॥ Venkatesha Sahasranamastotram Odia Lyrics ॥
॥ ଶ୍ରୀଵେଙ୍କଟେଶସହସ୍ରନାମସ୍ତୋତ୍ରମ୍ ॥
ଶ୍ରୀଵସିଷ୍ଠ ଉଵାଚ-
ଭଗଵନ୍ କେନ ଵିଧିନା ନାମଭିର୍ଵେଙ୍କଟେଶ୍ଵରମ୍ ।
ପୂଜୟାମାସ ତଂ ଦେଵଂ ବ୍ରହ୍ମା ତୁ କମଲୈଃ ଶୁଭୈଃ ॥ ୧ ॥
ପୃଚ୍ଛାମି ତାନି ନାମାନି ଗୁଣ ୟୋଗପରାଣି କିମ୍ ।
ମୁଖ୍ୟଵୃତ୍ତୀନି କିଂ ବ୍ରୂହି ଲକ୍ଷକାଣ୍ୟଥଵା ହରେଃ ॥ ୨ ॥
ନାରଦ ଉଵାଚ –
ନାମାନ୍ୟନନ୍ତାନି ହରେଃ ଗୁଣୟୋଗାନି କାନି ଚିତ୍ ।
ମୁଖ୍ୟ ଵୃତ୍ତୀନି ଚାନ୍ୟାନି ଲକ୍ଷକାଣ୍ୟପରାଣି ଚ ॥ ୩ ॥
ପରମାର୍ଥୈଃ ସର୍ଵଶବ୍ଦୈରେକୋ ଜ୍ଞେୟଃ ପରଃ ପୁମାନ୍ ।
ଆଦିମଧ୍ୟାନ୍ତରହିତଃ ତ୍ଵଵ୍ୟକ୍ତୋଽନନ୍ତରୂପଭୃତ୍ ॥ ୪ ॥
ଚନ୍ଦ୍ରାର୍କ ଵହ୍ନିଵାୟ୍ଵାଦ୍ୟା ଗ୍ରହର୍କ୍ଷାଣି ନଭୋ ଦିଶଃ ।
ଅନ୍ଵୟଵ୍ୟତିରେକାଭ୍ୟାଂ ସନ୍ତି ନୋ ସନ୍ତି ୟନ୍ମତେଃ ॥ ୫ ॥
ତସ୍ୟ ଦେଵସ୍ୟ ନାମ୍ନାଂ ହି ପାରଂ ଗନ୍ତୁଂ ହି କଃ କ୍ଷମଃ ।
ତଥାଽପି ଚାଭିଧାନାନି ଵେଙ୍କଟେଶସ୍ୟ କାନିଚିତ୍ ॥ ୬ ॥
ବ୍ରହ୍ମଗୀତାନି ପୁଣ୍ୟାନି ତାନି ଵକ୍ଷ୍ୟାମି ସୁଵ୍ରତ ।
ୟଦୁଚ୍ଚାରଣମାତ୍ରେଣ ଵିମୁକ୍ତାଘଃ ପରଂ ଵ୍ରଜେତ୍ ॥ ୭ ॥
ଵେଙ୍କଟେଶସ୍ୟ ନାମ୍ନାଂ ହି ସହସ୍ରସ୍ୟ ଋଷିର୍ଵିଧିଃ ।
ଛନ୍ଦୋଽନୁଷ୍ଠୁପ୍ ତଥା ଦେଵଃ ଶ୍ରୀଵତ୍ସାଙ୍କୋ ରମାପତିଃ ॥ ୮ ॥
ବୀଜଭୂତସ୍ତଥୋଂକାରୋ ହ୍ରୀଂ କ୍ଲୀଂ ଶକ୍ତିଶ୍ଚ କୀଲକମ୍ ।
ଓଂ ନମୋ ଵେଙ୍କଟେଶାୟେତ୍ୟାଦିର୍ମନ୍ତ୍ରୋଽତ୍ର କଥ୍ୟତେ ॥ ୯ ॥
ବ୍ରହ୍ମାଣ୍ଡଗର୍ଭଃ କଵଚମସ୍ତ୍ରଂ ଚକ୍ରଗଦାଧରଃ ।
ଵିନିୟୋଗୋଽଭୀଷ୍ଟସିଦ୍ଧୌ ହୃଦୟଂ ସାମଗାୟନଃ ॥
ଧ୍ୟାନଂ –
ଭାସ୍ଵଚ୍ଛଂଦ୍ରମସୌ ୟଦୀୟନୟନେ ଭାର୍ୟା ୟଦୀୟା ରମା
ୟସ୍ମାଦ୍ଵିଶ୍ଵସୃଡପ୍ୟଭୂଦ୍ୟମିକୁଲଂ ୟଦ୍ଧ୍ୟାନୟୁକ୍ତଂ ସଦା
ନାଥୋ ୟୋ ଜଗତାଂ ନଗେନ୍ଦ୍ରଦୁହିତୁର୍ନାଥୋଽପି ୟଦ୍ଭକ୍ତିମାନ୍
ତାତୋ ୟୋ ମଦନସ୍ୟ ୟୋ ଦୁରିତହା ତଂ ଵେଙ୍କଟେଶଂ ଭଜେ ॥
ଊର୍ଧ୍ଵୈ ହସ୍ତୌ ୟଦୀୟୌ ସୁରରିପୁଦଳନେ ବିଭ୍ରତୌ ଶଙ୍ଖଚକ୍ରେ
ସେଵ୍ୟାଵଙ୍ଘ୍ରୀ ସ୍ଵକୀୟାଵଭିଦଧଦଧରୋ ଦକ୍ଷିଣୋ ୟସ୍ୟ ପାଣିଃ ।
ତାଵନ୍ମାତ୍ରଂ ଭଵାବ୍ଧିଂ ଗମୟତି ଭଜତାମୂରୁଗୋ ଵାମପାଣିଃ
ଶ୍ରୀଵତ୍ସାଙ୍କଶ୍ଚ ଲକ୍ଷ୍ମୀର୍ୟଦୁରସି ଲସତସ୍ତଂ ଭଜେ ଵେଙ୍କଟେଶମ୍
ଇତି ଧ୍ୟାୟନ୍ ଵେଙ୍କଟେଶଂ ଶ୍ରୀଵତ୍ସାଙ୍କଂ ରମାପତିମ୍ ।
ଵେଙ୍କଟେଶୋ ଵିରୂପାକ୍ଷ ଇତ୍ୟାରଭ୍ୟ ଜପେତ୍କ୍ରମାତ୍ ॥ ୧୦ ॥
ଵେଙ୍କଟେଶୋ ଵିରୂପାକ୍ଷୋ ଵିଶ୍ଵେଶୋ ଵିଶ୍ଵଭାଵନଃ ।
ଵିଶ୍ଵସୃଙ୍ ଵିଶ୍ଵସଂହର୍ତା ଵିଶ୍ଵପ୍ରାଣୋ ଵିରାଡ୍ଵପୁଃ ॥ ୧୧ ॥
ଶେଷାଦ୍ରିନିଲୟୋଽଶେଷଭକ୍ତଦୁଃଖପ୍ରଣାଶନଃ ।
ଶେଷସ୍ତୁତ୍ୟଃ ଶେଷଶାୟୀ ଵିଶେଷଜ୍ଞୋ ଵିଭୁଃ ସ୍ଵଭୂଃ ॥ ୧୨ ॥
ଵିଷ୍ଣୁର୍ଜିଷ୍ଣୁଶ୍ଚ ଵର୍ଧିଷ୍ଣୁରୁତ୍ସଵିଷ୍ଣୁଃ ସହିଷ୍ଣୁକଃ ।
ଭ୍ରାଜିଷ୍ଣୁଶ୍ଚ ଗ୍ରସିଷ୍ଣୁଶ୍ଚ ଵର୍ତିଷ୍ଣୁଶ୍ଚ ଭରିଷ୍ଣୁକଃ ॥ ୧୩ ॥
କାଲୟନ୍ତା କାଲଗୋପ୍ତା କାଲଃ କାଲାନ୍ତକୋଽଖିଲଃ ।
କାଲଗମ୍ୟଃ କାଲକଣ୍ଠଵନ୍ଦ୍ୟଃ କାଲକଲେଶ୍ଵରଃ ॥ ୧୪ ॥
ଶମ୍ଭୁଃ ସ୍ଵୟମ୍ଭୂରମ୍ଭୋଜନାଭିସ୍ତମ୍ଭିତଵାରିଧିଃ ।
ଅମ୍ଭୋଧିନନ୍ଦିନୀଜାନିଃ ଶୋଣାମ୍ଭୋଜପଦପ୍ରଭଃ ॥ ୧୫ ॥
କମ୍ବୁଗ୍ରୀଵଃ ଶମ୍ବରାରିରୂପଃ ଶମ୍ବରଜେକ୍ଷଣଃ ।
ବିମ୍ବାଧରୋ ବିମ୍ବରୂପୀ ପ୍ରତିବିମ୍ବକ୍ରିୟାତିଗଃ ॥ ୧୬ ॥
ଗୁଣଵାନ୍ ଗୁଣଗମ୍ୟଶ୍ଚ ଗୁଣାତୀତୋ ଗୁଣପ୍ରିୟଃ
ଦୁର୍ଗୁଣଧ୍ଵଂସକୃତ୍ସର୍ଵସୁଗୁଣୋ ଗୁଣଭାସକଃ ॥ ୧୭ ॥
ପରେଶଃ ପରମାତ୍ମା ଚ ପରଞ୍ଜ୍ୟୋତିଃ ପରା ଗତିଃ ।
ପରଂ ପଦଂ ଵିୟଦ୍ଵାସାଃ ପାରମ୍ପର୍ୟଶୁଭପ୍ରଦଃ ॥ ୧୮ ॥
ବ୍ରହ୍ମାଣ୍ଡଗର୍ଭୋ ବ୍ରହ୍ମଣ୍ୟୋ ବ୍ରହ୍ମସୃଢ୍ବ୍ରହ୍ମବୋଧିତଃ ।
ବ୍ରହ୍ମସ୍ତୁତ୍ୟୋ ବ୍ରହ୍ମଵାଦୀ ବ୍ରହ୍ମଚର୍ୟପରାୟଣଃ ॥ ୧୯ ॥
ସତ୍ୟଵ୍ରତାର୍ଥସନ୍ତୁଷ୍ଟସ୍ସତ୍ୟରୂପୀ ଝଷାଙ୍ଗଵାନ୍ ।
ସୋମକପ୍ରାଣହାରୀ ଚାନୀତାମ୍ନାୟୋଽବ୍ଧିସଞ୍ଚରଃ ॥ ୨୦ ॥
ଦେଵାସୁରଵରସ୍ତୁତ୍ୟଃ ପତନ୍ମନ୍ଦରଧାରକଃ ।
ଧନ୍ଵନ୍ତରିଃ କଚ୍ଛପାଙ୍ଗଃ ପୟୋନିଧିଵିମନ୍ଥକଃ ॥ ୨୧ ॥
ଅମରାମୃତସନ୍ଧାତା ଧୃତସମ୍ମୋହିନୀଵପୁଃ ।
ହରମୋହକମାୟାଵୀ ରକ୍ଷଃସନ୍ଦୋହଭଞ୍ଜନଃ ॥ ୨୨ ॥
ହିରଣ୍ୟାକ୍ଷଵିଦାରୀ ଚ ୟଜ୍ଞୋ ୟଜ୍ଞ ଵିଭାଵନଃ ।
ୟଜ୍ଞୀୟୋର୍ଵୀସଗୁଦ୍ଧର୍ତା ଲୀଲାକ୍ରୋଡଃ ପ୍ରତାପଵାନ୍ ॥ ୨୩ ॥
ଦଣ୍ଡକାସୁରଵିଧ୍ଵଂସୀ ଵକ୍ରଦଂଷ୍ଟ୍ର କ୍ଷମାଧରଃ ।
ଗନ୍ଧର୍ଵଶାପହରଣଃ ପୁଣ୍ୟଗନ୍ଧୋ ଵିଚକ୍ଷଣଃ ॥ ୨୪ ॥
କରାଲଵକ୍ତ୍ରଃ ସୋମାର୍କନେତ୍ରଃ ଷଡ୍ଗୁଣଵୈଭଵଃ ।
ଶ୍ଵେତଘୋଣୀ ଘୂର୍ଣିତଭ୍ରୂର୍ଘୁର୍ଘୁରଧ୍ଵନିଵିଭ୍ରମଃ ॥ ୨୫ ॥
ଦ୍ରାଘୀୟାନ୍ ନୀଲକେଶୀ ଚ ଜାଗ୍ରଦମ୍ବୁଜଲୋଚନଃ ।
ଘୃଣାଵାନ୍ ଘୃଣିସମ୍ମୋହୋ ମହାକାଲାଗ୍ନିଦୀଧିତିଃ ॥ ୨୬ ॥
ଜ୍ଵାଲାକରାଲଵଦନୋ ମହୋଲ୍କାକୁଲଵୀକ୍ଷଣଃ ।
ସଟାନିର୍ଭିଣ୍ଣମେଘୌଘୋ ଦଂଷ୍ଟ୍ରାରୁଗ୍ଵ୍ୟାପ୍ତଦିକ୍ତଟଃ ॥ ୨୭ ॥
ଉଚ୍ଛ୍ଵାସାକୃଷ୍ଟଭୂତେଶୋ ନିଃଶ୍ଵାସତ୍ୟକ୍ତଵିଶ୍ଵସୃଟ୍ ।
ଅନ୍ତର୍ଭ୍ରମଜ୍ଜଗଦ୍ଗର୍ଭୋଽନନ୍ତୋ ବ୍ରହ୍ମକପାଲହୃତ୍ ॥ ୨୮ ॥
ଉଗ୍ରୋ ଵୀରୋ ମହାଵିଷ୍ଣୁର୍ଜ୍ଵଲନଃ ସର୍ଵତୋମୁଖଃ ।
ନୃସିଂହୋ ଭୀଷଣୋ ଭଦ୍ରୋ ମୃତ୍ୟୁମୃତ୍ୟୁଃ ସନାତନଃ ॥ ୨୯ ॥
ସଭାସ୍ତମ୍ଭୋଦ୍ଭଵୋ ଭୀମଃ ଶୀରୋମାଲୀ ମହେଶ୍ଵରଃ ।
ଦ୍ଵାଦଶାଦିତ୍ୟଚୂଡାଲଃ କଲ୍ପଧୂମସଟାଚ୍ଛଵିଃ ॥ ୩୦ ॥
ହିରଣ୍ୟକୋରସ୍ଥଲଭିନ୍ନନଖଃ ସିଂହମୁଖୋଽନଘଃ ।
ପ୍ରହ୍ଲାଦଵରଦୋ ଧୀମାନ୍ ଭକ୍ତସଙ୍ଘ ପ୍ରତିଷ୍ଠିତଃ ॥ ୩୧ ॥
ବ୍ରହ୍ମରୁଦ୍ରାଦିସଂସେଵ୍ୟଃ ସିଦ୍ଧସାଧ୍ୟପ୍ରପୂଜିତଃ ।
ଲକ୍ଷ୍ମୀନୃସିଂହୋ ଦେଵେଶୋ ଜ୍ଵାଲାଜିହ୍ଵାନ୍ତ୍ରମାଲିକଃ ॥ ୩୨ ॥
ଖଡ୍ଗୀ ଖେଟୀ ମହେଷ୍ଵାସୀ କପାଲୀ ମୁସଲୀ ହଲୀ ।
ପାଶୀ ଶୂଲୀ ମହାବାହୁର୍ଜ୍ଵରଘ୍ନୋ ରୋଗଲୁଣ୍ଠକଃ ॥ ୩୩ ॥
ମୌଞ୍ଜୀୟୁକ୍ ଛାତ୍ରକୋ ଦଣ୍ଡୀ କୃଷ୍ଣାଜିନଧରୋ ଵଟୁଃ ।
ଅଧୀତଵେଦୋ ଵେଦାନ୍ତୋଦ୍ଧାରକୋ ବ୍ରହ୍ମନୈଷ୍ଠିକଃ ॥ ୩୪ ॥
ଅହୀନଶୟନପ୍ରୀତଃ ଆଦିତେୟୋଽନଘୋ ହରିଃ ।
ସଂଵିତ୍ପ୍ରିୟସ୍ସାମଵେଦ୍ୟୋ ବଲିଵେଶ୍ମପ୍ରତିଷ୍ଠିତଃ ॥ ୩୫ ॥
ବଲିକ୍ଷାଲିତପାଦାବ୍ଜୋ ଵିନ୍ଦ୍ୟାଵଲିଵିମାନିତଃ ।
ତ୍ରିପାଦଭୂମିସ୍ଵୀକର୍ତା ଵିଶ୍ଵରୂପପ୍ରଦର୍ଶକଃ ॥ ୩୬ ॥
ଧୃତତ୍ରିଵିକ୍ରମଃ ସାଙ୍ଘ୍ରିନଖଭିନ୍ନାଣ୍ଡଖର୍ପରଃ ।
ପଜ୍ଜାତଵାହିନୀଧାରାପଵିତ୍ରିତଜଗତ୍ତ୍ରୟଃ ॥ ୩୭ ॥
ଵିଧିସମ୍ମାନିତଃ ପୁଣ୍ୟୋ ଦୈତ୍ୟୟୋଦ୍ଧା ଜୟୋର୍ଜିତଃ ।
ସୁରରାଜ୍ୟପ୍ରଦଃ ଶୁକ୍ରମଦହୃତ୍ ସୁଗତୀଶ୍ଵରଃ ॥ ୩୮ ॥
ଜାମଦଗ୍ନ୍ୟଃ କୁଠାରୀ ଚ କାର୍ତଵୀର୍ୟଵିଦାରଣଃ ।
ରେଣୁକାୟାଶ୍ଶିରୋହାରୀ ଦୁଷ୍ଟକ୍ଷତ୍ରିୟମର୍ଦନଃ ॥ ୩୯ ॥
ଵର୍ଚସ୍ଵୀ ଦାନଶୀଲଶ୍ଚ ଧନୁଷ୍ମାନ୍ ବ୍ରହ୍ମଵିତ୍ତମଃ ।
ଅତ୍ୟୁଦଗ୍ରଃ ସମଗ୍ରଶ୍ଚ ନ୍ୟଗ୍ରୋଧୋ ଦୁଷ୍ଟନିଗ୍ରହଃ ॥ ୪୦ ॥
ରଵିଵଂଶସମୁଦ୍ଭୂତୋ ରାଘଵୋ ଭରତାଗ୍ରଜଃ ।
କୌସଲ୍ୟାତନୟୋ ରାମୋ ଵିଶ୍ଵାମିତ୍ର ପ୍ରିୟଙ୍କରଃ ॥୪୧ ॥
ତାଟକାରିଃ ସୁବାହୁଘ୍ନୋ ବଲାତିବଲମନ୍ତ୍ରଵାନ୍ ।
ଅହଲ୍ୟାଶାପଵିଚ୍ଛେଦୀ ପ୍ରଵିଷ୍ଟଜନକାଲୟଃ ॥ ୪୨ ॥
ସ୍ଵୟଂଵରସଭାସଂସ୍ଥ ଈଶଚାପପ୍ରଭଞ୍ଜନଃ ।
ଜାନକୀପରିଣେତା ଚ ଜନକାଧୀଶସଂସ୍ତୁତଃ ॥ ୪୩ ॥
ଜମଦଗ୍ନିତନୂଜାତୟୋଦ୍ଧାଽୟୋଧ୍ୟାଧିପାଗ୍ରଣୀଃ ।
ପିତୃଵାକ୍ୟପ୍ରତୀପାଲସ୍ତ୍ୟକ୍ତରାଜ୍ୟଃ ସଲକ୍ଷ୍ମଣଃ ॥ ୪୪ ॥
ସସୀତଶ୍ଚିତ୍ରକୂଟସ୍ଥୋ ଭରତାହିତରାଜ୍ୟକଃ ।
କାକଦର୍ପପ୍ରହର୍ତା ଚ ଦଣ୍ଡକାରଣ୍ୟଵାସକଃ ॥ ୪୫ ॥
ପଞ୍ଚଵଟ୍ୟାଂ ଵିହାରୀ ଚ ସ୍ଵଧର୍ମପରିପୋଷକଃ ।
ଵିରାଧହାଽଗସ୍ତ୍ୟମୁଖ୍ୟମୁନିସମ୍ମାନିତଃ ॥ ୪୬ ॥
ଇନ୍ଦ୍ରଚାପଧରଃ ଖଡ୍ଗଧରଶ୍ଚାକ୍ଷୟସାୟକଃ ।
ଖରାନ୍ତକୋ ଦୂଷଣାରିସ୍ତ୍ରିଶିରସ୍କରିପୁର୍ଵୃଷଃ ॥ ୪୭ ॥
ତତଃ ଶୂର୍ପଣଖାନାସାଚ୍ଛେତ୍ତା ଵଲ୍କଲଧାରକଃ ।
ଜଟାଵାନ୍ ପର୍ଣଶାଲାସ୍ଥୋ ମାରୀଚବଲମର୍ଦକଃ ॥ ୪୮ ॥
ପକ୍ଷିରାଟ୍କୃତସଂଵାଦୋ ରଵିତେଜା ମହାବଲଃ ।
ଶବର୍ୟାନୀତଫଲଭୁଗ୍ଧନୂମତ୍ପରିତୋଷିତଃ ॥ ୪୯ ॥
ସୁଗ୍ରୀଵାଭୟଦୋ ଦୈତ୍ୟକାୟକ୍ଷେପଣଭାସୁରଃ ।
ସପ୍ତତାଲସମୁଚ୍ଛେତ୍ତା ଵାଲିହୃତ୍କପିସଂଵୃତଃ ॥ ୫୦ ॥
ଵାୟୁସୂନୁକୃତାସେଵସ୍ତ୍ୟକ୍ତପମ୍ପଃ କୁଶାସନଃ ।
ଉଦନ୍ଵତ୍ତୀରଗଃ ଶୂରୋ ଵିଭୀଷଣଵରପ୍ରଦଃ ॥ ୫୧ ॥
ସେତୁକୃଦ୍ଦୈତ୍ୟହା ପ୍ରାପ୍ତଲଙ୍କୋଽଲଙ୍କାରଵାନ୍ ସ୍ଵୟମ୍ ।
ଅତିକାୟଶିରଶ୍ଛେତ୍ତା କୁମ୍ଭକର୍ଣଵିଭେଦନଃ ॥ ୫୨ ॥
ଦଶକଣ୍ଠଶିରୋଧ୍ଵଂସୀ ଜାଂବଵତ୍ପ୍ରମୁଖାଵୃତଃ ।
ଜାନକୀଶଃ ସୁରାଧ୍ୟକ୍ଷଃ ସାକେତେଶଃ ପୁରାତନଃ ॥ ୫୩ ॥
ପୁଣ୍ୟଶ୍ଲୋକୋ ଵେଦଵେଦ୍ୟଃ ସ୍ଵାମିତୀର୍ଥନିଵାସକଃ ।
ଲକ୍ଷ୍ମୀସରଃକେଳିଲୋଲୋ ଲକ୍ଷ୍ମୀଶୋ ଲୋକରକ୍ଷକଃ ॥ ୫୪ ॥
ଦେଵକୀଗର୍ଭସଂଭୂତୋ ୟଶୋଦେକ୍ଷଣଲାଲିତଃ ।
ଵସୁଦେଵକୃତସ୍ତୋତ୍ରୋ ନନ୍ଦଗୋପମନୋହରଃ ॥ ୫୫ ॥
ଚତୁର୍ଭୁଜଃ କୋମଲାଙ୍ଗୋ ଗଦାଵାନ୍ନୀଲକୁନ୍ତଲଃ ।
ପୂତନାପ୍ରାଣସଂହର୍ତା ତୃଣାଵର୍ତଵିନାଶନଃ ॥ ୫୬ ॥
ଗର୍ଗାରୋପିତନାମାଙ୍କୋ ଵାସୁଦେଵୋ ହ୍ୟାଧୋକ୍ଷଜଃ ।
ଗୋପିକାସ୍ତନ୍ୟପାୟୀ ଚ ବଲଭଦ୍ରାନୁଜୋଽଚ୍ୟୁତଃ ॥ ୫୭ ॥
ଵୈୟାଘ୍ରନଖଭୂଷଶ୍ଚ ଵତ୍ସଜିଦ୍ଵତ୍ସଵର୍ଧନଃ ।
କ୍ଷୀରସାରାଶନରତୋ ଦଧିଭାଣ୍ଡପ୍ରମର୍ଦନଃ ॥ ୫୮ ॥
ନଵନୀତାପହର୍ତା ଚ ନୀଲନୀରଦଭାସୁରଃ ।
ଅଭୀରଦୃଷ୍ଟଦୌର୍ଜନ୍ୟୋ ନୀଲପଦ୍ମନିଭାନନଃ ॥ ୫୯ ॥
ମାତୃଦର୍ଶିତଵିଶ୍ଵାସ୍ୟଃ ଉଲୂଖଲନିବନ୍ଧନଃ ।
ନଲକୂବରଶାପାନ୍ତୋ ଗୋଧୂଲିଚ୍ଛୁରିତାଙ୍ଗକଃ ॥ ୬୦ ॥
ଗୋସଙ୍ଘରକ୍ଷକଃ ଶ୍ରୀଶୋ ବୃନ୍ଦାରଣ୍ୟନିଵାସକଃ ।
ଵତ୍ସାନ୍ତକୋ ବକଦ୍ଵେଷୀ ଦୈତ୍ୟାମ୍ବୁଦମହାନିଲଃ ॥ ୬୧ ॥
ମହାଜଗରଚଣ୍ଡାଗ୍ନିଃ ଶକଟପ୍ରାଣକଣ୍ଟକଃ ।
ଇନ୍ଦ୍ରସେଵ୍ୟଃ ପୁଣ୍ୟଗାତ୍ରଃ ଖରଜିଞ୍ଵଣ୍ଡଦୀଧିତିଃ ॥ ୬୨ ॥
ତାଲପକ୍ଵଫଲାଶୀ ଚ କାଳୀୟଫଣିଦର୍ପହା ।
ନାଗପତ୍ନୀସ୍ତୁତିପ୍ରୀତଃ ପ୍ରଲମ୍ବାସୁରଖଣ୍ଡନଃ ॥ ୬୩ ॥
ଦାଵାଗ୍ନିବଲସଂହାରୀ ଫଲହାରୀ ଗଦାଗ୍ରଜଃ ।
ଗୋପାଙ୍ଗନାଚେଲଚୋରଃ ପାଥୋଲୀଲାଵିଶାରଦଃ ॥ ୬୪ ॥
ଵଂଶୀଗାନପ୍ରଵୀଣଶ୍ଚ ଗୋପୀହସ୍ତାମ୍ବୁଜାର୍ଚିତଃ ।
ମୁନିପତ୍ନ୍ୟାହୃତାହାରୋ ମୁନିଶ୍ରେଷ୍ଠୋ ମୁନିପ୍ରିୟଃ ॥ ୬୫ ॥
ଗୋଵର୍ଦ୍ଧନାଦ୍ରିସନ୍ଧର୍ତା ସଙ୍କ୍ରନ୍ଦନତମୋଽପହଃ ।
ସଦୁଦ୍ୟାନଵିଲାସୀ ଚ ରାସକ୍ରୀଡାପରାୟଣଃ ॥ ୬୬ ॥
ଵରୁଣାଭ୍ୟର୍ଚିତୋ ଗୋପୀପ୍ରାର୍ଥିତଃ ପୁରୁଷୋତ୍ତମଃ ।
ଅକ୍ରୂରସ୍ତୁତିସମ୍ପ୍ରୀତଃ କୁବ୍ଜାୟୌଵନଦାୟକଃ ॥ ୬୭ ॥
ମୁଷ୍ଟିକୋରଃପ୍ରହାରୀ ଚ ଚାଣୂରୋଦରଦାରଣଃ ।
ମଲ୍ଲୟୁଦ୍ଧାଗ୍ରଗଣ୍ୟଶ୍ଚ ପିତୃବନ୍ଧନମୋଚକଃ ॥ ୬୮ ॥
ମତ୍ତମାତଙ୍ଗପଞ୍ଚାସ୍ୟଃ କଂସଗ୍ରୀଵାନିକୃନ୍ତନଃ ।
ଉଗ୍ରସେନପ୍ରତିଷ୍ଟାତା ରତ୍ନସିଂହାସନସ୍ଥିତଃ ॥ ୬୯ ॥
କାଲନେମିଖଲଦ୍ଵେଷୀ ମୁଚୁକୁନ୍ଦଵରପ୍ରଦଃ ।
ସାଲ୍ଵସେଵିତଦୁର୍ଧର୍ଷରାଜସ୍ମୟନିଵାରଣଃ ॥ ୭୦ ॥
ରୁକ୍ମଗର୍ଵାପହାରୀ ଚ ରୁକ୍ମିଣୀନୟନୋତ୍ସଵଃ ।
ପ୍ରଦ୍ୟୁମ୍ନଜନକଃ କାମୀ ପ୍ରଦ୍ୟୁମ୍ନୋ ଦ୍ଵାରକାଧିପଃ ॥ ୭୧ ॥
ମଣ୍ୟାହର୍ତା ମହାମାୟୋ ଜାମ୍ବଵତ୍କୃତସଙ୍ଗରଃ ।
ଜାମ୍ବୂନଦାମ୍ବରଧରୋ ଗମ୍ୟୋ ଜାମ୍ବଵତୀଵିଭୁଃ ॥ ୭୨ ॥
କାଲିନ୍ଦୀପ୍ରଥିତାରାମକେଲିର୍ଗୁଞ୍ଜାଵତଂସକଃ ।
ମନ୍ଦାରସୁମନୋଭାସ୍ଵାନ୍ ଶଚୀଶାଭୀଷ୍ଟଦାୟକଃ ॥ ୭୩ ॥
ସତ୍ରାଜିନ୍ମାନସୋଲ୍ଲାସୀ ସତ୍ୟାଜାନିଃ ଶୁଭାଵହଃ ।
ଶତଧନ୍ଵହରଃ ସିଦ୍ଧଃ ପାଣ୍ଡଵପ୍ରିୟକୋତ୍ସଵଃ ॥ ୭୪ ॥
ଭଦ୍ରପ୍ରିୟଃ ସୁଭଦ୍ରାୟା ଭ୍ରାତା ନାଗ୍ନାଜିତୀଵିଭୁଃ ।
କିରୀଟକୁଣ୍ଡଲଧରଃ କଲ୍ପପଲ୍ଲଵଲାଲିତଃ ॥ ୭୫ ॥
ଭୈଷ୍ମୀପ୍ରଣୟଭାଷାଵାନ୍ ମିତ୍ରଵିନ୍ଦାଧିପୋଽଭୟଃ ।
ସ୍ଵମୂର୍ତିକେଲିସମ୍ପ୍ରୀତୋ ଲକ୍ଷ୍ମଣୋଦାରମାନସଃ ॥ ୭୬ ॥
ପ୍ରାଗ୍ଜ୍ୟୋତିଷାଧିପଧ୍ଵଂସୀ ତତ୍ସୈନ୍ୟାନ୍ତକରୋଽମୃତଃ ।
ଭୂମିସ୍ତୁତୋ ଭୂରିଭୋଗୋ ଭୂଷଣାମ୍ବରସଂୟୁତଃ ॥ ୭୭ ॥
ବହୁରାମାକୃତାହ୍ଲାଦୋ ଗନ୍ଧମାଲ୍ୟାନୁଲେପନଃ ।
ନାରଦାଦୃଷ୍ଟଚରିତୋ ଦେଵେଶୋ ଵିଶ୍ଵରାଡ୍ ଗୁରୁଃ ॥ ୭୮ ॥
ବାଣବାହୁଵିଦାରଶ୍ଚ ତାପଜ୍ଵରଵିନାଶକଃ ।
ଉଷୋଦ୍ଧର୍ଷୟିତାଽଵ୍ୟକ୍ତଃ ଶିଵଵାକ୍ତୁଷ୍ଟମାନସଃ ॥ ୭୯ ॥
ମହେଶଜ୍ଵରସଂସ୍ତୁତ୍ୟଃ ଶୀତଜ୍ଵରଭୟାନ୍ତକଃ ।
ନୃଗରାଜୋଦ୍ଧାରକଶ୍ଚ ପୌଣ୍ଡ୍ରକାଦିଵଧୋଦ୍ୟତଃ ॥ ୮୦ ॥
ଵିଵିଧାରିଚ୍ଛଲୋଦ୍ଵିଗ୍ନବ୍ରାହ୍ମଣେଷୁ ଦୟାପରଃ ।
ଜରାସନ୍ଧବଲଦ୍ଵେଷୀ କେଶିଦୈତ୍ୟଭୟଙ୍କରଃ ॥ ୮୧ ॥
ଚକ୍ରୀ ଚୈଦ୍ୟାନ୍ତକଃ ସଭ୍ୟୋ ରାଜବନ୍ଧଵିମୋଚକଃ ।
ରାଜସୂୟହଵିର୍ଭୋକ୍ତା ସ୍ନିଗ୍ଧାଙ୍ଗଃ ଶୁଭଲକ୍ଷଣଃ ॥ ୮୨ ॥
ଧାନାଭକ୍ଷଣସମ୍ପ୍ରୀତଃ କୁଚେଲାଭୀଷ୍ଟଦାୟକଃ ।
ସତ୍ତ୍ଵାଦିଗୁଣଗମ୍ଭୀରୋ ଦ୍ରୌପଦୀମାନରକ୍ଷକଃ ॥ ୮୩ ॥
ଭୀଷ୍ମଧ୍ୟେୟୋ ଭକ୍ତଵଶ୍ୟୋ ଭୀମପୂଜ୍ୟୋ ଦୟାନିଧିଃ ।
ଦନ୍ତଵକ୍ତ୍ରଶିରଶ୍ଛେତ୍ତା କୃଷ୍ଣଃ କୃଷ୍ଣାସଖଃ ସ୍ଵରାଟ୍ ॥ ୮୪ ॥
ଵୈଜୟନ୍ତୀପ୍ରମୋଦୀ ଚ ବର୍ହିବର୍ହଵିଭୂଷଣଃ ।
ପାର୍ଥକୌରଵସନ୍ଧାନକାରୀ ଦୁଃଶାସନାନ୍ତକଃ ॥ ୮୫ ॥
ବୁଦ୍ଦୋ ଵିଶୁଦ୍ଧଃ ସର୍ଵଜ୍ଞଃ କ୍ରତୁହିଂସାଵିନିନ୍ଦକଃ ।
ତ୍ରିପୁରସ୍ତ୍ରୀମାନଭଙ୍ଗଃ ସର୍ଵଶାସ୍ତ୍ରଵିଶାରଦଃ ॥ ୮୬ ॥
ନିର୍ଵିକାରୋ ନିର୍ମମଶ୍ଚ ନିରାଭାସୋ ନିରାମୟଃ ।
ଜଗନ୍ମୋହକଧର୍ମୀ ଚ ଦିଗ୍ଵସ୍ତ୍ରୋ ଦିକ୍ପତୀଶ୍ଵରଃ ॥ ୮୭ ॥
କଲ୍କୀ ମ୍ଲେଚ୍ଛପ୍ରହର୍ତା ଚ ଦୁଷ୍ଟନିଗ୍ରହକାରକଃ ।
ଧର୍ମପ୍ରତିଷ୍ଟାକାରୀ ଚ ଚାତୁର୍ଵର୍ଣ୍ୟଵିଭାଗକୃତ୍ ॥ ୮୮ ॥
ୟୁଗାନ୍ତକୋ ୟୁଗାକ୍ରାନ୍ତୋ ୟୁଗକୃଦ୍ୟୁଗଭାସକଃ ।
କାମାରିଃ କାମକାରୀ ଚ ନିଷ୍କାମଃ କାମିତାର୍ଥଦଃ ॥ ୮୯ ॥
ଭର୍ଗୋ ଵରେଣ୍ୟଂ ସଵିତୁଃ ଶାର୍ଙ୍ଗୀ ଵୈକୁଣ୍ଠମନ୍ଦିରଃ ।
ହୟଗ୍ରୀଵଃ କୈଟଭାରିଃ ଗ୍ରାହଘ୍ନୋ ଗଜରକ୍ଷକଃ ॥ ୯୦ ॥
ସର୍ଵସଂଶୟଵିଚ୍ଛେତ୍ତା ସର୍ଵଭକ୍ତସମୁତ୍ସୁକଃ ।
କପର୍ଦୀ କାମହାରୀ ଚ କଲା କାଷ୍ଟା ସ୍ମୃତିର୍ଧୃତିଃ ॥ ୯୧ ॥
ଅନାଦିରପ୍ରମେୟୌଜ୍ଞାଃ ପ୍ରଧାନଃ ସନ୍ନିରୂପକଃ ।
ନିର୍ଲୋପୋ ନିଃସ୍ପୃହୋଽସଙ୍ଗୋ ନିର୍ଭୟୋ ନୀତିପାରଗଃ ॥ ୯୨ ॥
ନିଷ୍ପେଷ୍ୟୋ ନିଷ୍କ୍ରିୟଃ ଶାନ୍ତୋ ନିଷ୍ପ୍ରପଞ୍ଚୋ ନିଧିର୍ନୟଃ
କର୍ମ୍ୟକର୍ମୀ ଵିକର୍ମୀ ଚ କର୍ମେପ୍ସୁଃ କର୍ମଭାଵନଃ ॥ ୯୩ ॥
କର୍ମାଙ୍ଗଃ କର୍ମଵିନ୍ୟାସୋ ମହାକର୍ମୀ ମହାଵ୍ରତୀ ।
କର୍ମଭୁକ୍କର୍ମଫଲଦଃ କର୍ମେଶଃ କର୍ମନିଗ୍ରହଃ ॥ ୯୪ ॥
ନରୋ ନାରାୟଣୋ ଦାନ୍ତଃ କପିଲଃ କାମଦଃ ଶୁଚିଃ ।
ତପ୍ତା ଜପ୍ତାଽକ୍ଷମାଲାଵାନ୍ ଗନ୍ତା ନେତା ଲୟୋ ଗତିଃ ॥ ୯୫ ॥
ଶିଷ୍ଟୋ ଦ୍ରଷ୍ଟା ରିପୁଦ୍ଵେଷ୍ଟା ରୋଷ୍ଟା ଵେଷ୍ଟା ମହାନଟଃ ।
ରୋଦ୍ଧା ବୋଦ୍ଧା ମହାୟୋଦ୍ଧା ଶ୍ରଦ୍ଧାଵାନ୍ ସତ୍ୟଧୀଃ ଶୁଭଃ ॥ ୯୬ ॥
ମନ୍ତ୍ରୀ ମନ୍ତ୍ରୋ ମନ୍ତ୍ରଗମ୍ୟୋ ମନ୍ତ୍ରକୃତ୍ ପରମନ୍ତ୍ରହୃତ୍ ।
ମନ୍ତ୍ରଭୃନ୍ମନ୍ତ୍ରଫଲଦୋ ମନ୍ତ୍ରେଶୋ ମନ୍ତ୍ରଵିଗ୍ରହଃ ॥ ୯୭ ॥
ମନ୍ତ୍ରାଙ୍ଗୋ ମନ୍ତ୍ରଵିନ୍ୟାସୋ ମହାମନ୍ତ୍ରୋ ମହାକ୍ରମଃ ।
ସ୍ଥିରଧୀଃ ସ୍ଥିରଵିଜ୍ଞାନଃ ସ୍ଥିରପ୍ରଜ୍ଞଃ ସ୍ଥିରାସନଃ ॥ ୯୮ ॥
ସ୍ଥିରୟୋଗଃ ସ୍ଥିରାଧାରଃ ସ୍ଥିରମାର୍ଗଃ ସ୍ଥିରାଗମଃ।
ନିଶ୍ଶ୍ରେୟସୋ ନିରୀହୋଽଗ୍ନିର୍ନିରଵଦ୍ୟୋ ନିରଞ୍ଜନଃ ॥ ୯୯ ॥
ନିର୍ଵୈରୋ ନିରହଙ୍କାରୋ ନିର୍ଦମ୍ଭୋ ନିରସୂୟକଃ ।
ଅନନ୍ତୋଽନନ୍ତବାହୂରୁରନନ୍ତାଙ୍ଘ୍ରିରନନ୍ତଦୃକ୍ ॥ ୧୦୦ ॥
ଅନନ୍ତଵକ୍ତ୍ରୋଽନନ୍ତାଙ୍ଗୋଽନନ୍ତରୂପୋ ହ୍ୟନନ୍ତକୃତ୍ ।
ଊର୍ଧ୍ଵରେତା ଊର୍ଧ୍ଵଲିଙ୍ଗୋ ହ୍ୟୂର୍ଧ୍ଵମୂର୍ଧ୍ଵୋର୍ଧ୍ଵଶାଖକଃ ॥ ୧୦୧ ॥
ଊର୍ଧ୍ଵ ଊର୍ଧ୍ଵାଧ୍ଵରକ୍ଷୀ ଚ ହ୍ୟୂର୍ଧ୍ଵଜ୍ଵାଲୋ ନିରାକୁଲଃ ।
ବୀଜଂ ବୀଜପ୍ରଦୋ ନିତ୍ୟୋ ନିଦାନଂ ନିଷ୍କୃତିଃ କୃତୀ ॥ ୧୦୨ ॥
ମହାନଣୀୟନ୍ ଗରିମା ସୁଷମା ଚିତ୍ରମାଲିକଃ ।
ନଭସ୍ସ୍ପୃଙ୍ନଭସୋ ଜ୍ୟୋତିର୍ନଭସ୍ଵାନ୍ନିର୍ନଭା ନଭଃ ॥ ୧୦୩ ॥
ଅଭୁର୍ଵିଭୁଃ ପ୍ରଭୁଃ ଶମ୍ଭୁର୍ମହୀୟାନ ଭୂର୍ଭୁଵାକୃତିଃ ।
ମହାନନ୍ଦୋ ମହାଶୂରୋ ମହୋରାଶିର୍ମହୋତ୍ସଵଃ ॥ ୧୦୪ ॥
ମହାକ୍ରୋଧୋ ମହାଜ୍ଵାଲୋ ମହାଶାନ୍ତୋ ମହାଗୁଣଃ ।
ସତ୍ୟଵ୍ରତଃ ସତ୍ୟପରଃ ସତ୍ୟସନ୍ଧଃ ସତାଂଗତିଃ ॥ ୧୦୫ ॥
ସତ୍ୟେଶଃ ସତ୍ୟସଙ୍କଲ୍ପଃ ସତ୍ୟଚାରିତ୍ରଲକ୍ଷଣଃ ।
ଅନ୍ତଶ୍ଚରୋ ହ୍ୟନ୍ତରାତ୍ମା ପରମାତ୍ମା ଚିଦାତ୍ମକଃ ॥ ୧୦୬ ॥
ରୋଚନୋ ରୋଚମାନଶ୍ଚ ସାକ୍ଷୀ ଶୌରିର୍ଜନାର୍ଦନଃ ।
ମୁକୁନ୍ଦୋ ନନ୍ଦନିଷ୍ପନ୍ଦଃ ସ୍ଵର୍ଣବିନ୍ଦୁଃ ପୁରନ୍ଦରଃ ॥ ୧୦୭ ॥
ଅରିନ୍ଦମଃ ସୁମନ୍ଦଶ୍ଚ କୁନ୍ଦମନ୍ଦାରହାସଵାନ୍ ।
ସ୍ୟନ୍ଦନାରୂଢଚଣ୍ଡାଙ୍ଗୋ ହ୍ୟାନନ୍ଦୀ ନନ୍ଦନନ୍ଦନଃ ॥ ୧୦୮ ॥
ଅନସୂୟାନନ୍ଦନୋଽତ୍ରିନେତ୍ରାନନ୍ଦଃ ସୁନନ୍ଦଵାନ୍ ।
ଶଙ୍ଖଵାନ୍ପଙ୍କଜକରଃ କୁଙ୍କୁମାଙ୍କୋ ଜୟାଙ୍କୁଶଃ ॥ ୧୦୯ ॥
ଅମ୍ଭୋଜମକରନ୍ଦାଢ୍ୟୋ ନିଷ୍ପଙ୍କୋଽଗରୁପଙ୍କିଲଃ ।
ଇନ୍ଦ୍ରଶ୍ଚନ୍ଦ୍ରରଥଶ୍ଚନ୍ଦ୍ରୋଽତିଚନ୍ଦ୍ରଶ୍ଚନ୍ଦ୍ରଭାସକଃ ॥ ୧୧୦ ॥
ଉପେନ୍ଦ୍ର ଇନ୍ଦ୍ରରାଜଶ୍ଚ ଵାଗିନ୍ଦ୍ରଶ୍ଚନ୍ଦ୍ରଲୋଚନ ।
ପ୍ରତ୍ୟକ୍ ପରାକ୍ ପରଂଧାମ ପରମାର୍ଥଃ ପରାତ୍ପରଃ ॥ ୧୧୧ ॥
ଅପାରଵାକ୍ ପାରଗାମୀ ପାରାଵାରଃ ପରାଵରଃ ।
ସହସ୍ଵାନର୍ଥଦାତା ଚ ସହନଃ ସାହସୀ ଜୟୀ ॥ ୧୧୨ ॥
ତେଜସ୍ଵୀ ଵାୟୁଵିଶିଖୀ ତପସ୍ଵୀ ତାପସୋତ୍ତମଃ ।
ଐଶ୍ଵର୍ୟୋଦ୍ଭୂତିକୃଦ୍ଭୂତିରୈଶ୍ଵର୍ୟାଙ୍ଗକଲାପଵାନ୍ ॥ ୧୧୩ ॥
ଅମ୍ଭୋଧିଶାୟୀ ଭଗଵାନ୍ ସର୍ଵଜ୍ଞସ୍ସାମପାରଗଃ ।
ମହାୟୋଗୀ ମହାଧୀରୋ ମହାଭୋଗୀ ମହାପ୍ରଭୁଃ ॥ ୧୧୪ ॥
ମହାଵୀରୋ ମହାତୁଷ୍ଟିର୍ମହାପୁଷ୍ଟିର୍ମହାଗୁଣଃ ।
ମହାଦେଵୋ ମହାବାହୁର୍ମହାଧର୍ମୋ ମହେଶ୍ଵରଃ ॥ ୧୧୫ ॥
ସମୀପଗୋ ଦୂରଗାମୀ ସ୍ଵର୍ଗମାର୍ଗନିରର୍ଗଲଃ ।
ନଗୋ ନଗଧରୋ ନାଗୋ ନାଗେଶୋ ନାଗପାଲକଃ ॥ ୧୧୬ ॥
ହିରଣ୍ମୟଃ ସ୍ଵର୍ଣରେତା ହିରଣ୍ୟାର୍ଚିର୍ହିରଣ୍ୟଦଃ ।
ଗୁଣଗଣ୍ୟଃ ଶରଣ୍ୟଶ୍ଚ ପୁଣ୍ୟକୀର୍ତିଃ ପୁରାଣଗଃ ॥ ୧୧୭ ॥
ଜନ୍ମଭୃଜ୍ଜନ୍ୟସନ୍ନଦ୍ଧୋ ଦିଵ୍ୟପଞ୍ଚାୟୁଧୋ ଵଶୀ ।
ଦୌର୍ଜନ୍ୟଭଙ୍ଗଃ ପର୍ଜନ୍ୟଃ ସୌଜନ୍ୟନିଲୟୋଽଲୟଃ ॥ ୧୧୮ ॥
ଜଲନ୍ଧରାନ୍ତକୋ ଭସ୍ମଦୈତ୍ୟନାଶୀ ମହାମନାଃ ।
ଶ୍ରେଷ୍ଟଶ୍ଶ୍ରଵିଷ୍ଠୋ ଦ୍ରାଘିଷ୍ଠୋ ଗରିଷ୍ଠୋ ଗରୁଡଧ୍ଵଜଃ ॥ ୧୧୯ ॥
ଜ୍ୟେଷ୍ଠୋ ଦ୍ରଢିଷ୍ଠୋ ଵର୍ଷିଷ୍ଠୋ ଦ୍ରାଘିୟାନ୍ ପ୍ରଣଵଃ ଫଣୀ ।
ସମ୍ପ୍ରଦାୟକରଃ ସ୍ଵାମୀ ସୁରେଶୋ ମାଧଵୋ ମଧୁଃ ॥ ୧୨୦ ॥
ନିର୍ନିମେଷୋ ଵିଧିର୍ଵେଧା ବଲଵାନ୍ ଜୀଵନଂ ବଲୀ ।
ସ୍ମର୍ତା ଶ୍ରୋତା ଵିକର୍ତା ଚ ଧ୍ୟାତା ନେତା ସମୋଽସମଃ ॥ ୧୨୧ ॥
ହୋତା ପୋତା ମହାଵକ୍ତା ରନ୍ତ ମନ୍ତା ଖଲାନ୍ତକଃ ।
ଦାତା ଗ୍ରାହୟିତା ମାତା ନିୟନ୍ତାଽନନ୍ତ ଵୈଭଵଃ ॥ ୧୨୨ ॥
ଗୋପ୍ତା ଗୋପୟିତା ହନ୍ତା ଧର୍ମଜାଗରିତା ଧଵଃ ।
କର୍ତା କ୍ଷେତ୍ରକରଃ କ୍ଷେତ୍ରପ୍ରଦଃ କ୍ଷେତ୍ରଜ୍ଞ ଆତ୍ମଵିତ୍ ॥ ୧୨୩ ॥
କ୍ଷେତ୍ରୀ କ୍ଷେତ୍ରହରଃ କ୍ଷେତ୍ରପ୍ରିୟଃ କ୍ଷେମକରୋ ମରୁତ୍ ।
ଭକ୍ତିପ୍ରଦୋ ମୁକ୍ତିଦାୟୀ ଶକ୍ତିଦୋ ୟୁକ୍ତିଦାୟକଃ ॥ ୧୨୪ ॥
ଶକ୍ତିୟୁଙ୍ଜୌକ୍ତିକସ୍ରଗ୍ଵୀ ସୂକ୍ତିରାମ୍ନାୟସୂକ୍ତିଗଃ ।
ଧନଞ୍ଜୟୋ ଧନାଧ୍ୟକ୍ଷୋ ଧନିକୋ ଧନଦାଧିପଃ ॥ ୧୨୫ ॥
ମହାଧନୋ ମହାମାନୀ ଦୁର୍ୟୋଧନଵିମାନିତଃ ।
ରତ୍ନାକରୋ ରତ୍ନରୋଚୀ ରତ୍ନଗର୍ଭାଶ୍ରୟଃ ଶୁଚିଃ ॥ ୧୨୬ ॥
ରତ୍ନସାନୁନିଧିର୍ମୌଳିରତ୍ନାଭା ରତ୍ନକଙ୍କଣଃ ।
ଅନ୍ତର୍ଲକ୍ଷ୍ୟୋଽନ୍ତରମ୍ୟାସୀ ଚାନ୍ତର୍ଧ୍ୟେୟୋ ଜିତାସନଃ ॥ ୧୨୭ ॥
ଅନ୍ତରଙ୍ଗୋ ଦୟାଵାଂଶ୍ଚ ହ୍ୟାଂତର୍ମାୟୋ ମହାର୍ଣଵଃ ।
ସରସସିଦ୍ଧରସିକଃ ସିଦ୍ଧିଃ ସାଧ୍ୟଃ ସଦାଗତିଃ ॥ ୧୨୮ ॥
ଆୟୁଃପ୍ରଦୋ ମହାୟୁଷ୍ମାନର୍ଚିଷ୍ମାନୋଷଧୀପତିଃ ।
ଅଷ୍ଟଶ୍ରୀରଷ୍ଟଭାଗୋଽଷ୍ଟକକୁବ୍ଵ୍ୟାପ୍ତୟଶୋ ତ୍ରତୀ ॥ ୧୨୯ ॥
ଅଷ୍ଟାପଦଃ ସୁଵର୍ଣାଭୋ ହ୍ୟଷ୍ଟମୂର୍ତିସ୍ତ୍ରିମୂର୍ତିମାନ୍ ।
ଅସ୍ଵପ୍ନଃ ସ୍ଵପ୍ନଗଃ ସ୍ଵପ୍ନଃ ସୁସ୍ଵପ୍ନଫଲଦାୟକଃ ॥ ୧୩୦ ॥
ଦୁଃସ୍ଵପ୍ନଧ୍ଵଂସକୋ ଧ୍ଵସ୍ତଦୁର୍ନିମିତ୍ତଃ ଶିଵଙ୍କରଃ ।
ସୁଵର୍ଣଵର୍ଣସ୍ସମ୍ଭାଵ୍ୟୋ ଵର୍ଣିତୋ ଵର୍ଣସମ୍ମୁଖଃ ॥ ୧୩୧ ॥
ସୁଵର୍ଣମୁଖରୀତୀରଶିଵଧ୍ୟାତପଦାମ୍ବୁଜଃ ।
ଦାକ୍ଷାୟଣୀଵଚସ୍ତୁଷ୍ଟୋ ଦୂର୍ଵାସୋଦୃଷ୍ଟିଗୋଚରଃ ॥ ୧୩୨ ॥
ଅମ୍ବରୀଷଵ୍ରତପ୍ରୀତୋ ମହାକୃତ୍ତିଵିଭଞ୍ଜନଃ ।
ମହାଭିଚାରକଧ୍ଵଂସୀ କାଲସର୍ପଭୟାନ୍ତକଃ ॥ ୧୩୩ ॥
ସୁଦର୍ଶନଃ କାଲମେଘଶ୍ୟାମଶ୍ଶ୍ରୀମନ୍ତ୍ରଭାଵିତଃ ।
ହେମାମ୍ବୁଜସରଃସ୍ନାୟୀ ଶ୍ରୀମନୋଭାଵିତାକୃତିଃ ॥ ୧୩୪ ॥
ଶ୍ରୀପ୍ରଦତାମ୍ବୁଜସ୍ରଗ୍ଵୀ ଶ୍ରୀକେଲିଃ ଶ୍ରୀନିଧିର୍ଭଵଃ ।
ଶ୍ରୀପ୍ରଦୋ ଵାମନୋ ଲକ୍ଷ୍ମୀନାୟକଶ୍ଚ ଚତୁର୍ଭୁଜଃ ॥ ୧୩୫ ॥
ସଂତୃପ୍ତସ୍ତର୍ପିତସ୍ତୀର୍ଥସ୍ନାତୃସୌଖ୍ୟପ୍ରଦର୍ଶକଃ ।
ଅଗସ୍ତ୍ୟସ୍ତୁତିସଂହୃଷ୍ଟୋ ଦର୍ଶିତାଵ୍ୟକ୍ତଭାଵନଃ ॥ ୧୩୬ ॥
କପିଲାର୍ଚିଃ କପିଲଵାନ୍ ସୁସ୍ନାତାଘଵିପାଟନଃ ।
ଵୃଷାକପିଃ କପିସ୍ଵାମିମନୋଽନ୍ତଃସ୍ଥିତଵିଗ୍ରହଃ ॥ ୧୩୭ ॥
ଵହ୍ନିପ୍ରିୟୋଽର୍ଥସଂଭାଵ୍ୟୋ ଜନଲୋକଵିଧାୟକଃ ।
ଵହ୍ନିପ୍ରଭୋ ଵହ୍ନିତେଜାଃ ଶୁଭାଭୀଷ୍ଟପ୍ରଦୋ ୟମୀ ॥ ୧୩୮ ॥
ଵାରୁଣକ୍ଷେତ୍ରନିଲୟୋ ଵରୁଣୋ ଵାରଣାର୍ଚିତଃ ।
ଵାୟୁସ୍ଥାନକୃତାଵାସୋ ଵାୟୁଗୋ ଵାୟୁସଂଭୃତଃ ॥ ୧୩୯ ॥
ୟମାନ୍ତକୋଽଭିଜନନୋ ୟମଲୋକନିଵାରଣଃ ।
ୟମିନାମଗ୍ରଗଣ୍ୟଶ୍ଚ ସଂୟମୀ ୟମଭାଵିତଃ ॥ ୧୪୦ ॥
ଇନ୍ଦ୍ରୋଦ୍ୟାନସମୀପସ୍ଥ ଇନ୍ଦ୍ରଦୃଗ୍ଵିଷୟଃ ପ୍ରଭୁଃ ।
ୟକ୍ଷରାଟ୍ ସରସୀଵାସୋ ହ୍ୟକ୍ଷୟ୍ୟନିଧିକୋଶକୃତ୍ ॥ ୧୪୧ ॥
ସ୍ଵାମିତୀର୍ଥକୃତାଵାସଃ ସ୍ଵାମିଧ୍ୟେୟୋ ହ୍ୟଧୋକ୍ଷଜଃ ।
ଵରାହାଦ୍ୟଷ୍ଟତୀର୍ଥାଭିସେଵିତାଙ୍ଘ୍ରିସରୋରୁହଃ ॥ ୧୪୨ ॥
ପାଣ୍ଡୁତୀର୍ଥଭିଷିକ୍ତାଙ୍ଗୋ ୟୁଧିଷ୍ଠିରଵରପ୍ରଦଃ ।
ଭୀମାନ୍ତଃକରଣାରୂଢଃ ଶ୍ଵେତଵାହନସଖ୍ୟଵାନ୍ ॥ ୧୪୩ ॥
ନକୁଲାଭୟଦୋ ମାଦ୍ରୀସହଦେଵାଭିଵନ୍ଦିତଃ ।
କୃଷ୍ଣାଶପଥସନ୍ଧାତା କୁନ୍ତୀସ୍ତୁତିରତୋ ଦମୀ ॥ ୧୪୪ ॥
ନାରଦାଦିମୁନିସ୍ତୁତ୍ୟୋ ନିତ୍ୟକର୍ମପରାୟଣଃ ।
ଦର୍ଶିତାଵ୍ୟକ୍ତରୂପଶ୍ଚ ଵୀଣାନାଦପ୍ରମୋଦିତଃ ॥ ୧୪୫ ॥
ଷଟ୍କୋଟିତୀର୍ଥଚର୍ୟାଵାନ୍ ଦେଵତୀର୍ଥକୃତାଶ୍ରମଃ ।
ବିଲ୍ଵାମଲଜଲସ୍ନାୟୀ ସରସ୍ଵତ୍ୟମ୍ବୁସେଵିତଃ ॥ ୧୪୬ ॥
ତୁମ୍ବୁରୂଦକ ସଂସ୍ପର୍ଶଜନଚିତ୍ତତମୋଽପହଃ ।
ମତ୍ସ୍ୟଵାମନକୂର୍ମାଦିତୀର୍ଥରାଜଃ ପୁରାଣଭୃତ୍ ॥ ୧୪୭ ॥
ଚକ୍ରଧ୍ୟେୟପଦାମ୍ଭୋଜଃ ଶଙ୍ଖପୂଜିତପାଦୁକଃ ।
ରାମତୀର୍ଥଵିହାରୀ ଚ ବଲଭଦ୍ରପ୍ରତିଷ୍ଟିତଃ ॥ ୧୪୮ ॥
ଜାମଦଗ୍ନ୍ୟସରସ୍ତୀର୍ଥଜଲସେଚନତର୍ପିତଃ ।
ପାପାପହାରିକୀଲାଲସୁସ୍ନାତାଘଵିନାଶନଃ ॥ ୧୪୯ ॥
ନଭୋଗଙ୍ଗାଭିଷିକ୍ତଶ୍ଚ ନାଗତୀର୍ଥାଭିଷେକଵାନ୍ ।
କୁମାରଧାରାତୀର୍ଥସ୍ଥୋ ଵଟୁଵେଷଃ ସୁମେଖଲଃ ॥ ୧୫୦ ॥
ଵୃଦ୍ଧସ୍ୟ ସୁକୁମାରତ୍ଵପ୍ରଦଃ ସୌନ୍ଦର୍ୟଵାନ୍ ସୁଖୀ ।
ପ୍ରିୟଂଵଦୋ ମହାକୁକ୍ଷିରିକ୍ଷ୍ଵାକୁକୁଲନନ୍ଦନଃ ॥ ୧୫୧ ॥
ନୀଲଗୋକ୍ଷୀରଧାରାଭୂର୍ଵରାହାଚଲନାୟକଃ ।
ଭରଦ୍ଵାଜପ୍ରତିଷ୍ଠାଵାନ୍ ବୃହସ୍ପତିଵିଭାଵିତଃ ॥ ୧୫୨ ॥
ଅଞ୍ଜନାକୃତପୂଜାଵାନ୍ ଆଞ୍ଜନେୟକରାର୍ଚିତଃ ।
ଅଞ୍ଜନାଦ୍ରିନିଵାସଶ୍ଚ ମୁଞ୍ଜକେଶଃ ପୁରନ୍ଦରଃ ॥ ୧୫୩ ॥
କିନ୍ନରଦ୍ଵୟସମ୍ବନ୍ଧିବନ୍ଧମୋକ୍ଷପ୍ରଦାୟକଃ ।
ଵୈଖାନସମଖାରମ୍ଭୋ ଵୃଷଜ୍ଞେୟୋ ଵୃଷାଚଲଃ ॥ ୧୫୪ ॥
ଵୃଷକାୟପ୍ରଭେତ୍ତା ଚ କ୍ରୀଡନାଚାରସଂଭ୍ରମଃ ।
ସୌଵର୍ଚଲେୟଵିନ୍ୟସ୍ତରାଜ୍ୟୋ ନାରାୟଣ ପ୍ରିୟଃ ॥ ୧୫୫ ॥
ଦୁର୍ମେଧୋଭଞ୍ଜକଃ ପ୍ରାଜ୍ଞୋ ବ୍ରହ୍ମୋତ୍ସଵମହୋତ୍ସୁକଃ ।
ଭଦ୍ରାସୁରଶିରଶ୍ଚେତା ଭଦ୍ରକ୍ଷେତ୍ରୀ ସୁଭଦ୍ରଵାନ୍ ॥ ୧୫୬ ॥
ମୃଗୟାଽକ୍ଷୀଣସନ୍ନାହଃ ଶଙ୍ଖରାଜନ୍ୟତୁଷ୍ଟିଦଃ ।
ସ୍ଥାଣୁସ୍ଥୋ ଵୈନତେୟାଙ୍ଗଭାଵିତୋ ହ୍ୟଶରୀରଵାନ୍ ॥ ୧୫୭ ॥
ଭୋଗୀନ୍ଦ୍ରଭୋଗସଂସ୍ଥାନୋ ବ୍ରହ୍ମାଦିଗଣସେଵିତଃ ।
ସହସ୍ରାର୍କଚ୍ଛଟାଭାସ୍ଵଦ୍ୟିମାନନ୍ତଃସ୍ଥିତୋ ଗୁଣୀ ॥ ୧୫୮ ॥
ଵିଷ୍ଵକ୍ସେନକୃତସ୍ତୋତ୍ରଃ ସନନ୍ଦନଵରୀଵୃତାଃ ।
ଜାହ୍ନଵ୍ୟାଦିନଦୀସେଵ୍ୟଃ ସୁରେଶାଦ୍ୟଭିଵନ୍ଦିତଃ ॥ ୧୫୯ ॥
ସୁରାଙ୍ଗନାନୃତ୍ୟପରୋ ଗନ୍ଧର୍ଵୋଦ୍ଗାୟନପ୍ରିୟଃ ।
ରାକେନ୍ଦୁସଙ୍କାଶନଖଃ କୋମଲାଙ୍ଘ୍ରସରୋରୁହଃ ॥ ୧୬୦ ॥
କଚ୍ଛପପ୍ରପଦଃ କୁନ୍ଦଗୁଲ୍ପକଃ ସ୍ଵଚ୍ଛକୂର୍ପରଃ ।
ମେଦୁରସ୍ଵର୍ଣଵସ୍ତ୍ରାଢ୍ୟକଟିଦେଶସ୍ଥମେଖଲଃ ॥ ୧୬୧ ॥
ପ୍ରୋଲ୍ଲସଚ୍ଛୁରିକାଭାସ୍ଵତ୍କଟିଦେଶଃ ଶୁଭଙ୍କରଃ ।
ଅନନ୍ତପଦ୍ମଜସ୍ଥାନନାଭିର୍ମୌକ୍ତିକମାଲିକଃ ॥ ୧୬୨ ॥
ମନ୍ଦାରଚାମ୍ପେୟମାଲୀ ରତ୍ନାଭରଣସଂଭୃତଃ ।
ଲମ୍ବୟଜ୍ଞୋପଵୀତୀ ଚ ଚନ୍ଦ୍ରଶ୍ରୀଖଣ୍ଡଲେପଵାନ୍ ॥ ୧୬୩ ॥
ଵରଦୋଽଭୟଦଶ୍ଚକ୍ରୀ ଶଙ୍ଖୀ କୌସ୍ତୁଭଦୀପ୍ତିମାନ୍ ।
ଶ୍ରୀଵତ୍ସାଙ୍କିତଵକ୍ଷସ୍କୋ ଲକ୍ଷ୍ମୀସଂଶ୍ରିତହୃତ୍ତଟଃ ॥ ୧୬୪ ॥
ନୀଲୋତ୍ପଲ ନିଭାକାରଃ ଶୋଣାମ୍ଭୋଜସମାନନଃ ।
କୋଟୀମନ୍ମଥଲାଵଣ୍ୟଚନ୍ଦ୍ରିକାସ୍ମିତପୂରିତଃ ॥ ୧୬୫ ॥
ସୁଧାସ୍ଵଚ୍ଛୋର୍ଧ୍ଵପୁଣ୍ଡ୍ରଶ୍ଚ କସ୍ତୂରୀତିଲକାଞ୍ଚିତଃ ।
ପୁଣ୍ଡରୀକେକ୍ଷଣଃ ସ୍ଵଚ୍ଛୋ ମୌଲିଶୋଭାଵିରାଜିତଃ ॥ ୧୬୬ ॥
ପଦ୍ମସ୍ଥଃ ପଦ୍ମନାଭଶ୍ଚ ସୋମମଣ୍ଡଲଗୋ ବୁଧଃ ।
ଵହ୍ନିମଂଡଲଗଃ ସୂର୍ୟଃ ସୂର୍ୟମଣ୍ଡଲସଂସ୍ଥିତଃ ॥ ୧୬୭ ॥
ଶ୍ରୀପତିର୍ଭୂମିଜାନିଶ୍ଚ ଵିମଲାଦ୍ୟଭିସଂଵୃତଃ ।
ଜଗତ୍କୁଟୁମ୍ବଜନିତା ରକ୍ଷକଃ କାମିତପ୍ରଦଃ ॥ ୧୬୮ ॥
ଅଵସ୍ଥାତ୍ରୟୟନ୍ତା ଚ ଵିଶ୍ଵତେଜସ୍ସ୍ଵରୂପଵାନ୍ ।
ଜ୍ଞପ୍ତିର୍ଜ୍ଞେୟୋ ଜ୍ଞାନଗମ୍ୟୋ ଜ୍ଞାନାତୀତଃ ସୁରାତିଗଃ ॥ ୧୬୯ ॥
ବ୍ରହ୍ମାଣ୍ଡାନ୍ତର୍ବହିର୍ଵ୍ୟାପ୍ତୋ ଵେଙ୍କଟାଦ୍ରିଗଦାଧରଃ ।
ଵେଙ୍କଟାଦ୍ରିଗଦାଧର ଓଂ ନମଃ ଇତି ॥
ଏଵଂ ଶ୍ରୀଵେଙ୍କଟେଶସ୍ୟ କୀର୍ତିତଂ ପରମାଦ୍ଭୁତମ୍ ॥ ୧୭୦ ॥
ନାମ୍ନାଂ ସହସ୍ରଂ ସଂଶ୍ରାଵ୍ୟଂ ପଵିତ୍ରଂ ପୁଣ୍ୟଵର୍ଦ୍ଧନମ୍ ।
ଶ୍ରଵଣାତ୍ସର୍ଵଦୋଷଘ୍ନଂ ରୋଗଘ୍ନଂ ମୃତ୍ୟୁନାଶନମ୍ ॥ ୧୭୧ ॥
ଦାରିଦ୍ର୍ୟଭେଦନଂ ଧର୍ମ୍ୟଂ ସର୍ଵୈଶ୍ଵର୍ୟଫଲପ୍ରଦମ୍ ।
କାଲାହିଵିଷଵିଚ୍ଛେଦିଜ୍ଵରାପସ୍ମାରଭଞ୍ଜନମ୍ ॥ ୧୭୨ ॥
ଶତ୍ରୁକ୍ଷୟକରଂ ରାଜଗ୍ରହପୀଡାନିଵାରଣମ୍ ।
ବ୍ରହ୍ମରାକ୍ଷସକୂଷ୍ମାଂଡଭେତାଲଭୟଭଂଜନମ୍ ॥ ୧୭୩ ॥
ଵିଦ୍ୟାଭିଲାଷୀ ଵିଦ୍ୟାଵାନ୍ ଧନାର୍ଥୀ ଧନଵାନ୍ ଭଵେତ୍ ।
ଅନନ୍ତକଲ୍ପଜୀଵୀ ସ୍ୟାଦାୟୁଷ୍କାମୋ ମହାୟଶାଃ ॥ ୧୭୪ ॥
ପୁତ୍ରାର୍ଥୀ ସୁଗୁଣାନ୍ପୁତ୍ରାନ୍ ଲଭେତାଽଽୟୁଷ୍ମତସ୍ତନଃ ।
ସଙ୍ଗ୍ରାମେ ଶତ୍ରୁଵିଜୟୀ ସଭାୟାଂ ପ୍ରତିଵାଦିଜିତ୍ ॥ ୧୭୫ ॥
ଦିଵ୍ୟୈର୍ନାମଭିରେଭିସ୍ତୁ ତୁଲସୀପୂଜନାତ୍ସକୃତ୍ ।
ଵୈକୁଣ୍ଠଵାସୀ ଭଗଵତ୍ସଦୃଶୋ ଵିଷ୍ଣୁସନ୍ନିଧୌ ॥ ୧୭୬ ॥
କହ୍ଲାରପୂଜନାନ୍ମାସାତ୍ ଦ୍ଵିତୀୟ ଇଵ ୟକ୍ଷରାଟ୍ ।
ନୀଲୋତ୍ପଲାର୍ଚନାତ୍ସର୍ଵରାଜପୂଜ୍ୟଃ ସଦା ଭଵେତ୍ ॥ ୧୭୭ ॥
ହୃତ୍ସଂସ୍ଥିତୈର୍ନାମଭିସ୍ତୁ ଭୂୟାଦ୍ଦୃଗ୍ଵିଷୟୋ ହରିଃ ।
ଵାଞ୍ଛିତାର୍ଥ ତଦା ଦତ୍ଵା ଵୈକୁଣ୍ଠଂ ଚ ପ୍ରୟଚ୍ଛତି ॥ ୧୭୮ ॥
ତ୍ରିସନ୍ଧ୍ୟଂ ୟୋ ଜପେନ୍ନିତ୍ୟଂ ସଂପୂଜ୍ୟ ଵିଧିନା ଵିଭୁମ୍ ।
ତ୍ରିଵାରଂ ପଞ୍ଚଵାରଂ ଵା ପ୍ରତ୍ୟହଂ କ୍ରମଶୋ ୟମୀ ॥ ୧୭୯ ॥
ମାସାଦଲକ୍ଷ୍ମୀନାଶଃ ସ୍ୟାତ୍ ଦ୍ଵିମାସାତ୍ ସ୍ୟାନ୍ନରେନ୍ଦ୍ରତା ।
ତ୍ରିମାସାନ୍ମହଦୈଶ୍ଵର୍ୟଂ ତତସ୍ସଂଭାଷଣଂ ଭଵେତ୍ ॥ ୧୮୦ ॥
ମାସଂ ପଠନ୍ନ୍ୟୂନକର୍ମମୂର୍ତିଂ ଚ ସମଵାପ୍ନୁୟାତ୍ ।
ମାର୍ଗଭ୍ରଷ୍ଟଶ୍ଚ ସନ୍ମାର୍ଗଂ ଗତସ୍ଵଃ ସ୍ଵଂ ସ୍ଵକୀୟକମ୍ ॥ ୧୮୧ ॥
ଚାଞ୍ଚଲ୍ୟଚିତ୍ତୋଽଚାଞ୍ଚଲ୍ୟଂ ମନସ୍ସ୍ଵାସ୍ଥ୍ୟଂ ଚ ଗଚ୍ଛତି ।
ଆୟୁରାରୋଗ୍ୟମୈଶ୍ଵର୍ୟଂ ଜ୍ଞାନଂ ମୋକ୍ଷଂ ଚ ଵିନ୍ଦତି ॥ ୧୮୨ ॥
ସର୍ଵାନ୍କାମାନଵାପ୍ନୋତି ଶାଶ୍ଵତଂ ଚ ପଦଂ ତଥା ।
ସତ୍ୟଂ ସତ୍ୟଂ ପୁନସ୍ସତ୍ୟଂ ସତ୍ୟଂ ସତ୍ୟଂ ନ ସଂଶୟଃ ॥ ୧୮୩ ॥
ଶ୍ରୀ ବ୍ରହ୍ମାଣ୍ଡପୁରାଣେ ଵସିଷ୍ଠନାରଦସଂଵାଦେ ଶ୍ରୀଵେଙ୍କଟାଚଲମାହାତ୍ମ୍ୟେ
ଶ୍ରୀ ଵେଙ୍କଟେଶ ସହସ୍ରନାମ ସ୍ତୋତ୍ରାଧ୍ୟାୟଃ ସମାପ୍ତଃ ॥
Sri Balaji, Malayappa Swami, Tirupati Thimmappa Stotram