॥ Medhadakshinamurthy Sahasranamastotram 1 Bengali Lyrics ॥
॥ শ্রীমেধাদক্ষিণামূর্তিসহস্রনামস্তোত্রং ১ ॥
॥ শ্রী গুরুভ্যো নমঃ ॥
শ্রীঃ
অস্য শ্রী মেধাদক্ষিণামূর্তিসহস্রনামস্তোত্রস্য
ব্রহ্মা ঋষিঃ । গায়ত্রী ছন্দঃ । দক্ষিণামূর্তির্দেবতা ।
ওং বীজম্ । স্বাহা শক্তিঃ । নমঃ কীলকম্ ।
মেধাদক্ষিণামূর্তিপ্রসাদসিদ্ধ্যর্থে জপে বিনিয়োগঃ ।
হ্রাম্ ইত্যাদিনা অঙ্গ ন্যাসঃ ।
ধ্যানম্ ।
সিদ্ধিতোয়নিধের্মধ্যে রত্নগ্রীবে মনোরমে ।
কদম্ববনিকামধ্যে শ্রীমদ্বটতরোরধঃ ॥ ১ ॥
আসীনমাদ্যং পুরুষমাদিমধ্যান্তবর্জিতম্ ।
শুদ্ধস্ফটিকগোক্ষীরশরত্পূর্ণেন্দুশেখরম্ ॥ ২ ॥
দক্ষিণে চাক্ষমালাং চ বহ্নিং বৈ বামহস্তকে ।
জটামণ্ডলসংলগ্নশীতাম্শুকরমণ্ডিতম্ ॥ ৩ ॥
নাগহারধরং চারুকঙ্কণৈঃ কটিসূত্রকৈঃ ।
বিরাজমানবৃষভং ব্যাঘ্রচর্মাম্বরাবৃতম্ ॥ ৪ ॥
চিন্তামণিমহাবৃন্দৈঃ কল্পকৈঃ কামধেনুভিঃ ।
চতুষ্ষষ্টিকলাবিদ্যামূর্তিভিঃ শ্রুতিমস্তকৈঃ ॥ ৫ ॥
রত্নসিংহাসনে সাধুদ্বীপিচর্মসমায়ুতম্ ।
তত্রাষ্টদলপদ্মস্য কর্ণিকায়াং সুশোভনে ॥ ৬ ॥
বীরাসনে সমাসীনং লম্বদক্ষপদাংবুজম্ ।
জ্ঞানমুদ্রাং পুস্তকং চ বরাভীতিধরং হরম্ ॥ ৭ ॥
পাদমূলসমাক্রান্তমহাপস্মারবৈভবম্ ।
রুদ্রাক্ষমালাভরণভূষিতং ভূতিভাসুরম্ ॥ ৮ ॥
গজচর্মোত্তরীয়ং চ মন্দস্মিতমুখাম্বুজম্ ।
সিদ্ধবৃন্দৈর্যোগিবৃন্দৈর্মুনিবৃন্দৈর্নিষেবিতম্ ॥ ৯ ॥
আরাধ্যমানবৃষভং অগ্নীন্দুরবিলোচনম্ ।
পূরয়ন্তং কৃপাদৃষ্ট্যা পুমর্থানাশ্রিতে জনে ॥ ১০ ॥
এবং বিভাবয়েদীশং সর্ববিদ্যাকলানিধিম্ ॥ ১১ ॥
লং ইত্যাদিনা পঞ্চোপচারাঃ ॥
দেবদেবো মহাদেবো দেবানামপি দেশিকঃ ।
দক্ষিণামূর্তিরীশানো দয়াপূরিতদিঙ্মুখঃ ॥ ১ ॥
কৈলাসশিখরোত্তুঙ্গ-কমনীয়নিজাকৃতিঃ ।
বটদ্রুমতটীদিব্যকনকাসনসংস্থিতঃ ॥ ২ ॥
কটীতটপটীভূতকরিচর্মোজ্জ্বলাকৃতিঃ ।
পাটীরাপাণ্ডুরাকারপরিপূর্ণসুধাধিপঃ ।৩ ॥
জপাকোটীরঘটিতসুধাকরসুধাপ্লুতঃ ।
পশ্যল্ললাটসুভগসুন্দরভ্রূবিলাসবান্ ॥ ৪ ॥
কটাক্ষসরণীনির্যত্করুণাপূর্ণলোচনঃ ।
কর্ণালোলতটিদ্বর্ণকুণ্ডলোজ্জ্বলগণ্ডভূঃ ॥ ৫ ॥
তিলপ্রসূনসংকাশনাসিকাপুটভাসুরঃ ।
মন্দস্মিতস্পুরন্মুগ্ধমহনীয়মুখাম্বুজঃ ॥ ৬ ॥
কুন্দকুড্মলসংস্পর্ধিদন্তপঙ্ক্তিবিরাজিতঃ ।
সিন্দূরারুণসুস্নিগ্ধকোমলাধরপল্লবঃ ॥ ৭ ॥
শঙ্খাটোপগলদ্দিব্যগল়বৈভবমঞ্জুলঃ ।
করকন্দলিতজ্ঞানমুদ্রারুদ্রাক্ষমালিকঃ ॥ ৮ ॥
অন্যহস্ততলন্যস্তবীণাপুস্তোল্লসদ্বপুঃ ।
বিশালরুচিরোরস্কবলিমত্পল্লবোদরঃ ॥ ৯ ॥
বৄহত্কটিনিতংবাঢ্যঃ পীবরোরুদ্বয়ান্বিতঃ ।
জঙ্ঘাবিজিততূণীরস্তুঙ্গগুল্ফয়ুগোজ্জ্বলঃ ॥ ১০ ॥
মৃদুপাটলপাদাব্জশ্চন্দ্রাভনখদীধিতিঃ ।
অপসব্যোরুবিন্যস্তসব্যপাদসরোরুহঃ ॥ ১১ ॥
ঘোরাপস্মারনিক্ষিপ্তধীরদক্ষপদাম্বুজঃ ।
সনকাদিমুনিধ্যেয়ঃ সর্বাভরণভূষিতঃ ॥ ১২ ॥
দিব্যচন্দনলিপ্তাঙ্গশ্চারুহাসপরিষ্কৃতঃ ।
কর্পূরধবলাকারঃ কন্দর্পশতসুন্দরঃ ॥ ১৩ ॥
কাত্যায়নীপ্রেমনিধিঃ করুণারসবারিধিঃ ।
কামিতার্থপ্রদঃশ্রীমত্কমলাবল্লভপ্রিয়ঃ ॥ ১৪ ॥
কটাক্ষিতাত্মবিজ্ঞানঃ কৈবল্যানন্দকন্দলঃ ।
মন্দহাসসমানেন্দুঃ ছিন্নাজ্ঞানতমস্ততিঃ ॥ ১৫ ॥
সংসারানলসংতপ্তজনতামৃতসাগরঃ ।
গংভীরহৃদয়াম্ভোজনভোমণিনিভাকৃতিঃ ॥ ১৬ ॥
নিশাকরকরাকারবশীকৃতজগত্ত্রয়ঃ ।
তাপসারাধ্যপাদাব্জস্তরুণানন্দবিগ্রহঃ ॥ ১৭ ॥
ভূতিভূষিতসর্বাঙ্গো ভূতাধিপতিরীশ্বরঃ ।
বদনেন্দুস্মিতজ্যোত্স্নানিলীনত্রিপুরাকৃতিঃ ॥ ১৮ ॥
তাপত্রয়তমোভানুঃ পাপারণ্যদবানলঃ ।
সংসারসাগরোদ্ধর্তা হংসাগ্র্যোপাস্যবিগ্রহঃ ॥ ১৯ ॥
ললাটহুতভুগ্দগ্ধমনোভবশুভাকৃতিঃ ।
তুচ্ছীকৃতজগজ্জালস্তুষারকরশীতলঃ ॥ ২০ ॥
অস্তংগতসমস্তেচ্ছো নিস্তুলানন্দমন্থরঃ ।
ধীরোদাত্তগুণাধার উদারবরবৈভবঃ ॥ ২১ ॥
অপারকরুণামূর্তিরজ্ঞানধ্বান্তভাস্করঃ ।
ভক্তমানসহংসাগ্র্যভবাময়ভিষক্তমঃ ॥ ২২ ॥
য়োগীন্দ্রপূজ্যপাদাব্জো য়োগপট্টোল্লসত্কটিঃ ।
শুদ্ধস্ফটিকসংকাশো বদ্ধপন্নগভূষণঃ ॥ ২৩ ॥
নানামুনিসমাকীর্ণো নাসাগ্রন্যস্তলোচনঃ ।
বেদমূর্ধৈকসংবেদ্যো নাদধ্যানপরায়ণঃ ॥ ২৪ ॥
ধরাধরেন্দুরানন্দসন্দোহরসসাগরঃ ।
দ্বৈতবৃন্দবিমোহান্ধ্যপরাকৃতদৃগদ্ভুতঃ ॥ ২৫ ॥
প্রত্যগাত্মা পরংজ্যোতিঃ পুরাণঃ পরমেশ্বরঃ ।
প্রপঞ্চোপশমঃ প্রাজ্ঞঃ পুণ্যকীর্তিঃ পুরাতনঃ ॥ ২৬ ॥
সর্বাধিষ্ঠানসন্মাত্রস্স্বাত্মবন্ধহরো হরঃ ।
সর্বপ্রেমনিজাহাসঃ সর্বানুগ্রহকৃত্ শিবঃ ॥ ২৭ ॥
সর্বেন্দ্রিয়গুণাভাসঃ সর্বভূতগুণাশ্রয়ঃ ।
সচ্চিদানন্দপূর্ণাত্মা স্বে মহিম্নি প্রতিষ্ঠিতঃ ॥ ২৮ ॥
সর্বভূতান্তরস্সাক্ষী সর্বজ্ঞস্সর্বকামদঃ ।
সনকাদিমহায়োগিসমারাধিতপাদুকঃ ॥ ২৯ ॥
আদিদেবো দয়াসিন্ধুঃ শিক্ষিতাসুরবিগ্রহঃ ।
য়ক্ষকিন্নরগন্ধর্বস্তূয়মানাত্মবৈভবঃ ॥ ৩০ ॥
ব্রহ্মাদিদেববিনুতো য়োগমায়ানিয়োজকঃ ।
শিবয়োগী শিবানন্দঃ শিবভক্তসমুদ্ধরঃ ॥ ৩১ ॥
বেদান্তসারসন্দোহঃ সর্বসত্ত্বাবলম্বনঃ ।
বটমূলাশ্রয়ো বাগ্মী মান্যো মলয়জপ্রিয়ঃ ॥ ৩২ ॥
সুশীলো বাঞ্ছিতার্থজ্ঞঃ প্রসন্নবদনেক্ষণঃ ॥
নৃত্তগীতকলাভিজ্ঞঃ কর্মবিত্ কর্মমোচকঃ ॥ ৩৩ ॥
কর্মসাক্ষী কর্মময়ঃ কর্মণাং চ ফলপ্রদঃ ।
জ্ঞানদাতা সদাচারঃ সর্বোপদ্রবমোচকঃ ॥ ৩৪ ॥
অনাথনাথো ভগবানাশ্রিতামরপাদপঃ ।
বরপ্রদঃ প্রকাশাত্মা সর্বভূতহিতে রতঃ ॥ ৩৫ ॥
ব্যাঘ্রচর্মাসনাসীন আদিকর্তা মহেশ্বরঃ ।
সুবিক্রমঃ সর্বগতো বিশিষ্টজনবত্সলঃ ॥ ৩৬ ॥
চিন্তাশোকপ্রশমনো জগদানন্দকারকঃ ।
রশ্মিমান্ ভুবনেশশ্চ দেবাসুরসুপূজিতঃ ॥ ৩৭ ॥
মৃত্যুঞ্জয়ো ব্যোমকেশঃ ষট্ত্রিংশত্তত্ত্বসঙ্গ্রহঃ ।
অজ্ঞাতসম্ভবো ভিক্ষুরদ্বিতীয়ো দিগম্বরঃ ॥ ৩৮ ॥
সমস্তদেবতামূর্তিঃ সোমসূর্যাগ্নিলোচনঃ ।
সর্বসাম্রাজ্যনিপুণো ধর্মমার্গপ্রবর্তকঃ ॥ ৩৯ ॥
বিশ্বাধিকঃ পশুপতিঃ পশুপাশবিমোচকঃ ।
অষ্টমূর্তির্দীপ্তমূর্তিঃ নামোচ্চারণমুক্তিদঃ ॥ ৪০ ॥
সহস্রাদিত্যসঙ্কাশঃ সদাষোডশবার্ষিকঃ ।
দিব্যকেলীসমায়ুক্তো দিব্যমাল্যাম্বরাবৃতঃ ॥ ৪১ ॥
অনর্ঘরত্নসম্পূর্ণো মল্লিকাকুসুমপ্রিয়ঃ ।
তপ্তচামীকরাকারো জিতদাবানলাকৃতিঃ ॥ ৪২ ॥
নিরঞ্জনো নির্বিকারো নিজাবাসো নিরাকৃতিঃ ।
জগদ্গুরুর্জগত্কর্তা জগদীশো জগত্পতিঃ ॥ ৪৩ ॥
কামহন্তা কামমূর্তিঃ কল্যাণবৃষবাহনঃ ।
গঙ্গাধরো মহাদেবো দীনবন্ধবিমোচকঃ ॥ ৪৪ ॥
ধূর্জটিঃ খণ্ডপরশুঃ সদ্গুণো গিরিজাসখঃ ।
অব্যয়ো ভূতসেনেশঃ পাপঘ্নঃ পুণ্যদায়কঃ ॥ ৪৫ ॥
উপদেষ্টা দৃঢপ্রজ্ঞো রুদ্রো রোগবিনাশনঃ ।
নিত্যানন্দো নিরাধারো হরো দেবশিখামণিঃ ॥ ৪৬ ॥
প্রণতার্তিহরঃ সোমঃ সান্দ্রানন্দো মহামতিঃ ।
আশ্চর্যবৈভবো দেবঃ সংসারার্ণবতারকঃ ॥ ৪৭ ॥
য়জ্ঞেশো রাজরাজেশো ভস্মরুদ্রাক্ষলাঞ্ছনঃ ।
অনন্তস্তারকঃ স্থাণুঃ সর্ববিদ্যেশ্বরো হরিঃ ॥ ৪৮ ॥
বিশ্বরূপো বিরূপাক্ষঃ প্রভুঃ পরিবৃডো দৃঢঃ ।
ভব্যো জিতারিষদ্বর্গো মহোদারো বিষাশনঃ ॥ ৪৯ ॥
সুকীর্তিরাদিপুরুষো জরামরণবর্জিতঃ ।
প্রমাণভূতো দুর্জ্ঞেয়ঃ পুণ্যঃ পরপুরঞ্জয়ঃ ॥ ৫০ ॥
গুণাকারো গুণশ্রেষ্ঠঃ সচ্চিদানন্দবিগ্রহঃ ।
সুখদঃ কারণং কর্তা ভববন্ধবিমোচকঃ ॥ ৫১ ॥
অনির্বিণ্ণো গুণগ্রাহী নিষ্কলঙ্কঃ কলঙ্কহা ।
পুরুষঃ শাশ্বতো য়োগী ব্যক্তাব্যক্তঃ সনাতনঃ ॥ ৫২ ॥
চরাচরাত্মা সূক্ষ্মাত্মা বিশ্বকর্মা তমোঽপহৃত্ ।
ভুজঙ্গভূষণো ভর্গস্তরুণঃ করুণালয়ঃ ॥ ৫৩ ॥
অণিমাদিগুণোপেতো লোকবশ্যবিধায়কঃ ।
য়োগপট্টধরো মুক্তো মুক্তানাং পরমা গতিঃ ॥ ৫৪ ॥
গুরুরূপধরঃ শ্রীমত্পরমানন্দসাগরঃ ।
সহস্রবাহুঃ সর্বেশঃ সহস্রাবয়বান্বিতঃ ॥ ৫৫ ॥
সহস্রমূর্ধা সর্বাত্মা সহস্রাক্ষঃ সহস্রপাত্ ।
নিরাভাসঃ সূক্ষ্মতনুর্হৃদি জ্ঞাতঃ পরাত্পরঃ ॥ ৫৬ ॥
সর্বাত্মগঃ সর্বসাক্ষী নিঃসঙ্গো নিরুপদ্রবঃ ।
নিষ্কলঃ সকলাধ্যক্ষশ্চিন্ময়স্তমসঃ পরঃ ॥ ৫৭ ॥
জ্ঞানবৈরাগ্যসম্পন্নো য়োগানন্দময়ঃ শিবঃ ।
শাশ্বতৈশ্বর্যসম্পূর্ণো মহায়োগীশ্বরেশ্বরঃ ॥ ৫৮ ॥
সহস্রশক্তিসংয়ুক্তঃ পুণ্যকায়ো দুরাসদঃ ।
তারকব্রহ্মসম্পূর্ণস্তপস্বিজনসংবৃতঃ ॥ ৫৯ ॥
বিধীন্দ্রামরসম্পূজ্যো জ্যোতিষাং জ্যোতিরুত্তমঃ ।
নিরক্ষরো নিরালম্বঃ স্বাত্মারামো বিকর্তনঃ ॥ ৬০ ॥
নিরবদ্যো নিরাতঙ্কো ভীমো ভীমপরাক্রমঃ ।
বীরভদ্রঃ পুরারাতির্জলন্ধরশিরোহরঃ ॥ ৬১ ॥
অন্ধকাসুরসংহর্তা ভগনেত্রভিদদ্ভুতঃ ।
বিশ্বগ্রাসোঽধর্মশত্রুর্ব্রহ্মজ্ঞানৈকমন্থরঃ ॥ ৬২ ॥
অগ্রেসরস্তীর্থভূতঃ সিতভস্মাবকুণ্ঠনঃ ।
অকুণ্ঠমেধাঃ শ্রীকণ্ঠো বৈকুণ্ঠপরমপ্রিয়ঃ ॥ ৬৩ ॥
ললাটোজ্জ্বলনেত্রাব্জস্তুষারকরশেখরঃ ।
গজাসুরশিরশ্ছেত্তা গঙ্গোদ্ভাসিতমূর্ধজঃ ॥ ৬৪ ॥
কল্যাণাচলকোদণ্ডঃ কমলাপতিসায়কঃ ।
বারাংশেবধিতূণীরঃসরোজাসনসারথিঃ ॥ ৬৫ ॥
ত্রয়ীতুরঙ্গসংক্রান্তো বাসুকিজ্যাবিরাজিতঃ ।
রবীন্দুচরণাচারিধরারথবিরাজিতঃ ॥ ৬৬ ॥
ত্রয়্যন্তপ্রগ্রহোদারচারুঘণ্টারবোজ্জ্বলঃ ।
উত্তানপর্বলোমাঢ্যো লীলাবিজিতমন্মথঃ ॥ ৬৭ ॥
জাতুপ্রপন্নজনতাজীবনোপায়নোত্সুকঃ ।
সংসারার্ণবনির্মগ্নসমুদ্ধরণপণ্ডিতঃ ॥ ৬৮ ॥
মদদ্বিরদধিক্কারিগতিমঞ্জুলবৈভবঃ ।
মত্তকোকিলমাধুর্যরসনির্ভরগীর্গণঃ ॥ ৬৯ ॥
কৈবল্যোদধিকল্লোললীলাতাণ্ডবপণ্ডিতঃ ।
বিষ্ণুর্জিষ্ণুর্বাসুদেবঃ প্রভবিষ্ণুঃ পুরাতনঃ ॥ ৭০ ॥
বর্ধিষ্ণুর্বরদো বৈদ্যো হরির্নারায়ণোঽচ্যুতঃ ।
অজ্ঞানবনদাবাগ্নিঃ প্রজ্ঞাপ্রাসাদভূপতিঃ ॥ ৭১ ॥
সর্পভূষিতসর্বাঙ্গঃ কর্পূরোজ্জ্বলিতাকৃতিঃ ।
অনাদিমধ্যনিধনো গিরীশো গিরিজাপতিঃ ॥ ৭২ ॥
বীতরাগো বিনীতাত্মা তপস্বী ভূতভাবনঃ ।
দেবাসুরগুরুধ্যেয়ো দেবাসুরনমস্কৃতঃ ॥ ৭৩ ॥
দেবাদিদেবো দেবর্ষির্দেবাসুরবরপ্রদঃ ।
সর্বদেবময়োঽচিন্ত্যো দেবাত্মা চাত্মসংভবঃ ॥ ৭৪ ॥
নির্লেপো নিষ্প্রপঞ্চাত্মা নির্বিঘ্নো বিঘ্ননাশকঃ ।
একজ্যোতির্নিরাতঙ্কো ব্যাপ্তমূর্তিরনাকুলঃ ॥ ৭৫ ॥
নিরবদ্যপদোপাধির্বিদ্যারাশিরনুত্তমঃ ।
নিত্যানন্দঃ সুরাধ্যক্ষো নিঃসংকল্পো নিরঞ্জনঃ ॥ ৭৬ ॥
নিষ্কলঙ্কো নিরাকারো নিষ্প্রপঞ্চো নিরাময়ঃ ।
বিদ্যাধরো বিয়ত্কেশো মার্কণ্ডেয়বরপ্রদঃ ॥ ৭৭ ॥
ভৈরবো ভৈরবীনাথঃ কামদঃ কমলাসনঃ ।
বেদবেদ্যঃ সুরানন্দো লসজ্জ্যোতিঃ প্রভাকরঃ ॥ ৭৮ ॥
চূডামণিঃ সুরাধীশো য়জ্ঞগেয়ো হরিপ্রিয়ঃ ।
নির্লেপো নীতিমান্ সূত্রী শ্রীহালাহলসুন্দরঃ ॥ ৭৯ ॥
ধর্মদক্ষো মহারাজঃকিরীটী বন্দিতো গুহঃ ।
মাধবো য়ামিনীনাথঃ শম্বরঃ শবরীপ্রিয়ঃ ॥ ৮০ ॥
সঙ্গীতবেত্তা লোকজ্ঞঃ শান্তঃ কলশসংভবঃ ।
ব্রহ্মণ্যো বরদো নিত্যঃ শূলী গুরুবরো হরঃ ॥ ৮১ ॥
মার্তাণ্ডঃ পুণ্ডরীকাক্ষো লোকনায়কবিক্রমঃ ।
মুকুন্দার্চ্যো বৈদ্যনাথঃ পুরন্দরবরপ্রদঃ ॥ ৮২ ॥
ভাষাবিহীনো ভাষাজ্ঞো বিঘ্নেশো বিঘ্ননাশনঃ ।
কিন্নরেশো বৃহদ্ভানুঃ শ্রীনিবাসঃ কপালভৃত্ ॥ ৮৩ ॥
বিজয়ো ভূতভাবজ্ঞো ভীমসেনো দিবাকরঃ ।
বিল্বপ্রিয়ো বসিষ্ঠেশঃ সর্বমার্গপ্রবর্তকঃ ॥ ৮৪ ॥
ওষধীশো বামদেবো গোবিন্দো নীললোহিতঃ ।
ষডর্ধনয়নঃ শ্রীমন্মহাদেবো বৃষধ্বজঃ ॥ ৮৫ ॥
কর্পূরদীপিকালোলঃ কর্পূররসচর্চিতঃ ।
অব্যাজকরুণামূর্তিস্ত্যাগরাজঃ ক্ষপাকরঃ ॥ ৮৬ ॥
আশ্চর্যবিগ্রহঃ সূক্ষ্মঃ সিদ্ধেশঃ স্বর্ণভৈরবঃ ।
দেবরাজঃ কৃপাসিন্ধুরদ্বয়োঽমিতবিক্রমঃ ॥ ৮৭ ॥
নির্ভেদো নিত্যসত্বস্থো নির্যোগক্ষেম আত্মবান্ ।
নিরপায়ো নিরাসঙ্গো নিঃশব্দো নিরুপাধিকঃ ॥ ৮৮ ॥
ভবঃ সর্বেশ্বরঃ স্বামী ভবভীতিবিভঞ্জনঃ ।
দারিদ্র্যতৃণকূটাগ্নির্দারিতাসুরসন্ততিঃ ॥ ৮৯ ॥
মুক্তিদো মুদিতোঽকুব্জো ধার্মিকো ভক্তবত্সলঃ ।
অভ্যাসাতিশয়জ্ঞেয়স্চন্দ্রমৌলিঃ কলাধরঃ ॥ ৯০ ॥
মহাবলো মহাবীর্যো বিভুঃ শ্রীশঃ শুভপ্রদঃ ।
সিদ্ধঃ পুরাণপুরুষো রণমণ্ডলভৈরবঃ ॥ ৯১ ॥
সদ্যোজাতো বটারণ্যবাসী পুরুষবল্লভঃ ।
হরিকেশো মহাত্রাতা নীলগ্রীবস্সুমঙ্গলঃ ॥ ৯২ ॥
হিরণ্যবাহুস্তীক্ষ্ণাংশুঃ কামেশঃ সোমবিগ্রহঃ ।
সর্বাত্মা সর্বকর্তা চ তাণ্ডবো মুণ্ডমালিকঃ ॥ ৯৩ ॥
অগ্রগণ্যঃ সুগম্ভীরো দেশিকো বৈদিকোত্তমঃ ।
প্রসন্নদেবো বাগীশশ্চিন্তাতিমিরভাস্করঃ ॥ ৯৪ ॥
গৌরীপতিস্তুঙ্গমৌলির্মখরাজো মহাকবিঃ ।
শ্রীধরস্সর্বসিদ্ধেশো বিশ্বনাথো দয়ানিধিঃ ॥ ৯৫ ॥
অন্তর্মুখো বহির্দৃষ্টিঃ সিদ্ধবেষমনোহরঃ ।
কৃত্তিবাসাঃ কৃপাসিন্ধুর্মন্ত্রসিদ্ধো মতিপ্রদঃ ॥ ৯৬ ॥
মহোত্কৃষ্টঃ পুণ্যকরো জগত্সাক্ষী সদাশিবঃ ।
মহাক্রতুর্মহায়জ্বা বিশ্বকর্মা তপোনিধিঃ ॥ ৯৭ ॥
ছন্দোময়ো মহাজ্ঞানী সর্বজ্ঞো দেববন্দিতঃ ।
সার্বভৌমস্সদানন্দঃ করুণামৃতবারিধিঃ ॥ ৯৮ ॥
কালকালঃ কলিধ্বংসী জরামরণনাশকঃ ।
শিতিকণ্ঠশ্চিদানন্দো য়োগিনীগণসেবিতঃ ॥ ৯৯ ॥
চণ্ডীঈশঃ শুকসংবেদ্যঃ পুণ্যশ্লোকো দিবস্পতিঃ ।
স্থায়ী সকলতত্ত্বাত্মা সদাসেবকবর্ধনঃ ॥ ১০০ ॥
রোহিতাশ্বঃ ক্ষমারূপী তপ্তচামীকরপ্রভঃ ।
ত্রিয়ংবকো বররুচির্দেবদেবশ্চতুর্ভুজঃ ॥ ১০১।
বিশ্বংভরো বিচিত্রাঙ্গো বিধাতা পুরশাসনঃ ।
সুব্রহ্মণ্যো জগত্স্বামী রোহিতাক্ষঃ শিবোত্তমঃ ॥ ১০২ ॥
নক্ষত্রমালাভরণো মঘবান্ অঘনাসনঃ ।
বিধিকর্তা বিধানজ্ঞঃ প্রধানপুরুষেশ্বরঃ ॥ ১০৩ ॥
চিন্তামণিঃ সুরগুরুর্ধ্যেয়ো নীরাজনপ্রিয়ঃ ।
গোবিন্দো রাজরাজেশো বহুপুষ্পার্চনপ্রিয়ঃ ॥ ১০৪ ॥।
সর্বানন্দো দয়ারূপী শৈলজাসুমনোহরঃ ।
সুবিক্রমঃ সর্বগতো হেতুসাধনবর্জিতঃ ॥ ১০৫ ॥
বৃষাঙ্কো রমণীয়াঙ্গঃ সদঙ্ঘ্রিঃ সামপারগঃ ।
মন্ত্রাত্মা কোটিকন্দর্পসৌন্দর্যরসবারিধিঃ ॥ ১০৬ ॥
য়জ্ঞেশো য়জ্ঞপুরুষঃ সৃষ্টিস্থিত্যন্তকারণম্ ।
পরহংসৈকজিজ্ঞাস্যঃ স্বপ্রকাশস্বরূপবান্ ॥ ১০৭ ॥
মুনিমৃগ্যো দেবমৃগ্যো মৃগহস্তো মৃগেশ্বরঃ ।
মৃগেন্দ্রচর্মবসনো নরসিংহনিপাতনঃ ॥ ১০৮ ॥
মুনিবন্দ্যো মুনিশ্রেষ্ঠো মুনিবৃন্দনিষেবিতঃ ।
দুষ্টমৃত্যুরদুষ্টেহো মৃত্যুহা মৃত্যুপূজিতঃ ॥ ১০৯ ॥
অব্যক্তোঽম্বুজজন্মাদিকোটিকোটিসুপূজিতঃ ।
লিঙ্গমূর্তিরলিঙ্গাত্মা লিঙ্গাত্মা লিঙ্গবিগ্রহঃ ॥ ১১০ ॥
য়জুর্মূর্তিঃ সামমূর্তিরৃঙ্মূর্তির্মূর্তিবর্জিতঃ ।
বিশ্বেশো গজচর্মৈকচেলাঞ্চিতকটীতটঃ ॥ ১১১ ॥
পাবনান্তেবসদ্যোগিজনসার্থসুধাকরঃ ।
অনন্তসোমসূর্যাগ্নিমণ্ডলপ্রতিমপ্রভঃ ॥ ১১২ ॥
চিন্তাশোকপ্রশমনঃ সর্ববিদ্যাবিশারদঃ ।
ভক্তবিজ্ঞাপ্তিসন্ধাতা কর্তা গিরিবরাকৃতিঃ ॥ ১১৩ ॥
জ্ঞানপ্রদো মনোবাসঃ ক্ষেম্যো মোহবিনাশনঃ ।
সুরোত্তমশ্চিত্রভানুঃ সদাবৈভবতত্পরঃ ॥ ১১৪ ॥
সুহৃদগ্রেসরঃ সিদ্ধজ্ঞানমুদ্রো গণাধিপঃ ।
আগমশ্চর্মবসনো বাঞ্ছিতার্থফলপ্রদঃ ॥ ১১৫ ॥
অন্তর্হিতোঽসমানশ্চ দেবসিংহাসনাধিপঃ ।
বিবাদহন্তা সর্বাত্মা কালঃ কালবিবর্জিতঃ ॥ ১১৬ ॥
বিশ্বাতীতো বিশ্বকর্তা বিশ্বেশো বিশ্বকারণম্ ।
য়োগিধ্যেয়ো য়োগনিষ্ঠো য়োগাত্মা য়োগবিত্তমঃ ॥ ১১৭ ॥
ওংকাররূপো ভগবান্ বিন্দুনাদময়ঃ শিবঃ ।
চতুর্মুখাদিসংস্তুত্যশ্চতুর্বর্গফলপ্রদঃ ॥ ১১৮ ॥
সহ্যাচলগুহাবাসী সাক্ষান্মোক্ষরসামৃতঃ ।
দক্ষাধ্বরসমুচ্ছেত্তা পক্ষপাতবিবর্জিতঃ ॥ ১১৯ ॥
ওংকারবাচকঃ শংভুঃ শংকরঃ শশিশীতলঃ ।
পঙ্কজাসনসংসেব্যঃ কিংকরামরবত্সলঃ ॥ ১২০ ॥
নতদৌর্ভাগ্যতূলাগ্নিঃ কৃতকৌতুকমঙ্গলঃ ।
ত্রিলোকমোহনঃ শ্রীমত্ত্রিপুণ্ড্রাঙ্কিতমস্তকঃ ॥ ১২১ ॥
ক্রৌঞ্চারিজনকঃ শ্রীমদ্গণনাথসুতান্বিতঃ ।
অদ্ভুতানন্তবরদোঽপরিচ্ছিনাত্মবৈভবঃ ॥ ১২২ ॥
ইষ্টাপূর্তপ্রিয়ঃ শর্ব একবীরঃ প্রিয়ংবদঃ ।
ঊহাপোহবিনির্মুক্ত ওংকারেশ্বরপূজিতঃ ॥ ১২৩ ॥
রুদ্রাক্ষবক্ষা রুদ্রাক্ষরূপো রুদ্রাক্ষপক্ষকঃ ।
ভুজগেন্দ্রলসত্কণ্ঠো ভুজঙ্গাভরণপ্রিয়ঃ ॥ ১২৪ ॥
কল্যাণরূপঃ কল্যাণঃ কল্যাণগুণসংশ্রয়ঃ ।
সুন্দরভ্রূঃ সুনয়নঃ সুললাটঃ সুকন্ধরঃ ॥ ১২৫ ॥
বিদ্বজ্জনাশ্রয়ো বিদ্বজ্জনস্তব্যপরাক্রমঃ ।
বিনীতবত্সলো নীতিস্বরূপো নীতিসংশ্রয়ঃ ॥ ১২৬ ॥
অতিরাগী বীতরাগী রাগহেতুর্বিরাগবিত্ ।
রাগহা রাগশমনো রাগদো রাগিরাগবিত্ ॥ ১২৭ ॥
মনোন্মনো মনোরূপো বলপ্রমথনো বলঃ ।
বিদ্যাকরো মহাবিদ্যো বিদ্যাবিদ্যাবিশারদঃ ॥ ১২৮ ॥
বসন্তকৃদ্বসন্তাত্মা বসন্তেশো বসন্তদঃ ।
প্রাবৃট্কৃত্ প্রাবৃডাকারঃ প্রাবৃট্কালপ্রবর্তকঃ ॥ ১২৯ ॥
শরন্নাথো শরত্কালনাশকঃ শরদাশ্রয়ঃ ।
কুন্দমন্দারপুষ্পৌঘলসদ্বায়ুনিষেবিতঃ ॥ ১৩০ ॥
দিব্যদেহপ্রভাকূটসংদীপিতদিগন্তরঃ ।
দেবাসুরগুরুস্তব্যো দেবাসুরনমস্কৃতঃ ॥ ১৩১ ॥
বামাঙ্গভাগবিলসচ্ছ্যামলাবীক্ষণপ্রিয়ঃ ।
কীর্ত্যাধারঃ কীর্তিকরঃ কীর্তিহেতুরহেতুকঃ ॥ ১৩২ ॥
শরণাগতদীনার্তপরিত্রাণপরায়ণঃ ।
মহাপ্রেতাসনাসীনো জিতসর্বপিতামহঃ ॥ ১৩৩ ॥
মুক্তাদামপরীতাঙ্গো নানাগানবিশারদঃ ।
বিষ্ণুব্রহ্মাদিবন্দ্যাঙ্ঘ্রির্নানাদেশৈকনায়কঃ ॥ ১৩৪ ॥
ধীরোদাত্তো মহাধীরো ধৈর্যদো ধৈর্যবর্ধকঃ ।
বিজ্ঞানময় আনন্দময়ঃ প্রাণময়োঽন্নদঃ ॥ ১৩৫ ॥
ভবাব্ধিতরণোপায়ঃ কবির্দুঃস্বপ্ননাশনঃ ।
গৌরীবিলাসসদনঃ পিশচানুচরাবৃতঃ ॥ ১৩৬ ॥
দক্ষিণাপ্রেমসংতুষ্টো দারিদ্র্যবডবানলঃ ।
অদ্ভুতানন্তসংগ্রামো ডক্কাবাদনতত্পরঃ ॥ ১৩৭ ॥
প্রাচ্যাত্মা দক্ষিণাকারঃ প্রতীচ্যাত্মোত্তরাকৃতিঃ ।
ঊর্ধ্বাদ্যন্যদিগাকারো মর্মজ্ঞঃ সর্বশিক্ষকঃ ॥ ১৩৮ ॥
য়ুগাবহো য়ুগাধীশো য়ুগাত্মা য়ুগনায়কঃ ।
জঙ্গমঃ স্থাবরাকারঃ কৈলাসশিখরপ্রিয়ঃ ॥ ১৩৯ ॥
হস্তরাজত্পুণ্ডরীকঃ পুণ্ডরীকনিভেক্ষণঃ ।
লীলাবিডংবিতবপুর্ভক্তমানসমণ্ডিতঃ ॥ ১৪০ ॥
বৃন্দারকপ্রিয়তমো বৃন্দারকবরার্চিতঃ ।
নানাবিধানেকরত্নলসত্কুণ্ডলমণ্ডিতঃ ॥ ১৪১ ॥
নিঃসীমমহিমা নিত্যলীলাবিগ্রহরূপধৃত্ ।
চন্দনদ্রবদিগ্ধাঙ্গশ্চাম্পেয়কুসুমার্চিতঃ ॥ ১৪২ ॥
সমস্তভক্তসুখদঃ পরমাণুর্মহাহ্রদঃ ।
অলৌকিকো দুষ্প্রধর্ষঃ কপিলঃ কালকন্ধরঃ ॥ ১৪৩ ॥
কর্পূরগৌরঃ কুশলঃ সত্যসন্ধো জিতেন্দ্রিয়ঃ ।
শাশ্বতৈশ্বর্যবিভবঃ পোষকঃ সুসমাহিতঃ ॥ ১৪৪ ॥
মহর্ষিনাথিতো ব্রহ্ময়োনিঃ সর্বোত্তমোত্তমঃ ।
ভূতিভারার্তিসংহর্তা ষডূর্মিরহিতো মৃডঃ ॥ ১৪৫ ॥
ত্রিবিষ্টপেশ্বরঃ সর্বহৃদয়াম্বুজমধ্যগঃ ।
সহস্রদলপদ্মস্থঃ সর্ববর্ণোপশোভিতঃ ॥ ১৪৬ ॥
পুণ্যমূর্তিঃ পুণ্যলভ্যঃ পুণ্যশ্রবণকীর্তনঃ ।
সূর্যমণ্ডলমধ্যস্থশ্চন্দ্রমণ্ডলমধ্যগঃ ॥ ১৪৭ ॥
সদ্ভক্তধ্যাননিগলঃ শরণাগতপালকঃ ।
শ্বেতাতপত্ররুচিরঃ শ্বেতচামরবীজিতঃ ॥ ১৪৮ ॥
সর্বাবয়বসম্পূর্ণঃ সর্বলক্ষণলক্ষিতঃ ।
সর্বমঙ্গলমাঙ্গল্যঃ সর্বকারণকারণঃ ॥ ১৪৯ ॥
অমোদো মোদজনকঃ সর্পরাজোত্তরীয়কঃ ।
কপালী কোবিদঃ সিদ্ধকান্তিসংবলিতাননঃ ॥ ১৫০ ॥
সর্বসদ্গুরুসংসেব্যো দিব্যচন্দনচর্চিতঃ ।
বিলাসিনীকৃতোল্লাস ইচ্ছাশক্তিনিষেবিতঃ ॥ ১৫১ ॥
অনন্তানন্দসুখদো নন্দনঃ শ্রীনিকেতনঃ ।
অমৃতাব্ধিকৃতাবাসো নিত্যক্লীবো নিরাময়ঃ ॥ ১৫২ ॥
অনপায়োঽনন্তদৃষ্টিরপ্রমেয়োঽজরোঽমরঃ ।
তমোমোহপ্রতিহতিরপ্রতর্ক্যোঽমৃতোঽক্ষরঃ ॥ ১৫৩ ॥
অমোঘবুদ্ধিরাধার আধারাধেয়বর্জিতঃ ।
ঈষণাত্রয়নির্মুক্ত ইহামুত্রবিবর্জিতঃ ॥ ১৫৪ ॥
ঋগ্যজুঃসামনয়নো বুদ্ধিসিদ্ধিসমৃদ্ধিদঃ ।
ঔদার্যনিধিরাপূর্ণ ঐহিকামুষ্মিকপ্রদঃ ॥ ১৫৫ ॥
শুদ্ধসন্মাত্রসংবিদ্ধী-স্বরূপসুখবিগ্রহঃ ।
দর্শনপ্রথমাভাসো দৃষ্টিদৃশ্যবিবর্জিতঃ ॥ ১৫৬ ॥
অগ্রগণ্যোঽচিন্ত্যরূপঃ কলিকল্মষনাশনঃ ।
বিমর্শরূপো বিমলো নিত্যরূপো নিরাশ্রয়ঃ ॥ ১৫৭ ॥
নিত্যশুদ্ধো নিত্যবুদ্ধঃ নিত্যমুক্তোঽপরাকৃতঃ ।
মৈত্র্যাদিবাসনালভ্যো মহাপ্রলয়স<ংস্থিতঃ ॥ ১৫৮ ॥
মহাকৈলাসনিলয়ঃ প্রজ্ঞানঘনবিগ্রহঃ ।
শ্রীমান্ ব্যাঘ্রপুরাবাসো ভুক্তিমুক্তিপ্রদায়কঃ ॥ ১৫৯ ॥
জগদ্যোনির্জগত্সাক্ষী জগদীশো জগন্ময়ঃ ।
জপো জপপরো জপ্যো বিদ্যাসিংহাসনপ্রভুঃ ॥ ১৬০ ॥
তত্ত্বানাং প্রকৃতিস্তত্ত্বং তত্ত্বংপদনিরূপিতঃ ।
দিক্কালাদ্যনবচ্ছিন্নঃ সহজানন্দসাগরঃ ॥ ১৬১ ॥
প্রকৃতিঃ প্রাকৃতাতীতো বিজ্ঞানৈকরসাকৃতিঃ ।
নিঃশঙ্কমতিদূরস্থশ্চৈত্যচেতনচিন্তনঃ ॥ ১৬২ ॥
তারকানাং হৃদন্তস্থস্তারকস্তারকান্তকঃ ।
ধ্যানৈকপ্রকটো ধ্যেয়ো ধ্যানী ধ্যানবিভূষণঃ ॥ ১৬৩ ॥
পরং ব্যোম পরং ধাম পরমাত্মা পরং পদম্ ।
পূর্ণানন্দঃ সদানন্দো নাদমধ্যপ্রতিষ্ঠিতঃ ॥ ১৬৪ ॥
প্রমাবিপর্যয়াতীতঃ প্রণতাজ্ঞাননাশকঃ ।
বাণার্চিতাঙ্ঘ্রির্বহুদো বালকেলিকুতূহলী ॥ ১৬৫ ॥
ব্রহ্মরূপী ব্রহ্মপদং ব্রহ্মবিদ্ ব্রাহ্মণপ্রিয়ঃ ।
ভূক্ষেপদত্তলক্ষ্মীকো ভূমধ্যধ্যানলক্ষিতঃ ॥ ১৬৬ ॥
য়শস্করো রত্নগর্ভো মহারাজ্যসুখপ্রদঃ ।
শব্দব্রহ্ম শমপ্রাপ্যো লাভকৃল্লোকবিশ্রুতঃ ॥ ১৬৭ ॥
শাস্তা শিবাদ্রিনিলয়ঃ শরণ্যো য়াজকপ্রিয়ঃ ।
সংসারবৈদ্যঃ সর্বজ্ঞঃ সভেষজবিভেষজঃ ॥ ১৬৮ ॥
মনোবচোভিরগ্রাহ্যঃ পঞ্চকোশবিলক্ষণঃ ।
অবস্থাত্রয়নির্মুক্তস্ত্ববস্থাসাক্ষিতুর্যকঃ ॥ ১৬৯ ॥
পঞ্চভূতাদিদূরস্থঃ প্রত্যগেকরসোঽব্যয়ঃ ।
ষট্চক্রান্তর্গতোল্লাসী ষড্বিকারবিবর্জিতঃ ॥ ১৭০ ॥
বিজ্ঞানঘনসম্পূর্ণো বীণাবাদনতত্পরঃ ।
নীহারাকারগৌরাঙ্গো মহালাবণ্যবারিধিঃ ॥ ১৭১ ॥
পরাভিচারশমনঃ ষডধ্বোপরিসংস্থিতঃ ।
সুষুম্নামার্গসংচারী বিসতন্তুনিভাকৃতিঃ ॥ ১৭২ ॥
পিনাকী লিঙ্গরূপশ্রীঃ মঙ্গলাবয়বোজ্জ্বলঃ ।
ক্ষেত্রাধিপঃ সুসংবেদ্যঃ শ্রীপ্রদো বিভবপ্রদঃ ॥ ১৭৩ ॥
সর্ববশ্যকরঃ সর্বদোষহা পুত্রপৌত্রদঃ ।
তৈলদীপপ্রিয়স্তৈলপক্বান্নপ্রীতমানসঃ ॥ ১৭৪ ॥
তৈলাভিষেকসংতুষ্টস্তিলভক্ষণতত্পরঃ ।
আপাদকনিকামুক্তাভূষাশতমনোহরঃ ॥ ১৭৫ ॥
শাণোল্লীঢমণিশ্রেণীরম্যাঙ্ঘ্রিনখমণ্ডলঃ ।
মণিমঞ্জীরকিরণকিঞ্জল্কিতপদাম্বুজঃ ॥ ১৭৬ ॥
অপস্মারোপরিন্যস্তসব্যপাদসরোরুহঃ ।
কন্দর্পতূণাভজঙ্ঘো গুল্ফোদঞ্চিতনূপুরঃ ॥ ১৭৭ ॥
করিহস্তোপমেয়োরুরাদর্শোজ্জ্বলজানুভৃত্ ।
বিশঙ্কটকটিন্যস্তবাচালমণিমেখলঃ ॥ ১৭৮ ॥
আবর্তনাভিরোমালিবলিমত্পল্লবোদরঃ ।
মুক্তাহারলসত্তুঙ্গবিপুলোরস্করঞ্জিতঃ ॥ ১৭৯ ॥
বীরাসনসমাসীনো বীণাপুস্তোল্লসত্করঃ ।
অক্ষমালালসত্পাণিশ্চিন্মুদ্রিতকরাম্বুজঃ ॥ ১৮০ ॥
মাণিক্যকঙ্কণোল্লাসিকরাম্বুজবিরাজিতঃ ।
অনর্ঘরত্নগ্রৈবেয়বিলসত্কংবুকন্ধরঃ ॥ ১৮১ ॥
অনাকলিতসাদৃশ্যচিবুকশ্রীবিরাজিতঃ ।
মুগ্ধস্মিতপরীপাকপ্রকাশিতরদাঙ্কুরঃ ॥ ১৮২ ॥
চারুচাম্পেয়পুষ্পাভনাসিকাপুটরঞ্জিতঃ ।
বরবজ্রশিলাদর্শপরিভাবিকপোলভূঃ ॥ ১৮৩ ॥
কর্ণদ্বয়োল্লসদ্দিব্যমণিকুণ্ডলমণ্ডিত্তঃ ।
করুণালহরীপূর্ণকর্ণান্তায়তলোচনঃ ॥ ১৮৪ ॥
অর্ধচন্দ্রাভনিটিলপাটীরতিলকোজ্জ্বলঃ ।
চারুচামীকরাকারজটাচর্চিতচন্দনঃ ।
কৈলাসশিখরস্ফর্ধিকমনীয়নিজাকৃতিঃ ॥ ১৮৫ ॥
ইতি শ্রীদক্ষিণামূর্তিসহস্রনামস্তোত্রং সম্পূর্ণম্ ॥
॥ ওঁ তত্ সত্ ॥