॥ Ganga Ashtakam Odia Lyrics ॥
॥ ଗଙ୍ଗାଷ୍ଟକମ୍ ॥
ନ ଶକ୍ତାସ୍ତ୍ଵାଂ ସ୍ତୋତୁଂ ଵିଧିହରିହରା ଜହ୍ନତନୟେ
ଗୁଣୋତ୍କର୍ଷାଖ୍ୟାନଂ ତ୍ଵୟି ନ ଘଟତେ ନିର୍ଗୁଣପଦେ ।
ଅତସ୍ତେ ସଂସ୍ତୁତ୍ୟୈ କୃତମତିରହଂ ଦେଵି ସୁଧିୟାଂ
ଵିନିନ୍ଦ୍ୟୋ ୟଦ୍ଵେଦାଶ୍ଚକିତମଭିଗାୟନ୍ତି ଭଵତୀମ୍ ॥ ୧ ॥
ତଥାଽପି ତ୍ଵାଂ ପାପଃ ପତିତଜନତୋଦ୍ଧାରନିପୁଣେ
ପ୍ରଵୃତ୍ତୋଽହଂ ସ୍ତୋତୁଂ ପ୍ରକୃତିଚଲୟା ବାଲକଧିୟା ।
ଅତୋ ଦୃଷ୍ଟୋତ୍ସାହେ ଭଵତି ଭଵଭାରୈକଦହନେ
ମୟି ସ୍ତୁତ୍ୟେ ଗଙ୍ଗେ କୁରୁ ପରକୃପାଂ ପର୍ଵତସୁତେ ॥ ୨ ॥
ନ ସଂସାରେ ତାଵତ୍କଲୁଷମିହ ୟାଵତ୍ତଵ ପୟୋ
ଦହତ୍ୟାର୍ୟେ ସଦ୍ୟୋ ଦହନ ଇଵ ଶୁଷ୍କଂ ତୃଣଚୟମ୍ ।
ପଲାୟନ୍ତେ ଦୃଷ୍ଟ୍ଵା ତଵ ପରିଚରାନନ୍ତକଜନା
ୟଥା ଵନ୍ୟା ଵାଽନ୍ୟେ ଵନପତିଭୟାଦ୍ ଵାମନମୃଗାଃ ॥ ୩ ॥
ଜନା ୟେ ତେ ମାତର୍ନିଧନସମୟେ ତୋୟକଣିକାଂ
ମୁଖେ କୃତ୍ଵା ପ୍ରାଣାଞ୍ଜହତି ସୁରସଙ୍ଘୈରନୁଵୃତା ।
ଵିମାନେ କ୍ରୀଡନ୍ତୋଽମରପତିପଦଂ ୟାନ୍ତି ନିୟତଂ
କଥା ତେଷାଂ କା ଵା ଜନନି ତଵ ତୀରେ ନିଵସତାମ୍ ॥ ୪ ॥
ଶିଵଃ ସର୍ଵାରାଧ୍ୟୋ ଜନନି ଵିଷତାପୋପଶମନଂ
ଚରୀକର୍ତୁଂ ଗଙ୍ଗେ କଲିକଲୁଷଭଙ୍ଗେ ପଶୁପତିଃ ।
ଜଟାୟାଂ ସନ୍ଧତ୍ତ ଲଲିତଲହରୀଂ ତ୍ଵାଂ ସୁରନଦୀ
ତ୍ଵଦନ୍ୟା କା ଵନ୍ଦ୍ୟା ପରମମହିତା ଵା ତ୍ରିଭୁଵନେ ॥ ୫ ॥
ଜନସ୍ତାଵନ୍ମାତର୍ଦୁରିତଭୟତୋ ବିଭ୍ୟତି ସୃତୌ
ନ ୟାଵତ୍ତ୍ଵତ୍ତୀରଂ ନୟନପଥମାୟାତି ଵିମଲମ୍ ।
ୟଦାପ୍ତଂ ତ୍ଵତ୍ତୀରଂ ତଦନୁ ଦୁରିତାନାଂ ନ ଗଣନା
ତତୋ ଗଙ୍ଗେ! ଵନ୍ଦ୍ୟା ମୁନିସମୁଦୟାସ୍ତ୍ଵାଂ ନ ଜହତି ॥ ୬ ॥
ନମାମି ତ୍ଵାଂ ଗଙ୍ଗେ ଶ୍ରୁତିଵନଵିହାରୈକନିପୁଣେ
ଜଗନ୍ମାତର୍ମାତସ୍ତ୍ରିପୁରହରସେଵ୍ୟେ ଵିଧିନୁତେ ।
ତ୍ଵମେଵାଦ୍ୟା ଦୁର୍ଗା ଜନହିତକୃତେ ତ୍ଵଂ ଦ୍ରଵମୟୀ
ସ୍ଵୟଂ ଜାତା ଦେଵି ତ୍ଵମସି ପରମଂ ବ୍ରହ୍ମ ଵିଦିତମ୍ ॥ ୭ ॥
କଦା ଗଙ୍ଗେ ରମ୍ୟେ ତଟମଧିଵସସ୍ତେ ଶିଵନୁତେ
ଶିଵେ ଦୁର୍ଗେ ମାତଃ ସକଲଫଲଦେ ଦେଵଦୟିତେ ।
ପରେଶେ ସର୍ଵେଶେ ଶ୍ରୁତିଶତନୁତେ ଦକ୍ଷତନୟେ
ସଦାଽହଂ ସଞ୍ଜଲ୍ପନ୍ନିମିଷମିଵ ନେଷ୍ୟାମି ଦିଵସାନ୍ ॥ ୮ ॥
ଗଙ୍ଗାଷ୍ଟକମିଦଂ ପୁଣ୍ୟଂ ପ୍ରଭାତେ ୟଃ ପଠେଚ୍ଛୁଚିଃ ।
ସର୍ଵାଭୀଷ୍ଟଂ ତତସ୍ତସ୍ମୈ ଦଦାତି ସୁରନିମ୍ନଗା ॥ ୯ ॥
ଇତି ସ୍ଵାମି-ଶ୍ରୀମଦନନ୍ତାନନ୍ଦସରସ୍ଵତୀଵିରଚିତଂ ଗଙ୍ଗାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Ganga Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil