॥ Muthukkumarasubrahmanyamurti Sahasranama Stotram Bengali Lyrics ॥
॥ শ্রীমুত্তুক্কুমারসুব্রহ্মণ্যমূর্তিসহস্রনামস্তোত্রম্ ॥
শ্রীবৈদ্যেশ্বরমন্দিরস্থিত (কুম্ভঘোণনগরস্য নিকটবর্তি (তমিল়্ নাডু)
বৈত্তীশ্বরন্ কোবিল্) মুত্তুক্কুমারন্ সুব্রহ্মণ্যমূর্তিসহস্রনামস্তোত্রম্
Sahasranama is on Lord Subrahmanya at Vaitheeswaran Koil.
॥ধ্যানম্ ॥
ষড্বক্ত্রং শিখিবাহনং ত্রিনয়নং বল্লীশসেনাপতিং
বজ্রং শক্তিমসিং ত্রিশূলমভয়ং খেটং ধনুশ্চক্রকম্ ।
পাশং কুক্কুটমঙ্কুশং চ বরদং দোর্ভির্দধানং শিবং
সুব্রহ্মণ্যমুপাস্মহে প্রণমতাং ভীতিপ্রণাশোদ্যতম্ ॥
গাঙ্গেয়ং বহ্নিবীজং শরবণজনিতং জ্ঞানশক্তিং কুমারং
ব্রহ্মাণং স্কন্দদেবং গুহমচলভিদং রৌদ্রতেজঃস্বরূপম্ ।
সেনান্যং তারকঘ্নং গজমুখসহিতং কার্তিকেয়ং ষডাস্যং
সুব্রহ্মণ্যং ময়ূরধ্বজসহিতমজং দেবদেবং নমামি ॥
॥ওঁ শ্রীগণেশায় নমঃ ॥
অথ শ্রীমুত্তুক্কুমারসুব্রহ্মণ্যমূর্তিসহস্রনামস্তোত্রম্ ।
অনন্তশ্চামলোঽনাদিরমরোঽনন্তসদ্গুণঃ ।
অচ্যুতশ্চানঘোঽনন্তস্বরূপো নিষ্কলদ্যুতিঃ ॥ ১ ॥
অনন্তফলদোঽখণ্ডরূপোঽনন্তোদরোঽতুলঃ ।
আনুকূল্যোঽনন্তসৌখ্যঃ সুন্দরশ্চামরাধিপঃ ॥ ২ ॥ ১০
ষণ্মাতৃনন্দনঃ স্বর্ণভূষণঃ ষণ্মুখোঽমৃতঃ ।
হরসূনুঃ পিতা চাষ্টাদশার্ণশ্চাদিদেশিকঃ ॥ ৩ ॥
অগজাকুচপীয়ূষভোক্তাঽঽখণ্ডলার্তহৃত্ ।
অনেকাসুরসংহারী তারকব্রহ্মদেশিকঃ ॥ ৪ ॥
সচ্চিদানন্দরূপী চ বিধীন্দ্রসুরবন্দিতঃ ।
কুমারঃ শঙ্করসুতঃ হারকেয়ূরভূষিতঃ ॥ ৫ ॥
ষট্কিরীটধরো ব্রহ্মা আধারশ্চ পরাত্পরঃ ।
আদিত্যসোমভৌমাদিগ্রহদোষবিভঞ্জনঃ ॥ ৬ ॥
শ্রীমান্ শিবগিরীশশ্চ ভক্তসংস্তুতবৈভবঃ ।
অগস্ত্যমুনিসম্বোদ্ধা অমরার্তিপ্রভঞ্জনঃ ॥ ৭ ॥
মুকুন্দভাগিনেয়শ্চ দ্বিষণ্ণেত্রো দ্বিষড্ভুজঃ ।
চন্দ্রার্ককোটিসদৃশঃ শচীমাঙ্গল্যরক্ষকঃ ॥ ৮ ॥
হিমাচলসুতাসূনুঃ সর্বজীবসুখপ্রদঃ ।
আত্মজ্যোতিশ্শক্তিপাণির্ভক্তসংরক্ষণোদ্যতঃ ॥ ৯ ॥
চাতুর্বর্ণ্যেষ্টফলদঃ বল্লীশো দুঃখনাশকঃ ।
সর্বমোক্ষপ্রদঃ পুণ্যদৃশ্যো ভক্তদয়ানিধিঃ ॥ ১০ ॥
কোটিকন্দর্পলাবণ্য ইচ্ছাজ্ঞানক্রিয়ান্বিতঃ ।
হরিব্রহ্মেন্দ্রমৌল্যগ্রছন্নপাদাম্বুজদ্বয়ঃ ॥ ১১ ॥
বল্লীভাষণসুপ্রীতো দিব্যাঙ্গবনমালিকঃ ।
ইষ্টার্থদায়কো বালঃ বালচন্দ্রকলাধরঃ ॥ ১২ ॥
শিষ্টহৃত্পদ্মনিলয়ো দুষ্টচোরকুলান্তকঃ ।
কোটিকোটিমহাসিদ্ধমুনিবন্দিতপাদুকঃ ॥ ১৩ ॥ ৭০
ঈশশ্চেশাধিপশ্চেশদেশিকশ্চেশ্বরাত্মজঃ ।
ঈশানাদিমধ্যান্তব্রহ্মপ্রণবষণ্মুখঃ ॥ ১৪ ॥
ঈশাগ্রো লয়ভীতিঘ্নঃ বিঘ্নরাজসহোদরঃ ।
ইন্দ্রবারুণকৌবেরবিরিঞ্চ্যাদিসুখপ্রদঃ ॥ ১৫ ॥
ঈশকৈলাসনিলয় ঈশসংস্তুতবৈভবঃ ।
কল্পবৃক্ষাদিকৌদার্যস্সর্ববেদাগ্রবাসভূঃ ॥ ১৬ ॥
সর্বসিদ্ধিপ্রদঃ সর্বসুখদঃ কীর্তিমান্ বিভুঃ ।
ইন্দিরারমণপ্রীতঃ মৃত্যুভীত্যাদিনাশকঃ ॥ ১৭ ॥
সর্বশত্রুকুলারণ্যজ্বালাকুলদবানলঃ ।
অণিমাদ্যষ্টসিদ্ধীশো বিধিবিষ্ণ্বীশ্বরাধিপঃ ॥ ১৮ ॥
ষডাধারাম্বুজগতসর্বদেবস্বরূপকঃ ।
শ্রীনীপকুসুমপ্রীত ঈতিবাধাবিনাশকঃ ॥ ১৯ ॥
সর্বপুণ্যস্বরূপী চ দাতৄণাং ফলদায়কঃ ।
দেবেন্দ্রকল্পকো গৌরীসুতো হৃত্কমলালয়ঃ ॥ ২০ ॥
তারকপ্রাণহরণ উগ্রশক্ত্যায়ুধাধিপঃ ।
সর্বাত্মনায়কঃ কুম্ভসম্ভূতপ্রিয়বোধকঃ ॥ ২১ ॥ ১০০
চন্দ্রকোটিপ্রভোল্লাসী হুম্ফট্কারোত্সুকস্তথা ।
দেবেশ্বরো নাগভূষ উদ্যদ্ভাস্করকুণ্ডলঃ ॥ ২২ ॥
উদ্দণ্ডধীরো গম্ভীরঃ কৃপাসাগরলোচনঃ ।
এককালোদিতানেককোটিবালরবিপ্রভঃ ॥ ২৩ ॥
জয়ন্তাদিসুরানেককারাগৃহবিমোচকঃ ।
রুদ্রাধিপ উগ্রবালো রক্তাম্বুজপদদ্বয়ঃ ॥ ২৪ ॥
বিরিঞ্চিকেশবেন্দ্রাদিসর্বদেবাভয়প্রদঃ ।
বল্লীন্দ্রতনয়াদক্ষবামালঙ্কৃতসুন্দরঃ ॥ ২৫ ॥
নতকুম্ভোদ্ভবানেকভক্তসঙ্ঘপ্রিয়ঙ্করঃ ।
সত্যাচলস্থিতঃ শম্ভুবিজ্ঞানসুখবোধকঃ ॥ ২৬ ॥
গৌরীশঙ্করমধ্যস্থো দেবসঙ্ঘামৃতপ্রদঃ ।
উমামহেশনয়নপদ্মাকররবিপ্রভঃ ॥ ২৭ ॥ var দিবাকরঃ
রণরঙ্গরমাপ্রোক্তজয়শ্রবণকৌতুকঃ ।
অহঙ্কৃতমনোদূরো দৈত্যতূলধনঞ্জয়খ্ ॥ ২৮ ॥
ভক্তচিত্তামৃতাম্বোধিঃ মৌনানন্তসুখপ্রদঃ ।
অনেকক্ষেত্রনিলয়ো বাচিকামৃতদায়কঃ ॥ ২৯ ॥
পরাদ্রিস্থোঽর্ণবক্ষেত্রনিলয়ো দেবপূজিতঃ ।
অনেকশৈলনিলয়ো ফলভূধরনায়কঃ ॥ ৩০ ॥
শিবাচলনিবাসী চ শিবক্ষেত্রাধিনায়কঃ ।
মানসীকপুরাধীশঃ শ্রীশৈলালয়সংস্থিতঃ ॥ ৩১ ॥
মূলাধারাম্বুজগতো স্বাধিষ্ঠাননিকেতনঃ ।
মণীপূরকপদ্মস্থ অনাহতসুমস্থিতঃ ॥ ৩২ ॥
বিশুদ্ধিকমলারূঢ আজ্ঞাচক্রান্তরস্থিতঃ ।
পরমাকাশরূপী চ নাদব্রহ্মময়াকৃতিঃ ॥ ৩৩ ॥
মহাশক্তির্মহোনাথঃ সর্বলোকাত্মবিগ্রহঃ ।
মহাবল্লীপ্রিয়স্সর্বরূপী সর্বান্তরস্থিতঃ ॥ ৩৪ ॥
শিবার্থঃ সর্বসঞ্জীবী সমস্তভুবনেশ্বরঃ ।
সর্বসংরক্ষকস্সর্বসংহারকরতাণ্ডবঃ ॥ ৩৫ ॥
চতুর্মুখশিরোদেশমুষ্টিতাডনবিক্রমঃ ।
ব্রহ্মোপদেষ্টা ব্রহ্মাদিসুরলোকসুখপ্রদঃ ॥ ৩৬ ॥
য়জ্ঞদিব্যহবির্ভোক্তা বরদস্সর্বপালকঃ ।
দীনসংরক্ষকোঽব্যাজকরুণাপূরবারিধিঃ ॥ ৩৭ ॥
সর্বলক্ষণসম্পন্নস্সচ্চিদানন্দবিগ্রহঃ ।
ব্রহ্মানন্দাব্ধিশীতাংশুঃ করুণাপূর্ণলোচনঃ ॥ ৩৮ ॥
একাক্ষরময়শ্চৈব একাক্ষরপরার্থদঃ ।
একাক্ষরপরঞ্জ্যোতিরেকান্তমতিবোধকঃ ॥ ৩৯ ॥
একার্থদায়কশ্চৈকপরশ্চৈকাম্রনায়কঃ ।
একান্তমৌনফলদো বল্লীমোহনতত্পরঃ ॥ ৪০ ॥ ১৮০
সপ্তর্ষিবন্দিতপদো ব্রহ্মাতীতো মুনিস্তুতঃ ।
বল্লীদর্শনসন্তুষ্টো ভক্তাভীষ্টবরপ্রদঃ ॥ ৪১ ॥
উমাশঙ্করমধ্যস্থো মহাবৃষভসংস্থিতঃ ।
সম্পূর্ণস্সর্বলোকাত্মা নীপমাল্যবিভূষিতঃ ॥ ৪২ ॥ ১৯০
কল্মষঘ্নো গিরিশয়ঃ পাপঘ্নো দীনরক্ষকঃ ।
সর্বাভরণভূষাঙ্কো বজ্রশক্ত্যাদিধারকঃ ॥ ৪৩ ॥
পঞ্চাক্ষরস্থঃ পঞ্চাস্যঃ কণ্ঠীরবমুখান্তকঃ ।
পঞ্চভূতাত্মভৃত্পঞ্চভূতেশঃ শচিবন্দিতঃ ॥ ৪৪ ॥
পঞ্চবর্ণঃ পঞ্চবাণকরঃ পঞ্চতরুপ্রভুঃ ।
ঐঙ্কাররূপঃ ক্লীঙ্কারঃ সৌঃকারকরুণানিধিঃ ॥ ৪৫ ॥
অকারাদিক্ষকারান্তময়শ্চৈরাবতার্চিতঃ ।
ঐরাবতগজারূঢস্সর্বভক্তপ্রিয়ঙ্করঃ ॥ ৪৬ ॥
ঐরাবতাত্মজাবল্লীনায়িকাপ্রাণবল্লভঃ ।
চতুষ্ষষ্টিকলানাথো দ্বাত্রিংশল্লক্ষণোজ্জ্বলঃ ॥ ৪৭ ॥
মদনাতীতসৌন্দর্যঃ পাষণ্ডজনদূরগঃ ।
পঞ্চেন্দ্রিয়প্রেরকশ্চ পঞ্চকৃত্যাদিদায়কঃ ॥ ৪৮ ॥ ২২০
পঞ্চকৃত্যেশ্বরঃ পঞ্চমূর্তয়ে পঞ্চামৃতপ্রিয়ঃ ।
একার্থশ্চৈব নির্নাশঃ প্রণবার্থদ এব চ ॥ ৪৯ ॥
সর্বজ্যোতিপ্রকাশী চ রহঃকেলিকুতূহলঃ ।
দিব্যজ্যোতির্বেদময়ঃ বেদমূলোঽর্থসঙ্গ্রহঃ ॥ ৫০ ॥
একানেকস্বরূপী চ রব্যাদিদ্যুতিদায়কঃ ।
ঐরাবতাধিপসুতানয়নানন্দসুন্দরঃ ॥ ৫১ ॥
চিদাকারঃ পরঞ্জ্যোতিঃ লয়োত্পত্তিবিবর্জিতঃ ।
সর্বশত্রুহরো মেষবরারূঢো বিনায়কঃ ॥ ৫২ ॥
একাতপত্রসাম্রাজ্যদায়কঃ সুমুখানুজঃ ।
মৃগীপরশুচাপাসিশক্ত্যাদ্যায়ুধভৃত্করঃ ॥ ৫৩ ॥
শরত্কালঘনানীকমহোদারদ্বিষট্করঃ ।
শ্রীবল্লীবামপার্শ্বস্থো রব্যাদিগ্রহদোষভিদ্ ॥ ৫৪ ॥
পাদকিঙ্কিণিকানাদদৈত্যবিভ্রমদায়কঃ ।
ওঙ্কারজ্যোতিরোঙ্কারবাচকাতীতবৈভবঃ ॥ ৫৫ ॥
ওঙ্কারচিত্সভাসংস্থ ওঙ্কারাদ্ভুতমন্দিরঃ ।
ওঙ্কারমনুসন্দাতা ওঙ্কারগিরিসংস্থিতঃ ॥ ৫৬ ॥
ওঙ্কারনাদশ্রবণ ওঙ্কারাতীতবিগ্রহঃ ।
ওঙ্কারনাদান্তগতঃ ওন্নিত্যাদিষডক্ষরঃ ॥ ৫৭ ॥
ওঙ্কারপীঠকান্তস্থ ওঙ্কারমুকুটাগ্রগঃ ।
ওঙ্কারমূলসম্ভূত ওঙ্কারাদ্যন্তমধ্যগঃ ॥ ৫৮ ॥
ওঙ্কারমূলবীজার্থ ওঙ্কারপরশক্তিমান্ ।
ওঙ্কারবিন্দুরোঙ্কারচিত্ত ওঙ্কারচিত্পুরঃ ॥ ৫৯ ॥ ২৭০
ওঙ্কারফলসত্সার ওঙ্কারজ্ঞানকোবিদঃ ।
ওঙ্কারসচ্চিদানন্দ ওঙ্কারপরমাত্মকঃ ॥ ৬০ ॥
ওঙ্কারসম্ভূতসপ্তকোটিমন্ত্রাধিনায়কঃ ।
ওঙ্কারপ্রণবাকার অকারাদিকলাত্মকঃ ॥ ৬১ ॥ ২৮০
ষডক্ষরো দ্বাদশার্ণঃ প্রণবাগ্রার্ণসংয়ুতঃ ।
মহেশস্তুতিসন্তুষ্টো শিবশক্ত্যক্ষরান্বিতঃ ॥ ৬২ ॥
পরাক্ষরকলোপেতো শিববীজকলাশ্রয়ঃ ।
ঔঙ্কারনাদকরুণ ঔদাসীনজনান্তকঃ ॥ ৬৩ ॥
ঔদুম্বরাশ্বত্থনীপবিল্বাদিসমিদাহুতঃ ।
দুষ্টক্রুদ্ধমনোদূরো শিষ্টসঙ্ঘসমাশ্রিতঃ ॥ ৬৪ ॥
অকারাদ্যক্ষরপ্রাণ অকারদ্যক্ষরার্থকঃ ।
উদারসদ্গুণোপেতো ভক্তৈশ্বর্যপ্রদায়কঃ ॥ ৬৫ ॥
অকারাদিক্ষকারান্তকলাকল্পিতবিগ্রহঃ ।
শ্রীকুম্ভসম্ভবাদীনাং সর্বজ্ঞানোপদেশকৃত্ ॥ ৬৬ ॥
ষডর্ণমন্ত্রস্মরণভক্তাভীষ্টপ্রদায়কঃ ।
স্কন্দমূর্তিশ্চ গাঙ্গেয়ো কলিকল্মষনাশনঃ ॥ ৬৭ ॥
ভক্তসন্নিহিতোঽক্ষোভ্যো শঙ্খপাণিমুখস্তুতঃ ।
ওংশ্রীংহ্রীংসৌংশরবণভবঃ শঙ্করানন্দ এব চ ॥ ৬৮ ॥
শতলক্ষেন্দুসঙ্কাশঃ শান্তঃ শশিধরাত্মজঃ ।
শত্রুনাশকরশ্শম্ভুঃ শচীপতিবরপ্রদঃ ॥ ৬৯ ॥
শক্তিমান্ শক্তিহস্তশ্চ শান্তসর্বপ্রকাশকঃ ।
শরভঃ শঙ্খচক্রাদিধরঃ শঙ্করবোধকঃ ॥ ৭০ ॥
কৃত্তিকাতনয়ঃ কৃষ্ণো শঙ্খপদ্মনিধিপ্রদঃ ।
শক্তিবজ্রাদিসম্পন্নদ্বিষট্করসরোরুহঃ ॥ ৭১ ॥
শঙ্কুকর্ণমহাকর্ণঘণ্টাকর্ণাদিবন্দিতঃ ।
মূলাদিদ্বাদশান্তস্থপদ্মমধ্যনিকেতনঃ ॥ ৭২ ॥
সদ্গুণঃ শঙ্করঃ সাক্ষী সদানন্দঃ সদাশিবঃ ।
জ্ঞানেশ্বরঃ সৃষ্টিকর্তা সর্ববশ্যপ্রদায়কঃ ॥ ৭৩ ॥
বিচিত্রবেষঃ সমরবিজয়ায়ুধধারকঃ ।
ক্রৌঞ্চাসুররিপুঃ শঙ্খপতিঃ সর্বগণেশ্বরঃ ॥ ৭৪ ॥
ণকারতুর্যমন্ত্রার্ণো ণকারার্ণস্বরূপকঃ ।
ণকারমূলমন্ত্রাগ্রো ণকাররবসংস্থিতঃ ॥ ৭৫ ॥
ণকারশিখরারূঢো ণকারাক্ষরমধ্যগঃ ।
ণদ্বিতীয়ো ণত্রিতীয়ঃ ণচতুর্থো ণপঞ্চমঃ ॥ ৭৬ ॥
ণষষ্ঠবর্ণো ণার্ণাদিমন্ত্রষড্ভেদভাসুরঃ ।
ণকারপীঠনিলয়ো নলিনোদ্ভবশিক্ষকঃ ॥ ৭৭ ॥
নাদান্তকূটস্থশ্চৈব নারদপ্রিয় এব চ ।
নাগাশনরথারূঢো নান্দাত্মা নাগভূষণঃ ॥ ৭৮ ॥
নাগাচলপতির্নাগো নবতত্ত্বো নটপ্রিয়ঃ ।
নবগ্রহাদিদোষঘ্নো ণকারস্তম্ভনিষ্ক্রিয়ঃ ॥ ৭৯ ॥
ণকারাক্ষো ণকারেশঃ ণকারবৃষবাহনঃ ।
তত্ত্ববোদ্ধা দৈবমণিঃ ধনধান্যাদিদায়কঃ ॥ ৮০ ॥
বল্লীপতিঃ শুদ্ধান্তরস্তত্ত্বাতীতো হরিপ্রিয়ঃ ।
তত্পরঃ কমলারূঢো ষডাননসরোরুহঃ ॥ ৮১ ॥
ভগবান্ ভয়হন্তা চ ভর্গো ভয়বিমোচকঃ ।
ভানুকোপাদিদৈত্যঘ্নো ভদ্রো ভাগীরথীসুতঃ ॥ ৮২ ॥
ভবাচলমহাবজ্রো ভবারণ্যদবানলঃ ।
ভবতাপসুধাবৃষ্টির্ভবরোগমহৌষধঃ ॥ ৮৩ ॥
ভানুচন্দ্রাগ্নিনয়নো ভাবনাতীতবিগ্রহঃ ।
ভক্তচিত্তাম্বুজারূঢো ভরতোক্তক্রিয়াপ্রিয়ঃ ॥ ৮৪ ॥
ভক্তদেবো ভয়ার্তিঘ্নো ভকারোচ্চাটনক্রিয়ঃ ।
ভারতীশমুকুন্দাদিবাঙ্মনোঽতীতবৈভবঃ ॥ ৮৫ ॥
বিচিত্রপক্ষাশ্বারূঢো ভুজঙ্গেশো দয়ানিধিঃ ।
ঈশফালাক্ষিসম্ভূতো বীরঃ ষট্সময়াধিপঃ ॥ ৮৬ ॥
মহাব্রতো মহাদেবো ভূতেশঃ শিববল্লভঃ ।
মহামায়ী য়জ্ঞভোক্তা মন্ত্রস্থো য়ক্ষরাট্প্রিয়ঃ ॥ ৮৭ ॥
সর্বশ্রেষ্ঠো মহামৃত্যুরূপাসুরবিনাশকঃ ।
রাগাব্জমালিকাভূষো রাগী রাগাম্বরপ্রিয়ঃ ॥ ৮৮ ॥
রাগদ্বেষাদিদোষঘ্নো রাগরত্নবিভূষণঃ ।
রাবণস্তুতিসন্তুষ্টো রতীনায়কবন্দিতঃ ॥ ৮৯ ॥
রম্ভাদিনাট্যসুপ্রীতো রাজীবদললোচনঃ ।
রবচাপধরো রক্ষোবৃন্দতূলহুতাশনঃ ॥ ৯০ ॥
রবিচন্দ্রাদিসম্পূজ্যো রথারোহকুতূহলঃ ।
রবকাঞ্চীবরধরো রবয়ুক্তাঙ্ঘ্রিভূষণঃ ॥ ৯১ ॥
রব্যুদ্ভবসমানেকহারকেয়ূরভূষিতঃ ।
রবিকোটিসমানাভো রত্নহাটকদায়কঃ ॥ ৯২ ॥
শিখীন্দ্রশ্চোরগাকারঃ নিশাদিনবিবর্জিতঃ ।
রমাবাণ্যাদিসম্পূজ্যো লক্ষবীরভটস্তুতঃ ॥ ৯৩ ॥
বীরভূতগণস্তুত্যো শ্রীরামশ্চারুণো রবিঃ ।
বরদো বজ্রহস্তশ্চ বামদেবাদিবন্দিতঃ ॥ ৯৪ ॥
বলারিতনয়ানাথো বরদাভয়সত্করঃ ।
বল্লীশ্বরীপতির্বাগ্মী বল্লীকল্যাণসুন্দরঃ ॥ ৯৫ ॥
বলারিমুখ্যবিবুধবৃন্দদুঃখবিমোচকঃ ।
বাতরোগহরো বর্মরহিতো বাসবেশ্বরঃ ॥ ৯৬ ॥
বাচকস্থো বাসুদেববন্দিতো বকুলপ্রিয়ঃ ।
বাসনাঙ্কিততাম্বূলপূরিতাননপঙ্কজঃ ॥ ৯৭ ॥
বচনাগমনাতীতো বামাঙ্গো বন্দিমোহনঃ ।
বল্লীমনোহরঃ সাধুঃ দেবেন্দ্রপ্রাণদায়কঃ ॥ ৯৮ ॥
দিগন্তবল্লভানন্তমদনোজ্জ্বলরূপভৃত্ ।
সৌন্দর্যার্ণবপীয়ূষস্সর্বাবয়বসুন্দরঃ ॥ ৯৯ ॥
শিশুঃ কৃপালুঃ কাদম্বধরঃ কৌবেরনায়কঃ ।
ধর্মাধারস্সর্বধর্মস্বরূপো ধর্মরক্ষকঃ ॥ ১০০ ॥
সর্বধর্মেশ্বরো বন্ধুস্তীক্ষ্ণোঽনন্তকলান্বিতঃ ।
অনন্তবেদসংবেদ্যঃ স্বামী কনকসুপ্রভঃ ॥ ১০১ ॥
সর্বসাক্ষী সর্বকলাশ্রবণঃ করুণালয়ঃ ।
বাসবস্সর্বকর্তা চ কামঃ কপিলসংস্তুতঃ ॥ ১০২ ॥
কামদঃ কালসংহর্তা কালঃ কামারিসম্ভবঃ ।
কামায়ুধঃ কামধরো শ্রীকৃষ্ণঃ শিখিবাহনঃ ॥ ১০৩ ॥ ৪৯০
কৃপানিধিঃ কৃপাসিন্ধুঃ গিরিরাট্ কৃত্তিকাপ্রিয়ঃ ।
কীর্তিপ্রদঃ কীর্তিধরো গীতনাট্যাদিকপ্রিয়ঃ ॥ ১০৪ ॥
নর্ক্কীরস্তোত্রসন্তুষ্টস্তীর্থেশঃ কুলবিদ্গুহঃ ।
কৌমারস্সর্বগুপ্তশ্চ ক্রৌঞ্চাসুরবিমর্দনঃ ॥ ১০৫ ॥
ইন্দ্রপুণ্যঃ কুলোত্তুঙ্গ অতিতীক্ষ্ণায়ুধো নটঃ ।
কূটস্থঃ শ্রীকরঃ কূটেশান্তকান্তকসম্ভবঃ ॥ ১০৬ ॥
বল্লীভাষণসুপ্রীতো গম্ভীরো ভক্তনায়কঃ ।
সর্বদেবালয়ান্তস্থো নিশ্শোকো নিরুপদ্রবঃ ॥ ১০৭ ॥ ৫২০
কেদারো মদনাধীশো লয়ঘ্নঃ শ্রবণান্বিতঃ ।
পদ্মহস্তো দেবনুতঃ ভক্তার্থো দ্বাদশায়ুধঃ ॥ ১০৮ ॥
কৈবল্যো রজতাদ্রীশো মহারাট্ গোকর্ণাধিপঃ ।
শূরমায়াম্রতরুভিদ্ খণ্ডিতাসুরমণ্ডলঃ ॥ ১০৯ ॥
জয়দুর্গাতিসন্তুষ্টো সর্বদেবস্তবাঙ্কিতঃ ।
হিতঃ কোলাহলশ্চিত্রো নন্দিতশ্চ বৃষাপতিঃ ॥ ১১০ ॥ ৫৪০
নিগমাগ্র্যো মহাঘোরাস্ত্রনাথো গব্যমোদিনি ।
সর্বেশঃ সুগুণশ্চণ্ডো দিব্যকৌস্তুভসন্নিভঃ ॥ ১১১ ॥
চণ্ডপ্রচণ্ডঃ সমরবিজয়ী নিরহঙ্কৃতিঃ ।
সর্বস্বামী চণ্ডহর্তা ষড্বক্ত্রশ্শাম্ভবঃ সুখী ॥ ১১২ ॥
সাঙ্গঃ সায়ুজ্যদঃ সারঃ সামঃ সাম্রাজ্যদায়কঃ ।
সিদ্ধঃ শিবশ্চিদ্গুণশ্চ চিন্ময়শ্চিত্স্বরূপকঃ ॥ ১১৩ ॥
শৃঙ্গাররসসম্পূর্ণশ্চিত্তস্থঃ সামপারগঃ ।
শিবলোকেশ্বরঃ সিদ্ধবরঃ সিদ্ধবরার্চিতঃ ॥ ১১৪ ॥
সর্বজীবস্বরূপী চ শ্রীদঃ শ্রীধরবন্দিতঃ ।
শুদ্ধঃ শীতঃ স্বয়ঞ্জ্যোতিঃ সুব্রহ্মণ্যঃ শুভপ্রদঃ ॥ ১১৫ ॥
শ্রুতিজ্ঞঃ সুলভঃ শূরঃ শুদ্ধধীরশ্চ শূরহা ।
শূরাত্মশোধকঃ শূরস্মর্তা চ বিভবপ্রদঃ ॥ ১১৬ ॥
সর্বৈশ্বর্যপ্রদঃ সর্বজয়দো ব্রহ্মসম্ভবঃ ।
জয়ধীরঃ শ্রীকরশ্চ সিন্ধুক্ষেত্রঃ সলক্ষণঃ/সুলক্ষণঃ ॥ ১১৭ ॥
অভক্তকালো রক্তাভশেখরোঽতুলবিক্রমঃ ।
শৈবাধিপঃ শৈবমণিঃ শৈবধন্যশ্শিবাত্পরঃ ॥ ১১৮ ॥
চৈতন্যঃ ক্রৌঞ্চভেদী চ গিরীশো নিগমেশ্বরঃ ।
স্বর্গাধিপস্সুরূপী চ স্বর্গলোকাদিসৌখ্যদঃ ॥ ১১৯ ॥
স্বচ্ছঃ স্বয়ম্ভূর্ভৌমাখ্যস্সোমধৃত্কুক্কুটধ্বজঃ ।
জ্যোতির্হল্লকশৈলস্থঃ সোমঃ শোকভয়াপহঃ ॥ ১২০ ॥
হিতঃ পশুপতিঃ সৌম্যো নতসৌভাগ্যদায়কঃ ।
সৌবর্ণবীজঃ সৌন্দর্যো দণ্ডপাণির্ধনপ্রদঃ ॥ ১২১ ॥
একদেবঃ সর্বপিতা ধনিকো দ্রাবিডপ্রিয়ঃ ।
চণ্ডারিস্তারকঃ স্থাণুঃ সর্বধান্যপ্রদায়কঃ ॥ ১২২ ॥
মাতৃভূতস্তারকারির্দিব্যমাল্যবিভূষিতঃ ।
চিত্সভেশো দিশান্নাথঃ ধনুর্হস্তো মহাভুজঃ ॥ ১২৩ ॥ ৬৪০
মহাগুণো মহাশৌর্যঃ সর্বদারিদ্র্যনাশকঃ ।
দীর্ঘো দিগম্বরস্তীর্থঃ সর্বতীর্থফলপ্রদঃ ॥ ১২৪ ॥
রোগঘ্নো দুষ্টহর্তা চ সর্বদুষ্টভয়ঙ্করঃ ।
আত্মজ্যোতিঃ পবিত্রশ্চ হৃদ্গতশ্চ সহায়কৃত্ ॥ ১২৫ ॥
কারণস্থূলসূক্ষ্মান্তোঽমৃতবর্ষী চিদম্বরঃ ।
পরমাকাশরূপী চ প্রলয়ানলসন্নিভঃ ॥ ১২৬ ॥
দেবো দক্ষিণকৈলাসবাসী বল্লীকরাঞ্চিতঃ ।
দৃঢো দিব্যোঽমৃতকরো দেবেশো দৈবতপ্রভুঃ ॥ ১২৭ ॥
কদম্বমালাপীয়ূষাপ্লুতবক্ষস্থলান্বিতঃ ।
দেবসেনাপতির্দেবধন্যো দেবগিরিস্থিতঃ ॥ ১২৮ ॥
সর্বজ্ঞো দেশিকো ধৈর্যঃ সুরবৈরিকুলান্তকঃ ।
বটুকানন্দনায়োদ্যদ্বাদ্যঘোষামিতপ্রিয়ঃ ॥ ১২৯ ॥
পুষ্যর্ক্ষঃ কুণ্ডলধরো নিত্যো দোষবিভঞ্জনঃ ।
প্রারব্ধসঞ্চিতাগাম্যপাতকাদিপ্রভঞ্জনঃ ॥ ১৩০ ॥
মহাজয়ো মহাভূতো বীরবাহ্বাদিবন্দিতঃ ।
চোরারিঃ সত্ত্বমার্গস্থঃ অলক্ষ্মীমলনাশকঃ ॥ ১৩১ ॥
স্তুতিমালালঙ্কৃতাঢ্যো নন্দীকেশো হরপ্রিয়ঃ ।
সর্বসৌখ্যপ্রদাতা চ নববীরসমাবৃতঃ ॥ ১৩২ ॥
পরমেশো মহারুদ্রো মহাবিষ্ণুঃ প্রজাপতিঃ ।
বীণাধরমুনিস্তুত্যশ্চতুর্বর্গফলপ্রদঃ ॥ ১৩৩ ॥
নির্গুণশ্চ নিরালম্বো নির্মলো বিষ্ণুবল্লভঃ ।
নিরাময়ো নিত্যশুদ্ধো নিত্যমঙ্গলবিগ্রহঃ ॥ ১৩৪ ॥
শিখণ্ডী নীপবাহুশ্চ নীতির্নীরাজনদ্যুতিঃ ।
নিষ্কোপশ্চ মহোদ্যানঃ সূক্ষ্মো মের্বাদিমন্দিরঃ ॥ ১৩৫ ॥
সূক্ষ্মাতিসূক্ষ্মো ভালাক্ষো মহান্ সর্বোপদেশকঃ ।
সর্ববেষকলাতীত উপবীতী শতক্রতুঃ ॥ ১৩৬ ॥ ৭২০
বেদাগমপুরাণজ্ঞো নূপুরাঙ্ঘ্রিসরোরূহঃ ।
হৃত্পূর্ণঃ পঞ্চভূতস্থো কৃপামার্গোঽম্বুজাশ্রয়ঃ ॥ ১৩৭ ॥
সন্নিধিঃ প্রীতচিত্তোঽথ নিষ্প্রীতিশ্চাত্মসংস্থিতঃ ।
ঔপম্যরহিতঃ প্রীতচিত্তগো নৈমিশাশ্রয়ঃ ॥ ১৩৮ ॥
নৈমিশারণ্যনিবসন্মুনীন্দ্রনিকরস্তুতঃ ।
ঘণ্টারবপ্রীতমনাঃ দয়াচিত্তো সতাঙ্গতিঃ ॥ ১৩৯ ॥ ৭৪০
সর্বাপদান্নিহন্তা চ সদ্যোঽভীষ্টবরপ্রদঃ ।
সর্বজীবান্তরজ্যোতিশ্ছন্দস্সারো মহৌষধিঃ ॥ ১৪০ ॥
পঞ্চাক্ষরপরঞ্জ্যোতিঃ সূক্ষ্মপঞ্চেন্দ্রিয়দ্যুতিঃ ।
জ্ঞানচক্ষুর্গতজ্যোতিঃ সৌঙ্কারপরমদ্যুতিঃ ॥ ১৪১ ॥
পরশ্চ ফলশৈলস্থঃ বালরূপঃ পরাঙ্গকঃ ।
পরমেষ্ঠী পরন্ধাম পাপনাশী পরাত্পরঃ ॥ ১৪২ ॥
গোক্ষীরধবলপ্রখ্যঃ পার্বতীপ্রিয়নন্দনঃ ।
কটাক্ষকরুণাসিন্ধুর্যমবৃক্ষকুঠারিকঃ ॥ ১৪৩ ॥
প্রভুঃ কপর্দী ব্রহ্মেশঃ ব্রহ্মবিদ্ পিঙ্গলপ্রভঃ ।
স্বাধিষ্ঠানপুরাধীশঃ সর্বব্যাধিবিনাশকঃ ॥ ১৪৪ ॥
বৈভবঃ কনকাভাসঃ ভীষণো নিগমাসনঃ ।
ভীতিঘ্নস্সর্বদেবেড্যঃ পুণ্যস্সত্ত্বগুণালয়ঃ ॥ ১৪৫ ॥
পুণ্যাধিপঃ পুষ্করাক্ষঃ পুণ্ডরীকপুরাশ্রয়ঃ ।
পুরাণঃ পুঙ্গবঃ পূর্ণঃ ভূধরো ভূতিধারকঃ ॥ ১৪৬ ॥ ৭৮০
প্রাচীনঃ পুষ্পসদ্গন্ধঃ রক্তপুষ্পপ্রিয়ঙ্করঃ ।
বৃদ্ধো মহামতিকরঃ মহোল্লাসো মহাগুণঃ ॥ ১৪৭ ॥
মোক্ষদায়ী বৃষাঙ্কস্থঃ য়জমানস্বরূপভৃত্ ।
অভেদ্যো মৌনরূপী চ ব্রহ্মানন্দো মহোদরঃ ॥ ১৪৮ ॥
ভূতপ্রেতপিশাচঘ্নঃ শিখী সাহস্রনামকঃ ।
কিরাততনয়াপাণিপদ্মগ্রহণলোলুপঃ ॥ ১৪৯ ॥
নীলোত্পলধরো নাগকঙ্কণঃ স্বর্ণপঙ্কজঃ ।
সুবর্ণপঙ্কজারূঢঃ সুবর্ণমণিভূষণঃ ॥ ১৫০ ॥
সুবর্ণশৈলশৃঙ্গস্থঃ সুবর্ণাগদশোভিতঃ ।
কালজ্ঞানী মহাজ্ঞানী অমরাচলনায়কঃ ॥ ১৫১ ॥
লয়সম্ভবনির্মুক্তঃ কমলোদ্ভবদণ্ডকঃ ।
সপ্তাব্ধিশোষকৃদষ্টকুলাচলবিভেদকঃ ॥ ১৫২ ॥
মন্ত্রবীজো বরাবীজো মন্ত্রাত্মা মন্ত্রনায়কঃ ।
মন্ত্রালয়ো ময়ূরস্থো ময়ূরাচলনায়কঃ ॥ ১৫৩ ॥ ৮২০
মায়াধরো মহামন্ত্রো মহাদেবো মহাবুধঃ ।
মায়াপরো মহামায়ী মহাসেনো মহাপ্রভুঃ ॥ ১৫৪ ॥
অগ্রবুদ্ধিরগ্রগণ্যো মিথ্যাবাদিকুলান্তকঃ ।
মুক্তিগ্রহঃ কল্মষঘ্নঃ সর্বদেবজরাপহঃ ॥ ১৫৫ ॥
সর্বদেবাঙ্কুরো মুক্ত অতিবালো মুনীশ্বরঃ ।
দিগম্বরো ভক্তিনিধিঃ সর্বদেবাগ্রগণ্যকঃ ॥ ১৫৬ ॥
অচ্যুতঃ সর্বসম্পূর্ণো মহাবিষ্ণুসুসংস্তুতঃ ।
মূর্তির্ব্রহ্মাণ্ডকূটস্থো মূলভূতস্ত্রিমূর্তিভৃত্ ॥ ১৫৭ ॥
নামপারায়ণপরভক্তাভীষ্টপ্রদায়কঃ ।
চিদ্রূপঃ ষট্ক্রমানন্দো মহাসারস্বতপ্রদঃ ॥ ১৫৮ ॥
জ্যোতির্ময়ো গিরিশয়ঃ নবদুর্গাভিবন্দিতঃ ।
মুকুটাঙ্গদকেয়ূরকাঞ্চীকিঙ্কিণিভূষিতঃ ॥ ১৫৯ ॥
নারায়ণবিরিঞ্চ্যাদিদেবাভীতিপ্রদায়কঃ ।
মেষারূঢঃ পঞ্চবর্ণঃ সর্ববাদ্যপ্রিয়ঙ্করঃ ॥ ১৬০ ॥
মৌনেশ্বরো মোক্ষনাথঃ দ্বাদশান্তঃপুরেশ্বরঃ ।
দেবাবৃতো দীনবন্ধুর্বল্লীলীলামনোহরঃ ॥ ১৬১ ॥
বন্দারুমহদৈশ্বর্যদায়কো বন্দনপ্রিয়ঃ ।
বকারাচ্ছত্রুসংহর্তা বকারাচ্ছত্রুপীডকঃ ॥ ১৬২ ॥
বকারাচ্ছত্রুবাক্স্তম্ভো বকারাত্কলিনাশকঃ ।
বকারাচ্ছত্রুসংহারী সকারাচ্ছত্রুবঞ্চকঃ ॥ ১৬৩ ॥
বকারাদ্ভূতপৈশাচপ্রেতাদিভয়মোচকঃ ।
বকারাদ্গ্রহদোষঘ্নো বকারাচ্চোরনাশনঃ ॥ ১৬৪ ॥
বকারাত্সিংহসর্পাশ্বব্যাঘ্রাদিভয়মোচকঃ ।
বকারান্নিন্দকশ্রোত্রনেত্রবাক্স্তম্ভনোদ্যতঃ ॥ ১৬৫ ॥
বকারান্মৃত্যুসংহর্তা বকারকুলিশায়ুধঃ ।
বকারার্ণমহারুদ্রো বকারার্ণমহাসিকঃ ॥ ১৬৬ ॥
বকারাদ্বৈরিনররাট্চোরচিত্তাদিবিভ্রমঃ ।
বচস্যো বটুকো বহ্নির্বরুণো বাচকো বসুঃ ॥ ১৬৭ ॥ ৮৯০
বশ্যো বসুপ্রদো দাতা বামনো বচনাত্পরঃ ।
বাগীশো বামনয়নো বামঃ সামপরায়ণঃ ॥ ১৬৮ ॥
বামক্রমার্চনপ্রীতো বিশাখো বিমলো বিধুঃ ।
বিদ্রুমাভো ধনো বীজোঽনন্তসৌদামিনীপ্রভঃ ॥ ১৬৯ ॥
নিরন্তরো মন্দিরশ্চ নববীরনুতাঙ্ঘ্রিকঃ ।
বীরো ভীমঃ কিরাতশ্চ সদাভক্তমনোহরঃ ॥ ১৭০ ॥
সর্বালয়ো রথারূঢ অনন্তপ্রলয়াধিপঃ ।
নামরূপগুণক্ষেত্রভেদাবস্থাবিবর্জিতঃ ॥ ১৭১ ॥
সর্বপুণ্যাধ্বরফলঃ সর্বকর্মফলপ্রদঃ ।
সর্বাগমপুরাণাদিপাঠকৃত্ফলদায়কঃ ॥ ১৭২ ॥
সর্বসম্পত্প্রদঃ সত্যো রাজভোগসুখপ্রদঃ ।
একঃ প্রভুঃ সভানাথো নিষ্কলোঽনন্তবল্লভঃ ॥ ১৭৩ ॥
ওঙ্কারসিন্ধুনাদাগ্রনটনানন্দবৈভবঃ ।
ষডক্ষরজপোদ্যুক্তপ্রারব্ধাদিপ্রভেদকঃ ॥ ১৭৪ ॥
অনন্তভুবনাধীশ আদিমধ্যান্তবর্জিতঃ ।
ইন্দ্রাণীমুখমাঙ্গল্যরক্ষকশ্চেপ্সিতার্থদঃ ॥ ১৭৫ ॥
উদ্যত্কোটিরবিপ্রখ্য ঊরুদণ্ডকরদ্বয়ঃ ।
রুদ্রকোটিসমাকীর্ণলতামণ্ডপমধ্যগঃ ॥ ১৭৬ ॥
এলাদিবাসনাপ্রীত ঐরাবতগজস্থিতঃ ।
ওঙ্কারচিত্সভানাথ ঔদার্যগুণদায়কঃ ॥ ১৭৭ ॥
অম্বিকাহৃদয়ানন্দ অচ্যুতেশবিধিস্তুতঃ ।
করুণারসনিষ্যন্দসম্পূর্ণদ্বাদশেক্ষণঃ ॥ ১৭৮ ॥
খাদিপৃধ্ব্যন্তভূতাত্মা গণ্ডমণ্ডলশোভিতঃ ।
ঘটসম্ভবসুপ্রীতঃ সুন্দরশ্চন্দ্রভূষণঃ ॥ ১৭৯ ॥
ছত্রবর্যধরো জম্ভভেত্তৃসর্বেষ্টদায়কঃ ।
ঝলজ্ঝলিতঝঙ্কারকালীকঙ্কণভূষিতঃ ॥ ১৮০ ॥
জ্ঞানসাগরপূর্ণেন্দু টঙ্কশূলাদিধারকঃ ।
ঠকারমধ্যগো ডম্ভগম্ভীরগুণসম্ভ্রমঃ ॥ ১৮১ ॥ ৯৬০
ঢক্কাশূলধরানেকবটুকাদিমসেবিতঃ ।
ণকারমূলনিলয়স্তাটঙ্কাভরণোজ্জ্বলঃ ॥ ১৮২ ॥
স্থাণুর্দয়ালুর্ধনদো নববীরাদিসংবৃতঃ ।
পাপাচলমহাবজ্রো ফণিভুগ্বাহনস্থিতঃ ॥ ১৮৩ ॥
বলিপ্রিয়ো ভয়ার্তিঘ্নো বরষট্চক্রমধ্যগঃ ।
য়ক্ষাধিপেশো রাজীবলোচনো লক্ষণোজ্জ্বলঃ ॥ ১৮৪ ॥
বল্মীকেশো শরবণভবস্তথা ষণ্মুখসুন্দরঃ ।
সমস্তজগদাধারো হস্তদ্বাদশপঙ্কজঃ ॥ ১৮৫ ॥
লকারতত্ত্বরূপী চ ক্ষমাসম্পূর্ণবারিধিঃ ।
জ্ঞানশক্তিধরঃ স্কন্দঃ অগ্নিভূর্বাহুলেয়কঃ ॥ ১৮৬ ॥
কুমারঃ ষণ্মুখশ্চৈব কৃত্তিকাসুত এব চ ।
শক্ত্যায়ুধধরঃ শরসম্ভবঃ শরবণোদ্ভবঃ ॥ ১৮৭ ॥
গাঙ্গেয়স্তারকারিশ্চ দেবসেনাপতির্গুহঃ ।
ব্রহ্মচারী শিবজ্যোতিঃ ক্রৌঞ্চধারী শিখিস্থিতঃ ॥ ১৮৮ ॥ ১০০০
বিদ্যাপ্রদো বিজয়দো বলদঃ সর্বরক্ষকঃ ।
স্বাশ্রিতশ্রীকরঃ স্বর্ণবর্ণাঙ্গঃ সৌখ্যদায়কঃ ॥ ১৮৯ ॥
ভবস্যদেবস্যসুতঃ সর্বস্যদেবস্যসুতঃ ।
ঈশানস্যদেবস্যসুতঃ পশুপতের্দেবস্যসুতঃ ॥ ১৯০ ॥
রুদ্রস্যদেবস্যসুতঃ উগ্রস্যদেবস্যসুতঃ ।
ভীমস্যদেবস্যসুতঃ মহতোদেবস্যসুতঃ ॥ ১৯১ ॥
শ্রীবল্লীদেবসেনসমেতশ্রীকুমারসুব্রহ্মণ্যমূর্তয়ে নমঃ । ১০১৬
॥ ইতি শ্রীকুমারসুব্রহ্মণ্যমূর্তিসহস্রনামস্তোত্রং সম্পূর্ণম্ ॥
॥ ওঁ নমোভগবতেসুব্রহ্মণ্যায় ॥