॥ Hanumath Bhujanga Stotram Bengali Lyrics ॥
প্রপন্নানুরাগং প্রভাকাঞ্চনাভং
জগদ্ভীতিশৌর্যং তুষারাদ্রিধৈর্যম্ ।
তৃণীভূতহেতিং রণোদ্যদ্বিভূতিং
ভজে বায়ুপুত্রং পবিত্রাপ্তমিত্রম্ ॥ ১ ॥
ভজে পাবনং ভাবনানিত্যবাসং
ভজে বালভানু প্রভাচারুভাসম্ ।
ভজে চন্দ্রিকাকুন্দ মন্দারহাসং
ভজে সন্ততং রামভূপাল দাসম্ ॥ ২ ॥
ভজে লক্ষ্মণপ্রাণরক্ষাতিদক্ষং
ভজে তোষিতানেক গীর্বাণপক্ষম্ ।
ভজে ঘোরসঙ্গ্রাম সীমাহতাক্ষং
ভজে রামনামাতি সম্প্রাপ্তরক্ষম্ ॥ ৩ ॥
কৃতাভীলনাদং ক্ষিতিক্ষিপ্তপাদং
ঘনক্রান্ত ভৃঙ্গং কটিস্থোরু জঙ্ঘম্ ।
বিয়দ্ব্যাপ্তকেশং ভুজাশ্লেষিতাশ্মং
জয়শ্রী সমেতং ভজে রামদূতম্ ॥ ৪ ॥
চলদ্বালঘাতং ভ্রমচ্চক্রবালং
কঠোরাট্টহাসং প্রভিন্নাব্জজাণ্ডম্ ।
মহাসিংহনাদা দ্বিশীর্ণত্রিলোকং
ভজে চাঞ্জনেয়ং প্রভুং বজ্রকায়ম্ ॥ ৫ ॥
রণে ভীষণে মেঘনাদে সনাদে
সরোষে সমারোপিতে মিত্রমুখ্যে ।
খগানাং ঘনানাং সুরাণাং চ মার্গে
নটন্তং বহন্তং হনূমন্ত মীডে ॥ ৬ ॥
কনদ্রত্ন জম্ভারি দম্ভোলিধারং
কনদ্দন্ত নির্ধূতকালোগ্র দন্তম্ ।
পদাঘাতভীতাব্ধি ভূতাদিবাসং
রণক্ষোণিদক্ষং ভজে পিঙ্গলাক্ষম্ ॥ ৭ ॥
মহাগর্ভপীডাং মহোত্পাতপীডাং
মহারোগপীডাং মহাতীব্রপীডাম্ ।
হরত্যাশু তে পাদপদ্মানুরক্তো
নমস্তে কপিশ্রেষ্ঠ রামপ্রিয়োয়ঃ ॥ ৮ ॥
সুধাসিন্ধুমুল্লঙ্ঘ্য নাথোগ্র দীপ্তঃ
সুধাচৌষদীস্তাঃ প্রগুপ্তপ্রভাবম্ ।
ক্ষণদ্রোণশৈলস্য সারেণ সেতুং
বিনা ভূঃস্বয়ং কস্সমর্থঃ কপীন্দ্রঃ ॥ ৯ ॥
নিরাতঙ্কমাবিশ্য লঙ্কাং বিশঙ্কো
ভবানেন সীতাতিশোকাপহারী ।
সমুদ্রান্তরঙ্গাদি রৌদ্রং বিনিদ্রং
বিলঙ্ঘ্যোরু জঙ্ঘস্তুতাঽমর্ত্যসঙ্ঘঃ ॥ ১০ ॥
রমানাথ রামঃ ক্ষমানাথ রামঃ
অশোকেন শোকং বিহায় প্রহর্ষম্ ।
বনান্তর্ঘনং জীবনং দানবানাং
বিপাট্য প্রহর্ষাত্ হনূমত্ ত্বমেব ॥ ১১ ॥
জরাভারতো ভূরিপীডাং শরীরে
নিরাধারণারূঢ গাঢ প্রতাপে ।
ভবত্পাদভক্তিং ভবদ্ভক্তিরক্তিং
কুরু শ্রীহনূমত্প্রভো মে দয়ালো ॥ ১২ ॥
মহায়োগিনো ব্রহ্মরুদ্রাদয়ো বা
ন জানন্তি তত্ত্বং নিজং রাঘবস্য ।
কথং জ্ঞায়তে মাদৃশে নিত্যমেব
প্রসীদ প্রভো বানরেন্দ্রো নমস্তে ॥ ১৩ ॥
নমস্তে মহাসত্ত্ববাহায় তুভ্যং
নমস্তে মহাবজ্র দেহায় তুভ্যম্ ।
নমস্তে পরীভূত সূর্যায় তুভ্যং
নমস্তে কৃতমর্ত্য কার্যায় তুভ্যম্ ॥ ১৪ ॥
নমস্তে সদা ব্রহ্মচর্যায় তুভ্যং
নমস্তে সদা বায়ুপুত্রায় তুভ্যম্ ।
নমস্তে সদা পিঙ্গলাক্ষায় তুভ্যং
নমস্তে সদা রামভক্তায় তুভ্যম্ ॥ ১৫ ॥
॥ ফলশ্রুতিঃ ॥
হনুমদ্ভুজঙ্গপ্রয়াতং প্রভাতে
প্রদোষেঽপি বা চার্ধরাত্রেঽপ্যমর্ত্যঃ ।
পঠন্নশ্নতোঽপি প্রমুক্তাঘজালং
সদা সর্বদা রামভক্তিং প্রিয়াতি ॥ ১৬ ॥
– Chant Stotras in other Languages –
Sri Anjaneya Stotram » Hanumath Bhujanga Stotram Lyrics in Sanskrit » English » Kannada » Malayalam » Telugu » Tamil