॥ Shakambhari Tatha Vanashankari Sahasranamastotram Odia Lyrics ॥
॥ ଶ୍ରୀଶାକମ୍ଭରୀ ତଥା ଵନଶଙ୍କରୀସହସ୍ରନାମସ୍ତୋତ୍ରମ୍ ॥
ଶାନ୍ତା ଶାରଦଚନ୍ଦ୍ରସୁନ୍ଦରମୁଖୀ ଶାଲ୍ୟନ୍ନଭୋଜ୍ୟପ୍ରିୟା
ଶାକୈଃ ପାଲିତଵିଷ୍ଟପା ଶତଦୃଶା ଶାକୋଲ୍ଲସଦ୍ଵିଗ୍ରହା ।
ଶ୍ୟାମାଙ୍ଗୀ ଶରଣାଗତାର୍ତିଶମନୀ ଶକ୍ରାଦିଭିଃ ଶଂସିତା
ଶଙ୍କର୍ୟଷ୍ଟଫଲପ୍ରଦା ଭଗଵତୀ ଶାକମ୍ଭରୀ ପାତୁ ମାମ୍ ॥
ଶୂଲଂ ପାଶକପାଲଚାପକୁଲିଶାନ୍ବାଣାନ୍ସୃଣିଂ ଖେଟକାଂ
ଶଙ୍କଂ ଚକ୍ରଗଦାହିଖଡ୍ଗମଭୟଂ ଖଟ୍ଵାଙ୍ଗଦଣ୍ଡାନ୍ଧରାମ୍ ।
ଵର୍ଷାଭାଵଵଶାଦ୍ଧତାନ୍ମୁନିଗଣାନ୍ଶାକେନ ୟା ରକ୍ଷତି
ଲୋକାନାଂ ଜନନୀଂ ମହେଶଦୟିତାଂ ତାଂ ନୌମି ଶାକମ୍ଭରୀମ୍ ॥ ୧ ॥
କୈଲାସଶିଖରାସୀନଂ ସ୍କନ୍ଦଂ ମୁନି ଗଣାନ୍ଵିତମ୍ ।
ପ୍ରଣମ୍ୟ ଶକ୍ରଃ ପପ୍ରଚ୍ଛ ଲୋକାନାଂ ହିତକାମ୍ୟୟା ॥ ୨ ॥
ଶକ୍ର ଉଵାଚ –
ସ୍କନ୍ଦ ସ୍କନ୍ଦ ମହାବାହୋ ସର୍ଵଜ୍ଞ ଶିଵନନ୍ଦନ ।
ନାମ୍ନାଂ ସହସ୍ରମାଚକ୍ଷ୍ଵ ଶାକମ୍ଭର୍ୟାଃ ସୁସିଦ୍ଧିଦମ୍ ॥ ୩ ॥
ସ୍କନ୍ଦ ଉଵାଚ –
ୟା ଦେଵୀ ଶତଵାର୍ଷିକ୍ୟାମନାଵୃଷ୍ଟ୍ୟାଂ ସ୍ଵଦେହଜୈଃ ।
ଶାକୈରବୀଭରତ୍ସର୍ଵାନୃଷୀନ୍ ଶକ୍ର ଶତଂ ସମାଃ ॥ ୪ ॥
ମହାସରସ୍ଵତୀ ସୈଵ ଜାତା ଶାକମ୍ଭରୀ ଶିଵା ।
ନାମ୍ନାଂ ସହସ୍ରଂ ତସ୍ୟାସ୍ତେ ଵକ୍ଷ୍ୟାମି ଶ୍ରୁଣୁଭକ୍ତିତଃ ॥ ୫ ॥
ଓଂ ଅସ୍ୟ ଶ୍ରୀଶାକମ୍ଭରୀସହସ୍ରନାମମାଲାମନ୍ତ୍ରସ୍ୟ ମହାଦେଵଃ ଋଷିଃ ।
ଅନୁଷ୍ଟୁପ୍ ଛନ୍ଦଃ । ଶାକମ୍ଭରୀ ଦେଵତା । ସୌଃ ବୀଜଂ । କ୍ଲୀଂ ଶକ୍ତିଃ ।
ହ୍ରୀଂ କୀଲକଂ । ମମ ଶ୍ରୀ ଶାକମ୍ଭରୀପ୍ରସାଦସିଦ୍ଧ୍ୟର୍ଥେ
ତତ୍ସହସ୍ରନାମପାରାୟଣେ ଵିନିୟୋଗଃ ।
କରନ୍ୟାସଃ ॥
ଓଂ ସୌଃ ଚାମୁଣ୍ଡାୟୈ ଅଙ୍ଗୁଷ୍ଠାଭ୍ୟାଂ ନମଃ ।
ଓଂ କ୍ଲୀଂ ଶତାକ୍ଷ୍ୟୈ ତର୍ଜନୀଭ୍ୟାଂ ନମଃ ।
ଓଂ ହ୍ରୀଂ ଶାକମ୍ଭର୍ୟୈ ମଧ୍ୟମାଭ୍ୟାଂ ନମଃ ।
ଓଂ ସୌଃ ଚାମୁଣ୍ଡାୟୈ ଅନାମିକାଭ୍ୟାଂ ନମଃ ।
ଓଂ କ୍ଲୀଂ ଶତାକ୍ଷ୍ୟେ କନିଷ୍ଠିକାଭ୍ୟାଂ ନମଃ ।
ଓଂ ହ୍ରୀଂ ଶାକମ୍ଭର୍ୟୈ କରତଲକରପୃଷ୍ଠାଭ୍ୟାଂ ନମଃ ।
ଏଵଂ ହୃଦୟାଦିନ୍ୟାସଃ ।
ଓଂ ସୌଃ କ୍ଲୀଂ ହ୍ରୀଂ ଓଂ ମନ୍ତ୍ରେଣ ଦିଗ୍ବନ୍ଧଃ । ଇତି ॥
॥ ଧ୍ୟାନମ୍ ॥
ସୌଵର୍ଣସିଂହାସନସଂସ୍ଥିତାଂ ଶିଵାଂ ତ୍ରିଲୋଚନା ଚନ୍ଦ୍ରକଲାଵତଂସିକାମ୍ ।
ଶୂଲଂ କପାଲଂ ନିଜଵାମହସ୍ତୟୋସ୍ତଦନ୍ୟୟୋଃ ଖଡ୍ଗମଭୀତିମୁଦ୍ରିକାମ୍ ॥
ପାଣ୍ୟୋର୍ଦଧାନାଂ ମଣିଭୂଷଣାଜ୍ଜ୍ଵଲାଂ ସୁଵାସସଂ ମାଲ୍ୟଵିଲେପନାଞ୍ଚିତାମ୍ ।
ପ୍ରସନ୍ନାଵକ୍ତ୍ରାଂ ପରଦେଵତା ମୁଦା ଧ୍ୟାୟାମି ଭକ୍ତ୍ୟା ଵନଶଙ୍କରୀଂ ହୃଦି ॥
ଲମିତ୍ୟାଦିପଞ୍ଚପୂଜା –
ଓଂ ସୌଃ କ୍ଲୀଂ ହ୍ରୀଂ ଓଂ ।
ଓଂ ଶାକମ୍ଭର୍ୟୈ ନମଃ ।
ହ୍ରୀଂ ଶାକମ୍ଭର୍ୟୈ ନମଃ ।
ଓଂ ହ୍ରୀଂ ଶାକମ୍ଭର୍ୟୈ ନମଃ ।
ସୌଃ କ୍ଲୀଂ ହ୍ରୀଂ ଶାକମ୍ଭର୍ୟୈ ନମଃ ।
ଓଂ ସୌଃ କ୍ଲୀଂ ହ୍ରୀଂ ଶାକମ୍ଭର୍ୟୈ ନମଃ ।
ଓଂ ସୌଃ କ୍ଲୀଂ ହ୍ରୀଂ ଶାକମ୍ଭର୍ୟୈ ନମଃ ଓଂ ।
ଇତ୍ୟେଷୁ ଗୁରୂପଦିଷ୍ଟଂ ମନ୍ତ୍ରଂ ଜପେତ୍ ।
॥ ଅଥ ସହସ୍ରନାମସ୍ତୋତ୍ରମ୍ ॥
ଓଂ ଶାକମ୍ଭରୀ ଶତାକ୍ଷୀ ଚ ଚାମୁଣ୍ଡା ରକ୍ତଦନ୍ତିକା ।
ମହାକାଲୀ ମହାଶକ୍ତିର୍ମଧୁକୈଟଭନାଶିନୀ ॥ ୧ ॥
ବ୍ରହ୍ମାଦିତେଜଃ ସମ୍ଭୂତା ମହାଲକ୍ଷ୍ମୀର୍ଵରାନନା ।
ଅଷ୍ଟାଦଶଭୁଜା ସମ୍ରାଣ୍ମହିଷାସୁରମର୍ଦିନୀ ॥ ୨ ॥
ମହାମାୟା ମହାଦେଵୀ ସୃଷ୍ଟିସ୍ଥିତ୍ୟନ୍ତକାରିଣୀ ।
କାନ୍ତିଃ କାମପ୍ରଦା କାମ୍ୟା କଲ୍ୟାଣୀ କରୁଣାନିଧିଃ ॥
ସିଂହସ୍ଥିତା ନାରସିଂହୀ ଵୈଷ୍ଣଵୀ ଵିଷ୍ଣୁଵଲ୍ଲଭା ।
ଭ୍ରାମରୀ ରକ୍ତଚାମୁଣ୍ଡା ରକ୍ତାକ୍ଷୀ ରକ୍ତପାୟିନୀ ॥ ୪ ॥
ରକ୍ତପ୍ରିୟା ସୁରକ୍ତୋଷ୍ଠୀ ରକ୍ତବୀଜଵିନାଶିନୀ ।
ସୁରକ୍ତଵସନା ରକ୍ତମାଲ୍ୟା ରକ୍ତଵିଭୂଷଣା ॥ ୫ ॥
ରକ୍ତପାଣିତଲା ରକ୍ତନଖୀ ରକ୍ତୋତ୍ପଲାଙ୍ଘ୍ରିକା ।
ରକ୍ତଚନ୍ଦନଲିପ୍ତାଙ୍ଗୀ ରମଣୀ ରତିଦାୟିନୀ ॥ ୬ ॥
ସୁରଭିଃ ସୁନ୍ଦରୀ ବାଲା ବଗଲା ଭୈରଵୀ ସମିତ୍ ।
ଚନ୍ଦ୍ରଲାମ୍ବା ସୁମଙ୍ଗଲ୍ୟା ଭୀମା ଭୟନିଵାରିଣୀ ॥ ୭ ॥
ଜାଗୃତିଃ ସ୍ଵପ୍ନରୂପା ଚ ସୁଷୁପ୍ତିସୁଖରୂପିଣୀ ।
ତୁର୍ୟୋଂନ୍ମନୀ ତ୍ରିମାତ୍ରା ଚ ତ୍ରୟୀ ତ୍ରେତା ତ୍ରିମୂର୍ତିକା ॥ ୮ ॥
ଵିଷ୍ଣୁମାୟା ଵିଷ୍ଣୁଶକ୍ତିର୍ଵିଷ୍ଣୁଜିହ୍ଵା ଵିନୋଦିନୀ ।
ଛାୟା ଶାନ୍ତିଃ କ୍ଷମା କ୍ଷୁତ୍ତୃଟ୍ତୁଷ୍ଟିଃ ପୁଷ୍ଟିର୍ଧୃତିର୍ଭୃତିଃ ॥ ୯ ॥
ମତିର୍ମିତିର୍ନତିର୍ନୀତିଃ ସଂୟତିର୍ନିୟତି କୃତିଃ ।
ସ୍ଫୂର୍ତିଃ କୀର୍ତିଃ ସ୍ତୁତିର୍ଜୂତିଃ ପୂର୍ତିର୍ମୂର୍ତିର୍ନିଜପ୍ରଦା ॥ ୧୦ ॥
ତ୍ରିଶୂଲଧାରିଣୀ ତୀକ୍ଷ୍ଣଗଦିନୀ ଖଡ୍ଗଧାରିଣୀ ।
ପାଶିନୀ ତ୍ରାସିନୀ ଵାମା ଵାମଦେଵୀ ଵରାନନା ॥ ୧୧ ॥
ଵାମାକ୍ଷୀ ଵାରୁଣୀମତ୍ତା ଵାମୋରୁର୍ଵାସଵସ୍ତୁତା ।
ବ୍ରହ୍ମଵିଦ୍ୟା ମହାଵିଦ୍ୟା ୟୋଗିନୀ ୟୋଗପୂଜିତା ॥ ୧୨ ॥
ତ୍ରିକୂଟନିଲୟା ନିତ୍ୟା କଲ୍ପାତୀତା ଚ କଲ୍ପନା ।
କାମେଶ୍ଵରୀ କାମଦାତ୍ରୀ କାମାନ୍ତକକୁଟୁମ୍ବିନୀ ॥ ୧୩ ॥
କାଲରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ଦାରୁଣା ।
ନାନାଦ୍ରୁମଲତାକୀର୍ଣଗିରିମଧ୍ୟନିଵାସିନୀ ॥ ୧୪ ॥
ଶାକପୋଷିତସର୍ଵର୍ଷିଃ ପାକଶାସନପୂଜିତା ।
କ୍ଲେଦିନୀ ଭେଦିନୀ ଭ୍ରାନ୍ତିର୍ଭୀତିଦା ଭ୍ରାନ୍ତିନାଶିନୀ ॥ ୧୫ ॥
କ୍ରାନ୍ତିଃ ସଙ୍କ୍ରାନ୍ତିରୁତ୍କ୍ରାନ୍ତିର୍ଵିକ୍ରାନ୍ତିଃ କ୍ରାନ୍ତିଵର୍ଜିତା ।
ଡିଣ୍ଡିମଧ୍ଵନିସଂହୃଷ୍ଟା ଭେରୀନାଦଵିନୋଦିନୀ ॥ ୧୬ ॥
ସୁତନ୍ତ୍ରୀଵାଦନରତା ସ୍ଵରଭେଦଵିଚକ୍ଷଣା ।
ଗାନ୍ଧର୍ଵଶାସ୍ତ୍ରନିପୂଣା ନାଟ୍ୟଶାସ୍ତ୍ରଵିଶାରଦା ॥ ୧୭ ॥
ହାଵଭାଵପ୍ରମାଣଜ୍ଞା ଚତୁଃଷଷ୍ଟିକଲାନ୍ଵିତା ।
ପଦଵାକ୍ୟପ୍ରମାଣାବ୍ଧିପାରୀଣା ଵାଦିଭଙ୍ଗିନୀ ॥ ୧୮ ॥
ସର୍ଵତନ୍ତ୍ରସ୍ଵତନ୍ତ୍ରା ଚ ମନ୍ତ୍ରଶାସ୍ତ୍ରାବ୍ଧିପାରଗା ।
ନାନାୟନ୍ତ୍ର ଵିଧାନଜ୍ଞା ସୌଗତାଗମକୋଵିଦା ॥ ୧୯ ॥
ଵୈଖାନସାଦ୍ୟାଗମଜ୍ଞା ଶୈଵାଗମ ଵିଚକ୍ଷଣା ।
ଵାମଦକ୍ଷିଣମାର୍ଗଜ୍ଞା ଭୈରଵାଗମଭେଦଵିତ୍ ॥ ୨୦ ॥
ପଞ୍ଚାୟତନତତ୍ତ୍ଵଜ୍ଞା ପଞ୍ଚାମ୍ନାୟପ୍ରପଞ୍ଚଵିତ୍ ।
ରାଜରାଜେଶ୍ଵରୀ ଭଟ୍ଟାରିକା ତ୍ରିପୁରସୁନ୍ଦରୀ ॥ ୨୧ ॥
ମହାଦକ୍ଷିଣକାଲୀ ଚ ମାତଙ୍ଗୀ ମଦ୍ୟମାଂସଭୁକ୍ ।
ଲୁଲାୟବଲିସନ୍ତୁଷ୍ଟା ମେଷଚ୍ଛାଗବଲିପ୍ରିୟା ॥ ୨୨ ॥
ଦୀପିକାକ୍ରୀଡନରତା ଡମଡ୍ଡମରୁନାଦିନୀ ।
ମହାପ୍ରଦୀପିକାଦେହଲେହନାଦ୍ଭୁତଶକ୍ତିଦା ॥ ୨୩ ॥
ନିଜାଵେଶଵଦୁନ୍ମତ୍ତଭକ୍ତୋକ୍ତ ଫଲଦାୟିନୀ ।
ଉଦୋଉଦୋମହାଧ୍ଵାନ ଶ୍ରଵଣାସକ୍ତମାନସା ॥ ୨୪ ॥
ଚୌଡେଶ୍ଵରୀ ଚୌଡଵାଦ୍ୟପ୍ରଵାଦନପରାୟଣା ।
କପର୍ଦମାଲାଭରଣା କପର୍ଦିପ୍ରାଣଵଲ୍ଲଭା ॥ ୨୫ ॥
ନଗ୍ରସ୍ତ୍ରୀଵୀକ୍ଷଣରତା ନଗ୍ନିକୋଦ୍ଭିନ୍ନୟୌଵନା ।
ବାଲା ବଦରଵକ୍ଷୋଜା ମଧ୍ୟା ବିଲ୍ଵଫଲସ୍ତନୀ ॥ ୨୬ ॥
ନାରିକେଲସ୍ତନୀ ପ୍ରୌଢା ପ୍ରଗଲ୍ଭା ଚ ଘଟସ୍ତନୀ ।
କାତ୍ୟାୟନୀ ନମ୍ରକୁଚା ପ୍ରୌଢାଦ୍ଭୁତପରାକ୍ରମା ।
କଦଲୀଵନମଧ୍ୟସ୍ଥା କଦମ୍ବଵନଵାସିନୀ ॥ ୨୭ ॥
ନିଜୋପକଣ୍ଠସମ୍ପ୍ରାପ୍ତନଦୀମାହାତ୍ମ୍ୟଵର୍ଧିନୀ ।
କାଵେରୀ ତାମ୍ରପର୍ଣୀ ଚ କାମାକ୍ଷୀ କାମିତାର୍ଥଦା ॥ ୨୮ ॥
ମୂକାମ୍ବିକା ମହାଶକ୍ତିଃ ଶ୍ରୀଶୈଲଭ୍ରମରାମ୍ବିକା ।
ଜୋଗଲାମ୍ବା ଜଗନ୍ମାତା ମାତାପୁରନିଵାସିନୀ ॥ ୨୯ ॥
ଜମଦଗ୍ନିପ୍ରିୟା ସାଧ୍ଵୀ ତାପସୀଵେଷଧାରିଣୀ ।
କାର୍ତଵୀର୍ୟମୁଖାନେକକ୍ଷତ୍ରଵିଧ୍ଵଂସକାରିଣୀ ॥ ୩୦ ॥
ନାନାଵତାରସମ୍ପନ୍ନା ନାନାଵିଧଚରିତ୍ରକୃତ୍ ।
କରଵୀରମହାଲକ୍ଷ୍ମୀଃ କୋଲ୍ହାସୁରଵିନାଶିନୀ ॥ ୩୧ ॥
ନାଗଲିଙ୍ଗଭଗାଙ୍କାଢ୍ୟମୌଲିଃ ଶକ୍ରାଦିସଂସ୍ତୁତା ।
ଦୁର୍ଗମାସୁରସଂହର୍ତ୍ରୀ ଦୁର୍ଗାଽନର୍ଗଲଶାସନା ॥ ୩୨ ॥
ନାନାଵିଧଭୟତ୍ରାତ୍ରୀ ସୁତ୍ରାମାଦିସୁଧାଶନା ।
ନାଗପର୍ୟଂକଶୟନା ନାଗୀ ନାଗାଙ୍ଗନାର୍ଚିତା ॥ ୩୩ ॥
ହାଟକାଲଙ୍କୃତିମତୀ ହାଟକେଶସଭାଜିତା ।
ଵାଗ୍ଦେଵତାସ୍ଫୂର୍ତିଦାତ୍ରୀ ତ୍ରାତଵାଗ୍ବୀଜଜାପକା ॥ ୩୪ ॥
ଜପ୍ୟା ଜପଵିଧିଜ୍ଞା ଚ ଜପସିଦ୍ଧିପ୍ରଦାୟିନୀ ।
ମନ୍ତ୍ରଶକ୍ତିର୍ମନ୍ତ୍ରଵିଦ୍ୟା ସୁମନ୍ତ୍ରା ମାନ୍ତ୍ରିକମ୍ପ୍ରିୟା ॥ ୩୫ ॥
ଇନ୍ଦୁମଣ୍ଡଲପୀଠସ୍ଥା ସୂର୍ୟମଣ୍ଡଲପୀଠଗା ।
ଚନ୍ଦ୍ରଶକ୍ତିଃ ସୂର୍ୟଶକ୍ତିର୍ଗ୍ରହଶକ୍ତିର୍ଗ୍ରହାର୍ତିହା ॥ ୩୬ ॥
ଗ୍ରହପୀଡାହରୀ ସୌମ୍ୟା ଶୁଭଗ୍ରହଫଲପ୍ରଦା ।
ଜ୍ୟୋତିର୍ମଣ୍ଡଲସଂସ୍ଥାନା ଗ୍ରହତାରାଧିଦେଵତା ॥ ୩୭ ॥
ସପ୍ତଵିଂଶତିୟୋଗେଶୀ ବଵାଦିକରଣେଶ୍ଵରୀ ।
ପ୍ରଭଵାଦ୍ୟବ୍ଦଶକ୍ତିଶ୍ଚ କାଲଚକ୍ରପ୍ରଵର୍ତିନୀ ॥ ୩୮ ॥
ସୋହଂମନ୍ତ୍ରଜପାଧାରା ଊର୍ଧ୍ଵଷଟ୍ଚକ୍ରଦେଵତା ।
ଇଡାଖ୍ୟା ପିଙ୍ଗଲାଖ୍ୟା ଚ ସୁଷୁମ୍ନା ବ୍ରହ୍ମରନ୍ଧ୍ରଗା ॥ ୩୯ ॥
ଶିଵଶକ୍ତିଃ କୁଣ୍ଡଲିନୀ ନାଭିମଣ୍ଡଲନିଦ୍ରିତା ।
ୟୋଗୋଦ୍ବୁଦ୍ଧା ମୁକ୍ତିଦାତ୍ରୀ ସହସ୍ରାରାବ୍ଜପୀଠଗା ॥ ୪୦ ॥
ପୀୟୂଷଵର୍ଷିଣୀ ଜୀଵଶିଵଭେଦତିନାଶିନୀ ।
ନାଭୌ ପରା ଚ ପଶ୍ୟନ୍ତୀ ହୃଦୟେ ମଧ୍ୟମା ଗଲେ ॥ ୪୧ ॥
ଜିହ୍ଵାଗ୍ରେ ଵୈଖରୀଵାଣୀ ପଞ୍ଚାଶନ୍ମାତୃକାତ୍ମିକା ।
ଓଙ୍କାରରୂପିଣୀ ଶବ୍ଦସୂଷ୍ଟିରୂପାଽର୍ଥରୂପିଣୀ ॥ ୪୨ ॥
ମୌନଶକ୍ତିର୍ମୁନିଧ୍ୟେୟା ମୁନିମାନସସଂସ୍ଥିତା ।
ଵ୍ୟଷ୍ଟିଃ ସମଷ୍ଟିସ୍ତ୍ରିପୁଟୀ ତାପତ୍ରୟଵିନାଶିନୀ ॥ ୪୩ ॥
ଗାୟତ୍ରୀ ଵ୍ୟାହୃତିଃ ସନ୍ଧ୍ୟା ସାଵିତ୍ରୀ ଚ ପିତୃପ୍ରସୂଃ ।
ନନ୍ଦା ଭଦ୍ରା ଜୟା ରିକ୍ତା ପୂର୍ଣା ଵିଷ୍ଟିଶ୍ଚ ଵୈଧୃତିଃ ॥ ୪୪ ॥
ଶ୍ରୁତିଃ ସ୍ମୃତିଶ୍ଚ ମୀମାଂସା ଵିଦ୍ୟାଽଵିଦ୍ୟା ପରାଵରା ।
ସୁମେରୁଶୃଙ୍ଗନିଲୟା ଲୋକାଲୋକନିଵାସିନୀ ॥ ୪୫ ॥
ମାନସୋତ୍ତରଗୋତ୍ରସ୍ଥା ପୁଷ୍କରଦ୍ଵୀପଦେଵତା ।
ମନ୍ଦରାଦ୍ରିକୃତକ୍ରୀଡା ନୀପୋପଵନଵାସିନୀ ॥ ୪୬ ॥
ମଣିଦ୍ଵୀପକୃତାଵାସା ପୀତଵାସଃ ସୁପୂଜିତା ।
ପ୍ଲକ୍ଷାଦିଦ୍ଵୀପଗୋତ୍ରସ୍ଥା ତତ୍ରତ୍ୟଜନପୂଜିତା ॥ ୪୭ ॥
ସୁରାବ୍ଧି ଦ୍ଵୀପନିଲୟା ସୁରାପାନପରାୟଣ ।
ଏକପାଦେକହସ୍ତୈକଦୃଗେକଶ୍ରୁତିପାର୍ଶ୍ଵିକା ॥ ୪୮ ॥
ଅର୍ଧନାରୀଶ୍ଵରାର୍ଧାଙ୍ଗୀ ସ୍ୟୂତାଲୋକୋତ୍ତରାକୃତିଃ ।
ଭକ୍ତୈକଭକ୍ତି ସଂସାଧ୍ୟା ଧ୍ୟାନାଧାରା ପରାର୍ହଣା ॥ ୪୯ ॥
ପଞ୍ଚକୋଶାନ୍ତରଗତା ପଞ୍ଚକୋଶଵିଵର୍ଜିତା ।
ପଞ୍ଚଭୂତାତରାଲସ୍ଥା ପ୍ରପଞ୍ଚାତୀତଵୈଭଵା ॥ ୫୦ ॥
ପଞ୍ଚୀକୃତମହାଭୂତନିର୍ମିତାନେକଭୌତିକା ।
ସର୍ଵାଂତର୍ୟାମିଣୀ ଶମ୍ଭୁକାମିନୀ ସିଂହଗାମିନୀ ॥ ୫୧ ॥
ୟାମିନୀକୃତସଞ୍ଚାରା ଶାକିନ୍ୟାଦିଗଣେଶ୍ଵରୀ ।
ଖଟ୍ଵାଙ୍ଗିନୀ ଖେଟକିନୀ କୁନ୍ତିନୀ ଭିନ୍ଦିପାଲିନୀ ॥ ୫୨ ॥
ଵର୍ମିଣୀ ଚର୍ମିଣୀ ଚଣ୍ଡୀ ଚଣ୍ଡମୁଣ୍ଡପ୍ରମାଥିନୀ ।
ଅନୀକିନୀ ଚ ଧ୍ଵଜିନୀ ମୋହିନ୍ୟେଜତ୍ପତାକିନୀ ॥ ୫୩ ॥
ଅଶ୍ଵିନୀ ଗଜିନୀ ଚାଟ୍ଟହାସିନୀ ଦୈତ୍ୟନାଶିନୀ ।
ଶୁମ୍ଭଘ୍ନୀ ଚ ନିଶୁମ୍ଭଘ୍ନୀ ଧୂମ୍ରଲୋଚନନାଶିନୀ ॥ ୫୪ ॥
ବହୁଶୀର୍ଷା ବହୁକୁକ୍ଷିର୍ଵ୍ୟାଦିତାସ୍ୟାଽଶିତାସୁରା ।
ଦଂଷ୍ଟ୍ରାସଙ୍କଟସଂଲଗ୍ନଦୈତ୍ୟସାସ୍ରାନ୍ତ୍ର ମାଲିନୀ ॥ ୫୫ ॥
ଦୈତ୍ୟାସୃଙ୍ମାଂସସନ୍ତୃପ୍ତା କ୍ରଵ୍ୟାଦକୃତଵନ୍ଦନା ।
ଲମ୍ବକେଶୀ ପ୍ରଲମ୍ବୋଷ୍ଠୀ ଲମ୍ବକୁକ୍ଷିର୍ମହାକଟୀ ॥ ୫୬ ॥
ଲମ୍ବସ୍ତନୀ ଲମ୍ବଜିହ୍ଵା ଲମ୍ବପାଣ୍ୟଙ୍ଘ୍ରିଜଙ୍ଘିକା ।
ଲମ୍ବୋରୁର୍ଲମ୍ବଜଘନା କାଲିକା କର୍କଶାତ୍କୃତିଃ ॥ ୫୭ ॥
ଭିନ୍ନଭେରୀଖରରଵା ଵାରଣଗ୍ରାସକାରିଣୀ ।
ପ୍ରେତଦେହପରୀଧାନା ରୁଣ୍ଡକୁଣ୍ଡଲମଣ୍ଡିତା ॥ ୫୮ ॥
ଗଣ୍ଡଶୈଲସ୍ପର୍ଧିଗଣ୍ଡା ଶୈଲକନ୍ଦୁକଧାରିଣୀ ।
ଶିଵଦୂତୀ ଘୋରରୂପା ଶିଵାଶତନିନାଦିନୀ ॥ ୫୯ ॥
ନାରାୟଣୀ ଜଗଦ୍ଧାତ୍ରୀ ଜଗତ୍ପାତ୍ରୀ ଜଗନ୍ମୟୀ ।
ଅଲ୍ଲାଂମ୍ବାକ୍କା କାମଦୁଘାଽନଲ୍ପଦା କଲ୍ପଵଲ୍ଲିକା ॥ ୬୦ ॥
ମଲ୍ଲୀମତଲ୍ଲିକା ଗୁଞ୍ଜାଲଙ୍କୃତିଃ ଶିଵମୋହିନୀ ।
ଗାନ୍ଧର୍ଵଗାନରସିକା କେକାଵାକ୍କୀରପାଲିନୀ ॥ ୬୧ ॥
ସିନୀଵାଲୀ କୁହୂ ରାକାଽନୁମତିଃ କୌମୁଦୀ କକୁପ୍ ।
ବ୍ରହ୍ମାଣ୍ଡମଣ୍ଡପସ୍ଥୂଣା ବ୍ରହ୍ମାଣ୍ଡଗୃହଦେଵତା ॥ ୬୨ ॥
ମହାଗୃହସ୍ଥମହିଷୀ ପଶୁପାଶଵିମୋଚିନୀ ।
ଵୀରସ୍ଥାନଗତା ଵୀରା ଵୀରାସନପରିଗ୍ରହା ॥ ୬୩ ॥
ଦୀପସ୍ଥାନଗତା ଦୀପ୍ତା ଦୀପୋତ୍ସଵକୁତୂହଲା ।
ତୀର୍ଥପାତ୍ରପ୍ରଦା ତୀର୍ଥକୁମ୍ଭପୂଜନସଂଭ୍ରମା ॥ ୬୪ ॥
ମାହେଶ୍ଵରଜନପ୍ରୀତା ପଶୁଲୋକପରାଙ୍ମୁଖୀ ।
ଚତୁଃଷଷ୍ଟିମହାତନ୍ତ୍ରପ୍ରତିପାଦ୍ୟାଗମାଧ୍ଵଗା ॥ ୬୫ ॥
ଶୁଦ୍ଧାଚାରା ଶୁଦ୍ଧପୂଜ୍ୟା ଶୁଦ୍ଧପୂଜା ଜନାଶ୍ରିତା ।
ଅଷ୍ଟାଦଶମହାପୀଠା ଶ୍ରୀଚକ୍ରପରଦେଵତା ॥ ୬୬ ॥
ୟୋଗିନୀପୂଜନପ୍ରୀତା ୟୋଗିନୀଚକ୍ରଵନ୍ଦିତା ।
ରଣତ୍କାଞ୍ଚୀକ୍ଷୁଦ୍ରଘଣ୍ଟା ଘଣ୍ଟାଧ୍ଵନିଵିନୋଦିନୀ ॥ ୬୭ ॥
ତୌର୍ୟତ୍ରିକକଲାଭିଜ୍ଞା ମନୋଜ୍ଞା ମଞ୍ଜୁଭାଷିଣୀ ।
ଶିଵଵାମାଙ୍କଲସିତା ସୁସ୍ମିତା ଲଲିତାଲସା ॥ ୬୮ ॥
ଲାଵଣ୍ୟଭୂମିସ୍ତଲ୍ଲେଶନିର୍ମିତାମରସୁନ୍ଦରୀ ।
ଶ୍ରୀର୍ଧୀର୍ଭୀର୍ହ୍ରୀର୍ନତିର୍ଜାତିରୀଜ୍ୟାଜ୍ୟା ପୂଜ୍ୟପାଦୁକା ॥ ୬୯ ॥
ସୁରସ୍ରଵନ୍ତୀ ୟମୁନା ତଥା ଗୁପ୍ତସରସ୍ଵତୀ ।
ଗୋମତୀ ଗଣ୍ଡକୀ ତାପୀ ଶତଦ୍ରୁଶ୍ଚ ଵିପାଶିକା ॥ ୭୦ ॥
ସରୟୂର୍ନର୍ମଦା ଗୋଦା ପୟୋଷ୍ଣୀ ଚ ପୁନଃ ପୁନା ।
ଭୀମା କୃଷ୍ଣା ତୁଙ୍ଗଭଦ୍ରା ନାନାତୀର୍ଥସ୍ଵରୂପିଣୀ ॥ ୭୧ ॥
ଦ୍ଵାରକା ମଧୁରା ମାୟା କାଶ୍ୟୟୋଧ୍ୟା ତ୍ଵଵନ୍ତିକା ।
ଗୟା କାଞ୍ଚୀ ଵିଶାଲା ଚ ମୁକ୍ତିକ୍ଷେତ୍ରସ୍ଵରୂପିଣୀ ॥ ୭୨ ॥
ମନ୍ତ୍ରଦୀକ୍ଷା ୟାଗଦୀକ୍ଷା ୟୋଗଦୀକ୍ଷାଽକ୍ଷତଵ୍ରତା ।
ଅକ୍ଷମାଲାଵିଭେଦଜ୍ଞାଽଽସନଭେଦଵିଚକ୍ଷଣା ॥ ୭୩ ॥
ମାତୃକାନ୍ୟାସକୁଶଲା ମନ୍ତ୍ରନ୍ୟାସଵିଶାରଦା ।
ନାନାମୁଦ୍ରାପ୍ରଭେଦଜ୍ଞା ପଞ୍ଚୋପାସ୍ତିପ୍ରଭେଦଵିତ୍ ॥ ୭୪ ॥
ସର୍ଵମନ୍ତ୍ରୋପଦେଷ୍ଟ୍ରୀ ଚ ଵ୍ୟାଖ୍ୟାତ୍ରୀ ଦେଶିକୋତ୍ତରା ।
ଵାଗ୍ଵାଦିନୀ ଦୁର୍ଵିଵାଦିପ୍ରୌଢଵାକ୍ସ୍ତମ୍ଭକାରିଣୀ ॥ ୭୫ ॥
ସ୍ଵତନ୍ତ୍ରୟନ୍ତ୍ରଣାଶକ୍ତିସ୍ତଦ୍ୟନ୍ତ୍ରିତଜଗତ୍ତ୍ରୟୀ ।
ବ୍ରହ୍ମାଦ୍ୟାକର୍ଷିଣୀ ଶମ୍ଭୁମୋହିନ୍ୟୁଚ୍ଚାଟିନୀ ଦ୍ଵିଷାମ୍ ॥ ୭୬ ॥
ସୁରାସୁରାଣାଂ ପ୍ରଦ୍ଵେଷକାରିଣୀ ଦୈତ୍ୟମାରିଣୀ ।
ପୂରିଣୀ ଭକ୍ତକାମାନାଂ ଶ୍ରିତପ୍ରତ୍ୟୂହଵାରିଣୀ ॥ ୭୭ ॥
ସାଧାରଣୀ ଧାରିଣୀ ଚ ପ୍ରୌଢଵାଗ୍ଧାରିଣୀ ପ୍ରଧୂଃ ।
ପ୍ରଭୂର୍ଵିଭୂଃ ସ୍ଵୟମ୍ଭୂଶ୍ଚ ନିଗ୍ରହାନୁଗ୍ରହକ୍ଷମା ॥ ୭୮ ॥
କ୍ଷମାଽକ୍ଷମା କ୍ଷମାଧାରା ଧାରାଧରନିଭଦ୍ୟୁତିଃ ।
କାଦମ୍ବିନୀ କାଲଶକ୍ତିଃ କର୍ଷିଣୀ ଵର୍ଷିଣୀର୍ଷିଣୀ ॥ ୭୯ ॥
ଅଦେଵମାତୃକା ଦେଵମାତୃକା ଚୋର୍ଵରା କୃଷିଃ ।
କୃଷ୍ଟପଚ୍ୟାଽକୃଷ୍ଟପଚ୍ୟାଽନୂଷରାଽଧିତ୍ୟକା ଗୁହା ॥ ୮୦ ॥
ଉପତ୍ୟକା ଦରୀ ଵନ୍ୟାଽରଣ୍ୟାନୀ ଶୈଲନିମ୍ନଗା ।
କେଦାରଭୂମିର୍ଵ୍ରୀହିଲା କମଲର୍ଧିର୍ମହାଫଲା ॥ ୮୧ ॥
ଇକ୍ଷୁମତ୍ୟୂର୍ଜିତା ଜମ୍ବୂପନସାମ୍ରାଦିଶାଲିନୀ ।
ଅଷ୍ଟାପଦଖନୀ ରୌପ୍ୟଖନୀ ରତ୍ନଖନିଃ ଖନିଃ ॥ ୮୨ ॥
ରୁଚାଂ ଭାଵଖନିର୍ଜୀଵଖନିଃ ସୌଭାଗ୍ୟସତ୍ଖନିଃ ।
ଲାଵଣ୍ୟସ୍ୟ ଖନିର୍ଧୈର୍ୟଖନିଃ ଶୌର୍ୟଖନିଃ ଖନିଃ ॥ ୮୩ ॥
ଗାମ୍ଭୀର୍ୟସ୍ୟ ଵିଲାସସ୍ୟ ଖନିଃ ସାହିତ୍ୟସତ୍ଖନିଃ ।
ପକ୍ଷମାସର୍ତୁଵର୍ଷାଣାଂ ଖନିଃ ଖନିରନେହସାମ୍ ॥ ୮୪ ॥
ଖନିଶ୍ଚ ୟୁଗକଲ୍ପାନାଂ ସୂର୍ୟଚନ୍ଦ୍ରମସୋଃ ଖନିଃ ।
ଖନିର୍ମନୂନାମିନ୍ଦ୍ରାଣାଂ ଖନିଃ କୌତୁକସତ୍ଖନିଃ ॥ ୮୫ ॥
ମଷୀ ଲେଖନିକା ପାତ୍ରୀ ଵର୍ଣପଙ୍କ୍ତିର୍ଲିପିଃ କଥା ।
କଵିତା କାଵ୍ୟକର୍ତ୍ରୀ ଚ ଦେଶଭାଷା ଜନଶ୍ରୁତିଃ ॥ ୮୬ ॥
ରଚନା କଲ୍ପନାଽଽଚାରଭଟୀ ଧାଟୀ ପଟୀୟସୀ ।
ଅପସଵ୍ୟଲିପିର୍ଦେଵଲିପୀ ରକ୍ଷୋଲିପିର୍ଲିପିଃ ॥ ୮୭ ॥
ତୁଲଜା ରାମଵରଦା ଶବରୀ ବର୍ବରାଲକା ।
ଜ୍ୟୋତିର୍ଲିଙ୍ଗମୟୀ ଲିଙ୍ଗମସ୍ତକା ଲିଙ୍ଗଧାରିଣୀ ॥ ୮୮ ॥
ରୁଦ୍ରାକ୍ଷଧାରିଣୀ ଭୂତିଧାରିଣୀ ଲୈଙ୍ଗିକଵ୍ରତା ।
ଵିଷ୍ଣୁଵ୍ରତପରା ଵିଷ୍ଣୁମୁଦ୍ରିକା ପ୍ରିୟଵୈଷ୍ଣଵୀ ॥ ୮୯ ॥
ଜୈନୀ ଦୈଗମ୍ବରୀ ନାନାଵିଧଵୈଦିକ ମାର୍ଗଗା ।
ପଞ୍ଚଦ୍ରଵିଡସଂସେଵ୍ୟା ପଞ୍ଚଗୌଡସମର୍ଚିତା ॥ ୯୦ ॥
ହିଙ୍ଗୁଲା ଶାରଦା ଜ୍ଵାଲାମୁଖୀ ଗଞ୍ଜାଧିଦେଵତା ।
ମନ୍ଦୁରାଦେଵତାଽଽଲାନଦେଵତା ଗୋଷ୍ଠଦେଵତା ॥ ୯୧ ॥
ଗୃହାଦିଦେଵତାସୌଧଦେଵତୋଦ୍ୟାନଦେଵତା ।
ଶୃଙ୍ଗାରଦେଵତା ଗ୍ରାମଦେଵତା ଚୈତ୍ୟଦେଵତା ॥ ୯୨ ॥
ପୂର୍ଦେଵତା ରାଜସଭାଦେଵତାଽଶୋକଦେଵତା ।
ଚତୁର୍ଦଶାନାଂ ଲୋକାନାଂ ଦେଵତା ପରଦେଵତା ॥ ୯୩ ॥
ଵାପୀକୂପତଡାଗାଦିଦେଵତା ଵନଦେଵତା ।
ସୃଷ୍ଟିଖେଲା କ୍ଷେମଖେଲା ପ୍ରତିସଂହାରଖେଲନା ॥ ୯୪ ॥
ପୁଷ୍ପପର୍ୟଙ୍କଶୟନା ପୁଷ୍ପଵତ୍କୁଣ୍ଡଲଦ୍ଵୟୀ ।
ତାମ୍ବୂଲଚର୍ଵଣପ୍ରୀତା ଗୌରୀ ପ୍ରଥମପୁଷ୍ପିଣୀ ॥ ୯୫ ॥
କଲ୍ୟାଣୀୟୁଗସମ୍ପନ୍ନା କାମସଞ୍ଜୀଵନୀ କଲା ।
କଲାକଲାପକୁଶଲା କଲାତୀତା କଲାତ୍ମିକା ॥ ୯୬ ॥
ମହାଜାଙ୍ଗଲକୀ କାଲଭୁଜଙ୍ଗଵିଷନାଶିନୀ ।
ଚିକିତ୍ସା ଵୈଦ୍ୟଵିଦ୍ୟା ଚ ନାନାମୟନିଦାନଵିତ୍ ॥ ୯୭ ॥
ପିତ୍ତପ୍ରକୋପଶମନୀ ଵାତଘ୍ନୀ କଫନାଶିନୀ ।
ଆମଜ୍ଵରପ୍ରକୋପଘ୍ନୀ ନଵଜ୍ଵରନିଵାରିଣୀ ॥ ୯୮ ॥
ଅର୍ଶୋଘ୍ନୀ ଶୂଲଶମନୀ ଗୁଲ୍ମଵ୍ୟାଧିନିଵାରିଣୀ ।
ଗ୍ରହଣୀନିଗ୍ରହକରୀ ରାଜୟକ୍ଷ୍ମଵିନାଶିନୀ ॥ ୯୯ ॥
ମେହଘ୍ନୀ ପାଣ୍ଡୁରୋଗଘ୍ନୀ କ୍ଷୟାପସ୍ମାରନାଶିନୀ ।
ଉପଦଂଶହରୀ ଶ୍ଵାସକାସଚ୍ଛର୍ଦିନିଵାରିଣୀ ॥ ୧୦୦ ॥
ପ୍ଲୀହପ୍ରକୋପସଂହର୍ତ୍ରୀ ପାମାକଣ୍ଡୂଵିନାଶିନୀ ।
ଦଦ୍ରୁକୁଷ୍ଠାଦିରୋଗଘ୍ନୀ ନାନାରୋଗଵିନାଶିନୀ ॥ ୧୦୧ ॥
ୟକ୍ଷରାକ୍ଷସଵେତାଲକୂଷ୍ମାଡଗ୍ରହଭେଦିନୀ ।
ବାଲଗ୍ରହଘ୍ନୀ ଚଣ୍ଡାଲଗ୍ରହଚଣ୍ଡଗ୍ରହାର୍ଦିନୀ ॥ ୧୦୨ ॥
ଭୂତପ୍ରେତପିଶାଚଘ୍ନୀ ନାନାଗ୍ରହଵିମର୍ଦିନୀ ।
ଶାକିନୀଡାକିନୀଲାମଦସ୍ତ୍ରୀଗ୍ରହନିଷୂଦିନୀ ॥ ୧୦୩ ॥
ଅଭିଚାରକଦୁର୍ବାଧୋନ୍ମଥିନ୍ୟୁନ୍ମାଦନାଶିନୀ ।
ନାନାଵିଷାର୍ତିସଂହର୍ତ୍ରୀ ଦୁଷ୍ଟଦୃଷ୍ଟ୍ୟାର୍ତିନାଶିନୀ ॥ ୧୦୪ ॥
ଦୁଷ୍ଟସ୍ଥାନସ୍ଥିତାର୍କାଦିଗ୍ରହପୀଡାଵିନାଶିନୀ ।
ୟୋଗକ୍ଷେମକରୀ ପୁଷ୍ଟିକରୀ ତୁଷ୍ଟିକରୀଷ୍ଟଦା ॥ ୧୦୫ ॥
ଧନଦା ଧାନ୍ୟଦା ଗୋଦା ଵାସୋଦା ବହୁମାନଦା ।
କାମିତାର୍ଥପ୍ରଦା ଶନ୍ଦା ଚତୁର୍ଵିଧତୁମର୍ଥଦା ॥ ୧୦୬ ॥
ବ୍ରହ୍ମମାନ୍ୟା ଵିଷ୍ଣୁମାନ୍ୟା ଶିଵମାନ୍ୟେନ୍ଦ୍ରମାନିତା ।
ଦେଵର୍ଷିମାନ୍ୟା ବ୍ରହ୍ମର୍ଷିମାନ୍ୟା ରାଜର୍ଷିମାନିତା ॥ ୧୦୭ ॥
ଜଗନ୍ମାନ୍ୟା ଜଗଦ୍ଧାତ୍ରୀ ତ୍ର୍ୟମ୍ବକା ତ୍ର୍ୟମ୍ବକାଙ୍ଗନା ।
ଗୁହେଭଵକ୍ତ୍ରଜନନୀ ଭଦ୍ରକାଲ୍ୟମୟଙ୍କରୀ ॥ ୧୦୮ ॥
ସତୀ ଦାକ୍ଷାୟଣୀ ଦକ୍ଷା ଦକ୍ଷାଧ୍ଵରନିଷୂଦିନୀ ।
ଉମା ହିମାଦ୍ରିଜାଽପର୍ଣା କର୍ଣପୂରାଞ୍ଚିତାନନା ॥ ୧୦୯ ॥
କ୍ଷୋଣୀଧରନିତମ୍ବାମ୍ବା ବିମ୍ବାଭରଦନଚ୍ଛଦା ।
କୁନ୍ଦକୋରକନୀକାଶରଦପଙ୍କ୍ତିଃ ସୁନାସିକା ॥ ୧୧୦ ॥
ନାସିକାମୌକ୍ତିକମଣିପ୍ରଭାମଲରଦଚ୍ଛଦା ।
ସୁମନ୍ଦହସିତାଲୋକଵିମୁହ୍ୟଚ୍ଛମ୍ଭୁ ମାନସା ॥ ୧୧୧ ॥
ମାନସୌକୋଗତିଃ ସିଞ୍ଜନ୍ମଞ୍ଜୀରାଦିଵିଭୂଷଣା ।
କାଞ୍ଚୀକ୍କଣତ୍କ୍ଷୁଦ୍ରଘଣ୍ଟା କଲଧୌତଘଟସ୍ତନୀ ॥ ୧୧୨ ॥
ମୁକ୍ତାଵିଦ୍ରୁମହାରଶ୍ରୀରାଜନ୍କୁଚତଟସ୍ଥଲୀ ।
ତାଟଙ୍କୟୁଗସତ୍କାନ୍ତିଵିଲସଦ୍ଗଣ୍ଡଦର୍ପଣା ॥ ୧୧୩ ॥
ଧମ୍ମିଲ୍ଲପ୍ରୋତ ସୌଵର୍ଣକେତକୀଦଲମଣ୍ଡିତା ।
ଶିଵାର୍ପିତସ୍ଵଲାଵଣ୍ୟତାରୁଣ୍ୟକିଲିକିଞ୍ଚିତା ॥ ୧୧୪ ॥
ସଗ୍ରୈଵେୟକଚିନ୍ତାକଵିଭ୍ରାଜତ୍କମ୍ବୁକନ୍ଧରା ।
ସଖୀସ୍କନ୍ଧାସକ୍ତବାହୁଲତାସୁଲଲିତାଙ୍ଗିକା ॥ ୧୧୫ ॥
ନିତମ୍ବକୁଚଭାରାର୍ତକୃଶମଧ୍ୟସୁମଧ୍ୟମା ।
ନାଭୀସରୋଵରୋଦ୍ଭୂତରୋମାଵଲିଵିରାଜିତା ॥ ୧୧୬ ॥
ତ୍ରିଵଲୀରାଜଲଲିତଗୌରଵର୍ଣତଲୋଦରୀ ।
ଚାମରଗ୍ରାହିଣୀଵୀଜ୍ୟମାନେନ୍ଦୁଦ୍ୟୁତିଚାମରା ॥ ୧୧୭ ॥
ମହାକୁରବକାଶୋକପୁଷ୍ପଵଚୟଲାଲସା ।
ସ୍ଵତପଃସୁଫଲୀଭୂତଵରୋତ୍ତମମହେଶ୍ଵରୀ ॥ ୧୧୮ ॥
ହିମାଚଲତପଃପୁଣ୍ୟଫଲଭୂତସୁତାକୃତିଃ ।
ତ୍ରୈଲୋକ୍ୟରମଣୀରତ୍ନା ଶିଵଚିଚ୍ଚନ୍ଦ୍ରଚନ୍ଦ୍ରିକା ॥ ୧୧୯ ॥
କୀର୍ତିଜ୍ୟୋତ୍ସ୍ନାଧଵଲିତାନେକବ୍ରହ୍ମାଣ୍ଡଗୋଲିକା ।
ଶିଵଜୀଵାତୁଗୁଲିକାଲସଦଙ୍ଗୁଲିମୁଦ୍ରିକା ॥ ୧୨୦ ॥
ପ୍ରୀତିଲାଲିତସତ୍ପୁତ୍ରଗଜାନନଷଡାନନା ।
ଗଙ୍ଗାସାପତ୍ନ୍ୟଜନିତେର୍ୟାୟତେକ୍ଷଣଶୋଣିମା ॥ ୧୨୧ ॥
ଶିଵଵାମାଙ୍କପର୍ୟଂଙ୍କକୃତାସନପରିଗ୍ରହା ।
ଶିଵଦୃଷ୍ଟିଚକୋରୀଷ୍ଟମୁଖପୂର୍ଣେନ୍ଦୁମଣ୍ଡଲା ॥ ୧୨୨ ॥
ଉରୋଜଶୈଲୟୁଗଲଭ୍ରମଚ୍ଛିଵମନୋମୃଗା ।
ବ୍ରହ୍ମଵିଷ୍ଣୁମୁଖାଶେଷଵୃନ୍ଦାରକନଭସ୍କୃତା ॥ ୧୨୩ ॥
ଅପାଙ୍ଗାଙ୍ଗଣସନ୍ତିଷ୍ଠନ୍ନିଗ୍ରହାନୁଗ୍ରହଦ୍ଵୟୀ ।
ସନତ୍କୁମାରଦୁର୍ଵାସଃ ପ୍ରମୁଖୋପାସକାର୍ଥିତା ॥ ୧୨୪ ॥
ହାଦିକୂଟତ୍ରୟୋପାସ୍ୟା କାଦିକୂଟତ୍ରୟାର୍ଚିତା ।
ମୃଦ୍ଵୀକମଧୁପାନାଦ୍ୟୁଦ୍ବୋଧଧୂର୍ଣିତଲୋଚନା ॥ ୧୨୫ ॥
ଅଵ୍ୟକ୍ତଭାଷଣା ଚେଟୀଦତ୍ତଵୀଟୀଗ୍ରହାଲସା ।
ଗାୟନ୍ତୀ ଵିଲସନ୍ତୀ ଚ ଲିଖନ୍ତୀ ପ୍ରିୟଲେଖନା ॥ ୧୨୬ ॥
ଉଲ୍ଲସନ୍ତୀ ଲସନ୍ତୀ ଚ ଦୋଲାନ୍ଦୋଲନତୁଷ୍ଟିଭାକ୍ ।
ଵିପଞ୍ଚୀଵାଦନରତା ସପ୍ତସ୍ଵରଵିଭେଦଵିତ୍ ॥ ୧୨୭ ॥
ଗନ୍ଧର୍ଵୀକିନ୍ନରୀଵିଦ୍ୟାଧରୀୟକ୍ଷସୁରୀନୁତା ।
ଅମରୀକବରୀଭୃଙ୍ଗୀସ୍ଥଗିତାଙ୍ଘ୍ରିସରୋରୁହା ॥ ୧୨୮ ॥
ଗନ୍ଧର୍ଵଗାନଶ୍ରଵଣାନନ୍ଦାନ୍ଦୋଲିତମସ୍ତକା ।
ତିଲୋତ୍ତମୋର୍ଵଶୀରମ୍ଭାନୃତ୍ୟଦର୍ଶନଜାତମୁତ୍ ॥ ୧୨୯ ॥
ଅଚିନ୍ତ୍ୟମହିମାଽଚିନ୍ତ୍ୟଗରିମାଽଚିନ୍ତ୍ୟଲାଧଵା ।
ଅଚିନ୍ତ୍ୟଵିଭଵାଽଚିନ୍ତ୍ୟଵିକ୍ରମାଽଚିନ୍ତ୍ୟସଦ୍ଗୁଣା ॥ ୧୩୦ ॥
ସ୍ତୁତିଃ ସ୍ତଵ୍ୟା ନତିର୍ନମ୍ୟା ଗତିର୍ଗମ୍ୟା ମହାସତୀ ।
ଅନସୂୟାଽରୁନ୍ଧତୀ ଚ ଲୋପାମୁଦ୍ରାଽଦିତିର୍ଦିତିଃ ॥ ୧୩୧ ॥
ସପ୍ତସଂସ୍ଥାସ୍ଵରୂପା ଚାରଣିଃ ସ୍ରୁଗ୍ଵେଦିକା ଧ୍ରୁଵା ।
ଇଡା ପ୍ରଣୀତା ପାତ୍ରୀ ଚ ସ୍ଵଧାସ୍ଵାହାଽଽହୁତିର୍ଵପା ॥ ୧୩୨ ॥
କଵ୍ୟରୂପା ହଵ୍ୟରୂପା ୟଜ୍ଞପାତ୍ରସ୍ଵରୂପିଣୀ ।
ଶଙ୍କରାହୋପୁରୁଷିକା ଗାୟତ୍ରୀଗର୍ଭଵଲ୍ଲଭା ॥ ୧୩୩ ॥
ଚତୁର୍ଵିଂଶତ୍ୟକ୍ଷରାତ୍ମପରୋରଜସିସାଵଦୋମ୍ ।
ଵେଦପ୍ରସୂର୍ଵେଦଗର୍ଭା ଵିଶ୍ଵାମିତ୍ରର୍ଷିପୂଜିତା ॥ ୧୩୪ ॥
ଋଗ୍ୟଜୁଃ ସାମତ୍ରିପଦା ମହାସଵିତୃଦେଵତା ।
ଦ୍ଵିଜତ୍ଵସିଦ୍ଧିଦାତ୍ରୀ ଚ ସାଙ୍ଖ୍ୟାୟନସଗୋତ୍ରିକା ॥ ୧୩୫ ॥
ଗାତୃଦୁର୍ଗତିସଂହର୍ତ୍ରୀ ଚ ଗାତୃସ୍ଵର୍ଗାପଵର୍ଗଦା ।
ଭୃଗୁଵଲ୍ଲୀ ବ୍ରହ୍ମଵଲ୍ଲୀ କଠଵଲ୍ଲୀ ପରାତ୍ପରା ॥ ୧୩୬ ॥
କୈଵଲ୍ପୋପନିଷଦ୍ବ୍ରହ୍ମୋପନିଷନ୍ମୁଣ୍ଡକୋପନିଷତ୍ ।
ଛାନ୍ଦୋଗ୍ୟୋପନିଷଚ୍ଚୈଵ ସର୍ଵୋପନିଷଦାତ୍ମିକା ॥ ୧୩୭ ॥
ତତ୍ତ୍ଵମାଦିମହାଵାକ୍ୟରୂପାଖଣ୍ଡାର୍ଥବୋଧକୃତ୍ ।
ଉପକ୍ରମାଦିଷଡ୍ଲିଙ୍ଗମହାତାତ୍ପର୍ୟବୋଧିନୀ ॥ ୧୩୮ ॥
ଜହତ୍ସ୍ଵାର୍ଥାଜହତ୍ସ୍ଵାର୍ଥଭାଗତ୍ୟାଗାଖ୍ୟଲକ୍ଷଣା ।
ଅସତ୍ଖ୍ୟାତିଶ୍ଚ ସତ୍ଖ୍ୟାତିର୍ମିଥ୍ୟାଖ୍ୟାତିଃ ପ୍ରଭାଽପ୍ରଭା ॥ ୧୩୯ ॥
ଅସ୍ତିଭାତିପ୍ରିୟାତ୍ମା ଚ ନାମରୂପସ୍ଵରୂପିଣୀ ।
ଷଣ୍ମତସ୍ଥାପନାଚାର୍ୟମହାଦେଵକୁଟୁମ୍ବିନୀ ॥ ୧୪୦ ॥
ଭ୍ରାନ୍ତିର୍ଭାନ୍ତିହରୀ ଭ୍ରାନ୍ତିଦାୟିନୀ ଭ୍ରାନ୍ତିକାରିଣୀ ।
ଵିକୃତିର୍ନିକୃତିଶ୍ଚାପି କୃତିଶ୍ଚୋପକୃତିସ୍ତଥା ॥ ୧୪୧ ॥
ସକୃତିଃ ସତ୍କୃତିଃ ପାପକୃତିଃ ସୁକୃତିରୁତ୍କୃତିଃ ।
ଆକୃତିର୍ଵ୍ୟାକୃତିଃ ପ୍ରାୟଶ୍ଚିତ୍ତିର୍ଵିତ୍ତିଃ ସ୍ଥିତିର୍ଗତିଃ ॥ ୧୪୨ ॥
ନଵକୁଣ୍ଡୀ ପଞ୍ଚକୁଣ୍ଡୀ ଚତୁଷ୍କୁଣ୍ଡ୍ୟେକକୁଣ୍ଡିକା ।
ଦେଵସେନାଦୈତ୍ୟସେନାରକ୍ଷଃ ସେନାଦିଭେଦଭାକ୍ ॥ ୧୪୩ ॥
ମହିଷାସ୍ୟୋଦ୍ଗତୋଦ୍ଦଣ୍ଡଦୈତ୍ୟଵେତଣ୍ଡରୁଣ୍ଡହୃତ୍ ।
ଦୈତ୍ୟସେନାତୃଣାରଣ୍ୟଜ୍ଵାଲା ଜ୍ୟୋତିଃସ୍ଵରୂପିଣୀ ॥ ୧୪୪ ॥
ଚଣ୍ଡମୁଣ୍ଡ ମହାଦୈତ୍ୟରୁଣ୍ଡଡକନ୍ଦୁକଖେଲକୃତ୍ ।
ପଶୁଦେହାସୃକ୍ପଲଲତୃପ୍ତା ଦକ୍ଷିଣକାଲିକା ॥ ୧୪୫ ॥
ତଦଞ୍ଚତ୍ପ୍ରେତତଦ୍ରୁଣ୍ଡମାଲା ଵ୍ୟାଲଵିଭୂଷଣା ।
ହଲଦଂଷ୍ଟ୍ରା ଶଙ୍କୁରଦା ପୀତାନେକସୁରାଘଟା ॥ ୧୪୬ ॥
ନେତ୍ରଭ୍ରମିପରାଭୂତରଥଚକ୍ରଦ୍ଵୟଭ୍ରମିଃ ।
ଵ୍ୟାୟାମାଗ୍ରାହ୍ୟଵକ୍ଷୋଜନ୍ୟକ୍କୃତେଭେନ୍ଦ୍ରକୁମ୍ଭିକା ॥ ୧୪୭ ॥
ମାତୃମଣ୍ଡଲମଧ୍ୟସ୍ଥା ମାତୃମଣ୍ଡଲପୂଜିତା ।
ଘଣ୍ଟାଘଣଘଣଧ୍ଵାନପ୍ରୀତା ପ୍ରେତାସନସ୍ଥିତା ॥ ୧୪୮ ॥
ମହାଲସା ଚ ମାର୍ତଣ୍ଡଭୈରଵପ୍ରାଣଵଲ୍ଲଭା ।
ରାଜଵିଦ୍ୟା ରାଜସତୀ ରାଜସ୍ତ୍ରୀ ରାଜସୁନ୍ଦରୀ ॥ ୧୪୯ ॥
ଗଜରାଜାଦିରଲକାପୁରୀସ୍ଥା ୟକ୍ଷଦେଵତା ।
ମତ୍ସ୍ୟମୂର୍ତିଃ କୂର୍ମମୂର୍ତିଃ ସ୍ଵୀକୃତକ୍ରୋଡଵିଗ୍ରହା ॥ ୧୫୦ ॥
ନୃସିଂହମୂର୍ତିର୍ରତ୍ୟୁଗ୍ରା ଧୃତଵାମନଵିଗ୍ରହା ।
ଶ୍ରୀଜାମଦଗ୍ନ୍ୟମୂର୍ତିଶ୍ଚ ଶ୍ରୀରାମମୂର୍ତିର୍ହତାସ୍ରପା ॥ ୧୫୧ ॥
କୃଷ୍ଣମୂର୍ତିର୍ବୁଦ୍ଧମୂର୍ତିଃ କଲ୍କିମୂର୍ତିରମୂର୍ତିକା ।
ଵିରାଣ୍ମୂର୍ତିର୍ଜଗନ୍ମୂର୍ତିର୍ଜଗଜ୍ଜନ୍ମାଦିକାରିଣୀ ॥ ୧୫୨ ॥
ଆଧାରାଧେୟସମ୍ବନ୍ଧହୀନା ତଦୁଭୟାତ୍ମିକା ।
ନିର୍ଗୁଣା ନିଷ୍କ୍ରିୟାଽସଙ୍ଗା ଧର୍ମାଧର୍ମଵିଵର୍ଜିତା ॥ ୧୫୩ ॥
ମାୟାସମ୍ବନ୍ଧରହିତାସଚ୍ଚିଦାନନ୍ଦଵିଗ୍ରହା ।
ଜଗତ୍ତରଙ୍ଗଜଲଧିରୂପା ଚୀତ୍କୃତିଭେଦଭାକ୍ ॥ ୧୫୪ ॥
ମହାତତ୍ତ୍ଵାତ୍ମିକା ଵୈକାରାହଙ୍କାରସ୍ଵରୂପିଣୀ ।
ରଜୋହଙ୍କାରରୂପା ଚ ତମୋହଙ୍କାରରୂପିଣୀ ॥ ୧୫୫ ॥
ଆକାଶରୂପିଣୀ ଵାୟୁରୂପିଣ୍ୟଗ୍ନିସ୍ଵରୂପିଣୀ ।
ଅମ୍ବାତ୍ମିକା ଭୂସ୍ଵରୂପା ପଞ୍ଚଜ୍ଞାନେନ୍ଦ୍ରିୟାତ୍ମିକା ॥ ୧୫୬ ॥
କର୍ମେନ୍ଦ୍ରିୟାତ୍ମିକା ପ୍ରାଣାପାନଵ୍ୟାନାଦିରୂପିଣୀ ।
ନାଗକୂର୍ମାଦିରୂପା ଚ ସର୍ଵନାଡୀଵିହାରିଣୀ ॥ ୧୫୭ ॥
ଆଧାରଚକ୍ରାଧିଷ୍ଠାତ୍ରୀ ସ୍ଵାଧିଷ୍ଠାନପ୍ରତିଷ୍ଠିତା ।
ମଣିପୂରକସଂସ୍ଥାନାଽନାହତାବ୍ଜାଧିଦେଵତା ॥ ୧୫୮ ॥
ଵିଶୁଦ୍ଧଚକ୍ରପୀଠସ୍ଥାଽଽଜ୍ଞାଚକ୍ରପରମେଶ୍ଵରୀ ।
ଦ୍ଵିପତ୍ରୀ ଷୋଡଶଦଲୀ ତଥା ଦ୍ଵାଦଶପତ୍ରିକା ॥ ୧୫୯ ॥
ପ୍ରଦଲଦ୍ଦଶପତ୍ରୀ ଚ ଷଡ୍ଦଲୀ ଚ ଚତୁର୍ଦଲୀ ।
ଵାସାନ୍ତମାତୃକା ବାଦିଲାନ୍ତଵର୍ଣାଧିଦେଵତା ॥ ୧୬୦ ॥
ଡାଦିଫାନ୍ତାକ୍ଷରଵତୀ କାଦିଠାନ୍ତାକ୍ଷରେଶ୍ଵରୀ ।
ଷୋଡଶସ୍ଵରବୀଜେଶୀ ସ୍ପର୍ଶୋଷ୍ମାନ୍ତଃସ୍ଥଦେଵତା ॥ ୧୬୧ ॥
ହକ୍ଷାକ୍ଷରଦ୍ଵୟୀରୂପା ପଞ୍ଚାଶନ୍ମାତୃକେଶ୍ଵରୀ ।
ସହସ୍ରାରାବ୍ଜପୀଠସ୍ଥା ଶିଵଶକ୍ତିର୍ଵିମୁକ୍ତିଦା ॥ ୧୬୨ ॥
ପଞ୍ଚାମ୍ନାୟଶିଵପ୍ରୋକ୍ତା ମନ୍ତ୍ରବୀଜାଧିଦେଵତା ।
ସୌଃକ୍ଲୀଂହ୍ରୀଂବୀଜଫଲଦା ମହାପ୍ଲକ୍ଷସରସ୍ଵତୀ ॥ ୧୬୩ ॥
ନଵାର୍ଣଵା ସପ୍ତଶତୀ ମାଲାମନ୍ତ୍ରସ୍ଵରୂପିଣୀ ।
ଅର୍ଗଲେଶୀ କୀଲକେଶୀ କଵଚେଶୀ ତ୍ରିମୂର୍ତିକା ॥ ୧୬୪ ॥
ସକାରାଦିହକାରାନ୍ତମହମନ୍ତ୍ରାଧିଦେଵତା ।
ସକୃତ୍ସପ୍ତଶତୀପାଠପ୍ରୀତା ପ୍ରୋକ୍ତଫଲପ୍ରଦା ॥ ୧୬୫ ॥
କୁମାରୀପୂଜନୋଦ୍ୟନ୍ମୁଚ୍ଚିରଣ୍ଟୀପୂଜନୋତ୍ସୁକା ।
ଵିପ୍ରପୂଜନସନ୍ତୁଷ୍ଟା ନିତ୍ୟଶ୍ରୀର୍ନିତ୍ୟମଙ୍ଗଲା ॥ ୧୬୬ ॥
ଜୟଦାଦିମଚାରିତ୍ରା ଶ୍ରୀଦ ମଧ୍ୟଚରିତ୍ରିକା ।
ଵିଦ୍ୟାଦୋତ୍ତମଚାରିତ୍ରା କାମିତାର୍ଥପ୍ରଦାୟିକା ॥ ୧୬୭ ॥
ଇଷ୍ଟକୃଷ୍ଣାଷ୍ଟମୀ ଚେଷ୍ଟନଵମୀ ଭୂତପୂର୍ଣିମା ।
ଇଷ୍ଟଶୁକ୍ରାରଦିଵସା ଧୂତଦୀପଦ୍ଵୟୋତ୍ସୁକା ॥ ୧୬୮ ॥
ନଵରାତ୍ରୋତ୍ସଵାସକ୍ତା ପୂଜାହୋମବଲିପ୍ରିୟା ।
ଇଷ୍ଟେକ୍ଷୁକୂଷ୍ମାଣ୍ଡଫଲାହୂତିରିଷ୍ଟଫଲାହୁତିଃ ॥ ୧୬୯ ॥
ପ୍ରତିମାସୂତ୍କୃଷ୍ଟପୁଣ୍ୟା ଚ ମହାୟନ୍ତ୍ରାର୍ଚନାଵିଧିଃ ।
କାତ୍ୟାୟନୀ କାମଦୋଗ୍ଧ୍ରୀ ଖେଚରୀ ଖଡ୍ଗଚର୍ମଧୃକ୍ ॥ ୧୭୦ ॥
ଗଜାସ୍ୟମାତା ଘଟିକା ଚଣ୍ଡିକା ଚକ୍ରଧାରିଣୀ ।
ଛାୟା ଛଵିମୟୀ ଛନ୍ନା ଜରାମୃତ୍ୟୁଵିଵର୍ଜିତା ॥ ୧୭୧ ॥
ଝଲ୍ଲୀଝଙ୍କାରମୁଦିତା ଝଞ୍ଝାଵାତଝଣତ୍କୃତିଃ ।
ଟଙ୍କହସ୍ତା ଟଣଚ୍ଚାପଠଦ୍ଵୟୀ ପଲ୍ଲଵୋନ୍ମନୁଃ ॥ ୧୭୨ ॥
ଡମରୁଧ୍ଵାନମୁଦିତା ଡାକିନୀଶାକିନୀଶ୍ଵରୀ ।
ଢୁଣ୍ଢିରାଜସ୍ୟ ଜନନୀ ଢକାଵାଦ୍ୟଵିଲାସିନୀ ॥ ୧୭୩ ॥
ତରିକା ତାରିକା ତାରା ତନ୍ଵଙ୍ଗୀ ତନୁମଧ୍ୟମା ।
ଧୂପୀକୃତାସୁରା ଦୀର୍ଘଵେଣୀ ଦୃପ୍ତା ସୁରାର୍ତିହୃତ୍ ॥ ୧୭୪ ॥
ଧୂମ୍ରଵର୍ଣା ଧୂମ୍ରକେଶୀ ଧୂମ୍ରାକ୍ଷପ୍ରାଣହାରିଣୀ ।
ନଗେଶତନୟା ନାରୀ ମତଲ୍ଲୀ ପଟ୍ଟିହେତିକା ॥ ୧୭୫ ॥
ପାତାଲଲୋକାଧିଷ୍ଠାତ୍ରୀ ଫେରୂକୃତମହାସୁରା ।
ଫଣୀନ୍ଦ୍ରଶୟନା ବୋଧଦାୟିନୀ ବହୁରୂପିଣୀ ॥ ୧୭୬ ॥
ଭାମିନୀ ଭାସିନୀ ଭ୍ରାନ୍ତିକରୀ ଭ୍ରାନ୍ତିଵିନାଶିନୀ ।
ମାତଙ୍ଗୀ ମଦିରାମତ୍ତା ମାଧଵୀ ମାଧଵପ୍ରିୟା ॥ ୧୭୭ ॥
ୟାୟଜୂକାର୍ଚିତା ୟୋଗିଧ୍ୟେୟା ୟୋଗୀଶଵଲ୍ଲଭା ।
ରାକାଚନ୍ଦ୍ରମୁଖୀ ରାମା ରେଣୁକା ରେଣୁକାତ୍ମଜା ॥ ୧୭୮ ॥
ଲୋକାକ୍ଷୀ ଲୋହିତା ଲଜ୍ଜା ଵାମାକ୍ଷୀ ଵାସ୍ତୁଶାନ୍ତିଦା ।
ଶାତୋଦରୀ ଶାଶ୍ଵତିକା ଶାତକୁମ୍ଭଵିଭୂଷଣା ॥ ୧୭୯ ॥
ଷଡାସ୍ୟମାତା ଷଟ୍ଚକ୍ରଵାସିନୀ ସର୍ଵମଙ୍ଗଲା ।
ସ୍ମେରାନନା ସୁପ୍ରସନ୍ନା ହରଵାମାଙ୍କସଂସ୍ଥିତା ॥ ୧୮୦ ॥
ହାରିଵନ୍ଦିତପାଦାବ୍ଜା ହ୍ରୀଂବୀଜଭୁଵନେଶ୍ଵରୀ ।
କ୍ଷୌମାମ୍ବରେନ୍ଦୁଗୋକ୍ଷୀରଧଵଲା ଵନଶଙ୍କରୀ ॥ ୧୮୧ ॥
( ॥ ଷଡଙ୍ଗନ୍ୟାସଧ୍ୟାନ ମାନସୋପଚାର ପୂଜନମ୍ ॥)
ଅଥ ଫଲଶ୍ରୁତିଃ ।
ଇତୀଦଂ ଵନଶଙ୍କର୍ୟାଃ ପ୍ରୋକ୍ତଂ ନାମସହସ୍ରକମ୍ ।
ଶାନ୍ତିଦଂ ପୁଷ୍ଟିଦଂ ପୁଣ୍ୟଂ ମହାଵିପତ୍ତିନାଶନମ୍ ॥ ୧ ॥
ଦାରିଦ୍ର୍ୟଦୁଃଖଶମନଂ ନାନାରୋଗନିଵାରଣମ୍ ।
ଇଦଂ ସ୍ତୋତ୍ରଂ ପଠେଦ୍ଭକ୍ତ୍ୟା ୟସ୍ତ୍ରିସନ୍ଧ୍ୟଂ ନରଃ ଶୁଚିଃ ॥ ୨ ॥
ନାରୀ ଵା ନିୟତା ଭକ୍ତ୍ୟା ସର୍ଵାନ୍କାମାନଵାପ୍ନୁୟାତ୍ ।
ଅସ୍ୟ ସ୍ତୋତ୍ରସ୍ୟ ସତତଂ ୟତ୍ର ପାଠଃ ପ୍ରଵର୍ତତେ ॥ ୩ ॥
ତସ୍ମିନ୍ନଗୃହେ ମହାଲକ୍ଷ୍ମୀଃ ସ୍ଵଭର୍ତ୍ରା ସହ ମୋଦତେ ।
ନାନେନ ସଦୃଶଂ ସ୍ତୋତ୍ରଂ ଭୁକ୍ତିମୁକ୍ତିପ୍ରଦାୟକମ୍ ॥ ୪ ॥
ଵିଦ୍ୟତେଽନ୍ୟସତ୍ୟମେତତ୍ ଶକ୍ର ଵଚ୍ମି ପୁନଃ ପୁନଃ ।
ବକଵନ୍ଧ୍ୟା କାକଵନ୍ଧ୍ୟା ନାରୀସ୍ତୋତ୍ରମିଦଂ ପଠେତ୍ ॥ ୫ ॥
ଵଷେଣୈକେନ ସା ପୁତ୍ରଂ ଲଭେନ୍ନାତ୍ରାସ୍ତି ସଂଶୟଃ ।
ସାମାନ୍ୟକାର୍ୟସିଦ୍ଧିସ୍ତୁ ଶତାଵର୍ତନତୋ ଭଵେତ୍ ॥ ୬ ॥
ମହାକାର୍ୟସ୍ୟ ସିଦ୍ଧିସ୍ତୁ ସହସ୍ରାଵର୍ତନାଦ୍ଧ୍ରୁଵମ୍ ।
ନ ତତ୍ର ପୀଡା ଜାୟେତ ଭୂତପ୍ରେତଗ୍ରହୋଦ୍ଭଵା ॥ ୭ ॥
ଲୋକଵଶ୍ୟଂ ରାଜଵଶ୍ୟଂ ସ୍ତୋତ୍ରସ୍ୟ ପଠନାଦ୍ଭଵେତ୍ ।
ଶତ୍ରଵଃ ସଂକ୍ଷୟଂ ୟାନ୍ତି ଦସ୍ୟଵଃ ପିଶୁନାସ୍ତଥା ॥ ୮ ॥
ନୈଵ ଶାକମ୍ଭରୀଭକ୍ତାଃ ସୀଦନ୍ତି ବଲସୂଦନ ।
ଶାକମ୍ଭରୀ ସ୍ଵଭକ୍ତାନାମଵିତ୍ରୀ ଜନନୀ ୟଥା ॥ ୯ ॥
ୟଦ୍ୟତ୍କାର୍ୟଂ ସମୁଦ୍ଦିଶ୍ୟ ଧ୍ୟାୟନ୍ ଶାକମ୍ଭରୀଂ ହୃଦି ।
ସ୍ତୋତ୍ରମେତତ୍ପଠେତ୍ତସ୍ୟ ତତ୍କାର୍ୟଂ ଚ ପ୍ରସିଦ୍ଧ୍ୟତି ॥ ୧୦ ॥
ମୁଚ୍ୟତେ ବନ୍ଧନାଦ୍ବଦ୍ଧୋ ରୋଗୀ ମୁଚ୍ୟେତ ରୋଗତଃ ।
ଋଣଵାନୃଣତୋ ମୁଚ୍ୟେନ୍ନାତ୍ର କାର୍ୟା ଵିଚାରଣା ॥ ୧୧ ॥
ପୌଷେ ମାସି ସିତେ ପକ୍ଷେ ପ୍ରାରଭ୍ୟ ତିଥିମଷ୍ଟମୀମ୍ ।
ଦେଵ୍ୟାଃ ଆରାଧନଂ କୁର୍ୟାଦନ୍ଵହଂ ପୂର୍ଣିମାଵଧି ॥ ୧୨ ॥
ସଶାକୈରୁତ୍ତମାନ୍ନୈଶ୍ଚ ବ୍ରାହ୍ମଣାଂଶ୍ଚ ସୁଵାସିନୀଃ ।
ସନ୍ତର୍ପୟେଦ୍ୟଥାଶକ୍ତି ଦେଵୀଂ ସମ୍ପୂଜ୍ୟ ଭକ୍ତିତଃ ॥ ୧୩ ॥
ଵିତ୍ତଶାଠ୍ୟଂ ନ କୁର୍ଵୀତ ଶାକମ୍ଭର୍ୟାଃ ସମର୍ଚନେ ।
ତସ୍ମୈ ପ୍ରସନ୍ନା ଭକ୍ତାୟ ଦଦ୍ୟାତ୍କାମାନଭୀପ୍ସିତାନ୍ ॥ ୧୪ ॥
ଵିଦ୍ୟାର୍ଥୀ ପ୍ରାପ୍ନୁୟାଦ୍ଵିଦ୍ୟାଂ ଧନାର୍ଥୀ ଚାପ୍ନୁୟାଦ୍ଧନମ୍ ।
ଦାରାର୍ଥୀ ପ୍ରାପ୍ନୁୟାଦ୍ଦାରାନପତ୍ୟାର୍ଥୀ ତଦାପ୍ନୁୟାତ୍ ॥ ୧୫ ॥
ଆପ୍ନୁୟାନ୍ମନ୍ଦବୁଦ୍ଧିସ୍ତୁ ଗ୍ରନ୍ଥଧାରଣପାଟଵମ୍ ।
ଅସ୍ୟ ସ୍ତୋତ୍ରସ୍ୟ ପାଠେନ ପ୍ରାପ୍ନୁୟାଦ୍ୟଦ୍ୟଦୀପ୍ସିତମ୍ ॥ ୧୬ ॥
ଅୟୁତାଵର୍ତନାଦସ୍ୟ ସ୍ତୋତ୍ରସ୍ୟ ବଲସୂଦନ ।
ପଶ୍ୟେଚ୍ଛାକମ୍ଭରୀଂ ସାକ୍ଷାତ୍ତଦ୍ଭକ୍ତୋ ନାତ୍ର ସଂଶୟଃ ॥ ୧୭ ॥
ହୋମଂ ଚ କୁର୍ୟାଦ୍ଵିଧିଵତ୍ପାୟସେନ ସସର୍ପିଷା ।
ସୌଭାଗ୍ୟଦ୍ରଵ୍ୟୟୁକ୍ତେନ ସେକ୍ଷୁକୂଷ୍ମାଣ୍ଡକେନ ଚ ॥ ୧୮ ॥
ସୁଵାସିନୀଃ କୁମାରୀଶ୍ଚ ବ୍ରାହ୍ମଣାଂଶ୍ଚ ଦିନେ ଦିନେ ।
ସମ୍ଭୋଜୟେତ୍ସଦନ୍ନେନ ସସିତାମଧୁସର୍ପିଷା ॥ ୧୯ ॥
ଦଦ୍ୟାତ୍ତେଭ୍ୟଶ୍ଚ ତାଭ୍ୟଶ୍ଚ ଵସ୍ତ୍ରାଲଙ୍କାରଦକ୍ଷିଣାଃ ।
ତସ୍ମୈ ଶାକମ୍ଭରୀ ଦଦ୍ୟାତ୍ପୁରୁଷାର୍ଥଚତୁଷ୍ଟୟମ୍ ॥ ୨୦ ॥
ଆଚନ୍ଦ୍ରାର୍କଂ ତସ୍ୟ ଵଶଃ ସ୍ଥାସ୍ୟତ୍ୟତ୍ର ଗୁଣୀ ସୁଖୀ ।
ଶାକମ୍ଭର୍ୟୈ ନମ ଇତି ୟସ୍ତୁ ମନ୍ତ୍ରଂ ଷଡକ୍ଷରମ୍ ॥ ୨୧ ॥
ଭକ୍ତ୍ୟା ଜପେନ୍ନରସ୍ତସ୍ୟ ସର୍ଵତ୍ର ଜୟମଙ୍ଗଲମ୍ ।
ଶାକମ୍ଭର୍ୟା ଇଦଂ ଶକ୍ର ଦିଵ୍ୟଂ ନାମସହସ୍ରକମ୍ ॥ ୨୨ ॥
ଗୁରୁଭକ୍ତାୟ ଶାନ୍ତାୟ ଦେୟଂ ଶ୍ରଦ୍ଧାଲଵେ ତ୍ଵୟା ।
ତ୍ଵମପ୍ୟାଖଣ୍ଡଲ ସଦା ପଠେଦଂ ସ୍ତୋତ୍ରମୁତ୍ତମମ୍ ॥ ୨୩ ॥
ଶତ୍ରୂନ୍ ଜେଷ୍ୟସି ସଙ୍ଗ୍ରାମେ ସର୍ଵାନ୍କାମାନଵାପ୍ସ୍ୟସି ।
ଇତି ଶ୍ରୁତ୍ଵା ସ୍କନ୍ଦଵାକ୍ୟଂ ଶକ୍ରଃ ସନ୍ତୁଷ୍ଟମାନସଃ ॥ ୨୪ ॥
ପ୍ରଣମ୍ୟ ଗୁହମାପୃଷ୍ଟ୍ଵା ସଗଣଃ ସ୍ଵଦିଵଂ ୟୟୌ ॥ ୨୫ ॥
ସୂତ ଉଵାଚ –
ଦୁର୍ଭିକ୍ଷେ ଋଷିପୋଷିଣ୍ୟାଃ ଶାକମ୍ଭର୍ୟାଃ ପ୍ରକୀର୍ତିତମ୍ ।
ଇଦଂ ନାମସହସ୍ରଂ ଵଃ କିଂ ଭୂୟଃ ଶ୍ରୋତୁମିଚ୍ଛଥ ॥ ୨୬ ॥
॥ ଇତି ଶ୍ରୀସ୍କନ୍ଦପୁରାଣେ ଶାକମ୍ଭରୀ ତଥା ଵନଶଙ୍କରୀ ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥