॥ Kalidasa Gangashtakam 2 Odia Lyrics ॥
॥ ଗଙ୍ଗାଷ୍ଟକମ୍ ୨ କାଲିଦାସକୃତମ୍ ॥
ଶ୍ରୀଗଣେଶାୟ ନମଃ ॥
କତ୍ୟକ୍ଷୀଣି କରୋଟୟଃ କତି କତି ଦ୍ଵୀପିଦ୍ଵିପାନାଂ ତ୍ଵଚଃ
କାକୋଲାଃ କତି ପନ୍ନଗାଃ କତି ସୁଧାଧାମ୍ନଶ୍ଚ ଖଣ୍ଡା କତି ।
କିଂ ଚ ତ୍ଵଂ ଚ କତି ତ୍ରିଲୋକଜନନିତ୍ଵଦ୍ଵାରିପୂରୋଦରେ
ମଜ୍ଜଜ୍ଜନ୍ତୁକଦମ୍ବକଂ ସମୁଦୟତ୍ୟେକୈକମାଦାୟ ୟତ୍ ॥ ୧ ॥
ଦେଵି ତ୍ଵତ୍ପୁଲିନାଙ୍ଗଣେ ସ୍ଥିତିଜୁଷାଂ ନିର୍ମାନିନାଂ ଜ୍ଞାନିନାଂ
ସ୍ଵଲ୍ପାହାରନିବଦ୍ଧଶୁଦ୍ଧଵପୁଷାଂ ତାର୍ଣଂ ଗୃହଂ ଶ୍ରେୟସେ ।
ନାନ୍ୟତ୍ର କ୍ଷିତିମଣ୍ଡଲେଶ୍ଵରଶତୈଃ ସଂରକ୍ଷିତୋ ଭୂପତେଃ
ପ୍ରାସାଦୋ ଲଲନାଗଣୈରଧିଗତୋ ଭୋଗୀନ୍ଦ୍ରଭୋଗୋନ୍ନତଃ ॥ ୨ ॥
ତତ୍ତତ୍ତୀର୍ଥଗତୈଃ କଦର୍ଥନଶତୈଃ କିଂ ତୈରନର୍ଥାଶ୍ରିତୈ-
ର୍ଜ୍ୟୋତିଷ୍ଟୋମମୁଖୈଃ କିମୀଶଵିମୁଖୈର୍ୟଜ୍ଞୈରଵଜ୍ଞାଦ୍ଦତୈ ।
ସୂତେ କେଶଵଵାସଵାଦିଵିବୁଧାଗାରାଭିରାମାଂ ଶ୍ରିୟଂ ଗଙ୍ଗେ
ଦେଵି ଭଵତ୍ତଟେ ୟଦି କୁଟୀଵାସଃ ପ୍ରୟାସଂ ଵିନା ॥ ୩ ॥
ଗଙ୍ଗାତୀରମୁପେତ୍ୟ ଶୀତଲଶିଲାମାଲମ୍ବ୍ୟ ହେମାଚଲୀଂ
ୟୈରାକର୍ଣି କୁତୂହଲାକୁଲତୟା କଲ୍ଲୋଲକୋଲାହଲଃ ।
ତେ ଶୃଣ୍ଵନ୍ତି ସୁପର୍ଵପର୍ଵତଶିଲାସିଂହାସନାଧ୍ୟାସନାଃ
ସଙ୍ଗୀତାଗମଶୁଦ୍ଧସିଦ୍ଧରମଣୀମଂଜୀରଧୀରଧ୍ଵନିମ୍ ॥ ୪ ॥
ଦୂରଂ ଗଚ୍ଛ ସକଚ୍ଛଗଂ ଚ ଭଵତୋ ନାଲୋକୟାମୋ
ମୁଖଂ ରେ ପାରାକ ଵରାକ ସାକମିତରୈର୍ନାକପ୍ରଦୈର୍ଗମ୍ୟତାମ୍ ।
ସଦ୍ୟଃ ପ୍ରୋଦ୍ୟତମନ୍ଦମାରୁତରଜଃପ୍ରାପ୍ତା କପୋଲସ୍ଥଲେ
ଗଙ୍ଗାମ୍ଭଃକଣିକା ଵିମୁକ୍ତଗଣିକାସଙ୍ଗାୟ ସମ୍ଭାଵ୍ୟତେ ॥ ୫ ॥
ଵିଷ୍ଣୋଃ ସଙ୍ଗତିକାରିଣୀ ହରଜଟାଜୂଟାଟଵୀଚାରିଣୀ
ପ୍ରାୟଶ୍ଚିତ୍ତନିଵାରିଣୀ ଜଲକଣୈଃ ପୁଣ୍ୟୌଧଵିସ୍ତାରିଣୀ ।
ଭୂଭୃତ୍କନ୍ଦରଦାରିଣୀ ନିଜଜଲେ ମଜ୍ଜଜ୍ଜନୋତ୍ତାରିଣୀ
ଶ୍ରେୟଃ ସ୍ଵର୍ଗଵିହାରିଣୀ ଵିଜୟତେ ଗଙ୍ଗା ମନୋହାରିଣୀ ॥ ୬ ॥
ଵାଚାଲଂ ଵିକଲଂ ଖଲଂ ଶ୍ରିତମଲଂ କାମାକୁଲଂ ଵ୍ୟାକୁଲଂ
ଚାଣ୍ଡାଲଂ ତରଲଂ ନିପୀତଗରଲଂ ଦୋଷାଵିଲଂ ଚାଖିଲମ୍ ।
କୁମ୍ଭୀପାକଗତଂ ତମନ୍ତକକରାଦାକୃଷ୍ୟ କସ୍ତାରୟେନ୍-
ମାତର୍ଜହ୍ନୁନରେନ୍ଦ୍ରନନ୍ଦିନି ତଵ ସ୍ଵଲ୍ପୋଦବିନ୍ଦୁଂ ଵିନା ॥ ୭ ॥
ଶ୍ଲେଷମଶ୍ଲେଷଣୟାନଲେଽମୃତବିଲେ ଶାକାକୁଲେ ଵ୍ୟାକୁଲେ
କଣ୍ଠେ ଘର୍ଘରଘୋଷନାଦମଲିନେ କାୟେ ଚ ସମ୍ମୀଲତି ।
ୟାଂ ଧ୍ୟାୟନ୍ନ୍ପି ଭାରଭଙ୍ଗୁରତରାଂ ପ୍ରାପ୍ନୋତି ମୁକ୍ତିଂ ନରଃ
ସ୍ନାତୁଶ୍ଵେତସି ଜାହ୍ନ୍ଵୀ ନିଵସତାଂ ସଂସାରସନ୍ତାପହୃତ୍ ॥ ୮ ॥
ଇତି ଶ୍ରୀମତ୍କାଲିଦାସଵିରଚିତଂ ଗଙ୍ଗାଷ୍ଟକସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
Kalidasa Gangashtakam 2 Lyrics in Sanskrit » English » Bengali » Gujarati » Kannada » Malayalam » Telugu » Tamil