵରୂପିଣୀ ।
ମହାମୋକ୍ଷକରୀ ମୋହକାରିଣୀ ମୋହଦାୟିନୀ ॥ ୧୫୮ ॥
ଅଶୋଚ୍ୟା ପୂର୍ଣକାମା ଚ ପୂର୍ଣା ପୂର୍ଣମନୋରଥା ।
ପୂର୍ଣାଭିଲଷିତା ପୂର୍ଣନିଶାନାଥସମାନନା ॥ ୧୫୯ ॥
ଦ୍ଵାଦଶାର୍କସ୍ଵରୂପା ଚ ସହସ୍ରାର୍କସମପ୍ରଭା ।
ତେଜସ୍ଵିନୀ ସିଦ୍ଧମାତା ଚନ୍ଦ୍ରା ନୟନରକ୍ଷଣା ॥ ୧୬୦ ॥
ଅପରାଽପାରମାହାତ୍ମ୍ୟା ନିତ୍ୟଵିଜ୍ଞାନଶାଲିନୀ ।
ଵିଵସ୍ଵତୀ ହଵ୍ୟଵାହା ଜାତଵେଦଃସ୍ଵରୂପିଣୀ ॥ ୧୬୧ ॥
ସ୍ଵୈରିଣୀ ସ୍ଵେଚ୍ଛଵିହରା ନିର୍ବୀଜା ବୀଜରୂପିଣୀ ।
ଅନନ୍ତଵର୍ଣାଽନନ୍ତାଖ୍ୟାଽନନ୍ତସଂସ୍ଥା ମହୋଦରୀ ॥ ୧୬୨ ॥
ଦୁଷ୍ଟଭୂତାପହନ୍ତ୍ରୀ ଚ ସଦ୍ଧୃତ୍ତପରିପାଲିକା ।
କପାଲିନୀ ପାନମତ୍ତା ମତ୍ତଵାରଣଗାମିନୀ ॥ ୧୬୩ ॥
ଵିନ୍ଧ୍ୟସ୍ଥା ଵିନ୍ଧ୍ୟନିଲୟା ଵିନ୍ଧ୍ୟପର୍ଵତଵାସିନୀ ।
ବନ୍ଧୁପ୍ରିୟା ଜଗଦ୍ଵନ୍ଧୁଃ ପଵିତ୍ରା ସପଵିତ୍ରିଣୀ ॥ ୧୬୪ ॥
ପରାମୃତାଽମୃତକଲା ଚାପମୃତ୍ୟୁଵିନାଶିନୀ ।
ମହାରଜତସଙ୍କାଶା ରଜତାଦ୍ରିନିଵାସିନୀ ॥ ୧୬୫ ॥
କାଶୀଵିଲାସିନୀ କାଶୀକ୍ଷେତ୍ରରକ୍ଷଣତତ୍ପରା ।
ୟୋନିରୂପା ୟୋନିପୀଠସ୍ଥିତା ୟୋନିସ୍ଵରୂପିଣୀ ॥ ୧୬୬ ॥
କାମୋଲ୍ଲସିତଚାର୍ଵଙ୍ଗୀ କଟାକ୍ଷକ୍ଷେପମୋହିନୀ ।
କଟାକ୍ଷକ୍ଷେପନିରତା କଲ୍ପଵୃକ୍ଷସ୍ଵରୂପିଣୀ ॥ ୧୬୭ ॥
ପାଶାଙ୍କୁଶଧରା ଶକ୍ତିର୍ଧାରିଣୀ ଖେଟକାୟୁଧା ।
ବାଣାୟୁଧାଽମୋଘଶସ୍ତ୍ରା ଦିଵ୍ୟଶସ୍ତ୍ରାଽସ୍ରଵର୍ଷିଣୀ ॥ ୧୬୮ ॥
ମହାସ୍ତ୍ରଜାଲଵିକ୍ଷେପଵିପକ୍ଷକ୍ଷୟକାରିଣୀ ।
ଘଣ୍ଟିନୀ ପାଶିନୀ ପାଶହସ୍ତା ପାଶାଙ୍କୁଶାୟୁଧା ॥ ୧୬୯ ॥
ଚିତ୍ରସିଂହାସନଗତା ମହାସିଂହାସନସ୍ଥିତା ।
ମନ୍ତ୍ରାତ୍ମିକା ମନ୍ତ୍ରବୀଜା ମନ୍ତ୍ରାଧିଷ୍ଠାତୃଦେଵତା ॥ ୧୭୦ ॥
ସୁରୂପାଽନେକରୂପା ଚ ଵିରୂପା ବହୁରୂପିଣୀ ।
ଵିରୂପାକ୍ଷପ୍ରିୟତମା ଵିରୂପାକ୍ଷମନୋରମା ॥ ୧୭୧ ॥
ଵିରୂପାକ୍ଷା କୋଟରାକ୍ଷୀ କୂଟସ୍ଥା କୂଟରୂପିଣୀ ।
କରାଲାସ୍ୟା ଵିଶାଲାସ୍ୟା ଧର୍ମଶାସ୍ରାର୍ଥପାରାଗା ॥ ୧୭୨ ॥
ମୂଲକ୍ରିୟା ମୂଲରୂପା ମୂଲପ୍ରକୃତିରୂପିଣୀ ।
କାମାକ୍ଷୀ କମନୀୟା ଚ କାମେଶୀ ଭଗମଙ୍ଗଲା ॥ ୧୭୩ ॥
ସୂଭଗା ଭୋଗିନୀ ଭୋଗ୍ୟା ଭାଗ୍ୟଦା ସୁଭଗା ଭଗା ।
ଶ୍ଵେତାଽରୁଣା ବିନ୍ଦୁରୂପା ଵେଦୟୋନିର୍ଧ୍ଵନିକ୍ଷଣା ॥ ୧୭୪ ॥
ଅଧ୍ୟାତ୍ମଵିଦ୍ୟା ଶାସ୍ତ୍ରାର୍ଥକୁଶଲା ଶୈଲନନ୍ଦିନୀ ।
ନଗାଧିରାଜପୁତ୍ରୀ ଚ ନଗପୁତ୍ରୀ ନଗୋଦ୍ଭଵା ॥ ୧୭୫ ॥
ଗିରୀନ୍ଦ୍ରବାଲା ଗିରିଶପ୍ରାଣତୁଲ୍ୟା ମନୋରମା ।
ପ୍ରସନ୍ନା ଚାରୁଵଦନା ପ୍ରସନ୍ନାସ୍ୟା ପ୍ରସନ୍ନଦା ॥ ୧୭୬ ॥
ଶିଵପ୍ରାଣା ପତିପ୍ରାଣା ପତିସମ୍ମୋହକାରିଣୀ ।
ମୃଗାକ୍ଷୀ ଚଞ୍ଚଲାପାଙ୍ଗୀ ସୁଦୃଷ୍ଟିର୍ହଂସଗାମିନୀ ॥ ୧୭୭ ॥
ନିତ୍ୟଂ କୁତୂହଲପରା ନିତ୍ୟାନନ୍ଦାଽଭିନନ୍ଦିତା ।
ସତ୍ୟଵିଜ୍ଞାନରୂପା ଚ ତତ୍ତ୍ଵଜ୍ଞାନୈକକାରିଣୀ ॥ ୧୭୮ ॥
ତ୍ରୈଲୋକ୍ୟସାକ୍ଷିଣୀ ଲୋକଧର୍ମାଧର୍ମପ୍ରଦର୍ଶିନୀ ।
ଧର୍ମାଽଧର୍ମଵିଧାତ୍ରୀ ଚ ଶମ୍ଭୁପ୍ରାଣାତ୍ମିକା ପରା ॥ ୧୭୯ ॥
ମେନକାଗର୍ଭସମ୍ଭୂତା ମୈନାକଭଗିନୀ ତଥା ।
ଶ୍ରୀକଣ୍ଠା କଣ୍ଠହାରା ଚ ଶ୍ରୀକଣ୍ଠହୃଦୟସ୍ଥିତା ॥ ୧୮୦ ॥
ଶ୍ରୀକଣ୍ଠକଣ୍ଠଜପ୍ୟା ଚ ନୀଲକଣ୍ଠମନୋରମା ।
କାଲକୂଟାତ୍ମିକା କାଲକୂଟଭକ୍ଷଣକାରିଣୀ ॥ ୧୮୧ ॥
ଵର୍ଣମାଲା ସିଦ୍ଧିକଲା ଷଟ୍ଚକ୍ରକ୍ରମଵାସିନୀ ।
ମୂଲକେଲୀରତା ସ୍ଵାଧିଷ୍ଠାନା ତୁର୍ୟନିଵାସିନୀ ॥ ୧୮୨ ॥
ମଣିପୂରସ୍ଥିତିଃ ସ୍ନିଗ୍ଧା କୁର୍ମଚକ୍ରପରାୟଣା ।
ଅନାହତଗତିର୍ଦୀପଶିଖା ମଣିମୟାକୃତିଃ ॥ ୧୮୩ ॥
ଵିଶୁଦ୍ଧିଚକ୍ରସଂସ୍ଥାନା ଚାଜ୍ଞାଚକ୍ରାବ୍ଜମଧ୍ୟଗା ।
ମହାକାଲପ୍ରିୟା କାଲକଲନୈକଵିଧାୟିନୀ ।
ଅକ୍ଷୋଭ୍ୟପତ୍ନୀ ସଙ୍କ୍ଷୋଭନାଶିନୀ ତେ ନମୋ ନମଃ ॥ ୧୮୪ ॥
ଶ୍ରୀମହାଦେଵ ଉଵାଚ –
ଏଵଂ ନାମସହସ୍ରେଣ ସଂସ୍ତୁତା ପର୍ଵତାତ୍ମଜା ।
ଵାକ୍ୟମେତନ୍ମହେଶାନମୁଵାଚ ମୁନିସତ୍ତମ୍ ॥ ୧୮୫ ॥
ଶ୍ରୀଦେଵ୍ୟୁଵାଚ –
ଅହଂ ତ୍ଵଦର୍ଥେ ଶୈଲେନ୍ଦ୍ରତନୟାତ୍ଵମୁପାଗତା ।
ତ୍ଵଂ ମେ ପ୍ରାଣସମୋ ଭର୍ତା ତ୍ଵଦନନ୍ୟାଽହମଙ୍ଗନା ॥ ୧୮୬ ॥
ତ୍ଵଂ ମଦର୍ଥେ ତପସ୍ତୀଵ୍ରଂ ସୁଚିରଂ କୃତଵାନସି ।
ଅହଂ ଚ ତପସାରାଧ୍ୟା ତ୍ଵାଂ ଲପ୍ସ୍ୟାମି ପୁନଃ ପତିମ୍ ॥ ୧୮୭ ॥
ଶ୍ରୀମହାଦେଵ ଉଵାଚ –
ତ୍ଵମାରାଧ୍ୟତମା ସର୍ଵଜନନୀ ପ୍ରକୃତିଃ ପରା ।
ତଵାରାଧ୍ୟୋ ଜଗତ୍ୟତ୍ର ଵିଦ୍ୟତେ ନୈଵ କୋଽପି ହି ॥ ୧୮୮ ॥
ଅହଂ ତ୍ଵୟା ନିଜଗୁଣୈରନୁଗ୍ରାହ୍ୟୋ ମହେଶ୍ଵରି ।
ପ୍ରାର୍ଥନୀୟସ୍ତ୍ଵୟି ଶିଵେ ଏଷ ଏଵ ଵରୋ ମମ ॥ ୧୮୯ ॥
ୟତ୍ର ୟତ୍ର ତଵେଦଂ ହି କାଲୀରୂପଂ ମନୋହରମ୍ ।
ଆଵିର୍ଭଵତି ତତ୍ରୈଵ ଶିଵରୂପସ୍ୟ ମେ ହୃଦି ॥ ୧୯୦ ॥
ସଂସ୍ଥାତଵ୍ୟଂ ତ୍ଵୟା ଲୋକେ ଖ୍ୟାତା ଚ ଶଵଵାହନା ।
ଭଵିଷ୍ୟସି ମହାକାଲୀ ପ୍ରସୀଦ ଜଗଦମ୍ବିକେ ॥ ୧୯୧ ॥
ଶ୍ରୀମହାଦେଵ ଉଵାଚ –
ଇତ୍ୟୁକ୍ତ୍ତ୍ଵା ଶମ୍ଭୁନା କାଲୀ କାଲମେଧସମପ୍ରଭା ।
ତଥେତ୍ୟୁକ୍ତ୍ତ୍ଵା ସମଭଵତ୍ପୁନର୍ଗୌରୀ ୟଥା ପୁରା ॥ ୧୯୨ ॥
ୟ ଇଦଂ ପଠତେ ଦେଵ୍ୟା ନାମ୍ନାଂ ଭକ୍ତ୍ୟା ସହସ୍ରକମ୍ ।
ସ୍ତୋତ୍ରଂ ଶ୍ରୀଶମ୍ଭୁନା ପ୍ରୋକ୍ତଂ ସ ଦେଵ୍ୟାଃ ସମତାମିୟାତ୍ ॥ ୧୯୩ ॥
ଅଭ୍ୟର୍ଚ୍ୟ ଗନ୍ଧପୁଷ୍ପୈଶ୍ଚ ଧୂପଦୀପୈର୍ମେହଶ୍ଵରୀମ୍ ।
ୟଃ ପଠେତ୍ସ୍ତୋତ୍ରାମେତଚ୍ଚ ସ ଲଭେତ୍ପରମଂ ପଦମ୍ ॥ ୧୯୪ ॥
ଅନନ୍ୟମନସା ଦେଵୀଂ ସ୍ତୋତ୍ରେଣାନେନ ୟୋ ନରଃ ।
ସଂସ୍ତୌତି ପ୍ରତ୍ୟହଂ ତସ୍ୟ ସର୍ଵସିଦ୍ଧିଃ ପ୍ରଜାୟତେ ॥ ୧୯୫ ॥
ରାଜାନୋ ଵଶଗାସ୍ତସ୍ୟ ନଶ୍ୟନ୍ତି ରିପଵସ୍ତଥା ।
ସିଂହଵ୍ୟାଘ୍ରମୁଖାଃ ସର୍ଵେ ହିଂସକା ଦସ୍ୟଵସ୍ତଥା ॥ ୧୯୬ ॥
ଦୂରାଦେଵ ପଲାୟନ୍ତେ ତସ୍ୟ ଦର୍ଶନମାତ୍ରତଃ ।
ଅଵ୍ୟାହତାଜ୍ଞଃ ସର୍ଵତ୍ର ଲଭତେ ମଙ୍ଗଲଂ ମହତ୍ ।
ଅନ୍ତେ ଦୁର୍ଗାସ୍ମୃତିଂ ଲବ୍ଧ୍ଵା ସ୍ଵୟଂ ଦେଵୀକଲାମିୟାତ୍ ॥ ୧୯୭ ॥
॥ ଇତି ଶ୍ରୀମହାଭାଗଵତେ ଉପପୁରାଣେ ଶ୍ରୀଶିଵକୃତଂ
ଶ୍ରୀଲଲିତାସହସ୍ରନାମସ୍ତୋତ୍ରଂ ନାମ ତ୍ରୟୋଵିଂଶତିତମୋଽଧ୍ୟାୟଃ ସମ୍ପୂର୍ଣଃ ॥
– Chant Stotra in Other Languages –
1000 Names of of Lalita » Lalitha Sahasranama Lyrics in Sanskrit » English » Bengali » Gujarati » Kannada » Malayalam » Telugu » Tamil