॥ Tripurabhairavi Sahasranamastotram Bengali Lyrics ॥
॥ শ্রীত্রিপুরভৈরবীসহস্রনামস্তোত্রম্ ॥
অথ শ্রীত্রিপুরভৈরবীসহস্রনামস্তোত্রম্
মহাকালভৈরব উবাচ
অথ বক্ষ্যে মহেশানি দেব্যা নামসহস্রকম্ ।
য়ত্প্রসাদান্মহাদেবি চতুর্বর্গফলল্লভেত্ ॥ ১ ॥
সর্বরোগপ্রশমনং সর্বমৃত্যুবিনাশনম্ ।
সর্বসিদ্ধিকরং স্তোত্রন্নাতঃ পরতঃ স্তবঃ ॥ ২ ॥
নাতঃ পরতরা বিদ্যা তীর্ত্থন্নাতঃ পরং স্মৃতম্ ।
য়স্যাং সর্বং সমুত্পন্নয়্যস্যামদ্যাপি তিষ্ঠতি ॥ ৩ ॥
ক্ষয়মেষ্যতি তত্সর্বং লয়কালে মহেশ্বরি ।
নমামি ত্রিপুরান্দেবীম্ভৈরবীং ভয়মোচিনীম্ ।
সর্বসিদ্ধিকরীং সাক্ষান্মহাপাতকনাশিনীম্ ॥ ৪ ॥
অস্য শ্রীত্রিপুরভৈরবীসহস্রনামস্তোত্রস্য ভগবান্ ঋষিঃ।
পঙ্ক্তিশ্ছন্দঃ। আদ্যা শক্তিঃ। ভগবতী ত্রিপুরভৈরবী দেবতা ।
সর্বকামার্ত্থসিদ্ধ্যর্ত্থে জপে বিনিয়োগঃ ॥
ওঁ ত্রিপুরা পরমেশানী য়োগসিদ্ধিনিবাসিনী ।
সর্বমন্ত্রময়ী দেবী সর্বসিদ্ধিপ্রবর্ত্তিনী ॥
সর্বাধারময়ী দেবী সর্বসম্পত্প্রদা শুভা ।
য়োগিনী য়োগমাতা চ য়োগসিদ্ধিপ্রবর্ত্তিনী ॥
য়োগিধ্যেয়া য়োগময়ী য়োগয়োগনিবাসিনী ।
হেলা লীলা তথা ক্রীডা কালরূপপ্রবর্ত্তিনী ॥
কালমাতা কালরাত্রিঃ কালী কামলবাসিনী ।
কমলা কান্তিরূপা চ কামরাজেশ্বরী ক্রিয়া ॥
কটুঃ কপটকেশা চ কপটা কুলটাকৃতিঃ ।
কুমুদা চর্চ্চিকা কান্তিঃ কালরাত্রিপ্রিয়া সদা ॥
ঘোরাকারা ঘোরতরা ধর্মাধর্মপ্রদা মতিঃ ।
ঘণ্টা ঘর্গ্ঘরদা ঘণ্টা ঘণ্টানাদপ্রিয়া সদা ॥
সূক্ষ্মা সূক্ষ্মতরা স্থূলা অতিস্থূলা সদা মতিঃ ।
অতিসত্যা সত্যবতী সত্যসঙ্কেতবাসিনী ॥
ক্ষমা ভীমা তথাঽভীমা ভীমনাদপ্রবর্ত্তিনী ।
ভ্রমরূপা ভয়হরা ভয়দা ভয়নাশিনী ॥
শ্মশানবাসিনী দেবী শ্মশানালয়বাসিনী ।
শবাসনা শবাহারা শবদেহা শিবাশিবা ॥
কণ্ঠদেশশবাহারা শবকঙ্কণধারিণী ।
দন্তুরা সুদতী সত্যা সত্যসঙ্কেতবাসিনী ॥
সত্যদেহা সত্যহারা সত্যবাদিনিবাসিনী ।
সত্যালয়া সত্যসঙ্গা সত্যসঙ্গরকারিণী ॥
অসঙ্গা সাঙ্গরহিতা সুসঙ্গা সঙ্গমোহিনী ।
মায়ামতির্মহামায়া মহামখবিলাসিনী ॥
গলদ্রুধিরধারা চ মুখদ্বয়নিবাসিনী ।
সত্যায়াসা সত্যসঙ্গা সত্যসঙ্গতিকারিণী ॥
অসঙ্গা সঙ্গনিরতা সুসঙ্গা সঙ্গবাসিনী ।
সদাসত্যা মহাসত্যা মাংসপাশা সুমাংসকা ॥
মাংসাহারা মাংসধরা মাংসাশী মাংসভক্ষকা ।
রক্তপানা রক্তরুচিরা রক্তা রক্তবল্লভা ॥
রক্তাহারা রক্তপ্রিয়া রক্তনিন্দকনাশিনী ।
রক্তপানপ্রিয়া বালা রক্তদেশা সুরক্তিকা ॥
স্বয়ংভূকুসুমস্থা চ স্বয়ংভূকুসুমোত্সুকা ।
স্বয়ংভূকুসুমাহারা স্বয়ংভূনিন্দকাসনা ॥
স্বয়ংভূপুষ্পকপ্রীতা স্বয়ংভূপুষ্পসম্ভবা ।
স্বয়ংভূপুষ্পহারাঢ্যা স্বয়ংভূনিন্দকান্তকা ॥
কুণ্ডগোলবিলাসী চ কুণ্ডগোলসদামতিঃ ।
কুণ্ডগোলপ্রিয়করী কুণ্ডগোলসমুদ্ভবা ॥
শুক্রাত্মিকা শুক্রকরা সুশুক্রা চ সুশুক্তিকা ।
শুক্রপূজকপূজ্যা চ শুক্রনিন্দকনিন্দকা ॥
রক্তমাল্যা রক্তপুষ্পা রক্তপুষ্পকপুষ্পকা ।
রক্তচন্দনসিক্তাঙ্গী রক্তচন্দননিন্দকা ॥
মত্স্যা মত্স্যপ্রিয়া মান্যা মত্স্যভক্ষা মহোদয়া ।
মত্স্যাহারা মত্স্যকামা মত্স্যনিন্দকনাশিনী ॥
কেকরাক্ষী তথা ক্রূরা ক্রূরসৈন্যবিনাশিনী ।
ক্রূরাঙ্গী কুলিশাঙ্গী চ চক্রাঙ্গী চক্রসম্ভবা ॥
চক্রদেহা চক্রহারা চক্রকঙ্কালবাসিনী ।
নিম্ননাভী ভীতিহরা ভয়দা ভয়হারিকা ॥
ভয়প্রদা ভয়ভীতা অভীমা ভীমনাদিনী ।
সুন্দরী শোভনা সত্যা ক্ষেম্যা ক্ষেমকরী তথা ॥
সিন্দূরাঞ্চিতসিন্দূরা সিন্দূরসদৃশাকৃতিঃ ।
রক্তারঞ্জিতনাসা চ সুনাসা নিম্ননাসিকা ॥
খর্বা লম্বোদরী দীর্গ্ঘা দীর্গ্ঘঘোণা মহাকুচা ।
কুটিলা চঞ্চলা চণ্ডী চণ্ডনাদপ্রচণ্ডিকা ॥
অতিচণ্ডা মহাচণ্ডা শ্রীচণ্ডাচণ্ডবেগিনী ।
চাণ্ডালী চণ্ডিকা চণ্ডশব্দরূপা চ চঞ্চলা ॥
চম্পা চম্পাবতী চোস্তা তীক্ষ্ণা তীক্ষ্ণপ্রিয়া ক্ষতিঃ ।
জলদা জয়দা য়োগা জগদানন্দকারিণী ॥
জগদ্বন্দ্যা জগন্মাতা জগতী জগতক্ষমা ।
জন্যা জয়জনেত্রী চ জয়িনী জয়দা তথা ॥
জননী চ জগদ্ধাত্রী জয়াখ্যা জয়রূপিণী ।
জগন্মাতা জগন্মান্যা জয়শ্রীর্জ্জয়কারিণী ॥
জয়িনী জয়মাতা চ জয়া চ বিজয়া তথা ।
খড্গিনী খড্গরূপা চ সুখড্গা খড্গধারিণী ॥
খড্গরূপা খড্গকরা খড্গিনী খড্গবল্লভা ।
খড্গদা খড্গভাবা চ খড্গদেহসমুদ্ভবা ॥
খড্গা খড্গধরা খেলা খড্গিনী খড্গমণ্ডিনী ।
শঙ্খিনী চাপিনী দেবী বজ্রিণী শুলিনী মতিঃ ॥
বলিনী ভিন্দিপালী চ পাশী চ অঙ্কুশী শরী ।
ধনুষী চটকী চর্মা দন্তী চ কর্ণনালিকী ॥
মুসলী হলরূপা চ তূণীরগণবাসিনী ।
তূণালয়া তূণহরা তূণসম্ভবরূপিণী ॥
সুতূণী তূণখেদা চ তূণাঙ্গী তূণবল্লভা ।
নানাস্ত্রধারিণী দেবী নানাশস্ত্রসমুদ্ভবা ॥
লাক্ষা লক্ষহরা লাভা সুলাভা লাভনাশিনী ।
লাভহারা লাভকরা লাভিনী লাভরূপিণী ॥
ধরিত্রী ধনদা ধান্যা ধন্যরূপা ধরা ধনুঃ ।
ধুরশব্দা ধুরামান্যা ধরাঙ্গী ধননাশিনী ॥
ধনহা ধনলাভা চ ধনলভ্যা মহাধনুঃ ।
অশান্তা শান্তিরূপা চ শ্বাসমার্গনিবাসিনী ॥
গগণা গণসেব্যা চ গণাঙ্গাবাগবল্লভা ।
গণদা গণহা গম্যা গমনাগমসুন্দরী ॥
গম্যদা গণনাশী চ গদহা গদবর্দ্ধিনী ।
স্থৈর্যা চ স্থৈর্যনাশা চ স্থৈর্যান্তকরণী কুলা ॥
দাত্রী কর্ত্রী প্রিয়া প্রেমা প্রিয়দা প্রিয়বর্দ্ধিনী ।
প্রিয়হা প্রিয়ভব্যা চ প্রিয়প্রেমাঙ্ঘ্রিপাতনুঃ ॥
প্রিয়জা প্রিয়ভব্যা চ প্রিয়স্থা ভবনস্থিতা ।
সুস্থিরা স্থিররূপা চ স্থিরদা স্থৈর্যবর্হিণী ॥
চঞ্চলা চপলা চোলা চপলাঙ্গনিবাসিনী ।
গৌরী কালী তথা ছিন্না মায়া মান্যা হরপ্রিয়া ॥
সুন্দরী ত্রিপুরা ভব্যা ত্রিপুরেশ্বরবাসিনী ।
ত্রিপুরনাশিনী দেবী ত্রিপুরপ্রাণহারিণী ॥
ভৈরবী ভৈরবস্থা চ ভৈরবস্য প্রিয়া তনুঃ ।
ভবাঙ্গী ভৈরবাকারা ভৈরবপ্রিয়বল্লভা ॥
কালদা কালরাত্রিশ্চ কামা কাত্যায়নী ক্রিয়া ।
ক্রিয়দা ক্রিয়হা ক্লৈব্যা প্রিয়প্রাণক্রিয়া তথা ॥
ক্রীঙ্কারী কমলা লক্ষ্মীঃ শক্তিঃ স্বাহা বিভুঃ প্রভুঃ ।
প্রকৃতিঃ পুরুষশ্চৈব পুরুষাপুরুষাকৃতিঃ ॥
পরমঃ পুরুষশ্চৈব মায়া নারায়ণী মতিঃ ।
ব্রাহ্মী মাহেশ্বরী চৈব কৌমারী বৈষ্ণবী তথা ॥
বারাহী চৈব চামুণ্ডা ইন্দ্রাণী হরবল্লভা ।
ভর্গ্গী মাহেশ্বরী কৃষ্ণা কাত্যায়ন্যপি পূতনা ॥
রাক্ষসী ডাকিনী চিত্রা বিচিত্রা বিভ্রমা তথা ।
হাকিনী রাকিনী ভীতা গংধর্বা গংধবাহিনী ॥
কেকরী কোটরাক্ষী চ নির্মাংসালূকমাংসিকা ।
ললজ্জিহ্বা সুজিহ্বা চ বালদা বালদায়িনী ॥
চন্দ্রা চন্দ্রপ্রভা চান্দ্রী চন্দ্রকাংতিষু তত্পরা ।
অমৃতা মানদা পূষা তুষ্টিঃ পুষ্টী রতির্ধৃতিঃ ॥
শশিনী চন্দ্রিকা কাংতির্জ্জ্যোত্স্না শ্রীঃ প্রীতিরঙ্গদা ।
পূর্ণা পূর্ণামৃতা কল্পলতিকা কল্পদানদা ॥
সুকল্পা কল্পহস্তা চ কল্পবৃক্ষকরী হনুঃ ।
কল্পাখ্যা কল্পভব্যা চ কল্পানন্দকবন্দিতা ॥
সূচীমুখী প্রেতমুখী উল্কামুখী মহাসুখী ।
উগ্রমুখী চ সুমুখী কাকাস্যা বিকটাননা ॥
কৃকলাস্যা চ সন্ধ্যাস্যা মুকুলীশা রমাকৃতিঃ ।
নানামুখী চ নানাস্যা নানারূপপ্রধারিণী ॥
বিশ্বার্চ্যা বিশ্বমাতা চ বিশ্বাখ্যা বিশ্বভাবিনী ।
সূর্যা সুর্যপ্রভা শোভা সূর্যমণ্ডলসংস্থিতা ॥
সূর্যকাংতিঃ সূর্যকরা সূর্যাখ্যা সূর্যভাবনা ।
তপিনী তাপিনী ধূম্রা মরীচির্জ্জ্বালিনী রুচিঃ ॥
সুরদা ভোগদা বিশ্বা বোধিনী ধারিণী ক্ষমা ।
য়ুগদা য়োগহা য়োগ্যা য়োগ্যহা য়োগবর্দ্ধিনী ॥
বহ্নিমণ্ডলসংস্থা চ বহ্নিমণ্ডলমধ্যগা ।
বহ্নিমণ্ডলরূপা চ বহ্নিমণ্ডলসঞ্জ্ঞকা ॥
বহ্নিতেজা বহ্নিরাগা বহ্নিদা বহ্নিনাশিনী ।
বহ্নিক্রিয়া বহ্নিভুজা কলা বহ্নৌ স্থিতা সদা ॥
ধূম্রার্চিতা চোজ্জ্বলিনী তথা চ বিস্ফুলিঙ্গিনী ।
শূলিনী চ সুরূপা চ কপিলা হব্যবাহিনী ॥
নানাতেজস্বিনী দেবী পরব্রহ্মকুটুম্বিনী ।
জ্যোতির্ব্রহ্মময়ী দেবী প্রব্রহ্মস্বরূপিণী ॥
পরমাত্মা পরা পুণ্যা পুণ্যদা পুণ্যবর্দ্ধিনী ।
পুণ্যদা পুণ্যনাম্নী চ পুণ্যগংধা প্রিয়াতনুঃ ॥
পুণ্যদেহা পুণ্যকরা পুণ্যনিন্দকনিন্দকা ।
পুণ্যকালকরা পুণ্যা সুপুণ্যা পুণ্যমালিকা ॥
পুণ্যখেলা পুণ্যকেলী পুণ্যনামসমা পুরা ।
পুণ্যসেব্যা পুণ্যখেল্যা পুরাণপুণ্যবল্লভা ॥
পুরুষা পুরুষপ্রাণা পুরুষাত্মস্বরূপিণী ।
পুরুষাঙ্গী চ পুরুষী পুরুষস্য কলা সদা ॥
সুপুষ্পা পুষ্পকপ্রাণা পুষ্পহা পুষ্পবল্লভা ।
পুষ্পপ্রিয়া পুষ্পহারা পুষ্পবন্দকবন্দকা ॥
পুষ্পহা পুষ্পমালা চ পুষ্পনিন্দকনাশিনী ।
নক্ষত্রপ্রাণহন্ত্রী চ নক্ষত্রালক্ষবন্দকা ॥
লক্ষ্যমাল্যা লক্ষহারা লক্ষা লক্ষস্বরূপিণী ।
নক্ষত্রাণী সুনক্ষত্রা নক্ষত্রাহা মহোদয়া ॥
মহামাল্যা মহামান্যা মহতী মাতৃপূজিতা ।
মহামহাকনীয়া চ মহাকালেশ্বরী মহা ॥
মহাস্যা বন্দনীয়া চ মহাশব্দনিবাসিনী ।
মহাশঙ্খেশ্বরী মীনা মত্স্যগংধা মহোদরী ॥
লম্বোদরী চ লম্বোষ্ঠী লম্বনিম্নতনূদরী ।
লম্বোষ্ঠী লম্বনাসা চ লম্বঘোণা ললত্সুকা ॥
অতিলম্বা মহালম্বা সুলম্বা লম্ববাহিনী ।
লম্বার্হা লম্বশক্তিশ্চ লম্বস্থা লম্বপূর্বিকা ॥
চতুর্ঘণ্টা মহাঘণ্টা ঘণ্টানাদপ্রিয়া সদা ।
বাদ্যপ্রিয়া বাদ্যরতা সুবাদ্যা বাদ্যনাশিনী ॥
রমা রামা সুবালা চ রমণীয়স্বভাবিনী ।
সুরম্যা রম্যদা রম্ভা রম্ভোরূ রামবল্লভা ॥
কামপ্রিয়া কামকরা কামাঙ্গী রমণী রতিঃ ।
রতিপ্রিয়া রতি রতী রতিসেব্যা রতিপ্রিয়া ॥
সুরভিঃ সুরভী শোভা দিক্ষোভাঽশুভনাশিনী ।
সুশোভা চ মহাশোভাঽতিশোভা প্রেততাপিনী ॥
লোভিনী চ মহালোভা সুলোভা লোভবর্দ্ধিনী ।
লোভাঙ্গী লোভবন্দ্যা চ লোভাহী লোভভাসকা ॥
লোভপ্রিয়া মহালোভা লোভনিন্দকনিন্দকা ।
লোভাঙ্গবাসিনী গংধবিগংধা গংধনাশিনী ॥
গংধাঙ্গী গংধপুষ্টা চ সুগংধা প্রেমগংধিকা ।
দুর্গংধা পূতিগংধা চ বিগংধা অতিগংধিকা ॥
পদ্মান্তিকা পদ্মবহা পদ্মপ্রিয়প্রিয়ঙ্করী ।
পদ্মনিন্দকনিন্দা চ পদ্মসন্তোষবাহনা ॥
রক্তোত্পলবরা দেবী রক্তোত্পলপ্রিয়া সদা ।
রক্তোত্পলসুগংধা চ রক্তোত্পলনিবাসিনী ॥
রক্তোত্পলগ্রহামালা রক্তোত্পলমনোহরা ।
রক্তোত্পলসুনেত্রা চ রক্তোত্পলস্বরূপধৃক্ ॥
বৈষ্ণবী বিষ্ণুপূজ্যা চ বৈষ্ণবাঙ্গনিবাসিনী ।
বিষ্ণুপূজকপূজ্যা চ বৈষ্ণবে সংস্থিতা তনুঃ ॥
নারায়ণস্য দেহস্থা নারায়ণমনোহরা ।
নারায়ণস্বরূপা চ নারায়ণমনঃস্থিতা ॥
নারায়ণাঙ্গসম্ভূতা নারায়ণপ্রিয়াতনুঃ ।
নারী নারায়ণীগণ্যা নারায়ণগৃহপ্রিয়া ॥
হরপূজ্যা হরশ্রেষ্ঠা হরস্য বল্লভা ক্ষমা ।
সংহারী হরদেহস্থা হরপূজনতত্পরা ॥
হরদেহসমুদ্ভূতা হরাঙ্গবাসিনীকুহূঃ ।
হরপূজকপূজ্যা চ হরবন্দকতত্পরা ॥
হরদেহসমুত্পন্না হরক্রীডাসদাগতিঃ ।
সুগণাসঙ্গরহিতা অসঙ্গাসঙ্গনাশিনী ॥
নির্জনা বিজনা দুর্গা দুর্গক্লেশনিবারিণী ।
দুর্গদেহান্তকা দুর্গারূপিণী দুর্গতস্থিকা ॥
প্রেতকরা প্রেতপ্রিয়া প্রেতদেহসমুদ্ভবা ।
প্রেতাঙ্গবাসিনী প্রেতা প্রেতদেহবিমর্দ্দকা ॥
ডাকিনী য়োগিনী কালরাত্রিঃ কালপ্রিয়া সদা ।
কালরাত্রিহরা কালা কৃষ্ণদেহা মহাতনুঃ ॥
কৃষ্ণাঙ্গী কুটিলাঙ্গী চ বজ্রাঙ্গী বজ্ররূপধৃক্ ।
নানাদেহধরা ধন্যা ষট্চক্রক্রমবাসিনী ॥
মূলাধারনিবাসী চ মূলাধারস্থিতা সদা ।
বায়ুরূপা মহারূপা বায়ুমার্গনিবাসিনী ॥
বায়ুয়ুক্তা বায়ুকরা বায়ুপূরকপূরকা ।
বায়ুরূপধরা দেবী সুষুম্নামার্গগামিনী ॥
দেহস্থা দেহরূপা চ দেহধ্যেয়া সুদেহিকা ।
নাডীরূপা মহীরূপা নাডীস্থাননিবাসিনী ॥
ইঙ্গলা পিঙ্গলা চৈব সুষুম্নামধ্যবাসিনী ।
সদাশিবপ্রিয়করী মূলপ্রকৃতিরূপধৃক্ ॥
অমৃতেশী মহাশালী শৃঙ্গারাঙ্গনিবাসিনী ।
উপত্তিস্থিতিসংহন্ত্রী প্রলয়াপদবাসিনী ॥
মহাপ্রলয়য়ুক্তা চ সৃষ্টিসংহারকারিণী ।
স্বধা স্বাহা হব্যবাহা হব্যা হব্যপ্রিয়া সদা ॥
হব্যস্থা হব্যভক্ষা চ হব্যদেহসমুদ্ভবা ।
হব্যক্রীডা কামধেনুস্বরূপা রূপসম্ভবা ॥
সুরভী নন্দনী পুণ্যা য়জ্ঞাঙ্গী য়জ্ঞসম্ভবা ।
য়জ্ঞস্থা য়জ্ঞদেহা চ য়োনিজা য়োনিবাসিনী ॥
অয়োনিজা সতী সত্যা অসতী কুটিলাতনুঃ ।
অহল্যা গৌতমী গম্যা বিদেহা দেহনাশিনী ॥
গাংধারী দ্রৌপদী দূতী শিবপ্রিয়া ত্রয়োদশী ।
পঞ্চদশী পৌর্ণমাসী চতুর্দ্দশী চ পঞ্চমী ॥
ষষ্ঠী চ নবমী চৈব অষ্টমী দশমী তথা ।
একাদশী দ্বাদশী চ দ্বাররূপীভয়প্রদা ॥
সঙ্ক্রান্ত্যা সামরূপা চ কুলীনা কুলনাশিনী ।
কুলকান্তা কৃশা কুম্ভা কুম্ভদেহবিবর্দ্ধিনী ॥
বিনীতা কুলবত্যর্ত্থী অন্তরী চানুগাপ্যুষা ।
নদীসাগরদা শান্তিঃ শান্তিরূপা সুশান্তিকা ॥
আশা তৃষ্ণা ক্ষুধা ক্ষোভ্যা ক্ষোভরূপনিবাসিনী ।
গঙ্গাসাগরগা কান্তিঃ শ্রুতিঃ স্মৃতির্দ্ধৃতির্মহী ॥
দিবারাত্রিঃ পঞ্চভূতদেহা চৈব সুদেহকা ।
তণ্ডুলা চ্ছিন্নমস্তা চ নাগয়জ্ঞোপবীতিনী ॥
বর্ণিনী ডাকিনী শক্তিঃ কুরুকুল্লা সুকুল্লকা ।
প্রত্যঙ্গিরাঽপরা দেবী অজিতা জয়দায়িনী ॥
জয়া চ বিজয়া চৈব মহিষাসুরঘাতিনী ।
মধুকৈটভহন্ত্রী চ চণ্ডমুণ্ডবিনাশিনী ॥
নিশুম্ভশুম্ভহননী রক্তবীজক্ষয়ঙ্করী ।
কাশী কাশীনিবাসী চ মধুরা পার্বতী পরা ॥
অপর্ণা চণ্ডিকা দেবী মৃডানী চাম্বিকা কলা ।
শুক্লা কৃষ্ণা বর্ণবর্ণা শরদিন্দুকলাকৃতিঃ ॥
রুক্মিণী রাধিকা চৈব ভৈরব্যাঃ পরিকীর্ত্তিতম্ ।
অষ্টাধিকসহস্রন্তু দেব্যা নামানুকীর্ত্তনাত্ ॥
মহাপাতকয়ুক্তোঽপি মুচ্যতে নাত্র সংশয়ঃ ।
ব্রহ্মহত্যা সুরাপানং স্তেয়ঙ্গুর্বঙ্গনাগমঃ ॥
মহাপাতককোট্যস্তু তথা চৈবোপপাতকাঃ ।
স্তোত্রেণ ভৈরবোক্তেন সর্বন্নশ্যতি তত্ক্ষণাত্ ॥
সর্বব্বা শ্লোকমেকব্বা পঠনাত্স্মরণাদপি ।
পঠেদ্বা পাঠয়েদ্বাপি সদ্যো মুচ্যেত বন্ধনাত্ ॥
রাজদ্বারে রণে দুর্গে সঙ্কটে গিরিদুর্গ্গমে ।
প্রান্তরে পর্বতে বাপি নৌকায়াব্বা মহেশ্বরি ॥
বহ্নিদুর্গভয়ে প্রাপ্তে সিংহব্যাঘ্রভ্যাকুলে ।
পঠনাত্স্মরণান্মর্ত্ত্যো মুচ্যতে সর্বসঙ্কটাত্ ॥
অপুত্রো লভতে পুত্রন্দরিদ্রো ধনবান্ভবেত্ ।
সর্বশাস্ত্রপরো বিপ্রঃ সর্বয়জ্ঞফলল্লভেত্ ॥
অগ্নিবায়ুজলস্তম্ভঙ্গতিস্তম্ভবিবস্বতঃ ।
মারণে দ্বেষণে চৈব তথোচ্চাটে মহেশ্বরি ॥
গোরোচনাকুঙ্কুমেন লিখেত্স্তোত্রমনন্যধীঃ ।
গুরুণা বৈষ্ণবৈর্বাপি সর্বয়জ্ঞফলল্লভেত্ ॥
বশীকরণমত্রৈব জায়ন্তে সর্বসিদ্ধয়ঃ ।
প্রাতঃকালে শুচির্ব্ভূত্বা মধ্যাহ্নে চ নিশামুখে ॥
পঠেদ্বা পাঠয়েদ্বাপি সর্বয়জ্ঞফলল্লভেত্ ।
বাদী মূকো ভবেদ্দুষ্টো রাজা চ সেবকো য়থা ॥
আদিত্যমঙ্গলদিনে গুরৌ বাপি মহেশ্বরি ।
গোরোচনাকুঙ্কুমেন লিখেত্স্তোত্রমনন্যধীঃ ॥
গুরুণা বৈষ্ণবৈর্বাপি সর্বয়জ্ঞফলল্লভেত্ ।
ধৃত্বা সুবর্ণমধ্যস্থং সর্বান্কামানবাপ্নুয়াত্ ॥
স্ত্রীণাব্বামকরে ধার্যম্পুমান্দক্ষকরে তথা ।
আদিত্যমঙ্গলদিনে গুরৌ বাপি মহেশ্বরি ॥
শনৈশ্চরে লিখেদ্বাপি সর্বসিদ্ধিং লভেদ্ধ্রুবম্ ।
প্রান্তরে বা শ্মশানে বা নিশায়ামর্দ্ধরাত্রকে ॥
শূন্যাগারে চ দেবেশি লিখেদ্যত্নেন সাধকঃ ।
সিংহরাশৌ গুরুগতে কর্ক্কটস্থে দিবাকরে ॥
মীনরাশৌ গুরুগতে লিখেদ্যত্নেন সাধকঃ ।
রজস্বলাভগন্দৃষ্ট্বা তত্রস্থো বিলিখেত্সদা ॥
সুগংধিকুসুমৈঃ শুক্রৈঃ সুগংধিগংধচন্দনৈঃ ।
মৃগনাভিমৃগমদৈর্বিলিখেদ্যত্নপূর্বকম্ ॥
লিখিত্বা চ পঠিত্বা চ ধারয়েচ্চাপ্যনন্যধীঃ ।
কুমারীম্পূজয়িত্বা চ নারীশ্চাপি প্রপূজয়েত্ ॥
পূজয়িত্বা চ কুসুমৈর্গ্গন্ধচন্দনবস্ত্রকৈঃ ।
সিন্দূররক্তকুসুমৈঃ পূজয়েদ্ভক্তিয়োগতঃ ॥
অথবা পূজয়েদ্দেবি কুমারীর্দ্দশমাবধীঃ ।
সর্বাভীষ্টফলন্তত্র লভতে তত্ক্ষণাদপি ॥
নাত্র সিদ্ধাদ্যপেক্ষাস্তি ন বা মিত্রারিদূষণম্ ।
ন বিচার্যঞ্চ দেবেশি জপমাত্রেণ সিদ্ধিদম্ ॥
সর্বদা সর্বকার্যেষু ষট্সাহস্রপ্রমাণতঃ ।
বলিন্দত্ত্বা বিধানেন প্রত্যহম্পূজয়েচ্ছিবাম্ ॥
স্বয়ংভূকুসুমৈঃ পুষ্পৈর্ব্বলিদানন্দিবানিশম্ ।
পূজয়েত্পার্বতীন্দেবীম্ভৈরবীন্ত্রিপুরাত্মিকাম্ ॥
ব্রাহ্মণান্ভোজয়েন্নিত্যন্দশকন্দ্বাদশন্তথা ।
অনেন বিধিনা দেবি বালান্নিত্যম্প্রপূজয়েত্ ॥
মাসমেকম্পঠেদ্যস্তু ত্রিসন্ধ্যব্বিধিনামুনা ।
অপুত্রো লভতে পুত্রন্নির্দ্ধনো ধনবান্ভবেত্ ॥
সদা চানেন বিধিনা তথা মাসত্রয়েণ চ ।
কৃতকার্যং ভবেদ্দেবি তথা মাসচতুষ্টয়ে ॥
দীর্গ্ঘরোগাত্প্রমুচ্যেত পঞ্চমে কবিরাড্ভবেত্ ।
সর্বৈশ্বর্যং লভেদ্দেবি মাসষট্কে তথৈব চ ॥
সপ্তমে খেচরত্বঞ্চ অষ্টমে চ বৃহদ্দ্যুতিঃ ।
নবমে সর্বসিদ্ধিঃ স্যাদ্দশমে লোকপূজিতঃ ॥
একাদশে রাজবশ্যো দ্বাদশে তু পুরন্দরঃ ।
বারমেকম্পঠেদ্যস্তু প্রাপ্নোতি পূজনে ফলম্ ॥
সমগ্রং শ্লোকমেকব্বা য়ঃ পঠেত্প্রয়তঃ শুচিঃ ।
স পূজাফলমাপ্নোতি ভৈরবেণ চ ভাষিতম্ ॥
আয়ুষ্মত্প্রীতিয়োগে চ ব্রাহ্মৈন্দ্রে চ বিশেষতঃ ।
পঞ্চম্যাঞ্চ তথা ষষ্ঠ্যায়্যত্র কুত্রাপি তিষ্ঠতি ॥
শঙ্কা ন বিদ্যতে তত্র ন চ মায়াদিদূষণম্ ।
বারমেকং পঠেন্মর্ত্ত্যো মুচ্যতে সর্বসঙ্কটাত্ ।
কিমন্যদ্বহুনা দেবি সর্বাভীষ্টফলল্লভেত্ ॥
॥ ইতি শ্রীবিশ্বসারে মহাভৈরববিরচিতং
শ্রীমত্ত্রিপুরভৈরবীসহস্রনামস্তোত্রং সমাপ্তম্ ॥