॥ Sri Krishna Namashtakam Odia Lyrics ॥
ନିଖିଲଶ୍ରୁତିମୌଲିରତ୍ନମାଲା
ଦ୍ୟୁତିନୀରାଜିତପାଦପଙ୍କଜାନ୍ତ ।
ଅୟି ମୁକ୍ତକୁଲୈରୁପାସ୍ୟମାନଂ
ପରିତସ୍ତ୍ଵାଂ ହରିନାମ ସଂଶ୍ରୟାମି ॥ ୧ ॥
ଜୟ ନାମଧେୟ ମୁନିଵୃନ୍ଦଗେୟ ହେ
ଜନରଞ୍ଜନାୟ ପରମାକ୍ଷରାକୃତେ ।
ତ୍ଵମନାଦରାଦପି ମନାଗ୍ ଉଦୀରିତଂ
ନିଖିଲୋଗ୍ରତାପପଟଲୀଂ ଵିଲୁମ୍ପସି ॥ ୨ ॥
ୟଦାଭାସୋଽପ୍ୟୁଦ୍ୟନ୍ କଵଲିତଭଵଧ୍ଵାନ୍ତଵିଭଵୋ
ଦୃଶଂ ତତ୍ତ୍ଵାନ୍ଧାନାମପି ଦିଶତି ଭକ୍ତିପ୍ରଣୟିନୀମ୍ ।
ଜନସ୍ତସ୍ୟୋଦାତ୍ତଂ ଜଗତି ଭଗଵନ୍ନାମତରଣେ
କୃତୀ ତେ ନିର୍ଵକ୍ତୁଂ କ ଇହ ମହିମାନଂ ପ୍ରଭଵତି ॥ ୩ ॥
ୟଦ୍ ବ୍ରହ୍ମସାକ୍ଷାତ୍କୃତିନିଷ୍ଠୟାପି
ଵିନାଶମାୟାତି ଵିନା ନ ଭୋଗୈଃ ।
ଅପୈତି ନାମ ସ୍ଫୁରଣେନ ତତ୍ ତେ
ପ୍ରାରବ୍ଧକର୍ମେତି ଵିରୌତି ଵେଦଃ ॥ ୪ ॥
ଅଘଦମନୟଶୋଦାନନ୍ଦନୌ ନନ୍ଦସୂନୋ
କମଲନୟନଗୋପୀଚନ୍ଦ୍ରଵୃନ୍ଦାଵନେନ୍ଦ୍ରାଃ ।
ପ୍ରଣତକରୁଣକୃଷ୍ଣାଵିତ୍ୟନେକସ୍ଵରୂପେ
ତ୍ଵୟି ମମ ରତିରୁଚ୍ଚୈର୍ଵର୍ଧତାଂ ନାମଧେୟ ॥ ୫ ॥
ଵାଚ୍ୟୋ ଵାଚକମିତ୍ୟୁଦେତି ଭଵତୋ ନାମ ସ୍ଵରୂପଦ୍ଵୟଂ
ପୂର୍ଵସ୍ମାତ୍ ପରମେଵ ହନ୍ତ କରୁଣା ତତ୍ରାପି ଜାନୀମହେ ।
ୟସ୍ତସ୍ମିନ୍ ଵିହିତାପରାଧନିଵହଃ ପ୍ରାଣୀ ସମନ୍ତାଦ୍ ଭଵେଦ୍
ଆସ୍ୟେନେଦମୁପାସ୍ୟ ସୋଽପି ହି ସଦାନନ୍ଦାମ୍ବୁଧୌ ମଜ୍ଜତି ॥ ୬ ॥
ସୂଦିତାଶ୍ରିତଜନାର୍ତିରାଶୟେ
ରମ୍ୟଚିଦ୍ଘନସୁଖସ୍ଵରୂପିଣେ ।
ନାମ ଗୋକୁଲମହୋତ୍ସଵାୟ ତେ
କୃଷ୍ଣପୂର୍ଣଵପୁଷେ ନମୋ ନମଃ ॥ ୭ ॥
ନାରଦଵୀଣୋଜ୍ଜୀଵନସୁଧୋର୍ମିନିର୍ୟାସମାଧୁରୀପୂର ।
ତ୍ଵଂ କୃଷ୍ଣନାମ କାମଂ ସ୍ଫୁର ମେ ରସନେ ରସେନ ସଦା ॥ ୮ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀନାମାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Krishna Mantra » Sri Krishna Namashtakam Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil