॥ Skandapurana Vishnu Sahasranama Stotram Odia Lyrics ॥
॥ ଶ୍ରୀଵିଷ୍ଣୁସହସ୍ରନାମସ୍ତୋତ୍ରମ୍ (ସ୍କନ୍ଦପୁରାଣୋକ୍ତ) ॥
ଶ୍ରୀଗଣେଶାୟ ନମଃ ।
ଶ୍ରୀଲକ୍ଷ୍ମୀନାରାୟଣାଭ୍ୟାଂ ନମଃ ।
ଦେଵା ଊଚୁଃ –
ବ୍ରହ୍ମନ୍କେନ ପ୍ରକାରେଣ ଵିଷ୍ଣୁଭକ୍ତିଃ ପରା ଭଵେତ୍ ।
ତତ୍ସର୍ଵଂ ଶ୍ରୋତୁମିଚ୍ଛାମସ୍ତ୍ଵତ୍ତୋ ବ୍ରହ୍ମଵିଦାଂ ଵର ॥ ୧ ॥
ବ୍ରହ୍ମୋଵାଚ –
ଶ୍ରୂୟତାଂ ଭୋଃ ସୁରଶ୍ରେଷ୍ଠା ଵିଷ୍ଣୁଭକ୍ତିମନୁତ୍ତମାମ୍ ।
ଶୁକ୍ଲାମ୍ବରଧରଂ ଦେଵଂ ଶଶିଵର୍ଣଂ ଚତୁର୍ଭୁଜମ୍ ॥ ୨ ॥
ପ୍ରସନ୍ନଵଦନଂ ଧ୍ୟାୟେତ୍ସର୍ଵଵିଘ୍ନୋପଶାନ୍ତୟେ ।
ଲାଭସ୍ତେଷାଂ ଜୟସ୍ତେଷାଂ କୁତସ୍ତେଷାଂ ପରାଜୟଃ ॥ ୩ ॥
ୟେଷାମିନ୍ଦୀଵରଶ୍ୟାମୋ ହୃଦୟସ୍ଥୋ ଜନାର୍ଦନଃ ।
ଅଭୀପ୍ସିତାର୍ଥସିଦ୍ଧ୍ୟର୍ଥଂ ପୂଜ୍ୟତେ ୟଃ ସୁରୈରପି ॥ ୪ ॥
ସର୍ଵଵିଘ୍ନହରସ୍ତସ୍ମୈ ଗଣାଧିପତୟେ ନମଃ ।
କଲ୍ପାଦୌ ସୃଷ୍ଟିକାମେନ ପ୍ରେରିତୋଽହଂ ଚ ଶୌରିଣା ॥ ୫ ॥
ନ ଶକ୍ତୋ ଵୈ ପ୍ରଜାଃ କର୍ତୁଂ ଵିଷ୍ଣୁଧ୍ୟାନପରାୟଣଃ ।
ଏତସ୍ମିନ୍ନନ୍ତରେ ସଦ୍ୟୋ ମାର୍କଣ୍ଡେୟୋ ମହାଋଷିଃ ॥ ୬ ॥
ସର୍ଵସିଦ୍ଧେଶ୍ଵରୋ ଦାନ୍ତୋ ଦୀର୍ଘାୟୁର୍ଵିଜିତେନ୍ଦ୍ରିୟଃ ।
ମୟାଦୃଷ୍ଟୋଽଥଗତ୍ଵାତଂ ତଦାହଂ ସମୁପସ୍ଥିତଃ ।
ତତଃ ପ୍ରଫୁଲ୍ଲନୟନୌ ସତ୍କୃତ୍ୟ ଚେତରେତରମ୍ ॥ ୭ ॥
ପୃଚ୍ଛମାନୌ ପରଂ ସ୍ଵାସ୍ଥ୍ୟଂ ସୁଖାସୀନୌ ସୁରୋତ୍ତମାଃ ।
ତଦା ମୟା ସ ପୃଷ୍ଟୋ ଵୈ ମାର୍କଣ୍ଡେୟୋ ମହାମୁନିଃ ॥ ୮ ॥
ଭଗଵନ୍କେନ ପ୍ରକାରେଣ ପ୍ରଜା ମେଽନାମୟା ଭଵେତ୍ ।
ତତ୍ସର୍ଵଂ ଶ୍ରୋତୁମିଚ୍ଛାମି ଭଗଵନ୍ମୁନିଵନ୍ଦିତ ॥ ୯ ॥
ଶ୍ରୀମାର୍କଣ୍ଡେୟ ଉଵାଚ –
ଵିଷ୍ଣୁଭକ୍ତିଃ ପରା ନିତ୍ୟା ସର୍ଵାର୍ତିଦୁଃଖନାଶିନୀ ।
ସର୍ଵପାପହରା ପୁଣ୍ୟା ସର୍ଵସୁଖପ୍ରଦାୟିନୀ ॥ ୧୦ ॥
ଏଷା ବ୍ରାହ୍ମୀ ମହାଵିଦ୍ୟା ନ ଦେୟା ୟସ୍ୟ କସ୍ୟଚିତ୍ ।
କୃତଘ୍ନାୟ ହ୍ୟଶିଷ୍ୟାୟ ନାସ୍ତିକାୟାନୃତାୟ ଚ ॥ ୧୧ ॥
ଈର୍ଷ୍ୟକାୟ ଚ ରୂକ୍ଷାୟ କାମିକାୟ କଦାଚନ ।
ତଦ୍ଗତଂ ସର୍ଵଂ ଵିଘ୍ନନ୍ତିୟତ୍ତଦ୍ଧର୍ମଂ ସନାତନମ୍ ॥ ୧୨ ॥
ଏତଦ୍ଗୁହ୍ୟତମଂ ଶାସ୍ତ୍ରଂ ସର୍ଵପାପପ୍ରଣାଶନମ୍ ।
ପଵିତ୍ରଂ ଚ ପଵିତ୍ରାଣାଂ ପାଵନାନାଂ ଚ ପାଵନମ୍ ॥ ୧୩ ॥
ଵିଷ୍ଣୋର୍ନାମସହସ୍ରଂ ଚ ଵିଷ୍ଣୁଭକ୍ତିକରଂ ଶୁଭମ୍ ।
ସର୍ଵସିଦ୍ଧିକରଂ ନୃଣାଂ ଭୁକ୍ତିମୁକ୍ତିପ୍ରଦଂ ଶୁଭମ୍ ॥ ୧୪ ॥
ଅସ୍ୟ ଶ୍ରୀଵିଷ୍ଣୁସହସ୍ରନାମସ୍ତୋତ୍ରମନ୍ତ୍ରସ୍ୟ ମାର୍କଣ୍ଡେୟ ଋଷିଃ ।
ଵିଷ୍ଣୁର୍ଦେଵତାଃ । ଅନୁଷ୍ଟୁପ୍ଚ୍ଛନ୍ଦଃ । ସର୍ଵକାମାନଵାପ୍ତ୍ୟର୍ଥେ ଜପେ ଵିନିୟୋଗଃ ॥
ଅଥ ଧ୍ୟାନମ୍ ।
ସଜଲଜଲଦନୀଲଂ ଦର୍ଶିତୋଦାରଶୀଲଂ
କରତଲଧୃତଶୈଲଂ ଵେଣୁଵାଦ୍ୟେ ରସାଲମ୍ ।
ଵ୍ରଜଜନ କୁଲପାଲଂ କାମିନୀକେଲିଲୋଲଂ
ତରୁଣତୁଲସିମାଲଂ ନୌମି ଗୋପାଲବାଲମ୍ ॥ ୧୫ ॥
ଓଂ ଵିଶ୍ଵଂ ଵିଷ୍ଣୁର୍ହୃଷୀକେଶଃ ସର୍ଵାତ୍ମା ସର୍ଵଭାଵନଃ ।
ସର୍ଵଗଃ ଶର୍ଵରୀନାଥୋ ଭୂତଗ୍ରାମାଽଽଶୟାଶୟଃ ॥ ୧୬ ॥
ଅନାଦିନିଧନୋ ଦେଵଃ ସର୍ଵଜ୍ଞଃ ସର୍ଵସମ୍ଭଵଃ ।
ସର୍ଵଵ୍ୟାପୀ ଜଗଦ୍ଧାତା ସର୍ଵଶକ୍ତିଧରୋଽନଘଃ ॥ ୧୭ ॥
ଜଗଦ୍ବୀଜଂ ଜଗତ୍ସ୍ରଷ୍ଟା ଜଗଦୀଶୋ ଜଗତ୍ପତିଃ ।
ଜଗଦ୍ଗୁରୁର୍ଜଗନ୍ନାଥୋ ଜଗଦ୍ଧାତା ଜଗନ୍ମୟଃ ॥ ୧୮ ॥
ସର୍ଵାଽଽକୃତିଧରଃ ସର୍ଵଵିଶ୍ଵରୂପୀ ଜନାର୍ଦନଃ ।
ଅଜନ୍ମା ଶାଶ୍ଵତୋ ନିତ୍ୟୋ ଵିଶ୍ଵାଧାରୋ ଵିଭୁଃ ପ୍ରଭୁଃ ॥ ୧୯ ॥
ବହୁରୂପୈକରୂପଶ୍ଚ ସର୍ଵରୂପଧରୋ ହରଃ ।
କାଲାଗ୍ନିପ୍ରଭଵୋ ଵାୟୁଃ ପ୍ରଲୟାନ୍ତକରୋଽକ୍ଷୟଃ ॥ ୨୦ ॥
ମହାର୍ଣଵୋ ମହାମେଘୋ ଜଲବୁଦ୍ବୁଦସମ୍ଭଵଃ ।
ସଂସ୍କୃତୋ ଵିକୃତୋ ମତ୍ସ୍ୟୋ ମହାମତ୍ସ୍ୟସ୍ତିମିଙ୍ଗିଲଃ ॥ ୨୧ ॥
ଅନନ୍ତୋ ଵାସୁକିଃ ଶେଷୋ ଵରାହୋ ଧରଣୀଧରଃ ।
ପୟଃକ୍ଷୀର ଵିଵେକାଢ୍ୟୋ ହଂସୋ ହୈମଗିରିସ୍ଥିତଃ ॥ ୨୨ ॥
ହୟଗ୍ରୀଵୋ ଵିଶାଲାକ୍ଷୋ ହୟକର୍ଣୋ ହୟାକୃତିଃ ।
ମନ୍ଥନୋ ରତ୍ନହାରୀ ଚ କୂର୍ମୋ ଧରଧରାଧରଃ ॥ ୨୩ ॥
ଵିନିଦ୍ରୋ ନିଦ୍ରିତୋ ନନ୍ଦୀ ସୁନନ୍ଦୋ ନନ୍ଦନପ୍ରିୟଃ ।
ନାଭିନାଲମୃଣାଲୀ ଚ ସ୍ଵୟମ୍ଭୂଶ୍ଚତୁରାନନଃ ॥ ୨୪ ॥
ପ୍ରଜାପତିପରୋ ଦକ୍ଷଃ ସୃଷ୍ଟିକର୍ତା ପ୍ରଜାକରଃ ।
ମରୀଚିଃ କଶ୍ୟପୋ ଦକ୍ଷଃ ସୁରାସୁରଗୁରୁଃ କଵିଃ ॥ ୨୫ ॥
ଵାମନୋ ଵାମମାର୍ଗୀ ଚ ଵାମକର୍ମା ବୃହଦ୍ଵପୁଃ ।
ତ୍ରୈଲୋକ୍ୟକ୍ରମଣୋ ଦୀପୋ ବଲିୟଜ୍ଞଵିନାଶନଃ ॥ ୨୬ ॥
ୟଜ୍ଞହର୍ତା ୟଜ୍ଞକର୍ତା ୟଜ୍ଞେଶୋ ୟଜ୍ଞଭୁଗ୍ଵିଭୁଃ ।
ସହସ୍ରାଂଶୁର୍ଭଗୋ ଭାନୁର୍ଵିଵସ୍ଵାନ୍ରଵିରଂଶୁମାନ୍ ॥ ୨୭ ॥
ତିଗ୍ମତେଜାଶ୍ଚାଲ୍ପତେଜାଃ କର୍ମସାକ୍ଷୀ ମନୁର୍ୟମଃ ।
ଦେଵରାଜଃ ସୁରପତିର୍ଦାନଵାରିଃ ଶଚୀପତିଃ ॥ ୨୮ ॥
ଅଗ୍ନିର୍ଵାୟୁସଖୋ ଵହ୍ନିର୍ଵରୁଣୋ ୟାଦସାମ୍ପତିଃ ।
ନୈରୃତୋ ନାଦନୋଽନାଦୀ ରକ୍ଷୟକ୍ଷୋଧନାଧିପଃ ॥ ୨୯ ॥
କୁବେରୋ ଵିତ୍ତଵାନ୍ଵେଗୋ ଵସୁପାଲୋ ଵିଲାସକୃତ୍ ।
ଅମୃତସ୍ରଵଣଃ ସୋମଃ ସୋମପାନକରଃ ସୁଧୀଃ ॥ ୩୦ ॥
ସର୍ଵୌଷଧିକରଃ ଶ୍ରୀମାନ୍ନିଶାକରଦିଵାକରଃ ।
ଵିଷାରିର୍ଵିଷହର୍ତା ଚ ଵିଷକଣ୍ଠଧରୋ ଗିରିଃ ॥ ୩୧ ॥
ନୀଲକଣ୍ଠୋ ଵୃଷୀ ରୁଦ୍ରୋ ଭାଲଚନ୍ଦ୍ରୋ ହ୍ୟୁମାପତିଃ ।
ଶିଵଃ ଶାନ୍ତୋ ଵଶୀ ଵୀରୋ ଧ୍ୟାନୀ ମାନୀ ଚ ମାନଦଃ ॥ ୩୨ ॥
କୃମିକୀଟୋ ମୃଗଵ୍ୟାଧୋ ମୃଗହା ମୃଗଲାଞ୍ଛନଃ ।
ବଟୁକୋ ଭୈରଵୋ ବାଲଃ କପାଲୀ ଦଣ୍ଡଵିଗ୍ରହଃ ॥ ୩୩ ॥
ସ୍ମଶାନଵାସୀ ମାଂସାଶୀ ଦୁଷ୍ଟନାଶୀ ଵରାନ୍ତକୃତ୍ ।
ୟୋଗିନୀତ୍ରାସକୋ ୟୋଗୀ ଧ୍ୟାନସ୍ଥୋ ଧ୍ୟାନଵାସନଃ ॥ ୩୪ ॥
ସେନାନୀଃ ସୈନ୍ୟଦଃ(ସେନଦଃ) ସ୍କନ୍ଦୋ ମହାକାଲୋ ଗଣାଧିପଃ ।
ଆଦିଦେଵୋ ଗଣପତିର୍ଵିଘ୍ନହା ଵିଘ୍ନନାଶନଃ ॥ ୩୫ ॥
ଋଦ୍ଧିସିଦ୍ଧିପ୍ରଦୋ ଦନ୍ତୀ ଭାଲଚନ୍ଦ୍ରୋ ଗଜାନନଃ ।
ନୃସିଂହ ଉଗ୍ରଦଂଷ୍ଟ୍ରଶ୍ଚ ନଖୀ ଦାନଵନାଶକୃତ୍ ॥ ୩୬ ॥
ପ୍ରହ୍ଲାଦପୋଷକର୍ତା ଚ ସର୍ଵଦୈତ୍ୟଜନେଶ୍ଵରଃ ।
ଶଲଭଃ ସାଗରଃ ସାକ୍ଷୀ କଲ୍ପଦ୍ରୁମଵିକଲ୍ପକଃ ॥ ୩୭ ॥
ହେମଦୋ ହେମଭାଗୀଚ ହିମକର୍ତା ହିମାଚଲଃ ।
ଭୂଧରୋ ଭୂମିଦୋ ମେରୁଃ କୈଲାସଶିଖରୋ ଗିରିଃ ॥ ୩୮ ॥
ଲୋକାଲୋକାନ୍ତରୋ ଲୋକୀ ଵିଲୋକୀ ଭୁଵନେଶ୍ଵରଃ ।
ଦିକ୍ପାଲୋ ଦିକ୍ପତିର୍ଦିଵ୍ୟୋ ଦିଵ୍ୟକାୟୋ ଜିତେନ୍ଦ୍ରିୟଃ ॥ ୩୯ ॥
ଵିରୂପୋ ରୂପଵାନ୍ରାଗୀ ନୃତ୍ୟଗୀତଵିଶାରଦଃ ।
ହାହା ହୂହୂଶ୍ଚିତ୍ରରଥୋ ଦେଵର୍ଷିର୍ନାରଦଃ ସଖା ॥ ୪୦ ॥
ଵିଶ୍ଵେଦେଵାଃ ସାଧ୍ୟଦେଵା ଧୃତାଶୀଶ୍ଚ ଚଲୋଽଚଲଃ ।
କପିଲୋ ଜଲ୍ପକୋ ଵାଦୀ ଦତ୍ତୋ ହୈହୟସଙ୍ଘରାଟ୍ ॥ ୪୧ ॥
ଵସିଷ୍ଠୋ ଵାମଦେଵଶ୍ଚ ସପ୍ତର୍ଷିପ୍ରଵରୋ ଭୃଗୁଃ ।
ଜାମଦଗ୍ନ୍ୟୋ ମହାଵୀରଃ କ୍ଷତ୍ରିୟାନ୍ତକରୋ ହ୍ୟୃଷିଃ ॥ ୪୨ ॥
ହିରଣ୍ୟକଶିପୁଶ୍ଚୈଵ ହିରଣ୍ୟାକ୍ଷୋ ହରପ୍ରିୟଃ ।
ଅଗସ୍ତିଃ ପୁଲହୋ ଦକ୍ଷଃ ପୌଲସ୍ତ୍ୟୋ ରାଵଣୋ ଘଟଃ ॥ ୪୩ ॥
ଦେଵାରିସ୍ତାପସସ୍ତାପୀ ଵିଭୀଷଣହରିପ୍ରିୟଃ ।
ତେଜସ୍ଵୀ ତେଜଦସ୍ତେଜୀ ଈଶୋ ରାଜପତିଃ ପ୍ରଭୁଃ ॥ ୪୪ ॥
ଦାଶରଥୀ ରାଘଵୋ ରାମୋ ରଘୁଵଂଶଵିଵର୍ଧନଃ ।
ସୀତାପତିଃ ପତିଃ ଶ୍ରୀମାନ୍ବ୍ରହ୍ମଣ୍ୟୋ ଭକ୍ତଵତ୍ସଲଃ ॥ ୪୫ ॥
ସନ୍ନଦ୍ଧଃ କଵଚୀ ଖଡ୍ଗୀ ଚୀରଵାସା ଦିଗମ୍ବରଃ ।
କିରୀଟୀ କୁଡଲୀ ଚାପୀ ଶଙ୍ଖଚକ୍ରୀ ଗଦାଧରଃ ॥ ୪୬ ॥
କୌସଲ୍ୟାନନ୍ଦନୋଦାରୋ ଭୂମିଶାୟୀ ଗୁହପ୍ରିୟଃ ।
ସୌମିତ୍ରୋ ଭରତୋ ବାଲଃ ଶତ୍ରୁଘ୍ନୋ ଭରତାଽଗ୍ରଜଃ ॥ ୪୭ ॥
ଲକ୍ଷ୍ମଣଃ ପରଵୀରଘ୍ନଃ ସ୍ତ୍ରୀସହାୟଃ କପୀଶ୍ଵରଃ ।
ହନୁମାନୃକ୍ଷରାଜଶ୍ଚ ସୁଗ୍ରୀଵୋ ଵାଲିନାଶନଃ ॥ ୪୮ ॥
ଦୂତପ୍ରିୟୋ ଦୂତକାରୀ ହ୍ୟଙ୍ଗଦୋ ଗଦତାଂ ଵରଃ ।
ଵନଧ୍ଵଂସୀ ଵନୀ ଵେଗୋ ଵାନରଧ୍ଵଜ ଲାଙ୍ଗୁଲୀ ॥ ୪୯ ॥
ରଵିଦଂଷ୍ଟ୍ରୀ ଚ ଲଙ୍କାହା ହାହାକାରୋ ଵରପ୍ରଦଃ ।
ଭଵସେତୁର୍ମହାସେତୁର୍ବଦ୍ଧସେତୂ ରମେଶ୍ଵରଃ ॥ ୫୦ ॥ ( var ରାମେଶ୍ଵରଃ)
ଜାନକୀଵଲ୍ଲଭଃ କାମୀ କିରୀଟୀ କୁଣ୍ଡଲୀ ଖଗୀ ।
ପୁଣ୍ଡରୀକଵିଶାଲାକ୍ଷୋ ମହାବାହୁର୍ଘନାକୃତିଃ ॥ ୫୧ ॥
ଚଞ୍ଚଲଶ୍ଚପଲଃ କାମୀ ଵାମୀ ଵାମାଙ୍ଗଵତ୍ସଲଃ ।
ସ୍ତ୍ରୀପ୍ରିୟଃ ସ୍ତ୍ରୀପରଃ ସ୍ତ୍ରୈଣଃ ସ୍ତ୍ରିୟୋ ଵାମାଡ୍ଗଵାସକଃ ॥ ୫୨ ॥
ଜିତଵୈରୀ ଜିତକାମୋ ଜିତକ୍ରୋଧୋ ଜିତେନ୍ଦ୍ରିୟଃ ।
ଶାନ୍ତୋ ଦାନ୍ତୋ ଦୟାରାମୋ ହ୍ୟେକସ୍ତ୍ରୀଵ୍ରତଧାରକଃ ॥ ୫୩ ॥
ସାତ୍ତ୍ଵିକଃ ସତ୍ତ୍ଵସଂସ୍ଥାନୋ ମଦହା କ୍ରୋଧହା ଖରଃ ।
ବହୁରାକ୍ଷସ ସମ୍ଵୀତଃ ସର୍ଵରାକ୍ଷସନାଶକୃତ୍ ॥ ୫୪ ॥
ରାଵଣାରୀ ରଣକ୍ଷୁଦ୍ର ଦଶମସ୍ତକଚ୍ଛେଦକଃ ।
ରାଜ୍ୟକାରୀ ୟଜ୍ଞକାରୀ ଦାତା ଭୋକ୍ତା ତପୋଧନଃ ॥ ୫୫ ॥
ଅୟୋଧ୍ୟାଧିପତିଃ କାନ୍ତୋ ଵୈକୁଣ୍ଠୋଽକୁଣ୍ଠଵିଗ୍ରହଃ ।
ସତ୍ୟଵ୍ରତୋ ଵ୍ରତୀ ଶୂରସ୍ତପୀ ସତ୍ୟଫଲପ୍ରଦଃ ॥ ୫୬ ॥
ସର୍ଵସାକ୍ଷୀଃ ସର୍ଵଗଶ୍ଚ ସର୍ଵପ୍ରାଣହରୋଽଵ୍ୟୟଃ ।
ପ୍ରାଣଶ୍ଚାଥାପ୍ୟପାନଶ୍ଚ ଵ୍ୟାନୋଦାନଃ ସମାନକଃ ॥ ୫୭ ॥
ନାଗଃ କୃକଲଃ କୂର୍ମଶ୍ଚ ଦେଵଦତ୍ତୋ ଧନଞ୍ଜୟଃ ।
ସର୍ଵପ୍ରାଣଵିଦୋ ଵ୍ୟାପୀ ୟୋଗଧାରକଧାରକଃ ॥ ୫୮ ॥
ତତ୍ତ୍ଵଵିତ୍ତତ୍ତ୍ଵଦସ୍ତତ୍ତ୍ଵୀ ସର୍ଵତତ୍ତ୍ଵଵିଶାରଦଃ ।
ଧ୍ୟାନସ୍ଥୋ ଧ୍ୟାନଶାଲୀ ଚ ମନସ୍ଵୀ ୟୋଗଵିତ୍ତମଃ ॥ ୫୯ ॥
ବ୍ରହ୍ମଜ୍ଞୋ ବ୍ରହ୍ମଦୋ ବହ୍ମଜ୍ଞାତା ଚ ବ୍ରହ୍ମସମ୍ଭଵଃ ।
ଅଧ୍ୟାତ୍ମଵିଦ୍ଵିଦୋ ଦୀପୋ ଜ୍ୟୋତୀରୂପୋ ନିରଞ୍ଜନଃ ॥ ୬୦ ॥
ଜ୍ଞାନଦୋଽଜ୍ଞାନହା ଜ୍ଞାନୀ ଗୁରୁଃ ଶିଷ୍ୟୋପଦେଶକଃ ।
ସୁଶିଷ୍ୟଃ ଶିକ୍ଷିତଃ ଶାଲୀ ଶିଷ୍ୟଶିକ୍ଷାଵିଶାରଦଃ ॥ ୬୧ ॥
ମନ୍ତ୍ରଦୋ ମନ୍ତ୍ରହା ମନ୍ତ୍ରୀ ତନ୍ତ୍ରୀ ତନ୍ତ୍ରଜନପ୍ରିୟଃ ।
ସନ୍ମନ୍ତ୍ରୋ ମନ୍ତ୍ରଵିନ୍ମନ୍ତ୍ରୀ ୟନ୍ତ୍ରମନ୍ତ୍ରୈକଭଞ୍ଜନଃ ॥ ୬୨ ॥
ମାରଣୋ ମୋହନୋ ମୋହୀ ସ୍ତମ୍ଭୋଚ୍ଚାଟନକୃତ୍ଖଲଃ ।
ବହୁମାୟୋ ଵିମାୟଶ୍ଚ ମହାମାୟାଵିମୋହକଃ ॥ ୬୩ ॥
ମୋକ୍ଷଦୋ ବନ୍ଧକୋ ବନ୍ଦୀ ହ୍ୟାକର୍ଷଣଵିକର୍ଷଣଃ ।
ହ୍ରୀଙ୍କାରୋ ବୀଜରୂପୀ ଚ କ୍ଲୀଙ୍କାରଃ କୀଲକାଧିପଃ ॥ ୬୪ ॥
ସୌଙ୍କାର ଶକ୍ତିମାଞ୍ଚ୍ଛକ୍ତିଃ ସର୍ଵଶକ୍ତିଧରୋ ଧରଃ । ( var ଶକ୍ତିୟାଞ୍ଚ୍ଛକ୍ତିଃ)
ଅକାରୋକାର ଓଙ୍କାରଶ୍ଛନ୍ଦୋଗାୟତ୍ରସମ୍ଭଵଃ ॥ ୬୫ ॥
ଵେଦୋ ଵେଦଵିଦୋ ଵେଦୀ ଵେଦାଧ୍ୟାୟୀ ସଦାଶିଵଃ ।
ଋଗ୍ୟଜୁଃସାମାଥର୍ଵେଶଃ ସାମଗାନକରୋଽକରୀ ॥ ୬୬ ॥
ତ୍ରିପଦୋ ବହୁପାଦୀ ଚ ଶତପଥଃ ସର୍ଵତୋମୁଖଃ ।
ପ୍ରାକୃତଃ ସଂସ୍କୃତୋ ୟୋଗୀ ଗୀତଗ୍ରନ୍ଥପ୍ରହେଲିକଃ ॥ ୬୭ ॥
ସଗୁଣୋ ଵିଗୁଣଶ୍ଛନ୍ଦୋ ନିଃସଙ୍ଗୋ ଵିଗୁଣୋ ଗୁଣୀ ।
ନିର୍ଗୁଣୋ ଗୁଣଵାନ୍ସଙ୍ଗୀ କର୍ମୀ ଧର୍ମୀ ଚ କର୍ମଦଃ ॥ ୬୮ ॥
ନିଷ୍କର୍ମା କାମକାମୀ ଚ ନିଃସଙ୍ଗଃ ସଙ୍ଗଵର୍ଜିତଃ ।
ନିର୍ଲୋଭୋ ନିରହଙ୍କାରୀ ନିଷ୍କିଞ୍ଚନଜନପ୍ରିୟଃ ॥ ୬୯ ॥
ସର୍ଵସଙ୍ଗକରୋ ରାଗୀ ସର୍ଵତ୍ୟାଗୀ ବହିଶ୍ଚରଃ ।
ଏକପାଦୋ ଦ୍ଵିପାଦଶ୍ଚ ବହୁପାଦୋଽଲ୍ପପାଦକଃ ॥ ୭୦ ॥
ଦ୍ଵିପଦସ୍ତ୍ରିପଦୋଽପାଦୀ ଵିପାଦୀ ପଦସଙ୍ଗ୍ରହଃ ।
ଖେଚରୋ ଭୂଚରୋ ଭ୍ରାମୀ ଭୃଙ୍ଗକୀଟମଧୁପ୍ରିୟଃ ॥ ୭୧ ॥
କ୍ରତୁଃ ସମ୍ଵତ୍ସରୋ ମାସୋ ଗଣିତାର୍କୋହ୍ୟହର୍ନିଶଃ ।
କୃତଂ ତ୍ରେତା କଲିଶ୍ଚୈଵ ଦ୍ଵାପରଶ୍ଚତୁରାକୃତିଃ ॥ ୭୨ ॥
ଦିଵାକାଲକରଃ କାଲଃ କୁଲଧର୍ମଃ ସନାତନଃ ।
କଲା କାଷ୍ଠା କଲା ନାଡ୍ୟୋ ୟାମଃ ପକ୍ଷଃ ସିତାସିତଃ ॥ ୭୩ ॥
ୟୁଗୋ ୟୁଗନ୍ଧରୋ ୟୋଗ୍ୟୋ ୟୁଗଧର୍ମପ୍ରଵର୍ତକଃ ।
କୁଲାଚାରଃ କୁଲକରଃ କୁଲଦୈଵକରଃ କୁଲୀ ॥ ୭୪ ॥
ଚତୁରାଽଽଶ୍ରମଚାରୀ ଚ ଗୃହସ୍ଥୋ ହ୍ୟତିଥିପ୍ରିୟଃ ।
ଵନସ୍ଥୋ ଵନଚାରୀ ଚ ଵାନପ୍ରସ୍ଥାଶ୍ରମୋଽଶ୍ରମୀ ॥ ୭୫ ॥
ବଟୁକୋ ବ୍ରହ୍ମଚାରୀ ଚ ଶିଖାସୂତ୍ରୀ କମଣ୍ଡଲୀ ।
ତ୍ରିଜଟୀ ଧ୍ୟାନଵାନ୍ଧ୍ୟାନୀ ବଦ୍ରିକାଶ୍ରମଵାସକୃତ୍ ॥ ୭୬ ॥
ହେମାଦ୍ରିପ୍ରଭଵୋ ହୈମୋ ହେମରାଶିର୍ହିମାକରଃ ।
ମହାପ୍ରସ୍ଥାନକୋ ଵିପ୍ରୋ ଵିରାଗୀ ରାଗଵାନ୍ଗୃହୀ ॥ ୭୭ ॥
ନରନାରାୟଣୋଽନାଗୋ କେଦାରୋଦାରଵିଗ୍ରହଃ ।
ଗଙ୍ଗାଦ୍ଵାରତପଃ ସାରସ୍ତପୋଵନ ତପୋନିଧିଃ ॥ ୭୮ ॥
ନିଧିରେଷ ମହାପଦ୍ମଃ ପଦ୍ମାକରଶ୍ରିୟାଲୟଃ । ( var ନିଧିରେଵ)
ପଦ୍ମନାଭଃ ପରୀତାତ୍ମା ପରିଵ୍ରାଟ୍ ପୁରୁଷୋତ୍ତମଃ ॥ ୭୯ ॥
ପରାନନ୍ଦଃ ପୁରାଣଶ୍ଚ ସମ୍ରାଡ୍ରାଜ ଵିରାଜକଃ । ( var ସମ୍ରାଟ୍ ରାଜ)
ଚକ୍ରସ୍ଥଶ୍ଚକ୍ରପାଲସ୍ଥଶ୍ଚକ୍ରଵର୍ତୀ ନରାଧିପଃ ॥ ୮୦ ॥
ଆୟୁର୍ଵେଦଵିଦୋ ଵୈଦ୍ୟୋ ଧନ୍ଵନ୍ତରିଶ୍ଚ ରୋଗହା ।
ଔଷଧୀବୀଜସମ୍ଭୂତୋ ରୋଗୀ ରୋଗଵିନାଶକୃତ ॥ ୮୧ ॥
ଚେତନଶ୍ଚେତକୋଽଚିନ୍ତ୍ୟଶ୍ଚିତ୍ତଚିନ୍ତାଵିନାଶକୃତ୍ ।
ଅତୀନ୍ଦ୍ରିୟଃ ସୁଖସ୍ପର୍ଶଶ୍ଚରଚାରୀ ଵିହଙ୍ଗମଃ ॥ ୮୨ ॥
ଗରୁଡଃ ପକ୍ଷିରାଜଶ୍ଚ ଚାକ୍ଷୁଷୋ ଵିନତାତ୍ମଜଃ ।
ଵିଷ୍ଣୁୟାନଵିମାନସ୍ଥୋ ମନୋମୟତୁରଙ୍ଗମଃ ॥ ୮୩ ॥
ବହୁଵୃଷ୍ଟିକରୋ ଵର୍ଷୀ ଐରାଵଣଵିରାଵଣଃ ।
ଉଚ୍ଚୈଃଶ୍ରଵାଽରୁଣୋ ଗାମୀ ହରିଦଶ୍ଵୋ ହରିପ୍ରିୟଃ ॥ ୮୪ ॥
ପ୍ରାଵୃଷୋ ମେଘମାଲୀ ଚ ଗଜରତ୍ନପୁରନ୍ଦରଃ ।
ଵସୁଦୋ ଵସୁଧାରଶ୍ଚ ନିଦ୍ରାଲୁଃ ପନ୍ନଗାଶନଃ ॥ ୮୫ ॥
ଶେଷଶାୟୀ ଜଲେଶାୟୀ ଵ୍ୟାସଃ ସତ୍ୟଵତୀସୁତଃ ।
ଵେଦଵ୍ୟାସକରୋ ଵାଗ୍ଗ୍ମୀ ବହୁଶାଖାଵିକଲ୍ପକଃ ॥ ୮୬ ॥
ସ୍ମୃତିଃ ପୁରାଣଧର୍ମାର୍ଥୀ ପରାଵରଵିଚକ୍ଷଣଃ ।
ସହସ୍ରଶୀର୍ଷା ସହସ୍ରାକ୍ଷଃ ସହସ୍ରଵଦନୋଜ୍ଜ୍ଵଲଃ ॥ ୮୭ ॥
ସହସ୍ରବାହୁଃ ସହସ୍ରାଂଶୁଃ ସହସ୍ରକିରଣୋ ନରଃ ।
ବହୁଶୀର୍ଷୈକଶୀର୍ଷଶ୍ଚ ତ୍ରିଶିରା ଵିଶିରାଃ ଶିରୀ ॥ ୮୮ ॥
ଜଟିଲୋ ଭସ୍ମରାଗୀ ଚ ଦିଵ୍ୟାମ୍ବରଧରଃ ଶୁଚିଃ ।
ଅଣୁରୂପୋ ବୃହଦ୍ରୂପୋ ଵିରୂପୋ ଵିକରାକୃତିଃ ॥ ୮୯ ॥
ସମୁଦ୍ରମାଥକୋ ମାଥୀ ସର୍ଵରତ୍ନହରୋ ହରିଃ ।
ଵଜ୍ରଵୈଡୂର୍ୟକୋ ଵଜ୍ରୀ ଚିନ୍ତାମଣିମହାମଣିଃ ॥ ୯୦ ॥
ଅନିର୍ମୂଲ୍ୟୋ ମହାମୂଲ୍ୟୋ ନିର୍ମୂଲ୍ୟଃ ସୁରଭିଃ ସୁଖୀ ।
ପିତା ମାତା ଶିଶୁର୍ବନ୍ଧୁର୍ଧାତା ତ୍ଵଷ୍ଟାର୍ୟମା ୟମଃ ॥ ୯୧ ॥
ଅନ୍ତଃସ୍ଥୋ ବାହ୍ୟକାରୀ ଚ ବହିଃସ୍ଥୋ ଵୈ ବହିଶ୍ଚରଃ ।
ପାଵନଃ ପାଵକଃ ପାକୀ ସର୍ଵଭକ୍ଷୀ ହୁତାଶନଃ ॥ ୯୨ ॥
ଭଗଵାନ୍ଭଗହା ଭାଗୀ ଭଵଭଞ୍ଜୋ ଭୟଙ୍କରଃ ।
କାୟସ୍ଥଃ କାର୍ୟକାରୀ ଚ କାର୍ୟକର୍ତା କରପ୍ରଦଃ ॥ ୯୩ ॥
ଏକଧର୍ମା ଦ୍ଵିଧର୍ମା ଚ ସୁଖୀ ଦୂତ୍ୟୋପଜୀଵକଃ ।
ବାଲକସ୍ତାରକସ୍ତ୍ରାତା କାଲୋ ମୂଷକଭକ୍ଷକଃ ॥ ୯୪ ॥
ସଞ୍ଜୀଵନୋ ଜୀଵକର୍ତା ସଜୀଵୋ ଜୀଵସମ୍ଭଵଃ ।
ଷଡ୍ଵିଂଶକୋ ମହାଵିଷ୍ଣୁଃ ସର୍ଵଵ୍ୟାପୀ ମହେଶ୍ଵରଃ ॥ ୯୫ ॥
ଦିଵ୍ୟାଙ୍ଗଦୋ ମୁକ୍ତମାଲୀ ଶ୍ରୀଵତ୍ସୋ ମକରଧ୍ଵଜଃ ।
ଶ୍ୟାମମୂର୍ତିର୍ଘନଶ୍ୟାମଃ ପୀତଵାସାଃ ଶୁଭାନନଃ ॥ ୯୬ ॥
ଚୀରଵାସା ଵିଵାସାଶ୍ଚ ଭୂତଦାନଵଵଲ୍ଲଭଃ ।
ଅମୃତୋଽମୃତଭାଗୀ ଚ ମୋହିନୀରୂପଧାରକଃ ॥ ୯୭ ॥
ଦିଵ୍ୟଦୃଷ୍ଟିଃ ସମଦୃଷ୍ଟିର୍ଦେଵଦାନଵଵଞ୍ଚକଃ ।
କବନ୍ଧଃ କେତୁକାରୀ ଚ ସ୍ଵର୍ଭାନୁଶ୍ଚନ୍ଦ୍ରତାପନଃ ॥ ୯୮ ॥
ଗ୍ରହରାଜୋ ଗ୍ରହୀ ଗ୍ରାହଃ ସର୍ଵଗ୍ରହଵିମୋଚକଃ ।
ଦାନମାନଜପୋ ହୋମଃ ସାନୁକୂଲଃ ଶୁଭଗ୍ରହଃ ॥ ୯୯ ॥
ଵିଘ୍ନକର୍ତାଽପହର୍ତା ଚ ଵିଘ୍ନନାଶୋ ଵିନାୟକଃ ।
ଅପକାରୋପକାରୀ ଚ ସର୍ଵସିଦ୍ଧିଫଲପ୍ରଦଃ ॥ ୧୦୦ ॥
ସେଵକଃ ସାମଦାନୀ ଚ ଭେଦୀ ଦଣ୍ଡୀ ଚ ମତ୍ସରୀ ।
ଦୟାଵାନ୍ଦାନଶୀଲଶ୍ଚ ଦାନୀ ୟଜ୍ଵା ପ୍ରତିଗ୍ରହୀ ॥ ୧୦୧ ॥
ହଵିରଗ୍ନିଶ୍ଚରୁସ୍ଥାଲୀ ସମିଧଶ୍ଚାନିଲୋ ୟମଃ ।
ହୋତୋଦ୍ଗାତା ଶୁଚିଃ କୁଣ୍ଡଃ ସାମଗୋ ଵୈକୃତିଃ ସଵଃ ॥ ୧୦୨ ॥
ଦ୍ରଵ୍ୟଂ ପାତ୍ରାଣି ସଙ୍କଲ୍ପୋ ମୁଶଲୋ ହ୍ୟରଣିଃ କୁଶଃ ।
ଦୀକ୍ଷିତୋ ମଣ୍ଡପୋ ଵେଦିର୍ୟଜମାନଃ ପଶୁଃ କ୍ରତୁଃ ॥ ୧୦୩ ॥
ଦକ୍ଷିଣା ସ୍ଵସ୍ତିମାନ୍ସ୍ଵସ୍ତି ହ୍ୟାଶୀର୍ଵାଦଃ ଶୁଭପ୍ରଦଃ ।
ଆଦିଵୃକ୍ଷୋ ମହାଵୃକ୍ଷୋ ଦେଵଵୃକ୍ଷୋ ଵନସ୍ପତିଃ ॥ ୧୦୪ ॥
ପ୍ରୟାଗୋ ଵେଣୁମାନ୍ଵେଣୀ ନ୍ୟଗ୍ରୋଧଶ୍ଚାଽକ୍ଷୟୋ ଵଟଃ ।
ସୁତୀର୍ଥସ୍ତୀର୍ଥକାରୀ ଚ ତୀର୍ଥରାଜୋ ଵ୍ରତୀ ଵତଃ ॥ ୧୦୫ ॥
ଵୃତ୍ତିଦାତା ପୃଥୁଃ ପୁତ୍ରୋ ଦୋଗ୍ଧା ଗୌର୍ଵତ୍ସ ଏଵ ଚ ।
କ୍ଷୀରଂ କ୍ଷୀରଵହଃ କ୍ଷୀରୀ କ୍ଷୀରଭାଗଵିଭାଗଵିତ୍ ॥ ୧୦୬ ॥
ରାଜ୍ୟଭାଗଵିଦୋ ଭାଗୀ ସର୍ଵଭାଗଵିକଲ୍ପକଃ ।
ଵାହନୋ ଵାହକୋ ଵେଗୀ ପାଦଚାରୀ ତପଶ୍ଚରଃ ॥ ୧୦୭ ॥
ଗୋପନୋ ଗୋପକୋ ଗୋପୀ ଗୋପକନ୍ୟାଵିହାରକୃତ୍ ।
ଵାସୁଦେଵୋ ଵିଶାଲାକ୍ଷଃ କୃଷ୍ଣୋଗୋପୀଜନପ୍ରିୟଃ ॥ ୧୦୮ ॥
ଦେଵକୀନନ୍ଦନୋ ନନ୍ଦୀ ନନ୍ଦଗୋପଗୃହାଽଽଶ୍ରମୀ ।
ୟଶୋଦାନନ୍ଦନୋ ଦାମୀ ଦାମୋଦର ଉଲୂଖଲୀ ॥ ୧୦୯ ॥
ପୂତନାରିଃ ପଦାକାରୀ ଲୀଲାଶକଟଭଞ୍ଜକଃ ।
ନଵନୀତପ୍ରିୟୋ ଵାଗ୍ଗ୍ମୀ ଵତ୍ସପାଲକବାଲକଃ ॥ ୧୧୦ ॥
ଵତ୍ସରୂପଧରୋ ଵତ୍ସୀ ଵତ୍ସହା ଧେନୁକାନ୍ତକୃତ୍ ।
ବକାରିର୍ଵନଵାସୀ ଚ ଵନକ୍ରୀଡାଵିଶାରଦଃ ॥ ୧୧୧ ॥
କୃଷ୍ଣଵର୍ଣାକୃତିଃ କାନ୍ତୋ ଵେଣୁଵେତ୍ରଵିଧାରକଃ ।
ଗୋପମୋକ୍ଷକରୋ ମୋକ୍ଷୋ ୟମୁନାପୁଲିନେଚରଃ ॥ ୧୧୨ ॥
ମାୟାଵତ୍ସକରୋ ମାୟୀ ବ୍ରହ୍ମମାୟାପମୋହକଃ ।
ଆତ୍ମସାରଵିହାରଜ୍ଞୋ ଗୋପଦାରକଦାରକଃ ॥ ୧୧୩ ॥
ଗୋଚାରୀ ଗୋପତିର୍ଗୋପୋ ଗୋଵର୍ଧନଧରୋ ବଲୀ ।
ଇନ୍ଦ୍ରଦ୍ୟୁମ୍ନୋ ମଖଧ୍ଵଂସୀ ଵୃଷ୍ଟିହା ଗୋପରକ୍ଷକଃ ॥ ୧୧୪ ॥
ସୁରଭିତ୍ରାଣକର୍ତା ଚ ଦାଵପାନକରଃ କଲୀ ।
କାଲୀୟମର୍ଦନଃ କାଲୀ ୟମୁନାହ୍ରଦଵିହାରକଃ ॥ ୧୧୫ ॥
ସଙ୍କର୍ଷଣୋ ବଲଶ୍ଲାଘ୍ୟୋ ବଲଦେଵୋ ହଲାୟୁଧଃ ।
ଲାଙ୍ଗଲୀ ମୁସଲୀ ଚକ୍ରୀ ରାମୋ ରୋହିଣିନନ୍ଦନଃ ॥ ୧୧୬ ॥
ୟମୁନାକର୍ଷଣୋଦ୍ଧାରୋ ନୀଲଵାସା ହଲୋ ହଲୀ ।
ରେଵତୀ ରମଣୋ ଲୋଲୋ ବହୁମାନକରଃ ପରଃ ॥ ୧୧୭ ॥
ଧେନୁକାରିର୍ମହାଵୀରୋ ଗୋପକନ୍ୟାଵିଦୂଷକଃ ।
କାମମାନହରଃ କାମୀ ଗୋପୀଵାସୋଽପତସ୍କରଃ ॥ ୧୧୮ ॥
ଵେଣୁଵାଦୀ ଚ ନାଦୀ ଚ ନୃତ୍ୟଗୀତଵିଶାରଦଃ ।
ଗୋପୀମୋହକରୋ ଗାନୀ ରାସକୋ ରଜନୀଚରଃ ॥ ୧୧୯ ॥
ଦିଵ୍ୟମାଲୀ ଵିମାଲୀ ଚ ଵନମାଲାଵିଭୂଷିତଃ ।
କୈଟଭାରିଶ୍ଚ କଂସାରିର୍ମଧୁହା ମଧୁସୂଦନଃ ॥ ୧୨୦ ॥
ଚାଣୂରମର୍ଦନୋ ମଲ୍ଲୋ ମୁଷ୍ଟୀ ମୁଷ୍ଟିକନାଶକୃତ୍ ।
ମୁରହା ମୋଦକା ମୋଦୀ ମଦଘ୍ନୋ ନରକାନ୍ତକୃତ୍ ॥ ୧୨୧ ॥
ଵିଦ୍ୟାଧ୍ୟାୟୀ ଭୂମିଶାୟୀ ସୁଦାମା ସୁସଖା ସୁଖୀ ।
ସକଲୋ ଵିକଲୋ ଵୈଦ୍ୟଃ କଲିତୋ ଵୈ କଲାନିଧିଃ ॥ ୧୨୨ ॥
ଵିଦ୍ୟାଶାଲୀ ଵିଶାଲୀ ଚ ପିତୃମାତୃଵିମୋକ୍ଷକଃ ।
ରୁକ୍ମିଣୀରମଣୋ ରମ୍ୟଃ କାଲିନ୍ଦୀପତିଃ ଶଙ୍ଖହା ॥ ୧୨୩ ॥
ପାଞ୍ଚଜନ୍ୟୋ ମହାପଦ୍ମୋ ବହୁନାୟକନାୟକଃ ।
ଧୁନ୍ଧୁମାରୋ ନିକୁମ୍ଭଘ୍ନଃ ଶମ୍ବରାନ୍ତୋ ରତିପ୍ରିୟଃ ॥ ୧୨୪ ॥
ପ୍ରଦ୍ୟୁମ୍ନଶ୍ଚାନିରୁଦ୍ଧଶ୍ଚ ସାତ୍ଵତାଂ ପତିରର୍ଜୁନଃ ।
ଫାଲ୍ଗୁନଶ୍ଚ ଗୁଡାକେଶଃ ସଵ୍ୟସାଚୀ ଧନଞ୍ଜୟଃ ॥ ୧୨୫ ॥
କିରୀଟୀ ଚ ଧନୁଷ୍ପାଣିର୍ଧନୁର୍ଵେଦଵିଶାରଦଃ ॥
ଶିଖଣ୍ଡୀ ସାତ୍ୟକିଃ ଶୈବ୍ୟୋ ଭୀମୋ ଭୀମପରାକ୍ରମଃ ॥ ୧୨୬ ॥
ପାଞ୍ଚାଲଶ୍ଚାଭିମନ୍ୟୁଶ୍ଚ ସୌଭଦ୍ରୋ ଦ୍ରୌପଦୀପତି ।
ୟୁଧିଷ୍ଠିରୋ ଧର୍ମରାଜଃ ସତ୍ୟଵାଦୀ ଶୁଚିଵ୍ରତଃ ॥ ୧୨୭ ॥
ନକୁଲଃ ସହଦେଵଶ୍ଚ କର୍ଣୋ ଦୁର୍ୟୋଧନୋ ଘୃଣୀ ।
ଗାଙ୍ଗେୟୋଽଥଗଦାପାଣିର୍ଭୀଷ୍ମୋ ଭାଗୀରଥୀସୁତଃ ॥ ୧୨୮ ॥
ପ୍ରଜ୍ଞାଚକ୍ଷୁର୍ଧୃତରାଷ୍ଟ୍ରୋ ଭାରଦ୍ଵାଜୋଽଥଗୌତମଃ ।
ଅଶ୍ଵତ୍ଥାମା ଵିକର୍ଣଶ୍ଚଜହ୍ନୁର୍ୟୁଦ୍ଧଵିଶାରଦଃ ॥ ୧୨୯ ॥
ସୀମନ୍ତିକୋ ଗଦୀ ଗାଲ୍ଵୋ ଵିଶ୍ଵାମିତ୍ରୋ ଦୁରାସଦଃ ।
ଦୁର୍ଵାସା ଦୁର୍ଵିନୀତଶ୍ଚ ମାର୍କଣ୍ଡେୟୋ ମହାମୁନିଃ ॥ ୧୩୦ ॥
ଲୋମଶୋ ନିର୍ମଲୋଽଲୋମୀ ଦୀର୍ଘାୟୁଶ୍ଚ ଚିରୋଽଚିରୀ ।
ପୁନର୍ଜୀଵୀ ମୃତୋ ଭାଵୀ ଭୂତୋ ଭଵ୍ୟୋ ଭଵିଷ୍ୟକଃ ॥ ୧୩୧ ॥
ତ୍ରିକାଲୋଽଥ ତ୍ରିଲିଙ୍ଗଶ୍ଚ ତ୍ରିନେତ୍ରସ୍ତ୍ରିପଦୀପତିଃ ।
ୟାଦଵୋ ୟାଜ୍ଞଵଲ୍କ୍ୟଶ୍ଚ ୟଦୁଵଂଶଵିଵର୍ଧନଃ ॥ ୧୩୨ ॥
ଶଲ୍ୟକ୍ରୀଡୀ ଵିକ୍ରୀଡଶ୍ଚ ୟାଦଵାନ୍ତକରଃ କଲିଃ ।
ସଦୟୋ ହୃଦୟୋ ଦାୟୋ ଦାୟଦୋ ଦାୟଭାଗ୍ଦୟୀ ॥ ୧୩୩ ॥
ମହୋଦଧିର୍ମହୀପୃଷ୍ଠୋ ନୀଲପର୍ଵତଵାସକୃତ ।
ଏକଵର୍ଣୋ ଵିଵର୍ଣଶ୍ଚ ସର୍ଵଵର୍ଣବହିଶ୍ଚରଃ ॥ ୧୩୪ ॥
ୟଜ୍ଞନିନ୍ଦୀ ଵେଦନିନ୍ଦୀ ଵେଦବାହ୍ୟୋ ବଲୋ ବଲିଃ ।
ବୌଦ୍ଧାରିର୍ବାଧକୋ ବାଧୋ ଜଗନ୍ନାଥୋ ଜଗତ୍ପତିଃ ॥ ୧୩୫ ॥
ଭକ୍ତିର୍ଭାଗଵତୋ ଭାଗୀ ଵିଭକ୍ତୋ ଭଗଵତ୍ପ୍ରିୟଃ ।
ତ୍ରିଗ୍ରାମୋଽଥ ନଵାରଣ୍ୟୋ ଗୁହ୍ୟୋପନିଷଦାସନଃ ॥ ୧୩୬ ॥
ଶାଲିଗ୍ରାମଃ ଶିଲାୟୁକ୍ତୋ ଵିଶାଲୋ ଗଣ୍ଡକାଶ୍ରୟଃ ।
ଶ୍ରୁତଦେଵଃ ଶ୍ରୁତଃ ଶ୍ରାଵୀ ଶ୍ରୁତବୋଧଃ ଶ୍ରୁତଶ୍ରଵାଃ ॥ ୧୩୭ ॥
କଲ୍କିଃ କାଲକଲଃ କଲ୍କୋ ଦୁଷ୍ଟମ୍ଲେଚ୍ଛଵିନାଶ କୃତ୍ ।
କୁଙ୍କୁମୀ ଧଵଲୋ ଧୀରଃ କ୍ଷମାକରୋ ଵୃଷାକପିଃ ॥ ୧୩୮ ॥
କିଙ୍କରଃ କିନ୍ନରଃ କଣ୍ଵଃ କେକୀ କିମ୍ପୁରୁଷାଧିପଃ ।
ଏକରୋମା ଵିରୋମା ଚ ବହୁରୋମା ବୃହତ୍କଵିଃ ॥ ୧୩୯ ॥
ଵଜ୍ରପ୍ରହରଣୋ ଵଜ୍ରୀ ଵୃତ୍ରଘ୍ନୋ ଵାସଵାନୁଜଃ ।
ବହୁତୀର୍ଥକରସ୍ତୀର୍ଥଃ ସର୍ଵତୀର୍ଥଜନେଶ୍ଵରଃ ॥ ୧୪୦ ॥
ଵ୍ୟତୀପାତୋପରାଗଶ୍ଚ ଦାନଵୃଦ୍ଧିକରଃ ଶୁଭଃ ।
ଅସଙ୍ଖ୍ୟେୟୋଽପ୍ରମେୟଶ୍ଚ ସଙ୍ଖ୍ୟାକାରୋ ଵିସଙ୍ଖ୍ୟକଃ ॥ ୧୪୧ ॥
ମିହିକୋତ୍ତାରକସ୍ତାରୋ ବାଲଚନ୍ଦ୍ରଃ ସୁଧାକରଃ ।
କିମ୍ଵର୍ଣଃ କୀଦୃଶଃ କିଞ୍ଚିତ୍କିଂସ୍ଵଭାଵଃ କିମାଶ୍ରୟଃ ॥ ୧୪୨ ॥
ନିର୍ଲୋକଶ୍ଚ ନିରାକାରୀ ବହ୍ଵାକାରୈକକାରକଃ ।
ଦୌହିତ୍ରଃ ପୁତ୍ରିକଃ ପୌତ୍ରୋ ନପ୍ତା ଵଂଶଧରୋ ଧରଃ ॥ ୧୪୩ ॥
ଦ୍ରଵୀଭୂତୋ ଦୟାଲୁଶ୍ଚ ସର୍ଵସିଦ୍ଧିପ୍ରଦୋ ମଣିଃ ॥ ୧୪୪ ॥
ଆଧାରୋଽପି ଵିଧାରଶ୍ଚ ଧରାସୂନୁଃ ସୁମଙ୍ଗଲଃ ।
ମଙ୍ଗଲୋ ମଙ୍ଗଲାକାରୋ ମାଙ୍ଗଲ୍ୟଃ ସର୍ଵମଙ୍ଗଲଃ ॥ ୧୪୫ ॥
ନାମ୍ନାଂ ସହସ୍ରଂ ନାମେଦଂ ଵିଷ୍ଣୋରତୁଲତେଜସଃ ।
ସର୍ଵସିଦ୍ଧିକରଂ କାମ୍ୟଂ ପୁଣ୍ୟଂ ହରିହରାତ୍ମକମ୍ ॥ ୧୪୬ ॥
ୟଃ ପଠେତ୍ପ୍ରାତରୁତ୍ଥାୟ ଶୁଚିର୍ଭୂତ୍ଵା ସମାହିତଃ ।
ୟଶ୍ଚେଦଂ ଶୃଣୁୟାନ୍ନିତ୍ୟଂ ନରୋ ନିଶ୍ଚଲମାନସଃ ॥ ୧୪୭ ॥
ତ୍ରିସନ୍ଧ୍ୟଂ ଶ୍ରଦ୍ଧୟା ୟୁକ୍ତଃ ସର୍ଵପାପୈଃ ପ୍ରମୁଚ୍ୟତେ ।
ନନ୍ଦତେ ପୁତ୍ରପୌତ୍ରୈଶ୍ଚ ଦାରୈର୍ଭୃତ୍ୟୈଶ୍ଚ ପୂଜିତଃ ॥ ୧୪୮ ॥
ପ୍ରାପ୍ନୁତେ ଵିପୁଲାଂ ଲକ୍ଷ୍ମୀଂ ମୁଚ୍ୟତେ ସର୍ଵସଙ୍କଟାତ୍ ।
ସର୍ଵାନ୍କାମାନଵାପ୍ନୋତି ଲଭତେ ଵିପୁଲଂ ୟଶଃ ॥ ୧୪୯ ॥
ଵିଦ୍ୟାଵାଞ୍ଜାୟତେ ଵିପ୍ରଃ କ୍ଷତ୍ରିୟୋ ଵିଜୟୀ ଭଵେତ୍ ।
ଵୈଶ୍ୟଶ୍ଚ ଧନଲାଭାଢ୍ୟଃ ଶୂଦ୍ରଃ ସୁଖମଵାପ୍ନୁୟାତ୍ ॥ ୧୫୦ ॥
ରଣେ ଘୋରେ ଵିଵାଦେ ଚ ଵ୍ୟାପାରେ ପାରତନ୍ତ୍ରକେ ।
ଵିଜୟୀ ଜୟମାପ୍ନୋତି ସର୍ଵଦା ସର୍ଵକର୍ମସୁ ॥ ୧୫୧ ॥
ଏକଧା ଦଶଧା ଚୈଵ ଶତଧା ଚ ସହସ୍ରଧା ।
ପଠତେ ହି ନରୋ ନିତ୍ୟଂ ତଥୈଵ ଫଲମଶ୍ନୁତେ ॥ ୧୫୨ ॥
ପୁତ୍ରାର୍ଥୀ ପ୍ରାପ୍ନୁତେ ପୁତ୍ରାନ୍ଧନାର୍ଥୀ ଧନମଵ୍ୟୟମ୍ ।
ମୋକ୍ଷାର୍ଥୀ ପ୍ରାପ୍ନୁତେ ମୋକ୍ଷଂ ଧର୍ମାର୍ଥୀ ଧର୍ମସଞ୍ଚୟମ୍ ॥ ୧୫୩ ॥
କନ୍ୟାର୍ଥୀ ପ୍ରାପ୍ନୁତେ କନ୍ୟାଂ ଦୁର୍ଲଭାଂ ୟତ୍ସୁରୈରପି ।
ଜ୍ଞାନାର୍ଥୀ ଜାୟତେ ଜ୍ଞାନୀ ୟୋଗୀ ୟୋଗେଷୁ ୟୁଜ୍ୟତେ ॥ ୧୫୪ ॥
ମହୋତ୍ପାତେଷୁ ଘୋରେଷୁ ଦୁର୍ଭିକ୍ଷେ ରାଜଵିଗ୍ରହେ ।
ମହାମାରୀସମୁଦ୍ଭୂତେ ଦାରିଦ୍ର୍ୟେ ଦୁଃଖପୀଡିତେ ॥ ୧୫୫ ॥
ଅରଣ୍ୟେ ପ୍ରାନ୍ତରେ ଵାଽପି ଦାଵାଗ୍ନିପରିଵାରିତେ ।
ସିଂହଵ୍ୟାଘ୍ରାଭିଭୂତେଽପି ଵନେ ହସ୍ତିସମାକୁଲେ ॥ ୧୫୬ ॥
ରାଜ୍ଞା କ୍ରୁଦ୍ଧେନ ଚାଜ୍ଞପ୍ତେ ଦସ୍ୟୁଭିଃ ସହ ସଙ୍ଗମେ ।
ଵିଦ୍ୟୁତ୍ପାତେଷୁ ଘୋରେଷୁ ସ୍ମର୍ତଵ୍ୟଂ ହି ସଦା ନରୈଃ ॥ ୧୫୭ ॥
ଗ୍ରହପୀଡାସୁ ଚୋଗ୍ରାସୁ ଵଧବନ୍ଧଗତାଵପି ।
ମହାର୍ଣଵେ ମହାନଦ୍ୟାଂ ପୋତସ୍ଥେଷୁ ନ ଚାପଦଃ ॥ ୧୫୮ ॥
ରୋଗଗ୍ରସ୍ତୋ ଵିଵର୍ଣଶ୍ଚ ଗତକେଶନଖତ୍ଵଚଃ ।
ପଠନାଚ୍ଛଵଣାଦ୍ଵାପି ଦିଵ୍ୟକାୟା ଭଵନ୍ତି ତେ ॥ ୧୫୯ ॥
ତୁଲସୀଵନସଂସ୍ଥାନେ ସରୋଦ୍ଵୀପେ ସୁରାଲୟେ ।
ବଦ୍ରିକାଶ୍ରମେ ଶୁଭେ ଦେଶେ ଗଙ୍ଗାଦ୍ଵାରେ ତପୋଵନେ ॥ ୧୬୦ ॥
ମଧୁଵନେ ପ୍ରୟାଗେ ଚ ଦ୍ଵାରକାୟାଂ ସମାହିତଃ ।
ମହାକାଲଵନେ ସିଦ୍ଧେ ନିୟତାଃ ସର୍ଵକାମିକାଃ ॥ ୧୬୧ ॥
ୟେ ପଠନ୍ତି ଶତାଵର୍ତଂ ଭକ୍ତିମନ୍ତୋ ଜିତେନ୍ଦ୍ରିୟାଃ ।
ତେ ସିଦ୍ଧାଃ ସିଦ୍ଧିଦା ଲୋକେ ଵିଚରନ୍ତି ମହୀତଲେ ॥ ୧୬୨ ॥
ଅନ୍ୟୋନ୍ୟଭେଦଭେଦାନାଂ ମୈତ୍ରୀକରଣମୁତ୍ତମମ୍ ।
ମୋହନଂ ମୋହନାନାଂ ଚ ପଵିତ୍ରଂ ପାପନାଶନମ୍ ॥ ୧୬୩ ॥
ବାଲଗ୍ରହଵିନାଶାୟ ଶାନ୍ତୀକରଣମୁତ୍ତମମ୍ ।
ଦୁର୍ଵୃତ୍ତାନାଂ ଚ ପାପାନାଂ ବୁଦ୍ଧିନାଶକରଂ ପରମ୍ ॥ ୧୬୪ ॥
ପତଦ୍ଗର୍ଭା ଚ ଵନ୍ଧ୍ୟା ଚ ସ୍ରାଵିଣୀ କାକଵନ୍ଧ୍ୟକା ।
ଅନାୟାସେନ ସତତଂ ପୁତ୍ରମେଵ ପ୍ରସୂୟତେ ॥ ୧୬୫ ॥
ପୟଃପୁଷ୍କଲଦା ଗାଵୋ ବହୁଧାନ୍ୟଫଲା କୃଷିଃ ।
ସ୍ଵାମିଧର୍ମପରା ଭୃତ୍ୟା ନାରୀ ପତିଵ୍ରତା ଭଵେତ୍ ॥ ୧୬୬ ॥
ଅକାଲମୃତ୍ୟୁନାଶାୟ ତଥା ଦୁଃସ୍ଵପ୍ନଦର୍ଶନେ ।
ଶାନ୍ତିକର୍ମଣି ସର୍ଵତ୍ର ସ୍ମର୍ତଵ୍ୟଂ ଚ ସଦା ନରୈଃ ॥ ୧୬୭ ॥
ୟଃ ପଠତ୍ୟନ୍ଵହଂ ମର୍ତ୍ୟଃ ଶୁଚିଷ୍ମାନ୍ଵିଷ୍ଣୁସନ୍ନିଧୌ ।
ଏକାକୀ ଚ ଜିତାହାରୋ ଜିତକ୍ରୋଧୋ ଜିତେନ୍ଦ୍ରିୟଃ ॥ ୧୬୮ ॥
ଗରୁଡାରୋହସମ୍ପନ୍ନଃ ପୀତଵାସାଶ୍ଚତୁର୍ଭୁଜଃ ।
ଵାଞ୍ଛିତଂ ପ୍ରାପ୍ୟ ଲୋକେଽସ୍ମିନ୍ଵିଷ୍ଣୁଲୋକେ ସ ଗଚ୍ଛତି ॥ ୧୬୯ ॥
ଏକତଃ ସକଲା ଵିଦ୍ୟା ଏକତଃ ସକଲଂ ତପଃ ।
ଏକତଃ ସକଲୋ ଧର୍ମୋ ନାମ ଵିଷ୍ଣୋସ୍ତଥୈକତଃ ॥ ୧୭୦ ॥
ୟୋ ହି ନାମସହସ୍ରେଣ ସ୍ତୋତୁମିଚ୍ଛତି ଵୈ ଦ୍ଵିଜଃ ।
ସୋଽୟମେକେନ ଶ୍ଲୋକେନ ସ୍ତୁତ ଏଵ ନ ସଂଶୟଃ ॥ ୧୭୧ ॥ ( var ସୋଽହମେକେନ)
ସହସ୍ରାକ୍ଷଃ ସହସ୍ରପାତ୍ସହସ୍ରଵଦନୋଜ୍ଜ୍ଵଲଃ ।
ସହସ୍ରନାମାନନ୍ତାକ୍ଷଃ ସହସ୍ରବାହୁର୍ନମୋଽସ୍ତୁ ତେ ॥ ୧୭୨ ॥
ଵିଷ୍ଣୋର୍ନାମସହସ୍ରଂ ଵୈ ପୁରାଣଂ ଵେଦସମ୍ମତମ୍ ।
ପଠିତଵ୍ୟଂ ସଦା ଭକ୍ତୈଃ ସର୍ଵମଙ୍ଗଲମଙ୍ଗଲମ୍ ॥ ୧୭୩ ॥
ଇତି ସ୍ତଵାଭିୟୁକ୍ତାନାଂ ଦେଵାନାଂ ତତ୍ର ଵୈ ଦ୍ଵିଜ ।
ପ୍ରତ୍ୟକ୍ଷଂ ପ୍ରାହ ଭଗଵାନ୍ଵରଦୋ ଵରଦାର୍ଚିତଃ ॥ ୧୭୪ ॥
ଶ୍ରୀଭଗଵାନୁଵାଚ –
ଵ୍ରିୟତାଂ ଭୋଃ ସୁରାଃ ସର୍ଵୈର୍ଵରୋଽସ୍ମତ୍ତୋଭିଵାଞ୍ଛିତଃ ।
ତତ୍ସର୍ଵଂ ସମ୍ପ୍ରଦାସ୍ୟାମି ନାଽତ୍ର କାର୍ୟା ଵିଚାରଣା ॥ ୧୭୫ ॥
ଇତି ଶ୍ରୀସ୍କନ୍ଦମହାପୁରାଣେ ଆଵନ୍ତ୍ୟଖଣ୍ଡେଽଵନ୍ତୀକ୍ଷେତ୍ରମାହାତ୍ମ୍ୟେ ଵିଷ୍ଣୁସହସ୍ରନାମୋଽଧ୍ୟାୟଃ ॥
– Chant Stotra in Other Languages –
1000 Names of Sri Vishnu » Sahasranama Stotram from Skandapurana in Sanskrit » English » Bengali » Gujarati » Kannada » Malayalam » Telugu » Tamil