॥ Radhakrishna or Yugala Sahasranamastotram Odia Lyrics ॥
॥ ଶ୍ରୀରାଧାକୃଷ୍ଣୟୁଗଲସହସ୍ରନାମସ୍ତୋତ୍ରମ୍ ॥
ସନତ୍କୁମାର ଉଵାଚ –
କିଂ ତ୍ଵଂ ନାରଦ ଜାନାସି ପୂର୍ଵଜନ୍ମନି ୟତ୍ତ୍ଵୟା ।
ପ୍ରାପ୍ତଂ ଭଗଵତଃ ସାକ୍ଷାଚ୍ଛୂଲିନୋ ୟୁଗଲାତ୍ମକମ୍ ॥ ୧ ॥
କୃଷ୍ଣମନ୍ତ୍ରରହସ୍ୟଂ ଚ ସ୍ମର ଵିସ୍ମୃତିମାଗତମ୍ ।
ସୂତ ଉଵାଚ –
ଇତ୍ୟୁକ୍ତୋ ନାରଦୋ ଵିପ୍ରାଃ କୁମାରେଣ ତୁ ଧୀମତା ॥ ୨ ॥
ଧ୍ୟାନେ ଵିଵେଦାଶୁ ଚିରଂ ଚରିତଂ ପୂର୍ଵଜନ୍ମନଃ ।
ତତଶ୍ଚିରଂ ଧ୍ୟାନପରୋ ନାରଦୋ ଭଗଵତ୍ପ୍ରିୟଃ ॥ ୩ ॥
ଜ୍ଞାତ୍ଵା ସର୍ଵଂ ସୁଵୃତ୍ତାନ୍ତଂ ସୁପ୍ରସନ୍ନାନନୋଽବ୍ରଵୀତ୍ ।
ଭଗଵନ୍ସର୍ଵଵୃତ୍ତାନ୍ତଃ ପୂର୍ଵକଲ୍ପସମୁଦ୍ଭଵଃ ॥ ୪ ॥
ମମ ସ୍ମୃତିମନୁପ୍ରାପ୍ତୋ ଵିନା ୟୁଗଲଲମ୍ଭନମ୍ ॥
ତଚ୍ଛ୍ରୁତ୍ଵା ଵଚନଂ ତସ୍ୟ ନାରଦସ୍ୟ ମହାତ୍ମନଃ ॥ ୫ ॥
ସନତ୍କୁମାରୋ ଭଗଵାନ୍ ଵ୍ୟାଜହାର ୟଥାତଥମ୍ ।
ସନତ୍କୁମାର ଉଵାଚ –
ଶୃଣୁ ଵିପ୍ର ପ୍ରଵକ୍ଷ୍ୟାମି ୟସ୍ମିଞ୍ଜନ୍ମନି ଶୂଲିନଃ ॥ ୬ ॥
ପ୍ରାପ୍ତଂ କୃଷ୍ଣରହସ୍ୟଂ ଵୈ ସାଵଧାନୋ ଭଵାଧୁନା ।
ଅସ୍ମାତ୍ସାରସ୍ଵତାତ୍କଲ୍ପାତ୍ପୂର୍ଵସ୍ମିନ୍ପଞ୍ଚଵିଂଶକେ ॥ ୭ ॥
କଲ୍ପେ ତ୍ଵଂ କାଶ୍ୟପୋ ଜାତୋ ନାରଦୋ ନାମ ନାମତଃ ।
ତତ୍ରୈକଦା ତ୍ଵଂ କୈଲାସଂ ପ୍ରାପ୍ତଃ କୃଷ୍ଣସ୍ୟ ୟୋଗିନଃ ॥ ୮ ॥
ସମ୍ପ୍ରଷ୍ଟୁଂ ପରମଂ ତତ୍ତ୍ଵଂ ଶିଵଂ କୈଲାସଵାସିନମ୍ ।
ତ୍ଵୟା ପୃଷ୍ଟୋ ମହାଦେଵୋ ରହସ୍ୟଂ ସ୍ଵପ୍ରକାଶିତମ୍ ॥ ୯ ॥
କଥୟା ମାସ ତତ୍ତ୍ଵେନ ନିତ୍ୟଲୀଲାନୁଗଂ ହରେଃ ।
ତତସ୍ତଦନ୍ତେ ତୁ ପୁନସ୍ତ୍ଵୟା ଵିଜ୍ଞାପିତୋ ହରଃ ॥ ୧୦ ॥
ନିତ୍ୟାଂ ଲୀଲାଂ ହରେର୍ଦ୍ରଷ୍ଟୁଂ ତତଃ ପ୍ରାହ ସଦାଶିଵଃ ।
ଗୋପୀଜନପଦସ୍ୟାନ୍ତେ ଵଲ୍ଲଭେତି ପଦଂ ତତଃ ॥ ୧୧ ॥
ଚରଣାଚ୍ଛରଣଂ ପଶ୍ଚାତ୍ପ୍ରପଦ୍ୟେ ଇତି ଵୈ ମନୁଃ ।
ମନ୍ତ୍ରସ୍ୟାସ୍ୟ ଋଷିଃ ପ୍ରୋକ୍ତୋ ସୁରଭିଶ୍ଛନ୍ଦ ଏଵ ଚ ॥ ୧୨ ॥
ଗାୟତ୍ରୀ ଦେଵତା ଚାସ୍ୟ ବଲ୍ଲଵୀଵଲ୍ଲଭୋ ଵିଭୁଃ ।
ପ୍ରପନ୍ନୋଽସ୍ମୀତି ତଦ୍ଭକ୍ତୌ ଵିନିୟୋଗ ଉଦାହୃତଃ ॥ ୧୩ ॥
ନାସ୍ୟ ସିଦ୍ଧାଦିକଂ ଵିପ୍ର ଶୋଧନଂ ନ୍ୟାସକଲ୍ପନମ୍ ।
କେଵଲଂ ଚିନ୍ତନଂ ସଦ୍ୟୋ ନିତ୍ୟଲୀଲାପ୍ରକାଶକମ୍ ॥ ୧୪ ॥
ଆଭ୍ୟନ୍ତରସ୍ୟ ଧର୍ମସ୍ୟ ସାଧନଂ ଵଚ୍ମି ସାମ୍ପ୍ରତମ୍ ॥ ୧୫ ॥
ସଙ୍ଗୃହ୍ୟ ମନ୍ତ୍ରଂ ଗୁରୁଭକ୍ତିୟୁକ୍ତୋ
ଵିଚିନ୍ତ୍ୟ ସର୍ଵଂ ମନସା ତଦୀହିତମ୍ ।
କୃପାଂ ତଦୀୟାଂ ନିଜଧର୍ମସଂସ୍ଥୋ
ଵିଭାଵୟନ୍ନାତ୍ମନି ତୋଷୟେଦ୍ଗୁରୁମ୍ ॥ ୧୬ ॥
ସତାଂ ଶିକ୍ଷେତ ଵୈ ଧର୍ମାନ୍ପ୍ରପନ୍ନାନାଂ ଭୟାପହାନ୍ ।
ଐହିକାମୁଷ୍ମିକୀଚିନ୍ତାଵିଧୁରାନ୍ ସିଦ୍ଧିଦାୟକାନ୍ ॥ ୧୭ ॥
ସ୍ଵେଷ୍ଟଦେଵଧିୟା ନିତ୍ୟଂ ତୋଷୟେଦ୍ଵୈଷ୍ଣଵାଂସ୍ତଥା ।
ଭର୍ତ୍ସନାଦିକମେତେଷାଂ ନ କଦାଚିଦ୍ଵିଚିନ୍ତୟେତ୍ ॥ ୧୮ ॥
ପୂର୍ଵକର୍ମଵଶାଦ୍ଭଵ୍ୟମୈହିକଂ ଭୋଗ୍ୟମେଵ ଚ ।
ଆୟୁଷ୍ୟକଂ ତଥା କୃଷ୍ଣଃ ସ୍ଵୟମେଵ କରିଷ୍ୟତି ॥ ୧୯ ॥
ଶ୍ରୀକୃଷ୍ଣଂ ନିତ୍ୟଲୀଲାସ୍ଥଂ ଚିନ୍ତୟେତ୍ସ୍ଵଧିୟାନିଶମ୍ ।
ଶ୍ରୀମଦର୍ଚାଵତାରେଣ କୃଷ୍ଣଂ ପରିଚରେତ୍ସଦା ॥ ୨୦ ॥
ଅନନ୍ୟଚିନ୍ତନୀୟୋଽସୌ ପ୍ରପନ୍ନୈଃ ଶରଣାର୍ଥିଭିଃ ।
ସ୍ଥେୟଂ ଚ ଦେହଗେହାଦାଵୁଦାସୀନତୟା ବୁଧୈଃ ॥ ୨୧ ॥
ଗୁରୋରଵଜ୍ଞାଂ ସାଧୂନାଂ ନିନ୍ଦାଂ ଭେଦଂ ହରେ ହରୌ ।
ଵେଦନିନ୍ଦାଂ ହରେର୍ନାମବଲାତ୍ପାପସମୀହନମ୍ ॥ ୨୨ ॥
ଅର୍ଥଵାଦଂ ହରେର୍ନାମ୍ନି ପାଷଣ୍ଡଂ ନାମସଙ୍ଗ୍ରହେ ।
ଅଲସେ ନାସ୍ତିକେ ଚୈଵ ହରିନାମୋପଦେଶନମ୍ ॥ ୨୩ ॥
ନାମଵିସ୍ମରଣଂ ଚାପି ନାମ୍ନ୍ୟନାଦରମେଵ ଚ ।
ସନ୍ତ୍ୟଜେଦ୍ ଦୂରତୋ ଵତ୍ସ ଦୋଷାନେତାନ୍ସୁଦାରୁଣାନ୍ ॥ ୨୪ ॥
ପ୍ରପନ୍ନୋଽସ୍ମୀତି ସତତଂ ଚିନ୍ତୟେଦ୍ଧୃଦ୍ଗତଂ ହରିମ୍ ।
ସ ଏଵ ପାଲନଂ ନିତ୍ୟଂ କରିଷ୍ୟତି ମମେତି ଚ ॥ ୨୫ ॥
ତଵାସ୍ମି ରାଧିକାନାଥ କର୍ମଣା ମନସା ଗିରା ।
କୃଷ୍ଣକାନ୍ତେତି ଚୈଵାସ୍ମି ୟୁଵାମେଵ ଗତିର୍ମମ ॥ ୨୬ ॥
ଦାସାଃ ସଖାୟଃ ପିତରଃ ପ୍ରେୟସ୍ୟଶ୍ଚ ହରେରିହ ।
ସର୍ଵେ ନିତ୍ୟା ମୁନିଶ୍ରେଷ୍ଠ ଚିନ୍ତନୀୟା ମହାତ୍ମଭିଃ ॥ ୨୭ ॥
ଗମନାଗମନେ ନିତ୍ୟଂ କରୋତି ଵନଗୋଷ୍ଠୟୋଃ ।
ଗୋଚାରଣଂ ଵୟସ୍ୟୈଶ୍ଚ ଵିନାସୁରଵିଘାତନମ୍ ॥ ୨୮ ॥
ସଖାୟୋ ଦ୍ଵାଦଶାଖ୍ୟାତା ହରେଃ ଶ୍ରୀଦାମପୂର୍ଵକାଃ ।
ରାଧିକାୟାଃ ସୁଶୀଲାଦ୍ୟାଃ ସଖ୍ୟୋ ଦ୍ଵାତ୍ରିଂଶଦୀରିତାଃ ॥ ୨୯ ॥
ଆତ୍ମାନଂ ଚିନ୍ତୟେଦ୍ଵତ୍ସ ତାସାଂ ମଧ୍ୟେ ମନୋରମାମ୍ ।
ରୂପୟୌଵନସମ୍ପନ୍ନାଂ କିଶୋରୀଂ ଚ ସ୍ଵଲଙ୍କୃତାମ୍ ॥ ୩୦ ॥
ନାନାଶିଲ୍ପକଲାଭିଜ୍ଞାଂ କୃଷ୍ଣଭୋଗାନୁରୂପିଣୀମ୍ ।
ତତ୍ସେଵନସୁଖାହ୍ଲାଦଭାଵେନାତିସୁନିର୍ଵୃତାମ୍ ॥ ୩୧ ॥
ବ୍ରାହ୍ମଂ ମୁହୂର୍ତମାରଭ୍ୟ ୟାଵଦର୍ଧନିଶା ଭଵେତ୍ ।
ତାଵତ୍ପରିଚରେତ୍ତୌ ତୁ ୟଥାକାଲାନୁସେଵୟା ॥ ୩୨ ॥
ସହସ୍ରଂ ଚ ତୟୋର୍ନାମ୍ନାଂ ପଠେନ୍ନିତ୍ୟଂ ସମାହିତଃ ।
ଏତତ୍ସାଧନମୁଦ୍ଦିଷ୍ଟଂ ପ୍ରପନ୍ନାନାଂ ମୁନୀଶ୍ଵର ॥ ୩୩ ॥
ନାଖ୍ୟେୟଂ କସ୍ୟଚିତ୍ତୁଭ୍ୟଂ ମୟା ତତ୍ତ୍ଵଂ ପ୍ରକାଶିତମ୍ ।
ସନତ୍କୁମାର ଉଵାଚ –
ତତସ୍ତ୍ଵଂ ନାରଦ ପୁନଃ ପୃଷ୍ଟଵାନ୍ଵୈ ସଦାଶିଵମ୍ ॥ ୩୪ ॥
ନାମ୍ନାଂ ସହସ୍ରଂ ତଚ୍ଚାପି ପ୍ରୋକ୍ତଵାଂସ୍ତଚ୍ଛୃଣୁଷ୍ଵ ମେ ।
ଧ୍ୟାତ୍ଵା ଵୃନ୍ଦାଵନେ ରମ୍ୟେ ୟମୁନାତୀରସଙ୍ଗତମ୍ ॥ ୩୫ ॥
କଲ୍ପଵୃକ୍ଷଂ ସମାଶ୍ରିତ୍ୟ ତିଷ୍ଠନ୍ତଂ ରାଧିକାୟୁତମ୍ ।
ପଠେନ୍ନାମସହସ୍ରଂ ତୁ ୟୁଗଲାଖ୍ୟଂ ମହାମୁନେ ॥ ୩୬ ॥
ଦେଵକୀନନ୍ଦନଃ ଶୌରିର୍ଵାସୁଦେଵୋ ବଲାନୁଜଃ ।
ଗଦାଗ୍ରଜଃ କଂସମୋହଃ କଂସସେଵକମୋହନଃ ॥ ୩୭ ॥
ଭିନ୍ନାର୍ଗଲୋ ଭିନ୍ନଲୋହଃ ପିତୃବାହ୍ୟାଃ ପିତୃସ୍ତୁତଃ ।
ମାତୃସ୍ତୁତଃ ଶିଵଧ୍ୟେୟୋ ୟମୁନାଜଲଭେଦନଃ ॥ ୩୮ ॥
ଵ୍ରଜଵାସୀ ଵ୍ରଜାନନ୍ଦୀ ନନ୍ଦବାଲୋ ଦୟାନିଧିଃ ।
ଲୀଲାବାଲଃ ପଦ୍ମନେତ୍ରୋ ଗୋକୁଲୋତ୍ସଵ ଈଶ୍ଵରଃ ॥ ୩୯ ॥
ଗୋପିକାନନ୍ଦନଃ କୃଷ୍ଣୋ ଗୋପାନନ୍ଦଃ ସତାଂ ଗତିଃ ।
ବକପ୍ରାଣହରୋ ଵିଷ୍ଣୁର୍ବକମୁକ୍ତିପ୍ରଦୋ ହରିଃ ॥ ୪୦ ॥
ବଲଦୋଲାଶୟଶୟଃ ଶ୍ୟାମଲଃ ସର୍ଵସୁନ୍ଦରଃ ।
ପଦ୍ମନାଭୋ ହୃଷୀକେଶଃ କ୍ରୀଡାମନୁଜବାଲକଃ ॥ ୪୧ ॥
ଲୀଲାଵିଧ୍ଵସ୍ତଶକଟୋ ଵେଦମନ୍ତ୍ରାଭିଷେଚିତଃ ।
ୟଶୋଦାନନ୍ଦନଃ କାନ୍ତୋ ମୁନିକୋଟିନିଷେଵିତଃ ॥ ୪୨ ॥
ନିତ୍ୟଂ ମଧୁଵନାଵାସୀ ଵୈକୁଣ୍ଠଃ ସମ୍ଭଵଃ କ୍ରତୁଃ ।
ରମାପତିର୍ୟଦୁପତିର୍ମୁରାରିର୍ମଧୁସୂଦନଃ ॥ ୪୩ ॥
ମାଧଵୋ ମାନହାରୀ ଚ ଶ୍ରୀପତିର୍ଭୂଧରଃ ପ୍ରଭୁଃ ।
ବୃହଦ୍ଵନମହାଲୀଲୋ ନନ୍ଦସୂନୁର୍ମହାସନଃ ॥ ୪୪ ॥
ତୃଣାଵର୍ତପ୍ରାଣହାରୀ ୟଶୋଦାଵିସ୍ମୟପ୍ରଦଃ ।
ତ୍ରୈଲୋକ୍ୟଵକ୍ତ୍ରଃ ପଦ୍ମାକ୍ଷଃ ପଦ୍ମହସ୍ତଃ ପ୍ରିୟଙ୍କରଃ ॥ ୪୫ ॥
ବ୍ରହ୍ମଣ୍ୟୋ ଧର୍ମଗୋପ୍ତା ଚ ଭୂପତିଃ ଶ୍ରୀଧରଃ ସ୍ଵରାଟ୍ ।
ଅଜାଧ୍ୟକ୍ଷଃ ଶିଵାଧ୍ୟକ୍ଷୋ ଧର୍ମାଧ୍ୟକ୍ଷୋ ମହେଶ୍ଵରଃ ॥ ୪୬ ॥
ଵେଦାନ୍ତଵେଦ୍ୟୋ ବ୍ରହ୍ମସ୍ଥଃ ପ୍ରଜାପତିରମୋଘଦୃକ୍ ।
ଗୋପୀକରାଵଲମ୍ବୀ ଚ ଗୋପବାଲକସୁପ୍ରିୟଃ ॥ ୪୭ ॥
ବାଲାନୁୟାୟୀ ବଲଵାନ୍ ଶ୍ରୀଦାମପ୍ରିୟ ଆତ୍ମଵାନ୍ ।
ଗୋପୀଗୃହାଙ୍ଗଣରତିର୍ଭଦ୍ରଃ ସୁଶ୍ଲୋକମଙ୍ଗଲଃ ॥ ୪୮ ॥
ନଵନୀତହରୋ ବାଲୋ ନଵନୀତପ୍ରିୟାଶନଃ ।
ବାଲଵୃନ୍ଦୀ ମର୍କଵୃନ୍ଦୀ ଚକିତାକ୍ଷଃ ପଲାୟିତଃ ॥ ୪୯ ॥
ୟଶୋଦାତର୍ଜିତଃ କମ୍ପୀ ମାୟାରୁଦିତଶୋଭନଃ ।
ଦାମୋଦରୋଽପ୍ରମେୟାତ୍ମା ଦୟାଲୁର୍ଭକ୍ତଵତ୍ସଲଃ ॥ ୫୦ ॥
ସୁବଦ୍ଧୋଲୂଖଲେ ନମ୍ରଶିରା ଗୋପୀକଦର୍ଥିତଃ ।
ଵୃକ୍ଷଭଙ୍ଗୀ ଶୋକଭଙ୍ଗୀ ଧନଦାତ୍ମଜମୋକ୍ଷଣଃ ॥ ୫୧ ॥
ଦେଵର୍ଷିଵଚନଶ୍ଲାଘୀ ଭକ୍ତଵାତ୍ସଲ୍ୟସାଗରଃ ।
ଵ୍ରଜକୋଲାହଲକରୋ ଵ୍ରଜାନଦଵିଵର୍ଦ୍ଧନଃ ॥ ୫୨ ॥
ଗୋପାତ୍ମା ପ୍ରେରକଃ ସାକ୍ଷୀ ଵୃନ୍ଦାଵନନିଵାସକୃତ୍ ।
ଵତ୍ସପାଲୋ ଵତ୍ସପତିର୍ଗୋପଦାରକମଣ୍ଡନଃ ॥ ୫୩ ॥
ବାଲକ୍ରୀଡୋ ବାଲରତିର୍ବାଲକଃ କନକାଙ୍ଗଦୀ ।
ପୀତାମ୍ବରୋ ହେମମାଲୀ ମଣିମୁକ୍ତାଵିଭୂଷଣଃ ॥ ୫୪ ॥
କିଙ୍କିଣୀକଟକୀ ସୂତ୍ରୀ ନୂପୁରୀ ମୁଦ୍ରିକାନ୍ଵିତଃ ।
ଵତ୍ସାସୁରପତିଧ୍ଵଂସୀ ବକାସୁରଵିନାଶନଃ ॥ ୫୫ ॥
ଅଘାସୁରଵିନାଶୀ ଚ ଵିନିଦ୍ରୀକୃତବାଲକଃ ।
ଆଦ୍ୟ ଆତ୍ମପ୍ରଦଃ ସଙ୍ଗୀ ୟମୁନାତୀରଭୋଜନଃ ॥ ୫୬ ॥
ଗୋପାଲମଣ୍ଡଲୀମଧ୍ୟଃ ସର୍ଵଗୋପାଲଭୂଷଣଃ ।
କୃତହସ୍ତତଲଗ୍ରାସୋ ଵ୍ୟଞ୍ଜନାଶ୍ରିତଶାଖିକଃ ॥ ୫୭ ॥
କୃତବାହୁଶୃଙ୍ଗୟଷ୍ଟିର୍ଗୁଞ୍ଜାଲଙ୍କୃତକଣ୍ଠକଃ ।
ମୟୂରପିଚ୍ଛମୁକୁଟୋ ଵନମାଲାଵିଭୂଷିତଃ ॥ ୫୮ ॥
ଗୈରିକାଚିତ୍ରିତଵପୁର୍ନଵମେଘଵପୁଃ ସ୍ମରଃ ।
କୋଟିକନ୍ଦର୍ପଲାଵଣ୍ୟୋ ଲସନ୍ମକରକୁଣ୍ଡଲଃ ॥ ୫୯ ॥
ଆଜାନୁବାହୁର୍ଭଗଵାନ୍ନିଦ୍ରାରହିତଲୋଚନଃ ।
କୋଟିସାଗରଗାମ୍ଭୀର୍ୟଃ କାଲକାଲଃ ସଦାଶିଵଃ ॥ ୬୦ ॥
ଵିରଞ୍ଚିମୋହନଵପୁର୍ଗୋପଵତ୍ସଵପୁର୍ଦ୍ଧରଃ ।
ବ୍ରହ୍ମାଣ୍ଡକୋଟିଜନକୋ ବ୍ରହ୍ମମୋହଵିନାଶକଃ ॥ ୬୧ ॥
ବ୍ରହ୍ମା ବ୍ରହ୍ମେଡିତଃ ସ୍ଵାମୀ ଶକ୍ରଦର୍ପାଦିନାଶନଃ ।
ଗିରିପୂଜୋପଦେଷ୍ଟା ଚ ଧୃତଗୋଵର୍ଦ୍ଧନାଚଲଃ ॥ ୬୨ ॥
ପୁରନ୍ଦରେଡିତଃ ପୂଜ୍ୟଃ କାମଧେନୁପ୍ରପୂଜିତଃ ।
ସର୍ଵତୀର୍ଥାଭିଷିକ୍ତଶ୍ଚ ଗୋଵିନ୍ଦୋ ଗୋପରକ୍ଷକଃ ॥ ୬୩ ॥
କାଲିୟାର୍ତିକରଃ କ୍ରୂରୋ ନାଗପତ୍ନୀଡିତୋ ଵିରାଟ୍ ।
ଧେନୁକାରିଃ ପ୍ରଲମ୍ବାରିର୍ଵୃଷାସୁରଵିମର୍ଦନଃ ॥ ୬୪ ॥
ମାୟାସୁରାତ୍ମଜଧ୍ଵଂସୀ କେଶିକଣ୍ଠଵିଦାରକଃ ।
ଗୋପଗୋପ୍ତା ଧେନୁଗୋପ୍ତା ଦାଵାଗ୍ନିପରିଶୋଷକଃ ॥ ୬୫ ॥
ଗୋପକନ୍ୟାଵସ୍ତ୍ରହାରୀ ଗୋପକନ୍ୟାଵରପ୍ରଦଃ ।
ୟଜ୍ଞପତ୍ନ୍ୟନ୍ନଭୋଜୀ ଚ ମୁନିମାନାପହାରକଃ ॥ ୬୬ ॥
ଜଲେଶମାନମଥନୋ ନନ୍ଦଗୋପାଲଜୀଵନଃ ।
ଗନ୍ଧର୍ଵଶାପମୋକ୍ତା ଚ ଶଙ୍ଖଚୂଡଶିରୋ ହରଃ ॥ ୬୭ ॥
ଵଂଶୀ ଵଟୀ ଵେଣୁଵାଦୀ ଗୋପୀଚିନ୍ତାପହାରକଃ ।
ସର୍ଵଗୋପ୍ତା ସମାହ୍ଵାନଃ ସର୍ଵଗୋପୀମନୋରଥଃ ॥ ୬୮ ॥
ଵ୍ୟଙ୍ଗଧର୍ମପ୍ରଵକ୍ତା ଚ ଗୋପୀମଣ୍ଡଲମୋହନଃ ।
ରାସକ୍ରୀଡାରସାସ୍ଵାଦୀ ରସିକୋ ରାଧିକାଧଵଃ ॥ ୬୯ ॥
କିଶୋରୀପ୍ରାଣନାଥଶ୍ଚ ଵୃଷଭାନସୁତାପ୍ରିୟଃ ।
ସର୍ଵଗୋପୀଜନାନନ୍ଦୀ ଗୋପୀଜନଵିମୋହନଃ ॥ ୭୦ ॥
ଗୋପିକାଗୀତଚରିତୋ ଗୋପୀନର୍ତନଲାଲସଃ ।
ଗୋପୀସ୍କନ୍ଧାଶ୍ରିତକରୋ ଗୋପିକାଚୁମ୍ବନପ୍ରିୟଃ ॥ ୭୧ ॥
ଗୋପିକାମାର୍ଜିତମୁଖୋ ଗୋପୀଵ୍ୟଜନଵୀଜିତଃ ।
ଗୋପିକାକେଶସଂସ୍କାରୀ ଗୋପିକାପୁଷ୍ପସଂସ୍ତରଃ ॥ ୭୨ ॥
ଗୋପିକାହୃଦୟାଲମ୍ବୀ ଗୋପୀଵହନତତ୍ପରଃ ।
ଗୋପିକାମଦହାରୀ ଚ ଗୋପିକାପରମାର୍ଜିତଃ ॥ ୭୩ ॥
ଗୋପିକାକୃତସଂନୀଲୋ ଗୋପିକାସଂସ୍ମୃତପ୍ରିୟଃ ।
ଗୋପିକାଵନ୍ଦିତପଦୋ ଗୋପିକାଵଶଵର୍ତନଃ ॥ ୭୪ ॥
ରାଧାପରାଜିତଃ ଶ୍ରୀମାନ୍ନିକୁଞ୍ଜେସୁଵିହାରଵାନ୍ ।
କୁଞ୍ଜପ୍ରିୟଃ କୁଞ୍ଜଵାସୀ ଵୃନ୍ଦାଵନଵିକାସନଃ ॥ ୭୫ ॥
ୟମୁନାଜଲସିକ୍ତାଙ୍ଗୋ ୟମୁନାସୌଖ୍ୟଦାୟକଃ ।
ଶଶିସଂସ୍ତମ୍ଭନଃ ଶୂରଃ କାମୀ କାମଵିଜୋହନଃ ॥ ୭୬ ॥
କାମାଦ୍ୟାଃ କାମନାଥଶ୍ଚ କାମମାନସଭେଦନଃ ।
କାମଦଃ କାମରୂପଶ୍ଚ କାମିନୀ କାମସଞ୍ଚୟଃ ॥ ୭୭ ॥
ନିତ୍ୟକ୍ରୀଡୋ ମହାଲୀଲଃ ସର୍ଵଃ ସର୍ଵଗତସ୍ତଥା ।
ପରମାତ୍ମା ପରାଧୀଶଃ ସର୍ଵକାରଣକାରଣଃ (orମ୍) ॥ ୭୮ ॥
ଗୃହୀତନାରଦଵଚା ହ୍ୟକ୍ରୂରପରିଚିନ୍ତିତଃ ।
ଅକ୍ରୂରଵନ୍ଦିତପଦୋ ଗୋପିକାତୋଷକାରକଃ ॥ ୭୯ ॥
ଅକ୍ରୂରଵାକ୍ୟସଙ୍ଗ୍ରାହୀ ମଥୁରାଵାସକାରଣଃ (orମ୍)।
ଅକ୍ରୂରତାପଶମନୋ ରଜକାୟୁଃପ୍ରଣାଶନଃ ॥ ୮୦ ॥
ମଥୁରାନନ୍ଦଦାୟୀ ଚ କଂସଵସ୍ତ୍ରଵିଲୁଣ୍ଠନଃ ।
କଂସଵସ୍ତ୍ରପରୀଧାନୋ ଗୋପଵସ୍ତ୍ରପ୍ରଦାୟକଃ ॥ ୮୧ ॥
ସୁଦାମଗୃହଗାମୀ ଚ ସୁଦାମପରିପୂଜିତଃ ।
ତନ୍ତୁଵାୟକସମ୍ପ୍ରୀତଃ କୁବ୍ଜାଚନ୍ଦନଲେପନଃ ॥ ୮୨ ॥
କୁବ୍ଜାରୂପପ୍ରଦୋ ଵିଜ୍ଞୋ ମୁକୁନ୍ଦୋ ଵିଷ୍ଟରଶ୍ରଵାଃ ।
ସର୍ଵଜ୍ଞୋ ମଥୁରାଲୋକୀ ସର୍ଵଲୋକାଭିନନ୍ଦନଃ ॥ ୮୩ ॥
କୃପାକଟାକ୍ଷଦର୍ଶୀ ଚ ଦୈତ୍ୟାରିର୍ଦେଵପାଲକଃ ।
ସର୍ଵଦୁଃଖପ୍ରଶମନୋ ଧନୁର୍ଭଙ୍ଗୀ ମହୋତ୍ସଵଃ ॥ ୮୪ ॥
କୁଵଲୟାପୀଡହନ୍ତା ଦନ୍ତସ୍କନ୍ଧବଲାଗ୍ରଣୀଃ ।
କଲ୍ପରୂପଧରୋ ଧୀରୋ ଦିଵ୍ୟଵସ୍ତ୍ରାନୁଲେପନଃ ॥ ୮୫ ॥
ମଲ୍ଲରୂପୋ ମହାକାଲଃ କାମରୂପୀ ବଲାନ୍ଵିତଃ ।
କଂସତ୍ରାସକରୋ ଭୀମୋ ମୁଷ୍ଟିକାନ୍ତଶ୍ଚ କଂସହା ॥ ୮୬ ॥
ଚାଣୂରଘ୍ନୋ ଭୟହରଃ ଶଲାରିସ୍ତୋଶଲାନ୍ତକଃ ।
ଵୈକୁଣ୍ଠଵାସୀ କଂସାରିଃ ସର୍ଵଦୁଷ୍ଟନିଷୂଦନଃ ॥ ୮୭ ॥
ଦେଵଦୁନ୍ଦୁଭିନିର୍ଘୋଷୀ ପିତୃଶୋକନିଵାରଣଃ ।
ୟାଦଵେନ୍ଦ୍ରଃ ସତାଂନାଥୋ ୟାଦଵାରିପ୍ରମର୍ଦ୍ଦନଃ ॥ ୮୮ ॥
ଶୌରିଶୋକଵିନାଶୀ ଚ ଦେଵକୀତାପନାଶନଃ ।
ଉଗ୍ରସେନପରିତ୍ରାତା ଉଗ୍ରସେନାଭିପୂଜିତଃ ॥ ୮୯ ॥
ଉଗ୍ରସେନାଭିଷେକୀ ଚ ଉଗ୍ରସେନଦୟାପରଃ ।
ସର୍ଵସାତ୍ଵତସାକ୍ଷୀ ଚ ୟଦୂନାମଭିନନ୍ଦନଃ ॥ ୯୦ ॥
ସର୍ଵମାଥୁରସଂସେଵ୍ୟଃ କରୁଣୋ ଭକ୍ତବାନ୍ଧଵଃ ।
ସର୍ଵଗୋପାଲଧନଦୋ ଗୋପୀଗୋପାଲଲାଲସଃ ॥ ୯୧ ॥
ଶୌରିଦତ୍ତୋପଵୀତୀ ଚ ଉଗ୍ରସେନଦୟାକରଃ ।
ଗୁରୁଭକ୍ତୋ ବ୍ରହ୍ମଚାରୀ ନିଗମାଧ୍ୟୟନେ ରତଃ ॥ ୯୨ ॥
ସଙ୍କର୍ଷଣସହାଧ୍ୟାୟୀ ସୁଦାମସୁହୃଦେଵ ଚ ।
ଵିଦ୍ୟାନିଧିଃ କଲାକୋଶୋ ମୃତପୁତ୍ରପ୍ରଦସ୍ତଥା ॥ ୯୩ ॥
ଚକ୍ରୀ ପାଞ୍ଚଜନୀ ଚୈଵ ସର୍ଵନାରକିମୋଚନଃ ।
ୟମାର୍ଚିତଃ ପରୋ ଦେଵୋ ନାମୋଚ୍ଚାରଵଶୋଽଚ୍ୟୁତଃ ॥ ୯୪ ॥
କୁବ୍ଜାଵିଲାସୀ ସୁଭଗୋ ଦୀନବନ୍ଧୁରନୂପମଃ ।
ଅକ୍ରୂରଗୃହଗୋପ୍ତା ଚ ପ୍ରତିଜ୍ଞାପାଲକଃ ଶୁଭଃ ॥ ୯୫ ॥
ଜରାସନ୍ଧଜୟୀ ଵିଦ୍ଵାନ୍ ୟଵନାନ୍ତୋ ଦ୍ଵିଜାଶ୍ରୟଃ ।
ମୁଚୁକୁନ୍ଦପ୍ରିୟକରୋ ଜରାସନ୍ଧପଲାୟିତଃ ॥ ୯୬ ॥
ଦ୍ଵାରକାଜନକୋ ଗୂଢୋ ବ୍ରହ୍ମଣ୍ୟଃ ସତ୍ୟସଙ୍ଗରଃ ।
ଲୀଲାଧରଃ ପ୍ରିୟକରୋ ଵିଶ୍ଵକର୍ମା ୟଶଃପ୍ରଦଃ ॥ ୯୭ ॥
ରୁକ୍ମିଣୀପ୍ରିୟସନ୍ଦେଶୋ ରୁକ୍ମଶୋକଵିଵର୍ଦ୍ଧନଃ ।
ଚୈଦ୍ୟଶୋକାଲୟଃ ଶ୍ରେଷ୍ଠୋ ଦୁଷ୍ଟରାଜନ୍ୟନାଶନଃ ॥ ୯୮ ॥
ରୁକ୍ମିଵୈରୂପ୍ୟକରଣୋ ରୁକ୍ମିଣୀଵଚନେ ରତଃ ।
ବଲଭଦ୍ରଵଚୋଗ୍ରାହୀ ମୁକ୍ତରୁକ୍ମୀ ଜନାର୍ଦନଃ ॥ ୯୯ ॥
ରୁକ୍ମିଣୀପ୍ରାଣନାଥଶ୍ଚ ସତ୍ୟଭାମାପତିଃ ସ୍ଵୟମ୍ ।
ଭକ୍ତପକ୍ଷୀ ଭକ୍ତିଵଶ୍ୟୋ ହ୍ୟକ୍ରୂରମଣିଦାୟକଃ ॥ ୧୦୦ ॥
ଶତଧନ୍ଵାପ୍ରାଣହାରୀ ଋକ୍ଷରାଜସୁତାପ୍ରିୟଃ ।
ସତ୍ରାଜିତ୍ତନୟାକାନ୍ତୋ ମିତ୍ରଵିନ୍ଦାପହାରକଃ ॥ ୧୦୧।
ସତ୍ୟାପତିର୍ଲକ୍ଷ୍ମଣାଜିତ୍ପୂଜ୍ୟୋ ଭଦ୍ରାପ୍ରିୟଙ୍କରଃ ।
ନରକାସୁରଘାତୀ ଚ ଲୀଲାକନ୍ୟାହରୋ ଜୟୀ ॥ ୧୦୨ ॥
ମୁରାରିର୍ମଦନେଶୋଽପି ଧରିତ୍ରୀଦୁଃଖନାଶନଃ ।
ଵୈନତେୟୀ ସ୍ଵର୍ଗଗାମୀ ଅଦିତ୍ୟ କୁଣ୍ଡଲପ୍ରଦଃ ॥ ୧୦୩ ॥
ଇନ୍ଦ୍ରାର୍ଚିତୋ ରମାକାନ୍ତୋ ଵଜ୍ରିଭାର୍ୟାପ୍ରପୂଜିତଃ ।
ପାରିଜାତାପହାରୀ ଚ ଶକ୍ରମାନାପହାରକଃ ॥ ୧୦୪ ॥
ପ୍ରଦ୍ୟୁମ୍ନଜନକଃ ସାମ୍ବତାତୋ ବହୁସୁତୋ ଵିଧୁଃ ।
ଗର୍ଗାଚାର୍ୟଃ ସତ୍ୟଗତିର୍ଧର୍ମାଧାରୋ ଧରାଧରଃ ॥ ୧୦୫ ॥
ଦ୍ଵାରକାମଣ୍ଡନଃ ଶ୍ଲୋକ୍ୟଃ ସୁଶ୍ଲୋକୋ ନିଗମାଲୟଃ ।
ପୌଣ୍ଡ୍ରକପ୍ରାଣହାରୀ ଚ କାଶୀରାଜଶିରୋହରଃ ॥ ୧୦୬ ॥
ଅଵୈଷ୍ଣଵଵିପ୍ରଦାହୀ ସୁଦକ୍ଷିଣଭୟାଵହଃ ।
ଜରାସନ୍ଧଵିଦାରୀ ଚ ଧର୍ମନନ୍ଦନୟଜ୍ଞକୃତ୍ ॥ ୧୦୭ ॥
ଶିଶୁପାଲଶିରଶ୍ଛେଦୀ ଦନ୍ତଵକ୍ତ୍ରଵିନାଶନଃ ।
ଵିଦୂରଥାନ୍ତକଃ ଶ୍ରୀଶଃ ଶ୍ରୀଦୋ ଦ୍ଵିଵିଦନାଶନଃ ॥ ୧୦୮ ॥
ରୁକ୍ମିଣୀମାନହାରୀ ଚ ରୁକ୍ମିଣୀମାନଵର୍ଦ୍ଧନଃ ।
ଦେଵର୍ଷିଶାପହର୍ତା ଚ ଦ୍ରୌପଦୀଵାକ୍ୟପାଲକଃ ॥ ୧୦୯ ॥
ଦୁର୍ଵାସୋଭୟହାରୀ ଚ ପାଞ୍ଚାଲୀସ୍ମରଣାଗତଃ ।
ପାର୍ଥଦୂତଃ ପାର୍ଥମନ୍ତ୍ରୀ ପାର୍ଥଦୁଃଖୌଘନାଶନଃ ॥ ୧୧୦ ॥
ପାର୍ଥମାନାପହାରୀ ଚ ପାର୍ଥଜୀଵନଦାୟକଃ ।
ପାଞ୍ଚାଲୀଵସ୍ତ୍ରଦାତା ଚ ଵିଶ୍ଵପାଲକପାଲକଃ ॥ ୧୧୧ ॥
ଶ୍ଵେତାଶ୍ଵସାରଥିଃ ସତ୍ୟଃ ସତ୍ୟସାଧ୍ୟୋ ଭୟାପହଃ ।
ସତ୍ୟସନ୍ଧଃ ସତ୍ୟରତିଃ ସତ୍ୟପ୍ରିୟ ଉଦାରଧୀଃ ॥ ୧୧୨ ॥
ମହାସେନଜୟୀ ଚୈଵ ଶିଵସୈନ୍ୟଵିନାଶନଃ ।
ବାଣାସୁରଭୁଜଚ୍ଛେତ୍ତା ବାଣବାହୁଵରପ୍ରଦଃ ॥ ୧୧୩ ॥
ତାର୍କ୍ଷ୍ୟମାନାପହାରୀ ଚ ତାର୍କ୍ଷ୍ୟତେଜୋଵିଵର୍ଦ୍ଧନଃ ।
ରାମସ୍ଵରୂପଧାରୀ ଚ ସତ୍ୟଭାମାମୁଦାଵହଃ ॥ ୧୧୪ ॥
ରତ୍ନାକରଜଲକ୍ରୀଡୋ ଵ୍ରଜଲୀଲାପ୍ରଦର୍ଶକଃ ।
ସ୍ଵପ୍ରତିଜ୍ଞାପରିଧ୍ଵଂସୀ ଭୀଷ୍ମାଜ୍ଞାପରିପାଲକଃ ॥ ୧୧୫ ॥
ଵୀରାୟୁଧହରଃ କାଲଃ କାଲିକେଶୋ ମହାବଲଃ ।
ଵର୍ଵରୀଷଶିରୋହାରୀ ଵର୍ଵରୀଷଶିରଃପ୍ରଦଃ ॥ ୧୧୬ ॥
ଧର୍ମପୁତ୍ରଜୟୀ ଶୂରଦୁର୍ୟୋଧନମଦାନ୍ତକଃ ।
ଗୋପିକାପ୍ରୀତିନିର୍ବନ୍ଧନିତ୍ୟକ୍ରୀଡୋ ଵ୍ରଜେଶ୍ଵରଃ ॥ ୧୧୭ ॥
ରାଧାକୁଣ୍ଡରତିର୍ଧନ୍ୟଃ ସଦାନ୍ଦୋଲସମାଶ୍ରିତଃ ।
ସଦାମଧୁଵନାନନ୍ଦୀ ସଦାଵୃନ୍ଦାଵନପ୍ରିୟଃ ॥ ୧୧୮ ॥
ଅଶୋକଵନସନ୍ନଦ୍ଧଃ ସଦାତିଲକସଙ୍ଗତଃ ।
ସଦାଗୋଵର୍ଦ୍ଧନରତିଃ ସଦା ଗୋକୁଲଵଲ୍ଲଭଃ ॥ ୧୧୯ ॥
ଭାଣ୍ଡୀରଵଟସଂଵାସୀ ନିତ୍ୟଂ ଵଂଶୀଵଟସ୍ଥିତଃ ।
ନନ୍ଦଗ୍ରାମକୃତାଵାସୋ ଵୃଷଭାନୁଗ୍ରହପ୍ରିୟଃ ॥ ୧୨୦ ॥
ଗୃହୀତକାମିନୀରୂପୋ ନିତ୍ୟଂ ରାସଵିଲାସକୃତ୍ ।
ଵଲ୍ଲଵୀଜନସଙ୍ଗୋପ୍ତା ଵଲ୍ଲଵୀଜନଵଲ୍ଲଭଃ ॥ ୧୨୧ ॥
ଦେଵଶର୍ମକୃପାକର୍ତା କଲ୍ପପାଦପସଂସ୍ଥିତଃ ।
ଶିଲାନୁଗନ୍ଧନିଲୟଃ ପାଦଚାରୀ ଘନଚ୍ଛଵିଃ ॥ ୧୨୨ ॥
ଅତସୀକୁସୁମପ୍ରଖ୍ୟଃ ସଦା ଲକ୍ଷ୍ମୀକୃପାକରଃ ।
ତ୍ରିପୁରାରିପ୍ରିୟକରୋ ହ୍ୟୁଗ୍ରଧନ୍ଵାପରାଜିତଃ ॥ ୧୨୩ ॥
ଷଡ୍ଧୁରଧ୍ଵଂସକର୍ତା ଚ ନିକୁମ୍ଭପ୍ରାଣହାରକଃ ।
ଵଜ୍ରନାଭପୁରଧ୍ଵଂସୀ ପୌଣ୍ଡ୍ରକପ୍ରାଣହାରକଃ ॥ ୧୨୪ ॥
ବହୁଲାଶ୍ଵପ୍ରୀତିକର୍ତା ଦ୍ଵିଜଵର୍ୟପ୍ରିୟଙ୍କରଃ ।
ଶିଵସଙ୍କଟହାରୀ ଚ ଵୃକାସୁରଵିନାଶନଃ ॥ ୧୨୫ ॥
ଭୃଗୁସତ୍କାରକାରୀ ଚ ଶିଵସାତ୍ତ୍ଵିକତାପ୍ରଦଃ ।
ଗୋକର୍ଣପୂଜକଃ ସାମ୍ବକୁଷ୍ଠଵିଧ୍ଵଂସକାରଣଃ ॥ ୧୨୬ ॥
ଵେଦସ୍ତୁତୋ ଵେଦଵେତ୍ତା ୟଦୁଵଂଶଵିଵର୍ଦ୍ଧନଃ ।
ୟଦୁଵଂଶଵିନାଶୀ ଚ ଉଦ୍ଧଵୋଦ୍ଧାରକାରକଃ ॥ ୧୨୭ ॥
(ଇତି କୃଷ୍ଣନାମାଵଲିଃ-୫୦୦ ଅଥ ରାଧାନାମାଵଲିଃ-୫୦୦)
ରାଧା ଚ ରାଧିକା ଚୈଵ ଆନନ୍ଦା ଵୃଷଭାନୁଜା ।
ଵୃନ୍ଦାଵନେଶ୍ଵରୀ ପୁଣ୍ୟା କୃଷ୍ଣମାନସହାରିଣୀ ॥ ୧୨୮ ॥
ପ୍ରଗଲ୍ଭା ଚତୁରା କାମା କାମିନୀ ହରିମୋହିନୀ ।
ଲଲିତା ମଧୁରା ମାଧ୍ଵୀ କିଶୋରୀ କନକପ୍ରଭା ॥ ୧୨୯ ॥
ଜିତଚନ୍ଦ୍ରା ଜିତମୃଗା ଜିତସିଂହା ଜିତଦ୍ଵିପା ।
ଜିତରମ୍ଭା ଜିତପିକା ଗୋଵିନ୍ଦହୃଦୟୋଦ୍ଭଵା ॥ ୧୩୦ ॥
ଜିତବିମ୍ବା ଜିତଶୁକା ଜିତପଦ୍ମା କୁମାରିକା ।
ଶ୍ରୀକୃଷ୍ଣାକର୍ଷଣା ଦେଵୀ ନିତ୍ୟଂ ୟୁଗ୍ମସ୍ଵରୂପିଣୀ ॥ ୧୩୧ ॥
ନିତ୍ୟଂ ଵିହାରିଣୀ କାନ୍ତା ରସିକା କୃଷ୍ଣଵଲ୍ଲଭା ।
ଆମୋଦିନୀ ମୋଦଵତୀ ନନ୍ଦନନ୍ଦନଭୂଷିତା ॥ ୧୩୨ ॥
ଦିଵ୍ୟାମ୍ବରା ଦିଵ୍ୟହାରା ମୁକ୍ତାମଣିଵିଭୂଷିତା ।
କୁଞ୍ଜପ୍ରିୟା କୁଞ୍ଜଵାସା କୁଞ୍ଜନାୟକନାୟିକା ॥ ୧୩୩ ॥
ଚାରୁରୂପା ଚାରୁଵକ୍ତ୍ରା ଚାରୁହେମାଙ୍ଗଦା ଶୁଭା ।
ଶ୍ରୀକୃଷ୍ଣଵେଣୁସଙ୍ଗୀତା ମୁରଲୀହାରିଣୀ ଶିଵା ॥ ୧୩୪ ॥
ଭଦ୍ରା ଭଗଵତୀ ଶାନ୍ତା କୁମୁଦା ସୁନ୍ଦରୀ ପ୍ରିୟା ।
କୃଷ୍ଣକ୍ରୀଡା କୃଷ୍ଣରତିଃ ଶ୍ରୀକୃଷ୍ଣସହଚାରିଣୀ ॥ ୧୩୫ ॥
ଵଂଶୀଵଟପ୍ରିୟସ୍ଥାନା ୟୁଗ୍ମାୟୁଗ୍ମସ୍ଵରୂପିଣୀ ।
ଭାଣ୍ଡୀରଵାସିନୀ ଶୁଭ୍ରା ଗୋପୀନାଥପ୍ରିୟା ସଖୀ ॥ ୧୩୬ ॥
ଶ୍ରୁତିନିଃଶ୍ଵସିତା ଦିଵ୍ୟା ଗୋଵିନ୍ଦରସଦାୟିନୀ ।
ଶ୍ରୀକୃଷ୍ଣପ୍ରାର୍ଥନୀଶାନା ମହାନନ୍ଦପ୍ରଦାୟିନୀ ॥ ୧୩୭ ॥
ଵୈକୁଣ୍ଠଜନସଂସେଵ୍ୟା କୋଟିଲକ୍ଷ୍ମୀସୁଖାଵହା ।
କୋଟିକନ୍ଦର୍ପଲାଵଣ୍ୟା ରତିକୋଟିରତିପ୍ରଦା ॥ ୧୩୮ ॥
ଭକ୍ତିଗ୍ରାହ୍ୟା ଭକ୍ତିରୂପା ଲାଵଣ୍ୟସରସୀ ଉମା ।
ବ୍ରହ୍ମରୁଦ୍ରାଦିସଂରାଧ୍ୟା ନିତ୍ୟଂ କୌତୂହଲାନ୍ଵିତା ॥ ୧୩୯ ॥
ନିତ୍ୟଲୀଲା ନିତ୍ୟକାମା ନିତ୍ୟଶୃଙ୍ଗାରଭୂଷିତା ।
ନିତ୍ୟଵୃନ୍ଦାଵନରସା ନନ୍ଦନନ୍ଦନସଂୟୁତା ॥ ୧୪୦ ॥
ଗୋପିକାମଣ୍ଡଲୀୟୁକ୍ତା ନିତ୍ୟଂ ଗୋପାଲସଙ୍ଗତା ।
ଗୋରସକ୍ଷେପଣୀ ଶୂରା ସାନନ୍ଦାନନ୍ଦଦାୟିନୀ ॥ ୧୪୧ ॥
ମହାଲୀଲା ପ୍ରକୃଷ୍ଟା ଚ ନାଗରୀ ନଗଚାରିଣୀ ।
ନିତ୍ୟମାଘୂର୍ଣିତା ପୂର୍ଣା କସ୍ତୂରୀତିଲକାନ୍ଵିତା ॥ ୧୪୨ ॥
ପଦ୍ମା ଶ୍ୟାମା ମୃଗାକ୍ଷୀ ଚ ସିଦ୍ଧିରୂପା ରସାଵହା ।
କୋଟିଚନ୍ଦ୍ରାନନା ଗୌରୀ କୋଟିକୋକିଲସୁସ୍ଵରା ॥ ୧୪୩ ॥
ଶୀଲସୌନ୍ଦର୍ୟନିଲୟା ନନ୍ଦନନ୍ଦନଲାଲିତା ।
ଅଶୋକଵନସଂଵାସା ଭାଣ୍ଡୀରଵନସଙ୍ଗତା ॥ ୧୪୪ ॥
କଲ୍ପଦ୍ରୁମତଲାଵିଷ୍ଟା କୃଷ୍ଣା ଵିଶ୍ଵା ହରିପ୍ରିୟା ।
ଅଜାଗମ୍ୟା ଭଵାଗମ୍ୟା ଗୋଵର୍ଦ୍ଧନକୃତାଲୟା ॥ ୧୪୫ ॥
ୟମୁନାତୀରନିଲୟା ଶଶ୍ଵଦ୍ଗୋଵିନ୍ଦଜଲ୍ପିନୀ ।
ଶଶ୍ଵନ୍ମାନଵତୀ ସ୍ନିଗ୍ଧା ଶ୍ରୀକୃଷ୍ଣପରିଵନ୍ଦିତା ॥ ୧୪୬ ॥
କୃଷ୍ଣସ୍ତୁତା କୃଷ୍ଣଵୃତା ଶ୍ରୀକୃଷ୍ଣହୃଦୟାଲୟା ।
ଦେଵଦ୍ରୁମଫଲା ସେଵ୍ୟା ଵୃନ୍ଦାଵନରସାଲୟା ॥ ୧୪୭ ॥
କୋଟିତୀର୍ଥମୟୀ ସତ୍ୟା କୋଟିତୀର୍ଥଫଲପ୍ରଦା ।
କୋଟିୟୋଗସୁଦୁଷ୍ପ୍ରାପ୍ୟା କୋଟିୟଜ୍ଞଦୁରାଶ୍ରୟା ॥ ୧୪୮ ॥
ମନସା ଶଶିଲେଖା ଚ ଶ୍ରୀକୋଟିସୁଭଗାଽନଘା ।
କୋଟିମୁକ୍ତସୁଖା ସୌମ୍ୟା ଲକ୍ଷ୍ମୀକୋଟିଵିଲାସିନୀ ॥ ୧୪୯ ॥
ତିଲୋତ୍ତମା ତ୍ରିକାଲସ୍ଥା ତ୍ରିକାଲଜ୍ଞାପ୍ୟଧୀଶ୍ଵରୀ ।
ତ୍ରିଵେଦଜ୍ଞା ତ୍ରିଲୋକଜ୍ଞା ତୁରୀୟାନ୍ତନିଵାସିନୀ ॥ ୧୫୦ ॥
ଦୁର୍ଗାରାଧ୍ୟା ରମାରାଧ୍ୟା ଵିଶ୍ଵାରାଧ୍ୟା ଚିଦାତ୍ମିକା ।
ଦେଵାରାଧ୍ୟା ପରାରାଧ୍ୟା ବ୍ରହ୍ମାରାଧ୍ୟା ପରାତ୍ମିକା ॥ ୧୫୧ ॥
ଶିଵାରାଧ୍ୟା ପ୍ରେମସାଧ୍ୟା ଭକ୍ତାରାଧ୍ୟା ରସାତ୍ମିକା ।
କୃଷ୍ଣପ୍ରାଣାର୍ପିଣୀ ଭାମା ଶୁଦ୍ଧପ୍ରେମଵିଲାସିନୀ ॥ ୧୫୨ ॥
କୃଷ୍ଣାରାଧ୍ୟା ଭକ୍ତିସାଧ୍ୟା ଭକ୍ତଵୃନ୍ଦନିଷେଵିତା ।
ଵିଶ୍ଵାଧାରା କୃପାଧାରା ଜୀଵଧାରାତିନାୟିକା ॥ ୧୫୩ ॥
ଶୁଦ୍ଧପ୍ରେମମୟୀ ଲଜ୍ଜା ନିତ୍ୟସିଦ୍ଧା ଶିରୋମଣିଃ ।
ଦିଵ୍ୟରୂପା ଦିଵ୍ୟଭୋଗା ଦିଵ୍ୟଵେଷା ମୁଦାନ୍ଵିତା ॥ ୧୫୪ ॥
ଦିଵ୍ୟାଙ୍ଗନାଵୃନ୍ଦସାରା ନିତ୍ୟନୂତନୟୌଵନା ।
ପରବ୍ରହ୍ମାଵୃତା ଧ୍ୟେୟା ମହାରୂପା ମହୋଜ୍ଜ୍ଵଲା ॥ ୧୫୫ ॥
କୋଟିସୂର୍ୟପ୍ରଭା କୋଟିଚନ୍ଦ୍ରବିମ୍ବାଧିକଚ୍ଛଵିଃ ।
କୋମଲାମୃତଵାଗାଦ୍ୟା ଵେଦାଦ୍ୟା ଵେଦଦୁର୍ଲଭା ॥ ୧୫୬ ॥
କୃଷ୍ଣାସକ୍ତା କୃଷ୍ଣଭକ୍ତା ଚନ୍ଦ୍ରାଵଲିନିଷେଵିତା ।
କଲାଷୋଡଶସମ୍ପୂର୍ଣା କୃଷ୍ଣଦେହାର୍ଦ୍ଧଧାରିଣୀ ॥ ୧୫୭ ॥
କୃଷ୍ଣବୁଦ୍ଧିଃ କୃଷ୍ଣସାରା କୃଷ୍ଣରୂପଵିହାରିଣୀ ।
କୃଷ୍ଣକାନ୍ତା କୃଷ୍ଣଧନା କୃଷ୍ଣମୋହନକାରିଣୀ ॥ ୧୫୮ ॥
କୃଷ୍ଣଦୃଷ୍ଟିଃ କୃଷ୍ଣଗୋତ୍ରୀ କୃଷ୍ଣଦେଵୀ କୁଲୋଦ୍ଵହା ।
ସର୍ଵଭୂତସ୍ଥିତାଵାତ୍ମା ସର୍ଵଲୋକନମସ୍କୃତା ॥ ୧୫୯ ॥
କୃଷ୍ଣଦାତ୍ରୀ ପ୍ରେମଧାତ୍ରୀ ସ୍ଵର୍ଣଗାତ୍ରୀ ମନୋରମା ।
ନଗଧାତ୍ରୀ ୟଶୋଦାତ୍ରୀ ମହାଦେଵୀ ଶୁଭଙ୍କରୀ ॥ ୧୬୦ ॥
ଶ୍ରୀଶେଷଦେଵଜନନୀ ଅଵତାରଗଣପ୍ରସୂଃ ।
ଉତ୍ପଲାଙ୍କାରଵିନ୍ଦାଙ୍କା ପ୍ରସାଦାଙ୍କା ଦ୍ଵିତୀୟକା ॥ ୧୬୧ ॥
ରଥାଙ୍କା କୁଞ୍ଜରାଙ୍କା ଚ କୁଣ୍ଡଲାଙ୍କପଦସ୍ଥିତା ।
ଛତ୍ରାଙ୍କା ଵିଦ୍ୟୁଦଙ୍କା ଚ ପୁଷ୍ପମାଲାଙ୍କିତାପି ଚ ॥ ୧୬୨ ॥
ଦଣ୍ଡାଙ୍କା ମୁକୁଟାଙ୍କା ଚ ପୂର୍ଣଚନ୍ଦ୍ରା ଶୁକାଙ୍କିତା ।
କୃଷ୍ଣାନ୍ନାହାରପାକା ଚ ଵୃନ୍ଦାକୁଞ୍ଜଵିହାରିଣୀ ॥ ୧୬୩ ॥
କୃଷ୍ଣପ୍ରବୋଧନକରୀ କୃଷ୍ଣଶେଷାନ୍ନଭୋଜିନୀ ।
ପଦ୍ମକେସରମଧ୍ୟସ୍ଥା ସଙ୍ଗୀତାଗମଵେଦିନୀ ॥ ୧୬୪ ॥
କୋଟିକଲ୍ପାନ୍ତଭ୍ରୂଭଙ୍ଗା ଅପ୍ରାପ୍ତପ୍ରଲୟାଚ୍ୟୁତା ।
ସର୍ଵସତ୍ତ୍ଵନିଧିଃ ପଦ୍ମଶଙ୍ଖାଦିନିଧିସେଵିତା ॥ ୧୬୫ ॥
ଅଣିମାଦିଗୁଣୈଶ୍ଵର୍ୟା ଦେଵଵୃନ୍ଦଵିମୋହିନୀ ।
ସର୍ଵାନନ୍ଦପ୍ରଦା ସର୍ଵା ସୁଵର୍ଣଲତିକାକୃତିଃ ॥ ୧୬୬ ॥
କୃଷ୍ଣାଭିସାରସଙ୍କେତା ମାଲିନୀ ନୃତ୍ୟପଣ୍ଡିତା ।
ଗୋପୀସିନ୍ଧୁସକାଶାହ୍ଵା ଗୋପମଣ୍ଡପଶୋଭିନୀ ॥ ୧୬୭ ॥
ଶ୍ରୀକୃଷ୍ଣପ୍ରୀତିଦା ଭୀତା ପ୍ରତ୍ୟଙ୍ଗପୁଲକାଞ୍ଚିତା ।
ଶ୍ରୀକୃଷ୍ଣାଲିଙ୍ଗନରତା ଗୋଵିନ୍ଦଵିରହାକ୍ଷମା ॥ ୧୬୮ ॥
ଅନନ୍ତଗୁଣସମ୍ପନ୍ନା କୃଷ୍ଣକୀର୍ତନଲାଲସା ।
ବୀଜତ୍ରୟମୟୀ ମୂର୍ତିଃ କୃଷ୍ଣାନୁଗ୍ରହଵାଞ୍ଛିତା ॥ ୧୬୯ ॥
ଵିମଲାଦିନିଷେଵ୍ୟା ଚ ଲଲିତାଦ୍ୟର୍ଚିତା ସତୀ ।
ପଦ୍ମଵୃନ୍ଦସ୍ଥିତା ହୃଷ୍ଟା ତ୍ରିପୁରାପରିସେଵିତା ॥ ୧୭୦ ॥
ଵୃନ୍ତାଵତ୍ୟର୍ଚିତା ଶ୍ରଦ୍ଧା ଦୁର୍ଜ୍ଞେୟା ଭକ୍ତଵଲ୍ଲଭା ।
ଦୁର୍ଲଭା ସାନ୍ଦ୍ରସୌଖ୍ୟାତ୍ମା ଶ୍ରେୟୋହେତୁଃ ସୁଭୋଗଦା ॥ ୧୭୧ ॥
ସାରଙ୍ଗା ଶାରଦା ବୋଧା ସଦ୍ଵୃନ୍ଦାଵନଚାରିଣୀ ।
ବ୍ରହ୍ମାନନ୍ଦା ଚିଦାନନ୍ଦା ଧ୍ୟାନାନନ୍ଦାର୍ଦ୍ଧମାତ୍ରିକା ॥ ୧୭୨ ॥
ଗନ୍ଧର୍ଵା ସୁରତଜ୍ଞା ଚ ଗୋଵିନ୍ଦପ୍ରାଣସଙ୍ଗମା ।
କୃଷ୍ଣାଙ୍ଗଭୂଷଣା ରତ୍ନଭୂଷଣା ସ୍ଵର୍ଣଭୂଷିତା ॥ ୧୭୩ ॥
ଶ୍ରୀକୃଷ୍ଣହୃଦୟାଵାସମୁକ୍ତାକନକନାଲି(orସି)କା ।
ସଦ୍ରତ୍ନକଙ୍କଣୟୁତା ଶ୍ରୀମନ୍ନୀଲଗିରିସ୍ଥିତା ॥ ୧୭୪ ॥
ସ୍ଵର୍ଣନୂପୁରସମ୍ପନ୍ନା ସ୍ଵର୍ଣକିଙ୍କିଣିମଣ୍ଡିତା ।
ଅଶୋଷରାସକୁତୁକା ରମ୍ଭୋରୂସ୍ତନୁମଧ୍ୟମା ॥ ୧୭୫ ॥
ପରାକୃତିଃ ପରାନନ୍ଦା ପରସ୍ଵର୍ଗଵିହାରିଣୀ ।
ପ୍ରସୂନକବରୀ ଚିତ୍ରା ମହାସିନ୍ଦୂରସୁନ୍ଦରୀ ॥ ୧୭୬ ॥
କୈଶୋରଵୟସା ବାଲା ପ୍ରମଦାକୁଲଶେଖରା ।
କୃଷ୍ଣାଧରସୁଧାସ୍ଵାଦା ଶ୍ୟାମପ୍ରେମଵିନୋଦିନୀ ॥ ୧୭୭ ॥
ଶିଖିପିଚ୍ଛଲସଚ୍ଚୂଡା ସ୍ଵର୍ଣଚମ୍ପକଭୂଷିତା ।
କୁଙ୍କୁମାଲକ୍ତକସ୍ତୂରୀମଣ୍ଡିତା ଚାପରାଜିତା ॥ ୧୭୮ ॥
ହେମହାରାନ୍ଵିତା ପୁଷ୍ପାହାରାଢ୍ୟା ରସଵତ୍ୟପି ।
ମାଧୁର୍ୟ୍ୟମଧୁରା ପଦ୍ମା ପଦ୍ମହସ୍ତା ସୁଵିଶ୍ରୁତା ॥ ୧୭୯ ॥
ଭ୍ରୂଭଙ୍ଗାଭଙ୍ଗକୋଦଣ୍ଡକଟାକ୍ଷଶରସନ୍ଧିନୀ ।
ଶେଷଦେଵା ଶିରସ୍ଥା ଚ ନିତ୍ୟସ୍ଥଲଵିହାରିଣୀ ॥ ୧୮୦ ॥
କାରୁଣ୍ୟଜଲମଧ୍ୟସ୍ଥା ନିତ୍ୟମତ୍ତାଧିରୋହିଣୀ ।
ଅଷ୍ଟଭାଷଵତୀ ଚାଷ୍ଟନାୟିକା ଲକ୍ଷଣାନ୍ଵିତା ॥ ୧୮୧ ॥
ସୁନୀତିଜ୍ଞା ଶ୍ରୁତିଜ୍ଞା ଚ ସର୍ଵଜ୍ଞା ଦୁଃଖହାରିଣୀ ।
ରଜୋଗୁଣେଶ୍ଵରୀ ଚୈଵ ଶରଚ୍ଚନ୍ଦ୍ରନିଭାନନା ॥ ୧୮୨ ॥
କେତକୀକୁସୁମାଭାସା ସଦା ସିନ୍ଧୁଵନସ୍ଥିତା ।
ହେମପୁଷ୍ପାଧିକକରା ପଞ୍ଚଶକ୍ତିମୟୀ ହିତା ॥ ୧୮୩ ॥
ସ୍ତନକୁମ୍ଭୀ ନରାଢ୍ୟା ଚ କ୍ଷୀଣାପୁଣ୍ୟା ୟଶସ୍ଵିନୀ ।
ଵୈରାଜସୂୟଜନନୀ ଶ୍ରୀଶା ଭୁଵନମୋହିନୀ ॥ ୧୮୪ ॥
ମହାଶୋଭା ମହାମାୟା ମହାକାନ୍ତିର୍ମହାସ୍ମୃତିଃ ।
ମହାମୋହା ମହାଵିଦ୍ୟା ମହାକୀର୍ତିର୍ମହାରତିଃ ॥ ୧୮୫ ॥
ମହାଧୈର୍ୟା ମହାଵୀର୍ୟା ମହାଶକ୍ତିର୍ମହାଦ୍ୟୁତିଃ ।
ମହାଗୌରୀ ମହାସମ୍ପନ୍ମହାଭୋଗଵିଲାସିନୀ ॥ ୧୮୬ ॥
ସମୟା ଭକ୍ତିଦାଶୋକା ଵାତ୍ସଲ୍ୟରସଦାୟିନୀ ।
ସୁହୃଦ୍ଭକ୍ତିପ୍ରଦା ସ୍ଵଚ୍ଛା ମାଧୁର୍ୟରସଵର୍ଷିଣୀ ॥ ୧୮୭ ॥
ଭାଵଭକ୍ତିପ୍ରଦା ଶୁଦ୍ଧପ୍ରେମଭକ୍ତିଵିଧାୟିନୀ ।
ଗୋପରାମାଭିରାମା ଚ କ୍ରୀଡାରାମା ପରେଶ୍ଵରୀ ॥ ୧୮୮ ॥
ନିତ୍ୟରାମା ଚାତ୍ମରାମା କୃଷ୍ଣରାମା ରମେଶ୍ଵରୀ ।
ଏକାନେକଜଗଦ୍ଵ୍ୟାପ୍ତା ଵିଶ୍ଵଲୀଲାପ୍ରକାଶିନୀ ॥ ୧୮୯ ॥
ସରସ୍ଵତୀଶା ଦୁର୍ଗେଶା ଜଗଦୀଶା ଜଗଦ୍ଵିଧିଃ ।
ଵିଷ୍ଣୁଵଂଶନିଵାସା ଚ ଵିଷ୍ଣୁଵଂଶସମୁଦ୍ଭଵା ॥ ୧୯୦ ॥
ଵିଷ୍ଣୁଵଂଶସ୍ତୁତା କର୍ତ୍ରୀ ଵିଷ୍ଣୁଵଂଶାଵନୀ ସଦା ।
ଆରାମସ୍ଥା ଵନସ୍ଥା ଚ ସୂର୍ୟ୍ୟପୁତ୍ର୍ୟଵଗାହିନୀ ॥ ୧୯୧ ॥
ପ୍ରୀତିସ୍ଥା ନିତ୍ୟୟନ୍ତ୍ରସ୍ଥା ଗୋଲୋକସ୍ଥା ଵିଭୂତିଦା ।
ସ୍ଵାନୁଭୂତିସ୍ଥିତା ଵ୍ୟକ୍ତା ସର୍ଵଲୋକନିଵାସିନୀ ॥ ୧୯୨ ॥
ଅମୃତା ହ୍ୟଦ୍ଭୁତା ଶ୍ରୀମନ୍ନାରାୟଣସମୀଡିତା ।
ଅକ୍ଷରାପି ଚ କୂଟସ୍ଥା ମହାପୁରୁଷସମ୍ଭଵା ॥ ୧୯୩ ॥
ଔଦାର୍ୟଭାଵସାଧ୍ୟା ଚ ସ୍ଥୂଲସୂକ୍ଷ୍ମାତିରୂପିଣୀ ।
ଶିରୀଷପୁଷ୍ପମୃଦୁଲା ଗାଙ୍ଗେୟମୁକୁରପ୍ରଭା ॥ ୧୯୪ ॥
ନୀଲୋତ୍ପଲଜିତାକ୍ଷୀ ଚ ସଦ୍ରତ୍ନକଵରାନ୍ଵିତା ।
ପ୍ରେମପର୍ୟଙ୍କନିଲୟା ତେଜୋମଣ୍ଡଲମଧ୍ୟଗା ॥ ୧୯୫ ॥
କୃଷ୍ଣାଙ୍ଗଗୋପନାଽଭେଦା ଲୀଲାଵରଣନାୟିକା ।
ସୁଧାସିନ୍ଧୁସମୁଲ୍ଲାସାମୃତାସ୍ୟନ୍ଦଵିଧାୟିନୀ ॥ ୧୯୬ ॥
କୃଷ୍ଣଚିତ୍ତା ରାସଚିତ୍ତା ପ୍ରେମଚିତ୍ତା ହରିପ୍ରିୟା ।
ଅଚିନ୍ତନଗୁଣଗ୍ରାମା କୃଷ୍ଣଲୀଲା ମଲାପହା ॥ ୧୯୭ ॥
ରାସସିନ୍ଧୁଶଶାଙ୍କା ଚ ରାସମଣ୍ଡଲମଣ୍ଡିନୀ ।
ନତଵ୍ରତା ସିଂହରୀଚ୍ଛା ସୁମୂର୍ତିଃ ସୁରଵନ୍ଦିତା ॥ ୧୯୮ ॥
ଗୋପୀଚୂଡାମଣିର୍ଗୋପୀ ଗଣେଡ୍ୟା ଵିରଜାଧିକା ।
ଗୋପପ୍ରେଷ୍ଠା ଗୋପକନ୍ୟା ଗୋପନାରୀ ସୁଗୋପିକା ॥ ୧୯୯ ॥
ଗୋପଧାମା ସୁଦାମାମ୍ବା ଗୋପାଲୀ ଗୋପମୋହିନୀ ।
ଗୋପଭୂଷା କୃଷ୍ଣଭୂଷା ଶ୍ରୀଵୃନ୍ଦାଵନଚନ୍ଦ୍ରିକା ॥ ୨୦୦ ॥
ଵୀଣାଦିଘୋଷନିରତା ରାସୋତ୍ସଵଵିକାସିନୀ ।
କୃଷ୍ଣଚେଷ୍ଟା ପରିଜ୍ଞାତା କୋଟିକନ୍ଦର୍ପମୋହିନୀ ॥ ୨୦୧ ॥
ଶ୍ରୀକୃଷ୍ଣଗୁଣନାଗାଢ୍ୟା ଦେଵସୁନ୍ଦରିମୋହିନୀ ।
କୃଷ୍ଣଚନ୍ଦ୍ରମନୋଜ୍ଞା ଚ କୃଷ୍ଣଦେଵସହୋଦରୀ ॥ ୨୦୨ ॥
କୃଷ୍ଣାଭିଲାଷିଣୀ କୃଷ୍ଣପ୍ରେମାନୁଗ୍ରହଵାଞ୍ଛିତା ।
କ୍ଷେମା ଚ ମଧୁରାଲାପା ଭ୍ରୁଵୋମାୟା ସୁଭଦ୍ରିକା ॥ ୨୦୩ ॥
ପ୍ରକୃତିଃ ପରମାନନ୍ଦା ନୀପଦ୍ରୁମତଲସ୍ଥିତା ।
କୃପାକଟାକ୍ଷା ବିମ୍ବୋଷ୍ଠୀ ରମ୍ଭା ଚାରୁନିତମ୍ବିନୀ ॥ ୨୦୪ ॥
ସ୍ମରକେଲିନିଧାନା ଚ ଗଣ୍ଡତାଟଙ୍କମଣ୍ଡିତା ।
ହେମାଦ୍ରିକାନ୍ତିରୁଚିରା ପ୍ରେମାଦ୍ୟା ମଦମନ୍ଥରା ॥ ୨୦୫ ॥
କୃଷ୍ଣଚିନ୍ତା ପ୍ରେମଚିନ୍ତା ରତିଚିନ୍ତା ଚ କୃଷ୍ଣଦା ।
ରାସଚିନ୍ତା ଭାଵଚିନ୍ତା ଶୁଦ୍ଧଚିନ୍ତା ମହାରସା ॥ ୨୦୬ ॥
କୃଷ୍ଣାଦୃଷ୍ଟିତ୍ରୁଟିୟୁଗା ଦୃଷ୍ଟିପକ୍ଷ୍ମିଵିନିନ୍ଦିନୀ ।
କନ୍ଦର୍ପଜନନୀ ମୁଖ୍ୟା ଵୈକୁଣ୍ଠଗତିଦାୟିନୀ ॥ ୨୦୭ ॥
ରାସଭାଵା ପ୍ରିୟାଶ୍ଲିଷ୍ଟା ପ୍ରେଷ୍ଠା ପ୍ରଥମନାୟିକା ।
ଶୁଦ୍ଧା ସୁଧାଦେହିନୀ ଚ ଶ୍ରୀରାମା ରସମଞ୍ଜରୀ ॥ ୨୦୮ ॥
ସୁପ୍ରଭାଵା ଶୁଭାଚାରା ସ୍ଵର୍ଣଦୀ ନର୍ମଦାମ୍ବିକା ।
ଗୋମତୀ ଚନ୍ଦ୍ରଭାଗେଡ୍ୟା ସରୟୂସ୍ତାମ୍ରପର୍ଣିସୂଃ ॥ ୨୦୯ ॥
ନିଷ୍କଲଙ୍କଚରିତ୍ରା ଚ ନିର୍ଗୁଣା ଚ ନିରଞ୍ଜନା ।
ଏତନ୍ନାମସହସ୍ରଂ ତୁ ୟୁଗ୍ମରୂପସ୍ୟ ନାରଦ ॥ ୨୧୦ ॥
ପଠନୀୟଂ ପ୍ରୟତ୍ନେନ ଵୃନ୍ଦାଵନରସାଵହେ ।
ମହାପାପପ୍ରଶମନଂ ଵନ୍ଧ୍ୟାତ୍ଵଵିନିଵର୍ତକମ୍ ॥ ୨୧୧ ॥
ଦାରିଦ୍ର୍ୟଶମନଂ ରୋଗନାଶନଂ କାମଦଂ ମହତ୍ ।
ପାପାପହଂ ଵୈରିହରଂ ରାଧାମାଧଵଭକ୍ତିଦମ୍ ॥ ୨୧୨ ॥
ନମସ୍ତସ୍ମୈ ଭଗଵତେ କୃଷ୍ଣାୟାକୁଣ୍ଠମେଧସେ ।
ରାଧାସଙ୍ଗସୁଧାସିନ୍ଧୌ ନମୋ ନିତ୍ୟଵିହାରିଣେ ॥ ୨୧୩ ॥
ରାଧାଦେଵୀ ଜଗତ୍କର୍ତ୍ରୀ ଜଗତ୍ପାଲନତତ୍ପରା ।
ଜଗଲ୍ଲୟଵିଧାତ୍ରୀ ଚ ସର୍ଵେଶୀ ସର୍ଵସୂତିକା ॥ ୨୧୪ ॥
ତସ୍ୟା ନାମସହସ୍ରଂ ଵୈ ମୟା ପ୍ରୋକ୍ତଂ ମୁନୀଶ୍ଵର ।
ଭୁକ୍ତିମୁକ୍ତିପ୍ରଦଂ ଦିଵ୍ୟଂ କିଂ ଭୂୟଃ ଶ୍ରୋତୁମିଚ୍ଛସି ॥ ୨୧୫ ॥
॥ ଇତି ଶ୍ରୀବୃହନ୍ନାରଦୀୟପୁରାଣେ ପୂର୍ଵଭାଗେ ବୃହଦୁପାଖ୍ୟାନେ
ତୃତୀୟପାଦେ ରାଧାକୃଷ୍ଣସହସ୍ରନାମକଥନଂ ନାମ
ଦ୍ଵ୍ୟଶୀତିତମୋଽଧ୍ୟାୟଃ ॥