॥ Sharadesha Sahasranamastotram Bengali Lyrics ॥
॥ শ্রীশারদেশসহস্রনামস্তোত্রম্ ॥
দেব্যুবাচ ।
দেবদেব মহাদেব গিরীশ জগতাং পতে ।
সহস্রনামস্তোত্রং মে কৃপয়াস্য বদ প্রভো ॥ ১ ॥
শিব উবাচ ।
ব্রহ্মণস্পতিসূক্তস্থং মন্ত্রাদিবর্ণসম্ভবম্ ।
সহস্রনামস্তোত্রং তু বৈদিকং তে ব্রবীম্যহম্ ॥ ২ ॥
শারদেশমন্ত্রবচ্চ ঋষ্যাদিকমুদীরিতম্ ।
সরস্বতীপতিস্সোমরাজস্সোমপ্রপূজিতঃ ॥ ৩ ॥
সোমার্ধশেখরস্সিদ্ধস্সিদ্ধেশস্সিদ্ধিনায়কঃ ।
সিদ্ধবন্দ্যস্সিদ্ধপূজ্যস্সর্ববিদ্যাপ্রদায়কঃ ॥ ৪ ॥
সর্বাত্মা সর্বদেবাত্মা সদসদ্ব্যক্তিদায়কঃ ।
সংসারবৈদ্যস্সর্বজ্ঞস্সর্বভেষজভেষজম্ ॥ ৫ ॥
সৃষ্টিস্থিতিলয়ক্রীডো য়দুনাথবরপ্রদঃ ।
য়োগগম্যো য়োগময়ো য়োগশান্তিপ্রদায়কঃ ॥ ৬ ॥
য়োগাচার্যো য়োগদাতা য়োগব্রহ্ম য়ুগাধিপঃ ।
য়জ্ঞেশ্বরো য়জ্ঞমূর্তির্যজমানেষ্টদায়কঃ ॥ ৭ ॥
য়জ্ঞকর্তা য়জ্ঞধর্তা য়জ্ঞভোক্তা য়মীশ্বরঃ ।
ময়ূরেশো ময়ূরেশপুরাধীশো ময়ূরপঃ ॥ ৮ ॥
ময়ূরবাহনো মায়ী মায়িকো মধুরপ্রিয়ঃ ।
মন্ত্রো মন্ত্রপ্রিয়ো মন্ত্রী মদমত্তমনোরমঃ ॥ ৯ ॥
মন্ত্রসিদ্ধিপ্রদো মন্ত্রজ্ঞানদো মুক্তিদায়কঃ ।
মন্দাকিনীতীরবাসী মুদ্গরায়ুধধারকঃ ॥ ১০ ॥
স্বানন্দবাসী স্বানন্দনায়কস্সুখদায়কঃ ।
স্বস্বানন্দপ্রদস্স্বস্বানন্দয়োগসুলভ্যকঃ ॥ ১১ ॥
স্বানন্দভবনাধীশস্স্বর্গস্বানন্দনায়কঃ ।
স্বর্গস্বানন্দনিলয়স্স্বর্গস্বানন্দসৌখ্যদঃ ॥ ১২ ॥
সুখাত্মা সুরসম্পূজ্যস্সুরেন্দ্রপদদায়কঃ ।
সুরেন্দ্রপূজিতস্সোমরাজপুত্রস্সুরার্চিতঃ ॥ ১৩ ॥
সুরেন্দ্রাত্মা তত্ত্বময়স্তরুণস্তরুণীপ্রিয়ঃ ।
তত্পদস্তত্পদারাধ্যস্তপস্বীজনসেবিতঃ ॥ ১৪ ॥
তাপসস্তাপসারাধ্যস্তপোমার্গপ্রকাশকঃ ।
তত্ত্বমস্যাকৃতিধরস্তত্ত্বমস্যার্থবোধকঃ ॥ ১৫ ॥
তত্ত্বানাং পরমং তত্ত্বং তারকান্তরসংস্থিতঃ ।
তারকস্তারকমুখস্তারকান্তকপূজিতঃ ॥ ১৬ ॥
তত্ত্বাতীতস্তত্ত্বময়স্তরুণাদিত্যপাটলঃ ।
উপেন্দ্র উডুভৃন্মৌলিরুণ্ডেরকবলিপ্রিয়ঃ ॥ ১৭ ॥
উচ্ছিষ্টগণ উচ্ছিষ্ট উচ্ছিষ্টগণনায়কঃ ।
উপেন্দ্রপূজিতপদ উপেন্দ্রবরদায়কঃ ॥ ১৮ ॥
উন্নতানন উত্তুঙ্গ উদারত্রিদশাগ্রণী ।
উমাপূজিতপাদাব্জ উমাঙ্গমলসম্ভবঃ ॥ ১৯ ॥
উমাবাঞ্ছিতসন্দাতা উমেশপরিপূজিতঃ ।
উমাপুত্র উমাপুত্রপূজ্য উমেশবিগ্রহঃ ॥ ২০ ॥
তুরীয়স্তুর্যপদগস্তুরীয়মূর্তিসংয়ুতঃ ।
তুম্বুরুস্তোত্রসন্তুষ্টস্তুরীয়বেদসংস্তুতঃ ॥ ২১ ॥
তুরীয়াত্মা তুর্যপদদস্তুম্বুরুগানতোষিতঃ ।
তুষ্টিপ্রিয়স্তুণ্ডবক্রস্তুষারহিমসন্নিভঃ ॥ ২২ ॥
তুরীয়লোকনিলয়স্তুরীয়গুণধারকঃ ।
তুরীয়মূর্তিসম্পূজ্যঃ পরমাত্মা পরাত্পরঃ ॥ ২৩ ॥
পরঞ্জ্যোতিঃ পরন্ধাম পূর্ণপ্রণববিগ্রহঃ ।
প্রণবঃ প্রণবারাধ্যঃ প্রণবাতীতবিগ্রহঃ ॥ ২৪ ॥
প্রণবাস্যঃ পরম্ব্রহ্ম পুরুষঃ প্রকৃতেঃ পরঃ ।
পুরাণপুরুষঃ পূতঃ পুণ্যাপুণ্যফলপ্রদঃ ॥ ২৫ ॥
পদ্মপ্রসন্ননয়নঃ পদ্মজার্চিত পাদুকঃ ।
য়য়াতিপূজনপ্রীতো য়য়াতিবরদায়কঃ ॥ ২৬ ॥
য়মীষ্টবরসন্দাতা য়মীসৌভাগ্যদায়কঃ ।
য়মীভুক্তিমুক্তিদাতা য়মীজ্ঞানপ্রদায়কঃ ॥ ২৭ ॥
য়োগমুদ্গলসম্পূজ্যো য়োগমুদ্গলসিদ্ধিদঃ ।
য়োগমুদ্গলবিজ্ঞাতা য়োগমুদ্গলদেশিকঃ ॥ ২৮ ॥
য়োগিয়োগপ্রদো য়োগিজ্ঞানদো য়োগশাস্ত্রকৃত্ ।
য়োগভূমিধরো য়োগমায়িকো য়োগমার্গবিত্ ॥ ২৯ ॥
পদ্মেশ্বরঃ পদ্মনাভঃ পদ্মনাভপ্রপূজিতঃ ।
পদ্মাপতিঃ পশুপতিঃ পশুপাশবিমোচকঃ ॥ ৩০ ॥
পাশপাণিঃ পর্শুধরঃ পঙ্কজাসনসংস্থিতঃ ।
পঙ্কজাসনসম্পূজ্যঃ পদ্মমালাধরঃ পতিঃ ॥ ৩১ ॥
পন্নগাভরণঃ পন্নগেশঃ পন্নগভূষণঃ ।
পন্নগেশসুতঃ পন্নগেশলোকনিবাসকৃত্ ॥ ৩২ ॥
তমোহর্তা তামসীশস্তমোভর্তা তমোময়ঃ ।
স্তব্যস্তুতিপ্রিয়স্তোত্রং স্তোত্ররাজপ্রতোষিতঃ ॥ ৩৩ ॥
স্তবরাজপ্রিয়ঃ স্তুত্যস্তুরুষ্কসঙ্ঘনাশকঃ ।
স্তোময়জ্ঞপ্রিয়ঃ স্তোমফলদঃ স্তোমসিদ্ধিদঃ ॥ ৩৪ ॥
স্নানপ্রিয়স্স্নানভর্তা স্নাতকাভীষ্টদায়কঃ ।
কর্মসাক্ষী কর্মকর্তা কর্মাকর্মফলপ্রদঃ ॥ ৩৫ ॥
কমণ্ডলুনদীতীরনিবাসী কটিসূত্রভৃত্ ।
কদম্বগোলকাকারঃ কূষ্মাণ্ডগণনায়কঃ ॥ ৩৬ ॥
কস্তূরিতিলকোপেতঃ কামেশঃ কামপূজিতঃ ।
কমণ্ডলুধরঃ কল্পঃ কপর্দী কলভাননঃ ॥ ৩৭ ॥
কারুণ্যদেহঃ কপিলঃ কপিলাভীষ্টদায়কঃ ।
উগ্র উগ্রায়ুধধরো উগ্ররুদ্রপ্রপূজিতঃ ॥ ৩৮ ॥
উগ্রহর্তা উগ্রভর্তা উগ্রশাসনকারকঃ ।
উগ্রপাণ্ড্যসুসম্পূজ্য উগ্রপাণ্ড্যেষ্টদায়কঃ ॥ ৩৯ ॥
উম্বীজজপসুপ্রীত উদীচীদিশি সংস্থিতঃ ।
উদঙ্মুখ উদগ্দেশনিবাসী উচিতপ্রিয়ঃ ॥ ৪০ ॥
উচিতজ্ঞো গণেশানো গণক্রীডো গণাধিপঃ ।
গণনাথো গজমুখো গুণেশো গণনায়কঃ ॥ ৪১ ॥
গুণাধারো গুণময়ো গুণশান্তিপ্রধারকঃ ।
গঁ বীজো গঁ পদারাধ্যো গজাকারো গজেশ্বরঃ ॥ ৪২ ॥
গঙ্গাধরসমারাধ্যো গঙ্গাতীরবিহারকৃত্ ।
দক্ষয়জ্ঞপ্রমথনো দহরাকাশমধ্যগঃ ॥ ৪৩ ॥
দক্ষো দক্ষভক্তিতুষ্টো দক্ষয়জ্ঞবরপ্রদঃ ।
দেবেশো দণ্দনীতিস্থো দৈত্যদানবমোহনঃ ॥ ৪৪ ॥
দয়াবান্ দিব্যবিভবো দক্ষিণামূর্তিনন্দনঃ ।
দক্ষিণামূর্তিসন্ধ্যাতপদো দেবসুরক্ষকঃ ॥ ৪৫ ॥
দক্ষিণাবর্তক্ষেত্রস্থো দেবেন্দ্রপূজনপ্রিয়ঃ ।
দ্বৈমাতুরো দ্বিবদনো দ্বিপাস্যো দ্বীপরক্ষকঃ ॥ ৪৬ ॥
দ্বিরদো দ্বিরদেশান আধারশক্তি মূর্ধ্নিগঃ ।
আখুকেতন আশাপূরক আখুমহারথঃ ॥ ৪৭ ॥
আধারপীঠ আধার আধারাধেয়বর্জিতঃ ।
আশ্রিতাভীষ্টসন্দাতা আমোদামোদদায়কঃ ॥ ৪৮ ॥
আনন্দভবনাধীশ আনন্দমূর্তিধারকঃ ।
আনন্দময় আনন্দ আনন্দকোশসংস্থিতঃ ॥ ৪৯ ॥
আখুধ্বজ আখুবাহ আনন্দাতীতবিগ্রহঃ ।
সুধাপ্রিয়স্সুধামূর্তিস্সুধাসাগরমধ্যগঃ ॥ ৫০ ॥
সুধাপানরতস্সিন্ধুদৈত্যহা সিন্ধুদেশগঃ ।
সামগানপ্রিয়স্সাধুস্সাধুসিদ্ধিপ্রদায়কঃ ॥ ৫১ ॥
সপ্তাশ্বপূজিতপদস্সপ্তাশ্বরথমধ্যগঃ ॥
সপ্তলোকশরীরাঢ্যস্সপ্তদ্বীপনিবাসকৃত্ ॥ ৫২ ॥
সমুদ্ররাজসম্পূজ্যো নাগাস্যো নগজাসুতঃ ।
নন্দ্যো নন্দিপ্রিয়ো নাদো নাদমধ্যে প্রতিষ্ঠিতঃ ॥ ৫৩ ॥
নির্মলো নিষ্কলো নিত্যো নিরবদ্যো নিরঞ্জনঃ ।
নারদাদিসুসংসেব্যো নিত্যানিত্যো নিরাময়ঃ ॥ ৫৪ ॥
নামপারায়ণপ্রীতো নির্গুণো নিজলোকগঃ ।
তন্নামজপসুপ্রীতস্তত্ত্বাতত্ত্ব বিবেকদঃ ॥ ৫৫ ॥
তদ্ভক্তজনসংসেব্যস্তদাজ্ঞা পরিপালকঃ ।
তিন্ত্রিণ্যন্নপ্রিয়তমস্তন্ত্রশাস্ত্রবিশারদঃ ॥ ৫৬ ॥
তন্ত্রগম্যস্তন্ত্রবেদ্যস্তন্ত্রমার্গপ্রকাশকঃ ।
তন্ত্রারাধনসন্তুষ্টস্তন্ত্রসিদ্ধিপ্রদায়কঃ ॥ ৫৭ ॥
তন্ত্রমুদ্রাপ্রমুদিতস্তন্ত্রন্যাসপ্রতোষিতঃ ।
তন্ত্রাভাসমার্গহর্তা তন্ত্রপাষণ্ডখণ্ডকঃ ॥ ৫৮ ॥
তন্ত্রয়োগমার্গগম্য ঊহাপোহদুরাসদঃ ।
ঊর্জস্বানূষ্মলমদ ঊনষোডশবার্ষিকঃ ॥ ৫৯ ॥
ঊডাপূজনসন্তুষ্ট ঊহাপোহবিবর্জিতঃ ।
উমাস্নুষাসুসংশ্লিষ্ট ঊডাবালামনোরমঃ ॥ ৬০ ॥
উমেশপূজিতপদ উমেশাভীষ্টদায়কঃ ।
ঊতিপ্রিয় ঊতিনুত ঊতিকৃদ্বরদায়কঃ ॥ ৬১ ॥
ঊতিত্রয়ীগানবর ঊতিত্রিবেদকারণম্ ।
ঊতিভঙ্গিপ্রিয়তমঃ ত্রাতা ত্রিবেদনায়কঃ ॥ ৬২ ॥
ত্রিগুণাত্মা ত্রিলোকাদিঃ ত্রিবক্ত্রস্ত্রিপদান্বিতঃ ।
ত্রিমূর্তিজনকস্ত্রেতা ত্রিকরস্ত্রিবিলোচনঃ ॥ ৬৩ ॥
ত্রিমূর্তিজপসন্তুষ্টঃ ত্রিমূর্তিবরদায়কঃ ।
ত্রিবেণীতীরসংবাসী ত্রিবেণীস্নানতোষিতঃ ॥ ৬৪ ॥
ত্রিবেণীক্ষেত্রনিলয়ঃ ত্রিবেণীমুণ্ডনপ্রিয়ঃ ।
ত্রিবেণীসঙ্গমস্থায়ী ত্রিবেণীক্ষেত্রসিদ্ধিদঃ ॥ ৬৫ ॥
ত্রিসন্ধ্যাক্ষেত্রনিলয়স্ত্রিসন্ধ্যাক্ষেত্রপালকঃ ।
ত্রিসন্ধ্যাক্ষেত্রজনকস্ত্রিসন্ধ্যাগতদৈত্যহা ॥ ৬৬ ॥
ত্রিসন্ধ্যাগমুনীশানপাতা ত্রিসন্ধিক্ষেত্রগঃ ।
ত্রিসন্ধ্যাতাপসারাধ্যস্ত্রিসন্ধ্যামুনিপালকঃ ॥ ৬৭ ॥
ত্রিসন্ধ্যামুনিদর্পঘ্নস্ত্রিপুরাভীষ্টদায়কঃ ।
ত্রিপুরাপূজনপ্রীতস্ত্রিপুরান্তকপূজিতঃ ॥ ৬৮ ॥
ত্রিপুরেশীসমারাধ্যস্ত্র্যম্বকস্ত্রিপুরান্তকঃ ।
অনপায়োঽনন্তদৃষ্টিরপ্রমেয়োঽজরামরঃ ॥ ৬৯ ॥
অনাবিলোঽপ্রতিরথ অষ্টাত্রিংশত্কলাতনুঃ
অলম্পটো মিতো ক্ষয়্যোঽধনাংশোঽপ্রতিমাননঃ ॥ ৭০ ॥
অষ্টসিদ্ধিসমৃদ্ধি শ্রীরষ্টভৈরবসেবিতঃ ।
অষ্টাদশৌষধী সৃষ্টিরষ্টদ্রব্যহবিঃ প্রিয়ঃ ॥ ৭১ ॥
অষ্টমূর্তিধ্যেয়মূর্তিরষ্টমাত্রসমাবৃতঃ ।
অষ্টপত্রাম্বুজাসীন অষ্টপ্রকৃতিকারণম্ ॥ ৭২ ॥
অষ্টচক্রস্ফুরন্মূর্তিরষ্টৈশ্বর্যপ্রদায়কঃ ।
অষ্টপীঠোপপীঠশ্রীরষ্টদিক্পতিবন্দিতঃ ॥ ৭৩ ॥
অগ্নিরক্ষমালিকাঢ্যো ব্যয়োঽষ্টবসুবন্দিতঃ ।
অষ্টাদশপুরাণেড্য অষ্টাদশবিধিস্মৃতঃ ॥ ৭৪ ॥
অষ্টাদশলিপিব্যষ্টিসমষ্টিজ্ঞানকোবিদঃ ।
ভবাব্ধিতারকো ভাষাজনকো ভারতীপতিঃ ॥ ৭৫ ॥
ভীমো ভীমবিঘ্নহর্তা ভয়ত্রাতা ভবোদ্ভবঃ ।
ভবানীতনয়ো ভক্তিপ্রিয়ো ভক্তপ্রবালকঃ ॥ ৭৬ ॥
ভক্তাধীনো ভক্তিবশ্যো ভুবনেশীবরপ্রদঃ ।
ভূপতির্ভুবনপতির্ভূতেশো ভুবনেশ্বরঃ ॥ ৭৭ ॥
তেজোবতীশিরোরত্নস্তেজোমণ্ডলমধ্যগঃ ।
তেজোময়লোকবাসী তেজোময়কলেবরঃ ॥ ৭৮ ॥
তেজোরূপী তৈজসেশস্তেজঃপুঞ্জস্বরূপবান্ ।
তেজস্তত্ত্বেশসম্পূজ্যস্তেজস্তত্ত্বেষ্টদায়কঃ ॥ ৭৯ ॥
তিথিমাতৃসমুদ্ভূতস্তিথিমাতৃবরপ্রদঃ ।
তিথিমাতৃসমারাধ্যস্তিথিমাতৃপ্রতোষিতঃ ॥ ৮০ ॥
তিথিমাত্রব্রতপ্রীতস্তিথিমাত্রেষ্টদায়কঃ ।
ব্রহ্ম ব্রহ্মার্চিতপদো ব্রহ্মচারী বৃহস্পতিঃ ॥ ৮১ ॥
বৃহত্তমো ব্রহ্মবরো ব্রহ্মণ্যো ব্রহ্মবিত্তমঃ ।
বৃহন্নাদাগ্র্যচীত্কারো ব্রহ্মাণ্ডাবলিমেখলঃ ॥ ৮২ ॥
ব্রহ্মেশো ব্রহ্মলোকস্থো ব্রহ্মপুত্রীসমন্বিতঃ ।
বৃহদারণ্যসংবেদ্যো ব্রহ্মবিদ্যামদোত্কটঃ ॥ ৮৩ ॥
ব্রহ্মাণ্ডকুন্দো ব্রহ্মীশো ব্রহ্মাবর্তনিবাসকৃত্ ।
ব্রহ্মানন্দময়ো ব্রহ্মতনয়ো ব্রহ্মণস্পতিঃ ॥ ৮৪ ॥
মন্দারবৃক্ষসম্ভূতো মন্দারকুসুমপ্রিয়ঃ ।
মন্দারভক্তবরদো মন্দারভক্তিতোষিতঃ ॥ ৮৫ ॥
মন্দারপূজনপ্রীতো মন্দারমণিধারকঃ ।
মন্দারমণিসুপ্রীতো মুনিমণ্ডলমধ্যগঃ ॥ ৮৬ ॥
মুনিপুত্রো মুনীশানো মুনিমানসহংসিকঃ ।
মুনিপুত্রসহচরো মুনিবালসমাবৃতঃ ॥ ৮৭ ॥
মুনিবালাভীষ্টদাতা মুনিবালসমর্চিতঃ ।
মুনিবালভক্তিতুষ্টো মুনিবালেপ্সিতপ্রদঃ ॥ ৮৮ ॥
বিনায়কো বিঘ্নরাজো বিনতাতনয়প্রিয়ঃ ।
বরেণ্যো বেদজনকো বেদবেদাঙ্গ তত্ত্ববিত্ ॥ ৮৯ ॥
বেদান্তশাস্ত্রসংবেদ্যো বেদান্তাগমগোচরঃ ।
বন্দ্যো বাগীশসংসেব্যো বামনো বামনার্চিতঃ ॥ ৯০ ॥
বাগীশ্বরীপতির্বাণীনায়কো বরদায়কঃ ।
বিদ্যাপ্রদো বিভবদো বরেণ্যতনয়ো বশী ॥ ৯১ ॥
স্তনন্ধয়ঃ স্তন্যপানরতঃ স্তন্যপ্রবর্ধকঃ ।
স্তনন্ধয়প্রিয়স্তুর্যশক্তিপুত্রস্তুরীয়পঃ ॥ ৯২ ॥
তৌলিস্নানপরস্তৌলিমাসস্নানপ্রতোষিতঃ ।
তৌলিমাসজপপ্রীতস্তৌলিদানফলপ্রদঃ ॥ ৯৩ ॥
তুঙ্গভদ্রাতীরসংস্থস্তুঙ্গাস্নানফলপ্রদঃ ।
তুঙ্গাজলপানরতঃ তুঙ্গশৈলনিবাসকৃত্ ॥ ৯৪ ॥
তরঙ্গকেলিসংসক্তস্তরঙ্গাব্ধিপ্রভেদকঃ ।
ব্রাহ্মণস্পত্যয়জ্ঞেশো ব্রাহ্মণস্পত্যহোমভুক্ ॥ ৯৫ ॥
ব্রাহ্মণস্পত্যেষ্টিভোক্তা ব্রহ্মসূত্রপ্রবন্ধকৃত্ ।
বৃহজ্জাবালসংবেদ্যো ব্রহ্মবিদ্যাপ্রদায়কঃ ॥ ৯৬ ॥
বৃহন্মায়ো বৃহত্সেনো বৃহদ্বিদ্যো বৃহদ্ধনঃ ।
বৃহদ্গণো বৃহত্কুক্ষির্বৃহদ্ভানুর্বৃহদ্বলঃ ॥ ৯৭ ॥
বৃহদ্রাজ্যপ্রদো ব্রহ্মসূত্রধৃক্ বৃহদীশ্বরঃ ।
সবিতৃমণ্ডলমধ্যস্থস্সবিতা সবিতার্চিতঃ ॥ ৯৮ ॥
সাবিত্রস্সবিতারাধ্যস্সূরস্সূর্যোঽথ সূরজঃ ।
সাবিত্রীতনয়স্সূর্যমূর্তিস্সৌরপ্রপূজিতঃ ॥ ৯৯ ॥
সূরসূতসমারাধ্যস্সৌরমার্গপ্রকাশকঃ ।
সুরবৃক্ষমূলসংস্থস্সুরদ্রুমসুমপ্রিয়ঃ ॥ ১০০ ॥
সুরচন্দনদিগ্ধাঙ্গঃ স্বর্গসৌখ্যপ্রদায়কঃ ।
য়োগাগ্নিকুণ্ডসঞ্জাতো য়োগাগ্নিজ্যোতিরূপবান্ ॥ ১০১ ॥
য়োনিপীঠসন্নিষণ্ণো য়োনিমুদ্রাপ্রতোষিতঃ ।
য়াস্কপ্রিয়ো য়াস্কপূজ্যো য়াস্কেষ্টফলদায়কঃ ॥ ১০২ ॥
য়োনিসংস্থপুষ্করাঢ্যো য়োগিনীগণসেবিতঃ ।
য়োগিনীসেবিতপদো য়োগিনীশক্তিসংবৃতঃ ॥ ১০৩ ॥
য়োগাঙ্গবেদ্যচরণো য়োগসাম্রাজ্যদায়কঃ ।
য়োগগীতাপ্রদো য়োগমন্ত্রদো য়োগবিগ্রহঃ ॥ ১০৪ ॥
তরাতললোকবাসী তরাতলজনাবৃতঃ ।
তরুণাদিত্যসঙ্কাশস্তরুণেন্দুসমর্চিতঃ ॥ ১০৫ ॥
তালীবনসমাসীনস্তালীফলসুভক্ষকঃ ।
তালীমধুরসপ্রীতস্তালীগুল়সুভক্ষকঃ ॥ ১০৬ ॥
তালীবনদেবতেড্যস্তালীদেবীবরপ্রদঃ ।
তালজঙ্ঘদৈত্যহরস্তালজঙ্ঘারিপূজিতঃ ॥ ১০৭ ॥
তমালশ্যামলাকারস্তমালকুসুমপ্রিয়ঃ ।
তমালবনসঞ্চারী তমালদেবতাপ্রিয়ঃ ॥ ১০৮ ॥
অনন্তনামানন্তশ্রীরনন্তানন্তসৌখ্যদঃ ।
অনন্তবদনোঽনন্তলোচনোঽনন্তপাদুকঃ ॥ ১০৯ ॥
অনন্তমকুটোপেত অনন্তশ্রুতিমণ্ডিতঃ ।
অনন্তকুক্ষিপৃষ্ঠাঢ্য অনন্তজানুমণ্ডিতঃ ॥ ১১০ ॥
অনন্তোরুভ্রাজমানোঽনন্তস্কন্ধগলান্বিতঃ ।
অনন্তবাহুপাণ্যাঢ্য অনন্তগুহ্যলিঙ্গকঃ ॥ ১১১ ॥
অনন্তোদারগুণবাননন্তোদারবিক্রমঃ ।
অনন্তসূর্যসঙ্কাশ অনন্তেন্দুসুশীতলঃ ॥ ১১২ ॥
সদাশিবসমারাধ্যস্সদাশিবসুবীর্যজঃ ।
সদাশিবগণেশানস্সদাশিবপদপ্রদঃ ॥ ১১৩ ॥
সদাশিববিঘ্নহরস্সদাশিববরপ্রদঃ ।
সদাশিবহাস্যহেতুঃ সদাশিববিমোহকঃ ॥ ১১৪ ॥
সদাশিবচন্দ্রহর্তা সদাশিবহৃদিস্থিতঃ ।
সদাশিবরূপধরঃ সদাশিবসমীপগঃ ॥ ১১৫ ॥
সদাশিবশক্তিপুত্রস্সদাশিবসুতাগ্রজঃ ।
অশ্বাস্যমুনীসংসেব্য অশ্বাস্যভক্তিতোষিতঃ ॥ ১১৬ ॥
অশ্বাস্যজ্ঞানসন্দাতা অশ্বাস্যয়োগদায়কঃ ।
অশ্বাস্যজপসুপ্রীত অশ্বাস্যশাস্ত্রতোষিতঃ ॥ ১১৭ ॥
অশ্বাস্যবিঘ্নসংহর্তা অশ্বাস্যসিদ্ধিদায়কঃ ।
অশ্বাস্যদৈত্যসংহর্তা অশ্বিনীঋক্ষসম্ভবঃ ॥ ১১৮ ॥
অশ্বিনীদেবতারাধ্য অশ্বিনীশাস্ত্রতোষিতঃ ।
অম্বিকায়জ্ঞসন্তুষ্ট অম্বিকাভীষ্টদায়কঃ ॥ ১১৯ ॥
অম্বাসুতোঽম্বিকালোকসংস্থোঽম্বাগণসেবিতঃ ।
ঋগ্যজুস্সামসম্ভূতি ঋদ্ধিসিদ্ধিপ্রবর্তকঃ ॥ ১২০ ॥
ঋদ্ধিপ্রদো ঋদ্ধিনাথো ঋণত্রয়বিমোচকঃ ।
ঋগ্বেদসূক্তসন্তুষ্টো ঋগ্বেদমন্ত্রতোষিতঃ ॥ ১২১ ॥
ঋগ্বেদব্রাহ্মণপ্রীতো ঋগ্বেদারণ্যহর্ষিতঃ ।
ঋগ্বেদব্রাহ্মণস্পত্যসূক্তোপনিষদীরিতঃ ॥ ১২২ ॥
ঋতো ঋগ্বেদজনকো ঋণহা ঋদ্ধিপূজিতঃ ।
ঋতম্ভরাপ্রজ্ঞয়াজ্যো ঋদ্ধিনাথপ্রতোষিতঃ ॥ ১২৩ ॥
ঋবর্ণচক্রমধ্যস্থো ঋবর্ণজপতোষিতঃ ।
ঋবর্ণমাত্রকাধিশো ঋবর্ণশক্তিনায়কঃ ॥ ১২৪ ॥
ঋতপ্রিয়ো ঋতাধীশো ঋতজ্ঞো ঋতপালকঃ ।
ঋতদেবসমারাধ্যো ঋতলোকনিবাসকৃত্ ॥ ১২৫ ॥
ঋতম্ভরাপীঠসংস্থো ঋতাধীনসুবিগ্রহঃ ।
ঋতম্ভরামার্গবাসী ঋতপালকপালকঃ ॥ ১২৬ ॥
ঋতবাক্ ঋতসঙ্কল্পো ঋতসঙ্কল্পদায়কঃ ।
সসন্নয়ঃ সবিনয়ঃ সুব্রহ্মণ্যগণেশ্বরঃ ॥ ১২৭ ॥
সুষ্ঠুস্রষ্টা সুষ্ঠুপাতা সুরকুঞ্জরভেদনঃ ।
সুরমাত্রতৃসমারাধ্যস্সুরমাতৃবরপ্রদঃ ॥ ১২৮ ॥
সুরমাতৃসুতস্সুষ্ঠু নরদেবপ্রপালকঃ ।
সুরান্তকো দৈত্যহরস্সুরবর্গপ্রপালকঃ ॥ ১২৯ ॥
সুপর্বাণস্সিদ্ধিদাতা সুপর্বাণগণাবৃতঃ ।
সিংহারূঢস্সিংহবাহস্সিংহাস্যস্সিংহদর্পহা ॥ ১৩০ ॥
বিভুর্বিভুগণাধীশো বিশ্বনাথসমর্চিতঃ ।
বিশ্বাতীতো বিশ্বকর্তা বিশ্বপাতা বিরাট্পতিঃ ॥ ১৩১ ॥
বিশ্বনাথসুতো বিশ্বনাথশক্তিসমুদ্ভবঃ ।
বিশ্বনাথক্ষেত্রদাতা বিশ্বনাথপ্রপালকঃ ॥ ১৩২ ॥
বিশ্বনাথপূজিতাঙ্ঘ্রিয়ুগলো বিশ্ববন্দিতঃ ।
বিশ্বেশ্বরো বীতিহোত্রো বীতিহোত্রসমর্চিতঃ ॥ ১৩৩ ॥
য়ুদ্ধকৃদ্যুদ্ধবীরেশো য়ুদ্ধমণ্ডলসংস্থিতঃ ।
য়ুদ্ধেশ্বরো য়ুদ্ধনাথো য়ুদ্ধে সিদ্ধিপ্রদায়কঃ ॥ ১৩৪ ॥
য়ুদ্ধবীরো য়ুদ্ধশূরো য়ুদ্ধেশজয়দায়কঃ ।
য়ুদ্ধকালীশ্বরো য়োধনাথো য়োধগণাবৃতঃ ॥ ১৩৫ ॥
য়োধাগ্রগণ্যো য়োধেশো য়োধেশজয়দায়কঃ ।
য়োধবিঘ্নপ্রশমনো য়োধসিদ্ধিপ্রদায়কঃ ॥ ১৩৬ ॥
বসিষ্ঠদেবো বাসিষ্ঠো বসিষ্ঠকুলভূষণঃ ।
বিশ্বামিত্রপ্রিয়করো বিশ্বামিত্রাভয়প্রদঃ ॥ ১৩৭ ॥
বিশ্বামিত্রসিদ্ধিদাতা বিশ্বামিত্রাশ্রমে স্থিতঃ ।
বিশ্বামিত্রতপস্তুষ্টো বিশ্বামিত্রেপ্সিতপ্রদঃ ॥ ১৩৮ ॥
বিশ্বামিত্রজ্ঞানদাতা বিশ্বামিত্রসুয়োগদঃ ।
বিশ্বামিত্রবংশদেবো বিশ্বামিত্রেষ্টদৈবতম্ ॥ ১৩৯ ॥
বামদেবসমারাধ্যো বামমার্গপ্রতোষিতঃ ।
উরুক্রমসমারাধ্য উরুক্রমবরপ্রদঃ ॥ ১৪০ ॥
উরুক্রময়জ্ঞদাতা উরুক্রমমখোদ্ভবঃ ।
উরুক্রমেন্দ্রপদদ উরুক্রমসুরক্ষকঃ ॥ ১৪১ ॥
উরুক্রমবংশদেব উরুভীমপরাক্রমঃ ।
ঊর্বশীনটনপ্রীতঃ ঊর্বশীগানলোলুপঃ ॥ ১৪২ ॥
ঊর্বশীপুত্রসুখদ ঊর্বশীনাথপূজিতঃ ।
ঊর্বশীনাথেপ্সিতদ ঊর্বশীলোকদায়কঃ ॥ ১৪৩ ॥
ব্রাহ্মণো ব্রাহ্মণেশান ব্রাহ্মণেন্দ্রসুপূজিতঃ ।
ব্রাহ্মণ্যকর্মসন্তুষ্টো ব্রাহ্মণ্যমন্ত্রতোষিতঃ ॥ ১৪৪ ॥
ব্রাহ্মণব্রহ্ময়জ্ঞেশো ব্রাহ্মণবরদায়কঃ ।
ব্রাহ্মণায় বেদদাতা ব্রাহ্মণায়ার্থদায়কঃ ॥ ১৪৫ ॥
ব্রাহ্মণায় কামদাতা ব্রাহ্মণায় সুমুক্তিদঃ ।
ব্রহ্মমেধয়জ্ঞতুষ্টো ব্রহ্মমেধহবিঃপ্রিয়ঃ ॥ ১৪৬ ॥
ব্রহ্মমেধসংস্কৃতায় ব্রহ্মলোকপ্রদায়কঃ ।
ব্রহ্মপ্রিয়গণেশানো ব্রহ্মপ্রিয়গণার্চিতঃ ॥ ১৪৭ ॥
ব্রহ্মপ্রিয়ভক্তিতুষ্টো ব্রহ্মপ্রিয়বরপ্রদঃ ।
ব্রহ্মপ্রিয়মুক্তিদাতা ব্রহ্মপ্রিয়কৃতোদ্যমঃ ॥ ১৪৮ ॥
ব্রহ্মপ্রিয়প্রভুর্ব্রহ্মপ্রিয়ত্রাণকৃতোদ্যমঃ ।
ব্রহ্মপ্রিয়েড্যচরিতো ব্রহ্মপ্রিয়নমস্কৃতঃ ॥ ১৪৯ ॥
ব্রহ্মপ্রিয়ভয়হরো ব্রহ্মপ্রিয়নমস্কৃতঃ ।
ব্রহ্মপ্রিয়সংশয়ঘ্নো বর্হ্মবিদ্ব্রহ্মদায়কঃ ॥ ১৫০ ॥
ব্রহ্মপ্রিয়ার্তিশমনো ব্রহ্মপ্রিয়ফলপ্রদঃ ।
ইন্দিরানায়কশ্চেন্দুভূষণশ্চেন্দিরাপ্রিয়ঃ ॥ ১৫১ ॥
ইন্দীবরকর্ণিকাস্থ ইন্দীবরবিলোচনঃ ।
ইন্দীবরসমপ্রখ্য ইন্দীবরশয়ানকৃত্ ॥ ১৫২ ॥
ইন্দীবরাসনারূঢ ইন্দিরাতনয়াপতিঃ ।
ইন্দিরাদ ইন্দিরেশ ইন্দিরাগণনায়কঃ ॥ ১৫৩ ॥
ইন্দিরাষ্টকসন্দাতা ইন্দিরাবীজতোষিতঃ ।
ইন্দিরাবীজসংয়ুক্তবীজমন্ত্রমনুপ্রভুঃ ॥ ১৫৪ ॥
বীরপাণ্ড্যসমারাধ্যো বীরপাণ্ড্যবরপ্রদঃ ।
বীরচোলসমারাধ্যো বীরচোলেষ্টদায়কঃ ॥ ১৫৫ ॥
বীরব্রবাহুপূজিতাঙ্ঘ্রির্বীরমাহেন্দ্রবন্দিতঃ ।
বীরমাহেশবরদো বীররাক্ষসশত্রুহা ॥ ১৫৬ ॥
বীরশূরশৌর্যদাতা বীরান্তকবলপ্রদঃ ।
বীরধীরধৈর্যদাতা বীরপুরন্দরেষ্টদঃ ॥ ১৫৭ ॥
বীরমার্তাণ্ডবরদো বজ্রবাহ্বিষ্টসিদ্ধিদঃ ।
বজ্রবাহুনুতো বজ্রবাহুবীর্যজয়প্রদঃ ॥ ১৫৮ ॥
সঙ্কষ্টহারকস্সঙ্কষ্টহরতিথিসম্ভবঃ ।
সঙ্কষ্টহরমন্ত্রাত্মা সর্বসঙ্কষ্টনাশনঃ ॥ ১৫৯ ॥
সঙ্কষ্টিহরদিনরাট্ সঙ্কষ্টিমাতৃপূজিতঃ ।
সঙ্কষ্টিব্রতসন্তুষ্টস্সঙ্কষ্টিপূজনপ্রিয়ঃ ॥ ১৬০ ॥
সঙ্কষ্টিবৃতবরদস্সার্বভৌমবরপ্রদঃ ।
সার্বভৌমগর্বহরস্সার্বভৌমারিভঞ্জকঃ ॥ ১৬১ ॥
সার্বভৌমগীতগুণস্সার্বভৌমধনপ্রদঃ ।
সার্বভৌমকামদাতা সার্বভৌমসুমুক্তিদঃ ॥ ১৬২ ॥
তারাপতিস্তারেশেড্যস্তারাদোষনিবারকঃ ।
তারাপুত্রসমারাধ্যস্তারাগণনিষেবিতঃ ॥ ১৬৩ ॥
তারাপুত্রাভীষ্টদাতা তারাপুত্রবরপ্রদঃ ।
তারাপুত্রজ্ঞানদাতা তারাপুত্রসুসিদ্ধিদঃ ॥ ১৬৪ ॥
তারেশচূডস্তারেশবরদস্তারকার্চিতঃ ।
তারাকর্তা তারকেশস্তারাভর্তা তমীপ্রিয়ঃ ॥ ১৬৫ ॥
তলবকারসঙ্গীতস্তমীনাথস্তমীপ্রিয়ঃ ।
তমীপূজনসন্তুষ্টস্তমীজপবরপ্রদঃ ॥ ১৬৬ ॥
তমীহবনসন্তুষ্টস্তমীয়জনতোষিতঃ ।
তমপ্রকৃতিসংয়ুক্তস্তমপ্রকৃতিপূজিতঃ ॥ ১৬৭ ॥
তমপ্রকৃতিসঞ্জাতব্রহ্মাণ্ডগণধারকঃ ।
তামসীমায়াসংয়ুক্তস্তামসীস্তুতবৈভবঃ ॥ ১৬৮ ॥
তামসীনায়কেশানস্তামসীনায়কেষ্টদঃ ।
ঋণীজনসমারাধ্য ঋণীসংস্তুতবৈভবঃ ॥ ১৬৯ ॥
ঋণীনাথো ঋণীগীতো ঋণীজনসুরক্ষকঃ ।
ঋণীভর্তা ঋণীধর্তা ঋণীঋণহরঃ ক্ষণাত্ ॥ ১৭০ ॥
ঋণীবন্দ্যো ঋণীজপ্যো ঋণীস্তুত্যো ঋণীপ্রিয়ঃ ।
ঋণীধামা ঋণীগোপ্তা ঋণীগণনিষেবিতঃ ॥ ১৭১ ॥
য়মীজনসমারাধ্যো য়মীসংস্তুতবৈভবঃ ।
য়মীনাথো য়মীগীতো য়মীজনসুরক্ষকঃ ॥ ১৭২ ॥
য়মীভর্তা য়মীধর্তা য়মীভয়হরঃ ক্ষণাত্ ।
য়মীবন্দ্যো য়মীজপ্যো য়মীস্তুত্যো য়মীপ্রিয়ঃ ॥ ১৭৩ ॥
য়মীধামা য়মীগোপ্তা য়মীগণনিষেবিতঃ ।
সৃণিহস্তস্সৃণিধরঃ সৃণীশানস্সৃণিপ্রিয়ঃ ॥ ১৭৪ ॥
সংজ্ঞাপতিসমারাধ্যস্সংজ্ঞাপতিস্তুতিপ্রিয়ঃ ।
সংজ্ঞাপতিগণেশানস্সংজ্ঞাপতিস্বরূপধৃক্ ॥ ১৭৫ ॥
সংজ্ঞাপতিবন্দ্যপাদস্সংজ্ঞেশগীতসদ্গুণঃ ।
সংজ্ঞেশগর্বসঞ্ছেত্তা সংজ্ঞেশবরদর্পহা ॥ ১৭৬ ॥
সংজ্ঞেশপ্রবণস্বান্তস্সংজ্ঞেশগণসংস্তুতঃ ।
সংজ্ঞেশার্চিতপাদাব্জো সংজ্ঞেশভয়হারকঃ ॥ ১৭৭ ॥
য়োগিগেয়গুণো য়োগিচরিতো য়োগতত্ত্ববিত্ ।
য়োগীন্দ্রত্রাসহা য়োগগ্রন্থতত্ত্ববিবেচকঃ ॥ ১৭৮ ॥
য়োগানুরাগো য়োগাঙ্গো য়োগগঙ্গাজলোদ্বহঃ ।
য়োগাবগাঢজলধির্যোগপ্রজ্ঞো য়ুগন্ধরঃ ॥ ১৭৯ ॥
য়োগীগীতসুচারিত্রো য়োগীন্দ্রগণসেবিতঃ ।
য়োগধাতা য়োগভর্তা য়োগারাতিনিষূদনঃ ॥ ১৮০ ॥
তরণিস্তরণীশানস্তরণীপ্রীতিবর্ধনঃ ।
তরণীগর্বসঞ্ছেত্রা তরণীগীতসদ্গুণঃ ॥ ১৮১ ॥
তরণিপ্রবণস্বান্তো তরণীবরদায়কঃ ।
তরণিত্রাণসন্নদ্ধস্তরণীসমরক্ষমঃ ॥ ১৮২ ॥
তরণীগীতচরিতস্তরণীগীতসদ্গুণঃ ।
তরণীপ্রিয়কর্তা চ তরণ্যাগমসারবিত্ ॥ ১৮৩ ॥
তরণীসেবিতপাদাব্জস্তরণীপ্রিয়নন্দনঃ ।
তরণীপ্রিয়াসমারাধ্যস্তরণিমার্গকোবিদঃ ॥ ১৮৪ ॥
ইলাপতিরিলানাথ ইলানাথবরপ্রদঃ ।
ইলাবৃতখণ্ডবাসী ইলাবৃতজনপ্রিয়ঃ ॥ ১৮৫ ॥
ইলাবৃতগিরিস্থায়ী ইলাবৃতগণার্চিতঃ ।
ইলাবৃতেষ্টবরদ ইলাবৃতসুখপ্রদঃ ॥ ১৮৬ ॥
ইলাবৃতধর্মদাতা ইলাবৃতধনপ্রদঃ ।
ইলাবৃতকামপূর ইলাবৃতসুমুক্তিদঃ ॥ ১৮৭ ॥
ইলাবৃতগীততত্ত্ব ইলাবৃতজনাশ্রিতঃ ।
চণ্ড চণ্ডেশসুহৃচ্চণ্ডীশশ্চণ্ডবিক্রমঃ ॥ ১৮৮ ॥
চরাচরপতিশ্চিন্তামণিচর্বণলালসঃ ।
চিন্তামণিশ্চিন্তিতার্থদায়কশ্চিত্তসংস্থিতঃ ॥ ১৮৯ ॥
চিদাকাশশ্চিদাভাসশ্চিদাত্মা চিচ্চিদীশ্বরঃ ।
চিত্তবৃত্তিময়ীনাথশ্চিত্তশান্তিপ্রদায়কঃ ॥ ১৯০ ॥
অম্বিকেশেষ্টবরদ অম্বিকেশভয়াপহঃ ।
অম্বিকেশগুরুরম্বাপতিধ্যাতপদাম্বুজঃ ॥ ১৯১ ॥
অম্বাপতিস্তুতশ্চাম্বানাথারাধ্যোঽম্বিকাসুতঃ ।
অম্বাবিদ্যাসুতত্ত্বজ্ঞ অম্বাপ্রীতিবিবর্ধনঃ ॥ ১৯২ ॥
অম্বাঙ্গমলসম্ভূত অম্বাজঠরসম্ভবঃ ।
অম্বিকেশবীর্যজাত অম্বিকেশেক্ষণোদ্ভবঃ ॥ ১৯৩ ॥
অম্বিকেশহাস্যজাত অম্বিকাকোপসম্ভবঃ ।
অম্বিকেশধ্যানজাত অম্বিকেশগণাবৃতঃ ॥ ১৯৪ ॥
অম্বিকেশসৈন্যনাথ অম্বিকেশজয়প্রদঃ ।
অম্বিকেশশিরোহর্তা অম্বিকেশেন্দুহারকঃ ॥ ১৯৫ ॥
অম্বিকেশহৃদারূঢ অম্বিকেশস্থলাভিতঃ ।
অম্বিকোত্সঙ্গনিলয় অম্বিকাজ্ঞাপ্রপালকঃ ॥ ১৯৬ ॥
অম্বিকাগণসংবীত অম্বিকামার্গকোবিদঃ ।
অম্বিকাগীতচরিত অম্বারিসৈন্যনাশকঃ ॥ ১৯৭ ॥
অম্বিকেশপার্শ্বসংস্থ অম্বালোকনিবাসকৃত্ ।
নিরোধাচিত্তবৃত্তিস্থো নিজানন্দপ্রদায়কঃ ॥ ১৯৮ ॥
নৈজকর্তা নৈজভর্তা নৈজধর্তা নিরোধগঃ ।
নৈজবাসী নৈজদাতা নৈজশক্তিসমন্বিতঃ ॥ ১৯৯ ॥
নৈজয়োগপ্রদো নৈজজ্ঞানদো নিজলোকদঃ ।
নৈজধর্মপ্রদো নৈজবিদ্যাদো নিজকামদঃ ॥ ২০০ ॥
অপর্ণাপূজিতপদ অপর্ণেশপ্রপূজিতঃ ।
অপর্ণেশেষ্টবরদ অপর্ণেশভয়াপহঃ ॥ ২০১ ॥
অপর্ণেশধ্যাতপদ অপর্ণেশগণাবৃতঃ ।
অপর্ণেশধ্যানজাত অপর্ণাহাস্যসম্ভবঃ ॥ ২০২ ॥
ইদং নাম্নাং সহস্রন্তু ব্রহ্মণাং ব্রহ্মণস্পতেঃ ।
সূক্তমন্ত্রাক্ষরজাতং ব্রহ্মণস্পতিতোষদম্ ॥ ২০৩ ॥
য় ইদং প্রয়তঃ প্রাতঃ ত্রিসন্ধ্যং বা পঠেন্নরঃ ।
বাঞ্ছিতং সমবাপ্নোতি গণনাথপ্রসাদতঃ ॥ ২০৪ ॥
ধর্মার্থী ধর্মমাপ্নোতি ধনার্থী লভতে ধনম্ ।
বিদ্যার্থী লভতে বিদ্যাং মোক্ষার্থী মোক্ষমাপ্নুয়াত্ ॥ ২০৫ ॥
পুত্রার্থী লভতে পুত্রান্ কামার্থী কামমাপ্নুয়াত্ ।
নিষ্কামো য়ঃ পঠেদেতদ্গণেশান পরায়ণঃ ॥ ২০৬ ॥
সপ্রতিষ্ঠাং পরাং প্রাপ্য নিজলোকমবাপ্নুয়াত্ ।
॥ ইতি শ্রীবিনায়কতন্ত্রে শ্রীশারদেশসহস্রনামস্তোত্রং সম্পূর্ণম্ ॥