॥ ShodashiSahasranamastotram Bengali Lyrics ॥
॥ শ্রীষোডশীসহস্রনামস্তোত্রম্ ॥
॥ শ্রীমহাত্রিপুরসুন্দর্যৈ নমঃ ॥
॥ পূর্ব পীঠিকা ॥
কৈলাসশিখরে রম্যে নানারত্নোপশোভিতে।
কল্পপাদপমধ্যস্থে নানাপুষ্পোপশোভিতে ॥ ১ ॥
মণিমণ্ডপমধ্যস্থে মুনিগন্ধর্বসেবিতে ।
কদাচিত্সুখমাসীনং ভগবন্তং জগদ্গুরুম্ ॥ ২ ॥
কপালখট্বাঙ্গধরং চন্দ্রার্ধকৃতশেখরম্ ।
হস্তত্রিশূলডমরুং মহাবৃষভবহনম্ ॥ ৩ ॥
জটাজূটধরন্দেবং কণ্ঠভূষণবাসুকিম্ ।
বিভূতিভূষণন্দেবং নীলকণ্ঠন্ত্রিলোচনম্ ॥ ৪ ॥
দ্বীপিচর্মপরীধানং শুদ্ধস্ফটিকসন্নিভম্ ।
সহস্রাদিত্যসঙ্কাশং গিরিজার্দ্ধাঙ্গভূষণম্ ॥ ৫ ॥
প্রণম্য শিরসা নাথং কারণং বিশ্বরূপিণম্ ।
কৃতাঞ্জলি পুটো ভূত্বা প্রাহৈনং শিখবাহনঃ ॥ ৬ ॥
॥ কার্তিকেয় উবাচ ॥
দেবদেব জগন্নাথ! সৃষ্টিস্থিতিলয়াত্মক ।
ত্বমেব পরমাত্মা চ ত্বং গতিঃ সর্বদেহিনাম্ ॥ ৭ ॥
ত্বঙ্গতিঃ সর্বলোকানাং দীনানাং চ ত্বমেব হি ।
ত্বমেব জগদাধারস্ত্বমেব বিশ্বকারণম্ ॥ ৮ ॥
ত্বমেব পূজ্যঃ সর্বেষাং ত্বদন্যো নাস্তি মে গতিঃ ।
কিং গুহ্যম্পরমং লোকে কিমেকং সর্বসিদ্ধিদম্ ॥ ৯ ॥
কিমেকং পরমং শ্রেষ্ঠং কো য়োগ: স্বর্গমোক্ষদ: ।
বিনা তীর্থেন তপসা বিনা দানৈর্বিনা মখৈ: ॥ ১০ ॥
বিনা লয়েন ধ্যানেন নরঃ সিদ্ধিমবাপ্নুয়াত্ ।
কস্মাদুত্পদ্যতে সৃষ্টি: কস্মিংশ্চ প্রলয়ো ভবেত্ ॥ ১১ ॥
কস্মাদুত্তীর্যতে দেব ! সংসারার্ণবসঙ্কটাত্ ।
তদহং শ্রোতুমিচ্ছামি কথয়স্ব মহেশ্বর ! ॥ ১২ ॥
॥ ঈশ্বর উবাচ ॥
সাধু সাধু ত্বয়া পৃষ্টং পার্বতীপ্রিয়নন্দন ।
অস্তি গুহ্যতমম্পুত্র! কথয়িষ্যাম্যসংশয়ম্ ॥ ১৩ ॥
সত্বং রজস্তমশ্চৈব য়ে চান্যে মহদাদয়ঃ ।
য়ে চান্যে বহবো ভূতাঃ সর্বে প্রকৃতিসম্ভবাঃ ॥ ১৪ ॥
সৈব দেবী পরাশক্তিঃ মহাত্রিপুরসুন্দরী ।
সৈব প্রসূয়তে বিশ্বং বিশ্বং সৈব প্রপাস্যতি ॥ ১৫ ॥
সৈব সংহরতে বিশ্বং জগদেতচ্চরাচরম্ ।
আধারঃ সর্বভূতানাং সৈব রোগার্তিহারিণী ॥ ১৬ ॥
ইচ্ছাজ্ঞানক্রিয়াশক্তিরব্রহ্মবিষ্ণুশিবাত্মিকা ।
ত্রিধা শক্তিস্বরূপেণ সৃষ্টিস্থিতিবিনাশিনী ॥ ১৭ ॥
সৃজ্যতে ব্রহ্মরূপেণ বিষ্ণুরূপেণ পাল্যতে ।
হ্রিয়তে রুদ্ররূপেণ জগদেতচ্চরাচরম্ ॥ ১৮ ॥
য়স্যা য়োনৌ জগত্সর্বমদ্যাপি পরিবর্ততে ।
য়স্যাং প্রলীয়তে চান্তে য়স্যাং চ জায়তে পুনঃ ॥ ১৯ ॥
য়াং সমারাধ্য ত্রৈলোক্যে সম্প্রাপ্যং পদমুত্তমম্ ।
তস্যা নামসহস্রং তু কথয়ামি শৃণুষ্ব তত্ ॥ ২০ ॥
॥ বিনিয়োগঃ ॥
ওঁ অস্য শ্রীমহাত্রিপুরসুন্দরীসহস্রনামস্তোত্রমন্ত্রস্য
শ্রীভগবান্ দক্ষিণামূর্তিঃ ঋষিঃ । জগতীছন্দঃ ।
সমস্তপ্রকটগুপ্তসম্প্রদায় কুলকৌলোত্তীর্ণনির্গর্ভরহস্যাচিন্ত্যপ্রভাবতী
দেবতা । ওঁ বীজং । হ্রীং শক্তিঃ । ক্লীং কীলকং ।
ধর্মার্থকামমোক্ষার্থে জপে বিনিয়োগঃ ।pAThe
॥ ঋষ্যাদি ন্যাসঃ ॥
ওঁ শ্রীমহাত্রিপুরসুন্দরীসহস্রনামস্তোত্রমন্ত্রস্য
শ্রীভগবান্ দক্ষিণামূর্তি ঋষয়ে নমঃ শিরসি ।
ওঁ জগতীচ্ছন্দসে নমঃ মুখে।
ওঁসমস্তপ্রকটগুপ্তসম্প্রদায়কুলকৌলোত্তীর্ণনির্গর্ভরহস্যাচিন্ত্যপ্রভাবতীদেবতায়ৈ নমঃ হৃদয়ে ।
ওঁ ওঁ বীজায় নমঃ নাভৌ ।var বীজায়
ওঁ হ্রীং শক্ত্যে নমঃ গুহ্যে ।
ওঁ ক্লীং কীলকায় নমঃ পাদয়োঃ ।
ওঁ ধর্মার্থকামমোক্ষার্থে জপে বিনিয়োগায় নমঃ সর্বাঙ্গে ।pAThe
॥ ধ্যানম্ ॥
ওঁ আধারে তরুণার্কবিম্বরুচিরং হেমপ্রভং বাগ্ভবম্ ।
বীজং মন্মথমিন্দ্রগোপসদৃশং হৃত্পঙ্কজে সংস্থিতম্ ॥
বিষ্ণুব্রহ্মপদস্থশক্তিকলিতং সোমপ্রভাভাসুরম্ ।
য়ে ধ্যায়ন্তি পদত্রয়ং তব শিবে ! তে য়ান্তি সৌখ্যং পদম্ ॥
॥ মানস পূজনম্ ॥
ওঁ লং পৃথিব্যাত্মকং গন্ধং
পরব্রহ্মস্বরূপিণী শ্রীষোডশীদেবী প্রীতয়ে সমর্পয়ামি নমঃ ।
ওঁ হং আকাশতত্ত্বাত্মকং পুষ্পং
পরব্রহ্মস্বরূপিণী শ্রীষোডশীদেবী প্রীতয়ে সমর্পয়ামি নমঃ ।
ওঁ য়ং বায়ুতত্ত্বাত্মকং ধূপং
পরব্রহ্মস্বরূপিণী শ্রীষোডশীদেবী প্রীতয়ে ঘ্রাপয়ামি নমঃ ।
ওঁ রং অগ্নিতত্ত্বাত্মকং দীপং
পরব্রহ্মস্বরূপিণী শ্রীষোডশীদেবী প্রীতয়ে দর্শয়ামি নমঃ ।
ওঁ বং জলতত্ত্বাত্মকং নৈবেদ্যং
পরব্রহ্মস্বরূপিণী শ্রীষোডশীদেবী প্রীতয়ে নিবেদয়ামি নমঃ ।
ওঁ সং সর্বতত্ত্বাত্মকং তাম্বূলং
পরব্রহ্মস্বরূপিণী শ্রীষোডশীদেবী প্রীতয়ে সমর্পয়ামি নমঃ ।
॥ মূলপাঠঃ ॥
কল্যাণী কমলা কালী করালী কামরূপিণি ।
কামাখ্যা কামদা কাম্যা কামনা কামচারিণী ॥ ১ ॥
কালরাত্রির্মহারাত্রি কপালী কামরূপিণী ।var কালরাত্রিঃ মহারাত্রিঃ
কৌমারী করুণা মুক্তিঃ কলিকল্মষনাশিনী ॥ ২ ॥
কাত্যায়নী করাধারা কৌমুদী কমলপ্রিয়া ।
কির্তিদা বুদ্ধিদা মেধা নীতিজ্ঞা নীতিবত্সলা ॥ ৩ ॥
মাহেশ্বরী মহামায়া মহাতেজা মহেশ্বরী ।
মহাজিহ্বা মহাঘোরা মহাদংষ্ট্রা মহাভুজা ॥ ৪ ॥
মহামোহান্ধকারঘ্নী মহামোক্ষপ্রদায়িনী ।
মহাদারিদ্র্যনাশা চ মহাশত্রুবিমর্দিনী ॥ ৫ ॥
মহামায়া মহাবীর্যা মহাপাতকনাশিনী ।
মহামখা মন্ত্রময়ী মণিপূরকবাসিনী ॥ ৬ ॥
মানসী মানদা মান্যা মনশ্চক্ষূরণেচরা ।
গণমাতা চ গায়ত্রী গণগন্ধর্বসেবিতা ॥ ৭ ॥
গিরিজা গিরিশা সাধ্বী গিরিস্থা গিরিবল্লভা ।
চণ্ডেশ্বরী চণ্ডরূপা প্রচণ্ডা চণ্ডমালিনী ॥ ৮ ॥
চর্বিকা চর্চিকাকারা চণ্ডিকা চারুরূপিণী ।
য়জ্ঞেশ্বরী য়জ্ঞরূপা জপয়জ্ঞপরায়ণা ॥ ৯ ॥
য়জ্ঞমাতা য়জ্ঞভোক্ত্রী য়জ্ঞেশী য়জ্ঞসম্ভবা ।
সিদ্ধয়জ্ঞা ক্রিয়াসিদ্ধির্যজ্ঞাঙ্গী য়জ্ঞরক্ষিকা ॥ ১০ ॥
য়জ্ঞক্রিয়া চ য়জ্ঞা চ য়জ্ঞায়জ্ঞক্রিয়ালয়া ।
জালন্ধরী জগন্মাতা জাতবেদা জগত্প্রিয়া ॥ ১১ ॥
জিতেন্দ্রিয়া জিতক্রোধা জননী জন্মদায়িনী ।
গঙ্গা গোদাবরী চৈব গোমতী চ শতদ্রুকা ॥ ১২ ॥
ঘর্ঘরা বেদগর্ভা চ রেচিকা সমবাসিনী ।
সিন্ধুর্মন্দাকিনী ক্ষিপ্রা য়মুনা চ সরস্বতী ॥ ১৩ ॥
ভদ্রা রাগা বিপাশা চ গণ্ডকী বিন্ধয়বাসিনী । var ভদ্রা ১০০
নর্মদা তাপ্তী কাবেরী বেত্রবতী সুকৌশিকী ॥ ১৪ ॥varবেত্রবত্যা
মহেন্দ্রতনয়া চৈব অহল্যা চর্মকাবতী ।
অয়োধ্যা মথুরা মায়া কাশী কাঞ্চী অবন্তিকা ॥ ১৫ ॥
পুরী দ্বারাবতী তীর্থা মহাকিল্বিষনাশিনী ।
পদ্মিনী পদ্মমধ্যস্থা পদ্মকিঞ্জল্কবাসিনী ॥ ১৬ ॥
পদ্মবক্ত্রা চকোরাক্ষী পদ্মস্থা পদ্মসম্ভবা ।
হ্রীঙ্কারী কুণ্ডলাধারা হৃত্পদ্মস্থা সুলোচনা ॥ ১৭ ॥
শ্রীঙ্কারী ভূষণা লক্ষ্মীঃ ক্লীঙ্কারী ক্লেশনাশিনী ।
হরিবক্ত্রোদ্ভবা শান্তা হরিবক্ত্রকৃতালয়া ॥ ১৮ ॥
হরিবক্ত্রোপমা হালা হরিবক্ষ:স্থলাস্থিতা ।
বৈষ্ণবী বিষ্ণুরূপা চ বিষ্ণুমাতৃস্বরূপিণী ॥ ১৯ ॥
বিষ্ণুমায়া বিশালাক্ষী বিশালনয়নোজ্জ্বলা ।
বিংশ্বেশ্বরী চ বিশ্বাত্মা বিশ্বেশী বিশ্বরূপিণী ॥ ২০ ॥
বিশ্বনাথা শিবারাধ্যা শিবনাথা শিবপ্রিয়া ।
শিবমাতা শিবাখ্যা চ শিবদা শিবরূপিণী ॥ ২১ ॥
ভবেশ্বরী ভবারাধ্যা ভবেশী ভবনায়িকা ।
ভবমাতা ভবগম্যা ভবকণ্টকনাশিনী ॥ ২২ ॥
ভবপ্রিয়া ভবানন্দা ভবানী ভবমোহিনী ।
গায়ত্রী চৈব সাবিত্রী ব্রহ্মাণী ব্রহ্মরূপিণী ॥ ২৩ ॥
ব্রহ্মেশী ব্রহ্মদা ব্রহ্মা ব্রহ্মাণী ব্রহ্মবাদিনী ।
দুর্গস্থা দুর্গরূপা চ দুর্গা দুর্গার্তিনাশিনী ॥ ২৪ ॥
সুগমা দুর্গমা দান্তা দয়া দোগ্ধ্রী দুরাপহা ।
দুরিতঘ্নী দুরাধ্যক্ষা দুরা দুষ্কৃতনাশিনী ॥ ২৫ ॥
পঞ্চাস্যা পঞ্চমী পূর্ণা পূর্ণপীঠনিবাসিনী । var পূর্ণপীঠনিবাসিনী ২০০
সত্ত্বস্থা সত্ত্বরূপা চ সত্ত্বগা সত্ত্বসম্ভবা ॥ ২৬ ॥
রজস্থা চ রজোরূপা রজোগুণসমুদ্ভবা ।
তমস্থা চ তমোরূপা তামসী তামসপ্রিয়া ॥ ২৭ ॥
তমোগুণসমুদ্ভূতা সাত্বিকী রাজসী কলা ।
কাষ্ঠা মুহূর্তা নিমিষা অনিমেষা ততঃ পরম্ ॥ ২৮ ॥
অর্ধমাসা চ মাসা চ সংবত্সরস্বরূপিণী ।
য়োগস্থা য়োগরূপা চ কল্পস্থা কল্পরূপিণী ॥ ২৯ ॥
নানারত্নবিচিত্রাঙ্গী নানাঽঽভরণমণ্ডিতা ।
বিশ্বাত্মিকা বিশ্বমাতা বিশ্বপাশবিনাশিনী ॥ ৩০ ॥
বিশ্বাসকারিণী বিশ্বা বিশ্বশক্তিবিচারণা ।
জপাকুসুমসঙ্কাশা দাডিমীকুসুমোপমা ॥ ৩১ ॥
চতুরঙ্গী চতুর্বাহুশ্চতুরাচারবাসিনী ।
সর্বেশী সর্বদা সর্বা সর্বদাসর্বদায়িনী ॥ ৩২ ॥
মাহেশ্বরী চ সর্বাদ্যা শর্বাণী সর্বমঙ্গলা ।
নলিনী নন্দিনী নন্দা আনন্দানন্দবর্দ্ধিনী ॥ ৩৩ ॥
ব্যাপিনী সর্বভুতেষু ভবভারবিনাশিনী ।
সর্বশৃঙ্গারবেষাঢ্যা পাশাঙ্কুশকরোদ্যতা ॥ ৩৪ ॥
সূর্যকোটিসহস্রাভা চন্দ্রকোটিনিভাননা ।
গণেশকোটিলাবণ্যা বিষ্ণুকোট্যরিমর্দিনী ॥ ৩৫ ॥
দাবাগ্নিকোটিদলিনী রুদ্রকোট্যুগ্ররূপিণী ।
সমুদ্রকোটিগম্ভীরা বায়ুকোটিমহাবলা ॥ ৩৬ ॥
আকাশকোটিবিস্তারা য়মকোটিভয়ঙ্করী ।
মেরুকোটিসমুছ্রায়া গণকোটিসমৃদ্ধিদা ॥ ৩৭ ॥
নিষ্কস্তোকা নিরাধরা নির্গুণা গুণবর্জিতা ।
অশোকা শোকরহিতা তাপত্রয়বিবর্জিতা ॥ ৩৮ ॥
বসিষ্ঠা বিশ্বজননী বিশ্বাখ্যা বিশ্ববর্দ্ধিনী ।
চিত্রা বিচিত্রা চিত্রাঙ্গী হেতুগর্ভাকুলেশ্বরী ॥ ৩৯ ॥var বিচিত্র-চিত্রাঙ্গী
ইচ্ছাশক্তিঃ জ্ঞানশক্তিঃ ক্রিয়াশক্তিঃ শুচিস্মিতা ।
শুচিঃ স্মৃতিময়ী সত্যা শ্রুতিরূপা শ্রুতিপ্রিয়া ॥ ৪০ ॥
মহাসত্বময়ী সত্বা পঞ্চতত্ত্বোপরিস্থিতা ।
পার্বতী হিমবত্পুত্রী পারস্থা পাররূপিণী ॥ ৪১ ॥
জয়ন্তী ভদ্রকালী চ অহল্যা কুলনায়িকা । varজয়ন্তী ৩০০
ভূতধাত্রী চ ভূতেশী ভূতস্থা ভূতভাবিনী ॥ ৪২ ॥
মহাকুণ্ডলিনীশক্তির্মহাবিভবর্দ্ধিনী । var মহাকুণ্ডলিনীশক্তিঃ মহাবিভবর্দ্ধিনী
হংসাক্ষী হংসরূপা চ হংসস্থা হংসরূপিণী ॥ ৪৩ ॥
সোমসূর্যাগ্নিমধ্যস্থা মণিমণ্ডলবাসিনী ।
দ্বাদশারসরোজস্থা সূর্যমণ্ডলবাসিনী ॥ ৪৪ ॥
অকলঙ্কা শশাঙ্কাভা ষোডশারনিবাসিনী ।
ডাকিনী রাকিনী চৈব লাকিনী কাকিনী তথা ॥ ৪৫ ॥
শাকিনী হাকিনী চৈব ষট্ চক্রেষু নিবাসিনী ।
সৃষ্টি স্থিতিবিনাশিনী সৃষ্ট্যন্তা সৃষ্টিকারিণী ॥ ৪৬ ॥
শ্রীকণ্ঠপ্রিয়া হৃতকণ্ঠা নন্দাখ্যা বিন্দুমালিনী ।
চতুষ্ষষ্টি কলাধারা দেহদণ্ডসমাশ্রিতা ॥ ৪৭ ॥var চতুষ্ষটি
মায়া কালী ধৃতির্মেধা ক্ষুধা তুষ্টির্মহাদ্যুতিঃ ।
হিঙ্গুলা মঙ্গলা সীতা সুষুম্নামধ্যগামিনী ॥ ৪৮ ॥
পরঘোরা করালাক্ষী বিজয়া জয়দায়িনী ।
হৃতপদ্মনিলয়া ভীমা মহাভৈরবনাদিনী ॥ ৪৯ ॥
আকাশলিঙ্গসম্ভূতা ভুবনোদ্যানবাসিনী ।
মহত্সূক্ষ্মা চ কঙ্কালী ভীমরূপা মহাবলা ॥ ৫০ ॥
মেনকাগর্ভসম্ভূতা তপ্তকাঞ্চনসন্নিভা ।
অন্তরস্থা চ কূটবীজা চিত্রকূটাচলবাসিনী ॥ ৫১ ॥
বর্ণাখ্যা বর্ণরহিতা পঞ্চাশদ্বর্ণভেদিনী ।
বিদ্যাধরী লোকধাত্রী অপ্সরা অপ্সরঃ প্রিয়া ॥ ৫২ ॥
দীক্ষা দাক্ষায়ণী দক্ষা দক্ষয়জ্ঞবিনাশিনী ।
য়শঃপূর্ণা য়শোদা চ য়শোদাগর্ভসম্ভবা ॥ ৫৩ ॥
দেবকী দেবমাতা চ রাধিকা কৃষ্ণবল্লভা ।
অরুন্ধতী শচীন্দ্রাণী গান্ধারী গন্ধমালিনী ॥ ৫৪ ॥
ধ্যানাতীতা ধ্যানগম্যা ধ্যানজ্ঞা ধ্যানধারিণী ।
লম্বোদরী চ লম্বোষ্ঠী জাম্ববন্তী জলোদরী ॥ ৫৫ ॥
মহোদরী মুক্তকেশী মুক্তকামার্থসিদ্ধিদা ।
তপস্বিনী তপোনিষ্ঠা সুপর্ণা ধর্মবাসিনী ॥ ৫৬ ॥ var তপোনিষ্ঠা ৪০০
বাণচাপধরা ধীরা পাঞ্চালী পঞ্চমপ্রিয়া ।
গুহ্যাঙ্গী চ সুভীমাঙ্গী গুহ্যতত্ত্বা নিরঞ্জনা ॥ ৫৭ ॥
অশরীরা শরীরস্থা সংসারার্ণবতারিণী ।
অমৃতা নিষ্কলা ভদ্রা সকলা কৃষ্ণপিঙ্গলা ॥ ৫৮ ॥
চক্রপ্রিয়া চ চক্রাহ্বা পঞ্চচক্রাদিদিরিণী ।
পদ্মরাগপ্রতীকাশা নির্মলাকাশ সন্নিভা ॥ ৫৯ ॥
অধঃস্থা ঊর্ধ্বরূপা চ ঊরধ্বপদ্মনিবাসিনী ।
কার্যকারণকর্তৃত্বে শশ্বদ্-রূপেষু-সংস্থিতা ॥ ৬০ ॥var শশ্বদ্রূপেষুসংস্থিতা
রসজ্ঞা রসমধ্যস্থা গন্ধস্থা গন্ধরূপিণী ।
পরব্রহ্মস্বরূপা চ পরব্রহ্মনিবাসিনী ॥ ৬১ ॥
শব্দব্রহ্মস্বরূপা চ শব্দস্থা শব্দবর্জিতা ।
সিদ্ধির্বুদ্ধির্পরাবুদ্ধিঃ সন্দীপ্তির্মধ্যসংস্থিতা ॥ ৬২ ॥var সিদ্ধিঃ বুদ্ধিঃপরাবুদ্ধিঃ
স্বগুহ্যা শাম্ভবীশক্তিঃ তত্ত্বস্থা তত্ত্বরূপিণী ।
শাশ্বতী ভূতমাতা চ মহাভূতাধিপপ্রিয়া ॥ ৬৩ ॥
শুচিপ্রেতা ধর্মসিদ্ধিঃ ধর্মবৃদ্ধিঃ পরাজিতা ।
কামসন্দীপনী কামা সদাকৌতূহলপ্রিয়া ॥ ৬৪ ॥
জটাজূটধরা মুক্তা সূক্ষ্মা শক্তিবিভূষণা ।
দ্বীপিচর্মপরীধানা চীরবল্কলধারিণী ॥ ৬৫ ॥
ত্রিশূলডমরূধরা নরমালাবিভূষণা ।
অত্যুগ্ররূপিণী চোগ্রা কল্পান্তদহনোপমা ॥ ৬৬ ॥
ত্রৈলোক্যসাধিনী সাধ্যা সিদ্ধিসাধকবত্সলা ।
সর্ববিদ্যাময়ী সারা চাসুরাণাং বিনাশিনী ॥ ৬৭ ॥
দমনী দামিনী দান্তা দয়া দোগ্ঘ্রী দুরাপহা ।
অগ্নিজিহ্বোপমা ঘোরাঘোর ঘোর তরাননা ॥ ৬৮ ॥var ঘোরাঘোর-ঘোর-তরাননা
নারায়ণী নারসিংহী নৃসিংহহৃদয়েস্থিতা ।
য়োগেশ্বরী য়োগরূপা য়োগমাতা চ য়োগিনী ॥ ৬৯ ॥
খেচরী খচরী খেলা নির্বাণপদসংশ্রয়া ।
নাগিনী নাগকন্যা চ সুবেশা নাগনায়িকা ॥ ৭০ ॥
বিষজ্বালাবতী দীপ্তা কলাশতবিভূষণা ।
তীব্রবক্ত্রা মহাবক্ত্রা নাগকোটিত্বধারিণী ॥ ৭১ ॥ ৫০০
মহাসত্বা চ ধর্মজ্ঞা ধর্মাতিসুখদায়িনী ।
কৃষ্ণমূর্দ্ধা মহামূর্দ্ধা ঘোরমূর্দ্ধা বরাননা ॥ ৭২ ॥
সর্বেন্দ্রিয়মনোন্মত্তা সর্বেন্দ্রিয়মনোময়ী ।
সর্বসঙ্গ্রামজয়দা সর্বপ্রহরণোদ্যতা ॥ ৭৩ ॥
সর্বপীডোপশমনী সর্বারিষ্টনিবারিণী ।
সর্বৈশ্বর্যসমুত্পন্না সর্বগ্রহবিনাশিনী ॥ ৭৪ ॥
মাতঙ্গী মত্তমাতঙ্গী মাতঙ্গীপ্রিয়মণ্ডলা ।
অমৃতোদধিমধ্যস্থা কটিসূত্রৈরলঙ্কৃতা ॥ ৭৫ ॥
অমৃতোদধিমধ্যস্থা প্রবালবসনাম্বুজা ।
মণিমণ্ডলমধ্যস্থা ঈষত্প্রহসিতাননা ॥ ৭৬ ॥
কুমুদা ললিতা লোলা লাক্ষালোহিতলোচনা ।
দিগ্বাসা দেবদূতী চ দেবদেবাধিদেবতা ॥ ৭৭ ॥
সিংহোপরিসমারূঢা হিমাচলনিবাসিনী ।
অট্টাট্টহাসিনী ঘোরা ঘোরদৈত্যবিনাশিনী ॥ ৭৮ ॥
অত্যগ্ররক্তবস্ত্রাভা নাগকেয়ূরমণ্ডিতা ।
মুক্তাহারলতোপেতা তুঙ্গপীনপয়োধরা ॥ ৭৯ ॥
রক্তোত্পলদলাকারা মদাঘূর্ণিতলোচনা ।
সমস্তদেবতামূর্তিঃ সুরারিক্ষয়কারিণী ॥ ৮০ ॥
খড্গিনী শূলহস্তা চ চক্রিণী চক্রমালিনী । repeated খড্গিনী
শঙ্খিনী চাপিনী বাণা বজ্রণী বজ্রদণ্ডিনী ॥ ৮১ ॥var চাপিণী বাণা
আন্নদোদধতিমধ্যস্থা কটিসূত্রধারাপরা । var আন্নদোদধিমধ্যস্থা
নানাভরণদীপ্তাঙ্গা নানমণিবিভূষিতা ॥ ৮২ ॥
জগদানন্দসম্ভূতা চিন্তামণিগুণান্বিতা ।
ত্রৈলোক্যনমিতা তুর্যা চিন্ময়ানন্দরূপিণী ॥ ৮৩ ॥
ত্রৈলোক্যনন্দিনীদেবী দুঃখ দুঃস্বপ্ননাশিনী । var দুঃখ দুস্বপ্ননাশিনী
ঘোরাগ্নিদাহশমনী রাজ্যদেবার্থসাধিনী ॥ ৮৪ ॥
মহাঽপরাধরাশিঘ্নী মহাচৌরভয়াপহা ।
রাগাদি দোষরহিতা জরামরণবর্জিতা ॥ ৮৫ ॥
চন্দ্রমণ্ডলমধ্যস্থা পীয়ূষার্ণবসম্ভবা ।
সর্বদেবৈঃস্তুতাদেবী সর্বসিদ্ধৈর্নমস্কৃতা ॥ ৮৬ ॥
অচিন্ত্যশক্তিরূপা চ মণিমন্ত্রমহৌষধি ।
অস্তিস্বস্তিময়ীবালা মলয়াচলবাসিনী ॥ ৮৭ ॥
ধাত্রী বিধাত্রী সংহারী রতিজ্ঞা রতিদায়িনী ।
রুদ্রাণী রুদ্ররূপা চ রুদ্ররৌদ্রার্তিনাশিনী ॥ ৮৮ ॥
সর্বজ্ঞাচৈবধর্মজ্ঞা রসজ্ঞা দীনবত্সলা ।
অনাহতা ত্রিনয়না নির্ভারা নির্বৃতিঃপরা ॥ ৮৯ ॥
পরাঽঘোরা করালাক্ষী সুমতী শ্রেষ্ঠদায়িনী ।
মন্ত্রালিকা মন্ত্রগম্যা মন্ত্রমালা সুমন্ত্রিণী ॥ ৯০ ॥ var মন্ত্রগম্যা ৬০০
শ্রদ্ধানন্দা মহাভদ্রা নির্দ্বন্দ্বা নির্গুণাত্মিকা ।
ধরিণী ধারিণী পৃথ্বী ধরা ধাত্রী বসুন্ধরা ॥ ৯১ ॥
মেরূমন্দরমধ্যস্থা স্থিতিঃ শঙ্করবল্লভা ।
শ্রীমতী শ্রীময়ী শ্রেষ্ঠা শ্রীকরী ভাবভাবিনী ॥ ৯২ ॥
শ্রীদা শ্রীমা শ্রীনিবাসা শ্রীবতী শ্রীমতাঙ্গতিঃ ।var শ্রীশা
উমা সারঙ্গিণী কৃষ্ণা কুটিলা কুটিলালিকা ॥ ৯৩ ॥
ত্রিলোচনা ত্রিলোকাত্মা পুণ্যাপুণ্যপ্রকীর্তিতা পুণ্যপুণ্যাপ্রকীর্তিতা ।var পুণ্যপুণ্যাপ্রকীর্তিতা
অমৃতা সত্যসঙ্কল্পা সা সত্যা গ্রন্থিভেদিনী ॥ ৯৪ ॥
পরেশী পরমাসাধ্যা পরাবিদ্যা পরাত্পরা ।
সুন্দরাঙ্গী সুবর্ণাভা সুরাসুরনমস্কৃতা ॥ ৯৫ ॥
প্রজা প্রজাবতী ধান্যা ধনধান্যসমৃদ্ধিদা ।
ঈশানী ভুবনেশানী ভবানী ভুবনেশ্বরী ॥ ৯৬ ॥
অনন্তানন্তমহিতা জগত্সারা জগদ্ভবা ।
অচিন্ত্যাত্মাচিন্ত্যশক্তিঃ চিন্ত্যাচিন্ত্যস্বরূপিণী ॥ ৯৭ ॥
জ্ঞানগম্যা জ্ঞানমূর্তিঃ জ্ঞানিনী জ্ঞানশালিনী ।
অসিতা ঘোররূপা চ সুধাধারা সুধাবহা ॥ ৯৮ ॥
ভাস্করী ভাস্বরী ভীতির্ভাস্বদক্ষানুশায়িনী ।
অনসূয়া ক্ষমা লজ্জা দুর্লভাভরণাত্মিকা ॥ ৯৯ ॥
বিশ্বধ্নী বিশ্ববীরা ব বিশ্বাশা বিশ্বসংস্থিতা ।
শীলস্থা শীলরূপা চ শীলা শীলপ্রদায়িনী ॥ ১০০ ॥
বোধিনী বোধকুশলা রোধিনীবোধিনী তথা ।
বিদ্যোতিনী বিচিত্রাত্মা বিদ্যুত্পটলসন্নিভা ॥ ১০১ ॥
বিশ্বয়োনির্মহায়োনিঃ কর্ময়োনিঃ প্রিয়াত্মিকা ।
var?বিশ্বয়োনিঃ মহায়োনিঃ কর্ময়োনিঃ প্রিয়াত্মিকা
রোহিণী রোগশমনী মহারোগজ্বরাপহা ॥ ১০২ ॥
রসদা পুষ্টিদা পুষ্টির্মানদা মানবপ্রিয়া । var পুষ্টিঃ মানদা
কৃষ্ণাঙ্গবাহিনী কৃষ্ণাঽকলা কৃষ্ণসহোদরা ॥ ১০৩ ॥ var কৃষণাঽকলা ৬৯৯ ৭০০
শাম্ভবী শম্ভুরূপা চ শম্ভুস্থা শম্ভুসম্ভবা ।
বিশ্বোদরী য়োগমাতা য়োগমুদ্রা সুয়োগিনী ॥ ১০৪ ॥
বাগীশ্বরী য়োগনিদ্রা য়োগিনীকোটিসেবিতা ।
কৌলিকা নন্দকন্যা চ শৃঙ্গারপীঠবাসিনী ॥ ১০৫ ॥
ক্ষেমঙ্করী সর্বরূপা দিব্যরূপা দিগম্বরী ।
ধূম্রবক্ত্রা ধূম্রনেত্রা ধূম্রকেশী চ ধূসরা ॥ ১০৬ ॥
পিনাকী রুদ্রবেতালী মহাবেতালরূপিণী ।
তপিনী তাপিনী দীক্ষা বিষ্ণুবিদ্যাত্মনাশ্রিতা ॥ ১০৭ ॥
মন্থরা জঠরা তীব্রাঽগ্নিজিহ্বা চ ভয়াপহা ।
পশুঘ্নী পশুপালা চ পশুহা পশুবাহিনী ॥ ১০৮ ॥
পিতামাতা চ ধীরা চ পশুপাশবিনাশিনী ।
চন্দ্রপ্রভা চন্দ্ররেখা চন্দ্রকান্তিবিভূষিণী ॥ ১০৯ ॥
কুঙ্কমাঙ্কিতসর্বাঙ্গী সুধাসদ্গুরুলোচনা ।
শুক্লাম্বরধরাদেবী বীণাপুস্তকধারিণী ॥ ১১০ ॥
ঐরাবতপদ্মধরা শ্বেতপদ্মাসনস্থিতা ।
রক্তাম্বরধরাদেবী রক্তপদ্মবিলোচনা ॥ ১১১ ॥
দুস্তরা তারিণী তারা তরুণী তাররূপিণী ।
সুধাধারা চ ধর্মজ্ঞা ধর্মসঙ্ঘোপদেশিনী ॥ ১১২ ॥
ভগেশ্বরী ভগারাধ্যা ভগিনী ভগনায়িকা ।
ভগবিম্বা ভগক্লিন্না ভগয়োনির্ভগপ্রদা ॥ ১১৩ ॥var ভগয়োনিঃ ভগপ্রদা
ভগেশী ভগরূপা চ ভগগুহ্যা ভগাবহা ।
ভগোদরী ভগানন্দা ভগস্থা ভগশালিনী ॥ ১১৪ ॥
সর্বসঙ্ক্ষোভিণীশক্তিঃ সর্ববিদ্রাবিণী তথা ।
মালিনী মাধবী মাধ্বী মধুরূপা মহোত্কটা ॥ ১১৫ ॥
ভেরুণ্ডা চন্দ্রিকা জ্যোত্স্না বিশ্বচক্ষুস্তমোঽপহা ।var বিশ্বচক্ষুস্তমোপহা
সুপ্রসন্না মহাদূতী য়মদূতী ভয়ঙ্করী ॥ ১১৬ ॥
উন্মাদিনী মহারূপা দিব্যরূপা সুরার্চিতা ।
চৈতন্যরূপিণী নিত্যা ক্লিন্না কামমদোদ্ধতা ॥ ১১৭ ॥
মদিরানন্দকৈবল্যা মদিরাক্ষী মদালসা । var মদিরাক্ষী ৮০০
সিদ্ধেশ্বরী সিদ্ধবিদ্যা সিদ্ধাদ্যা সিদ্ধসম্ভবা ॥ ১১৮ ॥
সিদ্ধর্দ্ধিঃ সিদ্ধমাতা চ সিদ্ধঃসর্বার্থসিদ্ধিদা ।
মনোময়ী গুণাতীতা পরঞ্জ্যোতিঃস্বরূপিণী ॥ ১১৯ ॥
পরেশী পরগাপারা পরাসিদ্ধিঃ পরাগতিঃ ।
বিমলা মোহিনী আদ্যা মধুপানপরায়ণা ॥ ১২০ ॥
বেদবেদাঙ্গজননী সর্বশাস্ত্রবিশারদা ।
সর্বদেবময়ীবিদ্যা সর্বশাস্ত্রময়ী তথা ॥ ১২১ ॥
সর্বজ্ঞানময়ীদেবী সর্বধর্মময়ীশ্বরী ।
সর্বয়জ্ঞময়ী য়জ্ঞা সর্বমন্ত্রাধিকারিণী ॥ ১২২ ॥
সর্বসম্পতপ্রতিষ্ঠাত্রী সর্ববিদ্রাবিণী পরা ।
সর্বসঙ্ক্ষোভিণীদেবী সর্বমঙ্গলকারিণী ॥ ১২৩ ॥
ত্রৈলোক্যাকর্ষিণী দেবী সর্বাহ্লাদনকারিণী ।
সর্বসম্মোহিনীদেবী সর্বস্তম্ভনকারিণী ॥ ১২৪ ॥
ত্রৈলোক্যজৃম্ভিণী দেবী তথা সর্ববশঙ্করী ।
ত্রৈলোক্যরঞ্জনীদেবী সর্বসম্পত্তিদায়িনী ॥ ১২৫ ॥
সর্বমন্ত্রময়িদেবী সর্বদ্বন্দ্বক্ষয়ঙ্করী ।
সর্বসিদ্ধিপ্রদাদেবী সর্বসম্পত্প্রদায়িনী ॥ ১২৬ ॥
সর্বপ্রিয়ঙ্করীদেবী সর্বমঙ্গলকারিণী ।
সর্বকামপ্রদাদেবী সর্বদুঃখবিমোচিনী ॥ ১২৭ ॥
সর্বমৃত্যুপ্রশমনী সর্ববিঘ্নবিনাশিনী ।
সর্বাঙ্গসুন্দরীমাতা সর্বসৌভাগ্যদায়িনী ॥ ১২৮ ॥
সর্বজ্ঞা সর্বশক্তিশ্চ সর্বৈশ্বর্যফলপ্রদা ।
সর্বজ্ঞানময়ীদেবী সর্বব্যাধিবিনাশিনী ॥ ১২৯ ॥
সর্বাধারস্বরূপা চ সর্বপাপহরা তথা ।
সর্বানন্দময়ীদেবী সর্বেচ্ছায়া:স্বরূপিণী ॥ ১৩০ ॥
সর্বলক্ষ্মীময়ীবিদ্যা সর্বেপ্সিতফলপ্রদা ।
সর্বারিষ্টপ্রশমনী পরমানন্দদায়িনী ॥ ১৩১ ॥
ত্রিকোণনিলয়া ত্রিস্থা ত্রিমাতা ত্রিতনুস্থিতা।
ত্রিবেণী ত্রিপথা গুণ্যা ত্রিমূর্তিঃ ত্রিপুরেশ্বরী ॥ ১৩২ ॥
ত্রিধাম্নী ত্রিদশাধ্যক্ষা ত্রিবিত্ত্রিপুরবাসিনী ।
ত্রয়ীবিদ্যা চ ত্রিশিরা ত্রৈলোক্যা চ ত্রিপুষ্করা ॥ ১৩৩ ॥
ত্রিকোটরস্থা ত্রিবিধা ত্রিপুরা ত্রিপুরাত্মিকা ।
ত্রিপুরাশ্রী ত্রিজননী ত্রিপুরাত্রিপুরসুন্দরী ॥ ১৩৪ ॥
মহামায়া মহামেধা মহাচক্ষুঃ মহোক্ষজা ।
মহাবেধা পরাশক্তিঃ পরাপ্রজ্ঞা পরম্পরা ॥ ১৩৫ ॥
মহালক্ষ্যা মহাভক্ষ্যা মহাকক্ষ্যাঽকলেশ্বরী । var মহাকক্ষ্যাঽকলেশ্বরী ৯০০ ৯০১
কলেশ্বরী কলানন্দা কলেশী কলসুন্দরী ॥ ১৩৬ ॥
কলশা কলশেশী চ কুম্ভমুদ্রা কৃশোদরী ।varকৃষোদরী
কুম্ভপা কুম্ভমধ্যেশী কুম্ভানন্দপ্রদায়িনী ॥ ১৩৭ ॥
কুম্ভজানন্দনাথা ব কুম্ভজানন্দবর্দ্ধিনী ।
কুম্ভজানন্দসন্তোষা কুম্ভজতর্পিণীমুদা ॥ ১৩৮ ॥
বৃত্তিঃ বৃত্তীশ্বরীঽমোঘা বিশ্ববৃত্ত্যন্ততর্পিণী।
বিশ্বশান্তি বিশালাক্ষী মীনাক্ষী মীনবর্ণদা ॥ ১৩৯ ॥
বিশ্বাক্ষী দুর্ধরা ধূমা ইন্দ্রাক্ষী বিষ্ণুসেবিতা ।
বিরঞ্চিসেবিতা বিশ্বা ঈশানা ঈশবন্দিতা ॥ ১৪০ ॥
মহাশোভা মহালোভা মহামোহা মহেশ্বরী ।
মহাভীমা মহাক্রোধা মন্মথা মদনেশ্বরী ॥ ১৪১ ॥
মহানলা মহাক্রোধা বিশ্বসংহারতাণ্ডবা । repeated মহাক্রোধা
সর্বসংহারবর্ণেশী সর্বপালনতত্পরা ॥ ১৪২ ॥
সর্বাদিঃ সৃষ্টিকর্ত্রী চ শিবাদ্যা শম্ভুস্বামিনী ।
মহানন্দেশ্বরী মৃত্যুর্মহাস্পন্দেশ্বরী সুধা ॥ ১৪৩ ॥var মৃত্যুঃ মহাস্পন্দেশ্বরী
পর্ণাপর্ণ পরাবর্ণাঽপর্ণেশী পর্ণমানসা ।
বরাহী তুণ্ডদা তুণ্ডা গণেশী গণনায়িকা ॥ ১৪৪ ॥
বটুকা বটুকেশী চ ক্রৌচদারণজন্মদা ।
ক এ ই ল মহামায়া হ স ক হ ল মায়য়া ॥ ১৪৫ ॥
দিবয়ানামা সদাকামা শ্যামা রামা রমা রসা ।
স ক ল হ্রীং তত্স্বরূপা চ।শ্রীং হ্রীং নামাদি রূপিণী ॥ ১৪৬ ॥
কালজ্ঞা কালহামূর্তিঃ সর্বসৌভাগ্যদা মুদা ।
উর্বা উর্বেশ্বরী খর্বা খর্বপর্বা খগেশ্বরী ॥ ১৪৭ ॥
গরুডা গারুডীমাতা গরুডেশ্বরপূজিতা ।
অন্তরিক্ষান্তরপদা প্রজ্ঞা প্রজ্ঞানদা পরা ॥ ১৪৮ ॥
বিজ্ঞানা বিশ্ববিজ্ঞানা অন্তরাক্ষা বিশারদা ।
অন্তর্জ্ঞানময়ী সৌম্যা মোক্ষানন্দবিবর্দ্ধিনী ॥ ১৪৯ ॥
শিবশক্তিময়ীশক্তিঃ একানন্দপ্রবর্তিনী ।
শ্রীমাতা শ্রীপরাবিদ্যা সিদ্ধাশ্রী সিদ্ধসাগরা ।
সিদ্ধলক্ষ্মী সিদ্ধবিদ্যা সিদ্ধা সিদ্ধেশ্বরী সুধা ॥ ১৫০ ॥ var সুধা ১০০৯
॥ ফলশ্রুতিঃ ॥
ইদং ত্রিপুরাসুন্দর্যাঃ স্তোত্রনামসহস্রকম্ ।
গুহ্যাদ্গুহ্যতরং পুত্র! তব প্রীত্যৈ প্রকীর্তিতম্ ॥ ১ ॥
গোপনীয়ং প্রয়ত্নেন পঠনীয়ং প্রয়ত্নতঃ ।
নাতঃ পরতরং পুণ্যং নাতঃপরতরং তপঃ ॥ ২ ॥
নাতঃ পরতরং স্তোত্রং নাতঃ পরতরং গতিঃ ।
স্তোত্রং সহস্রনামাখ্যং মম বক্ত্রাদ্বিনির্গতম্ ॥ ৩ ॥
য়ঃ পঠেত্প্রয়তো ভক্ত্যা শৃণুয়াদ্বা সমাহিতঃ ।
মোক্ষার্থীং লভতে মোক্ষং স্বর্গার্থী স্বর্গমাপ্নুয়াত্ ॥ ৪ ॥
কামাংশ্চ প্রাপ্নুয়াতকামী ধনার্থী চ লভেদ্ধনম্ ।
বিদ্যার্থী লভতে বিদ্যাং য়শোঽর্থী লভতে য়শঃ ॥ ৫ ॥
কন্যার্থী লভতে কন্যাং সুতার্থী লভতে সুতম্ ।
গুর্বিণী জনয়েত্পুত্রং কন্যা বিন্দতি সত্পতিম্ ॥ ৬ ॥
মূর্খোঽপি লভতে শাস্ত্রং হীনোঽপি লভতে গতিম্ ।
সঙ্ক্রান্ত্যাং বার্কামাবস্যাং অষ্টম্যাং চ বিশেষতঃ ॥ ৭ ॥
পৌর্ণমাস্যাং চতুর্দশ্যাং নবম্যাং ভৌমবাসরে ।
পঠেদ্বা পাঠয়েদ্বাপি শৃণুয়াদ্বা সমাহিতঃ ॥ ৮ ॥var শৃণুয়াদ্ বা সমাহিতঃ
স মুক্তো সর্বপাপেভ্যঃ কামেশ্বরসমো ভবেত্ ।
লক্ষ্মীবান্ ধর্মবাংশ্চৈব বল্লভস্সর্বয়োষিতাম্ ॥ ৯ ॥
তস্য বশ্যং ভবেদাশু ত্রৈলোক্যং সচরাচরম্ ।
রুদ্রং দৃষ্টবা য়থা দেবা বিষ্ণুং দৃষ্ট্বা চ দানবাঃ ॥ ১০ ॥varদৃষ্টা
য়থাহির্গরুডং দৃষ্ট্বা সিংহ দৃষ্ট্বা য়থা গজাঃ ।
কীটবত্প্রপলায়ন্তে তস্য বক্ত্রাবলোকনাত্ ॥ ১১ ॥
অগ্নিচৌরভয়ং তস্য কদাচিন্নৈব সম্ভবেত্ ।
পাতকা বিবিধাঃ শন্তির্মেরুপর্বতসন্নিভাঃ ॥ ১২ ॥
য়স্মাত্তচ্ছৃণুয়াদ্বিঘ্নাংস্তৃণং বহ্নিহুতং য়থা ।
একদা পঠনাদেব সর্বপাপক্ষয়ো ভবেত্ ॥ ১৩ ॥
দশধা পঠনাদেব বাচা সিদ্ধঃ প্রজায়তে ।
শতধা পঠনাদ্বাপি খেচরো জায়তে নরঃ ॥ ১৪ ॥
সহস্রদশসঙ্খ্যাতং য়ঃ পঠেদ্ভক্তিমানসঃ ।
মাতাঽস্য জগতাং ধাত্রী প্রত্যক্ষা ভবতি ধ্রুবম্ ॥ ১৫ ॥
লক্ষপূর্ণে য়থা পুত্র! স্তোত্ররাজং পঠেত্সুধীঃ ।
ভবপাশবিনির্মুক্তো মম তুল্যো ন সংশয়ঃ ॥ ১৬ ॥
সর্বতীর্থেষু য়ত্পুণ্যং সকৃজ্জপ্ত্বা লভেন্নরঃ ।
সর্ববেদেষু য়ত্প্রোক্তং তত্ফলং পরিকীর্তিতম্ ॥ ১৭ ॥
ভূত্বা চ বলবান পুত্র ধনবান্সর্বসম্পদঃ ।
দেহান্তে পরমং স্থানং য়ত্সুরৈরপি দুর্লভম্ ॥ ১৮ ॥
স য়াস্যতি ন সন্দেহঃ স্তবরাজস্য কির্ত্তনাত্ ॥ ১৯ ॥
॥ ইতি শ্রীবামকেশ্বরতন্ত্রে ষোডশ্যাঃ সহস্রনামস্তোত্রং সম্পূর্ণম্ ॥