॥ Vitthala Sahasranamastotram Bengali Lyrics ॥
॥ শ্রীবিঠ্ঠসহস্রনামস্তোত্রম্ ॥
শৌনক উবাচ-
সূত বেদার্থতত্বজ্ঞ শ্রুতং সর্বং ভবন্মুরবাত্ ।
তথাপি শ্রোতুমিচ্ছামি তীর্থং ক্ষেত্রঞ্চ দৈবতম্ ॥ ১ ॥
স্তোত্রং চ জগতাং পূজ্য মূঢানামপি মোক্ষদম্ ।
স্নানাদ্দর্শনতঃ স্মৃত্যা পাঠমাত্রাচ্ছুভপ্রদম্ ॥ ২ ॥
সূত উবাচ-
স্মারিতোঽহং হরেস্তীর্থং স্তোত্রং ক্ষেত্রং চ দৈবতম্ ।
স ক্ষণঃ সফলো য়ত্র স্মর্যতে মধুসূদনঃ ॥ ৩ ॥
কয়াপি বৃত্যা বিপ্রেন্দ্র তত্সর্বং কথয়ামি তে ।
জনং কলিমলাক্রান্তং দৃষ্ট্বা বিষয়লালসম্ ॥ ৪ ॥
জ্ঞানানধিকৃতং কর্মবিহীনং ভক্তবত্সলঃ ।
চন্দ্রভাগাসরস্তীরে পিতৃভক্তিপরং দ্বিজম্ ॥ ৫ ॥
পুণ্ডরীকাভিধে ক্ষেত্রে ভীময়াঽঽপ্লাবিতে ততঃ ।
পুণ্ডরীকাভিধং শান্তং নিমিত্তীকৃত্য মাধবঃ ॥ ৬ ॥
আবিরাসীত্সমুদ্ধর্তুং জনং কলিমলাকুলম্ ।
তত্তীর্থং চন্দ্রভাগাখ্যং স্নানমাত্রেণ মোক্ষদম্ ॥ ৭ ॥
তত্ক্ষেত্রং পাণ্ডুরঙ্গাখ্যং দর্শনান্মোক্ষদায়কম্ ।
তদ্দৈবতং বিঠ্ঠলাখ্যং জগত্কারণমব্যয়ম্ ॥ ৮ ॥
স্থিতিপ্রলয়য়োর্হেতুং ভক্তানুগ্রহবিগ্রহম্ ।
সত্যজ্ঞানানন্দময়ং স্থানজ্ঞানাদি য়দ্বিদা ॥ ৯ ॥
য়ন্নামস্মরণাদেব কামাক্রান্তোঽপি সন্তরেত্ ।
পুণ্ডরীকেণ মুনিনা প্রাপ্তং তদ্দর্শনেন য়ত্ ॥ ১০ ॥
শৌনক উবাচ-
সহস্রনামভিঃ স্তোত্রং কৃতং বেদবিদুত্তম ।
সকৃত্পঠনমাত্রেণ কামিতার্থশ্রুতপ্রদম্ ॥ ১১ ॥
তীর্থং ক্ষেত্রং দৈবতং চ ত্বত্প্রসাদাচ্ছ্তুতং ময়া ।
ইদানীং শ্রোতুমিচ্ছামি স্তোত্রং তব মুখাম্বুজাত্ ॥ ১২ ॥
সচ্চিত্সুখস্বরূপোঽপি ভক্তানুগ্রহহেতবে ।
কীদৃশং ধৃতবান্ রূপং কৃপয়াঽঽচক্ষ্ব তন্মম ॥ ১৩ ॥
সূত উবাচ-
শৃণুষ্বাবহিতো ব্রহ্মন্ভগবদ্ধ্যানপূর্বকম্ ।
সহস্রনামসন্মন্ত্রং সর্বমন্ত্রোত্তমোত্তমম্ ॥ ১৪ ॥
অথ শ্রীবিঠ্ঠলসহস্রনামস্তোত্রমন্ত্রস্য শ্রীপুণ্ডরীক ঋষিঃ ।
শ্রীগুরুঃ পরমাত্মা শ্রীবিঠ্ঠলো দেবতা ।
অনুষ্টুপ্ ছন্দঃ । পুণ্ডরীকবরপ্রদ ইতি বীজং ।
রুক্মিণীশো রমাপতিরিতি শক্তিঃ । পাণ্ডুরঙ্গেশ ইতি কীলকম্ ।
শ্রী বিঠ্ঠলপ্রীত্যর্থং বিঠ্ঠলসহস্রনামস্তোত্রমন্ত্রজপে বিনিয়োগঃ ।
ওঁ পুণ্ডরীক বরপ্রদ ইতি অঙ্গুষ্ঠাভ্যাং নপঃ ।
ওঁ বিঠ্ঠলঃ পাণ্ডুরঙ্গেশ ইতি তর্জনীভ্যাং নমঃ ।
ওঁ চন্দ্রভাগাসরোবাস ইতি মধ্যমাভ্যাং নমঃ ।
ওঁ বজ্রী শক্তির্দণ্ডধর ইতি অনামিকাভ্যাং নমঃ ।
ওঁ কলবংশরবাক্রান্ত ইতি কনিষ্ঠিকাভ্যাং নমঃ ।
ওঁ এনোঽন্তকৃন্নামধ্যেয় ইতি করতলকরপৃষ্ঠাভ্যাং নমঃ ॥
এবং হৃদয়াদিন্যাসঃ ।
ওঁ পুণ্ডরীক বরপ্রদ ইতি হৃদয়ায় নমঃ ।
ওঁ চন্দ্রভাগাসরোবাস ইতি শিরসে স্বাহা ।
ওঁ বজ্রী শক্তির্দণ্ডধর ইতি শিখায়ৈ বষট্ ।
ওঁ কলবংশরবাক্রান্ত ইতি কবচায় হুম্ ।
ওঁ এনোঽন্তকৃন্নামধ্যেয় ইতি নেত্রত্রয়ায় বৌষট্ ।
ওঁ এনোঽন্তকৃন্নামধ্যেয় ইতি অস্ত্রায় ফট্ ॥
ইতি দিগ্বন্ধঃ ।
ধ্যানম্ –
ইষ্টিকায়াং সমপদং তিষ্ঠন্তং পুরুষোত্তমম্ ।
জঙ্ঘজস্থকরদ্বন্দ্বং ক্ষুল্লকাদামভূষণম্ ॥ ১৫ ॥
সব্যাসব্যকরোদ্ভাসিপদ্মশঙ্খবিভূষিতম্ ।
দরহাসস্মেরমুখং শিক্যস্কন্ধং দিগম্বরম্ ॥ ১৬ ॥
সর্বালঙ্কারসংয়ুক্তং ব্রহ্মাদিগণসেবিতম্ ।
জ্ঞানানন্দময়ং দেবং ধ্যায়ামি হৃদি বিঠ্ঠলম্ ॥ ১৭ ॥
অথ স্তোত্রম্ ।
ক্লীং বিঠ্ঠলঃ পাণ্ডুরঙ্গেশ ঈশঃ শ্রীশো বিশেষজিত্ ।
শেষশায়ী শম্ভুবন্দ্যঃ শরণ্যঃ শঙ্করপ্রিয়ঃ ॥ ১ ॥
চন্দ্রভাগাসরোবাসঃ কোটিচন্দ্রপ্রভাস্মিতঃ ।
বিধাধৃসূচিতঃ সর্বপ্রমাণাতীত অব্যয়ঃ ॥ ২ ॥
পুণ্ডরীকস্তুতো বন্দ্যো ভক্তচিত্তপ্রসাদকঃ ।
স্বধর্মনিরতঃ প্রীতো গোগোপীপরিবারিতঃ ॥ ৩ ॥
গোপিকাশতনীরাজ্যঃ পুলিনাক্রীড আত্মভূঃ ।
আত্মাঽঽত্মারাম আত্মস্থঃ আত্মারামনিষেবিতঃ ॥ ৪ ॥
সচ্চিত্সুখং মহামায়ী মহদব্যক্তমদ্ভুতঃ ।
স্থূলরূপঃ সূক্ষ্মরূপঃ কারণং পরমঞ্জনম্ ॥ ৫ ॥
মহাকারণমাধারঃ অধিষ্ঠানং প্রকাশকঃ ।
কঞ্জপাদো রক্তনখো রক্তপাদতলঃ প্রভুঃ ॥ ৬ ॥
সাম্রাজ্যচিহ্নিতপদো নীলগুল্ফঃ সুজঙ্ঘকঃ ।
সজ্জানুঃ কদলীস্তম্ভনিভোরুরুরুবিক্রমঃ ॥ ৭ ॥
পীতাম্বরাবৃতকটিঃ ক্ষুল্লকাদামভূষণঃ ।
কটিবিন্যস্তহস্তাব্জঃ শঙ্খী পদ্মবিভূষিতঃ ॥ ৮ ॥
গম্ভীরনাভির্ব্রহ্মাধিষ্ঠিতনাভিসরোরুহঃ ।
ত্রিবলীমণ্ডিতোদারোদরোমাবলিমালিনঃ ॥ ৯ ॥
কপাটবক্ষাঃ শ্রীবত্সভূষিতোরাঃ কৃপাকরঃ ।
বনমালী কম্বুকণ্ঠঃ সুস্বরঃ সামলালসঃ ॥ ১০ ॥
কঞ্জবক্ত্রঃ শ্মশ্রুহীনচুবুকো বেদজিহ্বকঃ ।
দাডিমীবীজসদৃশরদো রক্তাধরো বিভুঃ ॥ ১১ ॥
নাসামুক্তাপাটলিতাধরচ্ছবিররিন্দমঃ ।
শুকনাসঃ কঞ্জনেত্রঃ কুণ্ডলাক্রমিতাংসকঃ ॥ ১২ ॥
মহাবাহুর্ঘনভুজঃ কেয়ূরাঙ্গদমণ্ডিতঃ ।
রত্নভূষিতভূষাঢ্যমণিবন্ধঃ সুভূষণঃ ॥ ১৩ ॥
রক্তপাণিতলঃ স্বঙ্গঃ সন্মুদ্রামণ্ডিতাঙ্গুলিঃ ।
নখপ্রভারঞ্জিতাব্জঃ সর্বসৌন্দর্যমণ্ডিতঃ ॥ ১৪ ॥
সুভ্রূরর্ধশশিপ্রখ্যললাটঃ কামরূপধৃক্ ।
কুঙ্কুমাঙ্কিতসদ্ভালঃ সুকেশো বর্হভূষণঃ ॥ ১৫ ॥
কিরীটভাব্যাপ্তনভো বিকলীকৃতভাস্করঃ ।
বনমালী পতিবাসাঃ শার্ঙ্গচাপোঽসুরান্তকঃ ॥ ১৬ ॥
দর্পাপহঃ কংসহন্তা চাণূরমুরমর্দনঃ ।
বেণুবাদনসন্তুষ্টো দধ্যন্নাস্বাদলোলুপঃ ॥ ১৭ ॥
জিতারিঃ কামজনকঃ কামহা কামপূরকঃ ।
বিক্রোধো দারিতামিত্রো ভূর্ভুবঃসুবরাদিরাট্ ॥ ১৮ ॥
অনাদিরজনির্জন্যজনকো জাহ্নবীপদঃ ।
বহুজন্মা জামদগ্ন্যঃ সহস্রভুজখণ্ডনঃ ॥ ৯৯ ॥
কোদণ্ডধারী জনকপূজিতঃ কমলাপ্রিয়ঃ ।
পুণ্ডরীকভবদ্বেষী পুণ্ডরীকভবপ্রিয়ঃ ॥ ২০ ॥
পুণ্ডরীকস্তুতিরসঃ সদ্ভক্তপরিপালকঃ ।
সুষুমালাসঙ্গমস্থো গোগোপীচিত্তরঞ্জনঃ ॥ ২১ ॥
ইষ্টিকাস্থো ভক্তবশ্যস্ত্রিমূর্তির্ভক্তবত্সলঃ ।
লীলাকৃতজগদ্ধামা জগত্পালো হরো বিরাট্ ॥ ২২ ॥
অশ্বত্থপদ্মতীর্থস্থো নারদস্তুতবৈভবঃ ।
প্রমাণাতীততত্ত্বজ্ঞস্তত্ত্বম্পদনিরূপিতঃ ॥ ২৩ ॥
অজাজনিরজাজানিরজায়ো নীরজোঽমলঃ ।
লক্ষ্মীনিবাসঃ স্বর্ভূষো বিশ্ববন্দ্যো মহোত্সবঃ ॥ ২৪ ॥
জগদ্যোনিরকর্তাঽঽদ্যো ভোক্তা ভোগ্যো ভবাতিগঃ ।
ষড্গুণৈশ্বর্যসম্পন্নো ভগবান্মুক্তিদায়কঃ ॥ ২৫ ॥
অধঃপ্রাণো মনো বুদ্ধিঃ সুষুপ্তিঃ সর্বগো হরিঃ ।
মত্স্যঃ কূর্মো বরাহোঽত্রির্বামনো হীররূপধৃত্ ॥ ২৬ ॥
নারসিংহো ঋষির্ব্যাসো রামো নীলাংশুকো হলী ।
বুদ্ধোঽর্হন্ সুগতঃ কল্কী নরো নারায়ণঃ পরঃ ॥ ২৭ ॥
পরাত্পরঃ করীড্যেশো নক্রশাপবিমোচনঃ ।
নারদোক্তিপ্রতিষ্ঠাতা মুক্তকেশী বরপ্রদঃ ॥ ২৮ ॥
চন্দ্রভাগাপ্সু সুস্নাতঃ কামিতার্থপ্রদোঽনঘঃ ।
তুলসীদামভূষাঢ্যস্তুলসীকাননপ্রিয়ঃ ॥ ২৯ ॥
পাণ্ডুরঙ্গঃ ক্ষেত্রমূর্তিঃ সর্বমূর্তিরনাময়ঃ ।
পুণ্ডরীকব্যাজকৃতজডোদ্ধারঃ সদাগতিঃ ॥ ৩০ ॥
অগতিঃ সদ্গতিঃ সভ্যো ভবো ভব্যো বিধীডিতঃ ।
প্রলম্বঘ্নো দ্রুপদজাচিন্তাহারী ভয়াপহঃ ॥ ৩১ ॥
বহ্নিবক্ত্রঃ সূর্যনুতো বিষ্ণুস্ত্রৈলোক্যরক্ষকঃ ।
জগদ্ভক্ষ্যো জগদ্গেহো জনারাধ্যো জনার্দনঃ ॥ ৩২ ॥
জেতা বিষ্ণুর্বরারোহো ভীষ্মপূজ্যপদাম্বুজঃ ।
ভর্তা ভীষ্ণকসম্পূজ্যঃ শিশুপালবধোদ্যতঃ ॥ ৩৩ ॥
শতাপরাধসহনঃ ক্ষমাবানাদিপূজনঃ ।
শিশুপালশিরচ্ছেত্তা দন্তবক্ত্রবলাপহঃ ॥ ৩৪ ॥
শিশুপালকৃতদ্রোহঃ সুদর্শনবিমোচনঃ ॥ ৩৫ ॥
সশ্রীঃ সমায়ো দামেন্দ্রঃ সুদামক্রীডনোত্সুকঃ ।
বসুদামকৃতক্রীডঃ কিঙ্কিণীদামসেবিতঃ ॥ ৩৬ ॥
পঞ্চাঙ্গপূজনরতঃ শুদ্ধচিত্তবশংবদঃ ।
রুক্মিণীবল্লভঃ সত্যভামাভূষিতবিগ্রহঃ ॥ ৩৭ ॥
নাগ্নজিত্যা কৃতোত্সাহঃ সুনন্দাচিত্তমোহনঃ ।
মিত্রবৃন্দাঽঽলিঙ্গিতাঙ্গো ব্রহ্মচারী বটুপ্রিয়ঃ ॥ ৩৮ ॥
সুলক্ষণাধৌতপদো জাম্ববত্যা কৃতাদরঃ ।
সুশীলাশীলসন্তুষ্টো জলকেলিকৃতাদরঃ ॥ ৩৯ ॥
বাসুদেবো দেবকীড্যো নন্দানন্দকরাঙ্ঘ্রিয়ুক্ ।
য়শোদামানসোল্লাসো বলাবরজনিঃস্বভূঃ ॥ ৪০ ॥
সুভদ্রাঽঽনন্দদো গোপবশ্যো গোপীপ্রিয়োঽজয়ঃ ।
মন্দারমূলবেদিস্থঃ সন্তানতরুসেবিতঃ ॥ ৪১ ॥
পারিজাতাপহরণঃ কল্পদ্রুমপুরঃসরঃ ।
হরিচন্দনলিপ্তাঙ্গ ইন্দ্রবন্দ্যোঽগ্নিপূজিতঃ ॥ ৪২ ॥
য়মনেতা নৈরৃতেয়ো বরুণেশঃ খগপ্রিয়ঃ ।
কুবেরবন্দ্য ঈশেশো বিধীড্যোঽনন্তবন্দিতঃ ॥ ৪৩ ॥
বজ্রী শক্তির্দণ্ডধরঃ খড্গী পাশ্যঙ্কুশী গদী ।
ত্রিশূলী কমলী চক্রী সত্যব্রতময়ো নবঃ ॥ ৪৪ ॥
মহামন্ত্রঃ প্রণবভূর্ভক্তচিন্তাপহারকঃ ।
স্বক্ষেত্রবাসী সুখদঃ কামী ভক্তবিমোচনঃ ॥ ৪৫ ॥
স্বনামকীর্তনপ্রীতঃ ক্ষেত্রেশঃ ক্ষেত্রপালকঃ ।
কামশ্চক্রধরার্ধশ্চ ত্রিবিক্রমময়াত্মকঃ ॥ ৪৬ ॥
প্রজ্ঞানকরজিত্কান্তিরূপবর্ণঃ স্বরূপবান্ ।
স্পর্শেন্দ্রিয়ং শৌরিময়ো বৈকুণ্ঠঃ সানিরুদ্ধকঃ ॥ ৪৭ ॥
ষডক্ষরময়ো বালঃ শ্রীকৃষ্ণো ব্রহ্মভাবিতঃ ।
নারদাধিষ্ঠিতক্ষেমো বেণুবাদনতত্পরঃ ॥ ৪৮ ॥
নারদেশপ্রতিষ্ঠাতা গোবিন্দো গরুডধ্বজঃ ।
সাধারণঃ সমঃ সৌম্যঃ কলাবান্ কমলালয়ঃ ॥ ৪৯ ॥
ক্ষেত্রপঃ ক্ষণদাধীশবক্ত্রঃ ক্ষেমকরক্ষণঃ ।
লবো লবণিমাধাম লীলাবান্ লঘুবিগ্রহঃ ॥ ৫০ ॥
হয়গ্রীবো হলী হংসো হতকংসো হলিপ্রিয়ঃ ।
সুন্দরঃ সুগতির্মুক্তঃ সত্সখো সুলভঃ স্বভূঃ ॥ ৫১ ॥
সাম্রাজ্যদঃ সামরাজঃ সত্তা সত্যঃ সুলক্ষণঃ ।
ষড্গুণৈশ্বর্যনিলয়ঃ ষডৃতুপরিসেবিতঃ ॥ ৫২ ॥
ষডঙ্গশোধিতঃ ষোঢা ষড্দর্শননিরূপিতঃ ।
শেষতল্পঃ শতমখঃ শরণাগতবত্সলঃ ॥ ৫৩ ॥
সশম্ভুঃ সমিতিঃ শঙ্খবহঃ শার্ঙ্গসুচাপধৃত্ ।
বহ্নিতেজা বারিজাস্যঃ কবির্বংশীধরো বিগঃ ॥ ৫৪ ॥
বিনীতো বিপ্রিয়ো বালিদলনো বজ্রভূষণঃ ।
রুক্মিণীশো রমাজানী রাজা রাজন্যভূষণঃ ॥ ৫৫ ॥
রতিপ্রাণপ্রিয়পিতা রাবণান্তো রঘূদ্বহঃ ।
য়জ্ঞভোক্তা য়মো য়জ্ঞভূষণো য়জ্ঞদূষণঃ ॥ ৫৬ ॥
য়জ্বা য়শোবান্ য়মুনাকূলকুঞ্জপ্রিয়ো য়মী ।
মেরুর্মনীষী মহিতো মুদিতঃ শ্যামবিগ্রহঃ ॥ ৫৭ ॥
মন্দগামী মুগ্ধমুখো মহেশো মীনবিগ্রহঃ ।
ভীমো ভীমাঙ্গজাতীরবাসী ভীমার্তিভঞ্জনঃ ॥ ৫৮ ॥
ভূভারহরণো ভূতভাবনো ভরতাগ্রজঃ ।
বলং বলপ্রিয়ো বালো বালক্রীডনতত্পরঃ ॥ ৫৯ ॥
বকাসুরান্তকো বাণাসুরদর্পকবাডবঃ ।
বৃহস্পতিবলারাতিসূনুর্বলিবরপ্রদঃ ॥ ৬০ ॥
বোদ্ধা বন্ধুবধোদ্যুক্তো বন্ধমোক্ষপ্রদো বুধঃ ।
ফাল্গুনানিষ্টহা ফল্গুকৃতারাতিঃ ফলপ্রদঃ ॥ ৬৯ ॥
ফেনজাতৈরকাবজ্রকৃতয়াদবসঙ্ক্ষয়ঃ ।
ফাল্গুনোত্সবসংসক্তঃ ফণিতল্পঃ ফণানটঃ ॥ ৬২ ॥
পুণ্যঃ পবিত্রঃ পাপাত্মদূরগঃ পণ্ডিতাগ্রণীঃ ।
পোষণঃ পুলিনাবাসঃ পুণ্ডরীকমনোর্বশঃ ॥ ৬৩ ॥
নিরন্তরো নিরাকাঙ্ক্ষো নিরাতঙ্কো নিরঞ্জনঃ ।
নির্বিণ্ণমানসোল্লাসো নয়নানন্দনঃ সতাম্ ॥ ৬৪ ॥
নিয়মো নিয়মী নম্যো নন্দবন্ধনমোচনঃ ।
নিপুণো নীতিমান্নেতা নরনারায়ণবপুঃ ॥ ৬৫ ॥
ধেনুকাসুরবিদ্বেষী ধাম ধাতা ধনী ধনম্ ।
ধন্যো ধন্যপ্রিয়ো ধর্তা ধীমান্ ধর্মবিদুত্তমঃ ॥ ৬৬ ॥
ধরণীধরসন্ধর্তা ধরাভূষিতদংষ্ট্রকঃ ।
দৈতেয়হন্তা দিগ্বাসা দেবো দেবশিখামণিঃ ॥ ৬৭ ॥
দাম দাতা দীপ্তিভানুঃ দানবাদমিতা দমঃ ।
স্থিরকার্যঃ স্থিতপ্রজ্ঞঃ স্থবিরস্থাপকঃ স্থিতিঃ ।
স্থিতলোকত্রয়বপুঃ স্থিতিপ্রলয়কারণম্ ॥ ৬৮ ॥
স্থাপকস্তীর্থচরণস্তর্পকস্তরুণীরসঃ ।
তারুণ্যকেলিনিপুণস্তরণস্তরণিপ্রভুঃ ॥ ৬৯ ॥
তোয়মূর্তিস্তমোঽতীতঃ স্তম্ভোদ্ভূতস্তপঃপরঃ ।
তডিদ্বাসাস্তোয়দাভস্তারস্তারস্বরপ্রিয়ঃ ॥ ৭০ ॥
ণকারো ঢৌকিতজগত্ত্রিতূর্যপ্রীতভূসুরঃ ।
ডমরূপ্রিয়হৃদ্বাসী ডিণ্ডিমধ্বনিগোচরঃ ॥ ৭১ ॥
ঠয়ুগস্থমনোর্গম্যঃ ঠঙ্কারি ধনুরায়ুধঃ ।
টণত্কারিতকোদণ্ডহতারির্গণসৌখ্যদঃ ॥ ৭২ ॥
ঝাঙ্কারিচাঞ্চরীকাঙ্কী শ্রুতিকল্হারভূষণঃ ।
জরাসন্ধার্দিতজগত্সুখভূর্জঙ্গমাত্মকঃ ॥ ৭৩ ॥
জগজ্জনির্জগদ্ভূষো জানকীবিরহাকুলঃ ।
জিষ্ণুশোকাপহরণো জন্মহীনো জগত্পতিঃ ॥ ৭৪ ॥
ছত্রিতাহীন্দ্রসুভগঃ ছদ্মী ছত্রিতভূধরঃ ।
ছায়াস্থলোকত্রিতয়ছলেন বলিনিগ্রহী ॥ ৭৫ ॥
চেতশ্চমত্কারকরঃ চিত্রী চিত্রস্বভাববান্ ।
চারুভূশ্চন্দ্রচূডশ্চ চন্দ্রকোটিসমপ্রভঃ ॥ ৭৬ ॥
চূডারত্নদ্যোতিভালশ্চলন্মকরকুপডলঃ ।
চরুভুক্ চয়নপ্রীতশ্চম্পকাটবিমধ্যগঃ ॥ ৭৭ ॥
চাণূরহন্তা চন্দ্রাঙ্কনাশনশ্চন্দ্রদীধিতিঃ ।
চন্দনালিপ্তসর্বাঙ্গশ্চারুচামরমণ্ডিতঃ ॥ ৭৮ ॥
ঘনশ্যামো ঘনরবো ঘটোত্কচপিতৃপ্রিয়ঃ ।
ঘনস্তনীপরীবারো ঘনবাহনগর্বহা ॥ ৭৯ ॥
গঙ্গাপদো গতক্লেশো গতক্লেশনিষেবিতঃ ।
গণনাথো গজোদ্ধর্তা গায়কো গায়নপ্রিয়ঃ ॥ ৮০ ॥
গোপতির্গোপিকাবশ্যো গোপবালানুগঃ পতিঃ ।
গণকোটিপরীবারো গম্যো গগননির্মলঃ ॥ ৮১ ॥
গায়ত্রীজপসম্প্রীতো গণ্ডকীস্থো গুহাশয়ঃ ।
গুহারণ্যপ্রতিষ্ঠাতা গুহাসুরনিষূদনঃ ॥ ৮২ ॥
গীতকীর্তির্গুণারামো গোপালো গুণবর্জিতঃ ।
গোপ্রিয়ো গোচরপ্রীতো গাননাট্যপ্রবর্তকঃ ॥ ৮৩ ॥
খট্বায়ুধঃ খরদ্বেষী খাতীতঃ খগমোচনঃ ।
খগপুচ্ছকৃতোত্তংসঃ খেলদ্বালকৃতপ্রিয়ঃ ॥ ৮৪ ॥
খট্বাঙ্গপোথিতারাতিঃ খঞ্জনাক্ষঃ খশীর্ষকঃ ।
কলবংশরবাক্রান্তগোপীবিস্মারিতার্ভকঃ ॥ ৮৫ ॥
কলিপ্রমাথী কঞ্জাস্যঃ কমলায়তলোচনঃ ।
কালনেমিপ্রহরণঃ কুণ্ঠিতার্তিকিশোরকঃ ॥ ৮৬ ॥
কেশবঃ কেবলঃ কণ্ঠীরবাস্যঃ কোমলাঙ্ঘ্রিয়ুক্ ।
কম্বলী কীর্তিমান্ কান্তঃ করুণামৃতসাগরঃ ॥ ৮৭ ॥
কুব্জাসৌভাগ্যদঃ কুব্জাচন্দনালিপ্তগাত্রকঃ ।
কালঃ কুবলয়াপীডহন্তা ক্রোধসমাকুলঃ ॥ ৮৮ ॥
কালিন্দীপুলিনাক্রীডঃ কুঞ্জকেলিকুতূহলী ।
কাঞ্চনং কমলাজানিঃ কলাজ্ঞঃ কামিতার্থদঃ ॥ ৮৯ ॥
কারণং করণাতীতঃ কৃপাপূর্ণঃ কলানিধিঃ ।
ক্রিয়ারূপঃ ক্রিয়াতীতঃ কালরূপঃ ক্রতুপ্রভুঃ ॥ ৯০ ॥
কটাক্ষস্তম্ভিতারাতিঃ কুটিলালকভূষিতঃ ।
কূর্মাকারঃ কালরূপী করীরবনমধ্যগঃ ॥ ৯১ ॥
কলকণ্ঠী কলরবঃ কলকণ্ঠরুতানুকৃত্ ।
করদ্বারপুরঃ কূটঃ সর্বেষাং কবলপ্রিয়ঃ ॥ ৯২ ॥
কলিকল্মষহা ক্রান্তগোকুলঃ কুলভূষণঃ ।
কূটারিঃ কুতুপঃ কীশপরিবারঃ কবিপ্রিয়ঃ ॥ ৯৩ ॥
কুরুবন্দ্যঃ কঠিনদোর্দণ্ডখণ্ডিতভূভরঃ ।
কিঙ্করপ্রিয়কৃত্কর্মরতভক্তপ্রিয়ঙ্করঃ ॥ ৯৪ ॥
অম্বুজাস্যোঽঙ্গনাকেলিরম্বুশায়্যম্বুধিস্তুতঃ ।
অম্ভোজমাল্যম্বুবাহলসদঙ্গোঽন্ত্রমালকঃ ॥ ৯৫ ॥
ঔদুম্বরফলপ্রখ্যব্রহ্মাণ্ডাবলিচালকঃ ।
ওষ্ঠস্ফুরন্মুরলিকারবাকর্ষিতগোকুলঃ ॥ ৯৬ ॥
ঐরাবতসমারূঢ ঐন্দ্রীশোকাপহারকঃ ।
ঐশ্বর্যাবধিরৈশ্বর্যমৈশ্বর্যাষ্টদলস্থিতঃ ॥ ৯৭ ॥
এণশাবসমানাক্ষ এধস্তোষিতপাবকঃ ।
এনোঽন্তকৃন্নামধেয়স্মৃতিসংসৃতিদর্পহা ॥ ৯৮ ॥
লূনপঞ্চক্লেশপদো লূতাতন্তুর্জগত্কৃতিঃ ।
লুপ্তদৃশ্যো লুপ্তজগজ্জয়ো লুপ্তসুপাবকঃ ॥ ৯৯ ॥
রূপাতীতো রূপনামরূপমায়াদিকারণম্ ।
ঋণহীনো ঋদ্ধিকারী ঋণাতীতো ঋতংবদঃ ॥ ১০০ ॥
উষানিমিত্তবাণঘ্ন উষাহার্যূর্জিতাশয়ঃ ।
ঊর্ধ্যরূপোর্ধ্বাধরগ ঊষ্মদগ্ধজগত্ত্রয়ঃ ॥ ১০১ ॥
উদ্ধবত্রাণনিরত উদ্ধবজ্ঞানদায়কঃ ।
উদ্ধর্তোদ্ধব উন্নিদ্র উদ্বোধ উপরিস্থিতঃ ॥ ১০২ ॥
উদধিক্রীড উদধিতনয়াপ্রিয় উত্সবঃ ।
উচ্ছিন্নদেবতারাতিরুদধ্যাবৃতিমেখলঃ ॥ ১০৩ ॥
ঈতিঘ্ন ঈশিতা ঈজ্য ঈড্য ঈহাবিবর্জিতঃ ।
ঈশধ্যেয়পদাম্ভোজ ইন ঈনবিলোচনঃ ॥ ১০৪ ॥
ইন্দ্র ইন্দ্রানুজনট ইন্দিরাপ্রাণবল্লভঃ ।
ইন্দ্রাদিস্তুত ইন্দ্রশ্রীরিদমিত্থমভীতকৃত্ ॥ ১০৫ ॥
আনন্দাভাস আনন্দ আনন্দনিধিরাত্মদৃক্ ।
আয়ুরার্তিঘ্ন আয়ুষ্য আদিরাময়বর্জিতঃ ॥ ১০৬ ॥
আদিকারণমাধার আধারাদিকৃতাশ্রয়ঃ ।
অচ্যুতৈশ্বর্যমমিত অরিনাশ অঘান্তকৃত্ ॥ ১০৭ ॥
অন্নপ্রদোঽন্নমখিলাধার অচ্যুত অব্জভৃত্ ।
চন্দ্রভাগাজলক্রীডাসক্তো গোপবিচেষ্টিতঃ ॥ ১০৮ ॥
হৃদয়াকারহৃদ্ভূষো য়ষ্টিমান্ গোকুলানুগঃ ।
গবাং হুঙ্কৃতিসম্প্রীতো গবালীঢপদাম্বুজঃ ॥ ১০৯ ॥
গোগোপত্রাণসুশ্রান্ত অশ্রমী গোপবীজিতঃ ।
পাথেয়াশনসম্প্রীতঃ স্কন্ধশিক্যো মুখাম্বুপঃ ॥ ১১০ ॥
ক্ষেত্রপারোপিতক্ষেত্রো রক্ষোঽধিকৃতভৈরবঃ ।
কার্যকারণসঙ্ঘাতস্তাটকান্তস্তু রক্ষহা ॥ ১১১ ॥
হন্তা তারাপতিস্তুত্যো য়ক্ষঃ ক্ষেত্রং ত্রয়ীবপুঃ ।
প্রাঞ্জলির্লোলনয়নো নবনীতাশনপ্রিয়ঃ ॥ ১১২ ॥
য়শোদাতর্জিতঃ ক্ষীরতস্করো ভাণ্ডভেদনঃ ।
মুখাশনো মাতৃবশ্যো মাতৃদৃশ্যমুখান্তরঃ ॥ ১১৩ ॥
ব্যাত্তবক্ত্রো গতভয়ো মুখলক্ষ্যজগত্ত্রয়ঃ ।
য়শোদাস্তুতিসম্প্রীতো নন্দবিজ্ঞাতবৈভবঃ ॥ ১১৪ ॥
সংসারনৌকাধর্মজ্ঞো জ্ঞাননিষ্ঠো ধনার্জকঃ ।
কুবেরঃ ক্ষত্রনিধনং ব্রহ্মর্ষির্ব্রাহ্মণপ্রিয়ঃ ॥ ১১৫ ॥
ব্রহ্মশাপপ্রতিষ্ঠাতা য়দুরাজকুলান্তকঃ ।
য়ুধিষ্ঠিরসখো য়ুদ্ধদক্ষঃ কুরুকুলান্তকৃত্ ॥ ১৯৬ ॥
অজামিলোদ্ধারকারী গণিকামোচনো গুরুঃ ।
জাম্ববদ্যুদ্ধরসিকঃ স্যমন্তমণিভূষণঃ ॥ ১১৭ ॥
সুভদ্রাবন্ধুরক্রূরবন্দিতো গদপূর্বজঃ ।
বলানুজো বাহুয়ুদ্ধরসিকো ময়মোচনঃ ॥ ১১৮ ॥
দগ্ধখাণ্ডবসম্প্রীতহুতাশো হবনপ্রিয়ঃ ।
উদ্যদাদিত্যসঙ্কাশবসনো হনুমদ্রুচিঃ ॥ ১১৯ ॥
ভীষ্মবাণব্রণাকীর্ণঃ সারথ্যনিপুণো গুণী ।
ভীষ্মপ্রতিভটশ্চক্রধরঃ সম্প্রীণিতার্জুনঃ ॥ ১২০ ॥
স্বপ্রতিজ্ঞাহানিহৃষ্টো মানাতীতো বিদূরগঃ ।
বিরাগী বিষয়াসক্তো বৈকুণ্ঠোঽকুণ্ঠবৈভবঃ ॥ ১২৯ ॥
সঙ্কল্পঃ কল্পনাতীতঃ সমাধির্নির্বিকল্পকঃ ।
সবিকল্পো বৃত্তিশূন্যো বৃত্তির্বীজমতীগতঃ ॥ ১২২ ॥
মহাদেবোঽখিলোদ্ধারী বেদান্তেষু প্রতিষ্ঠিতঃ ।
তনুর্বৃহত্তনূরণ্বরাজপূজ্যোঽজরোঽমরঃ ॥ ১২৩ ॥
ভীমাহতজরাসন্ধঃ প্রার্থিতায়ুধসঙ্গরঃ ।
স্বসঙ্কেতপ্রকৢপ্তার্থো নিরর্থ্যোঽর্থী নিরাকৃতিঃ ॥ ১২৪ ॥
গুণক্ষোভঃ সমগুণঃ সদ্গুণাঢ্যঃ প্রমাপ্রজঃ ।
স্বাঙ্গজঃ সাত্যকিভ্রাতা সন্মার্গো ভক্তভূষণঃ ॥ ১২৫ ॥
অকার্যকার্যনির্বেদো বেদো গোপাঙ্কনিদ্রিতঃ ।
অনাথো দাবপো দাবো দাহকো দুর্ধরোঽহতঃ ॥ ১২৬ ॥
ঋতবাগ্যাচকো বিপ্রঃ খর্ব ইন্দ্রপদপ্রদঃ ।
বলিমূর্ধস্থিতপদো বলিয়জ্ঞবিঘাতকৃত্ ॥ ১২৭ ॥
য়জ্ঞপূর্তির্যজ্ঞমূর্তির্যজ্ঞবিঘ্নমবিঘ্নকৃত্ ।
বলিদ্বাঃস্থো দানশীলো দানশীলপ্রিয়ো ব্রতী ॥ ১২৮ ॥
অব্রতো জতুকাগারস্থিতপাণ্ডবজীবনম্ ।
মার্গদর্শী মৃদুর্হেলাদূরীকৃতজগদ্ভয়ঃ ॥ ১২৯ ॥
সপ্তপাতালপাদোঽস্থিপর্বতো দ্রুমরোমকঃ ।
উডুমালী গ্রহাভূষো দিক্ শ্রুতিস্তটিনীশিরঃ ॥ ১৩০ ॥
বেদশ্বাসো জিতশ্বাসশ্চিত্তস্থশ্চিত্তশুদ্ধিকৃত্ ।
ধীঃ স্মৃতিঃ পুষ্টিরজয়ঃ তুষ্টিঃ কান্তির্ধৃতিস্ত্রপা ॥ ১৩১ ॥
হলঃ কৃষিঃ কলং বৃষ্টির্গৃষ্টির্গৌরবনং বনম্ ।
ক্ষীরং হব্যং হব্যবাহো হোমো বেদী সমিত্স্রুবঃ ॥ ১৩২ ॥
কর্ম কর্মফলং স্বর্গো ভূষ্যো ভূষা মহাপ্রভুঃ ।
ভূর্ভুবঃস্বর্মহর্লোকো জনোলোকস্তপোজনঃ ॥ ১৩৩ ॥
সত্যো বিধির্দৈবমধোলোকঃ পাতালমণ্ডনঃ ।
জরায়ুজঃ স্বেদজনিরুদ্বীজঃ কুলপর্বতঃ ॥ ১৩৪ ॥
কুলস্তম্ভঃ সর্বকুলঃ কুলভূঃ কৌলদূরগঃ ।
ধর্মতত্বং নির্বিষয়ো বিষয়ো ভোগলালসঃ ॥ ১৩৫ ॥
বেদান্তসারো নির্মোক্তা জীবো বদ্ধো বহির্মুখঃ ।
প্রধানং প্রকৃতির্বিশ্বদ্রষ্টা বিশ্বনিষেধনঃ ॥ ১৩৬ ॥
অন্তশ্চতুর্দ্বারময়ো বহির্দ্বারচতুষ্টয়ঃ ।
ভুবনেশো ক্ষেত্রদেবোঽনন্তকায়ো বিনায়কঃ ॥ ১৩৭ ॥
পিতা মাতা সুহৃদ্বন্ধুর্ভ্রাতা শ্রাদ্ধং য়মোঽর্যমা ।
বিশ্বেদেবাঃ শ্রাদ্ধদেবো মনুর্নান্দীমুখো ধনুঃ ॥ ১৩৮ ॥
হেতিঃ খড্গো রথো য়ুদ্ধং য়ুদ্ধকর্তা শরো গুণঃ ।
য়শো য়শোরিপুঃ শত্রুরশত্রুর্বিজিতেন্দ্রিয়ঃ ॥ ১৩৯ ॥
পাত্রং দাতা দাপয়িতা দেশঃ কালো ধনাগমঃ ।
কাঞ্চনং প্রেম সন্মিত্রং পুত্রঃ কোশো বিকোশকঃ ॥ ১৪০ ॥
অনীতিঃ শরভো হিংস্রো দ্বিপো দ্বীপী দ্বিপাঙ্কুশঃ ।
য়ন্তা নিগড আলানং সন্মনো গজশৃঙ্খলঃ ॥ ১৪১ ॥
মনোঽব্জভৃঙ্গো বিটপী গজঃ ক্রোষ্টা বৃশো বৃকঃ ।
সত্পথাচারনলিনীষট্পদঃ কামভঞ্জনঃ ॥ ১৪২ ॥
স্বীয়চিত্তচকোরাব্জঃ স্বলীলাকৃতকৌতুকঃ ।
লীলাধামাম্বুভৃন্নাথঃ ক্ষোণী ভর্তা সুধাব্ধিদঃ ॥ ১৪৩ ॥
মল্লান্তকো মল্লরূপো বালয়ুদ্ধপ্রবর্তনঃ ।
চন্দ্রভাগাসরোনীরসীকরগ্লপিতক্লমঃ ॥ ১৪৪ ॥
কন্দুকক্রীডনক্লান্তো নেত্রমীলনকেলিমান্ ।
গোপীবস্ত্রাপহরণঃ কদম্বশিখরস্থিতঃ ॥ ১৪৫ ॥
বল্লবীপ্রার্থিতো গোপীনতিদেষ্টাঞ্জলিপ্রিয়ঃ ।
পরিহাসপরো রাসে রাসমণ্ডলমধ্যগঃ ॥ ১৪৬ ॥
বল্লবীদ্বয়সংবীতঃ স্বাত্মদ্বৈতাত্মশক্তিকঃ ।
চতুর্বিংশতিভিন্নাত্মা চতুর্বিংশতিশক্তিকঃ ॥ ১৪৭ ॥
স্বাত্মজ্ঞানং স্বাত্মজাতজগত্ত্রয়ময়াত্মকঃ ।
ইতি বিঠ্ঠলসংজ্ঞস্য বিষ্ণোর্নামসহস্রকম্ ॥ ১৪৮ ॥
ত্রিকালমেককালং বা শ্রদ্ধয়া প্রয়তঃ পঠেত্ ।
স বিষ্ণোর্নাত্র সন্দেহঃ কিং বহূক্তেন শৌনক ॥ ১৪৯ ॥
কামী চেন্নিয়তাহারো জিতচিত্তো জিতেন্দ্রিয়ঃ ।
জপন্ কামানবাপ্নোতি ইতি বৈ নিশ্চিতং দ্বিজ ॥ ১৫০ ॥
॥ ইতি শ্রীবিঠ্ঠলসহস্রনামস্তোত্রং সম্পূর্ণম্ ॥