108 Names of Jagadguru Sri Jayendra Saraswathi in Odia

॥ 108 Names of Jagadguru Sri Jayendra Saraswathi Odia Lyrics ॥

॥ ଶ୍ରୀଜୟେନ୍ଦ୍ରସରସ୍ଵତୀ ଅଷ୍ଟୋତ୍ତରଶତନାମାଵଲିଃ ॥
॥ ଶ୍ରୀଗୁରୁନାମାଵଲିଃ ॥

ଶ୍ରୀକାଞ୍ଚୀକାମକୋଟିପୀଠାଧିପତି ଜଗଦ୍ଗୁରୁ ଶ୍ରୀଜୟେନ୍ଦ୍ରସରସ୍ଵତୀ
ଶ୍ରୀପାଦାନାମଷ୍ଟୋତ୍ତରଶତନାମାଵଲିଃ ।

ଜୟାଖ୍ୟୟା ପ୍ରସିଦ୍ଧେନ୍ଦ୍ରସରସ୍ଵତ୍ୟୈ ନମୋ ନମଃ ।
ତମୋଽପହଗ୍ରାମରତ୍ନ ସମ୍ଭୂତାୟ ନମୋ ନମଃ ।
ମହାଦେଵ ମହୀଦେଵତନୂଜାୟ ନମୋ ନମଃ ।
ସରସ୍ଵତୀଗର୍ଭଶୁକ୍ତିମୁକ୍ତାରତ୍ନାୟ ତେ ନମଃ ।
ସୁବ୍ରହ୍ମଣ୍ୟାଭିଧାନୀତକୌମାରାୟ ନମୋ ନମଃ ।
ମଧ୍ୟାର୍ଜୁନଗଜାରଣ୍ୟାଧୀତଵେଦାୟ ତେ ନମଃ ।
ସ୍ଵଵୃତ୍ତପ୍ରଣୀତାଶେଷାଧ୍ୟାପକାୟ ନମୋ ନମଃ ।
ତପୋନିଷ୍ଠଗୁରୁଜ୍ଞାତଵୈଭଵାୟ ନମୋ ନମଃ ।
ଗୁର୍ଵାଜ୍ଞାପାଲନରତପିତୃଦତ୍ତାୟ ତେ ନମଃ ।
ଜୟାବ୍ଦେ ସ୍ଵୀକୃତତୁରୀୟାଶ୍ରମାୟ ନମୋ ନମଃ ॥ ୧୦ ॥

ଜୟାଖ୍ୟୟା ସ୍ଵଗୁରୁଣା ଦୀକ୍ଷିତାୟ ନମଃ ।
ବ୍ରହ୍ମଚର୍ୟାଦେଵ ଲବ୍ଧପ୍ରଵ୍ରଜ୍ୟାୟ ନମୋ ନମଃ ।
ସର୍ଵତୀର୍ଥତଟେ ଲବ୍ଧଚତୁର୍ଥାଶ୍ରମିଣେ ନମଃ ।
କାଷାୟଵାସସ୍ସଂଵୀତଶରୀରାୟ ନମୋ ନମଃ ।
ଵାକ୍ୟଜ୍ଞାଚାର୍ୟୋପଦିଷ୍ଟମହାଵାକ୍ୟାୟ ତେ ନମଃ ।
ନିତ୍ୟଂ ଗୁରୁପଦଦ୍ଵନ୍ଦ୍ଵନତିଶୀଲାୟ ତେ ନମଃ ।
ଲୀଲୟା ଵାମହସ୍ତାଗ୍ରଧୃତଦଣ୍ଡାୟ ତେ ନମଃ ।
ଭକ୍ତୋପହୃତବିଲ୍ଵାଦିମାଲାଧର୍ତ୍ରେ ନମୋ ନମଃ ।
ଜମ୍ବୀରତୁଲସୀମାଲାଭୂଷିତାୟ ନମୋ ନମଃ ।
କାମକୋଟିମହାପୀଠାଧୀଶ୍ଵରାୟ ନମୋ ନମଃ ॥ ୨୦ ॥

ସୁଵୃତ୍ତନୃହୃଦାକାଶନିଵାସାୟ ନମୋ ନମଃ ।
ପାଦାନତଜନକ୍ଷେମସାଧକାୟ ନମୋ ନମଃ ।
ଜ୍ଞାନଦାନୋକ୍ତମଧୁରଭାଷଣାୟ ନମୋ ନମଃ ।
ଗୁରୁପ୍ରିୟା ବ୍ରହ୍ମସୂତ୍ରଵୃତ୍ତିକର୍ତ୍ରେ ନମୋ ନମଃ ।
ଜଗଦ୍ଗୁରୁଵରିଷ୍ଠାୟ ମହତେ ମହସେ ନମଃ ।
ଭାରତୀୟସଦାଚାରପରିତ୍ରାତ୍ରେ ନମୋ ନମଃ ।
ମର୍ୟାଦୋଲ୍ଲଙ୍ଘିଜନତାସୁଦୂରାୟ ନମୋ ନମଃ ।
ସର୍ଵତ୍ର ସମଭାଵାପ୍ତସୌହୃଦାୟ ନମୋ ନମଃ ।
ଵୀକ୍ଷାଵିଵଶିତାଶେଷଭାଵୁକାୟ ନମୋ ନମଃ ।
ଶ୍ରୀକାମକୋଟିପୀଠାଗ୍ର୍ୟନିକେତାୟ ନମୋ ନମଃ ॥ ୩୦ ॥

କାରୁଣ୍ୟପୂରପୂର୍ଣାନ୍ତଃକରଣାୟ ନମୋ ନମଃ ।
ଶ୍ରୀଚନ୍ଦ୍ରଶେଖରଚିତ୍ତାବ୍ଜାହ୍ଲାଦକାୟ ନମୋ ନମଃ ।
ପୂରିତସ୍ଵଗୁରୂତ୍ତଂସସଙ୍କଲ୍ପାୟ ନମୋ ନମଃ ।
ତ୍ରିଵାରଂ ଚନ୍ଦ୍ରମୌଲୀଶପୂଜକାୟ ନମୋ ନମଃ ।
କାମାକ୍ଷୀଧ୍ୟାନସଂଲୀନମାନସାୟ ନମୋ ନମଃ ।
ସୁନିର୍ମିତସ୍ଵର୍ଣରଥଵାହିତାମ୍ବାୟ ତେ ନମଃ ।
ପରିଷ୍କୃତାଖିଲାଣ୍ଡେଶୀତାଟଙ୍କାୟ ନମୋ ନମଃ ।
ରତ୍ନଭୂଷିତନୃତ୍ୟେଶହସ୍ତପାଦାୟ ତେ ନମଃ ।
ଵେଙ୍କଟାଦ୍ରୀଶକରୁଣାଽଽପ୍ଲାଵିତାୟ ନମୋ ନମଃ ।
କାଶ୍ୟାଂ ଶ୍ରୀକାମକୋଟୀଶାଲୟକର୍ତ୍ରେ ନମୋ ନମଃ ॥ ୪୦ ॥

କାମାକ୍ଷ୍ୟମ୍ବାଲୟସ୍ଵର୍ଣଚ୍ଛାଦକାୟ ନମୋ ନମଃ ।
କୁମ୍ଭାଭିଷେକସନ୍ଦୀପ୍ତାଲୟଵ୍ରାତାୟ ତେ ନମଃ ।
କାଲଟ୍ୟାଂ ଶଙ୍କରୟଶଃସ୍ତମ୍ଭକର୍ତ୍ରେ ନମୋ ନମଃ ।
ରାଜରାଜାଖ୍ୟଚୋଲସ୍ୟ ସ୍ଵର୍ଣମୌଲିକୃତେ ନମଃ ।
ଗୋଶାଲାନିର୍ମିତିକୃତଗୋରକ୍ଷାୟ ନମୋ ନମଃ ।
ତୀର୍ଥେଷୁ ଭଗଵତ୍ପାଦସ୍ମୃତ୍ୟାଲୟକୃତେ ନମଃ ।
ସର୍ଵତ୍ର ଶଙ୍କରମଠନିର୍ଵହିତ୍ରେ ନମୋ ନମଃ ।
ଵେଦଶାସ୍ତ୍ରାଧୀତିଗୁପ୍ତିଦୀକ୍ଷିତାୟ ନମୋ ନମଃ ।
ଦେହଲ୍ୟାଂ ସ୍କନ୍ଦଗିର୍ୟାଖ୍ୟାଲୟକର୍ତ୍ରେ ନମୋ ନମଃ ।
ଭାରତୀୟକଲାଚାରପୋଷକାୟ ନମୋ ନମଃ ॥ ୫୦ ॥

ସ୍ତୋତ୍ରନୀତିଗ୍ରନ୍ଥପାଠରୁଚିଦାୟ ନମୋ ନମଃ ।
ୟୁକ୍ତ୍ୟା ହରିହରାଭେଦଦର୍ଶୟିତ୍ରେ ନମୋ ନମଃ ।
ସ୍ଵଭ୍ୟସ୍ତନିୟମୋନ୍ନୀତଧ୍ୟାନୟୋଗାୟ ତେ ନମଃ ।
ପରଧାମ ପରାକାଶଲୀନଚିତ୍ତାୟ ତେ ନମଃ ।
ଅନାରତତପସ୍ୟାପ୍ତଦିଵ୍ୟଶୋଭାୟ ତେ ନମଃ ।
ଶମାଦିଷଡ୍ଗୁଣୟତ ସ୍ଵଚିତ୍ତାୟ ନମୋ ନମଃ ।
ସମସ୍ତଭକ୍ତଜନତାରକ୍ଷକାୟ ନମୋ ନମଃ ।
ସ୍ଵଶରୀରପ୍ରଭାଧୂତହେମଭାସେ ନମୋ ନମଃ ।
ଅଗ୍ନିତପ୍ତସ୍ଵର୍ଣପଟ୍ଟତୁଲ୍ୟଫାଲାୟ ତେ ନମଃ ।
ଵିଭୂତିଵିଲସଚ୍ଛୁଭ୍ରଲଲାଟାୟ ନମୋ ନମଃ ॥ ୬୦ ॥

ପରିଵ୍ରାଡ୍ଗଣସଂସେଵ୍ୟପଦାବ୍ଜାୟ ନମୋ ନମଃ ।
ଆର୍ତାର୍ତିଶ୍ରଵଣାପୋହରତଚିତ୍ତାୟ ତେ ନମଃ ।
ଗ୍ରାମୀଣଜନତାଵୃତ୍ତିକଲ୍ପକାୟ ନମୋ ନମଃ ।
ଜନକଲ୍ୟାଣରଚନାଚତୁରାୟ ନମୋ ନମଃ ।
ଜନଜାଗରଣାସକ୍ତିଦାୟକାୟ ନମୋ ନମଃ ।
ଶଙ୍କରୋପଜ୍ଞସୁପଥସଞ୍ଚାରାୟ ନମୋ ନମଃ ।
ଅଦ୍ଵୈତଶାସ୍ତ୍ରରକ୍ଷାୟାଂ ସୁଲଗ୍ନାୟ ନମୋ ନମଃ ।
ପ୍ରାଚ୍ୟପ୍ରତୀଚ୍ୟଵିଜ୍ଞାନୟୋଜକାୟ ନମୋ ନମଃ ।
ଗୈର୍ଵାଣଵାଣୀସଂରକ୍ଷାଧୁରୀଣାୟ ନମୋ ନମଃ ।
ଭଗଵତ୍ପୂଜ୍ୟପାଦାନାମପରାକୃତୟେ ନମଃ ॥ ୭୦ ॥

ସ୍ଵପାଦୟାତ୍ରୟା ପୂତଭାରତାୟ ନମୋ ନମଃ ।
ନେପାଲଭୂପମହିତପଦାବ୍ଜାୟ ନମୋ ନମଃ ।
ଚିନ୍ତିତକ୍ଷଣସମ୍ପୂର୍ଣସଙ୍କଲ୍ପାୟ ନମୋ ନମଃ ।
ୟଥାଜ୍ଞକର୍ମକୃଦ୍ଵର୍ଗୋତ୍ସାହକାୟ ନମୋ ନମଃ ।
ମଧୁରାଭାଷଣପ୍ରୀତସ୍ଵାଶ୍ରିତାୟ ନମୋ ନମଃ ।
ସର୍ଵଦା ଶୁଭମସ୍ତ୍ଵିତ୍ୟାଶଂସକାୟ ନମୋ ନମଃ ।
ଚିତ୍ରୀୟମାଣଜନତାସନ୍ଦୃଷ୍ଟାୟ ନମୋ ନମଃ ।
ଶରଣାଗତଦୀନାର୍ତପରିତ୍ରାତ୍ରେ ନମୋ ନମଃ ।
ସୌଭାଗ୍ୟଜନକାପାଙ୍ଗଵୀକ୍ଷଣାୟ ନମୋ ନମଃ ।
ଦୁରଵସ୍ଥିତହୃତ୍ତାପଶାମକାୟ ନମୋ ନମଃ ॥ ୮୦ ॥

ଦୁର୍ୟୋଜ୍ୟଵିମତଵ୍ରାତସମନ୍ଵୟକୃତେ ନମଃ ।
ନିରସ୍ତାଲସ୍ୟମୋହାଶାଵିକ୍ଷେପାୟ ନମୋ ନମଃ ।
ଅନୁଗନ୍ତୃଦୁରାସାଦ୍ୟପଦଵେଗାୟ ତେ ନମଃ ।
ଅନ୍ୟୈରଜ୍ଞାତସଙ୍କଲ୍ପଵିଚିତ୍ରାୟ ନମୋ ନମଃ ।
ସଦା ହସନ୍ମୁଖାବ୍ଜାନୀତାଶେଷଶୁଚେ ନମଃ ।
ନଵଷଷ୍ଟିତମାଚାର୍ୟଶଙ୍କରାୟ ନମୋ ନମଃ ।
ଵିଵିଧାପ୍ତଜନପ୍ରାର୍ଥ୍ୟସ୍ଵଗୃହାଗତୟେ ନମଃ ।
ଜୈତ୍ରୟାତ୍ରାଵ୍ୟାଜକୃଷ୍ଟଜନସ୍ଵାନ୍ତାୟ ତେ ନମଃ ।
ଵସିଷ୍ଠଧୌମ୍ୟସଦୃଶଦେଶିକାୟ ନମୋ ନମଃ ।
ଅସକୃତ୍କ୍ଷେତ୍ରତୀର୍ଥାଦିୟାତ୍ରାତୃପ୍ତାୟ ତେ ନମଃ ॥ ୯୦ ॥

ଶ୍ରୀଚନ୍ଦ୍ରଶେଖରଗୁରୋଃ ଏକଶିଷ୍ୟାୟ ତେ ନମଃ ।
ଗୁରୋର୍ହୃଦ୍ଗତସଙ୍କଲ୍ପକ୍ରିୟାନ୍ଵୟକୃତେ ନମଃ ।
ଗୁରୁଵର୍ୟକୃପାଲବ୍ଧସମଭାଵାୟ ତେ ନମଃ ।
ୟୋଗଲିଙ୍ଗେନ୍ଦୁମୌଲୀଶପୂଜକାୟ ନମୋ ନମଃ ।
ଵୟୋଵୃଦ୍ଧାନାଥଜନାଶ୍ରୟଦାୟ ନମୋ ନମଃ ।
ଅଵୃତ୍ତିକୋପଦ୍ରୁତାନାଂ ଵୃତ୍ତିଦାୟ ନମୋ ନମଃ ।
ସ୍ଵଗୁରୂପଜ୍ଞୟା ଵିଶ୍ଵଵିଦ୍ୟାଲୟକୃତେ ନମଃ ।
ଵିଶ୍ଵରାଷ୍ଟ୍ରୀୟସଦ୍ଗ୍ରନ୍ଥକୋଶାଗାରକୃତେ ନମଃ ।
ଵିଦ୍ୟାଲୟେଷୁ ସଦ୍ଧର୍ମବୋଧଦାତ୍ରେ ନମୋ ନମଃ ।
ଦେଵାଲୟେଷ୍ଵର୍ଚକାଦିଵୃତ୍ତିଦାତ୍ରେ ନମୋ ନମଃ ॥ ୧୦୦ ॥

କୈଲାସେ ଭଗଵତ୍ପାଦମୂର୍ତିସ୍ଥାପକାୟ ତେ ନମଃ ।
କୈଲାସମାନସସରୋୟାତ୍ରାପୂତହୃଦେ ନମଃ ।
ଅସମେ ବାଲସପ୍ତାଦ୍ରିନାଥାଲୟକୃତେ ନମଃ ।
ଶିଷ୍ଟଵେଦାଧ୍ୟାପକାନାଂ ମାନୟିତ୍ରେ ନମୋ ନମଃ ।
ମହାରୁଦ୍ରାତିରୁଦ୍ରାଦି ତୋଷିତେଶାୟ ତେ ନମଃ ।
ଅସକୃଚ୍ଛତଚଣ୍ଡୀଭିରର୍ହିତାମ୍ବାୟ ତେ ନମଃ ।
ଦ୍ରଵିଡାଗମଗାତୄଣାଂ ଖ୍ୟାପୟିତ୍ରେ ନମୋ ନମଃ ।
ଶିଷ୍ଟଶଙ୍କରଵିଜୟସ୍ଵର୍ଚ୍ୟମାନପଦେ ନମଃ ॥ ୧୦୮ ॥

ପରିତ୍ୟଜ୍ୟ ମୌନଂ ଵଟାଧଃସ୍ଥିତିଂ ଚ
ଵ୍ରଜନ୍ ଭାରତସ୍ୟ ପ୍ରଦେଶାତ୍ପ୍ରଦେଶମ୍ ।
ମଧୁସ୍ୟନ୍ଦିଵାଚା ଜନାନ୍ଧର୍ମମାର୍ଗେ
ନୟନ୍ ଶ୍ରୀଜୟେନ୍ଦ୍ରୋ ଗୁରୁର୍ଭାତି ଚିତ୍ତେ

॥ ଶ୍ରୀଗୁରୁ ଶ୍ରୀଚନ୍ଦ୍ରଶେଖରେନ୍ଦ୍ରସରସ୍ଵତୀ ଶ୍ରୀଚରଣସ୍ମୃତିଃ ॥

ଶ୍ରୀଜଗଦ୍ଗୁରୁ ଶ୍ରୀକାଞ୍ଚୀକାମକୋଟିପୀଠାଧିପତି ଶ୍ରୀଶଙ୍କରାଚାର୍ୟ
ଶ୍ରୀଜୟେନ୍ଦ୍ରସରସ୍ଵତୀ ଶ୍ରୀଚରଣୈଃ ପ୍ରଣୀତା ।

ଅପାରକରୁଣାସିନ୍ଧୁଂ ଜ୍ଞାନଦଂ ଶାନ୍ତରୂପିଣମ୍ ।
ଶ୍ରୀଚନ୍ଦ୍ରଶେଖରଗୁରୁଂ ପ୍ରଣମାମି ମୁଦାନ୍ଵହମ୍ ॥ ୧ ॥

ଲୋକକ୍ଷେମହିତାର୍ଥାୟ ଗୁରୁଭିର୍ବହୁସତ୍କୃତମ୍ ।
ସ୍ମୃତ୍ଵା ସ୍ମୃତ୍ଵା ନମାମସ୍ତାନ୍ ଜନ୍ମସାଫଲ୍ୟହେତଵେ ॥ ୨ ॥

ଗୁରୁଵାରସଭାଦ୍ଵାରା ଶାସ୍ତ୍ରସଂରକ୍ଷଣଂ କୃତମ୍ ।
ଅନୂରାଧାସଭାଦ୍ଵାରା ଵେଦସଂରକ୍ଷଣଂ କୃତମ୍ ॥ ୩ ॥

ମାର୍ଗଶୀର୍ଷେ ମାସଵରେ ସ୍ତୋତ୍ରପାଠପ୍ରଚାରଣମ୍ ।
ଵେଦଭାଷ୍ୟପ୍ରଚାରାର୍ଥଂ ରତ୍ନୋସଵନିଧିଃ କୃତଃ ॥ ୪ ॥

କର୍ମକାଣ୍ଡପ୍ରଚାରାୟ ଵେଦଧର୍ମସଭା କୃତା ।
ଵେଦାନ୍ତାର୍ଥଵିଚାରାୟ ଵିଦ୍ୟାରଣ୍ୟନିଧିଃ କୃତଃ ॥ ୫ ॥

ଶିଲାଲେଖପ୍ରଚାରାର୍ଥମୁଟ୍ଟଙ୍କିତ ନିଧିଃ କୃତଃ ।
ଗୋବ୍ରାହ୍ମଣହିତାର୍ଥାୟ ଵେଦରକ୍ଷଣଗୋନିଧିଃ ॥ ୬ ॥

ଗୋଶାଲା ପାଠଶାଲା ଚ ଗୁରୁଭିସ୍ତତ୍ର ନିର୍ମିତେ ।
ବାଲିକାନାଂ ଵିଵାହାର୍ଥଂ କନ୍ୟାଦାନନିଧିଃ କୃତଃ ॥ ୭ ॥

ଦେଵାର୍ଚକାନାଂ ସାହ୍ୟାର୍ଥଂ କଚ୍ଚିମୂଦୂର୍ନିଧିଃ କୃତଃ ।
ବାଲଵୃଦ୍ଧାତୁରାଣାଂ ଚ ଵ୍ୟଵସ୍ଥା ପରିପାଲନେ ॥ ୮ ॥

ଅନାଥପ୍ରେତସଂସ୍କାରାଦଶ୍ଵମେଧଫଲଂ ଭଵେତ୍ ।
ଇତି ଵାକ୍ୟାନୁସାରେଣ ଵ୍ୟଵସ୍ଥା ତତ୍ର କଲ୍ପିତା ॥ ୯ ॥

ୟତ୍ର ଶ୍ରୀଭଗଵତ୍ପାଦୈଃ କ୍ଷେତ୍ରପର୍ୟଟନଂ କୃତମ୍ ।
ତତ୍ର ତେଷାଂ ସ୍ମାରଣାୟ ଶିଲାମୂର୍ତିନିଵେଶିତା ॥ ୧୦ ॥

ଭକ୍ତଵାଞ୍ଛାଭିସିଦ୍ଧ୍ୟର୍ଥଂ ନାମତାରକଲେଖନମ୍ ।
ରାଜତଂ ଚ ରଥଂ କୃତ୍ଵା କାମାକ୍ଷ୍ୟାଃ ପରିଵାହଣମ୍ ॥ ୧୧ ॥

କାମାକ୍ଷ୍ୟମ୍ବାଵିମାନସ୍ୟ ସ୍ଵର୍ଣେନାଵରଣଂ କୃତମ୍ ।
ମୂଲସ୍ୟୋତ୍ସଵକାମାକ୍ଷ୍ୟାଃ ସ୍ଵର୍ଣଵର୍ମ ପରିଷ୍କୃତିଃ ॥ ୧୨ ॥

ଲଲିତାନାମସାହସ୍ରସ୍ଵର୍ଣମାଲାଵିଭୂଷଣମ୍ ।
ଶ୍ରୀଦେଵ୍ୟାଃ ପର୍ଵକାଲେଷୁ ସୁଵର୍ଣରଥଚାଲନମ୍ ॥ ୧୩ ॥

ଚିଦମ୍ବରନଟେଶସ୍ୟ ସଦ୍ଵୈଦୂର୍ୟକିରୀଟକମ୍ ।
କରେଽଭୟପ୍ରଦେ ପାଦେ କୁଞ୍ଚିତେ ରତ୍ନଭୂଷଣମ୍ ॥ ୧୪ ॥

ମୁଷ୍ଟିତଣ୍ଡୁଲଦାନେନ ଦରିଦ୍ରାଣାଂ ଚ ଭୋଜନମ୍ ।
ରୁଗ୍ଣାଲୟେ ଭଗଵତଃ ପ୍ରସାଦଵିନିୟୋଜନମ୍ ॥ ୧୫ ॥

ଜଗଦ୍ଧିତୈଷିଭିର୍ଦୀନଜନାଵନପରାୟଣୈଃ ।
ଗୁରୁଭିଶ୍ଚରିତେ ମାର୍ଗେ ଵିଚରେମ ମୁଦା ସଦା ॥ ୧୬ ॥

– Chant Stotra in Other Languages –

Shri Jayendrasarasvati Ashtottarashata Namavali » 108 Names of Jagadguru Sri Jayendra Saraswathi Lyrics in Sanskrit » English » Bengali » Gujarati » Kannada » Malayalam » Telugu » Tamil

Share this

Leave a Reply

Your email address will not be published. Required fields are marked *