॥ Sri Lalita Sahasranama Stotram Odia Lyrics ॥
॥ ଶ୍ରୀଲଲିତାସହସ୍ରନାମସ୍ତୋତ୍ରମ୍ ॥
॥ ନ୍ୟାସଃ ॥
ଅସ୍ୟ ଶ୍ରୀଲଲିତାସହସ୍ରନାମସ୍ତୋତ୍ରମାଲା ମନ୍ତ୍ରସ୍ୟ ।
ଵଶିନ୍ୟାଦିଵାଗ୍ଦେଵତା ଋଷୟଃ ।
ଅନୁଷ୍ଟୁପ୍ ଛନ୍ଦଃ ।
ଶ୍ରୀଲଲିତାପରମେଶ୍ଵରୀ ଦେଵତା ।
ଶ୍ରୀମଦ୍ଵାଗ୍ଭଵକୂଟେତି ବୀଜମ୍ ।
ମଧ୍ୟକୂଟେତି ଶକ୍ତିଃ ।
ଶକ୍ତିକୂଟେତି କୀଲକମ୍ ।
ଶ୍ରୀଲଲିତାମହାତ୍ରିପୁରସୁନ୍ଦରୀ-ପ୍ରସାଦସିଦ୍ଧିଦ୍ଵାରା
ଚିନ୍ତିତଫଲାଵାପ୍ତ୍ୟର୍ଥେ ଜପେ ଵିନିୟୋଗଃ ।
॥ ଧ୍ୟାନମ୍ ॥
ସିନ୍ଦୂରାରୁଣ ଵିଗ୍ରହାଂ ତ୍ରିନୟନାଂ ମାଣିକ୍ୟମୌଲି ସ୍ଫୁରତ୍
ତାରା ନାୟକ ଶେଖରାଂ ସ୍ମିତମୁଖୀ ମାପୀନ ଵକ୍ଷୋରୁହାମ୍ ।
ପାଣିଭ୍ୟାମଲିପୂର୍ଣ ରତ୍ନ ଚଷକଂ ରକ୍ତୋତ୍ପଲଂ ବିଭ୍ରତୀଂ
ସୌମ୍ୟାଂ ରତ୍ନ ଘଟସ୍ଥ ରକ୍ତଚରଣାଂ ଧ୍ୟାୟେତ୍ ପରାମମ୍ବିକାମ୍ ॥
ଅରୁଣାଂ କରୁଣା ତରଙ୍ଗିତାକ୍ଷୀଂ
ଧୃତ ପାଶାଙ୍କୁଶ ପୁଷ୍ପ ବାଣଚାପାମ୍ ।
ଅଣିମାଦିଭି ରାଵୃତାଂ ମୟୂଖୈ-
ରହମିତ୍ୟେଵ ଵିଭାଵୟେ ଭଵାନୀମ୍ ॥
ଧ୍ୟାୟେତ୍ ପଦ୍ମାସନସ୍ଥାଂ ଵିକସିତଵଦନାଂ ପଦ୍ମପତ୍ରାୟତାକ୍ଷୀଂ
ହେମାଭାଂ ପୀତଵସ୍ତ୍ରାଂ କରକଲିତଲସଦ୍ଧେମପଦ୍ମାଂ ଵରାଙ୍ଗୀମ୍ ।
ସର୍ଵାଲଙ୍କାର ୟୁକ୍ତାଂ ସତତ ମଭୟଦାଂ ଭକ୍ତନମ୍ରାଂ ଭଵାନୀଂ
ଶ୍ରୀଵିଦ୍ୟାଂ ଶାନ୍ତ ମୂର୍ତିଂ ସକଲ ସୁରନୁତାଂ ସର୍ଵ ସମ୍ପତ୍ପ୍ରଦାତ୍ରୀମ୍ ॥
ସକୁଙ୍କୁମ ଵିଲେପନାମଲିକଚୁମ୍ବି କସ୍ତୂରିକାଂ
ସମନ୍ଦ ହସିତେକ୍ଷଣାଂ ସଶର ଚାପ ପାଶାଙ୍କୁଶାମ୍ ।
ଅଶେଷଜନ ମୋହିନୀଂ ଅରୁଣ ମାଲ୍ୟ ଭୂଷାମ୍ବରାଂ
ଜପାକୁସୁମ ଭାସୁରାଂ ଜପଵିଧୌ ସ୍ମରେ ଦମ୍ବିକାମ୍ ॥
॥ ଅଥ ଶ୍ରୀଲଲିତାସହସ୍ରନାମସ୍ତୋତ୍ରମ୍ ॥
ଓଂ ଶ୍ରୀମାତା ଶ୍ରୀମହାରାଜ୍ଞୀ ଶ୍ରୀମତ୍-ସିଂହାସନେଶ୍ଵରୀ ।
ଚିଦଗ୍ନି-କୁଣ୍ଡ-ସମ୍ଭୂତା ଦେଵକାର୍ୟ-ସମୁଦ୍ୟତା ॥ ୧ ॥
ଉଦ୍ୟଦ୍ଭାନୁ-ସହସ୍ରାଭା ଚତୁର୍ବାହୁ-ସମନ୍ଵିତା ।
ରାଗସ୍ଵରୂପ-ପାଶାଢ୍ୟା କ୍ରୋଧାକାରାଙ୍କୁଶୋଜ୍ଜ୍ଵଲା ॥ ୨ ॥
ମନୋରୂପେକ୍ଷୁ-କୋଦଣ୍ଡା ପଞ୍ଚତନ୍ମାତ୍ର-ସାୟକା ।
ନିଜାରୁଣ-ପ୍ରଭାପୂର-ମଜ୍ଜଦ୍ବ୍ରହ୍ମାଣ୍ଡ-ମଣ୍ଡଲା ॥ ୩ ॥
ଚମ୍ପକାଶୋକ-ପୁନ୍ନାଗ-ସୌଗନ୍ଧିକ-ଲସତ୍କଚା ।
କୁରୁଵିନ୍ଦମଣି-ଶ୍ରେଣୀ-କନତ୍କୋଟୀର-ମଣ୍ଡିତା ॥ ୪ ॥
ଅଷ୍ଟମୀଚନ୍ଦ୍ର-ଵିଭ୍ରାଜ-ଦଲିକସ୍ଥଲ-ଶୋଭିତା ।
ମୁଖଚନ୍ଦ୍ର-କଲଙ୍କାଭ-ମୃଗନାଭି-ଵିଶେଷକା ॥ ୫ ॥
ଵଦନସ୍ମର-ମାଙ୍ଗଲ୍ୟ-ଗୃହତୋରଣ-ଚିଲ୍ଲିକା ।
ଵକ୍ତ୍ରଲକ୍ଷ୍ମୀ-ପରୀଵାହ-ଚଲନ୍ମୀନାଭ-ଲୋଚନା ॥ ୬ ॥
ନଵଚମ୍ପକ-ପୁଷ୍ପାଭ-ନାସାଦଣ୍ଡ-ଵିରାଜିତା ।
ତାରାକାନ୍ତି-ତିରସ୍କାରି-ନାସାଭରଣ-ଭାସୁରା ॥ ୭ ॥
କଦମ୍ବମଞ୍ଜରୀ-କୢପ୍ତ-କର୍ଣପୂର-ମନୋହରା ।
ତାଟଙ୍କ-ୟୁଗଲୀ-ଭୂତ-ତପନୋଡୁପ-ମଣ୍ଡଲା ॥ ୮ ॥
ପଦ୍ମରାଗ-ଶିଲାଦର୍ଶ-ପରିଭାଵି-କପୋଲଭୂଃ ।
ନଵଵିଦ୍ରୁମ-ବିମ୍ବଶ୍ରୀ-ନ୍ୟକ୍କାରି-ରଦନଚ୍ଛଦା ॥ ୯ ॥ or ଦଶନଚ୍ଛଦା
ଶୁଦ୍ଧ-ଵିଦ୍ୟାଙ୍କୁରାକାର-ଦ୍ଵିଜପଙ୍କ୍ତି-ଦ୍ଵୟୋଜ୍ଜ୍ଵଲା ।
କର୍ପୂର-ଵୀଟିକାମୋଦ-ସମାକର୍ଷି-ଦିଗନ୍ତରା ॥ ୧୦ ॥
ନିଜ-ସଲ୍ଲାପ-ମାଧୁର୍ୟ-ଵିନିର୍ଭର୍ତ୍ସିତ-କଚ୍ଛପୀ । or ନିଜ-ସଂଲାପ
ମନ୍ଦସ୍ମିତ-ପ୍ରଭାପୂର-ମଜ୍ଜତ୍କାମେଶ-ମାନସା ॥ ୧୧ ॥
ଅନାକଲିତ-ସାଦୃଶ୍ୟ-ଚିବୁକଶ୍ରୀ-ଵିରାଜିତା । or ଚୁବୁକଶ୍ରୀ
କାମେଶ-ବଦ୍ଧ-ମାଙ୍ଗଲ୍ୟ-ସୂତ୍ର-ଶୋଭିତ-କନ୍ଧରା ॥ ୧୨ ॥
କନକାଙ୍ଗଦ-କେୟୂର-କମନୀୟ-ଭୁଜାନ୍ଵିତା ।
ରତ୍ନଗ୍ରୈଵେୟ-ଚିନ୍ତାକ-ଲୋଲ-ମୁକ୍ତା-ଫଲାନ୍ଵିତା ॥ ୧୩ ॥
କାମେଶ୍ଵର-ପ୍ରେମରତ୍ନ-ମଣି-ପ୍ରତିପଣ-ସ୍ତନୀ ।
ନାଭ୍ୟାଲଵାଲ-ରୋମାଲି-ଲତା-ଫଲ-କୁଚଦ୍ଵୟୀ ॥ ୧୪ ॥
ଲକ୍ଷ୍ୟରୋମ-ଲତାଧାରତା-ସମୁନ୍ନେୟ-ମଧ୍ୟମା ।
ସ୍ତନଭାର-ଦଲନ୍ମଧ୍ୟ-ପଟ୍ଟବନ୍ଧ-ଵଲିତ୍ରୟା ॥ ୧୫ ॥
ଅରୁଣାରୁଣ-କୌସୁମ୍ଭ-ଵସ୍ତ୍ର-ଭାସ୍ଵତ୍-କଟୀତଟୀ ।
ରତ୍ନ-କିଙ୍କିଣିକା-ରମ୍ୟ-ରଶନା-ଦାମ-ଭୂଷିତା ॥ ୧୬ ॥
କାମେଶ-ଜ୍ଞାତ-ସୌଭାଗ୍ୟ-ମାର୍ଦଵୋରୁ-ଦ୍ଵୟାନ୍ଵିତା ।
ମାଣିକ୍ୟ-ମୁକୁଟାକାର-ଜାନୁଦ୍ଵୟ-ଵିରାଜିତା ॥ ୧୭ ॥
ଇନ୍ଦ୍ରଗୋପ-ପରିକ୍ଷିପ୍ତ-ସ୍ମରତୂଣାଭ-ଜଙ୍ଘିକା ।
ଗୂଢଗୁଲ୍ଫା କୂର୍ମପୃଷ୍ଠ-ଜୟିଷ୍ଣୁ-ପ୍ରପଦାନ୍ଵିତା ॥ ୧୮ ॥
ନଖ-ଦୀଧିତି-ସଂଛନ୍ନ-ନମଜ୍ଜନ-ତମୋଗୁଣା ।
ପଦଦ୍ଵୟ-ପ୍ରଭାଜାଲ-ପରାକୃତ-ସରୋରୁହା ॥ ୧୯ ॥
ସିଞ୍ଜାନ-ମଣିମଞ୍ଜୀର-ମଣ୍ଡିତ-ଶ୍ରୀ-ପଦାମ୍ବୁଜା । or ଶିଞ୍ଜାନ
ମରାଲୀ-ମନ୍ଦଗମନା ମହାଲାଵଣ୍ୟ-ଶେଵଧିଃ ॥ ୨୦ ॥
ସର୍ଵାରୁଣାଽନଵଦ୍ୟାଙ୍ଗୀ ସର୍ଵାଭରଣ-ଭୂଷିତା ।
ଶିଵ-କାମେଶ୍ଵରାଙ୍କସ୍ଥା ଶିଵା ସ୍ଵାଧୀନ-ଵଲ୍ଲଭା ॥ ୨୧ ॥
ସୁମେରୁ-ମଧ୍ୟ-ଶୃଙ୍ଗସ୍ଥା ଶ୍ରୀମନ୍ନଗର-ନାୟିକା ।
ଚିନ୍ତାମଣି-ଗୃହାନ୍ତସ୍ଥା ପଞ୍ଚ-ବ୍ରହ୍ମାସନ-ସ୍ଥିତା ॥ ୨୨ ॥
ମହାପଦ୍ମାଟଵୀ-ସଂସ୍ଥା କଦମ୍ବଵନ-ଵାସିନୀ ।
ସୁଧାସାଗର-ମଧ୍ୟସ୍ଥା କାମାକ୍ଷୀ କାମଦାୟିନୀ ॥ ୨୩ ॥
ଦେଵର୍ଷି-ଗଣ-ସଂଘାତ-ସ୍ତୂୟମାନାତ୍ମ-ଵୈଭଵା ।
ଭଣ୍ଡାସୁର-ଵଧୋଦ୍ୟୁକ୍ତ-ଶକ୍ତିସେନା-ସମନ୍ଵିତା ॥ ୨୪ ॥
ସମ୍ପତ୍କରୀ-ସମାରୂଢ-ସିନ୍ଧୁର-ଵ୍ରଜ-ସେଵିତା ।
ଅଶ୍ଵାରୂଢାଧିଷ୍ଠିତାଶ୍ଵ-କୋଟି-କୋଟିଭିରାଵୃତା ॥ ୨୫ ॥
ଚକ୍ରରାଜ-ରଥାରୂଢ-ସର୍ଵାୟୁଧ-ପରିଷ୍କୃତା ।
ଗେୟଚକ୍ର-ରଥାରୂଢ-ମନ୍ତ୍ରିଣୀ-ପରିସେଵିତା ॥ ୨୬ ॥
କିରିଚକ୍ର-ରଥାରୂଢ-ଦଣ୍ଡନାଥା-ପୁରସ୍କୃତା ।
ଜ୍ଵାଲା-ମାଲିନିକାକ୍ଷିପ୍ତ-ଵହ୍ନିପ୍ରାକାର-ମଧ୍ୟଗା ॥ ୨୭ ॥
ଭଣ୍ଡସୈନ୍ୟ-ଵଧୋଦ୍ୟୁକ୍ତ-ଶକ୍ତି-ଵିକ୍ରମ-ହର୍ଷିତା ।
ନିତ୍ୟା-ପରାକ୍ରମାଟୋପ-ନିରୀକ୍ଷଣ-ସମୁତ୍ସୁକା ॥ ୨୮ ॥
ଭଣ୍ଡପୁତ୍ର-ଵଧୋଦ୍ୟୁକ୍ତ-ବାଲା-ଵିକ୍ରମ-ନନ୍ଦିତା ।
ମନ୍ତ୍ରିଣ୍ୟମ୍ବା-ଵିରଚିତ-ଵିଷଙ୍ଗ-ଵଧ-ତୋଷିତା ॥ ୨୯ ॥
ଵିଶୁକ୍ର-ପ୍ରାଣହରଣ-ଵାରାହୀ-ଵୀର୍ୟ-ନନ୍ଦିତା ।
କାମେଶ୍ଵର-ମୁଖାଲୋକ-କଲ୍ପିତ-ଶ୍ରୀଗଣେଶ୍ଵରା ॥ ୩୦ ॥
ମହାଗଣେଶ-ନିର୍ଭିନ୍ନ-ଵିଘ୍ନୟନ୍ତ୍ର-ପ୍ରହର୍ଷିତା ।
ଭଣ୍ଡାସୁରେନ୍ଦ୍ର-ନିର୍ମୁକ୍ତ-ଶସ୍ତ୍ର-ପ୍ରତ୍ୟସ୍ତ୍ର-ଵର୍ଷିଣୀ ॥ ୩୧ ॥
କରାଙ୍ଗୁଲି-ନଖୋତ୍ପନ୍ନ-ନାରାୟଣ-ଦଶାକୃତିଃ ।
ମହା-ପାଶୁପତାସ୍ତ୍ରାଗ୍ନି-ନିର୍ଦଗ୍ଧାସୁର-ସୈନିକା ॥ ୩୨ ॥
କାମେଶ୍ଵରାସ୍ତ୍ର-ନିର୍ଦଗ୍ଧ-ସଭଣ୍ଡାସୁର-ଶୂନ୍ୟକା ।
ବ୍ରହ୍ମୋପେନ୍ଦ୍ର-ମହେନ୍ଦ୍ରାଦି-ଦେଵ-ସଂସ୍ତୁତ-ଵୈଭଵା ॥ ୩୩ ॥
ହର-ନେତ୍ରାଗ୍ନି-ସଂଦଗ୍ଧ-କାମ-ସଞ୍ଜୀଵନୌଷଧିଃ ।
ଶ୍ରୀମଦ୍ଵାଗ୍ଭଵ-କୂଟୈକ-ସ୍ଵରୂପ-ମୁଖ-ପଙ୍କଜା ॥ ୩୪ ॥
କଣ୍ଠାଧଃ-କଟି-ପର୍ୟନ୍ତ-ମଧ୍ୟକୂଟ-ସ୍ଵରୂପିଣୀ ।
ଶକ୍ତି-କୂଟୈକତାପନ୍ନ-କଟ୍ୟଧୋଭାଗ-ଧାରିଣୀ ॥ ୩୫ ॥
ମୂଲ-ମନ୍ତ୍ରାତ୍ମିକା ମୂଲକୂଟତ୍ରୟ-କଲେବରା ।
କୁଲାମୃତୈକ-ରସିକା କୁଲସଂକେତ-ପାଲିନୀ ॥ ୩୬ ॥
କୁଲାଙ୍ଗନା କୁଲାନ୍ତସ୍ଥା କୌଲିନୀ କୁଲୟୋଗିନୀ ।
ଅକୁଲା ସମୟାନ୍ତସ୍ଥା ସମୟାଚାର-ତତ୍ପରା ॥ ୩୭ ॥
ମୂଲାଧାରୈକ-ନିଲୟା ବ୍ରହ୍ମଗ୍ରନ୍ଥି-ଵିଭେଦିନୀ ।
ମଣି-ପୂରାନ୍ତରୁଦିତା ଵିଷ୍ଣୁଗ୍ରନ୍ଥି-ଵିଭେଦିନୀ ॥ ୩୮ ॥
ଆଜ୍ଞା-ଚକ୍ରାନ୍ତରାଲସ୍ଥା ରୁଦ୍ରଗ୍ରନ୍ଥି-ଵିଭେଦିନୀ ।
ସହସ୍ରାରାମ୍ବୁଜାରୂଢା ସୁଧା-ସାରାଭିଵର୍ଷିଣୀ ॥ ୩୯ ॥
ତଡିଲ୍ଲତା-ସମରୁଚିଃ ଷଟ୍ଚକ୍ରୋପରି-ସଂସ୍ଥିତା ।
ମହାସକ୍ତିଃ କୁଣ୍ଡଲିନୀ ବିସତନ୍ତୁ-ତନୀୟସୀ ॥ ୪୦ ॥
ଭଵାନୀ ଭାଵନାଗମ୍ୟା ଭଵାରଣ୍ୟ-କୁଠାରିକା ।
ଭଦ୍ରପ୍ରିୟା ଭଦ୍ରମୂର୍ତିର୍ ଭକ୍ତ-ସୌଭାଗ୍ୟଦାୟିନୀ ॥ ୪୧ ॥
ଭକ୍ତିପ୍ରିୟା ଭକ୍ତିଗମ୍ୟା ଭକ୍ତିଵଶ୍ୟା ଭୟାପହା ।
ଶାମ୍ଭଵୀ ଶାରଦାରାଧ୍ୟା ଶର୍ଵାଣୀ ଶର୍ମଦାୟିନୀ ॥ ୪୨ ॥
ଶାଙ୍କରୀ ଶ୍ରୀକରୀ ସାଧ୍ଵୀ ଶରଚ୍ଚନ୍ଦ୍ର-ନିଭାନନା ।
ଶାତୋଦରୀ ଶାନ୍ତିମତୀ ନିରାଧାରା ନିରଞ୍ଜନା ॥ ୪୩ ॥
ନିର୍ଲେପା ନିର୍ମଲା ନିତ୍ୟା ନିରାକାରା ନିରାକୁଲା ।
ନିର୍ଗୁଣା ନିଷ୍କଲା ଶାନ୍ତା ନିଷ୍କାମା ନିରୁପପ୍ଲଵା ॥ ୪୪ ॥
ନିତ୍ୟମୁକ୍ତା ନିର୍ଵିକାରା ନିଷ୍ପ୍ରପଞ୍ଚା ନିରାଶ୍ରୟା ।
ନିତ୍ୟଶୁଦ୍ଧା ନିତ୍ୟବୁଦ୍ଧା ନିରଵଦ୍ୟା ନିରନ୍ତରା ॥ ୪୫ ॥
ନିଷ୍କାରଣା ନିଷ୍କଲଙ୍କା ନିରୁପାଧିର୍ ନିରୀଶ୍ଵରା ।
ନୀରାଗା ରାଗମଥନୀ ନିର୍ମଦା ମଦନାଶିନୀ ॥ ୪୬ ॥
ନିଶ୍ଚିନ୍ତା ନିରହଂକାରା ନିର୍ମୋହା ମୋହନାଶିନୀ ।
ନିର୍ମମା ମମତାହନ୍ତ୍ରୀ ନିଷ୍ପାପା ପାପନାଶିନୀ ॥ ୪୭ ॥
ନିଷ୍କ୍ରୋଧା କ୍ରୋଧଶମନୀ ନିର୍ଲୋଭା ଲୋଭନାଶିନୀ ।
ନିଃସଂଶୟା ସଂଶୟଘ୍ନୀ ନିର୍ଭଵା ଭଵନାଶିନୀ ॥ ୪୮ ॥ or ନିସ୍ସଂଶୟା
ନିର୍ଵିକଲ୍ପା ନିରାବାଧା ନିର୍ଭେଦା ଭେଦନାଶିନୀ ।
ନିର୍ନାଶା ମୃତ୍ୟୁମଥନୀ ନିଷ୍କ୍ରିୟା ନିଷ୍ପରିଗ୍ରହା ॥ ୪୯ ॥
ନିସ୍ତୁଲା ନୀଲଚିକୁରା ନିରପାୟା ନିରତ୍ୟୟା ।
ଦୁର୍ଲଭା ଦୁର୍ଗମା ଦୁର୍ଗା ଦୁଃଖହନ୍ତ୍ରୀ ସୁଖପ୍ରଦା ॥ ୫୦ ॥
ଦୁଷ୍ଟଦୂରା ଦୁରାଚାର-ଶମନୀ ଦୋଷଵର୍ଜିତା ।
ସର୍ଵଜ୍ଞା ସାନ୍ଦ୍ରକରୁଣା ସମାନାଧିକ-ଵର୍ଜିତା ॥ ୫୧ ॥
ସର୍ଵଶକ୍ତିମୟୀ ସର୍ଵ-ମଙ୍ଗଲା ସଦ୍ଗତିପ୍ରଦା ।
ସର୍ଵେଶ୍ଵରୀ ସର୍ଵମୟୀ ସର୍ଵମନ୍ତ୍ର-ସ୍ଵରୂପିଣୀ ॥ ୫୨ ॥
ସର୍ଵ-ୟନ୍ତ୍ରାତ୍ମିକା ସର୍ଵ-ତନ୍ତ୍ରରୂପା ମନୋନ୍ମନୀ ।
ମାହେଶ୍ଵରୀ ମହାଦେଵୀ ମହାଲକ୍ଷ୍ମୀର୍ ମୃଡପ୍ରିୟା ॥ ୫୩ ॥
ମହାରୂପା ମହାପୂଜ୍ୟା ମହାପାତକ-ନାଶିନୀ ।
ମହାମାୟା ମହାସତ୍ତ୍ଵା ମହାଶକ୍ତିର୍ ମହାରତିଃ ॥ ୫୪ ॥
ମହାଭୋଗା ମହୈଶ୍ଵର୍ୟା ମହାଵୀର୍ୟା ମହାବଲା ।
ମହାବୁଦ୍ଧିର୍ ମହାସିଦ୍ଧିର୍ ମହାୟୋଗେଶ୍ଵରେଶ୍ଵରୀ ॥ ୫୫ ॥
ମହାତନ୍ତ୍ରା ମହାମନ୍ତ୍ରା ମହାୟନ୍ତ୍ରା ମହାସନା ।
ମହାୟାଗ-କ୍ରମାରାଧ୍ୟା ମହାଭୈରଵ-ପୂଜିତା ॥ ୫୬ ॥
ମହେଶ୍ଵର-ମହାକଲ୍ପ-ମହାତାଣ୍ଡଵ-ସାକ୍ଷିଣୀ ।
ମହାକାମେଶ-ମହିଷୀ ମହାତ୍ରିପୁର-ସୁନ୍ଦରୀ ॥ ୫୭ ॥
ଚତୁଃଷଷ୍ଟ୍ୟୁପଚାରାଢ୍ୟା ଚତୁଃଷଷ୍ଟିକଲାମୟୀ ।
ମହାଚତୁଃ-ଷଷ୍ଟିକୋଟି-ୟୋଗିନୀ-ଗଣସେଵିତା ॥ ୫୮ ॥
ମନୁଵିଦ୍ୟା ଚନ୍ଦ୍ରଵିଦ୍ୟା ଚନ୍ଦ୍ରମଣ୍ଡଲ-ମଧ୍ୟଗା ।
ଚାରୁରୂପା ଚାରୁହାସା ଚାରୁଚନ୍ଦ୍ର-କଲାଧରା ॥ ୫୯ ॥
ଚରାଚର-ଜଗନ୍ନାଥା ଚକ୍ରରାଜ-ନିକେତନା ।
ପାର୍ଵତୀ ପଦ୍ମନୟନା ପଦ୍ମରାଗ-ସମପ୍ରଭା ॥ ୬୦ ॥
ପଞ୍ଚ-ପ୍ରେତାସନାସୀନା ପଞ୍ଚବ୍ରହ୍ମ-ସ୍ଵରୂପିଣୀ ।
ଚିନ୍ମୟୀ ପରମାନନ୍ଦା ଵିଜ୍ଞାନ-ଘନରୂପିଣୀ ॥ ୬୧ ॥
ଧ୍ୟାନ-ଧ୍ୟାତୃ-ଧ୍ୟେୟରୂପା ଧର୍ମାଧର୍ମ-ଵିଵର୍ଜିତା ।
ଵିଶ୍ଵରୂପା ଜାଗରିଣୀ ସ୍ଵପନ୍ତୀ ତୈଜସାତ୍ମିକା ॥ ୬୨ ॥
ସୁପ୍ତା ପ୍ରାଜ୍ଞାତ୍ମିକା ତୁର୍ୟା ସର୍ଵାଵସ୍ଥା-ଵିଵର୍ଜିତା ।
ସୃଷ୍ଟିକର୍ତ୍ରୀ ବ୍ରହ୍ମରୂପା ଗୋପ୍ତ୍ରୀ ଗୋଵିନ୍ଦରୂପିଣୀ ॥ ୬୩ ॥
ସଂହାରିଣୀ ରୁଦ୍ରରୂପା ତିରୋଧାନ-କରୀଶ୍ଵରୀ ।
ସଦାଶିଵାଽନୁଗ୍ରହଦା ପଞ୍ଚକୃତ୍ୟ-ପରାୟଣା ॥ ୬୪ ॥
ଭାନୁମଣ୍ଡଲ-ମଧ୍ୟସ୍ଥା ଭୈରଵୀ ଭଗମାଲିନୀ ।
ପଦ୍ମାସନା ଭଗଵତୀ ପଦ୍ମନାଭ-ସହୋଦରୀ ॥ ୬୫ ॥
ଉନ୍ମେଷ-ନିମିଷୋତ୍ପନ୍ନ-ଵିପନ୍ନ-ଭୁଵନାଵଲୀ ।
ସହସ୍ର-ଶୀର୍ଷଵଦନା ସହସ୍ରାକ୍ଷୀ ସହସ୍ରପାତ୍ ॥ ୬୬ ॥
ଆବ୍ରହ୍ମ-କୀଟ-ଜନନୀ ଵର୍ଣାଶ୍ରମ-ଵିଧାୟିନୀ ।
ନିଜାଜ୍ଞାରୂପ-ନିଗମା ପୁଣ୍ୟାପୁଣ୍ୟ-ଫଲପ୍ରଦା ॥ ୬୭ ॥
ଶ୍ରୁତି-ସୀମନ୍ତ-ସିନ୍ଦୂରୀ-କୃତ-ପାଦାବ୍ଜ-ଧୂଲିକା ।
ସକଲାଗମ-ସନ୍ଦୋହ-ଶୁକ୍ତି-ସମ୍ପୁଟ-ମୌକ୍ତିକା ॥ ୬୮ ॥
ପୁରୁଷାର୍ଥପ୍ରଦା ପୂର୍ଣା ଭୋଗିନୀ ଭୁଵନେଶ୍ଵରୀ ।
ଅମ୍ବିକାଽନାଦି-ନିଧନା ହରିବ୍ରହ୍ମେନ୍ଦ୍ର-ସେଵିତା ॥ ୬୯ ॥
ନାରାୟଣୀ ନାଦରୂପା ନାମରୂପ-ଵିଵର୍ଜିତା ।
ହ୍ରୀଂକାରୀ ହ୍ରୀମତୀ ହୃଦ୍ୟା ହେୟୋପାଦେୟ-ଵର୍ଜିତା ॥ ୭୦ ॥
ରାଜରାଜାର୍ଚିତା ରାଜ୍ଞୀ ରମ୍ୟା ରାଜୀଵଲୋଚନା ।
ରଞ୍ଜନୀ ରମଣୀ ରସ୍ୟା ରଣତ୍କିଙ୍କିଣି-ମେଖଲା ॥ ୭୧ ॥
ରମା ରାକେନ୍ଦୁଵଦନା ରତିରୂପା ରତିପ୍ରିୟା ।
ରକ୍ଷାକରୀ ରାକ୍ଷସଘ୍ନୀ ରାମା ରମଣଲମ୍ପଟା ॥ ୭୨ ॥
କାମ୍ୟା କାମକଲାରୂପା କଦମ୍ବ-କୁସୁମ-ପ୍ରିୟା ।
କଲ୍ୟାଣୀ ଜଗତୀକନ୍ଦା କରୁଣା-ରସ-ସାଗରା ॥ ୭୩ ॥
କଲାଵତୀ କଲାଲାପା କାନ୍ତା କାଦମ୍ବରୀପ୍ରିୟା ।
ଵରଦା ଵାମନୟନା ଵାରୁଣୀ-ମଦ-ଵିହ୍ଵଲା ॥ ୭୪ ॥
ଵିଶ୍ଵାଧିକା ଵେଦଵେଦ୍ୟା ଵିନ୍ଧ୍ୟାଚଲ-ନିଵାସିନୀ ।
ଵିଧାତ୍ରୀ ଵେଦଜନନୀ ଵିଷ୍ଣୁମାୟା ଵିଲାସିନୀ ॥ ୭୫ ॥
କ୍ଷେତ୍ରସ୍ଵରୂପା କ୍ଷେତ୍ରେଶୀ କ୍ଷେତ୍ର-କ୍ଷେତ୍ରଜ୍ଞ-ପାଲିନୀ ।
କ୍ଷୟଵୃଦ୍ଧି-ଵିନିର୍ମୁକ୍ତା କ୍ଷେତ୍ରପାଲ-ସମର୍ଚିତା ॥ ୭୬ ॥
ଵିଜୟା ଵିମଲା ଵନ୍ଦ୍ୟା ଵନ୍ଦାରୁ-ଜନ-ଵତ୍ସଲା ।
ଵାଗ୍ଵାଦିନୀ ଵାମକେଶୀ ଵହ୍ନିମଣ୍ଡଲ-ଵାସିନୀ ॥ ୭୭ ॥
ଭକ୍ତିମତ୍-କଲ୍ପଲତିକା ପଶୁପାଶ-ଵିମୋଚିନୀ ।
ସଂହୃତାଶେଷ-ପାଷଣ୍ଡା ସଦାଚାର-ପ୍ରଵର୍ତିକା ॥ ୭୮ ॥ or ପାଖଣ୍ଡା
ତାପତ୍ରୟାଗ୍ନି-ସନ୍ତପ୍ତ-ସମାହ୍ଲାଦନ-ଚନ୍ଦ୍ରିକା ।
ତରୁଣୀ ତାପସାରାଧ୍ୟା ତନୁମଧ୍ୟା ତମୋଽପହା ॥ ୭୯ ॥
ଚିତିସ୍ତତ୍ପଦ-ଲକ୍ଷ୍ୟାର୍ଥା ଚିଦେକରସ-ରୂପିଣୀ ।
ସ୍ଵାତ୍ମାନନ୍ଦ-ଲଵୀଭୂତ-ବ୍ରହ୍ମାଦ୍ୟାନନ୍ଦ-ସନ୍ତତିଃ ॥ ୮୦ ॥
ପରା ପ୍ରତ୍ୟକ୍ଚିତୀରୂପା ପଶ୍ୟନ୍ତୀ ପରଦେଵତା ।
ମଧ୍ୟମା ଵୈଖରୀରୂପା ଭକ୍ତ-ମାନସ-ହଂସିକା ॥ ୮୧ ॥
କାମେଶ୍ଵର-ପ୍ରାଣନାଡୀ କୃତଜ୍ଞା କାମପୂଜିତା ।
ଶୃଙ୍ଗାର-ରସ-ସମ୍ପୂର୍ଣା ଜୟା ଜାଲନ୍ଧର-ସ୍ଥିତା ॥ ୮୨ ॥
ଓଡ୍ୟାଣପୀଠ-ନିଲୟା ବିନ୍ଦୁ-ମଣ୍ଡଲଵାସିନୀ ।
ରହୋୟାଗ-କ୍ରମାରାଧ୍ୟା ରହସ୍ତର୍ପଣ-ତର୍ପିତା ॥ ୮୩ ॥
ସଦ୍ୟଃପ୍ରସାଦିନୀ ଵିଶ୍ଵ-ସାକ୍ଷିଣୀ ସାକ୍ଷିଵର୍ଜିତା ।
ଷଡଙ୍ଗଦେଵତା-ୟୁକ୍ତା ଷାଡ୍ଗୁଣ୍ୟ-ପରିପୂରିତା ॥ ୮୪ ॥
ନିତ୍ୟକ୍ଲିନ୍ନା ନିରୁପମା ନିର୍ଵାଣ-ସୁଖ-ଦାୟିନୀ ।
ନିତ୍ୟା-ଷୋଡଶିକା-ରୂପା ଶ୍ରୀକଣ୍ଠାର୍ଧ-ଶରୀରିଣୀ ॥ ୮୫ ॥
ପ୍ରଭାଵତୀ ପ୍ରଭାରୂପା ପ୍ରସିଦ୍ଧା ପରମେଶ୍ଵରୀ ।
ମୂଲପ୍ରକୃତିର୍ ଅଵ୍ୟକ୍ତା ଵ୍ୟକ୍ତାଵ୍ୟକ୍ତ-ସ୍ଵରୂପିଣୀ ॥ ୮୬ ॥
ଵ୍ୟାପିନୀ ଵିଵିଧାକାରା ଵିଦ୍ୟାଵିଦ୍ୟା-ସ୍ଵରୂପିଣୀ ।
ମହାକାମେଶ-ନୟନ-କୁମୁଦାହ୍ଲାଦ-କୌମୁଦୀ ॥ ୮୭ ॥
ଭକ୍ତ-ହାର୍ଦ-ତମୋଭେଦ-ଭାନୁମଦ୍ଭାନୁ-ସନ୍ତତିଃ ।
ଶିଵଦୂତୀ ଶିଵାରାଧ୍ୟା ଶିଵମୂର୍ତିଃ ଶିଵଙ୍କରୀ ॥ ୮୮ ॥
ଶିଵପ୍ରିୟା ଶିଵପରା ଶିଷ୍ଟେଷ୍ଟା ଶିଷ୍ଟପୂଜିତା ।
ଅପ୍ରମେୟା ସ୍ଵପ୍ରକାଶା ମନୋଵାଚାମଗୋଚରା ॥ ୮୯ ॥
ଚିଚ୍ଛକ୍ତିଶ୍ ଚେତନାରୂପା ଜଡଶକ୍ତିର୍ ଜଡାତ୍ମିକା ।
ଗାୟତ୍ରୀ ଵ୍ୟାହୃତିଃ ସନ୍ଧ୍ୟା ଦ୍ଵିଜବୃନ୍ଦ-ନିଷେଵିତା ॥ ୯୦ ॥
ତତ୍ତ୍ଵାସନା ତତ୍ତ୍ଵମୟୀ ପଞ୍ଚ-କୋଶାନ୍ତର-ସ୍ଥିତା ।
ନିଃସୀମ-ମହିମା ନିତ୍ୟ-ୟୌଵନା ମଦଶାଲିନୀ ॥ ୯୧ ॥ or ନିସ୍ସୀମ
ମଦଘୂର୍ଣିତ-ରକ୍ତାକ୍ଷୀ ମଦପାଟଲ-ଗଣ୍ଡଭୂଃ ।
ଚନ୍ଦନ-ଦ୍ରଵ-ଦିଗ୍ଧାଙ୍ଗୀ ଚାମ୍ପେୟ-କୁସୁମ-ପ୍ରିୟା ॥ ୯୨ ॥
କୁଶଲା କୋମଲାକାରା କୁରୁକୁଲ୍ଲା କୁଲେଶ୍ଵରୀ ।
କୁଲକୁଣ୍ଡାଲୟା କୌଲ-ମାର୍ଗ-ତତ୍ପର-ସେଵିତା ॥ ୯୩ ॥
କୁମାର-ଗଣନାଥାମ୍ବା ତୁଷ୍ଟିଃ ପୁଷ୍ଟିର୍ ମତିର୍ ଧୃତିଃ ।
ଶାନ୍ତିଃ ସ୍ଵସ୍ତିମତୀ କାନ୍ତିର୍ ନନ୍ଦିନୀ ଵିଘ୍ନନାଶିନୀ ॥ ୯୪ ॥
ତେଜୋଵତୀ ତ୍ରିନୟନା ଲୋଲାକ୍ଷୀ-କାମରୂପିଣୀ ।
ମାଲିନୀ ହଂସିନୀ ମାତା ମଲୟାଚଲ-ଵାସିନୀ ॥ ୯୫ ॥
ସୁମୁଖୀ ନଲିନୀ ସୁଭ୍ରୂଃ ଶୋଭନା ସୁରନାୟିକା ।
କାଲକଣ୍ଠୀ କାନ୍ତିମତୀ କ୍ଷୋଭିଣୀ ସୂକ୍ଷ୍ମରୂପିଣୀ ॥ ୯୬ ॥
ଵଜ୍ରେଶ୍ଵରୀ ଵାମଦେଵୀ ଵୟୋଽଵସ୍ଥା-ଵିଵର୍ଜିତା ।
ସିଦ୍ଧେଶ୍ଵରୀ ସିଦ୍ଧଵିଦ୍ୟା ସିଦ୍ଧମାତା ୟଶସ୍ଵିନୀ ॥ ୯୭ ॥
ଵିଶୁଦ୍ଧିଚକ୍ର-ନିଲୟାଽଽରକ୍ତଵର୍ଣା ତ୍ରିଲୋଚନା ।
ଖଟ୍ଵାଙ୍ଗାଦି-ପ୍ରହରଣା ଵଦନୈକ-ସମନ୍ଵିତା ॥ ୯୮ ॥
ପାୟସାନ୍ନପ୍ରିୟା ତ୍ଵକ୍ସ୍ଥା ପଶୁଲୋକ-ଭୟଙ୍କରୀ ।
ଅମୃତାଦି-ମହାଶକ୍ତି-ସଂଵୃତା ଡାକିନୀଶ୍ଵରୀ ॥ ୯୯ ॥
ଅନାହତାବ୍ଜ-ନିଲୟା ଶ୍ୟାମାଭା ଵଦନଦ୍ଵୟା ।
ଦଂଷ୍ଟ୍ରୋଜ୍ଜ୍ଵଲାଽକ୍ଷ-ମାଲାଦି-ଧରା ରୁଧିରସଂସ୍ଥିତା ॥ ୧୦୦ ॥
କାଲରାତ୍ର୍ୟାଦି-ଶକ୍ତ୍ୟୌଘ-ଵୃତା ସ୍ନିଗ୍ଧୌଦନପ୍ରିୟା ।
ମହାଵୀରେନ୍ଦ୍ର-ଵରଦା ରାକିଣ୍ୟମ୍ବା-ସ୍ଵରୂପିଣୀ ॥ ୧୦୧ ॥
ମଣିପୂରାବ୍ଜ-ନିଲୟା ଵଦନତ୍ରୟ-ସଂୟୁତା ।
ଵଜ୍ରାଦିକାୟୁଧୋପେତା ଡାମର୍ୟାଦିଭିରାଵୃତା ॥ ୧୦୨ ॥
ରକ୍ତଵର୍ଣା ମାଂସନିଷ୍ଠା ଗୁଡାନ୍ନ-ପ୍ରୀତ-ମାନସା ।
ସମସ୍ତଭକ୍ତ-ସୁଖଦା ଲାକିନ୍ୟମ୍ବା-ସ୍ଵରୂପିଣୀ ॥ ୧୦୩ ॥
ସ୍ଵାଧିଷ୍ଠାନାମ୍ବୁଜ-ଗତା ଚତୁର୍ଵକ୍ତ୍ର-ମନୋହରା ।
ଶୂଲାଦ୍ୟାୟୁଧ-ସମ୍ପନ୍ନା ପୀତଵର୍ଣାଽତିଗର୍ଵିତା ॥ ୧୦୪ ॥
ମେଦୋନିଷ୍ଠା ମଧୁପ୍ରୀତା ବନ୍ଧିନ୍ୟାଦି-ସମନ୍ଵିତା ।
ଦଧ୍ୟନ୍ନାସକ୍ତ-ହୃଦୟା କାକିନୀ-ରୂପ-ଧାରିଣୀ ॥ ୧୦୫ ॥
ମୂଲାଧାରାମ୍ବୁଜାରୂଢା ପଞ୍ଚ-ଵକ୍ତ୍ରାଽସ୍ଥି-ସଂସ୍ଥିତା ।
ଅଙ୍କୁଶାଦି-ପ୍ରହରଣା ଵରଦାଦି-ନିଷେଵିତା ॥ ୧୦୬ ॥
ମୁଦ୍ଗୌଦନାସକ୍ତ-ଚିତ୍ତା ସାକିନ୍ୟମ୍ବା-ସ୍ଵରୂପିଣୀ ।
ଆଜ୍ଞା-ଚକ୍ରାବ୍ଜ-ନିଲୟା ଶୁକ୍ଲଵର୍ଣା ଷଡାନନା ॥ ୧୦୭ ॥
ମଜ୍ଜାସଂସ୍ଥା ହଂସଵତୀ-ମୁଖ୍ୟ-ଶକ୍ତି-ସମନ୍ଵିତା ।
ହରିଦ୍ରାନ୍ନୈକ-ରସିକା ହାକିନୀ-ରୂପ-ଧାରିଣୀ ॥ ୧୦୮ ॥
ସହସ୍ରଦଲ-ପଦ୍ମସ୍ଥା ସର୍ଵ-ଵର୍ଣୋପ-ଶୋଭିତା ।
ସର୍ଵାୟୁଧଧରା ଶୁକ୍ଲ-ସଂସ୍ଥିତା ସର୍ଵତୋମୁଖୀ ॥ ୧୦୯ ॥
ସର୍ଵୌଦନ-ପ୍ରୀତଚିତ୍ତା ୟାକିନ୍ୟମ୍ବା-ସ୍ଵରୂପିଣୀ ।
ସ୍ଵାହା ସ୍ଵଧାଽମତିର୍ ମେଧା ଶ୍ରୁତିଃ ସ୍ମୃତିର୍ ଅନୁତ୍ତମା ॥ ୧୧୦ ॥
ପୁଣ୍ୟକୀର୍ତିଃ ପୁଣ୍ୟଲଭ୍ୟା ପୁଣ୍ୟଶ୍ରଵଣ-କୀର୍ତନା ।
ପୁଲୋମଜାର୍ଚିତା ବନ୍ଧ-ମୋଚନୀ ବନ୍ଧୁରାଲକା ॥ ୧୧୧ ॥ or ମୋଚନୀ ବର୍ବରାଲକା
ଵିମର୍ଶରୂପିଣୀ ଵିଦ୍ୟା ଵିୟଦାଦି-ଜଗତ୍ପ୍ରସୂଃ ।
ସର୍ଵଵ୍ୟାଧି-ପ୍ରଶମନୀ ସର୍ଵମୃତ୍ୟୁ-ନିଵାରିଣୀ ॥ ୧୧୨ ॥
ଅଗ୍ରଗଣ୍ୟାଽଚିନ୍ତ୍ୟରୂପା କଲିକଲ୍ମଷ-ନାଶିନୀ ।
କାତ୍ୟାୟନୀ କାଲହନ୍ତ୍ରୀ କମଲାକ୍ଷ-ନିଷେଵିତା ॥ ୧୧୩ ॥
ତାମ୍ବୂଲ-ପୂରିତ-ମୁଖୀ ଦାଡିମୀ-କୁସୁମ-ପ୍ରଭା ।
ମୃଗାକ୍ଷୀ ମୋହିନୀ ମୁଖ୍ୟା ମୃଡାନୀ ମିତ୍ରରୂପିଣୀ ॥ ୧୧୪ ॥
ନିତ୍ୟତୃପ୍ତା ଭକ୍ତନିଧିର୍ ନିୟନ୍ତ୍ରୀ ନିଖିଲେଶ୍ଵରୀ ।
ମୈତ୍ର୍ୟାଦି-ଵାସନାଲଭ୍ୟା ମହାପ୍ରଲୟ-ସାକ୍ଷିଣୀ ॥ ୧୧୫ ॥
ପରା ଶକ୍ତିଃ ପରା ନିଷ୍ଠା ପ୍ରଜ୍ଞାନଘନ-ରୂପିଣୀ ।
ମାଧ୍ଵୀପାନାଲସା ମତ୍ତା ମାତୃକା-ଵର୍ଣ-ରୂପିଣୀ ॥ ୧୧୬ ॥
ମହାକୈଲାସ-ନିଲୟା ମୃଣାଲ-ମୃଦୁ-ଦୋର୍ଲତା ।
ମହନୀୟା ଦୟାମୂର୍ତିର୍ ମହାସାମ୍ରାଜ୍ୟ-ଶାଲିନୀ ॥ ୧୧୭ ॥
ଆତ୍ମଵିଦ୍ୟା ମହାଵିଦ୍ୟା ଶ୍ରୀଵିଦ୍ୟା କାମସେଵିତା ।
ଶ୍ରୀ-ଷୋଡଶାକ୍ଷରୀ-ଵିଦ୍ୟା ତ୍ରିକୂଟା କାମକୋଟିକା ॥ ୧୧୮ ॥
କଟାକ୍ଷ-କିଙ୍କରୀ-ଭୂତ-କମଲା-କୋଟି-ସେଵିତା ।
ଶିରଃସ୍ଥିତା ଚନ୍ଦ୍ରନିଭା ଭାଲସ୍ଥେନ୍ଦ୍ର-ଧନୁଃପ୍ରଭା ॥ ୧୧୯ ॥
ହୃଦୟସ୍ଥା ରଵିପ୍ରଖ୍ୟା ତ୍ରିକୋଣାନ୍ତର-ଦୀପିକା ।
ଦାକ୍ଷାୟଣୀ ଦୈତ୍ୟହନ୍ତ୍ରୀ ଦକ୍ଷୟଜ୍ଞ-ଵିନାଶିନୀ ॥ ୧୨୦ ॥
ଦରାନ୍ଦୋଲିତ-ଦୀର୍ଘାକ୍ଷୀ ଦର-ହାସୋଜ୍ଜ୍ଵଲନ୍-ମୁଖୀ ।
ଗୁରୁମୂର୍ତିର୍ ଗୁଣନିଧିର୍ ଗୋମାତା ଗୁହଜନ୍ମଭୂଃ ॥ ୧୨୧ ॥
ଦେଵେଶୀ ଦଣ୍ଡନୀତିସ୍ଥା ଦହରାକାଶ-ରୂପିଣୀ ।
ପ୍ରତିପନ୍ମୁଖ୍ୟ-ରାକାନ୍ତ-ତିଥି-ମଣ୍ଡଲ-ପୂଜିତା ॥ ୧୨୨ ॥
କଲାତ୍ମିକା କଲାନାଥା କାଵ୍ୟାଲାପ-ଵିନୋଦିନୀ । or ଵିମୋଦିନୀ
ସଚାମର-ରମା-ଵାଣୀ-ସଵ୍ୟ-ଦକ୍ଷିଣ-ସେଵିତା ॥ ୧୨୩ ॥
ଆଦିଶକ୍ତିର୍ ଅମେୟାଽଽତ୍ମା ପରମା ପାଵନାକୃତିଃ ।
ଅନେକକୋଟି-ବ୍ରହ୍ମାଣ୍ଡ-ଜନନୀ ଦିଵ୍ୟଵିଗ୍ରହା ॥ ୧୨୪ ॥
କ୍ଲୀଂକାରୀ କେଵଲା ଗୁହ୍ୟା କୈଵଲ୍ୟ-ପଦଦାୟିନୀ ।
ତ୍ରିପୁରା ତ୍ରିଜଗଦ୍ଵନ୍ଦ୍ୟା ତ୍ରିମୂର୍ତିସ୍ ତ୍ରିଦଶେଶ୍ଵରୀ ॥ ୧୨୫ ॥
ତ୍ର୍ୟକ୍ଷରୀ ଦିଵ୍ୟ-ଗନ୍ଧାଢ୍ୟା ସିନ୍ଦୂର-ତିଲକାଞ୍ଚିତା ।
ଉମା ଶୈଲେନ୍ଦ୍ରତନୟା ଗୌରୀ ଗନ୍ଧର୍ଵ-ସେଵିତା ॥ ୧୨୬ ॥
ଵିଶ୍ଵଗର୍ଭା ସ୍ଵର୍ଣଗର୍ଭାଽଵରଦା ଵାଗଧୀଶ୍ଵରୀ ।
ଧ୍ୟାନଗମ୍ୟାଽପରିଚ୍ଛେଦ୍ୟା ଜ୍ଞାନଦା ଜ୍ଞାନଵିଗ୍ରହା ॥ ୧୨୭ ॥
ସର୍ଵଵେଦାନ୍ତ-ସଂଵେଦ୍ୟା ସତ୍ୟାନନ୍ଦ-ସ୍ଵରୂପିଣୀ ।
ଲୋପାମୁଦ୍ରାର୍ଚିତା ଲୀଲା-କୢପ୍ତ-ବ୍ରହ୍ମାଣ୍ଡ-ମଣ୍ଡଲା ॥ ୧୨୮ ॥
ଅଦୃଶ୍ୟା ଦୃଶ୍ୟରହିତା ଵିଜ୍ଞାତ୍ରୀ ଵେଦ୍ୟଵର୍ଜିତା ।
ୟୋଗିନୀ ୟୋଗଦା ୟୋଗ୍ୟା ୟୋଗାନନ୍ଦା ୟୁଗନ୍ଧରା ॥ ୧୨୯ ॥
ଇଚ୍ଛାଶକ୍ତି-ଜ୍ଞାନଶକ୍ତି-କ୍ରିୟାଶକ୍ତି-ସ୍ଵରୂପିଣୀ ।
ସର୍ଵାଧାରା ସୁପ୍ରତିଷ୍ଠା ସଦସଦ୍ରୂପ-ଧାରିଣୀ ॥ ୧୩୦ ॥
ଅଷ୍ଟମୂର୍ତିର୍ ଅଜାଜୈତ୍ରୀ ଲୋକୟାତ୍ରା-ଵିଧାୟିନୀ । or ଅଜାଜେତ୍ରୀ
ଏକାକିନୀ ଭୂମରୂପା ନିର୍ଦ୍ଵୈତା ଦ୍ଵୈତଵର୍ଜିତା ॥ ୧୩୧ ॥
ଅନ୍ନଦା ଵସୁଦା ଵୃଦ୍ଧା ବ୍ରହ୍ମାତ୍ମୈକ୍ୟ-ସ୍ଵରୂପିଣୀ ।
ବୃହତୀ ବ୍ରାହ୍ମଣୀ ବ୍ରାହ୍ମୀ ବ୍ରହ୍ମାନନ୍ଦା ବଲିପ୍ରିୟା ॥ ୧୩୨ ॥
ଭାଷାରୂପା ବୃହତ୍ସେନା ଭାଵାଭାଵ-ଵିଵର୍ଜିତା ।
ସୁଖାରାଧ୍ୟା ଶୁଭକରୀ ଶୋଭନା ସୁଲଭା ଗତିଃ ॥ ୧୩୩ ॥
ରାଜ-ରାଜେଶ୍ଵରୀ ରାଜ୍ୟ-ଦାୟିନୀ ରାଜ୍ୟ-ଵଲ୍ଲଭା ।
ରାଜତ୍କୃପା ରାଜପୀଠ-ନିଵେଶିତ-ନିଜାଶ୍ରିତା ॥ ୧୩୪ ॥
ରାଜ୍ୟଲକ୍ଷ୍ମୀଃ କୋଶନାଥା ଚତୁରଙ୍ଗ-ବଲେଶ୍ଵରୀ ।
ସାମ୍ରାଜ୍ୟ-ଦାୟିନୀ ସତ୍ୟସନ୍ଧା ସାଗରମେଖଲା ॥ ୧୩୫ ॥
ଦୀକ୍ଷିତା ଦୈତ୍ୟଶମନୀ ସର୍ଵଲୋକ-ଵଶଙ୍କରୀ ।
ସର୍ଵାର୍ଥଦାତ୍ରୀ ସାଵିତ୍ରୀ ସଚ୍ଚିଦାନନ୍ଦ-ରୂପିଣୀ ॥ ୧୩୬ ॥
ଦେଶ-କାଲାପରିଚ୍ଛିନ୍ନା ସର୍ଵଗା ସର୍ଵମୋହିନୀ ।
ସରସ୍ଵତୀ ଶାସ୍ତ୍ରମୟୀ ଗୁହାମ୍ବା ଗୁହ୍ୟରୂପିଣୀ ॥ ୧୩୭ ॥
ସର୍ଵୋପାଧି-ଵିନିର୍ମୁକ୍ତା ସଦାଶିଵ-ପତିଵ୍ରତା ।
ସମ୍ପ୍ରଦାୟେଶ୍ଵରୀ ସାଧ୍ଵୀ ଗୁରୁମଣ୍ଡଲ-ରୂପିଣୀ ॥ ୧୩୮ ॥
କୁଲୋତ୍ତୀର୍ଣା ଭଗାରାଧ୍ୟା ମାୟା ମଧୁମତୀ ମହୀ ।
ଗଣାମ୍ବା ଗୁହ୍ୟକାରାଧ୍ୟା କୋମଲାଙ୍ଗୀ ଗୁରୁପ୍ରିୟା ॥ ୧୩୯ ॥
ସ୍ଵତନ୍ତ୍ରା ସର୍ଵତନ୍ତ୍ରେଶୀ ଦକ୍ଷିଣାମୂର୍ତି-ରୂପିଣୀ ।
ସନକାଦି-ସମାରାଧ୍ୟା ଶିଵଜ୍ଞାନ-ପ୍ରଦାୟିନୀ ॥ ୧୪୦ ॥
ଚିତ୍କଲାଽଽନନ୍ଦ-କଲିକା ପ୍ରେମରୂପା ପ୍ରିୟଙ୍କରୀ ।
ନାମପାରାୟଣ-ପ୍ରୀତା ନନ୍ଦିଵିଦ୍ୟା ନଟେଶ୍ଵରୀ ॥ ୧୪୧ ॥
ମିଥ୍ୟା-ଜଗଦଧିଷ୍ଠାନା ମୁକ୍ତିଦା ମୁକ୍ତିରୂପିଣୀ ।
ଲାସ୍ୟପ୍ରିୟା ଲୟକରୀ ଲଜ୍ଜା ରମ୍ଭାଦିଵନ୍ଦିତା ॥ ୧୪୨ ॥
ଭଵଦାଵ-ସୁଧାଵୃଷ୍ଟିଃ ପାପାରଣ୍ୟ-ଦଵାନଲା ।
ଦୌର୍ଭାଗ୍ୟ-ତୂଲଵାତୂଲା ଜରାଧ୍ଵାନ୍ତ-ରଵିପ୍ରଭା ॥ ୧୪୩ ॥
ଭାଗ୍ୟାବ୍ଧି-ଚନ୍ଦ୍ରିକା ଭକ୍ତ-ଚିତ୍ତକେକି-ଘନାଘନା ।
ରୋଗପର୍ଵତ-ଦମ୍ଭୋଲିର୍ ମୃତ୍ୟୁଦାରୁ-କୁଠାରିକା ॥ ୧୪୪ ॥
ମହେଶ୍ଵରୀ ମହାକାଲୀ ମହାଗ୍ରାସା ମହାଶନା ।
ଅପର୍ଣା ଚଣ୍ଡିକା ଚଣ୍ଡମୁଣ୍ଡାସୁର-ନିଷୂଦିନୀ ॥ ୧୪୫ ॥
କ୍ଷରାକ୍ଷରାତ୍ମିକା ସର୍ଵ-ଲୋକେଶୀ ଵିଶ୍ଵଧାରିଣୀ ।
ତ୍ରିଵର୍ଗଦାତ୍ରୀ ସୁଭଗା ତ୍ର୍ୟମ୍ବକା ତ୍ରିଗୁଣାତ୍ମିକା ॥ ୧୪୬ ॥
ସ୍ଵର୍ଗାପଵର୍ଗଦା ଶୁଦ୍ଧା ଜପାପୁଷ୍ପ-ନିଭାକୃତିଃ ।
ଓଜୋଵତୀ ଦ୍ୟୁତିଧରା ୟଜ୍ଞରୂପା ପ୍ରିୟଵ୍ରତା ॥ ୧୪୭ ॥
ଦୁରାରାଧ୍ୟା ଦୁରାଧର୍ଷା ପାଟଲୀ-କୁସୁମ-ପ୍ରିୟା ।
ମହତୀ ମେରୁନିଲୟା ମନ୍ଦାର-କୁସୁମ-ପ୍ରିୟା ॥ ୧୪୮ ॥
ଵୀରାରାଧ୍ୟା ଵିରାଡ୍ରୂପା ଵିରଜା ଵିଶ୍ଵତୋମୁଖୀ ।
ପ୍ରତ୍ୟଗ୍ରୂପା ପରାକାଶା ପ୍ରାଣଦା ପ୍ରାଣରୂପିଣୀ ॥ ୧୪୯ ॥
ମାର୍ତାଣ୍ଡ-ଭୈରଵାରାଧ୍ୟା ମନ୍ତ୍ରିଣୀନ୍ୟସ୍ତ-ରାଜ୍ୟଧୂଃ । or ମାର୍ତଣ୍ଡ
ତ୍ରିପୁରେଶୀ ଜୟତ୍ସେନା ନିସ୍ତ୍ରୈଗୁଣ୍ୟା ପରାପରା ॥ ୧୫୦ ॥
ସତ୍ୟ-ଜ୍ଞାନାନନ୍ଦ-ରୂପା ସାମରସ୍ୟ-ପରାୟଣା ।
କପର୍ଦିନୀ କଲାମାଲା କାମଧୁକ୍ କାମରୂପିଣୀ ॥ ୧୫୧ ॥
କଲାନିଧିଃ କାଵ୍ୟକଲା ରସଜ୍ଞା ରସଶେଵଧିଃ ।
ପୁଷ୍ଟା ପୁରାତନା ପୂଜ୍ୟା ପୁଷ୍କରା ପୁଷ୍କରେକ୍ଷଣା ॥ ୧୫୨ ॥
ପରଂଜ୍ୟୋତିଃ ପରଂଧାମ ପରମାଣୁଃ ପରାତ୍ପରା ।
ପାଶହସ୍ତା ପାଶହନ୍ତ୍ରୀ ପରମନ୍ତ୍ର-ଵିଭେଦିନୀ ॥ ୧୫୩ ॥
ମୂର୍ତାଽମୂର୍ତାଽନିତ୍ୟତୃପ୍ତା ମୁନିମାନସ-ହଂସିକା ।
ସତ୍ୟଵ୍ରତା ସତ୍ୟରୂପା ସର୍ଵାନ୍ତର୍ୟାମିନୀ ସତୀ ॥ ୧୫୪ ॥
ବ୍ରହ୍ମାଣୀ ବ୍ରହ୍ମଜନନୀ ବହୁରୂପା ବୁଧାର୍ଚିତା ।
ପ୍ରସଵିତ୍ରୀ ପ୍ରଚଣ୍ଡାଽଽଜ୍ଞା ପ୍ରତିଷ୍ଠା ପ୍ରକଟାକୃତିଃ ॥ ୧୫୫ ॥
ପ୍ରାଣେଶ୍ଵରୀ ପ୍ରାଣଦାତ୍ରୀ ପଞ୍ଚାଶତ୍ପୀଠ-ରୂପିଣୀ ।
ଵିଶୃଙ୍ଖଲା ଵିଵିକ୍ତସ୍ଥା ଵୀରମାତା ଵିୟତ୍ପ୍ରସୂଃ ॥ ୧୫୬ ॥
ମୁକୁନ୍ଦା ମୁକ୍ତିନିଲୟା ମୂଲଵିଗ୍ରହ-ରୂପିଣୀ ।
ଭାଵଜ୍ଞା ଭଵରୋଗଘ୍ନୀ ଭଵଚକ୍ର-ପ୍ରଵର୍ତିନୀ ॥ ୧୫୭ ॥
ଛନ୍ଦଃସାରା ଶାସ୍ତ୍ରସାରା ମନ୍ତ୍ରସାରା ତଲୋଦରୀ ।
ଉଦାରକୀର୍ତିର୍ ଉଦ୍ଦାମଵୈଭଵା ଵର୍ଣରୂପିଣୀ ॥ ୧୫୮ ॥
ଜନ୍ମମୃତ୍ୟୁ-ଜରାତପ୍ତ-ଜନଵିଶ୍ରାନ୍ତି-ଦାୟିନୀ ।
ସର୍ଵୋପନିଷ-ଦୁଦ୍-ଘୁଷ୍ଟା ଶାନ୍ତ୍ୟତୀତ-କଲାତ୍ମିକା ॥ ୧୫୯ ॥
ଗମ୍ଭୀରା ଗଗନାନ୍ତସ୍ଥା ଗର୍ଵିତା ଗାନଲୋଲୁପା ।
କଲ୍ପନା-ରହିତା କାଷ୍ଠାଽକାନ୍ତା କାନ୍ତାର୍ଧ-ଵିଗ୍ରହା ॥ ୧୬୦ ॥
କାର୍ୟକାରଣ-ନିର୍ମୁକ୍ତା କାମକେଲି-ତରଙ୍ଗିତା ।
କନତ୍କନକତା-ଟଙ୍କା ଲୀଲା-ଵିଗ୍ରହ-ଧାରିଣୀ ॥ ୧୬୧ ॥
ଅଜା କ୍ଷୟଵିନିର୍ମୁକ୍ତା ମୁଗ୍ଧା କ୍ଷିପ୍ର-ପ୍ରସାଦିନୀ ।
ଅନ୍ତର୍ମୁଖ-ସମାରାଧ୍ୟା ବହିର୍ମୁଖ-ସୁଦୁର୍ଲଭା ॥ ୧୬୨ ॥
ତ୍ରୟୀ ତ୍ରିଵର୍ଗନିଲୟା ତ୍ରିସ୍ଥା ତ୍ରିପୁରମାଲିନୀ ।
ନିରାମୟା ନିରାଲମ୍ବା ସ୍ଵାତ୍ମାରାମା ସୁଧାସୃତିଃ ॥ ୧୬୩ ॥ or ସୁଧାସ୍ରୁତିଃ
ସଂସାରପଙ୍କ-ନିର୍ମଗ୍ନ-ସମୁଦ୍ଧରଣ-ପଣ୍ଡିତା ।
ୟଜ୍ଞପ୍ରିୟା ୟଜ୍ଞକର୍ତ୍ରୀ ୟଜମାନ-ସ୍ଵରୂପିଣୀ ॥ ୧୬୪ ॥
ଧର୍ମାଧାରା ଧନାଧ୍ୟକ୍ଷା ଧନଧାନ୍ୟ-ଵିଵର୍ଧିନୀ ।
ଵିପ୍ରପ୍ରିୟା ଵିପ୍ରରୂପା ଵିଶ୍ଵଭ୍ରମଣ-କାରିଣୀ ॥ ୧୬୫ ॥
ଵିଶ୍ଵଗ୍ରାସା ଵିଦ୍ରୁମାଭା ଵୈଷ୍ଣଵୀ ଵିଷ୍ଣୁରୂପିଣୀ ।
ଅୟୋନିର୍ ୟୋନିନିଲୟା କୂଟସ୍ଥା କୁଲରୂପିଣୀ ॥ ୧୬୬ ॥
ଵୀରଗୋଷ୍ଠୀପ୍ରିୟା ଵୀରା ନୈଷ୍କର୍ମ୍ୟା ନାଦରୂପିଣୀ ।
ଵିଜ୍ଞାନକଲନା କଲ୍ୟା ଵିଦଗ୍ଧା ବୈନ୍ଦଵାସନା ॥ ୧୬୭ ॥
ତତ୍ତ୍ଵାଧିକା ତତ୍ତ୍ଵମୟୀ ତତ୍ତ୍ଵମର୍ଥ-ସ୍ଵରୂପିଣୀ ।
ସାମଗାନପ୍ରିୟା ସୌମ୍ୟା ସଦାଶିଵ-କୁଟୁମ୍ବିନୀ ॥ ୧୬୮ ॥ or ସୋମ୍ୟା
ସଵ୍ୟାପସଵ୍ୟ-ମାର୍ଗସ୍ଥା ସର୍ଵାପଦ୍ଵିନିଵାରିଣୀ ।
ସ୍ଵସ୍ଥା ସ୍ଵଭାଵମଧୁରା ଧୀରା ଧୀରସମର୍ଚିତା ॥ ୧୬୯ ॥
ଚୈତନ୍ୟାର୍ଘ୍ୟ-ସମାରାଧ୍ୟା ଚୈତନ୍ୟ-କୁସୁମପ୍ରିୟା ।
ସଦୋଦିତା ସଦାତୁଷ୍ଟା ତରୁଣାଦିତ୍ୟ-ପାଟଲା ॥ ୧୭୦ ॥
ଦକ୍ଷିଣା-ଦକ୍ଷିଣାରାଧ୍ୟା ଦରସ୍ମେର-ମୁଖାମ୍ବୁଜା ।
କୌଲିନୀ-କେଵଲାଽନର୍ଘ୍ୟ-କୈଵଲ୍ୟ-ପଦଦାୟିନୀ ॥ ୧୭୧ ॥
ସ୍ତୋତ୍ରପ୍ରିୟା ସ୍ତୁତିମତୀ ଶ୍ରୁତି-ସଂସ୍ତୁତ-ଵୈଭଵା ।
ମନସ୍ଵିନୀ ମାନଵତୀ ମହେଶୀ ମଙ୍ଗଲାକୃତିଃ ॥ ୧୭୨ ॥
ଵିଶ୍ଵମାତା ଜଗଦ୍ଧାତ୍ରୀ ଵିଶାଲାକ୍ଷୀ ଵିରାଗିଣୀ ।
ପ୍ରଗଲ୍ଭା ପରମୋଦାରା ପରାମୋଦା ମନୋମୟୀ ॥ ୧୭୩ ॥
ଵ୍ୟୋମକେଶୀ ଵିମାନସ୍ଥା ଵଜ୍ରିଣୀ ଵାମକେଶ୍ଵରୀ ।
ପଞ୍ଚୟଜ୍ଞ-ପ୍ରିୟା ପଞ୍ଚ-ପ୍ରେତ-ମଞ୍ଚାଧିଶାୟିନୀ ॥ ୧୭୪ ॥
ପଞ୍ଚମୀ ପଞ୍ଚଭୂତେଶୀ ପଞ୍ଚ-ସଂଖ୍ୟୋପଚାରିଣୀ ।
ଶାଶ୍ଵତୀ ଶାଶ୍ଵତୈଶ୍ଵର୍ୟା ଶର୍ମଦା ଶମ୍ଭୁମୋହିନୀ ॥ ୧୭୫ ॥
ଧରା ଧରସୁତା ଧନ୍ୟା ଧର୍ମିଣୀ ଧର୍ମଵର୍ଧିନୀ ।
ଲୋକାତୀତା ଗୁଣାତୀତା ସର୍ଵାତୀତା ଶମାତ୍ମିକା ॥ ୧୭୬ ॥
ବନ୍ଧୂକ-କୁସୁମପ୍ରଖ୍ୟା ବାଲା ଲୀଲାଵିନୋଦିନୀ ।
ସୁମଙ୍ଗଲୀ ସୁଖକରୀ ସୁଵେଷାଢ୍ୟା ସୁଵାସିନୀ ॥ ୧୭୭ ॥
ସୁଵାସିନ୍ୟର୍ଚନ-ପ୍ରୀତାଽଽଶୋଭନା ଶୁଦ୍ଧମାନସା ।
ବିନ୍ଦୁ-ତର୍ପଣ-ସନ୍ତୁଷ୍ଟା ପୂର୍ଵଜା ତ୍ରିପୁରାମ୍ବିକା ॥ ୧୭୮ ॥
ଦଶମୁଦ୍ରା-ସମାରାଧ୍ୟା ତ୍ରିପୁରାଶ୍ରୀ-ଵଶଙ୍କରୀ ।
ଜ୍ଞାନମୁଦ୍ରା ଜ୍ଞାନଗମ୍ୟା ଜ୍ଞାନଜ୍ଞେୟ-ସ୍ଵରୂପିଣୀ ॥ ୧୭୯ ॥
ୟୋନିମୁଦ୍ରା ତ୍ରିଖଣ୍ଡେଶୀ ତ୍ରିଗୁଣାମ୍ବା ତ୍ରିକୋଣଗା ।
ଅନଘାଽଦ୍ଭୁତ-ଚାରିତ୍ରା ଵାଞ୍ଛିତାର୍ଥ-ପ୍ରଦାୟିନୀ ॥ ୧୮୦ ॥
ଅଭ୍ୟାସାତିଶୟ-ଜ୍ଞାତା ଷଡଧ୍ଵାତୀତ-ରୂପିଣୀ ।
ଅଵ୍ୟାଜ-କରୁଣା-ମୂର୍ତିର୍ ଅଜ୍ଞାନ-ଧ୍ଵାନ୍ତ-ଦୀପିକା ॥ ୧୮୧ ॥
ଆବାଲ-ଗୋପ-ଵିଦିତା ସର୍ଵାନୁଲ୍ଲଙ୍ଘ୍ୟ-ଶାସନା ।
ଶ୍ରୀଚକ୍ରରାଜ-ନିଲୟା ଶ୍ରୀମତ୍-ତ୍ରିପୁରସୁନ୍ଦରୀ ॥ ୧୮୨ ॥
ଶ୍ରୀଶିଵା ଶିଵ-ଶକ୍ତ୍ୟୈକ୍ୟ-ରୂପିଣୀ ଲଲିତାମ୍ବିକା ।
ଏଵଂ ଶ୍ରୀଲଲିତା ଦେଵ୍ୟା ନାମ୍ନାଂ ସାହସ୍ରକଂ ଜଗୁଃ ॥
॥ ଇତି ଶ୍ରୀବ୍ରହ୍ମାଣ୍ଡପୁରାଣେ ଉତ୍ତରଖଣ୍ଡେ ଶ୍ରୀହୟଗ୍ରୀଵାଗସ୍ତ୍ୟସଂଵାଦେ
ଶ୍ରୀଲଲିତା ସହସ୍ରନାମ ସ୍ତୋତ୍ର କଥନଂ ସମ୍ପୂର୍ଣମ୍ ॥
– Chant Stotra in Other Languages –
1000 Names of Sri Lalita Devi » Sahasranama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil