॥ Sri Lalita Sahasranama Stotram Bengali Lyrics ॥
॥ শ্রীললিতাসহস্রনামস্তোত্রম্ ॥
॥ ন্যাসঃ ॥
অস্য শ্রীললিতাসহস্রনামস্তোত্রমালা মন্ত্রস্য ।
বশিন্যাদিবাগ্দেবতা ঋষয়ঃ ।
অনুষ্টুপ্ ছন্দঃ ।
শ্রীললিতাপরমেশ্বরী দেবতা ।
শ্রীমদ্বাগ্ভবকূটেতি বীজম্ ।
মধ্যকূটেতি শক্তিঃ ।
শক্তিকূটেতি কীলকম্ ।
শ্রীললিতামহাত্রিপুরসুন্দরী-প্রসাদসিদ্ধিদ্বারা
চিন্তিতফলাবাপ্ত্যর্থে জপে বিনিয়োগঃ ।
॥ ধ্যানম্ ॥
সিন্দূরারুণ বিগ্রহাং ত্রিনয়নাং মাণিক্যমৌলি স্ফুরত্
তারা নায়ক শেখরাং স্মিতমুখী মাপীন বক্ষোরুহাম্ ।
পাণিভ্যামলিপূর্ণ রত্ন চষকং রক্তোত্পলং বিভ্রতীং
সৌম্যাং রত্ন ঘটস্থ রক্তচরণাং ধ্যায়েত্ পরামম্বিকাম্ ॥
অরুণাং করুণা তরঙ্গিতাক্ষীং
ধৃত পাশাঙ্কুশ পুষ্প বাণচাপাম্ ।
অণিমাদিভি রাবৃতাং ময়ূখৈ-
রহমিত্যেব বিভাবয়ে ভবানীম্ ॥
ধ্যায়েত্ পদ্মাসনস্থাং বিকসিতবদনাং পদ্মপত্রায়তাক্ষীং
হেমাভাং পীতবস্ত্রাং করকলিতলসদ্ধেমপদ্মাং বরাঙ্গীম্ ।
সর্বালঙ্কার য়ুক্তাং সতত মভয়দাং ভক্তনম্রাং ভবানীং
শ্রীবিদ্যাং শান্ত মূর্তিং সকল সুরনুতাং সর্ব সম্পত্প্রদাত্রীম্ ॥
সকুঙ্কুম বিলেপনামলিকচুম্বি কস্তূরিকাং
সমন্দ হসিতেক্ষণাং সশর চাপ পাশাঙ্কুশাম্ ।
অশেষজন মোহিনীং অরুণ মাল্য ভূষাম্বরাং
জপাকুসুম ভাসুরাং জপবিধৌ স্মরে দম্বিকাম্ ॥
॥ অথ শ্রীললিতাসহস্রনামস্তোত্রম্ ॥
ওঁ শ্রীমাতা শ্রীমহারাজ্ঞী শ্রীমত্-সিংহাসনেশ্বরী ।
চিদগ্নি-কুণ্ড-সম্ভূতা দেবকার্য-সমুদ্যতা ॥ ১ ॥
উদ্যদ্ভানু-সহস্রাভা চতুর্বাহু-সমন্বিতা ।
রাগস্বরূপ-পাশাঢ্যা ক্রোধাকারাঙ্কুশোজ্জ্বলা ॥ ২ ॥
মনোরূপেক্ষু-কোদণ্ডা পঞ্চতন্মাত্র-সায়কা ।
নিজারুণ-প্রভাপূর-মজ্জদ্ব্রহ্মাণ্ড-মণ্ডলা ॥ ৩ ॥
চম্পকাশোক-পুন্নাগ-সৌগন্ধিক-লসত্কচা ।
কুরুবিন্দমণি-শ্রেণী-কনত্কোটীর-মণ্ডিতা ॥ ৪ ॥
অষ্টমীচন্দ্র-বিভ্রাজ-দলিকস্থল-শোভিতা ।
মুখচন্দ্র-কলঙ্কাভ-মৃগনাভি-বিশেষকা ॥ ৫ ॥
বদনস্মর-মাঙ্গল্য-গৃহতোরণ-চিল্লিকা ।
বক্ত্রলক্ষ্মী-পরীবাহ-চলন্মীনাভ-লোচনা ॥ ৬ ॥
নবচম্পক-পুষ্পাভ-নাসাদণ্ড-বিরাজিতা ।
তারাকান্তি-তিরস্কারি-নাসাভরণ-ভাসুরা ॥ ৭ ॥
কদম্বমঞ্জরী-কৢপ্ত-কর্ণপূর-মনোহরা ।
তাটঙ্ক-য়ুগলী-ভূত-তপনোডুপ-মণ্ডলা ॥ ৮ ॥
পদ্মরাগ-শিলাদর্শ-পরিভাবি-কপোলভূঃ ।
নববিদ্রুম-বিম্বশ্রী-ন্যক্কারি-রদনচ্ছদা ॥ ৯ ॥ or দশনচ্ছদা
শুদ্ধ-বিদ্যাঙ্কুরাকার-দ্বিজপঙ্ক্তি-দ্বয়োজ্জ্বলা ।
কর্পূর-বীটিকামোদ-সমাকর্ষি-দিগন্তরা ॥ ১০ ॥
নিজ-সল্লাপ-মাধুর্য-বিনির্ভর্ত্সিত-কচ্ছপী । or নিজ-সংলাপ
মন্দস্মিত-প্রভাপূর-মজ্জত্কামেশ-মানসা ॥ ১১ ॥
অনাকলিত-সাদৃশ্য-চিবুকশ্রী-বিরাজিতা । or চুবুকশ্রী
কামেশ-বদ্ধ-মাঙ্গল্য-সূত্র-শোভিত-কন্ধরা ॥ ১২ ॥
কনকাঙ্গদ-কেয়ূর-কমনীয়-ভুজান্বিতা ।
রত্নগ্রৈবেয়-চিন্তাক-লোল-মুক্তা-ফলান্বিতা ॥ ১৩ ॥
কামেশ্বর-প্রেমরত্ন-মণি-প্রতিপণ-স্তনী ।
নাভ্যালবাল-রোমালি-লতা-ফল-কুচদ্বয়ী ॥ ১৪ ॥
লক্ষ্যরোম-লতাধারতা-সমুন্নেয়-মধ্যমা ।
স্তনভার-দলন্মধ্য-পট্টবন্ধ-বলিত্রয়া ॥ ১৫ ॥
অরুণারুণ-কৌসুম্ভ-বস্ত্র-ভাস্বত্-কটীতটী ।
রত্ন-কিঙ্কিণিকা-রম্য-রশনা-দাম-ভূষিতা ॥ ১৬ ॥
কামেশ-জ্ঞাত-সৌভাগ্য-মার্দবোরু-দ্বয়ান্বিতা ।
মাণিক্য-মুকুটাকার-জানুদ্বয়-বিরাজিতা ॥ ১৭ ॥
ইন্দ্রগোপ-পরিক্ষিপ্ত-স্মরতূণাভ-জঙ্ঘিকা ।
গূঢগুল্ফা কূর্মপৃষ্ঠ-জয়িষ্ণু-প্রপদান্বিতা ॥ ১৮ ॥
নখ-দীধিতি-সংছন্ন-নমজ্জন-তমোগুণা ।
পদদ্বয়-প্রভাজাল-পরাকৃত-সরোরুহা ॥ ১৯ ॥
সিঞ্জান-মণিমঞ্জীর-মণ্ডিত-শ্রী-পদাম্বুজা । or শিঞ্জান
মরালী-মন্দগমনা মহালাবণ্য-শেবধিঃ ॥ ২০ ॥
সর্বারুণাঽনবদ্যাঙ্গী সর্বাভরণ-ভূষিতা ।
শিব-কামেশ্বরাঙ্কস্থা শিবা স্বাধীন-বল্লভা ॥ ২১ ॥
সুমেরু-মধ্য-শৃঙ্গস্থা শ্রীমন্নগর-নায়িকা ।
চিন্তামণি-গৃহান্তস্থা পঞ্চ-ব্রহ্মাসন-স্থিতা ॥ ২২ ॥
মহাপদ্মাটবী-সংস্থা কদম্ববন-বাসিনী ।
সুধাসাগর-মধ্যস্থা কামাক্ষী কামদায়িনী ॥ ২৩ ॥
দেবর্ষি-গণ-সংঘাত-স্তূয়মানাত্ম-বৈভবা ।
ভণ্ডাসুর-বধোদ্যুক্ত-শক্তিসেনা-সমন্বিতা ॥ ২৪ ॥
সম্পত্করী-সমারূঢ-সিন্ধুর-ব্রজ-সেবিতা ।
অশ্বারূঢাধিষ্ঠিতাশ্ব-কোটি-কোটিভিরাবৃতা ॥ ২৫ ॥
চক্ররাজ-রথারূঢ-সর্বায়ুধ-পরিষ্কৃতা ।
গেয়চক্র-রথারূঢ-মন্ত্রিণী-পরিসেবিতা ॥ ২৬ ॥
কিরিচক্র-রথারূঢ-দণ্ডনাথা-পুরস্কৃতা ।
জ্বালা-মালিনিকাক্ষিপ্ত-বহ্নিপ্রাকার-মধ্যগা ॥ ২৭ ॥
ভণ্ডসৈন্য-বধোদ্যুক্ত-শক্তি-বিক্রম-হর্ষিতা ।
নিত্যা-পরাক্রমাটোপ-নিরীক্ষণ-সমুত্সুকা ॥ ২৮ ॥
ভণ্ডপুত্র-বধোদ্যুক্ত-বালা-বিক্রম-নন্দিতা ।
মন্ত্রিণ্যম্বা-বিরচিত-বিষঙ্গ-বধ-তোষিতা ॥ ২৯ ॥
বিশুক্র-প্রাণহরণ-বারাহী-বীর্য-নন্দিতা ।
কামেশ্বর-মুখালোক-কল্পিত-শ্রীগণেশ্বরা ॥ ৩০ ॥
মহাগণেশ-নির্ভিন্ন-বিঘ্নয়ন্ত্র-প্রহর্ষিতা ।
ভণ্ডাসুরেন্দ্র-নির্মুক্ত-শস্ত্র-প্রত্যস্ত্র-বর্ষিণী ॥ ৩১ ॥
করাঙ্গুলি-নখোত্পন্ন-নারায়ণ-দশাকৃতিঃ ।
মহা-পাশুপতাস্ত্রাগ্নি-নির্দগ্ধাসুর-সৈনিকা ॥ ৩২ ॥
কামেশ্বরাস্ত্র-নির্দগ্ধ-সভণ্ডাসুর-শূন্যকা ।
ব্রহ্মোপেন্দ্র-মহেন্দ্রাদি-দেব-সংস্তুত-বৈভবা ॥ ৩৩ ॥
হর-নেত্রাগ্নি-সংদগ্ধ-কাম-সঞ্জীবনৌষধিঃ ।
শ্রীমদ্বাগ্ভব-কূটৈক-স্বরূপ-মুখ-পঙ্কজা ॥ ৩৪ ॥
কণ্ঠাধঃ-কটি-পর্যন্ত-মধ্যকূট-স্বরূপিণী ।
শক্তি-কূটৈকতাপন্ন-কট্যধোভাগ-ধারিণী ॥ ৩৫ ॥
মূল-মন্ত্রাত্মিকা মূলকূটত্রয়-কলেবরা ।
কুলামৃতৈক-রসিকা কুলসংকেত-পালিনী ॥ ৩৬ ॥
কুলাঙ্গনা কুলান্তস্থা কৌলিনী কুলয়োগিনী ।
অকুলা সময়ান্তস্থা সময়াচার-তত্পরা ॥ ৩৭ ॥
মূলাধারৈক-নিলয়া ব্রহ্মগ্রন্থি-বিভেদিনী ।
মণি-পূরান্তরুদিতা বিষ্ণুগ্রন্থি-বিভেদিনী ॥ ৩৮ ॥
আজ্ঞা-চক্রান্তরালস্থা রুদ্রগ্রন্থি-বিভেদিনী ।
সহস্রারাম্বুজারূঢা সুধা-সারাভিবর্ষিণী ॥ ৩৯ ॥
তডিল্লতা-সমরুচিঃ ষট্চক্রোপরি-সংস্থিতা ।
মহাসক্তিঃ কুণ্ডলিনী বিসতন্তু-তনীয়সী ॥ ৪০ ॥
ভবানী ভাবনাগম্যা ভবারণ্য-কুঠারিকা ।
ভদ্রপ্রিয়া ভদ্রমূর্তির্ ভক্ত-সৌভাগ্যদায়িনী ॥ ৪১ ॥
ভক্তিপ্রিয়া ভক্তিগম্যা ভক্তিবশ্যা ভয়াপহা ।
শাম্ভবী শারদারাধ্যা শর্বাণী শর্মদায়িনী ॥ ৪২ ॥
শাঙ্করী শ্রীকরী সাধ্বী শরচ্চন্দ্র-নিভাননা ।
শাতোদরী শান্তিমতী নিরাধারা নিরঞ্জনা ॥ ৪৩ ॥
নির্লেপা নির্মলা নিত্যা নিরাকারা নিরাকুলা ।
নির্গুণা নিষ্কলা শান্তা নিষ্কামা নিরুপপ্লবা ॥ ৪৪ ॥
নিত্যমুক্তা নির্বিকারা নিষ্প্রপঞ্চা নিরাশ্রয়া ।
নিত্যশুদ্ধা নিত্যবুদ্ধা নিরবদ্যা নিরন্তরা ॥ ৪৫ ॥
নিষ্কারণা নিষ্কলঙ্কা নিরুপাধির্ নিরীশ্বরা ।
নীরাগা রাগমথনী নির্মদা মদনাশিনী ॥ ৪৬ ॥
নিশ্চিন্তা নিরহংকারা নির্মোহা মোহনাশিনী ।
নির্মমা মমতাহন্ত্রী নিষ্পাপা পাপনাশিনী ॥ ৪৭ ॥
নিষ্ক্রোধা ক্রোধশমনী নির্লোভা লোভনাশিনী ।
নিঃসংশয়া সংশয়ঘ্নী নির্ভবা ভবনাশিনী ॥ ৪৮ ॥ or নিস্সংশয়া
নির্বিকল্পা নিরাবাধা নির্ভেদা ভেদনাশিনী ।
নির্নাশা মৃত্যুমথনী নিষ্ক্রিয়া নিষ্পরিগ্রহা ॥ ৪৯ ॥
নিস্তুলা নীলচিকুরা নিরপায়া নিরত্যয়া ।
দুর্লভা দুর্গমা দুর্গা দুঃখহন্ত্রী সুখপ্রদা ॥ ৫০ ॥
দুষ্টদূরা দুরাচার-শমনী দোষবর্জিতা ।
সর্বজ্ঞা সান্দ্রকরুণা সমানাধিক-বর্জিতা ॥ ৫১ ॥
সর্বশক্তিময়ী সর্ব-মঙ্গলা সদ্গতিপ্রদা ।
সর্বেশ্বরী সর্বময়ী সর্বমন্ত্র-স্বরূপিণী ॥ ৫২ ॥
সর্ব-য়ন্ত্রাত্মিকা সর্ব-তন্ত্ররূপা মনোন্মনী ।
মাহেশ্বরী মহাদেবী মহালক্ষ্মীর্ মৃডপ্রিয়া ॥ ৫৩ ॥
মহারূপা মহাপূজ্যা মহাপাতক-নাশিনী ।
মহামায়া মহাসত্ত্বা মহাশক্তির্ মহারতিঃ ॥ ৫৪ ॥
মহাভোগা মহৈশ্বর্যা মহাবীর্যা মহাবলা ।
মহাবুদ্ধির্ মহাসিদ্ধির্ মহায়োগেশ্বরেশ্বরী ॥ ৫৫ ॥
মহাতন্ত্রা মহামন্ত্রা মহায়ন্ত্রা মহাসনা ।
মহায়াগ-ক্রমারাধ্যা মহাভৈরব-পূজিতা ॥ ৫৬ ॥
মহেশ্বর-মহাকল্প-মহাতাণ্ডব-সাক্ষিণী ।
মহাকামেশ-মহিষী মহাত্রিপুর-সুন্দরী ॥ ৫৭ ॥
চতুঃষষ্ট্যুপচারাঢ্যা চতুঃষষ্টিকলাময়ী ।
মহাচতুঃ-ষষ্টিকোটি-য়োগিনী-গণসেবিতা ॥ ৫৮ ॥
মনুবিদ্যা চন্দ্রবিদ্যা চন্দ্রমণ্ডল-মধ্যগা ।
চারুরূপা চারুহাসা চারুচন্দ্র-কলাধরা ॥ ৫৯ ॥
চরাচর-জগন্নাথা চক্ররাজ-নিকেতনা ।
পার্বতী পদ্মনয়না পদ্মরাগ-সমপ্রভা ॥ ৬০ ॥
পঞ্চ-প্রেতাসনাসীনা পঞ্চব্রহ্ম-স্বরূপিণী ।
চিন্ময়ী পরমানন্দা বিজ্ঞান-ঘনরূপিণী ॥ ৬১ ॥
ধ্যান-ধ্যাতৃ-ধ্যেয়রূপা ধর্মাধর্ম-বিবর্জিতা ।
বিশ্বরূপা জাগরিণী স্বপন্তী তৈজসাত্মিকা ॥ ৬২ ॥
সুপ্তা প্রাজ্ঞাত্মিকা তুর্যা সর্বাবস্থা-বিবর্জিতা ।
সৃষ্টিকর্ত্রী ব্রহ্মরূপা গোপ্ত্রী গোবিন্দরূপিণী ॥ ৬৩ ॥
সংহারিণী রুদ্ররূপা তিরোধান-করীশ্বরী ।
সদাশিবাঽনুগ্রহদা পঞ্চকৃত্য-পরায়ণা ॥ ৬৪ ॥
ভানুমণ্ডল-মধ্যস্থা ভৈরবী ভগমালিনী ।
পদ্মাসনা ভগবতী পদ্মনাভ-সহোদরী ॥ ৬৫ ॥
উন্মেষ-নিমিষোত্পন্ন-বিপন্ন-ভুবনাবলী ।
সহস্র-শীর্ষবদনা সহস্রাক্ষী সহস্রপাত্ ॥ ৬৬ ॥
আব্রহ্ম-কীট-জননী বর্ণাশ্রম-বিধায়িনী ।
নিজাজ্ঞারূপ-নিগমা পুণ্যাপুণ্য-ফলপ্রদা ॥ ৬৭ ॥
শ্রুতি-সীমন্ত-সিন্দূরী-কৃত-পাদাব্জ-ধূলিকা ।
সকলাগম-সন্দোহ-শুক্তি-সম্পুট-মৌক্তিকা ॥ ৬৮ ॥
পুরুষার্থপ্রদা পূর্ণা ভোগিনী ভুবনেশ্বরী ।
অম্বিকাঽনাদি-নিধনা হরিব্রহ্মেন্দ্র-সেবিতা ॥ ৬৯ ॥
নারায়ণী নাদরূপা নামরূপ-বিবর্জিতা ।
হ্রীংকারী হ্রীমতী হৃদ্যা হেয়োপাদেয়-বর্জিতা ॥ ৭০ ॥
রাজরাজার্চিতা রাজ্ঞী রম্যা রাজীবলোচনা ।
রঞ্জনী রমণী রস্যা রণত্কিঙ্কিণি-মেখলা ॥ ৭১ ॥
রমা রাকেন্দুবদনা রতিরূপা রতিপ্রিয়া ।
রক্ষাকরী রাক্ষসঘ্নী রামা রমণলম্পটা ॥ ৭২ ॥
কাম্যা কামকলারূপা কদম্ব-কুসুম-প্রিয়া ।
কল্যাণী জগতীকন্দা করুণা-রস-সাগরা ॥ ৭৩ ॥
কলাবতী কলালাপা কান্তা কাদম্বরীপ্রিয়া ।
বরদা বামনয়না বারুণী-মদ-বিহ্বলা ॥ ৭৪ ॥
বিশ্বাধিকা বেদবেদ্যা বিন্ধ্যাচল-নিবাসিনী ।
বিধাত্রী বেদজননী বিষ্ণুমায়া বিলাসিনী ॥ ৭৫ ॥
ক্ষেত্রস্বরূপা ক্ষেত্রেশী ক্ষেত্র-ক্ষেত্রজ্ঞ-পালিনী ।
ক্ষয়বৃদ্ধি-বিনির্মুক্তা ক্ষেত্রপাল-সমর্চিতা ॥ ৭৬ ॥
বিজয়া বিমলা বন্দ্যা বন্দারু-জন-বত্সলা ।
বাগ্বাদিনী বামকেশী বহ্নিমণ্ডল-বাসিনী ॥ ৭৭ ॥
ভক্তিমত্-কল্পলতিকা পশুপাশ-বিমোচিনী ।
সংহৃতাশেষ-পাষণ্ডা সদাচার-প্রবর্তিকা ॥ ৭৮ ॥ or পাখণ্ডা
তাপত্রয়াগ্নি-সন্তপ্ত-সমাহ্লাদন-চন্দ্রিকা ।
তরুণী তাপসারাধ্যা তনুমধ্যা তমোঽপহা ॥ ৭৯ ॥
চিতিস্তত্পদ-লক্ষ্যার্থা চিদেকরস-রূপিণী ।
স্বাত্মানন্দ-লবীভূত-ব্রহ্মাদ্যানন্দ-সন্ততিঃ ॥ ৮০ ॥
পরা প্রত্যক্চিতীরূপা পশ্যন্তী পরদেবতা ।
মধ্যমা বৈখরীরূপা ভক্ত-মানস-হংসিকা ॥ ৮১ ॥
কামেশ্বর-প্রাণনাডী কৃতজ্ঞা কামপূজিতা ।
শৃঙ্গার-রস-সম্পূর্ণা জয়া জালন্ধর-স্থিতা ॥ ৮২ ॥
ওড্যাণপীঠ-নিলয়া বিন্দু-মণ্ডলবাসিনী ।
রহোয়াগ-ক্রমারাধ্যা রহস্তর্পণ-তর্পিতা ॥ ৮৩ ॥
সদ্যঃপ্রসাদিনী বিশ্ব-সাক্ষিণী সাক্ষিবর্জিতা ।
ষডঙ্গদেবতা-য়ুক্তা ষাড্গুণ্য-পরিপূরিতা ॥ ৮৪ ॥
নিত্যক্লিন্না নিরুপমা নির্বাণ-সুখ-দায়িনী ।
নিত্যা-ষোডশিকা-রূপা শ্রীকণ্ঠার্ধ-শরীরিণী ॥ ৮৫ ॥
প্রভাবতী প্রভারূপা প্রসিদ্ধা পরমেশ্বরী ।
মূলপ্রকৃতির্ অব্যক্তা ব্যক্তাব্যক্ত-স্বরূপিণী ॥ ৮৬ ॥
ব্যাপিনী বিবিধাকারা বিদ্যাবিদ্যা-স্বরূপিণী ।
মহাকামেশ-নয়ন-কুমুদাহ্লাদ-কৌমুদী ॥ ৮৭ ॥
ভক্ত-হার্দ-তমোভেদ-ভানুমদ্ভানু-সন্ততিঃ ।
শিবদূতী শিবারাধ্যা শিবমূর্তিঃ শিবঙ্করী ॥ ৮৮ ॥
শিবপ্রিয়া শিবপরা শিষ্টেষ্টা শিষ্টপূজিতা ।
অপ্রমেয়া স্বপ্রকাশা মনোবাচামগোচরা ॥ ৮৯ ॥
চিচ্ছক্তিশ্ চেতনারূপা জডশক্তির্ জডাত্মিকা ।
গায়ত্রী ব্যাহৃতিঃ সন্ধ্যা দ্বিজবৃন্দ-নিষেবিতা ॥ ৯০ ॥
তত্ত্বাসনা তত্ত্বময়ী পঞ্চ-কোশান্তর-স্থিতা ।
নিঃসীম-মহিমা নিত্য-য়ৌবনা মদশালিনী ॥ ৯১ ॥ or নিস্সীম
মদঘূর্ণিত-রক্তাক্ষী মদপাটল-গণ্ডভূঃ ।
চন্দন-দ্রব-দিগ্ধাঙ্গী চাম্পেয়-কুসুম-প্রিয়া ॥ ৯২ ॥
কুশলা কোমলাকারা কুরুকুল্লা কুলেশ্বরী ।
কুলকুণ্ডালয়া কৌল-মার্গ-তত্পর-সেবিতা ॥ ৯৩ ॥
কুমার-গণনাথাম্বা তুষ্টিঃ পুষ্টির্ মতির্ ধৃতিঃ ।
শান্তিঃ স্বস্তিমতী কান্তির্ নন্দিনী বিঘ্ননাশিনী ॥ ৯৪ ॥
তেজোবতী ত্রিনয়না লোলাক্ষী-কামরূপিণী ।
মালিনী হংসিনী মাতা মলয়াচল-বাসিনী ॥ ৯৫ ॥
সুমুখী নলিনী সুভ্রূঃ শোভনা সুরনায়িকা ।
কালকণ্ঠী কান্তিমতী ক্ষোভিণী সূক্ষ্মরূপিণী ॥ ৯৬ ॥
বজ্রেশ্বরী বামদেবী বয়োঽবস্থা-বিবর্জিতা ।
সিদ্ধেশ্বরী সিদ্ধবিদ্যা সিদ্ধমাতা য়শস্বিনী ॥ ৯৭ ॥
বিশুদ্ধিচক্র-নিলয়াঽঽরক্তবর্ণা ত্রিলোচনা ।
খট্বাঙ্গাদি-প্রহরণা বদনৈক-সমন্বিতা ॥ ৯৮ ॥
পায়সান্নপ্রিয়া ত্বক্স্থা পশুলোক-ভয়ঙ্করী ।
অমৃতাদি-মহাশক্তি-সংবৃতা ডাকিনীশ্বরী ॥ ৯৯ ॥
অনাহতাব্জ-নিলয়া শ্যামাভা বদনদ্বয়া ।
দংষ্ট্রোজ্জ্বলাঽক্ষ-মালাদি-ধরা রুধিরসংস্থিতা ॥ ১০০ ॥
কালরাত্র্যাদি-শক্ত্যৌঘ-বৃতা স্নিগ্ধৌদনপ্রিয়া ।
মহাবীরেন্দ্র-বরদা রাকিণ্যম্বা-স্বরূপিণী ॥ ১০১ ॥
মণিপূরাব্জ-নিলয়া বদনত্রয়-সংয়ুতা ।
বজ্রাদিকায়ুধোপেতা ডামর্যাদিভিরাবৃতা ॥ ১০২ ॥
রক্তবর্ণা মাংসনিষ্ঠা গুডান্ন-প্রীত-মানসা ।
সমস্তভক্ত-সুখদা লাকিন্যম্বা-স্বরূপিণী ॥ ১০৩ ॥
স্বাধিষ্ঠানাম্বুজ-গতা চতুর্বক্ত্র-মনোহরা ।
শূলাদ্যায়ুধ-সম্পন্না পীতবর্ণাঽতিগর্বিতা ॥ ১০৪ ॥
মেদোনিষ্ঠা মধুপ্রীতা বন্ধিন্যাদি-সমন্বিতা ।
দধ্যন্নাসক্ত-হৃদয়া কাকিনী-রূপ-ধারিণী ॥ ১০৫ ॥
মূলাধারাম্বুজারূঢা পঞ্চ-বক্ত্রাঽস্থি-সংস্থিতা ।
অঙ্কুশাদি-প্রহরণা বরদাদি-নিষেবিতা ॥ ১০৬ ॥
মুদ্গৌদনাসক্ত-চিত্তা সাকিন্যম্বা-স্বরূপিণী ।
আজ্ঞা-চক্রাব্জ-নিলয়া শুক্লবর্ণা ষডাননা ॥ ১০৭ ॥
মজ্জাসংস্থা হংসবতী-মুখ্য-শক্তি-সমন্বিতা ।
হরিদ্রান্নৈক-রসিকা হাকিনী-রূপ-ধারিণী ॥ ১০৮ ॥
সহস্রদল-পদ্মস্থা সর্ব-বর্ণোপ-শোভিতা ।
সর্বায়ুধধরা শুক্ল-সংস্থিতা সর্বতোমুখী ॥ ১০৯ ॥
সর্বৌদন-প্রীতচিত্তা য়াকিন্যম্বা-স্বরূপিণী ।
স্বাহা স্বধাঽমতির্ মেধা শ্রুতিঃ স্মৃতির্ অনুত্তমা ॥ ১১০ ॥
পুণ্যকীর্তিঃ পুণ্যলভ্যা পুণ্যশ্রবণ-কীর্তনা ।
পুলোমজার্চিতা বন্ধ-মোচনী বন্ধুরালকা ॥ ১১১ ॥ or মোচনী বর্বরালকা
বিমর্শরূপিণী বিদ্যা বিয়দাদি-জগত্প্রসূঃ ।
সর্বব্যাধি-প্রশমনী সর্বমৃত্যু-নিবারিণী ॥ ১১২ ॥
অগ্রগণ্যাঽচিন্ত্যরূপা কলিকল্মষ-নাশিনী ।
কাত্যায়নী কালহন্ত্রী কমলাক্ষ-নিষেবিতা ॥ ১১৩ ॥
তাম্বূল-পূরিত-মুখী দাডিমী-কুসুম-প্রভা ।
মৃগাক্ষী মোহিনী মুখ্যা মৃডানী মিত্ররূপিণী ॥ ১১৪ ॥
নিত্যতৃপ্তা ভক্তনিধির্ নিয়ন্ত্রী নিখিলেশ্বরী ।
মৈত্র্যাদি-বাসনালভ্যা মহাপ্রলয়-সাক্ষিণী ॥ ১১৫ ॥
পরা শক্তিঃ পরা নিষ্ঠা প্রজ্ঞানঘন-রূপিণী ।
মাধ্বীপানালসা মত্তা মাতৃকা-বর্ণ-রূপিণী ॥ ১১৬ ॥
মহাকৈলাস-নিলয়া মৃণাল-মৃদু-দোর্লতা ।
মহনীয়া দয়ামূর্তির্ মহাসাম্রাজ্য-শালিনী ॥ ১১৭ ॥
আত্মবিদ্যা মহাবিদ্যা শ্রীবিদ্যা কামসেবিতা ।
শ্রী-ষোডশাক্ষরী-বিদ্যা ত্রিকূটা কামকোটিকা ॥ ১১৮ ॥
কটাক্ষ-কিঙ্করী-ভূত-কমলা-কোটি-সেবিতা ।
শিরঃস্থিতা চন্দ্রনিভা ভালস্থেন্দ্র-ধনুঃপ্রভা ॥ ১১৯ ॥
হৃদয়স্থা রবিপ্রখ্যা ত্রিকোণান্তর-দীপিকা ।
দাক্ষায়ণী দৈত্যহন্ত্রী দক্ষয়জ্ঞ-বিনাশিনী ॥ ১২০ ॥
দরান্দোলিত-দীর্ঘাক্ষী দর-হাসোজ্জ্বলন্-মুখী ।
গুরুমূর্তির্ গুণনিধির্ গোমাতা গুহজন্মভূঃ ॥ ১২১ ॥
দেবেশী দণ্ডনীতিস্থা দহরাকাশ-রূপিণী ।
প্রতিপন্মুখ্য-রাকান্ত-তিথি-মণ্ডল-পূজিতা ॥ ১২২ ॥
কলাত্মিকা কলানাথা কাব্যালাপ-বিনোদিনী । or বিমোদিনী
সচামর-রমা-বাণী-সব্য-দক্ষিণ-সেবিতা ॥ ১২৩ ॥
আদিশক্তির্ অমেয়াঽঽত্মা পরমা পাবনাকৃতিঃ ।
অনেককোটি-ব্রহ্মাণ্ড-জননী দিব্যবিগ্রহা ॥ ১২৪ ॥
ক্লীংকারী কেবলা গুহ্যা কৈবল্য-পদদায়িনী ।
ত্রিপুরা ত্রিজগদ্বন্দ্যা ত্রিমূর্তিস্ ত্রিদশেশ্বরী ॥ ১২৫ ॥
ত্র্যক্ষরী দিব্য-গন্ধাঢ্যা সিন্দূর-তিলকাঞ্চিতা ।
উমা শৈলেন্দ্রতনয়া গৌরী গন্ধর্ব-সেবিতা ॥ ১২৬ ॥
বিশ্বগর্ভা স্বর্ণগর্ভাঽবরদা বাগধীশ্বরী ।
ধ্যানগম্যাঽপরিচ্ছেদ্যা জ্ঞানদা জ্ঞানবিগ্রহা ॥ ১২৭ ॥
সর্ববেদান্ত-সংবেদ্যা সত্যানন্দ-স্বরূপিণী ।
লোপামুদ্রার্চিতা লীলা-কৢপ্ত-ব্রহ্মাণ্ড-মণ্ডলা ॥ ১২৮ ॥
অদৃশ্যা দৃশ্যরহিতা বিজ্ঞাত্রী বেদ্যবর্জিতা ।
য়োগিনী য়োগদা য়োগ্যা য়োগানন্দা য়ুগন্ধরা ॥ ১২৯ ॥
ইচ্ছাশক্তি-জ্ঞানশক্তি-ক্রিয়াশক্তি-স্বরূপিণী ।
সর্বাধারা সুপ্রতিষ্ঠা সদসদ্রূপ-ধারিণী ॥ ১৩০ ॥
অষ্টমূর্তির্ অজাজৈত্রী লোকয়াত্রা-বিধায়িনী । or অজাজেত্রী
একাকিনী ভূমরূপা নির্দ্বৈতা দ্বৈতবর্জিতা ॥ ১৩১ ॥
অন্নদা বসুদা বৃদ্ধা ব্রহ্মাত্মৈক্য-স্বরূপিণী ।
বৃহতী ব্রাহ্মণী ব্রাহ্মী ব্রহ্মানন্দা বলিপ্রিয়া ॥ ১৩২ ॥
ভাষারূপা বৃহত্সেনা ভাবাভাব-বিবর্জিতা ।
সুখারাধ্যা শুভকরী শোভনা সুলভা গতিঃ ॥ ১৩৩ ॥
রাজ-রাজেশ্বরী রাজ্য-দায়িনী রাজ্য-বল্লভা ।
রাজত্কৃপা রাজপীঠ-নিবেশিত-নিজাশ্রিতা ॥ ১৩৪ ॥
রাজ্যলক্ষ্মীঃ কোশনাথা চতুরঙ্গ-বলেশ্বরী ।
সাম্রাজ্য-দায়িনী সত্যসন্ধা সাগরমেখলা ॥ ১৩৫ ॥
দীক্ষিতা দৈত্যশমনী সর্বলোক-বশঙ্করী ।
সর্বার্থদাত্রী সাবিত্রী সচ্চিদানন্দ-রূপিণী ॥ ১৩৬ ॥
দেশ-কালাপরিচ্ছিন্না সর্বগা সর্বমোহিনী ।
সরস্বতী শাস্ত্রময়ী গুহাম্বা গুহ্যরূপিণী ॥ ১৩৭ ॥
সর্বোপাধি-বিনির্মুক্তা সদাশিব-পতিব্রতা ।
সম্প্রদায়েশ্বরী সাধ্বী গুরুমণ্ডল-রূপিণী ॥ ১৩৮ ॥
কুলোত্তীর্ণা ভগারাধ্যা মায়া মধুমতী মহী ।
গণাম্বা গুহ্যকারাধ্যা কোমলাঙ্গী গুরুপ্রিয়া ॥ ১৩৯ ॥
স্বতন্ত্রা সর্বতন্ত্রেশী দক্ষিণামূর্তি-রূপিণী ।
সনকাদি-সমারাধ্যা শিবজ্ঞান-প্রদায়িনী ॥ ১৪০ ॥
চিত্কলাঽঽনন্দ-কলিকা প্রেমরূপা প্রিয়ঙ্করী ।
নামপারায়ণ-প্রীতা নন্দিবিদ্যা নটেশ্বরী ॥ ১৪১ ॥
মিথ্যা-জগদধিষ্ঠানা মুক্তিদা মুক্তিরূপিণী ।
লাস্যপ্রিয়া লয়করী লজ্জা রম্ভাদিবন্দিতা ॥ ১৪২ ॥
ভবদাব-সুধাবৃষ্টিঃ পাপারণ্য-দবানলা ।
দৌর্ভাগ্য-তূলবাতূলা জরাধ্বান্ত-রবিপ্রভা ॥ ১৪৩ ॥
ভাগ্যাব্ধি-চন্দ্রিকা ভক্ত-চিত্তকেকি-ঘনাঘনা ।
রোগপর্বত-দম্ভোলির্ মৃত্যুদারু-কুঠারিকা ॥ ১৪৪ ॥
মহেশ্বরী মহাকালী মহাগ্রাসা মহাশনা ।
অপর্ণা চণ্ডিকা চণ্ডমুণ্ডাসুর-নিষূদিনী ॥ ১৪৫ ॥
ক্ষরাক্ষরাত্মিকা সর্ব-লোকেশী বিশ্বধারিণী ।
ত্রিবর্গদাত্রী সুভগা ত্র্যম্বকা ত্রিগুণাত্মিকা ॥ ১৪৬ ॥
স্বর্গাপবর্গদা শুদ্ধা জপাপুষ্প-নিভাকৃতিঃ ।
ওজোবতী দ্যুতিধরা য়জ্ঞরূপা প্রিয়ব্রতা ॥ ১৪৭ ॥
দুরারাধ্যা দুরাধর্ষা পাটলী-কুসুম-প্রিয়া ।
মহতী মেরুনিলয়া মন্দার-কুসুম-প্রিয়া ॥ ১৪৮ ॥
বীরারাধ্যা বিরাড্রূপা বিরজা বিশ্বতোমুখী ।
প্রত্যগ্রূপা পরাকাশা প্রাণদা প্রাণরূপিণী ॥ ১৪৯ ॥
মার্তাণ্ড-ভৈরবারাধ্যা মন্ত্রিণীন্যস্ত-রাজ্যধূঃ । or মার্তণ্ড
ত্রিপুরেশী জয়ত্সেনা নিস্ত্রৈগুণ্যা পরাপরা ॥ ১৫০ ॥
সত্য-জ্ঞানানন্দ-রূপা সামরস্য-পরায়ণা ।
কপর্দিনী কলামালা কামধুক্ কামরূপিণী ॥ ১৫১ ॥
কলানিধিঃ কাব্যকলা রসজ্ঞা রসশেবধিঃ ।
পুষ্টা পুরাতনা পূজ্যা পুষ্করা পুষ্করেক্ষণা ॥ ১৫২ ॥
পরংজ্যোতিঃ পরংধাম পরমাণুঃ পরাত্পরা ।
পাশহস্তা পাশহন্ত্রী পরমন্ত্র-বিভেদিনী ॥ ১৫৩ ॥
মূর্তাঽমূর্তাঽনিত্যতৃপ্তা মুনিমানস-হংসিকা ।
সত্যব্রতা সত্যরূপা সর্বান্তর্যামিনী সতী ॥ ১৫৪ ॥
ব্রহ্মাণী ব্রহ্মজননী বহুরূপা বুধার্চিতা ।
প্রসবিত্রী প্রচণ্ডাঽঽজ্ঞা প্রতিষ্ঠা প্রকটাকৃতিঃ ॥ ১৫৫ ॥
প্রাণেশ্বরী প্রাণদাত্রী পঞ্চাশত্পীঠ-রূপিণী ।
বিশৃঙ্খলা বিবিক্তস্থা বীরমাতা বিয়ত্প্রসূঃ ॥ ১৫৬ ॥
মুকুন্দা মুক্তিনিলয়া মূলবিগ্রহ-রূপিণী ।
ভাবজ্ঞা ভবরোগঘ্নী ভবচক্র-প্রবর্তিনী ॥ ১৫৭ ॥
ছন্দঃসারা শাস্ত্রসারা মন্ত্রসারা তলোদরী ।
উদারকীর্তির্ উদ্দামবৈভবা বর্ণরূপিণী ॥ ১৫৮ ॥
জন্মমৃত্যু-জরাতপ্ত-জনবিশ্রান্তি-দায়িনী ।
সর্বোপনিষ-দুদ্-ঘুষ্টা শান্ত্যতীত-কলাত্মিকা ॥ ১৫৯ ॥
গম্ভীরা গগনান্তস্থা গর্বিতা গানলোলুপা ।
কল্পনা-রহিতা কাষ্ঠাঽকান্তা কান্তার্ধ-বিগ্রহা ॥ ১৬০ ॥
কার্যকারণ-নির্মুক্তা কামকেলি-তরঙ্গিতা ।
কনত্কনকতা-টঙ্কা লীলা-বিগ্রহ-ধারিণী ॥ ১৬১ ॥
অজা ক্ষয়বিনির্মুক্তা মুগ্ধা ক্ষিপ্র-প্রসাদিনী ।
অন্তর্মুখ-সমারাধ্যা বহির্মুখ-সুদুর্লভা ॥ ১৬২ ॥
ত্রয়ী ত্রিবর্গনিলয়া ত্রিস্থা ত্রিপুরমালিনী ।
নিরাময়া নিরালম্বা স্বাত্মারামা সুধাসৃতিঃ ॥ ১৬৩ ॥ or সুধাস্রুতিঃ
সংসারপঙ্ক-নির্মগ্ন-সমুদ্ধরণ-পণ্ডিতা ।
য়জ্ঞপ্রিয়া য়জ্ঞকর্ত্রী য়জমান-স্বরূপিণী ॥ ১৬৪ ॥
ধর্মাধারা ধনাধ্যক্ষা ধনধান্য-বিবর্ধিনী ।
বিপ্রপ্রিয়া বিপ্ররূপা বিশ্বভ্রমণ-কারিণী ॥ ১৬৫ ॥
বিশ্বগ্রাসা বিদ্রুমাভা বৈষ্ণবী বিষ্ণুরূপিণী ।
অয়োনির্ য়োনিনিলয়া কূটস্থা কুলরূপিণী ॥ ১৬৬ ॥
বীরগোষ্ঠীপ্রিয়া বীরা নৈষ্কর্ম্যা নাদরূপিণী ।
বিজ্ঞানকলনা কল্যা বিদগ্ধা বৈন্দবাসনা ॥ ১৬৭ ॥
তত্ত্বাধিকা তত্ত্বময়ী তত্ত্বমর্থ-স্বরূপিণী ।
সামগানপ্রিয়া সৌম্যা সদাশিব-কুটুম্বিনী ॥ ১৬৮ ॥ or সোম্যা
সব্যাপসব্য-মার্গস্থা সর্বাপদ্বিনিবারিণী ।
স্বস্থা স্বভাবমধুরা ধীরা ধীরসমর্চিতা ॥ ১৬৯ ॥
চৈতন্যার্ঘ্য-সমারাধ্যা চৈতন্য-কুসুমপ্রিয়া ।
সদোদিতা সদাতুষ্টা তরুণাদিত্য-পাটলা ॥ ১৭০ ॥
দক্ষিণা-দক্ষিণারাধ্যা দরস্মের-মুখাম্বুজা ।
কৌলিনী-কেবলাঽনর্ঘ্য-কৈবল্য-পদদায়িনী ॥ ১৭১ ॥
স্তোত্রপ্রিয়া স্তুতিমতী শ্রুতি-সংস্তুত-বৈভবা ।
মনস্বিনী মানবতী মহেশী মঙ্গলাকৃতিঃ ॥ ১৭২ ॥
বিশ্বমাতা জগদ্ধাত্রী বিশালাক্ষী বিরাগিণী ।
প্রগল্ভা পরমোদারা পরামোদা মনোময়ী ॥ ১৭৩ ॥
ব্যোমকেশী বিমানস্থা বজ্রিণী বামকেশ্বরী ।
পঞ্চয়জ্ঞ-প্রিয়া পঞ্চ-প্রেত-মঞ্চাধিশায়িনী ॥ ১৭৪ ॥
পঞ্চমী পঞ্চভূতেশী পঞ্চ-সংখ্যোপচারিণী ।
শাশ্বতী শাশ্বতৈশ্বর্যা শর্মদা শম্ভুমোহিনী ॥ ১৭৫ ॥
ধরা ধরসুতা ধন্যা ধর্মিণী ধর্মবর্ধিনী ।
লোকাতীতা গুণাতীতা সর্বাতীতা শমাত্মিকা ॥ ১৭৬ ॥
বন্ধূক-কুসুমপ্রখ্যা বালা লীলাবিনোদিনী ।
সুমঙ্গলী সুখকরী সুবেষাঢ্যা সুবাসিনী ॥ ১৭৭ ॥
সুবাসিন্যর্চন-প্রীতাঽঽশোভনা শুদ্ধমানসা ।
বিন্দু-তর্পণ-সন্তুষ্টা পূর্বজা ত্রিপুরাম্বিকা ॥ ১৭৮ ॥
দশমুদ্রা-সমারাধ্যা ত্রিপুরাশ্রী-বশঙ্করী ।
জ্ঞানমুদ্রা জ্ঞানগম্যা জ্ঞানজ্ঞেয়-স্বরূপিণী ॥ ১৭৯ ॥
য়োনিমুদ্রা ত্রিখণ্ডেশী ত্রিগুণাম্বা ত্রিকোণগা ।
অনঘাঽদ্ভুত-চারিত্রা বাঞ্ছিতার্থ-প্রদায়িনী ॥ ১৮০ ॥
অভ্যাসাতিশয়-জ্ঞাতা ষডধ্বাতীত-রূপিণী ।
অব্যাজ-করুণা-মূর্তির্ অজ্ঞান-ধ্বান্ত-দীপিকা ॥ ১৮১ ॥
আবাল-গোপ-বিদিতা সর্বানুল্লঙ্ঘ্য-শাসনা ।
শ্রীচক্ররাজ-নিলয়া শ্রীমত্-ত্রিপুরসুন্দরী ॥ ১৮২ ॥
শ্রীশিবা শিব-শক্ত্যৈক্য-রূপিণী ললিতাম্বিকা ।
এবং শ্রীললিতা দেব্যা নাম্নাং সাহস্রকং জগুঃ ॥
॥ ইতি শ্রীব্রহ্মাণ্ডপুরাণে উত্তরখণ্ডে শ্রীহয়গ্রীবাগস্ত্যসংবাদে
শ্রীললিতা সহস্রনাম স্তোত্র কথনং সম্পূর্ণম্ ॥
– Chant Stotra in Other Languages –
1000 Names of Sri Lalita Devi » Sahasranama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil