॥ Dharmavyadha Geetaa or Vana Parva of Mahabharata Bengali Lyrics ॥
॥ ধর্মব্যাধগীতা ॥
॥ অথ ধর্মব্যাধগীতা ॥
ব্যাধ উবাচ –
বিজ্ঞানার্থং মনুষ্যাণাং মনঃ পূর্ব প্রবর্ততে ।
তৎপ্রাপ্য কামং ভজতে ক্রোধং চ দ্বিজসত্তম ॥ ১ ॥
ততস্তদর্থং যততে কর্ম চারভতে মহৎ ।
ইষ্টানাং রূপগন্ধানামভ্যাসং চ নিষেবতে ॥ ২ ॥
ততো রাগঃ প্রভবতি দ্বেষশ্চ তদনন্তরম্ ।
ততো লোভঃ প্রভবতি মোহশ্চ তদনন্তরম্ ॥ ৩ ॥
ততো লোভাভিভূতস্য রাগদ্বেষহতস্য চ ।
ন ধর্মে জায়তে বুদ্ধির্ব্যাজাদ্ধর্ম করোতি চ ॥ ৪ ॥
ব্যাজেন চরতে ধর্মমর্থং ব্যাজেন রোচতে ।
ব্যাজেন সিদ্ধমানেষু ধনেষু দ্বিজসত্তম ॥ ৫ ॥
তত্রৈব রমতে বুদ্ধিস্ততঃ পাপং চিকীর্ষতি ।
সুৎদৃদ্ভিঃর্বার্যমাণশ্চ পণ্ডিতৈশ্চ দ্বিজোত্তম ॥ ৬ ॥
উত্তরং শ্রুতিসম্বদ্ধং ব্রবীত্যশ্রুতিয়োজিতম্ ।
অধর্মস্ত্রিবিধস্তস্য বর্ততে রাগদোষজঃ ॥ ৭ ॥
পাপং চিন্তয়তে চৈব ববীতি চ করোতি চ ।
তস্যাধর্মপ্রবৃত্তস্য গুণ নশ্যন্তি সাধবঃ ॥ ৮ ॥
একাশীলৈশ্চ মিত্রৎবং ভজন্তে পাপকর্মিণঃ ।
সতেন দুঃখমাপ্নোতি পরত্র চ বিপদ্যতে ॥ ৯ ॥
পাপাত্মা ভবতি হ্যেবং ধর্মলাভং তু মে শ্রুণু ।
যস্ত্বেতান্প্রজ্ঞয়া দোষান্পূর্বমেবানুপশ্যতি ॥ ১০ ॥
কুশলঃ সুখদুঃখেষু সাধূংশ্চাপ্যুপসেবতে ।
তস্য সাধুসমারম্ভাদ্বুদ্ধির্ধর্মেষু রাজতে ॥ ১১ ॥
ইদং বিশ্বং জগৎসর্বমজয়্যং চাপি নিত্যশঃ ।
মহাভূতাত্মকং ব্রহ্ম নাতঃ পরতরং ভবেৎ ॥ ১২ ॥
ব্রাহ্মণ উবাচ –
সত্ত্বস্য রজসশ্চৈব তমসশ্চ যথাতথম্ ।
গুণাংস্তত্ত্বেন মে ব্রূহি যথাবদিহ পৃচ্ছতঃ ॥ ১৩ ॥
ব্যাধ উবাচ –
হন্ত তে কথয়িষ্যামি যন্মাং ৎবং পরিপৃচ্ছসি ।
এষাং গুণান্ পৃথক্ত্বেন নিবোধ গদতো মম ॥ ১৪ ॥
মোহাত্মকং তমস্তেষাং রজ এষাং প্রবর্তকম্ ।
প্রকাশবহুলৎবাচ্চ সত্ত্বং জ্যায় ইহোচ্যতে ॥ ১৫ ॥
অবিদ্যাবহুলো মূঢঃ স্বপ্নশীলো বিচেতনঃ ।
দুর্ত্দৃষীকস্ততোধ্যস্তঃ সক্রোধস্তামসোঽলসঃ ॥ ১৬ ॥
প্রবৃত্তবাক্যো মন্ত্রী চ যো নরাগ্র্যোঽনসূয়কঃ ।
বিধিৎসমানো বিপ্রর্ষে স্তব্ধো মানী স রাজসঃ ॥ ১৭ ॥
প্রকাশবহুলো ধীরো নির্বিধিৎসোঽনসূয়কঃ ।
অক্রোধনো নরো ধীমান্ দান্ত্রশ্চৈব স সাত্ত্বিকঃ ॥ ১৮ ॥
ইতি ধর্মব্যাধগীতা সমাপ্তা ॥
– Chant Stotra in Other Languages –
Dharmavyadha Gita in Sanskrit – English – Bengali – Gujarati – Kannada – Malayalam – Odia – Telugu – Tamil