॥ Mallari Sahasranamastotram Odia Lyrics ॥
॥ ଶ୍ରୀମଲ୍ଲାରିସହସ୍ରନାମସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
ଶ୍ରୀସରସ୍ଵତ୍ୟୈ ନମଃ ।
ସ୍ଥିତଂ କୈଲାସନିଲୟେ ପ୍ରାଣେଶଂ ଲୋକଶଙ୍କରମ୍ ।
ଉଵାଚ ଶଙ୍କରଂ ଗୌରୀ ଜଗଦ୍ଧିତଚିକୀର୍ଷୟା ॥ ୧ ॥
ପାର୍ଵତ୍ୟୁଵାଚ ।
ଦେଵଦେଵ ମହାଦେଵ ଭକ୍ତାନନ୍ଦଵିଵର୍ଧନ ।
ପୃଚ୍ଛାମି ତ୍ଵାମହଂ ଚୈକଂ ଦୁଃଖଦାରିଦ୍ର୍ୟନାଶନମ୍ ॥ ୨ ॥
କଥୟସ୍ଵ ପ୍ରସାଦେନ ସର୍ଵଜ୍ଞୋସି ଜଗତ୍ପ୍ରଭୋ ।
ସ୍ତୋତ୍ରଂ ଦାନଂ ତପୋ ଵାପି ସଦ୍ୟଃ କାମଫଲପ୍ରଦମ୍ ॥ ୩ ॥
ଈଶ୍ଵର ଉଵାଚ ।
ମାର୍ତଣ୍ଡୋ ଭୈରଵୋ ଦେଵୋ ମଲ୍ଲାରିରହମେଵ ହି ।
ତସ୍ୟ ନାମସହସ୍ରଂ ତେ ଵଦାମି ଶୃଣୁ ଭକ୍ତିତଃ ॥ ୪ ॥
ସର୍ଵଲୋକାର୍ତିଶମନଂ ସର୍ଵସମ୍ପତ୍ପ୍ରଦାୟକମ୍ ।
ପୁତ୍ରପୌତ୍ରାଦି ଫଲଦଂ ଅପଵର୍ଗପ୍ରଦଂ ଶିଵମ୍ ॥ ୫ ॥
ଈଶ୍ଵରୋସ୍ୟ ଋଷିଃ ପ୍ରୋକ୍ତଃ ଛନ୍ଦୋଽନୁଷ୍ଟୁପ୍ ପ୍ରକୀର୍ତିତଃ ।
ମଲ୍ଲାରିର୍ମ୍ହାଲସାୟୁକ୍ତୋ ଦେଵସ୍ତ୍ରତ୍ର ସମୀରିତଃ ॥ ୬ ॥
ସର୍ଵପାପକ୍ଷୟଦ୍ଵାରା ମଲ୍ଲାରିପ୍ରୀତୟେ ତଥା ।
ସମସ୍ତପୁରୁଷାର୍ଥସ୍ୟ ସିଦ୍ଧୟେ ଵିନିୟୋଜିତଃ ॥ ୭ ॥
ମଲ୍ଲାରିର୍ମ୍ହାଲସାନାଥୋ ମେଘନାଥୋ ମହୀପତିଃ ।
ମୈରାଲଃ ଖଡ୍ଗରାଜଶ୍ଚେତ୍ୟମୀଭିର୍ନାମମନ୍ତ୍ରକୈଃ ॥ ୮ ॥
ଏତୈର୍ନମୋନ୍ତୈରୋମାଦ୍ୟୈ କରୟୋଶ୍ଚ ହୃଦାଦିଷୁ ।
ନ୍ୟାସଷଟ୍କଂ ପୁରା କୃତ୍ଵା ନାମାଵଲିଂ ପଠେତ ॥ ୯ ॥
ଅସ୍ୟ ଶ୍ରୀମଲ୍ଲାରିସହସ୍ରନାମସ୍ତୋତ୍ରମନ୍ତ୍ରସ୍ୟ ଈଶ୍ଵର ଋଷିଃ ।
ମ୍ହାଲସାୟୁକ୍ତ ମଲ୍ଲାରିର୍ଦେଵତା । ଅନୁଷ୍ଟୁପ୍ଛନ୍ଦଃ ।
ସର୍ଵପାପକ୍ଷୟଦ୍ଵାରା ଶ୍ରୀମଲ୍ଲାରିପ୍ରୀତୟେ
ସକଲପୁରୁଷାର୍ଥସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଓଂ ହ୍ରଂ ହ୍ରାଂମ୍ରିୟମାଣାନନ୍ଦମହାଲକ୍ଷ୍ମଣେନମ ଇତି ।
ଅଥନ୍ୟାସଃ ।
ମଲ୍ଲାରୟେ ନମଃ ଅଙ୍ଗୁଷ୍ଠାଭ୍ୟାଂ ନମଃ ।
ମ୍ହାଲସାନାଥାୟ ନମଃ ତର୍ଜନୀଭ୍ୟାଂ ନମଃ ।
ମେଘନାଥାୟ ନମଃ ମଧ୍ୟମାଭ୍ୟାଂ ନମଃ ।
ମହୀପତୟେ ନମଃ ଅନାମିକାଭ୍ୟାଂ ନମଃ ।
ମୈରାଲାୟନମଃ କନିଷ୍ଠିକାଭ୍ୟାଂ ନମଃ ।
ଖଡ୍ଗରାଜାୟ ନମଃ କରତଲକରପୃଷ୍ଠାଭ୍ୟାଂ ନମଃ ।
ଓଂ ମଲ୍ହାରୟେ ନମଃ ହୃଦୟାୟ ନମଃ ।
ଓଂ ମ୍ହାଲସାନାଥାୟ ନମଃ ଶିରସେ ସ୍ଵାହା ।
ଓଂ ମେଘନାଥାୟ ନମଃ ଶିଖାୟୈ ଵଷଟ୍ ।
ଓଂ ମହୀପତୟେ ନମଃ କଵଵାୟ ହୁଂ ।
ଓଂ ମୈରାଲାୟ ନମଃ ନେତ୍ରତ୍ରୟାୟ ଵୌଷଟ୍ ।
ଓଂ ଖଡ୍ଗରାଜାୟ ନମଃ ଅସ୍ତ୍ରାୟ ଫଟ୍ ।
ଅଥ ଧ୍ୟାନମ୍ ।
ଧ୍ୟାୟେନ୍ମଲ୍ଲାରିଦେଵଂ କନକଗିରୀନିଭଂ ମ୍ହାଲସାଭୂଷିତାଙ୍କଂ
ଶ୍ଵେତାଶ୍ଵଂ ଖଡ୍ଗହସ୍ତଂ ଵିବୁଧବୁଧଗଣୈଃ ସେଵ୍ୟମାନଂ କୃତାର୍ଥୈଃ ।
ୟୁକ୍ତାଘ୍ରିଂ ଦୈତ୍ୟମୂର୍ଘ୍ନୀଡମରୁଵିଲସିତଂ ନୈଶଚୂର୍ଣାଭିରାମଂ
ନିତ୍ୟଂ ଭକ୍ତେଷୁତୁଷ୍ଟଂ ଶ୍ଵଗଣପରିଵୃତଂ ଵୀରମୋଙ୍କାରଗମ୍ୟମ୍ ॥ ୧ ॥
ମୂଲମନ୍ତ୍ରଃ ।
ଓଂ ହ୍ରୀଂ କ୍ରୂଂ ତ୍କ୍ରୂଂ ସ୍ତ୍ରୂଂ ହ୍ରୂଂ ହ୍ରାଂ ମ୍ରିୟମାଣାନନ୍ଦମହାଲକ୍ଷ୍ମଣେ ନମଃ ।
ଇତି ଅଲୋଭଃ ଉଚ୍ଚାର୍ୟ ।
ଅଥନାମାଵଲୀଜପଃ ।
ଓଂ ପ୍ରଣଵୋ ବ୍ରହ୍ମ ଉଦ୍ଗୀଥ ଓଂକାରାର୍ଥୋ ମହେଶ୍ଵରଃ ।
ମଣିମଲ୍ଲମହାଦୈତ୍ୟସଂହର୍ତା ଭୁଵନେଶ୍ଵରଃ ॥ ୧ ॥
ଦେଵାଧିଦେଵ ଓଂକାରଃ ସନ୍ତପ୍ତାମରତାପହା ।
ଗଣକୋଟିୟୁତଃ କାନ୍ତୋ ଭକ୍ତର୍ଚିତାମଣିଃ ପ୍ରଭୁ ॥ ୨ ॥
ପ୍ରୀତାତ୍ମା ପ୍ରଥିତଃ ପ୍ରାଣ ଊର୍ଜିତଃ ସତ୍ୟସେଵକଃ ।
ମାର୍ତଣ୍ଡଭୈରଵୋ ଦେଵୋ ଗଙ୍ଗାହ୍ମାଲସିକାପ୍ରିୟଃ ॥ ୩ ॥
ଗୁଣଗ୍ରାମାନ୍ଵିତଃ ଶ୍ରୀମାନ୍ ଜୟଵାନ୍ ପ୍ରମଥାଗ୍ରଣୀଃ ।
ଦୀନାନାଥପ୍ରତୀକାଶଃ ସ୍ଵୟମ୍ଭୂରଜରାମରଃ ॥ ୪ ॥
ଅଖଣ୍ଡିତପ୍ରୀତମନା ମଲ୍ଲହା ସତ୍ୟସଙ୍ଗରଃ ।
ଆନନ୍ଦରୂପପରମପରମାଶ୍ଚର୍ୟକୃଦ୍ଗୁରୁଃ ॥ ୫ ॥
ଅଜିତୋଵିଶ୍ଵସଞ୍ଜେତା ସମରାଙ୍ଗଣଦୁର୍ଜୟଃ ।
ଖଣ୍ଡିତାଖିଲାଵିଘ୍ନୌଘଃ ପରମାର୍ଥପ୍ରତାପଵାନ୍ ॥ ୬ ॥
ଅମୋଘଵିଦ୍ୟଃ ସର୍ଵଜ୍ଞଃ ଶରଣ୍ୟଃ ସର୍ଵଦୈଵତମ୍ ।
ଅନଙ୍ଗଵିଜୟୀ ଜ୍ୟାୟାନ୍ ଜନତ୍ରାତା ଭୟାପହା ॥ ୭ ॥
ମହାହିଵଲୟୋ ଧାତା ଚନ୍ଦ୍ରମାର୍ତଣ୍ଡ୍କୁଣ୍ଡଲଃ ।
ହରୋ ଡମରୁଡାଙ୍କାରୀ ତ୍ରିଶୂଲୀ ଖଡ୍ଗପାତ୍ରଵାନ୍ ॥ ୮ ॥
ମଣିୟୁଦ୍ଧମହା ହୃଷ୍ଟୋମୁଣ୍ଡମାଲାଵିରାଜିତଃ ।
ଖଣ୍ଡେନ୍ଦୁଶେଖରସ୍ତ୍ର୍ୟକ୍ଷୋ ମହାମୁକୁଟମଣ୍ଡିତଃ ॥ ୯ ॥
ଵସନ୍ତକେଲିଦୁର୍ଧର୍ଷଃ ଶିଖିପିଚ୍ଛଶିଖାମଣିଃ ।
ଗଙ୍ଗାମ୍ହାଲସିକାଙ୍କଶ୍ଚ ଗଙ୍ଗାମ୍ହାଲସିକାପତିଃ ॥ ୧୦ ॥
ତୁରଙ୍ଗମସମାରୂଢୋ ଲିଙ୍ଗଦ୍ଵୟକୃତାକୃତିଃ ।
ଋଷିଦେଵଗଣାକୀର୍ଣଃ ପିଶାଚବଲିପାଲକଃ ॥ ୧୧ ॥
ସୂର୍ୟକୋଟିପ୍ରତୀକାଶଶ୍ଚନ୍ଦ୍ରକୋଟିସମପ୍ରଭଃ ।
ଅଷ୍ଟସିଦ୍ଧିସମାୟୁକ୍ତଃ ସୁରଶ୍ରେଷ୍ଠଃ ସୁଖାର୍ଣଵଃ ॥ ୧୨ ॥
ମହାବଲୋଦୁରାରାଧ୍ୟୋଦକ୍ଷସିଦ୍ଧିପ୍ରଦାୟକଃ ।
ଵରଦୋଵୀତରାଗଶ୍ଚକଲିପ୍ରମଥନଃ ସ୍ଵରାଟ୍ ॥ ୧୩ ॥
ଦୁଷ୍ଟହାଦାନଵାରାତିରୁତ୍କୃଷ୍ଟଫଲଦାୟକଃ ।
ଭଵଃ କୃପାଲୁର୍ଵିଶ୍ଵାତ୍ମାଧର୍ମପୁତ୍ରର୍ଷିଭୀତିହା ॥ ୧୪ ॥
ରୁଦ୍ରୋ ଵିଵିଜ୍ଞଃ ଶ୍ରୀକଣ୍ଠଃ ପଞ୍ଚଵକ୍ତ୍ରଃ ସୁଧୈକଭୂଃ ।
ପ୍ରଜାପାଲୋ ଵିଶେଷଜ୍ଞଶ୍ଚତୁର୍ଵକ୍ତ୍ରଃ ପ୍ରଜାପତିଃ ॥ ୧୫ ॥
ଖଡ୍ଗରାଜଃ କୃପାସିନ୍ଧୁର୍ମଲ୍ଲସୈନ୍ୟଵିନାଶନଃ ।
ଅଦ୍ଵୈତଃ ପାଵନଃ ପାତା ପରାର୍ଥୈକପ୍ରୟୋଜନମ୍ ॥ ୧୬ ॥
ଜ୍ଞାନସାଧ୍ୟୋମଲ୍ଲହରଃ ପାର୍ଶ୍ଵସ୍ଥମଣିକାସୁରଃ ।
ଅଷ୍ଟଧା ଭଜନପ୍ରୀତୋ ଭର୍ଗୋମୃନ୍ମୟଚେତନଃ ॥ ୧୭ ॥
ମହୀମୟମହାମୂର୍ତିର୍ମହୀମଲୟସତ୍ତନୁଃ ।
ଉଲ୍ଲୋଲଖଡ୍ଗୋ ମଣିହା ମଣିଦୈତ୍ୟକୃତସ୍ତୁତିଃ ॥ ୧୮ ॥
ସପ୍ତକୋଟିଗଣାଧୀଶୋ ମେଘନାଥୋ ମହୀପତିଃ ।
ମହୀତନୁଃ ଖଡ୍ଗରାଜୋ ମଲ୍ଲସ୍ତୋତ୍ରଵରପ୍ରଦଃ ॥ ୧୯ ॥
ପ୍ରତାପୀ ଦୁର୍ଜୟଃ ସେଵ୍ୟଃ କଲାଵାନ୍ଵିଶ୍ଵରଞ୍ଜକଃ ।
ସ୍ଵର୍ଣଵର୍ଣୋଦ୍ଭୁତାକାରଃ କାର୍ତିକେୟୋ ମନୋଜଵଃ ॥ ୨୦ ॥
ଦେଵକୃତ୍ୟକରଃପୂର୍ଣୋମଣିସ୍ତୋତ୍ରଵରପ୍ରଦଃ ।
ଇନ୍ଦ୍ରଃ ସୁରାର୍ଚିତୋ ରାଜା ଶଙ୍କରୋଭୂତନାୟକଃ ॥ ୨୧ ॥
ଶୀତଃ ଶାଶ୍ଵତ ଈଶାନଃ ପଵିତ୍ରଃ ପୁଣ୍ୟପୂରୁଷଃ ।
ଅଗ୍ନିପୁଷ୍ଟିପ୍ରଦଃ ପୂଜ୍ୟୋ ଦୀପ୍ୟମାନସୁଧାକରଃ ॥ ୨୨ ॥
ଭାଵୀ ସୁମଙ୍ଗଲଃ ଶ୍ରେୟାନ୍ପୁଣ୍ୟମୂର୍ତିର୍ୟମୋ ମନୁଃ ।
ଜଗତ୍କ୍ଷତିହରୋ ହାରଶରଣାଗତଭୀତିହା ॥ ୨୩ ॥
ମଲ୍ଲଦ୍ଵେଷ୍ଟା ମଣିଦେଷ୍ଟା ଖଣ୍ଡରାଡ୍ ମ୍ହାଲସାପତିଃ ।
ଆଧିହା ଵ୍ୟାଧିହା ଵ୍ୟାଲୀ ଵାୟୁଃ ପ୍ରେମପୁରପ୍ରିୟଃ ॥ ୨୪ ॥
ସଦାତୁଷ୍ଟୋ ନିଧୀଶାଗ୍ର୍ୟଃ ସୁଧନଶ୍ଚିନ୍ତିତପ୍ରଦଃ ।
ଈଶାନଃ ସୁଜୟୋ ଜୟ୍ୟୋଭଜତ୍କାମପ୍ରଦଃ ପରଃ ॥ ୨୫ ॥
ଅନର୍ଘ୍ୟଃ ଶମ୍ଭୁରାର୍ତିଘ୍ନୋ ମୈରାଲଃ ସୁରପାଲକଃ ।
ଗଙ୍ଗାପ୍ରିୟୋ ଜଗତ୍ତ୍ରାତା ଖଡ୍ଗରାଣ୍ଣୟକୋଵିଦଃ ॥ ୨୬ ॥
ଅଗଣ୍ୟୋଵରଦୋ ଵେଧା ଜଗନ୍ନାଥଃ ସୁରାଗ୍ରଣୀଃ ।
ଗଙ୍ଗାଧରୋଽଦ୍ଭୁତାକାରଃ କାମହା କାମଦୋମୃତମ୍ ॥ ୨୭ ॥
ତ୍ରିନେତ୍ରଃ କାମଦମନୋ ମଣିମଲ୍ଲଦୟାର୍ଦ୍ରହୃତ୍ ।
ମଲ୍ଲଦୁର୍ମତିନାଶାଙ୍ଘ୍ରିର୍ମଲ୍ଲାସୁରକୃତ ସ୍ତୁତିଃ ॥ ୨୮ ॥
ତ୍ରିପୁରାରିର୍ଗଣାଧ୍ୟକ୍ଷୋ ଵିନୀତୋମୁନିଵର୍ଣିତଃ ।
ଉଦ୍ଵେଗହା ହରିର୍ଭୀମୋ ଦେଵରାଜୋ ବୁଧୋଽପରଃ ॥ ୨୯ ॥
ସୁଶୀଲଃ ସତ୍ତ୍ଵସମ୍ପନ୍ନଃ ସୁଧୀରୋଽଧିକଭୂତିମାନ୍ ।
ଅନ୍ଧକାରିର୍ମହାଦେଵଃ ସାଧୁପାଲୋ ୟଶସ୍କରଃ ॥ ୩୦ ॥
ସିଂହାସନସ୍ଥଃ ସ୍ଵାନନ୍ଦୋ ଧର୍ମିଷ୍ଠୋ ରୁଦ୍ର ଆତ୍ମଭୂଃ ।
ୟୋଗୀଶ୍ଵରୋ ଵିଶ୍ଵଭର୍ତା ନିୟନ୍ତା ସଚ୍ଚରିତ୍ରକୃତ୍ ॥ ୩୧ ॥
ଅନନ୍ତକୋଶଃ ସଦ୍ଵେଷଃ ସୁଦେଶଃ ସର୍ଵତୋ ଜୟୀ ।
ଭୂରିଭାଗ୍ୟୋ ଜ୍ଞାନଦୀପୋ ମଣିପ୍ରୋତାସନୋ ଧ୍ରୁଵଃ ॥ ୩୨ ॥
ଅଖଣ୍ଡିତ ଶ୍ରୀଃ ପ୍ରୀତାତ୍ମା ମହାମହାତ୍ମ୍ୟଭୂଷିତଃ ।
ନିରନ୍ତରସୁଖୀଜେତା ସ୍ଵର୍ଗଦଃ ସ୍ଵର୍ଗଭୂଷଣଃ ॥ ୩୩ ॥
ଅକ୍ଷୟଃ ସୁଗ୍ରହଃ କାମଃ ସର୍ଵଵିଦ୍ୟାଵିଶାରଦଃ ।
ଭକ୍ତ୍ୟଷ୍ଟକପ୍ରିୟୋଜ୍ୟାୟାନନନ୍ତୋଽନନ୍ତସୌଖ୍ୟଦଃ ॥ ୩୪ ॥
ଅପାରୋ ରକ୍ଷିତା ନାଦିର୍ନିତ୍ୟାତ୍ମାକ୍ଷୟଵର୍ଜିତଃ ।
ମହାଦୋଷହରୋ ଗୌରୋ ବ୍ରହ୍ମାଣ୍ଡପ୍ରତିପାଦକଃ ॥ ୩୫ ॥
ମ୍ହାଲସେଶୋ ମହାକୀର୍ତିଃ କର୍ମପାଶହରୋ ଭଵଃ ।
ନୀଲକଣ୍ଠୋ ମୃଡୋ ଦକ୍ଷୋ ମୃତ୍ୟୁଞ୍ଜୟ ଉଦାରଧୀଃ ॥ ୩୬ ॥
କପର୍ଦୀ କାଶିକାଵାସଃ କୈଲାସନିଲୟୋଽମହାନ୍ ।
କୃତ୍ତିଵାସାଃ ଶୂଲଧରୋ ଗିରିଜେଶୋ ଜଟାଧରଃ ॥ ୩୭ ॥
ଵୀରଭଦ୍ରୋ ଜଗଦ୍ଵନ୍ଦ୍ୟଃ ଶରଣାଗତଵତ୍ସଲଃ ।
ଆଜାନୁବାହୁର୍ଵିଶ୍ଵେଶଃ ସମସ୍ତଭୟଭଞ୍ଜକଃ ॥ ୩୮ ॥
ସ୍ଥାଣୁଃ କୃତାର୍ଥଃ କଲ୍ପେଶଃ ସ୍ତଵନୀୟମହୋଦୟଃ ।
ସ୍ମୃତମାତ୍ରାଖିଲାଭିଜ୍ଞୋ ଵନ୍ଦନୀୟୋ ମନୋରମଃ ॥ ୩୯ ॥
ଅକାଲମୃତ୍ୟୁହରଣୋ ଭଵପାପହରୋ ମୃଦୁଃ ।
ତ୍ରିନେତ୍ରୋ ମୁନିହୃଦ୍ଵାସଃ ପ୍ରଣତାଖିଲଦୁଃଖହା ॥ ୪୦ ॥
ଉଦାରଚରିତୋ ଧ୍ୟେୟଃ କାଲପାଶଵିମୋଚକଃ ।
ନଗ୍ନଃ ପିଶାଚଵେଷଶ୍ଚ ସର୍ଵଭୂତନିଵାସକୃତ୍ ॥ ୪୧ ॥
ମନ୍ଦରାଦ୍ରିକୃତାଵାସାଃ କଲିପ୍ରମଥନୋ ଵିରାଟ୍ ।
ପିନାକୀ ମାନସୋତ୍ସାହୀ ସୁମୁଖୋ ମଖରକ୍ଷିତଃ ॥ ୪୨ ॥ var ସୁଖରକ୍ଷିତଃ
ଦେଵମୁଖ୍ୟଃଶମ୍ଭୁରାଦ୍ୟଃ ଖଲହା ଖ୍ୟାତିମାନ୍ କଵିଃ ।
କର୍ପୂରଗୌରଃ କୃତଧୀଃ କାର୍ୟକର୍ତା କୃତାଧ୍ଵରଃ ॥ ୪୩ ॥
ତୁଷ୍ଟିପ୍ରଦସ୍ତମୋହନ୍ତା ନାଦଲୁବ୍ଧଃ ସ୍ଵୟଂ ଵିଭୁଃ । var ପୁଷ୍ଟିପ୍ରଦ
ସିଂହନାଥୋ ୟୋଗନାଥୋ ମନ୍ତ୍ରୋଦ୍ଧାରୋ ଗୁହପ୍ରିୟଃ ॥ ୪୪ ॥
ଭ୍ରମହା ଭଗଵାନ୍ଭଵ୍ୟଃ ଶସ୍ତ୍ରଧୃକ୍ କ୍ଷାଲିତାଶୁଭଃ ।
ଅଶ୍ଵାରୂଢୋ ଵୃଷସ୍କନ୍ଧୋ ଧୃତିମାନ୍ ଵୃଷଭଧ୍ଵଜଃ ॥ ୪୫ ॥
ଅଵଧୂତସଦାଚାରଃ ସଦାତୁଷ୍ଟଃ ସଦାମୁନିଃ ।
ଵଦାନ୍ୟୋ ମ୍ହାଲସାନାଥଃ ଖଣ୍ଡେଶଃ ଶମଵାନ୍ପତିଃ ॥ ୪୬ ॥
ଅଲେଖନୀୟଃ ସଂସାରୀ ସରସ୍ଵତ୍ୟଭିପୂଜିତଃ ।
ସର୍ଵଶାସ୍ତ୍ରାର୍ଥନିପୁଣଃ ସର୍ଵମାୟାନ୍ଵିତୋ ରଥୀ ॥ ୪୭ ॥
ହରିଚନ୍ଦନଲିପ୍ତାଙ୍ଗଃ କସ୍ତୂରୀଶୋଭିତସ୍ତନୁଃ ।
କୁଙ୍କୁମାଗରୁଲିପ୍ତାଙ୍ଗଃ ସିନ୍ଦୂରାଙ୍କିତସତ୍ତନୁଃ ॥ ୪୮ ॥
ଅମୋଘଵରଦଃ ଶେଷଃ ଶିଵନାମା ଜଗଦ୍ଧିତଃ ।
ଭସ୍ମାଙ୍ଗରାଗଃ ସୁକୃତୀ ସର୍ପରାଜୋତ୍ତରୀୟଵାନ୍ ॥ ୪୯ ॥
ବୀଜାକ୍ଷରଂମନ୍ତ୍ରରାଜୋ ମୃତ୍ୟୁଦୃଷ୍ଟିନିଵାରଣଃ ।
ପ୍ରିୟଂଵଦୋ ମହାରାଵୋ ୟୁଵା ଵୃଉଦ୍ଧୋଽତିବାଲକଃ ॥ ୫୦ ॥
ନରନାଥୋ ମହାପ୍ରାଜ୍ଞୋ ଜୟଵାନ୍ସୁରପୁଙ୍ଗଵଃ ।
ଧନରାଟ୍କ୍ଷୋଭହୃଦ୍ଦକ୍ଷଃ ସୁସୈନ୍ୟୋ ହେମମାଲକଃ ॥ ୫୧ ॥
ଆତ୍ମାରାମୋ ଵୃଷ୍ଟିକର୍ତା ନରୋ ନାରାୟଣଃପ୍ରିୟଃ ।
ରଣସ୍ଥୋ ଜୟସନ୍ନାଦୋ ଵ୍ୟୋମସ୍ଥୋ ମେଘଵାନ୍ପ୍ରଭୁଃ ॥ ୫୨ ॥
ସୁଶ୍ରାଵ୍ୟଶବ୍ଦଃ ସତ୍ସେଵ୍ୟସ୍ତୀର୍ଥଵାସୀ ସୁପୁଣ୍ୟଦଃ ।
ଭୈରଵୋ ଗଗନାକାରଃ ସାରମେୟସମାକୁଲଃ ॥ ୫୩ ॥
ମାୟାର୍ଣଵମହାଧୈର୍ୟୋ ଦଶହସ୍ତୋଦ୍ଭୁତଙ୍କରଃ ॥ ୫୪ ॥
ଗୁର୍ଵର୍ଥଦଃ ସତାଂ ନାଥୋ ଦଶଵକ୍ତ୍ରଵରପ୍ରଦଃ ।
ସତ୍କ୍ଷେତ୍ରଵାସଃ ସଦ୍ଵସ୍ତ୍ରୋଭୂରିଦୋ ଭୟଭଞ୍ଜନଃ ॥ ୫୫ ॥
କଲ୍ପନୀହରିତୋ କଲ୍ପଃ ସଜ୍ଜୀକୃତଧନୁର୍ଧରଃ ।
କ୍ଷୀରାର୍ଣଵମହାକ୍ରୀଡଃ ସଦାସାଗରସଦ୍ଗତିଃ ॥ ୫୬ ॥
ସଦାଲୋକଃ ସଦାଵାସଃ ସଦାପାତାଲଵାସକୃତ୍ ।
ପ୍ରଲୟାଗ୍ନି ଜଟୋତ୍ୟୁଗ୍ରଃ ଶିଵସ୍ତ୍ରିଭୁଵନେଶ୍ଵରଃ ॥ ୫୭ ॥
ଉଦୟାଚଲସର୍ଦ୍ଵୀପଃ ପୁଣ୍ୟଶ୍ଲୋକଶିଖାମଣିଃ ।
ମହୋତ୍ସଵଃ ସୁଗାନ୍ଧର୍ଵଃ ସମାଲୋକ୍ୟଃ ସୁଶାନ୍ତଧୀଃ ॥ ୫୮ ॥
ମେରୁଵାସଃ ସୁଗନ୍ଧାଢ୍ୟଃ ଶୀଘ୍ରଲାଭପ୍ରଦୋଽଵ୍ୟୟଃ ।
ଅନିଵାର୍ୟଃ ସୁଧୈର୍ୟାର୍ଥୀ ସଦାର୍ଥିତଫଲପ୍ରଦଃ ॥ ୫୯ ॥
ଗୁଣସିନ୍ଧୁଃ ସିଂହନାଦୋ ମେଘଗର୍ଜିତଶବ୍ଦଵାନ୍ ।
ଭାଣ୍ଡାରସୁନ୍ଦରତନୁର୍ହରିଦ୍ରାଚୂର୍ଣ ମଣ୍ଡିତଃ ॥ ୬୦ ॥
ଗଦାଧରକୃତପ୍ରୈଷୋ ରଜନୀଚୂର୍ଣରଞ୍ଜିତଃ ।
ଘୃତମାରୀ ସମୁତ୍ଥାନଂ କୃତପ୍ରେମପୁରସ୍ଥିତିଃ ॥ ୬୧ ॥
ବହୁରତ୍ନାଙ୍କିତୋ ଭକ୍ତଃ କୋଟିଲାଭପ୍ରଦୋଽନଘଃ ।
ମଲ୍ଲସ୍ତୋତ୍ରପ୍ରହୃଷ୍ଟାତ୍ମା ସଦାଦ୍ଵୀପପୁରପ୍ରଭୁଃ ॥ ୬୨ ॥
ମଣିକାସୁରଵିଦ୍ଵେଷ୍ଟା ନାନାସ୍ଥାନାଵତାରକୃତ୍ ।
ମଲ୍ଲମସ୍ତକଦତ୍ତାଂଘ୍ରିର୍ମଲ୍ଲନାମାଦିନାମଵାନ୍ ॥ ୬୩ ॥
ସତୁରଙ୍ଗମଣିପ୍ରୌଢରୂପସନ୍ନିଧିଭୂଷିତଃ ।
ଧର୍ମଵାନ୍ ହର୍ଷଵାନ୍ଵାଗ୍ମୀ କ୍ରୋଧଵାନ୍ମଦରୂପଵାନ୍ ॥ ୬୪ ॥
ଦମ୍ଭରୂପୀ ଵୀର୍ୟରୂପୀ ଧର୍ମରୂପୀ ସଦାଶିଵଃ ।
ଅହଙ୍କାରୀ ସତ୍ତ୍ଵରୂପୀ ଶୌର୍ୟରୂପୀ ରଣୋତ୍କଟଃ ॥ ୬୫ ॥
ଆତ୍ମରୂପୀ ଜ୍ଞାନରୂପୀ ସକଲାଗମକୃଚ୍ଛିଵଃ ।
ଵିଦ୍ୟାରୂପୀ ଶକ୍ତିରୂପୀ କରୁଣାମୂର୍ତିରାତ୍ମଧୀଃ ॥ ୬୬ ॥
ମଲ୍ଲଜନ୍ୟପରିତୋଷୋ ମଣିଦୈତ୍ୟପ୍ରିୟଙ୍କରଃ ।
ମଣିକାସୁରମୂର୍ଦ୍ଧାଂଘ୍ରିର୍ମଣିଦୈତ୍ୟସ୍ତୁତିପ୍ରିୟଃ ॥ ୬୭ ॥
ମଲ୍ଲସ୍ତୁତିମହାହର୍ଷୋ ମଲ୍ଲାଖ୍ୟାପୂର୍ଵନାମଭାକ୍ ।
ଧୃତମାରୀ ଭଵକ୍ରୋଧୋ ମଣିମଲ୍ଲହିତେରତଃ ॥ ୬୮ ॥
କପାଲମାଲିତୋରସ୍କୋ ମଣିଦୈତ୍ୟଵରପ୍ରଦଃ ।
କପାଲମାଲୀ ପ୍ରତ୍ୟକ୍ଷୋ ମାଣିଦୈତ୍ୟଶିରୋଙ୍ଘ୍ରିଦଃ ॥ ୬୯ ॥
ଧୃତମାରୀ ଭଵକ୍ତ୍ରେଭୋ ମଣିଦୈତ୍ୟହିତେରତଃ ।
ମଣିସ୍ତୋତ୍ରପ୍ରହୃଷ୍ଟାତ୍ମା ମଲ୍ଲାସୁରଗତିପ୍ରଦଃ ॥ ୭୦ ॥
ମଣିଚୂଲାଦ୍ରିନିଲୟୋ ମୈରାଲପ୍ରକରସ୍ତ୍ରିଗଃ ।
ମଲ୍ଲଦେହଶିରଃ ପାଦତଲ ଏକାଦଶାକୃତିଃ ॥ ୭୧ ॥
ମଣିମଲ୍ଲମହାଗର୍ଵହରସ୍ତ୍ର୍ୟକ୍ଷର ଈଶ୍ଵରଃ ।
ଗଙ୍ଗାମ୍ହାଲସିକାଦେଵୋ ମଲ୍ଲଦେହ ଶିରୋନ୍ତକଃ ॥ ୭୨ ॥
ମଣିମଲ୍ଲଵଧୋଦ୍ରିକ୍ତୋ ଧର୍ମପୁତ୍ରପ୍ରିୟଙ୍କରଃ ।
ମଣିକାସୁରସଂହର୍ତା ଵିଷ୍ଣୁଦୈତ୍ୟନିୟୋଜକଃ ॥ ୭୩ ॥
ଅକ୍ଷରୋମାତୃକାରୂପଃ ପିଶାଚଗୁଣମଣ୍ଡିତଃ ।
ଚାମୁଣ୍ଡାନଵକୋଟୀଶଃ ପ୍ରଧାନଂ ମାତୃକାପତିଃ ॥ ୭୪ ॥
ତ୍ରିମୂର୍ତିର୍ମାତୃକାଚାର୍ୟଃ ସାଙ୍ଖ୍ୟୟୋଗାଷ୍ଟଭୈରଵଃ ।
ମଣିମଲ୍ଲସମୁଦ୍ଭୂତଵିଶ୍ଵପୀଡାନିଵାରଣଃ ॥ ୭୫ ॥
ହୁଂଫଡ୍ଵୌଷଟ୍ଵଷଟ୍କାରୋ ୟୋଗିନୀଚକ୍ରପାଲକଃ ।
ତ୍ରୟୀମୂର୍ତିଃ ସୁରାରାମସ୍ତ୍ରିଗୁଣୋ ମାତୃକାମୟଃ ॥ ୭୬ ॥
ଚିନ୍ମାତ୍ରୋ ନିର୍ଗୁଣୋ ଵିଷ୍ଣୁର୍ଵୈଷ୍ଣଵାର୍ଚ୍ୟୋ ଗୁଣାନ୍ଵିତଃ ।
ଖଡ୍ଗୋଦ୍ୟତତନୁଃ ସୋହଂହଂସରୂପଶ୍ଚତୁର୍ମୁଖଃ ॥ ୭୭ ॥ ଆପ୍ତାୟତ୍ତତନୁ
ପଦ୍ମୋଦ୍ଭଵୋ ମାତୃକାର୍ଥୋ ୟୋଗିନୀଚକ୍ରପାଲକଃ ।
ଜନ୍ମମୃତ୍ୟୁଜରାହୀନୋ ୟୋଗିନୀଚକ୍ରନାମକଃ ॥ ୭୮ ॥
ଆଦିତ୍ୟଆଗମାଚାର୍ୟୋ ୟୋଗିନୀଚକ୍ରଵଲ୍ଲଭଃ ।
ସର୍ଗସ୍ଥିତ୍ୟନ୍ତକୃଚ୍ଛ୍ରୀଦଏକାଦଶଶରୀରଵାନ୍ ॥ ୭୯ ॥
ଆହାରଵାନ୍ ହରିର୍ଧାତା ଶିଵଲିଙ୍ଗାର୍ଚନପ୍ରିୟଃ ।
ପ୍ରାଂଶୁଃ ପାଶୁପତାର୍ଚ୍ୟାଂଘ୍ରିର୍ହୁତଭୁଗ୍ୟଜ୍ଞପୂରୁଷଃ ॥ ୮୦ ॥
ବ୍ରହ୍ମଣ୍ୟଦେଵୋ ଗୀତଜ୍ଞୋ ୟୋଗମାୟାପ୍ରଵର୍ତକଃ ।
ଆପଦୁଦ୍ଧାରଣୋ ଢୁଣ୍ଡୀ ଗଙ୍ଗାମୌଲି ପୁରାଣକୃତ୍ ॥ ୮୧ ॥
ଵ୍ୟାପୀ ଵିରୋଧହରଣୋ ଭାରହାରୀ ନରୋତ୍ତମଃ ।
ବ୍ରହ୍ମାଦିଵର୍ଣିତୋ ହାସଃ ସୁରସଙ୍ଘମନୋହରଃ ॥ ୮୨ ॥
ଵିଶାମ୍ପତିର୍ଦିଶାନ୍ନାଥୋ ଵାୟୁଵେଗୋ ଗଵାମ୍ପତିଃ ।
ଅରୂପୀ ପୃଥିଵୀରୂପସ୍ତେଜୋରୂପୋଽନିଲୋ ନରଃ ॥ ୮୩ ॥
ଆକାଶରୂପୀ ନାଦଜ୍ଞୋ ରାଗଜ୍ଞଃ ସର୍ଵଗଃ ଖଗଃ ।
ଅଗାଧୋ ଧର୍ମଶାସ୍ତ୍ରଜ୍ଞ ଏକରାଟ୍ ନିର୍ମଲୋଵିଭୁଃ ॥ ୮୪ ॥
ଧୂତପାପୋ ଗୀର୍ଣଵିଷୋ ଜଗଦ୍ୟୋନିର୍ନିଧାନଵାନ୍ ।
ଜଗତ୍ପିତା ଜଗଦ୍ବନ୍ଧୁର୍ଜଗଦ୍ଧାତା ଜନାଶ୍ରୟଃ ॥ ୮୫ ॥
ଅଗାଧୋ ବୋଧଵାନ୍ବୋଦ୍ଧା କାମଧେନୁର୍ହତାସୁରଃ ।
ଅଣୁର୍ମହାନ୍କୃଶସ୍ଥୂଲୋ ଵଶୀ ଵିଦ୍ଵାନ୍ଧୃତାଧ୍ଵରଃ ॥ ୮୬ ॥
ଅବୋଧବୋଧକୃଦ୍ଵିତ୍ତଦୟାକୃଜ୍ଜୀଵସଂଜ୍ଞିତଃ ।
ଆଦିତେୟୋ ଭକ୍ତିପରୋ ଭକ୍ତାଧୀନୋଽଦ୍ଵୟାଦ୍ଵୟଃ ॥ ୮୭ ॥
ଭକ୍ତାପରାଧଶମନୋ ଦ୍ଵୟାଦ୍ଵୟଵିଵର୍ଜିତଃ ।
ସସ୍ୟଂ ଵିରାଟଃ ଶରଣଂ ଶରଣ୍ୟଂ ଗଣରାଡ୍ଗଣଃ ॥ ୮୮ ॥
ମନ୍ତ୍ରୟନ୍ତ୍ରପ୍ରଭାଵଜ୍ଞୋ ମନ୍ତ୍ରୟନ୍ତ୍ରସ୍ଵରୂପଵାନ୍ ।
ଇତି ଦୋଷହରଃ ଶ୍ରେୟାନ୍ ଭକ୍ତଚିନ୍ତାମଣିଃ ଶୁଭଃ ॥ ୮୯ ॥
ଉଝ୍ଝିତାମଙ୍ଗଲୋ ଧର୍ମ୍ୟୋ ମଙ୍ଗଲାୟତନଂ କଵିଃ ।
ଅନର୍ଥଜ୍ଞୋର୍ଥଦଃ ଶ୍ରେଷ୍ଠଃ ଶ୍ରୌତଧର୍ମପ୍ରଵର୍ତକଃ ॥ ୯୦ ॥
ମନ୍ତ୍ରବୀଜଂ ମନ୍ତ୍ରରାଜୋ ବୀଜମନ୍ତ୍ରଶରୀରଵାନ୍ ।
ଶବ୍ଦଜାଲଵିଵେକଜ୍ଞଃ ଶରସନ୍ଧାନକୃତ୍କୃତୀ ॥ ୯୧ ॥
କାଲକାଲଃ କ୍ରିୟାତୀତସ୍ତର୍କାତୀତଃ ସୁତର୍କକୃତ୍ ।
ସମସ୍ତତତ୍ତ୍ଵଵିତ୍ତତ୍ତ୍ଵଂ କାଲଜ୍ଞଃ କଲିତାସୁରଃ ॥ ୯୨ ॥
ଅଧୀରଧୈର୍ୟକୃତ୍କାଲୋ ଵୀଣାନାଦମନୋରଥଃ ।
ହିରଣ୍ୟରେତା ଆଦିତ୍ୟସ୍ତୁରାଷାଦ୍ଶାରଦାଗୁରୁଃ ॥ ୯୩ ॥
ପୂର୍ଵଃ କାଲକଲାତୀତଃ ପ୍ରପଞ୍ଚକଲନାପରଃ ।
ପ୍ରପଞ୍ଚକଲନାଗ୍ରସ୍ତ ସତ୍ୟସନ୍ଧଃ ଶିଵାପତିଃ ॥ ୯୪ ॥
ମନ୍ତ୍ରୟନ୍ତ୍ରାଧିପୋମନ୍ତ୍ରୋ ମନ୍ତ୍ରୀ ମନ୍ତ୍ରାର୍ଥଵିଗ୍ରହଃ ।
ନାରାୟଣୋ ଵିଧିଃ ଶାସ୍ତା ସର୍ଵାଲକ୍ଷଣନାଶନଃ ॥ ୯୫ ॥
ପ୍ରଧାନଂ ପ୍ରକୃତିଃ ସୂକ୍ଷ୍ମୋଲଘୁର୍ଵିକଟଵିଗ୍ରହଃ ।
କଠିନଃ କରୁଣାନମ୍ରଃ କରୁଣାମିତଵିଗ୍ରହଃ ॥ ୯୬ ॥
ଆକାରଵାନ୍ନିରାକାରଃ କାରାବନ୍ଧଵିମୋଚନଃ ।
ଦୀନନାଥଃ ସୁରକ୍ଷାକୃତ୍ସୁନିର୍ଣୀତଵିଧିଙ୍କରଃ ॥ ୯୭ ॥
ମହାଭାଗ୍ୟୋଦଧିର୍ଵୈଦ୍ୟଃ କରୁଣୋପାତ୍ତଵିଗ୍ରହଃ ।
ନଗଵାସୀ ଗଣାଧାରୋ ଭକ୍ତସାମ୍ରାଜ୍ୟଦାୟକଃ ॥ ୯୮ ॥
ସାର୍ଵଭୌମୋ ନିରାଧାରଃ ସଦସଦ୍ଵ୍ୟକ୍ତିକାରଣମ୍ ।
ଵେଦଵିଦ୍ଵେଦକୃଦ୍ଵୈଦ୍ୟଃ ସଵିତା ଚତୁରାନନଃ ॥ ୯୯ ॥
ହିରଣ୍ୟଗର୍ଭସ୍ତ୍ରିତନୁର୍ଵିଶ୍ଵସାକ୍ଷୀଵିଭାଵସୁଃ ।
ସକଲୋପନିଷଦ୍ଗମ୍ୟଃ ସକଲୋପନିଷଦ୍ଗତିଃ ॥ ୧୦୦ ॥
ଵିଶ୍ଵପାଦ୍ଵିଶ୍ଵତଶ୍ଚକ୍ଷୁର୍ଵିଶ୍ଵତୋ ବାହୁରଚ୍ୟୁତଃ ।
ଵିଶ୍ଵତୋମୁଖ ଆଧାରସ୍ତ୍ରିପାଦ୍ଦିକ୍ପତିରଵ୍ୟୟଃ ॥ ୧୦୧ ॥
ଵ୍ୟାସୋ ଵ୍ୟାସଗୁରୁଃ ସିଦ୍ଧିଃ ସିଦ୍ଧିଦ ସିଦ୍ଧିନାୟକଃ ।
ଜଗଦାତ୍ମା ଜଗତ୍ପ୍ରାଣୋ ଜଗନ୍ମିତ୍ରୋ ଜଗତ୍ପ୍ରିୟଃ ॥ ୧୦୨ ॥
ଦେଵଭୂର୍ଵେଦଭୂର୍ଵିଶ୍ଵଂ ସର୍ଗସ୍ଥିତ୍ୟନ୍ତଖେଲକୃତ୍ ।
ସିଦ୍ଧଚାରଣଗନ୍ଧର୍ଵୟକ୍ଷଵିଦ୍ୟାଧରାର୍ଚିତଃ ॥ ୧୦୩ ॥
ନୀଲକଣ୍ଠୋ ହଲଧରୋ ଗଦାପାଣିର୍ନିରଙ୍କୁଶଃ ।
ସହସ୍ରାକ୍ଷୋ ନଗୋଦ୍ଧାରଃ ସୁରାନୀକ ଜୟାଵହଃ ॥ ୧୦୪ ॥
ଚତୁର୍ଵର୍ଗଃ କୃଷ୍ଣଵର୍ତ୍ମା କାଲନୂପୁରତୋଡରଃ ।
ଊର୍ଧ୍ଵରେତା ଵାକ୍ପତୀଶୋ ନାରଦାଦିମୁନିସ୍ତୁତଃ ॥ ୧୦୫ ॥
ଚିଦାନନ୍ଦଚତୁର୍ୟଜ୍ଞସ୍ତପସ୍ଵୀ କରୁଣାର୍ଣଵଃ । ଚିଦାନନ୍ଦତ୍ତନୁ
ପଞ୍ଚାଗ୍ନିର୍ୟାଗସଂସ୍ଥାକୃଦନନ୍ତଗୁଣନାମଭୃତ୍ ॥ ୧୦୬ ॥
ତ୍ରିଵର୍ଗସୂଦିତାରାତିଃ ସୁରରତ୍ନନ୍ତ୍ରୟୀତନୁଃ ।
ୟାୟଜୂକଶ୍ଚିରଞ୍ଜୀଵୀ ନରରତ୍ନଂ ସହସ୍ରପାତ୍ ॥ ୧୦୭ ॥
ଭାଲଚନ୍ଦ୍ରଶ୍ଚିତାଵାସଃ ସୂର୍ୟମଣ୍ଡଲମଧ୍ୟଗଃ । ଚିରାଵାସଃ
ଅନନ୍ତଶୀର୍ଷା ତ୍ରେତାଗ୍ନିଃପ୍ରସନ୍ନେଷୁନିଷେଵିତଃ ॥ ୧୦୮ ॥
ସଚ୍ଚିତ୍ତପଦ୍ମମାର୍ତଣ୍ଡୋ ନିରାତଙ୍କଃ ପରାୟଣଃ ।
ପୁରାଭଵୋ ନିର୍ଵିକାରଃ ପୂର୍ଣାର୍ଥଃ ପୁଣ୍ୟଭୈରଵଃ ॥ ୧୦୯ ॥
ନିରାଶ୍ରୟଃ ଶମୀଗର୍ଭୋ ନରନାରାୟଣାତ୍ମକଃ ।
ଵେଦାଧ୍ୟୟନସନ୍ତୁଷ୍ଟଶ୍ଚିତାରାମୋ ନରୋତ୍ତମଃ ॥ ୧୧୦ ॥
ଅପାରଧିଷଣଃ ସେଵ୍ୟସ୍ତ୍ରିଵୃତ୍ତିର୍ଗୁଣସାଗରଃ ।
ନିର୍ଵିକାରଃ କ୍ରିୟାଧାରଃ ସୁରମିତ୍ରଂ ସୁରେଷ୍ଟକୃତ୍ ॥ ୧୧୧ ॥
ଆଖୁଵାହଶ୍ଚିଦାନନ୍ଦଃ ସକଲପ୍ରପିତାମହଃ ।
ମନୋଭୀଷ୍ଟସ୍ତପୋନିଷ୍ଠୋ ମଣିମଲ୍ଲଵିମର୍ଦନଃ ॥ ୧୧୨ ॥
ଉଦୟାଚଲ ଅଶ୍ଵତ୍ଥୋ ଅଵଗ୍ରହନିଵାରଣଃ ।
ଶ୍ରୋତା ଵକ୍ତା ଶିଷ୍ଟପାଲଃ ସ୍ଵସ୍ତିଦଃ ସଲିଲାଧିପଃ ॥ ୧୧୩ ॥
ଵର୍ଣାଶ୍ରମଵିଶେଷଜ୍ଞଃ ପର୍ଜନ୍ୟ ସକଲାର୍ତିଭିତ୍ । ସକଲାର୍ତିଜିତ୍
ଵିଶ୍ଵେଶ୍ଵରସ୍ତପୋୟୁକ୍ତଃ କଲିଦୋଷଵିମୋଚନଃ ॥ ୧୧୪ ॥
ଵର୍ଣଵାନ୍ଵର୍ଣରହିତୋ ଵାମାଚାରନିଷେଧକୃତ୍ ।
ସର୍ଵଵେଦାନ୍ତତାତ୍ପର୍ୟସ୍ତପଃସିଦ୍ଧିପ୍ରଦାୟକଃ ॥ ୧୧୫ ॥
ଵିଶ୍ଵସଂହାରରସିକୋ ଜପୟଜ୍ଞାଦିଲୋକଦଃ ।
ନାହଂଵାଦୀ ସୁରାଧ୍ୟକ୍ଷୋ ନୈଷଚୂର୍ଣଃ ସୁଶୋଭିତଃ ॥ ୧୧୬ ॥
ଅହୋରାଜସ୍ତମୋନାଶୋଵିଧିଵକ୍ତ୍ରହରୋନ୍ନଦଃ ।
ଜନସ୍ତପୋ ମହଃ ସତ୍ୟଂଭୂର୍ଭୁଵଃସ୍ଵଃସ୍ଵରୂପଵାନ୍ ॥ ୧୧୭ ॥
ମୈନାକତ୍ରାଣକରଣଃ ସୁମୂର୍ଧା ଭୃକୁଟୀଚରଃ ।
ଵୈଖାନସପତିର୍ଵୈଶ୍ୟଶ୍ଚକ୍ଷୁରାଦିପ୍ରୟୋଜକଃ ॥ ୧୧୮ ॥
ଦତ୍ତାତ୍ରେୟଃ ସମାଧିସ୍ଥୋନଵନାଗସ୍ଵରୂପଵାନ୍ ।
ଜନ୍ମମୃତ୍ୟୁଜରାହୀନୋ ଦୈତ୍ୟଭେତ୍ତେତିହାସଵିତ୍ ॥ ୧୧୯ ॥
ଵର୍ଣାତୀତୋ ଵର୍ତମାନଃ ପ୍ରଜ୍ଞାଦସ୍ତାପିତାସୁରଃ ।
ଚଣ୍ଡହାସଃ କରାଲାସ୍ୟଃ କଲ୍ପାତୀତଶ୍ଚିତାଧିପଃ ॥ ୧୨୦ ॥
ସର୍ଗକୃତ୍ସ୍ଥିତିକୃଦ୍ଧର୍ତା ଅକ୍ଷରସ୍ତ୍ରିଗୁଣପ୍ରିୟଃ ।
ଦ୍ଵାଦଶାତ୍ମା ଗୁଣାତୀତସ୍ତ୍ରିଗୁଣସ୍ତ୍ରିଜଗତ୍ପତିଃ ॥ ୧୨୧ ॥
ଜ୍ଵଲନୋ ଵରୁଣୋ ଵିନ୍ଧ୍ୟଃ ଶମନୋ ନିରୃତିଃ ପୃଥୁଃ ।
କୃଶାନୁରେତା ଦୈତ୍ୟାରିସ୍ତୀର୍ଥରୂପୋ କୁଲାଚଲଃ ॥ ୧୨୨ ॥
ଦେଶକାଲାପରିଚ୍ଛେଦ୍ୟୋ ଵିଶ୍ଵଗ୍ରାସଵିଲାସକୃତ୍ ।
ଜଠରୋ ଵିଶ୍ଵସଂହର୍ତା ଵିଶ୍ଵାଦିଗଣନାୟକଃ ॥ ୧୨୩ ॥
ଶ୍ରୁତିଜ୍ଞୋ ବ୍ରହ୍ମଜିଜ୍ଞାସୁରାହାରପରିଣାମକୃତ୍ ।
ଆତ୍ମଜ୍ଞାନପରଃ ସ୍ଵାନ୍ତୋଽଵ୍ୟକ୍ତୋଽଵ୍ୟକ୍ତଵିଭାଗଵାନ୍ ॥ ୧୨୪ ॥
ସମାଧିଗୁରୁରଵ୍ୟକ୍ତୋଭକ୍ତାଜ୍ଞାନନିଵାରଣଃ ।
କୃତଵର୍ଣସମାଚାରଃ ପରିଵ୍ରାଡଧିପୋ ଗୃହୀ ॥ ୧୨୫ ॥
ମହାକାଲଃ ଖଗପତିଵର୍ଣାଵର୍ଣଵିଭାଗକୃତ୍ ।
କୃତାନ୍ତଃ କୀଲିତେନ୍ଦ୍ରାରିଃ କ୍ଷଣକାଷ୍ଠାଦିରୂପଵାନ୍ ॥ ୧୨୬ ॥
ଵିଶ୍ଵଜିତ୍ତତ୍ତ୍ଵଜିଜ୍ଞାସୁର୍ବ୍ରାହ୍ମଣୋ ବ୍ରହ୍ମଚର୍ୟଵାନ୍ ।
ସର୍ଵଵର୍ଣାଶ୍ରମପରୋ ଵର୍ଣାଶ୍ରମବହିସ୍ଥିତିଃ ॥ ୧୨୭ ॥
ଦୈତ୍ୟାରିର୍ବ୍ରହ୍ମଜିଜ୍ଞାସୁର୍ଵର୍ଣାଶ୍ରମନିଷେଵିତଃ ।
ବ୍ରହ୍ମାଣ୍ଡୋଦରଭୃତ୍କ୍ଷେତ୍ରଂ ସ୍ଵରଵର୍ଣସ୍ଵରୂପକଃ ॥ ୧୨୮ ॥
ଵେଦାନ୍ତଵଚନାତୀତୋ ଵର୍ଣାଶ୍ରମପରାୟଣଃ ।
ଦୃଗ୍ଦୃଶ୍ୟୋଭୟରୂପୈକୋମେନାପତିସମର୍ଚିତଃ ॥ ୧୨୯ ॥
ସତ୍ତ୍ଵସ୍ଥଃ ସକଲଦ୍ରଷ୍ଟା କୃତଵର୍ଣାଶ୍ରମସ୍ଥିତଃ ।
ଵର୍ଣାଶ୍ରମପରିତ୍ରାତା ସଖା ଶୂଦ୍ରାଦିଵର୍ଣଵାନ୍ ॥ ୧୩୦ ॥
ଵସୁଧୋଦ୍ଧାରକରଣଃ କାଲୋପାଧିଃ ସଦାଗତିଃ ।
ଦୈତେୟସୂଦନୋତୀତସ୍ମୃତିଜ୍ଞୋ ଵଡଵାନଲଃ ॥ ୧୩୧ ॥
ସମୁଦ୍ରମଥନାଚାର୍ୟୋ ଵନସ୍ଥୋୟଜ୍ଞଦୈଵତମ୍ ।
ଦୃଷ୍ଟାଦୃଷ୍ଟକ୍ରିୟାତୀତୋ ହେମାଦ୍ରିର୍ହରିଚନ୍ଦନଃ ॥ ୧୩୨ ॥
ନିଷିଦ୍ଧନାସ୍ତିକମତିର୍ୟଜ୍ଞଭୁକ୍ପାରିଜାତକଃ ।
ସହସ୍ରଭୁଜହାଶାନ୍ତଃ ପାପାରିକ୍ଷୀରସାଗରଃ ॥ ୧୩୩ ॥
ରାଜାଧିରାଜସନ୍ତାନଃ କଲ୍ପଵୃକ୍ଷସ୍ତନୂନପାତ୍ ।
ଧନ୍ଵନ୍ତରିର୍ଵେଦଵକ୍ତା ଚିତାଭସ୍ମାଙ୍ଗରାଗଵାନ୍ ॥ ୧୩୪ ॥
କାଶୀଶ୍ଵରଃ ଶ୍ରୋଣିଭଦ୍ରୋ ବାଣାସୁରଵରପ୍ରଦଃ ।
ରଜସ୍ଥଃ ଖଣ୍ଢିତାଧର୍ମ ଆଭିଚାରନିଵାରଣଃ ॥ ୧୩୫ ॥
ମନ୍ଦରୋ ୟାଗଫଲଦସ୍ତମସ୍ଥୋ ଦମଵାନ୍ଶମୀ ।
ଵର୍ଣାଶ୍ରମାଃ ନନ୍ଦପରୋ ଦୃଷ୍ଟାଦୃଷ୍ଟଫଲପ୍ରଦଃ ॥ ୧୩୬ ॥
କପିଲସ୍ତ୍ରିଗୁଣାନନ୍ଦଃ ସହସ୍ରଫଣସେଵିତଃ ।
କୁବେରୋ ହିମଵାଞ୍ଛତ୍ରଂ ତ୍ରୟୀଧର୍ମପ୍ରଵର୍ତକଃ ।
ଆଦିତେୟୋ ୟଜ୍ଞଫଲଂ ଶକ୍ତିତ୍ରୟପରାୟଣଃ ।
ଦୁର୍ଵାସାଃ ପିତୃଲୋକେଶୋଵୀରସିଂହପୁରାଣଵିତ୍ ॥ ୧୩୮ ॥
ଅଗ୍ନିମୀଳେସ୍ଫୁରନ୍ମୂର୍ତିଃ ସାନ୍ତର୍ଜ୍ୟୋତିଃ ସ୍ଵରୂପକଃ ।
ସକଲୋପନିଷତ୍କର୍ତା ଖାଂବରୋ ଋଣମୋଚକଃ ॥ ୧୩୯ ॥
ତତ୍ତ୍ଵଜ୍ୟୋତିଃ ସହସ୍ରାଂଶୁରିଷେତ୍ଵୋର୍ଜଲସତ୍ତନୁଃ ।
ୟୋଗଜ୍ଞାନମହାରାଜଃ ସର୍ଵଵେଦାନ୍ତକାରଣମ୍ ॥ ୧୪୦ ॥
ୟୋଗଜ୍ଞାନସଦାନନ୍ଦଃ ଅଗ୍ନଆୟାହିରୂପଵାନ୍ ।
ଜ୍ୟୋତିରିନ୍ଦ୍ରିୟସଂଵେଦ୍ୟଃ ସ୍ଵାଧିଷ୍ଠାନଵିଜୃମ୍ଭକଃ ॥ ୧୪୧ ॥
ଅଖଣ୍ଡବ୍ରହ୍ମଖଣ୍ଡଶ୍ରୀଃ ଶନ୍ନୋଦେଵୀସ୍ଵରୂପଵାନ୍ ।
ୟୋଗଜ୍ଞାନମହାବୋଧୋ ରହସ୍ୟଂ କ୍ଷେତ୍ରଗୋପକଃ ॥ ୧୪୨ ॥
ଭ୍ରୂମଧ୍ୟଵେକ୍ଷ୍ୟୋ ଗରଲୀ ୟୋଗଜ୍ଞାନ ସଦାଶିଵଃ ।
ଚଣ୍ଡାଚଣ୍ଡବୃହଦ୍ଭାନୁନର୍ୟନସ୍ତ୍ଵରିତାପତିଃ ॥ ୧୪୩ ॥
ଜ୍ଞାନମହାୟୋଗୀ ତତ୍ତ୍ଵଜ୍ୟୋତିଃ ସୁଧାରକଃ ।
ଫଣିବଦ୍ଧଜଟାଜୂଟୋ ବିନ୍ଦୁନାଦକଲାତ୍ମକଃ ॥ ୧୪୪ ॥
ୟୋଗଜ୍ଞାନମହାସେନୋ ଲମ୍ବିକୋର୍ମ୍ୟଭିଷିଞ୍ଚିତଃ ।
ଅନ୍ତର୍ଜ୍ୟୋତିର୍ମୂଲଦେଵୋଽନାହତଃ ସୁଷୁମାଶ୍ରୟଃ ॥ ୧୪୫ ॥
ଭୂତାନ୍ତଵିଦ୍ବ୍ରହ୍ମଭୂତିର୍ୟୋଗଜ୍ଞାନମହେଶ୍ଵରଃ ।
ଶୁକ୍ଲଜ୍ୟୋତିଃ ସ୍ଵରୂପଃ ଶ୍ରୀୟୋଗଜ୍ଞାନମହାର୍ଣଵଃ ॥ ୧୪୬ ॥
ପୂର୍ଣଵିଜ୍ଞାନଭରିତଃ ସତ୍ତ୍ଵଵିଦ୍ୟାଵବୋଧକଃ ।
ୟୋଗଜ୍ଞାନମହାଦେଵଶ୍ଚନ୍ଦ୍ରିକାଦ୍ରଵସୁଦ୍ରଵଃ ॥ ୧୪୭ ॥
ସ୍ଵଭାଵୟନ୍ତ୍ରସଞ୍ଚାରଃ ସହସ୍ରଦଲମଧ୍ୟଗଃ ॥ ୧୪୮ ॥
ଈଶ୍ଵର ଉଵାଚ ।
ସହସ୍ରନାମମଲ୍ଲାରେରିଦଂ ଦିଵ୍ୟଂ ପ୍ରକାଶିତମ୍ ।
ଲୋକାନାଂ କୃପୟା ଦେଵିପ୍ରୀତ୍ୟା ତଵ ଵରାନନେ ॥ ୧୪୯ ॥
ୟ ଇଦଂ ପଠତେ ନିତ୍ୟଂ ପାଠୟେଚ୍ଛୃଣୁୟାଦପି ।
ଭକ୍ତିତୋ ଵା ପ୍ରସଙ୍ଗାଦ୍ଵା ସକଲଂ ଭଦ୍ରମଶ୍ନୁତେ ॥ ୧୫୦ ॥
ପୁସ୍ତକଂ ଲିଖିତଂ ଗେହେ ପୂଜିତଂ ୟତ୍ର ତିଷ୍ଠତି ।
ତତ୍ର ସର୍ଵସମୃଦ୍ଧୀନାମଧିଷ୍ଠାନଂ ନ ସଂଶୟଃ ॥ ୧୫୧ ॥
ସୁତାର୍ଥୀ ଧନଦାରାର୍ଥୀଵିଦ୍ୟାର୍ଥୀ ଵ୍ୟାଧିନାଶକୃତ୍ ।
ୟଶୋର୍ଥୀ ଵିଜୟାର୍ଥୀଚ ତ୍ରିଵାରଂ ପ୍ରତ୍ୟହଂ ପଠେତ୍ ॥ ୧୫୨ ॥
ମହାପାପୋପପାପାନାଂ ପ୍ରାୟଶ୍ଚିତ୍ତାର୍ଥମାଦରାତ୍ ।
ପ୍ରାତସ୍ନାୟୀ ପଠେଦେତତ୍ ଷଣ୍ମାସାତ୍ ସିଦ୍ଧିମାପ୍ନୁୟାତ୍ ॥ ୧୫୩ ॥
ରହସ୍ୟାନାଂ ଚ ପାପାନାଂ ପଠନାଦେଵ ନାଶନମ୍ ।
ସର୍ଵାରିଷ୍ଟପ୍ରଶମନଂ ଦୁଃସ୍ଵପ୍ନଫଲଶାନ୍ତିଦମ୍ ॥ ୧୫୪ ॥
ସୂତିକାବାଲସୌଖ୍ୟାର୍ଥୀ ସୂତିକାୟତନେ ପଠେତ୍ ।
ସୁସୂତିଂ ଲଭତେ ନିତ୍ୟଂ ଗର୍ଭିଣୀ ଶୃଣୁୟାଦପି ॥ ୧୫୫ ॥
ୟାଚନାରୀପତଦ୍ଗର୍ଭାଦୃଢଗର୍ଭାଭଵେତ୍ଧ୍ରୁଵମ୍ ।
ସୁତାସୁତପରୀଵାରମଣ୍ଡିତା ମୋଦତେ ଚିରମ୍ ॥ ୧୫୬ ॥
ଆୟୁଷ୍ୟସନ୍ତତିଂ ନୂନଂ ୟାଭଵେନ୍ମୃତଵତ୍ସକା ।
ଵନ୍ଧ୍ୟାପି ଲଭତେ ଭୀଷ୍ଟସନ୍ତତିଂ ନାତ୍ର ସଂଶୟଃ ॥ ୧୫୭ ॥
ଭର୍ତୁଃ ପ୍ରିୟତ୍ଵମାପ୍ନୋତି ସୌଭାଗ୍ୟଂ ଚ ସୁରୂପତାମ୍ ।
ନସପତ୍ନୀମପିଲଭେଦ୍ଵୈଧଵ୍ୟଂ ନାପ୍ନୁୟାତ୍କ୍ଵଚିତ୍ ॥ ୧୫୮ ॥
ଲଭେତ୍ପ୍ରୀତିମୁଦାସୀନା ପତିଶୁଶ୍ରୂଷଣେରତା ।
ସର୍ଵାଧିକଂ ଵରଂ କନ୍ୟାଵିରହଂ ନ କଦାଚନ ॥ ୧୫୯ ॥
ଜାତିସ୍ମରତ୍ଵମାପ୍ନୋତି ପଠନାଚ୍ଛ୍ରଵଣାଦପି ।
ସ୍ଖଲଦ୍ଗୀଃ ସରଲାଂଵାଣୀଂ କଵିତ୍ଵଂ କଵିତାପ୍ରିୟଃ ॥ ୧୬୦ ॥
ପ୍ରଜ୍ଞାତିଶୟମାପ୍ନୋତି ପଠତାଂ ଗ୍ରନ୍ଥଧାରଣେ ।
ନିର୍ଵିଘ୍ନଂ ସିଦ୍ଧିମାପ୍ନୋତି ୟଃ ପଠେଦ୍ବ୍ରହ୍ମଚର୍ୟଵାନ୍ ॥ ୧୬୧ ॥
ସର୍ଵରକ୍ଷାକରଂ ଶ୍ରେଷ୍ଠଂ ଦୁଷ୍ଟଗ୍ରହନିଵାରଣମ୍ ।
ସର୍ଵୋତ୍ପାତପ୍ରଶମନଂ ବାଲଗ୍ରହଵିନାଶନମ୍ ॥ ୧୬୨ ॥
କୁଷ୍ଠାପସ୍ମାରରୋଗାଦିହରଣଂ ପୁଣ୍ୟଵର୍ଧନମ୍ ।
ଆୟୁର୍ଵୃଦ୍ଧିକରଂ ଚୈଵ ପୁଷ୍ଟିଦଂ ତୋଷଵର୍ଧନମ୍ ॥ ୧୬୩ ॥
ଵିଷମେ ପଥି ଚୋରାଦିସଙ୍ଘାତେ କଲହାଗମେ ।
ରିପୂଣାଂ ସନ୍ନିଧାନେ ଚ ସଂୟମେ ନ ପଠେଦିଦମ୍ ॥ ୧୬୪ ॥
ମନଃ କ୍ଷୋଭଵିଷାଦେ ଚ ହର୍ଷୋତ୍କର୍ଷେ ତଥୈଵଚ ।
ଇଷ୍ଟାରମ୍ଭସମାପ୍ତୋ ଚ ପଠିତଵ୍ୟ ପ୍ରୟତ୍ନତଃ ॥ ୧୬୫ ॥
ସମୁଦ୍ରତରଣେ ପୋତଲଞ୍ଘନେ ଗିରିରୋହଣେ ।
କର୍ଷଣେ ଗଜସିଂହାଦ୍ୟୈଃ ସାଵଧାନେ ପଠେଦିଦମ୍ ॥ ୧୬୬ ॥
ଅଵର୍ଷଣେ ମହୋତ୍ପାତେ ଦୁରତ୍ୟୟଭଵେତ୍ତଥା ।
ଶତଵାରଂ ପଠେଦେତତ୍ସର୍ଵଦୁଷ୍ଟୋପଶାନ୍ତୟେ ॥ ୧୬୭ ॥
ଶନିଵାରେର୍କଵାରେ ଚ ଷଷ୍ଠ୍ୟାଂ ଚ ନିୟତଃ ପଠେତ୍ ।
ମଲ୍ଲାରିଂ ପୂଜୟେଦ୍ଵିପ୍ରାନ୍ଭୋଜୟେଦ୍ଭକ୍ତିପୂର୍ଵକମ୍ ॥ ୧୬୮ ॥
ଉପଵାସୋଥଵା ନକ୍ତମେକଭକ୍ତମୟାଚିତମ୍ ।
ୟଥାଶକ୍ତି ପ୍ରକୁର୍ଵୀତ ଜପେତ୍ସମ୍ପୂଜୟେଦ୍ଧୁନେତ୍ ॥ ୧୬୯ ॥
ଅଗ୍ରଵୃଦ୍ଧ୍ୟା ପଠେଦେତଦ୍ଧୋମପୂଜା ତଥୈଵ ଚ ।
ଭୋଜୟେଦଗ୍ରଵୃଦ୍ଧାନାଂବ୍ରାହ୍ମଣାଶ୍ଚ ସୁଵାସିନୀଃ ॥ ୧୭୦ ॥
ନାନାଜାତିଭଵାନ୍ଭକ୍ତାନ୍ଭୋଜୟେଦନିଵାରିତମ୍ ।
ନାନାପରିମଲୈର୍ଦ୍ଗଵ୍ୟୈଃ ପଲ୍ଲଵୈଃ କୁସୁମୈରପି ॥ ୧୭୧ ॥
ଦମନୋଶୀରପାକ୍ୟାଦିତତ୍ତତ୍କାଲୋଦ୍ଭଵୈଃ ଶୁଭୈଃ ।
ନୈଶଭାଣ୍ଡାରଚୂର୍ଣେନ ନାନାରଞ୍ଜିତତନ୍ଦୁଲୈଃ ॥ ୧୭୨ ॥
ପୂଜୟେନ୍ମ୍ହାଲସାୟୁକ୍ତଂ ମଲ୍ଲାରିଂ ଦେଵଭୂଷିତମ୍ ।
ମଲ୍ଲାରିପୂଜନଂ ହୋମଃ ସ୍ଵଭୂଷାଭକ୍ତପୂଜନମ୍ ॥ ୧୭୩ ॥
ପ୍ରୀତିଦାନୋପୟାଞ୍ଚାଦି ନୈଶଚୂର୍ଣେନ ସିଦ୍ଧିଦମ୍ ।
ୟଥାଶ୍ରମଂ ୟଥାକାଲଂ ୟଥାକୁଲଚିକୀର୍ଷିତମ୍ ॥ ୧୭୪ ॥
ନୈଵେଦ୍ୟଂ ପୂଜନଂ ହୋମଂ କୁର୍ୟାତ୍ସର୍ଵାର୍ଥସିଦ୍ଧୟେ ।
ଶୁଭଂ ଭାଜନମାଦାୟ ଭକ୍ତ୍ୟା ଭୋମଣ୍ଡିତଃ ସ୍ଵୟମ୍ ॥ ୧୭୫ ॥
ୟଥାଵର୍ଣକୁଲାଚାରଂ ପ୍ରସାଦଂ ୟାଚୟେନ୍ମୁହୁଃ ।
ମଲ୍ଲାରିକ୍ଷେତ୍ରମୁଦ୍ଦିଶ୍ୟ ୟାତ୍ରାଂ କ୍ଵାପି ପ୍ରକଲ୍ପୟେତ୍ ॥ ୧୭୬ ॥
ଵିତ୍ତଵ୍ୟୟଶ୍ରମୋ ନାତ୍ର ମୈରାଲସ୍ତେନ ସିଦ୍ଧିଦଃ ।
ମାର୍ଗଶୀର୍ଷେ ଵିଶେଷେଣ ପ୍ରତିପତ୍ଷଷ୍ଠିକାନ୍ତରେ ॥ ୧୭୭ ॥
ପୂଜାଦ୍ୟନୁଷ୍ଠିତଂ ଶକ୍ତ୍ୟା ତଦକ୍ଷୟମସଂଶୟମ୍ ।
ୟଦ୍ୟତ୍ପୂଜାଦିକଂ ଭକ୍ତ୍ୟା ସର୍ଵକାଲମନୁଷ୍ଠିତମ୍ ॥ ୧୭୮ ॥
ଅନନ୍ତଫଲଦଂ ତତ୍ସ୍ୟାନ୍ମାର୍ଗଶୀର୍ଷେ ସକୃତ୍କୃତମ୍ ।
ଧନଧାନ୍ୟାଦିଧେନ୍ଵାଦି ଦାସଦାସୀଗୃହାଦିକମ୍ ॥ ୧୭୯ ॥
ମଲ୍ଲାରିପ୍ରୀତୟେ ଦେୟଂ ଵିଶେଷାନ୍ମାର୍ଗଶୀର୍ଷକେ ।
ଚମ୍ପାଷଷ୍ଠ୍ୟାଂ ସ୍କନ୍ଦଷଷ୍ଠ୍ୟାଂ ତଥା ସର୍ଵେଷୁ ପର୍ଵସୁ ॥ ୧୮୦ ॥
ଚୈତ୍ରଶ୍ରାଵଣପୌଷେଷୁ ପ୍ରୀତୋ ମଲ୍ଲାରିରର୍ଚିତଃ ।
ୟଦ୍ୟତ୍ପ୍ରିୟତମଂ ୟସ୍ୟ ଲୋକସ୍ୟ ସୁଖକାରଣମ୍ ॥ ୧୮୧ ॥
ଵିତ୍ତଶାଠ୍ୟଂ ପରିତ୍ୟଜ୍ୟ ମଲ୍ଲାରିପ୍ରୀତୟେ ପଠେତ୍ ।
ପ୍ରସଙ୍ଗାଦ୍ଵାପି ବାଲ୍ୟାଦ୍ଵା କାପଟ୍ୟାଦ୍ଦମ୍ଭତୋପି ଵା ॥ ୧୮୨ ॥
ୟଃ ପଠେଚ୍ଛ୍ରୁଣୁୟାଦ୍ଵାପି ସର୍ଵାନ୍କାମାନଵାପ୍ନୁୟାତ୍ ।
ଅତିଵଶ୍ୟୋ ଭଵେଦ୍ରାଜା ଲଭତେ କାମିନୀଗଣମ୍ ॥ ୧୮୩ ॥
ୟଦସାଧ୍ୟଂ ଭଵେଲ୍ଲୋକେ ତତ୍ସର୍ଵଂ ଵଶମାନୟେତ୍ ।
ଶସ୍ତ୍ରାଣ୍ୟୁତ୍ପଲସାରାଣି ଭଵେଦ୍ଵହ୍ନି ସୁଶୀତଲଃ ॥ ୧୮୪ ॥
ମିତ୍ରଵଦ୍ଵୈରିଵର୍ଗଃ ସ୍ୟାଦ୍ଵିଷଂ ସ୍ୟାତ୍ପୁଷ୍ଟିଵର୍ଧନମ୍ ।
ଅନ୍ଧୋପିଲଭତେ ଦୃଷ୍ଟିଂ ବଧିରୋପି ଶ୍ରୁତୀ ଲଭେତ୍ ॥ ୧୮୫ ॥
ମୂକୋପି ସରଲାଂ ଵାଣୀଂ ପଠନ୍ଵାପାଠୟନ୍ନପି ।
ଧର୍ମମର୍ଥଂ ଚ କାମଂ ଚ ବହୁଧା କଲ୍ପିତଂ ମୁଦା ॥ ୧୮୬ ॥
ପଠନ୍ଶୃଣ୍ଵନ୍ନଵାପ୍ନୋତି ପାଠଂ ୟୋ ମତିମାନଵଃ ।
ଐହିକଂ ସକଲଂ ଭୁକ୍ତ୍ଵା ଶେଷେ ସ୍ଵର୍ଗମଵାପ୍ନୁୟାତ୍ ॥ ୧୮୭ ॥
ମୁମୁକ୍ଷୁର୍ଲଭତେ ମୋକ୍ଷଂ ପଠନ୍ନିଦମନୁତ୍ତମମ୍ ।
ସର୍ଵକର୍ତୁଃ ଫଲଂ ତସ୍ୟ ସର୍ଵତୀର୍ଥଫଲଂ ତଥା ॥ ୧୮୮ ॥
ସର୍ଵଦାନଫଲଂ ତସ୍ୟ ମଲ୍ଲାରିର୍ୟେନ ପୂଜିତଃ ।
ମଲ୍ଲାରିରିତି ନାମୈକଂ ପୁରୁଷାର୍ଥପ୍ରଦଂ ଧ୍ରୁଵମ୍ ॥ ୧୮୯ ॥
ସହସ୍ରନାମଵିଦ୍ୟାୟାଃ କଃ ଫଲଂ ଵେତ୍ତିତତ୍ତ୍ଵତଃ ।
ଵେଦାସ୍ୟାଧ୍ୟୟନେ ପୁଣ୍ୟଂ ୟୋଗାଭ୍ୟାସେଽପି ୟତ୍ଫଲମ୍ ॥ ୧୯୦ ॥
ସକଲଂ ସମଵାପ୍ନୋତି ମଲ୍ଲାରିଭଜନାତ୍ପ୍ରିୟେ ।
ତଵ ପ୍ରୀତ୍ୟୈ ମୟାଖ୍ୟାତଂ ଲୋକୋପକୃତକାରଣାତ୍ ॥ ୧୯୧ ॥
ସହସ୍ରନାମମଲ୍ଲାରେଃ କିମନ୍ୟଚ୍ଛ୍ରୋତୁମିଚ୍ଛସି ।
ଗୁହ୍ୟାଦ୍ଗୁହ୍ୟଂ ପରଂ ପୁଣ୍ୟଂ ନ ଦେୟଂ ଭକ୍ତିଵର୍ଜିତେ ॥ ୧୯୨ ॥
ଇତି ଶ୍ରୀପଦ୍ମପୁରାଣେ ଶିଵୋପାଖ୍ୟାନେ ମଲ୍ଲାରିପ୍ରସ୍ତାଵେ ଶିଵପାର୍ଵତୀସଂଵାଦେ
ଶିଵପ୍ରୋକ୍ତଂ ମଲ୍ଲାରିସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ।
ଶ୍ରୀସାମ୍ବସଦାଶିଵାର୍ପଣମସ୍ତୁ ॥
॥ ଶୁଭଂଭଵତୁ ॥
ମଲ୍ହାରୀ ସହସ୍ତ୍ରନାମସ୍ତୋତ୍ରମ୍