॥ Venkatesha Sahasranamastotram Bengali Lyrics ॥
॥ শ্রীবেঙ্কটেশসহস্রনামস্তোত্রম্ ॥
শ্রীবসিষ্ঠ উবাচ-
ভগবন্ কেন বিধিনা নামভির্বেঙ্কটেশ্বরম্ ।
পূজয়ামাস তং দেবং ব্রহ্মা তু কমলৈঃ শুভৈঃ ॥ ১ ॥
পৃচ্ছামি তানি নামানি গুণ য়োগপরাণি কিম্ ।
মুখ্যবৃত্তীনি কিং ব্রূহি লক্ষকাণ্যথবা হরেঃ ॥ ২ ॥
নারদ উবাচ –
নামান্যনন্তানি হরেঃ গুণয়োগানি কানি চিত্ ।
মুখ্য বৃত্তীনি চান্যানি লক্ষকাণ্যপরাণি চ ॥ ৩ ॥
পরমার্থৈঃ সর্বশব্দৈরেকো জ্ঞেয়ঃ পরঃ পুমান্ ।
আদিমধ্যান্তরহিতঃ ত্বব্যক্তোঽনন্তরূপভৃত্ ॥ ৪ ॥
চন্দ্রার্ক বহ্নিবায়্বাদ্যা গ্রহর্ক্ষাণি নভো দিশঃ ।
অন্বয়ব্যতিরেকাভ্যাং সন্তি নো সন্তি য়ন্মতেঃ ॥ ৫ ॥
তস্য দেবস্য নাম্নাং হি পারং গন্তুং হি কঃ ক্ষমঃ ।
তথাঽপি চাভিধানানি বেঙ্কটেশস্য কানিচিত্ ॥ ৬ ॥
ব্রহ্মগীতানি পুণ্যানি তানি বক্ষ্যামি সুব্রত ।
য়দুচ্চারণমাত্রেণ বিমুক্তাঘঃ পরং ব্রজেত্ ॥ ৭ ॥
বেঙ্কটেশস্য নাম্নাং হি সহস্রস্য ঋষির্বিধিঃ ।
ছন্দোঽনুষ্ঠুপ্ তথা দেবঃ শ্রীবত্সাঙ্কো রমাপতিঃ ॥ ৮ ॥
বীজভূতস্তথোংকারো হ্রীং ক্লীং শক্তিশ্চ কীলকম্ ।
ওং নমো বেঙ্কটেশায়েত্যাদির্মন্ত্রোঽত্র কথ্যতে ॥ ৯ ॥
ব্রহ্মাণ্ডগর্ভঃ কবচমস্ত্রং চক্রগদাধরঃ ।
বিনিয়োগোঽভীষ্টসিদ্ধৌ হৃদয়ং সামগায়নঃ ॥
ধ্যানং –
ভাস্বচ্ছংদ্রমসৌ য়দীয়নয়নে ভার্যা য়দীয়া রমা
য়স্মাদ্বিশ্বসৃডপ্যভূদ্যমিকুলং য়দ্ধ্যানয়ুক্তং সদা
নাথো য়ো জগতাং নগেন্দ্রদুহিতুর্নাথোঽপি য়দ্ভক্তিমান্
তাতো য়ো মদনস্য য়ো দুরিতহা তং বেঙ্কটেশং ভজে ॥
ঊর্ধ্বৈ হস্তৌ য়দীয়ৌ সুররিপুদল়নে বিভ্রতৌ শঙ্খচক্রে
সেব্যাবঙ্ঘ্রী স্বকীয়াবভিদধদধরো দক্ষিণো য়স্য পাণিঃ ।
তাবন্মাত্রং ভবাব্ধিং গময়তি ভজতামূরুগো বামপাণিঃ
শ্রীবত্সাঙ্কশ্চ লক্ষ্মীর্যদুরসি লসতস্তং ভজে বেঙ্কটেশম্
ইতি ধ্যায়ন্ বেঙ্কটেশং শ্রীবত্সাঙ্কং রমাপতিম্ ।
বেঙ্কটেশো বিরূপাক্ষ ইত্যারভ্য জপেত্ক্রমাত্ ॥ ১০ ॥
বেঙ্কটেশো বিরূপাক্ষো বিশ্বেশো বিশ্বভাবনঃ ।
বিশ্বসৃঙ্ বিশ্বসংহর্তা বিশ্বপ্রাণো বিরাড্বপুঃ ॥ ১১ ॥
শেষাদ্রিনিলয়োঽশেষভক্তদুঃখপ্রণাশনঃ ।
শেষস্তুত্যঃ শেষশায়ী বিশেষজ্ঞো বিভুঃ স্বভূঃ ॥ ১২ ॥
বিষ্ণুর্জিষ্ণুশ্চ বর্ধিষ্ণুরুত্সবিষ্ণুঃ সহিষ্ণুকঃ ।
ভ্রাজিষ্ণুশ্চ গ্রসিষ্ণুশ্চ বর্তিষ্ণুশ্চ ভরিষ্ণুকঃ ॥ ১৩ ॥
কালয়ন্তা কালগোপ্তা কালঃ কালান্তকোঽখিলঃ ।
কালগম্যঃ কালকণ্ঠবন্দ্যঃ কালকলেশ্বরঃ ॥ ১৪ ॥
শম্ভুঃ স্বয়ম্ভূরম্ভোজনাভিস্তম্ভিতবারিধিঃ ।
অম্ভোধিনন্দিনীজানিঃ শোণাম্ভোজপদপ্রভঃ ॥ ১৫ ॥
কম্বুগ্রীবঃ শম্বরারিরূপঃ শম্বরজেক্ষণঃ ।
বিম্বাধরো বিম্বরূপী প্রতিবিম্বক্রিয়াতিগঃ ॥ ১৬ ॥
গুণবান্ গুণগম্যশ্চ গুণাতীতো গুণপ্রিয়ঃ
দুর্গুণধ্বংসকৃত্সর্বসুগুণো গুণভাসকঃ ॥ ১৭ ॥
পরেশঃ পরমাত্মা চ পরঞ্জ্যোতিঃ পরা গতিঃ ।
পরং পদং বিয়দ্বাসাঃ পারম্পর্যশুভপ্রদঃ ॥ ১৮ ॥
ব্রহ্মাণ্ডগর্ভো ব্রহ্মণ্যো ব্রহ্মসৃঢ্ব্রহ্মবোধিতঃ ।
ব্রহ্মস্তুত্যো ব্রহ্মবাদী ব্রহ্মচর্যপরায়ণঃ ॥ ১৯ ॥
সত্যব্রতার্থসন্তুষ্টস্সত্যরূপী ঝষাঙ্গবান্ ।
সোমকপ্রাণহারী চানীতাম্নায়োঽব্ধিসঞ্চরঃ ॥ ২০ ॥
দেবাসুরবরস্তুত্যঃ পতন্মন্দরধারকঃ ।
ধন্বন্তরিঃ কচ্ছপাঙ্গঃ পয়োনিধিবিমন্থকঃ ॥ ২১ ॥
অমরামৃতসন্ধাতা ধৃতসম্মোহিনীবপুঃ ।
হরমোহকমায়াবী রক্ষঃসন্দোহভঞ্জনঃ ॥ ২২ ॥
হিরণ্যাক্ষবিদারী চ য়জ্ঞো য়জ্ঞ বিভাবনঃ ।
য়জ্ঞীয়োর্বীসগুদ্ধর্তা লীলাক্রোডঃ প্রতাপবান্ ॥ ২৩ ॥
দণ্ডকাসুরবিধ্বংসী বক্রদংষ্ট্র ক্ষমাধরঃ ।
গন্ধর্বশাপহরণঃ পুণ্যগন্ধো বিচক্ষণঃ ॥ ২৪ ॥
করালবক্ত্রঃ সোমার্কনেত্রঃ ষড্গুণবৈভবঃ ।
শ্বেতঘোণী ঘূর্ণিতভ্রূর্ঘুর্ঘুরধ্বনিবিভ্রমঃ ॥ ২৫ ॥
দ্রাঘীয়ান্ নীলকেশী চ জাগ্রদম্বুজলোচনঃ ।
ঘৃণাবান্ ঘৃণিসম্মোহো মহাকালাগ্নিদীধিতিঃ ॥ ২৬ ॥
জ্বালাকরালবদনো মহোল্কাকুলবীক্ষণঃ ।
সটানির্ভিণ্ণমেঘৌঘো দংষ্ট্রারুগ্ব্যাপ্তদিক্তটঃ ॥ ২৭ ॥
উচ্ছ্বাসাকৃষ্টভূতেশো নিঃশ্বাসত্যক্তবিশ্বসৃট্ ।
অন্তর্ভ্রমজ্জগদ্গর্ভোঽনন্তো ব্রহ্মকপালহৃত্ ॥ ২৮ ॥
উগ্রো বীরো মহাবিষ্ণুর্জ্বলনঃ সর্বতোমুখঃ ।
নৃসিংহো ভীষণো ভদ্রো মৃত্যুমৃত্যুঃ সনাতনঃ ॥ ২৯ ॥
সভাস্তম্ভোদ্ভবো ভীমঃ শীরোমালী মহেশ্বরঃ ।
দ্বাদশাদিত্যচূডালঃ কল্পধূমসটাচ্ছবিঃ ॥ ৩০ ॥
হিরণ্যকোরস্থলভিন্ননখঃ সিংহমুখোঽনঘঃ ।
প্রহ্লাদবরদো ধীমান্ ভক্তসঙ্ঘ প্রতিষ্ঠিতঃ ॥ ৩১ ॥
ব্রহ্মরুদ্রাদিসংসেব্যঃ সিদ্ধসাধ্যপ্রপূজিতঃ ।
লক্ষ্মীনৃসিংহো দেবেশো জ্বালাজিহ্বান্ত্রমালিকঃ ॥ ৩২ ॥
খড্গী খেটী মহেষ্বাসী কপালী মুসলী হলী ।
পাশী শূলী মহাবাহুর্জ্বরঘ্নো রোগলুণ্ঠকঃ ॥ ৩৩ ॥
মৌঞ্জীয়ুক্ ছাত্রকো দণ্ডী কৃষ্ণাজিনধরো বটুঃ ।
অধীতবেদো বেদান্তোদ্ধারকো ব্রহ্মনৈষ্ঠিকঃ ॥ ৩৪ ॥
অহীনশয়নপ্রীতঃ আদিতেয়োঽনঘো হরিঃ ।
সংবিত্প্রিয়স্সামবেদ্যো বলিবেশ্মপ্রতিষ্ঠিতঃ ॥ ৩৫ ॥
বলিক্ষালিতপাদাব্জো বিন্দ্যাবলিবিমানিতঃ ।
ত্রিপাদভূমিস্বীকর্তা বিশ্বরূপপ্রদর্শকঃ ॥ ৩৬ ॥
ধৃতত্রিবিক্রমঃ সাঙ্ঘ্রিনখভিন্নাণ্ডখর্পরঃ ।
পজ্জাতবাহিনীধারাপবিত্রিতজগত্ত্রয়ঃ ॥ ৩৭ ॥
বিধিসম্মানিতঃ পুণ্যো দৈত্যয়োদ্ধা জয়োর্জিতঃ ।
সুররাজ্যপ্রদঃ শুক্রমদহৃত্ সুগতীশ্বরঃ ॥ ৩৮ ॥
জামদগ্ন্যঃ কুঠারী চ কার্তবীর্যবিদারণঃ ।
রেণুকায়াশ্শিরোহারী দুষ্টক্ষত্রিয়মর্দনঃ ॥ ৩৯ ॥
বর্চস্বী দানশীলশ্চ ধনুষ্মান্ ব্রহ্মবিত্তমঃ ।
অত্যুদগ্রঃ সমগ্রশ্চ ন্যগ্রোধো দুষ্টনিগ্রহঃ ॥ ৪০ ॥
রবিবংশসমুদ্ভূতো রাঘবো ভরতাগ্রজঃ ।
কৌসল্যাতনয়ো রামো বিশ্বামিত্র প্রিয়ঙ্করঃ ॥৪১ ॥
তাটকারিঃ সুবাহুঘ্নো বলাতিবলমন্ত্রবান্ ।
অহল্যাশাপবিচ্ছেদী প্রবিষ্টজনকালয়ঃ ॥ ৪২ ॥
স্বয়ংবরসভাসংস্থ ঈশচাপপ্রভঞ্জনঃ ।
জানকীপরিণেতা চ জনকাধীশসংস্তুতঃ ॥ ৪৩ ॥
জমদগ্নিতনূজাতয়োদ্ধাঽয়োধ্যাধিপাগ্রণীঃ ।
পিতৃবাক্যপ্রতীপালস্ত্যক্তরাজ্যঃ সলক্ষ্মণঃ ॥ ৪৪ ॥
সসীতশ্চিত্রকূটস্থো ভরতাহিতরাজ্যকঃ ।
কাকদর্পপ্রহর্তা চ দণ্ডকারণ্যবাসকঃ ॥ ৪৫ ॥
পঞ্চবট্যাং বিহারী চ স্বধর্মপরিপোষকঃ ।
বিরাধহাঽগস্ত্যমুখ্যমুনিসম্মানিতঃ ॥ ৪৬ ॥
ইন্দ্রচাপধরঃ খড্গধরশ্চাক্ষয়সায়কঃ ।
খরান্তকো দূষণারিস্ত্রিশিরস্করিপুর্বৃষঃ ॥ ৪৭ ॥
ততঃ শূর্পণখানাসাচ্ছেত্তা বল্কলধারকঃ ।
জটাবান্ পর্ণশালাস্থো মারীচবলমর্দকঃ ॥ ৪৮ ॥
পক্ষিরাট্কৃতসংবাদো রবিতেজা মহাবলঃ ।
শবর্যানীতফলভুগ্ধনূমত্পরিতোষিতঃ ॥ ৪৯ ॥
সুগ্রীবাভয়দো দৈত্যকায়ক্ষেপণভাসুরঃ ।
সপ্ততালসমুচ্ছেত্তা বালিহৃত্কপিসংবৃতঃ ॥ ৫০ ॥
বায়ুসূনুকৃতাসেবস্ত্যক্তপম্পঃ কুশাসনঃ ।
উদন্বত্তীরগঃ শূরো বিভীষণবরপ্রদঃ ॥ ৫১ ॥
সেতুকৃদ্দৈত্যহা প্রাপ্তলঙ্কোঽলঙ্কারবান্ স্বয়ম্ ।
অতিকায়শিরশ্ছেত্তা কুম্ভকর্ণবিভেদনঃ ॥ ৫২ ॥
দশকণ্ঠশিরোধ্বংসী জাংববত্প্রমুখাবৃতঃ ।
জানকীশঃ সুরাধ্যক্ষঃ সাকেতেশঃ পুরাতনঃ ॥ ৫৩ ॥
পুণ্যশ্লোকো বেদবেদ্যঃ স্বামিতীর্থনিবাসকঃ ।
লক্ষ্মীসরঃকেল়িলোলো লক্ষ্মীশো লোকরক্ষকঃ ॥ ৫৪ ॥
দেবকীগর্ভসংভূতো য়শোদেক্ষণলালিতঃ ।
বসুদেবকৃতস্তোত্রো নন্দগোপমনোহরঃ ॥ ৫৫ ॥
চতুর্ভুজঃ কোমলাঙ্গো গদাবান্নীলকুন্তলঃ ।
পূতনাপ্রাণসংহর্তা তৃণাবর্তবিনাশনঃ ॥ ৫৬ ॥
গর্গারোপিতনামাঙ্কো বাসুদেবো হ্যাধোক্ষজঃ ।
গোপিকাস্তন্যপায়ী চ বলভদ্রানুজোঽচ্যুতঃ ॥ ৫৭ ॥
বৈয়াঘ্রনখভূষশ্চ বত্সজিদ্বত্সবর্ধনঃ ।
ক্ষীরসারাশনরতো দধিভাণ্ডপ্রমর্দনঃ ॥ ৫৮ ॥
নবনীতাপহর্তা চ নীলনীরদভাসুরঃ ।
অভীরদৃষ্টদৌর্জন্যো নীলপদ্মনিভাননঃ ॥ ৫৯ ॥
মাতৃদর্শিতবিশ্বাস্যঃ উলূখলনিবন্ধনঃ ।
নলকূবরশাপান্তো গোধূলিচ্ছুরিতাঙ্গকঃ ॥ ৬০ ॥
গোসঙ্ঘরক্ষকঃ শ্রীশো বৃন্দারণ্যনিবাসকঃ ।
বত্সান্তকো বকদ্বেষী দৈত্যাম্বুদমহানিলঃ ॥ ৬১ ॥
মহাজগরচণ্ডাগ্নিঃ শকটপ্রাণকণ্টকঃ ।
ইন্দ্রসেব্যঃ পুণ্যগাত্রঃ খরজিঞ্বণ্ডদীধিতিঃ ॥ ৬২ ॥
তালপক্বফলাশী চ কাল়ীয়ফণিদর্পহা ।
নাগপত্নীস্তুতিপ্রীতঃ প্রলম্বাসুরখণ্ডনঃ ॥ ৬৩ ॥
দাবাগ্নিবলসংহারী ফলহারী গদাগ্রজঃ ।
গোপাঙ্গনাচেলচোরঃ পাথোলীলাবিশারদঃ ॥ ৬৪ ॥
বংশীগানপ্রবীণশ্চ গোপীহস্তাম্বুজার্চিতঃ ।
মুনিপত্ন্যাহৃতাহারো মুনিশ্রেষ্ঠো মুনিপ্রিয়ঃ ॥ ৬৫ ॥
গোবর্দ্ধনাদ্রিসন্ধর্তা সঙ্ক্রন্দনতমোঽপহঃ ।
সদুদ্যানবিলাসী চ রাসক্রীডাপরায়ণঃ ॥ ৬৬ ॥
বরুণাভ্যর্চিতো গোপীপ্রার্থিতঃ পুরুষোত্তমঃ ।
অক্রূরস্তুতিসম্প্রীতঃ কুব্জায়ৌবনদায়কঃ ॥ ৬৭ ॥
মুষ্টিকোরঃপ্রহারী চ চাণূরোদরদারণঃ ।
মল্লয়ুদ্ধাগ্রগণ্যশ্চ পিতৃবন্ধনমোচকঃ ॥ ৬৮ ॥
মত্তমাতঙ্গপঞ্চাস্যঃ কংসগ্রীবানিকৃন্তনঃ ।
উগ্রসেনপ্রতিষ্টাতা রত্নসিংহাসনস্থিতঃ ॥ ৬৯ ॥
কালনেমিখলদ্বেষী মুচুকুন্দবরপ্রদঃ ।
সাল্বসেবিতদুর্ধর্ষরাজস্ময়নিবারণঃ ॥ ৭০ ॥
রুক্মগর্বাপহারী চ রুক্মিণীনয়নোত্সবঃ ।
প্রদ্যুম্নজনকঃ কামী প্রদ্যুম্নো দ্বারকাধিপঃ ॥ ৭১ ॥
মণ্যাহর্তা মহামায়ো জাম্ববত্কৃতসঙ্গরঃ ।
জাম্বূনদাম্বরধরো গম্যো জাম্ববতীবিভুঃ ॥ ৭২ ॥
কালিন্দীপ্রথিতারামকেলির্গুঞ্জাবতংসকঃ ।
মন্দারসুমনোভাস্বান্ শচীশাভীষ্টদায়কঃ ॥ ৭৩ ॥
সত্রাজিন্মানসোল্লাসী সত্যাজানিঃ শুভাবহঃ ।
শতধন্বহরঃ সিদ্ধঃ পাণ্ডবপ্রিয়কোত্সবঃ ॥ ৭৪ ॥
ভদ্রপ্রিয়ঃ সুভদ্রায়া ভ্রাতা নাগ্নাজিতীবিভুঃ ।
কিরীটকুণ্ডলধরঃ কল্পপল্লবলালিতঃ ॥ ৭৫ ॥
ভৈষ্মীপ্রণয়ভাষাবান্ মিত্রবিন্দাধিপোঽভয়ঃ ।
স্বমূর্তিকেলিসম্প্রীতো লক্ষ্মণোদারমানসঃ ॥ ৭৬ ॥
প্রাগ্জ্যোতিষাধিপধ্বংসী তত্সৈন্যান্তকরোঽমৃতঃ ।
ভূমিস্তুতো ভূরিভোগো ভূষণাম্বরসংয়ুতঃ ॥ ৭৭ ॥
বহুরামাকৃতাহ্লাদো গন্ধমাল্যানুলেপনঃ ।
নারদাদৃষ্টচরিতো দেবেশো বিশ্বরাড্ গুরুঃ ॥ ৭৮ ॥
বাণবাহুবিদারশ্চ তাপজ্বরবিনাশকঃ ।
উষোদ্ধর্ষয়িতাঽব্যক্তঃ শিববাক্তুষ্টমানসঃ ॥ ৭৯ ॥
মহেশজ্বরসংস্তুত্যঃ শীতজ্বরভয়ান্তকঃ ।
নৃগরাজোদ্ধারকশ্চ পৌণ্ড্রকাদিবধোদ্যতঃ ॥ ৮০ ॥
বিবিধারিচ্ছলোদ্বিগ্নব্রাহ্মণেষু দয়াপরঃ ।
জরাসন্ধবলদ্বেষী কেশিদৈত্যভয়ঙ্করঃ ॥ ৮১ ॥
চক্রী চৈদ্যান্তকঃ সভ্যো রাজবন্ধবিমোচকঃ ।
রাজসূয়হবির্ভোক্তা স্নিগ্ধাঙ্গঃ শুভলক্ষণঃ ॥ ৮২ ॥
ধানাভক্ষণসম্প্রীতঃ কুচেলাভীষ্টদায়কঃ ।
সত্ত্বাদিগুণগম্ভীরো দ্রৌপদীমানরক্ষকঃ ॥ ৮৩ ॥
ভীষ্মধ্যেয়ো ভক্তবশ্যো ভীমপূজ্যো দয়ানিধিঃ ।
দন্তবক্ত্রশিরশ্ছেত্তা কৃষ্ণঃ কৃষ্ণাসখঃ স্বরাট্ ॥ ৮৪ ॥
বৈজয়ন্তীপ্রমোদী চ বর্হিবর্হবিভূষণঃ ।
পার্থকৌরবসন্ধানকারী দুঃশাসনান্তকঃ ॥ ৮৫ ॥
বুদ্দো বিশুদ্ধঃ সর্বজ্ঞঃ ক্রতুহিংসাবিনিন্দকঃ ।
ত্রিপুরস্ত্রীমানভঙ্গঃ সর্বশাস্ত্রবিশারদঃ ॥ ৮৬ ॥
নির্বিকারো নির্মমশ্চ নিরাভাসো নিরাময়ঃ ।
জগন্মোহকধর্মী চ দিগ্বস্ত্রো দিক্পতীশ্বরঃ ॥ ৮৭ ॥
কল্কী ম্লেচ্ছপ্রহর্তা চ দুষ্টনিগ্রহকারকঃ ।
ধর্মপ্রতিষ্টাকারী চ চাতুর্বর্ণ্যবিভাগকৃত্ ॥ ৮৮ ॥
য়ুগান্তকো য়ুগাক্রান্তো য়ুগকৃদ্যুগভাসকঃ ।
কামারিঃ কামকারী চ নিষ্কামঃ কামিতার্থদঃ ॥ ৮৯ ॥
ভর্গো বরেণ্যং সবিতুঃ শার্ঙ্গী বৈকুণ্ঠমন্দিরঃ ।
হয়গ্রীবঃ কৈটভারিঃ গ্রাহঘ্নো গজরক্ষকঃ ॥ ৯০ ॥
সর্বসংশয়বিচ্ছেত্তা সর্বভক্তসমুত্সুকঃ ।
কপর্দী কামহারী চ কলা কাষ্টা স্মৃতির্ধৃতিঃ ॥ ৯১ ॥
অনাদিরপ্রমেয়ৌজ্ঞাঃ প্রধানঃ সন্নিরূপকঃ ।
নির্লোপো নিঃস্পৃহোঽসঙ্গো নির্ভয়ো নীতিপারগঃ ॥ ৯২ ॥
নিষ্পেষ্যো নিষ্ক্রিয়ঃ শান্তো নিষ্প্রপঞ্চো নিধির্নয়ঃ
কর্ম্যকর্মী বিকর্মী চ কর্মেপ্সুঃ কর্মভাবনঃ ॥ ৯৩ ॥
কর্মাঙ্গঃ কর্মবিন্যাসো মহাকর্মী মহাব্রতী ।
কর্মভুক্কর্মফলদঃ কর্মেশঃ কর্মনিগ্রহঃ ॥ ৯৪ ॥
নরো নারায়ণো দান্তঃ কপিলঃ কামদঃ শুচিঃ ।
তপ্তা জপ্তাঽক্ষমালাবান্ গন্তা নেতা লয়ো গতিঃ ॥ ৯৫ ॥
শিষ্টো দ্রষ্টা রিপুদ্বেষ্টা রোষ্টা বেষ্টা মহানটঃ ।
রোদ্ধা বোদ্ধা মহায়োদ্ধা শ্রদ্ধাবান্ সত্যধীঃ শুভঃ ॥ ৯৬ ॥
মন্ত্রী মন্ত্রো মন্ত্রগম্যো মন্ত্রকৃত্ পরমন্ত্রহৃত্ ।
মন্ত্রভৃন্মন্ত্রফলদো মন্ত্রেশো মন্ত্রবিগ্রহঃ ॥ ৯৭ ॥
মন্ত্রাঙ্গো মন্ত্রবিন্যাসো মহামন্ত্রো মহাক্রমঃ ।
স্থিরধীঃ স্থিরবিজ্ঞানঃ স্থিরপ্রজ্ঞঃ স্থিরাসনঃ ॥ ৯৮ ॥
স্থিরয়োগঃ স্থিরাধারঃ স্থিরমার্গঃ স্থিরাগমঃ।
নিশ্শ্রেয়সো নিরীহোঽগ্নির্নিরবদ্যো নিরঞ্জনঃ ॥ ৯৯ ॥
নির্বৈরো নিরহঙ্কারো নির্দম্ভো নিরসূয়কঃ ।
অনন্তোঽনন্তবাহূরুরনন্তাঙ্ঘ্রিরনন্তদৃক্ ॥ ১০০ ॥
অনন্তবক্ত্রোঽনন্তাঙ্গোঽনন্তরূপো হ্যনন্তকৃত্ ।
ঊর্ধ্বরেতা ঊর্ধ্বলিঙ্গো হ্যূর্ধ্বমূর্ধ্বোর্ধ্বশাখকঃ ॥ ১০১ ॥
ঊর্ধ্ব ঊর্ধ্বাধ্বরক্ষী চ হ্যূর্ধ্বজ্বালো নিরাকুলঃ ।
বীজং বীজপ্রদো নিত্যো নিদানং নিষ্কৃতিঃ কৃতী ॥ ১০২ ॥
মহানণীয়ন্ গরিমা সুষমা চিত্রমালিকঃ ।
নভস্স্পৃঙ্নভসো জ্যোতির্নভস্বান্নির্নভা নভঃ ॥ ১০৩ ॥
অভুর্বিভুঃ প্রভুঃ শম্ভুর্মহীয়ান ভূর্ভুবাকৃতিঃ ।
মহানন্দো মহাশূরো মহোরাশির্মহোত্সবঃ ॥ ১০৪ ॥
মহাক্রোধো মহাজ্বালো মহাশান্তো মহাগুণঃ ।
সত্যব্রতঃ সত্যপরঃ সত্যসন্ধঃ সতাংগতিঃ ॥ ১০৫ ॥
সত্যেশঃ সত্যসঙ্কল্পঃ সত্যচারিত্রলক্ষণঃ ।
অন্তশ্চরো হ্যন্তরাত্মা পরমাত্মা চিদাত্মকঃ ॥ ১০৬ ॥
রোচনো রোচমানশ্চ সাক্ষী শৌরির্জনার্দনঃ ।
মুকুন্দো নন্দনিষ্পন্দঃ স্বর্ণবিন্দুঃ পুরন্দরঃ ॥ ১০৭ ॥
অরিন্দমঃ সুমন্দশ্চ কুন্দমন্দারহাসবান্ ।
স্যন্দনারূঢচণ্ডাঙ্গো হ্যানন্দী নন্দনন্দনঃ ॥ ১০৮ ॥
অনসূয়ানন্দনোঽত্রিনেত্রানন্দঃ সুনন্দবান্ ।
শঙ্খবান্পঙ্কজকরঃ কুঙ্কুমাঙ্কো জয়াঙ্কুশঃ ॥ ১০৯ ॥
অম্ভোজমকরন্দাঢ্যো নিষ্পঙ্কোঽগরুপঙ্কিলঃ ।
ইন্দ্রশ্চন্দ্ররথশ্চন্দ্রোঽতিচন্দ্রশ্চন্দ্রভাসকঃ ॥ ১১০ ॥
উপেন্দ্র ইন্দ্ররাজশ্চ বাগিন্দ্রশ্চন্দ্রলোচন ।
প্রত্যক্ পরাক্ পরংধাম পরমার্থঃ পরাত্পরঃ ॥ ১১১ ॥
অপারবাক্ পারগামী পারাবারঃ পরাবরঃ ।
সহস্বানর্থদাতা চ সহনঃ সাহসী জয়ী ॥ ১১২ ॥
তেজস্বী বায়ুবিশিখী তপস্বী তাপসোত্তমঃ ।
ঐশ্বর্যোদ্ভূতিকৃদ্ভূতিরৈশ্বর্যাঙ্গকলাপবান্ ॥ ১১৩ ॥
অম্ভোধিশায়ী ভগবান্ সর্বজ্ঞস্সামপারগঃ ।
মহায়োগী মহাধীরো মহাভোগী মহাপ্রভুঃ ॥ ১১৪ ॥
মহাবীরো মহাতুষ্টির্মহাপুষ্টির্মহাগুণঃ ।
মহাদেবো মহাবাহুর্মহাধর্মো মহেশ্বরঃ ॥ ১১৫ ॥
সমীপগো দূরগামী স্বর্গমার্গনিরর্গলঃ ।
নগো নগধরো নাগো নাগেশো নাগপালকঃ ॥ ১১৬ ॥
হিরণ্ময়ঃ স্বর্ণরেতা হিরণ্যার্চির্হিরণ্যদঃ ।
গুণগণ্যঃ শরণ্যশ্চ পুণ্যকীর্তিঃ পুরাণগঃ ॥ ১১৭ ॥
জন্মভৃজ্জন্যসন্নদ্ধো দিব্যপঞ্চায়ুধো বশী ।
দৌর্জন্যভঙ্গঃ পর্জন্যঃ সৌজন্যনিলয়োঽলয়ঃ ॥ ১১৮ ॥
জলন্ধরান্তকো ভস্মদৈত্যনাশী মহামনাঃ ।
শ্রেষ্টশ্শ্রবিষ্ঠো দ্রাঘিষ্ঠো গরিষ্ঠো গরুডধ্বজঃ ॥ ১১৯ ॥
জ্যেষ্ঠো দ্রঢিষ্ঠো বর্ষিষ্ঠো দ্রাঘিয়ান্ প্রণবঃ ফণী ।
সম্প্রদায়করঃ স্বামী সুরেশো মাধবো মধুঃ ॥ ১২০ ॥
নির্নিমেষো বিধির্বেধা বলবান্ জীবনং বলী ।
স্মর্তা শ্রোতা বিকর্তা চ ধ্যাতা নেতা সমোঽসমঃ ॥ ১২১ ॥
হোতা পোতা মহাবক্তা রন্ত মন্তা খলান্তকঃ ।
দাতা গ্রাহয়িতা মাতা নিয়ন্তাঽনন্ত বৈভবঃ ॥ ১২২ ॥
গোপ্তা গোপয়িতা হন্তা ধর্মজাগরিতা ধবঃ ।
কর্তা ক্ষেত্রকরঃ ক্ষেত্রপ্রদঃ ক্ষেত্রজ্ঞ আত্মবিত্ ॥ ১২৩ ॥
ক্ষেত্রী ক্ষেত্রহরঃ ক্ষেত্রপ্রিয়ঃ ক্ষেমকরো মরুত্ ।
ভক্তিপ্রদো মুক্তিদায়ী শক্তিদো য়ুক্তিদায়কঃ ॥ ১২৪ ॥
শক্তিয়ুঙ্জৌক্তিকস্রগ্বী সূক্তিরাম্নায়সূক্তিগঃ ।
ধনঞ্জয়ো ধনাধ্যক্ষো ধনিকো ধনদাধিপঃ ॥ ১২৫ ॥
মহাধনো মহামানী দুর্যোধনবিমানিতঃ ।
রত্নাকরো রত্নরোচী রত্নগর্ভাশ্রয়ঃ শুচিঃ ॥ ১২৬ ॥
রত্নসানুনিধির্মৌল়িরত্নাভা রত্নকঙ্কণঃ ।
অন্তর্লক্ষ্যোঽন্তরম্যাসী চান্তর্ধ্যেয়ো জিতাসনঃ ॥ ১২৭ ॥
অন্তরঙ্গো দয়াবাংশ্চ হ্যাংতর্মায়ো মহার্ণবঃ ।
সরসসিদ্ধরসিকঃ সিদ্ধিঃ সাধ্যঃ সদাগতিঃ ॥ ১২৮ ॥
আয়ুঃপ্রদো মহায়ুষ্মানর্চিষ্মানোষধীপতিঃ ।
অষ্টশ্রীরষ্টভাগোঽষ্টককুব্ব্যাপ্তয়শো ত্রতী ॥ ১২৯ ॥
অষ্টাপদঃ সুবর্ণাভো হ্যষ্টমূর্তিস্ত্রিমূর্তিমান্ ।
অস্বপ্নঃ স্বপ্নগঃ স্বপ্নঃ সুস্বপ্নফলদায়কঃ ॥ ১৩০ ॥
দুঃস্বপ্নধ্বংসকো ধ্বস্তদুর্নিমিত্তঃ শিবঙ্করঃ ।
সুবর্ণবর্ণস্সম্ভাব্যো বর্ণিতো বর্ণসম্মুখঃ ॥ ১৩১ ॥
সুবর্ণমুখরীতীরশিবধ্যাতপদাম্বুজঃ ।
দাক্ষায়ণীবচস্তুষ্টো দূর্বাসোদৃষ্টিগোচরঃ ॥ ১৩২ ॥
অম্বরীষব্রতপ্রীতো মহাকৃত্তিবিভঞ্জনঃ ।
মহাভিচারকধ্বংসী কালসর্পভয়ান্তকঃ ॥ ১৩৩ ॥
সুদর্শনঃ কালমেঘশ্যামশ্শ্রীমন্ত্রভাবিতঃ ।
হেমাম্বুজসরঃস্নায়ী শ্রীমনোভাবিতাকৃতিঃ ॥ ১৩৪ ॥
শ্রীপ্রদতাম্বুজস্রগ্বী শ্রীকেলিঃ শ্রীনিধির্ভবঃ ।
শ্রীপ্রদো বামনো লক্ষ্মীনায়কশ্চ চতুর্ভুজঃ ॥ ১৩৫ ॥
সংতৃপ্তস্তর্পিতস্তীর্থস্নাতৃসৌখ্যপ্রদর্শকঃ ।
অগস্ত্যস্তুতিসংহৃষ্টো দর্শিতাব্যক্তভাবনঃ ॥ ১৩৬ ॥
কপিলার্চিঃ কপিলবান্ সুস্নাতাঘবিপাটনঃ ।
বৃষাকপিঃ কপিস্বামিমনোঽন্তঃস্থিতবিগ্রহঃ ॥ ১৩৭ ॥
বহ্নিপ্রিয়োঽর্থসংভাব্যো জনলোকবিধায়কঃ ।
বহ্নিপ্রভো বহ্নিতেজাঃ শুভাভীষ্টপ্রদো য়মী ॥ ১৩৮ ॥
বারুণক্ষেত্রনিলয়ো বরুণো বারণার্চিতঃ ।
বায়ুস্থানকৃতাবাসো বায়ুগো বায়ুসংভৃতঃ ॥ ১৩৯ ॥
য়মান্তকোঽভিজননো য়মলোকনিবারণঃ ।
য়মিনামগ্রগণ্যশ্চ সংয়মী য়মভাবিতঃ ॥ ১৪০ ॥
ইন্দ্রোদ্যানসমীপস্থ ইন্দ্রদৃগ্বিষয়ঃ প্রভুঃ ।
য়ক্ষরাট্ সরসীবাসো হ্যক্ষয়্যনিধিকোশকৃত্ ॥ ১৪১ ॥
স্বামিতীর্থকৃতাবাসঃ স্বামিধ্যেয়ো হ্যধোক্ষজঃ ।
বরাহাদ্যষ্টতীর্থাভিসেবিতাঙ্ঘ্রিসরোরুহঃ ॥ ১৪২ ॥
পাণ্ডুতীর্থভিষিক্তাঙ্গো য়ুধিষ্ঠিরবরপ্রদঃ ।
ভীমান্তঃকরণারূঢঃ শ্বেতবাহনসখ্যবান্ ॥ ১৪৩ ॥
নকুলাভয়দো মাদ্রীসহদেবাভিবন্দিতঃ ।
কৃষ্ণাশপথসন্ধাতা কুন্তীস্তুতিরতো দমী ॥ ১৪৪ ॥
নারদাদিমুনিস্তুত্যো নিত্যকর্মপরায়ণঃ ।
দর্শিতাব্যক্তরূপশ্চ বীণানাদপ্রমোদিতঃ ॥ ১৪৫ ॥
ষট্কোটিতীর্থচর্যাবান্ দেবতীর্থকৃতাশ্রমঃ ।
বিল্বামলজলস্নায়ী সরস্বত্যম্বুসেবিতঃ ॥ ১৪৬ ॥
তুম্বুরূদক সংস্পর্শজনচিত্ততমোঽপহঃ ।
মত্স্যবামনকূর্মাদিতীর্থরাজঃ পুরাণভৃত্ ॥ ১৪৭ ॥
চক্রধ্যেয়পদাম্ভোজঃ শঙ্খপূজিতপাদুকঃ ।
রামতীর্থবিহারী চ বলভদ্রপ্রতিষ্টিতঃ ॥ ১৪৮ ॥
জামদগ্ন্যসরস্তীর্থজলসেচনতর্পিতঃ ।
পাপাপহারিকীলালসুস্নাতাঘবিনাশনঃ ॥ ১৪৯ ॥
নভোগঙ্গাভিষিক্তশ্চ নাগতীর্থাভিষেকবান্ ।
কুমারধারাতীর্থস্থো বটুবেষঃ সুমেখলঃ ॥ ১৫০ ॥
বৃদ্ধস্য সুকুমারত্বপ্রদঃ সৌন্দর্যবান্ সুখী ।
প্রিয়ংবদো মহাকুক্ষিরিক্ষ্বাকুকুলনন্দনঃ ॥ ১৫১ ॥
নীলগোক্ষীরধারাভূর্বরাহাচলনায়কঃ ।
ভরদ্বাজপ্রতিষ্ঠাবান্ বৃহস্পতিবিভাবিতঃ ॥ ১৫২ ॥
অঞ্জনাকৃতপূজাবান্ আঞ্জনেয়করার্চিতঃ ।
অঞ্জনাদ্রিনিবাসশ্চ মুঞ্জকেশঃ পুরন্দরঃ ॥ ১৫৩ ॥
কিন্নরদ্বয়সম্বন্ধিবন্ধমোক্ষপ্রদায়কঃ ।
বৈখানসমখারম্ভো বৃষজ্ঞেয়ো বৃষাচলঃ ॥ ১৫৪ ॥
বৃষকায়প্রভেত্তা চ ক্রীডনাচারসংভ্রমঃ ।
সৌবর্চলেয়বিন্যস্তরাজ্যো নারায়ণ প্রিয়ঃ ॥ ১৫৫ ॥
দুর্মেধোভঞ্জকঃ প্রাজ্ঞো ব্রহ্মোত্সবমহোত্সুকঃ ।
ভদ্রাসুরশিরশ্চেতা ভদ্রক্ষেত্রী সুভদ্রবান্ ॥ ১৫৬ ॥
মৃগয়াঽক্ষীণসন্নাহঃ শঙ্খরাজন্যতুষ্টিদঃ ।
স্থাণুস্থো বৈনতেয়াঙ্গভাবিতো হ্যশরীরবান্ ॥ ১৫৭ ॥
ভোগীন্দ্রভোগসংস্থানো ব্রহ্মাদিগণসেবিতঃ ।
সহস্রার্কচ্ছটাভাস্বদ্যিমানন্তঃস্থিতো গুণী ॥ ১৫৮ ॥
বিষ্বক্সেনকৃতস্তোত্রঃ সনন্দনবরীবৃতাঃ ।
জাহ্নব্যাদিনদীসেব্যঃ সুরেশাদ্যভিবন্দিতঃ ॥ ১৫৯ ॥
সুরাঙ্গনানৃত্যপরো গন্ধর্বোদ্গায়নপ্রিয়ঃ ।
রাকেন্দুসঙ্কাশনখঃ কোমলাঙ্ঘ্রসরোরুহঃ ॥ ১৬০ ॥
কচ্ছপপ্রপদঃ কুন্দগুল্পকঃ স্বচ্ছকূর্পরঃ ।
মেদুরস্বর্ণবস্ত্রাঢ্যকটিদেশস্থমেখলঃ ॥ ১৬১ ॥
প্রোল্লসচ্ছুরিকাভাস্বত্কটিদেশঃ শুভঙ্করঃ ।
অনন্তপদ্মজস্থাননাভির্মৌক্তিকমালিকঃ ॥ ১৬২ ॥
মন্দারচাম্পেয়মালী রত্নাভরণসংভৃতঃ ।
লম্বয়জ্ঞোপবীতী চ চন্দ্রশ্রীখণ্ডলেপবান্ ॥ ১৬৩ ॥
বরদোঽভয়দশ্চক্রী শঙ্খী কৌস্তুভদীপ্তিমান্ ।
শ্রীবত্সাঙ্কিতবক্ষস্কো লক্ষ্মীসংশ্রিতহৃত্তটঃ ॥ ১৬৪ ॥
নীলোত্পল নিভাকারঃ শোণাম্ভোজসমাননঃ ।
কোটীমন্মথলাবণ্যচন্দ্রিকাস্মিতপূরিতঃ ॥ ১৬৫ ॥
সুধাস্বচ্ছোর্ধ্বপুণ্ড্রশ্চ কস্তূরীতিলকাঞ্চিতঃ ।
পুণ্ডরীকেক্ষণঃ স্বচ্ছো মৌলিশোভাবিরাজিতঃ ॥ ১৬৬ ॥
পদ্মস্থঃ পদ্মনাভশ্চ সোমমণ্ডলগো বুধঃ ।
বহ্নিমংডলগঃ সূর্যঃ সূর্যমণ্ডলসংস্থিতঃ ॥ ১৬৭ ॥
শ্রীপতির্ভূমিজানিশ্চ বিমলাদ্যভিসংবৃতঃ ।
জগত্কুটুম্বজনিতা রক্ষকঃ কামিতপ্রদঃ ॥ ১৬৮ ॥
অবস্থাত্রয়য়ন্তা চ বিশ্বতেজস্স্বরূপবান্ ।
জ্ঞপ্তির্জ্ঞেয়ো জ্ঞানগম্যো জ্ঞানাতীতঃ সুরাতিগঃ ॥ ১৬৯ ॥
ব্রহ্মাণ্ডান্তর্বহির্ব্যাপ্তো বেঙ্কটাদ্রিগদাধরঃ ।
বেঙ্কটাদ্রিগদাধর ওঁ নমঃ ইতি ॥
এবং শ্রীবেঙ্কটেশস্য কীর্তিতং পরমাদ্ভুতম্ ॥ ১৭০ ॥
নাম্নাং সহস্রং সংশ্রাব্যং পবিত্রং পুণ্যবর্দ্ধনম্ ।
শ্রবণাত্সর্বদোষঘ্নং রোগঘ্নং মৃত্যুনাশনম্ ॥ ১৭১ ॥
দারিদ্র্যভেদনং ধর্ম্যং সর্বৈশ্বর্যফলপ্রদম্ ।
কালাহিবিষবিচ্ছেদিজ্বরাপস্মারভঞ্জনম্ ॥ ১৭২ ॥
শত্রুক্ষয়করং রাজগ্রহপীডানিবারণম্ ।
ব্রহ্মরাক্ষসকূষ্মাংডভেতালভয়ভংজনম্ ॥ ১৭৩ ॥
বিদ্যাভিলাষী বিদ্যাবান্ ধনার্থী ধনবান্ ভবেত্ ।
অনন্তকল্পজীবী স্যাদায়ুষ্কামো মহায়শাঃ ॥ ১৭৪ ॥
পুত্রার্থী সুগুণান্পুত্রান্ লভেতাঽঽয়ুষ্মতস্তনঃ ।
সঙ্গ্রামে শত্রুবিজয়ী সভায়াং প্রতিবাদিজিত্ ॥ ১৭৫ ॥
দিব্যৈর্নামভিরেভিস্তু তুলসীপূজনাত্সকৃত্ ।
বৈকুণ্ঠবাসী ভগবত্সদৃশো বিষ্ণুসন্নিধৌ ॥ ১৭৬ ॥
কহ্লারপূজনান্মাসাত্ দ্বিতীয় ইব য়ক্ষরাট্ ।
নীলোত্পলার্চনাত্সর্বরাজপূজ্যঃ সদা ভবেত্ ॥ ১৭৭ ॥
হৃত্সংস্থিতৈর্নামভিস্তু ভূয়াদ্দৃগ্বিষয়ো হরিঃ ।
বাঞ্ছিতার্থ তদা দত্বা বৈকুণ্ঠং চ প্রয়চ্ছতি ॥ ১৭৮ ॥
ত্রিসন্ধ্যং য়ো জপেন্নিত্যং সংপূজ্য বিধিনা বিভুম্ ।
ত্রিবারং পঞ্চবারং বা প্রত্যহং ক্রমশো য়মী ॥ ১৭৯ ॥
মাসাদলক্ষ্মীনাশঃ স্যাত্ দ্বিমাসাত্ স্যান্নরেন্দ্রতা ।
ত্রিমাসান্মহদৈশ্বর্যং ততস্সংভাষণং ভবেত্ ॥ ১৮০ ॥
মাসং পঠন্ন্যূনকর্মমূর্তিং চ সমবাপ্নুয়াত্ ।
মার্গভ্রষ্টশ্চ সন্মার্গং গতস্বঃ স্বং স্বকীয়কম্ ॥ ১৮১ ॥
চাঞ্চল্যচিত্তোঽচাঞ্চল্যং মনস্স্বাস্থ্যং চ গচ্ছতি ।
আয়ুরারোগ্যমৈশ্বর্যং জ্ঞানং মোক্ষং চ বিন্দতি ॥ ১৮২ ॥
সর্বান্কামানবাপ্নোতি শাশ্বতং চ পদং তথা ।
সত্যং সত্যং পুনস্সত্যং সত্যং সত্যং ন সংশয়ঃ ॥ ১৮৩ ॥
শ্রী ব্রহ্মাণ্ডপুরাণে বসিষ্ঠনারদসংবাদে শ্রীবেঙ্কটাচলমাহাত্ম্যে
শ্রী বেঙ্কটেশ সহস্রনাম স্তোত্রাধ্যায়ঃ সমাপ্তঃ ॥
Sri Balaji, Malayappa Swami, Tirupati Thimmappa Stotram