॥ Surya Sahasranamastotram 2 Bengali Lyrics ॥
॥ শ্রীসূর্যসহস্রনামস্তোত্রম্ ২ ॥
শ্রীরুদ্রয়ামলে তন্ত্রে শ্রীদেবীরহস্যে
অথ চতুস্ত্রিংশঃ পটলঃ ।
শ্রীভৈরব উবাচ ।
দেবদেবি মহাদেবি সর্বাভয়বরপ্রদে ।
ত্বং মে প্রাণপ্রিয়া প্রীতা বরদোঽহং তব স্থিতঃ ॥ ১ ॥
কিঞ্চিত্ প্রার্থয় মে প্রেম্ণা বক্ষ্যে তত্তে দদাম্যহম্ ।
শ্রীদেব্যুবাচ ।
ভগবন্ দেবদেবেশ মহারুদ্র মহেশ্বর ॥ ২ ॥
য়দি দেয়ো বরো মহ্যং বরয়োগ্যাস্ম্যহং য়দি ।
দেবদেবস্য সবিতুর্বদ নামসহস্রকম্ ॥ ৩ ॥
শ্রীভৈরব উবাচ ।
এতদ্গুহ্যতমং দেবি সর্বস্বং মম পার্বতি ।
রহস্যং সর্বদেবানাং দুর্লভং কামনাবহম্ ॥ ৪ ॥
য়ো দেবো ভগবান্ সূর্যো বেদকর্তা প্রজাপতিঃ ।
কর্মসাক্ষী জগচ্চক্ষুঃ স্তোতুং তং কেন শক্যতে ॥ ৫ ॥
য়স্যাদির্মধ্যমন্তং চ সুরৈরপি ন গম্যতে ।
তস্যাদিদেবদেবস্য সবিতুর্জগদীশিতুঃ ॥ ৬ ॥
মন্ত্রনামসহস্রং তে বক্ষ্যে সাম্রাজ্যসিদ্ধিদম্ ।
সর্বপাপাপহং দেবি তন্ত্রবেদাগমোদ্ধৃতম্ ॥ ৭ ॥
মাঙ্গল্যং পৌষ্টিকং চৈব রক্ষোঘ্নং পাবনং মহত্ ।
সর্বমঙ্গলমাঙ্গল্যং সর্বপাপপ্রণাশনম্ ॥ ৮ ॥
ধনদং পুণ্যদং পুণ্যং শ্রেয়স্করং য়শস্করম্ ।
বক্ষ্যামি পরমং তত্ত্বং মূলবিদ্যাত্মকং পরম্ ॥ ৯ ॥
ব্রহ্মণো য়ত্ পরং ব্রহ্ম পরাণামপি য়ত্ পরম্ ।
মন্ত্রাণামপি য়ত্ তত্ত্বং মহসামপি য়ন্মহঃ ॥ ১০ ॥
শান্তানামপি য়ঃ শান্তো মনূনামপি য়ো মনুঃ ।
য়োগিনামপি য়ো য়োগী বেদানাং প্রণবশ্চ য়ঃ ॥ ১১ ॥
গ্রহাণামপি য়ো ভাস্বান্ দেবানামপি বাসবঃ ।
তারাণামপি য়ো রাজা বায়ূনাং চ প্রভঞ্জনঃ ॥ ১২ ॥
ইন্দ্রিয়াণামপি মনো দেবীনামপি য়ঃ পরা ।
নগানামপি য়ো মেরুঃ পন্নগানাং চ বাসুকিঃ ॥ ১৩ ॥
তেজসামপি য়ো বহ্নিঃ কারণানাং চ য়ঃ শিবঃ ।
সবিতা য়স্তু গায়ত্র্যাঃ পরমাত্মেতি কীর্ত্যতে ॥ ১৪ ॥
বক্ষ্যে পরমহংসস্য তস্য নামসহস্রকম্ ।
সর্বদারিদ্র্যশমনং সর্বদুঃখবিনাশনম্ ॥ ১৫ ॥
সর্বপাপপ্রশমনং সর্বতীর্থফলপ্রদম্ ।
জ্বররোগাপমৃত্যুঘ্নং সদা সর্বাভয়প্রদম্ ॥ ১৬ ॥
তত্ত্বং পরমতত্ত্বং চ সর্বসারোত্তমোত্তমম্ ।
রাজপ্রসাদবিজয়-লক্ষ্মীবিভবকারণম্ ॥ ১৭ ॥
আয়ুষ্করং পুষ্টিকরং সর্বয়জ্ঞফলপ্রদম্ ।
মোহনস্তম্ভনাকৃষ্টি-বশীকরণকারণম্ ॥ ১৮ ॥
অদাতব্যমভক্তায় সর্বকামপ্রপূরকম্ ।
শৃণুষ্বাবহিতা ভূত্বা সূর্যনামসহস্রকম্ ॥ ১৯ ॥
অস্য শ্রীসূর্যনামসহস্রস্য শ্রীব্রহ্মা ঋষিঃ । গায়ত্র্যং ছন্দঃ ।
শ্রীভগবান্ সবিতা দেবতা । হ্রাং বীজং । সঃ শক্তিঃ । হ্রীং কীলকং ।
ধর্মার্থকামমোক্ষার্থে সূর্যসহস্রনামপাঠে বিনিয়োগঃ ॥
ধ্যানম্ ॥
কল্পান্তানলকোটিভাস্বরমুখং সিন্দূরধূলীজপা-
বর্ণং রত্নকিরীটিনং দ্বিনয়নং শ্বেতাব্জমধ্যাসনম্ ।
নানাভূষণভূষিতং স্মিতমুখং রক্তাম্বরং চিন্ময়ং
সূর্যং স্বর্ণসরোজরত্নকলশৌ দোর্ভ্যাং দধানং ভজে ॥ ১ ॥
প্রত্যক্ষদেবং বিশদং সহস্রমরীচিভিঃ শোভিতভূমিদেশম্ ।
সপ্তাশ্বগং সদ্ধ্বজহস্তমাদ্যং দেবং ভজেঽহং মিহিরং হৃদব্জে ॥ ২ ॥
ওঁহ্রাংহ্রীংসঃহংসঃসোহং সবিতা ভাস্করো ভগঃ ।
ভগবান্ সর্বলোকেশো ভূতেশো ভূতভাবনঃ ॥ ৩ ॥
ভূতাত্মা সৃষ্টিকৃত্ স্রষ্টা কর্তা হর্তা জগত্পতিঃ ।
আদিত্যো বরদো বীরো বীরলো বিশ্বদীপনঃ ॥ ৪ ॥
বিশ্বকৃদ্ বিশ্বহৃদ্ ভক্তো ভোক্তা ভীমোঽভয়াপহঃ ।
বিশ্বাত্মা পুরুষঃ সাক্ষী পরং ব্রহ্ম পরাত্ পরঃ ॥ ৫ ॥
প্রতাপবান্ বিশ্বয়োনির্বিশ্বেশো বিশ্বতোমুখঃ ।
কামী য়োগী মহাবুদ্ধির্মনস্বী মনুরব্যয়ঃ ॥ ৬ ॥
প্রজাপতির্বিশ্ববন্দ্যো বন্দিতো ভুবনেশ্বরঃ ।
ভূতভব্যভবিষ্যাত্মা তত্ত্বাত্মা জ্ঞানবান্ গুণী ॥ ৭ ॥
সাত্ত্বিকো রাজসস্তামস্তমবী করুণানিধিঃ ।
সহস্রকিরণো ভাস্বান্ ভার্গবো ভৃগুরীশ্বরঃ ॥ ৮ ॥
নির্গুণো নির্মমো নিত্যো নিত্যানন্দো নিরাশ্রয়ঃ ।
তপস্বী কালকৃত্ কালঃ কমনীয়তনুঃ কৃশঃ ॥ ৯ ॥
দুর্দর্শঃ সুদশো দাশো দীনবন্ধুর্দয়াকরঃ ।
দ্বিভুজোঽষ্টভুজো ধীরো দশবাহুর্দশাতিগঃ ॥ ১০ ॥
দশাংশফলদো বিষ্ণুর্জিগীষুর্জয়বাঞ্জয়ী ।
জটিলো নির্ভয়ো ভানুঃ পদ্মহস্তঃ কুশীরকঃ ॥ ১১ ॥
সমাহিতগতির্ধাতা বিধাতা কৃতমঙ্গলঃ ।
মার্তণ্ডো লোকধৃত্ ত্রাতা রুদ্রো ভদ্রপ্রদঃ প্রভুঃ ॥ ১২ ॥
অরাতিশমনঃ শান্তঃ শঙ্করঃ কমলাসনঃ ।
অবিচিন্ত্যবপুঃ (১০০) শ্রেষ্ঠো মহাচীনক্রমেশ্বরঃ ॥ ১৩ ॥
মহার্তিদমনো দান্তো মহামোহহরো হরিঃ ।
নিয়তাত্মা চ কালেশো দিনেশো ভক্তবত্সলঃ ॥ ১৪ ॥
কল্যাণকারী কমঠকর্কশঃ কামবল্লভঃ ।
ব্যোমচারী মহান্ সত্যঃ শম্ভুরম্ভোজবল্লভঃ ॥ ১৫ ॥
সামগঃ পঞ্চমো দ্রব্যো ধ্রুবো দীনজনপ্রিয়ঃ ।
ত্রিজটো রক্তবাহশ্চ রক্তবস্ত্রো রতিপ্রিয়ঃ ॥ ১৬ ॥
কালয়োগী মহানাদো নিশ্চলো দৃশ্যরূপধৃক্ ।
গম্ভীরঘোষো নির্ঘোষো ঘটহস্তো মহোময়ঃ ॥ ১৭ ॥
রক্তাম্বরধরো রক্তো রক্তমাল্যানুলেপনঃ ।
সহস্রহস্তো বিজয়ো হরিগামী হরীশ্বরঃ ॥ ১৮ ॥
মুণ্ডঃ কুণ্ডী ভুজঙ্গেশো রথী সুরথপূজিতঃ ।
ন্যগ্রোধবাসী ন্যগ্রোধো বৃক্ষকর্ণঃ কুলন্ধরঃ ॥ ১৯ ॥
শিখী চণ্ডী জটী জ্বালী জ্বালাতেজোময়ো বিভুঃ ।
হৈমো হেমকরো হারী হরিদ্রলাসনস্থিতঃ ॥ ২০ ॥
হরিদ্শ্বো জগদ্বাসী জগতাং পতিরিঙ্গিলঃ ।
বিরোচনো বিলাসী চ বিরূপাক্ষো বিকর্তনঃ ॥ ২১ ॥
বিনায়কো বিভাসশ্চ ভাসো ভাসাং পতিঃ প্রভুঃ ।
মতিমান্ রতিমান্ স্বক্ষো বিশালাক্ষো বিশাম্পতিঃ ॥ ২২ ॥
বালরূপো গিরিচরো গীর্পতির্গোমতীপতিঃ ।
গঙ্গাধরো গণাধ্যক্ষো গণসেব্যো গণেশ্বরঃ ॥ ২৩ ॥
গিরীশনয়নাবাসী সর্ববাসী সতীপ্রিয়ঃ ।
সত্যাত্মকঃ সত্যধরঃ সত্যসন্ধঃ সহস্রগুঃ ॥ ২৪ ॥
অপারমহিমা মুক্তো মুক্তিদো মোক্ষকামদঃ ।
মূর্তিমান্ ( ২০০) দুর্ধরোঽমূর্তিস্তুটিরূপো লবাত্মকঃ ॥ ২৫ ॥
প্রাণেশো ব্যানদোঽপানসমানোদানরূপবান্ ।
চষকো ঘটিকারূপো মুহূর্তো দিনরূপবান্ ॥ ২৬ ॥
পক্ষো মাস ঋতুর্বর্ষা দিনকালেশ্বরেশ্বরঃ ।
অয়নং য়ুগরূপশ্চ কৃতং ত্রেতায়ুগস্ত্রিপাত্ ॥ ২৭ ॥
দ্বাপরশ্চ কলিঃ কালঃ কালাত্মা কলিনাশনঃ ।
মন্বন্তরাত্মকো দেবঃ শক্রস্ত্রিভুবনেশ্বরঃ ॥ ২৮ ॥
বাসবোঽগ্নির্যমো রক্ষো বরুণো য়াদসাং পতিঃ ।
বায়ুর্বৈশ্রবণং শৈব্যো গিরিজো জলজাসনঃ ॥ ২৩ ॥
অনন্তোঽনন্তমহিমা পরমেষ্ঠী গতজ্বরঃ ।
কল্পান্তকলনঃ ক্রূরঃ কালাগ্নিঃ কালসূদনঃ ॥ ৩০ ॥
মহাপ্রলয়কৃত্ কৃত্যঃ কুত্যাশীর্যুগবর্তনঃ ।
কালাবর্তো য়ুগধরো য়ুগাদিঃ শহকেশ্বরঃ ॥ ৩১ ॥
আকাশনিধিরূপশ্চ সর্বকালপ্রবর্তকঃ ।
অচিন্ত্যঃ সুবলো বালো বলাকাবল্লভো বরঃ ॥ ৩২ ॥
বরদো বীর্যদো বাগ্মী বাক্পতির্বাগ্বিলাসদঃ ।
সাঙ্খ্যেশ্বরো বেদগম্যো মন্ত্রেশস্তন্ত্রনায়কঃ ॥ ৩৩ ॥
কুলাচারপরো নুত্যো নুতিতুষ্টো নুতিপ্রিয়ঃ ।
অলসস্তুলসীসেব্যস্তুষ্টা রোগনিবর্হণঃ ॥ ৩৪ ॥
প্রস্কন্দনো বিভাগশ্চ নীরাগো দশদিক্পতিঃ ।
বৈরাগ্যদো বিমানস্থো রত্নকুম্ভধরায়ুধঃ ॥ ৩৫ ॥
মহাপাদো মহাহস্তো মহাকায়ো মহাশয়ঃ ।
ঋগ্যজুঃসামরূপশ্চ ত্বষ্টাথর্বণশাখিলঃ ॥ ৩৬ ॥
সহস্রশাখী সদ্বৃক্ষো মহাকল্পপ্রিয়ঃ পুমান্ ।
কল্পবৃক্ষশ্চ মন্দারো ( ৩০০) মন্দারাচলশোভনঃ ॥ ৩৭ ॥
মেরুর্হিমালয়ো মালী মলয়ো মলয়দ্রুমঃ ।
সন্তানকুসুমচ্ছন্নঃ সন্তানফলদো বিরাট্ ॥ ৩৮ ॥
ক্ষীরাম্ভোধির্ঘৃতাম্ভোধির্জলধিঃ ক্লেশনাশনঃ ।
রত্নাকরো মহামান্যো বৈণ্যো বেণুধরো বণিক্ ॥ ৩৯ ॥
বসন্তো মারসামন্তো গ্রীষ্মঃ কল্মষনাশনঃ ।
বর্ষাকালো বর্ষপতিঃ শরদম্ভোজবল্লভঃ ॥ ৪০ ॥
হেমন্তো হেমকেয়ূরঃ শিশিরঃ শিশুবীর্যদঃ ।
সুমতিঃ সুগতিঃ সাধুর্বিষ্ণুঃ সাম্বোঽম্বিকাসুতঃ ॥ ৪১ ॥
সারগ্রীবো মহারাজঃ সুনন্দো নন্দিসেবিতঃ ।
সুমেরুশিখরাবাসী সপ্তপাতালগোচরঃ ॥ ৪২ ॥
আকাশচারী নিত্যাত্মা বিভুত্ববিজয়প্রদঃ ।
কুলকান্তঃ কুলাদ্রীশো বিনয়ী বিজয়ী বিয়ত্ ॥ ৪৩ ॥
বিশ্বম্ভরা বিয়চ্চারী বিয়দ্রূপো বিয়দ্রথঃ ।
সুরথঃ সুগতস্তুত্যো বেণুবাদনতত্পরঃ ॥ ৪৪ ॥
গোপালো গোময়ো গোপ্তা প্রতিষ্ঠায়ী প্রজাপতিঃ ।
আবেদনীয়ো বেদাক্ষো মহাদিব্যবপুঃ সুরাট্ ॥ ৪৫ ॥
নির্জীবো জীবনো মন্ত্রী মহার্ণবনিনাদভৃত্ ।
বসুরাবর্তনো নিত্যঃ সর্বাম্নায়প্রভুঃ সুধীঃ ॥ ৪৬ ॥
ন্যায়নির্বাপণঃ শূলী কপালী পদ্মমধ্যগঃ ।
ত্রিকোণনিলয়শ্চেত্যো বিন্দুমণ্ডলমধ্যগঃ ॥ ৪৭ ॥
বহুমালো মহামালো দিব্যমালাধরো জপঃ ।
জপাকুসুমসঙ্কাশো জপপূজাফলপ্রদঃ ॥ ৪৮ ॥
সহস্রমূর্ধা দেবেন্দ্রঃ সহস্রনয়নো রবিঃ ।
সর্বতত্ত্বাশ্রয়ো ব্রধ্নো বীরবন্দ্যো বিভাবসুঃ ॥ ৪৯ ॥
বিশ্বাবসুর্বসুপতির্বসুনাথো বিসর্গবান্ ।
আদিরাদিত্যলোকেশঃ সর্বগামী (৪০০) কলাশ্রয়ঃ ॥ ৫০ ॥
ভোগেশো দেবদেবেন্দ্রো নরেন্দ্রো হব্যবাহনঃ ।
বিদ্যাধরেশো বিদ্যেশো য়ক্ষেশো রক্ষণো গুরুঃ ॥ ৫১ ॥
রক্ষঃকুলৈকবরদো গন্ধর্বকুলপূজিতঃ ।
অপ্সরোবন্দিতোঽজয়্যো জেতা দৈত্যনিবর্হণঃ ॥ ৫২ ॥
গুহ্যকেশঃ পিশাচেশঃ কিন্নরীপূজিতঃ কুজঃ ।
সিদ্ধসেব্যঃ সমাম্নায়ঃ সাধুসেব্যঃ সরিত্পতিঃ ॥ ৫৩ ॥
ললাটাক্ষো বিশ্বদেহো নিয়মী নিয়তেন্দ্রিয়ঃ ।
অর্কোঽর্ককান্তরত্রেশোঽনন্তবাহুরলোপকঃ ॥ ৫৪ ॥
অলিপাত্রধরোঽনঙ্গোঽপ্যম্বরেশোঽম্বরাশ্রয়ঃ ।
অকারমাতৃকানাথো দেবানামাদিরাকৃতিঃ ॥ ৫৫ ॥
আরোগ্যকারী চানন্দবিগ্রহো নিগ্রহো গ্রহঃ ।
আলোককৃত্ তথাদিত্যো বীরাদিত্যঃ প্রজাধিপঃ ॥ ৫৬ ॥
আকাশরূপঃ স্বাকার ইন্দ্রাদিসুরপূজিতঃ ।
ইন্দিরাপূজিতশ্চেন্দুরিন্দ্রলোকাশ্রয়স্ত্বিনঃ ॥ ৫৭ ॥
ঈশান ঈশ্বরশ্চন্দ্র ঈশ ঈকারবল্লভঃ ।
উন্নতাস্যোঽপ্যুরুবপুরুন্নতাদ্রিচরো গুরুঃ ॥ ৫৮ ॥
উত্পলোঽপ্যুচ্চলত্কেতুরুচ্চৈর্হয়গতিঃ সুখী ।
উকারাকারসুখিতস্তথোষ্মা নিধিরূষণঃ ॥ ৫৯ ॥
অনূরুসারথিশ্চোষ্ণভানুরূকারবল্লভঃ ।
ঋণহর্তা ৠলিহস্ত ঋৠভূষণভূষিতঃ ॥ ৬০ ॥
লৃপ্তাঙ্গ লৄমনুস্থায়ী লৃলৄগণ্ডয়ুগোজ্জ্বলঃ ।
এণাঙ্কামৃতদশ্চীনপট্টভৃদ্ বহুগোচরঃ ॥ ৬১ ॥
একচক্রধরশ্চৈকোঽনেকচক্ষুস্তথৈক্যদঃ ।
একারবীজরমণ এঐওষ্ঠামৃতাকরঃ ॥ ৬২ ॥
ওঙ্কারকারণং ব্রহ্ম ঔকারৌচিত্যমণ্ডনঃ ।
ওঔদন্তালিরহিতো মহিতো মহতাং পতিঃ ॥ ৬৩ ॥
অংবিদ্যাভূষণো ভূষ্যো লক্ষ্মীশোঽম্বীজরূপবান্ ।
অঃস্বরূপঃ (৫০০) স্বরময়ঃ সর্বস্বরপরাত্মকঃ ॥ ৬৪ ॥
অংঅঃস্বরূপমন্ত্রাঙ্গঃ কলিকালনিবর্তকঃ ।
কর্মৈকবরদঃ কর্মসাক্ষী কল্মষনাশনঃ ॥ ৬৫ ॥
কচধ্বংসী চ কপিলঃ কনকাচলচারকঃ ।
কান্তঃ কামঃ কপিঃ ক্রূরঃ কীরঃ কেশনিসূদনঃ ॥ ৬৬ ॥
কৃষ্ণঃ কাপালিকঃ কুব্জঃ কমলাশ্রয়ণঃ কুলী ।
কপালমোচকঃ কাশঃ কাশ্মীরঘনসারভৃত্ ॥ ৬৭ ॥
কূজত্কিন্নরগীতেষ্টঃ কুরুরাজঃ কুলন্ধরঃ ।
কুবাসী কুলকৌলেশঃ ককারাক্ষরমণ্ডনঃ ॥ ৬৮ ॥
খবাসী খেটকেশানঃ খঙ্গমুণ্ডধরঃ খগঃ ।
খগেশ্বরশ্চ খচরঃ খেচরীগণসেবিতঃ ॥ ৬৯ ॥
খরাংশুঃ খেটকধরঃ খলহর্তা খবর্ণকঃ ।
গন্তা গীতপ্রিয়ো গেয়ো গয়াবাসী গণাশ্রয়ঃ ॥ ৭০ ॥
গুণাতীতো গোলগতির্গুচ্ছলো গুণিসেবিতঃ ।
গদাধরো গদহরো গাঙ্গেয়বরদঃ প্রগী ॥ ৭১ ॥
গিঙ্গিলো গটিলো গান্তো গকারাক্ষরভাস্করঃ
ঘৃণিমান্ ঘুর্ঘুরারাবো ঘণ্টাহস্তো ঘটাকরঃ ॥ ৭২ ॥
ঘনচ্ছন্নো ঘনগতির্ঘনবাহনতর্পিতঃ ।
ঙান্তো ঙেশো ঙকারাঙ্গশ্চন্দ্রকুঙ্কুমবাসিতঃ ॥ ৭৩ ॥
চন্দ্রাশ্রয়শ্চন্দ্রধরোঽচ্যুতশ্চম্পকসন্নিভঃ ।
চামীকরপ্রভশ্চণ্ডভানুশ্চণ্ডেশবল্লভঃ ॥ ৭৪ ॥
চঞ্চচ্চকোরকোকেষ্টশ্চপলশ্চপলাশ্রয়ঃ ।
চলত্পতাকশ্চণ্ডাদ্রিশ্চীবরৈকধরোঽচরঃ ॥ ৭৫ ॥
চিত্কলাবর্ধিতশ্চিন্ত্যশ্চিন্তাধ্বংসী চবর্ণবান্ ।
ছত্রভৃচ্ছলহৃচ্ছন্দচ্ছুরিকাচ্ছিন্নবিগ্রহঃ ॥ ৭৬ ॥
জাম্বূনদাঙ্গদোঽজাতো জিনেন্দ্রো জম্বুবল্লভঃ ।
জম্বারির্জঙ্গিটো জঙ্গী জনলোকতমোপহঃ ॥ ৭৭ ॥
জয়কারী (৬০০) জগদ্ধর্তা জরামৃত্যুবিনাশনঃ ।
জগত্ত্রাতা জগদ্ধাতা জগদ্ধ্যেয়ো জগন্নিধিঃ ॥ ৭৮ ॥
জগত্সাক্ষী জগচ্চক্ষুর্জগন্নাথপ্রিয়োঽজিতঃ ।
জকারাকারমুকুটো ঝঞ্জাছন্নাকৃতির্ঝটঃ ॥ ৭৯ ॥
ঝিল্লীশ্বরো ঝকারেশো ঝঞ্জাঙ্গুলিকরাম্বুজঃ ।
ঝঞাক্ষরাঞ্চিতষ্টঙ্কষ্টিট্টিভাসনসংস্থিতঃ ॥ ৮০ ॥
টীত্কারষ্টঙ্কধারী চ ঠঃস্বরূপষ্ঠঠাধিপঃ ।
ডম্ভরো ডামরুর্ডিণ্ডী ডামরীশো ডলাকৃতিঃ ॥ ৮১ ॥
ডাকিনীসেবিতো ডাঢী ডঢগুল্ফাঙ্গুলিপ্রভঃ ।
ণেশপ্রিয়ো ণবর্ণেশো ণকারপদপঙ্কজঃ ॥ ৮২ ॥
তারাধিপেশ্বরস্তথ্যস্তন্ত্রীবাদনতত্পরঃ ।
ত্রিপুরেশস্ত্রিনেত্রেশস্ত্রয়ীতনুরধোক্ষজঃ ॥ ৮৩ ॥
তামস্তামরসেষ্টশ্চ তমোহর্তা তমোরিপুঃ ।
তন্দ্রাহর্তা তমোরূপস্তপসাং ফলদায়কঃ ॥ ৮৪ ॥
তুট্যাদিকলনাকান্তস্তকারাক্ষরভূষণঃ ।
স্থাণুস্থলীস্থিতো নিত্যং স্থবিরঃ স্থণ্ডিল স্থুলঃ ॥ ৮৫ ॥
থকারজানুরধ্যাত্মা দেবনায়কনায়কঃ ।
দুর্জয়ো দুঃখহা দাতা দারিদ্র্যচ্ছেদনো দমী ॥ ৮৬ ॥
দৌর্ভাগ্যহর্তা দেবেন্দ্রো দ্বাদশারাব্জমধ্যগঃ ।
দ্বাদশান্তৈকবসতির্দ্বাদশাত্মা দিবস্পতিঃ ॥ ৮৭ ॥
দুর্গমো দৈত্যশমনো দূরগো দুরতিক্রমঃ ।
দুর্ধ্যেয়ো দুষ্টবংশঘ্নো দয়ানাথো দয়াকুলঃ ॥ ৮৮ ॥
দামোদরো দীধিতিমান্ দকারাক্ষরমাতৃকঃ ।
ধর্মবন্ধুর্ধর্মনিধির্ধর্মরাজো ধনপ্রদঃ ॥ ৮৯ ॥
ধনদেষ্টো ধনাধ্যক্ষো ধরাদর্শো ধুরন্ধরঃ ।
ধূর্জটীক্ষণবাসী চ ধর্মক্ষেত্রো ধরাধিপঃ ॥ ৯০ ॥
ধারাধরো ধুরীণশ্চ ধর্মাত্মা ধর্মবত্সলঃ ।
ধরাভৃদ্বল্লভো ধর্মী ধকারাক্ষরভূষণঃ ॥ ৯১ ॥
নমপ্রিয়ো নন্দিরুদ্রো ( ৭০০) নেতা নীতিপ্রিয়ো নয়ী ।
নলিনীবল্লভো নুন্নো নাট্যকৃন্নাট্যবর্ধনঃ ॥ ৯২ ॥
নরনাথো নৃপস্তুত্যো নভোগামী নমঃপ্রিয়ঃ ।
নমোন্তো নমিতারাতির্নরনারায়ণাশ্রয়ঃ ॥ ৯৩ ॥
নারায়ণো নীলরুচির্নম্রাঙ্গো নীললোহিতঃ ।
নাদরূপো নাদময়ো নাদবিন্দুস্বরূপকঃ ॥ ৯৪ ॥
নাথো নাগপতির্নাগো নগরাজাশ্রিতো নগঃ ।
নাকস্থিতোঽনেকবপুর্নকারাক্ষরমাতৃকঃ ॥ ৯৫ ॥
পদ্মাশ্রয়ঃ পরং জ্যোতিঃ পীবরাংসঃ পুটেশ্বরঃ ।
প্রীতিপ্রিয়ঃ প্রেমকরঃ প্রণতার্তিভয়াপহঃ ॥ ৯৬ ॥
পরত্রাতা পরধ্বংসী পুরারিঃ পুরসংস্থিতঃ ।
পূর্ণানন্দময়ঃ পূর্ণতেজাঃ পূর্ণেশ্বরীশ্বরঃ ॥ ৯৭ ॥
পটোলবর্ণঃ পটিমা পাটলেশঃ পরাত্মবান্ ।
পরমেশবপুঃ প্রাংশুঃ প্রমত্তঃ প্রণতেষ্টদঃ ॥ ৯৮ ॥
অপারপারদঃ পীনঃ পীতাম্বরপ্রিয়ঃ পবিঃ ।
পাচনঃ পিচুলঃ প্লুষ্টঃ প্রমদাজনসৌখ্যদঃ ॥ ৯৯ ॥
প্রমোদী প্রতিপক্ষঘ্নঃ পকারাক্ষরমাতৃকঃ ।
ফলং ভোগাপবর্গস্য ফলিনীশঃ ফলাত্মকঃ ॥ ১০০ ॥
ফুল্লদম্ভোজমধ্যস্থঃ ফুল্লদম্ভোজধারকঃ ।
স্ফুটদ্যোতিঃ স্ফুটাকারঃ স্ফটিকাচলচারকঃ ॥ ১০২ ॥
স্ফূর্জত্কিরণমালী চ ফকারাক্ষরপার্শ্বকঃ ।
বালো বলপ্রিয়ো বান্তো বিলধ্বান্তহরো বলী ॥ ১০৩ ॥
বালাদির্বর্বরধ্বংসী ববোলামৃতপানকঃ ।
বুধো বৃহস্পতির্বৃক্ষো বৃহদশ্বো বৃহদ্গতিঃ ॥ ১০৪ ॥
বপৃষ্ঠো ভীমরূপশ্চ ভাময়ো ভেশ্বরপ্রিয়ঃ ।
ভগো ভৃগুর্ভৃগুস্থায়ী ভার্গবঃ কবিশেখরঃ ॥ ১০৫ ॥
ভাগ্যদো ভানুদীপ্তাঙ্গো ভনাভিশ্চ ভমাতৃকঃ ।
মহাকালো (৮০০) মহাধ্যক্ষো মহানাদো মহামতিঃ ॥ ১০৬ ॥
মহোজ্জ্বলো মনোহারী মনোগামী মনোভবঃ ।
মানদো মল্লহা মল্লো মেরুমন্দরমন্দিরঃ ॥ ১০৭ ॥
মন্দারমালাভরণো মাননীয়ো মনোময়ঃ ।
মোদিতো মদিরাহারো মার্তণ্ডো মুণ্ডমুণ্ডিতঃ ॥ ১০৮ ॥
মহাবরাহো মীনেশো মেষগো মিথুনেষ্টদঃ ।
মদালসোঽমরস্তুত্যো মুরারিবরদো মনুঃ ॥ ১০৯ ॥
মাধবো মেদিনীশশ্চ মধুকৈটভনাশনঃ ।
মাল্যবান্ মেধনো মারো মেধাবী মুসলায়ুধঃ ॥ ১১০ ॥
মুকুন্দো মুররীশানো মরালফলদো মদঃ ।
মদনো মোদকাহারো মকারাক্ষরমাতৃকঃ ॥ ১১১ ॥
য়জ্বা য়জ্ঞেশ্বরো য়ান্তো য়োগিনাং হৃদয়স্থিতঃ ।
য়াত্রিকো য়জ্ঞফলদো য়ায়ী য়ামলনায়কঃ ॥ ১১২ ॥
য়োগনিদ্রাপ্রিয়ো য়োগকারণং য়োগিবত্সলঃ ।
য়ষ্টিধারী চ য়ন্ত্রেশো য়োনিমণ্ডলমধ্যগঃ ॥ ১১৩ ॥
য়ুয়ুত্সুজয়দো য়োদ্ধা য়ুগধর্মানুবর্তকঃ ।
য়োগিনীচক্রমধ্যস্থো য়ুগলেশ্বরপূজিতঃ ॥ ১১৪ ॥
য়ান্তো য়ক্ষৈকতিলকো য়কারাক্ষরভূষণঃ ।
রামো রমণশীলশ্চ রত্নভানূ রুরুপ্রিয়ঃ ॥ ১১৫ ॥
রত্নমৌলী রত্নতুঙ্গো রত্নপীঠান্তরস্থিতঃ ।
রত্নাংশুমালী রত্নাঢ্যো রত্নকঙ্কণনূপুরঃ ॥ ১১৬ ॥
রত্নাঙ্গদলসদ্বাহূ রত্নপাদুকমণ্ডিতঃ ।
রোহিণীশাশ্রয়ো রক্ষাকরো রাত্রিঞ্চরান্তকঃ ॥ ১১৭ ॥
রকারাক্ষররূপশ্চ লজ্জাবীজাশ্রিতো লবঃ ।
লক্ষ্মীভানুর্লতাবাসী লসত্কান্তিশ্চ লোকভৃত্ ॥ ১১৮ ॥
লোকান্তকহরো লামাবল্লভো লোমশোঽলিগঃ ।
লিঙ্গেশ্বরো লিঙ্গনাদো লীলাকারী ললম্বুসঃ ॥ ১১৯ ॥
লক্ষ্মীবাঁল্লোকবিধ্বংসী লকারাক্ষরভূষণঃ ।
বামনো বীরবীরেন্দ্রো বাচালো (৯০০) বাক্পতিপ্রিয়ঃ ॥ ১২০ ॥
বাচামগোচরো বান্তো বীণাবেণুধরো বনম্ ।
বাগ্ভবো বালিশধ্বংসী বিদ্যানায়কনায়কঃ ॥ ১২১ ॥
বকারমাতৃকামৌলিঃ শাম্ভবেষ্টপ্রদঃ শুকঃ ।
শশী শোভাকরঃ শান্তঃ শান্তিকৃচ্ছমনপ্রিয়ঃ ॥ ১২২ ॥
শুভঙ্করঃ শুক্লবস্ত্রঃ শ্রীপতিঃ শ্রীয়ুতঃ শ্রুতঃ ।
শ্রুতিগম্যঃ শরদ্বীজমণ্ডিতঃ শিষ্টসেবিতঃ ॥ ১২৩ ॥
শিষ্টাচারঃ শুভাচারঃ শেষঃ শেবালতাডনঃ ।
শিপিবিষ্টঃ শিবিঃ শুক্রসেব্যঃ শাক্ষরমাতৃকঃ ॥ ১২৪ ॥
ষডাননঃ ষট্করকঃ ষোডশস্বরভূষিতঃ ।
ষট্পদস্বনসন্তোষী ষডাম্নায়প্রবর্তকঃ ॥ ১২৫ ॥
ষড্সাস্বাদসন্তুষ্টঃ ষকারাক্ষরমাতৃকঃ ।
সূর্যভানুঃ সূরভানুঃ সূরিভানুঃ সুখাকরঃ ॥ ১২৬ ॥
সমস্তদৈত্যবংশঘ্নঃ সমস্তসুরসেবিতঃ ।
সমস্তসাধকেশানঃ সমস্তকুলশেখরঃ ॥ ১২৭ ॥
সুরসূর্যঃ সুধাসূর্যঃ স্বঃসূর্যঃ সাক্ষরেশ্বরঃ ।
হরিত্সূর্যো হরিদ্ভানুর্হবির্ভুগ্ হব্যবাহনঃ ॥ ১২৮ ॥
হালাসূর্যো হোমসূর্যো হুতসূর্যো হরীশ্বরঃ ।
হ্রাম্বীজসূর্যো হ্রীংসূর্যো হকারাক্ষরমাতৃকঃ ॥ ১২৯ ॥
ল়ম্বীজমণ্ডিতঃ সূর্যঃ ক্ষোণীসূর্যঃ ক্ষমাপতিঃ ।
ক্ষুত্সূর্যঃ ক্ষান্তসূর্যশ্চ ল়ঙ্ক্ষঃসূর্যঃ সদাশিবঃ ॥ ১৩০ ॥
অকারসূর্যঃ ক্ষঃসূর্যঃ সর্বসূর্যঃ কৃপানিধিঃ ।
ভূঃসূর্যশ্চ ভুবঃসূর্যঃ স্বঃসূর্যঃ সূর্যনায়কঃ ॥ ১৩১ ॥
গ্রহসূর্য ঋক্ষসূর্যো লগ্নসূর্যো মহেশ্বরঃ ।
রাশিসূর্যো য়োগসূর্যো মন্ত্রসূর্যো মনূত্তমঃ ॥ ১৩২ ॥
তত্ত্বসূর্যঃ পরাসূর্যো বিষ্ণুসূর্যঃ প্রতাপবান্ ।
রুদ্রসূর্যো ব্রহ্মসূর্যো বীরসূর্যো বরোত্তমঃ ॥ ১৩৩ ॥
ধর্মসূর্যঃ কর্মসূর্যো বিশ্বসূর্যো বিনায়কঃ । (১০০০)
ইতীদং দেবদেবেশি মত্রনামসহস্রকম্ ॥ ১৩৪ ॥
দেবদেবস্য সবিতুঃ সূর্যস্যামিততেজসঃ ।
সর্বসারময়ং দিব্যং ব্রহ্মতেজোবিবর্ধনম্ ॥ ১৩৫ ॥
ব্রহ্মজ্ঞানময়ং পুণ্যং পুণ্যতীর্থফলপ্রদম্ ।
সর্বয়জ্ঞফলৈস্তুল্যং সর্বসারস্বতপ্রদম্ ॥ ১৩৬ ॥
সর্বশ্রেয়স্করং লোকে কীর্তিদং ধনদং পরম্ ।
সর্বব্রতফলোদ্রিক্তং সর্বধর্মফলপ্রদম্ ॥ ১৩৭ ॥
সর্বরোগহরং দেবি শরীরারোগ্যবর্ধনম্ ।
প্রভাবমস্য দেবেশি নাম্নাং সহস্রকস্য চ ॥ ১৩৮ ॥
কল্পকোটিশতৈর্বর্ষৈর্নৈব শক্নোমি বর্ণিতুম্ ।
য়ং য়ং কামমভিধ্যায়েদ্ দেবানামপি দুর্লভম্ ॥ ১৩৯ ॥
তং তং প্রাপ্নোতি সহসা পঠনেনাস্য পার্বতি ।
য়ঃ পঠেচ্ছ্রাবয়েদ্বাপি শৃণোতি নিয়তেন্দ্রিয়ঃ ॥ ১৪০ ॥
স বীরো ধর্মিণাং রাজা লক্ষ্মীবানপি জায়তে ।
ধনবাঞ্জায়তে লোকে পুত্রবান্ রাজবল্লভঃ ॥ ১৪১ ॥
আয়ুরারোগ্যবান্ নিত্যং স ভবেত্ সম্পদাং পদম্ ।
রবৌ পঠেন্মহাদেবি সূর্যং সম্পূজ্য কৌলিকঃ ॥ ১৪২ ॥
সূর্যোদয়ে রবিং ধ্যাতা লভেত্ কামান্ য়থেপ্সিতান্ ।
সঙ্ক্রান্তৌ য়ঃ পঠেদ্ দেবি ত্রিকালং ভক্তিপূর্বকম্ ॥ ১৪৩ ॥
ইহ লোকে শ্রিয়ং ভুক্ত্বা সর্বরোগৈঃ প্রমুচ্যতে ।
সপ্তম্যাং শুক্লপক্ষে য়ঃ পঠদস্তঙ্গতে রবৌ ॥ ১৪৪ ॥
সর্বারোগ্যময়ং দেহং ধারয়েত্ কৌলিকোত্তমঃ ।
ব্যতীপাতে পঠেদ্ দেবি মধ্যাহ্নে সংয়তেন্দ্রিয়ঃ ॥ ১৪৫ ॥
ধনং পুত্রান্ য়শো মানং লভেত্ সূর্যপ্রসাদতঃ ।
চক্রার্চনে পঠেদ্ দেবি জপন্ মূলং রবিং স্মরন্ ॥ ১৪৬ ॥
রবীভূত্বা মহাচীনক্রমাচারবিচক্ষণঃ ।
সর্বশত্রূন্ বিজিত্যাশু লভেল্লক্ষ্মীং প্রতাপবান্ ॥ ১৪৭ ॥
য়ঃ পঠেত্ পরদেশস্থো বটুকার্চনতত্পরঃ ।
কান্তাশ্রিতো বীতভয়ো ভবেত্ স শিবসন্নিভঃ ॥ ১৪৮ ॥
শতাবর্তং পঠেদ্যস্তু সূর্যোদয়য়ুগান্তরে ।
সবিতা সর্বলোকেশো বরদঃ সহসা ভবেত্ ॥ ১৪৯ ॥
বহুনাত্র কিমুক্তেন পঠনাদস্য পার্বতি ।
ইহ লক্ষ্মীং সদা ভুক্ত্বা পরত্রাপ্নোতি তত্পদম্ ॥ ১৫০ ॥
রবৌ দেবি লিখেদ্ভূর্জে মন্ত্রনামসহস্রকম্ ।
অষ্টগন্ধেন দিব্যেন নীলপুষ্পহরিদ্রয়া ॥ ১৫১ ॥
পঞ্চামৃতৌষধীভিশ্চ নৃয়ুক্পীয়ূষবিন্দুভিঃ ।
বিলিখ্য বিধিবন্মন্ত্রী য়ন্ত্রমধ্যেঽর্ণবেষ্টিতম্ ॥ ১৫২ ॥
গুটীং বিধায় সংবেষ্ট্য মূলমন্ত্রমনুস্মরন্ ।
কন্যাকর্তিতসূত্রেণ বেষ্টয়েদ্রক্তলাক্ষয়া ॥ ১৫৩ ॥
সুবর্ণেন চ সংবেষ্ট্য পঞ্চগব্যেন শোধয়েত্ ।
সাধয়েন্মন্ত্ররাজেন ধারয়েন্মূর্ধ্নি বা ভুজে ॥ ১৫৪ ॥
কিং কিং ন সাধয়েদ্ দেবি য়ন্মমাপি সুদুর্লভম্ ।
কুষ্ঠরোগী চ শূলী চ প্রমেহী কুক্ষিরোগবান্ ॥ ১৫৫ ॥
ভগন্ধরাতুরোঽপ্যর্শী অশ্মরীবাংশ্চ কৃচ্ছ্রবান্ ।
মুচ্যতে সহসা ধৃত্বা গুটীমেতাং সুদুর্লভাম্ ॥ ১৫৬ ॥
বন্ধ্যা চ কাকবন্ধ্যা চ মৃতবত্সা চ কামিনী ।
ধারয়েদ্গুটিকামেতাং বক্ষসি স্ময়তর্পিতা ॥ ১৫৭ ॥
বন্ধ্যা লভেত্ সুতং কান্তং কাকবন্ধ্যাপি পার্বতি ।
মৃতবত্সা বহূন্ পুত্রান্ সুরূপাংশ্চ চিরায়ুশঃ ॥ ১৫৮ ॥
রণে গত্বা গুটীং ধৃত্বা শত্রূঞ্জিত্বা লভেচ্ছ্রিয়ম্ ।
অক্ষতাঙ্গো মহারাজঃ সুখী স্বপুরমাবিশেত্ ॥ ১৫৯ ॥
য়ো ধারয়েদ্ ভুজে নিত্যং রাজলোকবশঙ্করীম্ ।
গুটিকাং মোহনাকর্ষস্তম্ভনোচ্চাটনক্ষমাম্ ॥ ১৫০ ॥
স ভবেত্ সূর্যসঙ্কাশো মহসা মহসাং নিধিঃ ।
ধনেন ধনদো দেবি বিভবেন চ শঙ্করঃ ॥ ১৬১ ॥
শ্রিয়েন্দ্রো য়শসা রামঃ পৌরুষেণ চ ভার্গবঃ ।
গিরা বৃহস্পতির্দেবি নয়েন ভৃগুনন্দনঃ ॥ ১৬২ ॥
বলেন বায়ুসঙ্কাশো দয়য়া পুরুষোত্তমঃ ।
আরোগ্যেণ ঘটোদ্ভূতিঃ কান্ত্যা পূর্ণেন্দুসন্নিভঃ ॥ ১৬৩ ॥
ধর্মেণ ধর্মরাজশ্চ রত্নৈ রত্নাকরোপমঃ ।
গাম্ভীর্যেণ তথাম্ভোধির্দাতৃত্বেন বলিঃ স্বয়ম্ ॥ ১৬৪ ॥
সিদ্ধ্যা শ্রীভৈরবঃ সাক্ষাদানন্দেন চিদীশ্বরঃ ।
কিং প্রলাপেন বহুনা পঠেদ্বা ধারয়েচ্ছিবে ॥ ১৬৫ ॥
শৃণুয়াদ্ য়ঃ পরং দিব্যং সূর্যনামসহস্রকম্ ।
স ভবেদ্ ভাস্করঃ সাক্ষাত্ পরমানন্দবিগ্রহঃ ॥ ১৬৬ ॥
স্বতন্ত্রঃ স প্রয়াত্যন্তে তদ্বিষ্ণোঃ পরমং পদম্ ।
ইদং দিব্যং মহত্ তত্ত্বং সূর্যনামসহস্রকম্ ॥ ১৬৭ ॥
অপ্রকাশ্যমদাতব্যমবক্তব্যং দুরাত্মনে ।
অভক্তায় কুচৈলায় পরশিষ্যায় পার্বতি ॥ ১৬৮ ॥
কর্কশায়াকুলীনায় দুর্জনায়াঘবুদ্ধয়ে ।
গুরুভক্তিবিহীনায় নিন্দকায় শিবাগমে ॥ ১৬৯ ॥
দেয়ং শিষ্যায় শান্তায় গুরুভক্তিপরায় চ ।
কুলীনায় সুভক্তায় সূর্যভক্তিরতায় চ ॥ ১৭০ ॥
ইদং তত্ত্বং হি তত্ত্বানাং বেদাগমরহস্যকম্ ।
সর্বমন্ত্রময়ং গোপ্যং গোপনীয়ং স্বয়োনিবত্ ॥ ১৭১ ॥
॥ ইতি শ্রীরুদ্রয়ামলে তন্ত্রে শ্রীদেবীরহস্যে
সূর্যসহস্রনামস্তোত্রনামনিরূপণং চতুস্ত্রিংশঃ পটলঃ সম্পূর্ণঃ ॥ ৩৪ ॥