॥ Vasudeva Sahasranama Stotram Odia Lyrics ॥
॥ ଶ୍ରୀଵିଷ୍ଣୁ ଅପରନାମ ଵାସୁଦେଵସହସ୍ରନାମସ୍ତୋତ୍ରମ୍ ॥
ପଦ୍ମପୁରାଣେ ଉତ୍ତରଖଣ୍ଡେ – ଵାସୁଦେଵସହସ୍ରନାମସ୍ତୋତ୍ରଂ
ନାରଦପଞ୍ଚରାତ୍ରେ ଵିଷ୍ଣୁସହସ୍ରନାମଂ ଚ
ବ୍ରହ୍ମନାରଦ – ପାର୍ଵତୀଶିଵସଂଵାଦାତ୍ମକଂ
ଵିନିୟୋଗଃ
ଓଂ ଅସ୍ୟ ଶ୍ରୀଵିଷ୍ଣୋସ୍ସହସ୍ରନାମସ୍ତୋତ୍ରମନ୍ତ୍ରସ୍ୟ ଶ୍ରୀମହାଦେଵ ଋଷିଃ ।
ଅନୁଷ୍ଟୁପ୍ଛନ୍ଦଃ । ଶ୍ରୀଵିଷ୍ଣୁଃ ପରମାତ୍ମା ଦେଵତା। ହ୍ରୀଂ ବୀଜଂ।
ଶ୍ରୀଂ ଶକ୍ତିଃ । କ୍ଲୀଂ କୀଲକମ୍।
ଧର୍ମାର୍ଥକାମମୋକ୍ଷପ୍ରାପ୍ତ୍ତ୍ୟର୍ଥେ ନାମପାରାୟଣେ ଵିନିୟୋଗଃ ।
କରନ୍ୟାସଃ ।
ଓଂ ଵାସୁଦେଵଃ ପରଂ ବ୍ରହ୍ମ ଇତ୍ୟଙ୍ଗୁଷ୍ଠାଭ୍ୟାଂ ନମଃ ॥ ୧ ॥
ଓଂ ମୂଲପ୍ରକୃତିରିତି ତର୍ଜନୀଭ୍ୟାଂ ନମଃ ॥ ୨ ॥
ଓଂ ମହାଵରାହ ଇତି ମଧ୍ୟମାଭ୍ୟାଂ ନମଃ ॥ ୩ ॥
ସୂର୍ୟଵଂଶଧ୍ଵଜ ଇତି ଅନାମିକାଭ୍ୟାଂ ନମଃ ॥ ୪ ॥
ବ୍ରହ୍ମାଦିକାମ୍ୟଲଲିତଜଗଦାଶ୍ଚର୍ୟଶୈଶଵ ଇତି କନିଷ୍ଠିକାଭ୍ୟାଂ ନମଃ ॥ ୫ ॥
ୟଥାର୍ଥଖଣ୍ଡିତାଶେଷ ଇତି କରତଲକରପୃଷ୍ଠାଭ୍ୟାଂ ନମଃ ॥
ଏଵଂ ହୃଦୟାଦିନ୍ୟାସଃ ॥ ଓଂ ନମୋ ନାରାୟଣାୟେତି ଦିଗ୍ବନ୍ଧଃ ॥
॥ ଧ୍ୟାନମ୍ ॥
ଓଂ ନମୋ ନାରାୟଣାୟ ପୁରୁଷାୟ ମହାତ୍ମନେ ।
ଵିଶୁଦ୍ଧସତ୍ତ୍ଵଧିଷ୍ଣ୍ୟାୟ ମହାହଂସାୟ ଧୀମହି ॥
ଲମିତ୍ୟାଦି ପଞ୍ଚପୂଜା । ଓଂ ନମୋ ନାରାୟଣାୟ ଇତି (୨)
ଓଂ ହ୍ରାଂ ହ୍ରୀଂ ହ୍ରୂଂ ହୈଂ ହ୍ରୌଂ ହ୍ରଃ
କ୍ଲୀଂ କୃଷ୍ଣାୟ ଵିଷ୍ଣଵେ ହ୍ରୀଂ ରାମାୟ ଧୀମହି ।
ତନ୍ନୋ ଦେଵଃ ପ୍ରଚୋଦୟାତ୍ ଇତି ॥
କ୍ଷ୍ରୌଂ ନୃସିଂହାୟ ଵିଦ୍ମହେ ଶ୍ରୀଂ ଶ୍ରୀକଣ୍ଠାୟ ଧୀମହି ।
ତନ୍ନୋ ଵିଷ୍ଣୁଃ ପ୍ରଚୋଦୟାତ୍ ଇତି ॥
ଓଂ ଵାସୁଦେଵାୟ ଵିଦ୍ମହେ ଦେଵକୀସୁତାୟ ଧୀମହି ।
ତନ୍ନଃ କୃଷ୍ଣଃ ପ୍ରଚୋଦୟାତ୍ ଇତି ॥
ଓଂ ହ୍ରାଂ ହ୍ରୀଂ ହ୍ରୂଂ ହୈଂ ହ୍ରୌଂ ହ୍ରଃ ।
କ୍ଲୀଂ କୃଷ୍ଣାୟ ଗୋଵିନ୍ଦାୟ ଗୋପୀଜନଵଲ୍ଲଭାୟ ସ୍ଵାହା ଇତି
ଵା ମନ୍ତ୍ରଂ ୟଥୋଚିତଂ ଜପ୍ତ୍ଵା ଧ୍ୟାୟେତ୍ ।
॥ ଧ୍ୟାନମ୍ ॥
ଵିଷ୍ଣୁଂ ଭାସ୍ଵତ୍କିରୀଟାଙ୍ଗଦଵଲୟଗଣାକଲ୍ପହାରୋଦରାଙ୍ଘ୍ରିଂ
ଶ୍ରୀଭୂଷଂ ଶ୍ରୀସୁଵକ୍ଷୋମଣି ମକରମହାକୁଣ୍ଡଲଂ ମଣ୍ଡିତାଶମ୍ ।
ହସ୍ତୋଦ୍ୟଚ୍ଚକ୍ରଶଙ୍ଖାମ୍ବୁଜଗଲମମଲଂ ପୀତକୌଶୟଵାସଂ
ଵିଦ୍ୟୋତଦ୍ଭାସମୁଦ୍ୟଦ୍ଦିନକରସଦୃଶଂ ପଦ୍ମସଂସ୍ଥଂ ନମାମି ॥
ଓଂ ଵାସୁଦେଵଃ ପରଂ ବ୍ରହ୍ମ ପରମାତ୍ମା ପରାତ୍ପରଃ ।
ପରଂ ଧାମ ପରଂ ଜ୍ୟୋତିଃ ପରଂ ତତ୍ତ୍ଵଂ ପରଂ ପଦମ୍ ॥ ୧ ॥
ପରଂ ଶିଵଃ ପରୋ ଧ୍ୟେୟଃ ପରଂ ଜ୍ଞାନଂ ପରା ଗତିଃ ।
ପରମାର୍ଥଃ ପରଂ ଶ୍ରେୟଃ ପରାନନ୍ଦଃ ପରୋଦୟଃ ॥ ୨ ॥
ପରୋଽଵ୍ୟକ୍ତାତ୍ପରଂ ଵ୍ୟୋମ ପରମର୍ଦ୍ଧିଃ ପରେଶ୍ଵରଃ ।
ନିରାମୟୋ ନିର୍ଵିକାରୋ ନିର୍ଵିକଲ୍ପୋ ନିରାଶ୍ରୟଃ ॥ ୩ ॥
ନିରଞ୍ଜନୋ ନିରାତଙ୍କୋ ନିର୍ଲେପୋ ନିରଵଗ୍ରହଃ ।
ନିର୍ଗୁଣୋ ନିଷ୍କଲୋଽନନ୍ତୋଽଭୟୋଽଚିନ୍ତ୍ୟୋ ବଲୋଚିତଃ ॥ ୪ ॥
ଅତୀନ୍ଦ୍ରିୟୋଽମିତୋଽପାରୋଽନୀଶୋଽନୀହୋଽଵ୍ୟୟୋଽକ୍ଷୟଃ ।
ସର୍ଵଜ୍ଞଃ ସର୍ଵଗଃ ସର୍ଵଃ ସର୍ଵଦଃ ସର୍ଵଭାଵନଃ ॥ ୫ ॥
ସର୍ଵଶାସ୍ତା ସର୍ଵସାକ୍ଷୀ ପୂଜ୍ୟଃ ସର୍ଵସ୍ୟ ସର୍ଵଦୃକ୍ ।
ସର୍ଵଶକ୍ତିଃ ସର୍ଵସାରଃ ସର୍ଵାତ୍ମା ସର୍ଵତୋମୁଖଃ ॥ ୬ ॥
ସର୍ଵାଵାସଃ ସର୍ଵରୂପଃ ସର୍ଵାଦିଃ ସର୍ଵଦୁଃଖହା ।
ସର୍ଵାର୍ଥଃ ସର୍ଵତୋଭଦ୍ରଃ ସର୍ଵକାରଣକାରଣମ୍ ॥ ୭ ॥
ସର୍ଵାତିଶାୟିତଃ ସର୍ଵାଧ୍ୟକ୍ଷଃ ସର୍ଵସୁରେଶ୍ଵରଃ ।
ଷଡ୍ଵିଂଶକୋ ମହାଵିଷ୍ଣୁର୍ମହାଗୁହ୍ୟୋ ମହାଵିଭୁଃ ॥ ୮ ॥
ନିତ୍ୟୋଦିତୋ ନିତ୍ୟୟୁକ୍ତୋ ନିତ୍ୟାନନ୍ଦଃ ସନାତନଃ ।
ମାୟାପତିର୍ୟୋଗପତିଃ କୈଵଲ୍ୟପତିରାତ୍ମଭୂଃ ॥ ୯ ॥
ଜନ୍ମମୃତ୍ୟୁଜରାତୀତଃ କାଲାତୀତୋ ଭଵାତିଗଃ ।
ପୂର୍ଣଃ ସତ୍ୟଃ ଶୁଦ୍ଧବୁଦ୍ଧସ୍ଵରୂପୋ ନିତ୍ୟଚିନ୍ମୟଃ ॥ ୧୦ ॥
ୟୋଗିପ୍ରିୟୋ ୟୋଗମୟୋ ଭଵବନ୍ଧୈକମୋଚକଃ ।
ପୁରାଣଃ ପୁରୁଷଃ ପ୍ରତ୍ୟକ୍ଚୈତନ୍ୟଂ ପୁରୁଷୋତ୍ତମଃ ॥ ୧୧ ॥
ଵେଦାନ୍ତଵେଦ୍ୟୋ ଦୁର୍ଜ୍ଞେୟସ୍ତାପତ୍ରୟଵିଵର୍ଜିତଃ ।
ବ୍ରହ୍ମଵିଦ୍ୟାଶ୍ରୟୋଽନାଦ୍ୟଃ ସ୍ଵପ୍ରକାଶଃ ସ୍ଵୟମ୍ପ୍ରଭୁଃ ॥ ୧୨ ॥
ସର୍ଵୋପେୟ ଉଦାସୀନଃ ପ୍ରଣଵଃ ସର୍ଵତଃ ସମଃ ।
ସର୍ଵାନଵଦ୍ୟୋ ଦୁଷ୍ପ୍ରାପ୍ୟସ୍ତୁରୀୟସ୍ତମସଃ ପରଃ ॥ ୧୩ ॥
କୂଟସ୍ଥଃ ସର୍ଵସଂଶ୍ଲିଷ୍ଟୋ ଵାଙ୍ଗମନୋଗୋଚରାତିଗଃ ।
ସଙ୍କର୍ଷଣଃ ସର୍ଵହରଃ କାଲଃ ସର୍ଵଭୟଙ୍କରଃ ॥ ୧୪ ॥
ଅନୁଲ୍ଲଙ୍ଘ୍ୟଶ୍ଚିତ୍ରଗତିର୍ମହାରୁଦ୍ରୋ ଦୁରାସଦଃ ।
ମୂଲପ୍ରକୃତିରାନନ୍ଦଃ ପ୍ରଦ୍ୟୁମ୍ନୋ ଵିଶ୍ଵମୋହନଃ ॥ ୧୫ ॥
ମହାମାୟୋ ଵିଶ୍ଵବୀଜଂ ପରାଶକ୍ତିସୁଖୈକଭୁକ୍ ।
ସର୍ଵକାମ୍ୟୋଽନନ୍ତଶୀଲଃ ସର୍ଵଭୂତଵଶଙ୍କରଃ ॥ ୧୬ ॥
ଅନିରୁଦ୍ଧଃ ସର୍ଵଜୀଵୋ ହୃଷୀକେଶୋ ମନଃ ପତିଃ ।
ନିରୁପାଧିପ୍ରିୟୋ ହଂସୋଽକ୍ଷରଃ ସର୍ଵନିୟୋଜକଃ ॥ ୧୭ ॥
ବ୍ରହ୍ମ ପ୍ରାଣେଶ୍ଵରଃ ସର୍ଵଭୂତଭୃଦ୍ଦେହନାୟକଃ ।
କ୍ଷେତ୍ରଜ୍ଞଃ ପ୍ରକୃତିସ୍ଵାମୀ ପୁରୁଷୋ ଵିଶ୍ଵସୂତ୍ରଧୃକ୍ ॥ ୧୮ ॥
ଅନ୍ତର୍ୟାମୀ ତ୍ରିଧାମାଽନ୍ତଃସାକ୍ଷୀ ତ୍ରିଗୁଣ ଈଶ୍ଵରଃ ।
ୟୋଗିଗମ୍ୟଃ ପଦ୍ମନାଭଃ ଶେଷଶାୟୀ ଶ୍ରିୟଃ ପତିଃ ॥ ୧୯ ॥
ଶ୍ରୀସଦୋପାସ୍ୟପାଦାବ୍ଜୋ ନିତ୍ୟଶ୍ରୀଃ ଶ୍ରୀନିକେତନଃ ।
ନିତ୍ୟଂ ଵକ୍ଷଃସ୍ଥଲସ୍ଥଶ୍ରୀଃ ଶ୍ରୀନିଧିଃ ଶ୍ରୀଧରୋ ହରିଃ ॥ ୨୦ ॥
ଵଶ୍ୟଶ୍ରୀର୍ନିଶ୍ଚଲଃ ଶ୍ରୀଦୋ ଵିଷ୍ଣୁଃ କ୍ଷୀରାବ୍ଧିମନ୍ଦିରଃ ।
କୌସ୍ତୁଭୋଦ୍ଭାସିତୋରସ୍କୋ ମାଧଵୋ ଜଗଦାର୍ତିହା ॥ ୨୧ ॥
ଶ୍ରୀଵତ୍ସଵକ୍ଷା ନିଃସୀମକଲ୍ୟାଣଗୁଣଭାଜନମ୍ ।
ପୀତାମ୍ବରୋ ଜଗନ୍ନାଥୋ ଜଗତ୍ତ୍ରାତା ଜଗତ୍ପିତା ॥ ୨୨ ॥
ଜଗଦ୍ବନ୍ଧୁର୍ଜଗତ୍ସ୍ରଷ୍ଟା ଜଗଦ୍ଧାତା ଜଗନ୍ନିଧିଃ ।
ଜଗଦେକସ୍ଫୁରଦ୍ଵୀର୍ୟୋଽନହଂଵାଦୀ ଜଗନ୍ମୟଃ ॥ ୨୩ ॥
ସର୍ଵାଶ୍ଚର୍ୟମୟଃ ସର୍ଵସିଦ୍ଧାର୍ଥଃ ସର୍ଵରଞ୍ଜିତଃ ।
ସର୍ଵାମୋଘୋଦ୍ୟମୋ ବ୍ରହ୍ମରୁଦ୍ରାଦ୍ୟୁତ୍କୃଷ୍ଟଚେତନଃ ॥ ୨୪ ॥
ଶମ୍ଭୋଃ ପିତାମହୋ ବ୍ରହ୍ମପିତା ଶକ୍ରାଦ୍ୟଧୀଶ୍ଵରଃ ।
ସର୍ଵଦେଵପ୍ରିୟଃ ସର୍ଵଦେଵମୂର୍ତିରନୁତ୍ତମଃ ॥ ୨୫ ॥
ସର୍ଵଦେଵୈକଶରଣଂ ସର୍ଵଦେଵୈକଦୈଵତମ୍ ।
ୟଜ୍ଞଭୁଗ୍ୟଜ୍ଞଫଲଦୋ ୟଜ୍ଞେଶୋ ୟଜ୍ଞଭାଵନଃ ॥ ୨୬ ॥
ୟଜ୍ଞତ୍ରାତା ୟଜ୍ଞପୁମାନ୍ ଵନମାଲୀ ଦ୍ଵିଜପ୍ରିୟଃ ।
ଦ୍ଵିଜୈକମାନଦୋ ଵିପ୍ରକୁଲଦେଵୋଽସୁରାନ୍ତକଃ ॥ ୨୭ ॥
ସର୍ଵଦୁଷ୍ଟାନ୍ତକୃତ୍ସର୍ଵସଜ୍ଜନାନନ୍ୟପାଲକଃ ।
ସପ୍ତଲୋକୈକଜଠରଃ ସପ୍ତଲୋକୈକମଣ୍ଡନଃ ॥ ୨୮ ॥
ସୃଷ୍ଟିସ୍ଥିତ୍ୟନ୍ତକୃଚ୍ଚକ୍ରୀ ଶାର୍ଙ୍ଗଧନ୍ଵା ଗଦାଧରଃ ।
ଶଙ୍ଖଭୃନ୍ନନ୍ଦକୀ ପଦ୍ମପାଣିର୍ଗରୁଡଵାହନଃ ॥ ୨୯ ॥
ଅନିର୍ଦେଶ୍ୟଵପୁଃ ସର୍ଵପୂଜ୍ୟସ୍ତ୍ରୈଲୋକ୍ୟପାଵନଃ ।
ଅନନ୍ତକୀର୍ତିର୍ନିଃସୀମପୌରୁଷଃ ସର୍ଵମଙ୍ଗଲଃ ॥ ୩୦ ॥
ସୂର୍ୟକୋଟିପ୍ରତୀକାଶୋ ୟମକୋଟିଦୁରାସଦଃ ।
ମୟକୋଟିଜଗତ୍ସ୍ତ୍ରଷ୍ଟା ଵାୟୁକୋଟିମହାବଲଃ ॥ ୩୧ ॥
କୋଟୀନ୍ଦୁଜଗଦାନନ୍ଦୀ ଶମ୍ଭୁକୋଟିମହେଶ୍ଵରଃ ।
କନ୍ଦର୍ପକୋଟିଲାଵଣ୍ୟୋ ଦୁର୍ଗାକୋଟିଵିମର୍ଦନଃ ॥ ୩୨ ॥
ସମୁଦ୍ରକୋଟିଗମ୍ଭୀରସ୍ତୀର୍ଥକୋଟିସମାହ୍ଵୟଃ ।
କୁବେରକୋଟିଲକ୍ଷ୍ମୀଵାନ୍ ଶକ୍ରକୋଟିଵିଲାସଵାନ୍ ॥ ୩୩ ॥
ହିମଵତ୍କୋଟିନିଷ୍କମ୍ପଃ କୋଟିବ୍ରହ୍ମାଣ୍ଡଵିଗ୍ରହଃ ।
କୋଟ୍ୟଶ୍ଵମେଧପାପଘ୍ନୋ ୟଜ୍ଞକୋଟିସମାର୍ଚନଃ ॥ ୩୪ ॥
ସୁଧାକୋଟିସ୍ଵାସ୍ଥ୍ୟହେତୁଃ କାମଧୁକ୍କୋଟିକାମଦଃ ।
ବ୍ରହ୍ମଵିଦ୍ୟାକୋଟିରୂପଃ ଶିପିଵିଷ୍ଟଃ ଶୁଚିଶ୍ରଵାଃ ॥ ୩୫ ॥
ଵିଶ୍ଵମ୍ଭରସ୍ତୀର୍ଥପାଦଃ ପୁଣ୍ୟଶ୍ରଵଣକୀର୍ତନଃ ।
ଆଦିଦେଵୋ ଜଗଜ୍ଜୈତ୍ରୋ ମୁକୁନ୍ଦଃ କାଲନେମିହା ॥ ୩୬ ॥
ଵୈକୁଣ୍ଠେଶ୍ଵରମାହାତ୍ମ୍ୟୋ ମହାୟୋଗେଶ୍ଵରୋତ୍ସଵଃ ।
ନିତ୍ୟତୃପ୍ତୋ ଲସଦ୍ଭାଵୋ ନିଃଶଙ୍କୋ ନରକାନ୍ତକଃ ॥ ୩୭ ॥
ଦୀନାନାଥୈକଶରଣଂ ଵିଶ୍ଵୈକଵ୍ୟସନାପହଃ ।
ଜଗତ୍କୃପାକ୍ଷମୋ ନିତ୍ୟଂ କୃପାଲୁଃ ସଜ୍ଜନାଶ୍ରୟଃ ॥ ୩୮ ॥
ୟୋଗେଶ୍ଵରଃ ସଦୋଦୀର୍ଣୋ ଵୃଦ୍ଧିକ୍ଷୟଵିଵର୍ଜିତଃ ।
ଅଧୋକ୍ଷଜୋ ଵିଶ୍ଵରେତା ପ୍ରଜାପତିଶତାଧିପଃ ॥ ୩୯ ॥
ଶକ୍ରବ୍ରହ୍ମାର୍ଚିତପଦଃ ଶମ୍ଭୁବ୍ରହ୍ମୋର୍ଧ୍ଵଧାମଗଃ ।
ସୂର୍ୟସୋମେକ୍ଷଣୋ ଵିଶ୍ଵଭୋକ୍ତା ସର୍ଵସ୍ୟ ପାରଗଃ ॥ ୪୦ ॥
ଜଗତ୍ସେତୁଧର୍ମସେତୁଧରୋ ଵିଶ୍ଵଧୁରନ୍ଧରଃ ।
ନିର୍ମମୋଽଖିଲଲୋକେଶୋ ନିଃସଙ୍ଗୋଽଦ୍ଭୁତଭୋଗଵାନ୍ ॥ ୪୧ ॥
ଵଶ୍ୟମାୟୋ ଵଶ୍ୟଵିଶ୍ଵୋ ଵିଷ୍ଵକ୍ସେନୋ ସୁରୋତ୍ତମଃ ।
ସର୍ଵଶ୍ରେୟଃ ପତିର୍ଦିଵ୍ୟାନର୍ଧ୍ୟଭୂଷଣଭୂଷିତଃ ॥ ୪୨ ॥
ସର୍ଵଲକ୍ଷଣଲକ୍ଷଣ୍ୟଃ ସର୍ଵଦୈତ୍ୟେନ୍ଦ୍ରଦର୍ପହା ।
ସମସ୍ତଦେଵସର୍ଵସ୍ଵଂ ସର୍ଵଦୈଵତନାୟକଃ ॥ ୪୩ ॥
ସମସ୍ତଦେଵକଵଚଂ ସର୍ଵଦେଵଶିରୋମଣିଃ ।
ସମସ୍ତଦେଵତାଦୁର୍ଗଃ ପ୍ରପନ୍ନାଶନିପଞ୍ଜରଃ ॥ ୪୪ ॥
ସମସ୍ତଭୟହୃନ୍ନାମା ଭଗଵାନ୍ଵିଷ୍ଟରଶ୍ରଵାଃ ।
ଵିଭୁଃ ସର୍ଵହିତୋଦର୍କୋ ହତାରିଃ ସ୍ଵର୍ଗତିପ୍ରଦଃ ॥ ୪୫ ॥
ସର୍ଵଦୈଵତଜୀଵେଶୋ ବ୍ରାହ୍ମଣାଦିନିୟୋଜକଃ ।
ବ୍ରହ୍ମା ଶମ୍ଭୁଃ ଶତାର୍ଧାୟୁର୍ବ୍ରହ୍ମଜ୍ୟେଷ୍ଠଃ ଶିଶୁଃ ସ୍ଵରାଟ୍ ॥ ୪୬ ॥
ଵିରାଡ୍ ଭକ୍ତପରାଧୀନଃ ସ୍ତୁତ୍ୟଃ ସ୍ତୋତ୍ରାର୍ଥସାଧକଃ ।
ପରାର୍ଥକର୍ତା କୃତ୍ୟଜ୍ଞଃ ସ୍ଵାର୍ଥକୃତ୍ୟସଦୋଜ୍ଜ୍ଞିତଃ ॥ ୪୭ ॥
ସଦାନଦଃ ସଦାଭଦ୍ରଃ ସଦାଶାନ୍ତଃ ସଦାଶିଵଃ ।
ସଦାପ୍ରିୟଃ ସଦାତୁଷ୍ଟଃ ସଦାପୁଷ୍ଟଃ ସଦାର୍ଚିତଃ ॥ ୪୮ ॥
ସଦାପୂତଃ ପାଵନାଗ୍ରୋ ଵେଦଗୁହ୍ୟୋ ଵୃଷାକପିଃ ।
ସହସ୍ରନାମା ତ୍ରିୟୁଗଶ୍ଚତୁମୂର୍ତିଶ୍ଚତୁର୍ଭୁଜଃ ॥ ୪୯ ॥
ଭୂତଭଵ୍ୟଭଵନ୍ନାଥୋ ମହାପୁରୁଷପୂର୍ଵଜଃ ।
ନାରାୟଣୋ ମୁଞ୍ଜକେଶଃ ସର୍ଵୟୋଗଵିନିଃସୃତଃ ॥ ୫୦ ॥
ଵେଦସାରୋ ୟଜ୍ଞସାରଃ ସାମସାରସ୍ତପୋନିଧିଃ ।
ସାଧ୍ୟଃ ଶ୍ରେଷ୍ଠଃ ପୁରାଣର୍ଷିର୍ନିଷ୍ଠାଶାନ୍ତିଃ ପରାୟଣମ୍ ॥ ୫୧ ॥
ଶିଵତ୍ରିଶୂଲଵିଧ୍ଵଂସୀ ଶ୍ରୀକଣ୍ଠୈକଵରପ୍ରଦଃ ।
ନରଃ କୃଷ୍ଣୋ ହରିର୍ଧର୍ମନନ୍ଦନୋ ଧର୍ମଜୀଵନଃ ॥ ୫୨ ॥
ଆଦିକର୍ତା ସର୍ଵସତ୍ୟଃ ସର୍ଵସ୍ତ୍ରୀରତ୍ନଦର୍ପହା ।
ତ୍ରିକାଲଜିତକନ୍ଦର୍ପ ଉର୍ଵଶୀଦୃଙ୍ମୁନୀଶ୍ଵରଃ ॥ ୫୩ ॥
ଆଦ୍ୟଃ କଵିର୍ହୟଗ୍ରୀଵଃ ସର୍ଵଵାଗୀଶ୍ଵରେଶ୍ଵରଃ ।
ସର୍ଵଦେଵମୟୋ ବ୍ରହ୍ମା ଗୁରୁର୍ଵାଗୀଶ୍ଵରୀପତିଃ ॥ ୫୪ ॥
ଅନନ୍ତଵିଦ୍ୟାପ୍ରଭଵୋ ମୂଲାଵିଦ୍ୟାଵିନାଶକଃ ।
ସର୍ଵଜ୍ଞଦୋ ଜଗଜ୍ଜାଡ୍ୟନାଶକୋ ମଧୁସୂଦନଃ ॥ ୫୫ ॥
ଅନନ୍ତମନ୍ତ୍ରକୋଟୀଶଃ ଶବ୍ଦବ୍ରହ୍ମୈକପାରଗଃ ।
ଆଦିଵିଦ୍ଵାନ୍ ଵେଦକର୍ତା ଵେଦାତ୍ମା ଶ୍ରୁତିସାଗରଃ ॥ ୫୬ ॥
ବ୍ରହ୍ମାର୍ଥଵେଦହରଣଃ ସର୍ଵଵିଜ୍ଞାନଜନ୍ମଭୂଃ ।
ଵିଦ୍ୟାରାଜୋ ଜ୍ଞାନମୂର୍ତିର୍ଜ୍ଞାନସିନ୍ଧୁରଖଣ୍ଡଧୀଃ ॥ ୫୭ ॥
ମତ୍ସ୍ୟଦେଵୋ ମହାଶୃଙ୍ଗୋ ଜଗଦ୍ବୀଜଵହିତ୍ରଦୃକ୍ ।
ଲୀଲାଵ୍ୟାପ୍ତାନିଲାମ୍ଭୋଧିଶ୍ଚତୁର୍ଵେଦପ୍ରର୍ଵତକଃ ॥ ୫୮ ॥
ଆଦିକୂର୍ମୋଽଖିଲାଧାରସ୍ତୃଣୀକୃତଜଗଦ୍ଭରଃ ।
ଅମରୀକୃତଦେଵୌଘଃ ପୀୟୂଷୋତ୍ପତ୍ତିକାରଣମ୍ ॥ ୫୯ ॥
ଆତ୍ମାଧାରୋ ଧରାଧାରୋ ୟଜ୍ଞାଙ୍ଗୋ ଧରଣୀଧରଃ ।
ହିରଣ୍ୟାକ୍ଷହରଃ ପୃଧ୍ଵୀପତିଃ ଶ୍ରାଦ୍ଧାଦିକଲ୍ପକଃ ॥ ୬୦ ॥
ସମସ୍ତପିତୃଭୀତିଘ୍ନଃ ସମସ୍ତପିତୃଜୀଵନମ୍ ।
ହଵ୍ୟକଵ୍ୟୈକଭୁକ୍ ହଵ୍ୟକଵ୍ୟୈକଫଲଦାୟକଃ ॥ ୬୧ ॥
ରୋମାନ୍ତର୍ଲୀନଜଲଧିଃ କ୍ଷୋଭିତାଶେଷସାଗରଃ ।
ମହାଵରାହୋ ୟଜ୍ଞସ୍ୟ ଧ୍ଵଂସକୋ ୟାଜ୍ଞିକାଶ୍ରୟଃ ॥ ୬୨ ॥
ଶ୍ରୀନୃସିଂହୋ ଦିଵ୍ୟସିଂହଃ ସର୍ଵାନିଷ୍ଟାର୍ଥଦୁଃଖହା ।
ଏକଵୀରୋଽଦ୍ଭୁତବଲୋ ୟନ୍ତ୍ରମନ୍ତ୍ରୈକମ୍ଭଞ୍ଜନଃ ॥ ୬୩ ॥
ବ୍ରହ୍ମାଦିଦୁଃସହଜ୍ୟୋତିର୍ୟୁଗାନ୍ତାଗ୍ନ୍ୟତିଭୀଷଣଃ ।
କୋଟିଵଜ୍ରାଧିକନଖୋ ଜଗଦ୍ଦୁଷ୍ପ୍ରେକ୍ଷ୍ୟମୂର୍ତିଧୃକ୍ ॥ ୬୪ ॥
ମାତୃଚକ୍ରପ୍ରମଥନୋ ମହାମାତୃଗଣେଶ୍ଵରଃ ।
ଅଚିନ୍ତ୍ୟାମୋଘଵୀର୍ୟାଢ୍ୟଃ ସମସ୍ତାସୁରଘସ୍ମରଃ ॥ ୬୫ ॥
ହିରଣ୍ୟକଶିପୁଚ୍ଛେଦୀ କାଲଃ ସଙ୍କର୍ଷିଣୀପତିଃ ।
କୃତାନ୍ତଵାହନାସହ୍ୟଃ ସମସ୍ତଭୟନାଶନଃ ॥ ୬୬ ॥
ସର୍ଵଵିଘ୍ନାନ୍ତକଃ ସର୍ଵସିଦ୍ଧିଦଃ ସର୍ଵପୂରକଃ ।
ସମସ୍ତପାତକଧ୍ଵଂସୀ ସିଦ୍ଧମନ୍ତ୍ରାଧିକାହ୍ଵୟଃ ॥ ୬୭ ॥
ଭୈରଵେଶୋ ହରାର୍ତିଘ୍ନଃ କାଲକଲ୍ପୋ ଦୁରାସଦଃ ।
ଦୈତ୍ୟଗର୍ଭସ୍ରାଵିନାମା ସ୍ଫୁଟଦ୍ବ୍ରହ୍ମାଣ୍ଡଵର୍ଜିତଃ ॥ ୬୮ ॥
ସ୍ମୃତିମାତ୍ରାଖିଲତ୍ରାତାଦ୍ଭୁତରୂପୋ ମହାହରିଃ ।
ବ୍ରହ୍ମଚର୍ୟଶିରଃପିଣ୍ଡୀ ଦିକ୍ପାଲୋଽର୍ଧାଙ୍ଗଭୂଷଣଃ ॥ ୬୯ ॥
ଦ୍ଵାଦଶାର୍କଶିରୋଦାମା ରୁଦ୍ରଶୀର୍ଷୈକନୂପୁରଃ ।
ୟୋଗିନୀଗ୍ରସ୍ତଗିରିଜାତ୍ରାତା ଭୈରଵତର୍ଜକଃ ॥ ୭୦ ॥
ଵୀରଚକ୍ରେଶ୍ଵରୋଽତ୍ୟୁଗ୍ରୋଽପମାରିଃ କାଲଶମ୍ବରଃ ।
କ୍ରୋଧେଶ୍ଵରୋ ରୁଦ୍ରଚଣ୍ଡୀପରିଵାରାଦିଦୁଷ୍ଟଭୁକ୍ ॥ ୭୧ ॥
ସର୍ଵାକ୍ଷୋଭ୍ୟୋ ମୃତ୍ୟୁମୃତ୍ୟୁଃ କାଲମୃତ୍ୟୁନିଵର୍ତକଃ ।
ଅସାଧ୍ୟସର୍ଵଦେଵଘ୍ନଃ ସର୍ଵଦୁର୍ଗ୍ରହସୌମ୍ୟକୃତ୍ ॥ ୭୨ ॥
ଗଣେଶକୋଟିଦର୍ପଘ୍ନୋ ଦୁଃସହାଶେଷଗୋତ୍ରହା ।
ଦେଵଦାନଵଦୁର୍ଦର୍ଶୋ ଜଗଦ୍ଭୟଦଭୀଷଣଃ ॥ ୭୩ ॥
ସମସ୍ତଦୁର୍ଗତିତ୍ରାତା ଜଗଦ୍ଭକ୍ଷକଭକ୍ଷକଃ ।
ଉଗ୍ରଶାମ୍ବରମାର୍ଜାରଃ କାଲମୂଷକଭକ୍ଷକଃ ॥ ୭୪ ॥
ଅନନ୍ତାୟୁଧଦୋର୍ଦଣ୍ଡୀ ନୃସିଂହୋ ଵୀରଭଦ୍ରଜିତ୍ ।
ୟୋଗିନୀଚକ୍ରଗୁହ୍ୟେଶଃ ଶକ୍ରାରିପଶୁମାଂସଭୁକ୍ ॥ ୭୫ ॥
ରୁଦ୍ରୋ ନାରାୟଣୋ ମେଷରୂପଶଙ୍କରଵାହନଃ ।
ମେଷରୂପଶିଵତ୍ରାତା ଦୁଷ୍ଟଶକ୍ତିସହସ୍ରଭୁକ୍ ॥ ୭୬ ॥
ତୁଲସୀଵଲ୍ଲଭୋ ଵୀରୋ ଵାମାଚାରୋଽଖିଲେଷ୍ଟଦଃ ।
ମହାଶିଵଃ ଶିଵାରୁଢୋ ଭୈରଵୈକକପାଲଧୃକ୍ ॥ ୭୭ ॥
ଭିଲ୍ଲୀଚକ୍ରେଶ୍ଵରଃ ଶକ୍ରଦିଵ୍ୟମୋହନରୂପଦଃ ।
ଗୌରୀସୌଭାଗ୍ୟଦୋ ମାୟାନିଧିର୍ମାୟାଭୟାପହଃ ॥ ୭୮ ॥
ବ୍ରହ୍ମତେଜୋମୟୋ ବ୍ରହ୍ମଶ୍ରୀମୟଶ୍ଚ ତ୍ରୟୀମୟଃ ।
ସୁବ୍ରହ୍ମଣ୍ୟୋ ବଲିଧ୍ଵଂସୀ ଵାମନୋଽଦିତିଦୁଃଖହା ॥ ୭୯ ॥
ଉପେନ୍ଦ୍ରୋ ନୃପତିର୍ଵିଷ୍ଣୁଃ କଶ୍ୟପାନ୍ଵୟମଣ୍ଡନଃ ।
ବଲିସ୍ଵରାଜ୍ୟଦଃ ସର୍ଵଦେଵଵିପ୍ରାନ୍ନଦୋଽଚ୍ୟୁତଃ ॥ ୮୦ ॥
ଉରୁକ୍ରମସ୍ତୀର୍ଥପାଦସ୍ତ୍ରିପଦସ୍ଥସ୍ତ୍ରିଵିକ୍ରମଃ ।
ଵ୍ୟୋମପାଦଃ ସ୍ଵପାଦାମ୍ଭଃପଵିତ୍ରିତଜଗତ୍ତ୍ରୟଃ ॥ ୮୧ ॥
ବ୍ରହ୍ମେଶାଦ୍ୟଭିଵନ୍ଦ୍ୟାଙ୍ଘ୍ରିର୍ଦ୍ରୁତଧର୍ମାଙ୍ଘ୍ରିଧାଵନଃ ।
var ର୍ଦ୍ରୁତକର୍ମାଦ୍ରିଧାରଣଃ
ଅଚିନ୍ତ୍ୟାଦ୍ଭୁତଵିସ୍ତାରୋ ଵିଶ୍ଵଵୃକ୍ଷୋ ମହାବଲଃ ॥ ୮୨ ॥
ରାହୁମୂର୍ଧାପରାଙ୍ଗଛିଦ୍ ଭୃଗୁପତ୍ନୀଶିରୋହରଃ ।
ପାପତ୍ରସ୍ତଃ ସଦାପୁଣ୍ୟୋ ଦୈତ୍ୟାଶାନିତ୍ୟଖଣ୍ଡନଃ ॥ ୮୩ ॥
ପୂରିତାଖିଲଦେଵେଶୋ ଵିଶ୍ଵାର୍ଥୈକାଵତାରକୃତ୍ ।
ସ୍ଵମାୟାନିତ୍ୟଗୁପ୍ତାତ୍ମା ଭକ୍ତଚିନ୍ତାମଣିଃ ସଦା ॥ ୮୪ ॥
ଵରଦଃ କାର୍ତଵୀର୍ୟାଦିରାଜରାଜ୍ୟପ୍ରଦୋଽନଘଃ ।
ଵିଶ୍ଵଶ୍ଲାଘ୍ୟାମିତାଚାରୋ ଦତ୍ତାତ୍ରେୟୋ ମୁନୀଶ୍ଵରଃ ॥ ୮୫ ॥
ପରାଶକ୍ତିସଦାଶ୍ଲିଷ୍ଟୋ ୟୋଗାନନ୍ଦଃ ସଦୋନ୍ମଦଃ ।
ସମସ୍ତେନ୍ଦ୍ରାରିତେଜୋହୃତ୍ପରମାମୃତପଦ୍ମପଃ ॥ ୮୬ ॥
ଅନସୂୟାଗର୍ଭରତ୍ନଂ ଭୋଗମୋକ୍ଷସୁଖପ୍ରଦଃ ।
ଜମଦଗ୍ନିକୁଲାଦିତ୍ୟୋ ରେଣୁକାଦ୍ଭୁତଶକ୍ତିକୃତ୍ ॥ ୮୭ ॥
ମାତୃହତ୍ୟାଦିନିର୍ଲେପଃ ସ୍କନ୍ଦଜିଦ୍ଵିପ୍ରରାଜ୍ୟଦଃ ।
ସର୍ଵକ୍ଷତ୍ରାନ୍ତକୃଦ୍ଵୀରଦର୍ପହା କାର୍ତଵୀର୍ୟଜିତ୍ ॥ ୮୮ ॥
ସପ୍ତଦ୍ଵୀପଵତୀଦାତା ଶିଵାଚାର୍ୟୟଶଃପ୍ରଦଃ ।
ଭୀମଃ ପରଶୁରାମଶ୍ଚ ଶିଵାଚାର୍ୟୈକଵିପ୍ରଭୁକ୍ ॥ ୮୯ ॥
ଶିଵାଖିଲଜ୍ଞାନକୋଷୋ ଭୀଷ୍ମାଚାର୍ୟୋଽଗ୍ନିଦୈଵତଃ ।
ଦ୍ରୋଣାଚାର୍ୟଗୁରୁର୍ଵିଶ୍ଵଜୈତ୍ରଧନ୍ଵା କୃତାନ୍ତଜିତ୍ ॥ ୯୦ ॥
ଅଦ୍ଵିତୀୟତପୋମୂର୍ତିର୍ବ୍ରହ୍ମଚର୍ୟୈକଦକ୍ଷିଣଃ ।
ମନୁଃ ଶ୍ରେଷ୍ଠଃ ସତାଂ ସେତୁର୍ମହୀୟାନ୍ ଵୃଷଭୋ ଵିରାଟ୍ ॥ ୯୧ ॥
ଆଦିରାଜଃ କ୍ଷିତିପିତା ସର୍ଵରତ୍ନୈକଦୋହକୃତ୍ ।
ପୃଥୁର୍ଜନ୍ମାଦ୍ୟେକଦକ୍ଷୋ ଗୀଃଶ୍ରୀକୀର୍ତ୍ତିସ୍ଵୟଂଵୃତଃ ॥ ୯୨ ॥
ଜଗଦ୍ଵୃତ୍ତିପ୍ରଦଶ୍ଚକ୍ରଵର୍ତିଶ୍ରେଷ୍ଠୋଽଦ୍ଵୟାସ୍ତ୍ରଧୃକ୍ ।
ସନକାଦିମୁନିପ୍ରାପ୍ୟୋ ଭଗଵଦ୍ଭକ୍ତିଵର୍ଧନଃ ॥। ୯୩ ॥
ଵର୍ଣାଶ୍ରମାଦିଧର୍ମାଣାଂ କର୍ତା ଵକ୍ତା ପ୍ରଵର୍ତକଃ ।
ସୂର୍ୟଵଂଶଧ୍ଵଜୋ ରାମୋ ରାଧଵଃ ସଦ୍ଗୁଣାର୍ଣଵଃ ॥ ୯୪ ॥
କାକୁତ୍ସ୍ଥୋ ଵୀରରାଡ୍ ରାଜା ରାଜଧର୍ମଧୁରନ୍ଧରଃ ।
ନିତ୍ୟସ୍ଵଃସ୍ଥାଶ୍ରୟଃ ସର୍ଵଭଦ୍ରଗ୍ରାହୀ ଶୁଭୈକଦୃକ୍ ॥। ୯୫ ॥
ନରରତ୍ନଂ ରତ୍ନଗର୍ଭୋ ଧର୍ମାଧ୍ୟକ୍ଷୋ ମହାନିଧିଃ ।
ସର୍ଵଶ୍ରେଷ୍ଠାଶ୍ରୟଃ ସର୍ଵଶାସ୍ତ୍ରାର୍ଥଗ୍ରାମଵୀର୍ୟଵାନ୍ ॥ ୯୬ ॥
ଜଗଦ୍ଵଶୋ ଦାଶରଥିଃ ସର୍ଵରତ୍ନାଶ୍ରୟୋ ନୃପଃ ।
ସମସ୍ତଧର୍ମସୂଃ ସର୍ଵଧର୍ମଦ୍ରଷ୍ଟାଽଖିଲାଘହା ॥ ୯୭ ॥
ଅତୀନ୍ଦ୍ରୋ ଜ୍ଞାନଵିଜ୍ଞାନପାରଦଶ୍ଚ କ୍ଷମାମ୍ବୁଧିଃ ।
ସର୍ଵପ୍ରକୃଷ୍ଟଶିଷ୍ଟେଷ୍ଟୋ ହର୍ଷଶୋକାଦ୍ୟନାକୁଲଃ ॥ ୯୮ ॥
ପିତ୍ରାଜ୍ଞାତ୍ୟକ୍ତସାମ୍ରାଜ୍ୟଃ ସପତ୍ନୋଦୟନିର୍ଭୟଃ ।
ଗୁହାଦେଶାର୍ପିତୈଶ୍ଵର୍ୟଃ ଶିଵସ୍ପର୍ଧୀ ଜଟାଧରଃ ॥। ୯୯ ॥
ଚିତ୍ରକୂଟାପ୍ତରତ୍ନାଦ୍ରିର୍ଜଗଦୀଶୋ ଵନେଚରଃ ।
ୟଥେଷ୍ଟାମୋଘସର୍ଵାସ୍ତ୍ରୋ ଦେଵେନ୍ଦ୍ରତନୟାକ୍ଷିହା ॥ ୧୦୦ ॥
ବ୍ରହ୍ମେନ୍ଦ୍ରାଦିନତୈଷୀକୋ ମାରୀଚଘ୍ନୋ ଵିରାଧହା ।
ବ୍ରହ୍ମଶାପହତାଶେଷଦଣ୍ଡକାରଣ୍ୟପାଵନଃ ॥ ୧୦୧ ॥
ଚତୁର୍ଦଶସହସ୍ରୋଗ୍ରରକ୍ଷୋଘ୍ନୈକଶରୈକଧୃକ୍ ।
ଖରାରିସ୍ତ୍ରିଶିରୋହନ୍ତା ଦୂଷଣଘ୍ନୋ ଜନାର୍ଦନଃ ॥ ୧୦୨ ॥
ଜଟାୟୁଷୋଽଗ୍ନିଗତିଦୋ କବନ୍ଧସ୍ଵର୍ଗଦାୟକଃ ।
ଲୀଲାଧନୁଃକୋଟ୍ୟାପାସ୍ତଦୁନ୍ଦୁଭ୍ୟସ୍ଥିମହାଚୟଃ ॥ ୧୦୩ ॥
ସପ୍ତତାଲଵ୍ୟଧାକୃଷ୍ଟଧ୍ଵଜପାତାଲଦାନଵଃ ।
ସୁଗ୍ରୀଵରାଜ୍ୟଦୋଽହୀନମନସୈଵାଭୟପ୍ରଦଃ ॥ ୧୦୪ ॥
ହନୂମଦ୍ରୁଦ୍ରମୁଖ୍ୟେଶଃ ସମସ୍ତକପିଦେହଭୃତ୍ ।
ସନାଗଦୈତ୍ୟବାଣୈକଵ୍ୟାକୁଲୀକୃତସାଗରଃ ॥ ୧୦୫ ॥
ସମ୍ଲେଚ୍ଛକୋଟିବାଣୈକଶୁଷ୍କନିର୍ଦଗ୍ଧସାଗରଃ ।
ସମୁଦ୍ରାଦ୍ଭୁତପୂର୍ଵୈକବଦ୍ଧସେତୁର୍ୟଶୋନିଧିଃ ॥ ୧୦୬ ॥
ଅସାଧ୍ୟସାଧକୋ ଲଙ୍କାସମୂଲୋତ୍କର୍ଷଦକ୍ଷିଣଃ ।
ଵରଦୃପ୍ତଜଗଚ୍ଛଲ୍ୟପୌଲସ୍ତ୍ୟକୁଲକୃନ୍ତନଃ ॥ ୧୦୭ ॥
ରାଵଣିଘ୍ନଃ ପ୍ରହସ୍ତଚ୍ଛିତ୍ କୁମ୍ଭକର୍ଣଭିଦୁଗ୍ରହା ।
ରାଵଣୈକଶିରଚ୍ଛେତ୍ତା ନିଃଶଙ୍କେନ୍ଦ୍ରୈକରାଜ୍ୟଦଃ ॥ ୧୦୮ ॥
ସ୍ଵର୍ଗାସ୍ଵର୍ଗତ୍ଵଵିଚ୍ଛେଦୀ ଦେଵେନ୍ଦ୍ରାଦିନ୍ଦ୍ରତାହରଃ ।
ରକ୍ଷୋଦେଵତ୍ଵହୃଦ୍ଧର୍ମାଧର୍ମଧ୍ନଶ୍ଚ ପୁରୁଷ୍ଟୁତଃ ॥ ୧୦୯ ॥
ନତିମାତ୍ରଦଶାସ୍ୟାରିର୍ଦତ୍ତରଜ୍ୟଵିଭୀଷଣଃ ।
ସୁଧାଵୃଷ୍ଟିଭୃତାଶେଷସ୍ଵସୈନ୍ୟୋଜ୍ଜୀଵନୈକକୃତ୍ ॥ ୧୧୦ ॥
ଦେଵବ୍ରାହ୍ମଣନାମୈକଧାତା ସର୍ଵାମରାର୍ଚିତଃ ।
ବ୍ରହ୍ମସୂର୍ୟେନ୍ଦ୍ରରୁଦ୍ରାଦିଵୃନ୍ଦାର୍ପିତସତୀପ୍ରିୟଃ ॥ ୧୧୧ ॥
ଅୟୋଧ୍ୟାଖିଲରାଜନ୍ୟଃ ସର୍ଵଭୂତମନୋହରଃ ।
ସ୍ଵାମିତୁଲ୍ୟକୃପାଦଣ୍ଡୋ ହୀନୋତ୍କୃଷ୍ଟୈକସତ୍ପ୍ରିୟଃ ॥ ୧୧୨ ॥
ସ୍ଵପକ୍ଷାଦିନ୍ୟାୟଦର୍ଶୀ ହୀନାର୍ଥାଧିକସାଧକଃ ।
ଵ୍ୟାଧଵ୍ୟାଜାନୁଚିତକୃତ୍ତାରକୋଽଖିଲତୁଲ୍ୟକୃତ୍ ॥ ୧୧୩ ॥
ପାର୍ଵତ୍ୟାଽଧିକୟୁକ୍ତାତ୍ମା ପ୍ରିୟାତ୍ୟକ୍ତଃ ସ୍ମରାରିଜିତ୍ ।
ସାକ୍ଷାତ୍କୁଶଲଵଚ୍ଛଦ୍ମେନ୍ଦ୍ରାଗ୍ନିତାତୋଽପରାଜିତଃ ॥ ୧୧୪ ॥
କୋଶଲେନ୍ଦ୍ରୋ ଵୀରବାହୁଃ ସତ୍ୟାର୍ଥତ୍ୟକ୍ତସୋଦରଃ ।
ଶରସନ୍ଧାନନିର୍ଧୂତଧରଣୀମଣ୍ଡଲୋଦୟଃ ॥ ୧୧୫ ॥
ବ୍ରହ୍ମାଦିକାମ୍ୟସାନ୍ନିଧ୍ୟସନାଥୀକୃତଦୈଵତଃ ।
ବ୍ରହ୍ମଲୋକାପ୍ତଚାଣ୍ଡାଲାଦ୍ୟଶେଷପ୍ରାଣିସାର୍ଥକଃ ॥ ୧୧୬ ॥
ସ୍ଵର୍ନୀତଗର୍ଦଭାଶ୍ଵାଦିଃ ଚିରାୟୋଧ୍ୟାଵନୈକକୃତ୍ତ୍ ।
ରାମାଦ୍ଵିତୀୟଃ ସୌମିତ୍ରିର୍ଲକ୍ଷ୍ମଣଃ ପ୍ରହତେନ୍ଦ୍ରଜିତ୍ ॥ ୧୧୭ ॥
ଵିଷ୍ଣୁଭକ୍ତ୍ୟାପ୍ତରାମାଙ୍ଘ୍ରିଃ ପାଦୁକାରାଜ୍ୟନିର୍ଵୃତଃ ।
ଭରତୋଽସହ୍ୟଗନ୍ଧର୍ଵକୋଟିଘ୍ନୋ ଲଵଣାନ୍ତକଃ ॥ ୧୧୮ ॥
ଶତ୍ରୁଘ୍ନୋ ଵୈଦ୍ୟରାଜାୟୁର୍ଵେଦଗର୍ଭୌଷଧୀପତିଃ ।
ନିତ୍ୟାମୃତକରୋ ଧନ୍ଵନ୍ତରିର୍ୟଜ୍ଞୋ ଜଗଦ୍ଧରଃ ॥ ୧୧୯ ॥
ସୂର୍ୟାରିଘ୍ନଃ ସୁରାଜୀଵୋ ଦକ୍ଷିଣେଶୋ ଦ୍ଵିଜପ୍ରିୟଃ ।
ଛିନ୍ନମୂର୍ଧୋପଦେଶାର୍କଃ ଶେଷାଙ୍ଗସ୍ଥାପିତାମରଃ ॥ ୧୨୦ ॥
ଵିଶ୍ଵାର୍ଥାଶେଷକୃଦ୍ରାହୁଶିରଶ୍ଛେଦାକ୍ଷତାକୃତିଃ ।
ଵାଜପେୟାଦିନାମାଗ୍ନିର୍ଵେଦଧର୍ମାପରାୟଣଃ ॥ ୧୨୧ ॥
ଶ୍ଵେତଦ୍ଵୀପପତିଃ ସାଙ୍ଖ୍ୟପ୍ରଣେତା ସର୍ଵସିଦ୍ଧିରାଟ୍ ।
ଵିଶ୍ଵପ୍ରକାଶିତଜ୍ଞାନୟୋଗୋ ମୋହତମିସ୍ରହା ॥ ୧୨୨ ॥
ଦେଵହୂତ୍ୟାତ୍ମଜଃ ସିଦ୍ଧଃ କପିଲଃ କର୍ଦମାତ୍ମଜଃ ।
ୟୋଗସ୍ଵମୀ ଧ୍ୟାନଭଙ୍ଗସଗରାତ୍ମଜଭସ୍ମକୃତ୍ ॥ ୧୨୩ ॥
ଧର୍ମୋ ଵିଶ୍ଵେନ୍ଦ୍ରସୁରଭୀପତିଃ ଶୁଦ୍ଧାତ୍ମଭାଵିତଃ ।
ଶମ୍ଭୁସ୍ତ୍ରିପୁରଦାହୈକସ୍ଥୈର୍ୟଵିଶ୍ଵରଥୋଦ୍ଧତଃ ॥ ୧୨୪ ॥
ଭକ୍ତଶମ୍ଭୁଜିତୋ ଦୈତ୍ୟାମୃତଵାପୀସମସ୍ତପଃ ।
ମହାପ୍ରଲୟଵିଶ୍ଵୈକୋଽଦ୍ଵିତୀୟୋଽଖିଲନାଗରାଟ୍ ॥ ୧୨୫ ॥
ଶେଷଦେଵଃ ସହସ୍ରାକ୍ଷଃ ସହସ୍ରାସ୍ୟଶିରୋଭୁଜଃ ।
ଫଣାମଣିକଣାକାରୟୋଜିତାବ୍ଧ୍ୟମ୍ବୁଦକ୍ଷିତିଃ ॥ ୧୨୬ ॥
କାଲାଗ୍ନିରୁଦ୍ରଜନକୋ ମୁସଲାସ୍ତ୍ରୋ ହଲାୟୁଧଃ ।
ନୀଲାମ୍ବରୋ ଵାରୁଣୀଶୋ ମନୋଵାକ୍କାୟଦୋଷହା ॥ ୧୨୭ ॥
ଅସନ୍ତୋଷଦୃଷ୍ଟିମାତ୍ରପାତିତୈକଦଶାନନଃ ।
ବଲିସଂୟମନୋ ଘୋରୋ ରୌହିଣେୟଃ ପ୍ରଲମ୍ବହା ॥ ୧୨୮ ॥
ମୁଷ୍ଟିକଘ୍ନୋ ଦ୍ଵିଵିଦହା କାଲିନ୍ଦୀକର୍ଷଣୋ ବଲଃ ।
ରେଵତୀରମଣଃ ପୂର୍ଵଭକ୍ତିଖେଦାଚ୍ୟୁତାଗ୍ରଜଃ ॥ ୧୨୯ ॥
ଦେଵକୀଵସୁଦେଵାହ୍ଵକଶ୍ୟପାଦିତିନନ୍ଦନଃ ।
ଵାର୍ଷ୍ଣେୟଃ ସାତ୍ଵତାଂ ଶ୍ରେଷ୍ଠଃ ଶୌରିର୍ୟଦୁକୁଲୋଦ୍ଵହଃ ॥ ୧୩୦ ॥
ନରାକୃତିଃ ପରଂ ବ୍ରହ୍ମ ସଵ୍ୟସାଚୀଵରପ୍ରଦଃ ।
ବ୍ରହ୍ମାଦିକାମ୍ୟଲାଲିତ୍ୟଜଗଦାଶ୍ଚୈର୍ୟଶୈଶଵଃ ॥ ୧୩୧ ॥
ପୂତନାଧ୍ନଃ ଶକଟଭିଦ୍ ୟମଲାର୍ଜୁନଭଞ୍ଜନଃ ।
ଵାତାସୁରାରିଃ କେଶିଘ୍ନୋ ଧେନୁକାରିର୍ଗଵୀଶ୍ଵରଃ ॥ ୧୩୨ ॥
ଦାମୋଦରୋ ଗୋପଦେଵୋ ୟଶୋଦାଽଽନନ୍ଦକାରକଃ ।
କାଲୀୟମର୍ଦନଃ ସର୍ଵଗୋପଗୋପୀଜନପ୍ରିୟଃ ॥ ୧୩୩ ॥
ଲୀଲାଗୋଵର୍ଧନଧରୋ ଗୋଵିନ୍ଦୋ ଗୋକୁଲୋତ୍ସଵଃ ।
ଅରିଷ୍ଟମଥନଃ କାମୋନ୍ମତ୍ତଗୋପୀଵିମୁକ୍ତିଦଃ ॥ ୧୩୪ ॥
ସଦ୍ୟଃ କୁଵଲୟାପୀଡଘାତୀ ଚାଣୂରମର୍ଦନଃ ।
କଂସାରିରୁଗ୍ରସେନାଦିରାଜ୍ୟଵ୍ୟାପାରିତାପରଃ ॥ ୧୩୫ ॥
ସୁଧର୍ମାଙ୍କିତଭୂଲୋକୋ ଜରାସନ୍ଧବଲାନ୍ତକଃ ।
ତ୍ୟକ୍ତଭକ୍ତଜରାସନ୍ଧଭୀମସେନୟଶଃପ୍ରଦଃ ॥ ୧୩୬ ॥
ସାନ୍ଦୀପନିମୃତାପତ୍ୟଦାତା କାଲାନ୍ତକାଦିଜିତ୍ ।
ସମସ୍ତନାରକିତ୍ରାତା ସର୍ଵଭୂପତିକୋଟିଜିତ୍ ॥ ୧୩୭ ॥
ରୁକ୍ମିଣୀରମଣୋ ରୁକ୍ମିଶାସନୋ ନରକାନ୍ତକଃ ।
ସମସ୍ତସୁନ୍ଦରୀକାନ୍ତୋ ମୁରାରିର୍ଗରୁଡଧ୍ଵଜଃ ॥ ୧୩୮ ॥
ଏକାକୀଜିତରୁଦ୍ରାର୍କମରୁଦାଦ୍ୟଖିଲେଶ୍ଵରଃ ।
ଦେଵେନ୍ଦ୍ରଦର୍ପହା କଲ୍ପଦ୍ରୁମାଲଙ୍କୃତଭୂତଲଃ ॥ ୧୩୯ ॥
ବାଣବାହୁସହସ୍ରଚ୍ଛିନ୍ନନ୍ଦ୍ୟାଦିଗଣକୋଟିଜିତ୍ ।
ଲୀଲାଜିତମହାଦେଵୋ ମହାଦୈଵେକପୂଜିତଃ ॥ ୧୪୦ ॥
ଇନ୍ଦ୍ରାର୍ଥାର୍ଜୁନନିର୍ଭଙ୍ଗଜୟଦଃ ପାଣ୍ଡଵୈକଧୃକ୍ ।
କାଶୀରାଜଶିରସ୍ଛେତ୍ତା ରୁଦ୍ରଶକ୍ତ୍ତ୍ୟେକମର୍ଦନଃ ॥ ୧୪୧ ॥
ଵିଶ୍ଵେଶ୍ଵରପ୍ରସାଦାକ୍ଷଃ କାଶୀରାଜସୁତାର୍ଦନଃ ।
ଶମ୍ଭୁପ୍ରତିଜ୍ଞାଵିଧ୍ଵଂସୀ କାଶୀନିର୍ଦଗ୍ଧ ନାୟକଃ ॥ ୧୪୨ ॥
କାଶୀଶଗଣକୋଟିଘ୍ନଃ ଲୋକଶିକ୍ଷାଶିଵାର୍ଚକଃ ।
ୟୁଵତୀଵ୍ରତପୋଵଶ୍ୟଃ ପୁରା ଶିଵଵରପ୍ରଦଃ ॥ ୧୪୩ ॥
ଶଙ୍କରୈକପ୍ରତିଷ୍ଠାଧୃକ୍ ସ୍ଵାଂଶଶଙ୍କରପୂଜକଃ ।
ଶିଵକନ୍ୟାଵ୍ରତପତିଃ କୃଷ୍ଣରୂପଶିଵାରିହା ॥ ୧୪୪ ॥
ମହାଲକ୍ଷ୍ମୀଵପୁର୍ଗୌରୀତ୍ରାତା ଵୈଦଲଵୃତ୍ରହା ।
ସ୍ଵଧାମମୁଚୁକୁନ୍ଦୈକନିଷ୍କାଲୟଵନେଷ୍ଟକୃତ୍ ॥ ୧୪୫ ॥
ୟମୁନାପତିରାନୀତପରିଲୀନଶିଵାତ୍ମଜଃ ।
ଶ୍ରୀଦାମରଙ୍କଭକ୍ତାର୍ଥଭୂମ୍ୟାନୀତେନ୍ଦ୍ରଵୈଭଵଃ ॥ ୧୪୬ ॥
ଦୁର୍ଵୃତ୍ତଶିଶୁପାଲୈକମୁକ୍ତିକୋଦ୍ଧାରକେଶ୍ଵରଃ ।
ଆଚାଣ୍ଡାଲାଦିକପ୍ରାପ୍ୟଦ୍ଵାରକାନିଧିକୋଟିକୃତ୍ ॥ ୧୪୭ ॥
ଅକ୍ରୂରୋଦ୍ଭଵମୁଖ୍ୟୈକଭକ୍ତସ୍ଵଚ୍ଛନ୍ଦମୁକ୍ତିଦଃ ।
ସବାଲସ୍ତ୍ରୀଜଲକ୍ରୀଡୋଽମୃତଵାପୀକୃତାର୍ଣଵଃ ॥ ୧୪୮ ॥
ବ୍ରହ୍ମାସ୍ତ୍ରଦଗ୍ଧଗର୍ଭସ୍ଥପରୀକ୍ଷିଜ୍ଜୀଵନୈକକୃତ୍ ।
ପରିଲୀନଦ୍ଵିଜସୁତାନେତାଽର୍ଜୁନମଦାପହଃ ॥ ୧୪୯ ॥
ଗୂଢମୁଦ୍ରାକୃତିଗ୍ରସ୍ତଭୀଷ୍ମାଦ୍ୟଖିଲଗୌରଵଃ ।
ପାର୍ଥାର୍ଥଖଣ୍ଡିତାଶେଷଦିଵ୍ୟାସ୍ତ୍ରଃ ପାର୍ଥମୋହହୃତ୍ ॥ ୧୫୦ ॥
ଗର୍ଭଶାପଚ୍ଛଲଧ୍ଵସ୍ତୟାଦଵୋର୍ଵୀଭୟାପହଃ ।
ଜରାଵ୍ୟାଧାରିଗତିଦଃ ସ୍ମୃତିମାତ୍ରାଖିଲେଷ୍ଟଦଃ ॥ ୧୫୧ ॥
କାମଦେଵୋ ରତିପତିର୍ମନ୍ମଥଃ ଶମ୍ବରାନ୍ତକଃ ।
ଅନଙ୍ଗୋ ଜିତଗୌରୀଶୋ ରତିକାନ୍ତଃ ସଦେପ୍ସିତଃ ॥ ୧୫୨ ॥
ପୁଷ୍ପେଷୁର୍ଵିଶ୍ଵଵିଜୟୀ ସ୍ମରଃ କାମେଶ୍ଵରୀପତିଃ ।
ଉଷାପତିର୍ଵିଶ୍ଵକେତୁର୍ଵିଶ୍ଵତୃପ୍ତୋଽଧିପୂରୁଷଃ ॥ ୧୫୩ ॥
ଚତୁରାତ୍ମା ଚତୁର୍ଵ୍ୟୂହଶ୍ଚତୁର୍ୟୁଗଵିଧାୟକଃ ।
ଚତୁର୍ଵେଦୈକଵିଶ୍ଵାତ୍ମା ସର୍ଵୋତ୍କୃଷ୍ଟାଂଶକୋଟିକଃ ॥ ୧୫୪ ॥
ଆଶ୍ରୟାତ୍ମା ପୁରାଣର୍ଷିର୍ଵ୍ୟାସଃ ଶାଖାସହସ୍ରକୃତ୍ ।
ମହାଭାରତନିର୍ମାତା କଵୀନ୍ଦ୍ରୋ ବାଦରାୟଣଃ ॥ ୧୫୫ ॥
କୃଷ୍ଣଦ୍ଵୈପାୟନଃ ସର୍ଵପୁରୁଷାର୍ଥୈକବୋଧକଃ ।
ଵେଦାନ୍ତକର୍ତା ବ୍ରହ୍ମୈକଵ୍ୟଞ୍ଜକଃ ପୁରୁଵଂଶକୃତ୍ ॥ ୧୫୬ ॥
ବୁଦ୍ଧୋ ଧ୍ୟାନଜିତାଶେଷଦେଵଦେଵୋ ଜଗତ୍ପ୍ରିୟଃ ।
ନିରାୟୁଧୋ ଜଗଜ୍ଜୈତ୍ରଃ ଶ୍ରୀଧରୋ ଦୁଷ୍ଟମୋହନଃ ॥ ୧୫୭ ॥
ଦୈତ୍ୟଵେଦବହିଃକର୍ତା ଵେଦାର୍ଥଶ୍ରୁତିଗୋପକଃ ।
ଶୌଦ୍ଧୋଦନିର୍ଦୃଷ୍ଟଦିଷ୍ଟଃ ସୁଖଦଃ ସଦସସ୍ପତିଃ ॥ ୧୫୮ ॥
ୟଥାୟୋଗ୍ୟାଖିଲକୃପଃ ସର୍ଵଶୂନ୍ୟୋଽଖିଲେଷ୍ଟଦଃ ।
ଚତୁଷ୍କୋଟିପୃଥକ୍ତତ୍ତ୍ଵଂ ପ୍ରଜ୍ଞାପାରମିତେଶ୍ଵରଃ ॥ ୧୫୯ ॥
ପାଖଣ୍ଡଵେଦମାର୍ଗେଶଃ ପାଖଣ୍ଡଶ୍ରୁତିଗୋପକଃ ।
କଲ୍କୀ ଵିଷ୍ଣୁୟଶଃପୂତ୍ରଃ କଲିକାଲଵିଲୋପକଃ ॥ ୧୬୦ ॥
ସମସ୍ତମ୍ଲେଚ୍ଛଦୁଷ୍ଟଘ୍ନଃ ସର୍ଵଶିଷ୍ଟଦ୍ଵିଜାତିକୃତ୍ ।
ସତ୍ୟପ୍ରଵର୍ତ୍ତକୋ ଦେଵଦ୍ଵିଜଦୀର୍ଘକ୍ଷୁଧାପହଃ ॥ ୧୬୧ ॥
ଅଶ୍ଵଵାରାଦିରେଵାନ୍ତଃ ପୃଥ୍ଵୀଦୁର୍ଗତିନାଶନଃ ।
ସଦ୍ୟଃ କ୍ଷ୍ମାନନ୍ତଲକ୍ଷ୍ମୀକୃତ୍ ନଷ୍ଟନିଃଶେଷଧର୍ମଵିତ୍ ॥ ୧୬୨ ॥
ଅନନ୍ତସ୍ଵର୍ଗୟାଗୈକହେମପୂର୍ଣାଖିଲଦ୍ଵିଜଃ ।
ଅସାଧ୍ୟୈକଜଗଚ୍ଛାସ୍ତା ଵିଶ୍ଵଵନ୍ଦ୍ୟୋ ଜୟଧ୍ଵଜଃ ॥ ୧୬୩ ॥
ଆତ୍ମତତ୍ତ୍ଵାଧିପଃ କର୍ତୃଶ୍ରେଷ୍ଠୋ ଵିଧିରୁମାପତିଃ ।
ଭର୍ତୃଶ୍ରେଷ୍ଠଃ ପ୍ରଜେଶାଗ୍ର୍ୟୋ ମରୀଚିଜନକାଗ୍ରଣୀଃ ॥ ୧୬୪ ॥
କଶ୍ୟପୋ ଦେଵରାଜେନ୍ଦ୍ରଃ ପ୍ରହ୍ଲାଦୋ ଦୈତ୍ୟରାଟ୍ ଶଶୀ ।
ନକ୍ଷତ୍ରେଶୋ ରଵିସ୍ତେଜଃଶ୍ରେଷ୍ଠଃ ଶୁକ୍ରଃ କଵୀଶ୍ଵରଃ ॥ ୧୬୫ ॥
ମହର୍ଷିରାଡ୍ ଭୃଗୁର୍ଵିଷ୍ଣୁରାଦିତ୍ୟେଶୋ ବଲିଃ ସ୍ଵରାଟ୍ ।
ଵାୟୁର୍ଵହ୍ନିଃ ଶୁଚିଶ୍ରେଷ୍ଠଃ ଶଙ୍କରୋ ରୁଦ୍ରରାଡ୍ ଗୁରୁଃ ॥ ୧୬୬ ॥
ଵିଦ୍ଵତ୍ତମଶ୍ଚିତ୍ରରଥୋ ଗନ୍ଧର୍ଵାଗ୍ର୍ୟୋଽକ୍ଷରୋତ୍ତମଃ ।
ଵର୍ଣାଦିରଗ୍ର୍ୟଃ ସ୍ତ୍ରୀ ଗୌରୀ ଶକ୍ତ୍ୟାଗ୍ର୍ୟଃ ଶ୍ରୀଶ୍ଚ ନାରଦଃ ॥ ୧୬୭ ॥
ଦେଵର୍ଷିରାଟ୍ ପାଣ୍ଡଵାଗ୍ର୍ୟୋଽର୍ଜୁନୋ ଵାଦପ୍ରଵାଦରାଟ୍ ।
ପଵନଃ ପଵନେଶାନୋ ଵରୁଣୋ ୟାଦସାଂ ପତିଃ ॥ ୧୬୮ ॥
ଗଙ୍ଗାତୀର୍ଥୋତ୍ତମୋଦ୍ଭୂତଂ ଛତ୍ରକାଗ୍ର୍ୟଵରୌଷଧମ୍ ।
ଅନ୍ନଂ ସୁଦର୍ଶନାସ୍ତ୍ରାଗ୍ର୍ୟଂ ଵଜ୍ରଂ ପ୍ରହରଣୋତ୍ତମମ୍ ॥ ୧୬୯ ॥
ଉଚ୍ଚୈଃଶ୍ରଵା ଵାଜିରାଜଃ ଐରାଵତ ଇଭେଶ୍ଵରଃ ।
ଅରୁନ୍ଧତ୍ୟେକପତ୍ନୀଶୋ ହ୍ୟଶ୍ଵତ୍ଥୋଽଶେଷଵୃକ୍ଷରାଟ୍ ॥ ୧୭୦ ॥
ଅଧ୍ୟାତ୍ମଵିଦ୍ୟା ଵିଦ୍ୟାଗ୍ର୍ୟଃ ପ୍ରଣଵଶ୍ଛନ୍ଦସାଂ ଵରଃ ।
ମେରୁର୍ଗିରିପତିର୍ମାର୍ଗୋ ମାସାଗ୍ର୍ୟଃ କାଲସତ୍ତମଃ ॥ ୧୭୧ ॥
ଦିନାଦ୍ୟାତ୍ମା ପୂର୍ଵସିଦ୍ଧିଃ କପିଲଃ ସାମଵେଦରାଟ୍ ।
ତାର୍କ୍ଷ୍ୟଃ ଖଗେନ୍ଦ୍ରୋ ଋତ୍ଵଗ୍ର୍ୟୋ ଵସନ୍ତଃ କଲ୍ପପାଦପଃ ॥ ୧୭୨ ॥
ଦାତୃଶ୍ରେଷ୍ଠଃ କାମଧେନୁରାର୍ତିଘ୍ନାଗ୍ର୍ୟଃ ସୁହୃତ୍ତମଃ ।
ଚିନ୍ତାମଣିର୍ଗୁରୁଶ୍ରେଷ୍ଠୋ ମାତା ହିତତମଃ ପିତା ॥ ୧୭୩ ॥
ସିଂହୋ ମୃଗେନ୍ଦ୍ରୋ ନାଗେନ୍ଦ୍ରୋ ଵାସୁକିର୍ନୃଵରୋ ନୃପଃ ।
ଵର୍ଣେଶୋ ବ୍ରାହ୍ମଣଶ୍ଚେତଃ କରଣାଗ୍ର୍ୟୋ ନମୋ ନମଃ ॥ ୧୭୪ ॥
ଇତ୍ୟେତଦ୍ଵାସୁଦେଵସ୍ୟ ଵିଷ୍ଣୋର୍ନାମସହସ୍ରକମ୍ ।
ସର୍ଵାପରାଧଶମନଂ ପରଂ ଭକ୍ତିଵିଵର୍ଦ୍ଧନମ୍ ॥ ୧୭୫ ॥
ଅକ୍ଷୟବ୍ରହ୍ମଲୋକାଦିସର୍ଵାର୍ଥାପ୍ୟେକସାଧନମ୍ ।
ଵିଷ୍ଣୁଲୋକୈକସୋପାନଂ ସର୍ଵଦୁଃଖଵିନାଶନମ୍ ॥ ୧୭୬ ॥
ସମସ୍ତସୁଖଦଂ ସଦ୍ୟଃ ପରନିର୍ଵାଣଦାୟକମ୍ ।
କାମକ୍ରୋଧାଦି ନିଃଶେଷମନୋମଲଵିଶୋଧନମ୍ ॥ ୧୭୭ ॥
ଶାନ୍ତିଦଂ ପାଵନଂ ନୄଣାଂ ମହାପାତାକିନାମପି ।
ସର୍ଵେଷାଂ ପ୍ରାଣିନାମାଶୁ ସର୍ଵାଭୀଷ୍ଟଫଲପ୍ରଦମ୍ ॥ ୧୭୮ ॥
ସମସ୍ତଵିଘ୍ନଶମନଂ ସର୍ଵାରିଷ୍ଟଵିନାଶନମ୍ ।
ଘୋରଦୁଃଖପ୍ରଶମନଂ ତୀଵ୍ରଦାରିଦ୍ର୍ୟନାଶନମ୍ ॥ ୧୭୯ ॥
ଋଣତ୍ରୟାପହଂ ଗୁହ୍ୟଂ ଧନଧାନ୍ୟୟଶସ୍କରମ୍ ।
ସର୍ଵୈଶ୍ଵର୍ୟପ୍ରଦଂ ସର୍ଵସିଦ୍ଧିଦଂ ସର୍ଵଧର୍ମଦମ୍ ॥ ୧୮୦ ॥
ତୀର୍ଥୟଜ୍ଞତପୋଦାନଵ୍ରତକୋଟିଫଲପ୍ରଦମ୍ ।
ଜଗଜ୍ଜାଡ୍ୟପ୍ରଶମନଂ ସର୍ଵଵିଦ୍ୟାପ୍ରଵର୍ତ୍ତକମ୍ ॥ ୧୮୧ ॥
ରାଜ୍ୟଦଂ ଭ୍ରଷ୍ଟରାଜ୍ୟାନାଂ ରୋଗିଣାଂ ସର୍ଵରୋଗହୃତ୍ ।
ଵନ୍ଧ୍ୟାନାଂ ସୁତଦଂ ଚାୟୁଃକ୍ଷୀଣାନାଂ ଜୀଵିତପ୍ରଦମ୍ ॥ ୧୮୨ ॥
ଭୂତଗ୍ରହଵିଷଧ୍ଵଂସି ଗ୍ରହପୀଡାଵିନାଶନମ୍ ।
ମଙ୍ଗଲ୍ୟଂ ପୁଣ୍ୟମାପୁଷ୍ପଂ ଶ୍ରଵଣାତ୍ ପଠନାଜ୍ଜପାତ୍ ॥ ୧୮୩ ॥
ନାସ୍ତି ଵିଷ୍ଣୋଃ ପରଂ ଧାମ ନାସ୍ତି ଵିଷ୍ଣୋଃ ପରନ୍ତପଃ ।
ନାସ୍ତି ଵିଷ୍ଣୋ ପରୋ ଧର୍ମୋ ନାସ୍ତି ମନ୍ତ୍ରୋ ହ୍ୟଵୈଷ୍ଣଵଃ ॥ ୧୮୪ ॥
ନାସ୍ତି ଵିଷ୍ଣୋଃ ପରଂ ଧ୍ୟାନଂ ନାସ୍ତି ଵିଷ୍ଣୋଃ ପରା ଗତିଃ ।
ସର୍ଵତୀର୍ଥମୟୋ ଵିଷ୍ଣୁଃ ସର୍ଵଶାସ୍ତ୍ରମୟଃ ପ୍ରଭୁଃ ।
ସର୍ଵକ୍ରତୁମୟୋ ଵିଷ୍ଣୁଃ ସତ୍ୟଂ ସତ୍ୟଂ ଵଦାମ୍ୟହମ୍ ॥ ୧୮୫ ॥
ପାର୍ଵତ୍ୟୁଵାଚ
ଧନ୍ୟାସ୍ମ୍ୟନୁଗୃହିତାସ୍ମି କୃତାର୍ଥାସ୍ମି ଜଗତ୍ପତେ ।
ୟନ୍ମୟେଦଂ ଶ୍ରୁତଂ ସ୍ତୋତ୍ରଂ ତ୍ଵଦ୍ରହସ୍ୟଂ ସୁଦୁର୍ଲଭମ୍ ॥ ୧୮୬ ॥
କାମାଦ୍ୟାସକ୍ତଚିତ୍ତତ୍ଵାତ୍କିଂ ତୁ ସର୍ଵେଶ୍ଵର ପ୍ରଭୋ ।
ତ୍ଵନ୍ମୟତ୍ଵାତ୍ପ୍ରମାଦାଦ୍ଵା ଶକ୍ନୋମି ପଠିତୁଂ ନ ଚେତ୍ ॥ ୧୮୭ ॥
ଵିଷ୍ଣୋଃ ସହସ୍ରନାମୈତତ୍ ପ୍ରତ୍ୟହଂ ଵୃଷଭଧ୍ଵଜ ।
ନାମ୍ନୈକେନ ତୁ ୟେନ ସ୍ୟାତ୍ତତ୍ଫଲଂ ବ୍ରୂହି ମେ ପ୍ରଭୋ ॥ ୧୮୮ ॥
ମହାଦେଵ ଉଵାଚ
ରାମ ରାମେତି ରାମେତି ରମେ ରାମେ ମନୋରମେ ।
ସହସ୍ରନାମ ତତ୍ତୁଲ୍ୟଂ ରାମନାମ ଵରାନନେ ॥ ୧୮୯ ॥
॥ ଇତି ଶ୍ରୀପଦ୍ମପୁରାଣେ ଉତ୍ତରଖଣ୍ଡେ ପାର୍ଵତୀଶିଵସଂଵାଦେ
ଶ୍ରୀଵିଷ୍ଣୋର୍ନାମସହସ୍ରଂ ଚ ଵାସୁଦେଵସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
1000 Names of Sri Vishnu » Vasudeva Sahasranama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil