॥ Mallari Sahasranamastotram Bengali Lyrics ॥
॥ শ্রীমল্লারিসহস্রনামস্তোত্রম্ ॥
শ্রীগণেশায় নমঃ ।
শ্রীসরস্বত্যৈ নমঃ ।
স্থিতং কৈলাসনিলয়ে প্রাণেশং লোকশঙ্করম্ ।
উবাচ শঙ্করং গৌরী জগদ্ধিতচিকীর্ষয়া ॥ ১ ॥
পার্বত্যুবাচ ।
দেবদেব মহাদেব ভক্তানন্দবিবর্ধন ।
পৃচ্ছামি ত্বামহং চৈকং দুঃখদারিদ্র্যনাশনম্ ॥ ২ ॥
কথয়স্ব প্রসাদেন সর্বজ্ঞোসি জগত্প্রভো ।
স্তোত্রং দানং তপো বাপি সদ্যঃ কামফলপ্রদম্ ॥ ৩ ॥
ঈশ্বর উবাচ ।
মার্তণ্ডো ভৈরবো দেবো মল্লারিরহমেব হি ।
তস্য নামসহস্রং তে বদামি শৃণু ভক্তিতঃ ॥ ৪ ॥
সর্বলোকার্তিশমনং সর্বসম্পত্প্রদায়কম্ ।
পুত্রপৌত্রাদি ফলদং অপবর্গপ্রদং শিবম্ ॥ ৫ ॥
ঈশ্বরোস্য ঋষিঃ প্রোক্তঃ ছন্দোঽনুষ্টুপ্ প্রকীর্তিতঃ ।
মল্লারির্ম্হালসায়ুক্তো দেবস্ত্রত্র সমীরিতঃ ॥ ৬ ॥
সর্বপাপক্ষয়দ্বারা মল্লারিপ্রীতয়ে তথা ।
সমস্তপুরুষার্থস্য সিদ্ধয়ে বিনিয়োজিতঃ ॥ ৭ ॥
মল্লারির্ম্হালসানাথো মেঘনাথো মহীপতিঃ ।
মৈরালঃ খড্গরাজশ্চেত্যমীভির্নামমন্ত্রকৈঃ ॥ ৮ ॥
এতৈর্নমোন্তৈরোমাদ্যৈ করয়োশ্চ হৃদাদিষু ।
ন্যাসষট্কং পুরা কৃত্বা নামাবলিং পঠেত ॥ ৯ ॥
অস্য শ্রীমল্লারিসহস্রনামস্তোত্রমন্ত্রস্য ঈশ্বর ঋষিঃ ।
ম্হালসায়ুক্ত মল্লারির্দেবতা । অনুষ্টুপ্ছন্দঃ ।
সর্বপাপক্ষয়দ্বারা শ্রীমল্লারিপ্রীতয়ে
সকলপুরুষার্থসিদ্ধ্যর্থে জপে বিনিয়োগঃ ।
ওঁ হ্রং হ্রাংম্রিয়মাণানন্দমহালক্ষ্মণেনম ইতি ।
অথন্যাসঃ ।
মল্লারয়ে নমঃ অঙ্গুষ্ঠাভ্যাং নমঃ ।
ম্হালসানাথায় নমঃ তর্জনীভ্যাং নমঃ ।
মেঘনাথায় নমঃ মধ্যমাভ্যাং নমঃ ।
মহীপতয়ে নমঃ অনামিকাভ্যাং নমঃ ।
মৈরালায়নমঃ কনিষ্ঠিকাভ্যাং নমঃ ।
খড্গরাজায় নমঃ করতলকরপৃষ্ঠাভ্যাং নমঃ ।
ওঁ মল্হারয়ে নমঃ হৃদয়ায় নমঃ ।
ওঁ ম্হালসানাথায় নমঃ শিরসে স্বাহা ।
ওঁ মেঘনাথায় নমঃ শিখায়ৈ বষট্ ।
ওঁ মহীপতয়ে নমঃ কববায় হুং ।
ওঁ মৈরালায় নমঃ নেত্রত্রয়ায় বৌষট্ ।
ওঁ খড্গরাজায় নমঃ অস্ত্রায় ফট্ ।
অথ ধ্যানম্ ।
ধ্যায়েন্মল্লারিদেবং কনকগিরীনিভং ম্হালসাভূষিতাঙ্কং
শ্বেতাশ্বং খড্গহস্তং বিবুধবুধগণৈঃ সেব্যমানং কৃতার্থৈঃ ।
য়ুক্তাঘ্রিং দৈত্যমূর্ঘ্নীডমরুবিলসিতং নৈশচূর্ণাভিরামং
নিত্যং ভক্তেষুতুষ্টং শ্বগণপরিবৃতং বীরমোঙ্কারগম্যম্ ॥ ১ ॥
মূলমন্ত্রঃ ।
ওঁ হ্রীং ক্রূং ত্ক্রূং স্ত্রূং হ্রূং হ্রাং ম্রিয়মাণানন্দমহালক্ষ্মণে নমঃ ।
ইতি অলোভঃ উচ্চার্য ।
অথনামাবলীজপঃ ।
ওঁ প্রণবো ব্রহ্ম উদ্গীথ ওঁকারার্থো মহেশ্বরঃ ।
মণিমল্লমহাদৈত্যসংহর্তা ভুবনেশ্বরঃ ॥ ১ ॥
দেবাধিদেব ওঁকারঃ সন্তপ্তামরতাপহা ।
গণকোটিয়ুতঃ কান্তো ভক্তর্চিতামণিঃ প্রভু ॥ ২ ॥
প্রীতাত্মা প্রথিতঃ প্রাণ ঊর্জিতঃ সত্যসেবকঃ ।
মার্তণ্ডভৈরবো দেবো গঙ্গাহ্মালসিকাপ্রিয়ঃ ॥ ৩ ॥
গুণগ্রামান্বিতঃ শ্রীমান্ জয়বান্ প্রমথাগ্রণীঃ ।
দীনানাথপ্রতীকাশঃ স্বয়ম্ভূরজরামরঃ ॥ ৪ ॥
অখণ্ডিতপ্রীতমনা মল্লহা সত্যসঙ্গরঃ ।
আনন্দরূপপরমপরমাশ্চর্যকৃদ্গুরুঃ ॥ ৫ ॥
অজিতোবিশ্বসঞ্জেতা সমরাঙ্গণদুর্জয়ঃ ।
খণ্ডিতাখিলাবিঘ্নৌঘঃ পরমার্থপ্রতাপবান্ ॥ ৬ ॥
অমোঘবিদ্যঃ সর্বজ্ঞঃ শরণ্যঃ সর্বদৈবতম্ ।
অনঙ্গবিজয়ী জ্যায়ান্ জনত্রাতা ভয়াপহা ॥ ৭ ॥
মহাহিবলয়ো ধাতা চন্দ্রমার্তণ্ড্কুণ্ডলঃ ।
হরো ডমরুডাঙ্কারী ত্রিশূলী খড্গপাত্রবান্ ॥ ৮ ॥
মণিয়ুদ্ধমহা হৃষ্টোমুণ্ডমালাবিরাজিতঃ ।
খণ্ডেন্দুশেখরস্ত্র্যক্ষো মহামুকুটমণ্ডিতঃ ॥ ৯ ॥
বসন্তকেলিদুর্ধর্ষঃ শিখিপিচ্ছশিখামণিঃ ।
গঙ্গাম্হালসিকাঙ্কশ্চ গঙ্গাম্হালসিকাপতিঃ ॥ ১০ ॥
তুরঙ্গমসমারূঢো লিঙ্গদ্বয়কৃতাকৃতিঃ ।
ঋষিদেবগণাকীর্ণঃ পিশাচবলিপালকঃ ॥ ১১ ॥
সূর্যকোটিপ্রতীকাশশ্চন্দ্রকোটিসমপ্রভঃ ।
অষ্টসিদ্ধিসমায়ুক্তঃ সুরশ্রেষ্ঠঃ সুখার্ণবঃ ॥ ১২ ॥
মহাবলোদুরারাধ্যোদক্ষসিদ্ধিপ্রদায়কঃ ।
বরদোবীতরাগশ্চকলিপ্রমথনঃ স্বরাট্ ॥ ১৩ ॥
দুষ্টহাদানবারাতিরুত্কৃষ্টফলদায়কঃ ।
ভবঃ কৃপালুর্বিশ্বাত্মাধর্মপুত্রর্ষিভীতিহা ॥ ১৪ ॥
রুদ্রো বিবিজ্ঞঃ শ্রীকণ্ঠঃ পঞ্চবক্ত্রঃ সুধৈকভূঃ ।
প্রজাপালো বিশেষজ্ঞশ্চতুর্বক্ত্রঃ প্রজাপতিঃ ॥ ১৫ ॥
খড্গরাজঃ কৃপাসিন্ধুর্মল্লসৈন্যবিনাশনঃ ।
অদ্বৈতঃ পাবনঃ পাতা পরার্থৈকপ্রয়োজনম্ ॥ ১৬ ॥
জ্ঞানসাধ্যোমল্লহরঃ পার্শ্বস্থমণিকাসুরঃ ।
অষ্টধা ভজনপ্রীতো ভর্গোমৃন্ময়চেতনঃ ॥ ১৭ ॥
মহীময়মহামূর্তির্মহীমলয়সত্তনুঃ ।
উল্লোলখড্গো মণিহা মণিদৈত্যকৃতস্তুতিঃ ॥ ১৮ ॥
সপ্তকোটিগণাধীশো মেঘনাথো মহীপতিঃ ।
মহীতনুঃ খড্গরাজো মল্লস্তোত্রবরপ্রদঃ ॥ ১৯ ॥
প্রতাপী দুর্জয়ঃ সেব্যঃ কলাবান্বিশ্বরঞ্জকঃ ।
স্বর্ণবর্ণোদ্ভুতাকারঃ কার্তিকেয়ো মনোজবঃ ॥ ২০ ॥
দেবকৃত্যকরঃপূর্ণোমণিস্তোত্রবরপ্রদঃ ।
ইন্দ্রঃ সুরার্চিতো রাজা শঙ্করোভূতনায়কঃ ॥ ২১ ॥
শীতঃ শাশ্বত ঈশানঃ পবিত্রঃ পুণ্যপূরুষঃ ।
অগ্নিপুষ্টিপ্রদঃ পূজ্যো দীপ্যমানসুধাকরঃ ॥ ২২ ॥
ভাবী সুমঙ্গলঃ শ্রেয়ান্পুণ্যমূর্তির্যমো মনুঃ ।
জগত্ক্ষতিহরো হারশরণাগতভীতিহা ॥ ২৩ ॥
মল্লদ্বেষ্টা মণিদেষ্টা খণ্ডরাড্ ম্হালসাপতিঃ ।
আধিহা ব্যাধিহা ব্যালী বায়ুঃ প্রেমপুরপ্রিয়ঃ ॥ ২৪ ॥
সদাতুষ্টো নিধীশাগ্র্যঃ সুধনশ্চিন্তিতপ্রদঃ ।
ঈশানঃ সুজয়ো জয়্যোভজত্কামপ্রদঃ পরঃ ॥ ২৫ ॥
অনর্ঘ্যঃ শম্ভুরার্তিঘ্নো মৈরালঃ সুরপালকঃ ।
গঙ্গাপ্রিয়ো জগত্ত্রাতা খড্গরাণ্ণয়কোবিদঃ ॥ ২৬ ॥
অগণ্যোবরদো বেধা জগন্নাথঃ সুরাগ্রণীঃ ।
গঙ্গাধরোঽদ্ভুতাকারঃ কামহা কামদোমৃতম্ ॥ ২৭ ॥
ত্রিনেত্রঃ কামদমনো মণিমল্লদয়ার্দ্রহৃত্ ।
মল্লদুর্মতিনাশাঙ্ঘ্রির্মল্লাসুরকৃত স্তুতিঃ ॥ ২৮ ॥
ত্রিপুরারির্গণাধ্যক্ষো বিনীতোমুনিবর্ণিতঃ ।
উদ্বেগহা হরির্ভীমো দেবরাজো বুধোঽপরঃ ॥ ২৯ ॥
সুশীলঃ সত্ত্বসম্পন্নঃ সুধীরোঽধিকভূতিমান্ ।
অন্ধকারির্মহাদেবঃ সাধুপালো য়শস্করঃ ॥ ৩০ ॥
সিংহাসনস্থঃ স্বানন্দো ধর্মিষ্ঠো রুদ্র আত্মভূঃ ।
য়োগীশ্বরো বিশ্বভর্তা নিয়ন্তা সচ্চরিত্রকৃত্ ॥ ৩১ ॥
অনন্তকোশঃ সদ্বেষঃ সুদেশঃ সর্বতো জয়ী ।
ভূরিভাগ্যো জ্ঞানদীপো মণিপ্রোতাসনো ধ্রুবঃ ॥ ৩২ ॥
অখণ্ডিত শ্রীঃ প্রীতাত্মা মহামহাত্ম্যভূষিতঃ ।
নিরন্তরসুখীজেতা স্বর্গদঃ স্বর্গভূষণঃ ॥ ৩৩ ॥
অক্ষয়ঃ সুগ্রহঃ কামঃ সর্ববিদ্যাবিশারদঃ ।
ভক্ত্যষ্টকপ্রিয়োজ্যায়াননন্তোঽনন্তসৌখ্যদঃ ॥ ৩৪ ॥
অপারো রক্ষিতা নাদির্নিত্যাত্মাক্ষয়বর্জিতঃ ।
মহাদোষহরো গৌরো ব্রহ্মাণ্ডপ্রতিপাদকঃ ॥ ৩৫ ॥
ম্হালসেশো মহাকীর্তিঃ কর্মপাশহরো ভবঃ ।
নীলকণ্ঠো মৃডো দক্ষো মৃত্যুঞ্জয় উদারধীঃ ॥ ৩৬ ॥
কপর্দী কাশিকাবাসঃ কৈলাসনিলয়োঽমহান্ ।
কৃত্তিবাসাঃ শূলধরো গিরিজেশো জটাধরঃ ॥ ৩৭ ॥
বীরভদ্রো জগদ্বন্দ্যঃ শরণাগতবত্সলঃ ।
আজানুবাহুর্বিশ্বেশঃ সমস্তভয়ভঞ্জকঃ ॥ ৩৮ ॥
স্থাণুঃ কৃতার্থঃ কল্পেশঃ স্তবনীয়মহোদয়ঃ ।
স্মৃতমাত্রাখিলাভিজ্ঞো বন্দনীয়ো মনোরমঃ ॥ ৩৯ ॥
অকালমৃত্যুহরণো ভবপাপহরো মৃদুঃ ।
ত্রিনেত্রো মুনিহৃদ্বাসঃ প্রণতাখিলদুঃখহা ॥ ৪০ ॥
উদারচরিতো ধ্যেয়ঃ কালপাশবিমোচকঃ ।
নগ্নঃ পিশাচবেষশ্চ সর্বভূতনিবাসকৃত্ ॥ ৪১ ॥
মন্দরাদ্রিকৃতাবাসাঃ কলিপ্রমথনো বিরাট্ ।
পিনাকী মানসোত্সাহী সুমুখো মখরক্ষিতঃ ॥ ৪২ ॥ var সুখরক্ষিতঃ
দেবমুখ্যঃশম্ভুরাদ্যঃ খলহা খ্যাতিমান্ কবিঃ ।
কর্পূরগৌরঃ কৃতধীঃ কার্যকর্তা কৃতাধ্বরঃ ॥ ৪৩ ॥
তুষ্টিপ্রদস্তমোহন্তা নাদলুব্ধঃ স্বয়ং বিভুঃ । var পুষ্টিপ্রদ
সিংহনাথো য়োগনাথো মন্ত্রোদ্ধারো গুহপ্রিয়ঃ ॥ ৪৪ ॥
ভ্রমহা ভগবান্ভব্যঃ শস্ত্রধৃক্ ক্ষালিতাশুভঃ ।
অশ্বারূঢো বৃষস্কন্ধো ধৃতিমান্ বৃষভধ্বজঃ ॥ ৪৫ ॥
অবধূতসদাচারঃ সদাতুষ্টঃ সদামুনিঃ ।
বদান্যো ম্হালসানাথঃ খণ্ডেশঃ শমবান্পতিঃ ॥ ৪৬ ॥
অলেখনীয়ঃ সংসারী সরস্বত্যভিপূজিতঃ ।
সর্বশাস্ত্রার্থনিপুণঃ সর্বমায়ান্বিতো রথী ॥ ৪৭ ॥
হরিচন্দনলিপ্তাঙ্গঃ কস্তূরীশোভিতস্তনুঃ ।
কুঙ্কুমাগরুলিপ্তাঙ্গঃ সিন্দূরাঙ্কিতসত্তনুঃ ॥ ৪৮ ॥
অমোঘবরদঃ শেষঃ শিবনামা জগদ্ধিতঃ ।
ভস্মাঙ্গরাগঃ সুকৃতী সর্পরাজোত্তরীয়বান্ ॥ ৪৯ ॥
বীজাক্ষরংমন্ত্ররাজো মৃত্যুদৃষ্টিনিবারণঃ ।
প্রিয়ংবদো মহারাবো য়ুবা বৃউদ্ধোঽতিবালকঃ ॥ ৫০ ॥
নরনাথো মহাপ্রাজ্ঞো জয়বান্সুরপুঙ্গবঃ ।
ধনরাট্ক্ষোভহৃদ্দক্ষঃ সুসৈন্যো হেমমালকঃ ॥ ৫১ ॥
আত্মারামো বৃষ্টিকর্তা নরো নারায়ণঃপ্রিয়ঃ ।
রণস্থো জয়সন্নাদো ব্যোমস্থো মেঘবান্প্রভুঃ ॥ ৫২ ॥
সুশ্রাব্যশব্দঃ সত্সেব্যস্তীর্থবাসী সুপুণ্যদঃ ।
ভৈরবো গগনাকারঃ সারমেয়সমাকুলঃ ॥ ৫৩ ॥
মায়ার্ণবমহাধৈর্যো দশহস্তোদ্ভুতঙ্করঃ ॥ ৫৪ ॥
গুর্বর্থদঃ সতাং নাথো দশবক্ত্রবরপ্রদঃ ।
সত্ক্ষেত্রবাসঃ সদ্বস্ত্রোভূরিদো ভয়ভঞ্জনঃ ॥ ৫৫ ॥
কল্পনীহরিতো কল্পঃ সজ্জীকৃতধনুর্ধরঃ ।
ক্ষীরার্ণবমহাক্রীডঃ সদাসাগরসদ্গতিঃ ॥ ৫৬ ॥
সদালোকঃ সদাবাসঃ সদাপাতালবাসকৃত্ ।
প্রলয়াগ্নি জটোত্যুগ্রঃ শিবস্ত্রিভুবনেশ্বরঃ ॥ ৫৭ ॥
উদয়াচলসর্দ্বীপঃ পুণ্যশ্লোকশিখামণিঃ ।
মহোত্সবঃ সুগান্ধর্বঃ সমালোক্যঃ সুশান্তধীঃ ॥ ৫৮ ॥
মেরুবাসঃ সুগন্ধাঢ্যঃ শীঘ্রলাভপ্রদোঽব্যয়ঃ ।
অনিবার্যঃ সুধৈর্যার্থী সদার্থিতফলপ্রদঃ ॥ ৫৯ ॥
গুণসিন্ধুঃ সিংহনাদো মেঘগর্জিতশব্দবান্ ।
ভাণ্ডারসুন্দরতনুর্হরিদ্রাচূর্ণ মণ্ডিতঃ ॥ ৬০ ॥
গদাধরকৃতপ্রৈষো রজনীচূর্ণরঞ্জিতঃ ।
ঘৃতমারী সমুত্থানং কৃতপ্রেমপুরস্থিতিঃ ॥ ৬১ ॥
বহুরত্নাঙ্কিতো ভক্তঃ কোটিলাভপ্রদোঽনঘঃ ।
মল্লস্তোত্রপ্রহৃষ্টাত্মা সদাদ্বীপপুরপ্রভুঃ ॥ ৬২ ॥
মণিকাসুরবিদ্বেষ্টা নানাস্থানাবতারকৃত্ ।
মল্লমস্তকদত্তাংঘ্রির্মল্লনামাদিনামবান্ ॥ ৬৩ ॥
সতুরঙ্গমণিপ্রৌঢরূপসন্নিধিভূষিতঃ ।
ধর্মবান্ হর্ষবান্বাগ্মী ক্রোধবান্মদরূপবান্ ॥ ৬৪ ॥
দম্ভরূপী বীর্যরূপী ধর্মরূপী সদাশিবঃ ।
অহঙ্কারী সত্ত্বরূপী শৌর্যরূপী রণোত্কটঃ ॥ ৬৫ ॥
আত্মরূপী জ্ঞানরূপী সকলাগমকৃচ্ছিবঃ ।
বিদ্যারূপী শক্তিরূপী করুণামূর্তিরাত্মধীঃ ॥ ৬৬ ॥
মল্লজন্যপরিতোষো মণিদৈত্যপ্রিয়ঙ্করঃ ।
মণিকাসুরমূর্দ্ধাংঘ্রির্মণিদৈত্যস্তুতিপ্রিয়ঃ ॥ ৬৭ ॥
মল্লস্তুতিমহাহর্ষো মল্লাখ্যাপূর্বনামভাক্ ।
ধৃতমারী ভবক্রোধো মণিমল্লহিতেরতঃ ॥ ৬৮ ॥
কপালমালিতোরস্কো মণিদৈত্যবরপ্রদঃ ।
কপালমালী প্রত্যক্ষো মাণিদৈত্যশিরোঙ্ঘ্রিদঃ ॥ ৬৯ ॥
ধৃতমারী ভবক্ত্রেভো মণিদৈত্যহিতেরতঃ ।
মণিস্তোত্রপ্রহৃষ্টাত্মা মল্লাসুরগতিপ্রদঃ ॥ ৭০ ॥
মণিচূলাদ্রিনিলয়ো মৈরালপ্রকরস্ত্রিগঃ ।
মল্লদেহশিরঃ পাদতল একাদশাকৃতিঃ ॥ ৭১ ॥
মণিমল্লমহাগর্বহরস্ত্র্যক্ষর ঈশ্বরঃ ।
গঙ্গাম্হালসিকাদেবো মল্লদেহ শিরোন্তকঃ ॥ ৭২ ॥
মণিমল্লবধোদ্রিক্তো ধর্মপুত্রপ্রিয়ঙ্করঃ ।
মণিকাসুরসংহর্তা বিষ্ণুদৈত্যনিয়োজকঃ ॥ ৭৩ ॥
অক্ষরোমাতৃকারূপঃ পিশাচগুণমণ্ডিতঃ ।
চামুণ্ডানবকোটীশঃ প্রধানং মাতৃকাপতিঃ ॥ ৭৪ ॥
ত্রিমূর্তির্মাতৃকাচার্যঃ সাঙ্খ্যয়োগাষ্টভৈরবঃ ।
মণিমল্লসমুদ্ভূতবিশ্বপীডানিবারণঃ ॥ ৭৫ ॥
হুংফড্বৌষট্বষট্কারো য়োগিনীচক্রপালকঃ ।
ত্রয়ীমূর্তিঃ সুরারামস্ত্রিগুণো মাতৃকাময়ঃ ॥ ৭৬ ॥
চিন্মাত্রো নির্গুণো বিষ্ণুর্বৈষ্ণবার্চ্যো গুণান্বিতঃ ।
খড্গোদ্যততনুঃ সোহংহংসরূপশ্চতুর্মুখঃ ॥ ৭৭ ॥ আপ্তায়ত্ততনু
পদ্মোদ্ভবো মাতৃকার্থো য়োগিনীচক্রপালকঃ ।
জন্মমৃত্যুজরাহীনো য়োগিনীচক্রনামকঃ ॥ ৭৮ ॥
আদিত্যআগমাচার্যো য়োগিনীচক্রবল্লভঃ ।
সর্গস্থিত্যন্তকৃচ্ছ্রীদএকাদশশরীরবান্ ॥ ৭৯ ॥
আহারবান্ হরির্ধাতা শিবলিঙ্গার্চনপ্রিয়ঃ ।
প্রাংশুঃ পাশুপতার্চ্যাংঘ্রির্হুতভুগ্যজ্ঞপূরুষঃ ॥ ৮০ ॥
ব্রহ্মণ্যদেবো গীতজ্ঞো য়োগমায়াপ্রবর্তকঃ ।
আপদুদ্ধারণো ঢুণ্ডী গঙ্গামৌলি পুরাণকৃত্ ॥ ৮১ ॥
ব্যাপী বিরোধহরণো ভারহারী নরোত্তমঃ ।
ব্রহ্মাদিবর্ণিতো হাসঃ সুরসঙ্ঘমনোহরঃ ॥ ৮২ ॥
বিশাম্পতির্দিশান্নাথো বায়ুবেগো গবাম্পতিঃ ।
অরূপী পৃথিবীরূপস্তেজোরূপোঽনিলো নরঃ ॥ ৮৩ ॥
আকাশরূপী নাদজ্ঞো রাগজ্ঞঃ সর্বগঃ খগঃ ।
অগাধো ধর্মশাস্ত্রজ্ঞ একরাট্ নির্মলোবিভুঃ ॥ ৮৪ ॥
ধূতপাপো গীর্ণবিষো জগদ্যোনির্নিধানবান্ ।
জগত্পিতা জগদ্বন্ধুর্জগদ্ধাতা জনাশ্রয়ঃ ॥ ৮৫ ॥
অগাধো বোধবান্বোদ্ধা কামধেনুর্হতাসুরঃ ।
অণুর্মহান্কৃশস্থূলো বশী বিদ্বান্ধৃতাধ্বরঃ ॥ ৮৬ ॥
অবোধবোধকৃদ্বিত্তদয়াকৃজ্জীবসংজ্ঞিতঃ ।
আদিতেয়ো ভক্তিপরো ভক্তাধীনোঽদ্বয়াদ্বয়ঃ ॥ ৮৭ ॥
ভক্তাপরাধশমনো দ্বয়াদ্বয়বিবর্জিতঃ ।
সস্যং বিরাটঃ শরণং শরণ্যং গণরাড্গণঃ ॥ ৮৮ ॥
মন্ত্রয়ন্ত্রপ্রভাবজ্ঞো মন্ত্রয়ন্ত্রস্বরূপবান্ ।
ইতি দোষহরঃ শ্রেয়ান্ ভক্তচিন্তামণিঃ শুভঃ ॥ ৮৯ ॥
উঝ্ঝিতামঙ্গলো ধর্ম্যো মঙ্গলায়তনং কবিঃ ।
অনর্থজ্ঞোর্থদঃ শ্রেষ্ঠঃ শ্রৌতধর্মপ্রবর্তকঃ ॥ ৯০ ॥
মন্ত্রবীজং মন্ত্ররাজো বীজমন্ত্রশরীরবান্ ।
শব্দজালবিবেকজ্ঞঃ শরসন্ধানকৃত্কৃতী ॥ ৯১ ॥
কালকালঃ ক্রিয়াতীতস্তর্কাতীতঃ সুতর্ককৃত্ ।
সমস্ততত্ত্ববিত্তত্ত্বং কালজ্ঞঃ কলিতাসুরঃ ॥ ৯২ ॥
অধীরধৈর্যকৃত্কালো বীণানাদমনোরথঃ ।
হিরণ্যরেতা আদিত্যস্তুরাষাদ্শারদাগুরুঃ ॥ ৯৩ ॥
পূর্বঃ কালকলাতীতঃ প্রপঞ্চকলনাপরঃ ।
প্রপঞ্চকলনাগ্রস্ত সত্যসন্ধঃ শিবাপতিঃ ॥ ৯৪ ॥
মন্ত্রয়ন্ত্রাধিপোমন্ত্রো মন্ত্রী মন্ত্রার্থবিগ্রহঃ ।
নারায়ণো বিধিঃ শাস্তা সর্বালক্ষণনাশনঃ ॥ ৯৫ ॥
প্রধানং প্রকৃতিঃ সূক্ষ্মোলঘুর্বিকটবিগ্রহঃ ।
কঠিনঃ করুণানম্রঃ করুণামিতবিগ্রহঃ ॥ ৯৬ ॥
আকারবান্নিরাকারঃ কারাবন্ধবিমোচনঃ ।
দীননাথঃ সুরক্ষাকৃত্সুনির্ণীতবিধিঙ্করঃ ॥ ৯৭ ॥
মহাভাগ্যোদধির্বৈদ্যঃ করুণোপাত্তবিগ্রহঃ ।
নগবাসী গণাধারো ভক্তসাম্রাজ্যদায়কঃ ॥ ৯৮ ॥
সার্বভৌমো নিরাধারঃ সদসদ্ব্যক্তিকারণম্ ।
বেদবিদ্বেদকৃদ্বৈদ্যঃ সবিতা চতুরাননঃ ॥ ৯৯ ॥
হিরণ্যগর্ভস্ত্রিতনুর্বিশ্বসাক্ষীবিভাবসুঃ ।
সকলোপনিষদ্গম্যঃ সকলোপনিষদ্গতিঃ ॥ ১০০ ॥
বিশ্বপাদ্বিশ্বতশ্চক্ষুর্বিশ্বতো বাহুরচ্যুতঃ ।
বিশ্বতোমুখ আধারস্ত্রিপাদ্দিক্পতিরব্যয়ঃ ॥ ১০১ ॥
ব্যাসো ব্যাসগুরুঃ সিদ্ধিঃ সিদ্ধিদ সিদ্ধিনায়কঃ ।
জগদাত্মা জগত্প্রাণো জগন্মিত্রো জগত্প্রিয়ঃ ॥ ১০২ ॥
দেবভূর্বেদভূর্বিশ্বং সর্গস্থিত্যন্তখেলকৃত্ ।
সিদ্ধচারণগন্ধর্বয়ক্ষবিদ্যাধরার্চিতঃ ॥ ১০৩ ॥
নীলকণ্ঠো হলধরো গদাপাণির্নিরঙ্কুশঃ ।
সহস্রাক্ষো নগোদ্ধারঃ সুরানীক জয়াবহঃ ॥ ১০৪ ॥
চতুর্বর্গঃ কৃষ্ণবর্ত্মা কালনূপুরতোডরঃ ।
ঊর্ধ্বরেতা বাক্পতীশো নারদাদিমুনিস্তুতঃ ॥ ১০৫ ॥
চিদানন্দচতুর্যজ্ঞস্তপস্বী করুণার্ণবঃ । চিদানন্দত্তনু
পঞ্চাগ্নির্যাগসংস্থাকৃদনন্তগুণনামভৃত্ ॥ ১০৬ ॥
ত্রিবর্গসূদিতারাতিঃ সুররত্নন্ত্রয়ীতনুঃ ।
য়ায়জূকশ্চিরঞ্জীবী নররত্নং সহস্রপাত্ ॥ ১০৭ ॥
ভালচন্দ্রশ্চিতাবাসঃ সূর্যমণ্ডলমধ্যগঃ । চিরাবাসঃ
অনন্তশীর্ষা ত্রেতাগ্নিঃপ্রসন্নেষুনিষেবিতঃ ॥ ১০৮ ॥
সচ্চিত্তপদ্মমার্তণ্ডো নিরাতঙ্কঃ পরায়ণঃ ।
পুরাভবো নির্বিকারঃ পূর্ণার্থঃ পুণ্যভৈরবঃ ॥ ১০৯ ॥
নিরাশ্রয়ঃ শমীগর্ভো নরনারায়ণাত্মকঃ ।
বেদাধ্যয়নসন্তুষ্টশ্চিতারামো নরোত্তমঃ ॥ ১১০ ॥
অপারধিষণঃ সেব্যস্ত্রিবৃত্তির্গুণসাগরঃ ।
নির্বিকারঃ ক্রিয়াধারঃ সুরমিত্রং সুরেষ্টকৃত্ ॥ ১১১ ॥
আখুবাহশ্চিদানন্দঃ সকলপ্রপিতামহঃ ।
মনোভীষ্টস্তপোনিষ্ঠো মণিমল্লবিমর্দনঃ ॥ ১১২ ॥
উদয়াচল অশ্বত্থো অবগ্রহনিবারণঃ ।
শ্রোতা বক্তা শিষ্টপালঃ স্বস্তিদঃ সলিলাধিপঃ ॥ ১১৩ ॥
বর্ণাশ্রমবিশেষজ্ঞঃ পর্জন্য সকলার্তিভিত্ । সকলার্তিজিত্
বিশ্বেশ্বরস্তপোয়ুক্তঃ কলিদোষবিমোচনঃ ॥ ১১৪ ॥
বর্ণবান্বর্ণরহিতো বামাচারনিষেধকৃত্ ।
সর্ববেদান্ততাত্পর্যস্তপঃসিদ্ধিপ্রদায়কঃ ॥ ১১৫ ॥
বিশ্বসংহাররসিকো জপয়জ্ঞাদিলোকদঃ ।
নাহংবাদী সুরাধ্যক্ষো নৈষচূর্ণঃ সুশোভিতঃ ॥ ১১৬ ॥
অহোরাজস্তমোনাশোবিধিবক্ত্রহরোন্নদঃ ।
জনস্তপো মহঃ সত্যংভূর্ভুবঃস্বঃস্বরূপবান্ ॥ ১১৭ ॥
মৈনাকত্রাণকরণঃ সুমূর্ধা ভৃকুটীচরঃ ।
বৈখানসপতির্বৈশ্যশ্চক্ষুরাদিপ্রয়োজকঃ ॥ ১১৮ ॥
দত্তাত্রেয়ঃ সমাধিস্থোনবনাগস্বরূপবান্ ।
জন্মমৃত্যুজরাহীনো দৈত্যভেত্তেতিহাসবিত্ ॥ ১১৯ ॥
বর্ণাতীতো বর্তমানঃ প্রজ্ঞাদস্তাপিতাসুরঃ ।
চণ্ডহাসঃ করালাস্যঃ কল্পাতীতশ্চিতাধিপঃ ॥ ১২০ ॥
সর্গকৃত্স্থিতিকৃদ্ধর্তা অক্ষরস্ত্রিগুণপ্রিয়ঃ ।
দ্বাদশাত্মা গুণাতীতস্ত্রিগুণস্ত্রিজগত্পতিঃ ॥ ১২১ ॥
জ্বলনো বরুণো বিন্ধ্যঃ শমনো নিরৃতিঃ পৃথুঃ ।
কৃশানুরেতা দৈত্যারিস্তীর্থরূপো কুলাচলঃ ॥ ১২২ ॥
দেশকালাপরিচ্ছেদ্যো বিশ্বগ্রাসবিলাসকৃত্ ।
জঠরো বিশ্বসংহর্তা বিশ্বাদিগণনায়কঃ ॥ ১২৩ ॥
শ্রুতিজ্ঞো ব্রহ্মজিজ্ঞাসুরাহারপরিণামকৃত্ ।
আত্মজ্ঞানপরঃ স্বান্তোঽব্যক্তোঽব্যক্তবিভাগবান্ ॥ ১২৪ ॥
সমাধিগুরুরব্যক্তোভক্তাজ্ঞাননিবারণঃ ।
কৃতবর্ণসমাচারঃ পরিব্রাডধিপো গৃহী ॥ ১২৫ ॥
মহাকালঃ খগপতিবর্ণাবর্ণবিভাগকৃত্ ।
কৃতান্তঃ কীলিতেন্দ্রারিঃ ক্ষণকাষ্ঠাদিরূপবান্ ॥ ১২৬ ॥
বিশ্বজিত্তত্ত্বজিজ্ঞাসুর্ব্রাহ্মণো ব্রহ্মচর্যবান্ ।
সর্ববর্ণাশ্রমপরো বর্ণাশ্রমবহিস্থিতিঃ ॥ ১২৭ ॥
দৈত্যারির্ব্রহ্মজিজ্ঞাসুর্বর্ণাশ্রমনিষেবিতঃ ।
ব্রহ্মাণ্ডোদরভৃত্ক্ষেত্রং স্বরবর্ণস্বরূপকঃ ॥ ১২৮ ॥
বেদান্তবচনাতীতো বর্ণাশ্রমপরায়ণঃ ।
দৃগ্দৃশ্যোভয়রূপৈকোমেনাপতিসমর্চিতঃ ॥ ১২৯ ॥
সত্ত্বস্থঃ সকলদ্রষ্টা কৃতবর্ণাশ্রমস্থিতঃ ।
বর্ণাশ্রমপরিত্রাতা সখা শূদ্রাদিবর্ণবান্ ॥ ১৩০ ॥
বসুধোদ্ধারকরণঃ কালোপাধিঃ সদাগতিঃ ।
দৈতেয়সূদনোতীতস্মৃতিজ্ঞো বডবানলঃ ॥ ১৩১ ॥
সমুদ্রমথনাচার্যো বনস্থোয়জ্ঞদৈবতম্ ।
দৃষ্টাদৃষ্টক্রিয়াতীতো হেমাদ্রির্হরিচন্দনঃ ॥ ১৩২ ॥
নিষিদ্ধনাস্তিকমতির্যজ্ঞভুক্পারিজাতকঃ ।
সহস্রভুজহাশান্তঃ পাপারিক্ষীরসাগরঃ ॥ ১৩৩ ॥
রাজাধিরাজসন্তানঃ কল্পবৃক্ষস্তনূনপাত্ ।
ধন্বন্তরির্বেদবক্তা চিতাভস্মাঙ্গরাগবান্ ॥ ১৩৪ ॥
কাশীশ্বরঃ শ্রোণিভদ্রো বাণাসুরবরপ্রদঃ ।
রজস্থঃ খণ্ঢিতাধর্ম আভিচারনিবারণঃ ॥ ১৩৫ ॥
মন্দরো য়াগফলদস্তমস্থো দমবান্শমী ।
বর্ণাশ্রমাঃ নন্দপরো দৃষ্টাদৃষ্টফলপ্রদঃ ॥ ১৩৬ ॥
কপিলস্ত্রিগুণানন্দঃ সহস্রফণসেবিতঃ ।
কুবেরো হিমবাঞ্ছত্রং ত্রয়ীধর্মপ্রবর্তকঃ ।
আদিতেয়ো য়জ্ঞফলং শক্তিত্রয়পরায়ণঃ ।
দুর্বাসাঃ পিতৃলোকেশোবীরসিংহপুরাণবিত্ ॥ ১৩৮ ॥
অগ্নিমীল়েস্ফুরন্মূর্তিঃ সান্তর্জ্যোতিঃ স্বরূপকঃ ।
সকলোপনিষত্কর্তা খাংবরো ঋণমোচকঃ ॥ ১৩৯ ॥
তত্ত্বজ্যোতিঃ সহস্রাংশুরিষেত্বোর্জলসত্তনুঃ ।
য়োগজ্ঞানমহারাজঃ সর্ববেদান্তকারণম্ ॥ ১৪০ ॥
য়োগজ্ঞানসদানন্দঃ অগ্নআয়াহিরূপবান্ ।
জ্যোতিরিন্দ্রিয়সংবেদ্যঃ স্বাধিষ্ঠানবিজৃম্ভকঃ ॥ ১৪১ ॥
অখণ্ডব্রহ্মখণ্ডশ্রীঃ শন্নোদেবীস্বরূপবান্ ।
য়োগজ্ঞানমহাবোধো রহস্যং ক্ষেত্রগোপকঃ ॥ ১৪২ ॥
ভ্রূমধ্যবেক্ষ্যো গরলী য়োগজ্ঞান সদাশিবঃ ।
চণ্ডাচণ্ডবৃহদ্ভানুনর্যনস্ত্বরিতাপতিঃ ॥ ১৪৩ ॥
জ্ঞানমহায়োগী তত্ত্বজ্যোতিঃ সুধারকঃ ।
ফণিবদ্ধজটাজূটো বিন্দুনাদকলাত্মকঃ ॥ ১৪৪ ॥
য়োগজ্ঞানমহাসেনো লম্বিকোর্ম্যভিষিঞ্চিতঃ ।
অন্তর্জ্যোতির্মূলদেবোঽনাহতঃ সুষুমাশ্রয়ঃ ॥ ১৪৫ ॥
ভূতান্তবিদ্ব্রহ্মভূতির্যোগজ্ঞানমহেশ্বরঃ ।
শুক্লজ্যোতিঃ স্বরূপঃ শ্রীয়োগজ্ঞানমহার্ণবঃ ॥ ১৪৬ ॥
পূর্ণবিজ্ঞানভরিতঃ সত্ত্ববিদ্যাববোধকঃ ।
য়োগজ্ঞানমহাদেবশ্চন্দ্রিকাদ্রবসুদ্রবঃ ॥ ১৪৭ ॥
স্বভাবয়ন্ত্রসঞ্চারঃ সহস্রদলমধ্যগঃ ॥ ১৪৮ ॥
ঈশ্বর উবাচ ।
সহস্রনামমল্লারেরিদং দিব্যং প্রকাশিতম্ ।
লোকানাং কৃপয়া দেবিপ্রীত্যা তব বরাননে ॥ ১৪৯ ॥
য় ইদং পঠতে নিত্যং পাঠয়েচ্ছৃণুয়াদপি ।
ভক্তিতো বা প্রসঙ্গাদ্বা সকলং ভদ্রমশ্নুতে ॥ ১৫০ ॥
পুস্তকং লিখিতং গেহে পূজিতং য়ত্র তিষ্ঠতি ।
তত্র সর্বসমৃদ্ধীনামধিষ্ঠানং ন সংশয়ঃ ॥ ১৫১ ॥
সুতার্থী ধনদারার্থীবিদ্যার্থী ব্যাধিনাশকৃত্ ।
য়শোর্থী বিজয়ার্থীচ ত্রিবারং প্রত্যহং পঠেত্ ॥ ১৫২ ॥
মহাপাপোপপাপানাং প্রায়শ্চিত্তার্থমাদরাত্ ।
প্রাতস্নায়ী পঠেদেতত্ ষণ্মাসাত্ সিদ্ধিমাপ্নুয়াত্ ॥ ১৫৩ ॥
রহস্যানাং চ পাপানাং পঠনাদেব নাশনম্ ।
সর্বারিষ্টপ্রশমনং দুঃস্বপ্নফলশান্তিদম্ ॥ ১৫৪ ॥
সূতিকাবালসৌখ্যার্থী সূতিকায়তনে পঠেত্ ।
সুসূতিং লভতে নিত্যং গর্ভিণী শৃণুয়াদপি ॥ ১৫৫ ॥
য়াচনারীপতদ্গর্ভাদৃঢগর্ভাভবেত্ধ্রুবম্ ।
সুতাসুতপরীবারমণ্ডিতা মোদতে চিরম্ ॥ ১৫৬ ॥
আয়ুষ্যসন্ততিং নূনং য়াভবেন্মৃতবত্সকা ।
বন্ধ্যাপি লভতে ভীষ্টসন্ততিং নাত্র সংশয়ঃ ॥ ১৫৭ ॥
ভর্তুঃ প্রিয়ত্বমাপ্নোতি সৌভাগ্যং চ সুরূপতাম্ ।
নসপত্নীমপিলভেদ্বৈধব্যং নাপ্নুয়াত্ক্বচিত্ ॥ ১৫৮ ॥
লভেত্প্রীতিমুদাসীনা পতিশুশ্রূষণেরতা ।
সর্বাধিকং বরং কন্যাবিরহং ন কদাচন ॥ ১৫৯ ॥
জাতিস্মরত্বমাপ্নোতি পঠনাচ্ছ্রবণাদপি ।
স্খলদ্গীঃ সরলাংবাণীং কবিত্বং কবিতাপ্রিয়ঃ ॥ ১৬০ ॥
প্রজ্ঞাতিশয়মাপ্নোতি পঠতাং গ্রন্থধারণে ।
নির্বিঘ্নং সিদ্ধিমাপ্নোতি য়ঃ পঠেদ্ব্রহ্মচর্যবান্ ॥ ১৬১ ॥
সর্বরক্ষাকরং শ্রেষ্ঠং দুষ্টগ্রহনিবারণম্ ।
সর্বোত্পাতপ্রশমনং বালগ্রহবিনাশনম্ ॥ ১৬২ ॥
কুষ্ঠাপস্মাররোগাদিহরণং পুণ্যবর্ধনম্ ।
আয়ুর্বৃদ্ধিকরং চৈব পুষ্টিদং তোষবর্ধনম্ ॥ ১৬৩ ॥
বিষমে পথি চোরাদিসঙ্ঘাতে কলহাগমে ।
রিপূণাং সন্নিধানে চ সংয়মে ন পঠেদিদম্ ॥ ১৬৪ ॥
মনঃ ক্ষোভবিষাদে চ হর্ষোত্কর্ষে তথৈবচ ।
ইষ্টারম্ভসমাপ্তো চ পঠিতব্য প্রয়ত্নতঃ ॥ ১৬৫ ॥
সমুদ্রতরণে পোতলঞ্ঘনে গিরিরোহণে ।
কর্ষণে গজসিংহাদ্যৈঃ সাবধানে পঠেদিদম্ ॥ ১৬৬ ॥
অবর্ষণে মহোত্পাতে দুরত্যয়ভবেত্তথা ।
শতবারং পঠেদেতত্সর্বদুষ্টোপশান্তয়ে ॥ ১৬৭ ॥
শনিবারের্কবারে চ ষষ্ঠ্যাং চ নিয়তঃ পঠেত্ ।
মল্লারিং পূজয়েদ্বিপ্রান্ভোজয়েদ্ভক্তিপূর্বকম্ ॥ ১৬৮ ॥
উপবাসোথবা নক্তমেকভক্তময়াচিতম্ ।
য়থাশক্তি প্রকুর্বীত জপেত্সম্পূজয়েদ্ধুনেত্ ॥ ১৬৯ ॥
অগ্রবৃদ্ধ্যা পঠেদেতদ্ধোমপূজা তথৈব চ ।
ভোজয়েদগ্রবৃদ্ধানাংব্রাহ্মণাশ্চ সুবাসিনীঃ ॥ ১৭০ ॥
নানাজাতিভবান্ভক্তান্ভোজয়েদনিবারিতম্ ।
নানাপরিমলৈর্দ্গব্যৈঃ পল্লবৈঃ কুসুমৈরপি ॥ ১৭১ ॥
দমনোশীরপাক্যাদিতত্তত্কালোদ্ভবৈঃ শুভৈঃ ।
নৈশভাণ্ডারচূর্ণেন নানারঞ্জিততন্দুলৈঃ ॥ ১৭২ ॥
পূজয়েন্ম্হালসায়ুক্তং মল্লারিং দেবভূষিতম্ ।
মল্লারিপূজনং হোমঃ স্বভূষাভক্তপূজনম্ ॥ ১৭৩ ॥
প্রীতিদানোপয়াঞ্চাদি নৈশচূর্ণেন সিদ্ধিদম্ ।
য়থাশ্রমং য়থাকালং য়থাকুলচিকীর্ষিতম্ ॥ ১৭৪ ॥
নৈবেদ্যং পূজনং হোমং কুর্যাত্সর্বার্থসিদ্ধয়ে ।
শুভং ভাজনমাদায় ভক্ত্যা ভোমণ্ডিতঃ স্বয়ম্ ॥ ১৭৫ ॥
য়থাবর্ণকুলাচারং প্রসাদং য়াচয়েন্মুহুঃ ।
মল্লারিক্ষেত্রমুদ্দিশ্য য়াত্রাং ক্বাপি প্রকল্পয়েত্ ॥ ১৭৬ ॥
বিত্তব্যয়শ্রমো নাত্র মৈরালস্তেন সিদ্ধিদঃ ।
মার্গশীর্ষে বিশেষেণ প্রতিপত্ষষ্ঠিকান্তরে ॥ ১৭৭ ॥
পূজাদ্যনুষ্ঠিতং শক্ত্যা তদক্ষয়মসংশয়ম্ ।
য়দ্যত্পূজাদিকং ভক্ত্যা সর্বকালমনুষ্ঠিতম্ ॥ ১৭৮ ॥
অনন্তফলদং তত্স্যান্মার্গশীর্ষে সকৃত্কৃতম্ ।
ধনধান্যাদিধেন্বাদি দাসদাসীগৃহাদিকম্ ॥ ১৭৯ ॥
মল্লারিপ্রীতয়ে দেয়ং বিশেষান্মার্গশীর্ষকে ।
চম্পাষষ্ঠ্যাং স্কন্দষষ্ঠ্যাং তথা সর্বেষু পর্বসু ॥ ১৮০ ॥
চৈত্রশ্রাবণপৌষেষু প্রীতো মল্লারিরর্চিতঃ ।
য়দ্যত্প্রিয়তমং য়স্য লোকস্য সুখকারণম্ ॥ ১৮১ ॥
বিত্তশাঠ্যং পরিত্যজ্য মল্লারিপ্রীতয়ে পঠেত্ ।
প্রসঙ্গাদ্বাপি বাল্যাদ্বা কাপট্যাদ্দম্ভতোপি বা ॥ ১৮২ ॥
য়ঃ পঠেচ্ছ্রুণুয়াদ্বাপি সর্বান্কামানবাপ্নুয়াত্ ।
অতিবশ্যো ভবেদ্রাজা লভতে কামিনীগণম্ ॥ ১৮৩ ॥
য়দসাধ্যং ভবেল্লোকে তত্সর্বং বশমানয়েত্ ।
শস্ত্রাণ্যুত্পলসারাণি ভবেদ্বহ্নি সুশীতলঃ ॥ ১৮৪ ॥
মিত্রবদ্বৈরিবর্গঃ স্যাদ্বিষং স্যাত্পুষ্টিবর্ধনম্ ।
অন্ধোপিলভতে দৃষ্টিং বধিরোপি শ্রুতী লভেত্ ॥ ১৮৫ ॥
মূকোপি সরলাং বাণীং পঠন্বাপাঠয়ন্নপি ।
ধর্মমর্থং চ কামং চ বহুধা কল্পিতং মুদা ॥ ১৮৬ ॥
পঠন্শৃণ্বন্নবাপ্নোতি পাঠং য়ো মতিমানবঃ ।
ঐহিকং সকলং ভুক্ত্বা শেষে স্বর্গমবাপ্নুয়াত্ ॥ ১৮৭ ॥
মুমুক্ষুর্লভতে মোক্ষং পঠন্নিদমনুত্তমম্ ।
সর্বকর্তুঃ ফলং তস্য সর্বতীর্থফলং তথা ॥ ১৮৮ ॥
সর্বদানফলং তস্য মল্লারির্যেন পূজিতঃ ।
মল্লারিরিতি নামৈকং পুরুষার্থপ্রদং ধ্রুবম্ ॥ ১৮৯ ॥
সহস্রনামবিদ্যায়াঃ কঃ ফলং বেত্তিতত্ত্বতঃ ।
বেদাস্যাধ্যয়নে পুণ্যং য়োগাভ্যাসেঽপি য়ত্ফলম্ ॥ ১৯০ ॥
সকলং সমবাপ্নোতি মল্লারিভজনাত্প্রিয়ে ।
তব প্রীত্যৈ ময়াখ্যাতং লোকোপকৃতকারণাত্ ॥ ১৯১ ॥
সহস্রনামমল্লারেঃ কিমন্যচ্ছ্রোতুমিচ্ছসি ।
গুহ্যাদ্গুহ্যং পরং পুণ্যং ন দেয়ং ভক্তিবর্জিতে ॥ ১৯২ ॥
ইতি শ্রীপদ্মপুরাণে শিবোপাখ্যানে মল্লারিপ্রস্তাবে শিবপার্বতীসংবাদে
শিবপ্রোক্তং মল্লারিসহস্রনামস্তোত্রং সম্পূর্ণম্ ।
শ্রীসাম্বসদাশিবার্পণমস্তু ॥
॥ শুভংভবতু ॥
মল্হারী সহস্ত্রনামস্তোত্রম্