Uddhava Gita In Bengali

॥ Uddhava Geetaa Bengali Lyrics ॥

॥ উদ্ধবগীতা ॥
শ্রীরাধাকৃষ্ণাভ্যাং নমঃ ।
শ্রীমদ্ভাগবতপুরাণম্ ।
একাদশঃ স্কন্ধঃ । উদ্ধব গীতা ।
অথ প্রথমোঽধ্যায়ঃ ।
শ্রীবাদরায়ণিঃ উবাচ ।
কৃৎবা দৈত্যবধং কৃষ্ণঃ সরমঃ যদুভিঃ বৃতঃ ।
ভুবঃ অবতারবৎ ভারং জবিষ্ঠন্ জনয়ন্ কলিম্ ॥ ১ ॥

যে কোপিতাঃ সুবহু পাণ্ডুসুতাঃ সপত্নৈঃ
দুর্দ্যূতহেলনকচগ্রহণ আদিভিঃ তান্ ।
কৃৎবা নিমিত্তম্ ইতর ইতরতঃ সমেতান্
হৎবা নৃপান্ নিরহরৎ ক্ষিতিভারম্ ঈশঃ ॥ ২ ॥

ভূভাররাজপৃতনা যদুভিঃ নিরস্য
গুপ্তৈঃ স্ববাহুভিঃ অচিন্তয়ৎ অপ্রমেয়ঃ ।
মন্যে অবনেঃ ননু গতঃ অপি অগতং হি ভারম্
যৎ যাদবং কুলম্ অহো হি অবিষহ্যম্ আস্তে ॥ ৩ ॥

ন এব অন্যতঃ পরিভবঃ অস্য ভবেৎ কথঞ্চিৎ
মৎ সংশ্রয়স্য বিভব উন্নহন্ অস্য নিত্যম্ ।
অন্তঃকলিম্ যদুকুলস্য বিধ্হায় বেণুঃ
তম্বস্য বহ্নিম্ ইব শান্তিম্ উপৈমি ধাম ॥ ৪ ॥

এবং ব্যবসিতঃ রাজন্ সত্যসঙ্কল্পঃ ঈশ্বরঃ ।
শাপব্যাজেন বিপ্রাণাং সঞ্জহ্বে স্বকুলং বিভুঃ ॥ ৫ ॥

স্বমূর্ত্যা লোকলাবণ্যনির্মুক্ত্যা লোচনং নৃণাম্ ।
গীর্ভিঃ তাঃ স্মরতাং চিত্তং পদৈঃ তান্ ঈক্ষতাং ক্রিয়া ॥ ৬ ॥

আচ্ছিদ্য কীর্তিং সুশ্লোকাং বিতত্য হি অঞ্জসা নু কৌ ।
তমঃ অনয়া তরিষ্যন্তি ইতি অগাৎ স্বং পদম্ ঈশ্বরঃ ॥ ৭ ॥

রাজা উবাচ ।
ব্রহ্মণ্যানাং বদান্যানাং নিত্যং বৃদ্ধৌপসেবিনাম্ ।
বিপ্রশাপঃ কথম্ অভূৎ বৃষ্ণীনাং কৃষ্ণচেতসাম্
॥ ৮ ॥

যৎ নিমিত্তঃ সঃ বৈ শাপঃ যাদৃশঃ দ্বিজসত্তম ।
কথম্ একাত্মনাং ভেদঃ এতৎ সর্বং বদস্ব মে ॥ ৯ ॥

শ্রীশুকঃ উবাচ ।
বিভ্রৎ বপুঃ সকলসুন্দরসংনিবেশম্
কর্মাচরন্ ভুবি সুমঙ্গলম্ আপ্তকামঃ ।
আস্থায় ধাম রমমাণঃ উদারকীর্তিঃ
সংহর্তুম্ ঐচ্ছত কুলং স্থিতকৃত্যশেষঃ ॥ ১০ ॥

কর্মাণি পুণ্যনিবহানি সুমঙ্গলানি
গায়ৎ জগৎ কলিমলাপহরাণি কৃৎবা ।
কাল আত্মনা নিবসতা যদুদেবগেহে
পিণ্ডারকং সমগমন্ মুনয়ঃ নিসৃষ্টাঃ ॥ ১১ ॥

বিশ্বামিত্রঃ অসিতঃ কণ্বঃ দুর্বাসাঃ ভৃগুঃ অঙ্গিরাঃ ।
কশ্যপঃ বামদেবঃ অত্রিঃ বসিষ্ঠঃ নারদ আদয়ঃ ॥ ১২ ॥

ক্রীডন্তঃ তান্ উপব্রজ্য কুমারাঃ যদুনন্দনাঃ ।
উপসঙ্গৃহ্য পপ্রচ্ছুঃ অবিনীতা বিনীতবৎ ॥ ১৩ ॥

তে বেষয়িৎবা স্ত্রীবেষৈঃ সাম্বং জাম্ববতীসুতম্ ।
এষা পৃচ্ছতি বঃ বিপ্রাঃ অন্তর্বৎ ন্যসিত ঈক্ষণা ॥ ১৪ ॥

প্রষ্টুং বিলজ্জতি সাক্ষাৎ প্রব্রূত অমোঘদর্শনাঃ ।
প্রসোষ্যন্তি পুত্রকামা কিংস্বিৎ সঞ্জনয়িষ্যতি ॥ ১৫ ॥

এবং প্রলব্ধ্বা মুনয়ঃ তান্ ঊচুঃ কুপিতা নৃপ ।
জনয়িষ্যতি বঃ মন্দাঃ মুসলং কুলনাশনম্ ॥ ১৬ ॥

তৎ শৃৎবা তে অতিসন্ত্রস্তাঃ বিমুচ্য সহসোদরম্ ।
সাম্বস্য দদৃশুঃ তস্মিন্ মুসলং খলু অয়স্ময়ম্ ॥ ১৭ ॥

কিং কৃতং মন্দভাগ্যৈঃ কিং বদিষ্যন্তি নঃ জনাঃ ।
ইতি বিহ্বলিতাঃ গেহান্ আদায় মুসলং যয়ুঃ ॥ ১৮ ॥

তৎ চ উপনীয় সদসি পরিম্লানমুখশ্রিয়ঃ ।
রাজ্ঞঃ আবেদয়ান্ চক্রুঃ সর্বয়াদবসংনিধৌ ॥ ১৯ ॥

শ্রুৎবা অমোঘং বিপ্রশাপং দৃষ্ট্বা চ মুসলং নৃপ ।
বিস্মিতাঃ ভয়সন্ত্রস্তাঃ বভূবুঃ দ্বারকৌকসঃ ॥ ২০ ॥

তৎ চূর্ণয়িৎবা মুসলং যদুরাজঃ সঃ আহুকঃ ।
সমুদ্রসলিলে প্রাস্যৎ লোহং চ অস্য অবশেষিতম্ ॥ ২১ ॥

কশ্চিৎ মৎস্যঃ অগ্রসীৎ লোহং চূর্ণানি তরলৈঃ ততঃ ।
উহ্যমানানি বেলায়াং লগ্নানি আসন্ কিল ঐরিকাঃ ॥ ২২ ॥

মৎস্যঃ গৃহীতঃ মৎস্যঘ্নৈঃ জালেন অন্যৈঃ সহ অর্ণবে ।
তস্য উদরগতং লোহং সঃ শল্যে লুব্ধকঃ অকরোৎ ॥ ২৩ ॥

ভগবান্ জ্ঞাতসর্বার্থঃ ঈশ্বরঃ অপি তদন্যথা ।
কর্তুং ন ঐচ্ছৎ বিপ্রশাপং কালরূপী অন্বমোদত ॥ ২৪ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে বিপ্রশাপো নাম প্রথমোঽধ্যায়ঃ
॥ ১ ॥

অথ দ্বিতীয়োঽধ্যায়ঃ ।
শ্রীশুকঃ উবাচ ।
গোবিন্দভুজগুপ্তায়াং দ্বারবত্যাং কুরূদ্বহ ।
অবাৎসীৎ নারদঃ অভীক্ষ্ণং কৃষ্ণৌপাসনলালসঃ ॥ ১ ॥

কো নু রাজন্ ইন্দ্রিয়বান্ মুকুন্দচরণাম্বুজম্ ।
ন ভজেৎ সর্বতঃ মৃত্যুঃ উপাস্যম্ অমরৌত্তমৈঃ ॥ ২ ॥

তম্ একদা দেবর্ষিং বসুদেবঃ গৃহ আগতম্ ।
অর্চিতং সুখম্ আসীনম্ অভিবাদ্য ইদম্ অব্রবীৎ ॥ ৩ ॥

বসুদেবঃ উবাচ ।
ভগবন্ ভবতঃ যাত্রা স্বস্তয়ে সর্বদেহিনাম্ ।
কৃপণানাং যথা পিত্রোঃ উত্তমশ্লোকবর্ত্মনাম্ ॥ ৪ ॥

ভূতানাং দেবচরিতং দুঃখায় চ সুখায় চ ।
সুখায় এব হি সাধূনাং ৎবাদৃশাম্ অচ্যুত আত্মনাম্ ॥

৫ ॥

ভজন্তি যে যথা দেবান্ দেবাঃ অপি তথা এব তান্ ।
ছায়া ইব কর্মসচিবাঃ সাধবঃ দীনবৎসলাঃ ॥ ৬ ॥

ব্রহ্মন্ তথা অপি পৃচ্ছামঃ ধর্মান্ ভাগবতান্ তব ।
যান্ শ্রুৎবা শ্রদ্ধয়া মর্ত্যঃ মুচ্যতে সর্বতঃ ভয়াৎ ॥ ৭ ॥

অহং কিল পুরা অনন্তং প্রজার্থঃ ভুবি মুক্তিদম্ ।
অপূজয়ং ন মোক্ষায় মোহিতঃ দেবমায়যা ॥ ৮ ॥

যয়া বিচিত্রব্যসনাৎ ভবদ্ভিঃ বিশ্বতঃ ভয়াৎ ।
মুচ্যেম হি অঞ্জসা এব অদ্ধা তথা নঃ শাধি সুব্রত ॥ ৯ ॥

শ্রীশুকঃ উবাচ ।
রাজন্ এবং কৃতপ্রশ্নঃ বসুদেবেন ধীমতা ।
প্রীতঃ তম্ আহ দেবর্ষিঃ হরেঃ সংস্মারিতঃ গুণৈঃ ॥ ১০ ॥

নারদঃ উবাচ ।
সম্যক্ এতৎ ব্যবসিতং ভবতা সাৎবতর্ষভ ।
যৎ পৃচ্ছসে ভাগবতান্ ধর্মান্ ৎবং বিশ্বভাবনান্ ॥

১১ ॥

শ্রুতঃ অনুপঠিতঃ ধ্যাতঃ আদৃতঃ বা অনুমোদিতঃ ।
সদ্যঃ পুনাতি সদ্ধর্মঃ দেববিশ্বদ্রুহঃ অপি ॥ ১২ ॥

ৎবয়া পরমকল্যাণঃ পুণ্যশ্রবণকীর্তনঃ ।
স্মারিতঃ ভগবান্ অদ্য দেবঃ নারায়ণঃ মম ॥ ১৩ ॥

অত্র অপি উদাহরন্তি ইমম্ ইতিহাসং পুরাতনম্ ।
আর্ষভাণাং চ সংবাদং বিদেহস্য মহাত্মনঃ ॥ ১৪ ॥

প্রিয়ব্রতঃ নাম সুতঃ মনোঃ স্বায়ম্ভুবস্য যঃ ।
তস্য অগ্নীধ্রঃ ততঃ নাভিঃ ঋষভঃ তৎ সুতঃ স্মৃতঃ ॥ ১৫ ॥

তম্ আহুঃ বাসুদেবাংশং মোক্ষধর্মবিবক্ষয়া ।
অবতীর্ণং সুতশতং তস্য আসীৎ বেদপারগম্ ॥ ১৬ ॥

তেষাং বৈ ভরতঃ জ্যেষ্ঠঃ নারায়ণপরায়ণঃ ।
বিখ্যাতং বর্ষম্ এতৎ যৎ নাম্না ভারতম্ অদ্ভুতম্ ॥ ১৭ ॥

সঃ ভুক্তভোগাং ত্যক্ত্বা ইমাং নির্গতঃ তপসা হরিম্ ।
উপাসীনঃ তৎ পদবীং লেভে বৈ জন্মভিঃ ত্রিভিঃ ॥ ১৮ ॥

তেষাং নব নবদ্বীপপতয়ঃ অস্য সমন্ততঃ ।
কর্মতন্ত্রপ্রণেতারঃ একাশীতিঃ দ্বিজাতয়ঃ ॥ ১৯ ॥

নব অভবন্ মহাভাগাঃ মুনয়ঃ হি অর্থশংসিনঃ ।
শ্রমণাঃ বাতঃ অশনাঃ আত্মবিদ্যাবিশারদাঃ ॥ ২০ ॥

কবিঃ হরিঃ অন্তরিক্ষঃ প্রবুদ্ধঃ পিপ্পলায়নঃ ।
আবির্হোত্রঃ অথ দ্রুমিলঃ চমসঃ করভাজনঃ ॥ ২১ ॥

এতে বৈ ভগবদ্রূপং বিশ্বং সদসদ্ আত্মকম্ ।
আত্মনঃ অব্যতিরেকেণ পশ্যন্তঃ ব্যচরৎ মহীম্ ॥ ২২ ॥

অব্যাহত ইষ্টগতয়াঃ সুরসিদ্ধসিদ্ধসাধ্য
গন্ধর্বয়ক্ষনরকিন্নরনাগলোকান্ ।
মুক্তাঃ চরন্তি মুনিচারণভূতনাথ
বিদ্যাধরদ্বিজগবাং ভুবনানি কামম্ ॥ ২৩ ॥

তঃ একদা নিমেঃ সত্রম্ উপজগ্মুঃ যৎ ঋচ্ছয়া ।
বিতায়মানম্ ঋষিভিঃ অজনাভে মহাত্মনঃ ॥ ২৪ ॥

তান্ দৃষ্ট্বা সূর্যসঙ্কাশান্ মহাভগবতান্ নৃপঃ ।
যজমানঃ অগ্নয়ঃ বিপ্রাঃ সর্বঃ এব উপতস্থিরে ॥ ২৫ ॥

বিদেহঃ তান্ অভিপ্রেত্য নারায়ণপরায়ণান্ ।
প্রীতঃ সম্পূজয়ান্ চক্রে আসনস্থান্ যথা অর্হতঃ ॥ ২৬ ॥

তান্ রোচমানান্ স্বরুচা ব্রহ্মপুত্রৌপমান্ নব ।
পপ্রচ্ছ পরমপ্রীতঃ প্রশ্রয় অবনতঃ নৃপঃ ॥ ২৭ ॥

বিদেহঃ উবাচ ।
মন্যে ভগবতঃ সাক্ষাৎ পার্ষদান্ বঃ মধুদ্বিষঃ ।
বিষ্ণোঃ ভূতানি লোকানাং পাবনায় চরন্তি হি ॥ ২৮ ॥

দুর্লভঃ মানুষঃ দেহঃ দেহিনাং ক্ষণভঙ্গুরঃ ।
তত্র অপি দুর্লভং মন্যে বৈকুণ্ঠপ্রিয়দর্শনম্ ॥ ২৯ ॥

অতঃ আত্যন্তিকং কহেমং পৃচ্ছামঃ ভবতঃ অনঘাঃ ।
সংসারে অস্মিন্ ক্ষণার্ধঃ অপি সৎসঙ্গঃ শেবধিঃ নৃণাম্ ॥

৩০ ॥

ধর্মান্ ভাগবতান্ ব্রূত যদি নঃ শ্রুতয়ে ক্ষমম্ ।
যৈঃ প্রসন্নঃ প্রপন্নায় দাস্যতি আত্মানম্ অপি অজঃ ॥ ৩১ ॥

শ্রীনারদঃ উবাচ ।
এবং তে নিমিনা পৃষ্টা বসুদেব মহত্তমাঃ ।
প্রতিপূজ্য অব্রুবন্ প্রীত্যা সসদসি ঋৎবিজং নৃপম্ ॥ ৩২ ॥

কবিঃ উবাচ ।
মন্যে অকুতশ্চিৎ ভয়ম্ অচ্যুতস্য
পাদাম্বুজৌপাসনম্ অত্র নিত্যম্ ।
উদ্বিগ্নবুদ্ধেঃ অসৎ আত্মভাবাৎ
বিশ্বআত্মনা যত্র নিবর্ততে ভীঃ ॥ ৩৩ ॥

যে বৈ ভগবতা প্রোক্তাঃ উপায়াঃ হি আত্মলব্ধয়ে ।
অঞ্জঃ পুংসাম্ অবিদুষাং বিদ্ধি ভাগবতান্ হি তান্ ॥ ৩৪ ॥

যান্ আস্থায় নরঃ রাজন্ ন প্রমাদ্যেত কর্হিচিৎ ।
ধাবন্ নিমীল্য বা নেত্রে ন স্খলেন পতেৎ ইহ ॥ ৩৫ ॥

কায়েন বাচা মনসা ইন্দ্রিয়ৈঃ বা
বুদ্ধ্যা আত্মনা বা অনুসৃতস্বভাবাৎ ।
করোতি যৎ যৎ সকলং পরস্মৈ
নারায়ণায় ইতি সমর্পয়েৎ তৎ ॥ ৩৬ ॥

ভয়ং দ্বিতীয়াভিনিবেশতঃ স্যাৎ
ঈশাৎ অপেতস্য বিপর্যযঃ অস্মৃতিঃ ।
তৎ মায়যা অতঃ বুধঃ আভজেৎ তং
ভক্ত্যা এক ঈশং গুরুদেবতাত্মা ॥ ৩৭।
অবিদ্যমানঃ অপি অবভাতি হি দ্বয়োঃ
ধ্যাতুঃ ধিয়া স্বপ্নমনোরথৌ যথা ।
তৎ কর্মসঙ্কল্পবিকল্পকং মনঃ
বুধঃ নিরুন্ধ্যাৎ অভয়ং ততঃ স্যাৎ ॥ ৩৮ ॥

শ্রুণ্বন্ সুভদ্রাণি রথাঙ্গপাণেঃ
জন্মানি কর্মাণি চ যানি লোকে ।
গীতানি নামানি তৎ অর্থকানি
গায়ন্ বিলজ্জঃ বিচরেৎ অসঙ্গঃ ॥ ৩৯ ॥

এবং ব্রতঃ স্বপ্রিয়নামকীর্ত্যা
জাতানুরাগঃ দ্রুতচিত্তঃ উচ্চৈঃ ।
হসতি অথঃ রোদিতি রৌতি গায়তি
উন্মাদবৎ নৃত্যতি লোকবাহ্যঃ ॥ ৪০ ॥

খং বায়ুম্ অগ্নিং সলিলং মহীং চ
জ্যোতীংষি সত্ত্বানি দিশঃ দ্রুমআদীন্ ।
সরিৎ সমুদ্রান্ চ হরেঃ শরীরং
যৎকিঞ্চ ভূতং প্রণমেৎ অনন্যঃ ॥ ৪১ ॥

ভক্তিঃ পরেশ অনুভবঃ বিরক্তিঃ
অন্যত্র এষ ত্রিকঃ এককালঃ ।
প্রপদ্যমানস্য যথা অশ্নতঃ স্যুঃ
তুষ্টিঃ পুষ্টিঃ ক্ষুৎ অপায়ঃ অনুঘাসম্ ॥ ৪২ ॥

ইতি অচ্যুত অঙ্ঘ্রিং ভজতঃ অনুবৃত্ত্যা
ভক্তিঃ বিরক্তিঃ ভগবৎ প্রবোধঃ ।
ভবন্তি বৈ ভাগবতস্য রাজন্
ততঃ পরাং শান্তিম্ উপৈতি সাক্ষাৎ ॥ ৪৩ ॥

রাজা উবাচ ।
অথ ভাগবতং ব্রূত যৎ ধর্মঃ যাদৃশঃ নৃণাম্ ।
যথা চরতি যৎ ব্রূতে যৈঃ লিঙ্গৈঃ ভগবৎ প্রিয়ঃ ॥ ৪৪ ॥

হরিঃ উবাচ ।
সর্বভূতেষু যঃ পশ্যেৎ ভগবৎ ভাব আত্মনঃ ।
ভূতানি ভাগবতি আত্মনি এষ ভাগবতৌত্তমঃ ॥ ৪৫ ॥

ঈশ্বরে তৎ অধীনেষু বালিশেষু দ্বিষৎসু চ ।
প্রেমমৈত্রীকৃপাউপেক্ষা যঃ করোতি স মধ্যমঃ ॥ ৪৬ ॥

অর্চায়াম্ এব হরয়ে পূজাং যঃ শ্রদ্ধয়া ঈহতে ।
ন তৎ ভক্তেষু চ অন্যেষু সঃ ভক্তঃ প্রাকৃতঃ স্মৃতঃ ॥

৪৭ ॥

গৃহীৎবা অপি ইন্দ্রিয়ৈঃ অর্থান্যঃ ন দ্বেষ্টি ন হৃষ্যতি ।
বিষ্ণোঃ মায়াম্ ইদং পশ্যন্ সঃ বৈ ভাগবত উত্তমঃ ॥ ৪৮ ॥

দেহৈন্দ্রিয়প্রাণমনঃধিয়াং যঃ
জন্মাপিঅয়ক্ষুৎ ভয়তর্ষকৃচ্ছ্রৈঃ ।
সংসারধর্মৈঃ অবিমুহ্যমানঃ
স্মৃত্যা হরেঃ ভাগবতপ্রধানঃ ॥ ৪৯ ॥

ন কামকর্মবীজানাং যস্য চেতসি সম্ভবঃ ।
বাসুদেবএকনিলয়ঃ সঃ বৈ ভাগবত উত্তমঃ ॥ ৫০ ॥

ন যস্য জন্মকর্মভ্যাং ন বর্ণাশ্রমজাতিভিঃ ।
সজ্জতে অস্মিন্ অহম্ভাবঃ দেহে বৈ সঃ হরেঃ প্রিয়ঃ ॥ ৫১ ॥

ন যস্য স্বঃ পরঃ ইতি বিত্তেষু আত্মনি বা ভিদা ।
সর্বভূতসমঃ শান্তঃ সঃ বৌ ভাগবত উত্তমঃ ॥ ৫২ ॥

ত্রিভুবনবিভবহেতবে অপি অকুণ্ঠস্মৃতিঃ
অজিতআত্মসুরআদিভিঃ বিমৃগ্যাৎ ।
ন চলতি ভগবৎ পদ অরবিন্দাৎ
লবনিমিষ অর্ধম্ অপি যঃ সঃ বৈষ্ণব অগ্র্যঃ ॥ ৫৩ ॥

ভগবতঃ উরুবিক্রম অঙ্ঘ্রিশাখা
নখমণিচন্দ্রিকয়া নিরস্ততাপে ।
হৃদি কথম্ উপসীদতাং পুনঃ সঃ
প্রভবতি চন্দ্রঃ ইব উদিতে অর্কতাপঃ ॥ ৫৪ ॥

বিসৃজতি হৃদয়ং ন যস্য সাক্ষাৎ
হরিঃ অবশ অভিহিতঃ অপি অঘৌঘনাশঃ ।
প্রণয়ঃ অশনয়া ধৃত অঙ্ঘ্রিপদ্মঃ
সঃ ভবতি ভাগবতপ্রধানঃ উক্তঃ ॥ ৫৫ ॥

ইতি শ্রীমৎ ভাগবতে মহাপুরাণে পারমহংস্যাং
সংহিতায়াং একাদশস্কন্ধে নিমিজায়ন্তসংবাদে দ্বিতীয়ঃ
অধ্যায়ঃ ॥ ২ ॥

অথ তৃতীয়োঽধ্যায়ঃ ।
পরস্য বিষ্ণোঃ ঈশস্য মায়িনাম অপি মোহিনীম্ ।
মায়াং বেদিতুম্ ইচ্ছামঃ ভগবন্তঃ ব্রুবন্তু নঃ ॥ ১ ॥

ন অনুতৃপ্যে জুষন্ যুষ্মৎ বচঃ হরিকথা অমৃতম্ ।
সংসারতাপনিঃতপ্তঃ মর্ত্যঃ তৎ তাপ ভেষজম্ ॥ ২ ॥

অন্তরিক্ষঃ উবাচ ।
এভিঃ ভূতানি ভূতাত্মা মহাভূতৈঃ মহাভুজ ।
সসর্জোৎ চ অবচানি আদ্যঃ স্বমাত্রপ্রসিদ্ধয়ে ॥ ৩ ॥

এবং সৃষ্টানি ভূতানি প্রবিষ্টঃ পঞ্চধাতুভিঃ ।
একধা দশধা আত্মানং বিভজন্ জুষতে গুণান্ ॥ ৪ ॥

গুণৈঃ গুণান্ সঃ ভুঞ্জানঃ আত্মপ্রদ্যোদিতৈঃ প্রভুঃ ।
মন্যমানঃ ইদং সৃষ্টম্ আত্মানম্ ইহ সজ্জতে ॥ ৫ ॥

কর্মাণি কর্মভিঃ কুর্বন্ সনিমিত্তানি দেহভৃৎ ।
তৎ তৎ কর্মফলং গৃহ্ণন্ ভ্রমতি ইহ সুখৈতরম্ ॥ ৬ ॥

ইত্থং কর্মগতীঃ গচ্ছন্ বহ্বভদ্রবহাঃ পুমান্ ।
আভূতসম্প্লবাৎ সর্গপ্রলয়ৌ অশ্নুতে অবশঃ ॥ ৭ ॥

ধাতু উপপ্লবঃ আসন্নে ব্যক্তং দ্রব্যগুণাত্মকম্ ।
অনাদিনিধনঃ কালঃ হি অব্যক্তায় অপকর্ষতি ॥ ৮ ॥

শতবর্ষাঃ হি অনাবৃষ্টিঃ ভবিষ্যতি উল্বণা ভুবি ।
তৎ কাল উপচিত উষ্ণ অর্কঃ লোকান্ ত্রীন্ প্রতপিষ্যতি
॥৯ ॥

পাতালতলম্ আরভ্য সঙ্কর্ষণমুখ অনলঃ ।
দহন্ ঊর্ধ্বশিখঃ বিষ্বক্ বর্ধতে বায়ুনা ঈরিতঃ ॥ ১০ ॥

সাংবর্তকঃ মেঘগণঃ বর্ষতি স্ম শতং সমাঃ ।
ধারাভিঃ হস্তিহস্তাভিঃ লীয়তে সলিলে বিরাট্ ॥ ১১ ॥

ততঃ বিরাজম্ উৎসৃজ্য বৈরাজঃ পুরুষঃ নৃপ ।
অব্যক্তং বিশতে সূক্ষ্মং নিরিন্ধনঃ ইব অনলঃ ॥ ১২ ॥

বায়ুনা হৃতগন্ধা ভূঃ সলিলৎবায় কল্পতে ।
সলিলং তৎ ধৃতরসং জ্যোতিষ্ট্বায় উপকল্পতে ॥ ১৩ ॥

হৃতরূপং তু তমসা বায়ৌ জ্যোতিঃ প্রলীয়তে ।
হৃতস্পর্শঃ অবকাশেন বায়ুঃ নভসি লীয়তে ।
কালাত্মনা হৃতগুণং নবঃ আত্মনি লীয়তে ॥ ১৪ ॥

ইন্দ্রিয়াণি মনঃ বুদ্ধিঃ সহ বৈকারিকৈঃ নৃপ ।
প্রবিশন্তি হি অহঙ্কারং স্বগুণৈঃ অহম্ আত্মনি ॥ ১৫ ॥

এষা মায়া ভগবতঃ সর্গস্থিতি অন্তকারিণী ।
ত্রিবর্ণা বর্ণিতা অস্মাভিঃ কিং ভূয়ঃ শ্রোতুম্ ইচ্ছসি ॥ ১৬ ॥

রাজা উবাচ ।
যথা এতাম্ ঐশ্বরীং মায়াং দুস্তরাম্ অকৃতাত্মভিঃ ।
তরন্তি অঞ্জঃ স্থূলধিয়ঃ মহর্ষঃ ইদম্ উচ্যতাম্ ॥ ১৭ ॥

প্রবুদ্ধঃ উবাচ ।
কর্মাণি আরভমাণানাং দুঃখহত্যৈ সুখায় চ ।
পশ্যেৎ পাকবিপর্যাসং মিথুনীচারিণাং নৃণাম্ ॥ ১৮ ॥

নিত্যার্তিদেন বিত্তেন দুর্লভেন আত্মমৃত্যুনা ।
গৃহ অপত্যআপ্তপশুভিঃ কা প্রীতিঃ সাধিতৈঃ চলৈঃ ॥

১৯ ॥

এবং লোকং পরং বিদ্যাৎ নশ্বরং কর্মনির্মিতম্ ।
সতুল্য অতিশয় ধ্বংসং যথা মণ্ডলবর্তিনাম্ ॥ ২০ ॥

তস্মাৎ গুরুং প্রপদ্যেত জিজ্ঞাসুঃ শ্রেয়ঃ উত্তমম্ ।
শাব্দে পরে চ নিষ্ণাতং ব্রহ্মণি উপশমআশ্রয়ম্ ॥ ২১ ॥

তত্র ভাগবতান্ ধর্মান্ শিক্ষেৎ গুরুআত্মদৈবতঃ ।
অমায়যা অনুবৃত্যা যৈঃ তুষ্যেৎ আত্মা আত্মদঃ হরিঃ ॥ ২২ ॥

সর্বতঃ মনসঃ অসঙ্গম্ আদৌ সঙ্গং চ সাধুষু ।
দয়াং মৈত্রীং প্রশ্রয়ং চ ভূতেষু অদ্ধা যথা উচিতম্
॥ ২৩ ॥

শৌচং তপঃ তিতিক্ষাং চ মৌনং স্বাধ্যায়ম্ আর্জবম্ ।
ব্রহ্মচর্যং অহিংসাং চ সমৎবং দ্বন্দ্বসঞ্জ্ঞয়োঃ ॥ ২৪ ॥

সর্বত্র আত্মেশ্বর অন্বীক্ষাং কৈবল্যম্ অনিকেততাম্ ।
বিবিক্তচীরবসনং সন্তোষং যেন কেনচিৎ ॥ ২৫ ॥

শ্রদ্ধাং ভাগবতে শাস্ত্রে অনিন্দাম্ অন্যত্র চ অপি হি ।
মনোবাক্ কর্মদণ্ডং চ সত্যং শমদমৌ অপি ॥ ২৬ ॥

শ্রবণং কীর্তনং ধ্যানং হরেঃ অদ্ভুতকর্মণঃ ।
জন্মকর্মগুণানাং চ তদর্থে অখিলচেষ্টিতম্ ॥ ২৭ ॥

ইষ্টং দত্তং তপঃ জপ্তং বৃত্তং যৎ চ আত্মনঃ প্রিয়ম্ ।
দারান্ সুতান্ গৃহান্ প্রাণান্ যৎ পরস্মৈ নিবেদনম্ ॥ ২৮ ॥

এবং কৃষ্ণআত্মনাথেষু মনুষ্যেষু চ সৌহৃদম্ ।
পরিচর্যাং চ উভয়ত্র মহৎসু নৃষু সাধুষু ॥ ২৯ ॥

পরস্পর অনুকথনং পাবনং ভগবৎ যশঃ ।
মিথঃ রতিঃ মিথঃ তুষ্টিঃ নিবৃত্তিঃ মিথঃ আত্মনঃ ॥ ৩০ ॥

স্মরন্তঃ স্মারয়ন্তঃ চ মিথঃ অঘৌঘহরং হরিম্ ।
ভক্ত্যা সঞ্জাতয়া ভক্ত্যা বিভ্রতি উৎপুলকাং তনুম্ ॥ ৩১ ॥

ক্বচিৎ রুদন্তি অচ্যুতচিন্তয়া ক্বচিৎ
হসন্তি নন্দন্তি বদন্তি অলৌকিকাঃ ।
নৃত্যন্তি গায়ন্তি অনুশীলয়ন্তি
অজং ভবন্তি তূষ্ণীং পরম্ এত্য নির্বৃতাঃ ॥ ৩২ ॥

ইতি ভাগবতান্ ধর্মান্ শিক্ষন্ ভক্ত্যা তদুত্থয়া ।
নারায়ণপরঃ মায়ম্ অঞ্জঃ তরতি দুস্তরাম্ ॥ ৩৩ ॥

রাজা উবাচ ।
নারায়ণ অভিধানস্য ব্রহ্মণঃ পরমাত্মনঃ ।
নিষ্ঠাম্ অর্হথ নঃ বক্তুং যূয়ং হি ব্রহ্মবিত্তমাঃ ॥ ৩৪ ॥

পিপ্পলায়নঃ উবাচ ।
স্থিতি উদ্ভবপ্রলয়হেতুঃ অহেতুঃ অস্য
যৎ স্বপ্নজাগরসুষুপ্তিষু সৎ বহিঃ চ ।
দেহ ইন্দ্রিয়াসুহৃদয়ানি চরন্তি যেন
সঞ্জীবিতানি তৎ অবেহি পরং নরেন্দ্র ॥ ৩৫ ॥

ন এতৎ মনঃ বিশতি বাগুত চক্ষুঃ আত্মা
প্রাণেন্দ্রিয়াণি চ যথা অনলম্ অর্চিষঃ স্বাঃ ।
শব্দঃ অপি বোধকনিষেধতয়া আত্মমূলম্
অর্থ উক্তম্ আহ যদৃতে ন নিষেধসিদ্ধিঃ ॥ ৩৬ ॥

সৎবম্ রজঃ তমঃ ইতি ত্রিবৃদেকম্ আদৌ
সূত্রং মহান্ অহম্ ইতি প্রবদন্তি জীবম্ ।
জ্ঞানক্রিয়া অর্থফলরূপতয়োঃ উশক্তি
ব্রহ্ম এব ভাতি সৎ অসৎ চ তয়োঃ পরং যৎ ॥ ৩৭ ॥

ন আত্মা জজান ন মরিষ্যতি ন এধতে অসৌ
ন ক্ষীয়তে সবনবিৎ ব্যভিচারিণাং হি ।
সর্বত্র শস্বদনপায়ি উপলব্ধিমাত্রং
প্রাণঃ যথা ইন্দ্রিয়বলেন বিকল্পিতং সৎ ॥ ৩৮ ॥

অণ্ডেষু পেশিষু তরুষু অবিনিশ্চিতেষু
প্রাণঃ হি জীবম্ উপধাবতি তত্র তত্র ।
সন্নে যৎ ইন্দ্রিয়গণে অহমি চ প্রসুপ্তে
কূটস্থঃ আশয়মৃতে তৎ অনুস্মৃতিঃ নঃ ॥ ৩৯ ॥

যঃ হি অব্জ নাভ চরণ এষণয়োঃ উভক্ত্যা
চেতোমলানি বিধমেৎ গুণকর্মজানি ।
তস্মিন্ বিশুদ্ধঃ উপলভ্যতঃ আত্মতত্ত্বম্
সাক্ষাৎ যথা অমলদৃশঃ সবিতৃপ্রকাশঃ ॥ ৪০ ॥

কর্ময়োগং বদত নঃ পুরুষঃ যেন সংস্কৃতঃ ।
বিধূয় ইহ আশু কর্মাণি নৈষ্কর্ম্যং বিন্দতে পরম্ ॥ ৪১ ॥

এবং প্রশ্নম্ ঋষিন্ পূর্বম্ অপৃচ্ছং পিতুঃ অন্তিকে ।
ন অব্রুবন্ ব্রহ্মণঃ পুত্রাঃ তত্র কারণম্ উচ্যতাম্ ॥ ৪২ ॥

আবির্হোত্রঃ উবাচ ।
কর্ম অকর্মবিকর্ম ইতি বেদবাদঃ ন লৌকিকঃ ।
বেদস্য চ ঈশ্বরআত্মৎবাৎ তত্র মুহ্যন্তি সূরয়ঃ ॥ ৪৩ ॥

পরোক্ষবাদঃ বেদঃ অয়ং বালানাম্ অনুশাসনম্ ।
কর্মমোক্ষায় কর্মাণি বিধত্তে হি অগদং যথা ॥ ৪৪ ॥

ন আচরেৎ যঃ তু বেদ উক্তং স্বয়ম্ অজ্ঞঃ অজিতেন্দ্রিয়ঃ ।
বিকর্মণা হি অধর্মেণ মৃত্যোঃ মৃত্যুম্ উপৈতি সঃ ॥ ৪৫ ॥

বেদ উক্তম্ এব কুর্বাণঃ নিঃসঙ্গঃ অর্পিতম্ ঈশ্বরে ।
নৈষ্কর্ম্যাং লভতে সিদ্ধিং রোচনার্থা ফলশ্রুতিঃ ॥ ৪৬ ॥

যঃ আশু হৃদয়গ্রন্থিং নির্জিহীষুঃ পরাত্মনঃ ।
বিধিনা উপচরেৎ দেবং তন্ত্র উক্তেন চ কেশবম্ ॥ ৪৭ ॥

লব্ধ অনুগ্রহঃ আচার্যাৎ তেন সন্দর্শিতআগমঃ ।
মহাপুরুষম্ অভ্যর্চেৎ মূর্ত্যা অভিমতয়া আত্মনঃ ॥ ৪৮ ॥

শুচিঃ সংমুখম্ আসীনঃ প্রাণসংয়মনআদিভিঃ ।
পিণ্ডং বিশোধ্য সংন্যাসকৃতরক্ষঃ অর্চয়েৎ হরিম্ ॥ ৪৯ ॥

অর্চআদৌ হৃদয়ে চ অপি যথালব্ধ উপচারকৈঃ ।
দ্রব্যক্ষিতিআত্মলিঙ্গানি নিষ্পাদ্য প্রোক্ষ্য চ আসনম্
॥ ৫০ ॥

পাদ্যআদীন্ উপকল্প্যা অথ সংনিধাপ্য সমাহিতঃ ।
হৃৎ আদিভিঃ কৃতন্যাসঃ মূলমন্ত্রেণ চ অর্চয়েৎ ॥ ৫১ ॥

সাঙ্গোপাঙ্গাং সপার্ষদাং তাং তাং মূর্তিং স্বমন্ত্রতঃ ।
পাদ্য অর্ঘ্যআচমনীয়আদ্যৈঃ স্নানবাসঃবিভূষণৈঃ
॥ ৫২ ॥

গন্ধমাল্যাক্ষতস্রগ্ভিঃ ধূপদীপহারকৈঃ ।
সাঙ্গং সম্পূজ্য বিধিবৎ স্তবৈঃ স্তুৎবা নমেৎ হরিম্ ॥ ৫৩ ॥

আত্মাং তন্ময়ং ধ্যায়ন্ মূর্তিং সম্পূজয়েৎ হরেঃ ।
শেষাম্ আধায় শিরসি স্বধাম্নি উদ্বাস্য সৎকৃতম্ ॥ ৫৪ ॥

এবম্ অগ্নি অর্কতোয়আদৌ অতিথৌ হৃদয়ে চ যঃ ।
যজতি ঈশ্বরম্ আত্মানম্ অচিরাৎ মুচ্যতে হি সঃ ॥ ৫৫ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে নিমিজায়ন্তসংবাদে
মায়াকর্মব্রহ্মনিরূপণং তৃতীয়োঽধ্যায়ঃ ॥ ৩ ॥

অথ চতুর্থোঽধ্যায়ঃ ।
রাজা উবাচ ।
যানি যানি ইহ কর্মাণি যৈঃ যৈঃ স্বচ্ছন্দজন্মভিঃ ।
চক্রে করোতি কর্তা বা হরিঃ তানি ব্রুবন্তু নঃ ॥ ১ ॥

দ্রুমিলঃ উবাচ ।
যঃ বা অনন্তস্য গুণান্ অনন্তান্
অনুক্রমিষ্যন্ সঃ তু বালবুদ্ধিঃ ।
রজাংসি ভূমেঃ গণয়েৎ কথঞ্চিৎ
কালেন ন এব অখিলশক্তিধাম্নঃ ॥ ২ ॥

ভূতৈঃ যদা পঞ্চভিঃ আত্মসৃষ্টৈঃ
পুরং বিরাজং বিরচয়্য তস্মিন্ ।
স্বাংশেন বিষ্টঃ পুরুষাভিধান
মবাপ নারায়ণঃ আদিদেবঃ ॥ ৩ ॥

যৎ কায়ঃ এষঃ ভুবনত্রয়সংনিবেশঃ
যস্য ইন্দ্রিয়ৈঃ তনুভৃতাম্ উভয়ৈন্দ্রিয়াণি ।
জ্ঞানং স্বতঃ শ্বসনতঃ বলম্ ওজঃ ঈহা
সত্ত্বআদিভিঃ স্থিতিলয়ৌদ্ভবঃ আদিকর্তা ॥ ৪ ॥

আদৌ অভূৎ শতধৃতী রজস অস্য সর্গে
বিষ্ণু স্থিতৌ ক্রতুপতিঃ দ্বিজধর্মসেতুঃ ।
রুদ্রঃ অপি অয়ায় তমসা পুরুষঃ সঃ আদ্যঃ
ইতি উদ্ভবস্থিতিলয়াঃ সততং প্রজাসু ॥ ৫ ॥

ধর্মস্য দক্ষদুহিতর্যজনিষ্টঃ মূর্ত্যা
নারায়ণঃ নরঃ ঋষিপ্রবরঃ প্রশান্তঃ ।
নৈষ্কর্ম্যলক্ষণম্ উবাচ চচার কর্ম
যঃ অদ্য অপি চ আস্ত ঋষিবর্যনিষেবিতাঙ্ঘ্রিঃ ॥ ৬ ॥

ইন্দ্রঃ বিশঙ্ক্য মম ধাম জিঘৃক্ষতি ইতি
কামং ন্যযুঙ্ক্ত সগণং সঃ বদরিউপাখ্যম্ ।
গৎবা অপ্সরোগণবসন্তসুমন্দবাতৈঃ
স্ত্রীপ্রেক্ষণ ইষুভিঃ অবিধ্যতৎ মহিজ্ঞঃ ॥ ৭ ॥

বিজ্ঞায় শক্রকৃতম্ অক্রমম্ আদিদেবঃ
প্রাহ প্রহস্য গতবিস্ময়ঃ এজমানান্ ।
মা ভৈষ্ট ভো মদন মারুত দেববধ্বঃ
গৃহ্ণীত নঃ বলিম্ অশূন্যম্ ইমং কুরুধ্বম্ ॥ ৮ ॥

ইত্থং ব্রুবতি অভয়দে নরদেব দেবাঃ
সব্রীডনম্রশিরসঃ সঘৃণম্ তম্ ঊচুঃ ।
ন এতৎ বিভো ৎবয়ি পরে অবিকৃতে বিচিত্রম্
স্বারামধীঃ অনিকরানতপাদপদ্মে ॥ ৯ ॥

ৎবাং সেবতাং সুরকৃতা বহবঃ অন্তরায়াঃ
স্বৌকো বিলঙ্ঘ্য পরমং ব্রজতাং পদং তে ।
ন অন্যস্য বর্হিষি বলীন্ দদতঃ স্বভাগান্
ধত্তে পদং ৎবম্ অবিতা যদি বিঘ্নমূর্ধ্নি ॥ ১০ ॥

ক্ষুৎ তৃট্ত্রিকালগুণমারুতজৈব্হ্যশৈশ্ন্যান্
অস্মান্ অপারজলধীন্ অতিতীর্য কেচিৎ ।
ক্রোধস্য যান্তি বিফলস্য বশ পদে গোঃ
মজ্জন্তি দুশ্চরতপঃ চ বৃথা উৎসৃজন্তি ॥ ১১ ॥

ইতি প্রগৃণতাং তেষাং স্ত্রিয়ঃ অতি অদ্ভুতদর্শনাঃ ।
দর্শয়ামাস শুশ্রূষাং স্বর্চিতাঃ কুর্বতীঃ বিভুঃ ॥ ১২ ॥

তে দেব অনুচরাঃ দৃষ্ট্বা স্ত্রিয়ঃ শ্রীঃ ইব রূপিণীঃ ।
গন্ধেন মুমুহুঃ তাসাং রূপ ঔদার্যহতশ্রিয়ঃ ॥ ১৩ ॥

তান্ আহ দেবদেব ঈশঃ প্রণতান্ প্রহসন্ ইব ।
আসাম্ একতমাং বৃঙ্গ্ধ্বং সবর্ণাং স্বর্গভূষণাম্ ॥

১৪ ॥

ওম্ ইতি আদেশম্ আদায় নৎবা তং সুরবন্দিনঃ ।
উর্বশীম্ অপ্সরঃশ্রেষ্ঠাং পুরস্কৃত্য দিবং যয়ুঃ ॥ ১৫ ॥

ইন্দ্রায় আনম্য সদসি শ্রুণ্বতাং ত্রিদিবৌকসাম্ ।
ঊচুঃ নারায়ণবলং শক্রঃ তত্র আস বিস্মিতঃ ॥ ১৬ ॥

হংসস্বরূপী অবদদৎ অচ্যুতঃ আত্ময়োগম্
দত্তঃ কুমার ঋষভঃ ভগবান্ পিতা নঃ ।
বিষ্ণুঃ শিবায় জগতাং কলয়া অবতীর্ণঃ
তেন আহৃতাঃ মধুভিদা শ্রুতয়ঃ হয়াস্যে ॥ ১৭ ॥

গুপ্তঃ অপি অয়ে মনুঃ ইলা ওষধয়ঃ চ মাৎস্যে
ক্রৌডে হতঃ দিতিজঃ উদ্ধরতা অম্ভসঃ ক্ষ্মাম্ ।
কৌর্মে ধৃতঃ অদ্রিঃ অমৃত উন্মথনে স্বপৃষ্ঠে
গ্রাহাৎ প্রপন্নমিভরাজম্ অমুঞ্চৎ আর্তম্ ॥ ১৮ ॥

সংস্তুন্বতঃ অব্ধিপতিতান্ শ্রমণান্ ঋষীং চ
শক্রং চ বৃত্রবধতঃ তমসি প্রবিষ্টম্ ।
দেবস্ত্রিয়ঃ অসুরগৃহে পিহিতাঃ অনাথাঃ
জঘ্নে অসুরেন্দ্রম্ অভয়ায় সতাং নৃসিংহে ॥ ১৯ ॥

দেব অসুরে যুধি চ দৈত্যপতীন্ সুরার্থে
হৎবা অন্তরেষু ভুবনানি অদধাৎ কলাভিঃ ।
ভূৎবা অথ বামনঃ ইমাম্ অহরৎ বলেঃ ক্ষ্মাম্
যাঞ্চাচ্ছলেন সমদাৎ অদিতেঃ সুতেভ্যঃ ॥ ২০ ॥

নিঃক্ষত্রিয়াম্ অকৃত গাং চ ত্রিঃসপ্তকৃৎবঃ
রামঃ তু হৈহয়কুল অপি অয়ভার্গব অগ্নিঃ ।
সঃ অব্ধিং ববন্ধ দশবক্ত্রম্ অহন্ সলঙ্কম্
সীতাপতিঃ জয়তি লোকম্ অলঘ্নকীর্তিঃ ॥ ২১ ॥

ভূমেঃ ভর অবতরণায় যদুষি অজন্মা জাতঃ
করিষ্যতি সুরৈঃ অপি দুষ্করাণি ।
বাদৈঃ বিমোহয়তি যজ্ঞকৃতঃ অতদর্হান্
শূদ্রাং কলৌ ক্ষিতিভুজঃ ন্যহনিষ্যদন্তে ॥ ২২ ॥

এবংবিধানি কর্মাণি জন্মানি চ জগৎ পতেঃ ।
ভূরীণি ভূরিয়শসঃ বর্ণিতানি মহাভুজ ॥ ২৩ ॥

ইতি শ্রীমদ্ভগবতে মহাপুরাণে পারমহংস্যাং
সংহিতায়ামেকাদশস্কন্ধে নিমিজায়ন্তসংবাদে
চতুর্থোঽধ্যায়ঃ ॥ ৪ ॥

অথ পঞ্চমোঽধ্যায়ঃ ।
রাজা উবাচ ।
ভগবন্তং হরিং প্রায়ঃ ন ভজন্তি আত্মবিত্তমাঃ ।
তেষাম্ অশান্তকামানাং কা নিষ্ঠা অবিজিতাত্মনাম্ ॥ ১ ॥

চমসঃ উবাচ ।
মুখবাহূরূপআদেভ্যঃ পুরুষস্য আশ্রমৈঃ সহ ।
চৎবারঃ জজ্ঞিরে বর্ণাঃ গুণৈঃ বিপ্রআদয়ঃ পৃথক্ ॥ ২ ॥

যঃ এষাং পুরুষং সাক্ষাৎ আত্মপ্রভবম্ ঈশ্বরম্ ।
ন ভজন্তি অবজানন্তি স্থানাৎ ভ্রষ্টাঃ পতন্তি অধঃ ॥ ৩ ॥

দূরে হরিকথাঃ কেচিৎ দূরে চ অচ্যুতকীর্র্তনাঃ ।
স্ত্রিয়ঃ শূদ্রআদয়ঃ চ এব তে অনুকম্প্যা ভবাদৃশাম্ ॥ ৪ ॥

বিপ্রঃ রাজন্যবৈশ্যৌ চ হরেঃ প্রাপ্তাঃ পদান্তিকম্ ।
শ্রৌতেন জন্মনা অথ অপি মুহ্যন্তি আম্নায়বাদিনঃ ॥ ৫ ॥

কর্মণি অকোবিদাঃ স্তব্ধাঃ মূর্খাঃ পণ্ডিতমানিনঃ ।
বদন্তি চাটুকাৎ মূঢাঃ যয়া মাধ্ব্যা গির উৎসুকাঃ ॥ ৬ ॥

রজসা ঘোরসঙ্কল্পাঃ কামুকাঃ অহিমন্যবঃ ।
দাম্ভিকাঃ মানিনঃ পাপাঃ বিহসন্তি অচ্যুতপ্রিয়ান্ ॥ ৭ ॥

বদন্তি তে অন্যোন্যম্ উপাসিতস্ত্রিয়ঃ
গৃহেষু মৈথুন্যসুখেষু চ আশিষঃ ।
যজন্তি অসৃষ্টান্ অবিধান্ অদক্ষিণম্
বৃত্ত্যৈ পরং ঘ্নন্তি পশূন্ অতদ্বিদঃ ॥ ৮ ॥

শ্রিয়া বিভূত্যা অভিজনেন বিদ্যযা
ত্যাগেন রূপেণ বলেন কর্মণা
সতঃ অবমন্যন্তি হরিপ্রিয়ান্ খলাঃ ॥ ৯ ॥

সর্বেষু শশ্বৎ তনুভৃৎ স্ববস্থিতম্
যথা স্বম্ আত্মানম্ অভীষ্টম্ ঈশ্বরম্ ।
বেদোপগীতং চ ন শ্রুণ্বতে অবুধাঃ
মনোরথানাং প্রবদন্তি বার্তয়া ॥ ১০ ॥

লোকে ব্যবায় আমিষম্ অদ্যসেবা
নিত্যাঃ তু জন্তোঃ ন হি তত্র চোদনা ।
ব্যবস্থিতিঃ তেষু বিবাহয়জ্ঞ
সুরাগ্রহৈঃ আসু নিবৃত্তিঃ ইষ্টা ॥ ১১ ॥

ধনং চ ধর্মএকফলং যতঃ বৈ
জ্ঞানং সবিজ্ঞানম্ অনুপ্রশান্তি ।
গৃহেষু যুঞ্জন্তি কলেবরস্য
মৃত্যুং ন পশ্যন্তি দুরন্তবীর্যম্ ॥ ১২ ॥

যৎ ঘ্রাণভক্ষঃ বিহিতঃ সুরায়াঃ
তথা পশোঃ আলভনং ন হিংসা ।
এবং ব্যবায়ঃ প্রজয়া ন রত্যা
ইঅমং বিশুদ্ধং ন বিদুঃ স্বধর্মম্ ॥ ১৩ ॥

যে তু অনেবংবিদঃ অসন্তঃ স্তব্ধাঃ সৎ অভিমানিনঃ ।
পশূন্ দ্রুহ্যন্তি বিস্রব্ধাঃ প্রেত্য খাদন্তি তে চ তান্ ॥ ১৪ ॥

দ্বিষন্তঃ পরকায়েষু স্বাত্মানং হরিম্ ঈশ্বরম্ ।
মৃতকে সানুবন্ধে অস্মিন্ বদ্ধস্নেহাঃ পতন্তি অধঃ ॥ ১৫ ॥

যে কৈবল্যম্ অসম্প্রাপ্তাঃ যে চ অতীতাঃ চ মূঢতাম্ ।
ত্রৈবর্গিকাঃ হি অক্ষণিকাঃ আত্মানং ঘাতয়ন্তি তে ॥ ১৬ ॥

এতঃ আত্মহনঃ অশান্তাঃ অজ্ঞানে জ্ঞানমানিনঃ ।
সীদন্তি অকৃতকৃত্যাঃ বৈ কালধ্বস্তমনোরথাঃ ॥ ১৭ ॥

হিৎবা আত্যায় অসরচিতাঃ গৃহ অপত্যসুহৃৎ শ্রিয়ঃ ।
তমঃ বিশন্তি অনিচ্ছন্তঃ বাসুদেবপরাঙ্মুখাঃ ॥ ১৮ ॥

রাজা উবাচ ।
কস্মিন্ কালে সঃ ভগবান্ কিং বর্ণঃ কীদৃশঃ নৃভিঃ ।
নাম্না বা কেন বিধিনা পূজ্যতে তৎ ইহ উচ্যতাম্ ॥ ১৯ ॥

করভাজনঃ উবাচ ।
কৃতং ত্রেতা দ্বাপরং চ কলিঃ ইত্যেষু কেশবঃ ।
নানাবর্ণ অভিধআকারঃ নানা এব বিধিনা ইজ্যতে ॥ ২০ ॥

কৃতে শুক্লঃ চতুর্বাহুঃ জটিলঃ বল্কলাম্বরঃ ।
কৃষ্ণাজিনৌপবীতাক্ষান্ বিভ্রৎ দণ্ডকমণ্ডলূন্ ॥ ২১ ॥

মনুষ্যাঃ তু তদা শান্তাঃ নির্বৈরাঃ সুহৃদঃ সমাঃ ।
যজন্তি তপসা দেবং শমেন চ দমেন চ ॥ ২২ ॥

হংসঃ সুপর্ণঃ বৈকুণ্ঠঃ ধর্মঃ যোগেশ্বরঃ অমলঃ ।
ঈশ্বরঃ পুরুষঃ অব্যক্তঃ পরমাত্মা ইতি গীয়তে ॥ ২৩ ॥

ত্রেতায়াং রক্তবর্ণঃ অসৌ চতুর্বাহুঃ ত্রিমেখলঃ ।
হিরণ্যকেশঃ ত্রয়ী আত্মা স্রুক্স্রুবআদি উপলক্ষণঃ ॥ ২৪ ॥

তং তদা মনুজা দেবং সর্বদেবময়ং হরিম্ ।
যজন্তি বিদ্যযা ত্রয়্যা ধর্মিষ্ঠাঃ ব্রহ্মবাদিনঃ ॥ ২৫ ॥

বিষ্ণুঃ যজ্ঞঃ পৃষ্ণিগর্ভঃ সর্বদেবঃ উরুক্রমঃ ।
বৃষাকপিঃ জয়ন্তঃ চ উরুগায় ইতি ঈর্যতে ॥ ২৬ ॥

দ্বাপরে ভগবান্ শ্যামঃ পীতবাসা নিজায়ুধঃ ।
শ্রীবৎসআদিভিঃ অঙ্কৈঃ চ লক্ষণৈঃ উপলক্ষিতঃ ॥ ২৭ ॥

তং তদা পুরুষং মর্ত্যা মহারাজৌপলক্ষণম্ ।
যজন্তি বেদতন্ত্রাভ্যাং পরং জিজ্ঞাসবঃ নৃপ ॥ ২৮ ॥

নমঃ তে বাসুদেবায় নমঃ সঙ্কর্ষণায় চ ।
প্রদ্যুম্নায় অনিরুদ্ধায় তুভ্যং ভগবতে নমঃ ॥ ২৯ ॥

নারায়ণায় ঋষয়ে পুরুষায় মহাত্মনে ।
বিশ্বেশ্বরায় বিশ্বায় সর্বভূতআত্মনে নমঃ ॥ ৩০ ॥

ইতি দ্বাপরঃ উর্বীশ স্তুবন্তি জগদীশ্বরম্ ।
নানাতন্ত্রবিধানেন কলৌ অপি যথা শ্রুণু ॥ ৩১ ॥

কৃষ্ণবর্ণং ৎবিষাকৃষ্ণং সাঙ্গৌপাঙ্গাস্ত্র
পার্ষদম্ ।
যজ্ঞৈঃ সঙ্কীর্তনপ্রায়ৈঃ যজন্তি হি সুমেধসঃ ॥ ৩২ ॥

ধ্যেয়ং সদা পরিভবঘ্নম্ অভীষ্টদোহম্
তীর্থাস্পদং শিববিরিঞ্চিনুতং শরণ্যম্ ।
ভৃত্যার্তিহন্ প্রণতপাল ভবাব্ধিপোতম্
বন্দে মহাপুরুষ তে চরণারবিন্দম্ ॥ ৩৩ ॥

ত্যক্ত্বা সুদুস্ত্যজসুরৈপ্সিতরাজ্যলক্ষ্মীম্
ধর্মিষ্ঠঃ আর্যবচসা যৎ অগাৎ অরণ্যম্ ।
মায়ামৃগং দয়িতয়া ইপ্সিতম্ অন্বধাবৎ
বন্দে মহাপুরুষ তে চরণারবিন্দম্ ॥ ৩৪ ॥

এবং যুগানুরূপাভ্যাং ভগবান্ যুগবর্তিভিঃ ।
মনুজৈঃ ইজ্যতে রাজন্ শ্রেয়সাম্ ঈশ্বরঃ হরিঃ ॥ ৩৫ ॥

কলিং সভাজয়ন্তি আর্যা গুণজ্ঞাঃ সারভাগিনঃ ।
যত্র সঙ্কীর্তনেন এব সর্বঃ স্বার্থঃ অভিলভ্যতে ॥ ৩৬ ॥

ন হি অতঃ পরমঃ লাভঃ দেহিনাং ভ্রাম্যতাম্ ইহ ।
যতঃ বিন্দেত পরমাং শান্তিং নশ্যতি সংসৃতিঃ ॥ ৩৭ ॥

কৃতআদিষু প্রজা রাজন্ কলৌ ইচ্ছন্তি সম্ভবম্ ।
কলৌ খলু ভবিষ্যন্তি নারায়ণপরায়ণাঃ ॥ ৩৮ ॥

ক্বচিৎ ক্বচিৎ মহারাজ দ্রবিডেষু চ ভূরিশঃ ।
তাম্রপর্ণী নদী যত্র কৃতমালা পয়স্বিনী ॥ ৩৯ ॥

কাবেরী চ মহাপুণ্যা প্রতীচী চ মহানদী ।
যে পিবন্তি জলং তাসাং মনুজা মনুজেশ্বর ।
প্রায়ঃ ভক্তাঃ ভগবতি বাসুদেবঃ অমল আশয়াঃ ॥ ৪০ ॥

দেবর্ষিভূতআপ্তনৃণা পিতৄণাং
ন কিঙ্করঃ ন অয়ং ঋণী চ রাজন্ ।
সর্বআত্মনা যঃ শরণং শরণ্যম্
গতঃ মুকুন্দং পরিহৃত্য কর্তুম্ ॥ ৪১ ॥

স্বপাদমূলং ভজতঃ প্রিয়স্য
ত্যক্তান্যভাবস্য হরিঃ পরেশঃ ।
বিকর্ম যৎ চ উৎপতিতং কথঞ্চিৎ
ধুনোতি সর্বং হৃদি সংনিবিষ্টঃ ॥ ৪২ ॥

নারদঃ উবাচ ।
ধর্মান্ ভাগবতান্ ইত্থং শ্রুৎবা অথ মিথিলেশ্বরঃ ।
জায়ন্ত ইয়ান্ মুনীন্ প্রীতঃ সোপাধ্যায়ঃ হি অপূজয়ৎ ॥ ৪৩ ॥

ততঃ অন্তঃ দধিরে সিদ্ধাঃ সর্বলোকস্য পশ্যতঃ ।
রাজা ধর্মান্ উপাতিষ্ঠন্ অবাপ পরমাং গতিম্ ॥ ৪৪ ॥

ৎবম্ অপি এতান্ মহাভাগ ধর্মান্ ভাগবতান্ শ্রুতান্ ।
আস্থিতঃ শ্রদ্ধয়া যুক্তঃ নিঃসঙ্গঃ যাস্যসে পরম্ ॥ ৪৫ ॥

যুবয়োঃ খলু দম্পত্যোঃ যশসা পূরিতং জগৎ ।
পুত্রতাম্ অগমৎ যৎ বাং ভগবান্ ঈশ্বরঃ হরিঃ ॥ ৪৬ ॥

দর্শনআলিঙ্গনআলাপৈঃ শয়নআসনভোজনৈঃ ।
আত্মা বাং পাবিতঃ কৃষ্ণে পুত্রস্নেহ প্রকুর্বতোঃ ॥ ৪৭ ॥

বৈরেণ যং নৃপতয়ঃ শিশুপালপৌণ্ড্র
শাল্বআদয়ঃ গতিবিলাসবিলোকনআদয়ৈঃ ।
ধ্যায়ন্তঃ আকৃতধিয়ঃ শয়নআসনআদৌ
তৎ সাম্যম্ আপুঃ অনুরক্তধিয়াং পুনঃ কিম্ ॥ ৪৮ ॥

মা অপত্যবুদ্ধিম্ অকৃথাঃ কৃষ্ণে সর্বআত্মনঈশ্বরে ।
মায়ামনুষ্যভাবেন গূঢ ঐশ্বর্যে পরে অব্যযে ॥ ৪৯ ॥

ভূভাররাজন্যহন্তবে গুপ্তয়ে সতাম্ ।
অবতীর্ণস্য নির্বৃত্যৈ যশঃ লোকে বিতন্যতে ॥ ৫০ ॥

শ্রীশুকঃ উবাচ ।
এতৎ শ্রুৎবা মহাভাগঃ বসুদেবঃ অতিবিস্মিতঃ ।
দেবকী চ মহাভাগাঃ জহতুঃ মোহম্ আত্মনঃ ॥ ৫১ ॥

ইতিহাসম্ ইমং পুণ্যং ধারয়েৎ যঃ সমাহিতঃ ।
সঃ বিধূয় ইহ শমলং ব্রহ্মভূয়ায় কল্পতে ॥ ৫২ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে বসুদেবনারদসংবাদে
পঞ্চমোঽধ্যায়ঃ ॥ ৫ ॥

অথ ষষ্ঠোঽধ্যায়ঃ ।
শ্রীশুকঃ উবাচ ।
অথ ব্রহ্মা আত্মজৈঃ দেবৈঃ প্রজেশৈঃ আবৃতঃ অভ্যগাৎ ।
ভবঃ চ ভূতভব্যঈশঃ যয়ৌ ভূতগণৈঃ বৃতঃ ॥ ১ ॥

ইন্দ্রঃ মরুদ্ভিঃ ভগবান্ আদিত্যাঃ বসবঃ অশ্বিনৌ ।
ঋভবঃ অঙ্গিরসঃ রুদ্রাঃ বিশ্বে সাধ্যাঃ চ দেবতাঃ ॥ ২ ॥

গন্ধর্বাপ্সরসঃ নাগাঃ সিদ্ধচারণগুহ্যকাঃ ।
ঋষয়ঃ পিতরঃ চ এব সবিদ্যাধরকিন্নরাঃ ॥ ৩ ॥

দ্বারকাম্ উপসঞ্জগ্মুঃ সর্বে কৃষ্ণআদিদৃক্ষবঃ ।
বপুষা যেন ভগবান্ নরলোকমনোরমঃ ।
যশঃ বিতেনে লোকেষু সর্বলোকমলাপহম্ ॥ ৪ ॥

তস্যাং বিভ্রাজমানায়াং সমৃদ্ধায়াং মহর্ধিভিঃ ।
ব্যচক্ষত অবিতৃপ্তাক্ষাঃ কৃষ্ণম্ অদ্ভুতদর্শনম্ ॥

৫ ॥

স্বর্গৌদ্যানৌঅপগৈঃ মাল্যৈঃ ছাদয়ন্তঃ যদু উত্তমম্ ।
গীর্ভিঃ চিত্রপদার্থাভিঃ তুষ্টুবুঃ জগৎ ঈশ্বরম্ ॥৬ ॥

দেবাঃ ঊচুঃ ।
নতাঃ স্ম তে নাথ পদারবিন্দং
বুদ্ধীন্দ্রিয়প্রাণমনোবচোভিঃ ।
যৎ চিন্ত্যতে অন্তর্হৃদি ভাবয়ুক্তৈঃ
মুমুক্ষুভিঃ কর্মময় ঊরুপাশাৎ ॥ ৭ ॥

ৎবং মায়যা ত্রিগুণয়া আত্মনি দুর্বিভাব্যং
ব্যক্তং সৃজসি অবসি লুম্পসি তৎ গুণস্থঃ ।
ন এতৈঃ ভবান্ অজিত কর্মভিঃ অজ্যতে বৈ
যৎ স্বে সুখে অব্যবহিতে অভিরতঃ অনবদ্যঃ ॥ ৮ ॥

শুদ্ধিঃ নৃণাং ন তু তথা ঈড্য দুরাশয়ানাং
বিদ্যাশ্রুতাধ্যযনদানতপক্রিয়াভিঃ ।
সত্ত্বআত্মনাম্ ঋষভ তে যশসি প্রবৃদ্ধ
সৎ শ্রদ্ধয়া শ্রবণসম্ভৃতয়া যথা স্যাৎ ॥ ৯ ॥

স্যাৎ নঃ তব অঙ্ঘ্রিঃ অশুভাশয়ধূমকেতুঃ
ক্ষেমায় যঃ মুনিভিঃ আর্দ্রহৃদৌহ্যমানঃ ।
যঃ সাৎবতৈঃ সমবিভূতয়ঃ আত্মবদ্ভিঃ
ব্যূহে অর্চিতঃ সবনশঃ স্বঃ অতিক্রমায় ॥ ১০ ॥

যঃ চিন্ত্যতে প্রয়তপাণিভিঃ অধ্বরাগ্নৌ
ত্রয়্যা নিরুক্তবিধিনা ঈশ হবিঃ গৃহীৎবা ।
অধ্যাত্ময়োগঃ উত যোগিভিঃ আত্মমায়াং
জিজ্ঞাসুভিঃ পরমভাগবতৈঃ পরীষ্টঃ ॥ ১১ ॥

পর্যুষ্টয়া তব বিভো বনমালয়া ইয়ং
সংস্পর্ধিনী ভগবতী প্রতিপত্নিবৎ শ্রীঃ ।
যঃ সুপ্রণীতম্ অমুয়ার্হণম্ আদৎ অন্নঃ
ভূয়াৎ সদা অঙ্ঘ্রিঃ অশুভআশয়ধূমকেতুঃ ॥ ১২ ॥

কেতুঃ ত্রিবিক্রময়ুতঃ ত্রিপৎ পতাকঃ
যঃ তে ভয়াভয়করঃ অসুরদেবচম্বোঃ ।
স্বর্গায় সাধুষু খলু এষু ইতরায় ভূমন্
পাদঃ পুনাতু ভগবন্ ভজতাম্ অধং নঃ ॥ ১৩ ॥

নস্যোতগাবঃ ইব যস্য বশে ভবন্তি
ব্রহ্মআদয়ঃ অনুভৃতঃ মিথুরর্দ্যমানাঃ ।
কালস্য তে প্রকৃতিপূরুষয়ওঃ পরস্য
শং নঃ তনোতু চরণঃ পুরুষোত্তমস্য ॥ ১৪ ॥

অস্য অসি হেতুঃ উদয়স্থিতিসংয়মানাং
অব্যক্তজীবমহতাম্ অপি কালম্ আহুঃ ।
সঃ অয়ং ত্রিণাভিঃ অখিল অপচয়ে প্রবৃত্তঃ
কালঃ গভীররয়ঃ উত্তমপূরুষঃ ৎবম্ ॥ ১৫ ॥

ৎবত্তঃ পুমান্ সমধিগম্য যয়া স্ববীর্য
ধত্তে মহান্তম্ ইব গর্ভম্ অমোঘবীর্যঃ ।
সঃ অয়ং তয়া অনুগতঃ আত্মনঃ আণ্ডকোশং
হৈমং সসর্জ বহিঃ আবরণৈঃ উপেতম্ ॥ ১৬ ॥

তত্তস্থুষঃ চ জগতঃ চ ভবান্ অধীশঃ
যৎ মায়যা উত্থগুণবিক্রিয়যা উপনীতান্ ।
অর্থান্ জুষন্ অপি হৃষীকপতে ন লিপ্তঃ
যে অন্যে স্বতঃ পরিহৃতাৎ অপি বিভ্যতি স্ম ॥ ১৭ ॥

স্মায়া অবলোকলবদর্শিতভাবহারি
ভ্রূমণ্ডলপ্রহিতসৌরতমন্ত্রশৌণ্ডৈঃ ।
পত্ন্যঃ তু ষোডশসহস্রম্ অনঙ্গবাণৈঃ
যস্য ইন্দ্রিয়ং বিমথিতুং করণৈঃ বিভ্ব্যঃ ॥ ১৮ ॥

বিভ্ব্যঃ তব অমৃতকথা উদবহাঃ ত্রিলোক্যাঃ
পাদৌ অনেজসরিতঃ শমলানি হন্তুম্ ।
আনুশ্রবং শ্রুতিভিঃ অঙ্ঘ্রিজম্ অঙ্গসঙ্গৈঃ
তীর্থদ্বয়ং শুচিষদস্তঃ উপস্পৃশন্তি ॥ ১৯ ॥

বাদরায়ণিঃ উবাচ ।
ইতি অভিষ্টূয় বিবুধৈঃ সেশঃ শতধৃতিঃ হরিম্ ।
অভ্যভাষত গোবিন্দং প্রণম্য অম্বরম্ আশ্রিতঃ ॥ ২০ ॥

ব্রহ্ম উবাচ ।
ভূমেঃ ভার অবতারায় পুরা বিজ্ঞাপিতঃ প্রভো ।
ৎবম্ অস্মাভিঃ অশেষআত্মন্ তৎ তথা এব উপপাদিতম্ ॥ ২১ ॥

ধর্মঃ চ স্থাপিতঃ সৎসু সত্যসন্ধেষু বৈ ৎবয়া ।
কীর্তিঃ চ দিক্ষু বিক্ষিপ্তা সর্বলোকমলআপহা ॥ ২২ ॥

অবতীর্য যদোঃ বংশে বিভ্রৎ রূপম্ অনুত্তমম্ ।
কর্মাণি উদ্দামবৃত্তানি হিতায় জগতঃ অকৃথাঃ ॥ ২৩ ॥

যানি তে চরিতানি ঈশ মনুষ্যাঃ সাধবঃ কলৌ ।
শৃণ্বন্তঃ কীর্তয়ন্তঃ চ তরিষ্যন্তি অঞ্জসা তমঃ ॥ ২৪ ॥

যদুবংশে অবতীর্ণস্য ভবতঃ পুরুষোত্তম ।
শরৎ শতং ব্যতীয়ায় পঞ্চবিংশ অধিকং প্রভোঃ ॥ ২৫ ॥

ন অধুনা তে অখিল আধার দেবকার্য অবশেষিতম্ ।
কুলং চ বিপ্রশাপেন নষ্টপ্রায়ম্ অভূৎ ইদম্ ॥ ২৬ ॥

ততঃ স্বধাম পরমং বিশস্ব যদি মন্যসে ।
সলোকান্ লোকপালান্ নঃ পাহি বৈকুণ্ঠকিঙ্করান্ ॥ ২৭ ॥

শ্রী ভগবান্ উবাচ ।
অবধারিতম্ এতৎ মে যদাত্থ বিবুধেশ্বর ।
কৃতং বঃ কার্যম্ অখিলং ভূমেঃ ভারঃ অবতারিতঃ ॥ ২৮ ॥

তৎ ইদং যাদবকুলং বীর্যশৌর্যশ্রিয়োদ্ধতম্ ।
লোকং জিঘৃক্ষৎ রুদ্ধং মে বেলয়া ইব মহার্ণবঃ ॥ ২৯ ॥

যদি অসংহৃত্য দৃপ্তানাং যদুনাং বিপুলং কুলম্ ।
গন্তাস্মি অনেন লোকঃ অয়ম্ উদ্বেলেন বিনঙ্ক্ষ্যতি ॥ ৩০ ॥

ইদানীং নাশঃ আরব্ধঃ কুলস্য দ্বিজশাপতঃ ।
যাস্যামি ভবনং ব্রহ্মন্ ন এতৎ অন্তে তব আনঘ ॥ ৩১ ॥

শ্রী শুকঃ উবাচ ।
ইতি উক্তঃ লোকনাথেন স্বয়ম্ভূঃ প্রণিপত্য তম্ ।
সহ দেবগণৈঃ দেবঃ স্বধাম সমপদ্যত ॥ ৩২ ॥

অথ তস্যাং মহোৎপাতান্ দ্বারবত্যাং সমুত্থিতান্ ।
বিলোক্য ভগবান্ আহ যদুবৃদ্ধান্ সমাগতান্ ॥ ৩৩ ॥

শ্রী ভগবান্ উবাচ ।
এতে বৈ সুমহোৎপাতাঃ ব্যুত্তিষ্ঠন্তি ইহ সর্বতঃ ।
শাপঃ চ নঃ কুলস্য আসীৎ ব্রাহ্মণেভ্যঃ দুরত্যযঃ ॥ ৩৪ ॥

ন বস্তব্যম্ ইহ অস্মাভিঃ জিজীবিষুভিঃ আর্যকাঃ ।
প্রভাসং সুমহৎ পুণ্যং যাস্যামঃ অদ্য এব মা চিরম্ ॥ ৩৫ ॥

যত্র স্নাৎবা দক্ষশাপাৎ গৃহীতঃ যক্ষ্মণৌডুরাট্ ।
বিমুক্তঃ কিল্বিষাৎ সদ্যঃ ভেজে ভূয়ঃ কলোদয়ম্ ॥ ৩৬ ॥

বয়ং চ তস্মিন্ আপ্লুত্য তর্পয়িৎবা পিতৄন্সুরান্ ।
ভোজয়িৎবা উশিজঃ বিপ্রান্ নানাগুণবতা অন্ধসা ॥ ৩৭ ॥

তেষু দানানি পাত্রেষু শ্রদ্ধয়া উপ্ত্বা মহান্তি বৈ ।
বৃজিনানি তরিষ্যামঃ দানৈঃ নৌভিঃ ইব অর্ণবম্ ॥ ৩৮ ॥

শ্রী শুকঃ উবাচ ।
এবং ভগবতা আদিষ্টাঃ যাদবাঃ কুলনন্দন ।
গন্তুং কৃতধিয়ঃ তীর্থং স্যন্দনান্ সময়ূয়ুজন্ ॥ ৩৯ ॥

তৎ নিরীক্ষ্য উদ্ধবঃ রাজন্ শ্রুৎবা ভগবতা উদিতম্ ।
দৃষ্ট্বা অরিষ্টানি ঘোরাণি নিত্যং কৃষ্ণম্ অনুব্রতঃ ॥ ৪০ ॥

বিবিক্তঃ উপসঙ্গম্য জগতাম্ ঈশ্বরেশ্বরম্ ।
প্রণম্য শিরসা পাদৌ প্রাঞ্জলিঃ তম্ অভাষত ॥ ৪১ ॥

উদ্ধবঃ উবাচ ।
দেবদেবেশ যোগেশ পুণ্যশ্রবণকীর্তন ।
সংহৃত্য এতৎ কুলং নূনং লোকং সন্ত্যক্ষ্যতে ভবান্ ।
বিপ্রশাপং সমর্থঃ অপি প্রত্যহন্ ন যদি ঈশ্বরঃ ॥ ৪২ ॥

ন অহং তব অঙ্ঘ্রিকমলং ক্ষণার্ধম্ অপি কেশব ।
ত্যক্তুং সমুৎসহে নাথ স্বধাম নয় মাম্ অপি ॥ ৪৩ ॥

তব বিক্রীডিতং কৃষ্ণ নৃণাং পরমমঙ্গলম্ ।
কর্ণপীয়ূষম্ আস্বাদ্য ত্যজতি অন্যস্পৃহাং জনঃ ॥ ৪৪ ॥

শয়্যআসনাটনস্থানস্নানক্রীডাশনআদিষু ।
কথং ৎবাং প্রিয়ম্ আত্মানং বয়ং ভক্তাঃ ত্যজেমহি ॥ ৪৫ ॥

ৎবয়া উপভুক্তস্রক্গন্ধবাসঃ অলঙ্কারচর্চিতাঃ ।
উচ্ছিষ্টভোজিনঃ দাসাঃ তব মায়াং জয়েমহি ॥ ৪৬ ॥

বাতাশনাঃ যঃ ঋষয়ঃ শ্রমণা ঊর্ধ্বমন্থিনঃ ।
ব্রহ্মআখ্যং ধাম তে যান্তি শান্তাঃ সংন্যাসিনঃ অমলাঃ ॥

৪৭ ॥

বয়ং তু ইহ মহায়োগিন্ ভ্রমন্তঃ কর্মবর্ত্মসু ।
ৎবৎ বার্তয়া তরিষ্যামঃ তাবকৈঃ দুস্তরং তমঃ ॥ ৪৮ ॥

স্মরন্তঃ কীর্তয়ন্তঃ তে কৃতানি গদিতানি চ ।
গতিউৎস্মিতঈক্ষণক্ষ্বেলি যৎ নৃলোকবিডম্বনম্ ॥ ৪৯ ॥

শ্রী শুকঃ উবাচ ।
এবং বিজ্ঞাপিতঃ রাজন্ ভগবান্ দেবকীসুতঃ ।
একান্তিনং প্রিয়ং ভৃত্যম্ উদ্ধবং সমভাষত ॥ ৫০ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে দেবস্তুত্যুদ্ধ্ববিজ্ঞাপনং নাম
ষষ্ঠোঽধ্যায়ঃ ॥ ৬ ॥

অথ সপ্তমোঽধ্যায়ঃ ।
শ্রী ভগবান্ উবাচ ।
যৎ আত্থ মাং মহাভাগ তৎ চিকীর্ষিতম্ এব মে ।
ব্রহ্মা ভবঃ লোকপালাঃ স্বর্বাসং মে অভিকাঙ্ক্ষিণঃ ॥ ১ ॥

ময়া নিষ্পাদিতং হি অত্র দেবকার্যম্ অশেষতঃ ।
যদর্থম্ অবতীর্ণঃ অহম্ অংশেন ব্রহ্মণার্থিতঃ ॥ ২ ॥

কুলং বৈ শাপনির্দগ্ধং নঙ্ক্ষ্যতি অন্যোন্যবিগ্রহাৎ ।
সমুদ্রঃ সপ্তমে অহ্ন্হ্যেতাং পুরীং চ প্লাবয়িষ্যতি ॥ ৩ ॥

যঃ হি এব অয়ং ময়া ত্যক্তঃ লোকঃ অয়ং নষ্টমঙ্গলঃ ।
ভবিষ্যতি অচিরাৎ সাধো কলিনাঽপি নিরাকৃতঃ ॥ ৪ ॥

ন বস্তব্যং ৎবয়া এব ইহ ময়া ত্যক্তে মহীতলে ।
জনঃ অধর্মরুচিঃ ভদ্রঃ ভবিষ্যতি কলৌ যুগে ॥ ৫ ॥

ৎবং তু সর্বং পরিত্যজ্য স্নেহং স্বজনবন্ধুষু ।
ময়ি আবেশ্য মনঃ সম্যক্ সমদৃক্ বিচরস্ব গাম্ ॥ ৬ ॥

যৎ ইদং মনসা বাচা চক্ষুর্ভ্যাং শ্রবণআদিভিঃ ।
নশ্বরং গৃহ্যমাণং চ বিদ্ধি মায়ামনোময়ম্ ॥ ৭ ॥

পুংসঃ অয়ুক্তস্য নানার্থঃ ভ্রমঃ সঃ গুণদোষভাক্ ।
কর্মাকর্মবিকর্ম ইতি গুণদোষধিয়ঃ ভিদা ॥ ৮ ॥

তস্মাৎ যুক্তৈন্দ্রিয়গ্রামঃ যুক্তচিত্তঃ ইদং জগৎ ।
আত্মনি ঈক্ষস্ব বিততম্ আত্মানং ময়ি অধীশ্বরে ॥ ৯ ॥

জ্ঞানবিজ্ঞানসংয়ুক্তঃ আত্মভূতঃ শরীরিণাম্ ।
আত্মানুভবতুষ্টআত্মা ন অন্তরায়ৈঃ বিহন্যসে ॥ ১০ ॥

দোষবুদ্ধ্যা উভয়াতীতঃ নিষেধাৎ ন নিবর্ততে ।
গুণবুদ্ধ্যা চ বিহিতং ন করোতি যথা অর্ভকঃ ॥ ১১ ॥

সর্বভূতসুহৃৎ শান্তঃ জ্ঞানবিজ্ঞাননিশ্চয়ঃ ।
পশ্যন্ মদাত্মকং বিশ্বং ন বিপদ্যেত বৈ পুনঃ ॥ ১২ ॥

শ্রী শুকঃ উবাচ ।
ইতি আদিষ্টঃ ভগবতা মহাভাগবতঃ নৃপ ।
উদ্ধবঃ প্রণিপত্য আহ তত্ত্বজিজ্ঞাসুঃ অচ্যুতম্ ॥ ১৩ ॥

উদ্ধবঃ উবাচ ।
যোগেশ যোগবিন্ন্যাস যোগাত্ম যোগসম্ভব ।
নিঃশ্রেয়সায় মে প্রোক্তঃ ত্যাগঃ সংন্যাসলক্ষণঃ ॥ ১৪ ॥

ত্যাগঃ অয়ং দুষ্করঃ ভূমন্ কামানাং বিষয়আত্মভিঃ ।
সুতরাং ৎবয়ি সর্বআত্মন্ ন অভক্তৈঃ ইতি মে মতিঃ ॥ ১৫ ॥

সঃ অহং মম অহম্ ইতি মূঢমতিঃ বিগাঢঃ
ৎবৎ মায়যা বিরচিত আত্মনি সানুবন্ধে ।
তৎ তু অঞ্জসা নিগদিতং ভবতা যথা অহম্
সংসাধয়ামি ভগবন্ অনুশাধি ভৃত্যম্ ॥ ১৬ ॥

সত্যস্য তে স্বদৃশঃ আত্মনঃ আত্মনঃ অন্যম্
বক্তারম্ ঈশ বিবুধেষু অপি ন অনুচক্ষে ।
সর্বে বিমোহিতধিয়ঃ তব মায়যা ইমে
ব্রহ্মআদয়ঃ তনুভৃতঃ বহিঃ অর্থভাবঃ ॥ ১৭ ॥

তস্মাৎ ভবন্তম্ অনবদ্যম্ অনন্তপারম্
সর্বজ্ঞম্ ঈশ্বরম্ অকুণ্ঠবিকুণ্ঠধিষ্ণি অয়ম্ ।
নির্বিণ্ণধীঃ অহম্ উ হ বৃজনাভিতপ্তঃ
নারায়ণং নরসখং শরণং প্রপদ্যে ॥ ১৮ ॥

শ্রী ভগবান্ উবাচ ।
প্রায়েণ মনুজা লোকে লোকতত্ত্ববিচক্ষণাঃ ।
সমুদ্ধরন্তি হি আত্মানম্ আত্মনা এব অশুভআশয়াৎ ॥ ১৯ ॥

আত্মনঃ গুরুঃ আত্মা এব পুরুষস্য বিশেষতঃ ।
যৎ প্রত্যক্ষ অনুমানাভ্যাং শ্রেয়ঃ অসৌ অনুবিন্দতে ॥ ২০ ॥

পুরুষৎবে চ মাং ধীরাঃ সাঙ্খ্যযোগবিশারদাঃ ।
আবিস্তরাং প্রপশ্যন্তি সর্বশক্তি উপবৃংহিতম্ ॥ ২১ ॥

একদ্বিত্রিচতুষ্পাদঃ বহুপাদঃ তথা অপদঃ ।
বহ্ব্যঃ সন্তি পুরঃ সৃষ্টাঃ তাসাং মে পৌরুষী প্রিয়া ॥ ২২ ॥

অত্র মাং মার্গয়ন্ত্যদ্ধাঃ যুক্তাঃ হেতুভিঃ ঈশ্বরম্ ।
গৃহ্যমাণৈঃ গুণৈঃ লিঙ্গৈঃ অগ্রাহ্যম্ অনুমানতঃ ॥ ২৩ ॥

অত্র অপি উদাহরন্তি ইমম্ ইতিহাসং পুরাতনম্ ।
অবধূতস্য সংবাদং যদোঃ অমিততেজসঃ ॥ ২৪ ॥

(অথ অবধূতগীতম্ ।)
অবধূতং দ্বিজং কঞ্চিৎ চরন্তম্ অকুতোভয়ম্ ।
কবিং নিরীক্ষ্য তরুণং যদুঃ পপ্রচ্ছ ধর্মবিৎ ॥ ২৫ ॥

যদুঃ উবাচ ।
কুতঃ বুদ্ধিঃ ইয়ং ব্রহ্মন্ অকর্তুঃ সুবিশারদা ।
যাম্ আসাদ্য ভবান্ লোকং বিদ্বান্ চরতি বালবৎ ॥ ২৬ ॥

প্রায়ঃ ধর্মার্থকামেষু বিবিৎসায়াং চ মানবাঃ ।
হেতুনা এব সমীহন্তে আয়ুষঃ যশসঃ শ্রিয়ঃ ॥ ২৭ ॥

ৎবং তু কল্পঃ কবিঃ দক্ষঃ সুভগঃ অমৃতভাষণঃ ।
ন কর্তা নেহসে কিঞ্চিৎ জডৌন্মত্তপিশাচবৎ ॥ ২৮ ॥

জনেষু দহ্যমানেষু কামলোভদবাগ্নিনা ।
ন তপ্যসে অগ্নিনা মুক্তঃ গঙ্গাম্ভস্থঃ ইব দ্বিপঃ ॥ ২৯ ॥

ৎবং হি নঃ পৃচ্ছতাং ব্রহ্মন্ আত্মনি আনন্দকারণম্ ।
ব্রূহি স্পর্শবিহীনস্য ভবতঃ কেবল আত্মনঃ ॥ ৩০ ॥

শ্রী ভগবান্ উবাচ ।
যদুনা এবং মহাভাগঃ ব্রহ্মণ্যেন সুমেধসা ।
পৃষ্টঃ সভাজিতঃ প্রাহ প্রশ্রয় অবনতং দ্বিজঃ ॥ ৩১ ॥

ব্রাহ্মণঃ উবাচ ।
সন্তি মে গুরবঃ রাজন্ বহবঃ বুদ্ধ্যা উপাশ্রিতাঃ ।
যতঃ বুদ্ধিম্ উপাদায় মুক্তঃ অটামি ইহ তান্ শ্রুণু ॥ ৩২ ॥

পৃথিবী বায়ুঃ আকাশম্ আপঃ অগ্নিঃ চন্দ্রমা রবিঃ ।
কপোতঃ অজগরঃ সিন্ধুঃ পতঙ্গঃ মধুকৃদ্ গজঃ ॥ ৩৩ ॥

মধুহা হরিণঃ মীনঃ পিঙ্গলা কুররঃ অর্ভকঃ ।
কুমারী শরকৃৎ সর্পঃ ঊর্ণনাভিঃ সুপেশকৃৎ ॥ ৩৪ ॥

এতে মে গুরবঃ রাজন্ চতুর্বিংশতিঃ আশ্রিতাঃ ।
শিক্ষা বৃত্তিভিঃ এতেষাম্ অন্বশিক্ষম্ ইহ আত্মনঃ ॥ ৩৫ ॥

যতঃ যৎ অনুশিক্ষামি যথা বা নাহুষআত্মজ ।
তৎ তথা পুরুষব্যাঘ্র নিবোধ কথয়ামি তে ॥ ৩৬ ॥

ভূতৈঃ আক্রমাণঃ অপি ধীরঃ দৈববশানুগৈঃ ।
তৎ বিদ্বান্ ন চলেৎ মার্গাৎ অন্বশিক্ষং ক্ষিতেঃ ব্রতম্ ॥ ৩৭ ॥

শশ্বৎ পরার্থসর্বেহঃ পরার্থ একান্তসম্ভবঃ ।
সাধুঃ শিক্ষেত ভূভৃত্তঃ নগশিষ্যঃ পরাত্মতাম্ ॥

৩৮ ॥

প্রাণবৃত্ত্যা এব সন্তুষ্যেৎ মুনিঃ ন এব ইন্দ্রিয়প্রিয়ৈঃ ।
জ্ঞানং যথা ন নশ্যেত ন অবকীর্যেত বাঙ্মনঃ ॥ ৩৯ ॥

বিষয়েষু আবিশন্ যোগী নানাধর্মেষু সর্বতঃ ।
গুণদোষব্যপেত আত্মা ন বিষজ্জেত বায়ুবৎ ॥ ৪০ ॥

পার্থিবেষু ইহ দেহেষু প্রবিষ্টঃ তৎ গুণআশ্রয়ঃ ।
গুণৈঃ ন যুজ্যতে যোগী গন্ধৈঃ বায়ুঃ ইব আত্মদৃক্ ॥ ৪১ ॥

অন্তঃ হিতঃ চ স্থিরজঙ্গমেষু
ব্রহ্ম আত্মভাবেন সমন্বয়েন ।
ব্যাপ্ত্য অবচ্ছেদম্ অসঙ্গম্ আত্মনঃ
মুনিঃ নভঃ ৎবং বিততস্য ভাবয়েৎ ॥ ৪২ ॥

তেজঃ অবন্নময়ৈঃ ভাবৈঃ মেঘ আদ্যৈঃ বায়ুনা ঈরিতৈঃ ।
ন স্পৃশ্যতে নভঃ তদ্বৎ কালসৃষ্টৈঃ গুণৈঃ পুমান্ ॥

৪৩ ॥

স্বচ্ছঃ প্রকৃতিতঃ স্নিগ্ধঃ মাধুর্যঃ তীর্থভূঃ নৃণাম্ ।
মুনিঃ পুনাতি অপাং মিত্রম্ ঈক্ষ উপস্পর্শকীর্তনৈঃ ॥ ৪৪ ॥

তেজস্বী তপসা দীপ্তঃ দুর্ধর্ষৌদরভাজনঃ ।
সর্বভক্ষঃ অপি যুক্ত আত্মা ন আদত্তে মলম্ অগ্নিবৎ ॥ ৪৫ ॥

ক্বচিৎ শন্নঃ ক্বচিৎ স্পষ্টঃ উপাস্যঃ শ্রেয়ঃ ইচ্ছতাম্ ।
ভুঙ্ক্তে সর্বত্র দাতৄণাং দহন্ প্রাক্ উত্তর অশুভম্ ॥

৪৬ ॥

স্বমায়যা সৃষ্টম্ ইদং সৎ অসৎ লক্ষণং বিভুঃ ।
প্রবিষ্টঃ ঈয়তে তৎ তৎ স্বরূপঃ অগ্নিঃ ইব এধসি ॥ ৪৭ ॥

বিসর্গাদ্যাঃ শ্মশানান্তাঃ ভাবাঃ দেহস্য ন আত্মনঃ ।
কলানাম্ ইব চন্দ্রস্য কালেন অব্যক্তবর্ত্মনা ॥ ৪৮ ॥

কালেন হি ওঘবেগেন ভূতানাং প্রভব অপি অয়ৌ ।
নিত্যৌ অপি ন দৃশ্যেতে আত্মনঃ অগ্নেঃ যথা অর্চিষাম্ ॥ ৪৯ ॥

গুণৈঃ গুণান্ উপাদত্তে যথাকালং বিমুঞ্চতি ।
ন তেষু যুজ্যতে যোগী গোভিঃ গাঃ ইব গোপতিঃ ॥ ৫০ ॥

বুধ্যতে স্বেন ভেদেন ব্যক্তিস্থঃ ইব তৎ গতঃ ।
লক্ষ্যতে স্থূলমতিভিঃ আত্মা চ অবস্থিতঃ অর্কবৎ ॥ ৫১ ॥

ন অতিস্নেহঃ প্রসঙ্গঃ বা কর্তব্যঃ ক্ব অপি কেনচিৎ ।
কুর্বন্ বিন্দেত সন্তাপং কপোতঃ ইব দীনধীঃ ॥ ৫২ ॥

কপোতঃ কশ্চন অরণ্যে কৃতনীডঃ বনস্পতৌ ।
কপোত্যা ভার্যযা সার্ধম্ উবাস কতিচিৎ সমাঃ ॥ ৫৩ ॥

কপোতৌ স্নেহগুণিতহৃদয়ৌ গৃহধর্মিণৌ ।
দৃষ্টিং দৃষ্ট্যাঙ্গম্ অঙ্গেন বুদ্ধিং বুদ্ধ্যা ববন্ধতুঃ ॥

৫৪ ॥

শয়্যাসনাটনস্থানবার্তাক্রীডাশনআদিকম্ ।
মিথুনীভূয় বিস্রব্ধৌ চেরতুঃ বনরাজিষু ॥ ৫৫ ॥

যং যং বাঞ্ছতি সা রাজন্ তর্পয়ন্তি অনুকম্পিতা ।
তং তং সমনয়ৎ কামং কৃচ্ছ্রেণ অপি অজিতৈন্দ্রিয়ঃ ॥ ৫৬ ॥

কপোতী প্রথমং গর্ভং গৃহ্ণতি কালঃ আগতে ।
অণ্ডানি সুষুবে নীডে স্বপত্যুঃ সংনিধৌ সতী ॥ ৫৭ ॥

তেষূ কালে ব্যজায়ন্ত রচিতাবয়বা হরেঃ ।
শক্তিভিঃ দুর্বিভাব্যাভিঃ কোমলাঙ্গতনূরুহাঃ ॥ ৫৮ ॥

প্রজাঃ পুপুষতুঃ প্রীতৌ দম্পতী পুত্রবৎসলৌ ।
শৃণ্বন্তৌ কূজিতং তাসাং নির্বৃতৌ কলভাষিতৈঃ ॥ ৫৯ ॥

তাসাং পতত্রৈঃ সুস্পর্শৈঃ কূজিতৈঃ মুগ্ধচেষ্টিতৈঃ ।
প্রত্যুদ্গমৈঃ অদীনানাং পিতরৌ মুদম্ আপতুঃ ॥ ৬০ ॥

স্নেহানুবদ্ধহৃদয়ৌ অন্যোন্যং বিষ্ণুমায়যা ।
বিমোহিতৌ দীনধিয়ৌ শিশূন্ পুপুষতুঃ প্রজাঃ ॥ ৬১ ॥

একদা জগ্মতুঃ তাসাম্ অন্নার্থং তৌ কুটুম্বিনৌ ।
পরিতঃ কাননে তস্মিন্ অর্থিনৌ চেরতুঃ চিরম্ ॥ ৬২ ॥

দৃষ্ট্বা তান্ লুব্ধকঃ কশ্চিৎ যদৃচ্ছ অতঃ বনেচরঃ ।
জগৃহে জালম্ আতত্য চরতঃ স্বালয়ান্তিকে ॥ ৬৩ ॥

কপোতঃ চ কপোতী চ প্রজাপোষে সদা উৎসুকৌ ।
গতৌ পোষণম্ আদায় স্বনীডম্ উপজগ্মতুঃ ॥ ৬৪ ॥

কপোতী স্বাত্মজান্ বীক্ষ্য বালকান্ জালসংবৃতান্ ।
তান্ অভ্যধাবৎ ক্রোশন্তী ক্রোশতঃ ভৃশদুঃখিতা ॥ ৬৫ ॥

সা অসকৃৎ স্নেহগুণিতা দীনচিত্তা অজমায়যা ।
স্বয়ং চ অবধ্যত শিচা বদ্ধান্ পশ্যন্তি অপস্মৃতিঃ ॥ ৬৬ ॥

কপোতঃ চ আত্মজান্ বদ্ধান্ আত্মনঃ অপি অধিকান্ প্রিয়ান্ ।
ভার্যাং চ আত্মসমাং দীনঃ বিললাপ অতিদুঃখিতঃ ॥ ৬৭ ॥

অহো মে পশ্যত অপায়ম্ অল্পপুণ্যস্য দুর্মতেঃ ।
অতৃপ্তস্য অকৃতার্থস্য গৃহঃ ত্রৈবর্গিকঃ হতঃ ॥ ৬৮ ॥

অনুরূপা অনুকূলা চ যস্য মে পতিদেবতা ।
শূন্যে গৃহে মাং সন্ত্যজ্য পুত্রৈঃ স্বর্যাতি সাধুভিঃ ॥ ৬৯ ॥

সঃ অহং শূন্যে গৃহে দীনঃ মৃতদারঃ মৃতপ্রজঃ ।
জিজীবিষে কিমর্থং বা বিধুরঃ দুঃখজীবিতঃ ॥ ৭০ ॥

তান্ তথা এব আবৃতান্ শিগ্ভিঃ মৃত্যুগ্রস্তান্ বিচেষ্টতঃ ।
স্বয়ং চ কৃপণঃ শিক্ষু পশ্যন্ অপি অবুধঃ অপতৎ ॥ ৭১ ॥

তং লব্ধ্বা লুব্ধকঃ ক্রূরঃ কপোতং গৃহমেধিনম্ ।
কপোতকান্ কপোতীং চ সিদ্ধার্থঃ প্রয়যৌ গৃহম্ ॥ ৭২ ॥

এবং কুটুম্বী অশান্ত আত্মা দ্বন্দ্ব আরামঃ পতৎ ত্রিবৎ ।
পুষ্ণন্ কুটুম্বং কৃপণঃ সানুবন্ধঃ অবসীদতি ॥ ৭৩ ॥

যঃ প্রাপ্য মানুষং লোকং মুক্তিদ্বারম্ অপাবৃতম্ ।
গৃহেষু খগবৎ সক্তঃ তম্ আরূঢচ্যুতং বিদুঃ ॥ ৭৪ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
যদ্বধূতেতিহাসে সপ্তমোঽধ্যায়ঃ ॥ ৭ ॥

অথাস্শ্টমোঽধ্যায়ঃ ।
সুখম্ ঐন্দ্রিয়কং রাজন্ স্বর্গে নরকঃ এব চ ।
দেহিনঃ যৎ যথা দুঃখং তস্মাৎ ন ইচ্ছেত তৎ বুধাঃ ॥ ১ ॥

গ্রাসং সুমৃষ্টং বিরসং মহান্তং স্তোকম্ এব বা ।
যদৃচ্ছয়া এব অপতিতং গ্রসেৎ আজগরঃ অক্রিয়ঃ ॥ ২ ॥

শয়ীত অহানি ভূরীণি নিরাহারঃ অনুপক্রমঃ ।
যদি ন উপনমেৎ গ্রাসঃ মহাহিঃ ইব দিষ্টভুক্ ॥ ৩ ॥

ওজঃ সহোবলয়ুতং বিভ্রৎ দেহম্ অকর্মকম্ ।
শয়ানঃ বীতনিদ্রঃ চ নেহেত ইন্দ্রিয়বান্ অপি ॥ ৪ ॥

মুনিঃ প্রসন্নগম্ভীরঃ দুর্বিগাহ্যঃ দুরত্যযঃ ।
অনন্তপারঃ হি অক্ষোভ্যঃ স্তিমিত উদঃ ইব অর্ণবঃ ॥ ৫ ॥

সমৃদ্ধকামঃ হীনঃ বা নারায়ণপরঃ মুনিঃ ।
ন উৎসর্পেত ন শুষ্যেত সরিদ্ভিঃ ইব সাগরঃ ॥ ৬ ॥

দৃষ্ট্বা স্ত্রিয়ং দেবমায়াং তৎ ভাবৈঃ অজিতেন্দ্রিয়ঃ ।
প্রলোভিতঃ পততি অন্ধে তমসি অগ্নৌ পতঙ্গবৎ ॥ ৭ ॥

যোষিৎ হিরণ্য আভরণ অম্বরাদি
দ্রব্যেষু মায়ারচিতেষু মূঢঃ ।
প্রলোভিতাত্মা হি উপভোগবুদ্ধ্যা
পতঙ্গবৎ নশ্যতি নষ্টদৃষ্টিঃ ॥ ৮ ॥

স্তোকং স্তোকং গ্রসেৎ গ্রাসং দেহঃ বর্তেত যাবতা ।
গৃহান্ অহিংসৎ ন আতিষ্ঠেৎ বৃত্তিং মাধুকরীং মুনিঃ ॥ ৯ ॥

অণুভ্যঃ চ মহদ্ভ্যঃ চ শাস্ত্রেভ্যঃ কুশলঃ নরঃ ।
সর্বতঃ সারম্ আদদ্যাৎ পুষ্পেভ্যঃ ইব ষট্পদঃ ॥ ১০ ॥

সায়ন্তনং শ্বস্তনং বা ন সঙ্গৃহ্ণীত ভিক্ষিতম্ ।
পাণিপাত্র উদরামত্রঃ মক্ষিকা ইব ন সঙ্গ্রহী ॥ ১১ ॥

সায়ন্তনং শ্বস্তনং বা ন সঙ্গৃহ্ণীত ভিক্ষুকঃ ।
মক্ষিকাঃ ইব সঙ্গৃহ্ণন্ সহ তেন বিনশ্যতি ॥ ১২ ॥

পদ অপি যুবতীং ভিক্ষুঃ ন স্পৃশেৎ দারবীম্ অপি ।
স্পৃশন্ করীব বধ্যেত করিণ্যা অঙ্গসঙ্গতঃ ॥ ১৩ ॥

ন অধিগচ্ছেৎ স্ত্রিয়ং প্রাজ্ঞঃ কর্হিচিৎ মৃত্যুম্ আত্মনঃ ।
বল অধিকৈঃ স হন্যেত গজৈঃ অন্যৈঃ গজঃ যথা ॥ ১৪ ॥

ন দেয়ং ন উপভোগ্যং চ লুব্ধৈঃ যৎ দুঃখ সঞ্চিতম্ ।
ভুঙ্ক্তে তৎ অপি তৎ চ অন্যঃ মধুহেব অর্থবিৎ মধু ॥ ১৫ ॥

সুখ দুঃখ উপার্জিতৈঃ বিত্তৈঃ আশাসানাং গৃহ আশিষঃ ।
মধুহেব অগ্রতঃ ভুঙ্ক্তে যতিঃ বৈ গৃহমেধিনাম্ ॥ ১৬ ॥

গ্রাম্যগীতং ন শ্রুণুয়াৎ যতিঃ বনচরঃ ক্বচিৎ ।
শিখেত হরিণাৎ বদ্ধাৎ মৃগয়োঃ গীতমোহিতাৎ ॥ ১৭ ॥

নৃত্যবাদিত্রগীতানি জুষন্ গ্রাম্যাণি যোষিতাম্ ।
আসাং ক্রীডনকঃ বশ্যঃ ঋষ্যশৃঙ্গঃ মৃগীসুতঃ ॥ ১৮ ॥

জিহ্বয়া অতিপ্রমাথিন্যা জনঃ রসবিমোহিতঃ ।
মৃত্যুম্ ঋচ্ছতি অসৎ বুদ্ধিঃ মীনঃ তু বডিশৈঃ যথা ॥ ১৯ ॥

ইন্দ্রিয়াণি জয়ন্তি আশুঃ নিরাহারাঃ মনীষিণঃ ।
বর্জয়িৎবা তু রসনং তৎ নিরন্নস্য বর্ধতে ॥ ২০ ॥

তাবৎ জিতেন্দ্রিয়ঃ ন স্যাৎ বিজিতানি ইন্দ্রিয়ঃ পুমান্ ।
ন জয়েৎ রসনং যাবৎ জিতং সর্বং জিতে রসে ॥ ২১ ॥

পিঙ্গলা নাম বেশ্যা আসীৎ বিদেহনগরে পুরা ।
তস্যা মে শিক্ষিতং কিঞ্চিৎ নিবোধ নৃপনন্দন ॥ ২২ ॥

সা স্বৈরিণ্যেকদা কান্তং সঙ্কেত উপনেষ্যতী ।
অভূৎকালে বহির্দ্বারি বিভ্রতী রূপমুত্তমম্ ॥ ২৩ ॥

মার্গ আগচ্ছতো বীক্ষ্য পুরুষান্পুরুষর্ষভ ।
তান্ শুল্কদান্বিত্তবতঃ কান্তান্মেনেঽর্থকামুকা ॥ ২৪ ॥

আগতেষ্বপয়াতেষু সা সঙ্কেতোপজীবনী ।
অপ্যন্যো বিত্তবান্কোঽপি মামুপৈষ্যতি ভূরিদঃ ॥ ২৫ ॥

এঅবং দুরাশয়া ধ্বস্তনিদ্রা দ্বার্যবলম্বতী ।
নির্গচ্ছন্তী প্রবিশতী নিশীথং সমপদ্যত ॥ ২৬ ॥

তস্যা বিত্তাশয়া শুষ্যদ্বক্ত্রায়া দীনচেতসঃ ।
নির্বেদঃ পরমো জজ্ঞে চিন্তাহেতুঃ সুখাবহঃ ॥ ২৭ ॥

তস্যা নির্বিণ্ণচিত্তায়া গীতং শ্রুণু যথা মম ।
নির্বেদ আশাপাশানাং পুরুষস্য যথা হ্যসিঃ ॥ ২৮ ॥

ন হি অঙ্গাজাতনির্বেদঃ দেহবন্ধং জিহাসতি ।
যথা বিজ্ঞানরহিতঃ মনুজঃ মমতাং নৃপ ॥ ২৯ ॥

পিঙ্গলা উবাচ ।
অহো মে মোহবিততিং পশ্যত অবিজিত আত্মনঃ ।
যা কান্তাৎ অসতঃ কামং কাময়ে যেন বালিশা ॥ ৩০ ॥

সন্তং সমীপে রমণং রতিপ্রদং
বিত্তপ্রদং নিত্যম্ ইমং বিহায় ।
অকামদং দুঃখভয় আদি শোক
মোহপ্রদং তুচ্ছম্ অহং ভজে অজ্ঞা ॥ ৩১ ॥

অহো ময়াত্মা পরিতাপিতো বৃথা
সাঙ্কেত্যবৃত্ত্যাঽতিবিগর্হ্যবার্তয়া ।
স্ত্রৈণান্নরাদ্যাঽর্থতৃষোঽনুশোচ্যা
ৎক্রীতেন বিত্তং রতিমাত্মনেচ্ছতী ॥ ৩২ ॥

যদস্থিভির্নির্মিতবংশবংশ্য
স্থূণং ৎবচা রোমনখৈঃ পিনদ্ধম্ ।
ক্ষরন্নবদ্বারমগারমেতদ্
বিণ্মূত্রপূর্ণং মদুপৈতি কান্যা ॥ ৩৩ ॥

বিদেহানাং পুরে হ্যস্মিন্নহমেকৈব মূঢধীঃ ।
যাঽন্যস্মিচ্ছন্ত্যসত্যস্মাদাত্মদাৎকামমচ্যুতাৎ ॥ ৩৪ ॥

সুহৃৎপ্রেষ্ঠতমো নাথ আত্মা চায়ং শরীরিণাম্ ।
তং বিক্রীয়াত্মনৈবাহং রমেঽনেন যথা রমা ॥ ৩৫ ॥

কিয়ৎপ্রিয়ং তে ব্যভজন্কামা যে কামদা নরাঃ ।
আদ্যন্তবন্তো ভার্যায়া দেবা বা কালবিদ্রুতাঃ ॥ ৩৬ ॥

নূনং মে ভগবান্ প্রীতঃ বিষ্ণুঃ কেন অপি কর্মণা ।
নির্বেদঃ অয়ং দুরাশায়া যৎ মে জাতঃ সুখাবহঃ ॥ ৩৭ ॥

মৈবং স্যুর্মন্দভগ্যায়াঃ ক্লেশা নির্বেদহেতবঃ ।
যেনানুবন্ধং নিহৃত্য পুরুষঃ শমমৃচ্ছতি ॥ ৩৮ ॥

তেন উপকৃতম্ আদায় শিরসা গ্রাম্যসঙ্গতাঃ ।
ত্যক্ত্বা দুরাশাঃ শরণং ব্রজামি তম্ অধীশ্বরম্ ॥ ৩৯ ॥

সন্তুষ্টা শ্রদ্দধত্যেতদ্যথালাভেন জীবতী ।
বিহরাম্যমুনৈবাহমাত্মনা রমণেন বৈ ॥ ৪০ ॥

সংসারকূপে পতিতং বিষয়ৈর্মুষিতেক্ষণম্ ।
গ্রস্তং কালাহিনাঽঽত্মানং কোঽন্যস্ত্রাতুমধীশ্বরঃ ॥ ৪১ ॥

আত্মা এব হি আত্মনঃ গোপ্তা নির্বিদ্যেত যদাখিলাৎ ।
অপ্রমত্তঃ ইদং পশ্যৎ গ্রস্তং কালাহিনা জগৎ ॥ ৪২ ॥

ব্রাহ্মণ উবাচ ।
এঅবং ব্যবসিতমতির্দুরাশাং কান্ততর্ষজাম্ ।
ছিৎবোপশমমাস্থায় শয়্যামুপবিবেশ সা ॥ ৪৩ ॥

আশা হি পরমং দুঃখং নৈরাশ্যং পরমং সুখম্ ।
যথা সংছিদ্য কান্তাশাং সুখং সুষ্বাপ পিঙ্গলা ॥ ৪৪ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে পিঙ্গলোপাখ্যাঽনেষ্টমোঽধ্যায়ঃ
॥ ৮ ॥

অথ নবমোঽধ্যায়ঃ ।
ব্রাহ্মণঃ উবাচ ।
পরিগ্রহঃ হি দুঃখায় যৎ যৎ প্রিয়তমং নৃণাম্ ।
অনন্তং সুখম্ আপ্নোতি তৎ বিদ্বান্ যঃ তু অকিঞ্চনঃ ॥ ১ ॥

সামিষং কুররং জঘ্নুঃ বলিনঃ যে নিরামিষাঃ ।
তৎ আমিষং পরিত্যজ্য সঃ সুখং সমবিন্দত ॥ ২ ॥

ন মে মানাবমানৌ স্তঃ ন চিন্তা গেহপুত্রিণাম্ ।
আত্মক্রীডঃ আত্মরতিঃ বিচরামি ইহ বালবৎ ॥ ৩ ॥

দ্বৌ এব চিন্তয়া মুক্তৌ পরম আনন্দঃ আপ্লুতৌ ।
যঃ বিমুগ্ধঃ জডঃ বালঃ যঃ গুণেভ্যঃ পরং গতঃ ॥ ৪ ॥

ক্বচিৎ কুমারী তু আত্মানং বৃণানান্ গৃহম্ আগতান্ ।
স্বয়ং তান্ অর্হয়ামাস ক্বাপি যাতেষু বন্ধুষু ॥ ৫ ॥

তেষম্ অভ্যবহারার্থং শালীন্ রহসি পার্থিব ।
অবঘ্নন্ত্যাঃ প্রকোষ্ঠস্থাঃ চক্রুঃ শঙ্খাঃ স্বনং মহৎ ॥

৬ ॥

সা তৎ জুগুপ্সিতং মৎবা মহতী ব্রীডিতা ততঃ ।
বভঞ্জ একৈকশঃ শঙ্খান্ দ্বৌ দ্বৌ পাণ্যোঃ অশেষয়ৎ ॥

৭ ॥

উভয়োঃ অপি অভূৎ ঘোষঃ হি অবঘ্নন্ত্যাঃ স্ম শঙ্খয়োঃ ।
তত্র অপি একং নিরভিদৎ একস্মান্ ন অভবৎ ধ্বনিঃ ॥ ৮ ॥

অন্বশিক্ষম্ ইমং তস্যাঃ উপদেশম্ অরিন্দম ।
লোকান্ অনুচরন্ এতান্ লোকতত্ত্ববিবিৎসয়া ॥ ৯ ॥

বাসে বহূনাং কলহঃ ভবেৎ বার্তা দ্বয়োঃ অপি ।
একঃ এব চরেৎ তস্মাৎ কুমার্যাঃ ইব কঙ্কণঃ ॥ ১০ ॥

মনঃ একত্র সংয়ুজ্যাৎ জিতশ্বাসঃ জিত আসনঃ ।
বৈরাগ্যাভ্যাসয়োগেন ধ্রিয়মাণম্ অতন্দ্রিতঃ ॥ ১১ ॥

যস্মিন্ মনঃ লব্ধপদং যৎ এতৎ
শনৈঃ শনৈঃ মুঞ্চতি কর্মরেণূন্ ।
সত্ত্বেন বৃদ্ধেন রজঃ তমঃ চ
বিধূয় নির্বাণম্ উপৈতি অনিন্ধনম্ ॥ ১২ ॥

তৎ এবম্ আত্মনি অবরুদ্ধচিত্তঃ
ন বেদ কিঞ্চিৎ বহিঃ অন্তরং বা ।
যথা ইষুকারঃ নৃপতিং ব্রজন্তম্
ইষৌ গতাত্মা ন দদর্শ পার্শ্বে ॥ ১৩ ॥

একচার্যনিকেতঃ স্যাৎ অপ্রমত্তঃ গুহাশয়ঃ ।
অলক্ষ্যমাণঃ আচারৈঃ মুনিঃ একঃ অল্পভাষণঃ ॥ ১৪ ॥

গৃহারম্ভঃ অতিদুঃখায় বিফলঃ চ অধ্রুবাত্মনঃ ।
সর্পঃ পরকৃতং বেশ্ম প্রবিশ্য সুখম্ এধতে ॥ ১৫ ॥

একো নারায়ণো দেবঃ পূর্বসৃষ্টং স্বমায়যা ।
সংহৃত্য কালকলয়া কল্পান্ত ইদমীশ্বরঃ ॥ ১৬ ॥

এক এবাদ্বিতীয়োঽভূদাত্মাধারোঽখিলাশ্রয়ঃ ।
কালেনাত্মানুভাবেন সাম্যং নীতাসু শক্তিষু ।
সত্ত্বাদিষ্বাদিপুএরুষঃ প্রধানপুরুষেশ্বরঃ ॥ ১৭ ॥

পরাবরাণাং পরম আস্তে কৈবল্যসঞ্জ্ঞিতঃ ।
কেবলানুভবানন্দসন্দোহো নিরুপাধিকঃ ॥ ১৮ ॥

কেবলাত্মানুভাবেন স্বমায়াং ত্রিগুণাত্মিকাম্ ।
সংক্ষোভয়ন্সৃজত্যাদৌ তয়া সূত্রমরিন্দম ॥ ১৯ ॥

তামাহুস্ত্রিগুণব্যক্তিং সৃজন্তীং বিশ্বতোমুখম্ ।
যস্মিন্প্রোতমিদং বিশ্বং যেন সংসরতে পুমান্ ॥ ২০ ॥

যথা ঊর্ণনাভিঃ হৃদয়াৎ ঊর্ণাং সন্তত্য বক্ত্রতঃ ।
তয়া বিহৃত্য ভূয়স্তাং গ্রসতি এবং মহেশ্বরঃ ॥ ২১ ॥

যত্র যত্র মনঃ দেহী ধারয়েৎ সকলং ধিয়া ।
স্নেহাৎ দ্বেষাৎ ভয়াৎ বা অপি যাতি তৎ তৎ সরূপতাম্ ॥ ২২ ॥

কীটঃ পেশস্কৃতং ধ্যায়ন্ কুড্যাং তেন প্রবেশিতঃ ।
যাতি তৎ স্সত্মতাং রাজন্ পূর্বরূপম্ অসন্ত্যজন্ ॥ ২৩ ॥

এবং গুরুভ্যঃ এতেভ্যঃ এষ মে শিক্ষিতা মতিঃ ।
স্বাত্মা উপশিক্ষিতাং বুদ্ধিং শ্রুণু মে বদতঃ প্রভো ॥ ২৪ ॥

দেহঃ গুরুঃ মম বিরক্তিবিবেকহেতুঃ
বিভ্রৎ স্ম সত্ত্বনিধনং সতত অর্ত্যুৎ অর্কম্ ।
তত্ত্বানি অনেন বিমৃশামি যথা তথা অপি
পারক্যম্ ইতি অবসিতঃ বিচরামি অসঙ্গঃ ॥ ২৫ ॥

জায়াত্মজার্থপশুভৃত্যগৃহাপ্তবর্গান্
পুষ্ণাতি যৎ প্রিয়চিকীর্ষয়া বিতন্বন্ ॥

স্বান্তে সকৃচ্ছ্রম্ অবরুদ্ধধনঃ সঃ দেহঃ
সৃষ্ট্বা অস্য বীজম্ অবসীদতি বৃক্ষধর্মা ॥ ২৬ ॥

জিহ্বা একতঃ অমুম্ অবকর্ষতি কর্হি তর্ষা
শিশ্নঃ অন্যতঃ ৎবক্ উদরং শ্রবণং কুতশ্চিৎ ।
গ্রাণঃ অন্যতঃ চপলদৃক্ ক্ব চ কর্মশক্তিঃ
বহ্ব্যঃ সপত্ন্যঃ ইব গেহপতিং লুনন্তি ॥ ২৭ ॥

সৃষ্ট্বা পুরাণি বিবিধানি অজয়া আত্মশক্ত্যা
বৃক্ষান্ সরীসৃপপশূন্খগদংশমৎস্যান্ ।
তৈঃ তৈঃ অতুষ্টহৃদয়ঃ পুরুষং বিধায়
ব্রহ্মাবলোকধিষণং মুদমাপ দেবঃ ॥ ২৮ ॥

লব্ধ্বা সুদুর্লভম্ ইদং বহুসম্ভবান্তে
মানুষ্যমর্থদমনিত্যমপীহ ধীরঃ ।
তূর্ণং যতেত ন পতেৎ অনুমৃত্যুঃ যাবৎ
নিঃশ্রেয়সায় বিষয়ঃ খলু সর্বতঃ স্যাৎ ॥ ২৯ ॥

এবং সঞ্জাতবৈরাগ্যঃ বিজ্ঞানলোক আত্মনি ।
বিচরামি মহীম্ এতাং মুক্তসঙ্গঃ অনহঙ্কৃতিঃ ॥ ৩০ ॥

ন হি একস্মাৎ গুরোঃ জ্ঞানং সুস্থিরং স্যাৎ সুপুষ্কলম্ ।
ব্রহ্ম এতৎ অদ্বিতীয়ং বৈ গীয়তে বহুধা ঋষিভিঃ ॥ ৩১ ॥

শ্রীভগবানুবাচ ।
ইত্যুক্ত্বা স যদুং বিপ্রস্তমামন্ত্রয় গভীরধীঃ ।
বন্দিতো।আভ্যর্থিতো রাজ্ঞা যয়ৌ প্রীতো যথাগতম্ ॥ ৩২ ॥

অবধূতবচঃ শ্রুৎবা পূর্বেষাং নঃ স পূর্বজঃ ।
সর্বসঙ্গবিনির্মুক্তঃ সমচিত্তো বভূব হ ॥ ৩৩ ॥

(ইতি অবধূতগীতম্ ।)

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
নবমোঽধ্যায়ঃ ॥ ৯ ॥

অথ দশমোঽধ্যায়ঃ ।
শ্রীভগবান্ উবাচ ।
ময়া উদিতেষু অবহিতঃ স্বধর্মেষু মদাশ্রয়ঃ ।
বর্ণাশ্রমকুল আচারম্ অকামাত্মা সমাচরেৎ ॥ ১ ॥

অন্বীক্ষেত বিশুদ্ধাত্মা দেহিনাং বিষয়াত্মনাম্ ।
গুণেষু তত্ত্বধ্যানেন সর্বারম্ভবিপর্যযম্ ॥ ২ ॥

সুপ্তস্য বিষয়ালোকঃ ধ্যায়তঃ বা মনোরথঃ ।
নানামকৎবাৎ বিফলঃ তথা ভেদাত্মদীঃ গুণৈঃ ॥ ৩ ॥

নিবৃত্তং কর্ম সেবেত প্রবৃত্তং মৎপরঃ ত্যজেৎ ।
জিজ্ঞাসায়াং সম্প্রবৃত্তঃ ন অদ্রিয়েৎ কর্ম চোদনাম্ ॥ ৪ ॥

যমানভীক্ষ্ণং সেবেত নিয়মান্ মৎপরঃ ক্বচিৎ ।
মদভিজ্ঞং গুর্ং শান্তম্ উপাসীত মদাত্মকম্ ॥ ৫ ॥

অমান্যমৎসরঃ দক্ষঃ নির্মমঃ দৃঢসৌহৃদঃ ।
অসৎবরঃ অর্থজিজ্ঞাসুঃ অনসূয়ৌঃ অমোঘবাক্ ॥ ৬ ॥

জায়াপত্যগৃহক্ষেত্রস্বজনদ্রবিণ আদিষু ।
উদাসীনঃ সমং পশ্যন্ সর্বেষু অর্থম্ ইব আত্মনঃ ॥ ৭ ॥

বিলক্ষণঃ স্থূলসূক্ষ্মাৎ দেহাৎ আত্মেক্ষিতা স্বদৃক্ ।
যথাগ্নিঃ দারুণঃ দাহ্যাৎ দাহকঃ অন্যঃ প্রকাশকঃ ॥ ৮ ॥

নিরোধ উৎপত্তি অণু বৃহন্ নানাৎবং তৎকৃতান্ গুণান্ ।
অন্তঃ প্রবিষ্টঃ আধত্তঃ এবং দেহগুণান্ পরঃ ॥ ৯ ॥

যঃ অসৌ গুণৈঃ বিরচিতঃ দেহঃ অয়ং পুরুষস্য হি ।
সংসারঃ তৎ নিবন্ধঃ অয়ং পুংসঃ বিদ্যাৎ ছিদাত্মনঃ ॥ ১০ ॥

তস্মাৎ জিজ্ঞাসয়া আত্মানম্ আত্মস্থং পরম্ ।
সঙ্গম্য নিরসেৎ এতৎ বস্তুবুদ্ধিং যথাক্রমম্ ॥ ১১ ॥

আচার্যঃ অরণিঃ আদ্যঃ স্যাৎ অন্তেবাসি উত্তর অরণিঃ ।
তৎ সন্ধানং প্রবচনং বিদ্যা সন্ধিঃ সুখাবহঃ ॥ ১২ ॥

বৈশারদী সা অতিবিশুদ্ধবুদ্ধিঃ
ধুনোতি মায়াং গুণসম্প্রসূতাম্ ।
গুণান্ চ সন্দহ্য যৎ আত্মম্ এতৎ
স্বয়ং চ শাম্যতি অসমিদ্ যথা অগ্নিঃ ॥ ১৩ ॥

অথ এষাং কর্মকর্তৄণাং ভোক্তৄণাং সুখদুঃখয়োঃ ।
নানাৎবম্ অথ নিত্যৎবং লোককালাগম আত্মনাম্ ॥ ১৪ ॥

মন্যসে সর্বভাবানাং সংস্থা হি ঔৎপত্তিকী যথা ।
তৎ তৎ আকৃতিভেদেন জায়তে ভিদ্যতে চ ধীঃ ॥ ১৫ ॥

এবম্ অপি অঙ্গ সর্বেষাং দেহিনাং দেহয়োগতঃ ।
কাল অবয়বতঃ সন্তি ভাবা জন্মাদয়োঃ অসকৃৎ ॥ ১৬ ॥

অত্র অপি কর্মণাং কর্তুঃ অস্বাতন্ত্র্যং চ লক্ষ্যতে ।
ভোক্তুঃ চ দুঃখসুখয়োঃ কঃ অন্বর্থঃ বিবশং ভজেৎ ॥ ১৭ ॥

ন দেহিনাং সুখং কিঞ্চিৎ বিদ্যতে বিদুষাম্ অপি ।
তথা চ দুঃখং মূঢানাং বৃথা অহঙ্করণং পরম্ ॥ ১৮ ॥

যদি প্রাপ্তিং বিঘাতং চ জানন্তি সুখদুঃখয়োঃ ।
তে অপি অদ্ধা ন বিদুঃ যোগং মৃত্যুঃ ন প্রভবেৎ যথা ॥ ১৯ ॥

কঃ অন্বর্থঃ সুখয়তি এনং কামঃ বা মৃত্যুঃ অন্তিকে ।
আঘাতং নীয়মানস্য বধ্যসি এব ন তুষ্টিদঃ ॥ ২০ ॥

শ্রুতং চ দৃষ্টবৎ দুষ্টং স্পর্ধা অসূয়া অত্যযব্যযৈঃ ।
বহু অন্তরায় কামৎবাৎ কৃষিবৎ চ অপি নিষ্ফলম্ ॥ ২১ ॥

অন্তরায়ৈঃ অবিহতঃ যদি ধর্মঃ স্বনুষ্ঠিতঃ ।
তেনাপি নির্জিতং স্থানং যথা গচ্ছতি তৎ শ্রুণু ॥ ২২ ॥

ইষ্ত্বা ইহ দেবতাঃ যজ্ঞৈঃ স্বর্লোকং যাতি যাজ্ঞিকঃ ।
ভুঞ্জীত দেববৎ তত্র ভোগান্ দিব্যান্ নিজ অর্জিতান্ ॥ ২৩ ॥

স্বপুণ্য উপচিতে শুভ্রে বিমানঃ উপগীয়তে ।
গন্ধর্বৈঃ বিহরন্মধ্যে দেবীনাং হৃদ্যবেষধৃক্ ॥ ২৪ ॥

স্ত্রীভিঃ কামগয়ানেন কিঙ্কিণীজালমালিনা ।
ক্রীডন্ ন বেদ আত্মপাতং সুরাক্রীডেষু নির্বৃতঃ ॥ ২৫ ॥

তাবৎ প্রমোদতে স্বর্গে যাবৎ পুণ্যং সমাপ্যতে ।
ক্ষীণপুণ্যঃ পততি অর্বাক্ অনিচ্ছন্ কালচালিতঃ ॥ ২৬ ॥

যদি অধর্মরতঃ সঙ্গাৎ অসতাং বা অজিতেন্দ্রিয়ঃ ।
কামাত্মা কৃপণঃ লুব্ধঃ স্ত্রৈণঃ ভূতবিহিংসকঃ ॥ ২৭ ॥

পশূন্ অবিধিনা আলভ্য প্রেতভূতগণান্ যজন্ ।
নরকান্ অবশঃ জন্তুঃ গৎবা যাতি উল্বণং তমঃ ॥ ২৮ ॥

কর্মাণি দুঃখ উদর্কাণি কুর্বন্ দেহেন তৈঃ পুনঃ ।
দেহম্ আভজতে তত্র কিং সুখং মর্ত্যধর্মিণঃ ॥ ২৯ ॥

লোকানাং লোক পালানাং মদ্ভয়ং কল্পজীবিনাম্ ।
ব্রহ্মণঃ অপি ভয়ং মত্তঃ দ্বিপরাধপর আয়ুষঃ ॥ ৩০ ॥

গুণাঃ সৃজন্তি কর্মাণি গুণঃ অনুসৃজতে গুণান্ ।
জীবঃ তু গুণসংয়ুক্তঃ ভুঙ্ক্তে কর্মফলানি অসৌ ॥ ৩১ ॥

যাবৎ স্যাৎ গুণবৈষম্যং তাবৎ নানাৎবম্ আত্মনঃ ।
নানাৎবম্ আত্মনঃ যাবৎ পারতন্ত্র্যং তদা এব হি ॥ ৩২ ॥

যাবৎ অস্য অস্বতন্ত্রৎবং তাবৎ ঈশ্বরতঃ ভয়ম্ ।
যঃ এতৎ সমুপাসীরন্ তে মুহ্যন্তি শুচার্পিতাঃ ॥ ৩৩ ॥

কালঃ আত্মা আগমঃ লোকঃ স্বভাবঃ ধর্মঃ এব চ ।
ইতি মাং বহুধা প্রাহুঃ গুণব্যতিকরে সতি ॥ ৩৪ ॥

উদ্ধবঃ উবাচ ।
গুণেষু বর্তমানঃ অপি দেহজেষু অনপাবৃতাঃ ।
গুণৈঃ ন বধ্যতে দেহী বধ্যতে বা কথং বিভো ॥ ৩৫ ॥

কথং বর্তেত বিহরেৎ কৈঃ বা জ্ঞায়েত লক্ষণৈঃ ।
কিং ভুঞ্জীত উত বিসৃজেৎ শয়ীত আসীত যাতি বা ॥ ৩৬ ॥

এতৎ অচ্যুত মে ব্রূহি প্রশ্নং প্রশ্নবিদাং বর ।
নিত্যমুক্তঃ নিত্যবদ্ধঃ একঃ এব ইতি মে ভ্রমঃ ॥ ৩৭ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
দশমোঽধ্যায়ঃ ॥ ১০ ॥

অথ একাদশোঽধ্যায়ঃ ।
শ্রীভগবান্ উবাচ ।
বদ্ধঃ মুক্তঃ ইতি ব্যাখ্যা গুণতঃ মে ন বস্তুতঃ ।
গুণস্য মায়ামূলৎবাৎ ন মে মোক্ষঃ ন বন্ধনম্ ॥ ১ ॥

শোকমোহৌ সুখং দুঃখং দেহাপত্তিঃ চ মায়যা ।
স্বপ্নঃ যথা আত্মনঃ খ্যাতিঃ সংসৃতিঃ ন তু বাস্তবী ॥ ২ ॥

বিদ্যা অবিদ্যে মম তনূ বিদ্ধি উদ্ধব শরীরিণাম্ ।
মোক্ষবন্ধকরী আদ্যে মায়যা মে বিনির্মিতে ॥ ৩ ॥

একস্য এব মম অংশস্য জীবস্য এব মহামতে ।
বন্ধঃ অস্য অবিদ্যযা অনাদিঃ বিদ্যযা চ তথা ইতরঃ ॥ ৪ ॥

অথ বদ্ধস্য মুক্তস্য বৈলক্ষণ্যং বদামি তে ।
বিরুদ্ধধর্মিণোঃ তাত স্থিতয়োঃ একধর্মিণি ॥ ৫ ॥

সুপর্ণৌ এতৌ সদৃশৌ সখায়ৌ
যদৃচ্ছয়া এতৌ কৃতনীডৌ চ বৃক্ষে ।
একঃ তয়োঃ খাদতি পিপ্পলান্নম্
অন্যঃ নিরন্নঃ অপি বলেন ভূয়ান্ ॥ ৬ ॥

আত্মানম্ অন্যং চ সঃ বেদ বিদ্বান্
অপিপ্পলাদঃ ন তু পিপ্পলাদঃ ।
যঃ অবিদ্যযা যুক্ স তু নিত্যবদ্ধঃ
বিদ্যাময়ঃ যঃ স তু নিত্যমুক্তঃ ॥ ৭ ॥

দেহস্থঃ অপি ন দেহস্থঃ বিদ্বান্ স্বপ্নাৎ যথা উত্থিতঃ ।
অদেহস্থঃ অপি দেহস্থঃ কুমতিঃ স্বপ্নদৃক্ যথা ॥ ৮ ॥

ইন্দ্রিয়ৈঃ ইন্দ্রিয়ার্থেষু গুণৈঃ অপি গুণেষু চ ।
গৃহ্যমাণেষু অহঙ্কুর্যাৎ ন বিদ্বান্ যঃ তু অবিক্রিয়ঃ ॥ ৯ ॥

দৈবাধীনে শরীরে অস্মিন্ গুণভাব্যেন কর্মণা ।
বর্তমানঃ অবুধঃ তত্র কর্তা অস্মি ইতি নিবধ্যতে ॥ ১০ ॥

এবং বিরক্তঃ শয়নঃ আসনাটনমজ্জনে ।
দর্শনস্পর্শনঘ্রাণভোজনশ্রবণআদিষু ॥ ১১ ॥

ন তথা বধ্যতে বিদ্বান্ তত্র তত্র আদয়ন্ গুণান্ ।
প্রকৃতিস্থঃ অপি অসংসক্তঃ যথা খং সবিতা অনিলঃ ॥ ১২ ॥

বৈশারদ্যেক্ষয়া অসঙ্গশিতয়া ছিন্নসংশয়ঃ ।
প্রতিবুদ্ধঃ ইব স্বপ্নাৎ নানাৎবাৎ বিনিবর্ততে ॥ ১৩ ॥

যস্য স্যুঃ বীতসঙ্কল্পাঃ প্রাণেন্দ্রিয়মনোধিয়াম্ ।
বৃত্তয়ঃ সঃ বিনির্মুক্তঃ দেহস্থঃ অপি হি তৎ গুণৈঃ ॥ ১৪ ॥

যস্য আত্মা হিংস্যতে হিংস্র্যৈঃ যেন কিঞ্চিৎ যদৃচ্ছয়া ।
অর্চ্যতে বা ক্বচিৎ তত্র ন ব্যতিক্রিয়তে বুধঃ ॥ ১৫ ॥

ন স্তুবীত ন নিন্দেত কুর্বতঃ সাধু অসাধু বা ।
বদতঃ গুণদোষাভ্যাং বর্জিতঃ সমদৃক্ মুনিঃ ॥ ১৬ ॥

ন কুর্যাৎ ন বদেৎ কিঞ্চিৎ ন ধ্যায়েৎ সাধু অসাধু বা ।
আত্মারামঃ অনয়া বৃত্ত্যা বিচরেৎ জডবৎ মুনিঃ ॥ ১৭ ॥

শব্দব্রহ্মণি নিষ্ণাতঃ ন নিষ্ণায়াৎ পরে যদি ।
শ্রমঃ তস্য শ্রমফলঃ হি অধেনুম্ ইব রক্ষতঃ ॥ ১৮ ॥

গাং দুগ্ধদোহাম্ অসতীং চ ভার্যাম্
দেহং পরাধীনম্ অসৎপ্রজাং চ ।
বিত্তং তু অতীর্থীকৃতম্ অঙ্গ বাচম্
হীনাং ময়া রক্ষতি দুঃখদুঃখী ॥ ১৯ ॥

যস্যাং ন মে পাবনম্ অঙ্গ কর্ম
স্থিতিউদ্ভবপ্রাণ নিরোধনম্ অস্য ।
লীলাবতারঈপ্সিতজন্ম বা স্যাৎ
বন্ধ্যাং গিরং তাং বিভৃয়াৎ ন ধীরঃ ॥ ২০ ॥

এবং জিজ্ঞাসয়া অপোহ্য নানাৎবভ্রমম্ আত্মনি ।
উপারমেত বিরজং মনঃ ময়ি অর্প্য সর্বগে ॥ ২১ ॥

যদি অনীশঃ ধারয়িতুং মনঃ ব্রহ্মণি নিশ্চলম্ ।
ময়ি সর্বাণি কর্মাণি নিরপেক্ষঃ সমাচর ॥ ২২ ॥

শ্রদ্ধালুঃ মে কথাঃ শৃণ্বন্ সুভদ্রা লোকপাবনীঃ ।
গায়ন্ অনুস্মরন্ কর্ম জন্ম চ অভিনয়ন্ মুহুঃ ॥ ২৩ ॥

মদর্থে ধর্মকামার্থান্ আচরন্ মদপাশ্রয়ঃ ।
লভতে নিশ্চলাং ভক্তিং ময়ি উদ্ধব সনাতনে ॥ ২৪ ॥

সৎসঙ্গলব্ধয়া ভক্ত্যা ময়ি মাং সঃ উপাসিতা ।
সঃ বৈ মে দর্শিতং সদ্ভিঃ অঞ্জসা বিন্দতে পদম্ ॥ ২৫ ॥

উদ্ধব উবাচ ।
সাধুঃ তব উত্তমশ্লোক মতঃ কীদৃগ্বিধঃ প্রভো ।
ভক্তিঃ ৎবয়ি উপয়ুজ্যেত কীদৃশী সদ্ভিঃ আদৃতা ॥ ২৬ ॥

এতৎ মে পুরুষাধ্যক্ষ লোকাধ্যক্ষ জগৎ প্রভো ।
প্রণতায় অনুরক্তায় প্রপন্নায় চ কথ্যতাম্ ॥ ২৭ ॥

ৎবং ব্রহ্ম পরমং ব্যোম পুরুষঃ প্রকৃতেঃ পরঃ ।
অবতীর্ণঃ অসি ভগবন্ স্বেচ্ছাউপাত্তপৃথক্ বপুঃ ॥ ২৮ ॥

শ্রীভগবান্ উবাচ ।
কৃপালুঃ অকৃতদ্রোহঃ তিতিক্ষুঃ সর্বদেহিনাম্ ।
সত্যসারঃ অনবদ্যাত্মা সমঃ সর্বোপকারকঃ ॥ ২৯ ॥

কামৈঃ অহতধীঃ দান্তঃ মৃদুঃ শুচিঃ অকিঞ্চনঃ ।
অনীহঃ মিতভুক্ শান্তঃ স্থিরঃ মৎ শরণঃ মুনিঃ ॥ ৩০ ॥

অপ্রমত্তঃ গভীরাত্মা ধৃতিমাঞ্জিতষড্গুণঃ ।
অমানী মানদঃ কল্পঃ মৈত্রঃ কারুণিকঃ কবিঃ ॥ ৩১ ॥

আজ্ঞায় এবং গুণান্ দোষান্ময়াদিষ্টান্ অপি স্বকান্ ।
ধর্মান্ সন্ত্যজ্য যঃ সর্বান্ মাং ভজেত সঃ সত্তমঃ ॥ ৩২ ॥

জ্ঞাৎবা অজ্ঞাৎবা অথ যে বৈ মাং যাবান্ যঃ চ অস্মি
যাদৃশঃ ।
ভজন্তি অনন্যভাবেন তে মে ভক্ততমাঃ মতাঃ ॥ ৩৩ ॥

মল্লিঙ্গমদ্ভক্তজনদর্শনস্পর্শনার্চনম্ ।
পরিচর্যা স্তুতিঃ প্রহ্বগুণকর্ম অনুকীর্তনম্ ॥ ৩৪ ॥

মৎকথাশ্রবণে শ্রদ্ধা মৎ অনুধ্যানম্ উদ্ধব ।
সর্বলাভ উপহরণং দাস্যেন আত্মনিবেদনম্ ॥ ৩৫ ॥

মজ্জন্মকর্মকথনং মম পর্বানুমোদনম্ ।
গীততাণ্ডববাদিত্রগোষ্ঠীভিঃ মদ্গৃহ উৎসবঃ ॥ ৩৬ ॥

যাত্রা বলিবিধানং চ সর্ববার্ষিকপর্বসু ।
বৈদিকী তান্ত্রিকী দীক্ষা মদীয়ব্রতধারণম্ ॥ ৩৭ ॥

মম অর্চাস্থাপনে শ্রদ্ধা স্বতঃ সংহত্য চ উদ্যমঃ ।
উদ্যান উপবনাক্রীডপুরমন্দিরকর্মণি । ৩৮ ॥

সংমার্জন উপলেপাভ্যাং সেকমণ্ডলবর্তনৈঃ ।
গৃহশুশ্রূষণং মহ্যং দাসবদ্যদমায়যা ॥ ৩৯ ॥

অমানিৎবম্ অদম্ভিৎবং কৃতস্য অপরিকীর্তনম্ ।
অপি দীপাবলোকং মে ন উপয়ুঞ্জ্যাৎ নিবেদিতম্ ॥ ৪০ ॥

যৎ যৎ ইষ্টতমং লোকে যৎ চ অতিপ্রিয়ম্ আত্মনঃ ।
তৎ তৎ নিবেদয়েৎ মহ্যং তৎ আনন্ত্যায় কল্পতে ॥ ৪১ ॥

সূর্যঃ অগ্নিঃ ব্রাহ্মণঃ গাবঃ বৈষ্ণবঃ খং মরুৎ জলম্ ।
ভূঃ আত্মা সর্বভূতানি ভদ্র পূজাপদানি মে ॥ ৪২ ॥

সূর্যে তু বিদ্যযা ত্রয়্যা হবিষাগ্নৌ যজেত মাম্ ।
আতিথ্যেন তু বিপ্রাগ্র্যঃ গোষ্বঙ্গ যবসাদিনা ॥ ৪৩ ॥

বৈষ্ণবে বন্ধুসৎকৃত্যা হৃদি খে ধ্যাননিষ্ঠয়া ।
বায়ৌ মুখ্যধিয়া তোয়ে দ্রব্যৈঃ তোয়পুরস্কৃতৈঃ ॥ ৪৪ ॥

স্থণ্ডিলে মন্ত্রহৃদয়ৈঃ ভোগৈঃ আত্মানম্ আত্মনি ।
ক্ষেত্রজ্ঞং সর্বভূতেষু সমৎবেন যজেত মাম্ ॥ ৪৫ ॥

ধিষ্ণ্যেষু এষু ইতি মদ্রূপং শঙ্খচক্রগদাম্বুজৈঃ ।
যুক্তং চতুর্ভুজং শান্তং ধ্যায়ন্ অর্চেৎ সমাহিতঃ ॥ ৪৬ ॥

ইষ্টাপূর্তেন মাম্ এবং যঃ যজেত সমাহিতঃ ।
লভতে ময়ি সদ্ভক্তিং মৎস্মৃতিঃ সাধুসেবয়া ॥ ৪৭ ॥

প্রায়েণ ভক্তিয়োগেন সৎসঙ্গেন বিনা উদ্ধব ।
ন উপায়ঃ বিদ্যতে সধ্র্যঙ্ প্রায়ণং হি সতাম্ অহম্ ॥ ৪৮ ॥

অথ এতৎ পরমং গুহ্যং শ্রুণ্বতঃ যদুনন্দন ।
সুগোপ্যম্ অপি বক্ষ্যামি ৎবং মে ভৃত্যঃ সুহৃৎ সখা ॥ ৪৯ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
একাদশপূজাবিধানয়োগো নাম একাদশোঽধ্যায়ঃ ॥ ১১ ॥

অথ দ্বাদশোঽধ্যায়ঃ ।
শ্রীভগবান্ উবাচ ।
ন রোধয়তি মাং যোগঃ ন স্সাঙ্খ্যং ধর্মঃ এব চ ।
ন স্বাধ্যায়ঃ তপঃ ত্যাগঃ ন ইষ্টাপূর্তং ন দক্ষিণা ॥ ১ ॥

ব্রতানি যজ্ঞঃ ছন্দাংসি তীর্থানি নিয়মাঃ যমাঃ ।
যথা অবরুন্ধে সৎসঙ্গঃ সর্বসঙ্গ অপহঃ হি মাম্ ॥ ২ ॥

সৎসঙ্গেন হি দৈতেয়া যাতুধানঃ মৃগাঃ খগাঃ ।
গন্ধর্ব অপ্সরসঃ নাগাঃ সিদ্ধাঃ চারণগুহ্যকাঃ ॥ ৩ ॥

বিদ্যাধরাঃ মনুষ্যেষু বৈশ্যাঃ শূদ্রাঃ স্ত্রিয়ঃ অন্ত্যজাঃ ।
রজঃ তমঃ প্রকৃতয়ঃ তস্মিন্ তস্মিন্ যুগে অনঘ ॥ ৪ ॥

বহবঃ মৎপদং প্রাপ্তাঃ ৎবাষ্ট্রকায়াধবাদয়ঃ ।
বৃষপর্বা বলিঃ বাণঃ ময়ঃ চ অথ বিভীষণঃ ॥ ৫ ॥

সুগ্রীবঃ হনুমান্ ঋক্ষঃ গজঃ গৃধ্রঃ বণিক্পথঃ ।
ব্যাধঃ কুব্জা ব্রজে গোপ্যঃ যজ্ঞপত্ন্যঃ তথা অপরে ॥ ৬ ॥

তে ন অধিতশ্রুতিগণাঃ ন উপাসিতমহত্তমাঃ ।
অব্রতাতপ্ততপসঃ মৎসঙ্গাৎ মাম্ উপাগতাঃ ॥ ৭ ॥

কেবলেন হি ভাবেন গোপ্যঃ গাবঃ নগাঃ মৃগাঃ ।
যে অন্যে মূঢধিয়ঃ নাগাঃ সিদ্ধাঃ মাম্ ঈয়ুঃ অঞ্জসা ॥ ৮ ॥

যং ন যোগেন সাঙ্খ্যেন দানব্রততপঃ অধ্বরৈঃ ।
ব্যাখ্যাঃ স্বাধ্যায়সংন্যাসৈঃ প্রাপ্নুয়াৎ যত্নবান্ অপি ॥ ৯ ॥

রামেণ সার্ধং মথুরাং প্রণীতে
শ্বাফল্কিনা ময়ি অনুরক্তচিত্তাঃ ।
বিগাঢভাবেন ন মে বিয়োগ
তীব্রাধয়ঃ অন্যং দদৃশুঃ সুখায় ॥ ১০ ॥

তাঃ তাঃ ক্ষপাঃ প্রেষ্ঠতমেন নীতাঃ
ময়া এব বৃন্দাবনগোচরেণ ।
ক্ষণার্ধবৎ তাঃ পুনরঙ্গ তাসাং
হীনা মায়া কল্পসমা বভূবুঃ ॥ ১১ ॥

তাঃ ন অবিদন্ ময়ি অনুষঙ্গবদ্ধ
ধিয়ঃ স্বমাত্মানম্ অদঃ তথা ইদম্ ।
যথা সমাধৌ মুনয়ঃ অব্ধিতোয়ে
নদ্যঃ প্রবিষ্টাঃ ইব নামরূপে ॥ ১২ ॥

মৎকামা রমণং জারম্ অস্বরূপবিদঃ অবলাঃ ।
ব্রহ্ম মাং পরমং প্রাপুঃ সঙ্গাৎ শতসহস্রশঃ ॥ ১৩ ॥

তস্মাৎ ৎবম্ উদ্ধব উৎসৃজ্য চোদনাং প্রতিচোদনাম্ ।
প্রবৃত্তং চ নিবৃত্তং চ শ্রোতব্যং শ্রুতম্ এব চ ॥ ১৪ ॥

মাম্ একম্ এব শরণম্ আত্মানং সর্বদেহিনাম্ ।
যাহি সর্বাত্মভাবেন ময়া স্যাঃ হি অকুতোভয়ঃ ॥ ১৫ ॥

উদ্ধবঃ উবাচ ।
সংশয়ঃ শ্রুণ্বতঃ বাচং তব যোগেশ্বর ঈশ্বর ।
ন নিবর্ততঃ আত্মস্থঃ যেন ভ্রাম্যতি মে মনঃ ॥ ১৬ ॥

শ্রীভগবান্ উবাচ ।
সঃ এষ জীবঃ বিবরপ্রসূতিঃ
প্রাণেন ঘোষেণ গুহাং প্রবিষ্টঃ ।
মনোময়ং সূক্ষ্মম্ উপেত্য রূপং
মাত্রা স্বরঃ বর্ণঃ ইতি স্থবিষ্ঠঃ ॥ ১৭ ॥

যথা অনলঃ খে অনিলবন্ধুঃ ঊষ্মা
বলেন দারুণ্যধিমথ্যমানঃ ।
অণুঃ প্রজাতঃ হবিষা সমিধ্যতে
তথা এব মে ব্যক্তিঃ ইয়ং হি বাণী ॥ ১৮ ॥

এবং গদিঃ কর্মগতিঃ বিসর্গঃ
ঘ্রাণঃ রসঃ দৃক্ স্পর্শঃ শ্রুতিঃ চ ।
সঙ্কল্পবিজ্ঞানম্ অথ অভিমানঃ
সূত্রং রজঃ সত্ত্বতমোবিকারঃ ॥ ১৯ ॥

অয়ং হি জীবঃ ত্রিবৃৎ অব্জয়োনিঃ
অব্যক্তঃ একঃ বয়সা সঃ আদ্যঃ ।
বিশ্লিষ্টশক্তিঃ বহুধা এব ভাতি
বীজানি যোনিং প্রতিপদ্য যদ্বৎ ॥ ২০ ॥

যস্মিন্ ইদং প্রোতম্ অশেষম্ ওতং
পটঃ যথা তন্তুবিতানসংস্থঃ ।
যঃ এষ সংসারতরুঃ পুরাণঃ
কর্মাত্মকঃ পুষ্পফলে প্রসূতে ॥ ২১ ॥

দ্বে অস্য বীজে শতমূলঃ ত্রিনালঃ
পঞ্চস্কন্ধঃ পঞ্চরসপ্রসূতিঃ ।
দশ একশাখঃ দ্বিসুপর্ণনীডঃ
ত্রিবল্কলঃ দ্বিফলঃ অর্কং প্রবিষ্টঃ ॥ ২২ ॥

অদন্তি চ একং ফলম্ অস্য গৃধ্রা
গ্রামেচরাঃ একম্ অরণ্যবাসাঃ ।
হংসাঃ যঃ একং বহুরূপম্ ইজ্যৈঃ
মায়াময়ং বেদ সঃ বেদ বেদম্ ॥ ২৩ ॥

এবং গুরু উপাসনয়া একভক্ত্যা
বিদ্যাকুঠারেণ শিতেন ধীরঃ ।
বিবৃশ্চ্য জীবাশয়ম্ অপ্রমত্তঃ
সম্পদ্য চ আত্মানম্ অথ ত্যজ অস্ত্রম্ ॥ ২৪ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
দ্বাদশোঽধ্যায়ঃ ॥ ১২ ॥

অথ ত্রয়োদশোঽধ্যায়ঃ ।
শ্রীভগবান্ উবাচ ।
সত্ত্বং রজঃ তমঃ ইতি গুণাঃ বুদ্ধেঃ ন চ আত্মনঃ ।
সত্ত্বেন অন্যতমৌ হন্যাৎ সত্ত্বং সত্ত্বেন চ এব হি ॥ ১ ॥

সত্ত্বাৎ ধর্মঃ ভবেৎ বৃদ্ধাৎ পুংসঃ মদ্ভক্তিলক্ষণঃ ।
সাৎবিক উপাসয়া সত্ত্বং ততঃ ধর্মঃ প্রবর্ততে ॥ ২ ॥

ধর্মঃ রজঃ তমঃ হন্যাৎ সত্ত্ববৃদ্ধিঃ অনুত্তমঃ ।
আশু নশ্যতি তৎ মূলঃ হি অধর্মঃ উভয়ে হতে ॥ ৩ ॥

আগমঃ অপঃ প্রজা দেশঃ কালঃ কর্ম চ জন্ম চ ।
ধ্যানং মন্ত্রঃ অথ সংস্কারঃ দশ এতে গুণহেতবঃ ॥ ৪ ॥

তৎ তৎ সাৎবিকম্ এব এষাং যৎ যৎ বৃদ্ধাঃ প্রচক্ষতে ।
নিন্দন্তি তামসং তৎ তৎ রাজসং তৎ উপেক্ষিতম্ ॥ ৫ ॥

সাত্ত্বিকানি এব সেবেত পুমান্ সত্ত্ববিবৃদ্ধয়ে ।
ততঃ ধর্মঃ ততঃ জ্ঞানং যাবৎ স্মৃতিঃ অপোহনম্ ॥ ৬ ॥

বেণুসঙ্ঘর্ষজঃ বহ্নিঃ দগ্ধ্বা শাম্যতি তৎ বনম্ ।
এবং গুণব্যত্যযজঃ দেহঃ শাম্যতি তৎ ক্রিয়ঃ ॥ ৭ ॥

উদ্ধবঃ উবাচ ।
বিদন্তি মর্ত্যাঃ প্রায়েণ বিষয়ান্ পদম্ আপদাম্ ।
তথা অপি ভুঞ্জতে কৃষ্ণ তৎ কথং শ্ব খর অজাবৎ ॥ ৮ ॥

শ্রীভগবান্ উবাচ ।
অহম্ ইতি অন্যথাবুদ্ধিঃ প্রমত্তস্য যথা হৃদি ।
উৎসর্পতি রজঃ ঘোরং ততঃ বৈকারিকং মনঃ ॥ ৯ ॥

রজোয়ুক্তস্য মনসঃ সঙ্কল্পঃ সবিকল্পকঃ ।
ততঃ কামঃ গুণধ্যানাৎ দুঃসহঃ স্যাৎ হি দুর্মতেঃ ॥ ১০ ॥

করোতি কামবশগঃ কর্মাণি অবিজিতেন্দ্রিয়ঃ ।
দুঃখোদর্কাণি সম্পশ্যন্ রজোবেগবিমোহিতঃ ॥ ১১।
রজঃ তমোভ্যাং যৎ অপি বিদ্বান্ বিক্ষিপ্তধীঃ পুনঃ ।
অতন্দ্রিতঃ মনঃ যুঞ্জন্ দোষদৃষ্টিঃ ন সজ্জতে ॥ ১২ ॥

অপ্রমত্তঃ অনুয়ুঞ্জীতঃ মনঃ ময়ি অর্পয়ন্ শনৈঃ ।
অনির্বিণ্ণঃ যথাকালং জিতশ্বাসঃ জিতাসনঃ ॥ ১৩ ॥

এতাবান্ যোগঃ আদিষ্টঃ মৎ শিষ্যৈঃ সনক আদিভিঃ ।
সর্বতঃ মনঃ আকৃষ্য ময়্যদ্ধা আবেশ্যতে যথা ॥ ১৪ ॥

উদ্ধবঃ উবাচ ।
যদা ৎবং সনক আদিভ্যঃ যেন রূপেণ কেশব ।
যোগম্ আদিষ্টবান্ এতৎ রূপম্ ইচ্ছামি বেদিতুম্ ॥ ১৫ ॥

শ্রীভগবান্ উবাচ ।
পুত্রাঃ হিরণ্যগর্ভস্য মানসাঃ সনক আদয়ঃ ।
পপ্রচ্ছুঃ পিতরং সূক্ষ্মাং যোগস্য ঐকান্তিকীং গতিম্ ॥

১৬ ॥

সনক আদয়ঃ ঊচুঃ ।
গুণেষু আবিশতে চেতঃ গুণাঃ চেতসি চ প্রভো ।
কথম্ অন্যোন্যসন্ত্যাগঃ মুমুক্ষোঃ অতিতিতীর্ষোঃ ॥ ১৭ ॥

শ্রীভগবান্ উবাচ ।
এবং পৃষ্টঃ মহাদেবঃ স্বয়ম্ভূঃ ভূতভাবনঃ ।
ধ্যায়মানঃ প্রশ্নবীজং ন অভ্যপদ্যত কর্মধীঃ ॥ ১৮ ॥

সঃ মাম্ অচিন্তয়ৎ দেবঃ প্রশ্নপারতিতীর্ষয়া ।
তস্য অহং হংসরূপেণ সকাশম্ অগমং তদা ॥ ১৯ ॥

দৃষ্ট্বা মাম্ ত উপব্রজ্য কৃৎবা পাদ অভিবন্দনম্ ।
ব্রহ্মাণম্ অগ্রতঃ কৃৎবা পপ্রচ্ছুঃ কঃ ভবান্ ইতি ॥ ২০ ॥

ইতি অহং মুনিভিঃ পৃষ্টঃ তত্ত্বজিজ্ঞাসুভিঃ তদা ।
যৎ অবোচম্ অহং তেভ্যঃ তৎ উদ্ধব নিবোধ মে ॥ ২১ ॥

বস্তুনঃ যদি অনানাৎবম্ আত্মনঃ প্রশ্নঃ ঈদৃশঃ ।
কথং ঘটেত বঃ বিপ্রাঃ বক্তুঃ বা মে কঃ আশ্রয়ঃ ॥ ২২ ॥

পঞ্চাত্মকেষু ভূতেষু সমানেষু চ বস্তুতঃ ।
কঃ ভবান্ ইতি বঃ প্রশ্নঃ বাচারম্ভঃ হি অনর্থকঃ ॥ ২৩ ॥

মনসা বচসা দৃষ্ট্যা গৃহ্যতে অন্যৈঃ অপি ইন্দ্রিয়ৈঃ ।
অহম্ এব ন মত্তঃ অন্যৎ ইতি বুধ্যধ্বম্ অঞ্জসা ॥ ২৪ ॥

গুণেষু আবিশতে চেতঃ গুণাঃ চেতসি চ প্রজাঃ ।
জীবস্য দেহঃ উভয়ং গুণাঃ চেতঃ মৎ আত্মনঃ ॥ ২৫ ॥

গুণেষু চ আবিশৎ চিত্তম্ অভীক্ষ্ণং গুণসেবয়া ।
গুণাঃ চ চিত্তপ্রভবাঃ মৎ রূপঃ উভয়ং ত্যজেৎ ॥ ২৬ ॥

জাগ্রৎ স্বপ্নঃ সুষুপ্তং চ গুণতঃ বুদ্ধিবৃত্তয়ঃ ।
তাসাং বিলক্ষণঃ জীবঃ সাক্ষিৎবেন বিনিশ্চিতঃ ॥ ২৭ ॥

যঃ হি সংসৃতিবন্ধঃ অয়ম্ আত্মনঃ গুণবৃত্তিদঃ ।
ময়ি তুর্যে স্থিতঃ জহ্যাৎ ত্যাগঃ তৎ গুণচেতসাম্ ॥ ২৮ ॥

অহঙ্কারকৃতং বন্ধম্ আত্মনঃ অর্থবিপর্যযম্ ।
বিদ্বান্ নির্বিদ্য সংসারচিন্তাং তুর্যে স্থিতঃ ত্যজেৎ ॥ ২৯ ॥

যাবৎ নানার্থধীঃ পুংসঃ ন নিবর্তেত যুক্তিভিঃ ।
জাগর্তি অপি স্বপন্ অজ্ঞঃ স্বপ্নে জাগরণং যথা ॥ ৩০ ॥

অসত্ত্বাৎ আত্মনঃ অন্যেষাং ভাবানাং তৎ কৃতা ভিদা ।
গতয়ঃ হেতবঃ চ অস্য মৃষা স্বপ্নদৃশঃ যথা ॥ ৩১ ॥

যো জাগরে বহিঃ অনুক্ষণধর্মিণঃ অর্থান্
ভুঙ্ক্তে সমস্তকরণৈঃ হৃদি তৎ সদৃক্ষান্ ।
স্বপ্নে সুষুপ্তঃ উপসংহরতে সঃ একঃ
স্মৃতি অন্বয়াৎ ত্রিগুণবৃত্তিদৃক্ ইন্দ্রিয় ঈশঃ ॥ ৩২ ॥

এবং বিমৃশ্য গুণতঃ মনসঃ ত্র্যবস্থা
মৎ মায়যা ময়ি কৃতা ইতি নিশ্চিতার্থাঃ ।
সংছিদ্য হার্দম্ অনুমানস্ত্ উক্তিতীক্ষ্ণ
জ্ঞানাসিনা ভজতঃ মা অখিলসংশয়াধিম্ ॥ ৩৩ ॥

ঈক্ষেত বিভ্রমম্ ইদং মনসঃ বিলাসম্
দৃষ্টং বিনষ্টম্ অতিলোলম্ অলাতচক্রম্ ।
বিজ্ঞানম্ একম্ উরুধা ইব বিভাতি মায়া
স্বপ্নঃ ত্রিধা গুণবিসর্গকৃতঃ বিকল্পঃ ॥ ৩৪ ॥

দৃষ্টিং ততঃ প্রতিনিবর্ত্য নিবৃত্ততৃষ্ণঃ
তূষ্ণীং ভবেৎ নিজসুখ অনুভবঃ নিরীহঃ ।
সন্দৃশ্যতে ক্ব চ যদি ইদম্ অবস্তুবুদ্ধ্যা
ত্যক্তং ভ্রমায় ন ভবেৎ স্মৃতিঃ আনিপাতাৎ ॥ ৩৫ ॥

দেহং চ নশ্বরম্ অবস্থিতম্ উত্থিতং বা
সিদ্ধঃ ন পশ্যতি যতঃ অধ্যগমৎস্বরূপম্ ।
দৈবাৎ অপেতম্ উত দৈবশাৎ উপেতম্
বাসঃ যথা পরিকৃতং মদিরামদান্ধঃ ॥ ৩৬ ॥

দেহঃ অপি দৈববশগঃ খলু কর্ম যাবৎ
স্বারম্ভকং প্রতিসমীক্ষতঃ এব সাসুঃ ।
তং অপ্রপঞ্চম্ অধিরূঢসমাধিয়োগঃ
স্বাপ্নং পুনঃ ন ভজতে প্রতিবুদ্ধবস্তুঃ ॥ ৩৭ ॥

ময়া এতৎ উক্তং বঃ বিপ্রাঃ গুহ্যং যৎ সাঙ্খ্যযোগয়োঃ ।
জানীতম্ আগতং যজ্ঞং যুষ্মৎ ধর্মবিবক্ষয়া ॥ ৩৮ ॥

অহং যোগস্য সাঙ্খ্যস্য সত্যস্যর্তস্য তেজসঃ ।
পরায়ণং দ্বিজশ্রেষ্ঠাঃ শ্রিয়ঃ কীর্তেঃ দমস্য চ ॥ ৩৯ ॥

মাং ভজন্তি গুণাঃ সর্বে নির্গুণং নিরপেক্ষকম্ ।
সুহৃদং প্রিয়ম্ আত্মানং সাম্য অসঙ্গ আদয়ঃ গুণাঃ ॥ ৪০ ॥

ইতি মে ছিন্নসন্দেহাঃ মুনয়ঃ সনক আদয়ঃ ।
সভাজয়িৎবা পরয়া ভক্ত্যা অগৃণত সংস্তবৈঃ ॥ ৪১ ॥

তৈঃ অহং পূজিতঃ সম্যক্ সংস্তুতঃ পরম ঋষিভিঃ ।
প্রত্যেয়ায় স্বকং ধাম পশ্যতঃ পরমেষ্ঠিনঃ ॥ ৪২ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
হংসগীতানিরূপণং নাম ত্রয়োদশোঽধ্যায়ঃ ॥ ১৩ ॥

অথ চতুর্দশোঽধ্যায়ঃ ।
উদ্ধবঃ উবাচ ।
বদন্তি কৃষ্ণ শ্রেয়াংসি বহূনি ব্রহ্মবাদিনঃ ।
তেষাং বিকল্পপ্রাধান্যম্ উত অহো একমুখ্যতা ॥ ১ ॥

ভবৎ উদাহৃতঃ স্বামিন্ ভক্তিয়োগঃ অনপেক্ষিতঃ ।
নিরস্য সর্বতঃ সঙ্গং যেন ৎবয়ি আবিশেৎ মনঃ ॥ ২ ॥

শ্রীভগবান্ উবাচ ।
কালেন নষ্টা প্রলয়ে বাণীয়ং বেদসঞ্জ্ঞিতা ।
ময়া আদৌ ব্রহ্মণে প্রোক্তা ধর্মঃ যস্যাং মদাত্মকঃ ॥ ৩ ॥

তেন প্রোক্তা চ পুত্রায় মনবে পূর্বজায় সা ।
ততঃ ভৃগু আদয়ঃ অগৃহ্ণন্ সপ্তব্রহ্মমহর্ষয়ঃ ॥ ৪ ॥

তেভ্যঃ পিতৃভ্যঃ তৎ পুত্রাঃ দেবদানবগুহ্যকাঃ ।
মনুষ্যাঃ সিদ্ধগন্ধর্বাঃ সবিদ্যাধরচারণাঃ ॥ ৫ ॥

কিন্দেবাঃ কিন্নরাঃ নাগাঃ রক্ষঃ কিম্পুরুষ আদয়ঃ ।
বহ্ব্যঃ তেষাং প্রকৃতয়ঃ রজঃসত্ত্বতমোভুবঃ ॥ ৬ ॥

যাভিঃ ভূতানি ভিদ্যন্তে ভূতানাং মতয়ঃ তথা ।
যথাপ্রকৃতি সর্বেষাং চিত্রাঃ বাচঃ স্রবন্তি হি ॥ ৭ ॥

এবং প্রকৃতিবৈচিত্র্যাৎ ভিদ্যন্তে মতয়ঃ নৃণাম্ ।
পারম্পর্যেণ কেষাঞ্চিৎ পাখণ্ডমতয়ঃ অপরে ॥ ৮ ॥

মন্মায়ামোহিতধিয়ঃ পুরুষাঃ পুরুষর্ষভ ।
শ্রেয়ঃ বদন্তি অনেকান্তং যথাকর্ম যথারুচি ॥ ৯ ॥

ধর্মম্ একে যশঃ চ অন্যে কামং সত্যং দমং শমম্ ।
অন্যে বদন্তি স্বার্থং বা ঐশ্বর্যং ত্যাগভোজনম্ ।
কেচিৎ যজ্ঞতপোদানং ব্রতানি নিয়ম অন্যমান্ ॥ ১০ ॥

আদি অন্তবন্তঃ এব এষাং লোকাঃ কর্মবিনির্মিতাঃ ।
দুঃখ উদর্কাঃ তমোনিষ্ঠাঃ ক্ষুদ্র আনন্দাঃ শুচ অর্পিতাঃ ॥

১১ ॥

ময়ি অর্পিত মনঃ সভ্য নিরপেক্ষস্য সর্বতঃ ।
ময়া আত্মনা সুখং যৎ তৎ কুতঃ স্যাৎ বিষয় আত্মনাম্ ॥

১২ ॥

অকিঞ্চনস্য দান্তস্য শান্তস্য সমচেতসঃ ।
ময়া সন্তুষ্টমনসঃ সর্বাঃ সুখময়াঃ দিশঃ ॥ ১৩ ॥

ন পারমেষ্ঠ্যং ন মহেন্দ্রধিষ্ণ্যম্
ন সার্বভৌমং ন রসাধিপত্যম্ ।
ন যোগসিদ্ধীঃ অপুনর্ভবং বা
ময়ি অর্পিত আত্মা ইচ্ছতি মৎ বিনা অন্যৎ ॥ ১৪ ॥

ন তথা মে প্রিয়তমঃ আত্ময়োনিঃ ন শঙ্করঃ ।
ন চ সঙ্কর্ষণঃ ন শ্রীঃ ন এব আত্মা চ যথা ভবান্
॥ ১৫ ॥

নিরপেক্ষং মুনিং শাতং নির্বৈরং সমদর্শনম্ ।
অনুব্রজামি অহং নিত্যং পূয়েয়েতি অঙ্ঘ্রিরেণুভিঃ ॥ ১৬ ॥

নিষ্কিঞ্চনা ময়ি অনুরক্তচেতসঃ
শান্তাঃ মহান্তঃ অখিলজীববৎসলাঃ ।
কামৈঃ অনালব্ধধিয়ঃ জুষন্তি যৎ
তৎ নৈরপেক্ষ্যং ন বিদুঃ সুখং মম ॥ ১৭ ॥

বাধ্যমানঃ অপি মদ্ভক্তঃ বিষয়ৈঃ অজিতেন্দ্রিয়ঃ ।
প্রায়ঃ প্রগল্ভয়া ভক্ত্যা বিষয়ৈঃ ন অভিভূয়তে ॥ ১৮ ॥

যথা অগ্নিঃ সুসমৃদ্ধ অর্চিঃ করোতি এধাংসি ভস্মসাৎ ।
তথা মদ্বিষয়া ভক্তিঃ উদ্ধব এনাংসি কৃৎস্নশঃ ॥ ১৯ ॥

ন সাধয়তি মাং যোগঃ ন সাঙ্খ্যং ধর্মঃ উদ্ধব ।
ন স্বাধ্যায়ঃ তপঃ ত্যাগঃ যথা ভক্তিঃ মম ঊর্জিতা ॥ ২০ ॥

ভক্ত্যা অহম্ একয়া গ্রাহ্যঃ শ্রদ্ধয়া আত্মা প্রিয়ঃ সতাম্ ।
ভক্তিঃ পুনাতি মন্নিষ্ঠা শ্বপাকান্ অপি সংভবাৎ ॥ ২১ ॥

ধর্মঃ সত্যদয়া উপেতঃ বিদ্যা বা তপসান্বিতা ।
মদ্ভ্ক্ত্যাপেতম্ আত্মানং ন সম্যক্ প্রপুনাতি হি ॥ ২২ ॥

কথং বিনা রোমহর্ষং দ্রবতা চেতসা বিনা ।
বিনানন্দ অশ্রুকলয়া শুধ্যেৎ ভক্ত্যা বিনাশয়ঃ ॥ ২৩ ॥

বাক্ গদ্গদা দ্রবতে যস্য চিত্তম্
রুদতি অভীক্ষ্ণং হসতি ক্বচিৎ চ ।
বিলজ্জঃ উদ্গায়তি নৃত্যতে চ
মদ্ভক্তিয়ুক্তঃ ভুবনং পুনাতি ॥ ২৪ ॥

যথা অগ্নিনা হেম মলং জহাতি
ধ্মাতং পুনঃ স্বং ভজতে চ রূপম্ ।
আত্মা চ কর্মানুশয়ং বিধূয়
মদ্ভক্তিয়োগেন ভজতি অথঃ মাম্ ॥ ২৫ ॥

যথা যথা আত্মা পরিমৃজ্যতে অসৌ
মৎপুণ্যগাথাশ্রবণ অভিধানৈঃ ।
তথা তথা পশ্যতি বস্তু সূক্ষ্মম্
চক্ষুঃ যথা এব অঞ্জনসম্প্রয়ুক্তম্ ॥ ২৬ ॥

বিষয়ান্ ধ্যায়তঃ চিত্তং বিষয়েষু বিষজ্জতে ।
মাম্ অনুস্মরতঃ চিত্তং ময়ি এব প্রবিলীয়তে ॥ ২৭ ॥

তস্মাৎ অসৎ অভিধ্যানং যথা স্বপ্নমনোরথম্ ।
হিৎবা ময়ি সমাধৎস্ব মনঃ মদ্ভাবভাবিতম্ ॥ ২৮ ॥

স্ত্রীণাং স্ত্রীসঙ্গিনাং সঙ্গং ত্যক্ত্বা দূরতঃ আত্মবান্ ।
ক্ষেমে বিবিক্তঃ আসীনঃ চিন্তয়েৎ মাম্ অতন্দ্রিতঃ ॥ ২৯ ॥

ন তথা অস্য ভবেৎ ক্লেশঃ বন্ধঃ চ অন্যপ্রসঙ্গতঃ ।
যোষিৎ সঙ্গাৎ যথা পুংসঃ যথা তৎ সঙ্গিসঙ্গতঃ ॥ ৩০ ॥

উদ্ধবঃ উবাচ ।
যথা ৎবাম্ অরবিন্দাক্ষ যাদৃশং বা যদাত্মকম্ ।
ধ্যায়েৎ মুমুক্ষুঃ এতৎ মে ধ্যানং মে বক্তুম্ অর্হসি ॥ ৩১ ॥

শ্রীভগবান্ উবাচ ।
সমঃ আসনঃ আসীনঃ সমকায়ঃ যথাসুখম্ ।
হস্তৌ উৎসঙ্গঃ আধায় স্বনাসাগ্রকৃত ঈক্ষণঃ । ৩২ ॥

প্রাণস্য শোধয়েৎ মার্গং পূরকুম্ভকরেচকৈঃ ।
বিপর্যযেণ অপি শনৈঃ অভ্যসেৎ নির্জিতেন্দ্রিয়ঃ ॥ ৩৩ ॥

হৃদি অবিচ্ছিন্নম্ ওঙ্কারং ঘণ্টানাদং বিসোর্ণবৎ ।
প্রাণেন উদীর্য তত্র অথ পুনঃ সংবেশয়েৎ স্বরম্ ॥ ৩৪ ॥

এবং প্রণবসংয়ুক্তং প্রাণম্ এব সমভ্যসেৎ ।
দশকৃৎবঃ ত্রিষবণং মাসাৎ অর্বাক্ জিত অনিলঃ ॥৩৫ ॥

হৃৎপুণ্ডরীকম্ অন্তস্থম্ ঊর্ধ্বনালম্ অধোমুখম্ ।
ধ্যাৎবা ঊর্ধ্বমুখম্ উন্নিদ্রম্ অষ্টপত্রং সকর্ণিকম্ ॥ ৩৬ ॥

কর্ণিকায়াং ন্যসেৎ সূর্যসোমাগ্নীন্ উত্তরোত্তরম্ ।
বহ্নিমধ্যে স্মরেৎ রূপং মম এতৎ ধ্যানমঙ্গলম্ ॥ ৩৭ ॥

সমং প্রশান্তং সুমুখং দীর্ঘচারুচতুর্ভুজম্ ।
সুচারুসুন্দরগ্রীবং সুকপোলং শুচিস্মিতম্ ॥ ৩৮ ॥

সমান কর্ণ বিন্যস্ত স্ফুরন্ মকর কুণ্ডলম্ ।
হেম অম্বরং ঘনশ্যামং শ্রীবৎস শ্রীনিকেতনম্ ॥ ৩৯ ॥

শঙ্খ চক্র গদা পদ্ম বনমালা বিভূষিতম্ ।
নূপুরৈঃ বিলসৎ পাদং কৌস্তুভ প্রভয়া যুতম্ ॥ ৪০ ॥

দ্যুমৎ কিরীট কটক কটিসূত্র অঙ্গদ অয়ুতম্ ।
সর্বাঙ্গ সুন্দরং হৃদ্যং প্রসাদ সুমুখ ঈক্ষণম্ ॥ ৪১ ॥

সুকুমারম্ অভিধ্যায়েৎ সর্বাঙ্গেষু মনঃ দধৎ ।
ইন্দ্রিয়াণি ইন্দ্রিয়েভ্যঃ মনসা আকৃষ্য তৎ মনঃ ।
বুদ্ধ্যা সারথিনা ধীরঃ প্রণয়েৎ ময়ি সর্বতঃ ॥ ৪২ ॥

তৎ সর্ব ব্যাপকং চিত্তম্ আকৃষ্য একত্র ধারয়েৎ ।
ন অন্যানি চিন্তয়েৎ ভূয়ঃ সুস্মিতং ভাবয়েৎ মুখম্ ॥ ৪৩ ॥

তত্র লব্ধপদং চিত্তম্ আকৃষ্য ব্যোম্নি ধারয়েৎ ।
তৎ চ ত্যক্ত্বা মদারোহঃ ন কিঞ্চিৎ অপি চিন্তয়েৎ ॥ ৪৪ ॥

এবং সমাহিতমতিঃ মাম্ এব আত্মানম্ আত্মনি ।
বিচষ্টে ময়ি সর্বাত্মৎ জ্যোতিঃ জ্যোতিষি সংয়ুতম্ ॥ ৪৫ ॥

ধ্যানেন ইত্থং সুতীব্রেণ যুঞ্জতঃ যোগিনঃ মনঃ ।
সংয়াস্যতি আশু নির্বাণং দ্রব্য জ্ঞান ক্রিয়া ভ্রমঃ ॥ ৪৬ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
ভক্তিরহস্যাবধারণয়োগো নাম চতুর্দশোঽধ্যায়ঃ ॥ ১৪ ॥

অথ পঞ্চদশোঽধ্যায়ঃ ।
শ্রীভগবান্ উবাচ ।
জিতেন্দ্রিয়স্য যুক্তস্য জিতশ্বাসস্য যোগিনঃ
ময়ি ধারয়তঃ চেতঃ উপতিষ্ঠন্তি সিদ্ধয়ঃ ॥ ১ ॥

উদ্ধবঃ উবাচ ।
কয়া ধারণয়া কাস্বিৎ কথংস্বিৎ সিদ্ধিঃ অচ্যুত ।
কতি বা সিদ্ধয়ঃ ব্রূহি যোগিনাং সিদ্ধিদঃ ভবান্ ॥ ২ ॥

শ্রীভগবান্ উবাচ ।
সিদ্ধয়ঃ অষ্টাদশ প্রোক্তা ধারণায়োগপারগৈঃ ।
তাসাম্ অষ্টৌ মৎ প্রধানাঃ দশঃ এব গুণহেতবঃ ॥ ৩ ॥

অণিমা মহিমা মূর্তেঃ লঘিমা প্রাপ্তিঃ ইন্দ্রিয়ৈঃ ।
প্রাকাম্যং শ্রুতদৃষ্টেষু শক্তিপ্রেরণম্ ঈশিতা ॥ ৪ ॥

গুণেষু অসঙ্গঃ বশিতা যৎ কামঃ তৎ অবস্যতি ।
এতাঃ মে সিদ্ধয়ঃ সৌম্য অষ্টৌ উৎপত্তিকাঃ মতাঃ ॥ ৫ ॥

অনূর্মিমত্ত্বং দেহে অস্মিন্ দূরশ্রবণদর্শনম্ ।
মনোজবঃ কামরূপং পরকায়প্রবেশনম্ ॥ ৬ ॥

স্বচ্ছন্দমৃত্যুঃ দেবানাং সহক্রীডানুদর্শনম্ ।
যথাসঙ্কল্পসংসিদ্ধিঃ আজ্ঞাপ্রতিহতা গতিঃ ॥ ৭ ॥

ত্রিকালজ্ঞৎবম্ অদ্বন্দ্বং পরচিত্তাদি অভিজ্ঞতা ।
অগ্নি অর্ক অম্বু বিষ আদীনাং প্রতিষ্টম্ভঃ অপরাজয়ঃ ॥ ৮ ॥

এতাঃ চ উদ্দেশতঃ প্রোক্তা যোগধারণসিদ্ধয়ঃ ।
যয়া ধারণয়া যা স্যাৎ যথা বা স্যাৎ নিবোধ মে ॥ ৯ ॥

ভূতসূক্ষ্ম আত্মনি ময়ি তন্মাত্রং ধারয়েৎ মনঃ ।
অণিমানম্ অবাপ্নোতি তন্মাত্র উপাসকঃ মম ॥ ১০ ॥

মহতি আত্মন্ ময়ি পরে যথাসংস্থং মনঃ দধৎ ।
মহিমানম্ অবাপ্নোতি ভূতানাং চ পৃথক্ পৃথক্ ॥ ১১ ॥

পরমাণুময়ে চিত্তং ভূতানাং ময়ি রঞ্জয়ন্ ।
কালসূক্ষ্মাত্মতাং যোগী লঘিমানম্ অবাপ্নুয়াৎ ॥ ১২ ॥

ধারয়ন্ ময়ি অহংতত্ত্বে মনঃ বৈকারিকে অখিলম্ ।
সর্বেন্দ্রিয়াণাম্ আত্মৎবং প্রাপ্তিং প্রাপ্নোতি মন্মনাঃ ॥ ১৩ ॥

মহতি আত্মনি যঃ সূত্রে ধারয়েৎ ময়ি মানসম্ ।
প্রাকাম্যং পারমেষ্ঠ্যং মে বিন্দতে অব্যক্তজন্মনঃ ॥ ১৪ ॥

বিষ্ণৌ ত্র্যধি ঈশ্বরে চিত্তং ধারয়েৎ কালবিগ্রহে ।
সঃ ঈশিৎবম্ অবাপ্নোতি ক্ষেত্রক্ষেত্রজ্ঞচোদনাম্ ॥ ১৫ ॥

নারায়ণে তুরীয়াখ্যে ভগবৎ শব্দশব্দিতে ।
মনঃ ময়ি আদধৎ যোগী মৎ ধর্মাঃ বহিতাম্ ইয়াৎ ॥ ১৬ ॥

নির্গুণে ব্রহ্মণি ময়ি ধারয়ন্ বিশদং মনঃ ।
পরমানন্দম্ আপ্নোতি যত্র কামঃ অবসীয়তে ॥ ১৭ ॥

শ্বেতদীপপতৌ চিত্তং শুদ্ধে ধর্মময়ে ময়ি ।
ধারয়ন্ শ্বেততাং যাতি ষডূর্মিরহিতঃ নরঃ ॥ ১৮ ॥

ময়ি আকাশ আত্মনি প্রাণে মনসা ঘোষম্ উদ্বহন্ ।
তত্র উপলব্ধা ভূতানাং হংসঃ বাচঃ শ্রুণোতি অসৌ ॥ ১৯ ॥

চক্ষুঃ ৎবষ্টরি সংয়োজ্য ৎবষ্টারম্ অপি চক্ষুষি ।
মাং তত্র মনসা ধ্যায়ন্ বিশ্বং পশ্যতি সূক্ষ্মদৃক্ ॥ ২০ ॥

মনঃ ময়ি সুসংয়োজ্য দেহং তদনু বায়ুনা ।
মদ্ধারণ অনুভাবেন তত্র আত্মা যত্র বৈ মনঃ ॥ ২১ ॥

যদা মনঃ উপাদায় যৎ যৎ রূপং বুভূষতি ।
তৎ তৎ ভবেৎ মনোরূপং মদ্যোগবলম্ আশ্রয়ঃ ॥ ২২ ॥

পরকায়ং বিশন্ সিদ্ধঃ আত্মানং তত্র ভাবয়েৎ ।
পিণ্ডং হিৎবা বিশেৎ প্রাণঃ বায়ুভূতঃ ষডঙ্ঘ্রিবৎ ॥ ২৩ ॥

পার্ষ্ণ্যা আপীড্য গুদং প্রাণং হৃৎ উরঃ কণ্ঠ মূর্ধসু ।
আরোপ্য ব্রহ্মরন্ধ্রেণ ব্রহ্ম নীৎবা উৎসৃজেৎ তনুম্ ॥ ২৪ ॥

বিহরিষ্যন্ সুরাক্রীডে মৎস্থং সত্ত্বং বিভাবয়েৎ ।
বিমানেন উপতিষ্ঠন্তি সত্ত্ববৃত্তীঃ সুরস্ত্রিয়ঃ ॥ ২৫ ॥

যথা সঙ্কল্পয়েৎ বুদ্ধ্যা যদা বা মৎপরঃ পুমান্ ।
ময়ি সত্যে মনঃ যুঞ্জন্ তথা তৎ সমুপাশ্নুতে ॥ ২৬ ॥

যঃ বৈ মদ্ভাবম্ আপন্নঃ ঈশিতুঃ বশিতুঃ পুমান্ ।
কুতশ্চিৎ ন বিহন্যেত তস্য চ আজ্ঞা যথা মম ॥ ২৭ ॥

মদ্ভক্ত্যা শুদ্ধসত্ত্বস্য যোগিনঃ ধারণাবিদঃ ।
তস্য ত্রৈকালিকী বুদ্ধিঃ জন্ম মৃত্যু উপবৃংহিতা ॥ ২৮ ॥

অগ্নি আদিভিঃ ন হন্যেত মুনেঃ যোগম্ অয়ং বপুঃ ।
মদ্যোগশ্রান্তচিত্তস্য যাদসাম্ উদকং যথা ॥ ২৯ ॥

মদ্বিভূতিঃ অভিধ্যায়ন্ শ্রীবৎস অস্ত্রবিভূষিতাঃ ।
ধ্বজাতপত্রব্যজনৈঃ সঃ ভবেৎ অপরাজিতঃ ॥ ৩০ ॥

উপাসকস্য মাম্ এবং যোগধারণয়া মুনেঃ ।
সিদ্ধয়ঃ পূর্বকথিতাঃ উপতিষ্ঠন্তি অশেষতঃ ॥ ৩১ ॥

জিতেন্দ্রিয়স্য দান্তস্য জিতশ্বাস আত্মনঃ মুনেঃ ।
মদ্ধারণাং ধারয়তঃ কা সা সিদ্ধিঃ সুদুর্লভা ॥ ৩২ ॥

অন্তরায়ান্ বদন্তি এতাঃ যুঞ্জতঃ যোগম্ উত্তমম্ ।
ময়া সম্পদ্যমানস্য কালক্ষেপণহেতবঃ ॥ ৩৩ ॥

জন্ম ওষধি তপো মন্ত্রৈঃ যাবতীঃ ইহ সিদ্ধয়ঃ ।
যোগেন আপ্নোতি তাঃ সর্বাঃ ন অন্যৈঃ যোগগতিং ব্রজেৎ ॥ ৩৪ ॥

সর্বাসাম্ অপি সিদ্ধীনাং হেতুঃ পতিঃ অহং প্রভুঃ ।
অহং যোগস্য সাঙ্খ্যস্য ধর্মস্য ব্রহ্মবাদিনাম্ ॥ ৩৫ ॥

অহম্ আত্মা অন্তরঃ বাহ্যঃ অনাবৃতঃ সর্বদেহিনাম্ ।
যথা ভূতানি ভূতেষু বহিঃ অন্তঃ স্বয়ং তথা ॥ ৩৬ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
সিদ্ধনিরূপণয়োগো নাম পঞ্চদশোঽধ্যায়ঃ ॥ ১৫ ॥

অথ ষোডশোঽধ্যায়ঃ ।
উদ্ধবঃ উবাচ ।
ৎবং ব্রহ্ম পরমং সাক্ষাৎ অনাদি অনন্তম্ অপাবৃতম্ ।
সর্বেষাম্ অপি ভাবানাং ত্রাণস্থিতি অপ্যয উদ্ভবঃ ॥ ১ ॥

উচ্চাবচেষু ভূতেষু দুর্জ্ঞেয়ম্ অকৃত আত্মভিঃ ।
উপাসতে ৎবাং ভগবন্ যাথাতথ্যেন ব্রাহ্মণাঃ ॥ ২ ॥

যেষু যেষু চ ভাবেষু ভক্ত্যা ৎবাং পরমর্ষয়ঃ ।
উপাসীনাঃ প্রপদ্যন্তে সংসিদ্ধিং তৎ বদস্ব মে ॥ ৩ ॥

গূঢঃ চরসি ভূতাত্মা ভূতানাং ভূতভাবন ।
ন ৎবাং পশ্যন্তি ভূতানি পশ্যন্তং মোহিতানি তে ॥ ৪ ॥

যাঃ কাঃ চ ভূমৌ দিবি বৈ রসায়াম্
বিভূতয়ঃ দিক্ষু মহাবিভূতে ।
তাঃ মহ্যম্ আখ্যাহি অনুভাবিতাঃ তে
নমামি তে তীর্থ পদ অঙ্ঘ্রিপদ্মম্ ॥ ৫ ॥

শ্রীভগবান্ উবাচ ।
এবম্ এতৎ অহং পৃষ্টঃ প্রশ্নং প্রশ্নবিদাং বর ।
যুয়ুৎসুনা বিনশনে সপত্নৈঃ অর্জুনেন বৈ ॥ ৬ ॥

জ্ঞাৎবা জ্ঞাতিবধং গর্হ্যম্ অধর্মং রাজ্যহেতুকম্ ।
ততঃ নিবৃত্তঃ হন্তা অহং হতঃ অয়ম্ ইতি লৌকিকঃ ॥ ৭ ॥

সঃ তদা পুরুষব্যাঘ্রঃ যুক্ত্যা মে প্রতিবোধিতঃ ।
অভ্যভাষত মাম্ এবং যথা ৎবং রণমূর্ধনি ॥ ৮ ॥

অহম্ আত্মা উদ্ধব আমীষাং ভূতানাং সুহৃৎ ঈশ্বরঃ ।
অহং সর্বাণি ভূতানি তেষাং স্থিতি উদ্ভব অপ্যযঃ ॥ ৯ ॥

অহং গতিঃ গতিমতাং কালঃ কলয়তাম্ অহম্ ।
গুণানাং চ অপি অহং সাম্যং গুণিন্যা উৎপত্তিকঃ গুণঃ ॥ ১০ ॥

গুণিনাম্ অপি অহং সূত্রং মহতাং চ মহান্ অহম্ ।
সূক্ষ্মাণাম্ অপি অহং জীবঃ দুর্জয়ানাম্ অহং মনঃ ॥ ১১ ॥

হিরণ্যগর্ভঃ বেদানাং মন্ত্রাণাং প্রণবঃ ত্রিবৃৎ ।
অক্ষরাণাম্ অকারঃ অস্মি পদানি ছন্দসাম্ অহম্ ॥ ১২ ॥

ইন্দ্রঃ অহং সর্বদেবানাং বসূনামস্মি হব্যবাট্ ।
আদিত্যানাম্ অহং বিষ্ণূ রুদ্রাণাং নীললোহিতঃ ॥ ১৩ ॥

ব্রহ্মর্ষীণাং ভৃগুঃ অহং রাজর্ষীণাম্ অহং মনুঃ ।
দেবর্ষিণাং নারদঃ অহং হবির্ধানি অস্মি ধেনুষু ॥ ১৪ ॥

সিদ্ধেশ্বরাণাং কপিলঃ সুপর্ণঃ অহং পতত্রিণাম্ ।
প্রজাপতীনাং দক্ষঃ অহং পিতৄণাম্ অহম্ অর্যমা ॥ ১৫ ॥

মাং বিদ্ধি উদ্ধব দৈত্যানাং প্রহ্লাদম্ অসুরেশ্বরম্ ।
সোমং নক্ষত্র ওষধীনাং ধনেশং যক্ষরক্ষসাম্ ॥ ১৬ ॥

ঐরাবতং গজেন্দ্রাণাং যাদসাং বরুণং প্রভুম্ ।
তপতাং দ্যুমতাং সূর্যং মনুষ্যাণাং চ ভূপতিম্ ॥ ১৭ ॥

উচ্চৈঃশ্রবাঃ তুরঙ্গাণাং ধাতূনাম্ অস্মি কাঞ্চনম্ ।
যমঃ সংয়মতাং চ অহং সর্পাণাম্ অস্মি বাসুকিঃ ॥ ১৮ ॥

নাগেন্দ্রাণাং অনন্তঃ অহং মৃগেন্দ্রঃ শৃঙ্গিদংষ্ট্রিণাম্ ।
আশ্রমাণাম্ অহং তুর্যঃ বর্ণানাং প্রথমঃ অনঘ ॥ ১৯ ॥

তীর্থানাং স্রোতসাং গঙ্গা সমুদ্রঃ সরসাম্ অহম্ ।
আয়ুধানাং ধনুঃ অহং ত্রিপুরঘ্নঃ ধনুষ্মতাম্ ॥ ২০ ॥

ধিষ্ণ্যানাম্ অস্মি অহং মেরুঃ গহনানাং হিমালয়ঃ ।
বনস্পতীনাম্ অশ্বত্থঃ ওষধীনাম্ অহং যবঃ ॥ ২১ ॥

পুরোধসাং বসিষ্ঠঃ অহং ব্রহ্মিষ্ঠানাং বৃহস্পতিঃ ।
স্কন্দঃ অহং সর্বসেনান্যাম্ অগ্রণ্যাং ভগবান্ অজঃ ॥ ২২ ॥

যজ্ঞানাং ব্রহ্ময়জ্ঞঃ অহং ব্রতানাম্ অবিহিংসনম্ ।
বায়ু অগ্নি অর্ক অম্বু বাক্ আত্মা শুচীনাম্ অপি অহং শুচিঃ ॥ ২৩ ॥

যোগানাম্ আত্মসংরোধঃ মন্ত্রঃ অস্মি বিজিগীষতাম্ ।
আন্বীক্ষিকী কৌশলানাং বিকল্পঃ খ্যাতিবাদিনাম্ ॥ ২৪ ॥

স্ত্রীণাং তু শতরূপা অহং পুংসাং স্বায়ংভুবঃ মনুঃ ।
নারায়ণঃ মুনীনাং চ কুমারঃ ব্রহ্মচারিণাম্ ॥ ২৫ ॥

ধর্মাণাম্ অস্মি সংন্যাসঃ ক্ষেমাণাম্ অবহিঃ মতিঃ ।
গুহ্যানাং সূনৃতং মৌনং মিথুনানাম্ অজঃ তু অহম্ ॥ ২৬ ॥

সংবৎসরঃ অস্মি অনিমিষাম্ ঋতূনাং মধুমাধবৌ ।
মাসানাং মার্গশীর্ষঃ অহং নক্ষত্রাণাং তথা অভিজিৎ
॥ ২৭ ॥

অহং যুগানাং চ কৃতং ধীরাণাং দেবলঃ অসিতঃ ।
দ্বৈপায়নঃ অস্মি ব্যাসানাং কবীনাং কাব্যঃ আত্মবান্ ॥ ২৮ ॥

বাসুদেবঃ ভগবতাং ৎবং ভাগবতেষু অহম্ ।
কিম্পুরুষাণাং হনুমান্ বিদ্যাঘ্রাণাং সুদর্শনঃ ॥ ২৯ ॥

রত্নানাং পদ্মরাগঃ অস্মি পদ্মকোশঃ সুপেশসাম্ ।
কুশঃ অস্মি দর্ভজাতীনাং গব্যম্ আজ্যং হবিষ্ষু অহম্ ॥

৩০ ॥

ব্যবসায়িনাম্ অহং লক্ষ্মীঃ কিতবানাং ছলগ্রহঃ ।
তিতিক্ষা অস্মি তিতিক্ষণাং সত্ত্বং সত্ত্ববতাম্ অহম্ ॥ ৩১ ॥

ওজঃ সহোবলবতাং কর্ম অহং বিদ্ধি সাত্ত্বতাম্ ।
সাত্ত্বতাং নবমূর্তীনাম্ আদিমূর্তিঃ অহং পরা ॥ ৩২ ॥

বিশ্বাবসুঃ পূর্বচিত্তিঃ গন্ধর্ব অপ্সরসাম্ অহম্ ।
ভূধরাণাম্ অহং স্থৈর্যং গন্ধমাত্রম্ অহং ভুবঃ ॥ ৩৩ ॥

অপাং রসঃ চ পরমঃ তেজিষ্ঠানাং বিভাবসুঃ ।
প্রভা সূর্য ইন্দু তারাণাং শব্দঃ অহং নভসঃ পরঃ ॥ ৩৪ ॥

ব্রহ্মণ্যানাং বলিঃ অহং বিরাণাম্ অহম্ অর্জুনঃ ।
ভূতানাং স্থিতিঃ উৎপত্তিঃ অহং বৈ প্রতিসঙ্ক্রমঃ ॥ ৩৫ ॥

গতি উক্তি উৎসর্গ উপাদানম্ আনন্দ স্পর্শ লক্ষণম্ ।
আস্বাদ শ্রুতি অবঘ্রাণম্ অহং সর্বেন্দ্রিয় ইন্দ্রিয়ম্ ॥ ৩৬ ॥

পৃথিবী বায়ুঃ আকাশঃ আপঃ জ্যোতিঃ অহং মহান্ ।
বিকারঃ পুরুষঃ অব্যক্তং রজঃ সত্ত্বং তমঃ পরম্ ।
অহম্ এতৎ প্রসঙ্খ্যানং জ্ঞানং সত্ত্ববিনিশ্চয়ঃ ॥ ৩৭ ॥

ময়া ঈশ্বরেণ জীবেন গুণেন গুণিনা বিনা ।
সর্বাত্মনা অপি সর্বেণ ন ভাবঃ বিদ্যতে ক্বচিৎ ॥ ৩৮ ॥

সঙ্খ্যানং পরমাণূনাং কালেন ক্রিয়তে ময়া ।
ন তথা মে বিভূতীনাং সৃজতঃ অণ্ডানি কোটিশঃ ॥ ৩৯ ॥

তেজঃ শ্রীঃ কীর্তিঃ ঐশ্বর্যং হ্রীঃ ত্যাগঃ সৌভগং ভগঃ ।
বীর্যং তিতিক্ষা বিজ্ঞানং যত্র যত্র স মে অংশকঃ ॥ ৪০ ॥

এতাঃ তে কীর্তিতাঃ সর্বাঃ সংক্ষেপেণ বিভূতয়ঃ ।
মনোবিকারাঃ এব এতে যথা বাচা অভিধীয়তে ॥ ৪১ ॥

বাচং যচ্ছ মনঃ যচ্ছ প্রাণানি যচ্ছ ইন্দ্রিয়াণি চ ।
আত্মানম্ আত্মনা যচ্ছ ন ভূয়ঃ কল্পসে অধ্বনে ॥ ৪২ ॥

যঃ বৈ বাক্ মনসি সম্যক্ অসংয়চ্ছন্ ধিয়া যতিঃ ।
তস্য ব্রতং তপঃ দানং স্রবত্যামঘটাম্বুবৎ ॥ ৪৩ ॥

তস্মাৎ মনঃ বচঃ প্রাণান্ নিয়চ্ছেৎ মৎ পরায়ণঃ ।
মৎ ভক্তি যুক্তয়া বুদ্ধ্যা ততঃ পরিসমাপ্যতে ॥ ৪৪ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
বিভূতিয়োগো নাম ষোডশোঽধ্যায়ঃ ॥ ১৬ ॥

অথ সপ্তদশোঽধ্যায়ঃ ।
উদ্ধবঃ উবাচ ।
যঃ ৎবয়া অভিতঃ পূর্বং ধর্মঃ ৎবৎ ভক্তিলক্ষণঃ ।
বর্ণাশ্রম আচারবতাং সর্বেষাং দ্বিপদাম্ অপি ॥ ১ ॥

যথা অনুষ্ঠীয়মানেন ৎবয়ি ভক্তিঃ নৃণাং ভবেৎ ।
স্বধর্মেণ অরবিন্দাক্ষ তৎ সমাখ্যাতুম্ অর্হসি ॥ ২ ॥

পুরা কিল মহাবাহো ধর্মং পরমকং প্রভো ।
যৎ তেন হংসরূপেণ ব্রহ্মণে অভ্যাত্থ মাধব ॥ ৩ ॥

সঃ ইদানীং সুমহতা কালেন অমিত্রকর্শন ।
ন প্রায়ঃ ভবিতা মর্ত্যলোকে প্রাক্ অনুশাসিতঃ ॥ ৪ ॥

বক্তা কর্তা অবিতা ন অন্যঃ ধর্মস্য অচ্যুত তে ভুবি ।
সভায়াম্ অপি বৈরিঞ্চ্যাং যত্র মূর্তিধরাঃ কলাঃ ॥ ৫ ॥

কর্ত্রা অবিত্রা প্রবক্ত্রা চ ভবতা মধুসূদন ।
ত্যক্তে মহীতলে দেব বিনষ্টং কঃ প্রবক্ষ্যতি ॥ ৬ ॥

তত্ত্বং নঃ সর্বধর্মজ্ঞ ধর্মঃ ৎবৎ ভক্তিলক্ষণঃ ।
যথা যস্য বিধীয়েত তথা বর্ণয় মে প্রভো ॥ ৭ ॥

শ্রীশুকঃ উবাচ ।
ইত্থং স্বভৃত্যমুখ্যেন পৃষ্টঃ সঃ ভগবান্ হরিঃ ।
প্রীতঃ ক্ষেমায় মর্ত্যানাং ধর্মান্ আহ সনাতনান্ ॥ ৮ ॥

শ্রীভগবান্ উবাচ ।
ধর্ম্যঃ এষ তব প্রশ্নঃ নৈঃশ্রেয়সকরঃ নৃণাম্ ।
বর্ণাশ্রম আচারবতাং তম্ উদ্ধব নিবোধ মে ॥ ৯ ॥

আদৌ কৃতয়ুগে বর্ণঃ নৃণাং হংসঃ ইতি স্মৃতঃ ।
কৃতকৃত্যাঃ প্রজাঃ জাত্যাঃ তস্মাৎ কৃতয়ুগং বিদুঃ ॥ ১০ ॥

বেদঃ প্রণবঃ এব অগ্রে ধর্মঃ অহং বৃষরূপধৃক্ ।
উপাসতে তপোনিষ্ঠাং হংসং মাং মুক্তকিল্বিষাঃ ॥ ১১ ॥

ত্রেতামুখে মহাভাগ প্রাণাৎ মে হৃদয়াৎ ত্রয়ী ।
বিদ্যা প্রাদুঃ অভূৎ তস্যাঃ অহম্ আসং ত্রিবৃন্মখঃ ॥ ১২ ॥

বিপ্র ক্ষত্রিয় বিট্ শূদ্রাঃ মুখ বাহু উরু পাদজাঃ ।
বৈরাজাৎ পুরুষাৎ জাতাঃ যঃ আত্মাচারলক্ষণাঃ ॥ ১৩ ॥

গৃহাশ্রমঃ জঘনতঃ ব্রহ্মচর্যং হৃদঃ মম ।
বক্ষঃস্থানাৎ বনে বাসঃ ন্যাসঃ শীর্ষণি সংস্থিতঃ ॥ ১৪ ॥

বর্ণানাম্ আশ্রমাণাং চ জন্মভূমি অনুসারিণীঃ ।
আসন্ প্রকৃতয়ঃ নৄণাং নীচৈঃ নীচ উত্তম উত্তমাঃ ॥ ১৫ ॥

শমঃ দমঃ তপঃ শৌচং সন্তোষঃ ক্ষান্তিঃ আর্জবম্ ।
মদ্ভক্তিঃ চ দয়া সত্যং ব্রহ্মপ্রকৃতয়ঃ তু ইমাঃ ॥ ১৬ ॥

তেজঃ বলং ধৃতিঃ শৌর্যং তিতিক্ষা ঔদার্যম্ উদ্যমঃ ।
স্থৈর্যং ব্রহ্মণি অত ঐশ্বর্যং ক্ষত্রপ্রকৃতয়ঃ তু ইমাঃ ॥

১৭ ॥

আস্তিক্যং দাননিষ্ঠা চ অদম্ভঃ ব্রহ্মসেবনম্ ।
অতুষ্টিঃ অর্থ উপচয়ৈঃ বৈশ্যপ্রকৃতয়ঃ তু ইমাঃ ॥ ১৮ ॥

শুশ্রূষণং দ্বিজগবাং দেবানাং চ অপি অমায়যা ।
তত্র লব্ধেন সন্তোষঃ শূদ্রপ্রকৃতয়ঃ তু ইমাঃ ॥ ১৯ ॥

অশৌচম্ অনৃতং স্তেয়ং নাস্তিক্যং শুষ্কবিগ্রহঃ ।
কামঃ ক্রোধঃ চ তর্ষঃ চ স্বভাবঃ অন্তেবসায়িনাম্ ॥ ২০ ॥

অহিংসা সত্যম্ অস্তেয়ম্ অকামক্রোধলোভতা ।
ভূতপ্রিয়হিতেহা চ ধর্মঃ অয়ং সার্ববর্ণিকঃ ॥ ২১ ॥

দ্বিতীয়ং প্রাপ্য অনুপূর্ব্যাৎ জন্ম উপনয়নং দ্বিজঃ ।
বসন্ গুরুকুলে দান্তঃ ব্রহ্ম অধীয়ীত চ আহুতঃ ॥ ২২ ॥

মেখলা অজিন দণ্ড অক্ষ ব্রহ্মসূত্র কমণ্ডলূন্ ।
জটিলঃ অধৌতদদ্বাসঃ অরক্তপীঠঃ কুশান্ দধৎ ॥ ২৩ ॥

স্নান ভোজন হোমেষু জপ উচ্চারে চ বাগ্যতঃ ।
ন চ্ছিন্দ্যাৎ নখ রোমাণি কক্ষ উপস্থগতানি অপি ॥ ২৪ ॥

রেতঃ ন অবরিকেৎ জাতু ব্রহ্মব্রতধরঃ স্বয়ম্ ।
অবকীর্ণে অবগাহ্য অপ্সু যতাসুঃ ত্রিপদীং জপেৎ ॥ ২৫ ॥

অগ্নি অর্ক আচার্য গো বিপ্র গুরু বৃদ্ধ সুরান্ শুচিঃ ।
সমাহিতঃ উপাসীত সন্ধ্যে চ যতবাক্ জপন্ ॥ ২৬ ॥

আচার্যং মাং বিজানীয়াৎ ন অবমন্যেত কর্হিচিৎ ।
ন মর্ত্যবুদ্ধি আসূয়েত সর্বদেবময়ঃ গুরুঃ ॥ ২৭ ॥

সায়ং প্রাতঃ উপানীয় ভৈক্ষ্যং তস্মৈ নিবেদয়েৎ ।
যৎ চ অন্যৎ অপি অনুজ্ঞাতম্ উপয়ুঞ্জীত সংয়তঃ ॥ ২৮ ॥

শুশ্রূষমাণঃ আচার্যং সদা উপাসীত নীচবৎ ।
যান শয়্যা আসন স্থানৈঃ ন অতিদূরে কৃতাঞ্জলিঃ ॥ ২৯ ॥

এবংবৃত্তঃ গুরুকুলে বসেৎ ভোগবিবর্জিতঃ ।
বিদ্যা সমাপ্যতে যাবৎ বিভ্রৎ ব্রতম্ অখণ্ডিতম্ ॥ ৩০ ॥

যদি অসৌ ছন্দসাং লোকম্ আরোক্ষ্যন্ ব্রহ্মবিষ্টপম্ ।
গুরবে বিন্যসেৎ দেহং স্বাধ্যায়ার্থং বৃহৎ ব্রতঃ ॥ ৩১ ॥

অগ্নৌ গুরৌ আত্মনি চ সর্বভূতেষু মাং পরম্ ।
অপৃথক্ ধীঃ উপাসীত ব্রহ্মবর্চস্বী অকল্মষঃ ॥ ৩২ ॥

স্ত্রীণাং নিরীক্ষণ স্পর্শ সংলাপ ক্ষ্বেলন আদিকম্ ।
প্রাণিনঃ মিথুনীভূতান্ অগৃহস্থঃ অগ্রতঃ ত্যজেৎ ॥ ৩৩ ॥

শৌচম্ আচমনং স্নানং সন্ধ্যা উপাসনম্ আর্জবম্ ।
তীর্থসেবা জপঃ অস্পৃশ্য অভক্ষ্য অসংভাষ্য বর্জনম্ ॥

৩৪ ॥

সর্ব আশ্রম প্রয়ুক্তঃ অয়ং নিয়মঃ কুলনন্দন।
মদ্ভাবঃ সর্বভূতেষু মনোবাক্কায় সংয়মঃ ॥ ৩৫ ॥

এবং বৃহৎ ব্রতধরঃ ব্রাহ্মণঃ অগ্নিঃ ইব জ্বলন্ ।
মদ্ভক্তঃ তীব্রতপসা দগ্ধকর্ম আশয়ঃ অমলঃ ॥ ৩৬ ॥

অথ অনন্তরম্ আবেক্ষ্যন্ যথা জিজ্ঞাসিত আগমঃ ।
গুরবে দক্ষিণাং দত্ত্বা স্নায়ৎ গুরু অনুমোদিতঃ ॥ ৩৭ ॥

গৃহং বনং বা উপবিশেৎ প্রব্রজেৎ বা দ্বিজ উত্তমঃ ।
আশ্রমাৎ আশ্রমং গচ্ছেৎ ন অন্যথা মৎপরঃ চরেৎ ॥ ৩৮ ॥

গৃহার্থী সদৃশীং ভার্যাম্ উদ্বহেৎ অজুগুপ্সিতাম্ ।
যবীয়সীং তু বয়সা যাং সবর্ণাম্ অনুক্রমাৎ ॥ ৩৯ ॥

ইজ্য অধ্যযন দানানি সর্বেষাং চ দ্বিজন্মনাম্ ।
প্রতিগ্রহঃ অধ্যাপনং চ ব্রাহ্মণস্য এব যাজনম্ ॥ ৪০ ॥

প্রতিগ্রহং মন্যমানঃ তপঃ তেজোয়শোনুদম্ ।
অন্যাভ্যাম্ এব জীবেত শিলৈঃ বা দোষদৃক্ তয়োঃ ॥ ৪১ ॥

ব্রাহ্মণস্য হি দেহঃ অয়ং ক্ষুদ্রকামায় ন ইষ্যতে ।
কৃচ্ছ্রায় তপসে চ ইহ প্রেত্য অনন্তসুখায় চ ॥ ৪২ ॥

শিলোঞ্ছবৃত্ত্যা পরিতুষ্টচিত্তঃ
ধর্মং মহান্তং বিরজং জুষাণঃ ।
ময়ি অর্পিতাত্মা গৃহঃ এব তিষ্ঠন্
ন অতিপ্রসক্তঃ সমুপৈতি শান্তিম্ ॥ ৪৩ ॥

সমুদ্ধরন্তি যে বিপ্রং সীদন্তং মৎপরায়ণম্ ।
তান্ উদ্ধরিষ্যে ন চিরাৎ আপদ্ভ্যঃ নৌঃ ইব অর্ণবাৎ ॥ ৪৪ ॥

সর্বাঃ সমুদ্ধরেৎ রাজা পিতা ইব ব্যসনাৎ প্রজাঃ ।
আত্মানম্ আত্মনা ধীরঃ যথা গজপতিঃ গজান্ ॥ ৪৫ ॥

এবংবিধঃ নরপতিঃ বিমানেন অর্কবচসা ।
বিধূয় ইহ অশুভং কৃৎস্নম্ ইন্দ্রেণ সহ মোদতে ॥ ৪৬ ॥

সীদন্ বিপ্রঃ বণিক্ বৃত্ত্যা পণ্যৈঃ এব আপদং তরেৎ ।
খড্গেন বা আপদাক্রান্তঃ ন শ্ববৃত্ত্যা কথঞ্চন ॥ ৪৭ ॥

বৈশ্যবৃত্ত্যা তু রাজন্ যঃ জীবেৎ মৃগয়যা আপদি ।
চরেৎ বা বিপ্ররূপেণ ন শ্ববৃত্ত্যা কথঞ্চন ॥ ৪৮ ॥

শূদ্রবৃত্তিং ভজেৎ বৈশ্যঃ শূদ্রঃ কারুকটপ্রিয়াম্ ।
কৃচ্ছ্রাৎ মুক্তঃ ন গর্হ্যেণ বৃত্তিং লিপ্সেত কর্মণা ॥ ৪৯ ॥

বেদ অধ্যায় স্বধা স্বাহা বলি অন্ন আদ্যৈঃ যথা উদয়ম্ ।
দেবর্ষি পিতৃভূতানি মদ্রূপাণি অন্বহং যজেৎ ॥ ৫০ ॥

যদৃচ্ছয়া উপপন্নেন শুক্লেন উপার্জিতেন বা ।
ধনেন অপীডয়ন্ ভৃত্যান্ ন্যায়েন এব আহরেৎ ক্রতূন্ ॥ ৫১ ॥

কুটুংবেষু ন সজ্জেত ন প্রমাদ্যেৎ কুটুংবি অপি ।
বিপশ্চিৎ নশ্বরং পশ্যেৎ অদৃষ্টম্ অপি দৃষ্টবৎ ॥ ৫২ ॥

পুত্র দারা আপ্ত বন্ধূনাং সঙ্গমঃ পান্থসঙ্গমঃ ।
অনুদেহং বিয়ন্তি এতে স্বপ্নঃ নিদ্রানুগঃ যথা ॥ ৫৩ ॥

ইত্থং পরিমৃশন্ মুক্তঃ গৃহেষু অতিথিবৎ বসন্ ।
ন গৃহৈঃ অনুবধ্যেত নির্মমঃ নিরহঙ্কৃতঃ ॥ ৫৪ ॥

কর্মভিঃ গৃহম্ এধীয়ৈঃ ইষ্ট্বা মাম্ এব ভক্তিমান্ ।
তিষ্ঠেৎ বনং বা উপবিশেৎ প্রজাবান্ বা পরিব্রজেৎ ॥ ৫৫ ॥

যঃ তু আসক্তম্ অতিঃ গেহে পুত্র বিত্তৈষণ আতুরঃ ।
স্ত্রৈণঃ কৃপণধীঃ মূঢঃ মম অহম্ ইতি বধ্যতে ॥ ৫৬ ॥

অহো মে পিতরৌ বৃদ্ধৌ ভার্যা বালাত্মজা আত্মজাঃ ।
অনাথাঃ মাম্ ঋতে দীনাঃ কথং জীবন্তি দুঃখিতাঃ ॥ ৫৭ ॥

এবং গৃহ আশয় আক্ষিপ্ত হৃদয়ঃ মূঢধীঃ অয়ম্ ।
অতৃপ্তঃ তান্ অনুধ্যায়ন্ মৃতঃ অন্ধং বিশতে তমঃ ॥ ৫৮ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
ব্রহ্মচর্যগৃহস্থকর্মধর্মনিরূপণে সপ্তদশোঽধ্যায়ঃ ॥

১৭ ॥

অথ অষ্টাদশোঽধ্যায়ঃ ।
শ্রীভগবান্ উবাচ ।
বনং বিবিক্ষুঃ পুত্রেষু ভার্যাং ন্যস্য সহ এব বা ।
বনঃ এব বসেৎ শান্তঃ তৃতীয়ং ভাগম্ আয়ুষঃ ॥ ১ ॥

কন্দমূলফলৈঃ বন্যৈঃ মেধ্যৈঃ বৃত্তিং প্রকল্পয়েৎ ।
বসীত বল্কলং বাসঃ তৃণপর্ণ অজিনানি চ ॥ ২ ॥

কেশরোমনখশ্মশ্রুমলানি বিভৃয়াৎ অতঃ ।
ন ধাবেৎ অপ্সু মজ্জেত ত্রিকালং স্থণ্ডিলেশয়ঃ ॥ ৩ ॥

গ্রীষ্মে তপ্যেত পঞ্চাগ্নীন্ বর্ষাস্বাসারষাড্ জলে ।
আকণ্ঠমগ্নঃ শিশিরঃ এবংবৃত্তঃ তপশ্চরেৎ ॥ ৪ ॥

অগ্নিপক্বং সমশ্নীয়াৎ কালপক্বম্ অথ অপি বা ।
উলূখল অশ্মকুট্টঃ বা দন্ত উলূখলঃ এব বা ॥ ৫ ॥

স্বয়ং সঞ্চিনুয়াৎ সর্বম্ আত্মনঃ বৃত্তিকারণম্ ।
দেশকালবল অভিজ্ঞঃ ন আদদীত অন্যদা আহৃতম্ ॥ ৬ ॥

বন্যৈঃ চরুপুরোডাশৈঃ নির্বপেৎ কালচোদিতান্ ।
ন তু শ্রৌতেন পশুনা মাং যজেত বনাশ্রমী ॥ ৭ ॥

অগ্নিহোত্রং চ দর্শঃ চ পূর্ণমাসঃ চ পূর্ববৎ ।
চাতুর্মাস্যানি চ মুনেঃ আম্নাতানি চ নৈগমৈঃ ॥ ৮ ॥

এবং চীর্ণেন তপসা মুনিঃ ধমনিসন্ততঃ ।
মাং তপোময়ম্ আরাধ্য ঋষিলোকাৎ উপৈতি মাম্ ॥ ৯ ॥

যঃ তু এতৎ কৃচ্ছ্রতঃ চীর্ণং তপঃ নিঃশ্রেয়সং মহৎ ।
কামায় অল্পীয়সে যুঞ্জ্যাৎ বালিশঃ কঃ অপরঃ ততঃ ॥ ১০ ॥

যদা অসৌ নিয়মে অকল্পঃ জরয়া জাতবেপথুঃ ।
আত্মনি অগ্নীন্ সমারোপ্য মচ্চিত্তঃ অগ্নিং সমাবিশেৎ ॥ ১১ ॥

যদা কর্মবিপাকেষু লোকেষু নিরয় আত্মসু ।
বিরাগঃ জায়তে সম্যক্ ন্যস্ত অগ্নিঃ প্রব্রজেৎ ততঃ ॥ ১২ ॥

ইষ্ট্বা যথা উপদেশং মাং দত্ত্বা সর্বস্বম্ ঋৎবিজে ।
অগ্নীন্ স্বপ্রাণঃ আবেশ্য নিরপেক্ষঃ পরিব্রজেৎ ॥ ১৩ ॥

বিপ্রস্য বৈ সংন্যসতঃ দেবাঃ দারাদিরূপিণঃ ।
বিঘ্নান্ কুর্বন্তি অয়ং হি অস্মান্ আক্রম্য সমিয়াৎ পরম্ ॥ ১৪ ॥

বিভৃয়াৎ চেৎ মুনিঃ বাসঃ কৌপীন আচ্ছাদনং পরম্ ।
ত্যক্তং ন দণ্ডপাত্রাভ্যাম্ অন্যৎ কিঞ্চিৎ অনাপদি ॥ ১৫ ॥

দৃষ্টিপূতং ন্যসেৎ পাদং বস্ত্রপূতং পিবেৎ জলম্ ।
সত্যপূতাং বদেৎ বাচং মনঃপূতং সমাচরেৎ ॥ ১৬ ॥

মৌন অনীহা অনিল আয়ামাঃ দণ্ডাঃ বাক্ দেহ চেতসাম্ ।
নহি এতে যস্য সন্তি অঙ্গঃ বেণুভিঃ ন ভবেৎ যতিঃ ॥ ১৭ ॥

ভিক্ষাং চতুষু বর্ণেষু বিগর্হ্যান্ বর্জয়ন্ চরেৎ ।
সপ্তাগারান্ অসংক্লৃপ্তান্ তুষ্যেৎ লব্ধেন তাবতা ॥ ১৮ ॥

বহিঃ জলাশয়ং গৎবা তত্র উপস্পৃশ্য বাগ্যতঃ ।
বিভজ্য পাবিতং শেষং ভুঞ্জীত অশেষম্ আহৃতম্ ॥ ১৯ ॥

একঃ চরেৎ মহীম্ এতাং নিঃসঙ্গঃ সংয়তেন্দ্রিয়ঃ ।
আত্মক্রীডঃ আত্মরতঃ আত্মবান্ সমদর্শনঃ ॥ ২০ ॥

বিবিক্তক্ষেমশরণঃ মদ্ভাববিমলাশয়ঃ ।
আত্মানং চিন্তয়েৎ একম্ অভেদেন ময়া মুনিঃ ॥ ২১ ॥

অন্বীক্ষেত আত্মনঃ বন্ধং মোক্ষং চ জ্ঞাননিষ্ঠয়া ।
বন্ধঃ ইন্দ্রিয়বিক্ষেপঃ মোক্ষঃ এষাং চ সংয়মঃ ॥ ২২ ॥

তস্মাৎ নিয়ম্য ষড্বর্গং মদ্ভাবেন চরেৎ মুনিঃ ।
বিরক্তঃ ক্ষুল্লকামেভ্যঃ লব্ধ্বা আত্মনি সুখং মহৎ ॥ ২৩ ॥

পুরগ্রামব্রজান্ সার্থান্ ভিক্ষার্থং প্রবিশন্ চরেৎ ।
পুণ্যদেশসরিৎ শৈলবন আশ্রমবতীং মহীম্ ॥ ২৪ ॥

বানপ্রস্থ আশ্রম পদেষু অভীক্ষ্ণং ভৈক্ষ্যম্ আচরেৎ ।
সংসিধ্যত্যাশ্বসংমোহঃ শুদ্ধসত্ত্বঃ শিলান্ধসা ॥ ২৫ ॥

ন এতৎ বস্তুতয়া পশ্যেৎ দৃশ্যমানং বিনশ্যতি ।
অসক্তচিত্তঃ বিরমেৎ ইহ অমুত্র চিকীর্ষিতাৎ ॥ ২৬ ॥

যৎ এতৎ আত্মনি জগৎ মনোবাক্প্রাণসংহতম্ ।
সর্বং মায়া ইতি তর্কেণ স্বস্থঃ ত্যক্ত্বা ন তৎ স্মরেৎ ॥ ২৭ ॥

জ্ঞাননিষ্ঠঃ বিরক্তঃ বা মদ্ভক্তঃ বা অনপেক্ষকঃ ।
সলিঙ্গান্ আশ্রমাং ত্যক্ত্বা চরেৎ অবিধিগোচরঃ ॥ ২৮ ॥

বুধঃ বালকবৎ ক্রীডেৎ কুশলঃ জডবৎ চরেৎ ।
বদেৎ উন্মত্তবৎ বিদ্বান্ গোচর্যাং নৈগমঃ চরেৎ ॥ ২৯ ॥

বেদবাদরতঃ ন স্যাৎ ন পাখণ্ডী ন হৈতুকঃ ।
শুষ্কবাদবিবাদে ন কঞ্চিৎ পক্ষং সমাশ্রয়েৎ ॥ ৩০ ॥

ন উদ্বিজেত জনাৎ ধীরঃ জনং চ উদ্বেজয়েৎ ন তু ।
অতিবাদান্ তিতিক্ষেত ন অবমন্যেত কঞ্চন ।
দেহম্ উদ্দিশ্য পশুবৎ বৈরং কুর্যাৎ ন কেনচিৎ ॥ ৩১ ॥

একঃ এব পরঃ হি আত্মা ভূতেষু আত্মনি অবস্থিতঃ ।
যথা ইন্দুঃ উদপাত্রেষু ভূতানি একাত্মকানি চ ॥ ৩২ ॥

অলব্ধ্বা ন বিষীদেত কালে কালে অশনং ক্বচিৎ ।
লব্ধ্বা ন হৃষ্যেৎ ধৃতিম্ আনুভয়ং দৈবতন্ত্রিতম্ ॥ ৩৩ ॥

আহারার্থং সমীহেত যুক্তং তৎ প্রাণধারণম্ ।
তত্ত্বং বিমৃশ্যতে তেন তৎ বিজ্ঞায় বিমুচ্যতে ॥ ৩৪ ॥

যৎ ঋচ্ছয়া উপপন্নাৎ অন্নম্ অদ্যাৎ শ্রেষ্ঠম্ উত অপরম্ ।
তথা বাসঃ তথা শয়্যাং প্রাপ্তং প্রাপ্তং ভজেৎ মুনিঃ ॥ ৩৫ ॥

শৌচম্ আচমনং স্নানং ন তু চোদনয়া চরেৎ ।
অন্যান্ চ নিয়মান্ জ্ঞানী যথা অহং লীলয়া ঈশ্বরঃ ॥ ৩৬ ॥

নহি তস্য বিকল্পাখ্যা যা চ মদ্বীক্ষয়া হতা ।
আদেহান্তাৎ ক্বচিৎ খ্যাতিঃ ততঃ সম্পদ্যতে ময়া ॥ ৩৭ ॥

দুঃখ উদর্কেষু কামেষু জাতনির্বেদঃ আত্মবান্ ।
অজিজ্ঞাসিত মদ্ধর্মঃ গুরুং মুনিম্ উপাব্রজেৎ ॥ ৩৮ ॥

তাবৎ পরিচরেৎ ভক্তঃ শ্রদ্ধাবান্ অনসূয়কঃ ।
যাবৎ ব্রহ্ম বিজানীয়াৎ মাম্ এব গুরুম্ আদৃতঃ ॥ ৩৯ ॥

যঃ তু অসংয়ত ষড্বর্গঃ প্রচণ্ড ইন্দ্রিয় সারথিঃ ।
জ্ঞান বৈরাগ্য রহিতঃ ত্রিদণ্ডম্ উপজীবতি ॥ ৪০ ॥

সুরান্ আত্মানম্ আত্মস্থং নিহ্নুতে মাং চ ধর্মহা ।
অবিপক্ব কষায়ঃ অস্মাৎ উষ্মাৎ চ বিহীয়তে ॥ ৪১ ॥

ভিক্ষোঃ ধর্মঃ শমঃ অহিংসা তপঃ ঈক্ষা বনৌকসঃ ।
গৃহিণঃ ভূতরক্ষ ইজ্যাঃ দ্বিজস্য আচার্যসেবনম্ ॥ ৪২ ॥

ব্রহ্মচর্যং তপঃ শৌচং সন্তোষঃ ভূতসৌহৃদম্ ।
গৃহস্থস্য অপি ঋতৌ গন্তুঃ সর্বেষাং মদুপাসনম্ ॥ ৪৩ ॥

ইতি মাং যঃ স্বধর্মেণ ভজন্ নিত্যম্ অনন্যভাক্ ।
সর্বভূতেষু মদ্ভাবঃ মদ্ভক্তিং বিন্দতে অচিরাৎ ॥ ৪৪ ॥

ভক্ত্যা উদ্ধব অনপায়িন্যা সর্বলোকমহেশ্বরম্ ।
সর্ব উৎপত্তি অপি অয়ং ব্রহ্ম কারণং মা উপয়াতি সঃ ॥ ৪৫ ॥

ইতি স্বধর্ম নির্ণিক্ত সত্ত্বঃ নির্জ্ঞাৎ মদ্গতিঃ ।
জ্ঞান বিজ্ঞান সম্পন্নঃ ন চিরাৎ সমুপৈতি মাম্ ॥ ৪৬ ॥

বর্ণাশ্রমবতাং ধর্মঃ এষঃ আচারলক্ষণঃ ।
সঃ এব মদ্ভক্তিয়ুতঃ নিঃশ্রেয়সকরঃ পরঃ ॥ ৪৭ ॥

এতৎ তে অভিহিতং সাধো ভবান্ পৃচ্ছতি যৎ চ মাম্ ।
যথা স্বধর্মসংয়ুক্তঃ ভক্তঃ মাং সমিয়াৎ পরম্ ॥ ৪৮ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
বানপ্রস্থসংন্যাসধর্মনিরূপণং নামাষ্টাদশোঽধ্যায়ঃ
॥ ১৮ ॥

অথ একোনবিংশঃ অধ্যায়ঃ ।
শ্রীভগবান্ উবাচ ।
যঃ বিদ্যাশ্রুতসম্পন্নঃ আত্মবান্ ন অনুমানিকঃ ।
মায়ামাত্রম্ ইদং জ্ঞাৎবা জ্ঞানং চ ময়ি সংন্যসেৎ ॥ ১ ॥

জ্ঞানিনঃ তু অহম্ এব ইষ্টঃ স্বার্থঃ হেতুঃ চ সংমতঃ ।
স্বর্গঃ চ এব অপবর্গঃ চ ন অন্যঃ অর্থঃ মদৃতে প্রিয়ঃ ॥ ২ ॥

জ্ঞানবিজ্ঞানসংসিদ্ধাঃ পদং শ্রেষ্ঠং বিদুঃ মম ।
জ্ঞানী প্রিয়তমঃ অতঃ মে জ্ঞানেন অসৌ বিভর্তি মাম্ ॥ ৩ ॥

তপঃ তীর্থং জপঃ দানং পবিত্রাণি ইতরাণি চ ।
ন অলং কুর্বন্তি তাং সিদ্ধিং যা জ্ঞানকলয়া কৃতা ॥ ৪ ॥

তস্মাৎ জ্ঞানেন সহিতং জ্ঞাৎবা স্বাত্মানম্ উদ্ধব ।
জ্ঞানবিজ্ঞানসম্পন্নঃ ভজ মাং ভক্তিভাবতঃ ॥ ৫ ॥

জ্ঞানবিজ্ঞানয়জ্ঞেন মাম্ ইষ্ট্বা আত্মানম্ আত্মনি ।
সর্বয়জ্ঞপতিং মাং বৈ সংসিদ্ধিং মুনয়ঃ অগমন্ ॥ ৬ ॥

ৎবয়ি উদ্ধব আশ্রয়তি যঃ ত্রিবিধঃ বিকারঃ
মায়ান্তরা আপততি ন আদি অপবর্গয়োঃ যৎ ।
জন্মাদয়ঃ অস্য যৎ অমী তব তস্য কিং স্যুঃ
আদি অন্তয়োঃ যৎ অসতঃ অস্তি তৎ এব মধ্যে ॥ ৭ ॥

উদ্ধবঃ উবাচ ।
জ্ঞানং বিশুদ্ধং বিপুলং যথা এতৎ
বৈরাগ্যবিজ্ঞানয়ুতং পুরাণম্ ।
আখ্যাহি বিশ্বেশ্বর বিশ্বমূর্তে
ৎবৎ ভক্তিয়োগং চ মহৎ বিমৃগ্যম্ ॥ ৮ ॥

তাপত্রয়েণ অভিহতস্য ঘোরে
সন্তপ্যমানস্য ভবাধ্বনীশ ।
পশ্যামি ন অন্যৎ শরণং তবাঙ্ঘ্রি
দ্বন্দ্ব আতপত্রাৎ অমৃত অভিবর্ষাৎ ॥ ৯ ॥

দষ্টং জনং সম্পতিতং বিলে অস্মিন্
কালাহিনা ক্ষুদ্রসুখোঃ উতর্ষম্ ।
সমুদ্ধর এনং কৃপয়া অপবর্গ্যৈঃ
বচোভিঃ আসিঞ্চ মহানুভাব ॥ ১০ ॥

শ্রীভগবান্ উবাচ ।
ইত্থম্ এতৎ পুরা রাজা ভীষ্মং ধর্মভৃতাং বরম্ ।
অজাতশত্রুঃ পপ্রচ্ছ সর্বেষাং নঃ অনুশ্রুণ্বতাম্ ॥ ১১ ॥

নিবৃত্তে ভারতে যুদ্ধে সুহৃৎ নিধনবিহ্বলঃ ।
শ্রুৎবা ধর্মান্ বহূন্ পশ্চাৎ মোক্ষধর্মান্ অপৃচ্ছত ॥

১২ ॥

তান্ অহং তে অভিধাস্যামি দেবব্রতমুখাৎ শ্রুতান্ ।
জ্ঞানবৈরাগ্যবিজ্ঞানশ্রদ্ধাভক্তি উপবৃংহিতান্ ॥ ১৩ ॥

নব একাদশ পঞ্চ ত্রীন্ ভাবান্ ভূতেষু যেন বৈ ।
ঈক্ষেত অথ একম্ অপি এষু তৎ জ্ঞানং মম নিশ্চিতম্ ॥ ১৪ ॥

এতৎ এব হি বিজ্ঞানং ন তথা একেন যেন যৎ ।
স্থিতি উৎপত্তি অপি অয়ান্ পশ্যেৎ ভাবানাং ত্রিগুণ আত্মনাম্ ॥

১৫ ॥

আদৌ অন্তে চ মধ্যে চ সৃজ্যাৎ সৃজ্যং যৎ অন্বিয়াৎ ।
পুনঃ তৎ প্রতিসঙ্ক্রামে যৎ শিষ্যেত তৎ এব সৎ ॥ ১৬ ॥

শ্রুতিঃ প্রত্যক্ষম্ ঐতিহ্যম্ অনুমানং চতুষ্টয়ম্ ।
প্রমাণেষু অনবস্থানাৎ বিকল্পাৎ সঃ বিরজ্যতে ॥ ১৭ ॥

কর্মণাং পরিণামিৎবাৎ আবিরিঞ্চাৎ অমঙ্গলম্ ।
বিপশ্চিৎ নশ্বরং পশ্যেৎ অদৃষ্টম্ অপি দৃষ্টবৎ ॥ ১৮ ॥

ভক্তিয়োগঃ পুরা এব উক্তঃ প্রীয়মাণায় তে অনঘ ।
পুনঃ চ কথয়িষ্যামি মদ্ভক্তেঃ কারণং পরম্ ॥ ১৯ ॥

শ্রদ্ধা অমৃতকথায়াং মে শশ্বৎ মৎ অনুকীর্তনম্ ।
পরিনিষ্ঠা চ পূজায়াং স্তুতিভিঃ স্তবনং মম ॥ ২০ ॥

আদরঃ পরিচর্যায়াং সর্বাঙ্গৈঃ অভিবন্দনম্ ।
মদ্ভক্তপূজাভ্যধিকা সর্বভূতেষু মন্মতিঃ ॥ ২১ ॥

মদর্থেষু অঙ্গচেষ্টা চ বচসা মদ্গুণেরণম্ ।
ময়্যর্পণং চ মনসঃ সর্বকামবিবর্জনম্ ॥ ২২ ॥

মদর্থে অর্থ পরিত্যাগঃ ভোগস্য চ সুখস্য চ ।
ইষ্টং দত্তং হুতং জপ্তং মদর্থং যৎ ব্রতং তপঃ ॥ ২৩ ॥

এবং ধর্মৈঃ মনুষ্যাণাম্ উদ্ধব আত্মনিবেদিনাম্ ।
ময়ি সঞ্জায়তে ভক্তিঃ কঃ অন্যঃ অর্থঃ অস্য অবশিষ্যতে ॥ ২৪ ॥

যদা আত্মনি অর্পিতং চিত্তং শান্তং সত্ত্ব উপবৃংহিতম্ ।
ধর্মং জ্ঞানং সবৈরাগ্যম্ ঐশ্বর্যং চ অভিপদ্যতে ॥ ২৫ ॥

যৎ অর্পিতং তৎ বিকল্পে ইন্দ্রিয়ৈঃ পরিধাবতি ।
রজস্বলং চ আসন্ নিষ্ঠং চিত্তং বিদ্ধি বিপর্যযম্ ॥ ২৬ ॥

ধর্মঃ মদ্ভক্তিকৃৎ প্রোক্তঃ জ্ঞানং চ একাত্ম্যদর্শনম্ ।
গুণেষু অসঙ্গঃ বৈরাগ্যম্ ঐশ্বর্যং চ অণিম্ আদয়ঃ ॥ ২৭ ॥

উদ্ধবঃ উবাচ ।
যমঃ কতিবিধঃ প্রোক্তঃ নিয়মঃ বা অরিকর্শন ।
কঃ শমঃ কঃ দমঃ কৃষ্ণ কা তিতিক্ষা ধৃতিঃ প্রভো ॥ ২৮ ॥

কিং দানং কিং তপঃ শৌর্যং কিং সত্যম্ ঋতম্ উচ্যতে ।
কঃ ত্যাগঃ কিং ধনং চেষ্টং কঃ যজ্ঞঃ কা চ দক্ষিণা ॥

২৯ ॥

পুংসঃ কিংস্বিৎ বলং শ্রীমন্ ভগঃ লাভঃ চ কেশব ।
কা বিদ্যা হ্রীঃ পরা কা শ্রীঃ কিং সুখং দুঃখম্ এব চ ॥

৩০ ॥

কঃ পণ্ডিতঃ কঃ চ মূর্খঃ কঃ পন্থাঃ উৎপথঃ চ কঃ ।
কঃ স্বর্গঃ নরকঃ কঃ স্বিৎ কঃ বন্ধুঃ উত কিং গৃহম্ ॥ ৩১ ॥

কঃ আঢ্যঃ কঃ দরিদ্রঃ বা কৃপণঃ কঃ ঈশ্বরঃ ।
এতান্ প্রশ্নান্ মম ব্রূহি বিপরীতান্ চ সৎপতে ॥ ৩২ ॥

শ্রীভগবান্ উবাচ ।
অহিংসা সত্যম্ অস্তেয়ম্ অসঙ্গঃ হ্রীঃ অসঞ্চয়ঃ ।
আস্তিক্যং ব্রহ্মচর্যং চ মৌনং স্থৈর্যং ক্ষমা অভয়ম্ ॥

৩৩।
শৌচং জপঃ তপঃ হোমঃ শ্রদ্ধা আতিথ্যং মৎ অর্চনম্ ।
তীর্থাটনং পরার্থেহা তুষ্টিঃ আচার্যসেবনম্ ॥ ৩৪ ॥

এতে যমাঃ সনিয়মাঃ উভয়োঃ দ্বাদশ স্মৃতাঃ ।
পুংসাম্ উপাসিতাঃ তাত যথাকামং দুহন্তি হি ॥ ৩৫ ॥

শমঃ মৎ নিষ্ঠতা বুদ্ধেঃ দমঃ ইন্দ্রিয়সংয়মঃ ।
তিতিক্ষা দুঃখসংমর্ষঃ জিহ্বা উপস্থজয়ঃ ধৃতিঃ ॥ ৩৬ ॥

দণ্ডন্যাসঃ পরং দানং কামত্যাগঃ তপঃ স্মৃতম্ ।
স্বভাববিজয়ঃ শৌর্যং সত্যং চ সমদর্শনম্ ॥ ৩৭ ॥

ঋতং চ সূনৃতা বাণী কবিভিঃ পরিকীর্তিতা ।
কর্মস্বসঙ্গমঃ শৌচং ত্যাগঃ সংন্যাসঃ উচ্যতে ॥ ৩৮ ॥

ধর্মঃ ইষ্টং ধনং নৄণাং যজ্ঞঃ অহং ভগবত্তমঃ ।
দক্ষিণা জ্ঞানসন্দেশঃ প্রাণায়ামঃ পরং বলম্ ॥ ৩৯ ॥

ভগঃ মে ঐশ্বরঃ ভাবঃ লাভঃ মদ্ভক্তিঃ উত্তমঃ ।
বিদ্যা আত্মনি ভিদ অবাধঃ জুগুপ্সা হ্রীঃ অকর্মসু ॥ ৪০ ॥

শ্রীঃ গুণাঃ নৈরপেক্ষ্য আদ্যাঃ সুখং দুঃখসুখ অত্যযঃ ।
দুঃখং কামসুখ অপেক্ষা পণ্ডিতঃ বন্ধমোক্ষবিৎ ॥ ৪১ ॥

মূর্খঃ দেহ আদি অহং বুদ্ধিঃ পন্থাঃ মৎ নিগমঃ স্মৃতঃ ।
উৎপথঃ চিত্তবিক্ষেপঃ স্বর্গঃ সত্ত্বগুণ উঅদয়ঃ ॥ ৪২ ॥

নরকঃ তমঃ উন্নহঃ বন্ধুঃ গুরুঃ অহং সখে ।
গৃহং শরীরং মানুষ্যং গুণাঢ্যঃ হি আঢ্যঃ উচ্যতে ॥ ৪৩ ॥

দরিদ্রঃ যঃ তু অসন্তুষ্টঃ কৃপণঃ যঃ অজিতেন্দ্রিয়ঃ ।
গুণেষু অসক্তধীঃ ঈশঃ গুণসঙ্গঃ বিপর্যযঃ ॥ ৪৪ ॥

এতঃ উদ্ধব তে প্রশ্নাঃ সর্বে সাধু নিরূপিতাঃ ।
কিং বর্ণিতেন বহুনা লক্ষণং গুণদোষয়োঃ ।
গুণদোষ দৃশিঃ দোষঃ গুণঃ তু উভয়বর্জিতঃ ॥ ৪৫ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুধবসংবাদে
একোনবিংশোঽধ্যায়ঃ ॥ ১৯ ॥

অথ বিংশঃ অধ্যায়ঃ ।
উদ্ধবঃ উবাচ ।
বিধিঃ চ প্রতিষেধঃ চ নিগমঃ হি ঈশ্বরস্য তে ।
অবেক্ষতে অরবিন্দাক্ষ গুণং দোষং চ কর্মণাম্ ॥ ১ ॥

বর্ণাশ্রম বিকল্পং চ প্রতিলোম অনুলোমজম্ ।
দ্রব্য দেশ বয়ঃ কালান্ স্বর্গং নরকম্ এব চ ॥ ২ ॥

গুণ দোষ ভিদা দৃষ্টিম্ অন্তরেণ বচঃ তব ।
নিঃশ্রেয়সং কথং নৄণাং নিষেধ বিধি লক্ষণম্ ॥ ৩ ॥

পিতৃদেবমনুষ্যাণাং বেদঃ চক্ষুঃ তব ঈশ্বর ।
শ্রেয়ঃ তু অনুপলব্ধে অর্থে সাধ্যসাধনয়োঃ অপি ॥ ৪ ॥

গুণদোষভিদাদৃষ্টিঃ নিগমাৎ তে ন হি স্বতঃ ।
নিগমেন অপবাদঃ চ ভিদায়াঃ ইতি হি ভ্রমঃ ॥ ৫ ॥

শ্রীভগবান্ উবাচ ।
যোগাঃ ত্রয়ঃ ময়া প্রোক্তা নৄণাং শ্রেয়োবিধিৎসয়া ।
জ্ঞানং কর্ম চ ভক্তিঃ চ ন উপায়ঃ অন্যঃ অস্তি কুত্রচিৎ ॥

৬ ॥

নির্বিণ্ণানাং জ্ঞানয়োগঃ ন্যাসিনাম্ ইহ কর্মসু ।
তেষু অনির্বিণ্ণচিত্তানাং কর্ময়োগঃ তি কামিনাম্ ॥ ৭ ॥

যদৃচ্ছয়া মৎ কথা আদৌ জাতশ্রদ্ধঃ তু যঃ পুমান্ ।
ন নির্বিণ্ণঃ ন অতিসক্তঃ ভক্তিয়োগঃ অস্য সিদ্ধিদঃ ॥ ৮ ॥

তাবৎ কর্মাণি কুর্বীত ন নির্বিদ্যেত যাবতা ।
মৎ কথাশ্রবণ আদৌ বা শ্রদ্ধা যাবৎ ন জায়তে ॥ ৯ ॥

স্বধর্মস্থঃ যজন্যজ্ঞৈঃ অনাশীঃ কামঃ উদ্ধব ।
ন যাতি স্বর্গনরকৌ যদি অন্যত্র সমাচরেৎ ॥ ১০ ॥

অস্মিন্ লোকে বর্তমানঃ স্বধর্মস্থঃ অনঘঃ শুচিঃ ।
জ্ঞানং বিশুদ্ধম্ আপ্নোতি মদ্ভক্তিং বা যদৃচ্ছয়া ॥ ১১ ॥

স্বর্গিণঃ অপি এতম্ ইচ্ছন্তি লোকং নিরয়িণঃ তথা ।
সাধকং জ্ঞানভক্তিভ্যাম্ উভয়ং তৎ অসাধকম্ ॥ ১২ ॥

ন নরঃ স্বর্গতিং কাঙ্ক্ষেৎ নারকীং বা বিচক্ষণঃ ।
ন ইমং লোকং চ কাঙ্ক্ষেত দেহ আবেশাৎ প্রমাদ্যতি ॥ ১৩ ॥

এতৎ বিদ্বান্ পুরা মৃত্যোঃ অভবায় ঘটেত সঃ ।
অপ্রমত্তঃ ইদং জ্ঞাৎবা মর্ত্যম্ অপি অর্থসিদ্ধিদম্ ॥ ১৪ ॥

ছিদ্যমানং যমৈঃ এতৈঃ কৃতনীডং বনস্পতিম্ ।
খগঃ স্বকেতম্ উৎসৃজ্য ক্ষেমং যাতি হি অলম্পটঃ ॥ ১৫ ॥

অহোরাত্রৈঃ ছিদ্যমানং বুদ্ধ্বায়ুঃ ভয়বেপথুঃ ।
মুক্তসঙ্গঃ পরং বুদ্ধ্বা নিরীহ উপশাম্যতি ॥ ১৬ ॥

নৃদেহম্ আদ্যং সুলভং সুদুর্লভম্
প্লবং সুকল্পং গুরুকর্ণধারম্ ।
ময়া অনুকূলেন নভস্বতেরিতম্
পুমান্ ভবাব্ধিং ন তরেৎ সঃ আত্মহা ॥ ১৭ ॥

যদা আরম্ভেষু নির্বিণ্ণঃ বিরক্তঃ সংয়তেন্দ্রিয়ঃ ।
অভ্যাসেন আত্মনঃ যোগী ধারয়েৎ অচলং মনঃ ॥ ১৮ ॥

ধার্যমাণং মনঃ যঃ হি ভ্রাম্যদাশু অনবস্থিতম্ ।
অতন্দ্রিতঃ অনুরোধেন মার্গেণ আত্মবশং নয়েৎ ॥ ১৯ ॥

মনোগতিং ন বিসৃজেৎ জিতপ্রাণঃ জিতেন্দ্রিয়ঃ ।
সত্ত্বসম্পন্নয়া বুদ্ধ্যা মনঃ আত্মবশং নয়েৎ ॥ ২০ ॥

এষঃ বৈ পরমঃ যোগঃ মনসঃ সঙ্গ্রহঃ স্মৃতঃ ।
হৃদয়জ্ঞৎবম্ অন্বিচ্ছন্ দম্যস্য এব অর্বতঃ মুহুঃ ॥ ২১ ॥

সাঙ্খ্যেন সর্বভাবানাং প্রতিলোম অনুলোমতঃ ।
ভব অপি অয়ৌ অনুধ্যযেৎ মনঃ যাবৎ প্রসীদতি ॥ ২২ ॥

নির্বিণ্ণস্য বিরক্তস্য পুরুষস্য উক্তবেদিনঃ ।
মনঃ ত্যজতি দৌরাত্ম্যং চিন্তিতস্য অনুচিন্তয়া ॥ ২৩ ॥

যম আদিভিঃ যোগপথৈঃ আন্বীক্ষিক্যা চ বিদ্যযা ।
মম অর্চোপাসনাভিঃ বা ন অন্যৈঃ যোগ্যং স্মরেৎ মনঃ ॥ ২৪ ॥

যদি কুর্যাৎ প্রমাদেন যোগী কর্ম বিগর্হিতম্ ।
যোগেন এব দহেৎ অংহঃ ন অন্যৎ তত্র কদাচন ॥ ২৫ ॥

স্বে স্বে অধিকারে যা নিষ্ঠা সঃ গুণঃ পরিকীর্তিতঃ ।
কর্মণাং জাতি অশুদ্ধানাম্ অনেন নিয়মঃ কৃতঃ ।
গুণদোষবিধানেন সঙ্গানাং ত্যাজনেচ্ছয়া ॥ ২৬ ॥

জাতশ্রদ্দঃ মৎকথাসু নির্বিণ্ণঃ সর্বকর্মসু ।
বেদ দুঃখাত্মকান্ কামান্ পরিত্যাগে অপি অনীশ্বরঃ ॥ ২৭ ॥

ততঃ ভজেত মাং প্রীতঃ শ্রদ্ধালুঃ দৃঢনিশ্চয়ঃ ।
জুষমাণঃ চ তান্ কামান্ দুঃখ উদর্কান্ চ গর্হয়ন্ ॥ ২৮ ॥

প্রোক্তেন ভক্তিয়োগেন ভজতঃ মা অসকৃৎ মুনেঃ ।
কামাঃ হৃদয়্যাঃ নশ্যন্তি সর্বে ময়ি হৃদি স্থিতে ॥ ২৯ ॥

ভিদ্যতে হৃদয়গ্রন্থিঃ ছিদ্যন্তে সর্বসংশয়াঃ ।
ক্ষীয়ন্তে চ অস্য কর্মাণি ময়ি দৃষ্টে অখিল আত্মনি ॥ ৩০ ॥

তস্মাৎ মদ্ভক্তিয়ুক্তস্য যোগিনঃ বৈ মৎ আত্মনঃ ।
ন জ্ঞানং ন চ বৈরাগ্যং প্রায়ঃ শ্রেয়ঃ ভবেৎ ইহ ॥ ৩১ ॥

যৎ কর্মভিঃ যৎ তপসা জ্ঞানবৈরাগ্যতঃ চ যৎ ।
যোগেন দানধর্মেণ শ্রেয়োভিঃ ইতরৈঃ অপি ॥ ৩২ ॥

সর্বং মদ্ভক্তিয়োগেন মদ্ভক্তঃ লভতে অঞ্জসা ।
স্বর্গ অপবর্গং মৎ ধাম কথঞ্চিৎ যদি বাঞ্ছতি ॥ ৩৩ ॥

ন কিঞ্চিৎ সাধবঃ ধীরাঃ ভক্তাঃ হি একান্তিনঃ মম ।
বাঞ্ছতি অপি ময়া দত্তং কৈবল্যম্ অপুনর্ভবম্ ॥ ৩৪ ॥

নৈরপেক্ষ্যং পরং প্রাহুঃ নিঃশ্রেয়সম্ অনল্পকম্ ।
তস্মাৎ নিরাশিষঃ ভক্তিঃ নিরপেক্ষস্য মে ভবেৎ ॥ ৩৫ ॥

ন ময়ি একান্তভক্তানাং গুণদোষ উদ্ভবাঃ গুণাঃ ।
সাধূনাং সমচিত্তানাং বুদ্ধেঃ পরম্ উপেয়ুষাম্ ॥ ৩৬ ॥

এবম্ এতৎ ময়া আদিষ্টান্ অনুতিষ্ঠন্তি মে পথঃ ।
ক্ষেমং বিন্দন্তি মৎ স্থানং যৎ ব্রহ্ম পরমং বিদুঃ ॥ ৩৭ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
বেদত্রয়ীবিভাগয়োগো নাম বিংশোঽধ্যায়ঃ ॥ ২০ ॥

অথ একবিংশঃ অধ্যায়ঃ ।
শ্রীভগবান্ উবাচ ।
যঃ এতান্ মৎপথঃ হিৎবা ভক্তিজ্ঞানক্রিয়াত্মকান্ ।
ক্ষুদ্রান্ কামান্ চলৈঃ প্রাণৈঃ জুষন্তঃ সংসরন্তি তে ॥ ১ ॥

স্বে স্বে অধিকারে যা নিষ্ঠা সঃ গুণঃ পরিকীর্তিতঃ ।
বিপর্যযঃ তু দোষঃ স্যাৎ উভয়োঃ এষঃ নিশ্চয়ঃ ॥ ২ ॥

শুদ্ধি অশুদ্ধী বিধীয়েতে সমানেষু অপি বস্তুষু ।
দ্রব্যস্য বিচিকিৎসার্থং গুণদোষৌ শুভ অশুভৌ ॥ ৩ ॥

ধর্মার্থং ব্যবহারার্থং যাত্রার্থম্ ইতি চ অনঘ ।
দর্শিতঃ অয়ং ময়া আচারঃ ধর্মম্ উদ্বহতাং ধুরম্ ॥ ৪ ॥

ভূমি অম্বু অগ্নি অনিল আকাশাঃ ভূতানাং পঞ্চ ধাতবঃ ।
আব্রহ্ম স্থাবর আদীনাং শরীরাঃ আত্মসংয়ুতাঃ ॥ ৫ ॥

বেদেন নামরূপাণি বিষমাণি সমেষু অপি ।
ধাতুষু উদ্ধব কল্প্যন্তঃ এতেষাং স্বার্থসিদ্ধয়ে ॥ ৬ ॥

দেশ কাল আদি ভাবানাং বস্তূনাং মম সত্তম ।
গুণদোষৌ বিধীয়েতে নিয়মার্থং হি কর্মণাম্ ॥ ৭ ॥

অকৃষ্ণসারঃ দেশানাম্ অব্রহ্মণ্যঃ অশুচিঃ ভবেৎ ।
কৃষ্ণসারঃ অপি অসৌবীর কীকট অসংস্কৃতেরিণম্ ॥ ৮ ॥

কর্মণ্যঃ গুণবান্ কালঃ দ্রব্যতঃ স্বতঃ এব বা ।
যতঃ নিবর্ততে কর্ম সঃ দোষঃ অকর্মকঃ স্মৃতঃ ॥ ৯ ॥

দ্রব্যস্য শুদ্ধি অশুদ্ধী চ দ্রব্যেণ বচনেন চ ।
সংস্কারেণ অথ কালেন মহত্ত্ব অল্পতয়া অথবা ॥ ১০ ॥

শক্ত্যা অশক্ত্যা অথবা বুদ্ধ্যা সমৃদ্ধ্যা চ যৎ আত্মনে ।
অঘং কুর্বন্তি হি যথা দেশ অবস্থা অনুসারতঃ ॥ ১১ ॥

ধান্য দারু অস্থি তন্তূনাং রস তৈজস চর্মণাম্ ।
কাল বায়ু অগ্নি মৃত্তোয়ৈঃ পার্থিবানাং যুত অয়ুতৈঃ ॥ ১২ ॥

অমেধ্যলিপ্তং যৎ যেন গন্ধং লেপং ব্যপোহতি ।
ভজতে প্রকৃতিং তস্য তৎ শৌচং তাবৎ ইষ্যতে ॥ ১৩ ॥

স্নান দান তপঃ অবস্থা বীর্য সংস্কার কর্মভিঃ ।
মৎ স্মৃত্যা চ আত্মনঃ শৌচং শুদ্ধঃ কর্ম আচরেৎ দ্বিজঃ
॥ ১৪ ॥

মন্ত্রস্য চ পরিজ্ঞানং কর্মশুদ্ধিঃ মদর্পণম্ ।
ধর্মঃ সম্পদ্যতে ষড্ভিঃ অধর্মঃ তু বিপর্যযঃ ॥ ১৫ ॥

ক্বচিৎ গুণঃ অপি দোষঃ স্যাৎ দোষঃ অপি বিধিনা গুণঃ ।
গুণদোষার্থনিয়মঃ তৎ ভিদাম্ এব বাধতে ॥ ১৬ ॥

সমানকর্ম আচরণং পতিতানাং ন পাতকম্ ।
ঔৎপত্তিকঃ গুণঃ সঙ্গঃ ন শয়ানঃ পততি অধঃ ॥ ১৭ ॥

যতঃ যতঃ নিবর্তেত বিমুচ্যেত ততঃ ততঃ ।
এষঃ ধর্মঃ নৄণাং ক্ষেমঃ শোকমোহভয় অপহঃ ॥ ১৮ ॥

বিষয়েষু গুণাধ্যাসাৎ পুংসঃ সঙ্গঃ ততঃ ভবেৎ ।
সঙ্গাৎ তত্র ভবেৎ কামঃ কামাৎ এব কলিঃ নৄণাম্ ॥ ১৯ ॥

কলেঃ দুর্বিষহঃ ক্রোধঃ তমঃ তম্ অনুবর্ততে ।
তমসা গ্রস্যতে পুংসঃ চেতনা ব্যাপিনী দ্রুতম্ ॥ ২০ ॥

তয়া বিরহিতঃ সাধো জন্তুঃ শূন্যায় কল্পতে ।
ততঃ অস্য স্বার্থবিভ্রংশঃ মূর্চ্ছিতস্য মৃতস্য চ ॥ ২১ ॥

বিষয়াভিনিবেশেন ন আত্মানং বেদ ন অপরম্ ।
বৃক্ষজীবিকয়া জীবন্ ব্যর্থং ভস্ত্র ইব যঃ শ্বসন্ ॥ ২২ ॥

ফলশ্রুতিঃ ইয়ং নৄণাং ন শ্রেয়ঃ রোচনং পরম্ ।
শ্রেয়োবিবক্ষয়া প্রোক্তং যথা ভৈষজ্যরোচনম্ ॥ ২৩ ॥

উৎপত্তি এব হি কামেষু প্রাণেষু স্বজনেষু চ ।
আসক্তমনসঃ মর্ত্যা আত্মনঃ অনর্থহেতুষু ॥ ২৪ ॥

ন তান্ অবিদুষঃ স্বার্থং ভ্রাম্যতঃ বৃজিনাধ্বনি ।
কথং যুঞ্জ্যাৎ পুনঃ তেষু তান্ তমঃ বিশতঃ বুধঃ ॥ ২৫ ॥

এবং ব্যবসিতং কেচিৎ অবিজ্ঞায় কুবুদ্ধয়ঃ ।
ফলশ্রুতিং কুসুমিতাং ন বেদজ্ঞাঃ বদন্তি হি ॥ ২৬ ॥

কামিনঃ কৃপণাঃ লুব্ধাঃ পুষ্পেষু ফলবুদ্ধয়ঃ ।
অগ্নিমুগ্ধা ধুমতান্তাঃ স্বং লোকং ন বিন্দন্তি তে ॥ ২৭ ॥

ন তে মাম্ অঙ্গঃ জানন্তি হৃদিস্থং যঃ ইদং যতঃ ।
উক্থশস্ত্রাঃ হি অসুতৃপঃ যথা নীহারচক্ষুষঃ ॥ ২৮ ॥

তে মে মতম্ অবিজ্ঞায় পরোক্ষং বিষয়াত্মকাঃ ।
হিংসায়াং যদি রাগঃ স্যাৎ যজ্ঞঃ এব ন চোদনা ॥ ২৯ ॥

হিংসাবিহারাঃ হি অলব্ধৈঃ পশুভিঃ স্বসুখএচ্ছয়া ।
যজন্তে দেবতাঃ যজ্ঞৈঃ পিতৃভূতপতীন্ খলাঃ ॥ ৩০ ॥

স্বপ্ন্ উপমম্ অমুং লোকম্ অসন্তং শ্রবণপ্রিয়ম্ ।
আশিষঃ হৃদি সঙ্কল্প্য ত্যজন্তি অর্থান্ যথা বণিক্ ॥ ৩১ ॥

রজঃসত্ত্বতমোনিষ্ঠাঃ রজঃসত্ত্বতমোজুষঃ ।
উপাসতঃ ইন্দ্রমুখ্যান্ দেবাদীন্ ন তথা এব মাম্ ॥ ৩২ ॥

ইষ্ট্বা ইহ দেবতাঃ যজ্ঞৈঃ গৎবা রংস্যামহে দিবি ।
তস্য অন্তঃ ইহ ভূয়াস্মঃ মহাশালা মহাকুলাঃ ॥ ৩৩ ॥

এবং পুষ্পিতয়া বাচা ব্যাক্ষিপ্তমনসাং নৄণাম্ ।
মানিনান্ চ অতিস্তব্ধানাং মদ্বার্তা অপি ন রোচতে ॥ ৩৪ ॥

বেদাঃ ব্রহ্মাত্মবিষয়াঃ ত্রিকাণ্ডবিষয়াঃ ইমে ।
পরোক্ষবাদাঃ ঋষয়ঃ পরোক্ষং মম চ প্রিয়ম্ ॥ ৩৫ ॥

শব্দব্রহ্ম সুদুর্বোধং প্রাণ ইন্দ্রিয় মনোময়ম্ ।
অনন্তপারং গম্ভীরং দুর্বিগাহ্যং সমুদ্রবৎ ॥ ৩৬ ॥

ময়া উপবৃংহিতং ভূম্না ব্রহ্মণা অনন্তশক্তিনা ।
ভূতেষু ঘোষরূপেণ বিসেষু ঊর্ণ ইব লক্ষ্যতে ॥ ৩৭ ॥

যথা ঊর্ণনাভিঃ হৃদয়াৎ ঊর্ণাম্ উদ্বমতে মুখাৎ ।
আকাশাৎ ঘোষবান্ প্রাণঃ মনসা স্পর্শরূপিণা ॥ ৩৮ ॥

ছন্দোময়ঃ অমৃতময়ঃ সহস্রপদবীং প্রভুঃ ।
ওঙ্কারাৎ ব্যঞ্জিত স্পর্শ স্বর উষ্ম অন্তস্থ ভূষিতাম্ ॥

৩৯ ॥

বিচিত্রভাষাবিততাং ছন্দোভিঃ চতুর উত্তরৈঃ ।
অনন্তপারাং বৃহতীং সৃজতি আক্ষিপতে স্বয়ম্ ॥ ৪০ ॥

গায়ত্রী উষ্ণিক্ অনুষ্টুপ্ চ বৃহতী পঙ্ক্তিঃ এব চ ।
ত্রিষ্টুপ্ জগতী অতিচ্ছন্দঃ হি অত্যষ্টি অতিজগৎ বিরাট্ ॥ ৪১ ॥

কিং বিধত্তে কিম্ আচষ্টে কিম্ অনূদ্য বিকল্পয়েৎ ।
ইতি অস্যাঃ হৃদয়ং লোকে ন অন্যঃ মৎ বেদ কশ্চন ॥৪২ ॥

মাং বিধত্তে অভিধত্তে মাং বিকল্প্য অপোহ্যতে তু অহম্ ।
এতাবান্ সর্ববেদার্থঃ শব্দঃ আস্থায় মাং ভিদাম্ ।
মায়ামাত্রম্ অনূদ্য অন্তে প্রতিষিধ্য প্রসীদতি ॥ ৪৩ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদ্দ্ধবসংবাদে
বেদত্রয়বিভাগনিরূপণং নাম একবিংশোঽধ্যায়ঃ ॥ ২১ ॥

অথ দ্বাবিংশঃ অধ্যায়ঃ ।
উদ্ধবঃ উবাচ ।
কতি তত্ত্বানি বিশ্বেশ সঙ্খ্যাতানি ঋষিভিঃ প্রভো ।
নব একাদশ পঞ্চ ত্রীণি আত্থ ৎবম্ ইহ শুশ্রুম ॥ ১ ॥

কেচিৎ ষড্বিংশতিং প্রাহুঃ অপরে পঞ্চবিংশতিম্ ।
সপ্ত একে নব ষট্ কেচিৎ চৎবারি একাদশ অপরে ।
কেচিৎ সপ্তদশ প্রাহুঃ ষোডশ একে ত্রয়োদশ ॥ ২ ॥

এতাবৎ ৎবম্ হি সঙ্খ্যানাম্ ঋষয়ঃ যৎ বিবক্ষয়া ।
গায়ন্তি পৃথক্ আয়ুষ্মন্ ইদং নঃ বক্তুম্ অর্হসি ॥ ৩ ॥

শ্রীভগবান্ উবাচ ।
যুক্তং চ সন্তি সর্বত্র ভাষন্তে ব্রাহ্মণাঃ যথা ।
মায়াং মদীয়াম্ উদ্গৃহ্য বদতাং কিং নু দুর্ঘটম্ ॥ ৪ ॥

ন এতৎ এবং যথা আত্থ ৎবং যৎ অহং বচ্মি তৎ তথা ।
এবং বিবদতাং হেতুং শক্তয়ঃ মে দুরত্যযাঃ ॥ ৫ ॥

যাসাং ব্যতিকরাৎ আসীৎ বিকল্পঃ বদতাং পদম্ ।
প্রাপ্তে শমদমে অপি এতি বাদস্তমনু শাম্যতি ॥ ৬ ॥

পরস্পরান্ অনুপ্রবেশাৎ তত্ত্বানাং পুরুষর্ষভ ।
পৌর্ব অপর্য প্রসঙ্খ্যানং যথা বক্তুঃ বিবক্ষিতম্ ॥ ৭ ॥

একস্মিন্ অপি দৃশ্যন্তে প্রবিষ্টানি ইতরাণি চ ।
পূর্বস্মিন্ বা পরস্মিন্ বা তত্ত্বে তত্ত্বানি সর্বশঃ ॥ ৮ ॥

পৌর্ব অপর্যম্ অতঃ অমীষাং প্রসঙ্খ্যানম্ অভীপ্সতাম্ ।
যথা বিবিক্তং যৎ বক্ত্রং গৃহ্ণীমঃ যুক্তিসংভবাৎ ॥ ৯ ॥

অনাদি অবিদ্যায়ুক্তস্য পুরুষস্য আত্মবেদনম্ ।
স্বতঃ ন সংভবাৎ অন্যঃ তত্ত্বজ্ঞঃ জ্ঞানদঃ ভবেৎ ॥ ১০ ॥

পুরুষ ঈশ্বরয়োঃ অত্র ন বৈলক্ষণ্যম্ অণু অপি ।
তৎ অন্যকল্পনাপার্থা জ্ঞানং চ প্রকৃতেঃ গুণঃ ॥ ১১ ॥

প্রকৃতিঃ গুণসাম্যং বৈ প্রকৃতেঃ ন আত্মনঃ গুণাঃ ।
সত্ত্বং রজঃ তমঃ ইতি স্থিতি উৎপত্তি অন্তহেতবঃ ॥ ১২ ॥

সত্ত্বং জ্ঞানং রজঃ কর্ম তমঃ অজ্ঞানম্ ইহ উচ্যতে ।
গুণব্যতিকরঃ কালঃ স্বভাবঃ সূত্রম্ এব চ ॥ ১৩ ॥

পুরুষঃ প্রকৃতিঃ ব্যক্তম্ অহঙ্কারঃ নভঃ অনিলঃ ।
জ্যোতিঃ আপঃ ক্ষিতিঃ ইতি তত্ত্বানি উক্তানি মে নব ॥ ১৪ ॥

শ্রোত্রং ৎবক্ দর্শনং ঘ্রাণঃ জিহ্বা ইতি জ্ঞানশক্তয়ঃ ।
বাক্ পাণি উপস্থ পায়ু অঙ্ঘ্রিঃ কর্মাণ্যঙ্গ উভয়ং মনঃ ॥ ১৫ ॥

শব্দঃ স্পর্শঃ রসঃ গন্ধঃ রূপং চ ইতি অর্থজাতয়ঃ ।
গতি উক্তি উৎসর্গ শিল্পানি কর্ম আয়তন সিদ্ধয়ঃ ॥ ১৬ ॥

সর্গ আদৌ প্রকৃতিঃ হি অস্য কার্য কারণ রূপিণী ।
সত্ত্ব আদিভিঃ গুণৈঃ ধত্তে পুরুষঃ অব্যক্তঃ ঈক্ষতে ॥ ১৭ ॥

ব্যক্ত আদয়ঃ বিকুর্বাণাঃ ধাতবঃ পুরুষ ঈক্ষয়া ।
লব্ধবীর্যাঃ সৃজন্তি অণ্ডং সংহতাঃ প্রকৃতেঃ বলাৎ ॥ ১৮ ॥

সপ্ত এব ধাতবঃ ইতি তত্র অর্থাঃ পঞ্চ খাদয়ঃ ।
জ্ঞানম্ আত্মা উভয় আধারঃ ততঃ দেহ ইন্দ্রিয় আসবঃ ॥ ১৯ ॥

ষড্ ইতি অত্র অপি ভূতানি পঞ্চ ষষ্ঠঃ পরঃ পুমান্ ।
তৈঃ যুক্তঃ আত্মসংভূতৈঃ সৃষ্ট্বা ইদং সমুপাবিশৎ ॥ ২০ ॥

চৎবারি এব ইতি তত্র অপি তেজঃ আপঃ অন্নম্ আত্মনঃ ।
জাতানি তৈঃ ইদং জাতং জন্ম অবয়বিনঃ খলু ॥ ২১ ॥

সঙ্খ্যানে সপ্তদশকে ভূতমাত্র ইন্দ্রিয়াণি চ ।
পঞ্চপঞ্চ এক মনসা আত্মা সপ্তদশঃ স্মৃতঃ ॥ ২২ ॥

তদ্বৎ ষোডশসঙ্খ্যানে আত্মা এব মনঃ উচ্যতে ।
ভূতেন্দ্রিয়াণি পঞ্চ এব মনঃ আত্মা ত্রয়োদশঃ ॥ ২৩ ॥

একাদশৎবঃ আত্মা অসৌ মহাভূতেন্দ্রিয়াণি চ ।
অষ্টৌ প্রকৃতয়ঃ চ এব পুরুষঃ চ নব ইতি অথ ॥ ২৪ ॥

ইতি নানা প্রসঙ্খ্যানং তত্ত্বানাম্ ঋষিভিঃ কৃতম্ ।
সর্বং ন্যায়্যং যুক্তিমৎবাৎ বিদুষাং কিম্ অশোভনম্ ॥ ২৫ ॥

উদ্ধবঃ উবাচ ।
প্রকৃতিঃ পুরুষঃ চ উভৌ যদি অপি আত্মবিলক্ষণৌ ।
অন্যোন্য অপাশ্রয়াৎ কৃষ্ণ দৃশ্যতে ন ভিদা তয়োঃ ।
প্রকৃতৌ লক্ষ্যতে হি আত্মা প্রকৃতিঃ চ তথা আত্মনি ॥ ২৬ ॥

এবং মে পুণ্ডরীকাক্ষ মহান্তং সংশয়ং হৃদি ।
ছেত্তুম্ অর্হসি সর্বজ্ঞ বচোভিঃ নয়নৈপুণৈঃ ॥ ২৭ ॥

ৎবত্তঃ জ্ঞানং হি জীবানাং প্রমোষঃ তে অত্র শক্তিতঃ ।
ৎবম্ এব হি আত্ম মায়ায়া গতিং বেত্থ ন চ অপরঃ ॥ ২৮ ॥

শ্রীভগবান্ উবাচ ।
প্রকৃতিঃ পুরুষঃ চ ইতি বিকল্পঃ পুরুষর্ষভ ।
এষঃ বৈকারিকঃ সর্গঃ গুণব্যতিকরাত্মকঃ ॥ ২৯ ॥

মম অঙ্গ মায়া গুণময়ী অনেকধা
বিকল্পবুদ্ধীঃ চ গুণৈঃ বিধত্তে ।
বৈকারিকঃ ত্রিবিধঃ অধ্যাত্মম্ একম্
অথ অধিদৈবম্ অধিভূতম্ অন্যৎ ॥ ৩০ ॥

দৃক্ রূপম্ আর্কং বপুঃ অত্র রন্ধ্রে
পরস্পরং সিধ্যতি যঃ স্বতঃ খে ।
আত্মা যৎ এষম্ অপরঃ যঃ আদ্যঃ
স্বয়া অনুভূত্য অখিলসিদ্ধসিদ্ধিঃ ।
এবং ৎবক্ আদি শ্রবণাদি চক্ষুঃ
জিহ্ব আদি নাস আদি চ চিত্তয়ুক্তম্ ॥ ৩১ ॥

যঃ অসৌ গুণক্ষোভকৃতৌ বিকারঃ
প্রধানমূলাৎ মহতঃ প্রসূতঃ ।
অহং ত্রিবৃৎ মোহবিকল্পহেতুঃ
বৈকারিকঃ তামসঃ ঐন্দ্রিয়ঃ চ ॥ ৩২ ॥

আত্মাপরিজ্ঞানময়ঃ বিবাদঃ
হি অস্তি ইতি ন অস্তি ইতি ভিদার্থনিষ্ঠঃ ।
ব্যর্থঃ অপি ন এব উপরমেত পুংসাং
মত্তঃ পরাবৃত্তধিয়াং স্বলোকাৎ ॥ ৩৩ ॥

উদ্ধবঃ উবাচ ।
ৎবত্তঃ পরাবৃত্তধিয়ঃ স্বকৃতৈঃ কর্মভিঃ প্রভো ।
উচ্চ অবচান্ যথা দেহান্ গৃহ্ণন্তি বিসৃজন্তি চ ॥ ৩৪ ॥

তৎ মম আখ্যাহি গোবিন্দ দুর্বিভাব্যম্ অনাত্মভিঃ ।
ন হি এতৎ প্রায়শঃ লোকে বিদ্বাংসঃ সন্তি বঞ্চিতাঃ ॥ ৩৫ ॥

শ্রীভগবান্ উবাচ ।
মনঃ কর্মময়ং নৃণাম্ ইন্দ্রিয়ৈঃ পঞ্চভিঃ যুতম্ ।
লোকাৎ লোকং প্রয়াতি অন্যঃ আত্মা তৎ অনুবর্ততে ॥ ৩৬ ॥

ধ্যায়ন্ মনঃ অনুবিষয়ান্ দৃষ্টান্ বা অনুশ্রুতান্ অথ ।
উদ্যৎ সীদৎ কর্মতন্ত্রং স্মৃতিঃ তৎ অনুশাম্যতি ॥ ৩৭ ॥

বিষয় অভিনিবেশেন ন আত্মানং যৎ স্মরেৎ পুনঃ ।
জন্তোঃ বৈ কস্যচিৎ হেতোঃ মৃত্যুঃ অত্যন্তবিস্মৃতিঃ ॥ ৩৮ ॥

জন্ম তু আত্মতয়া পুংসঃ সর্বভাবেন ভূরিদ ।
বিষয় স্বীকৃতিং প্রাহুঃ যথা স্বপ্নমনোরথঃ ॥ ৩৯ ॥

স্বপ্নং মনোরথং চ ইত্থং প্রাক্তনং ন স্মরতি অসৌ ।
তত্র পূর্বম্ ইব আত্মানম্ অপূর্বং চ অনুপশ্যতি ॥ ৪০ ॥

ইন্দ্রিয় আয়ন সৃষ্ট্যা ইদং ত্রৈবিধ্যং ভাতি বস্তুনি ।
বহিঃ অন্তঃ ভিদাহেতুঃ জনঃ অসৎ জনকৃৎ যথা ॥ ৪১ ॥

নিত্যদা হি অঙ্গঃ ভূতানি ভবন্তি ন ভবন্তি চ ।
কালেন অল্ক্ষ্যবেগেন সূক্ষ্মৎবাৎ তৎ ন দৃশ্যতে ॥ ৪২ ॥

যথা অর্চিষাং স্রোতসাং চ ফলানাং বা বনস্পতেঃ ।
তথা এব সর্বভূতানাং বয়ঃ অবস্থা আদয়ঃ কৃতাঃ ॥ ৪৩ ॥

সঃ অয়ং দীপঃ অর্চিষাং যদ্বৎ স্রোতসাং তৎ ইদং জলম্ ।
সঃ অয়ং পুমান্ ইতি নৃণাং মৃষাঃ গীঃ ধীঃ মৃষা
আয়ুষাম্ ॥ ৪৪ ॥

মা স্বস্য কর্মবীজেন জায়তে সঃ অপি অয়ং পুমান্ ।
ম্রিয়তে বামরঃ ভ্রান্ত্যা যথা অগ্নিঃ দারু সংয়ুতঃ ॥ ৪৫ ॥

নিষেকগর্ভজন্মানি বাল্যকৌমারয়ৌবনম্ ।
বয়োমধ্যং জরা মৃত্যুঃ ইতি অবস্থাঃ তনোঃ নব ॥ ৪৬ ॥

এতাঃ মনোরথময়ীঃ হি অন্যস্য উচ্চাবচাঃ তনূঃ ।
গুণসঙ্গাৎ উপাদত্তে ক্বচিৎ কশ্চিৎ জহাতি চ ॥ ৪৭ ॥

আত্মনঃ পিতৃপুত্রাভ্যাম্ অনুমেয়ৌ ভবাপ্যযৌ ।
ন ভবাপ্যযবস্তূনাম্ অভিজ্ঞঃ দ্বয়লক্ষণঃ ॥ ৪৮ ॥

তরোঃ বীজবিপাকাভ্যাং যঃ বিদ্বাৎ জন্মসংয়মৌ ।
তরোঃ বিলক্ষণঃ দ্রষ্টা এবং দ্রষ্টা তনোঃ পৃথক্ ॥ ৪৯ ॥

প্রকৃতেঃ এবম্ আত্মানম্ অবিবিচ্য অবুধঃ পুমান্ ।
তত্ত্বেন স্পর্শসংমূঢঃ সংসারং প্রতিপদ্যতে ॥ ৫০ ॥

সত্ত্বসঙ্গাৎ ঋষীন্ দেবান্ রজসা অসুরমানুষান্ ।
তমসা ভূততির্যক্ত্বং ভ্রামিতঃ যাতি কর্মভিঃ ॥ ৫১ ॥

নৃত্যতঃ গায়তঃ পশ্যন্ যথা এব অনুকরোতি তান্ ।
এবং বুদ্ধিগুণান্ পশ্যন্ অনীহঃ অপি অনুকার্যতে ॥ ৫২ ॥

যথা অম্ভসা প্রচলতা তরবঃ অপি চলাঃ ইব ।
চক্ষুষা ভ্রাম্যমাণেন দৃশ্যতে ভ্রমতি ইব ভূঃ ॥ ৫৩ ॥

যথা মনোরথধিয়ঃ বিষয়ানুভবঃ মৃষা ।
স্বপ্নদৃষ্টাঃ চ দাশার্হ তথা সংসারঃ আত্মনঃ ॥ ৫৪ ॥

অর্থে হি অবিদ্যমানে অপি সংসৃতিঃ ন নিবর্ততে ।
ধ্যায়তঃ বিষয়ান্ অস্য স্বপ্নে অনর্থ আগমঃ যথা ॥ ৫৫ ॥

তস্মাৎ উদ্ধব মা ভুঙ্ক্ষ্ব বিষয়ান্ অসৎ ইন্দ্রিয়ৈঃ ।
আত্মা অগ্রহণনির্ভাতং পশ্য বৈকল্পিকং ভ্রমম্ ॥ ৫৬ ॥

ক্ষিপ্তঃ অবমানিতঃ অসদ্ভিঃ প্রলব্ধঃ অসূয়িতঃ অথবা ।
তাডিতঃ সংনিবদ্ধঃ বা বৃত্ত্যা বা পরিহাপিতঃ ॥ ৫৭ ॥

নিষ্ঠিতঃ মূত্রিতঃ বহুধা এবং প্রকম্পিতঃ ।
শ্রেয়স্কামঃ কৃচ্ছ্রগতঃ আত্মনা আত্মানম্ উদ্ধরেৎ ॥ ৫৮ ॥

উদ্ধবঃ উবাচ ।
যথা এবম্ অনুবুদ্ধ্যেয়ং বদ নঃ বদতাং বর ।
সুদুঃসহম্ ইমং মন্যঃ আত্মনি অসৎ অতিক্রমম্ ॥ ৫৯ ॥

বিদুষম্ অপি বিশ্বাত্মন্ প্রকৃতিঃ হি বলীয়সী ।
ঋতে ৎবৎ ধর্মনিরতান্ শান্তাঃ তে চরণালয়ান্ ॥ ৬০ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
দ্বাবিংশোঽধ্যায়ঃ ॥ ২২ ॥

অথ ত্রয়োবিংশঃ অধ্যায়ঃ ।
বাদরায়ণিঃ উবাচ ।
সঃ এবম্ আশংসিতঃ উদ্ধবেন
ভাগবতমুখ্যেন দাশার্হমুখ্যঃ ।
সভাজয়ন্ বৃত্যবচঃ মুকুন্দঃ
তম্ আবভাষে শ্রবণীয়বীর্যঃ ॥ ১ ॥

শ্রীভগবান্ উবাচ ।
বর্হস্পত্য সঃ বৈ ন অত্র সাধুঃ বৈ দুর্জন্ ঈরিতৈঃ ।
দুরুক্তৈঃ ভিন্নম্ আত্মানং যঃ সমাধাতুম্ ঈশ্বরঃ ॥ ২ ॥

ন তথা তপ্যতে বিদ্ধঃ পুমান্ বাণৈঃ সুমর্মগৈঃ ।
যথা তুদন্তি মর্মস্থাঃ হি অসতাং পরুষেষবঃ ॥ ৩ ॥

কথয়ন্তি মহৎপুণ্যম্ ইতিহাসম্ ইহ উদ্ধব ।
তম্ অহং বর্ণয়িষ্যামি নিবোধ সুসমাহিতঃ ॥ ৪ ॥

কেনচিৎ ভিক্ষুণা গীতং পরিভূতেন দুর্জনৈঃ ।
স্মরতাঃ ধৃতিয়ুক্তেন বিপাকং নিজকর্মণাম্ ॥ ৫ ॥

অবনিষু দ্বিজঃ কশ্চিৎ আসীৎ আঢ্যতমঃ শ্রিয়া ।
বার্তাবৃত্তিঃ কদর্যঃ তু কামী লুব্ধঃ অতিকোপনঃ ॥ ৬ ॥

জ্ঞাতয়ঃ অতিথয়ঃ তস্য বাঙ্মাত্রেণ অপি ন অর্চিতাঃ ।
শূন্য অবসথঃ আত্মা অপি কালে কামৈঃ অনর্চিতঃ ॥ ৭ ॥

দুঃশীলস্য কদর্যস্য দ্রুহ্যন্তে পুত্রবান্ধবাঃ ।
দারা দুহিতরঃ ভৃত্যাঃ বিষণ্ণাঃ ন আচরন্ প্রিয়ম্ ॥ ৮ ॥

তস্য এবং যক্ষবিত্তস্য চ্যুতস্য উভয়লোকতঃ ।
ধর্মকামবিহীনস্য চুক্রুধুঃ পঞ্চভাগিনঃ ॥ ৯ ॥

তৎ অবধ্যান বিস্রস্ত পুণ্য স্কন্ধস্য ভূরিদ ।
অর্থঃ অপি অগচ্ছন্ নিধনং বহু আয়াস পরিশ্রমঃ ॥ ১০ ॥

জ্ঞাতয়ঃ জগৃহুঃ কিঞ্চিৎ কিঞ্চিৎ অস্যবঃ উদ্ধব ।
দৈবতঃ কালতঃ কিঞ্চিৎ ব্রহ্মবন্ধোঃ নৃপার্থিবাৎ ॥ ১১ ॥

সঃ এবং দ্রবিণে নষ্টে ধর্মকামবিবর্জিতঃ ।
উপেক্ষিতঃ চ স্বজনৈঃ চিন্তাম্ আপ দুরত্যযাম্ ॥ ১২ ॥

তস্য এবং ধ্যায়তঃ দীর্ঘং নষ্টরায়ঃ তপস্বিনঃ ।
খিদ্যতঃ বাষ্পকণ্ঠস্য নির্বেদঃ সুমহান্ অভূৎ ॥ ১৩ ॥

সঃ চ আহ ইদম্ অহো কষ্টং বৃথা আত্মা মে অনুতাপিতঃ ।
ন ধর্মায় ন কামায় যস্য অর্থ আয়াসঃ ঈদৃশঃ ॥ ১৪ ॥

প্রায়েণ অর্থাঃ কদর্যাণাং ন সুখায় কদাচন ।
ইহ চ আত্মোপতাপায় মৃতস্য নরকায় চ ॥ ১৫ ॥

যশঃ যশস্বিনাং শুদ্ধং শ্লাঘ্যাঃ যে গুণিনাং গুণাঃ ।
লোভঃ স্বল্পঃ অপি তান্ হন্তি শ্বিত্রঃ রূপম্ ইব ইপ্সিতম্ ॥ ১৬ ॥

অর্থস্য সাধনে সিদ্ধঃ উৎকর্ষে রক্ষণে ব্যযে ।
নাশ উপভোগঃ আয়াসঃ ত্রাসঃ চিন্তা ভ্রমঃ নৃণাম্ ॥ ১৭ ॥

স্তেয়ং হিংসা অনৃতং দম্ভঃ কামঃ ক্রোধঃ স্ময়ঃ মদঃ ।
ভেদঃ বৈরম্ অবিশ্বাসঃ সংস্পর্ধা ব্যসনানি চ ॥ ১৮ ॥

এতে পঞ্চদশান্ অর্থাঃ হি অর্থমূলাঃ মতাঃ নৃণাম্ ।
তস্মাৎ অনর্থম্ অর্থাখ্যং শ্রেয়ঃ অর্থী দূরতঃ ত্যজেৎ ॥ ১৯ ॥

ভিদ্যন্তে ভ্রাতরঃ দারাঃ পিতরঃ সুহৃদঃ তথা ।
একাস্নিগ্ধাঃ কাকিণিনা সদ্যঃ সর্বে অরয়ঃ কৃতাঃ ॥ ২০ ॥

অর্থেন অল্পীয়সা হি এতে সংরব্ধা দীপ্তম্ অন্যবঃ ।
ত্যজন্তি আশু স্পৃধঃ ঘ্নন্তি সহসা উৎসৃজ্য সৌহৃদম্ ॥

২১ ॥

লব্ধ্বা জন্ম অমরপ্রার্থ্যং মানুষ্যং তৎ দ্বিজ অগ্র্যতাম্ ।
তৎ অনাদৃত্য যে স্বার্থং ঘ্নন্তি যান্তি অশুভাং গতিম্ ॥

২২ ॥

স্বর্গ অপবর্গয়োঃ দ্বারং প্রাপ্য লোকম্ ইমং পুমান্ ।
দ্রবিণে কঃ অনূষজ্জেত মর্ত্যঃ অনর্থস্য ধামনি ॥ ২৩ ॥

দেবর্ষি পিতৃ ভূতানি জ্ঞাতীন্ বন্ধূন্ চ ভাগিনঃ ।
অসংবিভজ্য চ আত্মানং যক্ষবিত্তঃ পততি অধঃ ॥ ২৪ ॥

ব্যর্থয়া অর্থেহয়া বিত্তং প্রমত্তস্য বয়ঃ বলম্ ।
কুশলাঃ যেন সিধ্যন্তি জরঠঃ কিং নু সাধয়ে ॥ ২৫ ॥

কস্মাৎ সঙ্ক্লিশ্যতে বিদ্বান্ ব্যর্থয়া অর্থেহয়া অসকৃৎ ।
কস্যচিৎ মায়যা নূনং লোকঃ অয়ং সুবিমোহিতঃ ॥ ২৬ ॥

কিং ধনৈঃ ধনদৈঃ বা কিং কামৈঃ বা কামদৈঃ উত ।
মৃত্যুনা গ্রস্যমানস্য কর্মভিঃ বা উত জন্মদৈঃ ॥ ২৭ ॥

নূনং মে ভগবান্ তুষ্টঃ সর্বদেবময়ঃ হরিঃ ।
যেন নীতঃ দশাম্ এতাং নির্বেদঃ চ আত্মনঃ প্লবঃ ॥ ২৮ ॥

সঃ অহং কলৌ অশেষেণ শোষয়িহ্হ্যে অঙ্গম্ আত্মনঃ ।
অপ্রমত্তঃ অখিলস্বার্থে যদি স্যাৎ সিদ্ধঃ আত্মনি ॥ ২৯ ॥

তত্র মাম্ অনুমোদেরন্ দেবাঃ ত্রিভুবনেশ্বরাঃ ।
মুহূর্তেন ব্রহ্মলোকং খট্বাঙ্গঃ সমসাধয়ৎ ॥ ৩০ ॥

শ্রীভগবান্ উবাচ ।
ইতি অভিপ্রেত্য মনসা হি আবন্ত্যঃ দ্বিজসত্তমঃ ।
উন্মুচ্য হৃদয়গ্রন্থীন্ শান্তঃ ভিক্ষুঃ অভূৎ মুনিঃ ॥ ৩১ ॥

সঃ চচার মহীম্ এতাং সংয়ত আত্মেন্দ্রিয় অনিলঃ ।
ভিক্ষার্থং নগর গ্রামান্ অসঙ্গঃ অলক্ষিতঃ অবিশৎ ॥ ৩২ ॥

তং বৈ প্রবয়সং ভিক্ষুম্ অবধূতম্ অসজ্জনাঃ ।
দৃষ্ট্বা পর্যভবন্ ভদ্রঃ বহ্বীভিঃ পরিভূতিভিঃ ॥ ৩৩ ॥

কেচিৎ ত্রিবেণুং জগৃহুঃ একে পাত্রং কমণ্ডলুম্ ।
পীঠং চ একে অক্ষসূত্রং চ কন্থাং চীরাণি কেচন ॥ ৩৪ ॥

প্রদায় চ পুনঃ তানি দর্শিতানি আদদুঃ মুনেঃ ।
অন্নং চ ভৈক্ষ্যসম্পন্নং ভুঞ্জানস্য সরিৎ তটে ॥ ৩৫ ॥

মূত্রয়ন্তি চ পাপিষ্ঠাঃ ষ্ঠীবন্তি অস্য চ মূর্ধনি ।
যতবাচং বাচয়ন্তি তাডয়ন্তি ন বক্তি চেৎ ॥ ৩৬ ॥

তর্জয়ন্তি অপরে বাগ্ভিঃ স্তেনঃ অয়ম্ ইতি বাদিনঃ ।
বধ্নন্তি রজ্জ্বা তং কেচিৎ বধ্যতাং বধ্যতাম্ ইতি ॥ ৩৭ ॥

ক্ষিপন্তি একে অবজানন্তঃ এষঃ ধর্মধ্বজঃ শঠঃ ।
ক্ষীণবিত্তঃ ইমাং বৃত্তিম্ অগ্রহীৎ স্বজন উজ্ঝিতঃ ॥ ৩৮ ॥

অহো এষঃ মহাসারঃ ধৃতিমান্ গিরিঃ আডিব ।
মৌনেন সাধয়তি অর্থং বকবৎ দৃঢনিশ্চয়ঃ ॥ ৩৯ ॥

ইতি একে বিহসন্তি এনম্ একে দুর্বাতয়ন্তি চ ।
তং ববন্ধুঃ নিরুরুধুঃ যথা ক্রীডনকং দ্বিজম্ ॥ ৪০ ॥

এবং সঃ ভৌতিকং দুঃখং দৈবিকং দৈহিকং চ যৎ ।
ভোক্তব্যম্ আত্মনঃ দিষ্টং প্রাপ্তং প্রাপ্তম্ অবুধ্যত ॥ ৪১ ॥

পরিভূতঃ ইমাং গাথাম্ অগায়ত নরাধমৈঃ ।
পাতয়দ্ভিঃ স্বধর্মস্থঃ ধৃতিম্ আস্থায় সাৎবিকীম্ ॥ ৪২ ॥

দ্বিজঃ উবাচ ।
ন অয়ং জনঃ মে সুখদুঃখহেতুঃ
ন দেবতাত্মা গ্রহকর্মকালাঃ ।
মনঃ পরং কারণম্ আমনন্তি
সংসারচক্রং পরিবর্তয়েৎ যৎ ॥ ৪৩ ॥

মনঃ গুণান্ বৈ সৃজতে বলীয়ঃ
ততঃ চ কর্মাণি বিলক্ষণানি ।
শুক্লানি কৃষ্ণানি অথ লোহিতানি
তেভ্যঃ সবর্ণাঃ সৃতয়ঃ ভবন্তি ॥ ৪৪ ॥

অনীহঃ আত্মা মনসা সমীহতা
হিরণ্ময়ঃ মৎসখঃ উদ্বিচষ্টে ।
মনঃ স্বলিঙ্গং পরিগৃহ্য কামান্
জুষন্ নিবদ্ধঃ গুণসঙ্গতঃ অসৌ ॥ ৪৫ ॥

দানং স্বধর্মঃ নিয়মঃ যমঃ চ
শ্রুতং চ কর্মাণি চ সদ্ব্রতানি ।
সর্বে মনোনিগ্রহলক্ষণান্তাঃ
পরঃ হি যোগঃ মনসঃ সমাধি ॥ ৪৬ ॥

সমাহিতং যস্য মনঃ প্রশান্তম্
দানাদিভিঃ কিং বদ তস্য কৃত্যম্ ।
অসংয়তং যস্য মনঃ বিনশ্যৎ
দানাদিভিঃ চেৎ অপরং কিমেভিঃ ॥ ৪৭ ॥

মনোবশে অন্যে হি অভবন্ স্ম দেবাঃ
মনঃ চ ন অন্যস্য বশং সমেতি ।
ভীষ্মঃ হি দেবঃ সহসঃ সহীয়ান্
যুঞ্জ্যাৎ বশে তং সঃ হি দেবদেবঃ ॥ ৪৮ ॥

তং দুর্জয়ং শত্রুম্ অসহ্যবেগং
মরুন্তুদং তৎ ন বিজিত্য কেচিৎ ।
কুর্বন্তি অসৎ বিগ্রহম্ অত্র মর্ত্যৈঃ
মিত্রাণি উদাসীন রিপূন্ বিমূঢাঃ ॥ ৪৯ ॥

দেহং মনোমাত্রম্ ইমং গৃহীৎবা
মম অহম্ ইতি অন্ধ ধিয়ঃ মনুষ্যাঃ ।
এষঃ অহম্ অন্যঃ অয়ম্ ইতি ভ্রমেণ
দুরন্তপারে তমসি ভ্রমন্তি ॥ ৫০ ॥

জনঃ তু হেতুঃ সুখদুঃখয়োঃ চেৎ
কিম্ আত্মনঃ চ অত্র হ ভৌময়োঃ তৎ ।
জিহ্বাং ক্বচিৎ সন্দশতি স্বদদ্ভিঃ
তৎ বেদনায়াং কতমায় কুপ্যেৎ ॥ ৫১ ॥

দুঃখস্য হেতুঃ যদি দেবতাঃ তু
কিম্ আত্মনঃ তত্র বিকারয়োঃ তৎ ।
যৎ অঙ্গম্ অঙ্গেন নিহন্যতে ক্বচিৎ
ক্রুধ্যেত কস্মৈ পুরুষঃ স্বদেহে ॥ ৫২ ॥

আত্মা যদি স্যাৎ সুখদুঃখহেতুঃ
কিম্ অন্যতঃ তত্র নিজস্বভাবঃ ।
ন হি আত্মনঃ অন্যৎ যদি তৎ মৃষা স্যাৎ
ক্রুধ্যেত কস্মাৎ ন সুখং ন দুঃখম্ ॥ ৫৩ ॥

গ্রহাঃ নিমিত্তং সুখদুঃখয়োঃ চেৎ
কিম্ আত্মনঃ অজস্য জনস্য তে বৈ ।
গ্রহৈঃ গ্রহস্য এব বদন্তি পীডাম্
ক্রুধ্যেত কস্মৈ পুরুষঃ ততঃ অন্যঃ ॥ ৫৪ ॥

কর্মাঃ তু হেতুঃ সুখদুঃখয়োঃ চেৎ
কিম্ আত্মনঃ তৎ হি জডাজডৎবে ।
দেহঃ তু অচিৎপুরুষঃ অয়ং সুপর্ণঃ
ক্রুধ্যেত কস্মৈ ন হি কর্মমূলম্ ॥ ৫৫ ॥

কালঃ তু হেতুঃ সুখদুঃখয়োঃ চেৎ
কিম্ আত্মনঃ তত্র তৎ আত্মকঃ অসৌ ।
ন অগ্নেঃ হি তাপঃ ন হিমস্য তৎ স্যাৎ
ক্রুধ্যেত কস্মৈ ন পরস্য দ্বন্দ্বম্ ॥ ৫৬ ॥

ন কেনচিৎ ক্ব অপি কথঞ্চন অস্য
দ্বন্দ্ব উপরাগঃ পরতঃ পরস্য ।
যথাহমঃ সংসৃতিরূপিণঃ স্যাৎ
এবং প্রবুদ্ধঃ ন বিভেতি ভূতৈঃ ॥ ৫৭ ॥

এতাং সঃ আস্থায় পরাত্মনিষ্ঠাম্
অধ্যাসিতাং পূর্বতমৈঃ মহর্ষিভিঃ ।
অহং তরিষ্যামি দুরন্তপারম্
তমঃ মুকুন্দ অঙ্ঘ্রিনিষেবয়া এব ॥ ৫৮ ॥

শ্রীভগবান্ উবাচ ।
নির্বিদ্য নষ্টদ্রবিণঃ গতক্লমঃ
প্রব্রজ্য গাং পর্যটমানঃ ইত্থম্ ।
নিরাকৃতঃ অসদ্ভিঃ অপি স্বধর্মাৎ
অকম্পিতঃ অমুং মুনিঃ আহ গাথাম্ ॥ ৫৯ ॥

সুখদুঃখপ্রদঃ ন অন্যঃ পুরুষস্য আত্মবিভ্রমঃ ।
মিত্র উদাসীনরিপবঃ সংসারঃ তমসঃ কৃতঃ ॥ ৬০ ॥

তস্মাৎ সর্বাত্মনা তাত নিগৃহাণ মনো ধিয়া ।
ময়ি আবেশিতয়া যুক্তঃ এতাবান্ যোগসঙ্গ্রহঃ ॥ ৬১ ॥

যঃ এতাং ভিক্ষুণা গীতাং ব্রহ্মনিষ্ঠাং সমাহিতঃ ।
ধারয়ন্ শ্রাবয়ন্ শ্রুণ্বন্ দ্বন্দ্বৈঃ ন এব অভিভূয়তে ॥ ৬২ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
বিক্ষুগীতনিরূপণং নাম ত্রয়োবিংশোঽধ্যায়ঃ ॥ ২৩ ॥

অথ চতুর্বিংশোঽধ্যাঃ ।
শ্রীভগবান্ উবাচ ।
অথ তে সম্প্রবক্ষ্যামি সাঙ্খ্যং পূর্বৈঃ বিনিশ্চিতম্ ।
যৎ বিজ্ঞায় পুমান্ সদ্যঃ জহ্যাৎ বৈকল্পিকং ভ্রমম্ ॥ ১ ॥

আসীৎ জ্ঞানম্ অথঃ হি অর্থঃ একম্ এব অবিকল্পিতম্ ।
যদা বিবেকনিপুণাঃ আদৌ কৃতয়ুগে অয়ুগে ॥ ২ ॥

তৎ মায়াফলরূপেণ কেবলং নির্বিকল্পিতম্ ।
বাঙ্মনঃ অগোচরং সত্যং দ্বিধা সমভবৎ বৃহৎ ॥ ৩ ॥

তয়োঃ একতরঃ হি অর্থঃ প্রকৃতিঃ সোভয়াত্মিকা ।
জ্ঞানং তু অন্যতরঃ ভাবঃ পুরুষঃ সঃ অভিধীয়তে ॥ ৪ ॥

তমঃ রজঃ সত্ত্বম্ ইতি প্রকৃতেঃ অভবন্ গুণাঃ ।
ময়া প্রক্ষোভ্যমাণায়াঃ পুরুষ অনুমতেন চ ॥ ৫ ॥

তেভ্যঃ সমভবৎ সূত্রং মহান্ সূত্রেণ সংয়ুতঃ ।
ততঃ বিকুর্বতঃ জাতঃ যঃ অহঙ্কারঃ বিমোহনঃ ॥ ৬ ॥

বৈকারিকঃ তৈজসঃ চ তামসঃ চ ইতি অহং ত্রিবৃৎ ।
তন্মাত্র ইন্দ্রিয় মনসাং কারণং চিৎ অচিৎ ময়ঃ ॥ ৭ ॥

অর্থঃ তন্মাত্রিকাৎ জজ্ঞে তামসাৎ ইন্দ্রিয়াণি চ ।
তৈজসাৎ দেবতাঃ আসন্ একাদশ চ বৈকৃতাৎ ॥ ৮ ॥

ময়া সঞ্চোদিতাঃ ভাবাঃ সর্বে সংহতি অকারিণঃ ।
অণ্ডম্ উৎপাদয়ামাসুঃ মম আয়তনম্ উত্তমম্ ॥ ৯ ॥

তস্মিন্ অহং সমভবম্ অণ্ডে সলিলসংস্থিতৌ ।
মম নাভ্যাম্ অভূৎ পদ্মং বিশ্বাখ্যং তত্র চ আত্মভূঃ ॥

১০ ॥

সঃ অসৃজৎ তপসা যুক্তঃ রজসা মৎ অনুগ্রহাৎ ।
লোকান্ সপালান্ বিশ্বাত্মা ভূঃ ভুবঃ স্বঃ ইতি ত্রিধা ॥ ১১ ॥

দেবানাম্ ওকঃ আসীৎ স্বঃ ভূতানাং চ ভুবঃ পদম্ ।
মর্ত্য আদীনাং চ ভূঃ লোকঃ সিদ্ধানাং ত্রিতয়াৎ পরম্ ॥

১২ ॥

অধঃ অসুরাণাং নাগানাং ভূমেঃ ওকঃ অসৃজৎ প্রভুঃ ।
ত্রিলোক্যাং গতয়ঃ সর্বাঃ কর্মণাং ত্রিগুণ আত্মনাম্ ॥ ১৩ ॥

যোগস্য তপসঃ চ এব ন্যাসস্য গতয়ঃ অমলাঃ ।
মহঃ জনঃ তপঃ সত্যং ভক্তিয়োগস্য মদ্গতিঃ ॥ ১৪ ॥

ময়া কালাত্মনা ধাত্রা কর্ময়ুক্তম্ ইদং জগৎ ।
গুণপ্রবাহঃ এতস্মিন্ উন্মজ্জতি নিমজ্জতি ॥ ১৫ ॥

অণুঃ বৃহৎ কৃশঃ স্থূলঃ যঃ যঃ ভাবঃ প্রসিধ্যতি ।
সর্বঃ অপি উভয়সংয়ুক্তঃ প্রকৃত্যা পুরুষেণ চ ॥ ১৬ ॥

যঃ তু যস্য আদিঃ অন্তঃ চ সঃ বৈ মধ্যং চ তস্য সন্ ।
বিকারঃ ব্যবহারার্থঃ যথা তৈজস পার্থিবাঃ ॥ ১৭ ॥

যৎ উপাদায় পূর্বঃ তু ভাবঃ বিকুরুতে অপরম্ ।
আদিঃ অন্তঃ যদা যস্য তৎ সত্যম্ অভিধীয়তে ॥ ১৮ ॥

প্রকৃতিঃ হি অস্য উপাদানম্ আধারঃ পুরুষঃ পরঃ ।
সতঃ অভিব্যঞ্জকঃ কালঃ ব্রহ্ম তৎ ত্রিতয়ং তু অহম্ ॥ ১৯ ॥

সর্গঃ প্রবর্ততে তাবৎ পৌর্ব অপর্যেণ নিত্যশঃ ।
মহান্ গুণবিসর্গ অর্থঃ স্থিতি অন্তঃ যাবৎ ঈক্ষণম্ ॥ ২০ ॥

বিরাট্ ময়া আসাদ্যমানঃ লোককল্পবিকল্পকঃ ।
পঞ্চৎবায় বিশেষায় কল্পতে ভুবনৈঃ সহ ॥ ২১ ॥

অন্নে প্রলীয়তে মর্ত্যম্ অন্নং ধানাসু লীয়তে ।
ধানাঃ ভূমৌ প্রলীয়ন্তে ভূমিঃ গন্ধে প্রলীয়তে ॥ ২২ ॥

অপ্সু প্রলীয়ন্তে গন্ধঃ আপঃ চ স্বগুণে রসে ।
লীয়তে জ্যোতিষি রসঃ জ্যোতী রূপে প্রলীয়তে ॥ ২৩ ॥

রূপং বায়ৌ সঃ চ স্পর্শে লীয়তে সঃ অপি চ অম্বরে ।
অম্বরং শব্দতন্মাত্রঃ ইন্দ্রিয়াণি স্বয়োনিষু ॥ ২৪ ॥

যোনিঃ বৈকারিকে সৌম্য লীয়তে মনসি ঈশ্বরে ।
শব্দঃ ভূতাদিম্ অপি এতি ভূতাদিঃ মহতি প্রভুঃ ॥ ২৫ ॥

সঃ লীয়তে মহান্ স্বেষু গুণেষু গুণবত্তমঃ ।
তে অব্যক্তে সম্প্রলীয়ন্তে তৎকলে লীয়তে অব্যযে ॥ ২৬ ॥

কালঃ মায়াময়ে জীবে জীবঃ আত্মনি ময়ি অজে ।
আত্মা কেবলঃ আত্মস্থঃ বিকল্প অপায় লক্ষণঃ ॥ ২৭ ॥

এবম্ অন্বীক্ষমাণস্য কথং বৈকল্পিকঃ ভ্রমঃ ।
মনসঃ হৃদি তিষ্ঠেত ব্যোম্নি ইব অর্ক উদয়ে তমঃ ॥ ২৮ ॥

এষঃ সাঙ্খ্যবিধিঃ প্রোক্তঃ সংশয়গ্রন্থিভেদনঃ ।
প্রতিলোম অনুলোমাভ্যাং পরাবরদৃশা ময়া ॥ ২৯ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
প্রকৃতিপুরুষসাঙ্খ্যযোগো নাম চতুর্বিংশোঽধ্যায়ঃ ॥ ২৪ ॥

অথ পঞ্চবিংশোঽধ্যায়ঃ ।
শ্রীভগবানুবাচ ।
গুণানাম্ অসমিশ্রাণাং পুমান্যেন যথা ভবেৎ ।
তন্মে পুরুষবর্য ইঅদম্ উপধারয় শংসতঃ ॥ ১ ॥

সমঃ দমঃ তিতিক্ষা ঈক্ষা তপঃ সত্যং দয়া স্মৃতিঃ ।
তুষ্টিঃ ত্যাগঃ অস্পৃহা শ্রদ্ধা হ্রীঃ দয়া আদিঃ স্বনির্বৃতিঃ
॥ ২ ॥

কামঃ ঈহা মদঃ তৃষ্ণা স্তম্ভঃ আশীঃ ভিদা সুখম্ ।
মদ উৎসাহঃ যশঃ প্রীতিঃ হাস্যং বীর্যং বল উদ্যমঃ ॥ ৩ ॥

ক্রোধঃ লোভঃ অনৃতং হিংসা যাঞ্চা দম্ভঃ ক্লমঃ কলিঃ ।
শোকমোহৌ বিষাদার্তী নিদ্রা আশা ভীঃ অনুদ্যমঃ ॥ ৪ ॥

সত্ত্বস্য রজসঃ চ এতাঃ তমসঃ চ অনুমূর্বশঃ ।
বৃত্তয়ঃ বর্ণিতপ্রায়াঃ সংনিপাতম্ অথঃ শ্রুণু ॥ ৫ ॥

সংনিপাতঃ তু অহম্ ইতি মম ইতি উদ্ধব যা মতিঃ ।
ব্যবহারঃ সংনিপাতঃ মনোমাত্র ইন্দ্রিয়াসুভিঃ ॥ ৬ ॥

ধর্মে চ অর্থে চ কামে চ যদা অসৌ পরিনিষ্ঠিতঃ ।
গুণানাং সংনিকর্ষঃ অয়ং শ্রদ্ধাঃ অতিধনাবহঃ ॥ ৭ ॥

প্রবৃত্তিলক্ষণে নিষ্ঠা পুমান্ যঃ হি গৃহাশ্রমে ।
স্বধর্মে চ অনুতিষ্ঠেত গুণানাং সমিতিঃ হি সা ॥ ৮ ॥

পুরুষং সত্ত্বসংয়ুক্তম্ অনুমীয়াৎ শম আদিভিঃ ।
কামাদিভী রজোয়ুক্তং ক্রোধাদ্যৈঃ তমসা যুতম্ ॥ ৯ ॥

যদা ভজতি মাং ভক্ত্যা নিরপেক্ষঃ স্বকর্মভিঃ ।
তং সত্ত্বপ্রকৃতিং বিদ্যাৎ পুরুষং স্ত্রিয়ম্ এব বা ॥ ১০ ॥

যদা আশিষঃ আশাস্য মাং ভজেত স্বকর্মভিঃ ।
তং রজঃপ্রকৃতিং বিদ্যাৎ হিংসাম্ আশাস্য তামসম্ ॥ ১১ ॥

সত্ত্বং রজঃ তমঃ ইতি গুণাঃ জীবস্য ন এব মে ।
চিত্তজা যৈঃ তু ভূতানাং সজ্জমানঃ নিবধ্যতে ॥ ১২ ॥

যদেতরৌ জয়েৎ সত্ত্বং ভাস্বরং বিশদং শিবম্ ।
তদা সুখেন যুজ্যেত ধর্মজ্ঞান আদিভিঃ পুমান্ ॥ ১৩ ॥

যদা জয়েৎ তমঃ সত্ত্বং রজঃ সঙ্গং ভিদা চলম্ ।
তদা দুঃখেন যুজ্যেত কর্মণা যশসা শ্রিয়া ॥ ১৪ ॥

যদা জয়েৎ রজঃ সত্ত্বং তমঃ মূঢঃ লয়ং জডম্ ।
যুজ্যেত শোকমোহাভ্যাং নিদ্রয়া হিংসয়া আশয়া ॥ ১৫ ॥

যদা চিত্তং প্রসীদেত ইন্দ্রিয়াণাং চ নির্বৃতিঃ ।
দেহে অভয়ং মনোসঙ্গং তৎ সত্ত্বং বিদ্ধি মৎপদম্ ॥ ১৬ ॥

বিকুর্বন্ ক্রিয়যা চ অধীর নির্বৃতিঃ চ চেতসাম্ ।
গাত্রাস্বাস্থ্যং মনঃ ভ্রান্তং রজঃ এতৈঃ নিশাময় ॥ ১৭ ॥

সীদৎ চিত্তং বিলীয়েত চেতসঃ গ্রহণে অক্ষমম্ ।
মনঃ নষ্টং তমঃ গ্লানিঃ তমঃ তৎ উপধারয় ॥ ১৮ ॥

এধমানে গুণে সত্ত্বে দেবানাং বলম্ এধতে ।
অসুরাণাং চ রজসি তমসি উদ্ধব রক্ষসাম্ ॥ ১৯ ॥

সত্ত্বাৎ জগরণং বিদ্যাৎ রজসা স্বপ্নম্ আদিশেৎ ।
প্রস্বাপং তমসা জন্তোঃ তুরীয়ং ত্রিষু সন্ততম্ ॥ ২০ ॥

উপর্যুপরি গচ্ছন্তি সত্ত্বেন আব্রহ্মণঃ জনাঃ ।
তমসা অধঃ অধঃ আমুখ্যাৎ রজসা অন্তরচারিণঃ ॥ ২১ ॥

সত্ত্বে প্রলীনাঃ স্বঃ যান্তি নরলোকং রজোলয়াঃ ।
তমোলয়াঃ তু নিরয়ং যান্তি মাম্ এব নির্গুণাঃ ॥ ২২ ॥

মদর্পণং নিষ্ফলং বা সাৎবিকং নিজকর্ম তৎ ।
রাজসং ফলসঙ্কল্পং হিংসাপ্রায়াদি তামসম্ ॥ ২৩ ॥

কৈবল্যং সাৎবিকং জ্ঞানং রজঃ বৈকল্পিকং চ যৎ ।
প্রাকৃতং তামসং জ্ঞানং মন্নিষ্ঠং নির্গুণং স্মৃতম্
॥ ২৪ ॥

বনং তু সাৎবিকঃ বাসঃ গ্রামঃ রাজসঃ উচ্যতে ।
তামসং দ্যূতসদনং মন্নিকেতনং তু নির্গুণম্ ॥ ২৫ ॥

সাৎবিকঃ কারকঃ অসঙ্গী রাগান্ধঃ রাজসঃ স্মৃতঃ ।
তামসঃ স্মৃতিবিভ্রষ্টঃ নির্গুণঃ মদপাশ্রয়ঃ ॥ ২৬ ॥

সাত্ত্বিকী আধ্যাত্মিকী শ্রদ্ধা কর্মশ্রদ্ধা তু রাজসী ।
তামস্যধর্মে যা শ্রদ্ধা মৎসেবায়াং তু নির্গুণা ॥ ২৭ ॥

পথ্যং পূতম্ অনায়ঃ তম্ আহার্যং সাত্ত্বিকং স্মৃতম্ ।
রাজসং চ ইন্দ্রিয়প্রেষ্ঠং তামসং চ আর্তিদ অশুচি ॥ ২৮ ॥

সাত্ত্বিকং সুখম্ আত্মোত্থং বিষয়োত্থং তু রাজসম্ ।
তামসং মোহদৈনোত্থং নির্গুণং মদপাশ্রয়ম্ ॥ ২৯ ॥

দ্রব্যং দেশঃ ফলং কালঃ জ্ঞানং কর্ম চ কারকাঃ ।
শ্রদ্ধা অবস্থা আকৃতিঃ নিষ্ঠা ত্রৈগুণ্যঃ সর্বঃ এব হি ॥

৩০ ॥

সর্বে গুণময়াঃ ভাবাঃ পুরুষ অব্যক্ত ধিষ্ঠিতাঃ ॥ ৩১ ॥

এতাঃ সংসৃতয়ঃ পুংসঃ গুণকর্মনিবন্ধনাঃ ।
যেন ইমে নির্জিতাঃ সৌম্য গুণাঃ জীবেন চিত্তজাঃ ।
ভক্তিয়োগেন মন্নিষ্ঠঃ মদ্ভাবায় প্রপদ্যতে ॥ ৩২ ॥

তস্মাৎ অহম্ ইমং লব্ধ্বা জ্ঞানবিজ্ঞানসংভবম্ ।
গুণসঙ্গং বিনির্ধূয় মাং ভজন্তু বিচক্ষণাঃ ॥ ৩৩ ॥

নিঃসঙ্গঃ মাং ভজেৎ বিদ্বান্ অপ্রমত্তঃ জিতেন্দ্রিয়ঃ ।
রজঃ তমঃ চ অভিজয়েৎ সত্ত্বসংসেবয়া মুনিঃ ॥ ৩৪ ॥

সত্ত্বং চ অভিজয়েৎ যুক্তঃ নৈরপেক্ষ্যেণ শান্তধীঃ ।
সম্পদ্যতে গুণৈঃ মুক্তঃ জীবঃ জীবং বিহায় মাম্ ॥ ৩৫ ॥

জীবঃ জীববিনির্মুক্তঃ গুণৈঃ চ আশয়সংভবৈঃ ।
ময়া এব ব্রহ্মণা পূর্ণঃ ন বহিঃ ন অন্তরঃ চরেৎ ॥ ৩৬ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
গুণনির্গুণনিরূপণং নাম পঞ্চবিংশোঽধ্যায়ঃ ॥ ২৫ ॥

অথ ষড্বিংশোঽধ্যায়ঃ ।
শ্রীভগবান্ উবাচ ।
মৎ লক্ষণম্ ইমং কায়ং লব্ধ্বা মদ্ধর্মঃ আস্থিতঃ ।
আনন্দং পরমাত্মানম্ আত্মস্থং সমুপৈতি মাম্ ॥১ ॥

গুণময়্যাঃ জীবয়োন্যাঃ বিমুক্তঃ জ্ঞাননিষ্ঠয়া ।
গুণেষু মায়ামাত্রেষু দৃশ্যমানেষু অবস্তুতঃ ।
বর্তমানঃ অপি ন পুমান্ যুজ্যতে অবস্তুভিঃ গুণৈঃ ॥ ২ ॥

সঙ্গং ন কুর্যাৎ অসতাং শিশ্ন উদর তৃপাং ক্বচিৎ ।
তস্য অনুগতঃ তমসি অন্ধে পততি অন্ধ অনুগান্ধবৎ ॥ ৩ ॥

ঐলঃ সম্রাট্ ইমাং গাথাম্ অগায়ত বৃহচ্ছ্রবাঃ ।
উর্বশী বিরহাৎ মুহ্যন্ নির্বিণ্ণঃ শোকসংয়মে ॥ ৪ ॥

ত্যক্ত্বা আত্মানং ব্রজন্তীং তাং নগ্নঃ উন্মত্তবৎ নৃপঃ ।
বিলপন্ অন্বগাৎ জায়ে ঘোরে তিষ্ঠ ইতি বিক্লবঃ ॥ ৫ ॥

কামান্ অতৃপ্তঃ অনুজুষন্ ক্ষুল্লকান্ বর্ষয়ামিনীঃ ।
ন বেদ যান্তীঃ ন অয়ান্তীঃ উর্বশী আকৃষ্টচেঅতনঃ ॥ ৬ ॥

ঐলঃ উবাচ ।
অহো মে মোহবিস্তারঃ কামকষ্মলচেতসঃ ।
দেব্যাঃ গৃহীতকণ্ঠস্য ন আয়ুঃখণ্ডাঃ ইমে স্মৃতাঃ ॥ ৭ ॥

ন অহং বেদ অভিনির্মুক্তঃ সূর্যঃ বা অভ্যুদিতঃ অমুয়া ।
মুষিতঃ বর্ষপূগানাং বত অহানি গতানি উত ॥ ৮ ॥

অহো মে আত্মসংমোহঃ যেন আত্মা যোষিতাং কৃতঃ ।
ক্রীডামৃগঃ চক্রবর্তী নরদেবশিখামণিঃ ॥ ৯ ॥

সপরিচ্ছদম্ আত্মানং হিৎবা তৃণম্ ইব ঈশ্বরম্ ।
যান্তীং স্ত্রিয়ং চ অন্বগমং নগ্নঃ উন্মত্তবৎ রুদন্ ॥ ১০ ॥

কুতঃ তস্য অনুভাবঃ স্যাৎ তেজঃ ঈশৎবম্ এব বা ।
যঃ অন্বগচ্ছং স্ত্রিয়ং যান্তীং খরবৎ পাদতাডিতঃ ॥ ১১ ॥

কিং বিদ্যযা কিং তপসা কিং ত্যাগেন শ্রুতেন বা ।
কিং বিবিক্তেন মৌনেন স্ত্রীভিঃ যস্য মনঃ হৃতম্ ॥ ১২ ॥

স্বার্থস্য অকোবিদং ধিঙ্ মাং মূর্খং পণ্ডিত মানিনম্ ।
যঃ অহম্ ঈশ্বরতাং প্রাপ্য স্ত্রীভিঃ গো খরবৎ জিতঃ ॥ ১৩ ॥

সেবতঃ বর্ষপূগাৎ মে উর্বশ্যঃ অধরাসবম্ ।
ন তৃপ্যতি আত্মভূঃ কামঃ বহ্নিঃ আহুতিভিঃ যথা ॥ ১৪ ॥

পুংশ্চল্যা অপহৃতং চিত্তং কোন্বন্যঃ মোচিতুং প্রভুঃ ।
আত্মারামেশ্বরম্ ঋতে ভগবন্তম্ অধোক্ষজম্ ॥ ১৫ ॥

বোধিতস্য অপি দেব্যা মে সূক্তবাক্যেন দুর্মতেঃ ।
মনোগতঃ মহামোহঃ ন অপয়াতি অজিতাত্মনঃ ॥ ১৬ ॥

কিম্ এতয়া নঃ অপকৃতং রজ্জ্বা বা সর্পচেতসঃ ।
রজ্জুস্বরূপ অবিদুষঃ যঃ অহং যৎ অজিতেন্দ্রিয়ঃ ॥ ১৭ ॥

ক্ব অয়ং মলোমসঃ কায়ঃ দৌর্গন্ধি আদি আত্মকঃ অশুচিঃ ।
ক্ব গুণাঃ সৌমনস্য আদ্যাঃ হি অধ্যাসঃ অবিদ্যযা কৃতঃ ॥ ১৮ ॥

পিত্রোঃ কিং স্বং নু ভার্যায়াঃ স্বামিনঃ অগ্নেঃ শ্বগৃধ্রয়োঃ ।
কিম্ আত্মনঃ কিং সুহৃদাম্ ইতি যঃ ন অবসীয়তে ॥ ১৯ ॥

তস্মিন্ কলেবরে অমেধ্যে তুচ্ছনিষ্ঠে বিষজ্জতে ।
অহো সুভদ্রং সুনসং সুস্মিতং চ মুখং স্ত্রিয়ঃ ॥ ২০ ॥

ৎবঙ্ মাংস রুধির স্নায়ু মেদো মজ্জা অস্থি সংহতৌ ।
বিণ্মূত্রপূয়ে রমতাং কৃমীণাং কিয়ৎ অন্তরম্ ॥ ২১ ॥

অথ অপি ন উপসজ্জেত স্ত্রীষু স্ত্রৈণেষু চ অর্থবিৎ ।
বিষয় ইন্দ্রিয় সংয়োগাৎ মনঃ ক্ষুভ্যতি ন অন্যথা ॥ ২২ ॥

অদৃষ্টাৎ অশ্রুতাৎ ভাবাৎ ন ভাবঃ উপজায়তে ।
অসম্প্রয়ুঞ্জতঃ প্রাণান্ শাম্যতি স্তিমিতং মনঃ ॥ ২৩ ॥

তস্মাৎ সঙ্গঃ ন কর্তব্যঃ স্ত্রীষু স্ত্রৈণেষু চ ইন্দ্রিয়ৈঃ ।
বিদুষাং চ অপি অবিশ্রব্ধঃ ষড্বর্গঃ কিমু মাদৃশাম্ ॥

২৪ ॥

শ্রীভগবান্ উবাচ ।
এবং প্রগায়ন্ নৃপদেবদেবঃ
সঃ উর্বশীলোকম্ অথঃ বিহায় ।
আত্মানম্ আত্মনি অবগম্য মাং বৈ
উপারমৎ জ্ঞানবিধূতমোহঃ ॥ ২৫ ॥

ততঃ দুঃসঙ্গম্ উৎসৃজ্য সৎসু সজ্জেত বুদ্ধিমান্ ।
সন্তঃ এতস্য ছিন্দন্তি মনোব্যাসঙ্গমুক্তিভিঃ ॥ ২৬ ॥

সন্তঃ অনপেক্ষাঃ মচ্চিত্তাঃ প্রশান্তাঃ সমদর্শিনঃ ।
নির্মমাঃ নিরহঙ্কারাঃ নির্দ্বন্দ্বাঃ নিষ্পরিগ্রহাঃ ॥ ২৭ ॥

তেষু নিত্যং মহাভাগঃ মহাভাগেষু মৎকথাঃ ।
সংভবন্তি হিতা নৄণাং জুষতাং প্রপুনন্তি অঘম্ ॥ ২৮ ॥

তাঃ যে শ্রুণ্বন্তি গায়ন্তি হি অনুমোদন্তি চ অদৃতাঃ ।
মৎপরাঃ শ্রদ্দধানাঃ চ ভক্তিং বিন্দন্তি তে ময়ি ॥ ২৯ ॥

ভক্তিং লব্ধবতঃ সাধোঃ কিম্ অন্যৎ অবশিষ্যতে ।
ময়ি অনন্তগুণে ব্রহ্মণি আনন্দ অনুভব আত্মনি ॥ ৩০ ॥

যথা উপশ্রয়মাণস্য ভগবন্তং বিভাবসুম্ ।
শীতং ভয়ং তমঃ অপি এতি সাধূন্ সংসেবতঃ তথা ॥ ৩১ ॥

নিমজ্জ্য উন্মজ্জ্যতাং ঘোরে ভবাব্ধৌ পরম অয়নম্ ।
সন্তঃ ব্রহ্মবিদঃ শান্তাঃ নৌঃ দৃঢ ইব অপ্সু মজ্জতাম্ ॥ ৩২ ॥

অন্নং হি প্রাণিনাং প্রাণঃ আর্তানাং শরণং তু অহম্ ।
ধর্মঃ বিত্তং নৃণাং প্রেত্য সন্তঃ অর্বাক্ বিভ্যতঃ অরণম্ ॥

৩৩ ॥

সন্তঃ দিশন্তি চক্ষূংষি বহিঃ অর্কঃ সমুত্থিতঃ ।
দেবতাঃ বান্ধবাঃ সন্তঃ সন্তঃ আত্মা অহম্ এব চ ॥ ৩৪ ॥

বৈতসেনঃ ততঃ অপি এবম্ উর্বশ্যা লোকনিঃস্পৃহঃ ।
মুক্তসঙ্গঃ মহীম্ এতাম্ আত্মারামঃ চচার হ ॥ ৩৫ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
ঐলগীতং নাম ষড্বিংশোঽধ্যায়ঃ ॥ ২৬ ॥

অথ সপ্তবিংশোঽধ্যায়ঃ ।
উদ্ধবঃ উবাচ ।
ক্রিয়ায়োগং সমাচক্ষ্ব ভবৎ আরাধনং প্রভো ।
যস্মাৎ ৎবাং যে যথা অর্চন্তি সাৎবতাঃ সাৎবতর্ষভ ॥ ১ ॥

এতৎ বদন্তি মুনয়ঃ মুহুঃ নিঃশ্রেয়সং নৃণাম্ ।
নারদঃ ভগবান্ ব্যাসঃ আচার্যঃ অঙ্গিরসঃ সুতঃ ॥ ২ ॥

নিঃসৃতং তে মুখাম্ভোজাদ্যৎ আহ ভগবান্ অজঃ ।
পুত্রেভ্যঃ ভৃগুমুখ্যেভ্যঃ দেব্যৈ চ ভগবান্ ভবঃ ॥ ৩ ॥

এতৎ বৈ সর্ববর্ণানাম্ আশ্রমাণাং চ সংমতম্ ।
শ্রেয়সাম্ উত্তমং মন্যে স্ত্রীশূদ্রাণাং চ মানদ ॥ ৪ ॥

এতৎ কমলপত্রাক্ষ কর্মবন্ধবিমোচনম্ ।
ভক্তায় চ অনুরক্তায় ব্রূহি বিশ্বেশ্বর ঈশ্বর ॥ ৫ ॥

শ্রীভগবান্ উবাচ ।
নহি অন্তঃ অনন্তপারস্য কর্মকাণ্ডস্য চ উদ্ধব ।
সংক্ষিপ্তং বর্ণয়িষ্যামি যথাবৎ অনুপূর্বশঃ ॥ ৬ ॥

বৈদিকঃ তান্ত্রিকঃ মিশ্রঃ ইতি মে ত্রিবিধঃ মখঃ ।
ত্রয়াণাম্ ঈপ্সিতেন এব বিধিনা মাং সমর্চয়েৎ ॥ ৭ ॥

যদা স্বনিগমেন উক্তং দ্বিজৎবং প্রাপ্য পূরুষঃ ।
যথা যজেত মাং ভক্ত্যা শ্রদ্ধয়া তৎ নিবোধ মে ॥ ৮ ॥

অর্চায়াং স্থণ্ডিলে অগ্নৌ বা সূর্যে বা অপ্সু হৃদি দ্বিজঃ ।
দ্রব্যেণ ভক্তিয়ুক্তঃ অর্চেৎ স্বগুরুং মাম্ অমায়যা ॥ ৯ ॥

পূর্বং স্নানং প্রকুর্বীত ধৌতদন্তঃ অঙ্গশুদ্ধয়ে ।
উভয়ৈঃ অপি চ স্নানং মন্ত্রৈঃ মৃদ্গ্রহণাদিনা ॥ ১০ ॥

সন্ধ্যা উপাস্তি আদি কর্মাণি বেদেন অচোদিতানি মে ।
পূজাং তৈঃ কল্পয়েৎ সম্যক্ সঙ্কল্পঃ কর্মপাবনীম্ ॥ ১১ ॥

শৈলী দারুময়ী লৌহী লেপ্যা লেখ্যা চ সৈকতী ।
মনোময়ী মণিময়ী প্রতিমা অষ্টবিধা স্মৃতা ॥ ১২ ॥

চল অচল ইতি দ্বিবিধা প্রতিষ্ঠা জীবমন্দিরম্ ।
উদ্বাস আবাহনে ন স্তঃ স্থিরায়াম্ উদ্ধব অর্চনে ॥ ১৩ ॥

অস্থিরায়াং বিকল্পঃ স্যাৎ স্থণ্ডিলে তু ভবেৎ দ্বয়ম্ ।
স্নপনং তু অবিলেপ্যায়াম্ অন্যত্র পরিমার্জনম্ ॥ ১৪ ॥

দ্রব্যৈঃ প্রসিদ্ধ্যৈঃ মৎ যাগঃ প্রতিমাদিষু অমায়িনঃ ।
ভক্তস্য চ যথালব্ধৈঃ হৃদি ভাবেন চ এব হি ॥ ১৫ ॥

স্নান অলঙ্করণং প্রেষ্ঠম্ অর্চায়াম্ এব তু উদ্ধব ।
স্থণ্ডিলে তত্ত্ববিন্যাসঃ বহ্নৌ আজ্যপ্লুতং হবিঃ ॥ ১৬ ॥

সূর্যে চ অভ্যর্হণং প্রেষ্ঠং সলিলে সলিল আদিভিঃ ।
শ্রদ্ধয়া উপাহৃতং প্রেষ্ঠং ভক্তেন মম বারি অপি ॥ ১৭ ॥

ভূর্যপি অভক্ত উপহৃতং ন মে তোষায় কল্পতে ।
গন্ধঃ ধূপঃ সুমনসঃ দীপঃ অন্ন আদ্য চ কিং পুনঃ ॥ ১৮ ॥

শুচিঃ সংভৃতসংভারঃ প্রাক্ দর্ভৈঃ কল্পিত আসনঃ ।
আসীনঃ প্রাক্ উদক্ বা অর্চেৎ অর্চায়াম্ অথ সংমুখঃ ॥ ১৯ ॥

কৃতন্যাসঃ কৃতন্যাসাং মদর্চাং পাণিনা মৃজেৎ ।
কলশং প্রোক্ষণীয়ং চ যথাবৎ উপসাধয়েৎ ॥ ২০ ॥

তৎ অদ্ভিঃ দেবয়জনং দ্রব্যাণি আত্মানম্ এব চ ।
প্রোক্ষ্য পাত্রাণি ত্রীণি অদ্ভিঃ তৈঃ তৈঃ দ্রব্যৈঃ চ সাধয়েৎ
॥ ২১ ॥

পাদ্য অর্ঘ আচমনীয়ার্থং ত্রীণি পাত্রাণি দৈশিকঃ ।
হৃদা শীর্ষ্ণা অথ শিখয়া গায়ত্র্যা চ অভিমন্ত্রয়েৎ ॥

২২ ॥

পিণ্ডে বায়ু অগ্নি সংশুদ্ধে হৃৎপদ্মস্থাং পরাং মম ।
অণ্বীং জীবকলাং ধ্যায়েৎ নাদ অন্তে সিদ্ধভাবিতাম্ ॥ ২৩ ॥

তয়া আত্মভূতয়া পিণ্ডে ব্যাপ্তে সম্পূজ্য তন্ময়ঃ ।
আবাহ্য অর্চ আদিষু স্থাপ্য ন্যস্ত অঙ্গং মাং প্রপূজয়েৎ ॥

২৪ ॥

পাদ্য উপস্পর্শ অর্হণ আদীন্ উপচারান্ প্রকল্পয়েৎ ।
ধর্মাদিভিঃ চ নবভিঃ কল্পয়িৎবা আসনং মম ॥ ২৫ ॥

পদ্মম্ অষ্টদলং তত্র কর্ণিকাকেসর উজ্জ্বলম্ ।
উভাভ্যাং বেদতন্ত্রাভ্যাং মহ্যং তু উভয়সিদ্ধয়ে ॥ ২৬ ॥

সুদর্শনং পাঞ্চজন্যং গদাসীষুধনুঃ হলান্ ।
মুসলং কৌস্তুভং মালাং শ্রীবৎসং চ অনুপূজয়েৎ ॥ ২৭ ॥

নন্দং সুনন্দং গরুডং প্রচণ্ডং চণ্ডম্ এব চ ।
মহাবলং বলং চ এব কুমুদং কুমুদেক্ষণম্ ॥ ২৮ ॥

দুর্গাং বিনায়কং ব্যাসং বিষ্বক্সেনং গুরূন্ সুরান্ ।
স্বে স্বে স্থানে তু অভিমুখান্ পূজয়েৎ প্রোক্ষণ আদিভিঃ ॥ ২৯ ॥

চন্দন উশীর কর্পূর কুঙ্কুম অগরু বাসিতৈঃ ।
সলিলৈঃ স্নাপয়েৎ মন্ত্রৈঃ নিত্যদা বিভবে সতি ॥ ৩০ ॥

স্বর্ণঘর্ম অনুবাকেন মহাপুরুষবিদ্যযা ।
পৌরুষেণ অপি সূক্তেন সামভীঃ রাজনাদিভিঃ ॥ ৩১ ॥

বস্ত্র উপবীত আভরণ পত্র স্রক্ গন্ধ লেপনৈঃ ।
অলঙ্কুর্বীত সপ্রেম মদ্ভক্তঃ মাং যথা উচিতম্ ॥ ৩২ ॥

পাদ্যম্ আচমনীয়ং চ গন্ধং সুমনসঃ অক্ষতান্ ।
ধূপ দীপ উপহার্যাণি দদ্যাৎ মে শ্রদ্ধয়া অর্চকঃ ॥ ৩৩ ॥

গুডপায়সসর্পীংষি শষ্কুলি আপূপ মোদকান্ ।
সংয়াব দধি সূপাং চ নৈবেদ্যং সতি কল্পয়েৎ ॥ ৩৪ ॥

অভ্যঙ্গ উন্মর্দন আদর্শ দন্তধৌ অভিষেচনম্ ।
অন্নদ্য গীত নৃত্যাদি পর্বণি স্যুঃ উতান্বহম্ ॥ ৩৫ ॥

বিধিনা বিহিতে কুণ্ডে মেখলাগর্তবেদিভিঃ ।
অগ্নিম্ আধায় পরিতঃ সমূহেৎ পাণিনা উদিতম্ ॥ ৩৬ ॥

পরিস্তীর্য অথ পর্যুক্ষেৎ অন্বাধায় যথাবিধি ।
প্রোক্ষণ্যা আসাদ্য দ্রব্যাণি প্রোক্ষ্যাগ্নৌ ভাবয়েত মাম্ ॥ ৩৭ ॥

তপ্তজাম্বূনদপ্রখ্যং শঙ্খচক্রগদাম্বুজৈঃ ।
লসৎ চতুর্ভুজং শান্তং পদ্মকিঞ্জল্কবাসসম্ ॥ ৩৮ ॥

স্ফুরৎ কিরীট কটক কটিসূত্রবর অঙ্গদম্ ।
শ্রীবৎসবক্ষসং ভ্রাজৎ কৌস্তুভং বনমালিনম্ ॥ ৩৯ ॥

ধ্যায়ন্ অভ্যর্চ্য দারূণি হবিষা অভিঘৃতানি চ ।
প্রাস্য আজ্যভাগৌ আঘারৌ দত্ত্বা চ আজ্যপ্লুতং হবিঃ ॥ ৪০ ॥

জুহুয়াৎ মূলমন্ত্রেণ ষোডশর্চ অবদানতঃ ।
ধর্মাদিভ্যঃ যথান্যায়ং মন্ত্রৈঃ স্বিষ্টিকৃতং বুধঃ ॥ ৪১ ॥

অভ্যর্চ্য অথ নমস্কৃত্য পার্ষদেভ্যঃ বলিং হরেৎ ।
মূলমন্ত্রং জপেৎ ব্রহ্ম স্মরন্ নারায়ণ আত্মকম্ ॥ ৪২ ॥

দত্ত্বা আচমনম্ উচ্ছেষং বিষ্বক্সেনায় কল্পয়েৎ ।
মুখবাসং সুরভিমৎ তাম্বূলাদ্যম্ অথ অর্হয়েৎ ॥ ৪২ ॥

উপগায়ন্ গৃণন্ নৃত্যন্ কর্মাণি অভিনয়ন্ মম ।
মৎকথাঃ শ্রাবয়ন্ শ্রুণ্বন্ মুহূর্তং ক্ষণিকঃ ভবেৎ ॥ ৪৪।
স্তবৈঃ উচ্চাবচৈঃ স্তোত্রৈঃ পৌরাণৈঃ প্রকৃতৈঃ অপি ।
স্তুৎবা প্রসীদ ভগবন্ ইতি বন্দেত দণ্ডবৎ ॥ ৪৫ ॥

শিরঃ মৎ পাদয়োঃ কৃৎবা বাহুভ্যাং চ পরস্পরম্ ।
প্রপন্নং পাহি মাম্ ঈশ ভীতং মৃত্যুগ্রহ অর্ণবাৎ ॥ ৪৬ ॥

ইতি শেষাং ময়া দত্তাং শিরসি আধায় সাদরম্ ।
উদ্বাসয়েৎ চেৎ উদ্বাস্যং জ্যোতিঃ জ্যোতিষি তৎ পুনঃ ॥ ৪৭ ॥

অর্চাদিষু যদা যত্র শ্রদ্ধা মাং তত্র চ অর্চয়েৎ ।
সর্বভূতেষু আত্মনি চ সর্ব আত্মা অহম্ অবস্থিতঃ ॥ ৪৮ ॥

এবং ক্রিয়ায়োগপথৈঃ পুমান্ বৈদিকতান্ত্রিকৈঃ ।
অর্চন্ উভয়তঃ সিদ্ধিং মত্তঃ বিন্দতি অভীপ্সিতাম্ ॥ ৪৯ ॥

মদর্চাং সম্প্রতিষ্ঠাপ্য মন্দিরং কারয়েৎ দৃঢম্ ।
পুষ্প উদ্যানানি রম্যাণি পূজা যাত্রা উৎসব আশ্রিতান্ ॥ ৫০ ॥

পূজাদীনাং প্রবাহার্থং মহাপর্বসু অথ অন্বহম্ ।
ক্ষেত্রাপণপুরগ্রামান্ দত্ত্বা মৎ সার্ষ্টিতাম্ ইয়াৎ ॥ ৫১ ॥

প্রতিষ্ঠয়া সার্বভৌমংসদ্মনা ভুবনত্রয়ম্ ।
পূজাদিনা ব্রহ্মলোকং ত্রিভিঃ মৎ সাম্যতাম্ ইয়াৎ ॥ ৫২ ॥

মাম্ এব নৈরপেক্ষ্যেণ ভক্তিয়োগেন বিন্দতি ।
ভক্তিয়োগং সঃ লভতে এবং যঃ পূজয়েত মাম্ ॥ ৫৩ ॥

যঃ স্বদত্তাং পরৈঃ দত্তং হরেত সুরবিপ্রয়োঃ ।
বৃত্তিং সঃ জায়তে বিড্ভুক্ বর্ষাণাম্ অয়ুতায়ুতম্ ॥ ৫৪ ॥

কর্তুঃ চ সারথেঃ হেতোঃ অনুমোদিতুঃ এব চ ।
কর্মণাং ভাগিনঃ প্রেত্য ভূয়ঃ ভূয়সি তৎফলম্ ॥ ৫৫ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে শ্রীকৃষ্ণোদ্ধবসংবাদে
সপ্তবিংশোঽধ্যায়ঃ ॥ ২৭ ॥

অথ অষ্টবিংশঃ অধ্যায়ঃ ।
শ্রীভগবান্ উবাচ ।
পরস্বভাবকর্মাণি ন প্রশংসেৎ ন গর্হয়েৎ ।
বিশ্বম্ একাত্মকং পশ্যন্ প্রকৃত্যা পুরুষেণ চ ॥ ১ ॥

পরস্বভাবকর্মাণি যঃ প্রশংসতি নিন্দতি ।
সঃ আশু ভ্রশ্যতে স্বার্থাৎ অসত্য অভিনিবেশতঃ ॥ ২ ॥

তৈজসে নিদ্রয়া আপন্নে পিণ্ডস্থঃ নষ্টচেতনঃ ।
মায়াং প্রাপ্নোতি মৃত্যুং বা তদ্বৎ নানার্থদৃক্ পুমান্ ॥ ৩ ॥

কিং ভদ্রং কিম্ অভদ্রং বা দ্বৈতস্য অবস্তুনঃ কিয়ৎ ।
বাচা উদিতং তৎ অনৃতং মনসা ধ্যাতম্ এব চ ॥ ৪ ॥

ছায়াপ্রত্যাহ্বয়াভাসা হি অসন্তঃ অপি অর্থকারিণঃ ।
এবং দেহাদয়ঃ ভাবাঃ যচ্ছন্তি আমৃত্যুতঃ ভয়ম্ ॥ ৫ ॥

আত্মা এব তৎ ইদং বিশ্বং সৃজ্যতে সৃজতি প্রভুঃ ।
ত্রায়তে ত্রাতি বিশ্বাত্মা হ্রিয়তে হরতি ঈশ্বরঃ ॥ ৬ ॥

তস্মাৎ নহি আত্মনঃ অন্যস্মাৎ অন্যঃ ভাবঃ নিরূপিতঃ ।
নিরূপিতেয়ং ত্রিবিধা নির্মূলা ভাতিঃ আত্মনি ।
ইদং গুণময়ং বিদ্ধি ত্রিবিধং মায়যা কৃতম্ ॥ ৭ ॥

এতৎ বিদ্বান্ মদুদিতং জ্ঞানবিজ্ঞাননৈপুণম্ ।
ন নিন্দতি ন চ স্তৌতি লোকে চরতি সূর্যবৎ ॥ ৮ ॥

প্রত্যক্ষেণ অনুমানেন নিগমেন আত্মসংবিদা ।
আদি অন্তবৎ অসৎ জ্ঞাৎবা নিঃসঙ্গঃ বিচরেৎ ইহ ॥ ৯ ॥

উদ্ধবঃ উবাচ ।
ন এব আত্মনঃ ন দেহস্য সংসৃতিঃ দ্রষ্টৃদৃশ্যযোঃ ।
অনাত্মস্বদৃশোঃ ঈশ কস্য স্যাৎ উপলভ্যতে ॥ ১০ ॥

আত্মা অব্যযঃ অগুণঃ শুদ্ধঃ স্বয়ঞ্জ্যোতিঃ অনাবৃতঃ ।
অগ্নিবৎ দারুবৎ দেহঃ কস্য ইহ সংসৃতিঃ ॥ ১১ ॥

শ্রীভগবান্ উবাচ ।
যাবৎ দেহ ইন্দ্রিয় প্রাণৈঃ আত্মনঃ সংনিকর্ষণম্ ।
সংসারঃ ফলবান্ তাবৎ অপার্থঃ অপি অবিবেকিনঃ ॥ ১২ ॥

অর্থে হি অবিদ্যমানে অপি সংসৃতিঃ ন নিবর্ততে ।
ধ্যায়তঃ বিষয়ান্ অস্য স্বপ্নে অনর্থ আগমঃ যথা ॥ ১৩ ॥

যথা হি অপ্রতিবুদ্ধস্য প্রস্বাপঃ বহু অনর্থভৃৎ ।
সঃ এব প্রতিবুদ্ধস্য ন বৈ মোহায় কল্পতে ॥ ১৪ ॥

শোক হর্ষ ভয় ক্রোধ লোভ মোহ স্পৃহাদয়ঃ ।
অহঙ্কারস্য দৃশ্যন্তে জন্ম মৃত্যুঃ চ ন আত্মনঃ ॥ ১৫ ॥

দেহ ইন্দ্রিয় প্রাণ মনঃ অভিমানঃ
জীবঃ অন্তরাত্মা গুণকর্ম মূর্তিঃ ।
সূত্রং মহান্ ইতি উরুধা ইব গীতঃ
সংসারঃ আধাবতি কালতন্ত্রঃ ॥ ১৬ ॥

অমূলম্ এতৎ বহুরূপ রূপিতং
মনোবচঃপ্রাণশরীরকর্ম ।
জ্ঞানাসিনা উপাসনয়া শিতেন
ছিত্ত্বা মুনিঃ গাং বিচরতি অতৃষ্ণঃ ॥ ১৭ ॥

জ্ঞানং বিবেকঃ নিগমঃ তপঃ চ
প্রত্যক্ষম্ ঐতিহ্যম্ অথ অনুমানম্ ।
আদি অন্তয়োঃ অস্য যৎ এব কেবলম্
কালঃ চ হেতুঃ চ তৎ এব মধ্যে ॥ ১৮ ॥

যথা হিরণ্যং স্বকৃতং পুরস্তাৎ
পশ্চাৎ চ সর্বস্য হিরণ্ময়স্য ।
তৎ এব মধ্যে ব্যবহার্যমাণম্
নানাপদেশৈঃ অহম্ অস্য তদ্বৎ ॥ ১৯ ॥

বিজ্ঞানম্ এতৎ ত্রিয়বস্তম্ অঙ্গ
গুণত্রয়ং কারণ কার্য কর্তৃ ।
সমন্বয়েন ব্যতিরেকতঃ চ
যেন এব তুর্যেণ তৎ এব সত্যম্ ॥ ২০ ॥

ন যৎ পুরস্তাৎ উত যৎ ন পশ্চাৎ
মধ্যে চ তৎ ন ব্যপদেশমাত্রম্ ।
ভূতং প্রসিদ্ধং চ পরেণ যদ্যৎ
তৎ এব তৎ স্যাৎ ইতি মে মনীষা ॥ ২১ ॥

অবিদ্যমানঃ অপি অবভাসতে যঃ
বৈকারিকঃ রাজসসর্গঃ এষঃ ।
ব্রহ্ম স্বয়ঞ্জ্যোতিঃ অতঃ বিভাতি
ব্রহ্ম ইন্দ্রিয় অর্থ আত্ম বিকার চিত্রম্ ॥ ২২ ॥

এবং স্ফুটং ব্রহ্মবিবেকহেতুভিঃ
পরাপবাদেন বিশারদেন ।
ছিত্ত্বা আত্মসন্দেহম্ উপারমেত
স্বানন্দতুষ্টঃ অখিল কামুকেভ্যঃ ॥ ২৩ ॥

ন আত্মা বপুঃ পার্থিবম্ ইন্দ্রিয়াণি
দেবাঃ হি অসুঃ বায়ুজলং হুতাশঃ ।
মনঃ অন্নমাত্রং ধিষণা চ সত্ত্বম্
অহংকৃতিঃ খং ক্ষিতিঃ অর্থসাম্যম্ ॥ ২৪ ॥

সমাহিতৈঃ কঃ করণৈঃ গুণাত্মভিঃ
গুণঃ ভবেৎ মৎসুবিবিক্তধাম্নঃ ।
বিক্ষিপ্যমাণৈঃ উত কিং ন দূষণম্
ঘনৈঃ উপেতৈঃ বিগতৈঃ রবেঃ কিম্ ॥ ২৫ ॥

যথা নভঃ বায়ু অনল অম্বু ভূ গুণৈঃ
গতাগতৈঃ বর্তুগুণৈঃ ন সজ্জতে ।
তথা অক্ষরং সত্ত্ব রজঃ তমঃ মলৈঃ
অহংমতেঃ সংসৃতিহেতুভিঃ পরম্ ॥ ২৬ ॥

তথাপি সঙ্গঃ পরিবর্জনীয়ঃ
গুণেষু মায়ারচিতেষু তাবৎ ।
মদ্ভক্তিয়োগেন দৃঢেন যাবৎ
রজঃ নিরস্যেত মনঃকষায়ঃ ॥ ২৭ ॥

যথা আময়ঃ অসাধু চিকিৎসিতঃ নৃণাম্
পুনঃ পুনঃ সন্তুদতি প্ররোহন্ ।
এবং মনঃ অপক্ব কষয় কর্ম
কুয়োগিনং বিধ্যতি সর্বসঙ্গম্ ॥ ২৮ ॥

কুয়োগিনঃ যে বিহিত অন্তরায়ৈঃ
মনুষ্যভূতৈঃ ত্রিদশ উপসৃষ্টৈঃ ।
তে প্রাক্তন অভ্যাসবলেন ভূয়ঃ
যুঞ্জন্তি যোগং ন তু কর্মতন্ত্রম্ ॥ ২৯ ॥

করোতি কর্ম ক্রিয়তে চ জন্তুঃ
কেনাপি অসৌ চোদিতঃ আনিপাতাৎ ।
ন তত্র বিদ্বান্প্রকৃতৌ স্থিতঃ অপি
নিবৃত্ত তৃষ্ণঃ স্বসুখ অনুভূত্যা ॥ ৩০ ॥

তিষ্ঠন্তম্ আসীনম্ উত ব্রজন্তম্
শয়ানম্ উক্ষন্তম্ অদন্তম্ অন্নম্ ।
স্বভাবম্ অন্যৎ কিম্ অপি ইহমানম্
আত্মানম্ আত্মস্থমতিঃ ন বেদ ॥ ৩১ ॥

যদি স্ম পশ্যতি অসৎ ইন্দ্রিয় অথ
নানা অনুমানেন বিরুদ্ধম্ অন্যৎ ।
ন মন্যতে বস্তুতয়া মনীষী
স্বাপ্নং যথা উত্থায় তিরোদধানম্ ॥ ৩২ ॥

পূর্বং গৃহীতং গুণকর্মচিত্রম্
অজ্ঞানম্ আত্মনি অবিবিক্তম্ অঙ্গ ।
নিবর্ততে তৎ পুনঃ ঈক্ষয়া এব
ন গৃহ্যতে ন অপি বিসৃজ্য আত্মা ॥ ৩৩ ॥

যথা হি ভানোঃ উদয়ঃ নৃচক্ষুষাম্
তমঃ নিহন্যাৎ ন তু সদ্বিধত্তে ।
এবং সমীক্ষা নিপুণা সতী মে
হন্যাৎ তমিস্রং পুরুষস্য বুদ্ধেঃ ॥ ৩৪ ॥

এষঃ স্বয়ঞ্জ্যোতিঃ অজঃ অপ্রমেয়ঃ
মহানুভূতিঃ সকলানুভূতিঃ ।
একঃ অদ্বিতীয়ঃ বচসাং বিরামে
যেন ঈশিতা বাক্ অসবঃ চরন্তি ॥ ৩৫ ॥

এতাবান্ আত্মসংমোহঃ যৎ বিকল্পঃ তু কেবলে ।
আত্মন্ নৃতে স্বমাত্মানম্ অবলম্বঃ ন যস্য হি ॥৩৬ ॥

যৎ নাম আকৃতিভিঃ গ্রাহ্যং পঞ্চবর্ণম্ অবাধিতম্ ।
ব্যর্থেন অপি অর্থবাদঃ অয়ং দ্বয়ং পণ্ডিতমানিনাম্ ॥ ৩৭ ॥

যোগিনঃ অপক্বয়োগস্য যুঞ্জতঃ কায়ঃ উত্থিতৈঃ ।
উপসর্গৈঃ বিহন্যেত তত্র অয়ং বিহিতঃ বিধিঃ ॥ ৩৮ ॥

যোগধারণয়া কাংশ্চিৎ আসনৈঃ ধারণ অন্বিতৈঃ ।
তপোমন্ত্রৌষধৈঃ কাংশ্চিৎ উপসর্গান্ বিনির্দহেৎ ॥ ৩৯ ॥

কাংশ্চিৎ মম অনুধ্যানেন নামসঙ্কীর্তন আদিভিঃ ।
যোগেশ্বর অনুবৃত্ত্যা বা হন্যাৎ অশুভদান্ শনৈঃ ॥ ৪০ ॥

কেচিৎ দেহম্ ইমং ধীরাঃ সুকল্পং বয়সি স্থিরম্ ।
বিধায় বিবিধ উপায়ৈঃ অথ যুঞ্জন্তি সিদ্ধয়ে ॥ ৪১ ॥

ন হি তৎ কুশলাৎ দৃত্যং তৎ আয়াসঃ হি অপার্থকঃ ।
অন্তবত্ত্বাৎ শরীরস্য ফলস্য ইব বনস্পতেঃ ॥ ৪২ ॥

যোগং নিষেবতঃ নিত্যং কায়ঃ চেৎ কল্পতাম্ ইয়াৎ ।
তৎ শ্রদ্দধ্যাৎ ন মতিমান্ যোগম্ উৎসৃজ্য মৎপরঃ ॥ ৪৩ ॥

যোগচর্যাম্ ইমাং যোগী বিচরন্ মৎ ব্যপাশ্রয়ঃ ।
ন অন্তরায়ৈঃ বিহন্যেত নিঃস্পৃহঃ স্বসুখানুভূঃ ॥ ৪৪ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
পরমার্থনির্ণয়ো নাম অষ্টাবিংশোঽধ্যায়ঃ ॥ ২৮ ॥

অথ একোনত্রিংশঃ অধ্যায়ঃ ।
সুদুস্তরাম্ ইমাং মন্যে যোগচর্যাম্ অনাত্মনঃ ।
যথা অঞ্জসা পুমান্ সিহ্যেৎ তৎ মে ব্রূহি অঞ্জসা অচ্যুত ॥ ১ ॥

প্রায়শঃ পুণ্ডরীকাক্ষ যুঞ্জন্তঃ যোগিনঃ মনঃ ।
বিষীদন্তি অসমাধানাৎ মনোনিগ্রহকর্শিতাঃ ॥ ২ ॥

অথ অতঃ আনন্দদুঘং পদাম্বুজম্
হংসাঃ শ্রয়েরন্ অরবিন্দলোচন ।
সুখং নু বিশ্বেশ্বর যোগকর্মভিঃ
ৎবৎ মায়যা অমী বিহতাঃ ন মানিনঃ ॥ ৩ ॥

কিং চিত্রম্ অচ্যুত তব এতৎ অশেষবন্ধঃ
দাসেষু অনন্যশরণেষু যৎ আত্ম সাত্ত্বম্ ।
যঃ অরোচয়ৎসহ মৃগৈঃ স্বয়ম্ ঈশ্বরাণাম্
শ্রীমৎ কিরীট তট পীডিত পাদ পীঠঃ ॥ ৪ ॥

তং ৎবা অখিল আত্মদয়িত ঈশ্বরম্ আশ্রিতানাম্
সর্ব অর্থদং স্বকৃতবিৎ বিসৃজেত কঃ নু ।
কঃ বা ভজেৎ কিম্ অপি বিস্মৃতয়ে অনু ভূত্যৈ
কিং বা ভবেৎ ন তব পাদরজোজুষাং নঃ ॥ ৫ ॥

ন এব উপয়ন্তি অপচিতিং কবয়ঃ তব ঈশ
ব্রহ্মায়ুষা অপি কৃতম্ ঋধমুদঃ স্মরন্তঃ ।
যঃ অন্তর্বহিঃ তনুভৃতাম্ অশুভং বিধুন্বন্
আচার্যচৈত্যবপুষা স্বগৎং ব্যনক্তি ॥ ৬ ॥

শ্রীশুকঃ উবাচ ।
ইতি উদ্ধবেন অতি অনুরক্ত চেতসা
পৃষ্টঃ জগৎক্রীডনকঃ স্বশক্তিভিঃ ।
গৃহীত মূর্তিত্রয়ঃ ঈশ্বর ঈশ্বরঃ
জগাদ সপ্রেম মনোহরস্মিতঃ ॥ ৭ ॥

শ্রীভগবান্ উবাচ ।
হন্ত তে কথয়িষ্যামি মম ধর্মান্ সুমঙ্গলাম্ ।
যান্ শ্রদ্ধয়া আচরন্ মর্ত্যঃ মৃত্যুং জয়তি দুর্জয়ম্ ॥ ৮ ॥

কুর্যাৎ সর্বাণি কর্মাণি মদর্থং শনকৈঃ স্মরন্ ।
ময়ি অর্পিত মনঃ চিত্তঃ মৎ ধর্ম আত্মমনোরতিঃ ॥ ৯ ॥

দেশান্ পুণ্যান্ আশ্রয়েত মদ্ভক্তৈঃ সাধুভিঃ শ্রিতান্ ।
দেব আসুর মনুষ্যেষু মদ্ভক্ত আচরিতানি চ ॥ ১০ ॥

পৃথক্ সত্রেণ বা মহ্যং পর্বয়াত্রা মহোৎসবান্ ।
কারয়েৎ গীতনৃত্য আদ্যৈঃ মহারাজ বিভূতিভিঃ ॥ ১১ ॥

মাম্ এব সর্বভূতেষু বহিঃ অন্তঃ অপাবৃতম্ ।
ঈক্ষেত আত্মনি চ আত্মানং যথা খম্ অমল আশয়ঃ ॥ ১২ ॥

ইতি সর্বাণি ভূতানি মদ্ভাবেন মহাদ্যুতে ।
সভাজয়ন্ মন্যমানঃ জ্ঞানং কেবলম্ আশ্রিতঃ ॥ ১৩ ॥

ব্রাহ্মণে পুল্কসে স্তেনে ব্রহ্মণ্যে অর্কে স্ফুলিঙ্গকে ।
অক্রূরে ক্রূরকে চ এব সমদৃক্ পণ্ডিতঃ মতঃ ॥ ১৪ ॥

নরেষু অভীক্ষ্ণং মদ্ভাবং পুংসঃ ভাবয়তঃ অচিরাৎ ।
স্পর্ধা অসূয়া তিরস্কারাঃ সাহঙ্কারাঃ বিয়ন্তি হি ॥ ১৫ ॥

বিসৃজ্য স্ময়মানান্ স্বান্ দৃশং ব্রীডাং চ দৈহিকীম্ ।
প্রণমেৎ দণ্ডবৎ ভূমৌ আশ্ব চাণ্ডাল গো খরম্ ॥ ১৬ ॥

যাবৎ সর্বেষু ভূতেষু মদ্ভাবঃ ন উপজায়তে ।
তাবৎ এবম্ উপাসীত বাঙ্ মন কায় বৃত্তিভিঃ ॥ ১৭ ॥

সর্বং ব্রহ্মাত্মকং তস্য বিদ্যযা আত্ম মনীষয়া ।
পরিপশ্যন্ উপরমেৎ সর্বতঃ মুক্ত সংশয়ঃ ॥ ১৮ ॥

অয়ং হি সর্বকল্পানাং সধ্রীচীনঃ মতঃ মম ।
মদ্ভাবঃ সর্বভূতেষু মনোবাক্কায়বৃত্তিভিঃ ॥ ১৯ ॥

ন হি অঙ্গ উপক্রমে ধ্বংসঃ মদ্ধর্মস্য উদ্ধব অণু অপি ।
ময়া ব্যবসিতঃ সম্যক্ নির্গুণৎবাৎ অনাশিষঃ ॥ ২০ ॥

যঃ যঃ ময়ি পরে ধর্মঃ কল্প্যতে নিষ্ফলায় চেৎ ।
তৎ আয়াসঃ নিরর্থঃ স্যাৎ ভয়াদেঃ ইব সত্ত্ম ॥ ২১ ॥

এষা বুদ্ধিমতাং বুদ্ধিঃ মনীষা চ মনীষিণাম্ ।
যৎ সত্যম্ অনৃতেন ইহ মর্ত্যেন আপ্নোতি মা অমৃতম্ ॥ ২২ ॥

এষ তে অভিহিতঃ কৃৎস্নঃ ব্রহ্মবাদস্য সঙ্গ্রহঃ ।
সমাসব্যাসবিধিনা দেবানাম্ অপি দুর্গমঃ ॥ ২৩ ॥

অভীক্ষ্ণশঃ তে গদিতং জ্ঞানং বিস্পষ্টয়ুক্তিমৎ ।
এতৎ বিজ্ঞায় মুচ্যেত পুরুষঃ নষ্টসংশয়ঃ ॥ ২৪ ॥

সুবিবিক্তং তব প্রশ্নং ময়া এতৎ অপি ধারয়েৎ ।
সনাতনং ব্রহ্মগুহ্যং পরং ব্রহ্ম অধিগচ্ছতি ॥ ২৫ ॥

যঃ এতৎ মম ভক্তেষু সম্প্রদদ্যাৎ সুপুষ্কলম্ ।
তস্য অহং ব্রহ্মদায়স্য দদামি আত্মানম্ আত্মনা ॥ ২৬ ॥

যঃ এতৎ সমধীয়ীত পবিত্রং পরমং শুচি ।
সঃ পূয়েত অহঃ অহঃ মাং জ্ঞানদীপেন দর্শয়ন্ ॥ ২৭ ॥

যঃ এতৎ শ্রদ্ধয়া নিত্যম্ অব্যগ্রঃ শ্রুণুয়াৎ নরঃ ।
ময়ি ভক্তিং পরাং কুর্বন্ কর্মভিঃ ন সঃ বধ্যতে ॥ ২৮ ॥

অপি উদ্ধব ৎবয়া ব্রহ্ম সখে সমবধারিতম্ ।
অপি তে বিগতঃ মোহঃ শোকঃ চ অসৌ মনোভবঃ ॥ ২৯ ॥

ন এতৎ ৎবয়া দাম্ভিকায় নাস্তিকায় শঠায় চ ।
অশুশ্রূষোঃ অভক্তায় দুর্বিনীতায় দীয়তাম্ ॥ ৩০ ॥

এতৈঃ দোষৈঃ বিহীনায় ব্রহ্মণ্যায় প্রিয়ায় চ ।
সাধবে শুচয়ে ব্রূয়াৎ ভক্তিঃ স্যাৎ শূদ্র যোষিতাম্ ॥ ৩১ ॥

ন এতৎ বিজ্ঞায় জিজ্ঞাসোঃ জ্ঞাতব্যম্ অবশিষ্যতে ।
পীৎবা পীয়ূষম্ অমৃতং পাতব্যং ন অবশিষ্যতে ॥ ৩২ ॥

জ্ঞানে কর্মণি যোগে চ বার্তায়াং দণ্ডধারণে ।
যাবান্ অর্থঃ নৃণাং তাত তাবান্ তে অহং চতুর্বিধঃ ॥ ৩৩ ॥

মর্ত্যঃ যদা ত্যক্ত সমস্তকর্মা
নিবেদিতাত্মা বিচিকীর্ষিতঃ মে ।
তদা অমৃতৎবং প্রতিপদ্যমানঃ
ময়া আত্মভূয়ায় চ কল্পতে বৈ ॥ ৩৪ ॥

শ্রীশুকঃ উবাচ ।
সঃ এবম্ আদর্শিত যোগমার্গঃ
তদা উত্তম শ্লোকবচঃ নিশম্য ।
বদ্ধ অঞ্জলিঃ প্রীতি উপরুদ্ধ কণ্ঠঃ
ন কিঞ্চিৎ ঊচেঃ অশ্রু পরিপ্লুত অক্ষঃ ॥ ৩৫ ॥

বিষ্টভ্য চিত্তং প্রণয় অবঘূর্ণম্
ধৈর্যেণ রাজন্ বহু মন্যমানঃ ।
কৃতাঞ্জলিঃ প্রাহ যদুপ্রবীরম্
শীর্ষ্ণা স্পৃশন্ তৎ চরণ অরবিন্দম্ ॥ ৩৬ ॥

উদ্ধবঃ উবাচ ।
বিদ্রাবিতঃ মোহ মহা অন্ধকারঃ
যঃ আশ্রিতঃ মে তব সন্নিধানাৎ ।
বিভাবসোঃ কিং নু সমীপগস্য
শীতং তমঃ ভীঃ প্রভবন্তি অজ অদ্য ॥ ৩৭ ॥

প্রত্যর্পিতঃ মে ভবতা অনুকম্পিনা
ভৃত্যায় বিজ্ঞানময়ঃ প্রদীপঃ ।
হিৎবা কৃতজ্ঞঃ তব পাদমূলম্
কঃ অন্যৎ সমীয়াৎ শরণং ৎবদীয়ম্ ॥ ৩৮ ॥

বৃক্ণঃ চ মে সুদৃঢঃ স্নেহপাশঃ
দাশার্হ বৃষ্ণি অন্ধক সাৎবতেষু ।
প্রসারিতঃ সৃষ্টিবিবৃদ্ধয়ে ৎবয়া
স্বমায়যা হি আত্ম সুবোধ হেতিনা ॥ ৩৯ ॥

নমঃ অস্তু তে মহায়োগিন্ প্রপন্নম্ অনুশাধি মাম্ ।
যথা ৎবৎ চরণ অম্ভোজে রতিঃ স্যাৎ অনপায়িনী ॥ ৪০ ॥

শ্রীভগবান্ উবাচ ।
গচ্ছ উদ্ধব ময়া আদিষ্টঃ বদরি আখ্যং মম আশ্রমম্ ।
তত্র মৎ পাদ তীর্থোদে স্নান উপস্পর্শনৈঃ শুচিঃ ॥ ৪১ ॥

ঈক্ষয়া অলকনন্দায়া বিধূত অশেষ কল্মষঃ ।
বসানঃ বল্কলানি অঙ্গ বন্যভুক্ সুখ নিঃস্পৃহঃ ॥ ৪২ ॥

তিতিক্ষৌঃ দ্বন্দ্বমাত্রাণাং সুশীলঃ সংয়তেন্দ্রিয়ঃ ।
শান্তঃ সমাহিতধিয়া জ্ঞানবিজ্ঞানসংয়ুতঃ ॥ ৪৩ ॥

মত্তঃ অনুশিক্ষিতং যৎ তে বিবিক্তমনুভাবয়ন্ ।
ময়ি আবেশিত বাক্ চিত্তঃ মদ্ধর্ম নিরতঃ ভব ।
অতিব্রজ্য গতীঃ তিস্রঃ মাম্ এষ্যসি ততঃ পরম্ ॥ ৪৪ ॥

শ্রীশুকঃ উবাচ ।
সঃ এবম্ উক্তঃ হরিমেধসা উদ্ধবঃ
প্রদক্ষিণং তং পরিসৃত্য পাদয়োঃ ।
শিরঃ নিধায় অশ্রুকলাভিঃ আর্দ্রধীঃ
ন্যষিঞ্চৎ অদ্বন্দ্বপরঃ অপি উপক্রমে ॥ ৪৫ ॥

সুদুস্ত্যজ স্নেহ বিয়োগ কাতরঃ
ন শক্নুবন্ তং পরিহাতুম্ আতুরঃ ।
কৃচ্ছ্রং যয়ৌ মূর্ধনি ভর্তৃপাদুকে
বিভ্রন্ নমস্কৃত্য যয়ৌ পুনঃ পুনঃ ॥ ৪৬ ॥

ততঃ তম্ অন্তর্হৃদি সংনিবেশ্য
গতঃ মহাভাগবতঃ বিশালাম্ ।
যথা উপদিষ্টাং জগৎ একবন্ধুনা
ততঃ সমাস্থায় হরেঃ অগাৎ গতিম্ ॥ ৪৭ ॥

যঃ এঅতৎ আনন্দ সমুদ্র সংভৃতম্
জ্ঞানামৃতং ভাগবতায় ভাষিতম্ ।
কৃষ্ণেণ যোগেশ্বর সেবিতাঙ্ঘ্রিণা
সচ্ছ্রদ্ধয়া আসেব্য জগৎ বিমুচ্যতে ॥ ৪৮ ॥

ভবভয় অপহন্তুং জ্ঞানবিজ্ঞানসারম্
নিগমকৃৎ উপজহে ভৃঙ্গবৎ বেদসারম্ ।
অমৃতম্ উদধিতঃ চ অপায়যৎ ভৃত্যবর্গান্
পুরুষম্ ঋষভম্ আদ্যং কৃষ্ণসঞ্জ্ঞং নতঃ অস্মি
॥ ৪৯ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে ভগবদুদ্ধবসংবাদে
পরমার্থপ্রাপ্তিসুগমোপায়কথনোদ্ধববদরিকাশ্রমপ্রবেশো
নাম একোনত্রিংশোঽধ্যায়ঃ ॥ ২৯ ॥

অথ ত্রিংশঃ অধ্যায়ঃ ।
রাজা উবাচ ।
ততঃ মহাভাগবতে উদ্ধবে নির্গতে বনম্ ।
দ্বারবত্যাং কিম্ অকরোৎ ভগবান্ ভূতভাবনঃ ॥ ১ ॥

ব্রহ্মশাপ উপসংসৃষ্টে স্বকুলে যাদবর্ষভঃ ।
প্রেয়সীং সর্বনেত্রাণাং তনুং সঃ কথম্ অত্যজৎ ॥ ২ ॥

প্রত্যাক্রষ্টুং নয়নম্ অবলা যত্র লগ্নং ন শেকুঃ
কর্ণাবিষ্টং ন সরতি ততঃ যৎ সতাম্ আত্মলগ্নম্ ।
যৎ শ্রীঃ বাচাং জনয়তি রতিং কিং নু মানং কবীনাম্
দৃষ্ট্বা জিষ্ণোঃ যুধি রথগতং যৎ চ তৎ সাম্যম্
ঈয়ুঃ ॥ ৩ ॥

ঋষিঃ উবাচ ।
দিবি ভুবি অন্তরিক্ষে চ মহোৎপাতান্ সমুত্থিতান্ ।
দৃষ্ট্বা আসীনান্ সুধর্মায়াং কৃষ্ণঃ প্রাহ যদূন্ ইদম্
॥ ৪ ॥

শ্রীভগবান্ উবাচ ।
এতে ঘোরাঃ মহোৎপাতাঃ দ্বার্বত্যাং যমকেতবঃ ।
মুহূর্তম্ অপি ন স্থেয়ম্ অত্র নঃ যদুপুঙ্গবাঃ ॥ ৫ ॥

স্ত্রিয়ঃ বালাঃ চ বৃদ্ধাঃ চ শঙ্খোদ্ধারং ব্রজন্ত্বিতঃ ।
বয়ং প্রভাসং যাস্যামঃ যত্র প্রত্যক্ সরস্বতী ॥ ৬ ॥

তত্র অভিষিচ্য শুচয় উপোষ্য সুসমাহিতাঃ ।
দেবতাঃ পূজয়িষ্যামঃ স্নপন আলেপন অর্হণৈঃ ॥৭ ॥

ব্রাহ্মণান্ তু মহাভাগান্ কৃতস্বস্ত্যযনা বয়ম্ ।
গো ভূ হিরণ্য বাসোভিঃ গজ অশ্বরথ বেশ্মভিঃ ॥ ৮ ॥

বিধিঃ এষঃ হি অরিষ্টঘ্নঃ মঙ্গল আয়নম্ উত্তমম্ ।
দেব দ্বিজ গবাং পূজা ভূতেষু পরমঃ ভবঃ ॥ ৯ ॥

ইতি সর্বে সমাকর্ণ্য যদুবৃদ্ধাঃ মধুদ্বিষঃ ।
তথা ইতি নৌভিঃ উত্তীর্য প্রভাসং প্রয়যূ রথৈঃ ॥ ১০ ॥

তস্মিন্ ভগবতা আদিষ্টং যদুদেবেন যাদবা ।
চক্রুঃ পরভয়া ভক্ত্যা সর্বশ্রেয় উপবৃংহিতম্ ॥ ১১ ॥

ততঃ তস্মিন্ মহাপানং পপুঃ মৈরেয়কং মধু ।
দিষ্ট বিভ্রংশিত ধিয়ঃ যৎ দ্রবৈঃ ভ্রশ্যতে মতিঃ ॥ ১২ ॥

মহাপান অভিমত্তানাং বীরাণাং দৃপ্তচেতসাম্ ।
কৃষ্ণমায়া বিমূঢানাং সঙ্ঘর্ষঃ সুমহান্ অভূৎ ॥ ১৩ ॥

যুয়ুধুঃ ক্রোধসংরব্ধা বেলায়াম্ আততায়িনঃ ।
ধনুভিঃ অসিভিঃ মল্লৈঃ গদাভিঃ তাম্ অরর্ষ্টিভিঃ ॥ ১৪ ॥

পতৎপতাকৈ রথকুঞ্জরাদিভিঃ
খর উষ্ট্র গোভিঃ মহিষৈঃ নরৈঃ অপি ।
মিথঃ সমেত্য অশ্বতরৈঃ সুদুর্মদা
ন্যহন্ শরর্দদ্ভিঃ ইব দ্বিপা বনে ॥ ১৫ ॥

প্রদ্যুম্ন সাম্বৌ যুধি রূঢমৎসরৌ
অক্রূর ভোজৌ অনিরুদ্ধ সাত্যকী ।
সুভদ্র সঙ্গ্রামজিতৌ সুদারুণৌ
গদৌ সুমিত্রা সুরথৌ সমীয়তুঃ ॥ ১৬ ॥

অন্যে চ যে বৈ নিশঠ উল্মুক আদয়ঃ
সহস্রজিৎ শতজিৎ ভানু মুখ্যাঃ ।
অন্যোন্যম্ আসাদ্য মদান্ধকারিতা
জঘ্নুঃ মুকুন্দেন বিমোহিতা ভৃশম্ ॥ ১৭ ॥

দাশার্হ বৃষ্ণি অন্ধক ভোজ সাৎবতা
মধু অর্বুদা মাথুরশূরসেনাঃ ।
বিসর্জনাঃ কুকুরাঃ কুন্তয়ঃ চ
মিথঃ ততঃ তে অথ বিসৃজ্য সৌহৃদম্ ॥ ১৮ ॥

পুত্রাঃ অয়ুধ্যন্ পিতৃভিঃ ভ্রাতৃভিঃ চ
স্বস্ত্রীয় দৌহিত্র পিতৃব্যমাতুলৈঃ ।
মিত্রাণি মিত্রৈঃ সুহৃদঃ সুহৃদ্ভিঃ
জ্ঞাতীংস্ত্বহন্ জ্ঞাতয়ঃ এব মূঢাঃ ॥ ১৯ ॥

শরেষু ক্ষীয়মাণেষু ভজ্যমানেষু ধন্বসু ।
শস্ত্রেষু ক্ষীয়মাণেষু মুষ্টিভিঃ জহ্রুঃ এরকাঃ ॥ ২০ ॥

তাঃ বজ্রকল্পাঃ হি অভবন্ পরিঘাঃ মুষ্টিনাঃ ভৃতাঃ ।
জঘ্নুঃ দ্বিষঃ তৈঃ কৃষ্ণেন বার্যমাণাঃ তু তং চ তে ॥ ২১ ॥

প্রত্যনীকং মন্যমানাঃ বলভদ্রং চ মোহিতাঃ ।
হন্তুং কৃতধিয়ঃ রাজন্ আপন্নাঃ আততায়িনঃ ॥ ২২ ॥

অথ তৌ অপি সঙ্ক্রুদ্ধৌ উদ্যম্য কুরুনন্দন ।
এরকা মুষ্টি পরিঘৌ জরন্তৌ জঘ্নতুঃ যুধি ॥ ২৩ ॥

ব্রহ্মশাপ উপসৃষ্টানাং কৃষ্ণমায়াবৃত আত্মনাম্ ।
স্পর্ধাক্রোধঃ ক্ষয়ং নিন্যে বৈণবঃ অগ্নিঃ যথা বনম্ ॥ ২৪ ॥

এবং নষ্টেষু সর্বেষু কুলেষু স্বেষু কেশবঃ ।
অবতারিতঃ ভুবঃ ভারঃ ইতি মেনে অবশেষিতঃ ॥ ২৫ ॥

রামঃ সমুদ্রবেলায়াং যোগম্ আস্থায় পৌরুষম্ ।
তৎ ত্যাজ লোকং মানুষ্যং সংয়োজ্য আত্মানম্ আত্মনি ॥ ২৬ ॥

রামনির্যাণম্ আলোক্য ভগবান্ দেবকীসুতঃ ।
নিষসাদ ধরোপস্থে তূষ্ণীম্ আসাদ্য পিপ্পলম্ ॥ ২৭ ॥

বিভ্রৎ চতুর্ভুজং রূপং ভ্রাজিষ্ণু প্রভয়া স্বয়া ।
দিশঃ বিতিমারাঃ কুর্বন্ বিধূমঃ ইব পাবকঃ ॥ ২৮ ॥

শ্রীবৎসাঙ্কং ঘনশ্যামং তপ্ত হাটক বর্চসম্ ।
কৌশেয় অম্বর যুগ্মেন পরিবীতং সুমঙ্গলম্ ॥ ২৯ ॥

সুন্দর স্মিত বক্ত্র অব্জং নীল কুন্তল মণ্ডিতম্ ।
পুণ্ডরীক অভিরামাক্ষং স্ফুরন্ মকর কুণ্ডলম্ ॥ ৩০ ॥

কটিসূত্র ব্রহ্মসূত্র কিরীট কটক অঙ্গদৈঃ ।
হার নূপুর মুদ্রাভিঃ কৌস্তুভেন বিরাজিতম্ ॥ ৩১ ॥

বনমালা পরীতাঙ্গং মূর্তিমদ্ভিঃ নিজ আয়ুধৈঃ ।
কৃৎবা উরৌ দক্ষিণে পাদম্ আসীনং পঙ্কজ অরুণম্ ॥ ৩২ ॥

মুসলৌ অশেষায়ঃ খণ্ডকৃতেষুঃ লুব্ধকঃ জরাঃ ।
মৃগাস্য আকারং তৎ চরণং বিব্যাধ মৃগশঙ্কয়া ॥ ৩৩ ॥

চতুর্ভুজং তং পুরুষং দৃষ্ট্বা সঃ কৃত কিল্বিষঃ ।
ভীতঃ পপাত শিরসা পাদয়োঃ অসুরদ্বিষঃ ॥ ৩৪ ॥

অজানতা কৃতম্ ইদং পাপেন মধুসূদন ।
ক্ষন্তুম্ অর্হসি পাপস্য উত্তমশ্লোকঃ মে অনঘ ॥ ৩৫ ॥

যস্য অনুস্মরণং নৄণাম্ অজ্ঞান ধ্বান্ত নাশনম্ ।
বদন্তি তস্য তে বিষ্ণো ময়া অসাধু কৃতং প্রভো ॥ ৩৬ ॥

তৎ মা আশু জহি বৈকুণ্ঠ পাপ্মানং মৃগ লুব্ধকম্ ।
যথা পুনঃ অহং তু এবং ন কুর্যাং সৎ অতিক্রমম্ ॥ ৩৭ ॥

যস্য আত্ম যোগ রচিতং ন বিদুঃ বিরিঞ্চঃ
রুদ্র আদয়ঃ অস্য তনয়াঃ পতয়ঃ গিরাং যে ।
ৎবৎ মায়যা পিহিত দৃষ্টয়ঃ এতৎ অঞ্জঃ
কিং তস্য তে বয়ম্ অসৎ গতয়ঃ গৃণীমঃ ॥ ৩৮ ॥

শ্রীভগবান্ উবাচ ।
মা ভৈঃ জরে ৎবম্ উত্তিষ্ঠ কামঃ এষঃ কৃতঃ হি মে ।
যাহি ৎবং মৎ অনুজ্ঞাতঃ স্বর্গং সুকৃতিনাং পদম্ ॥ ৩৯ ॥

ইতি আদিষ্টঃ ভগবতা কৃষ্ণেন ইচ্ছা শরীরিণা ।
ত্রিঃ পরিক্রম্য তং নৎবা বিমানেন দিবং যয়ৌ ॥ ৪০ ॥

দারুকঃ কৃষ্ণপদবীম্ অন্বিচ্ছন্ অধিগম্যতাম্ ।
বায়ুং তুলসিকামোদম্ আঘ্রায় অভিমুখং যয়ৌ ॥ ৪১ ॥

তং তত্র তিগ্মদ্যুভিঃ আয়ুধৈঃ বৃতম্
হি অশ্বত্থমূলে কৃতকেতনং পতিম্ ।
স্নেহপ্লুতাত্মা নিপপাত পাদয়ো
রথাৎ অবপ্লুত্য সবাষ্পলোচনঃ ॥ ৪২ ॥

অপশ্যতঃ ৎবৎ চরণ অম্বুজং প্রভো
দৃষ্টিঃ প্রণষ্টা তমসি প্রবিষ্টা ।
দিশঃ ন জানে ন লভে চ শান্তিম্
যথা নিশায়ম্ উডুপে প্রণষ্টে ॥ ৪৩ ॥

ইতি ব্রুবতে সূতে বৈ রথঃ গরুডলাঞ্ছনঃ ।
খম্ উৎপপাত রাজেন্দ্র সাশ্বধ্বজঃ উদীক্ষতঃ ॥ ৪৪ ॥

তম্ অন্বগচ্ছন্ দিব্যানি বিষ্ণুপ্রহরণানি চ ।
তেন অতি বিস্মিত আত্মানং সূতম্ আহ জনার্দনঃ ॥ ৪৫ ॥

গচ্ছ দ্বারবতীং সূত জ্ঞাতীনাং নিধনং মিথঃ ।
সঙ্কর্ষণস্য নির্যাণং বন্ধুভ্যঃ ব্রূহি মৎ দশাম্ ॥ ৪৬ ॥

দ্বারকায়াং চ ন স্থেয়ং ভবদ্ভিঃ চ স্ববন্ধুভিঃ ।
ময়া ত্যক্তাং যদুপুরীং সমুদ্রঃ প্লাবয়িষ্যতি ॥ ৪৭ ॥

স্বং স্বং পরিগ্রহং সর্বে আদায় পিতরৌ চ নঃ ।
অর্জুনেন আবিতাঃ সর্ব ইন্দ্রপ্রস্থং গমিষ্যথ ॥ ৪৮ ॥

ৎবং তু মৎ ধর্মম্ আস্থায় জ্ঞাননিষ্ঠঃ উপেক্ষকঃ ।
মন্মায়া রচনাম্ এতাং বিজ্ঞায় উপশমং ব্রজ ॥ ৪৯ ॥

ইতি উক্তঃ তং পরিক্রম্য নমস্কৃত্য পুনঃ পুনঃ ।
তৎ পাদৌ শীর্ষ্ণি উপাধায় দুর্মনাঃ প্রয়যৌ পুরীম্ ॥ ৫০ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে যদুকুলসঙ্ক্ষয়ো নাম
ত্রিংশোঽধ্যায়ঃ ॥ ৩০ ॥

অথ একত্রিংশঃ অধ্যায়ঃ ।
শ্রীশুকঃ উবাচ ।
অথ তত্র আগমৎ ব্রহ্মা ভবান্যা চ সমং ভবঃ ।
মহেন্দ্রপ্রমুখাঃ দেবাঃ মুনয়ঃ সপ্রজেশ্বরাঃ ॥ ১ ॥

পিতরঃ সিদ্ধগন্ধর্বাঃ বিদ্যাধর মহোরগাঃ ।
চারণাঃ যক্ষরক্ষাংসি কিংনর অপ্সরসঃ দ্বিজাঃ ॥ ২ ॥

দ্রষ্টুকামাঃ ভগবতঃ নির্বাণং পরম উৎসুকাঃ ।
গায়ন্তঃ চ গৃণন্তঃ চ শৌরেঃ কর্মাণি জন্ম চ ॥ ৩ ॥

ববর্ষুঃ পুষ্পবর্ষাণি বিমান আবলিভিঃ নভঃ ।
কুর্বন্তঃ সঙ্কুলং রাজন্ ভক্ত্যা পরময়া যুতাঃ ॥ ৪ ॥

ভগবান্ পিতামহং বীক্ষ্য বিভূতিঃ আত্মনঃ বিভুঃ ।
সংয়োজ্য আত্মনি চ আত্মানং পদ্মনেত্রে ন্যমীলয়ৎ ॥ ৫ ॥

লোকাভিরামাং স্বতনুং ধারণা ধ্যান মঙ্গলম্ ।
যোগধারণয়া আগ্নেয়্যা অদগ্ধ্বা ধাম আবিশৎ স্বকম্ ॥ ৬ ॥

দিবি দুন্দুভয়ঃ নেদুঃ পেতুঃ সুমনঃ চ খাৎ ।
সত্যং ধর্মঃ ধৃতিঃ ভূমেঃ কীর্তিঃ শ্রীঃ চ অনু তং বয়ুঃ
॥ ৭ ॥

দেব আদয়ঃ ব্রহ্মমুখ্যাঃ ন বিশন্তং স্বধামনি ।
অবিজ্ঞাতগতিং কৃষ্ণং দদৃশুঃ চ অতিবিস্মিতাঃ ॥ ৮ ॥

সৌদামন্যাঃ যথা আকাশে যান্ত্যাঃ হিৎবা অভ্রমণ্ডলম্ ।
গতিঃ ন লক্ষ্যতে মর্ত্যৈঃ তথা কৃষ্ণস্য দৈবতৈঃ ॥ ৯ ॥

ব্রহ্ম রুদ্র আদয়ঃ তে তু দৃষ্ট্বা যোগগতিং হরেঃ ।
বিস্মিতাঃ তাং প্রশংসন্তঃ স্বং স্বং লোকং যয়ুঃ তদা ॥ ১০ ॥

রাজন্ পরস্য তনুভৃৎ জননাপ্যযেহা
মায়াবিডম্বনম্ অবেহি যথা নটস্য ।
সৃষ্ট্বা আত্মনা ইদম্ অনুবিশ্য বিহৃত্য চ অন্তে
সংহৃত্য চ আত্ম মহিনা উপরতঃ সঃ আস্তে ॥ ১১ ॥

মর্ত্যেন যঃ গুরুসুতং যমলোকনীতম্
ৎবাং চ আনয়ৎ শরণদঃ পরম অস্ত্র দগ্ধম্ ।
জিগ্যে অন্তক অন্তকম্ অপি ঈশম্ অসৌ অবনীশঃ
কিং স্বাবনে স্বরনয়ন্ মৃগয়ুং সদেহম্ ॥ ১২ ॥

তথা অপি অশেশা স্থিতি সম্ভব অপি
অয়েষু অনন্য হেতুঃ যৎ অশেষ শক্তিধৃক্ ।
ন ইচ্ছৎ প্রণেতুং বপুঃ অত্র শেষিতম্
মর্ত্যেন কিং স্বস্থগতিং প্রদর্শয়ন্ ॥ ১৩ ॥

যঃ এতাং প্রাতঃ উত্থায় কৃষ্ণস্য পদবীং পরাম্ ।
প্রয়তঃ কীর্তয়েৎ ভক্ত্যা তাম্ এব আপ্নোতি অনুত্তমাম্ ॥ ১৪ ॥

দারুকঃ দ্বারকাম্ এত্য বসুদেব উগ্রসেনয়োঃ ।
পতিৎবা চরণাবস্রৈঃ ন্যষিঞ্চৎ কৃষ্ণবিচ্যুতঃ ॥ ১৫ ॥

কথয়ামাস নিধনং বৃষ্ণীনাং কৃৎস্নশঃ নৃপ ।
তৎ শ্রুৎবা উদ্বিগ্ন হৃদয়াঃ জনাঃ শোক বিমূর্চ্ছিতাঃ ॥ ১৬ ॥

তত্র স্ম ৎবরিতা জগ্মুঃ কৃষ্ণ বিশ্লেষ বিহ্বলাঃ ।
ব্যসবাঃ শেরতে যত্র জ্ঞাতয়ঃ ঘ্নন্তঃ আননম্ ॥ ১৭ ॥

দেবকী রোহিণী চ এব বসুদেবঃ তথা সুতৌ ।
কৃষ্ণ রাম অবপশ্যন্তঃ শোক আর্তাঃ বিজহুঃ স্মৃতিম্ ॥ ১৮ ॥

প্রাণান্ চ বিজহুঃ তত্র ভগবৎ বিরহ আতুরাঃ ।
উপগুহ্য পতীন্ তাত চিতাম্ আরুরুহুঃ স্ত্রিয়ঃ ॥ ১৯ ॥

রামপত্ন্যঃ চ তৎ দেহম্ উপগুহ্য অগ্নিম্ আবিশন্ ।
বসুদেবপত্ন্যঃ তৎ গাত্রং প্রদ্যুম্ন আদীন্ হরেঃ স্নুষাঃ ।
কৃষ্ণপত্ন্যঃ আবিশন্ অগ্নিং রুক্মিণি আদ্যাঃ তদাত্মিকাঃ ॥ ২০ ॥

অর্জুনঃ প্রেয়সঃ সখ্যুঃ কৃষ্ণস্য বিরহ আতুরঃ ।
আত্মানং সান্ত্বয়ামাস কৃষ্ণগীতৈঃ সদুক্তিভিঃ ॥ ২১ ॥

বন্ধূনাং নষ্টগোত্রাণাম্ অর্জুনঃ সাম্পরায়িকম্ ।
হতানাং কারয়ামাস যথাবৎ অনুপূর্বশঃ ॥ ২২ ॥

দ্বারকাং হরিণা ত্যক্তা সমুদ্রঃ অপ্লাবয়ৎ ক্ষণাৎ ।
বর্জয়িৎবা মহারাজ শ্রীমৎ ভগবৎ আলয়ম্ ॥ ২৩ ॥

নিত্যং সংনিহিতঃ তত্র ভগবান্ মধুসূদনঃ ।
স্মৃত্যা অশেষা অশুভহরং সর্ব মঙ্গলম্ অমঙ্গলম্ ॥ ২৪ ॥

স্ত্রী বাল বৃদ্ধান্ আদায় হতশেষান্ ধনঞ্জয়ঃ ।
ইন্দ্রপ্রস্থং সমাবেশ্য বজ্র তত্র অভ্যষেচয়ৎ ॥ ২৫ ॥

শ্রুৎবা সুহৃৎ বধং রাজন্ অর্জুনাৎ তে পিতামহাঃ ।
ৎবাং তু বংশধরং কৃৎবা জগ্মুঃ সর্বে মহাপথম্ ॥ ২৬ ॥

যঃ এতৎ দেবদেবস্য বিষ্ণোঃ কর্মাণি জন্ম চ ।
কীর্তয়েৎ শ্রদ্ধয়া মর্ত্যঃ সর্বপাপৈঃ প্রমুচ্যতে ॥ ২৭ ॥

ইত্থং হরেঃ ভগবতঃ রুচির অবতার
বীর্যাণি বালচরিতানি চ শন্তমানি ।
অন্যত্র চ ইহ চ শ্রুতানি গৃণন্ মনুষ্যঃ
ভক্তিং পরাং পরমহংসগতৌ লভেত ॥ ২৮ ॥

ইতি শ্রীমদ্ভাগবতে মহাপুরাণে পারমহংস্যাং
সংহিতায়ামেকাদশস্কন্ধে মৌসলোপাখ্যানং নাম
একত্রিংশোঽধ্যায়ঃ ॥ ৩১ ॥

॥ ইতি উদ্ধবগীতা নাম একাদশস্কন্ধঃ সমাপ্তঃ ॥

– Chant Stotra in Other Languages –

Uddhava Gita in Sanskrit – English – Bengali – Gujarati – Kannada – Malayalam – Odia – Telugu – Tamil