॥ Sri Vishnu Sahasranamastotram Odia Lyrics ॥
॥ ଶ୍ରୀଵିଷ୍ଣୁସହସ୍ରନାମସ୍ତୋତ୍ରମ୍ ॥
ନାରାୟଣଂ ନମସ୍କୃତ୍ୟ ନରଂ ଚୈଵ ନରୋତ୍ତମମ୍ ।
ଦେଵୀଂ ସରସ୍ଵତୀଂ ଵ୍ୟାସଂ ତତୋ ଜୟମୁଦୀରୟେତ୍ ॥
ଓଂ ଅଥ ସକଲସୌଭାଗ୍ୟଦାୟକ ଶ୍ରୀଵିଷ୍ଣୁସହସ୍ରନାମସ୍ତୋତ୍ରମ୍ ।
ଶୁକ୍ଲାମ୍ବରଧରଂ ଵିଷ୍ଣୁଂ ଶଶିଵର୍ଣଂ ଚତୁର୍ଭୁଜମ୍ ।
ପ୍ରସନ୍ନଵଦନଂ ଧ୍ୟାୟେତ୍ ସର୍ଵଵିଘ୍ନୋପଶାନ୍ତୟେ ॥ ୧ ॥
ୟସ୍ୟ ଦ୍ଵିରଦଵକ୍ତ୍ରାଦ୍ୟାଃ ପାରିଷଦ୍ୟାଃ ପରଃ ଶତମ୍ ।
ଵିଘ୍ନଂ ନିଘ୍ନନ୍ତି ସତତଂ ଵିଷ୍ଵକ୍ସେନଂ ତମାଶ୍ରୟେ ॥ ୨ ॥
ଵ୍ୟାସଂ ଵସିଷ୍ଠନପ୍ତାରଂ ଶକ୍ତେଃ ପୌତ୍ରମକଲ୍ମଷମ୍ ।
ପରାଶରାତ୍ମଜଂ ଵନ୍ଦେ ଶୁକତାତଂ ତପୋନିଧିମ୍ ॥ ୩ ॥
ଵ୍ୟାସାୟ ଵିଷ୍ଣୁରୂପାୟ ଵ୍ୟାସରୂପାୟ ଵିଷ୍ଣଵେ ।
ନମୋ ଵୈ ବ୍ରହ୍ମନିଧୟେ ଵାସିଷ୍ଠାୟ ନମୋ ନମଃ ॥ ୪ ॥
ଅଵିକାରାୟ ଶୁଦ୍ଧାୟ ନିତ୍ୟାୟ ପରମାତ୍ମନେ ।
ସଦୈକରୂପରୂପାୟ ଵିଷ୍ଣଵେ ସର୍ଵଜିଷ୍ଣଵେ ॥ ୫ ॥
ୟସ୍ୟ ସ୍ମରଣମାତ୍ରେଣ ଜନ୍ମସଂସାରବନ୍ଧନାତ୍ ।
ଵିମୁଚ୍ୟତେ ନମସ୍ତସ୍ମୈ ଵିଷ୍ଣଵେ ପ୍ରଭଵିଷ୍ଣଵେ ॥ ୬ ॥
ଓଂ ନମୋ ଵିଷ୍ଣଵେ ପ୍ରଭଵିଷ୍ଣଵେ ।
ଶ୍ରୀଵୈଶମ୍ପାୟନ ଉଵାଚ —
ଶ୍ରୁତ୍ଵା ଧର୍ମାନଶେଷେଣ ପାଵନାନି ଚ ସର୍ଵଶଃ ।
ୟୁଧିଷ୍ଠିରଃ ଶାନ୍ତନଵଂ ପୁନରେଵାଭ୍ୟଭାଷତ ॥ ୭ ॥
ୟୁଧିଷ୍ଠିର ଉଵାଚ —
କିମେକଂ ଦୈଵତଂ ଲୋକେ କିଂ ଵାପ୍ୟେକଂ ପରାୟଣମ୍ ।
ସ୍ତୁଵନ୍ତଃ କଂ କମର୍ଚନ୍ତଃ ପ୍ରାପ୍ନୁୟୁର୍ମାନଵାଃ ଶୁଭମ୍ ॥ ୮ ॥
କୋ ଧର୍ମଃ ସର୍ଵଧର୍ମାଣାଂ ଭଵତଃ ପରମୋ ମତଃ ।
କିଂ ଜପନ୍ମୁଚ୍ୟତେ ଜନ୍ତୁର୍ଜନ୍ମସଂସାରବନ୍ଧନାତ୍ ॥ ୯ ॥
ଭୀଷ୍ମ ଉଵାଚ —
ଜଗତ୍ପ୍ରଭୁଂ ଦେଵଦେଵମନନ୍ତଂ ପୁରୁଷୋତ୍ତମମ୍ ।
ସ୍ତୁଵନ୍ ନାମସହସ୍ରେଣ ପୁରୁଷଃ ସତତୋତ୍ଥିତଃ ॥ ୧୦ ॥
ତମେଵ ଚାର୍ଚୟନ୍ନିତ୍ୟଂ ଭକ୍ତ୍ୟା ପୁରୁଷମଵ୍ୟୟମ୍ ।
ଧ୍ୟାୟନ୍ ସ୍ତୁଵନ୍ ନମସ୍ୟଂଶ୍ଚ ୟଜମାନସ୍ତମେଵ ଚ ॥ ୧୧ ॥
ଅନାଦିନିଧନଂ ଵିଷ୍ଣୁଂ ସର୍ଵଲୋକମହେଶ୍ଵରମ୍ ।
ଲୋକାଧ୍ୟକ୍ଷଂ ସ୍ତୁଵନ୍ନିତ୍ୟଂ ସର୍ଵଦୁଃଖାତିଗୋ ଭଵେତ୍ ॥ ୧୨ ॥
ବ୍ରହ୍ମଣ୍ୟଂ ସର୍ଵଧର୍ମଜ୍ଞଂ ଲୋକାନାଂ କୀର୍ତିଵର୍ଧନମ୍ ।
ଲୋକନାଥଂ ମହଦ୍ଭୂତଂ ସର୍ଵଭୂତଭଵୋଦ୍ଭଵମ୍ ॥ ୧୩ ॥
ଏଷ ମେ ସର୍ଵଧର୍ମାଣାଂ ଧର୍ମୋଽଧିକତମୋ ମତଃ ।
ୟଦ୍ଭକ୍ତ୍ୟା ପୁଣ୍ଡରୀକାକ୍ଷଂ ସ୍ତଵୈରର୍ଚେନ୍ନରଃ ସଦା ॥ ୧୪ ॥
ପରମଂ ୟୋ ମହତ୍ତେଜଃ ପରମଂ ୟୋ ମହତ୍ତପଃ ।
ପରମଂ ୟୋ ମହଦ୍ବ୍ରହ୍ମ ପରମଂ ୟଃ ପରାୟଣମ୍ ॥ ୧୫ ॥
ପଵିତ୍ରାଣାଂ ପଵିତ୍ରଂ ୟୋ ମଙ୍ଗଲାନାଂ ଚ ମଙ୍ଗଲମ୍ ।
ଦୈଵତଂ ଦୈଵତାନାଂ ଚ ଭୂତାନାଂ ୟୋଽଵ୍ୟୟଃ ପିତା ॥ ୧୬ ॥
ୟତଃ ସର୍ଵାଣି ଭୂତାନି ଭଵନ୍ତ୍ୟାଦିୟୁଗାଗମେ ।
ୟସ୍ମିଂଶ୍ଚ ପ୍ରଲୟଂ ୟାନ୍ତି ପୁନରେଵ ୟୁଗକ୍ଷୟେ ॥ ୧୭ ॥
ତସ୍ୟ ଲୋକପ୍ରଧାନସ୍ୟ ଜଗନ୍ନାଥସ୍ୟ ଭୂପତେ ।
ଵିଷ୍ଣୋର୍ନାମସହସ୍ରଂ ମେ ଶୃଣୁ ପାପଭୟାପହମ୍ ॥ ୧୮ ॥
ୟାନି ନାମାନି ଗୌଣାନି ଵିଖ୍ୟାତାନି ମହାତ୍ମନଃ ।
ଋଷିଭିଃ ପରିଗୀତାନି ତାନି ଵକ୍ଷ୍ୟାମି ଭୂତୟେ ॥ ୧୯ ॥
ଋଷିର୍ନାମ୍ନାଂ ସହସ୍ରସ୍ୟ ଵେଦଵ୍ୟାସୋ ମହାମୁନିଃ ॥
ଛନ୍ଦୋଽନୁଷ୍ଟୁପ୍ ତଥା ଦେଵୋ ଭଗଵାନ୍ ଦେଵକୀସୁତଃ ॥ ୨୦ ॥
ଅମୃତାଂଶୂଦ୍ଭଵୋ ବୀଜଂ ଶକ୍ତିର୍ଦେଵକିନନ୍ଦନଃ ।
ତ୍ରିସାମା ହୃଦୟଂ ତସ୍ୟ ଶାନ୍ତ୍ୟର୍ଥେ ଵିନିୟୋଜ୍ୟତେ ॥ ୨୧ ॥
ଵିଷ୍ଣୁଂ ଜିଷ୍ଣୁଂ ମହାଵିଷ୍ଣୁଂ ପ୍ରଭଵିଷ୍ଣୁଂ ମହେଶ୍ଵରମ୍ ॥
ଅନେକରୂପ ଦୈତ୍ୟାନ୍ତଂ ନମାମି ପୁରୁଷୋତ୍ତମଂ ॥ ୨୨ ॥
ପୂର୍ଵନ୍ୟାସଃ ।
ଶ୍ରୀଵେଦଵ୍ୟାସ ଉଵାଚ —
ଓଂ ଅସ୍ୟ ଶ୍ରୀଵିଷ୍ଣୋର୍ଦିଵ୍ୟସହସ୍ରନାମସ୍ତୋତ୍ରମହାମନ୍ତ୍ରସ୍ୟ ।
ଶ୍ରୀ ଵେଦଵ୍ୟାସୋ ଭଗଵାନ୍ ଋଷିଃ ।
ଅନୁଷ୍ଟୁପ୍ ଛନ୍ଦଃ ।
ଶ୍ରୀମହାଵିଷ୍ଣୁଃ ପରମାତ୍ମା ଶ୍ରୀମନ୍ନାରାୟଣୋ ଦେଵତା ।
ଅମୃତାଂଶୂଦ୍ଭଵୋ ଭାନୁରିତି ବୀଜମ୍ ।
ଦେଵକୀନନ୍ଦନଃ ସ୍ରଷ୍ଟେତି ଶକ୍ତିଃ ।
ଉଦ୍ଭଵଃ କ୍ଷୋଭଣୋ ଦେଵ ଇତି ପରମୋ ମନ୍ତ୍ରଃ ।
ଶଙ୍ଖଭୃନ୍ନନ୍ଦକୀ ଚକ୍ରୀତି କୀଲକମ୍ ।
ଶାର୍ଙ୍ଗଧନ୍ଵା ଗଦାଧର ଇତ୍ୟସ୍ତ୍ରମ୍ ।
ରଥାଙ୍ଗପାଣିରକ୍ଷୋଭ୍ୟ ଇତି ନେତ୍ରମ୍ ।
ତ୍ରିସାମା ସାମଗଃ ସାମେତି କଵଚମ୍ ।
ଆନନ୍ଦଂ ପରବ୍ରହ୍ମେତି ୟୋନିଃ ।
ଋତୁଃ ସୁଦର୍ଶନଃ କାଲ ଇତି ଦିଗ୍ବନ୍ଧଃ ॥
ଶ୍ରୀଵିଶ୍ଵରୂପ ଇତି ଧ୍ୟାନମ୍ ।
ଶ୍ରୀମହାଵିଷ୍ଣୁପ୍ରୀତ୍ୟର୍ଥେ ସହସ୍ରନାମସ୍ତୋତ୍ରପାଠେ ଵିନିୟୋଗଃ ॥
ଅଥ ନ୍ୟାସଃ ।
ଓଂ ଶିରସି ଵେଦଵ୍ୟାସଋଷୟେ ନମଃ ।
ମୁଖେ ଅନୁଷ୍ଟୁପ୍ଛନ୍ଦସେ ନମଃ ।
ହୃଦି ଶ୍ରୀକୃଷ୍ଣପରମାତ୍ମଦେଵତାୟୈ ନମଃ ।
ଗୁହ୍ୟେ ଅମୃତାଂଶୂଦ୍ଭଵୋ ଭାନୁରିତି ବୀଜାୟ ନମଃ ।
ପାଦୟୋର୍ଦେଵକୀନନ୍ଦନଃ ସ୍ରଷ୍ଟେତି ଶକ୍ତୟେ ନମଃ ।
ସର୍ଵାଙ୍ଗେ ଶଙ୍ଖଭୃନ୍ନନ୍ଦକୀ ଚକ୍ରୀତି କୀଲକାୟ ନମଃ ।
କରସମ୍ପୂଟେ ମମ ଶ୍ରୀକୃଷ୍ଣପ୍ରୀତ୍ୟର୍ଥେ ଜପେ ଵିନିୟୋଗାୟ ନମଃ ॥
ଇତି ଋଷୟାଦିନ୍ୟାସଃ ॥
ଅଥ କରନ୍ୟାସଃ ।
ଓଂ ଵିଶ୍ଵଂ ଵିଷ୍ଣୁର୍ଵଷଟ୍କାର ଇତ୍ୟଙ୍ଗୁଷ୍ଠାଭ୍ୟାଂ ନମଃ ।
ଅମୃତାଂଶୂଦ୍ଭଵୋ ଭାନୁରିତି ତର୍ଜନୀଭ୍ୟାଂ ନମଃ ।
ବ୍ରହ୍ମଣ୍ୟୋ ବ୍ରହ୍ମକୃଦ୍ବ୍ରହ୍ମେତି ମଧ୍ୟମାଭ୍ୟାଂ ନମଃ ।
ସୁଵର୍ଣବିନ୍ଦୁରକ୍ଷୋଭ୍ୟ ଇତ୍ୟନାମିକାଭ୍ୟାଂ ନମଃ ।
ନିମିଷୋଽନିମିଷଃ ସ୍ରଗ୍ଵୀତି କନିଷ୍ଠିକାଭ୍ୟାଂ ନମଃ ।
ରଥାଙ୍ଗପାଣିରକ୍ଷୋଭ୍ୟ ଇତି କରତଲକରପୃଷ୍ଠାଭ୍ୟାଂ ନମଃ ।
ଇତି କରନ୍ୟାସଃ ।
ଅଥ ଷଡଙ୍ଗନ୍ୟାସଃ ।
ଓଂ ଵିଶ୍ଵଂ ଵିଷ୍ଣୁର୍ଵଷଟ୍କାର ଇତି ହୃଦୟାୟ ନମଃ ।
ଅମୃତାଂଶୂଦ୍ଭଵୋ ଭାନୁରିତି ଶିରସେ ସ୍ଵାହା ।
ବ୍ରହ୍ମଣ୍ୟୋ ବ୍ରହ୍ମକୃଦ୍ବ୍ରହ୍ମେତି ଶିଖାୟୈ ଵଷଟ୍ ।
ସୁଵର୍ଣବିନ୍ଦୁରକ୍ଷୋଭ୍ୟ ଇତି କଵଚାୟ ହୁମ୍ ।
ନିମିଷୋଽନିମିଷଃ ସ୍ରଗ୍ଵୀତି ନେତ୍ରତ୍ରୟାୟ ଵୌଷଟ୍ ।
ରଥାଙ୍ଗପାଣିରକ୍ଷୋଭ୍ୟ ଇତ୍ୟସ୍ତ୍ରାୟ ଫଟ୍ ।
ଇତି ଷଡଙ୍ଗନ୍ୟାସଃ ॥
ଶ୍ରୀକୃଷ୍ଣପ୍ରୀତ୍ୟର୍ଥେ ଵିଷ୍ଣୋର୍ଦିଵ୍ୟସହସ୍ରନାମଜପମହଂ
କରିଷ୍ୟେ ଇତି ସଙ୍କଲ୍ପଃ ।
ଅଥ ଧ୍ୟାନମ୍ ।
କ୍ଷୀରୋଦନ୍ଵତ୍ପ୍ରଦେଶେ ଶୁଚିମଣିଵିଲସତ୍ସୈକତେର୍ମୌକ୍ତିକାନାଂ
ମାଲାକୢପ୍ତାସନସ୍ଥଃ ସ୍ଫଟିକମଣିନିଭୈର୍ମୌକ୍ତିକୈର୍ମଣ୍ଡିତାଙ୍ଗଃ ।
ଶୁଭ୍ରୈରଭ୍ରୈରଦଭ୍ରୈରୁପରିଵିରଚିତୈର୍ମୁକ୍ତପୀୟୂଷ ଵର୍ଷୈଃ
ଆନନ୍ଦୀ ନଃ ପୁନୀୟାଦରିନଲିନଗଦା ଶଙ୍ଖପାଣିର୍ମୁକୁନ୍ଦଃ ॥ ୧ ॥
ଭୂଃ ପାଦୌ ୟସ୍ୟ ନାଭିର୍ଵିୟଦସୁରନିଲଶ୍ଚନ୍ଦ୍ର ସୂର୍ୟୌ ଚ ନେତ୍ରେ
କର୍ଣାଵାଶାଃ ଶିରୋ ଦ୍ୟୌର୍ମୁଖମପି ଦହନୋ ୟସ୍ୟ ଵାସ୍ତେୟମବ୍ଧିଃ ।
ଅନ୍ତଃସ୍ଥଂ ୟସ୍ୟ ଵିଶ୍ଵଂ ସୁରନରଖଗଗୋଭୋଗିଗନ୍ଧର୍ଵଦୈତ୍ୟୈଃ
ଚିତ୍ରଂ ରଂରମ୍ୟତେ ତଂ ତ୍ରିଭୁଵନ ଵପୁଷଂ ଵିଷ୍ଣୁମୀଶଂ ନମାମି ॥ ୨ ॥
ଓଂ ଶାନ୍ତାକାରଂ ଭୁଜଗଶୟନଂ ପଦ୍ମନାଭଂ ସୁରେଶଂ
ଵିଶ୍ଵାଧାରଂ ଗଗନସଦୃଶଂ ମେଘଵର୍ଣଂ ଶୁଭାଙ୍ଗମ୍ ।
ଲକ୍ଷ୍ମୀକାନ୍ତଂ କମଲନୟନଂ ୟୋଗିଭିର୍ଧ୍ୟାନଗମ୍ୟଂ var ୟୋଗିହୃଦ୍ଧ୍ୟାନଗମ୍ୟଂ
ଵନ୍ଦେ ଵିଷ୍ଣୁଂ ଭଵଭୟହରଂ ସର୍ଵଲୋକୈକନାଥମ୍ ॥ ୩ ॥
ମେଘଶ୍ୟାମଂ ପୀତକୌଶେୟଵାସଂ
ଶ୍ରୀଵତ୍ସାଙ୍କଂ କୌସ୍ତୁଭୋଦ୍ଭାସିତାଙ୍ଗମ୍ ।
ପୁଣ୍ୟୋପେତଂ ପୁଣ୍ଡରୀକାୟତାକ୍ଷଂ
ଵିଷ୍ଣୁଂ ଵନ୍ଦେ ସର୍ଵଲୋକୈକନାଥମ୍ ॥ ୪ ॥
ନମଃ ସମସ୍ତଭୂତାନାମାଦିଭୂତାୟ ଭୂଭୃତେ ।
ଅନେକରୂପରୂପାୟ ଵିଷ୍ଣଵେ ପ୍ରଭଵିଷ୍ଣଵେ ॥ ୫ ॥
ସଶଙ୍ଖଚକ୍ରଂ ସକିରୀଟକୁଣ୍ଡଲଂ
ସପୀତଵସ୍ତ୍ରଂ ସରସୀରୁହେକ୍ଷଣମ୍ ।
ସହାରଵକ୍ଷଃସ୍ଥଲକୌସ୍ତୁଭଶ୍ରିୟଂ var ସ୍ଥଲଶୋଭିକୌସ୍ତୁଭଂ
ନମାମି ଵିଷ୍ଣୁଂ ଶିରସା ଚତୁର୍ଭୁଜମ୍ ॥ ୬ ॥
ଛାୟାୟାଂ ପାରିଜାତସ୍ୟ ହେମସିଂହାସନୋପରି
ଆସୀନମମ୍ବୁଦଶ୍ୟାମମାୟତାକ୍ଷମଲଂକୃତମ୍ ।
ଚନ୍ଦ୍ରାନନଂ ଚତୁର୍ବାହୁଂ ଶ୍ରୀଵତ୍ସାଙ୍କିତ ଵକ୍ଷସଂ
ରୁକ୍ମିଣୀ ସତ୍ୟଭାମାଭ୍ୟାଂ ସହିତଂ କୃଷ୍ଣମାଶ୍ରୟେ ॥ ୭ ॥
ସ୍ତୋତ୍ରମ୍ ।
ହରିଃ ଓଂ ।
ଵିଶ୍ଵଂ ଵିଷ୍ଣୁର୍ଵଷଟ୍କାରୋ ଭୂତଭଵ୍ୟଭଵତ୍ପ୍ରଭୁଃ ।
ଭୂତକୃଦ୍ଭୂତଭୃଦ୍ଭାଵୋ ଭୂତାତ୍ମା ଭୂତଭାଵନଃ ॥ ୧ ॥
ପୂତାତ୍ମା ପରମାତ୍ମା ଚ ମୁକ୍ତାନାଂ ପରମା ଗତିଃ ।
ଅଵ୍ୟୟଃ ପୁରୁଷଃ ସାକ୍ଷୀ କ୍ଷେତ୍ରଜ୍ଞୋଽକ୍ଷର ଏଵ ଚ ॥ ୨ ॥
ୟୋଗୋ ୟୋଗଵିଦାଂ ନେତା ପ୍ରଧାନପୁରୁଷେଶ୍ଵରଃ ।
ନାରସିଂହଵପୁଃ ଶ୍ରୀମାନ୍ କେଶଵଃ ପୁରୁଷୋତ୍ତମଃ ॥ ୩ ॥
ସର୍ଵଃ ଶର୍ଵଃ ଶିଵଃ ସ୍ଥାଣୁର୍ଭୂତାଦିର୍ନିଧିରଵ୍ୟୟଃ ।
ସମ୍ଭଵୋ ଭାଵନୋ ଭର୍ତା ପ୍ରଭଵଃ ପ୍ରଭୁରୀଶ୍ଵରଃ ॥ ୪ ॥
ସ୍ଵୟମ୍ଭୂଃ ଶମ୍ଭୁରାଦିତ୍ୟଃ ପୁଷ୍କରାକ୍ଷୋ ମହାସ୍ଵନଃ ।
ଅନାଦିନିଧନୋ ଧାତା ଵିଧାତା ଧାତୁରୁତ୍ତମଃ ॥ ୫ ॥
ଅପ୍ରମେୟୋ ହୃଷୀକେଶଃ ପଦ୍ମନାଭୋଽମରପ୍ରଭୁଃ ।
ଵିଶ୍ଵକର୍ମା ମନୁସ୍ତ୍ଵଷ୍ଟା ସ୍ଥଵିଷ୍ଠଃ ସ୍ଥଵିରୋ ଧ୍ରୁଵଃ ॥ ୬ ॥
ଅଗ୍ରାହ୍ୟଃ ଶାଶ୍ଵତଃ କୃଷ୍ଣୋ ଲୋହିତାକ୍ଷଃ ପ୍ରତର୍ଦନଃ ।
ପ୍ରଭୂତସ୍ତ୍ରିକକୁବ୍ଧାମ ପଵିତ୍ରଂ ମଙ୍ଗଲଂ ପରମ୍ ॥ ୭ ॥
ଈଶାନଃ ପ୍ରାଣଦଃ ପ୍ରାଣୋ ଜ୍ୟେଷ୍ଠଃ ଶ୍ରେଷ୍ଠଃ ପ୍ରଜାପତିଃ ।
ହିରଣ୍ୟଗର୍ଭୋ ଭୂଗର୍ଭୋ ମାଧଵୋ ମଧୁସୂଦନଃ ॥ ୮ ॥
ଈଶ୍ଵରୋ ଵିକ୍ରମୀ ଧନ୍ଵୀ ମେଧାଵୀ ଵିକ୍ରମଃ କ୍ରମଃ ।
ଅନୁତ୍ତମୋ ଦୁରାଧର୍ଷଃ କୃତଜ୍ଞଃ କୃତିରାତ୍ମଵାନ୍ ॥ ୯ ॥
ସୁରେଶଃ ଶରଣଂ ଶର୍ମ ଵିଶ୍ଵରେତାଃ ପ୍ରଜାଭଵଃ ।
ଅହଃ ସଂଵତ୍ସରୋ ଵ୍ୟାଲଃ ପ୍ରତ୍ୟୟଃ ସର୍ଵଦର୍ଶନଃ ॥ ୧୦ ॥
ଅଜଃ ସର୍ଵେଶ୍ଵରଃ ସିଦ୍ଧଃ ସିଦ୍ଧିଃ ସର୍ଵାଦିରଚ୍ୟୁତଃ ।
ଵୃଷାକପିରମେୟାତ୍ମା ସର୍ଵୟୋଗଵିନିଃସୃତଃ ॥ ୧୧ ॥
ଵସୁର୍ଵସୁମନାଃ ସତ୍ୟଃ ସମାତ୍ମାଽସମ୍ମିତଃ ସମଃ ।
ଅମୋଘଃ ପୁଣ୍ଡରୀକାକ୍ଷୋ ଵୃଷକର୍ମା ଵୃଷାକୃତିଃ ॥ ୧୨ ॥
ରୁଦ୍ରୋ ବହୁଶିରା ବଭ୍ରୁର୍ଵିଶ୍ଵୟୋନିଃ ଶୁଚିଶ୍ରଵାଃ ।
ଅମୃତଃ ଶାଶ୍ଵତସ୍ଥାଣୁର୍ଵରାରୋହୋ ମହାତପାଃ ॥ ୧୩ ॥
ସର୍ଵଗଃ ସର୍ଵଵିଦ୍ଭାନୁର୍ଵିଷ୍ଵକ୍ସେନୋ ଜନାର୍ଦନଃ ।
ଵେଦୋ ଵେଦଵିଦଵ୍ୟଙ୍ଗୋ ଵେଦାଙ୍ଗୋ ଵେଦଵିତ୍ କଵିଃ ॥ ୧୪ ॥
ଲୋକାଧ୍ୟକ୍ଷଃ ସୁରାଧ୍ୟକ୍ଷୋ ଧର୍ମାଧ୍ୟକ୍ଷଃ କୃତାକୃତଃ ।
ଚତୁରାତ୍ମା ଚତୁର୍ଵ୍ୟୂହଶ୍ଚତୁର୍ଦଂଷ୍ଟ୍ରଶ୍ଚତୁର୍ଭୁଜଃ ॥ ୧୫ ॥
ଭ୍ରାଜିଷ୍ଣୁର୍ଭୋଜନଂ ଭୋକ୍ତା ସହିଷ୍ଣୁର୍ଜଗଦାଦିଜଃ ।
ଅନଘୋ ଵିଜୟୋ ଜେତା ଵିଶ୍ଵୟୋନିଃ ପୁନର୍ଵସୁଃ ॥ ୧୬ ॥
ଉପେନ୍ଦ୍ରୋ ଵାମନଃ ପ୍ରାଂଶୁରମୋଘଃ ଶୁଚିରୂର୍ଜିତଃ ।
ଅତୀନ୍ଦ୍ରଃ ସଙ୍ଗ୍ରହଃ ସର୍ଗୋ ଧୃତାତ୍ମା ନିୟମୋ ୟମଃ ॥ ୧୭ ॥
ଵେଦ୍ୟୋ ଵୈଦ୍ୟଃ ସଦାୟୋଗୀ ଵୀରହା ମାଧଵୋ ମଧୁଃ ।
ଅତୀନ୍ଦ୍ରିୟୋ ମହାମାୟୋ ମହୋତ୍ସାହୋ ମହାବଲଃ ॥ ୧୮ ॥
ମହାବୁଦ୍ଧିର୍ମହାଵୀର୍ୟୋ ମହାଶକ୍ତିର୍ମହାଦ୍ୟୁତିଃ ।
ଅନିର୍ଦେଶ୍ୟଵପୁଃ ଶ୍ରୀମାନମେୟାତ୍ମା ମହାଦ୍ରିଧୃକ୍ ॥ ୧୯ ॥
ମହେଷ୍ଵାସୋ ମହୀଭର୍ତା ଶ୍ରୀନିଵାସଃ ସତାଂ ଗତିଃ ।
ଅନିରୁଦ୍ଧଃ ସୁରାନନ୍ଦୋ ଗୋଵିନ୍ଦୋ ଗୋଵିଦାଂ ପତିଃ ॥ ୨୦ ॥
ମରୀଚିର୍ଦମନୋ ହଂସଃ ସୁପର୍ଣୋ ଭୁଜଗୋତ୍ତମଃ ।
ହିରଣ୍ୟନାଭଃ ସୁତପାଃ ପଦ୍ମନାଭଃ ପ୍ରଜାପତିଃ ॥ ୨୧ ॥
ଅମୃତ୍ୟୁଃ ସର୍ଵଦୃକ୍ ସିଂହଃ ସନ୍ଧାତା ସନ୍ଧିମାନ୍ ସ୍ଥିରଃ ।
ଅଜୋ ଦୁର୍ମର୍ଷଣଃ ଶାସ୍ତା ଵିଶ୍ରୁତାତ୍ମା ସୁରାରିହା ॥ ୨୨ ॥
ଗୁରୁର୍ଗୁରୁତମୋ ଧାମ ସତ୍ୟଃ ସତ୍ୟପରାକ୍ରମଃ ।
ନିମିଷୋଽନିମିଷଃ ସ୍ରଗ୍ଵୀ ଵାଚସ୍ପତିରୁଦାରଧୀଃ ॥ ୨୩ ॥
ଅଗ୍ରଣୀର୍ଗ୍ରାମଣୀଃ ଶ୍ରୀମାନ୍ ନ୍ୟାୟୋ ନେତା ସମୀରଣଃ ।
ସହସ୍ରମୂର୍ଧା ଵିଶ୍ଵାତ୍ମା ସହସ୍ରାକ୍ଷଃ ସହସ୍ରପାତ୍ ॥ ୨୪ ॥
ଆଵର୍ତନୋ ନିଵୃତ୍ତାତ୍ମା ସଂଵୃତଃ ସମ୍ପ୍ରମର୍ଦନଃ ।
ଅହଃ ସଂଵର୍ତକୋ ଵହ୍ନିରନିଲୋ ଧରଣୀଧରଃ ॥ ୨୫ ॥
ସୁପ୍ରସାଦଃ ପ୍ରସନ୍ନାତ୍ମା ଵିଶ୍ଵଧୃଗ୍ଵିଶ୍ଵଭୁଗ୍ଵିଭୁଃ ।
ସତ୍କର୍ତା ସତ୍କୃତଃ ସାଧୁର୍ଜହ୍ନୁର୍ନାରାୟଣୋ ନରଃ ॥ ୨୬ ॥
ଅସଙ୍ଖ୍ୟେୟୋଽପ୍ରମେୟାତ୍ମା ଵିଶିଷ୍ଟଃ ଶିଷ୍ଟକୃଚ୍ଛୁଚିଃ ।
ସିଦ୍ଧାର୍ଥଃ ସିଦ୍ଧସଙ୍କଲ୍ପଃ ସିଦ୍ଧିଦଃ ସିଦ୍ଧିସାଧନଃ ॥ ୨୭ ॥
ଵୃଷାହୀ ଵୃଷଭୋ ଵିଷ୍ଣୁର୍ଵୃଷପର୍ଵା ଵୃଷୋଦରଃ ।
ଵର୍ଧନୋ ଵର୍ଧମାନଶ୍ଚ ଵିଵିକ୍ତଃ ଶ୍ରୁତିସାଗରଃ ॥ ୨୮ ॥
ସୁଭୁଜୋ ଦୁର୍ଧରୋ ଵାଗ୍ମୀ ମହେନ୍ଦ୍ରୋ ଵସୁଦୋ ଵସୁଃ ।
ନୈକରୂପୋ ବୃହଦ୍ରୂପଃ ଶିପିଵିଷ୍ଟଃ ପ୍ରକାଶନଃ ॥ ୨୯ ॥
ଓଜସ୍ତେଜୋଦ୍ୟୁତିଧରଃ ପ୍ରକାଶାତ୍ମା ପ୍ରତାପନଃ ।
ଋଦ୍ଧଃ ସ୍ପଷ୍ଟାକ୍ଷରୋ ମନ୍ତ୍ରଶ୍ଚନ୍ଦ୍ରାଂଶୁର୍ଭାସ୍କରଦ୍ୟୁତିଃ ॥ ୩୦ ॥
ଅମୃତାଂଶୂଦ୍ଭଵୋ ଭାନୁଃ ଶଶବିନ୍ଦୁଃ ସୁରେଶ୍ଵରଃ ।
ଔଷଧଂ ଜଗତଃ ସେତୁଃ ସତ୍ୟଧର୍ମପରାକ୍ରମଃ ॥ ୩୧ ॥
ଭୂତଭଵ୍ୟଭଵନ୍ନାଥଃ ପଵନଃ ପାଵନୋଽନଲଃ ।
କାମହା କାମକୃତ୍କାନ୍ତଃ କାମଃ କାମପ୍ରଦଃ ପ୍ରଭୁଃ ॥ ୩୨ ॥
ୟୁଗାଦିକୃଦ୍ୟୁଗାଵର୍ତୋ ନୈକମାୟୋ ମହାଶନଃ ।
ଅଦୃଶ୍ୟୋ ଵ୍ୟକ୍ତରୂପଶ୍ଚ ସହସ୍ରଜିଦନନ୍ତଜିତ୍ ॥ ୩୩ ॥
ଇଷ୍ଟୋଽଵିଶିଷ୍ଟଃ ଶିଷ୍ଟେଷ୍ଟଃ ଶିଖଣ୍ଡୀ ନହୁଷୋ ଵୃଷଃ ।
କ୍ରୋଧହା କ୍ରୋଧକୃତ୍କର୍ତା ଵିଶ୍ଵବାହୁର୍ମହୀଧରଃ ॥ ୩୪ ॥
ଅଚ୍ୟୁତଃ ପ୍ରଥିତଃ ପ୍ରାଣଃ ପ୍ରାଣଦୋ ଵାସଵାନୁଜଃ ।
ଅପାଂନିଧିରଧିଷ୍ଠାନମପ୍ରମତ୍ତଃ ପ୍ରତିଷ୍ଠିତଃ ॥ ୩୫ ॥
ସ୍କନ୍ଦଃ ସ୍କନ୍ଦଧରୋ ଧୁର୍ୟୋ ଵରଦୋ ଵାୟୁଵାହନଃ ।
ଵାସୁଦେଵୋ ବୃହଦ୍ଭାନୁରାଦିଦେଵଃ ପୁରନ୍ଦରଃ ॥ ୩୬ ॥
ଅଶୋକସ୍ତାରଣସ୍ତାରଃ ଶୂରଃ ଶୌରିର୍ଜନେଶ୍ଵରଃ ।
ଅନୁକୂଲଃ ଶତାଵର୍ତଃ ପଦ୍ମୀ ପଦ୍ମନିଭେକ୍ଷଣଃ ॥ ୩୭ ॥
ପଦ୍ମନାଭୋଽରଵିନ୍ଦାକ୍ଷଃ ପଦ୍ମଗର୍ଭଃ ଶରୀରଭୃତ୍ ।
ମହର୍ଦ୍ଧିରୃଦ୍ଧୋ ଵୃଦ୍ଧାତ୍ମା ମହାକ୍ଷୋ ଗରୁଡଧ୍ଵଜଃ ॥ ୩୮ ॥
ଅତୁଲଃ ଶରଭୋ ଭୀମଃ ସମୟଜ୍ଞୋ ହଵିର୍ହରିଃ ।
ସର୍ଵଲକ୍ଷଣଲକ୍ଷଣ୍ୟୋ ଲକ୍ଷ୍ମୀଵାନ୍ ସମିତିଞ୍ଜୟଃ ॥ ୩୯ ॥
ଵିକ୍ଷରୋ ରୋହିତୋ ମାର୍ଗୋ ହେତୁର୍ଦାମୋଦରଃ ସହଃ ।
ମହୀଧରୋ ମହାଭାଗୋ ଵେଗଵାନମିତାଶନଃ ॥ ୪୦ ॥
ଉଦ୍ଭଵଃ କ୍ଷୋଭଣୋ ଦେଵଃ ଶ୍ରୀଗର୍ଭଃ ପରମେଶ୍ଵରଃ ।
କରଣଂ କାରଣଂ କର୍ତା ଵିକର୍ତା ଗହନୋ ଗୁହଃ ॥ ୪୧ ॥
ଵ୍ୟଵସାୟୋ ଵ୍ୟଵସ୍ଥାନଃ ସଂସ୍ଥାନଃ ସ୍ଥାନଦୋ ଧ୍ରୁଵଃ ।
ପରର୍ଦ୍ଧିଃ ପରମସ୍ପଷ୍ଟସ୍ତୁଷ୍ଟଃ ପୁଷ୍ଟଃ ଶୁଭେକ୍ଷଣଃ ॥ ୪୨ ॥
ରାମୋ ଵିରାମୋ ଵିରଜୋ ମାର୍ଗୋ ନେୟୋ ନୟୋଽନୟଃ । or ଵିରାମୋ ଵିରତୋ
ଵୀରଃ ଶକ୍ତିମତାଂ ଶ୍ରେଷ୍ଠୋ ଧର୍ମୋ ଧର୍ମଵିଦୁତ୍ତମଃ ॥ ୪୩ ॥
ଵୈକୁଣ୍ଠଃ ପୁରୁଷଃ ପ୍ରାଣଃ ପ୍ରାଣଦଃ ପ୍ରଣଵଃ ପୃଥୁଃ ।
ହିରଣ୍ୟଗର୍ଭଃ ଶତ୍ରୁଘ୍ନୋ ଵ୍ୟାପ୍ତୋ ଵାୟୁରଧୋକ୍ଷଜଃ ॥ ୪୪ ॥
ଋତୁଃ ସୁଦର୍ଶନଃ କାଲଃ ପରମେଷ୍ଠୀ ପରିଗ୍ରହଃ ।
ଉଗ୍ରଃ ସଂଵତ୍ସରୋ ଦକ୍ଷୋ ଵିଶ୍ରାମୋ ଵିଶ୍ଵଦକ୍ଷିଣଃ ॥ ୪୫ ॥
ଵିସ୍ତାରଃ ସ୍ଥାଵରସ୍ଥାଣୁଃ ପ୍ରମାଣଂ ବୀଜମଵ୍ୟୟମ୍ ।
ଅର୍ଥୋଽନର୍ଥୋ ମହାକୋଶୋ ମହାଭୋଗୋ ମହାଧନଃ ॥ ୪୬ ॥
ଅନିର୍ଵିଣ୍ଣଃ ସ୍ଥଵିଷ୍ଠୋଽଭୂର୍ଧର୍ମୟୂପୋ ମହାମଖଃ ।
ନକ୍ଷତ୍ରନେମିର୍ନକ୍ଷତ୍ରୀ କ୍ଷମଃ କ୍ଷାମଃ ସମୀହନଃ ॥ ୪୭ ॥
ୟଜ୍ଞ ଇଜ୍ୟୋ ମହେଜ୍ୟଶ୍ଚ କ୍ରତୁଃ ସତ୍ରଂ ସତାଂ ଗତିଃ ।
ସର୍ଵଦର୍ଶୀ ଵିମୁକ୍ତାତ୍ମା ସର୍ଵଜ୍ଞୋ ଜ୍ଞାନମୁତ୍ତମମ୍ ॥ ୪୮ ॥
ସୁଵ୍ରତଃ ସୁମୁଖଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍ ।
ମନୋହରୋ ଜିତକ୍ରୋଧୋ ଵୀରବାହୁର୍ଵିଦାରଣଃ ॥ ୪୯ ॥
ସ୍ଵାପନଃ ସ୍ଵଵଶୋ ଵ୍ୟାପୀ ନୈକାତ୍ମା ନୈକକର୍ମକୃତ୍ ।
ଵତ୍ସରୋ ଵତ୍ସଲୋ ଵତ୍ସୀ ରତ୍ନଗର୍ଭୋ ଧନେଶ୍ଵରଃ ॥ ୫୦ ॥
ଧର୍ମଗୁବ୍ଧର୍ମକୃଦ୍ଧର୍ମୀ ସଦସତ୍କ୍ଷରମକ୍ଷରମ୍ ।
ଅଵିଜ୍ଞାତା ସହସ୍ରାଂଶୁର୍ଵିଧାତା କୃତଲକ୍ଷଣଃ ॥ ୫୧ ॥
ଗଭସ୍ତିନେମିଃ ସତ୍ତ୍ଵସ୍ଥଃ ସିଂହୋ ଭୂତମହେଶ୍ଵରଃ ।
ଆଦିଦେଵୋ ମହାଦେଵୋ ଦେଵେଶୋ ଦେଵଭୃଦ୍ଗୁରୁଃ ॥ ୫୨ ॥
ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ୟଃ ପୁରାତନଃ ।
ଶରୀରଭୂତଭୃଦ୍ଭୋକ୍ତା କପୀନ୍ଦ୍ରୋ ଭୂରିଦକ୍ଷିଣଃ ॥ ୫୩ ॥
ସୋମପୋଽମୃତପଃ ସୋମଃ ପୁରୁଜିତ୍ପୁରୁସତ୍ତମଃ ।
ଵିନୟୋ ଜୟଃ ସତ୍ୟସନ୍ଧୋ ଦାଶାର୍ହଃ ସାତ୍ଵତାମ୍ପତିଃ ॥ ୫୪ ॥
ଜୀଵୋ ଵିନୟିତା ସାକ୍ଷୀ ମୁକୁନ୍ଦୋଽମିତଵିକ୍ରମଃ ।
ଅମ୍ଭୋନିଧିରନନ୍ତାତ୍ମା ମହୋଦଧିଶୟୋଽନ୍ତକଃ ॥ ୫୫ ॥
ଅଜୋ ମହାର୍ହଃ ସ୍ଵାଭାଵ୍ୟୋ ଜିତାମିତ୍ରଃ ପ୍ରମୋଦନଃ ।
ଆନନ୍ଦୋ ନନ୍ଦନୋ ନନ୍ଦଃ ସତ୍ୟଧର୍ମା ତ୍ରିଵିକ୍ରମଃ ॥ ୫୬ ॥
ମହର୍ଷିଃ କପିଲାଚାର୍ୟଃ କୃତଜ୍ଞୋ ମେଦିନୀପତିଃ ।
ତ୍ରିପଦସ୍ତ୍ରିଦଶାଧ୍ୟକ୍ଷୋ ମହାଶୃଙ୍ଗଃ କୃତାନ୍ତକୃତ୍ ॥ ୫୭ ॥
ମହାଵରାହୋ ଗୋଵିନ୍ଦଃ ସୁଷେଣଃ କନକାଙ୍ଗଦୀ ।
ଗୁହ୍ୟୋ ଗଭୀରୋ ଗହନୋ ଗୁପ୍ତଶ୍ଚକ୍ରଗଦାଧରଃ ॥ ୫୮ ॥
ଵେଧାଃ ସ୍ଵାଙ୍ଗୋଽଜିତଃ କୃଷ୍ଣୋ ଦୃଢଃ ସଙ୍କର୍ଷଣୋଽଚ୍ୟୁତଃ ।
ଵରୁଣୋ ଵାରୁଣୋ ଵୃକ୍ଷଃ ପୁଷ୍କରାକ୍ଷୋ ମହାମନାଃ ॥ ୫୯ ॥
ଭଗଵାନ୍ ଭଗହାଽଽନନ୍ଦୀ ଵନମାଲୀ ହଲାୟୁଧଃ ।
ଆଦିତ୍ୟୋ ଜ୍ୟୋତିରାଦିତ୍ୟଃ ସହିଷ୍ଣୁର୍ଗତିସତ୍ତମଃ ॥ ୬୦ ॥
ସୁଧନ୍ଵା ଖଣ୍ଡପରଶୁର୍ଦାରୁଣୋ ଦ୍ରଵିଣପ୍ରଦଃ ।
ଦିଵସ୍ପୃକ୍ ସର୍ଵଦୃଗ୍ଵ୍ୟାସୋ ଵାଚସ୍ପତିରୟୋନିଜଃ ॥ ୬୧ ॥ var ଦିଵିସ୍ପୃକ୍
ତ୍ରିସାମା ସାମଗଃ ସାମ ନିର୍ଵାଣଂ ଭେଷଜଂ ଭିଷକ୍ ।
ସଂନ୍ୟାସକୃଚ୍ଛମଃ ଶାନ୍ତୋ ନିଷ୍ଠା ଶାନ୍ତିଃ ପରାୟଣମ୍ ॥ ୬୨ ॥
ଶୁଭାଙ୍ଗଃ ଶାନ୍ତିଦଃ ସ୍ରଷ୍ଟା କୁମୁଦଃ କୁଵଲେଶୟଃ ।
ଗୋହିତୋ ଗୋପତିର୍ଗୋପ୍ତା ଵୃଷଭାକ୍ଷୋ ଵୃଷପ୍ରିୟଃ ॥ ୬୩ ॥
ଅନିଵର୍ତୀ ନିଵୃତ୍ତାତ୍ମା ସଙ୍କ୍ଷେପ୍ତା କ୍ଷେମକୃଚ୍ଛିଵଃ ।
ଶ୍ରୀଵତ୍ସଵକ୍ଷାଃ ଶ୍ରୀଵାସଃ ଶ୍ରୀପତିଃ ଶ୍ରୀମତାଂଵରଃ ॥ ୬୪ ॥
ଶ୍ରୀଦଃ ଶ୍ରୀଶଃ ଶ୍ରୀନିଵାସଃ ଶ୍ରୀନିଧିଃ ଶ୍ରୀଵିଭାଵନଃ ।
ଶ୍ରୀଧରଃ ଶ୍ରୀକରଃ ଶ୍ରେୟଃ ଶ୍ରୀମାଁଲ୍ଲୋକତ୍ରୟାଶ୍ରୟଃ ॥ ୬୫ ॥
ସ୍ଵକ୍ଷଃ ସ୍ଵଙ୍ଗଃ ଶତାନନ୍ଦୋ ନନ୍ଦିର୍ଜ୍ୟୋତିର୍ଗଣେଶ୍ଵରଃ ।
ଵିଜିତାତ୍ମାଽଵିଧେୟାତ୍ମା ସତ୍କୀର୍ତିଶ୍ଛିନ୍ନସଂଶୟଃ ॥ ୬୬ ॥
ଉଦୀର୍ଣଃ ସର୍ଵତଶ୍ଚକ୍ଷୁରନୀଶଃ ଶାଶ୍ଵତସ୍ଥିରଃ ।
ଭୂଶୟୋ ଭୂଷଣୋ ଭୂତିର୍ଵିଶୋକଃ ଶୋକନାଶନଃ ॥ ୬୭ ॥
ଅର୍ଚିଷ୍ମାନର୍ଚିତଃ କୁମ୍ଭୋ ଵିଶୁଦ୍ଧାତ୍ମା ଵିଶୋଧନଃ ।
ଅନିରୁଦ୍ଧୋଽପ୍ରତିରଥଃ ପ୍ରଦ୍ୟୁମ୍ନୋଽମିତଵିକ୍ରମଃ ॥ ୬୮ ॥
କାଲନେମିନିହା ଵୀରଃ ଶୌରିଃ ଶୂରଜନେଶ୍ଵରଃ ।
ତ୍ରିଲୋକାତ୍ମା ତ୍ରିଲୋକେଶଃ କେଶଵଃ କେଶିହା ହରିଃ ॥ ୬୯ ॥
କାମଦେଵଃ କାମପାଲଃ କାମୀ କାନ୍ତଃ କୃତାଗମଃ ।
ଅନିର୍ଦେଶ୍ୟଵପୁର୍ଵିଷ୍ଣୁର୍ଵୀରୋଽନନ୍ତୋ ଧନଞ୍ଜୟଃ ॥ ୭୦ ॥
ବ୍ରହ୍ମଣ୍ୟୋ ବ୍ରହ୍ମକୃଦ୍ ବ୍ରହ୍ମା ବ୍ରହ୍ମ ବ୍ରହ୍ମଵିଵର୍ଧନଃ ।
ବ୍ରହ୍ମଵିଦ୍ ବ୍ରାହ୍ମଣୋ ବ୍ରହ୍ମୀ ବ୍ରହ୍ମଜ୍ଞୋ ବ୍ରାହ୍ମଣପ୍ରିୟଃ ॥ ୭୧ ॥
ମହାକ୍ରମୋ ମହାକର୍ମା ମହାତେଜା ମହୋରଗଃ ।
ମହାକ୍ରତୁର୍ମହାୟଜ୍ଵା ମହାୟଜ୍ଞୋ ମହାହଵିଃ ॥ ୭୨ ॥
ସ୍ତଵ୍ୟଃ ସ୍ତଵପ୍ରିୟଃ ସ୍ତୋତ୍ରଂ ସ୍ତୁତିଃ ସ୍ତୋତା ରଣପ୍ରିୟଃ ।
ପୂର୍ଣଃ ପୂରୟିତା ପୁଣ୍ୟଃ ପୁଣ୍ୟକୀର୍ତିରନାମୟଃ ॥ ୭୩ ॥
ମନୋଜଵସ୍ତୀର୍ଥକରୋ ଵସୁରେତା ଵସୁପ୍ରଦଃ ।
ଵସୁପ୍ରଦୋ ଵାସୁଦେଵୋ ଵସୁର୍ଵସୁମନା ହଵିଃ ॥ ୭୪ ॥
ସଦ୍ଗତିଃ ସତ୍କୃତିଃ ସତ୍ତା ସଦ୍ଭୂତିଃ ସତ୍ପରାୟଣଃ ।
ଶୂରସେନୋ ୟଦୁଶ୍ରେଷ୍ଠଃ ସନ୍ନିଵାସଃ ସୁୟାମୁନଃ ॥ ୭୫ ॥
ଭୂତାଵାସୋ ଵାସୁଦେଵଃ ସର୍ଵାସୁନିଲୟୋଽନଲଃ ।
ଦର୍ପହା ଦର୍ପଦୋ ଦୃପ୍ତୋ ଦୁର୍ଧରୋଽଥାପରାଜିତଃ ॥ ୭୬ ॥
ଵିଶ୍ଵମୂର୍ତିର୍ମହାମୂର୍ତିର୍ଦୀପ୍ତମୂର୍ତିରମୂର୍ତିମାନ୍ ।
ଅନେକମୂର୍ତିରଵ୍ୟକ୍ତଃ ଶତମୂର୍ତିଃ ଶତାନନଃ ॥ ୭୭ ॥
ଏକୋ ନୈକଃ ସଵଃ କଃ କିଂ ୟତ୍ ତତ୍ପଦମନୁତ୍ତମମ୍ ।
ଲୋକବନ୍ଧୁର୍ଲୋକନାଥୋ ମାଧଵୋ ଭକ୍ତଵତ୍ସଲଃ ॥ ୭୮ ॥
ସୁଵର୍ଣଵର୍ଣୋ ହେମାଙ୍ଗୋ ଵରାଙ୍ଗଶ୍ଚନ୍ଦନାଙ୍ଗଦୀ ।
ଵୀରହା ଵିଷମଃ ଶୂନ୍ୟୋ ଘୃତାଶୀରଚଲଶ୍ଚଲଃ ॥ ୭୯ ॥
ଅମାନୀ ମାନଦୋ ମାନ୍ୟୋ ଲୋକସ୍ଵାମୀ ତ୍ରିଲୋକଧୃକ୍ ।
ସୁମେଧା ମେଧଜୋ ଧନ୍ୟଃ ସତ୍ୟମେଧା ଧରାଧରଃ ॥ ୮୦ ॥
ତେଜୋଵୃଷୋ ଦ୍ୟୁତିଧରଃ ସର୍ଵଶସ୍ତ୍ରଭୃତାଂ ଵରଃ ।
ପ୍ରଗ୍ରହୋ ନିଗ୍ରହୋ ଵ୍ୟଗ୍ରୋ ନୈକଶୃଙ୍ଗୋ ଗଦାଗ୍ରଜଃ ॥ ୮୧ ॥
ଚତୁର୍ମୂର୍ତିଶ୍ଚତୁର୍ବାହୁଶ୍ଚତୁର୍ଵ୍ୟୂହଶ୍ଚତୁର୍ଗତିଃ ।
ଚତୁରାତ୍ମା ଚତୁର୍ଭାଵଶ୍ଚତୁର୍ଵେଦଵିଦେକପାତ୍ ॥ ୮୨ ॥
ସମାଵର୍ତୋଽନିଵୃତ୍ତାତ୍ମା ଦୁର୍ଜୟୋ ଦୁରତିକ୍ରମଃ ।
ଦୁର୍ଲଭୋ ଦୁର୍ଗମୋ ଦୁର୍ଗୋ ଦୁରାଵାସୋ ଦୁରାରିହା ॥ ୮୩ ॥
ଶୁଭାଙ୍ଗୋ ଲୋକସାରଙ୍ଗଃ ସୁତନ୍ତୁସ୍ତନ୍ତୁଵର୍ଧନଃ ।
ଇନ୍ଦ୍ରକର୍ମା ମହାକର୍ମା କୃତକର୍ମା କୃତାଗମଃ ॥ ୮୪ ॥
ଉଦ୍ଭଵଃ ସୁନ୍ଦରଃ ସୁନ୍ଦୋ ରତ୍ନନାଭଃ ସୁଲୋଚନଃ ।
ଅର୍କୋ ଵାଜସନଃ ଶୃଙ୍ଗୀ ଜୟନ୍ତଃ ସର୍ଵଵିଜ୍ଜୟୀ ॥ ୮୫ ॥
ସୁଵର୍ଣବିନ୍ଦୁରକ୍ଷୋଭ୍ୟଃ ସର୍ଵଵାଗୀଶ୍ଵରେଶ୍ଵରଃ ।
ମହାହ୍ରଦୋ ମହାଗର୍ତୋ ମହାଭୂତୋ ମହାନିଧିଃ ॥ ୮୬ ॥
କୁମୁଦଃ କୁନ୍ଦରଃ କୁନ୍ଦଃ ପର୍ଜନ୍ୟଃ ପାଵନୋଽନିଲଃ ।
ଅମୃତାଶୋଽମୃତଵପୁଃ ସର୍ଵଜ୍ଞଃ ସର୍ଵତୋମୁଖଃ ॥ ୮୭ ॥
ସୁଲଭଃ ସୁଵ୍ରତଃ ସିଦ୍ଧଃ ଶତ୍ରୁଜିଚ୍ଛତ୍ରୁତାପନଃ ।
ନ୍ୟଗ୍ରୋଧୋଽଦୁମ୍ବରୋଽଶ୍ଵତ୍ଥଶ୍ଚାଣୂରାନ୍ଧ୍ରନିଷୂଦନଃ ॥ ୮୮ ॥
ସହସ୍ରାର୍ଚିଃ ସପ୍ତଜିହ୍ଵଃ ସପ୍ତୈଧାଃ ସପ୍ତଵାହନଃ ।
ଅମୂର୍ତିରନଘୋଽଚିନ୍ତ୍ୟୋ ଭୟକୃଦ୍ଭୟନାଶନଃ ॥ ୮୯ ॥
ଅଣୁର୍ବୃହତ୍କୃଶଃ ସ୍ଥୂଲୋ ଗୁଣଭୃନ୍ନିର୍ଗୁଣୋ ମହାନ୍ ।
ଅଧୃତଃ ସ୍ଵଧୃତଃ ସ୍ଵାସ୍ୟଃ ପ୍ରାଗ୍ଵଂଶୋ ଵଂଶଵର୍ଧନଃ ॥ ୯୦ ॥
ଭାରଭୃତ୍ କଥିତୋ ୟୋଗୀ ୟୋଗୀଶଃ ସର୍ଵକାମଦଃ ।
ଆଶ୍ରମଃ ଶ୍ରମଣଃ କ୍ଷାମଃ ସୁପର୍ଣୋ ଵାୟୁଵାହନଃ ॥ ୯୧ ॥
ଧନୁର୍ଧରୋ ଧନୁର୍ଵେଦୋ ଦଣ୍ଡୋ ଦମୟିତା ଦମଃ ।
ଅପରାଜିତଃ ସର୍ଵସହୋ ନିୟନ୍ତାଽନିୟମୋଽୟମଃ ॥ ୯୨ ॥
ସତ୍ତ୍ଵଵାନ୍ ସାତ୍ତ୍ଵିକଃ ସତ୍ୟଃ ସତ୍ୟଧର୍ମପରାୟଣଃ ।
ଅଭିପ୍ରାୟଃ ପ୍ରିୟାର୍ହୋଽର୍ହଃ ପ୍ରିୟକୃତ୍ ପ୍ରୀତିଵର୍ଧନଃ ॥ ୯୩ ॥
ଵିହାୟସଗତିର୍ଜ୍ୟୋତିଃ ସୁରୁଚିର୍ହୁତଭୁଗ୍ଵିଭୁଃ ।
ରଵିର୍ଵିରୋଚନଃ ସୂର୍ୟଃ ସଵିତା ରଵିଲୋଚନଃ ॥ ୯୪ ॥
ଅନନ୍ତୋ ହୁତଭୁଗ୍ଭୋକ୍ତା ସୁଖଦୋ ନୈକଜୋଽଗ୍ରଜଃ ।
ଅନିର୍ଵିଣ୍ଣଃ ସଦାମର୍ଷୀ ଲୋକାଧିଷ୍ଠାନମଦ୍ଭୁତଃ ॥ ୯୫ ॥
ସନାତ୍ସନାତନତମଃ କପିଲଃ କପିରଵ୍ୟୟଃ ।
ସ୍ଵସ୍ତିଦଃ ସ୍ଵସ୍ତିକୃତ୍ସ୍ଵସ୍ତି ସ୍ଵସ୍ତିଭୁକ୍ସ୍ଵସ୍ତିଦକ୍ଷିଣଃ ॥ ୯୬ ॥
ଅରୌଦ୍ରଃ କୁଣ୍ଡଲୀ ଚକ୍ରୀ ଵିକ୍ରମ୍ୟୂର୍ଜିତଶାସନଃ ।
ଶବ୍ଦାତିଗଃ ଶବ୍ଦସହଃ ଶିଶିରଃ ଶର୍ଵରୀକରଃ ॥ ୯୭ ॥
ଅକ୍ରୂରଃ ପେଶଲୋ ଦକ୍ଷୋ ଦକ୍ଷିଣଃ କ୍ଷମିଣାଂଵରଃ ।
ଵିଦ୍ଵତ୍ତମୋ ଵୀତଭୟଃ ପୁଣ୍ୟଶ୍ରଵଣକୀର୍ତନଃ ॥ ୯୮ ॥
ଉତ୍ତାରଣୋ ଦୁଷ୍କୃତିହା ପୁଣ୍ୟୋ ଦୁଃସ୍ଵପ୍ନନାଶନଃ ।
ଵୀରହା ରକ୍ଷଣଃ ସନ୍ତୋ ଜୀଵନଃ ପର୍ୟଵସ୍ଥିତଃ ॥ ୯୯ ॥
ଅନନ୍ତରୂପୋଽନନ୍ତଶ୍ରୀର୍ଜିତମନ୍ୟୁର୍ଭୟାପହଃ ।
ଚତୁରଶ୍ରୋ ଗଭୀରାତ୍ମା ଵିଦିଶୋ ଵ୍ୟାଦିଶୋ ଦିଶଃ ॥ ୧୦୦ ॥
ଅନାଦିର୍ଭୂର୍ଭୁଵୋ ଲକ୍ଷ୍ମୀଃ ସୁଵୀରୋ ରୁଚିରାଙ୍ଗଦଃ ।
ଜନନୋ ଜନଜନ୍ମାଦିର୍ଭୀମୋ ଭୀମପରାକ୍ରମଃ ॥ ୧୦୧ ॥
ଆଧାରନିଲୟୋଽଧାତା ପୁଷ୍ପହାସଃ ପ୍ରଜାଗରଃ ।
ଊର୍ଧ୍ଵଗଃ ସତ୍ପଥାଚାରଃ ପ୍ରାଣଦଃ ପ୍ରଣଵଃ ପଣଃ ॥ ୧୦୨ ॥
ପ୍ରମାଣଂ ପ୍ରାଣନିଲୟଃ ପ୍ରାଣଭୃତ୍ପ୍ରାଣଜୀଵନଃ ।
ତତ୍ତ୍ଵଂ ତତ୍ତ୍ଵଵିଦେକାତ୍ମା ଜନ୍ମମୃତ୍ୟୁଜରାତିଗଃ ॥ ୧୦୩ ॥
ଭୂର୍ଭୁଵଃସ୍ଵସ୍ତରୁସ୍ତାରଃ ସଵିତା ପ୍ରପିତାମହଃ ।
ୟଜ୍ଞୋ ୟଜ୍ଞପତିର୍ୟଜ୍ଵା ୟଜ୍ଞାଙ୍ଗୋ ୟଜ୍ଞଵାହନଃ ॥ ୧୦୪ ॥
ୟଜ୍ଞଭୃଦ୍ ୟଜ୍ଞକୃଦ୍ ୟଜ୍ଞୀ ୟଜ୍ଞଭୁଗ୍ ୟଜ୍ଞସାଧନଃ ।
ୟଜ୍ଞାନ୍ତକୃଦ୍ ୟଜ୍ଞଗୁହ୍ୟମନ୍ନମନ୍ନାଦ ଏଵ ଚ ॥ ୧୦୫ ॥
ଆତ୍ମୟୋନିଃ ସ୍ଵୟଞ୍ଜାତୋ ଵୈଖାନଃ ସାମଗାୟନଃ ।
ଦେଵକୀନନ୍ଦନଃ ସ୍ରଷ୍ଟା କ୍ଷିତୀଶଃ ପାପନାଶନଃ ॥ ୧୦୬ ॥
ଶଙ୍ଖଭୃନ୍ନନ୍ଦକୀ ଚକ୍ରୀ ଶାର୍ଙ୍ଗଧନ୍ଵା ଗଦାଧରଃ ।
ରଥାଙ୍ଗପାଣିରକ୍ଷୋଭ୍ୟଃ ସର୍ଵପ୍ରହରଣାୟୁଧଃ ॥ ୧୦୭ ॥
ସର୍ଵପ୍ରହରଣାୟୁଧ ଓଂ ନମ ଇତି ।
ଵନମାଲୀ ଗଦୀ ଶାର୍ଙ୍ଗୀ ଶଙ୍ଖୀ ଚକ୍ରୀ ଚ ନନ୍ଦକୀ ।
ଶ୍ରୀମାନ୍ ନାରାୟଣୋ ଵିଷ୍ଣୁର୍ଵାସୁଦେଵୋଽଭିରକ୍ଷତୁ ॥ ୧୦୮ ॥
ଶ୍ରୀ ଵାସୁଦେଵୋଽଭିରକ୍ଷତୁ ଓଂ ନମ ଇତି ।
ଉତ୍ତରନ୍ୟାସଃ ।
ଭୀଷ୍ମ ଉଵାଚ —
ଇତୀଦଂ କୀର୍ତନୀୟସ୍ୟ କେଶଵସ୍ୟ ମହାତ୍ମନଃ ।
ନାମ୍ନାଂ ସହସ୍ରଂ ଦିଵ୍ୟାନାମଶେଷେଣ ପ୍ରକୀର୍ତିତମ୍ ॥ ୧ ॥
ୟ ଇଦଂ ଶୃଣୁୟାନ୍ନିତ୍ୟଂ ୟଶ୍ଚାପି ପରିକୀର୍ତୟେତ୍ ।
ନାଶୁଭଂ ପ୍ରାପ୍ନୁୟାତ୍କିଞ୍ଚିତ୍ସୋଽମୁତ୍ରେହ ଚ ମାନଵଃ ॥ ୨ ॥
ଵେଦାନ୍ତଗୋ ବ୍ରାହ୍ମଣଃ ସ୍ୟାତ୍କ୍ଷତ୍ରିୟୋ ଵିଜୟୀ ଭଵେତ୍ ।
ଵୈଶ୍ୟୋ ଧନସମୃଦ୍ଧଃ ସ୍ୟାଚ୍ଛୂଦ୍ରଃ ସୁଖମଵାପ୍ନୁୟାତ୍ ॥ ୩ ॥
ଧର୍ମାର୍ଥୀ ପ୍ରାପ୍ନୁୟାଦ୍ଧର୍ମମର୍ଥାର୍ଥୀ ଚାର୍ଥମାପ୍ନୁୟାତ୍ ।
କାମାନଵାପ୍ନୁୟାତ୍କାମୀ ପ୍ରଜାର୍ଥୀ ପ୍ରାପ୍ନୁୟାତ୍ପ୍ରଜାମ୍ ॥ ୪ ॥
ଭକ୍ତିମାନ୍ ୟଃ ସଦୋତ୍ଥାୟ ଶୁଚିସ୍ତଦ୍ଗତମାନସଃ ।
ସହସ୍ରଂ ଵାସୁଦେଵସ୍ୟ ନାମ୍ନାମେତତ୍ପ୍ରକୀର୍ତୟେତ୍ ॥ ୫ ॥
ୟଶଃ ପ୍ରାପ୍ନୋତି ଵିପୁଲଂ ଜ୍ଞାତିପ୍ରାଧାନ୍ୟମେଵ ଚ ।
ଅଚଲାଂ ଶ୍ରିୟମାପ୍ନୋତି ଶ୍ରେୟଃ ପ୍ରାପ୍ନୋତ୍ୟନୁତ୍ତମମ୍ ॥ ୬ ॥
ନ ଭୟଂ କ୍ଵଚିଦାପ୍ନୋତି ଵୀର୍ୟଂ ତେଜଶ୍ଚ ଵିନ୍ଦତି ।
ଭଵତ୍ୟରୋଗୋ ଦ୍ୟୁତିମାନ୍ବଲରୂପଗୁଣାନ୍ଵିତଃ ॥ ୭ ॥
ରୋଗାର୍ତୋ ମୁଚ୍ୟତେ ରୋଗାଦ୍ବଦ୍ଧୋ ମୁଚ୍ୟେତ ବନ୍ଧନାତ୍ ।
ଭୟାନ୍ମୁଚ୍ୟେତ ଭୀତସ୍ତୁ ମୁଚ୍ୟେତାପନ୍ନ ଆପଦଃ ॥ ୮ ॥
ଦୁର୍ଗାଣ୍ୟତିତରତ୍ୟାଶୁ ପୁରୁଷଃ ପୁରୁଷୋତ୍ତମମ୍ ।
ସ୍ତୁଵନ୍ନାମସହସ୍ରେଣ ନିତ୍ୟଂ ଭକ୍ତିସମନ୍ଵିତଃ ॥ ୯ ॥
ଵାସୁଦେଵାଶ୍ରୟୋ ମର୍ତ୍ୟୋ ଵାସୁଦେଵପରାୟଣଃ ।
ସର୍ଵପାପଵିଶୁଦ୍ଧାତ୍ମା ୟାତି ବ୍ରହ୍ମ ସନାତନମ୍ ॥ ୧୦ ॥
ନ ଵାସୁଦେଵଭକ୍ତାନାମଶୁଭଂ ଵିଦ୍ୟତେ କ୍ଵଚିତ୍ ।
ଜନ୍ମମୃତ୍ୟୁଜରାଵ୍ୟାଧିଭୟଂ ନୈଵୋପଜାୟତେ ॥ ୧୧ ॥
ଇମଂ ସ୍ତଵମଧୀୟାନଃ ଶ୍ରଦ୍ଧାଭକ୍ତିସମନ୍ଵିତଃ ।
ୟୁଜ୍ୟେତାତ୍ମସୁଖକ୍ଷାନ୍ତିଶ୍ରୀଧୃତିସ୍ମୃତିକୀର୍ତିଭିଃ ॥ ୧୨ ॥
ନ କ୍ରୋଧୋ ନ ଚ ମାତ୍ସର୍ୟଂ ନ ଲୋଭୋ ନାଶୁଭା ମତିଃ ।
ଭଵନ୍ତି କୃତ ପୁଣ୍ୟାନାଂ ଭକ୍ତାନାଂ ପୁରୁଷୋତ୍ତମେ ॥ ୧୩ ॥
ଦ୍ୟୌଃ ସଚନ୍ଦ୍ରାର୍କନକ୍ଷତ୍ରା ଖଂ ଦିଶୋ ଭୂର୍ମହୋଦଧିଃ ।
ଵାସୁଦେଵସ୍ୟ ଵୀର୍ୟେଣ ଵିଧୃତାନି ମହାତ୍ମନଃ ॥ ୧୪ ॥
ସସୁରାସୁରଗନ୍ଧର୍ଵଂ ସୟକ୍ଷୋରଗରାକ୍ଷସମ୍ ।
ଜଗଦ୍ଵଶେ ଵର୍ତତେଦଂ କୃଷ୍ଣସ୍ୟ ସଚରାଚରମ୍ ॥ ୧୫ ॥
ଇନ୍ଦ୍ରିୟାଣି ମନୋ ବୁଦ୍ଧିଃ ସତ୍ତ୍ଵଂ ତେଜୋ ବଲଂ ଧୃତିଃ ।
ଵାସୁଦେଵାତ୍ମକାନ୍ୟାହୁଃ କ୍ଷେତ୍ରଂ କ୍ଷେତ୍ରଜ୍ଞ ଏଵ ଚ ॥ ୧୬ ॥
ସର୍ଵାଗମାନାମାଚାରଃ ପ୍ରଥମଂ ପରିକଲ୍ପ୍ୟତେ । var?? କଲ୍ପତେ
ଆଚାରପ୍ରଭଵୋ ଧର୍ମୋ ଧର୍ମସ୍ୟ ପ୍ରଭୁରଚ୍ୟୁତଃ ॥ ୧୭ ॥
ଋଷୟଃ ପିତରୋ ଦେଵା ମହାଭୂତାନି ଧାତଵଃ ।
ଜଙ୍ଗମାଜଙ୍ଗମଂ ଚେଦଂ ଜଗନ୍ନାରାୟଣୋଦ୍ଭଵମ୍ ॥ ୧୮ ॥
ୟୋଗୋ ଜ୍ଞାନଂ ତଥା ସାଙ୍ଖ୍ୟଂ ଵିଦ୍ୟାଃ ଶିଲ୍ପାଦି କର୍ମ ଚ ।
ଵେଦାଃ ଶାସ୍ତ୍ରାଣି ଵିଜ୍ଞାନମେତତ୍ସର୍ଵଂ ଜନାର୍ଦନାତ୍ ॥ ୧୯ ॥
ଏକୋ ଵିଷ୍ଣୁର୍ମହଦ୍ଭୂତଂ ପୃଥଗ୍ଭୂତାନ୍ୟନେକଶଃ ।
ତ୍ରୀଂଲ୍ଲୋକାନ୍ଵ୍ୟାପ୍ୟ ଭୂତାତ୍ମା ଭୁଙ୍କ୍ତେ ଵିଶ୍ଵଭୁଗଵ୍ୟୟଃ ॥ ୨୦ ॥
ଇମଂ ସ୍ତଵଂ ଭଗଵତୋ ଵିଷ୍ଣୋର୍ଵ୍ୟାସେନ କୀର୍ତିତମ୍ ।
ପଠେଦ୍ୟ ଇଚ୍ଛେତ୍ପୁରୁଷଃ ଶ୍ରେୟଃ ପ୍ରାପ୍ତୁଂ ସୁଖାନି ଚ ॥ ୨୧ ॥
ଵିଶ୍ଵେଶ୍ଵରମଜଂ ଦେଵଂ ଜଗତଃ ପ୍ରଭୁମଵ୍ୟୟମ୍ ।
ଭଜନ୍ତି ୟେ ପୁଷ୍କରାକ୍ଷଂ ନ ତେ ୟାନ୍ତି ପରାଭଵମ୍ ॥ ୨୨ ॥
ନ ତେ ୟାନ୍ତି ପରାଭଵମ୍ ଓଂ ନମ ଇତି ।
ଅର୍ଜୁନ ଉଵାଚ —
ପଦ୍ମପତ୍ରଵିଶାଲାକ୍ଷ ପଦ୍ମନାଭ ସୁରୋତ୍ତମ ।
ଭକ୍ତାନାମନୁରକ୍ତାନାଂ ତ୍ରାତା ଭଵ ଜନାର୍ଦନ ॥ ୨୩ ॥
ଶ୍ରୀଭଗଵାନୁଵାଚ —
ୟୋ ମାଂ ନାମସହସ୍ରେଣ ସ୍ତୋତୁମିଚ୍ଛତି ପାଣ୍ଡଵ ।
ସୋହଽମେକେନ ଶ୍ଲୋକେନ ସ୍ତୁତ ଏଵ ନ ସଂଶୟଃ ॥ ୨୪ ॥
ସ୍ତୁତ ଏଵ ନ ସଂଶୟ ଓଂ ନମ ଇତି ।
ଵ୍ୟାସ ଉଵାଚ —
ଵାସନାଦ୍ଵାସୁଦେଵସ୍ୟ ଵାସିତଂ ଭୁଵନତ୍ରୟମ୍ ।
ସର୍ଵଭୂତନିଵାସୋଽସି ଵାସୁଦେଵ ନମୋଽସ୍ତୁ ତେ ॥ ୨୫ ॥
ଶ୍ରୀ ଵାସୁଦେଵ ନମୋଽସ୍ତୁତ ଓଂ ନମ ଇତି ।
ପାର୍ଵତ୍ୟୁଵାଚ —
କେନୋପାୟେନ ଲଘୁନା ଵିଷ୍ଣୋର୍ନାମସହସ୍ରକମ୍ ।
ପଠ୍ୟତେ ପଣ୍ଡିତୈର୍ନିତ୍ୟଂ ଶ୍ରୋତୁମିଚ୍ଛାମ୍ୟହଂ ପ୍ରଭୋ ॥ ୨୬ ॥
ଈଶ୍ଵର ଉଵାଚ —
ଶ୍ରୀରାମ ରାମ ରାମେତି ରମେ ରାମେ ମନୋରମେ ।
ସହସ୍ରନାମ ତତ୍ତୁଲ୍ୟଂ ରାମ ନାମ ଵରାନନେ ॥ ୨୭ ॥
ଶ୍ରୀରାମନାମ ଵରାନନ ଓଂ ନମ ଇତି ।
ବ୍ରହ୍ମୋଵାଚ —
ନମୋଽସ୍ତ୍ଵନନ୍ତାୟ ସହସ୍ରମୂର୍ତୟେ
ସହସ୍ରପାଦାକ୍ଷିଶିରୋରୁବାହଵେ ।
ସହସ୍ରନାମ୍ନେ ପୁରୁଷାୟ ଶାଶ୍ଵତେ
ସହସ୍ରକୋଟିୟୁଗଧାରିଣେ ନମଃ ॥ ୨୮ ॥
ସହସ୍ରକୋଟିୟୁଗଧାରିଣେ ଓଂ ନମ ଇତି ।
ଓଂ ତତ୍ସଦିତି ଶ୍ରୀମହାଭାରତେ ଶତସାହସ୍ର୍ୟାଂ ସଂହିତାୟାଂ ଵୈୟାସିକ୍ୟାମାନୁଶାସନିକେ
ପର୍ଵଣି ଭୀଷ୍ମୟୁଧିଷ୍ଠିରସଂଵାଦେ ଶ୍ରୀଵିଷ୍ଣୋର୍ଦିଵ୍ୟସହସ୍ରନାମସ୍ତୋତ୍ରମ୍ ॥
ସଞ୍ଜୟ ଉଵାଚ —
ୟତ୍ର ୟୋଗେଶ୍ଵରଃ କୃଷ୍ଣୋ ୟତ୍ର ପାର୍ଥୋ ଧନୁର୍ଧରଃ ।
ତତ୍ର ଶ୍ରୀର୍ଵିଜୟୋ ଭୂତିର୍ଧ୍ରୁଵା ନୀତିର୍ମତିର୍ମମ ॥ ୨୯ ॥
ଶ୍ରୀଭଗଵାନୁଵାଚ —
ଅନନ୍ୟାଶ୍ଚିନ୍ତୟନ୍ତୋ ମାଂ ୟେ ଜନାଃ ପର୍ୟୁପାସତେ ।
ତେଷାଂ ନିତ୍ୟାଭିୟୁକ୍ତାନାଂ ୟୋଗକ୍ଷେମଂ ଵହାମ୍ୟହମ୍ ॥ ୩୦ ॥
ପରିତ୍ରାଣାୟ ସାଧୂନାଂ ଵିନାଶାୟ ଚ ଦୁଷ୍କୃତାମ୍ ।
ଧର୍ମସଂସ୍ଥାପନାର୍ଥାୟ ସମ୍ଭଵାମି ୟୁଗେ ୟୁଗେ ॥ ୩୧ ॥
ଆର୍ତାଃ ଵିଷଣ୍ଣାଃ ଶିଥିଲାଶ୍ଚ ଭୀତାଃ ଘୋରେଷୁ ଚ ଵ୍ୟାଧିଷୁ ଵର୍ତମାନାଃ ।
ସଙ୍କୀର୍ତ୍ୟ ନାରାୟଣଶବ୍ଦମାତ୍ରଂ ଵିମୁକ୍ତଦୁଃଖାଃ ସୁଖିନୋ ଭଵନ୍ତି ॥ ୩୨ ॥
କାୟେନ ଵାଚା ମନସେନ୍ଦ୍ରିୟୈର୍ଵା ବୁଦ୍ଧ୍ୟାତ୍ମନା ଵା ପ୍ରକୃତେଃ ସ୍ଵଭାଵାତ୍ । var ପ୍ରକୃତିସ୍ଵଭାଵାତ୍ ।
କରୋମି ୟଦ୍ୟତ୍ ସକଲଂ ପରସ୍ମୈ ନାରାୟଣାୟେତି ସମର୍ପୟାମି ॥ ୩୩ ॥
ଇତି ଶ୍ରୀଵିଷ୍ଣୋର୍ଦିଵ୍ୟସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ।
ଓଂ ତତ୍ ସତ୍ ।
ମହାଭାରତେ ଅନୁଶାସନପର୍ଵଣି
Additional Concluding Shlokas
ଓଂ ଆପଦାମପହର୍ତାରଂ ଦାତାରଂ ସର୍ଵସମ୍ପଦାମ୍ ।
ଲୋକାଭିରାମଂ ଶ୍ରୀରାମଂ ଭୂୟୋ ଭୂୟୋ ନମାମ୍ୟହମ୍ ॥
ଆର୍ତାନାମାର୍ତିହନ୍ତାରଂ ଭୀତାନାଂ ଭୀତିନାଶନମ୍ ।
ଦ୍ଵିଷତାଂ କାଲଦଣ୍ଡଂ ତଂ ରାମଚନ୍ଦ୍ରଂ ନମାମ୍ୟହମ୍ ॥
ନମଃ କୋଦଣ୍ଡହସ୍ତାୟ ସନ୍ଧୀକୃତଶରାୟ ଚ ।
ଖଣ୍ଡିତାଖିଲଦୈତ୍ୟାୟ ରାମାୟଽଽପନ୍ନିଵାରିଣେ ॥
ରାମାୟ ରାମଭଦ୍ରାୟ ରାମଚନ୍ଦ୍ରାୟ ଵେଧସେ ।
ରଘୁନାଥାୟ ନାଥାୟ ସୀତାୟାଃ ପତୟେ ନମଃ ॥
ଅଗ୍ରତଃ ପୃଷ୍ଠତଶ୍ଚୈଵ ପାର୍ଶ୍ଵତଶ୍ଚ ମହାବଲୌ ।
ଆକର୍ଣପୂର୍ଣଧନ୍ଵାନୌ ରକ୍ଷେତାଂ ରାମଲକ୍ଷ୍ମଣୌ ॥
ସନ୍ନଦ୍ଧଃ କଵଚୀ ଖଡ୍ଗୀ ଚାପବାଣଧରୋ ୟୁଵା ।
ଗଚ୍ଛନ୍ ମମାଗ୍ରତୋ ନିତ୍ୟଂ ରାମଃ ପାତୁ ସଲକ୍ଷ୍ମଣଃ ॥
ଅଚ୍ୟୁତାନନ୍ତଗୋଵିନ୍ଦ ନାମୋଚ୍ଚାରଣଭେଷଜାତ୍ ।
ନଶ୍ୟନ୍ତି ସକଲା ରୋଗାସ୍ସତ୍ୟଂ ସତ୍ୟଂ ଵଦାମ୍ୟହମ୍ ॥
ସତ୍ୟଂ ସତ୍ୟଂ ପୁନସ୍ସତ୍ୟମୁଦ୍ଧୃତ୍ୟ ଭୁଜମୁଚ୍ୟତେ ।
ଵେଦାଚ୍ଛାସ୍ତ୍ରଂ ପରଂ ନାସ୍ତି ନ ଦେଵଂ କେଶଵାତ୍ପରମ୍ ॥
ଶରୀରେ ଜର୍ଝରୀଭୂତେ ଵ୍ୟାଧିଗ୍ରସ୍ତେ କଳେଵରେ ।
ଔଷଧଂ ଜାହ୍ନଵୀତୋୟଂ ଵୈଦ୍ୟୋ ନାରାୟଣୋ ହରିଃ ॥
ଆଲୋଡ୍ୟ ସର୍ଵଶାସ୍ତ୍ରାଣି ଵିଚାର୍ୟ ଚ ପୁନଃ ପୁନଃ ।
ଇଦମେକଂ ସୁନିଷ୍ପନ୍ନଂ ଧ୍ୟେୟୋ ନାରାୟଣୋ ହରିଃ ॥
ୟଦକ୍ଷରପଦଭ୍ରଷ୍ଟଂ ମାତ୍ରାହୀନଂ ତୁ ୟଦ୍ଭଵେତ୍ ।
ତତ୍ସର୍ଵଂ କ୍ଷମ୍ୟତାଂ ଦେଵ ନାରାୟଣ ନମୋଽସ୍ତୁ ତେ ॥
ଵିସର୍ଗବିନ୍ଦୁମାତ୍ରାଣି ପଦପାଦାକ୍ଷରାଣି ଚ ।
ନ୍ୟୂନାନି ଚାତିରିକ୍ତାନି କ୍ଷମସ୍ଵ ପୁରୁଷୋତ୍ତମ ॥
Alternate Concluding Shlokas
ନମଃ କମଲନାଭାୟ ନମସ୍ତେ ଜଲଶାୟିନେ ।
ନମସ୍ତେ କେଶଵାନନ୍ତ ଵାସୁଦେଵ ନମୋଽସ୍ତୁତେ ॥
ନମୋ ବ୍ରହ୍ମଣ୍ୟଦେଵାୟ ଗୋବ୍ରାହ୍ମଣହିତାୟ ଚ ।
ଜଗଦ୍ଧିତାୟ କୃଷ୍ଣାୟ ଗୋଵିନ୍ଦାୟ ନମୋ ନମଃ ॥
ଆକାଶାତ୍ପତିତଂ ତୋୟଂ ୟଥା ଗଚ୍ଛତି ସାଗରମ୍ ।
ସର୍ଵଦେଵନମସ୍କାରଃ କେଶଵଂ ପ୍ରତି ଗଚ୍ଛତି ॥
ଏଷ ନିଷ୍କଣ୍ଟକଃ ପନ୍ଥା ୟତ୍ର ସମ୍ପୂଜ୍ୟତେ ହରିଃ ।
କୁପଥଂ ତଂ ଵିଜାନୀୟାଦ୍ ଗୋଵିନ୍ଦରହିତାଗମମ୍ ॥
ସର୍ଵଵେଦେଷୁ ୟତ୍ପୁଣ୍ୟଂ ସର୍ଵତୀର୍ଥେଷୁ ୟତ୍ଫଲମ୍ ।
ତତ୍ଫଲଂ ସମଵାପ୍ନୋତି ସ୍ତୁତ୍ଵା ଦେଵଂ ଜନାର୍ଦନମ୍ ॥
ୟୋ ନରଃ ପଠତେ ନିତ୍ୟଂ ତ୍ରିକାଲଂ କେଶଵାଲୟେ ।
ଦ୍ଵିକାଲମେକକାଲଂ ଵା କ୍ରୂରଂ ସର୍ଵଂ ଵ୍ୟପୋହତି ॥
ଦହ୍ୟନ୍ତେ ରିପଵସ୍ତସ୍ୟ ସୌମ୍ୟାଃ ସର୍ଵେ ସଦା ଗ୍ରହାଃ ।
ଵିଲୀୟନ୍ତେ ଚ ପାପାନି ସ୍ତଵେ ହ୍ୟସ୍ମିନ୍ ପ୍ରକୀର୍ତିତେ ॥
ୟେନେ ଧ୍ୟାତଃ ଶ୍ରୁତୋ ୟେନ ୟେନାୟଂ ପଠ୍ୟତେ ସ୍ତଵଃ ।
ଦତ୍ତାନି ସର୍ଵଦାନାନି ସୁରାଃ ସର୍ଵେ ସମର୍ଚିତାଃ ॥
ଇହ ଲୋକେ ପରେ ଵାପି ନ ଭୟଂ ଵିଦ୍ୟତେ କ୍ଵଚିତ୍ ।
ନାମ୍ନାଂ ସହସ୍ରଂ ୟୋଽଧୀତେ ଦ୍ଵାଦଶ୍ୟାଂ ମମ ସନ୍ନିଧୌ ॥
ଶନୈର୍ଦହନ୍ତି ପାପାନି କଲ୍ପକୋଟୀଶତାନି ଚ ।
ଅଶ୍ଵତ୍ଥସନ୍ନିଧୌ ପାର୍ଥ ଧ୍ୟାତ୍ଵା ମନସି କେଶଵମ୍ ॥
ପଠେନ୍ନାମସହସ୍ରଂ ତୁ ଗଵାଂ କୋଟିଫଲଂ ଲଭେତ୍ ।
ଶିଵାଲୟେ ପଠେନିତ୍ୟଂ ତୁଲସୀଵନସଂସ୍ଥିତଃ ॥
ନରୋ ମୁକ୍ତିମଵାପ୍ନୋତି ଚକ୍ରପାଣେର୍ଵଚୋ ୟଥା ।
ବ୍ରହ୍ମହତ୍ୟାଦିକଂ ଘୋରଂ ସର୍ଵପାପଂ ଵିନଶ୍ୟତି ॥
ଵିଲୟଂ ୟାନ୍ତି ପାପାନି ଚାନ୍ୟପାପସ୍ୟ କା କଥା ।
ସର୍ଵପାପଵିନିର୍ମୁକ୍ତୋ ଵିଷ୍ଣୁଲୋକଂ ସ ଗଚ୍ଛତି ॥
॥ ହରିଃ ଓଂ ତତ୍ସତ୍ ॥