॥ Shivakama Sundari Sahasranamastotram 2 Odia Lyrics ॥
॥ ଶ୍ରୀଶିଵକାମସୁନ୍ଦରୀସହସ୍ରନାମସ୍ତୋତ୍ରମ୍ ରୁଦ୍ରୟାମଲାନ୍ତର୍ଗତମ୍ ॥
॥ ପୂର୍ଵପୀଠିକା ॥
ସମାହୂୟ ପରଂ କାନ୍ତଂ ଏକଦା ଵିଜନେ ମୁଦା ।
ପରମାନନ୍ଦସନ୍ଦୋହମୁଦିତଂ ପ୍ରାହ ପାର୍ଵତୀ ॥ ୧ ॥
ପାର୍ଵତୀ ଉଵାଚ
ଶ୍ରୀମନ୍ନାଥ ମହାନନ୍ଦକାରଣଂ ବ୍ରୂହି ଶଙ୍କର ।
ୟୋଗୀନ୍ଦ୍ରୋପାସ୍ୟ ଦେଵେଶ ପ୍ରେମପୂର୍ଣ ସୁଧାନିଧେ ॥ ୨ ॥
କୃପାସ୍ତି ମୟି ଚେତ୍ ଶମ୍ଭୋ ସୁଗୋପ୍ୟମପି କଥ୍ୟତାମ୍ ।
ଶିଵକାମେଶ୍ଵରୀନାମସାହସ୍ରଂ ଵଦ ମେ ପ୍ରଭୋ ॥ ୩ ॥
ଶ୍ରୀଶଙ୍କର ଉଵାଚ
ନିର୍ଭରାନନ୍ଦସନ୍ଦୋହଃ ଶକ୍ତିଭାଵେନ ଜାୟତେ ।
ଲାଵଣ୍ୟସିନ୍ଧୁସ୍ତନ୍ନାପି ସୁନ୍ଦରୀ ରସକନ୍ଧରା ॥ ୪ ॥
ତାମେଵାନୁକ୍ଷଣଂ ଦେଵି ଚିନ୍ତୟାମି ତତଃ ଶିଵେ ।
ତସ୍ୟା ନାମସହସ୍ରାଣି କଥୟାମି ତଵ ପ୍ରିୟେ ॥ ୫ ॥
ସୁଗୋପ୍ୟାନ୍ୟପି ରମ୍ଭୋରୁ ଗମ୍ଭୀରସ୍ନେହଵିଭ୍ରମାତ୍ ।
ତାମେଵ ସ୍ତୁଵତା ଦେଵୀଂ ଧ୍ୟାୟତୋଽନୁକ୍ଷଣଂ ମମ ।
ସୁଖସନ୍ଦୋହସମ୍ଭାରଭାଵନାନନ୍ଦକାରଣମ୍ ॥ ୬ ॥
ଅସ୍ୟ ଶ୍ରୀଶିଵକାମସୁନ୍ଦରୀସହସ୍ରନାମ ସ୍ତୋତ୍ରମହାମନ୍ତ୍ରସ୍ୟ ।
ସଦାଶିଵ ଋଷିଃ ଅନୁଷ୍ଟୁପ୍ ଛନ୍ଦଃ ଶ୍ରୀମଚ୍ଛିଵକାମସୁନ୍ଦରୀ ଦେଵତା ।
ଵାଗ୍ଭଵସ୍ଵରୂପଂ ଐଂ ବୀଜମ୍ । ଚିଦାନନ୍ଦାତ୍ମକଂ ହ୍ରୀଂ ଶକ୍ତିଃ ।
କାମରାଜାତ୍ମକଂ କ୍ଲୀଂ କୀଲକମ୍ ।
ଶ୍ରୀମଚ୍ଛିଵକାମସୁନ୍ଦରୀପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ॥
ଷୋଡଶାର୍ଣମୂଲେନ ନ୍ୟାସଃ ॥
ଷୋଡଶାର୍ଣଧ୍ୟାନମେଵ ଅତ୍ରାପି ଧ୍ୟାନମ୍ ।
ସିଦ୍ଧସିଦ୍ଧନଵରତ୍ନଭୂମିକେ କଲ୍ପଵୃକ୍ଷନଵଵାଟିସଂଵୃତେ ।
ରତ୍ନସାଲଵନସମ୍ଭୃତେଽନିଶଂ ତତ୍ର ଵାପିଶତକେନ ସଂଵୃତେ ॥ ୭ ॥
ରତ୍ନଵାଟିମଣିମଣ୍ଡପେଽରୁଣେ ଚପଡଭାନୁଶତକୋଟିଭାସୁରେ ।
ଆଦିଶୈଵମଣିମଞ୍ଚକେ ପରେ ଶଙ୍କରାଙ୍କମଣିପୀଠକୋପରି ॥
କାଦିହାନ୍ତମନୁରୂପିଣୀଂ ଶିଵାଂ ସଂସ୍ମରେଚ୍ଚ ଶିଵକାମସୁନ୍ଦରୀମ୍ ॥ ୮ ॥
ଲମିତ୍ୟାଦି ପଞ୍ଚପୂଜା ॥
ଶିଵକାମେଶ୍ଵରୀନାମସାହସ୍ରସ୍ତୋତ୍ରମୁତ୍ତମମ୍ ।
ପ୍ରୋଚ୍ୟତେ ଶ୍ରଦ୍ଧୟା ଦେଵି ଶୃଣୁଷ୍ଵାଵହିତା ପ୍ରିୟେ ॥ ୯ ॥
କାମେଶୀନାମସାହସ୍ରେ ସଦାଶିଵ ଋଷିଃ ସ୍ମୃତଃ ।
ଛନ୍ଦୋଽନୁଷ୍ଟୁପ୍ ଦେଵତା ଚ ଶିଵକାମେଶ୍ଵରୀ ସ୍ମୃତା ॥ ୧୦ ॥
ଐଂ ବୀଜଂ କୀଲକଂ କ୍ଲୀଂ ଚ ହ୍ରୀଂ ଶକ୍ତିଃ କଥିତା ପ୍ରିୟେ ।
ନ୍ୟାସଧ୍ୟାନାଦିକଂ ସର୍ଵଂ ଷୋଡଶାର୍ଣଵଦୀରିତମ୍ ॥ ୧୧ ॥
ଅନେନ ସ୍ତୋତ୍ରରାଜେନ ସର୍ଵାଭୀଷ୍ଟଂ ଲଭେତ ନା ।
॥ ଅଥ ସହସ୍ରନାମସ୍ତୋତ୍ରମ୍ ॥
ଶ୍ରୀଶିଵା ଶିଵକାମୀ ଚ ସୁନ୍ଦରୀ ଭୁଵନେଶ୍ଵରୀ ।
ଆନନ୍ଦସିନ୍ଧୁରାନନ୍ଦାନନ୍ଦମୂର୍ତିର୍ଵିନୋଦିନୀ ॥ ୧ ॥
ତ୍ରୈପୁରୀ ସୁନ୍ଦରୀ ପ୍ରେମପାଥୋନିଧିରନୁତ୍ତମା ।
ରାମୋଲ୍ଲାସା ପରା ଭୂତିଃ ଵିଭୂତିଶ୍ଶଙ୍କରପ୍ରିୟା ॥ ୨ ॥
ଶୃଙ୍ଗାରମୂର୍ତିର୍ଵିରତା ରସାନୁଭଵରୋଚନା ।
ପରମାନନ୍ଦଲହରୀ ରତିରଙ୍ଗଵତୀ ସତୀ ॥ ୩ ॥
ରଙ୍ଗମାଲାନଙ୍ଗକଲାକେଲିଃ କୈଵଲ୍ୟଦା କଲା ।
ରସକଲ୍ପା କଲ୍ପଲତା କୁତୂହଲଵତୀ ଗତିଃ ॥ ୪ ॥
ଵିନୋଦଦୁଗ୍ଧା ସୁସ୍ନିଗ୍ଧା ମୁଗ୍ଧମୂର୍ତିନୋହରା ।
ବାଲାର୍କକୋଟିକିରଣା ଚନ୍ଦ୍ରକୋଟିସୁଶୀତଲା ॥ ୫ ॥
ସ୍ରଵତ୍ପୀୟୂଷଦିଗ୍ଧାଙ୍ଗୀ ସଙ୍ଗୀତ ନଟିକା ଶିଵା ।
କୁରଙ୍ଗନୟନା କାନ୍ତା ସୁଖସନ୍ତତିରିନ୍ଦିରା ॥ ୬ ॥
ମଙ୍ଗଲା ମଧୁରାପାଙ୍ଗା ରଞ୍ଜନୀ ରମଣୀ ରତିଃ ।
ରାଜରାଜେଶ୍ଵରୀ ରାଜ୍ଞୀ ମହେନ୍ଦ୍ରପରିଵନ୍ଦିତା ॥ ୭ ॥
ପ୍ରପଞ୍ଚଗତିରୀଶାନୀ ସାମରସ୍ୟପରାୟଣା ।
ହଂସୋଲ୍ଲାସା ହଂସଗତିଃ ଶିଞ୍ଜତ୍କନକନୂପୁରା ॥ ୮ ॥
ମେରୁମନ୍ଦରଵକ୍ଷୋଜା ସୃଣିପାଶଵରାୟୁଧା ।
ଶଙ୍ଖକୋଦଣ୍ଡସସ୍ତାବ୍ଜପାଣିଦ୍ଵୟଵିରାଜିତା ॥ ୯ ॥
ଚନ୍ଦ୍ରବିମ୍ବାନନା ଚାରୁମକୁଟୋତ୍ତଂସଚନ୍ଦ୍ରିକା ।
ସିନ୍ଦୂରତିଲକା ଚାରୁଧମ୍ମିଲ୍ଲାମଲମାଲିକା ॥ ୧୦ ॥
ମନ୍ଦାରଦାମମୁଦିତା ରକ୍ତପୁଷ୍ପଵିଭୂଷିତା ।
ସୁଵର୍ଣାଭରଣପ୍ରୀତା ମୁକ୍ତାଦାମମନୋହରା ॥ ୧୧ ॥
ତାମ୍ବୂଲପୂରଵଦନା ମଦନାନନ୍ଦମାନସା ।
ସୁଖାରାଧ୍ୟା ତପସ୍ସାରା କୃପାଵାରିଧିରୀଶ୍ଵରୀ ॥ ୧୨ ॥
ଵକ୍ଷଃସ୍ଥଲଲସନ୍ମଗ୍ନା ପ୍ରଭା ମଧୁରସୋନ୍ମୁଖା ।
ବିନ୍ଦୁନାଦାତ୍ମିକା ଚାରୁରସିତା ତୁର୍ୟରୂପିଣୀ ॥ ୧୩ ॥
କମନୀୟାକୃତିଃ ଧନ୍ୟା ଶଙ୍କରପ୍ରୀତିମଞ୍ଜରୀ ।
କନ୍ୟା କଲାଵତୀ ମାତା ଗଜେନ୍ଦ୍ରଗମନା ଶୁଭା ॥ ୧୪ ॥
କୁମାରୀ କରଭୋରୁ ଶ୍ରୀଃ ରୂପଲକ୍ଷ୍ମୀଃ ସୁରାଜିତା ।
ସନ୍ତୋଷସୀମା ସମ୍ପତ୍ତିଃ ଶାତକୁମ୍ଭପ୍ରିୟା ଦ୍ୟୁତିଃ ॥ ୧୫ ॥
ପରିପୂର୍ଣା ଜଗଦ୍ଧାତ୍ରୀ ଵିଧାତ୍ରୀ ବଲଵର୍ଧିନୀ ।
ସାର୍ଵଭୌମନୃପଶ୍ରୀଶ୍ଚ ସାମ୍ରାଜ୍ୟଗତିରାସିକା ॥ ୧୬ ॥
ସରୋଜାକ୍ଷୀ ଦୀର୍ଘଦୃଷ୍ଟିଃ ସୌଚକ୍ଷଣଵିଚକ୍ଷଣା ।
ରଙ୍ଗସ୍ରଵନ୍ତୀ ରସିକା ପ୍ରଧାନରସରୂପିଣୀ ॥ ୧୭ ॥
ରସସିନ୍ଧୁଃ ସୁଗାତ୍ରୀ ଚ ୟୁଵତିଃ ମୈଥୁନୋନ୍ମୁଖୀ ।
ନିରନ୍ତରା ରସାସକ୍ତା ଶକ୍ତିସ୍ତ୍ରିଭୁଵନାତ୍ମିକା ॥
କାମାକ୍ଷୀ କାମନିଷ୍ଠା ଚ କାମେଶୀ ଭଗମଙ୍ଗଲା ।
ସୁଭଗା ଭଗିନୀ ଭୋଗ୍ୟା ଭାଗ୍ୟଦା ଭୟଦା ଭଗା ।
ଭଗଲିଙ୍ଗାନନ୍ଦକଲା ଭଗମଧ୍ୟନିଵାସିନୀ ॥ ୧୯ ॥
ଭଗରୂପା ଭଗମୟୀ ଭଗୟନ୍ତ୍ରା ଭଗୋତ୍ତମା ।
ୟୋନିର୍ଜୟା କାମକଲା କୁଲାମୃତପରାୟଣା ॥ ୨୦ ॥
କୁଲକୁଣ୍ଡାଲୟା ସୂକ୍ଷ୍ମଜୀଵସ୍ଫୁଲିଙ୍ଗରୂପିଣୀ ।
ମୂଲସ୍ଥିତା କେଲିରତା ଵଲୟାକୃତିରୀଡିତା ॥ ୨୧ ॥
ସୁଷୁମ୍ନା କମଲାନନ୍ଦା ଚିତ୍ରା କୂର୍ମଗତିର୍ଗିରିଃ ।
ସିତାରୁଣା ସିନ୍ଧୁରୂପା ପ୍ରଵେଗା ନିର୍ଧନୀ କ୍ଷମା ॥ ୨୨ ॥
ଧଣ୍ଟାକୋଟିରସାରାଵା ରଵିବିମ୍ବୋତ୍ଥିତାଦ୍ଭୂତା ।
ନାଦାନ୍ତଲୀନା ସମ୍ପୂର୍ଣା ପ୍ରଣଵା ବହୁରୂପିଣୀ ॥ ୨୩ ॥
ଭୃଙ୍ଗାରାଵା ଵଶଗତିଃ ଵାଗୀଶୀ ମଧୁରଧ୍ଵନିଃ ।
ଵର୍ଣମାଲା ସିଦ୍ଧିକଲା ଷଟ୍ଚକ୍ରକ୍ରମଵାସିନୀ ॥ ୨୪ ॥
ମଣିପୂରସ୍ଥିତା ସ୍ନିଗ୍ଧା କୂର୍ମଚକ୍ରପରାୟଣା ।
ମୂଲକେଲିରତା ସାଧ୍ଵୀ ସ୍ଵାଧିଷ୍ଠାନନିଵାସିନୀ ॥ ୨୫ ॥
ଅନାହତଗତିର୍ଦୀପା ଶିଵାନନ୍ଦମୟଦ୍ୟୁତିଃ ।
ଵିରୁଦ୍ଧରୁଧା ସମ୍ବୁଦ୍ଧା ଜୀଵଭୋକ୍ତ୍ରୀ ସ୍ଥଲୀରତା ॥ ୨୬ ॥
ଆଜ୍ଞାଚକ୍ରୋଜ୍ଜ୍ଵଲସ୍ଫାରସ୍ଫୁରନ୍ତୀ ନିର୍ଗତଦ୍ଵିଷା ।
ଚନ୍ଦ୍ରିକା ଚନ୍ଦ୍ରକୋଟୀଶୀ ସୂର୍ୟକୋଟିପ୍ରଭାମୟୀ ॥ ୨୭ ॥
ପଦ୍ମରାଗାରୁଣଚ୍ଛାୟା ନିତ୍ୟାହ୍ଲାଦମୟୀପ୍ରଭା ।
ମହାଶୂନ୍ୟାଲୟା ଚନ୍ଦ୍ରମଣ୍ଡଲାମୃତନନ୍ଦିତା ॥ ୨୮ ॥
କାନ୍ତାଙ୍ଗସଙ୍ଗମୁଦିତା ସୁଧାମାଧୁର୍ୟସମ୍ଭୃତା ।
ମହାଚନ୍ଦ୍ରସ୍ମିତାଲିସା ମୃତ୍ପାତ୍ରସ୍ଥା ସୁଧାଦ୍ୟୁତିଃ ॥ ୨୯ ॥
ସ୍ରଵତ୍ପୀମୂଷସଂସକ୍ତା ଶଶ୍ଵତ୍କୁଣ୍ଡାଲୟା ଭଵା ।
ଶ୍ରେୟୋ ଦ୍ୟୁତିଃ ପ୍ରତ୍ୟଗର୍ଥା ସେଵା ଫଲଵତୀ ମହୀ ॥ ୩୦ ॥
ଶିଵା ଶିଵପ୍ରିୟା ଶୈଵା ଶଙ୍କରୀ ଶାମ୍ଭଵୀ ଵିଭୁଃ ।
ସ୍ଵୟମ୍ଭୂ ସ୍ଵପ୍ରିୟା ସ୍ଵୀୟା ସ୍ଵକୀୟା ଜନମାତୃକା ॥
ସୁରାମା ସ୍ଵପ୍ରିୟା ଶ୍ରେୟଃ ସ୍ଵାଧିକାରାଧିନାୟିକା ।
ମଣ୍ଡଲା ଜନନୀ ମାନ୍ୟା ସର୍ଵମଙ୍ଗଲସନ୍ତତିଃ ॥ ୩୨ ॥
ଭଦ୍ରା ଭଗଵତୀ ଭାଵ୍ୟା କଲିତାର୍ଧେନ୍ଦୁଭାସୁରା ।
କଲ୍ୟାଣଲଲିତା କାମ୍ୟା କୁକର୍ମକୁମତିପ୍ରଦା ॥ ୩୩ ॥
କୁରଙ୍ଗାକ୍ଷୀ କ୍ଷୀରନେତ୍ରା କ୍ଷୀରା ମଧୁରସୋନ୍ମଦା ।
ଵାରୁଣୀପାନମୁଦିତା ମଦିରାମୁଦିତା ସ୍ଥିରା ॥ ୩୪ ॥
କାଦମ୍ବରୀପାନରୁଚିଃ ଵିପାଶା ପଶୁଭାଵନା ।
ମୁଦିତା ଲଲିତାପାଙ୍ଗା ଦରାନ୍ଦୋଲିତଦୀର୍ଘଦୃକ୍ ॥ ୩୫ ॥
ଦୈତ୍ୟାକୁଲାନଲଶିଖା ମନୋରଥସୁଧାଦ୍ୟୁତିଃ ।
ସୁଵାସିନୀ ପୀତଗାତ୍ରୀ ପୀନଶ୍ରୋଣିପୟୋଧରା ॥ ୩୬ ॥
ସୁଚାରୁକବରୀ ଦଧ୍ୟୁଦଧ୍ୟୁତ୍ଥିମୌକ୍ତିକା ।
ବିମ୍ବାଧରଦ୍ୟୁତିଃ ମୁଗ୍ଧା ପ୍ରଵାଲୋତ୍ତମଦୀଧିତିଃ ॥ ୩୭ ॥
ତିଲପ୍ରସୂନନାସାଗ୍ରା ହେମମୌକ୍ତିକକୋରକା ।
ନିଷ୍କଲଙ୍କେନ୍ଦୁଵଦନା ବାଲେନ୍ଦୁଵଦନୋଜ୍ଵଲା ॥ ୩୮ ॥
ନୃତ୍ୟନ୍ତ୍ୟଞ୍ଜନନେତ୍ରାନ୍ତା ପ୍ରସ୍ଫୁରତ୍କର୍ଣଶଷ୍କୁଲୀ ।
ଭାଲଚନ୍ଦ୍ରାତପୋନ୍ନଦ୍ଧା ମଣିସୂର୍ୟକିରୀଟିନୀ ॥ ୩୯ ॥
କଚୌଘଚମ୍ପକଶ୍ରେଣୀ ମାଲିନୀଦାମମଣ୍ଡିତା ।
ହେମମାଣିକ୍ୟ ତାଟଙ୍କା ମଣିକାଞ୍ଚନ କୁଣ୍ଡଲା ॥ ୪୦ ॥
ସୁଚାରୁଚୁବୁକା କମ୍ବୁକଣ୍ଠୀ କୁଣ୍ଡାଵଲୀ ରମା ।
ଗଙ୍ଗାତରଙ୍ଗହାରୋର୍ମିଃ ମତ୍ତକୋକିଲନିସ୍ଵନା ॥ ୪୧ ॥
ମୃଣାଲଵିଲସଦ୍ବାହୁପାଶାକୁଶଧନୁର୍ଧରା ।
କେୟୂରକଙ୍କଣଶ୍ରେଣୀ ନାନାମଣିମନୋରମା ॥ ୪୨ ॥
ତାମ୍ରପଙ୍କଜପାଣିଶ୍ରୀଃ ନଵରତ୍ନପ୍ରଭାଵତୀ ।
ଅଙ୍ଗୁଲୀୟମଣିଶ୍ରେଣୀ କାନ୍ତିମଙ୍ଗଲସନ୍ତତିଃ ॥ ୪୩ ॥
ମନ୍ଦରଦ୍ଵନ୍ଦ୍ଵସୁକୁଚା ରୋମରାଜିଭୁଜଙ୍ଗିକା ।
ଗମ୍ଭୀରନାଭିସ୍ତ୍ରିଵଲୀଭଙ୍ଗୁରା କ୍ଷଣିମଧ୍ୟମା ॥ ୪୪ ॥
ରଣତ୍କାଞ୍ଚୀଗୁଣାନଦ୍ଧା ପଟ୍ଟାଂଶୁକନିତମ୍ବିକା ।
ମେରୁସନ୍ଧିନିତମ୍ବାଢ୍ୟା ଗଜଶୁଣ୍ଡୋରୁୟୁଗ୍ମୟୁକ୍ ॥ ୪୫ ॥
ସୁଜାନୁର୍ମଦନାନନ୍ଦମୟଜଙ୍ଘାଦ୍ଵୟାନ୍ଵିତା ।
ଗୂଢଗୁଲ୍ଫା ମଞ୍ଜୁଶିଞ୍ଜନ୍ମଣିନୂପୁରମଣ୍ଡିତା ॥ ୪୬ ॥
ପଦଦ୍ଵନ୍ଦ୍ଵଜିତାମ୍ଭୋଜା ନଖଚନ୍ଦ୍ରାଵଲୀପ୍ରଭା ।
ସୁସୀମପ୍ରପଦା ରାଜଂହସମତ୍ତେଭମନ୍ଦଗା ॥ ୪୭ ॥
ୟୋଗିଧ୍ୟେୟପଦଦ୍ଵଦ୍ଵା ସୌନ୍ଦର୍ୟାମୃତସାରିଣୀ ।
ଲାଵପୟସିନ୍ଧୁଃ ସିନ୍ଦୂରତିଲକା କୁଟିଲାଲକା ॥ ୪୮ ॥
ସାଧୁସୀମନ୍ତିନୀ ସିଦ୍ଧବୁଦ୍ଧଵୃନ୍ଦାରକୋଦୟା ।
ବାଲାର୍କକିରଣଶ୍ରେଣିଶୋଣଶ୍ରୀଃ ପ୍ରେମକାମଧୁକ୍ ॥ ୪୯ ॥
ରସଗମ୍ଭୀରସରସୀ ପଦ୍ମିନୀ ରସସାରସା ।
ପ୍ରସନ୍ନାସନ୍ନଵରଦା ଶାରଦା ଭୁଵି ଭାଗ୍ୟଦା ॥ ୫୦ ॥
ନଟରାଜପ୍ରିୟା ଵିଶ୍ଵାନାଦ୍ୟା ନର୍ତକନର୍ତକୀ ।
ଚିତ୍ରୟନ୍ତ୍ରା ଚିତ୍ରତନ୍ତ୍ରା ଚିତ୍ରଵିଦ୍ୟାଵଲୀୟତିଃ ॥ ୫୧ ॥
ଚିତ୍ରକୂଟା ତ୍ରିକୂଟା ଚ ପନ୍ଧକୂଟା ଚ ପଞ୍ଚମୀ ।
ଚତୁଷ୍ଟ୍କୂଟା ଶମ୍ଭୁଵିଦ୍ୟା ଷଟ୍କୂଟା ଵିଷ୍ଣୁପୂଜିତା ॥ ୫୨ ॥
କୂଟଷୋଡଶସମ୍ପନ୍ନା ତୁରୀୟା ପରମା କଲା ।
ଷୋଡଶୀ ମନ୍ତ୍ରୟନ୍ତ୍ରାଣାଂ ଈଶ୍ଵରୀ ମେରୁମଣ୍ଡଲା ॥ ୫୩ ॥
ଷୋଡଶାର୍ଣା ତ୍ରିଵର୍ଣା ଚ ବିନ୍ଦୁନାଦସ୍ଵରୂପିଣୀ ।
ଵର୍ଣାତୀତା ଵର୍ଣମତା ଶବ୍ଦବ୍ରହ୍ମମୟୀ ସୁଖା ॥ ୫୪ ॥
ସୁଖଜ୍ୟୋତ୍ସ୍ନାନନ୍ଦଵିଦ୍ୟୁଦନ୍ତରାକାଶଦେଵତା ।
ଚୈତନ୍ୟା ଵିଧିକୂଟାତ୍ମା କାମେଶୀ ସ୍ଵପ୍ନଦର୍ଶନା ॥ ୫୫ ॥
ସ୍ଵପ୍ନରୂପା ବୋଧକରୀ ଜାଗ୍ରତୀ ଜାଗରାଶ୍ରୟା ।
ସ୍ଵପ୍ନାଶ୍ରୟା ସୁଷୁପ୍ତିସ୍ଥା ତନ୍ତ୍ରମୂର୍ତିଶ୍ଚ ମାଧଵୀ ॥ ୫୬ ॥
ଲୋପାମୁଦ୍ରା କାମରାଜ୍ଞୀ ମାଧଵୀ ମିତ୍ରରୂପିଣୀ ।
ଶାଙ୍କରୀ ନନ୍ଦିଵିଦ୍ୟା ଚ ଭାସ୍ଵନ୍ମଣ୍ଡଲମଧ୍ୟଗା ॥ ୫୭ ॥
ମାହେନ୍ଦ୍ରସ୍ଵର୍ଗସମ୍ପତ୍ତିଃ ଦୂର୍ଵାସସ୍ସେଵିତା ଶ୍ରୁତିଃ ।
ସାଧକେନ୍ଦ୍ରଗତିସ୍ସାଧ୍ଵୀ ସୁଲିପ୍ତା ସିଦ୍ଧିକନ୍ଧରା ॥ ୫୮ ॥
ପୁରତ୍ରୟେଶୀ ପୁରକୃତ୍ ଷଷ୍ଠୀ ଚ ପରଦେଵତା ।
ଵିଘ୍ନଦୂରୀ ଭୂରିଗୁଣା ପୁଷ୍ଟିଃ ପୂଜିତକାମଧୁକ୍ ॥ ୫୯ ॥
ହେରମ୍ବମାତା ଗଣପା ଗୁହାମ୍ବାଽଽର୍ୟା ନିତମ୍ବିନୀ ।
ଏଷା ସୀମନ୍ତିନୀ ମୋକ୍ଷଦକ୍ଷା ଦୀକ୍ଷିତମାତୃକା ॥ ୬୦ ॥
ସାଧକାମ୍ବା ସିଦ୍ଧମାତା ସାଧକେନ୍ଦ୍ରମନୋରମା ।
ୟୌଵନୋନ୍ମାଦିନୀ ତୁଙ୍ଗସ୍ତନୀ ସୁଶ୍ରୋଣିମଣ୍ଡିତା ॥ ୬୧ ॥
ପଦ୍ମରକ୍ତୋତ୍ପଲଵତୀ ରକ୍ତମାଲ୍ୟାନୁଲେପନା ।
ରକ୍ତମାଲ୍ୟରୁଚିର୍ଦକ୍ଷା ଶିଖଣ୍ଡିନ୍ୟତିସୁନ୍ଦରୀ ॥ ୬୨ ॥
ଶିଖଣ୍ଡିନୃତ୍ୟସନ୍ତୁଷ୍ଟା ଶିଖଣ୍ଡିକୁଲପାଲିନୀ ।
ଵସୁନ୍ଧରା ଚ ସୁରଭିଃ କମନୀୟତନୁଶ୍ଶୁଭା ॥ ୬୩ ॥
ନନ୍ଦିନୀ ତ୍ରୀକ୍ଷଣଵତୀ ଵସିଷ୍ଠାଲୟଦେଵତା ।
ଗୋଲକେଶୀ ଚ ଲୋକେନ୍ଦ୍ରା ନୃଲୋକପରିପାଲିକା ॥ ୬୪ ॥
ହଵିର୍ଧାତ୍ରୀ ଦେଵମାତା ଵୃନ୍ଦାରକପରାତ୍ମୟୁକ୍ ।
ରୁଦ୍ରମାତା ରୁଦ୍ରପତ୍ନୀ ମଦୋଦ୍ଗାରଭରା କ୍ଷିତିଃ ॥ ୬୫ ॥
ଦକ୍ଷିଣା ୟଜ୍ଞସମ୍ପତ୍ତିଃ ସ୍ଵବଲା ଧୀରନନ୍ଦିତା ।
କ୍ଷୀରପୂର୍ଣାର୍ଣଵଗତିଃ ସୁଧାୟୋନିଃ ସୁଲୋଚନା ॥ ୬୬ ॥
ରମା ତୁଙ୍ଗା ସଦାସେଵ୍ୟା ସୁରସଙ୍ଘଦୟା ଉମା ।
ସୁଚରିତ୍ରା ଚିତ୍ରଵରା ସୁସ୍ତନୀ ଵତ୍ସଵତ୍ସଲା ॥ ୬୭ ॥
ରଜସ୍ଵଲା ରଜୋୟୁକ୍ତା ରଞ୍ଜିତା ରଙ୍ଗମାଲିକା ।
ରକ୍ତପ୍ରିୟା ସୁରକ୍ତା ଚ ରତିରଙ୍ଗସ୍ଵରୂପିଣୀ ॥ ୬୮ ॥
ରଜଶ୍ଶୁକ୍ଲାକ୍ଷିକା ନିଷ୍ଠା ଋତୁସ୍ନାତା ରତିପ୍ରିୟା ।
ଭାଵ୍ୟଭାଵ୍ୟା କାମକେଲିଃ ସ୍ମରଭୂଃ ସ୍ମରଜୀଵିକା ॥ ୬୯ ॥
ସମାଧିକୁସୁମାନନ୍ଦା ସ୍ଵୟମ୍ଭୁକୁସୁମପ୍ରିୟା ।
ସ୍ଵୟମ୍ଭୁପ୍ରେମସନ୍ତୁଷ୍ଟା ସ୍ଵୟମ୍ଭୂନିନ୍ଦକାନ୍ତକା ॥ ୭୦ ॥
ସ୍ଵୟମ୍ଭୁସ୍ଥା ଶକ୍ତିପୁଟା ରଵିଃ ସର୍ଵସ୍ଵପେଟିକା ।
ଅତ୍ୟନ୍ତରସିକା ଦୂତିଃ ଵିଦଗ୍ଧା ପ୍ରୀତିପୂଜିତା ॥ ୭୧ ॥
ତୂଲିକାୟନ୍ତ୍ରନିଲୟା ୟୋଗପୀଠନିଵାସିନୀ ।
ସୁଲକ୍ଷଣା ଦୃଶ୍ୟରୂପା ସର୍ଵ ଲକ୍ଷଣଲକ୍ଷିତା ॥ ୭୨ ॥
ନାନାଲଙ୍କାରସୁଭଗା ପଞ୍ଚକାମଶରାର୍ଚିତା ।
ଊର୍ଧ୍ଵତ୍ରିକୋଣୟନ୍ତ୍ରସ୍ଥା ବାଲା କାମେଶ୍ଵରୀ ତଥା ॥ ୭୩ ॥
ଗୁଣାଧ୍ୟକ୍ଷା କୁଲାଧ୍ୟକ୍ଷା ଲକ୍ଷ୍ମୀଶ୍ଚୈଵ ସରସ୍ଵତୀ ।
ଵସନ୍ତମଦନୋତ୍ତୁଙ୍ଗ ସ୍ତନୀ କୁଚଭରୋନ୍ନତା ॥ ୭୪ ॥
କଲାଧରମୁଖୀ ମୂର୍ଧପାଥୋଧିଶ୍ଚ କଲାଵତୀ ।
ଦକ୍ଷପାଦାଦିଶୀର୍ଷାନ୍ତଷୋଡଶସ୍ଵରସଂୟୁତା ॥ ୭୫ ॥
ଶ୍ରଦ୍ଧା ପୂର୍ତିଃ ରତିଶ୍ଚୈଵ ଭୂତିଃ କାନ୍ତିର୍ମନୋରମା ।
ଵିମଲା ୟୋଗିନୀ ଘୋରା ମଦନୋନ୍ମାଦିନୀ ମଦା ॥ ୭୬ ॥
ମୋଦିନୀ ଦୀପିନୀ ଚୈଵ ଶୋଷିଣୀ ଚ ଵଶଙ୍କରୀ ।
ରଜନ୍ୟନ୍ତା କାମକଲା ଲସତ୍କମଲଧାରିଣୀ ॥ ୭୭ ॥
ଵାମମୂର୍ଧାଦିପାଦାନ୍ତଷୋଡଶସ୍ଵରସଂୟୁତା ।
ପୂଷରୂପା ସୁମନସାଂ ସେଵ୍ୟା ପ୍ରୀତିଃ ଦ୍ୟୁତିସ୍ତଥା ॥ ୭୮ ॥
ଋଦ୍ଧିଃ ସୌଦାମିନୀ ଚିଚ୍ଚ ହଂସମାଲାଵୃତା ତଥା ।
ଶଶିନୀ ଚୈଵ ଚ ସ୍ଵସ୍ଥା ସମ୍ପୂର୍ଣମଣ୍ଡଲୋଦୟା ॥ ୭୯ ॥
ପୁଷ୍ଟିଶ୍ଚାମୃତପୂର୍ଣା ଚ ଭଗମାଲାସ୍ଵରୂପିଣୀ ।
ଭଗୟନ୍ତ୍ରାଶ୍ରୟା ଶମ୍ଭୁରୂପା ସଂୟୋଗୟୋଗିନୀ ॥ ୮୦ ॥
ଦ୍ରାଵିଣୀ ବୀଜରୂପା ଚ ହ୍ୟକ୍ଷୁବ୍ଧା ସାଧକପ୍ରିୟା ।
ରଜଃ ପୀଠମୟୀ ନାଦ୍ୟା ସୁଖଦା ଵାଞ୍ଛିତପ୍ରଦା ॥ ୮୧ ॥
ରଜସ୍ସଵିତ୍ ରଜଶ୍ଶକ୍ତିଃ ଶୁକ୍ଲବିନ୍ଦୁସ୍ଵରୂପିଣୀ ।
ସର୍ଵସାକ୍ଷୀ ସାମରସ୍ୟା ଶିଵଶକ୍ତିମୟୀ ପ୍ରଭା ॥ ୮୨ ॥
ସଂୟୋଗାନନ୍ଦନିଲୟା ସଂୟୋଗପ୍ରୀତିମାତୃକା ।
ସଂୟୋଗକୁସୁମାନନ୍ଦା ସଂୟୋଗୟୋଗପଦ୍ଧତିଃ ॥ ୮୩ ॥
ସଂୟୋଗସୁଖଦାଵସ୍ଥା ଚିଦାନନ୍ଦାର୍ଧ୍ୟସେଵିତା ।
ଅର୍ଘ୍ୟପୂଜ୍ୟା ଚ ସମ୍ପତ୍ତିଃ ଅର୍ଧ୍ୟଦାଭିନ୍ନରୂପିଣୀ ॥ ୮୪ ॥
ସାମରସ୍ୟପରା ପ୍ରୀତା ପ୍ରିୟସଙ୍ଗମରଙ୍ଗିଣୀ ।
ଜ୍ଞାନଦୂତୀ ଜ୍ଞାନଗମ୍ୟା ଜ୍ଞାନୟୋନିଶ୍ଶିଵାଲୟା ॥ ୮୫ ॥
ଚିତ୍କଲା ସତ୍କଲା ଜ୍ଞାନକଲା ସଂଵିତ୍କଲାତ୍ମିକା ।
କଲାଚତୁଷ୍ଟୟୀ ପଦ୍ମଵାସିନୀ ସୂକ୍ଷ୍ମରୂପିଣୀ ॥ ୮୬ ॥
ହଂସକେଲିସ୍ଥଲସ୍ଵସ୍ଥା ହଂସଦ୍ଵୟଵିକାସିନୀ ।
ଵିରାଗିତା ମୋକ୍ଷକଲା ପରମାତ୍ମକଲାଵତୀ ॥ ୮୭ ॥
ଵିଦ୍ୟାକଲାନ୍ତରାତ୍ମସ୍ଥା ଚତୁଷ୍ଟୟକଲାଵତୀ ।
ଵିଦ୍ୟାସନ୍ତୋଷଣା ତୃପ୍ତି ପରବ୍ରହ୍ମପ୍ରକାଶିନୀ ॥ ୮୮ ॥
ପରମାତ୍ମପରା ଵସ୍ତୁଲୀନା ଶକ୍ତିଚତୁଷ୍ଟୟୀ ।
ଶାନ୍ତିର୍ବୋଧକଲା ଵ୍ୟାପ୍ତିଃ ପରଜ୍ଞାନାତ୍ମିକା କଲା ॥ ୮୯ ॥
ପଶ୍ୟନ୍ତୀ ପରମାତ୍ମସ୍ଥା ଚାନ୍ତରାତ୍ମକଲା ଶିଵା ।
ମଧ୍ୟମା ଵୈଖରୀ ଚାତ୍ମ କଲାଽଽନନ୍ଦକଲାଵତୀ ॥ ୯୦ ॥
ତରୁଣୀ ତାରକା ତାରା ଶିଵଲିଙ୍ଗାଲୟାତ୍ମଵିତ୍ ।
ପରସ୍ପରସ୍ଵଭାଵା ଚ ବ୍ରହ୍ମଜ୍ଞାନଵିନୋଦିନୀ ॥ ୯୧ ॥
ରାମୋଲ୍ଲାସା ଚ ଦୁର୍ଧର୍ଷା ପରମାର୍ଘ୍ୟପ୍ରିୟା ରମା ।
ଜାତ୍ୟାଦିରହିତା ୟୋଗିନ୍ୟାନନ୍ଦମାତ୍ରପଦ୍ଧତିଃ ॥ ୯୨ ॥
କାନ୍ତା ଶାନ୍ତା ଦାନ୍ତୟାତିଃ କଲିତା ହୋମପଦ୍ଧତିଃ ।
ଦିଵ୍ୟଭାଵପ୍ରଦା ଦିଵ୍ୟା ଵୀରସୂର୍ଵୀରଭାଵଦା ॥ ୯୩ ॥
ପଶୁଦେହା ଵୀରଗତିଃ ଵୀରହଂସମନୋଦୟା ।
ମୂର୍ଧାଭିଷିକ୍ତା ରାଜଶ୍ରୀଃ କ୍ଷତ୍ରିୟୋତ୍ତମମାତୃକା ॥ ୯୪ ॥
ଶସ୍ତ୍ରାସ୍ତ୍ରକୁଶଲା ଶୋଭା ରଥସ୍ଥା ୟୁଦ୍ଧଜୀଵିକା ।
ଅଶ୍ଵାରୂଢା ଗଜାରୂଢା ଭୂତୋକ୍ତିଃ ସୁରସୁଶ୍ରୟା ॥ ୯୫ ॥
ରାଜନୀତିଶ୍ଶାନ୍ତିକର୍ତ୍ରୀ ଚତୁରଙ୍ଗବଲାଶ୍ରୟା ।
ପୋଷିଣୀ ଶରଣା ପଦ୍ମପାଲିକା ଜୟପାଲିକା ॥ ୯୬ ॥
ଵିଜୟା ୟୋଗିନୀ ୟାତ୍ରା ପରସୈନ୍ୟଵିମର୍ଦିନୀ ।
ପୂର୍ଣଵିତ୍ତା ଵିତ୍ତଗମ୍ୟା ଵିତ୍ତସଞ୍ଚୟ ଶାଲିନୀ ॥ ୯୭ ॥
ମହେଶୀ ରାଜ୍ୟଭୋଗା ଚ ଗଣିକାଗଣଭୋଗଭୃତ୍ ।
ଉକାରିଣୀ ରମା ୟୋଗ୍ୟା ମନ୍ଦସେଵ୍ୟା ପଦାତ୍ମିକା ॥
ସୈନ୍ୟଶ୍ରେଣୀ ଶୌର୍ୟରତା ପତାକାଧ୍ଵଜମାଲିନୀ ।
ସୁଚ୍ଛତ୍ର ଚାମରଶ୍ରେଣିଃ ୟୁଵରାଜଵିଵର୍ଧିନୀ ॥ ୯୯ ॥
ପୂଜା ସର୍ଵସ୍ଵସମ୍ଭାରା ପୂଜାପାଲନଲାଲସା ।
ପୂଜାଭିପୂଜନୀୟା ଚ ରାଜକାର୍ୟପରାୟଣା ॥ ୧୦୦ ॥
ବ୍ରହ୍ମକ୍ଷତ୍ରମୟୀ ସୋମସୂର୍ୟଵହ୍ନିସ୍ଵରୂପିଣୀ ।
ପୌରୋହିତ୍ୟପ୍ରିୟା ସାଧ୍ଵୀ ବ୍ରହ୍ମାଣୀ ୟନ୍ତ୍ରସନ୍ତତିଃ ॥
ସୋମପାନଜନାପ୍ରୀତା ୟୋଜନାଧ୍ଵଗତିକ୍ଷମା ।
ପ୍ରୀତିଗ୍ରହା ପରା ଦାତ୍ରୀ ଶ୍ରେଷ୍ଠଜାତିଃ ସତାଙ୍ଗତିଃ ॥ ୧୦୨ ॥
ଗାୟତ୍ରୀ ଵେଦଵିଦ୍ଧ୍ୟେୟା ଦୀକ୍ଷା ସନ୍ତୋଷତର୍ପଣା ।
ରତ୍ନଦୀଧିତିଵିଦ୍ୟୁତ୍ସହସନା ଵୈଶ୍ୟଜୀଵିକା ॥ ୧୦୩ ॥
କୃଷିର୍ଵାଣିଜ୍ୟଭୂତିଶ୍ଚ ଵୃଦ୍ଧିଦା ଵୃଦ୍ଧସେଵିତା ।
ତୁଲାଧାରା ସ୍ଵପ୍ନକାମା ମାନୋନ୍ମାନପରାୟଣା ॥ ୧୦୪ ॥
ଶ୍ରଦ୍ଧା ଵିପ୍ରଗତିଃ କର୍ମକରୀ କୌତୁକପୂଜିତା ।
ନାନାଭିଚାରଚତୁରା ଵାରସ୍ତ୍ରୀଶ୍ରୀଃ କଲାମୟୀ ॥
ସୁକର୍ଣଧାରା ନୌପାରା ସର୍ଵାଶା ରତିମୋହିନୀ ।
ଦୁର୍ଗା ଵିନ୍ଧ୍ୟଵନସ୍ଥା ଚ କାଲଦର୍ପନିଷୂଦିନୀ ॥
ଭୂମାରଶମନୀ କୃଷ୍ଣା ରକ୍ଷୋରାକ୍ଷସସାହସା ।
ଵିଵିଧୋତ୍ପାତଶମନୀ ସମୟା ସୁରସେଵିତା ॥ ୧୦୭ ॥
ପଞ୍ଚାଵୟଵଵାକ୍ୟଶ୍ରୀଃ ପ୍ରପଞ୍ଚୋଦ୍ୟାନଚନ୍ଦ୍ରିକା ।
ସିଦ୍ଧିସନ୍ଦୋହସଂସିଦ୍ଧୟୋଗିନୀଵୃନ୍ଦସେଵିତା ॥ ୧୦୮ ॥
ନିତ୍ୟା ଷୋଡଶିକାରୂପା କାମେଶୀ ଭଗମାଲିନୀ ।
ନିତ୍ୟକ୍ଲିନ୍ନା ନିରାଧାରା ଵହ୍ନିମଣ୍ଡଲଵାସିନୀ ॥ ୧୦୯ ॥
ମହାଵଜ୍ରେଶ୍ଵରୀ ନିତ୍ୟଶିଵଦୂତୀତି ଵିଶ୍ରୁତା ।
ତ୍ଵରିତା ପ୍ରଥିତା ଖ୍ୟାତା ଵିଖ୍ୟାତା କୁଲସୁନ୍ଦରୀ ॥ ୧୧୦ ॥
ନିତ୍ୟା ନୀଲପତାକା ଚ ଵିଜୟା ସର୍ଵମଙ୍ଗଲା ।
ଜ୍ଵାଲାମାଲା ଵିଚିତ୍ରା ଚ ମହାତ୍ରିପୁରସୁନ୍ଦରୀ ॥ ୧୧୧ ॥
ଗୁରୁଵୃନ୍ଦା ପରଗୁରୁଃ ପ୍ରକାଶାନନ୍ଦଦାୟିନୀ ।
ଶିଵାନନ୍ଦା ନାଦରୂପା ଶକ୍ରାନନ୍ଦସ୍ଵରୂପିଣୀ ॥ ୧୧୨ ॥
ଦେଵ୍ୟାନନ୍ଦା ନାଦମୟୀ କୌଲେଶାନନ୍ଦନାଥିନୀ ।
ଶୁକ୍ଲଦେଵ୍ୟାନନ୍ଦନାଥା କୁଲେଶାନନ୍ଦଦାୟିନୀ ॥ ୧୧୩ ॥
ଦିଵ୍ୟୌଘସେଵିତା ଦିଵ୍ୟଭୋଗଦାନପରାୟଣା ।
କ୍ରୀଡାନନ୍ଦା କ୍ରୀଡମାନା ସମୟାନନ୍ଦଦାୟିନୀ ॥ ୧୧୪ ॥
ଵେଦାନନ୍ଦା ପାର୍ଵତୀ ଚ ସହଜାନନ୍ଦଦାୟିନୀ ।
ସିଦ୍ଧୌଘଗୁରୁରୂପା ଚାପ୍ୟପରା ଗୁରୁରୂପିଣୀ ॥ ୧୧୫ ॥
ଗଗନାନନ୍ଦନାଥା ଚ ଵିଶ୍ଵାଦ୍ୟାନନ୍ଦଦାୟିନୀ ।
ଵିମଲାନନ୍ଦନାଥା ଚ ମଦନାନନ୍ଦଦାୟିନୀ ॥ ୧୧୬ ॥
ଭୁଵନାନନ୍ଦନାଥା ଚ ଲୀଲୋଦ୍ୟାନପ୍ରିୟା ଗତିଃ ।
ସ୍ଵାତ୍ମାନ୍ଦଵିନୋଦା ଚ ପ୍ରିୟାଦ୍ୟାନନ୍ଦନାଥିନୀ ॥ ୧୧୭ ॥
ମାନଵାଦ୍ୟା ଗୁରୁଶ୍ରେଷ୍ଠା ପରମେଷ୍ଠି ଗୁରୁପ୍ରଭା ।
ପରମାଦ୍ୟା ଗୁରୁଶ୍ଶକ୍ତିଃ କିର୍ତନପ୍ରିୟା ॥ ୧୧୮ ॥
ତ୍ରୈଲୋକ୍ୟମୋହନାଖ୍ୟା ଚ ସର୍ଵାଶାପରିପୂରକା ।
ସର୍ଵସଙ୍କ୍ଷୋଭିଣୀ ପୂର୍ଵାମ୍ନାୟା ଚକ୍ରତ୍ରୟାଲୟା ॥ ୧୧୯ ॥
ସର୍ଵସୌଭାଗ୍ୟଦାତ୍ରୀ ଚ ସର୍ଵାର୍ଥସାଧକପ୍ରିୟା ।
ସର୍ଵରକ୍ଷାକରୀ ସାଧୁର୍ଦକ୍ଷିଣାମ୍ନାୟଦେଵତା ॥ ୧୨୦ ॥
ମଧ୍ୟଚକ୍ରୈକନିଲୟା ପଶ୍ଚିମାମ୍ନାୟଦେଵତା ।
ନଵଚକ୍ରକୃତାଵାସା କୌବେରାମ୍ନାୟଦେଵତା ॥ ୧୨୧ ॥
ବିନ୍ଦୁଚକ୍ରକୃତାୟାସା ମଧ୍ୟସିଂହାସନେଶ୍ଵରୀ ।
ଶ୍ରୀଵିଦ୍ୟା ନଵଦୁର୍ଗା ଚ ମହିଷାସୁରମର୍ଦିନୀ ॥ ୧୨୨ ॥
ସର୍ଵସାମ୍ରାଜ୍ୟଲକ୍ଷ୍ମୀଶ୍ଚ ଅଷ୍ଟଲକ୍ଷ୍ମୀଶ୍ଚ ସଂଶ୍ରୁତା ।
ଶୈଲେନ୍ଦ୍ରତନୟା ଜ୍ୟୋତିଃ ନିଷ୍କଲା ଶାମ୍ଭଵୀ ଉମା ॥ ୧୨୩ ॥
ଅଜପା ମାତୃକା ଚେତି ଶୁକ୍ଲଵର୍ଣା ଷଡାନନା ।
ପାରିଜାତେଶ୍ଵରୀ ଚୈଵ ତ୍ରିକୂଟା ପଞ୍ଚବାଣଦା ॥ ୧୧୪ ॥
ପଞ୍ଚକଲ୍ପଲତା ଚୈଵ ତ୍ର୍ୟକ୍ଷରୀ ମୂଲପୀଠିକା ।
ସୁଧାଶ୍ରୀରମୃତେଶାନୀ ହ୍ୟନ୍ନପୂର୍ଣା ଚ କାମଧୁକ୍ ॥ ୧୨୫ ॥
ପାଶହସ୍ତା ସିଦ୍ଧଲକ୍ଷ୍ମୀଃ ମାତଙ୍ଗୀ ଭୁଵନେଶ୍ଵରୀ ।
ଵାରାହୀ ନଵରତ୍ନାନାମୀଶ୍ଵରୀ ଚ ପ୍ରକୀର୍ତିଦା ॥ ୧୨୬ ॥
ପରଂ ଜ୍ୟୋତିଃ କୋଶରୂପା ସୈନ୍ଧଵୀ ଶିଵଦର୍ଶନା ।
ପରାପରା ସ୍ଵାମିନୀ ଚ ଶାକ୍ତଦର୍ଶନଵିଶ୍ରୁତା ॥ ୧୨୭ ॥
ବ୍ରହ୍ମଦର୍ଶନରୂପା ଚ ଶିଵଦର୍ଶନରୂପିଣୀ ।
ଵିଷ୍ଣୁଦର୍ଶନରୂପା ଚ ସ୍ରଷ୍ଟୄଦର୍ଶନରୂପିଣୀ ॥ ୧୨୮ ॥
ସୌରଦର୍ଶନରୂପା ଚ ସ୍ଥିତିଚକ୍ରକୃତାଶ୍ରୟା ।
ବୌଦ୍ଧଦର୍ଶନରୂପା ଚ ତୁରୀୟା ବହୁରୂପିଣୀ ॥ ୧୨୯ ॥
ତତ୍ଵମୁଦ୍ରାସ୍ଵରୂପା ଚ ପ୍ରସନ୍ନା ଜ୍ଞାନମାତୃକା ।
ସର୍ଵୋପଚାରସନ୍ତୁଷ୍ଟା ହୃନ୍ମୟୀ ଶୀର୍ଷଦେଵତା ॥ ୧୩୦ ॥
ଶିଖାସ୍ଥିତା ଵର୍ମମୟୀ ନେତ୍ରତ୍ରୟଵିଲାସିନୀ ।
ଅସ୍ତ୍ରସ୍ଥା ଚତୁରସ୍ରସ୍ଥା ଦ୍ଵାରସ୍ଥା ଦ୍ଵାରଦେଵତା ॥ ୧୩୧ ॥
ଅଣିମା ପଶ୍ଚିମସ୍ଥା ଚ ଦକ୍ଷିଣଦ୍ଵାରଦେଵତା ।
ଵଶିତ୍ଵା ଵାୟୁକୋଣସ୍ଥା ପ୍ରାକାମ୍ୟେଶାନଦେଵତା ॥ ୧୩୨ ॥
ମହିମାପୂର୍ଵନାଥା ଚ ଲଘିମୋତ୍ତରଦେଵତା ।
ଅଗ୍ନିକୋଣସ୍ଥଗରିମା ପ୍ରାପ୍ତିର୍ନୈଋତିଵାସିନୀ ॥ ୧୩୩ ॥
ଈଶିତ୍ଵସିଦ୍ଧିସୁରଥା ସର୍ଵକାମୋର୍ଧ୍ଵଵାସିନୀ ।
ବ୍ରାହ୍ମୀ ମାହେଶ୍ଵରୀ ଚୈଵ କୌମାରୀ ଵୈଷ୍ଣଵୀ ତଥା ॥ ୧୩୪ ॥
ଵାରାହ୍ୟୈନ୍ଦ୍ରୀ ଚ ଚାମୁଣ୍ଡା ଵାମା ଜ୍ୟେଷ୍ଠା ସରସ୍ଵତୀ ।
କ୍ଷୋଭିଣୀ ଦ୍ରାଵିଣୀ ରୌଦ୍ରୀ କାଲ୍ୟୁନ୍ମାଦନକାରିଣୀ ॥ ୧୩୫ ॥
ଖେଚରା କାଲକରଣୀ ଚ ବଲାନାଂ ଵିକରଣୀ ତଥା ।
ମନୋନ୍ମନୀ ସର୍ଵଭୂତଦମନୀ ସର୍ଵସିଦ୍ଧିଦା ॥ ୧୩୬ ॥
ବଲପ୍ରମଥିନୀ ଶକ୍ତିଃ ବୁଦ୍ଧ୍ୟାକର୍ଷଣରୂପିଣୀ ।
ଅହଙ୍କାରାକର୍ଷିଣୀ ଚ ଶବ୍ଦାକର୍ଷଣରୂପିଣୀ ॥ ୧୩୭ ॥
ସ୍ପର୍ଶାକର୍ଷଣରୂପା ଚ ରୂପାକର୍ଷଣରୂପିଣୀ ।
ରସାକର୍ଷଣରୂପା ଚ ପ୍ଲଧାକର୍ଷଣରୂପିଣୀ ॥ ୧୩୮ ॥
ଚିତ୍ରାକର୍ଷଣରୂପା ଚ ଧୈର୍ୟାକର୍ଷଣରୂପିଣୀ ।
ସ୍ମୃତ୍ୟାକର୍ଷଣରୂପା ଚ ନାମାକର୍ଷଣସ୍ତ୍ଵପିଣୀ ॥ ୧୩୯ ॥
ବୀଜାକର୍ଷଣରୂପା ଚ ହ୍ୟାତ୍ମାକର୍ଷଣରୂପିଣୀ ।
ଅମୃତାକର୍ଷିଣୀ ଚୈଵ ଶରୀରାକର୍ଷଣୀ ତଥା ॥ ୧୪୦ ॥
ଷୋଡଶସ୍ଵରସମ୍ପନ୍ନା ସ୍ରଵତ୍ପୀୟୂଷମଣ୍ଡିତା ।
ତ୍ରିପୁରେଶୀ ସିଦ୍ଧିଦାତ୍ରୀ କଲାଦର୍ଶନଵାସିନୀ ॥ ୧୪୧ ॥
ସର୍ଵସଙ୍କ୍ଷୋଭଚକ୍ରେଶୀ ଶକ୍ତିର୍ଗୁହ୍ୟତରାଭିଧା ।
ଅନଙ୍ଗକୁସୁମାଶକ୍ତିଃ ତଥୈଵାନଙ୍ଗମେଖଲା ॥ ୧୪୨ ॥
ଅନଙ୍ଗମଦନାଽନଙ୍ଗମଦନାତୁରରୂପିଣୀ ।
ଅନଙ୍ଗରେଖା ଚାନଙ୍ଗଵେଗାନଙ୍ଗାକୁଶାଭିଧା ॥ ୧୪୩ ॥
ଅନଙ୍ଗମାଲିନୀ ଚୈଵ ହ୍ୟଷ୍ଟଵର୍ଗାଧିଗାମିନୀ ।
ଵସ୍ଵଷ୍ଟକକୃତାଵାସା ଶ୍ରୀମତ୍ତ୍ରିପୁରସୁନ୍ଦରୀ ॥ ୧୪୪ ॥
ସର୍ଵସାମ୍ରାଜ୍ୟସୁଭଗା ସର୍ଵଭାଗ୍ୟପ୍ରଦେଶ୍ଵରୀ ।
ସମ୍ପ୍ରଦାୟେଶ୍ଵରୀ ସର୍ଵସଙ୍କ୍ଷୋଭଣକରୀ ତଥା ॥ ୧୪୫ ॥
ସର୍ଵଵିଦ୍ରାଵଣୀ ସର୍ଵାକର୍ଷିଣୀରୂପକାରିଣୀ ।
ସର୍ଵାହ୍ଲାଦନଶକ୍ତିଶ୍ଚ ସର୍ଵସମ୍ମୋହିନୀ ତଥା ॥ ୧୪୬ ॥
ସର୍ଵସ୍ତମ୍ଭନଶକ୍ତିଶ୍ଚ ସର୍ଵଜୃମ୍ଭଣକାରିଣୀ ।
ସର୍ଵଵଶ୍ୟକଶକ୍ତିଶ୍ଚ ତଥା ସର୍ଵାନୁରଞ୍ଜନୀ ॥ ୧୪୭ ॥
ସର୍ଵୋନ୍ମାଦନଶକ୍ତିଶ୍ଚ ତଥା ସର୍ଵାର୍ଥସାଧିକା ।
ସର୍ଵସମ୍ପତ୍ତିଦା ଚୈଵ ସର୍ଵମାତୃମୟୀ ତଥା ॥ ୧୪୮ ॥
ସର୍ଵଦ୍ଵନ୍ଦ୍ଵକ୍ଷୟକରୀ ସିଦ୍ଧିସ୍ତ୍ରିପୁରଵସିନୀ ।
ଚତୁର୍ଦଶାରଚକ୍ରେଶୀ କୁଲୟୋଗସମନ୍ଵୟା ॥ ୧୪୯ ॥
ସର୍ଵସିଦ୍ଧିପ୍ରଦା ଚୈଵ ସର୍ଵସମ୍ପତ୍ପ୍ରଦା ତଥା ।
ସର୍ଵପ୍ରିୟକରୀ ଚୈଵ ସର୍ଵମଙ୍ଗଲକାରିଣୀ ॥ ୧୫୦ ॥
ସର୍ଵକାମପ୍ରପୂର୍ଣା ଚ ସର୍ଵଦୁଃଖଵିମୋଚିନୀ ।
ସର୍ଵମୃତ୍ୟୁପ୍ରଶମନୀ ସର୍ଵ ଵିଘ୍ନଵିନାଶିନୀ ॥ ୧୫୧ ॥
ସର୍ଵାଙ୍ଗସୁନ୍ଦରୀ ଚୈଵ ସର୍ଵସୌଭାଗ୍ୟଦାୟିନୀ ।
ତ୍ରିପୁରା ଶ୍ରୀଶ୍ଚ ସର୍ଵାର୍ଥସାଧିକା ଦଶକୋଣଗା ॥ ୧୫ ॥
ସର୍ଵରକ୍ଷାକରୀ ଚୈଵ ଈଶ୍ଵରୀ ୟୋଗିନୀ ତଥା ।
ସର୍ଵଜ୍ଞା ସର୍ଵଶକ୍ତିଶ୍ଚ ସର୍ଵୈଶ୍ଵର୍ୟପ୍ରଦା ତଥା ॥ ୧୫୩ ॥
ସର୍ଵଜ୍ଞାନମୟୀ ଚୈଵ ସର୍ଵଵ୍ୟାଧିଵିନାଶିନୀ ।
ସର୍ଵାଧାରସ୍ଵରୂପା ଚ ସର୍ଵପାପହରା ତଥା ॥ ୧୫୪ ॥
ସର୍ଵାନନ୍ଦମୟୀ ଚୈଵ ସର୍ଵରକ୍ଷାସ୍ଵରୂପିଣୀ ।
ତଥୈଵ ଚ ମହାଶକ୍ତିଃ ସର୍ଵେପ୍ସିତଫଲପ୍ରଦା ॥ ୧୫୫ ॥
ଅନ୍ତର୍ଦଶାରଚକ୍ରସ୍ଥା ତଥା ତ୍ରିପୁରମାଲିନୀ ।
ସର୍ଵରୋଗହରା ଚୈଵ ରହସ୍ୟୟୋଗିନୀ ତଥା ॥ ୧୫୬ ॥
ଵାଗ୍ଦେଵୀ ଵଶିନୀ ଚୈଵ ତଥା କାମେଶ୍ଵରୀ ତଥା ।
ମୋଦିନୀ ଵିମଲା ଚୈଵ ହ୍ୟରୁଣା ଜୟିନୀ ତଥା ॥ ୧୫ ॥
ଶିଵକାମପ୍ରଦା ଦେଵୀ ଶିଵକାମସ୍ୟ ସୁନ୍ଦରୀ ।
ଲଲିତା ଲଲିତାଧ୍ୟାନଫଲଦା ଶୁଭକାରିଣୀ ॥ ୧୫ ॥
ସର୍ଵେଶ୍ଵରୀ କୌଲିନୀ ଚ ଵସୁଵଂଶାଭିଵର୍ଦ୍ଧିନୀ ।
ସର୍ଵକାମପ୍ରଦା ଚୈଵ ପରାପରରହସ୍ୟଵିତ୍ ॥ ୧୫୯ ॥
ତ୍ରିକୋଣଚତୁରଶ୍ରସ୍ଥ କାମେଶ୍ଵର୍ୟାୟୁଧାତ୍ମିକା ।
କାମେଶ୍ଵରୀବାଣରୂପା କାମେଶୀ ଚାପରୂପିଣୀ ॥ ୧୬୦ ॥
କାମେଶୀ ପାଶହସ୍ତା ଚ କାମେଶ୍ୟଙ୍କୁଶରୂପିଣୀ ।
କାମେଶ୍ଵରୀ ରୁଦ୍ରଶକ୍ତିଃ ଅଗ୍ନିଚକ୍ରକୃତାଲୟା ॥ ୧୬୧ ॥
କାମାଭିନ୍ତ୍ରା କାମଦୋଗ୍ଧ୍ରୀ କାମଦା ଚ ତ୍ରିକୋଣଗା ।
ଦକ୍ଷକୋଣେଶ୍ଵରୀ ଵିଷ୍ଣୁଶକ୍ତିର୍ଜାଲନ୍ଧରାଲୟା ॥ ୧୬୨ ॥
ସୂର୍ୟଚକ୍ରାଲୟା ଵାମକୋଣଗା ସୋମଚକ୍ରଗା ।
ଭଗମାଲା ବୃହଚ୍ଛକ୍ତି ପୂର୍ଣା ପୂର୍ଵାସ୍ରରାଗିଣୀ ॥ ୧୬୩ ॥
ଶ୍ରୀମତ୍ତ୍ରିକୋଣଭୁଵନା ତ୍ରିପୁରାଖ୍ୟା ମହେଶ୍ଵରୀ ।
ସର୍ଵାନନ୍ଦମୟୀଶାନୀ ବିନ୍ଦୁଗାତିରହସ୍ୟଗା ॥ ୧୬୪ ॥
ପରବ୍ରହ୍ମସ୍ଵରୂପା ଚ ମହାତ୍ରିପୁରସୁନ୍ଦରୀ ।
ସର୍ଵଚକ୍ରାନ୍ତରସ୍ଥା ଚ ସର୍ଵଚକ୍ରାଧିଦେଵତା ॥ ୧୬୫ ॥
ସର୍ଵଚକ୍ରେଶ୍ଵରୀ ସର୍ଵମନ୍ତ୍ରାଣାମୀଶ୍ଵରୀ ତଥା ।
ସର୍ଵଵିଦ୍ୟେଶ୍ଵରୀ ଚୈଵ ସର୍ଵଵାଗୀଶ୍ଵରୀ ତଥା ॥ ୧୬୬ ॥
ସର୍ଵୟୋଗେଶ୍ଵରୀ ସର୍ଵପୀଠେଶ୍ଵର୍ୟଖିଲେଶ୍ଵରୀ ।
ସର୍ଵକାମେଶ୍ଵରୀ ସର୍ଵତତ୍ଵେଶ୍ଵର୍ୟାଗମେଶ୍ଵରୀ ॥ ୧୬୭ ॥
ଶକ୍ତିଃ ଶକ୍ତିଭୃଦୁଲ୍ଲାସା ନିର୍ଦ୍ଵନ୍ଦ୍ଵାଦ୍ଵୈତଗର୍ଭିଣୀ ।
ନିଷ୍ପ୍ରପଞ୍ଚା ପ୍ରପଞ୍ଚାଭା ମହାମାୟା ପ୍ରପଞ୍ଚସୂଃ ॥ ୧୬୮ ॥
ସର୍ଵଵିଶ୍ଵୋତ୍ପତ୍ତିଧାତ୍ରୀ ପରମାନନ୍ଦକାରଣା ।
ଲାଵଣ୍ୟସିନ୍ଧୁଲହରୀ ସୁନ୍ଦରୀତୋଷମନ୍ଦିରା ॥ ୧୬୯ ॥
ଶିଵକାମସୁନ୍ଦରୀ ଦେଵୀ ସର୍ଵମଙ୍ଗଲଦାୟିନୀ ।
ଇତିନାମ୍ନାଂ ସହସ୍ରଂ ଚ ଗଦିତଂ ଇଷ୍ଟଦାୟକମ୍ ॥ ୧୭୦ ॥
॥ ଉତ୍ତରପୀତିକା ॥
ସହସ୍ରନାମ ମନ୍ତ୍ରାଣାଂ ସାରମାକୃଷ୍ୟ ପାର୍ଵତି ।
ରଚିତଂ ହି ମୟା ଚୈତତ୍ ସିଦ୍ଧିଦଂ ପରମୋକ୍ଷଦମ୍ ॥ ୧ ॥
ଅନେନ ସ୍ତୁଵତୋ ନିତ୍ୟଂ ଅର୍ଧରାତ୍ରେ ନିଶାମୁଖେ ।
ପ୍ରାତଃ କାଲେ ଚ ପୂଜାୟାଂ ପଠନଂ ସର୍ଵକାମଦମ୍ ॥ ୨ ॥
ସର୍ଵସାମ୍ରାଜ୍ୟସୁଖଦା ସୁନ୍ଦରୀ ପରିତୁଷ୍ୟତି ।
ରତ୍ନାନି ଵିଵିଧାନ୍ୟସ୍ୟ ଵିତ୍ତାନି ପ୍ରଚୁରାଣି ଚ ॥ ୩ ॥
ମନୋରଥରଥସ୍ଥାନି ଦଦାତି ପରମେଶ୍ଵରୀ ।
ପୁତ୍ରପୌତ୍ରାଶ୍ଚ ଵର୍ଧନ୍ତେ ସନ୍ତତିସ୍ସାର୍ଵକାଲିକା ॥ ୪ ॥
ଶତ୍ରଵସ୍ତସ୍ୟ ନଶ୍ୟନ୍ତି ଵର୍ଧନ୍ତେ ଚ ବଲାନି ଚ ।
ଵ୍ୟାଧୟସ୍ତସ୍ୟ ନଶ୍ୟନ୍ତି ଲଭତେ ଚୌଷଧାନି ଚ ॥ ୫ ॥
ମନ୍ଦିରାଣି ଵିଚିତ୍ରାଣି ରାଜନ୍ତେ ତସ୍ୟ ସର୍ଵଦା ।
କୃଷିଃ ଫଲଵତୀ ତସ୍ୟ ଭୂମିଃ କାମାଖିଲପ୍ରଦା ॥ ୬ ॥
ସ୍ଥିରଂ ଜନପଦଂ ତସ୍ୟ ରାଜ୍ୟଂ ତସ୍ୟ ନିରଙ୍ଗୁଶମ୍ ।
ମାତଙ୍ଗାସ୍ତୁରଗାସ୍ତୁଙ୍ଗାଃ ସିଞ୍ଚିନ୍ତୋ ମଦଵାରିଭିଃ ॥ ୭ ॥
ସୈନିକାଶ୍ଚ ଵିରାଜନ୍ତେ ତୁଷ୍ଟାଃ ପୁଷ୍ଟାସ୍ତୁରଙ୍ଗମାଃ ।
ପୂଜାଃ ଶଶ୍ଵତ୍ ଵିଵର୍ଧନ୍ତେ ନିର୍ଵିଵାଦାଶ୍ଚ ମନ୍ତ୍ରିଣଃ ॥ ୮ ॥
ଜ୍ଞାତୟସ୍ତସ୍ୟ ତୁଷ୍ୟନ୍ତି ବାନ୍ଧଵାଃ ଵିଗତଜ୍ଵରାଃ ।
ଭୃତ୍ୟାସ୍ତସ୍ୟ ଵଶେ ନିତ୍ୟଂ ଵର୍ତନ୍ତେଽସ୍ୟ ମନୋନୁଗାଃ ॥ ୯ ॥
ଗଦ୍ୟପଦ୍ୟମୟୀ ଵାଣୀ ଵାକ୍ତ୍ଵାତୁର୍ୟସୁସମ୍ଭୃତା ।
ସମଗ୍ର ସୁଖସମ୍ପତ୍ତି ଶାଲିନୀ ଲାସ୍ୟମାଲିନୀ ॥ ୧୦ ॥
ନାନାପଦମୟୀ ଵାଣୀ ତସ୍ୟ ଗଙ୍ଗାପ୍ରଵାହଵତ୍ ।
ଅଦୃଷ୍ଟାନ୍ୟପି ଚ ଶାସ୍ତ୍ରାଣି ପ୍ରକାଶନ୍ତେ ନିରନ୍ତରମ୍ ॥ ୧୧ ॥
ନିଗ୍ରହଃ ପରଵାକ୍ୟାନାଂ ସଭାୟାଂ ତସ୍ୟ ଜାୟତେ ।
ସ୍ତୁଵନ୍ତି କୃତିନସ୍ତଂ ଵୈ ରାଜାନୋ ଦାସଵତ୍ତଥା ॥ ୧୨ ॥
ଶସ୍ତ୍ରାଣ୍ୟସ୍ତ୍ରାଣି ତଦ୍ଗାତ୍ରେ ଜନୟନ୍ତି ରୁଜୋ ନହି ।
ମାତଙ୍ଗାଃ ତସ୍ୟ ଵଶଗାଃ ସର୍ପଵର୍ୟା ଭଵନ୍ତି ଚ ॥ ୧୩ ॥
ଵିଷଂ ନିର୍ଵିଷତାଂ ୟାତି ପାନୀୟମମୃତଂ ଭଵେତ୍ ।
ପରସେନାସ୍ତମ୍ଭନଂ ଚ ପ୍ରତିଵାଦିଵିଜୃମ୍ଭଣମ୍ ॥ ୧୪ ॥
ନଵରାତ୍ରେଣ ଜାୟନ୍ତେ ସତତନ୍ୟାସୟୋଗତଃ ।
ଅହୋରାତ୍ରଂ ପଠେଦ୍ୟସ୍ତୁ ସ୍ତୋତ୍ରଂ ସଂୟତମାନସଃ ॥ ୧୫ ॥
ଵଶାଃ ତସ୍ୟୋପଜାୟନ୍ତେ ସର୍ଵେ ଲୋକାଃ ସୁନିଶ୍ଚିତମ୍ ।
ଷଣ୍ମାସାଭ୍ୟାସୟୋଗେନ ଦେଵା ୟକ୍ଷାଶ୍ଚ କିନ୍ନରାଃ ॥ ୧୬ ॥
ସିଦ୍ଧା ମହୋରଗାସ୍ସର୍ଵେ ଵଶମାୟାନ୍ତି ନିଶ୍ଚୟମ୍ ।
ନିତ୍ୟଂ କାମକଲାଂ ନ୍ୟସ୍ୟନ୍ ୟଃ ପତେତ୍ ସ୍ତୋତ୍ରମୁତ୍ତମମ୍ ॥ ୧୭ ॥
ମଦନୋନ୍ମାଦିନୀ ଲୀଲାପୁରସ୍ତ୍ରୀ ତଦ୍ଵଶାନୁଗା ।
ଲାଵଣ୍ୟମଦନା ସାକ୍ଷାତ୍ ଵିଦଗ୍ଧମୁଖଚନ୍ଦ୍ରିକା ॥ ୧୮ ॥
ପ୍ରେମପୂର୍ଣାଶ୍ରୁନୟନା ସୁନ୍ଦରୀ ଵଶଗା ଭଵେତ୍ ।
ଭୂର୍ଜପତ୍ରେ ରୋଚନେନ କୁଙ୍କୁମେନ ଵରାନନେ ॥ ୧୯ ॥
ଧାତୁରାଗେଣ ଵା ଦେଵୀ ମୂଲମନ୍ତ୍ରଂ ଵିଲିଖ୍ୟ ଚ ।
ରକ୍ଷାର୍ଥଂ ଭସ୍ମ ଵିନ୍ୟସ୍ୟ ପୁଟୀକୃତ୍ୟ ସମନ୍ତ୍ରକମ୍ ॥ ୨୦ ॥
ସୁଵର୍ଣରୌପ୍ୟଖଚିତେ ସୁଷିରେ ସ୍ଥାପ୍ୟ ୟତ୍ନତଃ ।
ସମ୍ପୂଜ୍ୟ ତତ୍ର ଦେଵେଶୀଂ ପୁନରାଦାୟ ଭକ୍ତିତଃ ॥ ୨୧ ॥
ଧାରୟେନ୍ମସ୍ତକେ କଣ୍ଠେ ବାହୁମୂଲେ ତଥା ହୃଦି ।
ନାଭୌ ଚ ଵିଦ୍ୟୁତଂ ଧନ୍ୟଂ ଜୟଦଂ ସର୍ଵକାମଦମ୍ ॥ ୨୨ ॥
ରକ୍ଷାକରଂ ନାନ୍ୟଦସ୍ମାତ୍ ଵିଦ୍ୟତେ ଭୁଵନତ୍ରୟେ ।
ଜ୍ଵରରୋଗନୃପାଵିଷ୍ଟଭୟହୃତ୍ ଭୂତିଵର୍ଧନମ୍ ॥ ୨୩ ॥
ବଲଵୀର୍ୟକରଂ ଚାଥ ଭୂତଶତ୍ରୁଵିନାଶନମ୍ ।
ପୁତ୍ରପୌତ୍ରଗୁଣଶ୍ରେୟୋଵର୍ଧକଂ ଧନଧାନ୍ୟକୃତ୍ ॥ ୨୪ ॥
ୟ ଇଦଂ ପଠତି ସ୍ତୋତ୍ରଂ ସ ସର୍ଵଂ ଲଭତେ ନରଃ ।
ୟଦ୍ଗୃହେ ଲିଖିତଂ ସ୍ତୋତ୍ରଂ ତିଷ୍ଠେଦେତଦ୍ ଵରାନନେ ॥ ୨୫ ॥
ତତ୍ର ତିଷ୍ଠାମ୍ୟହଂ ନିତ୍ୟଂ ହରିଶ୍ଚ କମଲାସନଃ ।
ଵସନ୍ତି ସର୍ଵତୀର୍ଥାନି ଗୌରୀ ଲକ୍ଷ୍ମୀସ୍ସରସ୍ଵତୀ ॥ ୨୬ ॥
ଶିଵକାମେଶ୍ଵରୀଂ ଧ୍ୟାତ୍ଵା ପଠେନ୍ନାମସହସ୍ରକମ୍ ।
ଅସକୃତ୍ ଧ୍ୟାନପାଠେନ ସାଧକଃ ସିଦ୍ଧିମାପ୍ନୁୟାତ୍ ॥ ୨୭ ॥
ଶୁକ୍ରଵାରେ ପୌର୍ଣମାସ୍ୟାଂ ପଠନ୍ନାମସହସ୍ରକମ୍ ।
ପୂଜାଂ ୟଃ କୁରୁତେ ଭକ୍ତ୍ୟା ଵାଞ୍ଛିତଂ ଲଭତେ ଧୁଵମ୍ ॥ ୨୮ ॥
ଶିଵକାମେଶ୍ଵରୀମନ୍ତ୍ରଃ ମନ୍ତ୍ରରାଜଃ ପ୍ରକୀର୍ତିତଃ ।
ତଦଭ୍ୟାସାତ୍ସାଧକଶ୍ଚ ସିଦ୍ଧିମାପ୍ନୋତ୍ୟନୁତ୍ତମାମ୍ ॥ ୨୯ ॥
ନାସାଧକାୟ ଦାତଵ୍ୟମଶ୍ରଦ୍ଧାୟ ଶଠାୟ ଚ ।
ଭକ୍ତିହୀନାୟ ମଲିନେ ଗୁରୁନିନ୍ଦାପରାୟ ଚ ॥ ୩୦ ॥
ଅଲସାୟାୟତ୍ନଵତେଽଶିଵଭକ୍ତାୟ ସୁନ୍ଦରି ।
ଵିଷ୍ଣୁଭକ୍ତିଵିହୀନାୟ ନ ଦାତଵ୍ୟଂ କଦାଚନ ॥ ୩୧ ॥
ଦେୟଂ ଭକ୍ତଵରାୟୈତତ୍ଭୁକ୍ତିମୁକ୍ୟିକରଂ ଶୁଭମ୍ ।
ସିଦ୍ଧିଦଂ ଭଵରୋଗଘ୍ନଂ ସ୍ତୋତ୍ରମେତଦ୍ଵରାନନେ ॥ ୩୨ ॥
ଲତାୟୋଗେ ପଠେଦ୍ୟସ୍ତୁ ତସ୍ୟ କ୍ଷିପ୍ରଂ ଫଲଂ ଭଵେତ୍ ।
ସୈଵ କଲ୍ପଲତା ତସ୍ୟ ଵାଞ୍ଛାଫଲକରୀ ସ୍ମୃତା ॥ ୩୩ ॥
ପୁଷ୍ପିତାଂ ୟାଂ ଲତାଂ ସମ୍ୟକ୍ ଦୃଷ୍ଟ୍ଵା ଶ୍ରୀଲଲିତାଂ ସ୍ମରନ୍ ।
ଅକ୍ଷୁବ୍ଧଃ ପ୍ରପଠେଦ୍ୟସ୍ତୁ ସ ୟଜ୍ଞକ୍ରତୁପୁଣ୍ୟଭାକ୍ ॥ ୩୪ ॥
ଵିକଲ୍ପରହିତୋ ୟୋ ହି ନିର୍ଵିକଲ୍ପଃ ସ୍ଵୟଂ ଶିଵଃ ।
ନୈତତ୍ପ୍ରକାଶୟେଦ୍ଭକ୍ତଃ କୁଶିଷ୍ୟାୟାଲ୍ପମେଧସେ ॥ ୩୫ ॥
ଅନେକଜନ୍ମପୁଣ୍ୟେନ ଦୀକ୍ଷିତୋ ଜାୟତେ ନରଃ ।
ତତ୍ରାପ୍ୟନେକଭାଗ୍ୟେନ ଶୈଵୋ ଵିଷ୍ଣୁ ପରାୟଣଃ ॥ ୩୬ ॥
ତତ୍ରାପ୍ୟନେକପୁଣ୍ୟେନ ଶକ୍ତିଭାଵଃ ପ୍ରଜାୟତେ ।
ମହୋଦୟେନ ତତ୍ରାପି ସୁନ୍ଦରୀଭାଵଭାଗ୍ଭଵେତ୍ ॥ ୩୭ ॥
ସହସ୍ରନାମ୍ନାଂ ତତ୍ରାପି କୀର୍ତନଂ ଚ ସୁଦୁର୍ଲଭମ୍ ।
ୟତ୍ର ଜନ୍ମନି ସା ନିତ୍ୟଂ ପୂର୍ଵପୁଣ୍ୟଵଶାଦ୍ଭଵେତ୍ ॥ ୩୮ ॥
ଜୀଵନ୍ମୁକ୍ତୋ ଭଵେତ୍ତସ୍ୟ କର୍ତଵ୍ୟଂ ନାଵଶିଷ୍ୟତେ ।
ଅଵଧୂତତ୍ଵମେଵ ସ୍ୟାତ୍ ନ ଵର୍ଣାଶ୍ରମକଲ୍ପନା ॥ ୩୯ ॥
ବ୍ରହ୍ମାଦୟୋଽପି ଦେଵେଶୀଂ ପ୍ରାର୍ଥୟନ୍ତେ ତଦଵ୍ୟୟାମ୍ ।
ହଂସତ୍ଵଂ ଭକ୍ତିଭାଵେନ ପରମାନନ୍ଦକାରଣମ୍ ॥ ୪୦ ॥
ଦେଵୋଽସୌ ସର୍ଵଦା ଶକ୍ତି ଭାଵୟନ୍ନେଵ ସଂସ୍ଥିତଃ ।
ସ୍ଵୟଂ ଶିଵସ୍ତୁ ଵିଜ୍ଞେୟଃ ସୁନ୍ଦରୀଭାଵଲମ୍ପଟଃ ॥ ୪୧ ॥
ବ୍ରହ୍ମାନନ୍ଦମୟୀଂ ଜ୍ୟୋତ୍ସ୍ନାଂ ସଦାଶିଵପରାୟଣାମ୍ ।
ଶିଵକାମେଶ୍ଵରୀଂ ଦେଵୀଂ ଭାଵୟନ୍ ସିଦ୍ଧିମାପ୍ନୁୟାତ୍ ॥ ୪୨ ॥
ଆହ୍ଲାଦଃ ସୁନ୍ଦରୀଧ୍ୟାନାତ୍ ସୁନ୍ଦରୀନାମକୀର୍ତନାତ୍ ।
ସୁନ୍ଦରୀଦର୍ଶନାଚ୍ଚୈଵ ସଦାନନ୍ଦଃ ପ୍ରଜାୟତେ ॥ ୪୩ ॥
॥ ଇତି ଶ୍ରୀରୁଦ୍ରୟାମଲେ ଉମାମହେଶସଂଵାଦେ ଶ୍ରୀଶିଵକାମସୁନ୍ଦର୍ୟାଃ
ଶ୍ରୀମତ୍ତ୍ରିପୁରସୁନ୍ଦର୍ୟାଃ ଷୋଡଶାର୍ଣାୟାଃ ତୁରୀୟସହସ୍ରନାମସ୍ତୋତ୍ରଂ
ସମ୍ପୂର୍ଣମ୍ ॥