॥ Ganga Ashtakam Bengali Lyrics ॥
॥ গঙ্গাষ্টকম্ ॥
ন শক্তাস্ত্বাং স্তোতুং বিধিহরিহরা জহ্নতনয়ে
গুণোত্কর্ষাখ্যানং ত্বয়ি ন ঘটতে নির্গুণপদে ।
অতস্তে সংস্তুত্যৈ কৃতমতিরহং দেবি সুধিয়াং
বিনিন্দ্যো য়দ্বেদাশ্চকিতমভিগায়ন্তি ভবতীম্ ॥ ১ ॥
তথাঽপি ত্বাং পাপঃ পতিতজনতোদ্ধারনিপুণে
প্রবৃত্তোঽহং স্তোতুং প্রকৃতিচলয়া বালকধিয়া ।
অতো দৃষ্টোত্সাহে ভবতি ভবভারৈকদহনে
ময়ি স্তুত্যে গঙ্গে কুরু পরকৃপাং পর্বতসুতে ॥ ২ ॥
ন সংসারে তাবত্কলুষমিহ য়াবত্তব পয়ো
দহত্যার্যে সদ্যো দহন ইব শুষ্কং তৃণচয়ম্ ।
পলায়ন্তে দৃষ্ট্বা তব পরিচরানন্তকজনা
য়থা বন্যা বাঽন্যে বনপতিভয়াদ্ বামনমৃগাঃ ॥ ৩ ॥
জনা য়ে তে মাতর্নিধনসময়ে তোয়কণিকাং
মুখে কৃত্বা প্রাণাঞ্জহতি সুরসঙ্ঘৈরনুবৃতা ।
বিমানে ক্রীডন্তোঽমরপতিপদং য়ান্তি নিয়তং
কথা তেষাং কা বা জননি তব তীরে নিবসতাম্ ॥ ৪ ॥
শিবঃ সর্বারাধ্যো জননি বিষতাপোপশমনং
চরীকর্তুং গঙ্গে কলিকলুষভঙ্গে পশুপতিঃ ।
জটায়াং সন্ধত্ত ললিতলহরীং ত্বাং সুরনদী
ত্বদন্যা কা বন্দ্যা পরমমহিতা বা ত্রিভুবনে ॥ ৫ ॥
জনস্তাবন্মাতর্দুরিতভয়তো বিভ্যতি সৃতৌ
ন য়াবত্ত্বত্তীরং নয়নপথমায়াতি বিমলম্ ।
য়দাপ্তং ত্বত্তীরং তদনু দুরিতানাং ন গণনা
ততো গঙ্গে! বন্দ্যা মুনিসমুদয়াস্ত্বাং ন জহতি ॥ ৬ ॥
নমামি ত্বাং গঙ্গে শ্রুতিবনবিহারৈকনিপুণে
জগন্মাতর্মাতস্ত্রিপুরহরসেব্যে বিধিনুতে ।
ত্বমেবাদ্যা দুর্গা জনহিতকৃতে ত্বং দ্রবময়ী
স্বয়ং জাতা দেবি ত্বমসি পরমং ব্রহ্ম বিদিতম্ ॥ ৭ ॥
কদা গঙ্গে রম্যে তটমধিবসস্তে শিবনুতে
শিবে দুর্গে মাতঃ সকলফলদে দেবদয়িতে ।
পরেশে সর্বেশে শ্রুতিশতনুতে দক্ষতনয়ে
সদাঽহং সঞ্জল্পন্নিমিষমিব নেষ্যামি দিবসান্ ॥ ৮ ॥
গঙ্গাষ্টকমিদং পুণ্যং প্রভাতে য়ঃ পঠেচ্ছুচিঃ ।
সর্বাভীষ্টং ততস্তস্মৈ দদাতি সুরনিম্নগা ॥ ৯ ॥
ইতি স্বামি-শ্রীমদনন্তানন্দসরস্বতীবিরচিতং গঙ্গাষ্টকং সম্পূর্ণম্ ।
– Chant Stotra in Other Languages –
Ganga Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil