॥ Naradapurana’s Lalita Sahasranama Stotram Odia Lyrics ॥
॥ ଶ୍ରୀଲଲିତାସହସ୍ରନାମସ୍ତୋତ୍ରମ୍ ନାରଦପୁରାଣାନ୍ତର୍ଗତମ୍ ॥
॥ ନାରଦପୁରାଣାନ୍ତର୍ଗତେ ସକଵଚ ଶ୍ରୀଲଲିତାସହସ୍ରନାମସ୍ତୋତ୍ରମ୍ ॥
ସନତ୍କୁମାର ଉଵାଚ-
ଅଥା ସାମାଵୃତିସ୍ଥାନାଂ ଶକ୍ତୀନାଂ ସମୟେନ ଚ ।
or together ?? ଅଥାସାମାଵୃତିସ୍ଥାନାଂ as ଅଥ ଅସାଂ ଆଵୃତ୍ତିସ୍ଥାନାଂ ଶକ୍ତୀନାଂ
ନାମ୍ନାଂ ସହସ୍ରଂ ଵକ୍ଷ୍ୟାମି ଗୁରୁଧ୍ୟାନପୁରଃସରମ୍ ॥ ୧ ॥
ନାଥା ନଵ ପ୍ରକାଶାଦ୍ୟାଃ ସୁଭଗାନ୍ତାଃ ପ୍ରକୀର୍ତିତାଃ ।
ଭୂମ୍ୟାଦୀନି ଶିଵାନ୍ତାନି ଵିଦ୍ଧି ତତ୍ତ୍ଵାନି ନାରଦ ॥ ୨ ॥
ଗୁରୁଜନ୍ମାଦିପର୍ଵାଣି ଦର୍ଶାନ୍ତାନି ଚ ସପ୍ତ ଵୈ ।
ଏତାନି ପ୍ରାଙ୍ମନୋଵୃତ୍ତ୍ୟା ଚିନ୍ତୟେତ୍ସାଧକୋତ୍ତମଃ ॥ ୩ ॥
ଗୁରୁସ୍ତୋତ୍ରଂ ଜପେଚ୍ଚାପି ତଦ୍ଗତେନାନ୍ତରାତ୍ମନା ।
ନମସ୍ତେ ନାଥ ଭଗଵଞ୍ଶିଵାୟ ଗୁରୁରୂପିଣେ ॥ ୪ ॥
ଵିଦ୍ୟାଵତାରସଂସିଦ୍ଧ୍ୟୈ ସ୍ଵୀକୃତାନେକଵିଗ୍ରହ ।
ନଵାୟ ନଵରୂପାୟ ପରମାର୍ଥୈକରୂପିଣେ ॥ ୫ ॥
ସର୍ଵାଜ୍ଞାନତମୋଭେଦଭାନଵେ ଚିଦ୍ଘନାୟ ତେ ।
ସ୍ଵତନ୍ତ୍ରାୟ ଦୟାକୢପ୍ତଵିଗ୍ରହାୟ ଶିଵାତ୍ମନେ ॥ ୬ ॥
ପରତନ୍ତ୍ରାୟ ଭକ୍ତାନାଂ ଭଵ୍ୟାନାଂ ଭଵ୍ୟରୂପିଣେ ।
ଵିଵେକିନାଂ ଵିଵେକାୟ ଵିମର୍ଶାୟ ଵିମର୍ଶିନାମ୍ ॥ ୭ ॥
ପ୍ରକାଶାନାଂ ପ୍ରକାଶାୟ ଜ୍ଞାନିନାଂ ଜ୍ଞାନରୂପିଣେ ।
ପୁରସ୍ତାତ୍ପାର୍ଶ୍ଵୟୋଃ ପୃଷ୍ଠେ ନମଃ କୁର୍ୟାମୁପର୍ୟଧଃ ॥ ୮ ॥
ସଦା ମଚ୍ଚିତ୍ତସଦନେ ଵିଧେହି ଭଵଦାସନମ୍ ।
ଇତି ସ୍ତୁତ୍ଵା ଗୁରୁଂ ଭକ୍ତ୍ୟା ପରାଂ ଦେଵୀଂ ଵିଚିନ୍ତୟେତ୍ ॥ ୯ ॥
ଗଣେଶଗ୍ରହନକ୍ଷତ୍ରୟୋଗିନୀରାଶିରୂପିଣୀମ୍ ।
ଦେଵୀଂ ମନ୍ତ୍ରମୟୀଂ ନୌମି ମାତୃକାପୀଠରୂପିଣୀମ୍ ॥ ୧୦ ॥
ପ୍ରଣମାମି ମହାଦେଵୀଂ ମାତୃକାଂ ପରମେଶ୍ଵରୀମ୍ ।
କାଲହୃଲ୍ଲୋହଲୋଲ୍ଲୋହକଲାନାଶନକାରିଣୀମ୍ ॥ ୧୧ ॥
ୟଦକ୍ଷରୈକମାତ୍ରେଽପି ସଂସିଦ୍ଧେ ସ୍ପର୍ଦ୍ଧତେ ନରଃ ।
ରଵିତାକ୍ଷ୍ୟେନ୍ଦୁକନ୍ଦର୍ପୈଃ ଶଙ୍କରାନଲଵିଷ୍ଣୁଭିଃ ॥ ୧୨ ॥
ୟଦକ୍ଷରଶଶିଜ୍ୟୋତ୍ସ୍ନାମଣ୍ଡିତଂ ଭୁଵନତ୍ରୟମ୍ ।
ଵନ୍ଦେ ସର୍ଵେଶ୍ଵରୀଂ ଦେଵୀଂ ମହାଶ୍ରୀସିଦ୍ଧମାତୃକାମ୍ ॥ ୧୩ ॥
ୟଦକ୍ଷରମହାସୂତ୍ରପ୍ରୋତମେତଜ୍ଜଗତ୍ତ୍ରୟମ୍ ।
ବ୍ରହ୍ମାଣ୍ଡାଦିକଟାହାନ୍ତଂ ତାଂ ଵନ୍ଦେ ସିଦ୍ଧମାତୃକାମ୍ ॥ ୧୪ ॥
ୟଦେକାଦଶମାଧାରଂ ବୀଜଂ କୋଣତ୍ରୟୋଦ୍ଭଵମ୍ ।
ବ୍ରହ୍ମାଣ୍ଡାଦିକଟାହାନ୍ତଂ ଜଗଦଦ୍ୟାପି ଦୃଶ୍ୟତେ ॥ ୧୫ ॥
ଅକଚାଦିଟତୋନ୍ନଦ୍ଧପୟଶାକ୍ଷରଵର୍ଗିଣୀମ୍ ।
ଜ୍ୟେଷ୍ଠାଙ୍ଗବାହୁହୃତ୍କଣ୍ଠକଟିପାଦନିଵାସିନୀମ୍ ॥ ୧୬ ॥
ନୌମୀକାରାକ୍ଷରୋଦ୍ଧାରାଂ ସାରାତ୍ସାରାଂ ପରାତ୍ପରାମ୍ ।
ପ୍ରଣମାମି ମହାଦେଵୀଂ ପରମାନନ୍ଦରୂପିଣୀମ୍ ॥ ୧୭ ॥
ଅଥାପି ୟସ୍ୟା ଜାନନ୍ତି ନ ମନାଗପି ଦେଵତାଃ ।
କେୟଂ କସ୍ମାତ୍କ୍ଵ କେନେତି ସରୂପାରୂପଭାଵନାମ୍ ॥ ୧୮ ॥
ଵନ୍ଦେ ତାମହମକ୍ଷୟ୍ୟାଂ କ୍ଷକାରାକ୍ଷରରୂପିଣୀମ୍ ।
ଦେଵୀଂ କୁଲକଲୋଲ୍ଲୋଲପ୍ରୋଲ୍ଲସନ୍ତୀଂ ଶିଵାଂ ପରାମ୍ ॥ ୧୯ ॥
ଵର୍ଗାନୁକ୍ରମୟୋଗେନ ୟସ୍ୟାଖ୍ୟୋମାଷ୍ଟକଂ ସ୍ଥିତମ୍ ।
ଵନ୍ଦେ ତାମଷ୍ଟଵର୍ଗୋତ୍ଥମହାସିଦ୍ଧ୍ୟାଦିକେଶ୍ଵରୀମ୍ ॥ ୨୦ ॥
କାମପୂର୍ଣଜକାରାଖ୍ୟସୁପୀଠାନ୍ତର୍ନ୍ନିଵାସିନୀମ୍ ।
ଚତୁରାଜ୍ଞାକୋଶଭୂତାଂ ନୌମି ଶ୍ରୀତ୍ରିପୁରାମହମ୍ ॥ ୨୧ ॥
ଏତତ୍ସ୍ତୋତ୍ରଂ ତୁ ନିତ୍ୟାନାଂ ୟଃ ପଠେତ୍ସୁସମାହିତଃ ।
ପୂଜାଦୌ ତସ୍ୟ ସର୍ଵାସ୍ତା ଵରଦାଃ ସ୍ୟୁର୍ନ ସଂଶୟଃ ॥ ୨୨ ॥
ଅଥ ତେ କଵଚଂ ଦେଵ୍ୟା ଵକ୍ଷ୍ୟେ ନଵରତାତ୍ମକମ୍ ।
ୟେନ ଦେଵାସୁରନରଜୟୀ ସ୍ୟାତ୍ସାଧକଃ ସଦା ॥ ୨୩ ॥
ସର୍ଵତଃ ସର୍ଵଦାଽଽତ୍ମାନଂ ଲଲିତା ପାତୁ ସର୍ଵଗା ।
କାମେଶୀ ପୁରତଃ ପାତୁ ଭଗମାଲୀ ତ୍ଵନନ୍ତରମ୍ ॥ ୨୪ ॥
ଦିଶଂ ପାତୁ ତଥା ଦକ୍ଷପାର୍ଶ୍ଵଂ ମେ ପାତୁ ସର୍ଵଦା ।
ନିତ୍ୟକ୍ଲିନ୍ନାଥ ଭେରୁଣ୍ଡା ଦିଶଂ ମେ ପାତୁ କୌଣପୀମ୍ ॥ ୨୫ ॥
ତଥୈଵ ପଶ୍ଚିମଂ ଭାଗଂ ରକ୍ଷତାଦ୍ଵହ୍ନିଵାସିନୀ ।
ମହାଵଜ୍ରେଶ୍ଵରୀ ନିତ୍ୟା ଵାୟଵ୍ୟେ ମାଂ ସଦାଵତୁ ॥ ୨୬ ॥
ଵାମପାର୍ଶ୍ଵଂ ସଦା ପାତୁ ଇତୀମେଲରିତା ତତଃ ।
ମାହେଶ୍ଵରୀ ଦିଶଂ ପାତୁ ତ୍ଵରିତଂ ସିଦ୍ଧଦାୟିନୀ ॥ ୨୭ ॥
ପାତୁ ମାମୂର୍ଧ୍ଵତଃ ଶଶ୍ଵଦ୍ଦେଵତା କୁଲସୁନ୍ଦରୀ ।
ଅଧୋ ନୀଲପତାକାଖ୍ୟା ଵିଜୟା ସର୍ଵତଶ୍ଚ ମାମ୍ ॥ ୨୮ ॥
କରୋତୁ ମେ ମଙ୍ଗଲାନି ସର୍ଵଦା ସର୍ଵମଙ୍ଗଲା ।
ଦେହେନ୍ଦ୍ରିୟମନଃପ୍ରାଣାଞ୍ଜ୍ଵାଲାମାଲିନିଵିଗ୍ରହା ॥ ୨୯ ॥
ପାଲୟତ୍ଵନିଶଂ ଚିତ୍ତା ଚିତ୍ତଂ ମେ ସର୍ଵଦାଵତୁ ।
କାମାତ୍କ୍ରୋଧାତ୍ତଥା ଲୋଭାନ୍ମୋହାନ୍ମାନାନ୍ମଦାଦପି ॥ ୩୦ ॥
ପାପାନ୍ମାଂ ସର୍ଵତଃ ଶୋକାତ୍ସଙ୍କ୍ଷୟାତ୍ସର୍ଵତଃ ସଦା ।
ଅସତ୍ୟାତ୍କ୍ରୂରଚିନ୍ତାତୋ ହିଂସାତଶ୍ଚୌରତସ୍ତଥା ।
ସ୍ତୈମିତ୍ୟାଚ୍ଚ ସଦା ପାନ୍ତୁ ପ୍ରେରୟନ୍ତ୍ୟଃ ଶୁଭଂ ପ୍ରତି ॥ ୩୧ ॥
ନିତ୍ୟାଃ ଷୋଡଶ ମାଂ ପାନ୍ତୁ ଗଜାରୂଢାଃ ସ୍ଵଶକ୍ତିଭିଃ ।
ତଥା ହୟସମାରୂଢାଃ ପାନ୍ତୁ ମାଂ ସର୍ଵତଃ ସଦା ॥ ୩୨ ॥
ସିଂହାରୂଢାସ୍ତଥା ପାନ୍ତୁ ପାନ୍ତୁ ଋକ୍ଷଗତା ଅପି ।
ରଥାରୂଢାଶ୍ଚ ମାଂ ପାନ୍ତୁ ସର୍ଵତଃ ସର୍ଵଦା ରଣେ ॥ ୩୩ ॥
ତାର୍କ୍ଷ୍ୟାରୂଢାଶ୍ଚ ମାଂ ପାନ୍ତୁ ତଥା ଵ୍ୟୋମଗତାଶ୍ଚ ତାଃ ।
ଭୂତଗାଃ ସର୍ଵଗାଃ ପାନ୍ତୁ ପାନ୍ତୁ ଦେଵ୍ୟଶ୍ଚ ସର୍ଵଦା ॥ ୩୪ ॥
ଭୂତପ୍ରେତପିଶାଚାଶ୍ଚ ପରକୃତ୍ୟାଦିକାନ୍ ଗଦାନ୍ ।
ଦ୍ରାଵୟନ୍ତୁ ସ୍ଵଶକ୍ତୀନାଂ ଭୂଷଣୈରାୟୁଧୈର୍ମମ ॥ ୩୫ ॥
ଗଜାଶ୍ଵଦ୍ଵୀପିପଞ୍ଚାସ୍ୟତାର୍କ୍ଷ୍ୟାରୂଢାଖିଲାୟୁଧାଃ ।
ଅସଙ୍ଖ୍ୟାଃ ଶକ୍ତୟୋ ଦେଵ୍ୟଃ ପାନ୍ତୁ ମାଂ ସର୍ଵତଃ ସଦା ॥ ୩୬ ॥
ସାୟଂ ପ୍ରାତର୍ଜପନ୍ନିତ୍ୟାକଵଚଂ ସର୍ଵରକ୍ଷକମ୍ ।
କଦାଚିନ୍ନାଶୁଭଂ ପଶ୍ୟେତ୍ସର୍ଵଦାନନ୍ଦମାସ୍ଥିତଃ ॥ ୩୭ ॥
ଇତ୍ୟେତତ୍କଵଚଂ ପ୍ରୋକ୍ତଂ ଲଲିତାୟାଃ ଶୁଭାଵହମ୍ ।
ୟସ୍ୟ ସନ୍ଧାରଣାନ୍ମର୍ତ୍ୟୋ ନିର୍ଭୟୋ ଵିଜୟୀ ସୁଖୀ ॥ ୩୮ ॥
ଅଥ ନାମ୍ନାଂ ସହସ୍ରଂ ତେ ଵକ୍ଷ୍ୟେ ସାଵରଣାର୍ଚନମ୍ ।
ଷୋଡଶାନାମପି ମୁନେ ସ୍ଵସ୍ଵକ୍ରମଗତାତ୍ମକମ୍ ॥ ୩୯ ॥
ଲଲିତା ଚାପି ଵା କାମେଶ୍ଵରୀ ଚ ଭଗମାଲିନୀ ।
ନିତ୍ୟକ୍ଲିନ୍ନା ଚ ଭେରୁଣ୍ଡା କୀର୍ତିତା ଵହ୍ନିଵାସିନୀ ॥ ୪୦ ॥
ଵଜ୍ରେଶ୍ଵରୀ ତଥା ଦୂତୀ ତ୍ଵରିତା କୁଲସୁନ୍ଦରୀ ।
ନିତ୍ୟା ସଂଵିତ୍ତଥା ନୀଲପତାକା ଵିଜୟାହ୍ଵୟା ॥ ୪୧ ॥
ସର୍ଵମଙ୍ଗଲିକା ଚାପି ଜ୍ଵାଲାମାଲିନିସଞ୍ଜ୍ଞିତା ।
ଚିତ୍ରା ଚେତି କ୍ରମାନ୍ନିତ୍ୟାଃ ଷୋଡଶାପୀଷ୍ଟଵିଗ୍ରହାଃ ॥ ୪୨ ॥
କୁରୁକୁଲ୍ଲା ଚ ଵାରାହୀ ଦ୍ଵେ ଏତେ ଚେଷ୍ଟଵିଗ୍ରହେ ।
ଵଶିନୀ ଚାପି କାମେଶୀ ମୋହିନୀ ଵିମଲାରୁଣା ॥ ୪୩ ॥
ତପିନୀ ଚ ତଥା ସର୍ଵେଶ୍ଵରୀଚାପ୍ୟଥ କୌଲିନୀ ।
ମୁଦ୍ରାଣନ୍ତନୁରିଷ୍ଵର୍ଣରୂପା ଚାପାର୍ଣଵିଗ୍ରହା ॥ ୪୪ ॥
ପାଶଵର୍ଣଶରୀରା ଚାକୁର୍ଵର୍ଣସୁଵପୁର୍ଦ୍ଧରା ।
ତ୍ରିଖଣ୍ଡା ସ୍ଥାପନୀ ସନ୍ନିରୋଧନୀ ଚାଵଗୁଣ୍ଠନୀ ॥ ୪୫ ॥
ସନ୍ନିଧାନେଷୁ ଚାପାଖ୍ୟା ତଥା ପାଶାଙ୍କୁଶାଭିଧା ।
ନମସ୍କୃତିସ୍ତଥା ସଙ୍କ୍ଷୋଭଣୀ ଵିଦ୍ରାଵଣୀ ତଥା ॥ ୪୬ ॥
ଆକର୍ଷଣୀ ଚ ଵିଖ୍ୟାତା ତଥୈଵାଵେଶକାରିଣୀ ।
ଉନ୍ମାଦିନୀ ମହାପୂର୍ଵା କୁଶାଥୋ ଖେଚରୀ ମତା ॥ ୪୭ ॥
ବୀଜା ଶକ୍ତ୍ୟୁତ୍ଥାପନା ଚ ସ୍ଥୂଲସୂକ୍ଷ୍ମପରାଭିଧା ।
ଅଣିମା ଲଘିମା ଚୈଵ ମହିମା ଗରିମା ତଥା ॥ ୪୮ ॥
ପ୍ରାପ୍ତିଃ ପ୍ରକାମିତା ଚାପି ଚେଶିତା ଵଶିତା ତଥା ।
ଭୁକ୍ତିଃ ସିଦ୍ଧିସ୍ତଥୈଵେଚ୍ଛା ସିଦ୍ଧିରୂପା ଚ କୀର୍ତିତା ॥ ୪୯ ॥
ବ୍ରାହ୍ମୀ ମାହେଶ୍ଵରୀ ଚୈଵ କୌମାରୀ ଵୈଷ୍ଣଵୀ ତଥା ।
ଵାରାହୀନ୍ଦ୍ରାଣୀ ଚାମୁଣ୍ଡା ମହାଲକ୍ଷ୍ମୀସ୍ଵରୂପିଣୀ ॥ ୫୦ ॥
କାମା ବୁଦ୍ଧିରହଙ୍କାରଶବ୍ଦସ୍ପର୍ଶସ୍ଵରୂପିଣୀ ।
ରୂପରୂପା ରସାହ୍ଵା ଚ ଗନ୍ଧଵିତ୍ତଧୃତିସ୍ତଥା ॥ ୫୧ ॥
ନାଭବୀଜାମୃତାଖ୍ୟା ଚ ସ୍ମୃତିଦେହାତ୍ମରୂପିଣୀ ।
କୁସୁମା ମେଖଲା ଚାପି ମଦନା ମଦନାତୁରା ॥ ୫୨ ॥
ରେଖା ସଂଵେଗିନୀ ଚୈଵ ହ୍ୟଙ୍କୁଶା ମାଲିନୀତି ଚ ।
ସଙ୍କ୍ଷୋଭିଣୀ ତଥା ଵିଦ୍ରାଵିଣ୍ୟାକର୍ଷଣରୂପିଣୀ ॥ ୫୩ ॥
ଆହ୍ଲାଦିନୀତି ଚ ପ୍ରୋକ୍ତା ତଥା ସମ୍ମୋହିନୀତି ଚ ।
ସ୍ତମ୍ଭିନୀ ଜମ୍ଭିନୀ ଚୈଵ ଵଶଙ୍କର୍ୟଥ ରଞ୍ଜିନୀ ॥ ୫୪ ॥
ଉନ୍ମାଦିନୀ ତଥୈଵାର୍ଥସାଧିନୀତି ପ୍ରକୀର୍ତିତା ।
ସମ୍ପତ୍ତିପୂର୍ଣା ସା ମନ୍ତ୍ରମୟୀ ଦ୍ଵନ୍ଦ୍ଵକ୍ଷୟଙ୍କରୀ ॥ ୫୫ ॥
ସିଦ୍ଧିଃ ସମ୍ପତ୍ପ୍ରଦା ଚୈଵ ପ୍ରିୟମଙ୍ଗଲକାରିଣୀ ।
କାମପ୍ରଦା ନିଗଦିତା ତଥା ଦୁଃଖଵିମୋଚିନୀ ॥ ୫୬ ॥
ମୃତ୍ୟୁପ୍ରଶମନୀ ଚୈଵ ତଥା ଵିଘ୍ନନିଵାରିଣୀ ।
ଅଙ୍ଗସୁନ୍ଦରିକା ଚୈଵ ତଥା ସୌଭାଗ୍ୟଦାୟିନୀ ॥ ୫୭ ॥
ଜ୍ଞାନୈଶ୍ଵର୍ୟପ୍ରଦା ଜ୍ଞାନମୟୀ ଚୈଵ ଚ ପଞ୍ଚମୀ ।
ଵିନ୍ଧ୍ୟଵାସନକା ଘୋରସ୍ଵରୂପା ପାପହାରିଣୀ ॥ ୫୮ ॥
ତଥାନନ୍ଦମୟୀ ରକ୍ଷାରୂପେପ୍ସିତଫଲପ୍ରଦା ।
ଜୟିନୀ ଵିମଲା ଚାଥ କାମେଶୀ ଵଜ୍ରିଣୀ ଭଗା ॥ ୫୯ ॥
ତ୍ରୈଲୋକ୍ୟମୋହନା ସ୍ଥାନା ସର୍ଵାଶାପରିପୂରଣୀ ।
ସର୍ଵସଂକ୍ଷୋଭଣଗତା ସୌଭାଗ୍ୟପ୍ରଦସଂସ୍ଥିତା ॥ ୬୦ ॥
ସଵାର୍ଥସାଧକାଗାରା ସର୍ଵରୋଗହରାସ୍ଥିତା ।
ସର୍ଵରକ୍ଷାକରାସ୍ଥାନା ସର୍ଵସିଦ୍ଧିପ୍ରଦସ୍ଥିତା ॥ ୬୧ ॥
ସର୍ଵାନନ୍ଦମୟାଧାରବିନ୍ଦୁସ୍ଥାନଶିଵାତ୍ମିକା ।
ପ୍ରକୃଷ୍ଟା ଚ ତଥା ଗୁପ୍ତା ଜ୍ଞେୟା ଗୁପ୍ତତରାପି ଚ ॥ ୬୨ ॥
ସମ୍ପ୍ରଦାୟସ୍ଵରୂପା ଚ କୁଲକୌଲନିଗର୍ଭଗା ।
ରହସ୍ୟାପରାପରପ୍ରାକୃତ୍ତଥୈଵାତିରହସ୍ୟକା ॥ ୬୩ ॥
ତ୍ରିପୁରା ତ୍ରିପୁରେଶୀ ଚ ତଥୈଵ ପୁରଵାସିନୀ ।
ଶ୍ରୀମାଲିନୀ ଚ ସିଦ୍ଧାନ୍ତା ମହାତ୍ରିପୁରସୁନ୍ଦରୀ ॥ ୬୪ ॥
ନଵରତ୍ନମୟଦ୍ଵୀପନଵଖଣ୍ଡଵିରାଜିତା ।
କଲ୍ପକୋଦ୍ୟାନସଂସ୍ଥା ଚ ଋତୁରୂପେନ୍ଦ୍ରିୟାର୍ଚକା ॥ ୬୫ ॥
କାଲମୁଦ୍ରା ମାତୃକାଖ୍ୟା ରତ୍ନଦେଶୋପଦେଶିକା ।
ତତ୍ତ୍ଵାଗ୍ରହାଭିଧା ମୂର୍ତିସ୍ତଥୈଵ ଵିଷୟଦ୍ଵିପା ॥ ୬୬ ॥
ଦେଶକାଲାକାରଶବ୍ଦରୂପା ସଙ୍ଗୀତୟୋଗିନୀ ।
ସମସ୍ତଗୁପ୍ତପ୍ରକଟସିଦ୍ଧୟୋଗିନିଚକ୍ରୟୁକ୍ ॥ ୬୭ ॥
ଵହ୍ନିସୂର୍ୟେନ୍ଦୁଭୂତାହ୍ଵା ତଥାତ୍ମାଷ୍ଟାକ୍ଷରାହ୍ଵୟା ।
ପଞ୍ଚଧାର୍ଚାସ୍ଵରୂପା ଚ ନାନାଵ୍ରତସମାହ୍ଵୟା ॥ ୬୮ ॥
ନିଷିଦ୍ଧାଚାରରହିତା ସିଦ୍ଧଚିହ୍ନସ୍ଵରୂପିଣୀ ।
ଚତୁର୍ଦ୍ଧା କୂର୍ମଭାଗସ୍ଥା ନିତ୍ୟାଦ୍ୟର୍ଚାସ୍ଵରୂପିଣୀ ॥ ୬୯ ॥
ଦମନାଦିସମଭ୍ୟର୍ଚା ଷଟ୍କର୍ମସିଦ୍ଧିଦାୟିନୀ ।
ତିଥିଵାରପୃଥଗ୍ଦ୍ରଵ୍ୟସମର୍ଚନଶୁଭାଵହା ॥ ୭୦ ॥
ଵାୟୋଶ୍ୟନଙ୍ଗକୁସୁମା ତଥୈଵାନଙ୍ଗମେଖଲା ।
ଅନଙ୍ଗମଦନାନଙ୍ଗମଦନାତୁରସାହ୍ଵୟା ॥ ୭୧ ॥
ମଦଦେଗିନିକା ଚୈଵ ତଥା ଭୁଵନପାଲିନୀ ।
ଶଶିଲେଖା ସମୁଦ୍ଦିଷ୍ଟା ଗତିଲେଖାହ୍ଵୟା ମତା ॥ ୭୨ ॥
ଶ୍ରଦ୍ଧା ପ୍ରୀତୀ ରତିଶ୍ଚୈଵ ଧୃତିଃ କାନ୍ତିର୍ମନୋରମା ।
ମନୋହରା ସମାଖ୍ୟାତା ତଥୈଵ ହି ମନୋରଥା ॥ ୭୩ ॥
ମଦନୋନ୍ମାଦିନୀ ଚୈଵ ମୋଦିନୀ ଶଙ୍ଖିନୀ ତଥା ।
ଶୋଷିଣୀ ଚୈଵ ଶଙ୍କାରୀ ସିଞ୍ଜିନୀ ସୁଭଗା ତଥା ॥ ୭୪ ॥
ପୂଷାଚେଦ୍ଵାସୁମନସା ରତିଃ ପ୍ରୀତିର୍ଧୃତିସ୍ତଥା ।
ଋଦ୍ଧିଃ ସୌମ୍ୟା ମରୀଚିଶ୍ଚ ତଥୈଵ ହ୍ୟଂଶୁମାଲିନୀ ॥ ୭୫ ॥
ଶଶିନୀ ଚାଙ୍ଗିରା ଛାୟା ତଥା ସମ୍ପୂର୍ଣମଣ୍ଡଲା ।
ତୁଷ୍ଟିସ୍ତଥାମୃତାଖ୍ୟା ଚ ଡାକିନୀ ସାଥ ଲୋକପା ॥ ୭୬ ॥
ବଟୁକେଭାସ୍ଵରୂପା ଚ ଦୁର୍ଗା କ୍ଷେତ୍ରେଶରୂପିଣୀ ।
କାମରାଜସ୍ଵରୂପା ଚ ତଥା ମନ୍ମଥରୂପିଣୀ ॥ ୭୭ ॥
କନ୍ଦର୍ପ୍ପରୂପିଣୀ ଚୈଵ ତଥା ମକରକେତନା ।
ମନୋଭଵସ୍ଵରୂପା ଚ ଭାରତୀ ଵର୍ଣରୂପିଣୀ ॥ ୭୮ ॥
ମଦନା ମୋହିନୀ ଲୀଲା ଜମ୍ଭିନୀ ଚୋଦ୍ୟମା ଶୁଭା ।
ହ୍ଲାଦିନୀ ଦ୍ରାଵିଣୀ ପ୍ରୀତୀ ରତୀ ରକ୍ତା ମନୋରମା ॥ ୭୯ ॥
ସର୍ଵୋନ୍ମାଦା ସର୍ଵମୁଖା ହ୍ୟଭଙ୍ଗା ଚାମିତୋଦ୍ୟମା ।
ଅନଲ୍ପାଵ୍ୟକ୍ତଵିଭଵା ଵିଵିଧାକ୍ଷୋଭଵିଗ୍ରହା ॥ ୮୦ ॥
ରାଗଶକ୍ତିର୍ଦ୍ଵେଷଶକ୍ତିସ୍ତଥା ଶବ୍ଦାଦିରୂପିଣୀ ।
ନିତ୍ୟା ନିରଞ୍ଜନା କ୍ଲିନ୍ନା କ୍ଲେଦିନୀ ମଦନାତୁରା ॥ ୮୧ ॥
ମଦଦ୍ରଵା ଦ୍ରାଵିଣୀ ଚ ଦ୍ରଵିଣୀ ଚେତି କୀର୍ତିତା ।
ମଦାଵିଲା ମଙ୍ଗଲା ଚ ମନ୍ମଥାନୀ ମନସ୍ଵିନୀ ॥ ୮୨ ॥
ମୋହା ମୋଦା ମାନମୟୀ ମାୟା ମନ୍ଦା ମିତାଵତୀ ।
ଵିଜୟା ଵିମଲା ଚୈଵ ଶୁଭା ଵିଶ୍ଵା ତଥୈଵ ଚ ॥ ୮୩ ॥
ଵିଭୂତିର୍ଵିନତା ଚୈଵ ଵିଵିଧା ଵିନତା କ୍ରମାତ୍ ।
କମଲା କାମିନୀ ଚୈଵ କିରାତା କୀର୍ତିରୂପିଣୀ ॥ ୮୪ ॥
କୁଟ୍ଟିନୀ ଚ ସମୁଦ୍ଦିଷ୍ଟା ତଥୈଵ କୁଲସୁନ୍ଦରୀ ।
କଲ୍ୟାଣୀ କାଲକୋଲା ଚ ଡାକିନୀ ଶାକିନୀ ତଥା ॥ ୮୫ ॥
ଲାକିନୀ କାକିନୀ ଚୈଵ ରାକିନୀ କାକିନୀ ତଥା ।
ଇଚ୍ଛାଜ୍ଞାନା କ୍ରିୟାଖ୍ୟା ଚାପ୍ୟାୟୁଧାଷ୍ଟକଧାରିଣୀ ॥ ୮୬ ॥
କପର୍ଦିନୀ ସମୁଦ୍ଦିଷ୍ଟା ତଥୈଵ କୁଲସୁନ୍ଦରୀ ।
ଜ୍ଵାଲିନୀ ଵିସ୍ଫୁଲିଙ୍ଗା ଚ ମଙ୍ଗଲା ସୁମନୋହରା ॥ ୮୭ ॥
କନକା କିନଵା ଵିଦ୍ୟା ଵିଵିଧା ଚ ପ୍ରକୀର୍ତିତା ।
ମେଷା ଵୃଷାହ୍ଵୟା ଚୈଵ ମିଥୁନା କର୍କଟା ତଥା ॥ ୮୮ ॥
ସିଂହା କନ୍ୟା ତୁଲା କୀଟା ଚାପା ଚ ମକରା ତଥା ।
କୁମ୍ଭା ମୀନା ଚ ସାରା ଚ ସର୍ଵଭକ୍ଷା ତଥୈଵ ଚ ॥ ୮୯ ॥
ଵିଶ୍ଵାତ୍ମା ଵିଵିଧୋଦ୍ଭୂତଚିତ୍ରରୂପା ଚ କୀର୍ତିତା ।
ନିଃସପତ୍ନା ନିରାତଙ୍କା ୟାଚନାଚିନ୍ତ୍ୟଵୈଭଵା ॥ ୯୦ ॥
ରକ୍ତା ଚୈଵ ତତଃ ପ୍ରୋକ୍ତା ଵିଦ୍ୟାପ୍ରାପ୍ତିସ୍ଵରୂପିଣୀ ।
ହୃଲ୍ଲେଖା କ୍ଲେଦିନୀ କ୍ଲିନ୍ନା କ୍ଷୋଭିଣୀ ମଦନାତୁରା ॥ ୯୧ ॥
ନିରଞ୍ଜନା ରାଗଵତୀ ତଥୈଵ ମଦନାଵତୀ ।
ମେଖଲା ଦ୍ରାଵିଣୀ ଵେଗଵତୀ ଚୈଵ ପ୍ରକୀର୍ତିତା ॥ ୯୨ ॥
କମଲା କାମିନୀ କଲ୍ପା କଲା ଚ କଲିତାଦ୍ଭୁତା ।
କିରାତା ଚ ତଥା କାଲା କଦନା କୌଶିକା ତଥା ॥ ୯୩ ॥
କମ୍ବୁଵାଦନିକା ଚୈଵ କାତରା କପଟା ତଥା ।
କୀର୍ତିଶ୍ଚାପି କୁମାରୀ ଚ କୁଙ୍କୁମା ପରିକୀର୍ତିତା ॥ ୯୪ ॥
ଭଞ୍ଜିନୀ ଵେଗିନୀ ନାଗା ଚପଲା ପେଶଲା ସତୀ ।
ରତିଃ ଶ୍ରଦ୍ଧା ଭୋଗଲୋଲା ମଦୋନ୍ମତ୍ତା ମନସ୍ଵିନୀ ॥ ୯୫ ॥
ଵିହ୍ଵଲା କର୍ଷିଣୀ ଲୋଲା ତଥା ମଦନମାଲିନୀ ।
ଵିନୋଦା କୌତୁକା ପୁଣ୍ୟା ପୁରାଣା ପରିକୀର୍ତିତା ॥ ୯୬ ॥
ଵାଗୀଶୀ ଵରଦା ଵିଶ୍ଵା ଵିଭଵା ଵିଘ୍ନକାରିଣୀ ।
ବୀଜଵିଘ୍ନହରା ଵିଦ୍ୟା ସୁମୁଖୀ ସୁନ୍ଦରୀ ତଥା ॥ ୯୭ ॥
ସାରା ଚ ସୁମନା ଚୈଵ ତଥା ପ୍ରୋକ୍ତା ସରସ୍ଵତୀ ।
ସମୟା ସର୍ଵଗା ଵିଦ୍ଧା ଶିଵା ଵାଣୀ ଚ କୀର୍ତିତା ॥ ୯୮ ॥
ଦୂରସିଦ୍ଧା ତଥା ପ୍ରୋକ୍ତାଥୋ ଵିଗ୍ରହଵତୀ ମତା ।
ନାଦା ମନୋନ୍ମନୀ ପ୍ରାଣପ୍ରତିଷ୍ଠାରୁଣଵୈଭଵା ॥ ୯୯ ॥
ପ୍ରାଣାପାନା ସମାନା ଚ ଵ୍ୟାନୋଦାନା ଚ କୀର୍ତିତା ।
ନାଗା କୂର୍ମା ଚ କୃକଲା ଦେଵଦତ୍ତା ଧନଞ୍ଜୟା ॥ ୧୦୦ ॥
ଫଟ୍କାରୀ କିଙ୍କରାରାଧ୍ୟା ଜୟା ଚ ଵିଜୟା ତଥା ।
ହୁଙ୍କାରୀ ଖେଚରୀ ଚଣ୍ଡଂ ଛେଦିନୀ କ୍ଷପିଣୀ ତଥା ॥ ୧୦୧ ॥
ସ୍ତ୍ରୀହୁଙ୍କାରୀ କ୍ଷେମକାରୀ ଚତୁରକ୍ଷରରୂପିଣୀ ।
ଶ୍ରୀଵିଦ୍ୟାମତଵର୍ଣାଙ୍ଗୀ କାଲୀ ୟାମ୍ୟା ନୃପାର୍ଣକା ॥ ୧୦୨ ॥
ଭାଷା ସରସ୍ଵତୀ ଵାଣୀ ସଂସ୍କୃତା ପ୍ରାକୃତା ପରା ।
ବହୁରୂପା ଚିତ୍ତରୂପା ରମ୍ୟାନନ୍ଦା ଚ କୌତୁକା ॥ ୧୦୩ ॥
ତ୍ରୟାଖ୍ୟା ପରମାତ୍ମାଖ୍ୟାପ୍ୟମେୟଵିଭଵା ତଥା ।
ଵାକ୍ସ୍ଵରୂପା ବିନ୍ଦୁସର୍ଗରୂପା ଵିଶ୍ଵାତ୍ମିକା ତଥା ॥ ୧୦୪ ॥
ତଥା ତ୍ରୈପୁରକନ୍ଦାଖ୍ୟା ଜ୍ଞାତ୍ରାଦିତ୍ରିଵିଧାତ୍ମିକା ।
ଆୟୁର୍ଲକ୍ଷ୍ମୀକୀର୍ତିଭୋଗସୌନ୍ଦର୍ୟାରୋଗ୍ୟଦାୟିକା ॥ ୧୦୫ ॥
ଐହିକାମୁଷ୍ମିକଜ୍ଞାନମୟୀ ଚ ପରିକୀର୍ତିତା ।
ଜୀଵାଖ୍ୟା ଵିଜୟାଖ୍ୟା ଚ ତଥୈଵ ଵିଶ୍ଵଵିନ୍ମୟୀ ॥ ୧୦୬ ॥
ହୃଦାଦିଵିଦ୍ୟା ରୂପାଦିଭାନୁରୂପା ଜଗଦ୍ଵପୁଃ ।
ଵିଶ୍ଵମୋହନିକା ଚୈଵ ତ୍ରିପୁରାମୃତସଞ୍ଜ୍ଞିକା ॥ ୧୦୭ ॥
ସର୍ଵାପ୍ୟାୟନରୂପା ଚ ମୋହିନୀ କ୍ଷୋଭଣୀ ତଥା ।
କ୍ଲେଦିନୀ ଚ ସମାଖ୍ୟାତା ତଥୈଵ ଚ ମହୋଦୟା ॥ ୧୦୮ ॥
ସମ୍ପତ୍କରୀ ହଲକ୍ଷାର୍ଣା ସୀମାମାତୃତନୂ ରତିଃ ।
ପ୍ରୀତିର୍ମନୋଭଵା ଵାପି ପ୍ରୋକ୍ତା ଵାରାଧିପା ତଥା ॥ ୧୦୯ ॥
ତ୍ରିକୂଟା ଚାପି ଷଟ୍କୂଟା ପଞ୍ଚକୂଟା ଵିଶୁଦ୍ଧଗା ।
ଅନାହତଗତା ଚୈଵ ମଣିପୂରକସଂସ୍ଥିତା ॥ ୧୧୦ ॥
ସ୍ଵାଧିଷ୍ଠାନସମାସୀନାଧାରସ୍ଥାଜ୍ଞାସମାସ୍ଥିତା ।
ଷଟ୍ତ୍ରିଂଶତ୍କୂଟରୂପା ଚ ପଞ୍ଚାଶନ୍ମିଥୁନାତ୍ମିକା ॥ ୧୧୧ ॥
ପାଦୁକାଦିକସିଦ୍ଧୀଶା ତଥା ଵିଜୟଦାୟିନୀ ।
କାମରୂପପ୍ରଦା ଵେତାଲରୂପା ଚ ପିଶାଚିକା ॥ ୧୧୨ ॥
ଵିଚିତ୍ରା ଵିଭ୍ରମା ହଂସୀ ଭୀଷଣୀ ଜନରଞ୍ଜିକା ।
ଵିଶାଲା ମଦନା ତୁଷ୍ଟା କାଲକଣ୍ଠୀ ମହାଭୟା ॥ ୧୧୩ ॥
ମାହେନ୍ଦ୍ରୀ ଶଙ୍ଖିନୀ ଚୈନ୍ଦ୍ରୀ ମଙ୍ଗଲା ଵଟଵାସିନୀ ।
ମେଖଲା ସକଲା ଲକ୍ଷ୍ମୀର୍ମାଲିନୀ ଵିଶ୍ଵନାୟିକା ॥ ୧୧୪ ॥
ସୁଲୋଚନା ସୁଶୋଭା ଚ କାମଦା ଚ ଵିଲାସିନୀ ।
କାମେଶ୍ଵରୀ ନନ୍ଦିନୀ ଚ ସ୍ଵର୍ଣରେଖା ମନୋହରା ॥ ୧୧୫ ॥
ପ୍ରମୋଦା ରାଗିଣୀ ସିଦ୍ଧା ପଦ୍ମିନୀ ଚ ରତିପ୍ରିୟା ।
କଲ୍ୟାଣଦା କଲାଦକ୍ଷା ତତଶ୍ଚ ସୁରସୁନ୍ଦରୀ ॥ ୧୧୬ ॥
ଵିଭ୍ରମା ଵାହକା ଵୀରା ଵିକଲା କୋରକା କଵିଃ ।
ସିଂହନାଦା ମହାନାଦା ସୁଗ୍ରୀଵା ମର୍କଟା ଶଠା ॥ ୧୧୭ ॥
ବିଡାଲାକ୍ଷା ବିଡାଲାସ୍ୟା କୁମାରୀ ଖେଚରୀ ଭଵା ।
ମୟୂରା ମଙ୍ଗଲା ଭୀମା ଦ୍ଵିପଵକ୍ତ୍ରା ଖରାନନା ॥ ୧୧୮ ॥
ମାତଙ୍ଗୀ ଚ ନିଶାଚାରା ଵୃଷଗ୍ରାହା ଵୃକାନନା ।
ସୈରିଭାସ୍ୟା ଗଜମୁଖା ପଶୁଵକ୍ତ୍ରା ମୃଗାନନା ॥ ୧୧୯ ॥
କ୍ଷୋଭକା ମଣିଭଦ୍ରା ଚ କ୍ରୀଡକା ସିଂହଚକ୍ରକା ।
ମହୋଦରା ସ୍ଥୂଲଶିଖା ଵିକୃତାସ୍ୟା ଵରାନନା ॥ ୧୨୦ ॥
ଚପଲା କୁକ୍କୁଟାସ୍ୟା ଚ ପାଵିନୀ ମଦନାଲସା ।
ମନୋହରା ଦୀର୍ଘଜଙ୍ଘା ସ୍ଥୂଲଦନ୍ତା ଦଶାନନା ॥ ୧୨୧ ॥
ସୁମୁଖା ପଣ୍ଡିତା କ୍ରୁଦ୍ଧା ଵରାହାସ୍ୟା ସଟାମୁଖା ।
କପଟା କୌତୁକା କାଲା କିଙ୍କରା କିତଵା ଖଲା ॥ ୧୨୨ ॥
ଭକ୍ଷକା ଭୟଦା ସିଦ୍ଧା ସର୍ଵଗା ଚ ପ୍ରକୀର୍ତିତା ।
ଜୟା ଚ ଵିଜୟା ଦୁର୍ଗା ଭଦ୍ରା ଭଦ୍ରକରୀ ତଥା ॥ ୧୨୩ ॥
ଅମ୍ବିକା ଵାମଦେଵୀ ଚ ମହାମାୟାସ୍ଵରୂପିଣୀ ।
ଵିଦାରିକା ଵିଶ୍ଵମୟୀ ଵିଶ୍ଵା ଵିଶ୍ଵଵିଭଞ୍ଜିତା ॥ ୧୨୪ ॥
ଵୀରା ଵିକ୍ଷୋଭିଣୀ ଵିଦ୍ୟା ଵିନୋଦା ବୀଜଵିଗ୍ରହା ।
ଵୀତଶୋକା ଵିଷଗ୍ରୀଵା ଵିପୁଲା ଵିଜୟପ୍ରଦା ॥ ୧୨୫ ॥
ଵିଭଵା ଵିଵିଧା ଵିପ୍ରା ତଥୈଵ ପରିକୀର୍ତିତା ।
ମନୋହରା ମଙ୍ଗଲା ଚ ମଦୋତ୍ସିକ୍ତା ମନସ୍ଵିନୀ ॥ ୧୨୬ ॥
ମାନିନୀ ମଧୁରା ମାୟା ମୋହିନୀ ଚ ତଥା ସ୍ମୃତା ।
ଭଦ୍ରା ଭଵାନୀ ଭଵ୍ୟା ଚ ଵିଶାଲାକ୍ଷୀ ଶୁଚିସ୍ମିତା ॥ ୧୨୭ ॥
କକୁଭା କମଲା କଲ୍ପା କଲାଥୋ ପୂରଣୀ ତଥା ।
ନିତ୍ୟା ଚାପ୍ୟମୃତା ଚୈଵ ଜୀଵିତା ଚ ତଥା ଦୟା ॥ ୧୨୮ ॥
ଅଶୋକା ହ୍ୟମଲା ପୂର୍ଣା ପୂର୍ଣା ଭାଗ୍ୟୋଦ୍ୟତା ତଥା ।
ଵିଵେକା ଵିଭଵା ଵିଶ୍ଵା ଵିତତା ଚ ପ୍ରକୀର୍ତିତା ॥ ୧୨୯ ॥
କାମିନୀ ଖେଚରୀ ଗର୍ଵା ପୁରାଣା ପରମେଶ୍ଵରୀ ।
ଗୌରୀ ଶିଵା ହ୍ୟମେୟା ଚ ଵିମଲା ଵିଜୟା ପରା ॥ ୧୩୦ ॥
ପଵିତ୍ରା ପଦ୍ମିନୀ ଵିଦ୍ୟା ଵିଶ୍ଵେଶୀ ଶିଵଵଲ୍ଲଭା ।
ଅଶେଷରୂପା ହ୍ୟାନନ୍ଦାମ୍ବୁଜାକ୍ଷୀ ଚାପ୍ୟନିନ୍ଦିତା ॥ ୧୩୧ ॥
ଵରଦା ଵାକ୍ୟଦା ଵାଣୀ ଵିଵିଧା ଵେଦଵିଗ୍ରହା ।
ଵିଦ୍ୟା ଵାଗୀଶ୍ଵରୀ ସତ୍ୟା ସଂୟତା ଚ ସରସ୍ଵତୀ ॥ ୧୩୨ ॥
ନିର୍ମଲାନନ୍ଦରୂପା ଚ ହ୍ୟମୃତା ମାନଦା ତଥା ।
ପୂଷା ଚୈଵ ତଥା ପୁଷ୍ଟିସ୍ତୁଷ୍ଟିଶ୍ଚାପି ରତିର୍ଧୃତିଃ ॥ ୧୩୩ ॥
ଶଶିନୀ ଚନ୍ଦ୍ରିକା କାନ୍ତିର୍ଜ୍ୟୋତ୍ସ୍ନା ଶ୍ରୀଃ ପ୍ରୀତିରଙ୍ଗଦା ।
ପୂର୍ଣା ପୂର୍ଣାମୃତା କାମଦାୟିନୀନ୍ଦୁକଲାତ୍ମିକା ॥ ୧୩୪ ॥
ତପିନୀ ତାପିନୀ ଧୂମ୍ରା ମରୀଚିର୍ଜ୍ଵାଲିନୀ ରୁଚିଃ ।
ସୁଷୁମ୍ଣା ଭୋଗଦା ଵିଶ୍ଵା ବାଧିନୀ ଧାରିଣୀ କ୍ଷମା ॥ ୧୩୫ ॥
ଧୂମ୍ରାର୍ଚିରୂଷ୍ମା ଜ୍ଵଲିନୀ ଜ୍ଵାଲିନୀ ଵିସ୍ଫୁଲିଙ୍ଗିନୀ ।
ସୁଶ୍ରୀଃ ସ୍ଵରୂପା କପିଲା ହଵ୍ୟକଵ୍ୟଵହା ତଥା ॥ ୧୩୬ ॥
ଘସ୍ମରା ଵିଶ୍ଵକଵଲା ଲୋଲାକ୍ଷୀ ଲୋଲଜିହ୍ଵିକା ।
ସର୍ଵଭକ୍ଷା ସହସ୍ରାକ୍ଷୀ ନିଃସଙ୍ଗା ଚ ଗତିପ୍ରିୟା ॥ ୧୩୭ ॥
ଅଚିନ୍ତ୍ୟା ଚାପ୍ରମେୟା ଚ ପୂର୍ଣରୂପା ଦୁରାସଦା ।
ସର୍ଵା ସଂସିଦ୍ଧିରୂପା ଚ ପାଵନୀତ୍ୟେକରୂପିଣୀ ॥ ୧୩୮ ॥
ତଥା ୟାମଲଵେଧାଖ୍ୟା ଶାକ୍ତେ ଵେଦସ୍ଵରୂପିଣୀ ।
ତଥା ଶାମ୍ଭଵଵେଧା ଚ ଭାଵନାସିଦ୍ଧିସୂଚିନୀ ॥ ୧୩୯ ॥
ଵହ୍ନିରୂପା ତଥା ଦସ୍ରା ହ୍ୟମାଵିଧ୍ନା ଭୁଜଙ୍ଗମା ।
ଷଣ୍ମୁଖା ରଵିରୂପା ଚ ମାତା ଦୁର୍ଗା ଦିଶା ତଥା ॥ ୧୪୦ ॥
ଧନଦା କେଶଵା ଚାପି ୟମୀ ଚୈଵ ହରା ଶଶା ।
ଅଶ୍ଵିନୀ ଚ ୟମୀ ଵହ୍ନିରୂପା ଧାତ୍ରୀତି କୀର୍ତିତା ॥ ୧୪୧ ॥
ଚନ୍ଦ୍ରା ଶିଵାଦିତିର୍ଜୀଵା ସର୍ପିଣୀ ପିତୃରୂପିଣୀ ।
ଅର୍ୟମ୍ଣା ଚ ଭଗା ସୂର୍ୟା ତ୍ଵାଷ୍ଟ୍ରିମାରୁତିସଞ୍ଜ୍ଞିକା ॥ ୧୪୨ ॥
ଇନ୍ଦ୍ରାଗ୍ନିରୂପା ମିତ୍ରା ଚାପୀନ୍ଦ୍ରାଣୀ ନିରୃତିର୍ଜଲା ।
ଵୈଶ୍ଵଦେଵୀ ହରିତଭୂର୍ଵାସଵୀ ଵରୁଣା ଜୟା ॥ ୧୪୩ ॥
ଅହିର୍ବୁଧ୍ନ୍ୟା ପୂଷଣୀ ଚ ତଥା କାରସ୍କରାମଲା ।
ଉଦୁମ୍ବରା ଜମ୍ବୁକା ଚ ଖଦିରା କୃଷ୍ଣରୂପିଣୀ ॥ ୧୪୪ ॥
ଵଂଶା ଚ ପିପ୍ପଲା ନାଗା ରୋହିଣା ଚ ପଲାଶକା ।
ପକ୍ଷକା ଚ ତଥାମ୍ବଷ୍ଠା ବିଲ୍ଵା ଚାର୍ଜୁନରୂପିଣୀ ॥ ୧୪୫ ॥
ଵିକଙ୍କତା ଚ କକୁଭା ସରଲା ଚାପି ସର୍ଜିକା ।
ବଞ୍ଜୁଲା ପନସାର୍କା ଚ ଶମୀ ହଲିପ୍ରିୟାମ୍ରକା ॥ ୧୪୬ ॥
ନିମ୍ବା ମଧୂକସଞ୍ଜ୍ଞା ଚାପ୍ୟଶ୍ଵତ୍ଥା ଚ ଗଜାହ୍ଵୟା ।
ନାଗିନୀ ସର୍ପିଣୀ ଚୈଵ ଶୁନୀ ଚାପି ବିଡାଲିକୀ ॥ ୧୪୭ ॥
ଛାଗୀ ମାର୍ଜାରିକା ମୂଷୀ ଵୃଷଭା ମାହିଷୀ ତଥା ।
ଶାର୍ଦୂଲୀ ସୈରିଭୀ ଵ୍ୟାଘ୍ରୀ ହରିଣୀ ଚ ମୃଗୀ ଶୁନୀ ॥ ୧୪୮ ॥
କପିରୂପା ଚ ଗୋଘଣ୍ଟା ଵାନରୀ ଚ ନରାଶ୍ଵିନୀ ।
ନଗା ଗୌର୍ହସ୍ତିନୀ ଚେତି ତଥା ଷଟ୍ଚକ୍ରଵାସିନୀ ॥ ୧୪୯ ॥
ତ୍ରିଖଣ୍ଡା ତୀରପାଲାଖ୍ୟା ଭ୍ରାମଣୀ ଦ୍ରଵିଣୀ ତଥା ।
ସୋମା ସୂର୍ୟା ତିଥିର୍ଵାରା ୟୋଗାର୍କ୍ଷା କରଣାତ୍ମିକା ॥ ୧୫୦ ॥
ୟକ୍ଷିଣୀ ତାରଣା ଵ୍ୟୋମଶବ୍ଦାଦ୍ୟା ପ୍ରାଣିନୀ ଚ ଧୀଃ ।
କ୍ରୋଧିନୀ ସ୍ତମ୍ଭିନୀ ଚଣ୍ଡୋଚ୍ଚଣ୍ଡା ବ୍ରାହ୍ମ୍ୟାଦିରୂପିଣୀ ॥ ୧୫୧ ॥
ସିଂହସ୍ଥା ଵ୍ୟାଘ୍ରଗା ଚୈଵ ଗଜାଶ୍ଵଗରୁଡସ୍ଥିତା ।
ଭୌମାପ୍ୟା ତୈଜସୀ ଵାୟୁରୂପିଣୀ ନାଭସା ତଥା ॥ ୧୫୨ ॥
ଏକଵକ୍ତ୍ରା ଚତୁର୍ଵକ୍ତ୍ରା ନଵଵକ୍ତ୍ରା କଲାନନା ।
ପଞ୍ଚଵିଂଶତିଵକ୍ତ୍ରା ଚ ଷଡ୍ଵିଂଶଦ୍ଵଦନା ତଥା ॥ ୧୫୩ ॥
ଊନପଞ୍ଚାଶଦାସ୍ୟା ଚ ଚତୁଃଷଷ୍ଟିମୁଖା ତଥା ।
ଏକାଶୀତିମୁଖା ଚୈଵ ଶତାନନସମନ୍ଵିତା ॥ ୧୫୪ ॥
ସ୍ଥୂଲରୂପା ସୂକ୍ଷ୍ମରୂପା ତେଜୋଵିଗ୍ରହଧାରିଣୀ ।
ଵୃଣାଵୃତ୍ତିସ୍ଵରୂପା ଚ ନାଥାଵୃତ୍ତିସ୍ଵରୂପିଣୀ ॥ ୧୫୫ ॥
ତତ୍ତ୍ଵାଵୃତ୍ତିସ୍ଵରୂପାପି ନିତ୍ୟାଵୃତ୍ତିଵପୁର୍ଦ୍ଧରା ॥ ୧୫୬ ॥
ଅଙ୍ଗାଵୃତ୍ତିସ୍ଵରୂପା ଚାପ୍ୟାୟୁଧାଵୃତ୍ତିରୂପିଣୀ ।
ଗୁରୁପଙ୍କ୍ତିସ୍ଵରୂପା ଚ ଵିଦ୍ୟାଵୃତ୍ତିତନୁସ୍ତଥା ॥ ୧୫୭ ॥
ବ୍ରହ୍ମାଦ୍ୟାଵୃତ୍ତିରୂପା ଚ ପରା ପଶ୍ୟନ୍ତିକା ତଥା ।
ମଧ୍ୟମା ଵୈଖରୀ ଶୀର୍ଷକଣ୍ଠତାଲ୍ଵୋଷ୍ଠଦନ୍ତଗା ॥ ୧୫୮ ॥
ଜିହ୍ଵାମୂଲଗତା ନାସାଗତୋରଃସ୍ଥଲଗାମିନୀ ।
ପଦଵାକ୍ୟସ୍ଵରୂପା ଚ ଵେଦଭାଷାସ୍ଵରୂପିଣୀ ॥ ୧୫୯ ॥
ସେକାଖ୍ୟା ଵୀକ୍ଷଣାଖ୍ୟା ଚୋପଦେଶାଖ୍ୟା ତଥୈଵ ଚ ।
ଵ୍ୟାକୁଲାକ୍ଷରସଙ୍କେତା ଗାୟତ୍ରୀ ପ୍ରଣଵାଦିକା ॥ ୧୬୦ ॥
ଜପହୋମାର୍ଚନଧ୍ୟାନୟନ୍ତ୍ରତର୍ପଣରୂପିଣୀ ।
ସିଦ୍ଧସାରସ୍ଵତା ମୃତ୍ୟୁଞ୍ଜୟା ଚ ତ୍ରିପୁରା ତଥା ॥ ୧୬୧ ॥
ଗାରୁଡା ଚାନ୍ନପୂର୍ଣା ଚାପ୍ୟଶ୍ଵାରୂଢା ନଵାତ୍ମିକା ।
ଗୌରୀ ଚ ଦେଵୀ ହୃଦୟା ଲକ୍ଷଦା ଚ ମତଙ୍ଗିନୀ ॥ ୧୬୨ ॥
ନିଷ୍କତ୍ରୟପଦା ଚେଷ୍ଟାଵାଦିନୀ ଚ ପ୍ରକୀର୍ତିତା ।
ରାଜଲକ୍ଷ୍ମୀର୍ମହାଲକ୍ଷ୍ମୀଃ ସିଦ୍ଧଲକ୍ଷ୍ମୀର୍ଗଵାନନା ॥ ୧୬୩ ॥
ଇତ୍ୟେଵଂ ଲଲିତାଦେଵ୍ୟା ଦିଵ୍ୟଂ ନାମସହସ୍ରକମ୍ ।
ସର୍ଵାର୍ଥସିଦ୍ଧିଦଂ ପ୍ରୋକ୍ତଂ ଚତୁର୍ଵର୍ଗଫଲପ୍ରଦମ୍ ॥ ୧୬୪ ॥
ଏତନ୍ନିତ୍ୟମୁଷଃକାଲେ ୟୋ ଜପେଚ୍ଛୁଦ୍ଧମାନସଃ ।
ସ ୟୋଗୀ ବ୍ରହ୍ମଵିଜ୍ଜ୍ଞାନୀ ଶିଵୟୋଗୀ ତଥାଽଽତ୍ମଵିତ୍ ॥ ୧୬୫ ॥
ଦ୍ଵିରାଵୃତ୍ତ୍ୟା ପ୍ରଜପତୋ ହ୍ୟାୟୁରାରୋଗ୍ୟସମ୍ପଦଃ ।
ଲୋକାନୁରଞ୍ଜନଂ ନାରୀନୃପାଵର୍ଜନକର୍ମ ଚ ॥ ୧୬୬ ॥
ଅପୃଥକ୍ତ୍ଵେନ ସିଦ୍ଧ୍ୟନ୍ତି ସାଧକସ୍ୟାସ୍ୟ ନିଶ୍ଚିତମ୍ ।
ତ୍ରିରାଵୃତ୍ତ୍ୟାସ୍ୟ ଵୈ ପୁଂସୋ ଵିଶ୍ଵଂ ଭୂୟାଦ୍ଵଶେଽଖିଲମ୍ ॥ ୧୬୭ ॥
ଚତୁରାଵୃତ୍ତିତଶ୍ଚାସ୍ୟ ସମୀହିତମନାରତମ୍ ।
ଫଲତ୍ୟେଵ ପ୍ରୟୋଗାର୍ହୋ ଲୋକରକ୍ଷାକରୋ ଭଵେତ୍ ॥ ୧୬୮ ॥
ପଞ୍ଚାଵୃତ୍ତ୍ୟା ନରା ନାର୍ୟୋ ନୃପା ଦେଵାଶ୍ଚ ଜନ୍ତଵଃ ।
ଭଜନ୍ତ୍ୟେନଂ ସାଧକଂ ଚ ଦେଵ୍ୟାମାହିତଚେତସଃ ॥ ୧୬୯ ॥
ଷଡାଵୃତ୍ତ୍ୟା ତନ୍ମୟଃ ସ୍ୟାତ୍ସାଧକଶ୍ଚାସ୍ୟ ସିଦ୍ଧୟଃ ।
ଅଚିରେଣୈଵ ଦେଵୀନାଂ ପ୍ରସାଦାତ୍ସମ୍ଭଵନ୍ତି ଚ ॥ ୧୭୦ ॥
ସପ୍ତାଵୃତ୍ତ୍ୟାରିରୋଗାଦିକୃତ୍ୟାପସ୍ମାରନାଶନମ୍ ।
ଅଷ୍ଟାଵୃତ୍ତ୍ୟା ନରୋ ଭୂପାନ୍ନିଗ୍ରହାନୁଗ୍ରହକ୍ଷମଃ ॥ ୧୭୧ ॥
ନଵାଵୃତ୍ତ୍ୟା ମନ୍ମଥାଭୋ ଵିକ୍ଷୋଭୟତି ଭୂତଲମ୍ ।
ଦଶାଵୃତ୍ତ୍ୟା ପଠେନ୍ନିତ୍ୟଂ ଵାଗ୍ଲକ୍ଷ୍ମୀକାନ୍ତିସିଦ୍ଧୟେ ॥ ୧୭୨ ॥
ରୁଦ୍ରା ଵୃତ୍ତ୍ୟାଖିଲର୍ଦ୍ଧିଶ୍ଚ ତଦାୟତ୍ତଂ ଜଗଦ୍ଭଵେତ୍ ।
ଅର୍କାଵୃତ୍ତ୍ୟା ସିଦ୍ଧିଭିଃ ସ୍ୟାଦ୍ଦିଗ୍ଭିର୍ମର୍ତ୍ୟୋ ହରୋପମଃ ॥ ୧୭୩ ॥
ଵିଶ୍ଵାଵୃତ୍ତ୍ୟା ତୁ ଵିଜୟୀ ସର୍ଵତଃ ସ୍ୟାତ୍ସୁଖୀ ନରଃ ।
ଶକ୍ରାଵୃତ୍ତ୍ୟାଖିଲେଷ୍ଟାପ୍ତିଃ ସର୍ଵତୋ ମଙ୍ଗଲଂ ଭଵେତ୍ ॥ ୧୭୪ ॥
ତିଥ୍ୟାଵୃତ୍ତ୍ୟାଖିଲାନିଷ୍ଟାନୟତ୍ନାଦାପ୍ନୁୟାନ୍ନରଃ ।
ଷୋଡଶାଵୃତ୍ତିତୋ ଭୂୟାନ୍ନରଃ ସାକ୍ଷାନ୍ମହେଶ୍ଵରଃ ॥ ୧୭୫ ॥
ଵିଶ୍ଵଂ ସ୍ରଷ୍ଟୁଂ ପାଲୟିତୁଂ ସଂହର୍ତୁଂ ଚ କ୍ଷମୋ ଭଵେତ୍ ।
ମଣ୍ଡଲଂ ମାସମାତ୍ରଂ ଵା ୟୋ ଜପେଦ୍ୟଦ୍ୟଦାଶୟଃ ॥ ୧୭୬ ॥
ତତ୍ତଦେଵାପ୍ନୁୟାତ୍ସତ୍ୟଂ ଶିଵସ୍ୟ ଵଚନଂ ୟଥା ।
ଇତ୍ୟେତତ୍କଥିତଂ ଵିପ୍ର ନିତ୍ୟାଵୃତ୍ତ୍ୟର୍ଚନାଶ୍ରିତମ୍ ॥ ୧୭୭ ॥
ନାମ୍ନାଂ ସହସ୍ରଂ ମନସୋଽଭୀଷ୍ଟସମ୍ପାଦନକ୍ଷମମ୍ ॥ ୧୭୮ ॥
॥ ଇତି ଶ୍ରୀବୃହନ୍ନାରଦୀୟପୁରାଣେ ପୂର୍ଵଭାଗେ ତୃତୀୟପାଦେ
ବୃହଦୁପାଖ୍ୟାନେ ସକଵଚ ଶ୍ରୀଲଲିତାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥ ୮୯ ॥
– Chant Stotra in Other Languages –
1000 Names of Sri Lalita » Sahasranama Stotram from Naradapurana Lyrics in Sanskrit » English » Bengali » Gujarati » Kannada » Malayalam » Telugu » Tamil