॥ RadhikaSahasranamastotram Sanskrit Lyrics ॥
॥ श्रीराधिकासहस्रनामस्तोत्रम् ॥
नारदपञ्चरात्रे ज्ञानामृतसारतः
श्रीपार्वत्युवाच –
देवदेव जगन्नाथ भक्तानुग्रहकारक ।
यद्यस्ति मयि कारुण्यं मयि यद्यस्ति ते दया ॥ १ ॥
यद्यत् त्वया निगदितं तत्सर्वं मे श्रुतं प्रभो ।
गुह्याद् गुह्यतरं यत्तु यत्ते मनसि काशते ॥ २ ॥
त्वया न गदितं यत्तु यस्मै कस्मै कदचन ।
तस्मात् कथय देवेश सहस्रं नाम चोत्तमम् ॥ ३ ॥
श्रीराधाया महदेव्या गोप्या भक्तिप्रसाधनम् ।
ब्रह्माण्डकर्त्री हर्त्री सा कथं गोपीत्वमागता ॥ ४ ॥
श्रीमहादेव उवाच –
शृणु देवि विचित्रार्थां कथां पापहरां शुभाम् ।
नास्ति जन्मानि कर्माणि तस्या नूनं महेश्वरि ॥ ५ ॥
यदा हरिश्चरित्राणि कुरुते कार्यगोरवात् ।
तदा विधते रूपाणि हरिसान्निध्यसाधिनी ॥ ६ ॥
तस्या गोपीत्वभावस्यकारणं गदितं पुरा ।
इदानीं शृणु देवेशि नाम्नां चैव सहस्रकम् ॥ ७ ॥
यन्मया कथितं नैव तन्त्रेष्वपि कदाचन ।
तव स्नेहात्प्रवक्ष्यामि भक्त्या धार्यं मुमुक्षुभिः ॥ ८ ॥
मम प्राणसमा विद्या भव्यते मे त्वहर्निशम् ।
शृणुष्व गिरिजे नित्यं पठस्व च यथामति ॥ ९ ॥
यस्याः प्रसादात् कृष्णस्तु गोलोकेशः परः प्रभुः ।
अस्या नामसहस्रस्य ऋषिर्नारद एव च ।
देवी राधा परा प्रोक्ता चतुर्वर्गप्रसाधिनी ॥ १० ॥
॥अथ सहस्रनामस्तोत्रम् ॥
श्रीराधा राधिका कृष्णवल्लभा कृष्णसम्युता ।
वृन्दावनेश्वरी कृष्णप्रिया मदनमोहिनी ॥ ११ ॥
श्रीमती कृष्णकान्ता च कृष्णानन्दप्रदायिनी ।
यशस्विनी यशोगम्या यशोदानन्दवल्लभा ॥ १२ ॥
दामोदरप्रिया गोपी गोपानन्दकरी तथा ।
कृष्णाङ्गवासिनी हृद्या हरिकान्ता हरिप्रिया ॥ १३ ॥
प्रधानगोपिका गोपकन्या त्रैलोक्यसुन्दरी ।
वृन्दावनविहारिणी विकशितमुखाम्बुजा ॥ १४ ॥
गोकुलानन्दकर्त्री च गोकुलानन्ददायिनी ।
गतिप्रदा गीतगम्या गमनागमनप्रिया ॥ १५ ॥
विष्णुप्रिया विष्णुकान्ता विष्णोरङ्गनिवासिनी ।
यशोदानन्दपत्नी च यशोदानन्दगेहिनी ॥ १६ ॥
कामारिकान्ता कामेशी कामलालसविग्रहा ।
जयप्रदा जया जीवा जीवानन्दप्रदायिनी ॥ १७ ॥
नन्दनन्दनपत्नी च वृषभानुसुता शिवा ।
गणाध्यक्षा गवाध्यक्षा गवां गतिरनुत्तमा ॥ १८ ॥
काञ्चनाभा हेमगात्रा काञ्चनाङ्गदधारिणी ।
अशोका शोकरहिता विशोका शोकनाशिनी ॥ १९ ॥
गायत्री वेदमाता च वेदातीत विदुत्तमा ।
नीतिशास्त्रप्रिया नीतिगतिर्मतिरभीष्टदा ॥ २० ॥
वेदप्रिया वेदगर्भा वेदमार्गप्रवर्धिनी ।
वेदगम्या वेदपरा विचित्रकनकोज्ज्वला ॥ २१ ॥
तथोज्ज्वलप्रदा नित्या तथैवोज्ज्वलगात्रिका ।
नन्दप्रिया नन्दसुतारध्याऽऽनन्दप्रदा शुभा ॥ २२ ॥
शुभाङ्गी विमलाङ्गी च विलसिन्यपराजिता ।
जननी जन्मशून्या च जन्ममृत्युजरापहा ॥ २३ ॥
गतिर्गतिमतां धात्री धात्र्यानन्दप्रदायिनी ।
जगन्नाथप्रिया शैलवासिनी हेमसुन्दरी ॥ २४ ॥
किशोरी कमला पद्मा पद्महस्ता पयोददा ।
पयस्विनी पयोदात्री पवित्री सर्वमङ्गला ॥ २५ ॥
महाजीवप्रदा कृष्णकान्ता कमलसुन्दरी ।
विचित्रवासिनी चित्रवासिनी चित्ररूपिणी ॥ २६ ॥
निर्गुणा सुकुलीना च निष्कुलीना निराकुला ।
गोकुलान्तरगेहा च योगानन्दकरी तथा ॥ २७ ॥
वेणुवाद्या वेणुरतिः वेणुवाद्यपरायणा ।
गोपालस्यप्रिया सौम्यरूपा सौम्यकुलोद्वहा ॥ २८ ॥
मोहामोहा विमोहा च गतिनिष्ठा गतिप्रदा ।
गीर्वाणवन्द्या गिर्वाणा गिर्वाणगणसेविता ॥ २९ ॥
ललिता च विशोका च विशाखा चित्रमालिनी ।
जितेन्द्रिया शुद्धसत्त्वा कुलीना कुलदीपिका ॥ ३० ॥
दीपप्रिया दीपदात्री विमला विमलोदका ।
कान्तारवासिनी कृष्णा कृष्णचन्द्रप्रिया मतिः ॥ ३१ ॥
अनुत्तरा दुःखहन्त्री दुःखकर्त्री कुलोद्वहा ।
मतिर्लक्ष्मीर्धृतिर्लज्जा कान्तिः पुष्टिः स्मृतिः क्षमा ॥ ३२ ॥
क्षीरोदशायिनी देवी देवारिकुलमर्दिनी ।
वैष्णवी च महालक्ष्मीः कुलपूज्या कुलप्रिया ॥ ३३ ॥
संहर्त्री सर्वदैत्यानां सावित्री वेदगामिनी ।
वेदातीता निरालम्बा निरालम्बगणप्रिया ॥ ३४ ॥
निरालम्बजनैः पूज्या निरालोका निराश्रया ।
एकाङ्गी सर्वगा सेव्या ब्रह्मपत्नी सरस्वती ॥ ३५ ॥
रासप्रिया रासगम्या रासाधिष्ठातृदेवता ।
रसिका रसिकानन्दा स्वयम् रासेश्वरी परा ॥ ३६ ॥
रासमण्डलमध्यस्था रासमण्डलशोभिता ।
रासमण्डलसेव्या च रासक्रीडा मनोहरा ॥ ३७ ॥
पुण्डरीकाक्षनिलया पुण्डरीकाक्षगेहिनी ।
पुण्डरीकाक्षसेव्या च पुण्डरीकाक्षवल्लभा ॥ ३८ ॥
सर्वजीवेश्वरी सर्वजीववन्द्या परात्परा ।
प्रकृतिः शम्भुकान्ता च सदाशिवमनोहरा ॥ ३९ ॥
क्षुत्पिपासा दया निद्रा भ्रान्तिः श्रान्तिः क्षमाकुला ।
वधूरूपा गोपपत्नी भारती सिद्धयोगीनी ॥ ४० ॥
सत्यरूपा नित्यरूपा नित्याङ्गी नित्यगेहिनी ।
स्थानदात्री तथा धात्री महालक्ष्मीः स्वयम्प्रभा ॥ ४१ ॥
सिन्धुकन्याऽऽस्थानदात्री द्वारकावासिनी तथा ।
बुद्धिः स्थितिः स्थानरूपा सर्वकारणकारणा ॥ ४२ ॥
भक्तप्रिया भक्तगम्या भक्तानन्दप्रदायिनी ।
भक्तकल्पद्रुमातीता तथातीतगुणा तथा ॥ ४३ ॥
मनोऽधिष्ठातृदेवी च कृष्णप्रेमपरायणा ।
निरामया सौम्यदात्री तथा मदनमोहिनी ॥ ४४ ॥
एकानंशा शिवा क्षेमा दुर्गा दुर्गतिनाशिनी ।
ईश्वरी सर्ववन्द्या च गोपनीया शुभङ्करी ॥ ४५ ॥
पालिनीसर्वभूतानां तथा कामाङ्गहारिणी ।
सद्योमुक्तिप्रदा देवी वेदसारा परात्परा ॥ ४६ ॥
हिमालयसुता सर्वा पार्वती गिरिजा सती ।
दक्षकन्या देवमाता मन्दलज्जा हरेस्तनुः ॥ ४७ ॥
वृन्दारण्यप्रिया वृन्दा वृन्दावनविलासिनी ।
विलासिनी वैष्णवी च ब्रह्मलोकप्रतिष्ठिता ॥ ४८ ॥
रुक्मिणी रेवती सत्यभामा जाम्बवती तथा ।
सुलक्ष्मणा मित्रविन्दा कालिन्दी जह्नुकन्यका ॥ ४९ ॥
परिपूर्णा पूर्णतरा तथा हैमवती गतिः ।
अपूर्वा ब्रह्मरूपा च ब्रह्माण्डपरिपालिनी ॥ ५० ॥
ब्रह्माण्डभाण्डमद्यस्था ब्रह्माण्डभाण्डरूपिणी ।
अण्डरूपाण्डमध्यस्था तथाण्डपरिपालिनी ॥ ५१ ॥
अण्डबाह्याण्डसंहर्त्री शिवब्रह्महरिप्रिया ।
महाविष्णुप्रिया कल्पवृक्षरूपा निरन्तरा ॥ ५२ ॥
सारभूता स्थिरा गौरी गौराङ्गी शशिशेखरा ।
श्वेतचम्पकवर्णाभा शशिकोटिसमप्रभा ॥ ५३ ॥
मालती माल्यभूषाढ्या मालतीमाल्यधारिणी ।
कृष्णस्तुता कृष्णकान्ता वृन्दावनविलासिनी ॥ ५४ ॥
तुलस्यधिष्ठातृदेवी संसारार्णवपारदा ।
सारदाऽऽहारदाम्भोदा यशोदा गोपनन्दिनी ॥ ५५ ॥
अतीतगमना गौरी परानुग्रहकारिणी ।
करुणार्णवसम्पूर्णा करुणार्णवधारिणी ॥ ५६ ॥
माधवी माधवमनोहारिणी श्यामवल्लभा ।
अन्धकारभयध्वस्ता मङ्गल्या मङ्गलप्रदा ॥ ५७ ॥
श्रीगर्भा श्रीप्रदा श्रीशा श्रीनिवासाच्युतप्रिया ।
श्रीरूपा श्रीहरा श्रीदा श्रीकामा श्रीस्वरूपिणी ॥ ५८ ॥
श्रीदामानन्ददात्री च श्रीदामेश्वरवल्लभा ।
श्रीनितम्बा श्रीगणेशा श्रीस्वरूपाश्रिता श्रुतिः ॥ ५९ ॥
श्रीक्रियारूपिणी श्रीला श्रीकृष्णभजनान्विता ।
श्रीराधा श्रीमती श्रेष्ठा श्रेष्ठरूपा श्रुतिप्रिया ॥ ६० ॥
योगेशी योगमाता च योगातिता युगप्रिया ।
योगप्रिया योगगम्या योगिनीगणवन्दिता ॥ ६१ ॥
जवाकुसुमसङ्कासा दाडिमीकुसुमोपमा ।
नीलाम्बरधरा धीरा धैर्यरूपधरा धृतिः ॥ ६२ ॥
रत्नसिंहासनस्था च रत्नकुण्डलभूषिता ।
रत्नालङ्कारसम्युक्ता रत्नमालाधरा परा ॥ ६३ ॥
रत्नेन्द्रसारहाराढ्या रत्नमालाविभूषिता ।
इन्द्रनीलमणिन्यस्तपादपद्मशुभा शुचिः ॥ ६४ ॥
कार्त्तिकी पौर्णमासी च अमावस्या भयापहा ।
गोविन्दराजगृहिनी गोविन्दगणपूजिता ॥ ६५ ॥
वैकुण्ठनाथगृहिणी वैकुण्ठपरमालया ।
वैकुण्ठदेवदेवाढ्या तथा वैकुण्ठसुन्दरी ॥ ६६ ॥
महालसा वेदवती सीता साध्वी पतिव्रता ।
अन्नपूर्णा सदानन्दरूपा कैवल्यसुन्दरी ॥ ६७ ॥
कैवल्यदायिनी श्रेष्ठा गोपीनाथमनोहरा ।
गोपीनाथेश्वरी चण्डी नायिकानयनान्विता ॥ ६८ ॥
नायिका नायकप्रीता नायकानन्दरूपिणी ।
शेषा शेषवती शेषरूपिणी जगदम्बिका ॥ ६९ ॥
गोपालपालिका माया जायाऽऽनन्दप्रदा तथा ।
कुमारी यौवनानन्दा युवती गोपसुन्दरी ॥ ७० ॥
गोपमाता जानकी च जनकानन्दकारिणी ।
कैलासवासिनी रम्भा वैराग्याकुलदीपिका ॥ ७१ ॥
कमलाकान्तगृहिनी कमला कमलालया ।
त्रैलोक्यमाता जगतामधिष्ठात्री प्रियाम्बिका ॥ ७२ ॥
हरकान्ता हररता हरानन्दप्रदायिनी ।
हरपत्नी हरप्रीता हरतोषणतत्परा ॥ ७३ ॥
हरेश्वरी रामरता रामा रामेश्वरी रमा ।
श्यामला चित्रलेखा च तथा भुवनमोहिनी ॥ ७४ ॥
सुगोपी गोपवनिता गोपराज्यप्रदा शुभा ।
अङ्गावपूर्णा माहेयी मत्स्यराजसुता सती ॥ ७५ ॥
कौमारी नारसिंही च वाराही नवदुर्गिका ।
चञ्चला चञ्चलामोदा नारी भुवनसुन्दरी ॥ ७६ ॥
दक्षयज्ञहरा दाक्षी दक्षकन्या सुलोचना ।
रतिरूपा रतिप्रीता रतिश्रेष्ठा रतिप्रदा ॥ ७७ ॥
रतिर्लक्ष्मणगेहस्था विरजा भुवनेश्वरी ।
शङ्कास्पदा हरेर्जाया जामातृकुलवन्दिता ॥ ७८ ॥
बकुला बकुलामोदधारिणी यमुना जया ।
विजया जयपत्नी च यमलार्जुनभञ्जिनी ॥ ७९ ॥
वक्रेश्वरी वक्ररूपा वक्रवीक्षणवीक्षिता ।
अपराजिता जगन्नाथा जगन्नाथेश्वरी यतिः ॥ ८० ॥
खेचरी खेचरसुता खेचरत्वप्रदायिनी ।
विष्णुवक्षःस्थलस्था च विष्णुभावनतत्परा ॥ ८१ ॥
चन्द्रकोटिसुगात्री च चन्द्राननमनोहरी ।
सेवासेव्या शिवा क्षेमा तथा क्षेमकारी वधूः ॥ ८२ ॥
यादवेन्द्रवधूः सेव्या शिवभक्ता शिवान्विता ।
केवला निष्फला सूक्ष्मा महाभीमाऽभयप्रदा ॥ ८३ ॥
जीमूतरूपा जैमूती जितामित्रप्रमोदिनी ।
गोपालवनिता नन्दा कुलजेन्द्रनिवासिनी ॥ ८४ ॥
जयन्ती यमुनाङ्गी च यमुनातोषकारिणी ।
कलिकल्मषभङ्गा च कलिकल्मषनाशिनी ॥ ८५ ॥
कलिकल्मषरूपा च नित्यानन्दकरी कृपा ।
कृपावती कुलवती कैलासाचलवासिनी ॥ ८६ ॥
वामदेवी वामभागा गोविन्दप्रियकारिणी ।
नरेन्द्रकन्या योगेशी योगिनी योगरूपिणी ॥ ८७ ॥
योगसिद्धा सिद्धरूपा सिद्धक्षेत्रनिवासिनी ।
क्षेत्राधिष्ठातृरूपा च क्षेत्रातीता कुलप्रदा ॥ ८८ ॥
केशवानन्ददात्री च केशवानन्ददायिनी ।
केशवा केशवप्रीता केशवी केशवप्रिया ॥ ८९ ॥
रासक्रीडाकरी रासवासिनी राससुन्दरी ।
गोकुलान्वितदेहा च गोकुलत्वप्रदायिनी ॥ ९० ॥
लवङ्गनाम्नी नारङ्गी नारङ्गकुलमण्डना ।
एलालवङ्गकर्पूरमुखवासमुखान्विता ॥ ९१ ॥
मुख्या मुख्यप्रदा मुख्यरूपा मुख्यनिवासिनी ।
नारायणी कृपातीता करुणामयकारिणी ॥ ९२ ॥
कारुण्या करुणा कर्णा गोकर्णा नागकर्णिका ।
सर्पिणी कौलिनी क्षेत्रवासिनी जगदन्वया ॥ ९३ ॥
जटिला कुटिला नीला नीलाम्बरधरा शुभा ।
नीलाम्बरविधात्री च नीलकण्ठप्रिया तथा ॥ ९४ ॥
भगिनी भागिनी भोग्या कृष्णभोग्या भगेश्वरी ।
बलेश्वरी बलाराध्या कान्ता कान्तनितम्बिनी ॥ ९५ ॥
नितम्बिनी रूपवती युवती कृष्णपीवरी ।
विभावरी वेत्रवती सङ्कटा कुटिलालका ॥ ९६ ॥
नारायणप्रिया शैला सृक्कणीपरिमोहिता ।
दृक्पातमोहिता प्रातराशिनी नवनीतिका ॥ ९७ ॥
नवीना नवनारी च नारङ्गफलशोभिता ।
हैमी हेममुखी चन्द्रमुखी शशिसुशोभना ॥ ९८ ॥
अर्धचन्द्रधरा चन्द्रवल्लभा रोहिणी तमिः ।
तिमिङ्ग्लकुलामोदमत्स्यरूपाङ्गहारिणी ॥ ९९ ॥
कारिणी सर्वभूतानां कार्यातीता किशोरिणी ।
किशोरवल्लभा केशकारिका कामकारिका ॥ १०० ॥
कामेश्वरी कामकला कालिन्दीकूलदीपिका ।
कलिन्दतनयातीरवासिनी तीरगेहिनी ॥ १०१ ॥
कादम्बरीपानपरा कुसुमामोदधारिणी ।
कुमुदा कुमुदानन्दा कृष्णेशी कामवल्लभा ॥ १०२ ॥
तर्काली वैजयन्ती च निम्बदाडिमरूपिणी ।
बिल्ववृक्षप्रिया कृष्णाम्बरा बिल्वोपमस्तनी ॥ १०३ ॥
बिल्वात्मिका बिल्ववपुर्बिल्ववृक्षनिवासिनी ।
तुलसीतोषिका तैतिलानन्दपरितोषिका ॥ १०४ ॥
गजमुक्ता महामुक्ता महामुक्तिफलप्रदा ।
अनङ्गमोहिनी शक्तिरूपा शक्तिस्वरूपिणी ॥ १०५ ॥
पञ्चशक्तिस्वरूपा च शैशवानन्दकारिणी ।
गजेन्द्रगामिनी श्यामलताऽनङ्गलता तथा ॥ १०६ ॥
योषिच्छ्क्तिस्वरूपा च योषिदानन्दकारिणी ।
प्रेमप्रिया प्रेमरूपा प्रेमानन्दतरङ्गिणी ॥ १०७ ॥
प्रेमहारा प्रेमदात्री प्रेमशक्तिमयी तथा ।
कृष्णप्रेमवती धन्या कृष्णप्रेमतरङ्गिणी ॥ १०८ ॥
प्रेमभक्तिप्रदा प्रेमा प्रेमानन्दतरङ्गिणी ।
प्रेमक्रीडापरीताङ्गी प्रेमभक्तितरङ्गिणी ॥ १०९ ॥
प्रेमार्थदायिनी सर्वश्वेता नित्यतरङ्गिणी ।
हावभावान्विता रौद्रा रुद्रानन्दप्रकाशिनी ॥ ११० ॥
कपिला शृङ्खला केशपाशसम्बन्धिनी घटी ।
कुटीरवासिनी धूम्रा धूम्रकेशा जलोदरी ॥ १११ ॥
ब्रह्माण्डगोचरा ब्रह्मरूपिणी भवभाविनी ।
संसारनाशिनी शैवा शैवलानन्ददायिनी ॥ ११२ ॥
शिशिरा हेमरागाढ्या मेघरूपातिसुन्दरी ।
मनोरमा वेगवती वेगाढ्या वेदवादिनी ॥ ११३ ॥
दयान्विता दयाधारा दयारूपा सुसेविनी ।
किशोरसङ्गसंसर्गा गौरचन्द्रानना कला ॥ ११४ ॥
कलाधिनाथवदना कलानाथाधिरोहिणी ।
विरागकुशला हेमपिङ्गला हेममण्डना ॥ ११५ ॥
भाण्डीरतालवनगा कैवर्ती पीवरी शुकी ।
शुकदेवगुणातीता शुकदेवप्रिया सखी ॥ ११६ ॥
विकलोत्कर्षिणी कोषा कौषेयाम्बरधारिणी ।
कोषावरी कोषरूपा जगदुत्पत्तिकारिका ॥ ११७ ॥
सृष्टिस्थितिकरी संहारिणी संहारकारिणी ।
केशशैवलधात्री च चन्द्रगात्री सुकोमला ॥ ११८ ॥
पद्माङ्गरागसंरागा विन्ध्याद्रिपरिवासिणी ।
विन्ध्यालया श्यामसखी सखी संसाररागिणी ॥ ११९ ॥
भूता भविष्या भव्या च भव्यगात्रा भवातिगा ।
भवनाशान्तकारिण्याकाशरूपा सुवेशिनी ॥ १२० ॥
रतिरङ्गपरित्यागा रतिवेगा रतिप्रदा ।
तेजस्विनी तेजोरूप कैवल्यपथदा शुभा ॥ १२१ ॥
भक्तिहेतुर्मुक्तिहेतुलङ्घिनी लङ्घनक्षमा ।
विशालनेत्रा वैसाली विशालकुलसम्भवा ॥ १२२ ॥
विशालगृहवासा च विशालबदरीरतिः ।
भक्त्त्यतीता भक्तगतिर्भक्तिका शिवभक्तिदा ॥ १२३ ॥
शिवशक्तिस्वरूपा च शिवार्धाङ्गविहारिणी ।
शिरीषकुसुमामोदा शिरीषकुसुमोज्ज्वला ॥ १२४ ॥
शिरीषमृद्धी शैरीषी शिरीषकुसुमाकृतिः ।
वामाङ्गहारिणी विष्णोः शिवभक्तिसुखान्विता ॥ १२५ ॥
विजिता विजितामोदा गणगा गणतोषिता ।
हयास्या हेरम्बसुता गणमाता सुखेश्वरी ॥ १२६ ॥
दुःखहन्त्री दुःखहरा सेवितेप्सितसर्वदा ।
सर्वज्ञत्वविधात्री च कुलक्षेत्रनिवासिनी ॥ १२७ ॥
लवङ्गा पाण्डवसखी सखीमध्यनिवासिनी ।
ग्राम्यगीता गया गम्या गमनातीतनिर्भरा ॥ १२८ ॥
सर्वाङ्गसुन्दरी गङ्गा गङ्गाजलमयी तथा ।
गङ्गेरिता पूतगात्रा पवित्रकुलदीपिका ॥ १२९ ॥
पवित्रगुणशीलाढ्या पवित्रानन्ददायिनी ।
पवित्रगुणशीलाढ्या पवित्रकुलदीपिनी ॥ १३० ॥
कल्पमाना कंसहरा विन्ध्याचलनिवासिनी ।
गोवर्धनेश्वरी गोवर्धनहास्या हयाकृतिः ॥ १३१ ॥
मीनावतारा मिनेशी गगनेशी हया गजी ।
हरिणी हरिणी हारधारिणी कनकाकृतिः ॥ १३२ ॥
विद्युत्प्रभा विप्रमाता गोपमाता गयेश्वरी ।
गवेश्वरी गवेशी च गवीशी गविवासिनी ॥ १३३ ॥
गतिज्ञा गीतकुशला दनुजेन्द्रनिवारिणी ।
निर्वाणदात्री नैर्वाणी हेतुयुक्ता गयोत्तरा ॥ १३४ ॥
पर्वताधिनिवासा च निवासकुशला तथा ।
संन्यासधर्मकुशला संन्यासेशी शरन्मुखी ॥ १३५ ॥
शरच्चन्द्रमुखी श्यामहारा क्षेत्रनिवासिनी ।
वसन्तरागसंरागा वसन्तवसनाकृतिः ॥ १३६ ॥
चतुर्भुजा षड्भुजा द्विभुजा गौरविग्रहा ।
सहस्रास्या विहास्या च मुद्रास्या मददायिनी ॥ १३७ ॥
प्राणप्रिया प्राणरूपा प्राणरूपिण्यपावृता ।
कृष्णप्रीता कृष्णरता कृष्णतोषणतत्परा ॥ १३८ ॥
कृष्णप्रेमरता कृष्णभक्ता भक्तफलप्रदा ।
कृष्णप्रेमा प्रेमभक्ता हरिभक्तिप्रदायिनी ॥ १३९ ॥
चैतन्यरूपा चैतन्यप्रिया चैतन्यरूपिणी ।
उग्ररूपा शिवक्रोडा कृष्णक्रोडा जलोदरी ॥ १४० ॥
महोदरी महादुर्गकान्तारसुस्थवासिनी ।
चन्द्रावली चन्द्रकेशी चन्द्रप्रेमतरङ्गिणी ॥ १४१ ॥
समुद्रमथनोद्भूता समुद्रजलवासिनी ।
समुद्रामृतरुपा च समुद्रजलवासिका ॥ १४२ ॥
केशपाशरता निद्रा क्षुधा प्रेमतरङ्गिका ।
दूर्वादलश्यामतनुर्दूर्वादलतनुच्छविः ॥ १४३ ॥
नागरा नागरिरागा नागरानन्दकारिणी ।
नागरालिङ्गनपरा नागराङ्गनमङ्गला ॥ १४४ ॥
उच्चनीचा हैमवती प्रिया कृष्णतरङ्गदा ।
प्रेमालिङ्गनसिद्धाङ्गी सिद्धा साध्यविलासिका ॥ १४५ ॥
मङ्गलामोदजननी मेखलामोदधारिणी ।
रत्नमञ्जीरभूषाङ्गी रत्नभूषणभूषणा ॥ १४६ ॥
जम्बालमालिका कृष्णप्राणा प्राणविमोचना ।
सत्यप्रदा सत्यवती सेवकानन्ददायिका ॥ १४७ ॥
जगद्योनिर्जगद्बीजा विचित्रमणिभूषणा ।
राधारमणकान्ता च राध्या राधनरूपिणी ॥ १४८ ॥
कैलासवासिनी कृष्णप्राणसर्वस्वदायिनी ।
कृष्णावतारनिरता कृष्णभक्तफलार्थिनी ॥ १४९ ॥
याचकायाचकानन्दकारिणी याचकोज्ज्वला ।
हरिभूषणभुषाढ्याऽऽनन्दयुक्ताऽऽर्द्रपदगा ॥ १५० ॥
हैहैतालधरा थैथैशब्दशक्तिप्रकाशिनी ।
हेहेशब्दस्वरुपा च हिहिवाक्यविशारदा ॥ १५१ ॥
जगदानन्दकर्त्री च सान्द्रानन्दविशारदा ।
पण्डिता पण्डितगुणा पण्डितानन्दकारिणी ॥ १५२ ॥
परिपालनकर्त्री च तथा स्थितिविनोदिनी ।
तथा सम्हारशब्दाढ्या विद्वज्जनमनोहरा ॥ १५३ ॥
विदुषां प्रीतिजननी विद्वत्प्रेमविवर्धिनी ।
नादेशी नादरूपा च नादबिन्दुविधारिणी ॥ १५४ ॥
शून्यस्थानस्थिता शून्यरूपपादपवासिनी ।
कार्त्तिकव्रतकर्त्री च वसनाहारिणी तथा ॥ १५५ ॥
जलशाया जलतला शिलातलनिवासिनी ।
क्षुद्रकीटाङ्गसंसर्गा सङ्गदोशविनाशिनी ॥ १५६ ॥
कोटिकन्दर्पलावण्या कन्दर्पकोटिसुन्दरी ।
कन्दर्पकोटिजननी कामबीजप्रदायिनी ॥ १५७ ॥
कामशास्त्रविनोदा च कामशास्त्रप्रकाशिनी ।
कामप्रकाशिका कामिन्यणिमाद्यष्टसिद्धिदा ॥ १५८ ॥
यामिनी यामिनीनाथवदना यामिनीश्वरी ।
यागयोगहरा भुक्तिमुक्तिदात्री हिरण्यदा ॥ १५९ ॥
कपालमालिनी देवी धामरूपिण्यपूर्वदा ।
कृपान्विता गुणा गौण्या गुणातीतफलप्रदा ॥ १६० ॥
कुष्माण्डभूतवेतालनाशिनी शरदान्विता ।
शीतला शवला हेला लीला लावण्यमङ्गला ॥ १६१ ॥
विद्यार्थिनी विद्यमाना विद्या विद्यास्वरूपिणी ।
आन्वीक्षिकी शास्त्ररूपा शास्त्रसिद्धान्तकारिणी ॥ १६२ ॥
नागेन्द्रा नागमाता च क्रीडाकौतुकरूपिणी ।
हरिभावनशीला च हरितोषणतत्परा ॥ १६३ ॥
हरिप्राणा हरप्राणा शिवप्राणा शिवान्विता ।
नरकार्णवसंहन्त्री नरकार्णवनाशिनी ॥ १६४ ॥
नरेश्वरी नरातीता नरसेव्या नराङ्गना ।
यशोदानन्दनप्राणवल्लभा हरिवल्लभा ॥ १६५ ॥
यशोदानन्दनारम्या यशोदानन्दनेश्वरी ।
यशोदानन्दनाक्रिडा यशोदाक्रोडवासिनी ॥ १६६ ॥
यशोदानन्दनप्राणा यशोदानन्दनार्थदा ।
वत्सला कौशला काला करुणार्णवरूपिणी ॥ १६७ ॥
स्वर्गलक्ष्मीर्भूमिलक्ष्मीर्द्रौपदी पाण्डवप्रिया ।
तथार्जुनसखी भौमी भैमी भीमकुलोद्भवा ॥ १६८ ॥
भुवना मोहना क्षीणा पानासक्ततरा तथा ।
पानार्थिनी पानपात्रा पानपानन्ददायिनी ॥ १६९ ॥
दुग्धमन्थनकर्माढ्या दुग्धमन्थनतत्परा ।
दधिभाण्डार्थिनी कृष्णक्रोधिनी नन्दनाङ्गना ॥ १७० ॥
घृतलिप्ता तक्रयुक्ता यमुनापारकौतुका ।
विचित्रकथका कृष्णहास्यभाषणतत्परा ॥ १७१ ॥
गोपाङ्गनावेष्टिता च कृष्णसङ्गार्थिनी तथा ।
रासासक्ता रासरतिरासवासक्तवासना ॥ १७२ ॥
हरिद्रा हरिता हारिण्यानन्दार्पितचेतना ।
निश्चैतन्या च निश्चेता तथा दारुहरिद्रिका ॥ १७३ ॥
सुबलस्य स्वसा कृष्णभार्या भाषातिवेगिनी ।
श्रीदामस्य शखी दामदामिनी दामधारिणी ॥ १७४ ॥
कैलासिनी केशिनी च हरिदम्बरधारिणी ।
हरिसान्निध्यदात्री च हरिकौतुकमङ्गला ॥ १७५ ॥
हरिप्रदा हरिद्वारा यमुनाजलवासिनी ।
जैत्रप्रदा जितार्थी च चतुरा चातुरी तमी ॥ १७६ ॥
तमिस्राऽऽतापरूपा च रौद्ररूपा यशोऽर्थिनी ।
कृष्णार्थिनी कृष्णकला कृष्णानन्दविधायिनी ॥ १७७ ॥
कृष्णार्थवासना कृष्णरागिनी भवभाविनी ।
कृष्णार्थरहिता भक्ता भक्तभक्तिशुभप्रदा ॥ १७८ ॥
श्रीकृष्णरहिता दीना तथा विरहिणी हरेः ।
मथुरा मथुराराजगेहभावनभावना ॥ १७९ ॥
श्रीकृष्णभावनामोदा तथोऽन्मादविधायिनी ।
कृष्णार्थव्याकुला कृष्णसारचर्मधरा शुभा ॥ १८० ॥
अलकेश्वरपूज्या च कुवेरेश्वरवल्लभा ।
धनधान्यविधात्री च जाया काया हया हयी ॥ १८१ ॥
प्रणवा प्रणवेशी च प्रणवार्थस्वरूपिणी ।
ब्रह्मविष्णुशिवार्धाङ्गहारिणी शैवशिंशपा ॥ १८२ ॥
राक्षसीनाशिनी भूतप्रेतप्राणविनाशिनी ।
सकलेप्सितदात्री च शची साध्वी अरुन्धती ॥ १८३ ॥
पतिव्रता पतिप्राणा पतिवाक्यविनोदिनी ।
अशेषसाधनी कल्पवासिनी कल्परूपिणी ॥ १८४ ॥
॥ फलश्रुती ॥
श्रीमहादेव उवाच –
इत्येतत् कथितं देवि राधानामसहस्रकम् ।
यः पठेत् पाठयद्वापि तस्य तुष्यति माधवः ॥ १८५ ॥
किं तस्य यमुनाभिर्वा नदीभिः सर्वतः प्रिये ।
कुरुक्षेत्रादितीर्थैश्च यस्य तुष्टो जनार्दनः ॥ १८६ ॥
स्तोत्रस्यास्य प्रसादेन किं न सिध्यति भूतले ।
ब्राह्मणो ब्रह्मवर्चाः स्यात् क्षत्रियो जगतिपतिः ॥ १८७ ॥
वैश्यो निधिपतिर्भूयात् शूद्रो मुच्येत जन्मतः ।
ब्रह्महत्यासुरापानस्तेयादेरतिपातकात् ॥ १८८ ॥
सद्यो मुच्येत देवेशि सत्यं सत्यं न संशयः ।
राधानामसहस्रस्य समानं नास्ति भूतले ॥ १८९ ॥
स्वर्गे वाप्यथ पाताले गिरौ व जलतोऽपि वा ।
नातः परं शुभं स्तोत्रम् तीर्थं नातः परं परम् ॥ १९० ॥
एकादश्यां शुचिर्भूत्वा यः पठेत् सुसमाहितः ।
तस्य सर्वार्थसिद्धिः स्याच्छृणुयाद् वा सुशोभने ॥ १९१ ॥
द्वादश्यां पौर्णमास्यां वा तुलसीसन्निधौ शिवे ।
यः पठेत् शृणुयाद्वापि तस्य तत्तत् फलं शृणु ॥ १९२ ॥
अश्वमेधं राजसूयं बार्हस्पत्यं तथाऽऽत्रिकम् ।
अतिरात्रं वाजपेयमग्निष्टोमं तथा शुभम् ॥ १९३ ॥
कृत्वा यत् फलमाप्नोति श्रुत्वा तत् फलमाप्नुयात् ।
कार्त्तिके चाष्टमीं प्राप्य पठेद्वा शृणुयादपि ॥ १९४ ॥
सहस्रयुगकल्पान्तं वैकुण्ठवसतिं लभेत् ।
ततश्च ब्रह्मभवने शिवस्य भवने पुनः ॥ १९५ ॥
सुराधिनाथभवने पुनर्याति सलोकताम् ।
गङ्गातीरं समासाद्य यः पठेत् शृणुयादपि ॥ १९६ ॥
विष्णोः सारूप्यमायाति सत्यं सत्यं सुरेश्वरि ।
मम वक्त्रगिरेर्जाता पार्वतीवदनाश्रिता ॥ १९७ ॥
राधानाथसहस्राख्या नदी त्रैलोक्यपावनी ।
पठ्यते हि मया नित्यं भक्त्या शक्त्या यथोचितम् ॥ १९८ ॥
मम प्राणसमं ह्यन्यत्त् तव प्रीत्या प्रकाशितम् ।
नाभक्ताय प्रदातव्यं पाखण्डाय कदाचन ॥ १९९ ॥
नास्तिकायाविरागाय रागयुक्ताय सुन्दरि ।
तथा देयं महास्तोत्रं हरिभक्ताय शङ्करि ॥ २०० ॥
वैष्णवेषु यथाशक्ति दात्रे पुण्यार्थशालिने ।
राधानामसुधावारि मम वक्त्रसुधाम्बुधेः ॥ २०१ ॥
उद्धृतासौ त्वया यत्नात् यतस्त्वं वैष्णवाग्रणीः ॥ २०२ ॥
विशुद्धसत्त्वाय यथार्थवादिने द्विजस्य सेवानिरताय मन्त्रिणे ।
दात्रे यथाशक्ति सुभक्तिमानसे राधापदध्यानपराय शोभने ॥ २०३ ॥
हरिपादाङ्कमधुपमनोभूताय मानसे ।
राधापादसुधास्वादशालिने वैष्णवाय च ॥ २०४ ॥
दद्यात् स्तोत्रं महापुण्यं हरिभक्तिप्रसाधनम् ।
जन्मान्तरं न तस्यास्ति राधाकृष्णपदार्थिनः ॥ २०५ ॥
मम प्राणा वैष्णवा हि तेषां रक्षार्थमेव हि ।
शूलं मया धर्यते हि नान्यथा मेऽत्र कारणम् ॥ २०६ ॥
हरिभक्तिद्विषामर्थे शूलं सन्धर्यते मया ।
शृणु देवि यथार्थं मे गदितं त्वयि सुव्रते ॥ २०७ ॥
भक्तासि मे प्रियासि त्वमतः स्नेहात् प्रकाशितम् ।
कदापि नोच्यते देवि मया नामसहस्रकम् ॥ २०८ ॥
इति नारदपञ्चरात्रे ज्ञानामृतसारतः
श्रीराधिकासहस्रनामस्तोत्र सम्पूर्णम् ।
– Chant Stotra in Other Languages -1000 Names of Radhika:
1000 Names of Sri Radhika – Sahasranama Stotram in Sanskrit – English – Bengali – Gujarati – – Kannada – Malayalam – Odia – Telugu – Tamil